HANUMAN SAHASRANAMA STHOTHRAM (ANJANEYA SAHASRANAMA STHOTHRAM)

 

 ശ്രീ ആഞ്ജനേയ സഹസ്രനാമസ്തോത്രം

ഋഷയ ഊചുഃ . 

ഋഷേ ലോഹഗിരിം പ്രാപ്തഃ സീതാവിരഹകാതരഃ . 

ഭഗവാൻ കിം വ്യധാദ്രാമസ്തത്സർവം ബ്രൂഹി സത്വരം .. 

വാല്മീകിരുവാച . 

മായാമാനുഷ ദേഹോഽയം ദദർശാഗ്രേ കപീശ്വരം . 

ഹനുമന്തം ജഗത്സ്വാമീ ബാലാർകസമ തേജസം .. 

സ സത്വരം സമാഗമ്യ സാഷ്ടാംഗം പ്രണിപത്യ ച .

കൃതാഞ്ജലിപുടോ ഭൂത്വാ ഹനുമാൻ രാമമബ്രവീത് .. 

ശ്രീ ഹനുമാനുവാച . 

ധന്യോഽസ്മി കൃതകൃത്യോഽസ്മി ദൃഷ്ട്വാ ത്വത്പാദപങ്കജം .

യോഗിനാമപ്യഗമ്യം ച സംസാരഭയ നാശനം .

പുരുഷോത്തമം ച ദേവേശം കർതവ്യം തന്നിവേദ്യതാം ..

ശ്രീ രാമചന്ദ്രോവാച .

ജനസ്ഥാനം കപിശ്രേഷ്ഠ കോഽപ്യാഗത്യ വിദേഹജാം . 

ഹൃതവാൻ വിപ്രസംവേശോ മാരീചാനുഗതേ മയി .. 

ഗവേഷ്യഃ സാമ്പ്രതം വീരഃ ജാനകീ ഹരണേ പരഃ . 

ത്വയാ ഗമ്യോ ന കോ ദേശസ്ത്വം ച ജ്ഞാനവതാവരഃ .. 

സപ്തകോടി മഹാമന്ത്രമന്ത്രിതാവയവഃ പ്രഭുഃ . 

ഋഷയ ഉചുഃ .  

കോ മന്ത്ര കിഞ്ച തധ്യാനം തന്നോ ബൂഹി യഥാർഥതാ . യഥാർഥതഃ

കഥാസുധാരസം പീത്വാ ന തൃപ്യാമഃ പരന്തപ .. 1.. 

വാല്മീകിരുവാച . 

മന്ത്രം ഹനുമതോ വിദ്ധി ഭുക്തിമുക്തി പ്രദായകം . 

മഹാരിഷ്ട മഹാപാപ മഹാദുഃഖ നിവാരണം .. 2.. 

മന്ത്രം . 

ഓം ഐം ഹ്രീം ശ്രീം ഹനുമതേ രാമദൂതായ ലങ്കാ വിധ്വംസനായ  

അഞ്ജനീഗർഭസംഭൂതായ ശാകിനീഢാകിനീ വിധ്വംസനായ  

കിലികിലി ബു ബു കാരേണ വിഭീഷണായ ഹനുമദ്ദേവായ 

ഓം ശ്രീം ഹ്രീം ഹ്രൗം ഹ്രാം ഹ്രൂം  ഫട് സ്വാഹാ ..

അന്യം ഹനുമതോ മന്ത്രം സഹസ്രം നാമസഞ്ജ്ഞിതം .

ജാനന്തു ഋഷയഃ സർവേ മഹാദുരിതനാശനം .. 3.. 

യസ്യ സംസ്മരണാത് സീതാം ലബ്ധ്വാ രാജ്യമകണ്ടകം .

വിഭീഷണായ ച ദദാവാത്മാനം ലബ്ധവാൻ യഥാ .. 4.. 

ഋഷയ ഊചുഃ

സഹസ്രനാമസന്മന്ത്രം ദുഃഖാഘൗഘനിവാരണം .

വാല്മീകേ ബ്രൂഹി നസ്തൂർണം ശുശ്രൂഷാമഃ കഥാം പരാം .. 

വാല്മീകിരുവാച . 

ശൃണ്വന്തു ഋഷയഃ സർവേ സഹസ്രനാമകം സ്തവം .

സ്തവാനാമുത്തമം ദിവ്യം സദർഥസ്യ പ്രകാശകം ..

ഓം  അസ്യ ശ്രീഹനുമത്സഹസ്രനാമസ്തോത്ര മന്ത്രസ്യ ശ്രീരാമചന്ദ്രഋഷിഃ . 

അനുഷ്ടുപ്ഛന്ദഃ . ശ്രീഹനുമാന്മഹാരുദ്രോ ദേവതാ . 

ഹ്രീം ശ്രീം ഹ്രൗം ഹ്രാം ബീജം . ശ്രീം ഇതി ശക്തിഃ . 

കിലികില ബു ബു കാരേണ ഇതി കീലകം . 

ലങ്കാവിധ്വംസനേതി കവചം . മമ സർവോപദ്രവശാന്ത്യർഥേ 

മമ സർവകാര്യസിദ്ധ്യർഥേ ജപേ വിനിയോഗഃ .. 

.

. ഋഷ്യാദിന്യാസഃ ..

ശ്രീരാമചന്ദ്രഋഷയേ നമഃ ശിരസി .

അനുഷ്ടുപ്ഛന്ദസേ നമഃ മുഖേ .

ശ്രീഹനുമാന്മഹാരുദ്ര ദേവതായൈ നമഃ ഹൃദി . 

ഹ്രീം ശ്രീം ഹ്രൗം ഹ്രാം ഇതി ബീജായ നമഃ ഗുഹ്യേ .

ശ്രീം ഇതി ശക്തയേ നമഃ പാദയോഃ .

കിലികില ബു ബു കാരേണ ഇതി കീലകായ നമഃ നാഭൗ .

ലങ്കാവിധ്വംസനേതി കവചായ നമഃ ബാഹുദ്വയേ .

മമ സർവോപദ്രവശാന്ത്യർഥേ മമ സർവകാര്യസിദ്ധ്യർഥേ 

ഇതി വിനിയോഗായ നമഃ സർവാംഗേ ..

.. ഇതി ഋഷ്യാദിന്യാസഃ ..

.. അഥ കരന്യാസഃ ..

ഓം ഐം ഹ്രീം ഹനുമതേ രാമദൂതായ അംഗുഷ്ഠാഭ്യാം നമഃ . 

ഓം ലങ്കാവിധ്വംസനായ തർജനീഭ്യാം നമഃ . 

ഓം അഞ്ജനീഗർഭസംഭൂതായ മധ്യമാഭ്യാം നമഃ . 

ഓം ശാകിനീഡാകിനീവിധ്വംസനായ അനാമികാഭ്യാം നമഃ . 

ഓം കിലികിലി ബൂ ബൂ കാരേണ വിഭീഷണായ ഹനുമദ്ദേവതായ കനിഷ്ഠികാഭ്യാം നമഃ . 

ഓം ഹ്രീം ശ്രീ ഹ്രൗം ഹാം ഹും ഫട് സ്വാഹാ കരതല കരപൃഷ്ഠാഭ്യാം നമഃ ..

.. ഇതി കരന്യാസഃ .. 

.. അഥ ഹൃദയാദിഷഡംഗന്യാസഃ ..

ഓം ഐം ഹ്രീം ഹനുമതേ രാമദൂതായ ഹൃദയായ നമഃ . 

ഓം ലങ്കാവിധ്വംസനായ ശിരസേ സ്വാഹാ . 

ഓം അഞ്ജനീഗർഭസംഭൂതായ ശിഖായൈവഷട് . 

ഓം ശാകിനീഡാകിനീവിധ്വംസനായ കവചായ  ഹും . 

