Rudraksha Mahima Varnanam (Kashyapa Proktham)

ഋഷികശ്യപപ്രോക്തം രുദ്രാക്ഷമഹിമാവർണനം 

(ശിവരഹസ്യാന്തർഗതേ ഭീമാഖ്യേ)

കാശ്യപ ഉവാച .

രുദ്രാക്ഷധാരണം പുണ്യം ശിവപ്രീതികരം സദാ .
പ്രസാദജനകം സാക്ഷാത് ശംഭോർനിത്യം പിനാകിനഃ .. 1..

രുദ്രനേത്രസമുദ്ഭൂതാ രുദ്രാക്ഷതരവോഽഭവൻ .
ബിന്ദവസ്ത്രൈപുരേ യുദ്ധേ മീലിതാക്ഷേണ ശംഭുനാ .. 2..

പതിതാ ഭൂതലേ വത്സ തേ ഭൂമൗ തരവോഽഭവൻ .
ദ്വാത്രിംശദക്ഷജാതീയാഃ സകണ്ടാഃ സുഷിരാവൃതാഃ .. 3..

രത്നൈഃ സ്വർണൈശ്ച ധാര്യാസ്തേ രാജതേനാഥവാ സദാ .
സൂത്രേണ ക്ഷൗമജേനാപി സർവൈർധായാ യഥാരുചി .. 11..

അശുചിർവാ ശുചിർവാപി സർവാവസ്ഥാം ഗതോഽപി വാ .
രുദ്രാക്ഷമാലാഭരണഃ പവിത്രോ നാത്ര സംശയഃ .. 12..

ത്രിണേത്രപ്രിയപാത്രം സ ഇതി ശാസ്ത്രവിദാം മതം .
ഏകാനനഃ ശിവഃ സാക്ഷാത്തം ധൃത്വാ ശിവസാദ്ഭവേത് .. 13..

ദ്വിമുഖം പാർവതീ ശുംഭുസ്തം ധൃത്വാ പാപമോചിതഃ .
ത്രിമുഖം വഹ്നിരൂപാത്മാ തം ധൃത്വാഽഭക്ഷ്യ പാപഭുക്
(തം ത്രിമുഖം ധൃത്വാ അഭക്ഷ്യഭുക് പാപഭുക് ച പൂയതേ) .. 14..

ചതുർവക്ത്രസ്സ്വയം ബ്രഹ്മാ തം ധൃത്വാ ബ്രഹ്മലോകഗഃ .
പഞ്ചവക്ത്രഃ സ്വയം ശംഭുസ്തം ധൃത്വാ പഞ്ചപാതകൈഃ .. 15..

വിമുച്യതേ ക്ഷണേനൈവ സാക്ഷാത് ത്ര്യക്ഷപ്രസാദഭാക് .
ഷഡ്വക്ത്രം സ്കന്ദദൈവത്യം ധൃത്വാ സ്കന്ദസലോകഗഃ .. 16..

സപ്താനനം സ്വയം ദേവീ തം ധൃത്വാ വഹ്നിലോകഗഃ .
അഷ്ടാനനം തു രുദ്രാക്ഷമഷ്ടമൂർതേഃ പ്രിയം സദാ .. 17..

തദ്ധാരണാദഷ്ടവസുലോകേഽസൗ മോദതേ ചിരം .
നവാനനം സ്വയം ഭീമോ ഭീമപാപൈഃ പ്രമുച്യതേ .. 18..

ദശാസ്യം ച സദാ ധൃത്വാ ന യാമീം യാതി യാതനാം .
ഏകാദശാനനം രൗദ്രം തല്ലോകേ നിവസേച്ച ധൃക് .. 19..

ദ്വാദശാസ്യം സോമധാമ പ്രദോഷാഘവിനാശനം .
ത്രയോദശാസ്യം പാപഘ്നം ധൃത്വാ വിഷ്ണുപദപ്രദം .. 20..

ചതുർദശാസ്യം രുദ്രാക്ഷം ശിവജ്ഞാനപ്രദം ശുഭം .
ഏവം ചതുർദശമുഖം രുദ്രാക്ഷം ധാരയേത്ക്രമാത് .. 21..

സർവപാപൈർവിനിർമുക്തഃ പശ്ചാന്മുക്തോ ഭവിഷ്യതി .
ദ്വിജോ വാ ശ്വപചോ വാപി യോ രുദ്രാക്ഷാണി ധാരയേത് .. 22..

സ തരസ്വീ സ മൂർധന്യോ വദാന്യോ മുക്ത ഏവ ഹി .
സദാ ശിവപ്രസാദസ്യ പാത്രം നാത്ര വിചാരണാ .. 23..

മുഖം മുഖേന സംയോജ്യ ധാര്യാ രുദ്രാക്ഷമാലികാ .
നോ ചേത്സ്വതപസോ ഹാനിർഭവിഷ്യതി ശിവാജ്ഞയാ .. 24..

ദ്വാത്രിംശത്കണ്ഠസ്ഥാനേ തു ഷട് ഷട് കർണയുഗേ തഥാ .
ബാഹ്വോഃ ഷോഡശ ധാര്യാണി മണിബന്ധേ തു ദ്വാദശ .. 25..

വക്ഷസ്യഷ്ടാധികശതം ഭ്രുവോശ്ചൈകം ശിഖാസ്വപി .
ദ്വിചത്വാരിംശതിർമൂർധ്നി സംഗ്രഹോഽയം പ്രകീർതിതഃ .. 26..

സഹസ്രം ബിഭൃയാന്നിത്യം മാലാ വാ യാവതീ ഭവേത് .
കഞ്ചുകം വാ യഥാ ജോഷം മകുടം മൂർധ്നി ധാരയേത് .. 27..

സഹസ്രമധമം പ്രോക്തമിന്ദ്രലോകപ്രദായകം .
ദശസാഹസ്രധൃങ്മർത്യഃ സോമലോകമവാപ്നുയാത് .. 28..

അയുതം സൂര്യലോകസ്യ ലക്ഷം തു ബ്രഹ്മലോകഗഃ .
കോടിം ബിഭർതി യോ ദക്ഷഃ സ ച വിഷ്ണുമയോ ഭവേത് .. 29..

അനന്താക്ഷധരോ യസ്തു ശിവ ഏവ ഭവിഷ്യതി .
രുദ്രാക്ഷമാലയാ ജപ്തോ മന്ത്രോഽനന്തഫലപ്രദഃ .. 30..

രുദ്രാക്ഷധാരണേ ലജ്ജാ യേഷാമസ്തി സ്വഭാവതഃ .
തേ സർവേ ദുർഭഗാ ജ്ഞേയാ അബ്രഹ്മണ്യാഃ സദൈവ ഹി .. 31..

രുദ്രാക്ഷേതി വദന്മർത്യോ ദശഗോദാനജം ഫലം .
പ്രാപ്നോതി ശിവസാരൂപ്യം തേന ദേഹേന മുച്യതേ .. 32..

മൃണ്മയേനാപി രുദ്രാക്ഷം കൃത്വാ യത്നേന ധാരയേത് .
രുദ്രാക്ഷധാരണാദ്രുദ്രോ ഭവത്യേവ ന സംശയഃ .. 33..

തേഷാമേവാത്മവിജ്ഞാനേ യേ വൈ രുദ്രാക്ഷധാരിണഃ .
ഭിക്ഷവോഽപി ച രുദ്രാക്ഷാൻ ധൃത്വാ മുക്താ ഭവന്തി ഹി .. 34..

രുദ്രാക്ഷമാലാഭരണഃ ശിവലിംഗം പ്രപൂജയേത് .
തത്കൃതാമേവ താം പൂജാം ഗൃഹ്ണാതി പരമേശ്വരഃ .. 35..

അരുദ്രാക്ഷകൃതാം പൂജാം ന ഗൃഹ്ണാതി മഹേശ്വരഃ .
യോ ഭസ്മധാരീ നിയതം സ രുദ്രാക്ഷധരോ ഭവേത് .. 36..

യോ രുദ്രാക്ഷോസഹരോസീതഭസിതമഹാപുണ്ഡ്രേമസ്തോരുബാഹു
സമ്പൂജ്യ പ്രമഥാധിനാഥമജരം(രഃ) ഭക്തോഽഥ മുക്തിം ലഭേത് .
ഭൂയാച്ഛങ്കരകിങ്കരോഽപി സുമഹാരുദ്രാക്ഷഭസ്മാംഗകോ
മാരാരാതിപദാംബുജാർചനരതഃ കിം കിം ന വിന്ദേത്സ ഹി .. 39..

യോ രൂദ്രാക്ഷോരുവാക്ഷാഃ സിതഭസിതലസദ്ഭാലബാഹ്വക്ഷിമൂലോ
ലീലാശീലാഹി കാലജ്വലദനലകുലവ്യാലമാലാത്തശൂലം .
ധ്യായൻബുദ്ധ്യാഽനിശം ധ്യായതി ഗതിദഹൃദാ ധന്യമാന്യോരുമന്യും
ലോകാധ്യക്ഷാനുശിക്ഷാക്ഷപിതകലുഷധീർമുക്തയേ ശാംഭവോ യഃ ..

.. ഇതി ശിവരഹസ്യാന്തർഗതേ ഋഷികശ്യപപ്രോക്തം രുദ്രാക്ഷമഹിമാവർണനം സമ്പൂർണം ..

- .. ശ്രീശിവരഹസ്യം . ഭീമാഖ്യഃ അഷ്ടമാംശഃ . അധ്യായഃ 11 . വാവൃത്തശ്ലോകാഃ ..

ശ്ലോകങ്ങളുടെ സംക്ഷിപ്ത താല്പര്യം

1. ഉത്പത്തിയും പ്രഭാവവും (ശ്ലോകം 1–3, 11–12):

   ത്രിപുരദഹന വേളയിൽ പരമശിവന്റെ കണ്ണുകളിൽ നിന്നു വീണ കണ്ണീർബിന്ദുക്കളിൽ നിന്നാണ് മുള്ളുകളോടും സുഷിരങ്ങളോടും കൂടിയ 32 ഇനം രുദ്രാക്ഷവൃക്ഷങ്ങൾ ഭൂമിയിലുണ്ടായത്. സ്വർണ്ണത്തിലോ വെള്ളിയിലോ രത്നങ്ങളിലോ പട്ടുനൂലിലോ കോർത്ത് യഥാരുചി ധരിക്കാം. ശുചിയോ അശുചിയോ ഏത് അവസ്ഥയിലായാലും രുദ്രാക്ഷം ധരിച്ചവൻ പവിത്രനായിത്തീരുന്നു.

2. മുഖഭേദ ഫലങ്ങൾ (ശ്ലോകം 13–21):

   • 1 മുഖം: സാക്ഷാൽ ശിവസ്വരൂപം; ശിവസായൂജ്യം ലഭിക്കുന്നു.

   • 2 മുഖം: പാർവ്വതീ-ശിവസ്വരൂപം; സർവ്വപാപങ്ങളിൽ നിന്നും മുക്തി.

   • 3 മുഖം: അഗ്നിസ്വരൂപം; അഭക്ഷ്യഭക്ഷണാദി ദോഷങ്ങൾ നീങ്ങി ശുദ്ധനാകുന്നു.

   • 4 മുഖം: ബ്രഹ്മസ്വരൂപം; ബ്രഹ്മലോക പ്രാപ്തി.

   • 5 മുഖം: പഞ്ചബ്രഹ്മസ്വരൂപം / ശംഭു; പഞ്ചമഹാപാപങ്ങളിൽ നിന്ന് ക്ഷണനേരം കൊണ്ട് മോചനം.

   • 6 മുഖം: സ്കന്ദദൈവതം (സുബ്രഹ്മണ്യൻ); സ്കന്ദലോക പ്രാപ്തി.

   • 7 മുഖം: ദേവീ സ്വരൂപം; അഗ്നിലോകാദി ഉന്നതപദവികൾ.

   • 8 മുഖം: അഷ്ടമൂർത്തിപ്രിയം; അഷ്ടവസുക്കളുടെ ലോകത്തിൽ സുഖം.

   • 9 മുഖം: ഭീമസ്വരൂപം; ഭയങ്കരമായ മഹാപാപങ്ങളിൽ നിന്നുള്ള വിമുക്തി.

   • 10 മുഖം: യമദൈവതം; യമയാതനകളിൽ നിന്നുള്ള രക്ഷ.

   • 11 മുഖം: ഏകാദശ രുദ്രന്മാർ; രുദ്രലോകവാസം.

   • 12 മുഖം: സോമധാമം / സൂര്യൻ; സന്ധ്യാ-പ്രദോഷ പാപനാശനം.

   • 13 മുഖം: സർവ്വപാപഹരം; വൈകുണ്ഠ/വിഷ്ണുപദ പ്രാപ്തി.

   • 14 മുഖം: ശിവജ്ഞാനപ്രദം; പരമജ്ഞാനവും മോക്ഷവും.

3. ധാരണാവിധിയും സ്ഥാനങ്ങളും (ശ്ലോകം 24–26):

   • രുദ്രാക്ഷങ്ങൾ കോർക്കുമ്പോൾ മുഖത്തോടു മുഖം ചേർത്തുതന്നെ (മുഖം മുഖേന സംയോജ്യ) കോർത്തു ധരിക്കണം; അല്ലാത്തപക്ഷം തപോഹാനി സംഭവിക്കും.

   • സ്ഥാനങ്ങളും എണ്ണവും: കഴുത്തിൽ 32, ഇരു കാതുകളിലുമായി 6 വീതം (12), കൈകളിൽ 16 വീതം (32), മണിബന്ധങ്ങളിൽ 12 വീതം (24), നെഞ്ചിൽ 108, പുരികങ്ങൾക്ക് മധ്യേ 1, ശിഖയിൽ 1, ശിരസ്സിൽ 42 എന്നിങ്ങനെയാണ് പൂർണ്ണ ധാരണാക്രമം.

4. സംഖ്യാമാഹാത്മ്യവും ഫലവും (ശ്ലോകം 27–30): ആയിരം രുദ്രാക്ഷം ധരിക്കുന്നവൻ ഇന്ദ്രലോകവും, പതിനായിരം ധരിക്കുന്നവൻ ചന്ദ്രലോകവും, ഒരു ലക്ഷം ധരിക്കുന്നവൻ ബ്രഹ്മലോകവും, കോടി ധരിക്കുന്നവൻ വിഷ്ണുമയത്വവും, അനന്തമായ എണ്ണം ധരിക്കുന്നവൻ സാക്ഷാൽ ശിവനുമായിത്തീരുന്നു. രുദ്രാക്ഷമാല കൊണ്ടുള്ള ജപം അനന്തഫലദായകമാണ്.

