ശ്രീ സുബ്രഹ്മണ്യ സഹസ്രനാമസ്തോത്രം
(മാർകണ്ഡേയപ്രോക്തം)
ഓം ശ്രീ ഗണേശായ നമഃ ।
അസ്യ ശ്രീസുബ്രഹ്മണ്യസഹസ്രനാമസ്തോത്രമഹാമന്ത്രസ്യ
മാർകണ്ഡേയ ഋഷിഃ ।
അനുഷ്ടുപ് ഛന്ദഃ ।
ശ്രീസുബ്രഹ്മണ്യോ ദേവതാ ।
ശരജന്മാ അക്ഷയ ഇതി ബീജം ।
ശക്തിധരോऽക്ഷയ ഇതി ശക്തിഃ ।
കാർത്തികേയ ഇതി കീലകം ।
ക്രൗഞ്ചഭേദീത്യർഗളം ।
ശിഖിവാഹന ഇതി കവചം ।
ഷണ്മുഖ ഇതി ധ്യാനം ।
ശ്രീസുബ്രഹ്മണ്യപ്രസാദസിദ്ധ്യർഥേ നാമപാരായണേ വിനിയോഗഃ ॥
കരന്യാസഃ
ഓം ശം ഓങ്കാരസ്വരൂപായ ഓജോധരായ ഓജസ്വിനേ സുഹൃദ്യായ
ഹൃഷ്ടചിത്താത്മനേ ഭാസ്വരരൂപായ അംഗുഷ്ഠാഭ്യാം നമഃ ॥
ഓം രം ഷട്കോണമധ്യനിലയായ ഷട്കിരീടധരായ ശ്രീമതേ
ഷഡാധാരായ ഷഡാനനായ ലലാടഷണ്ണേത്രായ
അഭയവരദഹസ്തായ തർജനീഭ്യാം നമഃ ॥
ഓം വം ഷണ്മുഖായ ശരജന്മനേ ശുഭലക്ഷണായ ശിഖിവാഹനായ
ഷഡക്ഷരായ സ്വാമിനാഥായ മധ്യമാഭ്യാം നമഃ ॥
ഓം ണം കൃശാനുസംഭവായ കവചിനേ കുക്കുടധ്വജായ
ശൂരമർദനായ കുമാരായ സുബ്രഹ്മണ്യായ അനാമികാഭ്യാം നമഃ ॥
ഓം ഭം കന്ദർപകോടിദിവ്യവിഗ്രഹായ ദ്വിഷഡ്ബാഹവേ ദ്വാദശാക്ഷായ
മൂലപ്രകൃതിരഹിതായ കനിഷ്ഠികാഭ്യാം നമഃ ॥
ഓം വം സച്ചിദാനന്ദസ്വരൂപായ സർവരൂപാത്മനേ ഖേടധരായ ഖഡ്ഗിനേ
ശക്തിഹസ്തായ ബ്രഹ്മൈകരൂപിണേ കരതലകരപൃഷ്ഠാഭ്യാം നമഃ ॥
ഏവം ഹൃദയാദിന്യാസഃ ।
ഓം ഭൂർഭുവസ്സുവരോമിതി ദിഗ്ബന്ധഃ ॥
ധ്യാനം
ധ്യായേച്ഛണ്മുഖമിന്ദുകോടിസദൃശം രത്നപ്രഭാശോഭിതം,
ബാലാർകദ്യുതി-ഷട്കിരീടവിലസത്-കേയൂരഹാരാന്വിതം ।
കർണാലംബിതകുണ്ഡലപ്രവിലസദ്ഗണ്ഡസ്ഥലശോഭിതം,
കാഞ്ചീകങ്കണകിങ്കിണീരവയുതം ശൃംഗാരസാരോദയം ॥
ഷഡ്വക്ത്രം ശിഖിവാഹനം ത്രിനയനം ചിത്രാംബരാലങ്കൃതം,
വജ്രം ശക്തിമസിം ത്രിശൂലമഭയം ഖേടം ധനുശ്ചക്രകം ।
പാശം കുക്കുടമങ്കുശം ച വരദം ദോർഭിർധധാനം സദാ,
ധ്യായാമീപ്സിതസിദ്ധിദം ശിവസുതം സ്കന്ദം സുരാരാധിതം ॥
ദ്വിഷഡ്ഭുജം ഷണ്മുഖമംബികാസുതം
കുമാരമാദിത്യസഹസ്രതേജസം ।
വന്ദേ മയൂരാസനമഗ്നിസംഭവം
സേനാന്യമദ്യാഹമഭീഷ്ടസിദ്ധയേ ॥
പഞ്ചപൂജാ
ലം പൃഥിവ്യാത്മനേ ഗന്ധം കല്പയാമി ।
ഹം ആകാശാത്മനേ പുഷ്പാണി കല്പയാമി ।
യം വായ്വാത്മനേ ധൂപം കല്പയാമി ।
രം അഗ്ന്യാത്മനേ ദീപം കല്പയാമി ।
വം അമൃതാത്മനേ അമൃതമഹാനൈവേദ്യം കല്പയാമി ।