ഓം കിലികിലി ബൂ ബൂ കാരേണ വിഭീഷണായ ഹനുമദ്ദേവതായ നേത്രത്രയായ വൗഷട് .

ഓം ഹ്രീം ശ്രീ ഹ്രൗം ഹാം ഹും ഫട് സ്വാഹാ അസ്ത്രായ ഫട് .

.. ഇതി ഹൃദയാദിഷഡംഗന്യാസഃ ..

ധ്യാനം

പ്രതപ്തസ്വർണവർണാഭം സംരക്താരുണലോചനം .

സുഗ്രീവാദിയുതം ധ്യായേത് പീതാംബരസമാവൃതം ..

ഗോഷ്പദീകൃതവാരാശിം പുച്ഛമസ്തകമീശ്വരം .

ജ്ഞാനമുദ്രാം ച ബിഭ്രാണം സർവാലങ്കാരഭൂഷിതം ..

വാമഹസ്തസമാകൃഷ്ടദശാസ്യാനനമണ്ഡലം .

ഉദ്യദ്ദക്ഷിണദോർദണ്ഡം ഹനൂമന്തം വിചിന്തയേത് ..

ഹനൂമാൻ ശ്രീപ്രദോ വായുപുത്രോ രുദ്രോ നയോഽജരഃ .

അമൃത്യുർവീരവീരശ്ച ഗ്രാമവാസോ ജനാശ്രയഃ .. 1..

ധനദോ നിർഗുണാകാരോ വീരോ നിധിപതിർമുനിഃ .

പിംഗാക്ഷോ വരദോ വാഗ്മീ സീതാശോകവിനാശനഃ .. 2..

ശിവഃ ശർവഃ പരോഽവ്യക്തോ വ്യക്താവ്യക്തോ ധരാധരഃ .

പിംഗകേശഃ പിംഗരോമാ ശ്രുതിഗമ്യഃ സനാതനഃ .. 3..

അനാദിർഭഗവാൻ ദിവ്യോ വിശ്വഹേതുർനരാശ്രയഃ .

ആരോഗ്യകർതാ വിശ്വേശോ വിശ്വനാഥോ ഹരീശ്വരഃ .. 4..

ഭർഗോ രാമോ രാമഭക്തഃ കല്യാണപ്രകൃതീശ്വരഃ .

വിശ്വംഭരോ വിശ്വമൂർതിർവിശ്വാകാരോഽഥ വിശ്വപഃ .. 5..

വിശ്വാത്മാ വിശ്വസേവ്യോഽഥ വിശ്വോ വിശ്വധരോ രവിഃ .

വിശ്വചേഷ്ടോ വിശ്വഗമ്യോ വിശ്വധ്യേയഃകലാധരഃ .. 6..

പ്ലവംഗമഃ കപിശ്രേഷ്ഠോ ജ്യേഷ്ഠോ വേദ്യോ വനേചരഃ .

ബാലോ വൃദ്ധോ യുവാ തത്ത്വം തത്ത്വഗമ്യഃ സഖാ ഹ്യജഃ .. 7..

അഞ്ജനാസൂനുരവ്യഗ്രോ ഗ്രാമസ്യാന്തോ ധരാധരഃ .

ഭൂർഭുവഃസ്വർമഹർലോകോ ജനോലോകസ്തപോഽവ്യയഃ .. 8..

സത്യമോങ്കാരഗമ്യശ്ച പ്രണവോ വ്യാപകോഽമലഃ .

ശിവധർമപ്രതിഷ്ഠാതാ രാമേഷ്ടഃ ഫൽഗുനപ്രിയഃ .. 9..

ഗോഷ്പദീകൃതവാരീശഃ പൂർണകാമോ ധരാപതിഃ .

രക്ഷോഘ്നഃ പുണ്ഡരീകാക്ഷഃ ശരണാഗതവത്സലഃ .. 10..

ജാനകീപ്രാണദാതാ ച രക്ഷഃപ്രാണാപഹാരകഃ .

പൂർണഃ സത്യഃ പീതവാസാ ദിവാകരസമപ്രഭഃ .. 11..

ദ്രോണഹർതാ ശക്തിനേതാ ശക്തിരാക്ഷസമാരകഃ .

അക്ഷഘ്നോ രാമദൂതശ്ച ശാകിനീജീവിതാഹരഃ .. 12..

ബുഭൂകാരഹതാരാതിർഗർവപർവതമർദനഃ .

ഹേതുസ്ത്വഹേതുഃ പ്രാംശുശ്ച വിശ്വകർതാ ജഗദ്ഗുരുഃ .. 13..

ജഗന്നാഥോ ജഗന്നേതാ ജഗദീശോ ജനേശ്വരഃ .

ജഗത്ശ്രിതോ ഹരിഃ ശ്രീശോ ഗരുഡസ്മയഭഞ്ജകഃ .. 14..

പാർഥധ്വജോ വായുപുത്രഃ സിതപുച്ഛോഽമിതപ്രഭഃ .

ബ്രഹ്മപുച്ഛഃ പരബ്രഹ്മപുച്ഛോ രാമേഷ്ടകാരകഃ .. 15..

സുഗ്രീവാദിയുതോ ജ്ഞാനീ വാനരോ വാനരേശ്വരഃ .

കല്പസ്ഥായീ ചിരഞ്ജീവീ പ്രസന്നശ്ച സദാശിവഃ .. 16..

സന്മതിഃ സദ്ഗതിർഭുക്തിമുക്തിദഃ കീർതിദായകഃ .

കീർതിഃ കീർതിപ്രദശ്ചൈവ സമുദ്രഃ ശ്രീപ്രദഃ ശിവഃ .. 17..

ഉദധിക്രമണോ ദേവഃ സംസാരഭയനാശനഃ .

വാലിബന്ധനകൃദ്വിശ്വജേതാ വിശ്വപ്രതിഷ്ഠിതഃ .. 18..

ലങ്കാരിഃ കാലപുരുഷോ ലങ്കേശഗൃഹഭഞ്ജനഃ .

ഭൂതാവാസോ വാസുദേവോ വസുസ്ത്രിഭുവനേശ്വരഃ ..

ശ്രീരാമരൂപഃ കൃഷ്ണസ്തു ലങ്കാപ്രാസാദഭഞ്ജനഃ .

കൃഷ്ണഃ കൃഷ്ണസ്തുതഃ ശാന്തഃ ശാന്തിദോ വിശ്വഭാവനഃ .. 20..

വിശ്വഭോക്താഽഥ മാരഘ്നോ ബ്രഹ്മചാരീ ജിതേന്ദ്രിയഃ .

ഊർധ്വഗോ ലാംഗുലീ മാലീ ലാംഗൂലാഹതരാക്ഷസഃ .. 21..

സമീരതനുജോ വീരോ വീരമാരോ ജയപ്രദഃ .

ജഗന്മംഗലദഃ പുണ്യഃ പുണ്യശ്രവണകീർതനഃ .. 22..

പുണ്യകീർതിഃ പുണ്യഗീതിർജഗത്പാവനപാവനഃ .

ദേവേശോഽമിതരോമാഽഥ രാമഭക്തവിധായകഃ .. 23..

ധ്യാതാ ധ്യേയോ ജഗത്സാക്ഷീ ചേതാ ചൈതന്യവിഗ്രഹഃ .

ജ്ഞാനദഃ പ്രാണദഃ പ്രാണോ ജഗത്പ്രാണഃ സമീരണഃ .. 24..

വിഭീഷണപ്രിയഃ ശൂരഃ പിപ്പലാശ്രയസിദ്ധിദഃ .

സിദ്ധഃ സിദ്ധാശ്രയഃ കാലഃ കാലഭക്ഷകപൂജിതഃ .. 25..

ലങ്കേശനിധനസ്ഥായീ ലങ്കാദാഹക ഈശ്വരഃ .