5. രുദ്രാക്ഷവും ശിവപൂജയും (ശ്ലോകം 31–39): രുദ്രാക്ഷം ധരിക്കാൻ ലജ്ജിക്കുന്നവർ ഭാഗ്യഹീനരാണ്. "രുദ്രാക്ഷം" എന്ന് ഉച്ചരിക്കുന്നതുപോലും പത്തു ഗോദാനഫലം നൽകുന്നു. ഭസ്മത്തോടൊപ്പം രുദ്രാക്ഷം ധരിച്ചു ചെയ്യുന്ന ശിവലിംഗപൂജ മാത്രമേ പരമേശ്വരൻ സ്വീകരിക്കുകയുള്ളൂ. ഭസ്മ-രുദ്രാക്ഷ ധാരിയായ ശിവഭക്തന് ലഭിക്കാത്തതായി ഈ ജഗത്തിൽ ഒന്നുമില്ല.

Rudraksha Mukha (Rudraksha faces) Varnanam 2

 ഈശ്വരപ്രോക്തം രുദ്രാക്ഷമുഖവർണനം 

(ശിവരഹസ്യാന്തർഗതേ ഈശ്വരാഖ്യേ)


ഏകവക്ത്രം തു രുദ്രാക്ഷം പരബ്രഹ്മസ്വരൂപകം .
തദ്ധാരണാത്പരേ തത്ത്വേ ലീയതേ വിജിതേന്ദ്രിയഃ .. 23..

ദ്വിവക്ത്രം തു മുനിശ്രേഷ്ഠ അർധനാരീശ്വരോ ഭവേത് .
ധാരണാദർധനാരീശഃ പ്രീയതേ തസ്യ നിത്യശഃ .. 24..

ത്രിവക്ത്രമനലഃ സാക്ഷാത് സ്ത്രീഹത്യാം ഹന്തി വൈ ക്ഷണാത് .
ത്രിമുഖം ചൈവ രുദ്രാക്ഷമഗ്നിത്രയസ്വരൂപകം .. 25..

തദേവ ഹി പരം ബ്രഹ്മ നരഹത്യാം വ്യപോഹതി .
ചതുർമുഖം തു രുദ്രാക്ഷം പിതാമഹസ്വരൂപകം .. 26..

പഞ്ചവക്ത്രം തു രുദ്രാക്ഷം പഞ്ചബ്രഹ്മസ്വരൂപകം .
തസ്യ ധാരണമാത്രേണ സന്തുഷ്യതി സദാശിവഃ .. 27..

പഞ്ചവക്ത്രഃ സ്വയം രുദ്രഃ കാലാഗ്നിർനാമ നാമതഃ .
അഗമ്യാഗമനം ചൈവമഭക്ഷ്യസ്യ ച ഭക്ഷകഃ .. 28..

(അഗമ്യാഗമനാച്ചൈമഭക്ഷ്യസ്യ ഭക്ഷണാത്) .. 28..

മുച്യതേ സർവപാപേഭ്യഃ പഞ്ചവക്ത്രസ്യ ധാരണാത് .
ഷഡ്വക്ത്രമപി രുദ്രാക്ഷം കാർതികേയാധിദൈവതം .. 29..

വിനായകാധിദൈവം ച പ്രവദന്തി മനീഷിണഃ .
സപ്തവക്ത്രം തു രുദ്രാക്ഷം സപ്തമം നിധിദൈവതം .. 30..

സപ്താശ്വദൈവതം ചൈവ സാരസപ്തകദൈവതം .
തദ്ധാരണാന്മഹാശ്രീഃ സ്യാന്മഹദാരോഗ്യമുത്തമം .. 31..

മഹാവിജ്ഞാനസമ്പത്തിഃ ശുചേർധാരയതഃ ശനൈഃ .
അഷ്ടവക്ത്രം തു രുദ്രാക്ഷമഷ്ടമൂർത്യധിദൈവതം .. 32..

വസ്വഷ്ടകപ്രിയം ചൈവ ഗംഗാപ്രീതികരം പരം .
തദ്ധാരണാദിമേ പ്രീതാ ഭവേയുഃ സത്യവാദിനഃ .. 33..

നവവക്ത്രം തു രുദ്രാക്ഷം നവശക്ത്യധി ദൈവതം .
തസ്യ ധാരണമാത്രേണ പ്രീണതേ  നവരാശയഃ (നവശക്തയഃ) .. 34..

ദശവക്ത്രം തു രുദ്രാക്ഷം യമദേവമുദാഹൃതം .
ദശാംശപ്രീതിജനനം ധാരണേ നാത്ര സംശയഃ .. 35..

ഏകാദശമുഖം ത്വക്ഷം രുദ്രൈകാദശദൈവതം .
തദിന്ദ്രദൈവതം ചാഹുഃ സദാ സൗഭാഗ്യവർധനം .. 36..

രുദ്രാക്ഷം ദ്വാദശമുഖം മഹാവിഷ്ണുസ്വരൂപകം .
ദ്വാദശാദിത്യദൈവം ച ബിഭൃയാത്തത്പരോ നരഃ .. 37..

ത്രയോദശമുഖം ചാക്ഷം കാമദം സിദ്ധിദം ശുഭം .
തസ്യ ധാരണമാത്രേണ കാമദേവഃ പ്രസീദതി .. 38..

ചതുർദശമുഖം ചാക്ഷം രുദ്രനേത്രസമുദ്ഭവം .
സർവവ്യാധിഹരം ചൈവ സദാരോഗ്യമവാപ്നുയാത് .. 39..

.. ഇതി ശിവരഹസ്യാന്തർഗതേ ഈശ്വരപ്രോക്തം രുദ്രാക്ഷമുഖവർണനം സമ്പൂർണം ..

.. ശ്രീശിവരഹസ്യം . ഈശ്വരാഖ്യഃ ദശമാംശഃ..

മുഖഭേദങ്ങളും ഫലശ്രുതിയും (1 മുതൽ 14 മുഖം വരെ)

• 1 മുഖം (ഏകവക്ത്രം):

  • സ്വരൂപം/ദേവത: പരബ്രഹ്മസ്വരൂപം.

  • ഫലം: ജിതേന്ദ്രിയനായ സാധകൻ ഇത് ധരിക്കുന്നതിലൂടെ പരമതത്ത്വത്തിൽ (മോക്ഷത്തിൽ) ലയിക്കുന്നു.

• 2 മുഖം (ദ്വിവക്ത്രം):

  • സ്വരൂപം/ദേവത: അർദ്ധനാരീശ്വരൻ.

  • ഫലം: ധരിക്കുന്ന ഭക്തനിൽ അർദ്ധനാരീശ്വരനായ ഭഗവാൻ നിത്യവും പ്രീതിപ്പെടുന്നു; ഐക്യവും സാമീപ്യവും ലഭിക്കുന്നു.

• 3 മുഖം (ത്രിവക്ത്രം):

  • സ്വരൂപം/ദേവത: സാക്ഷാൽ അഗ്നിദേവൻ (ത്രേതാഗ്നി സ്വരൂപം / പരബ്രഹ്മം).

  • ഫലം: സ്ത്രീഹത്യ, നരഹത്യ തുടങ്ങിയ ഘോരപാപങ്ങളെ ക്ഷണനേരം കൊണ്ട് ഭസ്മീകരിച്ച് ശുദ്ധി നൽകുന്നു.

• 4 മുഖം (ചതുർവക്ത്രം):

  • സ്വരൂപം/ദേവത: പിതാമഹനായ ബ്രഹ്മാവ്.

  • ഫലം: ധർമ്മാർത്ഥകാമമോക്ഷ സിദ്ധിയും ജ്ഞാനവർദ്ധനവും.

• 5 മുഖം (പഞ്ചവക്ത്രം):

  • സ്വരൂപം/ദേവത: പഞ്ചബ്രഹ്മസ്വരൂപം / സാക്ഷാൽ കാലാഗ്നിരുദ്രൻ.

  • ഫലം: സദാശിവപ്രീതി ഉണ്ടാകുന്നു. അഭക്ഷ്യഭക്ഷണം, അഗമ്യാഗമനം തുടങ്ങിയ മഹാപാപങ്ങളിൽ നിന്നുപോലും മോചനം നൽകി സർവ്വപാപഹരണമായി വർത്തിക്കുന്നു.

• 6 മുഖം (ഷഡ്വക്ത്രം):

  • സ്വരൂപം/ദേവത: കാർത്തികേയൻ (സുബ്രഹ്മണ്യൻ); വിനായകൻ (ഗണപതി) എന്നും ജ്ഞാനികൾ പറയുന്നു.

  • ഫലം: ഇച്ഛാശക്തി, ജ്ഞാനം, സർവ്വവിഘ്നനിവാരണം എന്നിവ ഫലം.

• 7 മുഖം (സപ്തവക്ത്രം):

  • സ്വരൂപം/ദേവത: സപ്തനിധികൾ, സപ്താശ്വനായ സൂര്യദേവൻ, സപ്തസാരങ്ങൾ.

  • ഫലം: ശുദ്ധിയോടെ ധരിക്കുന്നവർക്ക് മഹാലക്ഷ്മീ കടാക്ഷം (മഹാശ്രീ), ഉത്തമ ആരോഗ്യം, ഉന്നതമായ വിജ്ഞാന സമ്പത്ത് എന്നിവ ക്രമേണ കൈവരുന്നു.

• 8 മുഖം (അഷ്ടവക്ത്രം):

  • സ്വരൂപം/ദേവത: അഷ്ടമൂർത്തികൾ (ശിവന്റെ എട്ടു ഭാവങ്ങൾ), അഷ്ടവസുക്കൾ, ഗംഗാദേവി.

  • ഫലം: സത്യവാദികൾ ഇത് ധരിച്ചാൽ അഷ്ടവസുക്കളും ഗംഗാദേവിയും പ്രസാദിക്കുകയും സർവ്വഐശ്വര്യങ്ങളും നൽകുകയും ചെയ്യുന്നു.

• 9 മുഖം (നവവക്ത്രം):

  • സ്വരൂപം/ദേവത: നവശക്തികൾ (നവദുർഗ്ഗമാർ).

  • ഫലം: ധരിക്കുന്ന മാത്രയിൽ നവശക്തികൾ പ്രസാദിക്കുകയും ശത്രുദോഷ-ഭയനിവൃത്തി വരുത്തുകയും ചെയ്യുന്നു.

• 10 മുഖം (ദശവക്ത്രം):

  • സ്വരൂപം/ദേവത: യമദേവൻ (ദശദിക്പാലകർ / ദശാവതാരങ്ങൾ).

  • ഫലം: സർവ്വ ദിക്കുകളിൽ നിന്നുമുള്ള രക്ഷയും പ്രീതിയും നൽകുന്നു; ഭയം അകറ്റുന്നു.

• 11 മുഖം (ഏകാദശവക്ത്രം):

  • സ്വരൂപം/ദേവത: ഏകാദശ രുദ്രന്മാർ; ദേവേന്ദ്രൻ.

  • ഫലം: സദാ സൗഭാഗ്യവർദ്ധനവ് ഉണ്ടാകുന്നു; വിജയം കൈവരുന്നു.

• 12 മുഖം (ദ്വാദശവക്ത്രം):

  • സ്വരൂപം/ദേവത: ശ്രീമഹാവിഷ്ണു; ദ്വാദശാദിത്യന്മാർ.

  • ഫലം: തേജസ്സും ആത്മീയ-ഭൗതിക ഐശ്വര്യങ്ങളും വർദ്ധിക്കുന്നു.

• 13 മുഖം (ത്രയോദശവക്ത്രം):

  • സ്വരൂപം/ദേവത: കാമദേവൻ.

  • ഫലം: കാമദം (ആഗ്രഹസാഫല്യം), സർവ്വസിദ്ധിപ്രദം, ശുഭദായകം.

• 14 മുഖം (ചതുർദശവക്ത്രം):

  • സ്വരൂപം/ദേവത: സാക്ഷാൽ രുദ്രനേത്രത്തിൽ നിന്ന് നേരിട്ട് ഉത്ഭവിച്ച പരമപവിത്രമായ അക്ഷം (മഹാരുദ്രൻ).

  • ഫലം: സർവ്വ വ്യാധികളെയും രോഗങ്ങളെയും ശമിപ്പിക്കുന്നു; നിത്യവും പരിപൂർണ്ണമായ ആരോഗ്യവും ആയുസ്സും പ്രദാനം ചെയ്യുന്നു.

Rudraksha Mukha (Rudraksha face) Varnanam

 സ്കന്ദപ്രോക്തം രുദ്രാക്ഷമുഖവർണനം 

(ശിവരഹസ്യാന്തർഗതേ ഈശ്വരാഖ്യേ)

സ്കന്ദ ഉവാച -
ഏകവക്ത്രേശ്വരഃ സാക്ഷാത് ദ്വിവക്ത്രം പാർവതീശിവൗ .
ത്രിവക്ത്രമനലഃ സാക്ഷാത് ചതുർവക്ത്രഃ പിതാമഹഃ .. 2..

പഞ്ചവക്ത്രോ ഹരിർവിപ്ര ഷണ്മുഖോഽഹം സനാതനഃ .
സപ്തൈവ ലോകാഃ സപ്താസ്യമഷ്ടാസ്യം വസുദൈവതം .. 3..

നവാസ്യം നവദുർഗാസ്യാദ്ദശാസ്യം ദശനാഗകാഃ .
ഏകാദശാസ്യം രുദ്രാധിദൈവതം പരികീർതിതം .. 4..

ദ്വാദശാദിത്യദൈവത്യം ദ്വാദശാസ്യം പ്രകീർതിതം .
ത്രയോദശമുഖം ചാക്ഷം കാമദേവസമാഹ്വയം .. 5..

ചതുർദശാസ്യം തേ ലോകാശ്ചതുർദശ മുനേ സദാ .
ശതാഷ്ടോത്തരസംഖ്യാനാം മുഖാനാം ദേവതാ മുനേ .. 6..

.. ഇതി ശിവരഹസ്യാന്തർഗതേ സ്കന്ദപ്രോക്തം രുദ്രാക്ഷമുഖവർണനം സമ്പൂർണം ..

.. ശ്രീശിവരഹസ്യം . ഈശ്വരാഖ്യഃ ദശമാംശഃ .. 