സം സർവാത്മനേ താംബൂലാദി-സർവോപചാരപൂജാം കല്പയാമി ॥
അഥ സ്തോത്രം
ഓം സുബ്രഹ്മണ്യഃ സുരേശാനഃ സുരാരികുലനാശനഃ ।
ബ്രഹ്മണ്യോ ബ്രഹ്മവിദ് ബ്രഹ്മാ ബ്രഹ്മവിദ്യാഗുരുർഗുരുഃ ॥ 1 ॥
ഈശാനഗുരുരവ്യക്തോ വ്യക്തരൂപഃ സനാതനഃ ।
പ്രധാനപുരുഷഃ കർത്താ കർമ കാര്യം ച കാരണം ॥ 2 ॥
അധിഷ്ഠാനം ച വിജ്ഞാനം ഭോക്താ ഭോഗശ്ച കേവലഃ ।
അനാദിനിധനഃ സാക്ഷീ നിയന്താ നിയമോ യമഃ ॥ 3 ॥
വാക്പതിർവാക്പ്രദോ വാഗ്മീ വാച്യോ വാഗ്വാചകസ്തഥാ ।
പിതാമഹഗുരുർലോകഗുരുസ്തത്വാർഥബോധകഃ ॥ 4 ॥
പ്രണവാർഥോപദേഷ്ടാ ചാപ്യജോ ബ്രഹ്മ സനാതനഃ ।
വേദാന്തവേദ്യോ വേദാത്മാ വേദാദിർവേദബോധകഃ ॥ 5 ॥
വേദാന്തോ വേദഗുഹ്യശ്ച വേദശാസ്ത്രാർഥബോധകഃ ।
സർവവിദ്യാത്മകഃ ശാന്തശ്ചതുർഷഷ്ടികലാഗുരുഃ ॥ 6 ॥
മന്ത്രാർഥോ മന്ത്രമൂർത്തിശ്ച മന്ത്രതന്ത്രപ്രവർതകഃ ।
മന്ത്രീ മന്ത്രോ മന്ത്രബീജം മഹാമന്ത്രോപദേശകഃ ॥ 7 ॥
മഹോത്സാഹോ മഹാശക്തിർമഹാശക്തിധരഃ പ്രഭുഃ ।
ജഗത്സ്രഷ്ടാ ജഗദ്ഭർത്താ ജഗന്മൂർത്തിർജഗന്മയഃ ॥ 8 ॥
ജഗദാദിരനാദിശ്ച ജഗദ്ബീജം ജഗദ്ഗുരുഃ ।
ജ്യോതിര്മയഃ പ്രശാന്താത്മാ സച്ചിദാനന്ദവിഗ്രഹഃ ॥ 9 ॥
സുഖമൂർത്തിഃ സുഖകരഃ സുഖീ സുഖകരാകൃതിഃ ।
ജ്ഞാതാ ജ്ഞേയോ ജ്ഞാനരൂപോ ജ്ഞപ്തിർജ്ഞാനബലം ബുധഃ ॥ 10 ॥
വിഷ്ണുർജിഷ്ണുർഗ്രസിഷ്ണുശ്ച പ്രഭവിഷ്ണുഃ സഹിഷ്ണുകഃ ।
വർധിഷ്ണുർഭൂഷ്ണുരജരസ്തിതിക്ഷ്ണുഃ ക്ഷാന്തിരാർജവം ॥ 11 ॥
ഋജുഃ സുഗമ്യഃ സുലഭോ ദുർലഭോ ലാഭ ഈപ്സിതഃ ।
വിജ്ഞോ വിജ്ഞാനഭോക്താ ച ശിവജ്ഞാനപ്രദായകഃ ॥ 12 ॥
മഹദാദിരഹങ്കാരോ ഭൂതാദിർഭൂതഭാവനഃ ।
ഭൂതഭവ്യഭവിഷ്യച്ച ഭൂതഭവ്യഭവത്പ്രഭുഃ ॥ 13 ॥
ദേവസേനാപതിർനേതാ കുമാരോ ദേവനായകഃ ।
താരകാരിർമഹാവീര്യഃ സിംഹവക്ത്രശിരോഹരഃ ॥ 14 ॥
അനേകകോടിബ്രഹ്മാണ്ഡപരിപൂർണാസുരാന്തകഃ ।
സുരാനന്ദകരഃ ശ്രീമാനസുരാദിഭയങ്കരഃ ॥ 15 ॥
അസുരാന്തഃപുരാക്രന്ദകരഭേരീനിനാദനഃ ।
സുരവന്ദ്യോ ജനാനന്ദകരശിഞ്ജന്മണിധ്വനിഃ ॥ 16 ॥
സ്ഫുടാട്ടഹാസസങ്ക്ഷുഭ്യത്താരകാസുരമാനസഃ ।
മഹാക്രോധോ മഹോത്സാഹോ മഹാബലപരാക്രമഃ ॥ 17 ॥
മഹാബുദ്ധിർമഹാബാഹുർമഹാമായോ മഹാധൃതിഃ ।
രണഭീമഃ ശത്രുഹരോ ധീരോദാത്തഗുണോത്തരഃ ॥ 18 ॥
മഹാധനുർമഹാബാണോ മഹാദേവപ്രിയാത്മജഃ ।
മഹാഖഡ്ഗോ മഹാഖേടോ മഹാസത്വോ മഹാദ്യുതിഃ ॥ 19 ॥