ചന്ദ്രസൂര്യാഗ്നിനേത്രശ്ച കാലാഗ്നിഃ പ്രലയാന്തകഃ .. 26..

കപിലഃ കപിശഃ പുണ്യരാതിർദ്വാദശരാശിഗഃ .

സർവാശ്രയോഽപ്രമേയാത്മാ രേവത്യാദിനിവാരകഃ .. 27..

ലക്ഷ്മണപ്രാണദാതാ ച സീതാജീവനഹേതുകഃ .

രാമധ്യായീ ഹൃഷീകേശോ വിഷ്ണുഭക്തോ ജടീ ബലീ .. 28..

ദേവാരിദർപഹാ ഹോതാ ധാതാ കർതാ ജഗത്പ്രഭുഃ .

നഗരഗ്രാമപാലശ്ച ശുദ്ധോ ബുദ്ധോ നിരന്തരഃ .. 29..

നിരഞ്ജനോ നിർവികല്പോ ഗുണാതീതോ ഭയങ്കരഃ .

ഹനുമാംശ്ച ദുരാരാധ്യസ്തപഃസാധ്യോ മഹേശ്വരഃ .. 30..

ജാനകീഘനശോകോത്ഥതാപഹർതാ പരാശരഃ .

വാങ്മയഃ സദസദ്രൂപഃ കാരണം പ്രകൃതേഃ പരഃ .. 31..

ഭാഗ്യദോ നിർമലോ നേതാ പുച്ഛലങ്കാവിദാഹകഃ .

പുച്ഛബദ്ധോ യാതുധാനോ യാതുധാനരിപുപ്രിയഃ .. 32..

ഛായാപഹാരീ ഭൂതേശോ ലോകേശഃ സദ്ഗതിപ്രദഃ .

പ്ലവംഗമേശ്വരഃ ക്രോധഃ ക്രോധസംരക്തലോചനഃ .. 33..

ക്രോധഹർതാ താപഹർതാ ഭക്താഭയവരപ്രദഃ .

ഭക്താനുകമ്പീ വിശ്വേശഃ പുരുഹൂതഃ പുരന്ദരഃ .. 34..

അഗ്നിർവിഭാവസുർഭാസ്വാൻ യമോ നിരൃതിരേവ ച .

വരുണോ വായുഗതിമാൻ വായുഃ കുബേര ഈശ്വരഃ .. 35..

രവിശ്ചന്ദ്രഃ കുജഃ സൗമ്യോ ഗുരുഃ കാവ്യഃ ശനൈശ്ചരഃ .

രാഹുഃ കേതുർമരുദ്ദാതാ ധാതാ ഹർതാ സമീരജഃ .. 36..

മശകീകൃതദേവാരിർദൈത്യാരിർമധൂസൂദനഃ .

കാമഃ കപിഃ കാമപാലഃ കപിലോ വിശ്വജീവനഃ .. 37..

ഭാഗീരഥീപദാംഭോജഃ സേതുബന്ധവിശാരദഃ .

സ്വാഹാ സ്വധാ ഹവിഃ കവ്യം ഹവ്യവാഹഃ പ്രകാശകഃ .. 38..

സ്വപ്രകാശോ മഹാവീരോ മധുരോഽമിതവിക്രമഃ .

ഉഡ്ഡീനോഡ്ഡീനഗതിമാൻ സദ്ഗതിഃ പുരുഷോത്തമഃ ..

ജഗദാത്മാ ജഗദ്യോനിർജഗദന്തോ ഹ്യനന്തരഃ .

വിപാപ്മാ നിഷ്കലങ്കോഽഥ മഹാൻ മഹദഹങ്കൃതിഃ .. 40..

ഖം വായുഃ പൃഥിവീ ചാപോ വഹ്നിർദിക് കാല ഏകലഃ .

ക്ഷേത്രജ്ഞഃ ക്ഷേത്രപാലശ്ച പല്വലീകൃതസാഗരഃ .. 41..

ഹിരണ്മയഃ പുരാണശ്ച ഖേചരോ ഭൂചരോ മനുഃ .

ഹിരണ്യഗർഭഃ സൂത്രാത്മാ രാജരാജോ വിശാം പതിഃ .. 42..

വേദാന്തവേദ്യ ഉദ്ഗീഥോ വേദാംഗോ വേദപാരഗഃ .

പ്രതിഗ്രാമസ്ഥിതഃ സദ്യഃ സ്ഫൂർതിദാതാ ഗുണാകരഃ .. 43..

നക്ഷത്രമാലീ ഭൂതാത്മാ സുരഭിഃ കല്പപാദപഃ .

ചിന്താമണിർഗുണനിധിഃ പ്രജാദ്വാരമനുത്തമഃ .. 44..

പുണ്യശ്ലോകഃ പുരാരാതിഃ മതിമാൻ ശർവരീപതിഃ .

കിൽകിലാരാവസന്ത്രസ്തഭൂതപ്രേതപിശാചകഃ .. 45..

ഋണത്രയഹരഃ സൂക്ഷ്മഃ സ്ഥൂലഃ സർവഗതിഃ പുമാൻ .

അപസ്മാരഹരഃ സ്മർതാ ശ്രുതിർഗാഥാ സ്മൃതിർമനുഃ .. 46..

സ്വർഗദ്വാരം പ്രജാദ്വാരം മോക്ഷദ്വാരം യതീശ്വരഃ .

നാദരൂപം പരം ബ്രഹ്മ ബ്രഹ്മ ബ്രഹ്മപുരാതനഃ .. 47..

ഏകോഽനേകോ ജനഃ ശുക്ലഃ സ്വയഞ്ജ്യോതിരനാകുലഃ .

ജ്യോതിർജ്യോതിരനാദിശ്ച സാത്വികോ രാജസസ്തമഃ .. 48..

തമോഹർതാ നിരാലംബോ നിരാകാരോ ഗുണാകരഃ .

ഗുണാശ്രയോ ഗുണമയോ ബൃഹത്കായോ ബൃഹദ്യശാഃ ..

ബൃഹദ്ധനുർബൃഹത്പാദോ ബൃഹന്മൂർധാ ബൃഹത്സ്വനഃ .

ബൃഹത്കർണോ ബൃഹന്നാസോ ബൃഹദ്ബാഹുർബൃഹത്തനുഃ .. 50..

ബൃഹദ്ഗലോ ബൃഹത്കായോ ബൃഹത്പുച്ഛോ ബൃഹത്കരഃ .

ബൃഹദ്ഗതിർബൃഹത്സേവോ ബൃഹല്ലോകഫലപ്രദഃ .. 51..

ബൃഹദ്ഭക്തിർബൃഹദ്വാഞ്ഛാഫലദോ ബൃഹദീശ്വരഃ .

ബൃഹല്ലോകനുതോ ദ്രഷ്ടാ വിദ്യാദാതാ ജഗദ്ഗുരുഃ .. 52..

ദേവാചാര്യഃ സത്യവാദീ ബ്രഹ്മവാദീ കലാധരഃ .

സപ്തപാതാലഗാമീ ച മലയാചലസംശ്രയഃ .. 53..

ഉത്തരാശാസ്ഥിതഃ ശ്രീശോ ദിവ്യൗഷധിവശഃ ഖഗഃ .

ശാഖാമൃഗഃ കപീന്ദ്രോഽഥ പുരാണഃ പ്രാണചഞ്ചുരഃ .. 54..

ചതുരോ ബ്രാഹ്മണോ യോഗീ യോഗിഗമ്യഃ പരോഽവരഃ .

അനാദിനിധനോ വ്യാസോ വൈകുണ്ഠഃ പൃഥിവീപതിഃ .. 55..

അപരാജിതോ ജിതാരാതിഃ സദാനന്ദദ ഈശിതാ .