പദച്ഛേദവും അർത്ഥവിവരണവും (Word-by-Word Meaning)

• ഏകവക്ത്രം (1 മുഖം): ഈശ്വരഃ സാക്ഷാത് — സാക്ഷാൽ പരമേശ്വരൻ / ശിവൻ.

• ദ്വിവക്ത്രം (2 മുഖം): പാർവതീ-ശിവൗ — പാർവ്വതീ-പരമേശ്വരന്മാർ (അർദ്ധനാരീശ്വര സ്വരൂപം).

• ത്രിവക്ത്രം (3 മുഖം): അനലഃ സാക്ഷാത് — സാക്ഷാൽ അഗ്നിദേവൻ.

• ചതുർവക്ത്രം (4 മുഖം): പിതാമഹഃ — ബ്രഹ്മാവ്.

• പഞ്ചവക്ത്രം (5 മുഖം): ഹരിഃ — ശ്രീമഹാവിഷ്ണു.

• ഷണ്മുഖം (6 മുഖം): അഹം സനാതനഃ — സനാതനനായ ഞാൻ തന്നെ (സുബ്രഹ്മണ്യൻ / കാർത്തികേയൻ).

• സപ്താസ്യം (7 മുഖം): സപ്തൈവ ലോകാഃ — ഭൂരാദി സപ്തലോകങ്ങൾ (സപ്തർഷികൾ എന്നും പാഠഭേദം).

• അഷ്ടാസ്യം (8 മുഖം): വസുദൈവതം — അഷ്ടവസുക്കൾ (ഗണപതി എന്നും പരമ്പര).

• നവാസ്യം (9 മുഖം): നവദുർഗാ — ഒൻപത് ദുർഗ്ഗാസ്വരൂപങ്ങൾ (നവദുർഗ്ഗമാർ).

• ദശാസ്യം (10 മുഖം): ദശനാഗകാഃ — അനന്തൻ തുടങ്ങിയ പത്തു നാഗങ്ങൾ / ദശദിക്പാലകർ.

• ഏകാദശാസ്യം (11 മുഖം): രുദ്രാധിദൈവതം — ഏകാദശരുദ്രന്മാർ.

• ദ്വാദശാസ്യം (12 മുഖം): ദ്വാദശാദിത്യദൈവത്യം — പന്ത്രണ്ട് ആദിത്യന്മാർ (സൂര്യൻ).

• ത്രയോദശാസ്യം (13 മുഖം): കാമദേവസമാഹ്വയം — കാമദേവൻ.

• ചതുർദശാസ്യം (14 മുഖം): ചതുർദശ ലോകാഃ — പതിനാല് ഭുവനങ്ങൾ (മറ്റൊരു സമ്പ്രദായത്തിൽ സാക്ഷാൽ മഹാരുദ്രൻ).

സംഗ്രഹാർത്ഥം

ശിവരഹസ്യത്തിൽ ഈശ്വരാഖ്യ അദ്ധ്യായത്തിൽ ഭഗവാൻ സ്കന്ദൻ (സുബ്രഹ്മണ്യൻ) രുദ്രാക്ഷങ്ങളുടെ വിവിധ മുഖങ്ങളുടെ (1 മുതൽ 14 വരെയുള്ള മുഖങ്ങളുടെയും തുടർന്നുള്ളവയുടെയും) അധിദേവതകളെ മുനിക്ക് ഉപദേശിച്ചു കൊടുക്കുന്ന സന്ദർഭമാണിത്. ഓരോ മുഖവുമുള്ള രുദ്രാക്ഷം ധരിക്കുമ്പോൾ ഏതേതു ദേവതാസാന്നിധ്യവും അനുഗ്രഹവുമാണ് സിദ്ധിക്കുന്നത് എന്ന് ഇതിലൂടെ വ്യക്തമാക്കിയിരിക്കുന്നു.

SRI PARASURAMA SAHASRANAMA STHOTHRAM

 

 ശ്രീപരശുരാമസഹസ്രനാമസ്തോത്രം 



ശ്രീഗണേശായ നമഃ .

പുരാ ദാശരഥീ രാമഃ കൃതോദ്വാഹഃ സബാന്ധവഃ .
ഗച്ഛന്നയോധ്യാം രാജേന്ദ്രഃ പിതൃമാതൃസുഹൃദ് വൃതഃ .. 1..

ദദർശ യാന്തം മാർഗേണ ക്ഷത്രിയാന്തകരം വിഭും .
രാമം തം ഭാർഗവം ദൃഷ്ട്വാഭിതസ്തുഷ്ടാവ രാഘവഃ .
രാമഃ ശ്രീമാന്മഹാവിഷ്ണുരിതി നാമ സഹസ്രതഃ .. 2..

അഹം ത്വത്തഃ പരം രാമ വിചരാമി സ്വലീലയാ .
ഇത്യുക്തവന്തമഭ്യർച്യ പ്രണിപത്യ കൃതാഞ്ജലിഃ .. 3..

ശ്രീരാഘവ ഉവാച -

യന്നാമഗ്രഹണാജ്ജന്തുഃ പ്രാപ്നുയാത്ര ഭവാപദം .
യസ്യ പാദാർചനാത്സിദ്ധിഃ സ്വേപ്സിതാം നൗമി ഭാർഗവം .. 4..

നിഃസ്പൃഹോ യഃ സദാ ദേവോ ഭൂമ്യാം വസതി മാധവഃ .
ആത്മബോധോദധിം സ്വച്ഛം യോഗിനം നൗമി ഭാർഗവം .. 5..

യസ്മാദേതജ്ജഗത്സർവം ജായതേ യത്ര ലീലയാ .
സ്ഥിതിം പ്രാപ്നോതി ദേവേശം ജാമദഗ്ന്യം നമാമ്യഹം .. 6..

യസ്യ ഭ്രൂ ഭംഗമാത്രേണ ബ്രഹ്മാദ്യാഃ സകലാഃ സുരാഃ .
ശതവാരം ഭവന്യത്ര ഭവന്തി ന ഭവന്തി ച .. 7..

തപ ഉഗ്രം ചചാരാദൗ യമുദ്ദിശ്യ ച രേണുകാ .
ആദ്യാ ശക്തിർമഹാദേവീ രാമം തം പ്രണമാമ്യഹം .. 8..

.. അഥ വിനിയോഗഃ ..

ഓം അസ്യ ശ്രീജാമദഗ്ന്യസഹസ്രനാമസ്തോത്രമഹാമന്ത്രസ്യ ശ്രീരാമ ഋഷിഃ .
ജാമദഗ്ന്യഃ പരമാത്മാ ദേവതാ .
അനുഷ്ടുപ് ഛന്ദഃ . ശ്രീമദവിനാശരാമപ്രീത്യർഥം
ചതുർവിധപുരുഷാർഥസിദ്ധ്യർഥം ജപേ വിനിയോഗഃ ..

.. അഥ കരന്യാസഃ ..

ഓം ഹ്രാം ഗോവിന്ദാത്മനേ അംഗുഷ്ഠാഭ്യാം നമഃ .
ഓം ഹ്രീം മഹീധരാത്മനേ തർജനീഭ്യാം നമഃ .
ഓം ഹ്രൂം ഹൃഷീകേശാത്മനേ മധ്യമാഭ്യാം നമഃ .
ഓം ഹ്രൈം ത്രിവിക്രമാത്മനേ അനാമികാഭ്യാം നമഃ .
ഓം ഹ്രൗം വിഷ്ണവാത്മനേ കനിഷ്ഠികാഭ്യാം നമഃ .
ഓം ഹ്രഃ മാധവാത്മനേ കരതലകരപൃഷ്ഠാഭ്യാം നമഃ ..

.. അഥ ഹൃദയന്യാസഃ ..

ഓം ഹ്രാം ഗോവിന്ദാത്മനേ ഹൃദയായ നമഃ .
ഓം ഹ്രീം മഹീധരാത്മനേ ശിരസേ സ്വാഹാ .
ഓം ഹ്രൂം ഹൃഷീകേശാത്മനേ ശിഖായൈ വഷട് .
ഓം ഹ്രൈം ത്രിവിക്രമാത്മനേ കവചായ ഹും .
ഓം ഹ്രൗം വിഷ്ണവാത്മനേ നേത്രത്രയായ വൗഷട് .
ഓം ഹ്രഃ മാധവാത്മനേ അസ്ത്രായ ഫട് .

.. അഥ ധ്യാനം ..

ശുദ്ധജാംബൂനദനിഭം ബ്രഹ്മവിഷ്ണുശിവാത്മകം .
സർവാഭരണസംയുക്തം കൃഷ്ണാജിനധരം വിഭും .. 9..

ബാണചാപൗ ച പരശുമഭയം ച ചതുർഭുജൈഃ .
പ്രകോഷ്ഠശോഭി രുദ്രാക്ഷൈർദധാനം ഭൃഗുനന്ദനം .. 10..

ഹേമയജ്ഞോപവീതം ച സ്നിഗ്ധസ്മിതമുഖാംബുജം .
ദർഭാഞ്ചിതകരം ദേവം ക്ഷത്രിയക്ഷയദീക്ഷിതം .. 11..

ശ്രീവത്സവക്ഷസം രാമം ധ്യായേദ്വൈ ബ്രഹ്മചാരിണം .
ഹൃത്പുണ്ഡരീകമധ്യസ്ഥം സനകാദ്യൈരഭിഷ്ടുതം .. 12..

സഹസ്രമിവ സൂര്യാണാമേകീ ഭൂയ പുരഃ സ്ഥിതം .
തപസാമിവ സന്മൂർതിം ഭൃഗുവംശതപസ്വിനം .. 13..

ചൂഡാചുംബിതകങ്കപത്രമഭിതസ്തൂണീദ്വയം പൃഷ്ഠതോ
ഭസ്മസ്നിഗ്ധപവിത്രലാഞ്ഛനവപുർധത്തേ ത്വചം രൗരവീം .
മൗഞ്ജ്യാ മേഖലയാ നിയന്ത്രിതമധോവാസശ്ച മാഞ്ജിഷ്ഠകം
പാണൗ കാർമുകമക്ഷസൂത്രവലയം ദണ്ഡം പരം പൈപ്പലം .. 14..

രേണുകാഹൃദയാനന്ദം ഭൃഗുവംശതപസ്വിനം .
ക്ഷത്രിയാണാമന്തകം പൂർണം ജാമദഗ്ന്യം നമാമ്യഹം .. 15..

അവ്യക്തവ്യക്തരൂപായ നിർഗുണായ ഗുണാത്മനേ .
സമസ്തജഗദാധാരമൂർതയേ ബ്രഹ്മണേ നമഃ .. 16..



.. ശ്രീപരശുരാമ ദ്വാദശ നാമാനി ..

ഹരിഃ പരശുധാരീ ച രാമശ്ച ഭൃഗുനന്ദനഃ .
ഏകവീരാത്മജോവിഷ്ണുർജാമദഗ്ന്യഃ പ്രതാപവാൻ .. 17..

സഹ്യാദ്രിവാസീ വീരശ്ച ക്ഷത്രജിത്പൃഥിവീപതിഃ .
ഇതി ദ്വാദശനാമാനി ഭാർഗവസ്യ മഹാത്മനഃ .
യസ്ത്രികാലേ പഠേന്നിത്യം സർവത്ര വിജയീ ഭവേത് .. 18..



.. അഥ ശ്രീപരശുരാമസഹസ്രനാമസ്തോത്രം ..

ഓം രാമഃ ശ്രീമാന്മഹാവിഷ്ണുർഭാർഗവോ ജമദഗ്നിജഃ .
തത്ത്വരൂപീ പരം ബ്രഹ്മ ശാശ്വതഃ സർവശക്തിധൃക് .. 1..

വരേണ്യോ വരദഃ സർവസിദ്ധിദഃ കഞ്ജലോചനഃ .
രാജേന്ദ്രശ്ച സദാചാരോ ജാമദഗ്ന്യഃ പരാത്പരഃ .. 2..

പരമാർഥൈകനിരതോ ജിതാമിത്രോ ജനാർദനഃ .
ഋഷി പ്രവരവന്ധശ്ച ദാന്തഃ ശത്രുവിനാശനഃ .. 3..

സർവകർമാ പവിത്രശ്ച അദീനോ ദീനസാധകഃ .
അഭിവാദ്യോ മഹാവീരസ്തപസ്വീ നിയമഃ പ്രിയഃ .. 4..

സ്വയംഭൂഃ സർവരൂപശ്ച സർവാത്മാ സർവദൃക്പ്രഭുഃ .
ഈശാനഃ സർവദേവാദിർവരീയൻസർവഗോഽച്യുതഃ .. 5..

സർവജ്ഞഃ സർവവേദാദിഃ ശരണ്യഃ പരമേശ്വരഃ .
ജ്ഞാനഭാവ്യോഽപരിച്ഛേദ്യഃ ശുചിർവാഗ്മീ പ്രതാപവാൻ .. 6..

ജിതക്രോധോ ഗുഡാകേശോ ദ്യുതിമാനരിമർദനഃ .
രേണുകാതനയഃ സാക്ഷാദജിതോഽവ്യയ ഏവ ച .. 7..

വിപുലാംസോ മഹോരസ്കോഽതീന്ദ്രോ വന്ദ്യോ ദയാനിധിഃ .
അനാദിർഭഗവാനിന്ദ്രഃ സർവലോകാരിമർദനഃ .. 8..

സത്യഃ സത്യവ്രതഃ സത്യസന്ധഃ പരമധാർമികഃ .
ലോകാത്മാ ലോകകൃല്ലോകവന്ദ്യഃ സർവമയോ നിധിഃ .. 9..

വശ്യോ ദയാ സുധീർഗോപ്താ ദക്ഷഃ സർവൈകപാവനഃ .
ബ്രഹ്മണ്യോ ബ്രഹ്മചാരീ ച ബ്രഹ്മ ബ്രഹ്മപ്രകാശകഃ .. 10..

സുന്ദരോഽജിനവാസാശ്ച ബ്രഹ്മസൂത്രധരഃ സമഃ .
സൗമ്യോ മഹർഷിഃ ശാന്തശ്ച മൗഞ്ജീഭൃദ്ദണ്ഡധാരകഃ .. 11..

കോദണ്ഡീ സർവജിത്ഛത്രദർപഹാ പുണ്യവർധനഃ .  
കവിർബ്രഹ്മർഷി വരദഃ കമണ്ഡലുധരഃ കൃതീ .. 12..