മഹർധിശ്ച മഹാമായീ മയൂരവരവാഹനഃ ।
മയൂരബർഹാതപത്രോ മയൂരനടനപ്രിയഃ ॥ 20 ॥
മഹാനുഭാവോഽമേയാത്മാഽമേയശ്രീശ്ച മഹാപ്രഭുഃ ।
സുഗുണോ ദുർഗുണദ്വേഷീ നിർഗുണോ നിർമലോഽമലഃ ॥ 21 ॥
സുബലോ വിമലഃ കാന്തഃ കമലാസനപൂജിതഃ ।
കാലഃ കമലപത്രാക്ഷഃ കലികല്മഷനാശനഃ ॥ 22 ॥
മഹാരണമഹായോദ്ധാ മഹായുദ്ധപ്രിയോഽഭയഃ ।
മഹാരഥോ മഹാഭാഗോ ഭക്താഭീഷ്ടഫലപ്രദഃ ॥ 23 ॥
ഭക്തപ്രിയഃ പ്രിയഃ പ്രേമ പ്രേയാൻ പ്രീതിധരഃ സഖാ ।
ഗൗരീകരസരോജാഗ്രലാലനീയമുഖാംബുജഃ ॥ 24 ॥
കൃത്തികാസ്തന്യപാനൈകവ്യഗ്രഷഡ്വദനാംബുജഃ ।
ചന്ദ്രചൂഡാംഗഭൂഭാഗവിഹാരണവിശാരദഃ ॥ 25 ॥
ഈശാനനയനാനന്ദകന്ദലാവണ്യനാസികഃ ।
ചന്ദ്രചൂഡകരാംഭോജപരിമൃഷ്ടഭുജാവലിഃ ॥ 26 ॥
ലംബോദരസഹക്രീഡാലമ്പടഃ ശരസംഭവഃ ।
അമരാനനനാലീകചകോരീപൂർണചന്ദ്രമാഃ ॥ 27 ॥
സർവാംഗസുന്ദരഃ ശ്രീശഃ ശ്രീകരഃ ശ്രീപ്രദഃ ശിവഃ ।
വല്ലീസഖോ വനചരോ വക്താ വാചസ്പതിർവരഃ ॥ 28 ॥
ചന്ദ്രചൂഡോ ബർഹിപിഞ്ഛശേഖരോ മകുടോജ്ജ്വലഃ ।
ഗുഡാകേശഃ സുവൃത്തോരുശിരാ മന്ദാരശേഖരഃ ॥ 29 ॥
ബിംബാധരഃ കുന്ദദന്തോ ജപാശോണാഗ്രലോചനഃ ।
ഷഡ്ദർശനീനടീരംഗരസനോ മധുരസ്വനഃ ॥ 30 ॥
മേഘഗംഭീരനിർഘോഷഃ പ്രിയവാക് പ്രസ്ഫുടാക്ഷരഃ ।
സ്മിതവക്ത്രശ്ചോത്പലാക്ഷശ്ചാരുഗംഭീരവീക്ഷണഃ ॥ 31 ॥
കർണാന്തദീർഘനയനഃ കർണഭൂഷണഭൂഷിതഃ ।
സുകുണ്ഡലശ്ചാരുഗണ്ഡഃ കംബുഗ്രീവോ മഹാഹനുഃ ॥ 32 ॥
പീനാംസോ ഗൂഢജത്രുശ്ച പീനവൃത്തഭുജാവലിഃ ।
രക്താംഗോ രത്നകേയൂരോ രത്നകങ്കണഭൂഷിതഃ ॥ 33 ॥
ജ്യാകിണാങ്കലസദ്വാമപ്രകോഷ്ഠവലയോജ്ജ്വലഃ ।
രേഖാങ്കുശധ്വജച്ഛത്രപാണിപദ്മോ മഹായുധഃ ॥ 34 ॥
സുരലോകഭയധ്വാന്തബാലാരുണകരോദയഃ ।
അംഗുലീയകരത്നാംശുദ്വിഗുണോദ്യന്നഖാങ്കുരഃ ॥ 35 ॥
പീനവക്ഷാ മഹാഹാരോ നവരത്നവിഭൂഷണഃ ।
ഹിരണ്യഗർഭോ ഹേമാംഗോ ഹിരണ്യകവചോ ഹരഃ ॥ 36 ॥
ഹിരണ്മയശിരസ്ത്രാണോ ഹിരണ്യാക്ഷോ ഹിരണ്യദഃ ।
ഹിരണ്യനാഭിസ്ത്രിവലീലലിതോദരസുന്ദരഃ ॥ 37 ॥
സുവർണസൂത്രവിലസദ്വിശങ്കടകടീതടഃ ।
പീതാംബരധരോ രത്നമേഖലാവൃതമധ്യകഃ ॥ 38 ॥
പീവരാലോമവൃത്തോദ്യത്സുജാനുർഗുപ്തഗുൽഫകഃ ।
ശംഖചക്രാബ്ജകുലിശധ്വജരേഖാംഘ്രിപങ്കജഃ ॥ 39 ॥
നവരത്നോജ്ജ്വലത്പാദകടകഃ പരമായുധഃ ।
സുരേന്ദ്രമകുടപ്രോദ്യന്മണിരഞ്ജിതപാദുകഃ ॥ 40 ॥