ഗോപാലോ ഗോപതിര്യോദ്ധാ കലിഃ സ്ഫാലഃ പരാത്പരഃ .. 56..

മനോവേഗീ സദായോഗീ സംസാരഭയനാശനഃ .

തത്ത്വദാതാഽഥ തത്ത്വജ്ഞസ്തത്ത്വം തത്ത്വപ്രകാശകഃ .. 57..

ശുദ്ധോ ബുദ്ധോ നിത്യയുക്തോ ഭക്താകാരോ ജഗദ്രഥഃ .

പ്രലയോഽമിതമായശ്ച മായാതീതോ വിമത്സരഃ .. 58..

മായാനിർജിതരക്ഷാശ്ച മായാനിർമിതവിഷ്ടപഃ .

മായാശ്രയശ്ച നിലേർപോ മായാനിർവർതകഃ സുഖീ ..

സുഖീ(ഖം) സുഖപ്രദോ നാഗോ മഹേശകൃതസംസ്തവഃ .

മഹേശ്വരഃ സത്യസന്ധഃ ശരഭഃ കലിപാവനഃ .. 60..

രസോ രസജ്ഞഃ സന്മാനോ രൂപം ചക്ഷുഃ ശ്രുതീ രവഃ .

ഘ്രാണം ഗന്ധഃ സ്പർശനം ച സ്പർശോ ഹിങ്കാരമാനഗഃ .. 61..

നേതി നേതീതി ഗമ്യശ്ച വൈകുണ്ഠഭജനപ്രിയഃ .

ഗിരിശോ ഗിരിജാകാന്തോ ദുർവാസാഃ കവിരംഗിരാഃ .. 62..

ഭൃഗുർവസിഷ്ഠശ്ച്യവനോ നാരദസ്തുംബുരുർഹരഃ .

വിശ്വക്ഷേത്രം വിശ്വബീജം വിശ്വനേത്രം ച വിശ്വപഃ .. 63..

യാജകോ യജമാനശ്ച പാവകഃ പിതരസ്തഥാ .

ശ്രദ്ധാ ബുദ്ധിഃ ക്ഷമാ തന്ദ്രാ മന്ത്രോ മന്ത്രയിതാ സുരഃ .. 64..

രാജേന്ദ്രോ ഭൂപതീ രൂഢോ മാലീ സംസാരസാരഥിഃ .

നിത്യഃ സമ്പൂർണകാമശ്ച ഭക്തകാമധുഗുത്തമഃ .. 65..

ഗണപഃ കേശവോ ഭ്രാതാ പിതാ മാതാഽഥ മാരുതിഃ .

സഹസ്രമൂർധാ സഹസ്രാസ്യഃ സഹസ്രാക്ഷഃ സഹസ്രപാത് .. 66..

കാമജിത് കാമദഹനഃ കാമഃ കാമ്യഫലപ്രദഃ .

മുദ്രോപഹാരീ രക്ഷോഘ്നഃ ക്ഷിതിഭാരഹരോ ബലഃ .. 67..

നഖദംഷ്ട്രായുധോ വിഷ്ണുഭക്തോ ഭക്താഭയപ്രദഃ .

ദർപഹാ ദർപദോ ദംഷ്ട്രാശതമൂർതിരമൂർതിമാൻ .. 68..

മഹാനിധിർമഹാഭാഗോ മഹാഭർഗോ മഹർദ്ധിദഃ .

മഹാകാരോ മഹായോഗീ മഹാതേജാ മഹാദ്യുതിഃ ..

മഹാകർമാ മഹാനാദോ മഹാമന്ത്രോ മഹാമതിഃ .

മഹാശമോ മഹോദാരോ മഹാദേവാത്മകോ വിഭുഃ .. 70..

രുദ്രകർമാ ക്രൂരകർമാ രത്നനാഭഃ കൃതാഗമഃ .

അംഭോധിലംഘനഃ സിദ്ധഃ സത്യധർമാ പ്രമോദനഃ .. 71..

ജിതാമിത്രോ ജയഃ സോമോ വിജയോ വായുവാഹനഃ .

ജീവോ ധാതാ സഹസ്രാംശുർമുകുന്ദോ ഭൂരിദക്ഷിണഃ .. 72..

സിദ്ധാർഥഃ സിദ്ധിദഃ സിദ്ധഃ സങ്കല്പഃ സിദ്ധിഹേതുകഃ .

സപ്തപാതാലചരണഃ സപ്തർഷിഗണവന്ദിതഃ .. 73..

സപ്താബ്ധിലംഘനോ വീരഃ സപ്തദ്വീപോരുമണ്ഡലഃ .

സപ്താംഗരാജ്യസുഖദഃ സപ്തമാതൃനിഷേവിതഃ .. 74..

സപ്തലോകൈകമകുടഃ സപ്തഹോത്രഃ സ്വരാശ്രയഃ .

സപ്തസാമോപഗീതശ്ച സപ്തപാതാലസംശ്രയഃ .. 75..

സപ്തച്ഛന്ദോനിധിഃ സപ്തച്ഛന്ദഃ സപ്തജനാശ്രയഃ .

മേധാദഃ കീർതിദഃ ശോകഹാരീ ദൗർഭാഗ്യനാശനഃ .. 76..

സർവവശ്യകരോ ഗർഭദോഷഹാ പുത്രപൗത്രദഃ .

പ്രതിവാദിമുഖസ്തംഭോ രുഷ്ടചിത്തപ്രസാദനഃ .. 77..

പരാഭിചാരശമനോ ദുഃഖഹാ ബന്ധമോക്ഷദഃ .

നവദ്വാരപുരാധാരോ നവദ്വാരനികേതനഃ .. 78..

നരനാരായണസ്തുത്യോ നവനാഥമഹേശ്വരഃ .

മേഖലീ കവചീ ഖഡ്ഗീ ഭ്രാജിഷ്ണുർജിഷ്ണുസാരഥിഃ ..

ബഹുയോജനവിസ്തീർണപുച്ഛഃ പുച്ഛഹതാസുരഃ .

ദുഷ്ടഹന്താ നിയമിതാ പിശാചഗ്രഹശാതനഃ .. 80..

ബാലഗ്രഹവിനാശീ ച ധർമനേതാ കൃപാകരഃ .

ഉഗ്രകൃത്യശ്ചോഗ്രവേഗ ഉഗ്രനേത്രഃ ശതക്രതുഃ .. 81..

ശതമന്യുസ്തുതഃ സ്തുത്യഃ സ്തുതിഃ സ്തോതാ മഹാബലഃ .

സമഗ്രഗുണശാലീ ച വ്യഗ്രോ രക്ഷോവിനാശനഃ .. 82..

രക്ഷോഽഗ്നിദാവോ ബ്രഹ്മേശഃ ശ്രീധരോ ഭക്തവത്സലഃ .

മേഘനാദോ മേഘരൂപോ മേഘവൃഷ്ടിനിവാരണഃ .. 83..

മേഘജീവനഹേതുശ്ച മേഘശ്യാമഃ പരാത്മകഃ .

സമീരതനയോ ധാതാ തത്ത്വവിദ്യാവിശാരദഃ .. 84..

അമോഘോഽമോഘവൃഷ്ടിശ്ചാഭീഷ്ടദോഽനിഷ്ടനാശനഃ .

അർഥോഽനർഥാപഹാരീ ച സമർഥോ രാമസേവകഃ .. 85..

അർഥീ ധന്യോഽസുരാരാതിഃ പുണ്ഡരീകാക്ഷ ആത്മഭൂഃ .

സങ്കർഷണോ വിശുദ്ധാത്മാ വിദ്യാരാശിഃ സുരേശ്വരഃ .. 86..

അചലോദ്ധാരകോ നിത്യഃ സേതുകൃദ്രാമസാരഥിഃ .