മഹോദാരോഽതുലോ ഭാവ്യോ ജിതഷഡ്വർഗമണ്ഡലഃ .
കാന്തഃ പുണ്യഃ സുകീർതിശ്ച ദ്വിഭുജശ്ചാദി പൂരുഷഃ .. 13..

അകല്മഷോ ദുരാരാധ്യഃ സർവാവാസഃ കൃതാഗമഃ .
വീര്യവാൻസ്മിതഭാഷീ ച നിവൃത്താത്മാ പുനർവസുഃ .. 14..

അധ്യാത്മയോഗകുശലഃ സർവായുധവിശാരദഃ .
യജ്ഞസ്വരൂപീ യജ്ഞേശോ യജ്ഞപാലഃ സനാതനഃ .. 15..

ഘനശ്യാമഃ സ്മൃതിഃ ശൂരോ ജരാമരണവർജിതഃ .
ധീരോദാത്തഃ സ്വരൂപശ്ച സർവതീർഥമയോ വിധിഃ .. 16.. 
വർണീ വർണാശ്രമഗുരുഃ സർവജിത്പുരുഷോഽവ്യയഃ .
ശിവശിക്ഷാപരോ യുക്തഃ പരമാത്മാ പരായണഃ .. 17..

പ്രമാണ രൂപോ ദുർജ്ഞേയഃ പൂർണഃ ക്രൂരഃ ക്രതുർവിഭുഃ .
ആനന്ദോഽഥ ഗുണശ്രേഷ്ഠോഽനന്തദൃഷ്ടിർഗുണാകരഃ .. 18..

ധനുർധരോ ധനുർവേദഃ സച്ചിദാനന്ദവിഗ്രഹഃ .
ജനേശ്വരോ വിനീതാത്മാ മഹാകായസ്തപസ്വിരാട് .. 19..

അഖിലാദ്യോ വിശ്വകർമാ വിനീതാത്മാ വിശാരദഃ .
അക്ഷരഃ കേശവഃ സാക്ഷീ മരീചിഃ സർവകാമദഃ .. 20..

കല്യാണഃ പ്രകൃതി കല്പഃ സർവേശഃ പുരുഷോത്തമഃ .
ലോകാധ്യക്ഷോ ഗഭീരോഽഥ സർവഭക്തവരപ്രദഃ .. 21..

ജ്യോതിരാനന്ദരൂപശ്ച വഹ്നീരക്ഷയ ആശ്രമീ .
ഭൂർഭുവഃസ്വസ്തപോമൂർതീ രവിഃ പരശുധൃക് സ്വരാട് .. 22..

ബഹുശ്രുതഃ സത്യവാദീ ഭ്രാജിഷ്ണുഃ സഹനോ ബലഃ .
സുഖദഃ കാരണം ഭോക്താ ഭവബന്ധ വിമോക്ഷകൃത് .. 23..

സംസാരതാരകോ നേതാ സർവദുഃഖവിമോക്ഷകൃത് .
ദേവചൂഡാമണിഃ കുന്ദഃ സുതപാ ബ്രഹ്മവർധനഃ .. 24..

നിത്യോ നിയതകല്യാണഃ ശുദ്ധാത്മാഥ പുരാതനഃ .
ദുഃസ്വപ്നനാശനോ നീതിഃ കിരീടീ സ്കന്ദദർപഹൃത് .. 25..

അർജുനഃ പ്രാണഹാ വീരഃ സഹസ്രഭുജജിദ്ധരീഃ .
ക്ഷത്രിയാന്തകരഃ ശൂരഃ ക്ഷിതിഭാരകരാന്തകൃത് .. 26..

പരശ്വധധരോ ധന്വീ രേണുകാവാക്യതത്പരഃ .
വീരഹാ വിഷമോ വീരഃ പിതൃവാക്യപരായണഃ .. 27..

മാതൃപ്രാണദ ഈശശ്ച ധർമതത്ത്വവിശാരദഃ .
പിതൃക്രോധഹരഃ ക്രോധഃ സപ്തജിഹ്വസമപ്രഭഃ .. 28..

സ്വഭാവഭദ്രഃ ശത്രുഘ്നഃ സ്ഥാണുഃ ശംഭുശ്ച കേശവഃ .
സ്ഥവിഷ്ഠഃ സ്ഥവിരോ ബാലഃ സൂക്ഷ്മോ ലക്ഷ്യദ്യുതിർമഹാൻ .. 29..

ബ്രഹ്മചാരീ വിനീതാത്മാ രുദ്രാക്ഷവലയഃ സുധീഃ .
അക്ഷകർണഃ സഹസ്രാംശുർദീപ്തഃ കൈവല്യതത്പരഃ .. 30..

ആദിത്യഃ കാലരുദ്രശ്ച കാലചക്രപ്രവർതകഃ .
കവചീ കുണ്ഡലീ ഖഡ്ഗീ ചക്രീ ഭീമപരാക്രമഃ .. 31..

മൃത്യുഞ്ജയോ വീര സിംഹോ ജഗദാത്മാ ജഗദ്ഗുരുഃ .
അമൃത്യുർജന്മരഹിതഃ കാലജ്ഞാനീ മഹാപടുഃ .. 32..

നിഷ്കലങ്കോ ഗുണഗ്രാമോഽനിർവിണ്ണഃ സ്മരരൂപധൃക് .
അനിർവേദ്യഃ ശതാവർതോ ദണ്ഡോ ദമയിതാ ദമഃ .. 33..

പ്രധാനസ്താരകോ ധീമാംസ്തപസ്വീ ഭൂതസാരഥിഃ .
അഹഃ സംവത്സരോ യോഗീ സംവത്സരകരോ ദ്വിജഃ .. 34..

ശാശ്വതോ ലോകനാഥശ്ച ശാഖീ ദണ്ഡീ ബലീ ജടീ .
കാലയോഗീ മഹാനന്ദഃ തിഗ്മമന്യുഃ സുവർചസഃ .. 35..

അമർഷണോ മർഷണാത്മാ പ്രശാന്താത്മാ ഹുതാശനഃ .
സർവവാസാഃ സർവചാരീ സർവാധാരോ വിരോചനഃ .. 36..

ഹൈമോ ഹേമകരോ ധർമോ ദുർവാസാ വാസവോ യമഃ .
ഉഗ്രതേജാ മഹാതേജാ ജയോ വിജയഃ കാലജിത് .. 37..

സഹസ്രഹസ്തോ വിജയോ ദുർധരോ യജ്ഞഭാഗഭുക് .
അഗ്നിർജ്വാലീ മഹാജ്വാലസ്ത്വതിധൂമോ ഹുതോ ഹവിഃ .. 38..

സ്വസ്തിദഃ സ്വസ്തിഭാഗശ്ച മഹാൻഭർഗഃ പരോ യുവാ . 
മഹത്പാദോ മഹാഹസ്തോ ബൃഹത്കായോ മഹായശാഃ .. 39..

മഹാകടിർമഹാഗ്രീവോ മഹാബാഹുർമഹാകരഃ .
മഹാനാസോ മഹാകംബുർമഹാമായഃ പയോനിധിഃ .. 40..

മഹാവക്ഷാ മഹൗജാശ്ച മഹാകേശോ മഹാജനഃ .
മഹാമൂർധാ മഹാമാത്രോ മഹാകർണോ മഹാഹനുഃ .. 41..

വൃക്ഷാകാരോ മഹാകേതുർമഹാദംഷ്ട്രോ മഹാമുഖഃ .
ഏകവീരോ മഹാവീരോ വസുദഃ കാലപൂജിതഃ .. 42..

മഹാമേഘനിനാദീ ച മഹാഘോഷോ മഹാദ്യുതിഃ .
ശൈവഃ ശൈവാഗമാചാരീ ഹൈഹയാനാം കുലാന്തകഃ .. 43..

സർവഗുഹ്യമയോ വജ്രീ ബഹുലഃ കർമസാധനഃ .
കാമീ കപിഃ കാമപാലഃ കാമദേവഃ കൃതാഗമഃ .. 44..

പഞ്ചവിംശതിതത്ത്വജ്ഞഃ സർവജ്ഞഃ സർവഗോചരഃ .
ലോകനേതാ മഹാനാദഃ കാലയോഗീ മഹാബലഃ .. 45..

അസംഖ്യേയോഽപ്രമേയാത്മാ വീര്യകൃദ്വീര്യകോവിദഃ .
വേദവേദ്യോ വിയദ്ഗോപ്താ സർവാമരമുനീശ്വരഃ .. 46..

സുരേശഃ ശരണം ശർമ ശബ്ദബ്രഹ്മ സതാം ഗതിഃ .
നിർലേപോ നിഷ്പ്രപഞ്ചാത്മാ നിർവ്യഗ്രോ വ്യഗ്രനാശനഃ .. 47..

ശുദ്ധഃ പൂതഃ ശിവാരംഭഃ സഹസ്രഭുജജിദ്ധരിഃ .
നിരവദ്യപദോപായഃ സിദ്ധിദഃ സിദ്ധിസാധനഃ .. 48..

ചതുർഭുജോ മഹാദേവോ വ്യൂഢോരസ്കോ ജനേശ്വരഃ .
ദ്യുമണിസ്തരണിർധന്യഃ കാർതവീര്യ ബലാപഹാ .. 49..

ലക്ഷ്മണാഗ്രജവന്ദ്യശ്ച നരോ നാരായണഃ പ്രിയഃ .
ഏകജ്യോതിർനിരാതങ്കോ മത്സ്യരൂപീ ജനപ്രിയഃ .. 50..

സുപ്രീതഃ സുമുഖഃ സൂക്ഷ്മഃ കൂർമോ വാരാഹകസ്തഥാ .
വ്യാപകോ നാരസിംഹശ്ച ബലിജിന്മധുസൂദനഃ .. 51..

അപരാജിതഃ സർവസഹോ ഭൂഷണോ ഭൂതവാഹനഃ .
നിവൃത്തഃ സംവൃത്തഃ ശില്പീ ക്ഷുദ്രഹാ നിത്യ സുന്ദരഃ .. 52..

സ്തവ്യഃ സ്തവപ്രിയഃ സ്തോതാ വ്യാസമൂർതിരനാകുലഃ .
പ്രശാന്തബുദ്ധിരക്ഷുദ്രഃ സർവസത്ത്വാവലംബനഃ .. 53..

പരമാർഥഗുരുർദേവോ മാലീ സംസാരസാരഥിഃ .
രസോ രസജ്ഞഃ സാരജ്ഞഃ കങ്കണീകൃതവാസുകിഃ .. 54..

കൃഷ്ണഃ കൃഷ്ണസ്തുതോ ധീരോ മായാതീതോ വിമത്സരഃ .
മഹേശ്വരോ മഹീഭർതാ ശാകല്യഃ ശർവരീപതിഃ .. 55..

തടസ്ഥഃ കർണദീക്ഷാദഃ സുരാധ്യക്ഷഃ സുരാരിഹാ .
ധ്യേയോഽഗ്രധുര്യോ ധാത്രീശോ രുചിസ്ത്രിഭുവനേശ്വരഃ .. 56..

കർമാധ്യക്ഷോ നിരാലംബഃ സർവകാമ്യഃ ഫലപ്രദഃ .
അവ്യക്തലക്ഷണോ വ്യക്തോ വ്യക്താവ്യക്തോ വിശാമ്പതിഃ .. 57..

ത്രിലോകാത്മാ ത്രിലോകേശോ ജഗന്നാഥോ ജനേശ്വരഃ .
ബ്രഹ്മാ ഹംസശ്ച രുദ്രശ്ച സ്രഷ്ടാ ഹർതാ ചതുർമുഖഃ .. 58..

നിർമദോ നിരഹങ്കാരോ ഭൃഗുവംശോദ്വഹഃ ശുഭഃ .
വേധാ വിധാതാ ദ്രുഹിണോ ദേവജ്ഞോ ദേവചിന്തനഃ .. 59..

കൈലാസശിഖരാവാസീ ബ്രാഹ്മണോ ബ്രാഹ്മണപ്രിയഃ .
അർഥോഽനർഥോ മഹാകോശോ ജ്യേഷ്ഠഃ ശ്രേഷ്ഠഃ ശുഭാകൃതിഃ .. 60..

ബാണാരിർദമനോ യജ്വാ സ്നിഗ്ധപ്രകൃതിരഗ്നിയഃ .
വരശീലോ വരഗുണഃ സത്യകീർതിഃ കൃപാകരഃ .. 61..

സത്ത്വവാൻ സാത്ത്വികോ ധർമീ ബുദ്ധഃ കൽകീ സദാശ്രയഃ .
ദർപണോ ദർപഹാ ദർപാതീതോ ദൃപ്തഃ പ്രവർതകഃ .. 62..

അമൃതാംശോഽമൃതവപുർവാങ്മയഃ  സദസന്മയഃ .
നിധാനഗർഭോ ഭൂശായീ കപിലോ വിശ്വഭോജനഃ .. 63..

പ്രഭവിഷ്ണുർഗ്രസിഷ്ണുശ്ച ചതുർവർഗഫലപ്രദഃ .
നാരസിംഹോ മഹാഭീമഃ ശരഭഃ കലിപാവനഃ .. 64..

ഉഗ്രഃ പശുപതിർഭർഗോ വൈദ്യഃ കേശിനിഷൂദനഃ .
ഗോവിന്ദോ ഗോപതിർഗോപ്താ ഗോപാലോ ഗോപവല്ലഭഃ .. 65..

ഭൂതാവാസോ ഗുഹാവാസഃ സത്യവാസഃ ശ്രുതാഗമഃ .
നിഷ്കണ്ടകഃ സഹസ്രാർചിഃ സ്നിഗ്ധഃ പ്രകൃതിദക്ഷിണഃ .. 66.. 
അകമ്പിതോ ഗുണഗ്രാഹീ സുപ്രീതഃ പ്രീതിവർധനഃ .
പദ്മഗർഭോ മഹാഗർഭോ വജ്രഗർഭോ ജലോദ്ഭവഃ .. 67..

ഗഭസ്തിർബ്രഹ്മകൃദ്ബ്രഹ്മ രാജരാജഃ സ്വയംഭവഃ . സ്വയംഭുവഃ
സേനാനീരഗ്രണീ സാധുർബലസ്താലീകരോ മഹാൻ .. 68..

പൃഥിവീ വായുരാപശ്ച തേജഃ ഖം ബഹുലോചനഃ .
സഹസ്രമൂർധാ ദേവേന്ദ്രഃ സർവഗുഹ്യമയോ ഗുരുഃ .. 69..