പൂജ്യാംഘ്രിശ്ചാരുനഖരോ ദേവസേവ്യസ്വപാദുകഃ ।
പാർവതീപാണികമലപരിമൃഷ്ടപദാംബുജഃ ॥ 41 ॥
മത്തമാതംഗഗമനോ മാന്യോ മാന്യഗുണാകരഃ ।
ക്രൗഞ്ചദാരണദക്ഷൗജാഃ ക്ഷണഃ ക്ഷണവിഭാഗകൃത് ॥ 42 ॥
സുഗമോ ദുർഗമോ ദുർഗോ ദുരാരോഹോഽരിദുഃസഹഃ ।
സുഭഗഃ സുമുഖഃ സൂര്യഃ സൂര്യമണ്ഡലമധ്യഗഃ ॥ 43 ॥
സ്വകിങ്കരോപസംസൃഷ്ടസൃഷ്ടിസംരക്ഷിതാഖിലഃ ।
ജഗത്സ്രഷ്ടാ ജഗദ്ഭർത്താ ജഗത്സംഹാരകാരകഃ ॥ 44 ॥
സ്ഥാവരോ ജംഗമോ ജേതാ വിജയോ വിജയപ്രദഃ ।
ജയശീലോ ജിതാരാതിർജിതമായോ ജിതാസുരഃ ॥ 45 ॥
ജിതകാമോ ജിതക്രോധോ ജിതമോഹഃ സുമോഹനഃ ।
കാമദഃ കാമഭൃത് കാമീ കാമരൂപഃ കൃതാഗമഃ ॥ 46 ॥
കാന്തഃ കല്യഃ കലിധ്വംസീ കൽഹാരകുസുമപ്രിയഃ ।
രാമോ രമയിതാ രമ്യോ രമണീജനവല്ലഭഃ ॥ 47 ॥
രസജ്ഞോ രസമൂർത്തിശ്ച രസോ നവരസാത്മകഃ ।
രസാത്മാ രസികാത്മാ ച രാസക്രീഡാപരോ രതിഃ ॥ 48 ॥
സൂര്യകോടിപ്രതീകാശഃ സോമസൂര്യാഗ്നിലോചനഃ ।
കലാഭിജ്ഞഃ കലാരൂപീ കലാപീ സകലപ്രഭുഃ ॥ 49 ॥
ബിന്ദുർനാദഃ കലാമൂർത്തിഃ കലാതീതോഽക്ഷരാത്മകഃ ।
മാത്രാകാരഃ സ്വരാകാരഃ ഏകമാത്രോ ദ്വിമാത്രകഃ ॥ 50 ॥
ത്രിമാത്രകശ്ചതുർമാത്രോ വ്യക്തഃ സന്ധ്യക്ഷരാത്മകഃ ।
വ്യഞ്ജനാത്മാ വിയുക്താത്മാ സംയുക്താത്മാ സ്വരാത്മകഃ ॥ 51 ॥
വിസർജനീയോഽനുസ്വാരഃ സർവവർണതനുർമഹാൻ ।
അകാരാത്മാഽപ്യുകാരാത്മാ മകാരാത്മാ ത്രിവർണകഃ ॥ 52 ॥
ഓങ്കാരോഽഥ വഷട്കാരഃ സ്വാഹാകാരഃ സ്വധാകൃതിഃ ।
ആഹുതിർഹവനം ഹവ്യം ഹോതാഽധ്വര്യുർമഹാഹവിഃ ॥ 53 ॥
ബ്രഹ്മോദ്ഗാതാ സദസ്യശ്ച ബർഹിരിധ്മം സമിച്ചരുഃ ।
കവ്യം പശുഃ പുരോഡാശഃ ആമിക്ഷാ വാജവാജിനം ॥ 54 ॥
പവനഃ പാവനഃ പൂതഃ പവമാനഃ പരാകൃതിഃ ।
പവിത്രം പരിധിഃ പൂർണപാത്രമുദ്ഭൂതിരിന്ധനം ॥ 55 ॥
വിശോധനം പശുപതിഃ പശുപാശവിമോചകഃ ।
പാകയജ്ഞോ മഹായജ്ഞോ യജ്ഞോ യജ്ഞപതിര്യജുഃ ॥ 56 ॥
യജ്ഞാംഗോ യജ്ഞഗമ്യശ്ച യജ്വാ യജ്ഞഫലപ്രദഃ ।
യജ്ഞാംഗഭൂര്യജ്ഞപതിര്യജ്ഞശ്രീര്യജ്ഞവാഹനഃ ॥ 57 ॥
യജ്ഞരാജ് യജ്ഞവിധ്വംസീ യജ്ഞേശോ യജ്ഞരക്ഷകഃ ।
സഹസ്രബാഹുഃ സർവാത്മാ സഹസ്രാക്ഷഃ സഹസ്രപാത് ॥ 58 ॥
സഹസ്രവദനോ നിത്യഃ സഹസ്രാത്മാ വിരാട് സ്വരാട് ।
സഹസ്രശീർഷോ വിശ്വശ്ച തൈജസഃ പ്രാജ്ഞ ആത്മവാൻ ॥ 59 ॥
അണുർബൃഹത്കൃശഃ സ്ഥൂലോ ദീർഘോ ഹ്രസ്വശ്ച വാമനഃ ।