ആനന്ദഃ പരമാനന്ദോ മത്സ്യഃ കൂർമോ നിധിഃ ശയഃ .. 87..

വരാഹോ നാരസിംഹശ്ച വാമനോ ജമദഗ്നിജഃ .

രാമഃ കൃഷ്ണഃ ശിവോ ബുദ്ധഃ കൽകീ രാമാശ്രയോ ഹരിഃ .. 88..

നന്ദീ ഭൃംഗീ ച ചണ്ഡീ ച ഗണേശോ ഗണസേവിതഃ .

കർമാധ്യക്ഷഃ സുരാരാമോ വിശ്രാമോ ജഗതീപതിഃ ..

ജഗന്നാഥഃ കപീശശ്ച സർവാവാസഃ സദാശ്രയഃ .

സുഗ്രീവാദിസ്തുതോ ദാന്തഃ സർവകർമാ പ്ലവംഗമഃ .. 90..

നഖദാരിതരക്ഷശ്ച നഖയുദ്ധവിശാരദഃ .

കുശലഃ സുധനഃ ശേഷോ വാസുകിസ്തക്ഷകസ്തഥാ .. 91..

സ്വർണവർണോ ബലാഢ്യശ്ച പുരുജേതാഽഘനാശനഃ .

കൈവല്യദീപഃ കൈവല്യോ ഗരുഡഃ പന്നഗോ ഗുരുഃ .. 92..

ക്ലീക്ലീരാവഹതാരാതിഗർവഃ പർവതഭേദനഃ .

വജ്രാംഗോ വജ്രവക്ത്രശ്ച ഭക്തവജ്രനിവാരകഃ .. 93..

നഖായുധോ മണിഗ്രീവോ ജ്വാലാമാലീ ച ഭാസ്കരഃ .

പ്രൗഢപ്രതാപസ്തപനോ ഭക്തതാപനിവാരകഃ .. 94..

ശരണം ജീവനം ഭോക്താ നാനാചേഷ്ടോഽഥ ചഞ്ചലഃ .

സ്വസ്ഥസ്ത്വസ്വാസ്ഥ്യഹാ ദുഃഖശാതനഃ പവനാത്മജഃ .. 95..

പവനഃ പാവനഃ കാന്തോ ഭക്താംഗഃ സഹനോ ബലഃ .

മേഘനാദരിപുർമേഘനാദസംഹൃതരാക്ഷസഃ .. 96..

ക്ഷരോഽക്ഷരോ വിനീതാത്മാ വാനരേശഃ സതാംഗതിഃ .

ശ്രീകണ്ഠഃ ശിതികണ്ഠശ്ച സഹായഃ സഹനായകഃ .. 97..

അസ്ഥൂലസ്ത്വനണുർഭർഗോ ദേവസംസൃതിനാശനഃ .

അധ്യാത്മവിദ്യാസാരശ്ചാപ്യധ്യാത്മകുശലഃ സുധീഃ .. 98..

അകല്മഷഃ സത്യഹേതുഃ സത്യദഃ സത്യഗോചരഃ .

സത്യഗർഭഃ സത്യരൂപഃ സത്യഃ സത്യപരാക്രമഃ .. 99..

അഞ്ജനാപ്രാണലിംഗം ച വായുവംശോദ്ഭവഃ ശ്രുതിഃ .

ഭദ്രരൂപോ രുദ്രരൂപഃ സുരൂപശ്ചിത്രരൂപധൃക് .. 100..

മൈനാകവന്ദിതഃ സൂക്ഷ്മദർശനോ വിജയോ ജയഃ .

ക്രാന്തദിങ്മണ്ഡലോ രുദ്രഃ പ്രകടീകൃതവിക്രമഃ .. 101..

കംബുകണ്ഠഃ പ്രസന്നാത്മാ ഹ്രസ്വനാസോ വൃകോദരഃ .

ലംബോഷ്ഠഃ കുണ്ഡലീ ചിത്രമാലീ യോഗവിദാം വരഃ .. 102..

വിപശ്ചിത് കവിരാനന്ദവിഗ്രഹോഽനല്പനാശനഃ .

ഫാൽഗുനീസൂനുരവ്യഗ്രോ യോഗാത്മാ യോഗതത്പരഃ .. 103..

യോഗവിദ്യോഗകർതാ ച യോഗയോനിർദിഗംബരഃ .

അകാരാദിക്ഷകാരാന്തവർണനിർമിതവിഗ്രഹഃ .. 104..

ഉലൂഖലമുഖഃ സിദ്ധസംസ്തുതഃ പരമേശ്വരഃ .

ശ്ലിഷ്ടജംഘഃ ശ്ലിഷ്ടജാനുഃ ശ്ലിഷ്ടപാണിഃ ശിഖാധരഃ .. 105..

സുശർമാഽമിതധർമാ ച നാരായണപരായണഃ .

ജിഷ്ണുർഭവിഷ്ണൂ രോചിഷ്ണുർഗ്രസിഷ്ണുഃ സ്ഥാണുരേവ ച .. 106..

ഹരീ രുദ്രാനുകൃദ്വൃക്ഷകമ്പനോ ഭൂമികമ്പനഃ .

ഗുണപ്രവാഹഃ സൂത്രാത്മാ വീതരാഗഃ സ്തുതിപ്രിയഃ .. 107..

നാഗകന്യാഭയധ്വംസീ കൃതപൂർണഃ കപാലഭൃത് .

അനുകൂലോഽക്ഷയോഽപായോഽനപായോ വേദപാരഗഃ .. 108..

അക്ഷരഃ പുരുഷോ ലോകനാഥസ്ത്ര്യക്ഷഃ പ്രഭുർദൃഢഃ .

അഷ്ടാംഗയോഗഫലഭൂഃ സത്യസന്ധഃ പുരുഷ്ടുതഃ .. 109..

ശ്മശാനസ്ഥാനനിലയഃ പ്രേതവിദ്രാവണക്ഷമഃ .

പഞ്ചാക്ഷരപരഃ പഞ്ചമാതൃകോ രഞ്ജനോ ധ്വജഃ .. 110..

യോഗിനീവൃന്ദവന്ദ്യശ്രീഃ ശത്രുഘ്നോഽനന്തവിക്രമഃ .

ബ്രഹ്മചാരീന്ദ്രിയവപുർധൃതദണ്ഡോ ദശാത്മകഃ .. 111..

അപ്രപഞ്ചഃ സദാചാരഃ ശൂരസേനോ വിദാരകഃ .

ബുദ്ധഃ പ്രമോദ ആനന്ദഃ സപ്തജിഹ്വപതിർധരഃ .. 112..

നവദ്വാരപുരാധാരഃ പ്രത്യഗ്രഃ സാമഗായനഃ .

ഷട്ചക്രധാമാ സ്വർലോകഭയഹൃന്മാനദോ മദഃ .. 113..

സർവവശ്യകരഃ ശക്തിരനന്തോഽനന്തമംഗലഃ .

അഷ്ടമൂർതിധരോ നേതാ വിരൂപഃ സ്വരസുന്ദരഃ .. 114..

ധൂമകേതുർമഹാകേതുഃ സത്യകേതുർമഹാരഥഃ .

നന്ദീപ്രിയഃ സ്വതന്ത്രശ്ച മേഖലീ ഡമരുപ്രിയഃ .. 115..

ലോഹിതാംഗഃ സമിദ്വഹ്നിഃ ഷഡൃതുഃ ശർവ ഈശ്വരഃ .

ഫലഭുക് ഫലഹസ്തശ്ച സർവകർമഫലപ്രദഃ .. 116..

ധർമാധ്യക്ഷോ ധർമഫലോ ധർമോ ധർമപ്രദോഽർഥദഃ .

പഞ്ചവിംശതിതത്ത്വജ്ഞസ്താരകോ ബ്രഹ്മതത്പരഃ .. 117..