അവിനാശീ സുഖാരാമസ്ത്രിലോകീ പ്രാണധാരകഃ .
നിദ്രാരൂപം ക്ഷമാ തന്ദ്രാ ധൃതിർമേധാ സ്വധാ ഹവിഃ .. 70..

ഹോതാ നേതാ ശിവസ്ത്രാതാ സപ്തജിഹ്വോ വിശുദ്ധപാത് .
സ്വാഹാ ഹവ്യശ്ച കവ്യശ്ച ശതഘ്നീ ശതപാശധൃക് .. 71..

ആരോഹശ്ച നിരോഹശ്ച തീർഥഃ തീർഥകരോ ഹരഃ .
ചരാചരാത്മാ സൂക്ഷ്മസ്തു വിവസ്വാൻ സവിതാമൃതം .. 72..

തുഷ്ടിഃ പുഷ്ടിഃ കലാ കാഷ്ഠാ മാസഃ പക്ഷസ്തു വാസരഃ .
ഋതുര്യുഗാദികാലസ്തു ലിംഗമാത്മാഥ ശാശ്വതഃ .. 73..

ചിരഞ്ജീവീ പ്രസന്നാത്മാ നകുലഃ പ്രാണധാരണഃ .
സ്വർഗദ്വാരം പ്രജാദ്വാരം മോക്ഷദ്വാരം ത്രിവിഷ്ടപം .. 74..

മുക്തിർലക്ഷ്മീസ്തഥാ ഭുക്തിർവിരജാ വിരജാംബരഃ .
വിശ്വക്ഷേത്രം സദാബീജം പുണ്യശ്രവണകീർതനഃ .. 75..

ഭിക്ഷുർഭൈക്ഷ്യം ഗൃഹം ദാരാ യജമാനശ്ച യാചകഃ .
പക്ഷീ ച പക്ഷവാഹശ്ച മനോവേഗോ നിശാചരഃ .. 76..

ഗജഹാ ദൈത്യഹാ നാകഃ പുരുഹൂതഃ പുരുഷ്ടുതഃ . 
ബാന്ധവോ ബന്ധുവർഗശ്ച പിതാ മാതാ സഖാ സുതഃ .. 77..

ഗായത്രീവല്ലഭഃ പ്രാംശുർമാന്ധാതാ ഭൂതഭാവനഃ .
സിദ്ധാർഥകാരീ സർവാർഥശ്ഛന്ദോ വ്യാകരണ ശ്രുതിഃ .. 78..

സ്മൃതിർഗാഥോപശാന്തശ്ച പുരാണഃ പ്രാണചഞ്ചുരഃ . 
വാമനശ്ച ജഗത്കാലഃ സുകൃതശ്ച യുഗാധിപഃ .. 79..

ഉദ്ഗീഥഃ പ്രണവോ ഭാനുഃ സ്കന്ദോ വൈശ്രവണസ്തഥാ .
അന്തരാത്മാ ഹൃഷീകേശഃ പദ്മനാഭഃ സ്തുതിപ്രിയഃ .. 80..
പരശ്വധായുധഃ ശാഖീ സിംഹഗഃ സിംഹവാഹനഃ .
സിംഹനാദഃ സിംഹദംഷ്ട്രോ നഗോ മന്ദരധൃക്സരഃ .. 81.. 
സഹ്യാചലനിവാസീ ച മഹേന്ദ്രകൃതസംശ്രയഃ .
മനോബുദ്ധിരഹങ്കാരഃ കമലാനന്ദവർധനഃ .. 82..

സനാതനതമഃ സ്രഗ്വീ ഗദീ ശംഖീ രഥാംഗഭൃത് .
നിരീഹോ നിർവികല്പശ്ച സമർഥോഽനർഥനാശനഃ .. 83..

അകായോ ഭക്തകായശ്ച മാധവോഽഥ സുരാർചിതഃ .
യോദ്ധാ ജേതാ മഹാവീര്യഃ ശങ്കരഃ സന്തതഃ സ്തുതഃ .. 84..

വിശ്വേശ്വരോ വിശ്വമൂർതിർവിശ്വാരാമോഽഥ വിശ്വകൃത് .
ആജാനുബാഹുഃ സുലഭഃ പരം ജ്യോതിഃ സനാതനഃ .. 85..

വൈകുണ്ഠഃ പുണ്ഡരീകാക്ഷഃ സർവഭൂതാശയസ്ഥിതഃ .
സഹസ്രശീർഷാ പുരുഷഃ സഹസ്രാക്ഷഃ സഹസ്രപാത് .. 86..

ഊർധ്വരേതാഃ ഊർധ്വലിംഗഃ പ്രവരോ വരദോ വരഃ .
ഉന്മത്തവേശഃ പ്രച്ഛന്നഃ സപ്തദ്വീപമഹീപ്രദഃ .. 87..

ദ്വിജധർമപ്രതിഷ്ഠാതാ വേദാത്മാ വേദകൃച്ഛ്രയഃ .
നിത്യഃ സമ്പൂർണകാമശ്ച സർവജ്ഞഃ കുശലാഗമഃ .. 88..

കൃപാപീയൂഷജലധിർധാതാ കർതാ പരാത്പരഃ .
അചലോ നിർമലസ്തൃപ്തഃ സ്വേ മഹിമ്നി പ്രതിഷ്ഠിതഃ .. 89..

അസഹായഃ സഹായശ്ച ജഗദ്ധേതുരകാരണഃ .
മോക്ഷദഃ കീർതിദശ്ചൈവ പ്രേരകഃ കീർതിനായകഃ .. 90..

അധർമശത്രുരക്ഷോഭ്യോ വാമദേവോ മഹാബലഃ .
വിശ്വവീര്യോ മഹാവീര്യോ ശ്രീനിവാസഃ സതാം ഗതിഃ .. 91..

സ്വർണവർണോ വരാംഗശ്ച സദ്യോഗീ ച ദ്വിജോത്തമഃ .
നക്ഷത്രമാലീ സുരഭിർവിമലോ വിശ്വപാവനഃ .. 92..

വസന്തോ മാധവോ ഗ്രീഷ്മോ നഭസ്യോ ബീജവാഹനഃ .
നിദാഘസ്തപനോ മേഘോ നഭോ യോനിഃ പരാശരഃ .. 93..

സുഖാനിലഃ സുനിഷ്പന്നഃ ശിശിരോ നരവാഹനഃ .
ശ്രീഗർഭഃ കാരണം ജപ്യോ ദുർഗഃ സത്യപരാക്രമഃ .. 94..

ആത്മഭൂരനിരുദ്ധശ്ച ദത്താത്രേയസ്ത്രിവിക്രമഃ .
ജമദഗ്നിർബലനിധിഃ പുലസ്ത്യഃ പുലഹോഽങ്ഗിരാഃ .. 95..

വർണീ വർണഗുരുശ്ചണ്ഡഃ കല്പവൃക്ഷഃ കലാധരഃ .
മഹേന്ദ്രോ ദുർഭരഃ സിദ്ധോ യോഗാചാര്യോ ബൃഹസ്പതിഃ .. 96..

നിരാകാരോ വിശുദ്ധശ്ച വ്യാധിഹർതാ നിരാമയഃ .
അമോഘോഽനിഷ്ടമഥനോ മുകുന്ദോ വിഗതജ്വരഃ .. 97..

സ്വയഞ്ജ്യോതിർഗുരുതമഃ സുപ്രസാദോഽചലസ്തഥാ .
ചന്ദ്രഃ സൂര്യഃ ശനിഃ കേതുർഭൂമിജഃ സോമനന്ദനഃ .. 98..

ഭൃഗുർമഹാതപാ ദീർഘതപാഃ സിദ്ധോ മഹാഗുരുഃ .
മന്ത്രീ മന്ത്രയിതാ മന്ത്രോ വാഗ്മീ വസുമനാഃ സ്ഥിരഃ .. 99..

അദ്രിരദ്രിശയോ ശംഭുർമാംഗല്യോ മംഗലോവൃതഃ .
ജയസ്തംഭോ ജഗത്സ്തംഭോ ബഹുരൂപോ ഗുണോത്തമഃ .. 100..

സർവദേവമയോഽചിന്ത്യോ ദേവതാത്മാ വിരൂപധൃക് .
ചതുർവേദശ്ചതുർഭാവശ്ചതുരശ്ചതുരപ്രിയഃ .. 101..

ആദ്യന്തശൂന്യോ വൈകുണ്ഠഃ കർമസാക്ഷീ ഫലപ്രദഃ .
ദൃഢായുധഃ സ്കന്ദഗുരുഃ പരമേഷ്ഠീ പരായണഃ .. 102..

കുബേരബന്ധുഃ ശ്രീകണ്ഠോ ദേവേശഃ സൂര്യതാപനഃ .
അലുബ്ധഃ സർവശാസ്ത്രജ്ഞഃ ശാസ്ത്രാർഥഃ പരമഃപുമാൻ .. 103..

അഗ്ന്യാസ്യഃ പൃഥിവീപാദോ ദ്വിമൂർധാ ദിക്ഷ്രുതിഃ പരഃ . 
സോമാന്തഃ കരണോ ബ്രഹ്മമുഖഃ ക്ഷത്രഭുജസ്തഥാ .. 104..

വൈശ്യോരുഃ ശൂദ്രപാദസ്തു നദീസർവാംഗസന്ധികഃ .
ജീമൂതകേശോഽബ്ധികുക്ഷിസ്തു വൈകുണ്ഠോ വിഷ്ടരശ്രവാഃ .. 105..

ക്ഷേത്രജ്ഞഃ തമസഃ പാരീ ഭൃഗുവംശോദ്ഭവോഽവനിഃ .
ആത്മയോനീ രൈണുകേയോ മഹാദേവോ ഗുരുഃ സുരഃ .. 106..

ഏകോ നൈകോഽക്ഷരഃ ശ്രീശഃ ശ്രീപതിർദുഃഖഭേഷജം .
ഹൃഷീകേശോഽഥ ഭഗവാൻ സർവാത്മാ വിശ്വപാവനഃ .. 107..

വിശ്വകർമാപവർഗോഽഥ ലംബോദരശരീരധൃക് .
അക്രോധോഽദ്രോഹ മോഹശ്ച സർവതോഽനന്തദൃക്തഥാ .. 108..

കൈവല്യദീപഃ കൈവല്യഃ സാക്ഷീ ചേതാഃ വിഭാവസുഃ .
ഏകവീരാത്മജോ ഭദ്രോഽഭദ്രഹാ കൈടഭാർദനഃ .. 109..

വിബുധോഽഗ്രവരഃ ശ്രേഷ്ഠഃ സർവദേവോത്തമോത്തമഃ .
ശിവധ്യാനരതോ ദിവ്യോ നിത്യയോഗീ ജിതേന്ദ്രിയഃ .. 110..

കർമസത്യം വ്രതഞ്ചൈവ ഭക്താനുഗ്രഹകൃദ്ധരിഃ .
സർഗസ്ഥിത്യന്തകൃദ്രാമോ വിദ്യാരാശിർഗുരൂത്തമഃ .. 111..

രേണുകാപ്രാണലിംഗം ച ഭൃഗുവംശ്യഃ ശതക്രതുഃ .
ശ്രുതിമാനേകബന്ധുശ്ച ശാന്തഭദ്രഃ സമഞ്ജസഃ .. 112..

ആധ്യാത്മവിദ്യാസാരശ്ച കാലഭക്ഷോ വിശൃംഖലഃ .
രാജേന്ദ്രോ ഭൂപതിര്യോഗീ നിർമായോ നിർഗുണോ ഗുണീ .. 113..

ഹിരണ്മയഃ പുരാണശ്ച ബലഭദ്രോ ജഗത്പ്രദഃ .  
വേദവേദാംഗപാരജ്ഞഃ സർവകർമാ മഹേശ്വരഃ .. 114..

.. ഫലശ്രുതിഃ ..

ഏവം നാമ്നാം സഹസ്രേണ തുഷ്ടാവ ഭൃഗുവംശജം .
ശ്രീരാമഃ പൂജയാമാസ പ്രണിപാതപുരഃസരം .. 1..

കോടിസൂര്യപ്രതീകാശോ ജടാമുകുടഭൂഷിതഃ .
വേദവേദാംഗപാരജ്ഞഃ സ്വധർമനിരതഃ കവിഃ .. 2..

ജ്വാലാമാലാവൃതോ ധന്വീ തുഷ്ടഃ പ്രാഹ രഘൂത്തമം .
സർവൈശ്വര്യസമായുക്തം തുഭ്യം പ്രണതി രഘൂത്തമം .. 3.. 
സ്വതേജോ നിർഗതം തസ്മാത്പ്രാവിശദ്രാഘവം തതഃ .
യദാ വിനിർഗതം തേജഃ ബ്രഹ്മാദ്യാഃ സകലാഃ സുരാഃ .. 4..

ചേലുശ്ച ബ്രഹ്മസദനം ച കമ്പേ ച വസുന്ധരാ . 
ദദാഹ ഭാർഗവം തേജഃ പ്രാന്തേ വൈ ശതയോജനാം .. 5..

അധസ്താദൂർധ്വതശ്ചൈവ ഹാഹേതി കൃതവാഞ്ജനഃ .
തദാ പ്രാഹ മഹായോഗീ പ്രഹസന്നിവ ഭാർഗവഃ .. 6..

ശ്രീഭാർഗവ ഉവാച -
മാ ഭൈഷ്ട സൈനികാ രാമോ മത്തോ ഭിന്നോ ന നാമതഃ .
രൂപേണാപ്രതിമേനാപി മഹദാശ്ചര്യമദ്ഭുതം .
സംസ്തുത്യ പ്രണായാദ്രാമഃ കൃതാഞ്ജലിപുടോ.ബ്രവീത് .. 7..

ശ്രീരാമ ഉവാച -
യദ്രൂപം ഭവതോ ലബ്ധം സർവലോകഭയങ്കരം .
ഹിതം ച ജഗതാം തേന ദേവാനാം ദുഃഖനാശനം .. 8.. 
ജനാർദന കരോമ്യദ്യ വിഷ്ണോ ഭൃഗുകുലോദ്ഭവഃ .
ആശിഷോ ദേഹി വിപ്രേന്ദ്ര ഭാർഗവസ്തദനന്തരം .. 9..