സൂക്ഷ്മഃ സൂക്ഷ്മതരോഽനന്തോ വിശ്വരൂപോ നിരഞ്ജനഃ ॥ 60 ॥
അമൃതേശോഽമൃതാഹാരോഽമൃതദാതാഽമൃതാംഗവാൻ ।
അഹോരൂപസ്ത്രിയാമാ ച സന്ധ്യാരൂപോ ദിനാത്മകഃ ॥ 61 ॥
അനിമേഷോ നിമേഷാത്മാ കലാ കാഷ്ഠാ ക്ഷണാത്മകഃ ।
മുഹൂർത്തോ ഘടികാരൂപോ യാമോ യാമാത്മകസ്തഥാ ॥ 62 ॥
പൂർവാഹ്ണരൂപോ മധ്യാഹ്ണരൂപഃ സായാഹ്നരൂപകഃ ।
അപരാഹ്ണോഽതിനിപുണഃ സവനാത്മാ പ്രജാഗരഃ ॥ 63 ॥
വേദ്യോ വേദയിതാ വേദോ വേദദൃഷ്ടോ വിദാം വരഃ ।
വിനയോ നയനേതാ ച വിദ്വജ്ജനബഹുപ്രിയഃ ॥ 64 ॥
വിശ്വഗോപ്താ വിശ്വഭോക്താ വിശ്വകൃദ്വിശ്വഭേഷജം ।
വിശ്വംഭരോ വിശ്വപതിർവിശ്വരാഡ്വിശ്വമോഹനഃ ॥ 65 ॥
വിശ്വസാക്ഷീ വിശ്വഹന്താ വീരോ വിശ്വംഭരാധിപഃ ।
വീരബാഹുർവീരഹന്താ വീരാഗ്ര്യോ വീരസൈനികഃ ॥ 66 ॥
വീരവാദപ്രിയഃ ശൂര ഏകവീരഃ സുരാധിപഃ ।
ശൂരപദ്മാസുരദ്വേഷീ താരകാസുരഭഞ്ജനഃ ॥ 67 ॥
താരാധിപസ്താരഹാരഃ ശൂരഹന്താഽശ്വവാഹനഃ ।
ശരഭഃ ശരസംഭൂതഃ ശക്തഃ ശരവണേശയഃ ॥ 68 ॥
ശാങ്കരിഃ ശാംഭവഃ ശംഭുഃ സാധുഃ സാധുജനപ്രിയഃ ।
സാരാംഗഃ സാരകഃ സർവഃ ശാർവഃ ശാർവജനപ്രിയഃ ॥ 69 ॥
ഗംഗാസുതോഽതിഗംഭീരോ ഗംഭീരഹൃദയോഽനഘഃ ।
അമോഘവിക്രമശ്ചക്രശ്ചക്രഭൂഃ ശക്രപൂജിതഃ ॥ 70 ॥
ചക്രപാണിശ്ചക്രപതിശ്ചക്രവാലാന്തഭൂപതിഃ ।
സാർവഭൗമസ്സുരപതിഃ സർവലോകാധിരക്ഷകഃ ॥ 71 ॥
സാധുപഃ സത്യസങ്കല്പഃ സത്യസ്സത്യവതാം വരഃ ।
സത്യപ്രിയഃ സത്യഗതിഃ സത്യലോകജനപ്രിയഃ ॥ 72 ॥
ഭൂതഭവ്യഭവദ്രൂപോ ഭൂതഭവ്യഭവത്പ്രഭുഃ ।
ഭൂതാദിർഭൂതമധ്യസ്ഥോ ഭൂതവിധ്വംസകാരകഃ ॥ 73 ॥
ഭൂതപ്രതിഷ്ഠാസങ്കർത്താ ഭൂതാധിഷ്ഠാനമവ്യയഃ ।
ഓജോനിധിർഗുണനിധിസ്തേജോരാശിരകല്മഷഃ ॥ 74 ॥
കല്മഷഘ്നഃ കലിധ്വംസീ കലൗ വരദവിഗ്രഹഃ ।
കല്യാണമൂർതിഃ കാമാത്മാ കാമക്രോധവിവർജിതഃ ॥ 75 ॥
ഗോപ്താ ഗോപായിതാ ഗുപ്തിർഗുണാതീതോ ഗുണാശ്രയഃ ।
സത്വമൂർതീ രജോമൂർതിസ്തമോമൂർതിശ്ചിദാത്മകഃ ॥ 76 ॥
ദേവസേനാപതിർഭൂമാ മഹിമാ മഹിമാകരഃ ।
പ്രകാശരൂപഃ പാപഘ്നഃ പവനഃ പാവനോഽനലഃ ॥ 77 ॥
കൈലാസനിലയഃ കാന്തഃ കനകാചലകാർമുകഃ ।
നിർധൂതോ ദേവഭൂതിശ്ച വ്യാകൃതിഃ ക്രതുരക്ഷകഃ ॥ 78 ॥
ഉപേന്ദ്ര ഇന്ദ്രവന്ദ്യാംഘ്രിരുരുജംഘ ഉരുക്രമഃ ।
വിക്രാന്തോ വിജയക്രാന്തോ വിവേകവിനയപ്രദഃ ॥ 79 ॥
അവിനീതജനധ്വംസീ സർവാവഗുണവർജിതഃ ।
കുലശൈലൈകനിലയോ വല്ലീവാഞ്ഛിതവിഭ്രമഃ ॥ 80 ॥