ത്രിമാർഗവസതിർഭീമഃ സർവദുഷ്ടനിബർഹണഃ .

ഊർജഃസ്വാമീ ജലസ്വാമീ ശൂലീ മാലീ നിശാകരഃ .. 118..

രക്താംബരധരോ രക്തോ രക്തമാല്യവിഭൂഷണഃ .

വനമാലീ ശുഭാംഗശ്ച ശ്വേതഃ ശ്വേതാംബരോ യുവാ .. 119..

ജയോഽജേയപരീവാരഃ സഹസ്രവദനഃ കവിഃ .

ശാകിനീഡാകിനീയക്ഷരക്ഷോഭൂതപ്രഭഞ്ജനഃ .. 120..

സദ്യോജാതഃ കാമഗതിർജ്ഞാനമൂർതിര്യശസ്കരഃ .

ശംഭുതേജാഃ സാർവഭൗമോ വിഷ്ണുഭക്തഃ പ്ലവംഗമഃ .. 121..

ചതുർണവതിമന്ത്രജ്ഞഃ പൗലസ്ത്യബലദർപഹാ .

സർവലക്ഷ്മീപ്രദഃ ശ്രീമാനംഗദപ്രിയവർധനഃ .. 122..

സ്മൃതിബീജം സുരേശാനഃ സംസാരഭയനാശനഃ .

ഉത്തമഃ ശ്രീപരീവാരഃ ശ്രീഭൂരുഗ്രശ്ച കാമധുക് .. 123..

സദാഗതിർമാതരിശ്വാ രാമപാദാബ്ജഷട്പദഃ .

നീലപ്രിയോ നീലവർണോ നീലവർണപ്രിയഃ സുഹൃത് .. 124..

രാമദൂതോ ലോകബന്ധുരന്തരാത്മാ മനോരമഃ .

ശ്രീരാമധ്യാനകൃദ്വീരഃ സദാ കിമ്പുരുഷസ്തുതഃ .. 125..

രാമകാര്യാന്തരംഗശ്ച ശുദ്ധിർഗതിരനാമയഃ .

പുണ്യശ്ലോകഃ പരാനന്ദഃ പരേശപ്രിയസാരഥിഃ .. 126..

ലോകസ്വാമീ മുക്തിദാതാ സർവകാരണകാരണഃ .

മഹാബലോ മഹാവീരഃ പാരാവാരഗതിർഗുരുഃ .. 127..

താരകോ ഭഗവാംസ്ത്രാതാ സ്വസ്തിദാതാ സുമംഗലഃ .

സമസ്തലോകസാക്ഷീ ച സമസ്തസുരവന്ദിതഃ .

സീതാസമേതശ്രീരാമപാദസേവാധുരന്ധരഃ .. 128..

വാല്മീകിരുവാച  

ഇതി നാമ്ന സഹസ്രേണ സ്തുതോ രാമേണ വായുഭൂഃ . 

ഉവാച തം പ്രസന്നാത്മാ സംഘായാത്മാനമവ്യയം .. 129..

ശ്രീ ഹനുമാനുവാച .

ധ്യാനാസ്പദമിദം ബ്രഹ്മ മത്പുരഃ സമുപസ്ഥിതം . 

സ്വാമിൻ കൃപാനിധേ രാമ ജ്ഞാതോഽസി കപിനാ മയാ .. 130.. 

ത്വധ്യാന നിരതാ ലോകാഃ കിം മാം ജപസി സാദരം . 

തവാഗമനഹേതുശ്ച ജ്ഞാതോ ഹ്യത്ര മയാഽനഘ .. 131..

കർതവ്യം മമ കിം രാമ തഥാ ബ്രൂഹി ച രാഘവ . 

ഇതി പ്രചോദിതോ രാമഃ പ്രഹൃഷ്ടാത്മേദമബ്രവീത് .. 132.. 

ശ്രീ രാമചന്ദ്രോവാച .

ദുർജയഃ ഖലു വൈദേഹീം ഗൃഹീത്വാ കോഽപി നിർഗതഃ .

ഹത്വാ തം നിർഘൃണം വീരമാനയ ത്വം കപീശ്വര .. 133.. 

മമ ദാസ്യം കുരു സഖേ ഭവ വിശ്വസുഖങ്കരഃ .

തഥാ കൃതേ ത്വയാ വീര മമ കാര്യം ഭവിഷ്യതി .. 134.. 

ഓമീത്യാജ്ഞാം തു ശിരസാ ഗൃഹീത്വാ സ കപീശ്വരഃ. 

വിധേയം വിധിവത്തത്ര ചകാര ശിരസാ സ്വയം.. 135..

ഇദം നാമസഹസ്രം തു യോഽധീതേ പ്രത്യഹം നരഃ .

ദുഃഖൗഘോ നശ്യതേ ക്ഷിപ്രം സമ്പത്തിർവർധതേ ചിരം .

വശ്യം ചതുർവിധം തസ്യ ഭവത്യേവ ന സംശയഃ .. 136..

രാജാനോ രാജപുത്രാശ്ച രാജകീയാശ്ച മന്ത്രിണഃ .

ത്രികാലം പഠനാദസ്യ ദൃശ്യന്തേ ച ത്രിപക്ഷതഃ .. 137..

അശ്വത്ഥമൂലേ ജപതാം നാസ്തി വൈരികൃതം ഭയം .

ത്രികാലപഠനാദസ്യ സിദ്ധിഃ സ്യാത് കരസംസ്ഥിതാ .. 138..

ബ്രാഹ്മേ മുഹൂർതേ ചോത്ഥായ പ്രത്യഹം യഃ പഠേന്നരഃ .

ഐഹികാമുഷ്മികാൻ സോഽപി ലഭതേ നാത്ര സംശയഃ .. 139..

സംഗ്രാമേ സന്നിവിഷ്ടാനാം വൈരിവിദ്രാവണം ഭവേത് .

ജ്വരാപസ്മാരശമനം ഗുല്മാദിവ്യാധിവാരണം .. 140..

സാമ്രാജ്യസുഖസമ്പത്തിദായകം ജപതാം നൃണാം .

യ ഇദം പഠതേ നിത്യം പാഠയേദ്വാ സമാഹിതഃ .

സർവാൻ കാമാനവാപ്നോതി വായുപുത്രപ്രസാദതഃ .. 141.. 

.. ശ്രീ ആഞ്ജനേയസഹസ്രനാമസ്തോത്രം ഹനുമത്സഹസ്രനാമസ്തോത്രം ച സമ്പൂർണം ..

SRI MAHALAKSHMI SAHASRANAMA STHOTHRAM

ഓം താമാഹ്വയാമി സുഭഗാം ലക്ഷ്മീം ത്രൈലോക്യപൂജിതാം .
ഏഹ്യേഹി ദേവി പദ്മാക്ഷി പദ്മാകരകൃതാലയേ .. 1..

ആഗച്ഛാഗച്ഛ വരദേ പശ്യ മാം സ്വേന ചക്ഷുഷാ .
ആയാഹ്യായാഹി ധർമാർഥകാമമോക്ഷമയേ ശുഭേ .. 2..

ഏവംവിധൈഃ സ്തുതിപദൈഃ സത്യൈഃ സത്യാർഥസംസ്തുതാ .
കനീയസീ മഹാഭാഗാ ചന്ദ്രേണ പരമാത്മനാ .. 3..

നിശാകരശ്ച സാ ദേവീ ഭ്രാതരൗ ദ്വൗ പയോനിധേഃ .
ഉത്പന്നമാത്രൗ താവാസ്താം ശിവകേശവസംശ്രിതൗ .. 4..

സനത്കുമാരസ്തമൃഷിം സമാഭാഷ്യ പുരാതനം .
പ്രോക്തവാനിതിഹാസം തു ലക്ഷ്മ്യാഃ സ്തോത്രമനുത്തമം .. 5..