ഉവാചാശീർവചോ യോഗീ രാഘവായ മഹാത്മനേ .
പരം പ്രഹർഷമാപന്നോ ഭഗവാൻ രാമമബ്രവീത് .. 10..

ശ്രീഭാർഗവ ഉവാച -
ധർമേ ദൃഢത്വം യുധി ശത്രുഘാതോ യശസ്തഥാദ്യം പരമം ബലഞ്ച .
യോഗപ്രിയത്വം മമ സന്നികർഷഃ സദാസ്തു തേ രാഘവ രാഘവേശഃ .. 11..

തുഷ്ടോഽഥ രാഘവഃ പ്രാഹ മയാ പ്രോക്തം സ്തവം തവ .
യഃ പഠേച്ഛൃണുയാദ്വാപി ശ്രാവയേദ്വാ ദ്വിജോത്തമാൻ .. 12..

ദ്വിജേഷ്വകോപം പിതൃതഃ പ്രസാദം ശതം സമാനാമുപഭോഗയുക്തം .
കുലേ പ്രസൂതിം മാതൃതഃ പ്രസാദം സമാം പ്രാപ്തിം പ്രാപ്നുയാച്ചാപി ദാക്ഷ്യം .
പ്രീതിം ചാഗ്ര്യാം ബാന്ധവാനാം നിരോഗം കുലം പ്രസൂതൈഃ പൗത്രവർഗൈഃ സമേതം .. 13..

അശ്വമേധ സഹസ്രേണ ഫലം ഭവതി തസ്യ വൈ .
ഘൃതാദ്യൈഃ സ്നാപയേദ്രാമം സ്ഥാല്യാം വൈ കലശേ സ്ഥിതം .. 14..

നാമ്നാം സഹസ്രേണാനേന ശ്രദ്ധയാ ഭാർഗവം ഹരിം .
സോഽപി യജ്ഞസഹസ്രസ്യ ഫലം ഭവതി വാഞ്ഛിതം .. 15..

പൂജ്യോ ഭവതി രുദ്രസ്യ മമ ചാപി വിശേഷതഃ .
തസ്മാന്നാമ്നാം സഹസ്രേണ പൂജയേദ്യോ ജഗദ്ഗുരും .. 16..

ജപന്നാമ്നാം സഹസ്രം ച സ യാതി പരമാം ഗതിം .
ശ്രീഃ കീർതിർധീർധൃതിസ്തുഷ്ടിഃ സന്തതിശ്ച നിരാമയാ .. 17..

അണിമാ ലഘിമാ പ്രാപ്തിരൈശ്വര്യാദ്യാശ്ച ച സിദ്ധയഃ .
സർവഭൂതസുഹൃത്ത്വം ച ലോകേ വൃദ്ധീഃ പരാ മതിഃ .. 18..

ഭവേത്പ്രാതശ്ച മധ്യാഹ്നം സായം ച ജപതോ ഹരേഃ .
നാമാനി ധ്യായതോ രാമ സാന്നിധ്യം ച ഹരേർഭവേത് .. 19..

അയനേ വിഷുവേ ചൈവ ജപന്ത്വാലിഖ്യ പുസ്തകം .
ദദ്യാദ്വൈ യോ വൈഷ്ണവേഭ്യോ നഷ്ടബന്ധോ ന ജായതേ .. 20..

ന ഭവേച്ച കുലേ തസ്യ കശ്ചില്ലക്ഷ്മീവിവർജിതഃ .
വരദോ ഭാർഗവസ്തസ്യ ലഭതേ ച സതാം ഗതിം .. 21..

.. ഇതി ശ്രീഅഗ്നിപുരാണേ ദാശരഥിരാമപ്രോക്തം
ശ്രീപരശുരാമസഹസ്രനാമസ്തോത്രം സമ്പൂർണം ..

ശ്രീഭാർഗവാർപണമസ്തു .
.. ശ്രീരസ്തു ..

SRI HANUMATH SAHASRANAMA STHOTHRAM

 

ഹനുമത്സഹസ്രനാമസ്തോത്രം 

അസ്യ ശ്രീഹനുമദ്ദിവ്യസഹസ്രനാമസ്തോത്രമന്ത്രസ്യ ശ്രീരാമ ഋഷിഃ, അനുഷ്ടുപ്ഛന്ദഃ, ശ്രീഹനുമാൻ ദേവതാ, ആഞ്ജനേയേതി ശക്തിഃ, വാതാത്മജേതി ദൈവതം ബീജം, മർകടരാഡിതി കീലകം, വജ്രകായേതി കവചം, ബലവാനിതി യോനിഃ, ദംഷ്ട്രായുധേതി അസ്ത്രം, ഹൃദയാദി ന്യാസഃ.

ധ്യാനം

ചന്ദ്രാഭം ചരണാരവിന്ദയുഗലം കൗപീനമൗഞ്ജീധരം 

നാഭ്യാം വൈ കടിസൂത്രയുക്തവസനം യജ്ഞോപവീതാവൃതം |

 ഹസ്താഭ്യാമവലംബ്യ ചാഞ്ജലിമഥോ ഹാരാവലീകുണ്ഡലം

 ബിഭ്രദ്ദീർഘശിഖം പ്രസന്നവദനം ദിവ്യാഞ്ജനേയം ഭജേ ||

സ്തോത്രം

ഓം ഹനുമാനഞ്ജനാസൂനുർവായുപുത്രോ മഹാബലഃ | കേസരീനന്ദനഃ ശ്രീമാൻവിശ്വകർമാർചിതധ്വജഃ ||

ഈശ്വരാംശഃ സ്വയജ്ഞാതഃ പാർവതീഗർഭസംഭവഃ | 
സുചിരം മാതൃഗർഭസ്ഥോ ഗർഭവൈഷ്ണവസംസ്കൃതഃ ||

ബ്രഹ്മചാരീന്ദ്രഭജിതഃ സർവവിദ്യാവിശാരദഃ | 
മാതൃഗർഭസ്ഥനരനോ ഹരിധ്യാനപരായണഃ ||

ശ്രോണനക്ഷത്രജഃ സൂര്യഗിലനഃ കപിവല്ലഭഃ | 
വജ്രദേഹീ മഹാബാഹുർജഗദാശ്ചര്യശൈശവഃ ||

കാലേന സഹ യുദ്ധാർഥീ കാലദണ്ഡപ്രഹാരകഃ | 
കാലകിങ്കരഹാരീ ച കാലാന്തകവിമർദനഃ ||

നഖായുധഃ സർവജയോ രണേശ്വരോ ഭുജായുധഃ | ശൈലവിക്ഷേപകഭുജഃ ക്ഷേപകഃ പാദഘട്ടനഃ ||

വാലപാശായുധോ ദംഷ്ട്രായുധഃ പരമസാഹസഃ | 
നിരായുധജയോ യോദ്ധാ വനചാരീ ഹരിപുംഗവഃ ||

അചേതസരിപുർഭൂതരക്ഷകോഽനന്തവിഗ്രഹഃ | 
ഈശാനവിഗ്രഹഃ കിന്നരേശോ ഗന്ധർവനാശനഃ ||

അദ്രിഭിന്മന്ത്രകൃദ്ഭൂതസ്നേഹഹന്മേഘനിർജിതഃ | പുരന്ദരധനുശ്ഛേത്താ മാതലേർമദഭഞ്ജനഃ ||

ബ്രഹ്മാസ്ത്രസ്തംഭനോ രൗദ്രബാണനിർഹരണോഽനിലഃ | ഐരാവതബലോച്ഛേദീ വൃത്രാരേർബാഹുഭഞ്ജനഃ ||

യോഗനിദ്രാസക്തമനാ ജഗത്സമ്പ്രീതീകാരകഃ | വിഷ്ണോരാഗമനോപായഃ കാരണഃ പുനരുത്ഥിതഃ ||

നക്തഞ്ചരാഹിതോദ്ധർത്താ സർവേന്ദ്രിയജിതഃ ശുചിഃ | സ്വബലാബലസഞ്ജ്ഞാതഃ കാമരൂപീ മഹോന്നതഃ ||

പിംഗലാക്ഷോ മഹാബുദ്ധിഃ സർവസ്ത്രീമാതൃദർശകഃ | 
വനേചരോ വായുവേഗീ സുഗ്രീവരാജ്യകാരണഃ ||

വാലീഹനനകൃത് പ്രാജ്ഞോ രാമേഷ്ടഃ കപിസത്തമഃ | സമുദ്രതരണച്ഛായാഗ്രാഹഭിച്ഛൂരശക്തിഹാ ||

സീതാസുവേഷണഃ ശുദ്ധഃ പാവനഃ പവനോഽനലഃ | 
അതിപ്രവൃദ്ധോ ഗുണവാൻ ജാനകീശോകനാശനഃ ||

ദശഗ്രീവവനോത്പാടീ വനപാലകനിർജിതഃ | 
ബഹുരൂപോ ബൃഹദ്രൂപോ ജരാമരണവർജിതഃ ||

രക്തകുണ്ഡലധൃഗ്ധീമാൻ കനകാംഗഃ സുരാരിഹാ | വക്രനാസോഽസുരഘ്നശ്ച രജോഹാ സഹരൂപധൃക് ||

ശാർദൂലമുഖജിദ് വജ്രരോമാ ദീർഘജിഹ്വജിത് | 
രക്തരോമാഹ്വയരിപുഃ ശതജിഹ്വാഖ്യസൂദനഃ ||

രക്തലോചനവിധ്വംസീ സ്തനിതസ്ഥിതവൈരിണഃ | ശൂലദംഷ്ട്രാഹിതോ വജ്രകവചാരിർമഹാഭടഃ ||

ജംബുമാലീഹരോഽക്ഷഘ്നഃ കാലപാശസ്വനസ്ഥിതഃ | ദശാസ്യവക്ഷഃസന്താപീ സപ്തമന്ത്രിസുതാന്തകഃ ||

ലങ്കിനീദമനഃ സൗമ്യോ ദിവ്യമംഗലവിഗ്രഹഃ | 
രാമപത്ന്യാഃ ശുചോഹർത്താ സംഖ്യാതീതധരാലയഃ ||

ലങ്കാപ്രാസാദവിച്ഛേദീ നിഃസംഗോഽമിതവിക്രമഃ | 
ഏകവീരോ മഹാജംഘോ മാലീപ്രാണാപഹാരകഃ ||

പ്രമേയനേത്രപ്രമഥനോ കാലാഗ്നിസദൃശപ്രഭഃ | 
വികമ്പനഗദാഹാരീ വിഗ്രഹോ വീരപുംഗവഃ ||

വിശാലരൗപ്യസംഹർത്താ ത്രിശിരാഖ്യവിമർദനഃ | 
കുംഭവൈരീ ദശഗ്രീവദോർഭേദോ രവിഭേദകഃ ||

ഭിഷക്പതിർമഹാവൈദ്യോ നിത്യാമൃതകരഃ ശുചിഃ | ധന്വന്തരിർജഗദ്ഭൂത ഔഷധീശോ വിശാമ്പതിഃ ||

ദിവ്യൗഷധാദ്യാനയിതാ മൃതാവാനരജീവനഃ | 
സംഗ്രാമജയവർധശ്ച ലോകപര്യന്തവർധനഃ ||

ഇന്ദ്രജിദ്ഭൂതലോത്പന്നപ്രതാപഭയഭീകരഃ | 
മാല്യവന്തപ്രശമനഃ സൗമിത്രേർജീവദായകഃ ||

സ്ഥൂലജംഘജിതഃ സ്ഥൂലോ മഹാനാദവിനിർജിതഃ |
 മഹാദംഷ്ട്രാന്തകഃ ക്രോധീ മഹോദരവിനാശകൃത് ||

മഹോരസ്കോ സുരാരാതിരുൽകാമുഖനികൃന്തനഃ | മഹാവീര്യോഽജയഃ സൂക്ഷ്മശ്ചതുർവക്ത്രവിദാരണഃ ||

ഹസ്തികർണാന്തകഃ ശംഖകർണശത്രുർമഹോജ്ജ്വലഃ | 
മേഘാന്തകഃ കാലരുദ്രശ്ചിത്രഗതിർജഗത്പതിഃ ||

സർവലക്ഷണലക്ഷണ്യോ ഭിഷജാദിപ്രതിഷ്ഠിതഃ | 
ദുർഗം ബലേന കുർവാണഃ പ്ലവംഗവരരക്ഷകഃ ||

പാതാലലങ്കാഗമനോ ഉദ്ദണ്ഡോ നന്ദിമോചകഃ | 
പ്രസ്ഥവല്ലഭസന്ത്രാതാ ഭീകരാക്ഷീനികൃന്തനഃ ||

ഭേരീവചഃശിരശ്ഛേദീ വ്യോമവീക്ഷ്യനിഷൂദനഃ | നിർധൂതകായനിർജൈത്ര ഊർധ്വവക്ത്രവിദൂരകഃ ||

നിർഘോഷഹാസ്യവിധ്വസ്തസ്തീവ്രഘോരാനനാന്തകഃ | ആസ്ഫോടകസൈന്യവിദ്വേഷീ മൈത്രാവരുണഭഞ്ജനഃ ||

ജഗദേകസ്ഫുരദ്വീര്യോ നീലമേഘസദൃശദ്യുതിഃ | രാമലക്ഷ്മണയോരുദ്ധർത്താ തത്സഹായജയഃ ശുഭഃ ||

പ്രാദുർഹോമഘ്നകൃത്സർവകില്വിഷഘ്നഃ പാപനാശനഃ | ഗുഹപ്രാണപ്രതിഷ്ഠാതാ ഭരതപ്രാണരക്ഷകഃ ||

കപിഃ കപീശ്വരഃ കാവ്യോ മഹാനാടകകാവ്യകൃത് | 
ശുദ്ധക്രിയാവ്രതോ ഗായീ ഗാനവിദ്യാവിശാരദഃ ||

ചതുഃഷഷ്ടികലാദക്ഷഃ സർവജ്ഞഃ സർവശാസ്ത്രവിത് | സർവശക്തിർനിരാലംബഃ കൂർമപൃഷ്ഠവിദാരണഃ ||

ധ്വംസരൂപഃ സദാപൂജ്യോ ഭീമപ്രാണാഭിരക്ഷകഃ | 
പാണ്ഡവേശഃ പരംബ്രഹ്മ പരമാത്മാ പരന്തപഃ ||

പഞ്ചവക്ത്രോ ഹയഗ്രീവഃ പക്ഷിരാജോ പരഃശിവഃ | 
നാരസിംഹഃ പരഞ്ജ്യോതിർവരാഹഃ പ്ലവഗേശ്വരഃ ||

