തതോ യുദ്ധപരിശ്രാന്തം സമരേ ചിന്തയാ സ്ഥിതംരാവണം ചാഗ്രതോ ദൃഷ്ട്വാ യുദ്ധായ സമുപസ്ഥിതം(1)
ദൈവതൈശ്ച സമാഗമ്യ ദ്രഷ്ടുമഭ്യാഗതോ രണം
ഉപാഗമ്യാബ്രവീദ്രാമം അഗസ്ത്യോ ഭഗവാനൃഷി:(2)
രാമ രാമ മഹാബാഹോ ശൃണു ഗുഹ്യം സനാതനം
യേന സര്‍വ്വാനരീന്‍ വത്സ സമരേ വിജയിഷ്യസി(3)
ആദിത്യ ഹൃദയം പുണ്യം സര്‍വ ശത്രുവിനാശനം.
ജയാവഹം ജപേന്നിത്യം അക്ഷയ്യം പരമം ശിവം.(4)
സര്‍വ്വ മംഗളമാംഗല്യം സര്‍വ പാപപ്രണാശനം
ചിന്താശോക പ്രശമനം ആയുര്‍വ്വര്‍ദ്ധനമുത്തമം.(5)
രശ്മിമന്തം സമുദ്യന്തം ദേവാസുര നമസ്കൃതം
പൂജയസ്വ വിവസ്വന്തം ഭാസ്കരം ഭുവനേശ്വരം(6)
സര്‍വ്വദേവാത്മകോ ഹ്യേഷ: തേജ്വസീ രശ്മിഭാവന:
ഏഷ ദേവാസുരഗണാന്‍ ലോകാന്‍ പാതി ഗഭസ്തിഭി:(7)
ഏഷ ബ്രഹ്മാ ശ്ച വിഷ്ണുംശ്ച ശിവസ്കന്ദ: പ്രജാപതി:
മഹേന്ദ്രോ ധനദ: കാലോ യമ: സോമോ ഹ്യംപാം പതി:(8)
പിതരോ വസവ: സാധ്യാ ഹ്യശ്വിനൗ മരുതോ മനു:
വായുര്‍വ്വഹ്നി: പ്രജാ പ്രാണാ ഋതുകര്‍ത്താ പ്രഭാകര:(9)
ആദിത്യ: സവിതാ സൂര്‍യ: ഖഗ: പൂഷാ ഗഭസ്തിമാന്‍
സുവര്‍ണ്ണസദൃശോ ഭാനു: ഹിരണ്ണ്യരേതാ ദിവാകര:(10)
ഹരിദശ്വ: സഹസ്രാര്‍ച്ചി: സപ്തസപ്തിര്‍മ്മരീചിമാന്‍
തിമിരോന്‌മഥന: ശംബുസ്ത്വഷ്ടാ മാര്‍ത്താണ്ഡ അംശുമാന്‍(11)
ഹിരണ്യഗര്‍ഭാ ശിശിരസ്തപനോ ഭാസ്കരോ രവി:
അഗ്നിഗര്‍ഭോ ദിതേ: പുത്ര: ശംഖ: ശിശിരനാശന:(12)
വ്യോമനാഥസ്തമോഭേദീ ഋഗ്യജുസ്സാമപാരഗ:
ഘനവൃഷ്ടിരപാം മിത്രോ വിന്ധ്യവീഥിപ്ലവംഗമ:(13)
അതപീ മണ്ഡലീ മൃത്യൂ: പിംഗള: സര്‍വ്വതാപന:
കവിര്‍വിശ്വോ മഹാതേജാ: രക്ത: സര്‍വ്വഭവോത്‌ഭവ:(14)
നക്ഷത്ര ഗ്രഹതാരാണാമധിപോ വിശ്വഭാവന:
തേജസാമപി തേജസ്വീ ദ്വാദശാത്മന്‍ നമോസ്തുതേ.(15)
നമ: പൂര്‍വായ ഗിരയേ പശ്ചിമായാദ്രേ നമ:
ജ്യോതിര്‍ഗ്ഗണാനാം പതയേ ദിനാധിപതയേ നമ:(16)