ശാംഭവഃ ശംഭുതനയഃ ശങ്കരാംഗവിഭൂഷണഃ ।
സ്വയംഭൂഃ സ്വവശഃ സ്വസ്ഥഃ പുഷ്കരാക്ഷഃ പുരൂദ്ഭവഃ ॥ 81 ॥
മനുർമാനവഗോപ്താ ച സ്ഥവിഷ്ഠഃ സ്ഥവിരോ യുവാ ।
ബാലഃ ശിശുർനിത്യയുവാ നിത്യകൗമാരവാൻ മഹാൻ ॥ 82 ॥
അഗ്രാഹ്യരൂപോ ഗ്രാഹ്യശ്ച സുഗ്രഹഃ സുന്ദരാകൃതിഃ ।
പ്രമർദനഃ പ്രഭൂതശ്രീർലോഹിതാക്ഷോഽരിമർദനഃ ॥ 83 ॥
ത്രിധാമാ ത്രികകുത്ത്രിശ്രീസ്ത്രിലോകനിലയോഽലയഃ ।
ശർമദഃ ശർമവാൻ ശർമ ശരണ്യഃ ശരണാലയഃ ॥ 84 ॥
സ്ഥാണുഃ സ്ഥിരതരഃ സ്ഥേയാൻ സ്ഥിരശ്രീഃ സ്ഥിരവിക്രമഃ ।
സ്ഥിരപ്രതിജ്ഞഃ സ്ഥിരധീർവിശ്വരേതാഃ പ്രജാഭവഃ ॥ 85 ॥
അത്യയഃ പ്രത്യയഃ ശ്രേഷ്ഠഃ സർവയോഗവിനിഃസൃതഃ ।
സർവയോഗേശ്വരഃ സിദ്ധഃ സർവജ്ഞഃ സർവദർശനഃ ॥ 86 ॥
വസുർവസുമനാ ദേവോ വസുരേതാ വസുപ്രദഃ ।
സമാത്മാ സമദർശീ ച സമദഃ സർവദർശനഃ ॥ 87 ॥
വൃഷാകൃതിർവൃഷാരൂഢോ വൃഷകർമാ വൃഷപ്രിയഃ ।
ശുചിഃ ശുചിമനാഃ ശുദ്ധഃ ശുദ്ധകീർതിഃ ശുചിശ്രവാഃ ॥ 88 ॥
രൗദ്രകർമാ മഹാരൗദ്രോ രുദ്രാത്മാ രുദ്രസംഭവഃ ।
അനേകമൂർത്തിർവിശ്വാത്മാഽനേകബാഹുരരിന്ദമഃ ॥ 89 ॥
വീരബാഹുർവിശ്വസേനോ വിനേയോ വിനയപ്രദഃ ।
സർവഗഃ സർവവിത്സർവഃ സർവവേദാന്തഗോചരഃ ॥ 90 ॥
കവിഃ പുരാണോഽനുശാസ്താ സ്ഥൂലസ്ഥൂലോഽണോരണുഃ ।
ഭ്രാജിഷ്ണുർവിഷ്ണുവിനുതഃ കൃഷ്ണകേശഃ കിശോരകഃ ॥ 91 ॥
ഭോജനം ഭാജനം ഭോക്താ വിശ്വഭോക്താ വിശാംപതിഃ ।
വിശ്വയോനിർവിശാലാക്ഷോ വിരാഗോ വീരസേവിതഃ ॥ 92 ॥
പുണ്യഃ പുരുയശാഃ പൂജ്യഃ പൂതകീർതിഃ പുനർവസുഃ ।
സുരേന്ദ്രഃ സർവലോകേന്ദ്രോ മഹേന്ദ്രോപേന്ദ്രവന്ദിതഃ ॥ 93 ॥
വിശ്വവേദ്യോ വിശ്വപതിർവിശ്വഭൃദ്വിശ്വഭേഷജം ।
മധുരോ മധുരസംഗീതോ മാധവഃ ശുചിരൂഷ്മലഃ ॥ 94 ॥
ശുക്രഃ ശുഭ്രഗുണഃ ശുക്ലഃ ശോകഹന്താ ശുചിസ്മിതഃ ।
മഹേഷ്വാസോ വിഷ്ണുപതിഃ മഹീഹന്താ മഹീപതിഃ ॥ 95 ॥
മരീചിർമദനോ മാനീ മാതംഗഗതിരദ്ഭുതഃ ।
ഹംസഃ സുപൂർണഃ സുമനാഃ ഭുജംഗേശഭുജാവലിഃ ॥ 96 ॥
പദ്മനാഭഃ പശുപതിഃ പാരജ്ഞോ വേദപാരഗഃ ।
പണ്ഡിതഃ പരഘാതീ ച സന്ധാതാ സന്ധിമാൻ സമഃ ॥ 97 ॥
ദുർമർഷണോ ദുഷ്ടശാസ്താ ദുർധർഷോ യുദ്ധധർഷണഃ ।
വിഖ്യാതാത്മാ വിധേയാത്മാ വിശ്വപ്രഖ്യാതവിക്രമഃ ॥ 98 ॥
സന്മാർഗദേശികോ മാർഗരക്ഷകോ മാർഗദായകഃ ।
അനിരുദ്ധോഽനിരുദ്ധശ്രീരാദിത്യോ ദൈത്യമർദനഃ ॥ 99 ॥