അഥേദൃശാന്മഹാഘോരാദ് ദാരിദ്ര്യാന്നരകാത്കഥം .
മുക്തിർഭവതി ലോകേഽസ്മിൻ ദാരിദ്ര്യം യാതി ഭസ്മതാം .. 6..

സനത്കുമാര ഉവാച -
പൂർവം കൃതയുഗേ ബ്രഹ്മാ ഭഗവാൻ സർവലോകകൃത് .
സൃഷ്ടിം നാനാവിധാം കൃത്വാ പശ്ചാച്ചി ന്താമുപേയിവാൻ .. 7..

കിമാഹാരാഃ പ്രജാസ്ത്വേതാഃ സംഭവിഷ്യന്തി ഭൂതലേ .
തഥൈവ ചാസാം ദാരിദ്ര്യാത്കഥമുത്തരണം ഭവേത് .. 8..

ദാരിദ്ര്യാന്മരണം ശ്രേയസ്തി്വതി സഞ്ചിന്ത്യ ചേതസി .
ക്ഷീരോദസ്യോത്തരേ കൂലേ ജഗാമ കമലോദ്ഭവഃ .. 9..

തത്ര തീവ്രം തപസ്തപ്ത്വാ കദാചിത്പരമേശ്വരം .
ദദർശ പുണ്ഡരീകാക്ഷം വാസുദേവം ജഗദ്ഗുരും .. 10..

സർവജ്ഞം സർവശക്തീനാം സർവാവാസം സനാതനം .
സർവേശ്വരം വാസുദേവം വിഷ്ണും ലക്ഷ്മീപതിം പ്രഭും .. 11..

സോമകോടിപ്രതീകാശം ക്ഷീരോദ വിമലേ ജലേ .
അനന്തഭോഗശയനം വിശ്രാന്തം ശ്രീനികേതനം .. 12..

കോടിസൂര്യപ്രതീകാശം മഹായോഗേശ്വരേശ്വരം .
യോഗനിദ്രാരതം ശ്രീശം സർവാവാസം സുരേശ്വരം .. 13..

ജഗദുത്പത്തിസംഹാരസ്ഥിതികാരണകാരണം .
ലക്ഷ്മ്യാദി ശക്തികരണജാതമണ്ഡലമണ്ഡിതം .. 14..

ആയുധൈർദേഹവദ്ഭിശ്ച ചക്രാദ്യൈഃ പരിവാരിതം .
ദുർനിരീക്ഷ്യം സുരൈഃ സിദ്ധഃ മഹായോനിശതൈരപി .. 15..

ആധാരം സർവശക്തീനാം പരം തേജഃ സുദുസ്സഹം .
പ്രബുദ്ധം ദേവമീശാനം ദൃഷ്ട്വാ കമലസംഭവഃ .. 16..

ശിരസ്യഞ്ജലിമാധായ സ്തോത്രം പൂർവമുവാച ഹ .
മനോവാഞ്ഛിതസിദ്ധിം ത്വം പൂരയസ്വ മഹേശ്വര .. 17..

ജിതം തേ പുണ്ഡരീക്ഷ നമസ്തേ വിശ്വഭാവന .
നമസ്തേഽസ്തു ഹൃഷീകേശ മഹാപുരുഷപൂർവജ .. 18..

സർവേശ്വര ജയാനന്ദ സർവാവാസ പരാത്പര .
പ്രസീദ മമ ഭക്തസ്യ ഛിന്ധി സന്ദേഹജം തമഃ .. 19..

ഏവം സ്തുതഃ സ ഭഗവാൻ ബ്രഹ്മ ണാഽവ്യക്തജന്മനാ .
പ്രസാദാഭിമുഖഃ പ്രാഹ ഹരിർവിശ്രാന്തലോചനഃ .. 20..

ശ്രീഭഗവാനുവാച -
ഹിരണ്യഗർഭ തുഷ്ടോഽസ്മി ബ്രൂഹി യത്തേഽഭിവാഞ്ഛിതം .
തദ്വക്ഷ്യാമി ന സന്ദേഹോ ഭക്തോഽസി മമ സുവ്രത .. 21..

കേശവാദ്വചനം ശ്രുത്വാ കരുണാവിഷ്ടചേതനഃ .
പ്രത്യുവാച മഹാബുദ്ധിർഭഗവന്തം ജനാർദനം .. 22..

ചതുർവിധം ഭവസ്യാസ്യ ഭൂതസർഗസ്യ കേശവ .
പരിത്രാണായ മേ ബ്രൂഹി രഹസ്യം പരമാദ്ഭുതം .. 23..

ദാരിദ്ര്യശമനം ധന്യം മനോജ്ഞം പാവനം പരം .
സർവേശ്വര മഹാബുദ്ധ സ്വരൂപം ഭൈരവം മഹത് .. 24..

ശ്രിയഃ സർവാതിശായിന്യാസ്തഥാ ജ്ഞാനം ച ശാശ്വതം .
നാമാനി ചൈവ മുഖ്യാനി യാനി ഗൗണാനി ചാച്യുത .. 25..

ത്വദ്വക്ത്രകമലോത്ഥാനി ശ്രേതുമിച്ഛാമി തത്ത്വതഃ .
ഇതി തസ്യ വചഃ ശ്രുത്വാ പ്രതിവാക്യമുവാച സഃ .. 26..

ശ്രീഭഗവാനുവാച -
മഹാവിഭൂതിസംയുക്താ ഷാഡ്ഗുണ്യവപുഷഃ പ്രഭോ .
ഭഗവദ്വാസുദേവസ്യ നിത്യം ചൈഷാഽനപായിനീ .. 27..

ഏകൈവ വർതതേഽഭിന്നാ ജ്യോത്സ്നേവ ഹിമദീധിതേഃ .
സർവശക്ത്യാത്മികാ ചൈവ വിശ്വം വ്യാപ്യ വ്യവസ്ഥിതാ .. 28..

സർവൈശ്വര്യഗുണോപേതാ നിത്യശുദ്ധസ്വരൂപിണീ .
പ്രാണശക്തിഃ പരാ ഹ്യേഷാ സർവേഷാം പ്രാണിനാം ഭുവി .. 29..

ശക്തീനാം ചൈവ സർവാസാം യോനിഭൂതാ പരാ കലാ .
അഹം തസ്യാഃ പരം നാമ്നാം സഹസ്രമിദമുത്തമം .. 30..

ശൃണുഷ്വാവഹിതോ ഭൂത്വാ പരമൈശ്വര്യഭൂതിദം .
ദേവ്യാഖ്യാസ്മൃതിമാത്രേണ ദാരിദ്ര്യം യാതി ഭസ്മതാം .. 31..


--------------------------------------------------------------------

അസ്യ ശ്രീലക്ഷ്മീസഹസ്രനാമസ്തോത്രമന്ത്രസ്യ

സനത്‌കുമാര ഋഷിഃ ।

അനുഷ്ടുപ്‌ഛന്ദഃ ।

മഹാലക്ഷ്മീ ദേവതാ ।

ശ്രീമഹാലക്ഷ്മീപ്രീത്യർത്ഥേ ജപേ വിനിയോഗഃ ॥

---------------------------------------------------------------------

പദ്മാസനസ്ഥാം പരമേശ്വരീം താം

പദ്മാക്ഷിണീം പദ്മകരാം ദയാലാം ।

പദ്മപ്രിയാം പദ്മമുഖീം സുപദ്മാം

പദ്മപ്രഭാം പദ്മനിവാസിനീം ച ॥

ചന്ദ്രപ്രഭാം ചാരുഹാസാം ത്രിനേത്രാം

ഹേമാംബരാം ഹേമവിഭൂഷിതാം താം ।

ശ്രീവിഷ്ണുവക്ഷഃസ്ഥലസംസ്ഥിതാം താം

ശ്രീമഹാലക്ഷ്മീം ശരണം പ്രപദ്യേ ॥
----------------------------------------------------------------------------------------
അഥ മഹാലക്ഷ്മീസഹസ്രനാമസ്തോത്രം 
അഥവാ കമലാസഹസ്രനാമസ്തോത്രം .