ജയായ ജയഭദ്രായ ഹര്‍യശ്വായ നമോ നമ:
നമോ നമ: സഹസ്രാംശോ ആദിത്യായ നമോ നമ:(17)
നമ ഉഗ്രായ വീരായ സാരംഗായ നമോ നമ:
നമ: പദ്മപ്രബോധായ മാര്‍ത്താണ്ഡായ നമോ നമ:(18)
ബ്രഹ്മേശാനാച്യുതേശായ സൂര്‍യായാദിത്യവര്‍ച്ചസേ
ഭാസ്വതേ സര്‍വ്വഭക്ഷായാ രൗദ്രായ വപുഷേ നമ:(19)
തമോഘ്നായ ഹിമഘ്നായ ശത്രുഘ്നായാമിതാത്മനേ
കൃതഘ്നഘ്നനായ ദേവായാ ജ്യോതിഷാം പതയേ നമ:(20)
തപ്തചാമീകരാഭായ വഹ്നയേ വിശ്വകര്‍മ്മണേ
നമസ്തമോഭിനിഘ്നായ രവയേ ലോകസാക്ഷിണേ(21)
നാശയത്യേഷ വൈ ഭൂതം തഥൈവ സൃജതി പ്രഭു:
പായത്യേഷ തപത്യേഷ വര്‍ഷത്യേഷ ഗഭസ്തിഭി:(22)
ഏഷ സുപ്തേഷു ജാഗര്‍ത്തി ഭൂതേഷു പരിനിഷ്ഠിത:
ഏഷ ഏവാഗ്നിഹോത്രം ച ഫലം ചൈവാഗ്നിഹോത്രിണാം(23)
വേദാശ്ച ക്രതവശൈ്‌ചവ ക്രതൂനാം ഫലമേവ ച
യാനി കൃത്യാനി ലോകേഷു സര്‍വ്വയേഷ രവിപ്രഭു:(24)
==================================
ഫലശ്രുതി
ഏനമാപ‍ത്സു കൃച്ഛ്രേഷു കാന്താരേഷു ഭയേഷു ച
കീര്‍ത്തയന്‍ പുരുഷ: കശ്ചിന്‍ നാവസീദതി രാഘവ
പൂജയസ്വൈനമേകാഗ്രോ ദേവദേവം ജഗത്‌ പതിം
ഏതത്‌ ത്രിഗുണിതം ജപ്ത്വാ യുദ്ധേക്ഷു വിജയിഷ്യസി
അസ്മിന്‍ ക്ഷണേ മഹാബാഹോ രാവണം ത്വം വധിഷ്യസി
ഏവമുക്ത്വാ തദാ-ഗസ്ത്യോ ജഗാമ ച യഥാഗതം
ഏതച്ഛ്രുത്വാ മഹാതേജാ നഷ്ടശോകോഭവത്തദാ
ധാരയാമാസ സുപ്രീതോ രാഘവ: പ്രയതാത്മവാന്‍
ആദിത്യം പ്രേക് ഷ്യ ജപ്ത്വാ തു പരം ഹര്‍ഷമവാപ്തവാന്‍
ത്രിരാചമ്യ ശുചിര്‍ഭൂത്വാ ധനുരാ‍ദായ വീര്യവാന്‍
രാവണം പ്രേക് ഷ്യ: ഹൃഷ്ടാത്മാ യുദ്ധായ സമുപാഗമത്‌
സര്‍വ്വയത്നേന മഹതാ വധേ തസ്യ ധൃതോ-ഭവത്‌
അഥര വിര വദന്നിരീക് ഷ്യ രാമം
മുദിതമനാ: പരമം പ്രഹൃഷ്യമാണ:
നിശിചരപതിസംക്ഷയം വിദിത്വാ
സുരഗണമധ്യഗതോ വചസ്ത്വരേതി
No comments:
Post a Comment