അനിമേഷോഽനിമേഷാർച്യസ്ത്രിജഗദ്ഗ്രാമണീർഗുണീ ।
സമ്പൃക്തഃ സമ്പ്രവൃത്താത്മാ നിവൃത്താത്മാഽത്മവിത്തമഃ ॥ 100 ॥
അർചിഷ്മാനർചനപ്രീതഃ പാശഭൃത് പാവകോ മരുത് ।
സോമഃ സൗമ്യഃ സോമസുതഃ സോമസുത്സോമഭൂഷണഃ ॥ 101 ॥
സർവസാമപ്രിയഃ സർവസമഃ സർവംസഹോ വസുഃ ।
ഉമാസൂനുരുമാഭക്ത ഉത്ഫുല്ലമുഖപങ്കജഃ ॥ 102 ॥
അമൃത്യുരമരാരാതിമൃത്യുർമൃത്യുഞ്ജയോഽജിതഃ ।
മന്ദാരകുസുമാപീഡോ മദനാന്തകവല്ലഭഃ ॥ 103 ॥
മാല്യവന്മദനാകാരോ മാലതീകുസുമപ്രിയഃ ।
സുപ്രസാദഃ സുരാരാധ്യഃ സുമുഖഃ സുമഹായശാഃ ॥ 104 ॥
വൃഷപർവാ വിരൂപാക്ഷോ വിഷ്വക്സേനോ വൃഷോദരഃ ।
മുക്തോ മുക്തഗതിർമോക്ഷോ മുകുന്ദോ മുദ്ഗലീ മുനിഃ ॥ 105 ॥
ശ്രുതവാൻ സുശ്രുതഃ ശ്രോതാ ശ്രുതിഗമ്യഃ ശ്രുതിസ്തുതഃ ।
വർധമാനോ വനരതിർവാനപ്രസ്ഥനിഷേവിതഃ ॥ 106 ॥
വാഗ്മീ വരോ വാവദൂകോ വസുദേവവരപ്രദഃ ।
മഹേശ്വരോ മയൂരസ്ഥഃ ശക്തിഹസ്തസ്ത്രിശൂലധൃത് ॥ 107 ॥
ഓജസ്തേജശ്ച തേജസ്വീ പ്രതാപഃ സുപ്രതാപവാൻ ।
ഋദ്ധിഃ സമൃദ്ധിഃ സംസിദ്ധിഃ സുസിദ്ധിഃ സിദ്ധസേവിതഃ ॥ 108 ॥
അമൃതാശോഽമൃതവപുരമൃതോഽമൃതദായകഃ ।
ചന്ദ്രമാശ്ചന്ദ്രവദനശ്ചന്ദ്രദൃക് ചന്ദ്രശീതലഃ ॥ 109 ॥
മതിമാന്നീതിമാന്നീതിഃ കീർതിമാൻ കീർതിവർധനഃ ।
ഔഷധം ചൗഷധീനാഥഃ പ്രദീപോ ഭവമോചനഃ ॥ 110 ॥
ഭാസ്കരോ ഭാസ്കരതനുർഭാനുർഭയവിനാശനഃ ।
ചതുര്യുഗവ്യവസ്ഥാതാ യുഗധർമപ്രവർതകഃ ॥ 111 ॥
അയുജോ മിഥുനം യോഗോ യോഗജ്ഞോ യോഗപാരഗഃ ।
മഹാശനോ മഹാഭൂതോ മഹാപുരുഷവിക്രമഃ ॥ 112 ॥
യുഗാന്തകൃദ്യുഗാവർത്തോ ദൃശ്യാദൃശ്യസ്വരൂപകഃ ।
സഹസ്രജിത് മഹാമൂർത്തിഃ സഹസ്രായുധപണ്ഡിതഃ ॥ 113 ॥
അനന്താസുരസംഹർത്താ സുപ്രതിഷ്ഠഃ സുഖാകരഃ ।
അക്രോധനഃ ക്രോധഹന്താ ശത്രുക്രോധവിമർദനഃ ॥ 114 ॥
വിശ്വമൂർത്തിർവിശ്വബാഹുർവിശ്വദൃക് വിശ്വതോമുഖഃ ।
വിശ്വേശോ വിശ്വസംസേവ്യോ ദ്യാവാഭൂമിവിവർധനഃ ॥ 115 ॥
അപാന്നിധിരകർതാഽന്നമന്നദാതാഽന്നദാരുണഃ ।
അംഭോജമൗലിരുജ്ജീവഃ പ്രാണഃ പ്രാണപ്രദായകഃ ॥ 116 ॥
സ്കന്ദഃ സ്കന്ദധരോ ധുര്യോ ധാര്യോ ധൃതിരനാതുരഃ ।
ആതുരൗഷധിരവ്യഗ്രോ വൈദ്യനാഥോഽഗദങ്കരഃ ॥ 117 ॥
ദേവദേവോ ബൃഹദ്ഭാനുഃ സ്വർഭാനുഃ പദ്മവല്ലഭഃ ।
അകുലഃ കുലനേതാ ച കുലസ്രഷ്ടാ കുലേശ്വരഃ ॥ 118 ॥
നിധിർനിധിപ്രിയഃ ശംഖപദ്മാദിനിധിസേവിതഃ ।