മഹോരസ്കോ മഹാതേജാ മഹാത്മാ ഭുജവിംശതിഃ | ശൈലമുദ്ധൃതഖഡ്ഗശ്ച ശംഖചക്രഗദാധരഃ ||

നാനായുധധരഃ ശൂലീ ധനുർവേദപരായണഃ | ആക്ഷ്യാഹ്വയശിരോഹാരീ കവചീ ദിവ്യബാണഭൃത് ||

താഡകാസുതസംഹാരീ സ്വയംമൂർതിരലമ്പലഃ | 
ബ്രഹ്മാത്മാ ബ്രഹ്മകൃദ്ബ്രഹ്മ ബ്രഹ്മലോകപ്രകാങ്ക്ഷണഃ ||

ശ്രീകണ്ഠഃ ശങ്കരഃ സ്ഥാണുഃ പരന്ധാമ പരാഗതിഃ | 
പീതാംബരധരശ്ചക്രീ വ്യോമകേശഃ സദാശിവഃ ||

ത്രിമൂർത്യാത്മാ ത്രിലോകേശസ്ത്രിഗണസ്ത്രിദിവേശ്വരഃ | 
വാസുദേവഃ പരംവ്യോമ പരത്വം ച പരോദയഃ ||

പരംജ്ഞാനം പരാനന്ദഃ പരോഽവ്യക്തഃ പരാത്പരഃ | 
പരമാർഥഃ പരോ ധ്യേയഃ പരധ്യേയഃ പരേശ്വരഃ ||

പരർദ്ധിഃ സർവതോഭദ്രോ നിർവികല്പോ നിരാമയഃ | 
നിരാശ്രയോ നിരാകാരോ നിർലേപഃ സർവദുഃഖഹാ ||

ബ്രഹ്മവിദ്യാശ്രയോഽനീശോഽഹാര്യഃ പാവനവിഗ്രഹഃ | നിർണയശ്ചതുരോഽനന്തോ നിഷ്കലഃ സർവഭാവനഃ ||

അനയോഽതീന്ദ്രിയോഽചിന്ത്യോഽമിതാഹാരോ നിരഞ്ജനഃ | 
അക്ഷയഃ സർവസംസ്പൃഷ്ടഃ സർവഗശ്ചിന്മയഃ ശിവഃ ||

അച്യുതഃ സർവഫലദോ ദാതാ ശ്രീപുരുഷോത്തമഃ | 
സർവദാ സർവസാക്ഷീ ച സർവഃ സർവാർതിശായകഃ ||

സർവസാരഃ സർവരൂപഃ സർവാത്മാ സർവതോമുഖഃ | സർവശാസ്ത്രമയോ ഗുഹ്യഃ സർവാർഥഃ സർവകാരണഃ ||

വേദാന്തവേദ്യഃ സർവാർഥീ നിത്യാനന്ദോ മഹാഹവിഃ | 
സർവേശ്വരോ മഹാവിഷ്ണുർനിത്യയുക്തഃ സനാതനഃ ||

ഷഡ്വിംശകോ യോഗപതിര്യോഗഗമ്യഃ സ്വയമ്പ്രഭുഃ | മായാപതിർഭവോഽനർഥഭവബന്ധൈകമോചകഃ ||

പുരാണഃ പുരുഷഃ സത്യസ്തപത്രയവിവർജിതഃ | 
നിത്യോദിതഃ ശുദ്ധബുദ്ധഃ കാലാതീതോഽപരാജിതഃ ||

പൂർണോ ജഗന്നിധിർഹംസഃ കല്യാണഗുണഭാജനഃ | 
ദുർജയഃ പ്രകൃതിസ്വാമീ സർവാശ്രയമയോഽതിഗഃ ||

യോഗിപ്രിയഃ സർവഹരസ്താരണഃ സ്തുതിവർധനഃ | 
അന്തര്യാമീ ജഗന്നാഥഃ സ്വരൂപഃ സർവതഃ സമഃ ||

കൈവല്യനാഥഃ കൂടസ്ഥഃ സർവഭൂതവശങ്കരഃ | 
സങ്കർഷണോ ഭയകരഃ കാലഃ സത്യസുഖൈകഭൂഃ ||

അതുല്യോ നിശ്ചലഃ സാക്ഷീ നിരുപാധിപ്രിയോ ഹരിഃ | 
നാഹംവാദോ ഹൃഷീകേശഃ പ്രഭാനാഥോ ജഗന്മയഃ ||

അനന്തശ്രീർവിശ്വബീജം നിഃസീമഃ സർവവീര്യജിത് | 
സ്വപ്രകാശഃ സർവഗതിഃ സിദ്ധാർഥോ വിശ്വമോഹനഃ ||

അനിർലംഘ്യോ മഹാമായഃ പ്രദ്യുമ്നോ ദേവനായകഃ | 
പ്രാണേശ്വരോ ജഗദ്ബന്ധുഃ ക്ഷേത്രജ്ഞസ്ത്രിഗുണേശ്വരഃ ||

ക്ഷരോ ദുരാസദോ ബ്രഹ്മ പ്രണവോ വിശ്വസൂത്രധൃക് | 
സർവാനവദ്യഃ സംസ്ഥേയഃ സർവധാമാ മനഃപതിഃ ||

ആനന്ദഃ ശ്രീപതിഃ ശ്രീദഃ പ്രാണസത്ത്വനിയോജകഃ | അനന്തലീലാകർതൃജ്ഞോ ദുഷ്പ്രാപഃ കാലചക്രകൃത് ||

ആദിനാഥഃ സർവശക്തഃ സർവദേവഃ സദോർജിതഃ | 
ജഗദ്ധാതാ ജഗജ്ജൈത്രോ വാങ്മനോജഗദാർതിഹാ ||

സ്വസ്വതഃശ്രീരസുരാരിർമുകുന്ദഃ ശ്രീനികേതനഃ | 
വിപ്രശംഭുഃ പിതാ മൂലപ്രകൃതിഃ സർവമംഗലഃ ||

സൃഷ്ടിസ്ഥിത്യന്തകൃച്ഛ്രേഷ്ഠോ വൈകുണ്ഠഃ 
സജ്ജനാശ്രയഃ | അനുത്തമഃ പുനർജാതോ രുദ്രാദുത്കവചാനനഃ ||

ത്രൈലോക്യപാവനഃ സിദ്ധഃ പാദോ വിശ്വധുരന്ധരഃ | 
ബ്രഹ്മാ ബ്രഹ്മപിതാ യജ്ഞഃ പുഷ്പനേത്രാർഥകൃത്കവിഃ ||

സർവമോഹഃ സദാപുഷ്ടഃ സർവദേവപ്രിയോ വിഭുഃ | 
യജ്ഞത്രാതാ ജഗത്സേതുഃ പുണ്യോ ദുഃസ്വപ്നനാശനഃ ||

സർവദുഷ്ടാന്തകൃത്സാധ്യോ യജ്ഞേശോ യജ്ഞഭാവനഃ | യജ്ഞഭുഗ്യജ്ഞഫലദഃ സർവശ്രേയോ ദ്വിജപ്രിയഃ ||

വനമാലീ സദാപൂതശ്ചതുർമൂർതിഃ സദാർചിതഃ | 
മുക്തകേശഃ സർവഹിതോ ദേവസാരഃ സദാപ്രിയഃ ||

അനിർദേശ്യവപുഃ സർവദേവമൂർതിശ്ചതുർഭുജഃ | അനന്തകീർതിർനിഃസംഗഃ സർവദേവശിരോമണിഃ ||

പരാർഥകർതാ ഭഗവാൻസ്വാർഥകർതാ തപോനിധിഃ | 
വേദഗുഹ്യഃ സദോദീർണോ വൃദ്ധിക്ഷയവിവർജിതഃ ||

സാധർമകൃത് സദാശാന്തോ വിശ്വാരാധ്യോ വൃഷാകപിഃ | കപിർഭക്തപരാധീനഃ പുരാണഃ കുലദേവതാ ||

മായാവാനരചാരിത്രഃ പുണ്യശ്രവണകീർതനഃ | ഉത്സവോഽനന്തമാഹാത്മ്യഃ കൃപാലുർധർമജീവനഃ ||

സഹസ്രനാമവിജ്ഞേയോ നിത്യതൃപ്തഃ സുഭദ്രകഃ | 
ഏകവീരോ മഹോദാരഃ പാവനോഽഗ്രവീക്ഷണഃ ||

വിശ്വഭോക്താ മഹാവീരഃ കർതാ ചാദ്ഭുതഭോഗവാൻ | 
ത്രിയുഗഃ ശൂലവിധ്വംസീ സാമസാരഃ സുവിക്രമഃ ||

നാരായണോ ലോകഗുരുർവിഷ്വക്സേനോ മഹാപ്രഭുഃ | 
യജ്ഞസാരോ മുനിസ്തുത്യോ നിർമലോ ഭക്തവത്സലഃ ||

ലോകൈകനായകഃ സർവസജ്ജനാനാമയസാധകഃ | മോക്ഷദോഽഖിലലോകേശഃ സദാധ്യേയസ്ത്രിവിക്രമഃ ||

മാതാഹിതസ്ത്രിലോകാത്മാ നക്ഷത്രേശഃ ക്ഷുധാപഹഃ | ശബ്ദബ്രഹ്മദയാസാരഃ കാലമൃത്യുനിവർതകഃ ||

അമോഘാസ്ത്രഃ സ്വയംവ്യക്തഃ സർവസത്യം ശുഭൈകധൃക് | സഹസ്രബാഹുരവ്യക്തഃ കാലമൃത്യുനിവർതകഃ ||

അഖിലാംഭോനിധിർദന്തീ സർവവിഘ്നാന്തകോ വിഭുഃ | മഹാവരാഹോ നൃപതിർദുഷ്ടഭുഗ്ദൈത്യമന്മഥഃ ||

മഹാദംഷ്ട്രായുധഃ സർവഃ സർവജിദ്ഭൂരിവിക്രമഃ | അഭിപ്രായപ്രദോഽജ്ഞഃ സർവമന്ത്രൈകരൂപവാൻ ||

ജനാർദ്ദനോ മഹായോഗീ ഗുരുപൂജ്യോ മഹാഭുജഃ | ഭൈരവാഡംബരോദ്ദണ്ഡഃ സർവയന്ത്രവിധാരണഃ ||

സർവാദ്ഭുതോ മഹാവീരഃ കരാലഃ സർവദുഃഖഹാ | അഗമ്യോപനിഷദ്ഗമ്യോഽനന്തഃ സങ്കർഷണഃ പ്രഭുഃ ||

അകമ്പനോ മഹാപൂർണഃ ശരണാഗതവത്സലഃ | 
അഗമ്യോഽദ്ഭുതബലഃ സുലഭോ ജയതാം ജയഃ ||

അരികോലാഹലോ വജ്രധരഃ സർവാഘനാശനഃ | 
ധീരോദ്ധാരഃ സദാപുണ്യഃ പുണ്യഗുണഗണേശ്വരഃ ||

സത്യവ്രതഃ പൂർവഭാഷീ ശരണത്രാണതത്പരഃ | 
പുണ്യോദയഃ പുരാണേജ്യഃ സ്മിതവക്ത്രോ മഹാഹരിഃ ||

മിതഭാഷീ വ്രതഫലോ യോഗാനന്ദോ മഹാശിവഃ | 
ആധാരനിലയോ ജഹ്നുർവാതാതീതോഽതിനിദ്രഹാ ||

ഭക്തചിന്താമണിർവീരദർപ്പഹാ സർവപൂർവകഃ | യുഗാന്തഃ സർവരോഗഘ്നഃ സർവദേവമയഃ പുരഃ ||

ബ്രഹ്മതേജഃ സഹസ്രാക്ഷോ വിശ്വശ്ലാഘ്യോ ജഗദ്വശഃ | ആദിവിദ്വാൻസുസന്തോഷശ്ചക്രവർതിർമഹാനിധിഃ ||

അദ്വിതീയോ ബഹിഃകർതാ ജഗത്ത്രയപവിത്രിതഃ | സമസ്തപാതകധ്വംസീ ക്ഷോണീമൂർതിഃ കൃതാന്തജിത് ||

ത്രികാലജ്ഞോ ജഗതാം ഭഗവദ്ഭക്തിവർധനഃ | 
അസാധ്യോ ശ്രീമയോ ബ്രഹ്മചാരീ ഭയാപഹഃ ||

ഭൈരവേശശ്ചതുർവർണഃ ശിതികണ്ഠയശഃപ്രദഃ | 
അമോഘവീര്യോ വരദഃ സമഗ്രഃ കാശ്യപാന്വയഃ ||

രുദ്രചണ്ഡീ പുരാണർഷിർമണ്ഡനോ വ്യാധിനാശകൃത് | 
ആദ്യഃ സനാതനഃ സിദ്ധഃ സർവശ്രേഷ്ഠോ യശഃപുമാൻ ||

ഉപേന്ദ്രോ വാമനോത്സാഹോ മാന്യോ വിശ്വവിശോധനഃ | 
അനന്യഃ സാത്വതാം ശ്രേഷ്ഠോ രാജ്യദേശഗുണാർണവഃ ||

വിശേഷോഽനുത്തമോ മേധാ മനോവാക്കായദോഷഹാ | ആത്മവാൻപ്രഥിതഃ സർവഭദ്രോ ഗ്രാഹ്യോഽഭയപ്രദഃ ||

ഭോഗദോഽതീന്ദ്രിയഃ സർവഃ പ്രകൃഷ്ടോ ധരണീജയഃ | വിശ്വഭൂർജ്ഞാനവിജ്ഞാനഭൂഷിതശ്ചാനിലാത്മജഃ ||

ധർമാധ്യക്ഷഃ കൃതാധ്യക്ഷോ ധർമാധർമധുരന്ധരഃ | 
ധർമദ്രഷ്ടാ ധർമമയോ ധർമാത്മാ ധർമപാലകഃ ||

രത്നഗർഭശ്ചതുർവേദോ വരശീലോഽഖിലാർഥദഃ | ദൈത്യാശാഖണ്ഡനോ വീരബാഹുർവിശ്വപ്രകാശകഃ ||

ദേവദൂത്യാത്മജോ ഭീമഃ സത്യാർഥോഽഖിലസാധകഃ | 
ഗ്രാമാധീശോ ദയാധീശോ മഹാമോഹതമിസ്രഹാ ||

യോഗസ്വാമീ സഹസ്രാംഘ്രിർജ്ഞാനയോഗഃ സുധാമയഃ | വിശ്വജിജ്ജഗതഃ ശാസ്താ പീതകൗപീനധാരണഃ ||

അഹിർബുധ്ന്യോഽകുപിതോ വിശ്വരേതാ അനാകുലഃ | 
ചതുര്യുഗഃ സർവശൂന്യഃ സ്വസ്ഥോ ഭോഗപ്രദായകഃ ||