ശതാനന്ദഃ ശതാവർത്തഃ ശതമൂർത്തിഃ ശതായുധഃ ॥ 119 ॥
പദ്മാസനഃ പദ്മനേത്രഃ പദ്മാംഘ്രിഃ പദ്മപാണികഃ ।
ഈശഃ കാരണകാര്യാത്മാ സൂക്ഷ്മാത്മാ സ്ഥൂലമൂർത്തിമാൻ ॥ 120 ॥
അശരീരീ ത്രിശരീരീ ശരീരത്രയനായകഃ ।
ജാഗ്രത്പ്രപഞ്ചാധിപതിഃ സ്വപ്നലോകാഭിമാനവാൻ ॥ 121 ॥
സുഷുപ്ത്യവസ്ഥാഭിമാനീ സർവസാക്ഷീ തുരീയഗഃ ।
സ്വാപനഃ സ്വവശോ വ്യാപീ വിശ്വമൂർത്തിർവിരോചനഃ ॥ 122 ॥
വീരസേനോ വീരവേഷോ വീരായുധസമാവൃതഃ ।
സർവലക്ഷണലക്ഷണ്യോ ലക്ഷ്മീവാൻ ശുഭലക്ഷണഃ ॥ 123 ॥
സമയജ്ഞഃ സുസമയഃ സമാധിജനവല്ലഭഃ ।
അതുലോഽതുല്യമഹിമാ ശരഭോപമവിക്രമഃ ॥ 124 ॥
അഹേതുർഹേതുമാൻ ഹേതുഃ ഹേതുഹേതുമദാശ്രയഃ ।
വിക്ഷരോ രോഹിതോ രക്തോ വിരക്തോ വിജനപ്രിയഃ ॥ 125 ॥
മഹീധരോ മാതരിശ്വാ മാംഗല്യമകരാലയഃ ।
മധ്യമാന്താദിരക്ഷോഭ്യോ രക്ഷോവിക്ഷോഭകാരകഃ ॥ 126 ॥
ഗുഹോ ഗുഹാശയോ ഗോപ്താ ഗുഹ്യോ ഗുണമഹാർണവഃ ।
നിരുദ്യോഗോ മഹോദ്യോഗീ നിർനിരോധോ നിരങ്കുശഃ ॥ 127 ॥
മഹാവേഗോ മഹാപ്രാണോ മഹേശ്വരമനോഹരഃ ।
അമിതാശോഽമിതാഹാരോ മിതഭാഷീ മിതാർഥവാക് ॥ 128 ॥
അക്ഷോഭ്യഃ ക്ഷോഭകൃത് ക്ഷേമഃ ക്ഷേമവാൻ ക്ഷേമവർധനഃ ।
ഋദ്ധ ഋദ്ധിപ്രദോ മത്തോ മത്തകേകിനിഷൂദനഃ ॥ 129 ॥
ധർമോ ധർമവിദാം ശ്രേഷ്ഠോ വൈകുണ്ഠോ വാസവപ്രിയഃ ।
പരധീരോഽപരാക്രാന്തഃ പരിതുഷ്ടഃ പരാസുഹൃത് ॥ 130 ॥
രാമോ രാമനുതോ രമ്യോ രമാപതിനുതോ ഹിതഃ ।
വിരാമോ വിനതോ വിദ്വാൻ വീരഭദ്രോ വിധിപ്രിയഃ ॥ 131 ॥
വിനയോ വിനയപ്രീതോ വിമതോരുമദാപഹഃ ।
സർവശക്തിമതാം ശ്രേഷ്ഠഃ സർവദൈത്യഭയങ്കരഃ ॥ 132 ॥
ശത്രുഘ്നഃ ശത്രുവിനതഃ ശത്രുസംഘപ്രധർഷകഃ ।
സുദർശന ഋതുപതിർവസന്തോ മാധവോ മധുഃ ॥ 133 ॥
വസന്തകേലിനിരതോ വനകേലിവിശാരദഃ ।
പുഷ്പധൂലീപരിവൃതോ നവപല്ലവശേഖരഃ ॥ 134 ॥
ജലകേലിപരോ ജന്യോ ജഹ്നുകന്യോപലാലിതഃ ।
ഗാംഗേയോ ഗീതകുശലോ ഗംഗാപൂരവിഹാരവാൻ ॥ 135 ॥
ഗംഗാധരോ ഗണപതിർഗണനാഥസമാവൃതഃ ।
വിശ്രാമോ വിശ്രമയുതോ വിശ്വഭുഗ്വിശ്വദക്ഷിണഃ ॥ 136 ॥
വിസ്താരോ വിഗ്രഹോ വ്യാസോ വിശ്വരക്ഷണതത്പരഃ ।
വിനതാനന്ദകാരീ ച പാർവതീപ്രാണനന്ദനഃ ॥ 137 ॥
വിശാഖഃ ഷണ്മുഖഃ കാർത്തികേയഃ കാമപ്രദായകഃ ॥
🔚 സമാപനം
ഇതി ശ്രീ സുബ്രഹ്മണ്യ സഹസ്രനാമസ്തോത്രം സമ്പൂർണം ॥
ഓം ശരവണഭവ ഓം ॥