ആശ്രമാണാം ഗുരുഃ ശ്രേഷ്ഠോ വിശ്വാത്മാ ചിത്രരൂപകഃ | 
ഏകാകീ ദിവ്യദ്രവിണ ഇൻദ്രഃ ശേഷാദിപൂരുഷഃ ||

നരാകൃതിർദേവമാന്യോ മഹാകായശിരോഭുജഃ | 
അനന്തപ്രലയഃ സ്ഥൈര്യോ വാലീഹന്താ വിമോഹനഃ ||

ധർമാങ്കിതോ ദേവദേവോ ദേവാർഥഃ ശ്രുതിഗോപകഃ | 
വേദാന്തകർതാ ദുഷ്ടഘ്നഃ ശ്രീധനഃ സുഖദഃ പ്രഭുഃ ||

ശൗരിഃ ശുദ്ധമനാഃ ശുദ്ധഃ സർവോത്കൃഷ്ടോ ജയധ്വജഃ | 
ധൃതാത്മാ ശ്രുതിമാർഗേശഃ കർതാ ച സാമവേദരാട് ||

മൃത്യുഞ്ജയഃ പരാദ്വേഷീ രുദ്രരാട് ഛന്ദസാം വരഃ | 
വിദ്യാധരഃ പൂർവസിദ്ധോ ദാന്തശ്രേഷ്ഠഃ സുരോത്തമഃ ||

ശ്രേഷ്ഠോ വിധിർബദ്ധശിരോ ഗന്ധർവഃ കാലസംഗമഃ | വിധ്വസ്തമോഹനോഽധ്യാത്മാ കാമധേനുഃ സുദർശനഃ ||

ചിന്താമണിഃ കൃപാചാര്യോ ബ്രഹ്മരാട് കല്പപാദപഃ | 
ദിനം പക്ഷോ വസന്തർതുർവത്സരഃ കല്പസഞ്ജ്ഞകഃ ||

ആത്മതത്ത്വാധിപോ വീരഃ സത്യഃ സത്യപ്രവർതകഃ | 
അധ്യാത്മവിദ്യാ ഓങ്കാരഃ സഗുണോഽക്ഷരോത്തമഃ ||

ഗണാധീശോ മഹാമൗനീ മരീചിഃ ഫലഭുക് പ്രഭുഃ | 
ദുർഗമോ വാസുകിർബർഹിർമുകുന്ദോ ജനകാഗ്രണിഃ ||

പ്രതിജ്ഞാസാധകോ മേഘഃ സന്മാർഗഃ സൂക്ഷ്മഗോചരഃ | ഭരതശ്രേഷ്ഠശ്ചിത്രരഥോ ഗുഹ്യോ രാത്രിപ്രയാതകഃ ||

മഹാസനോ മഹേഷ്വാസോ സുപ്രസാദഃ ശുചിശ്രവാഃ | 
സാംവർത്തകഃ ബൃഹദ്ഭാനുർവരാരോഹോ മഹാദ്യുതിഃ ||

മഹാമൂർദ്ധാതിഭ്രാജിഷ്ണുർഭൂതകൃത്സർവദർശനഃ | 
മഹാഭോഗോ മഹാശക്തിഃ സമാത്മാ സർവധീശ്വരഃ ||

അപ്രമേയഃ സമാവർത്തോ വിഘ്നഹർത്താ പ്രജാധരഃ | 
ചിരഞ്ജീവഃ സദാമർഷീ ദുർലഭഃ ശോകനാശനഃ ||

ജീവിതാത്മാ മഹാഗർത്തഃ സുസ്തനഃ സർവവിജ്ജയീ | 
കൃതകർമാ വിധേയാത്മാ കൃതജ്ഞഃ സമിതോർജിതഃ ||

സർവപ്രവർതകഃ സാധുഃ സഹിഷ്ണുർനിധനോ വസുഃ | 
ഭൂഗർഭോ നിയമോ വാഗ്മീ ഗ്രാമണീർഭൂതകൃത്സമഃ ||

സുഭുജസ്താരണോ ഹേതുഃ ശിഷ്ടേഷ്ടഃ പ്രിയവർധനഃ | 
കൃതാഗമോ വീതഭയോ ഗുണഭൃച്ഛർവരീകരഃ ||

ദൃഢഃ സത്ത്വവിധേയാത്മാ ലോകബന്ധുഃ പ്രജാഗരഃ | 
സുഷേണോ ലോകസാരംഗഃ സുഭഗോ ദ്രവിണപ്രദഃ ||

ഗഭസ്ഥിനേമിഃ കപിശോ ഹൃദീശസ്തന്തുവർധനഃ | 
ഭൂശയഃ പിംഗലോ നർദോ വൈക്രമോ വംശവർധനഃ ||

വിരാമോ ദുർജയോ മാനീ വിശ്വഹാസഃ പുരാതനഃ | 
അരൗദ്രഃ പ്രഗ്രഹോ മൂർതിഃ ശുഭാംഗോ ദുർധരോത്തമഃ ||

വാചസ്പതിർനിവൃത്താത്മാ ക്ഷേമകൃത് ക്ഷേമിനാം വരഃ | 
മഹാർഹഃ സർവശശ്ചക്ഷുർനിഗ്രഹോ നിർഗുണോ മതഃ ||

വിസ്താരോ മേദജോ ബഭ്രുഃ സംഭാവ്യോഽനാമയോ ഗ്രഹഃ | അയോനിജോഽർചിതോദീർണഃ സ്വമേധാർപിതവിഗ്രഹഃ ||

നിർവാണഗോപതിർദക്ഷഃ പ്രിയാർഹഃ ശാന്തിദഃ കൃശഃ | 
ശബ്ദാതിഗഃ സർവസഹഃ സത്യമേധാ സുലോചനഃ ||

അനിരൃതിർമഹാകർമാ കവിവര്യഃ പ്രജാപതിഃ | 
കുണ്ഡലീ സത്പഥാചാരഃ സംക്ഷേമോ വിരജോഽതുലഃ ||

ദാരുണഃ സുരഭിർവർണഃ സദായൂപപ്രിയോ വടഃ | 
മന്ദഗാമീ മന്ദഗതിർമന്ദവാസരതോഷിതഃ ||

വൃക്ഷശാഖാഗ്രസഞ്ചാരീ കോടിസിംഹൈകസത്ത്വവാൻ | സദാഞ്ജലിപുടോ ഗുപ്തഃ സർവതഃഭയാപഹഃ ||

സ്ഥാവരഃ പേശലോ ലോകസ്വാമീ ത്രൈലോക്യസാധകഃ | 

അത്യാഹാരീ നിരാഹാരീ ശിഖാവാന്മാരുതാശനഃ ||

അദൃശ്യഃ പ്രാണനിലയോ വ്യക്തരൂപോ മനോജവഃ | 
അഭിപ്രായോ ഭഗോ ദക്ഷഃ പാവനോ വിഷഭഞ്ജനഃ ||

അർഹോ ഗംഭീരഃ പ്രിയകൃത്സ്വാമീ ചതുരവിക്രമഃ | 
ആപദോദ്ധാരകോ ധുര്യഃ സർവഭോഗപ്രദായകഃ | 
ഓം തത്സദിതി നിർദിഷ്ടം ശ്രീഹനുമന്നാമ പാവനം ||

---

ഫലശ്രുതി: (യഥാമൂലം) ഈ ദിവ്യസഹസ്രനാമസ്തോത്രം ഭക്തിപൂർവ്വം ചൊല്ലുന്നവർക്ക് സർവ്വപാപങ്ങളിൽ നിന്നും മോചനവും, അഷ്ടൈശ്വര്യങ്ങളും, രോഗശാന്തിയും, വിജയവും സിദ്ധിക്കുമെന്ന് സ്തോത്രം അവസാനിപ്പിക്കുന്നു.

ഇതി ശ്രീസുദർശനസംഹിതായാം വസിഷ്ഠവാലഖില്യസംവാദേ ഹനുമദ്വജ്രകവചപൂർവകദിവ്യസഹസ്രനാമസ്തോത്രം സമ്പൂർണം.

KAMADEVA STOTHRAM (REMADEVIKRUTHAM)

 

കാമദേവസ്തോത്രം (രമാദേവീകൃതം )

ഓം ഹ്രാം ഹ്രീം ഹ്രൂം ।

ഓം നമോ ഭഗവതേ ഹൃഷീകേശായ
സർവഗുണവിശേഷൈർവിലക്ഷിതാത്മനേ ।

ആകൂതീനാം ചിത്തീനാം ചേതസാം വിശേഷാണാം ചാധിപതയേ ।
ഷോഡശകലായ ഛന്ദോമയായ അന്നമയായ അമൃതമയായ
സർവമയായ സഹസേ ഓജസേ ബലായ കാന്തായ കാമായ നമസ്തേ ।
ഉഭയത്ര ഭൂയാത് ॥ 18 ॥

സ്ത്രിയോ വ്രതൈസ്ത്വാ ഹൃഷീകേശ്വരം സ്വതോ
ഹ്യാരാധ്യ ലോകേ പതിമാശാസതേഽന്യം ।
താസാം ന തേ വൈ പരിപാന്ത്യപത്യം
പ്രിയം ധനായൂംഷി യതോഽസ്വതന്ത്രാഃ ॥ 19 ॥

സ വൈ പതിഃ സ്യാദകുതോഭയഃ സ്വയം
സമന്തതഃ പാതി ഭയാതുരം ജനം ।
സ ഏക ഏവേതരഥാ മിഥോ ഭയം
നൈവാത്മലാഭാദധി മന്യതേ പരം ॥ 20 ॥

യാ തസ്യ തേ പാദസരോരുഹാർഹണം
നികാമയേത്സാഖിലകാമലമ്പടാ ।
തദേവ രാസീപ്സിതമീപ്സിതോഽർചിതോ
യദ്ഭഗ്നയാച്ഞാ ഭഗവൻ പ്രതപ്യതേ ॥ 21 ॥

മത്പ്രാപ്തയേഽജേശ സുരാസുരാദയഃ
തപ്യന്ത ഉഗ്രം തപ ഐന്ദ്രിയേ ധിയഃ ।
ഋതേ ഭവത്പാദപരായണാന്ന മാം
വിന്ദന്ത്യഹം ത്വദ്ധൃദയാ യതോഽജിത ॥ 22 ॥

സ ത്വം മമാപ്യച്യുത ശീർഷ്ണി വന്ദിതം
കരാംബുജം യത്ത്വദധായി സാത്വതാം ।
ബിഭർഷി മാം ലക്ഷ്മ വരേണ്യ മായയാ
ക ഈശ്വരസ്യേഹിതമൂഹിതും വിഭുഃ ॥ 23 ॥

ഇതി ശ്രീമദ്ഭാഗവതമഹാപുരാണേ പഞ്ചമസ്കന്ധേ അഷ്ടാദശാധ്യായാന്തർഗതം
രമാദേവീകൃതം കാമദേവസ്തോത്രം സമാപ്തം ॥

KAMADEVA STHOTHRAM (MOHINIKRUTHAM)

 

 കാമദേവസ്തോത്രം (മോഹിനികൃതം)

മോഹിന്യുവാച ।

സർവേന്ദ്രിയാണാം പ്രവരം വിഷ്ണോരംശം ച മാനസം ।
തദേവ കർമണാം ബീജം തദുദ്ഭവ നമോഽസ്തു തേ ॥ 66 ॥

സ്വയമാത്മാ ഹി ഭഗവാൻ ജ്ഞാനരൂപോ മഹേശ്വരഃ ।
നമോ ബ്രഹ്മൻ ജഗത്സ്രഷ്ടസ്തദുദ്ഭവ നമോഽസ്തു തേ ॥ 67 ॥

സൃഷ്ടിഃ സർവശരീരേഷു ദൃഷ്ടിശ്ച യോഗിനാമപി ।
ജഗത്സാധ്യ ദുരാരാധ്യ ദുർനിവാര നമോഽസ്തു തേ ॥ 68 ॥

സർവാജിത ജഗജ്ജേതർജീവജീവ മനോഹര ।
രതിബീജ രതിസ്വാമിൻ രതിപ്രിയ നമോഽസ്തു തേ ॥ 69 ॥

ശശ്വദ്യോഷിദധിഷ്ഠാന യോഷിത്പ്രാണാധികപ്രിയ ।
യോഷിദ്വാഹന യോഷാസ്ത്ര യോഷിദ്ബന്ധോ നമോഽസ്തു തേ ॥ 70 ॥

പതിസാധ്യകരാശേഷരൂപാധാര ഗുണാശ്രയ ।
സുഗന്ധിവാതസചിവ മധുമിത്ര നമോഽസ്തു തേ ॥ 71 ॥

ശശ്വദ്യോനികൃതാധാര സ്ത്രീസന്ദർശനവർധന ।
വിദഗ്ധാനാം വിരഹിണാം പ്രാണാന്തക നമോഽസ്തു തേ ॥ 72 ॥

അകൃപാ യേഷു തേഽനർഥാസ്തേഷാം ജ്ഞാനവിനാശനം ।
അനൂഹരൂപഭക്തേഷു കൃപാസിന്ധോ നമോഽസ്തു തേ ॥ 73 ॥

തപസ്വിനാം ച തപസാം വിഘ്നബീജാവലീലയാ ।
മനഃ സകാമം മുക്താനാം കർതും ശക്ത നമോഽസ്തു തേ ॥ 74 ॥

തപഃസാധ്യാശ്ചാരാധ്യാശ്ച സദൈവം പാഞ്ചഭൗതികാഃ ।
പഞ്ചേന്ദ്രിയകൃതാധാര പഞ്ചബാണ നമോഽസ്തു തേ ॥ 75 ॥

ഇതി ബ്രഹ്മവൈവർതപുരാണേ ശ്രീകൃഷ്ണജന്മഖണ്ഡേ പൂർവഭാഗേ
ഏകത്രിംശാധ്യായാന്തർഗതം മോഹിനികൃതം കാമദേവസ്തോത്രം സമാപ്തം ॥