ശ്രീഃ പദ്മാ പ്രകൃതിഃ സത്ത്വാ ശാന്താ ചിച്ഛക്തിരവ്യയാ .
കേവലാ നിഷ്കലാ ശുദ്ധാ വ്യാപിനീ വ്യോമവിഗ്രഹാ .. 1..

വ്യോമപദ്മകൃതാധാരാ പരാ വ്യോമാമൃതോദ്ഭവാ .
നിർവ്യോമാ വ്യോമമധ്യസ്ഥാ പഞ്ചവ്യോമപദാശ്രിതാ .. 2..

അച്യുതാ വ്യോമനിലയാ പരമാനന്ദരൂപിണീ .
നിത്യശുദ്ധാ നിത്യതൃപ്താ നിർവികാരാ നിരീക്ഷണാ .. 3..

ജ്ഞാനശക്തിഃ കർതൃശക്തിർഭോക്തൃശക്തിഃ ശിഖാവഹാ .
സ്നേഹാഭാസാ നിരാനന്ദാ വിഭൂതിർവിമലാചലാ .. 4..

അനന്താ വൈഷ്ണവീ വ്യക്താ വിശ്വാനന്ദാ വികാസിനീ .
ശക്തിർവിഭിന്നസർവാർതിഃ സമുദ്രപരിതോഷിണീ .. 5..

മൂർതിഃ സനാതനീ ഹാർദീ നിസ്തരംഗാ നിരാമയാ .
ജ്ഞാനജ്ഞേയാ ജ്ഞാനഗമ്യാ ജ്ഞാനജ്ഞേയവികാസിനീ .. 6..

സ്വച്ഛന്ദശക്തിർഗഹനാ നിഷ്കമ്പാർചിഃ സുനിർമലാ .
സ്വരൂപാ സർവഗാ പാരാ ബൃംഹിണീ സുഗുണോർജിതാ .. 7..

അകലങ്കാ നിരാധാരാ നിഃസങ്കല്പാ നിരാശ്രയാ .
അസങ്കീർണാ സുശാന്താ ച ശാശ്വതീ ഭാസുരീ സ്ഥിരാ .. 8..

അനൗപമ്യാ നിർവികല്പാ നിയന്ത്രീ യന്ത്രവാഹിനീ .
അഭേദ്യാ ഭേദിനീ ഭിന്നാ ഭാരതീ വൈഖരീ ഖഗാ .. 9..

അഗ്രാഹ്യാ ഗ്രാഹികാ ഗൂഢാ ഗംഭീരാ വിശ്വഗോപിനീ .
അനിർദേശ്യാ പ്രതിഹതാ നിർബീജാ പാവനീ പരാ .. 10..

അപ്രതർക്യാ പരിമിതാ ഭവഭ്രാന്തിവിനാശിനീ .
ഏകാ ദ്വിരൂപാ ത്രിവിധാ അസംഖ്യാതാ സുരേശ്വരീ .. 11..

സുപ്രതിഷ്ഠാ മഹാധാത്രീ സ്ഥിതിർവൃദ്ധിർധ്രുവാ ഗതിഃ .
ഈശ്വരീ മഹിമാ ഋദ്ധിഃ പ്രമോദാ ഉജ്ജ്വലോദ്യമാ .. 12..

അക്ഷയാ വർദ്ധമാനാ ച സുപ്രകാശാ വിഹംഗമാ .
നീരജാ ജനനീ നിത്യാ ജയാ രോചിഷ്മതീ ശുഭാ .. 13..

തപോനുദാ ച ജ്വാലാ ച സുദീപ്തിശ്ചാംശുമാലിനീ .
അപ്രമേയാ ത്രിധാ സൂക്ഷ്മാ പരാ നിർവാണദായിനീ .. 14..

അവദാതാ സുശുദ്ധാ ച അമോഘാഖ്യാ പരമ്പരാ .
സന്ധാനകീ ശുദ്ധവിദ്യാ സർവഭൂതമഹേശ്വരീ .. 15..

ലക്ഷ്മീസ്തുഷ്ടിർമഹാധീരാ ശാന്തിരാപൂരണാനവാ .
അനുഗ്രഹാ ശക്തിരാദ്യാ ജഗജ്ജ്യേഷ്ഠാ ജഗദ്വിധിഃ .. 16..

സത്യാ പ്രഹ്വാ ക്രിയാ യോഗ്യാ അപർണാ ഹ്ലാദിനീ ശിവാ .
സമ്പൂർണാഹ്ലാദിനീ ശുദ്ധാ ജ്യോതിഷ്മത്യമൃതാവഹാ .. 17..

രജോവത്യർകപ്രതിഭാഽഽകർഷിണീ കർഷിണീ രസാ .
പരാ വസുമതീ ദേവീ കാന്തിഃ ശാന്തിർമതിഃ കലാ .. 18..

കലാ കലങ്കരഹിതാ വിശാലോദ്ദീപനീ രതിഃ .
സംബോധിനീ ഹാരിണീ ച പ്രഭാവാ ഭവഭൂതിദാ .. 19..

അമൃതസ്യന്ദിനീ ജീവാ ജനനീ ഖണ്ഡികാ സ്ഥിരാ .
ധൂമാ കലാവതീ പൂർണാ ഭാസുരാ സുമതീരസാ .. 20..

ശുദ്ധാ ധ്വനിഃ സൃതിഃ സൃഷ്ടിർവികൃതിഃ കൃഷ്ടിരേവ ച .
പ്രാപണീ പ്രാണദാ പ്രഹ്വാ വിശ്വാ പാണ്ഡുരവാസിനീ .. 21..

അവനിർവജ്രനലികാ ചിത്രാ ബ്രഹ്മാണ്ഡവാസിനീ .
അനന്തരൂപാനന്താത്മാനന്തസ്ഥാനന്തസംഭവാ .. 22..

മഹാശക്തിഃ പ്രാണശക്തിഃ പ്രാണദാത്രീ ഋതംഭരാ .
മഹാസമൂഹാ നിഖിലാ ഇച്ഛാധാരാ സുഖാവഹാ .. 23..

പ്രത്യക്ഷലക്ഷ്മീർനിഷ്കമ്പാ പ്രരോഹാബുദ്ധിഗോചരാ .
നാനാദേഹാ മഹാവർതാ ബഹുദേഹവികാസിനീ .. 24..

സഹസ്രാണീ പ്രധാനാ ച ന്യായവസ്തുപ്രകാശികാ .
സർവാഭിലാഷപൂർണേച്ഛാ സർവാ സർവാർഥഭാഷിണീ .. 25..

നാനാസ്വരൂപചിദ്ധാത്രീ ശബ്ദപൂർവാ പുരാതനീ .
വ്യക്താവ്യക്താ ജീവകേശാ സർവേച്ഛാപരിപൂരിതാ .. 26..

സങ്കല്പസിദ്ധാ സാംഖ്യേയാ തത്ത്വഗർഭാ ധരാവഹാ .
ഭൂതരൂപാ ചിത്സ്വരൂപാ ത്രിഗുണാ ഗുണഗർവിതാ .. 27..

പ്രജാപതീശ്വരീ രൗദ്രീ സർവാധാരാ സുഖാവഹാ .
കല്യാണവാഹികാ കല്യാ കലികല്മഷനാശിനീ .. 28..

നീരൂപോദ്ഭിന്നസന്താനാ സുയന്ത്രാ ത്രിഗുണാലയാ .
മഹാമായാ യോഗമായാ മഹായോഗേശ്വരീ പ്രിയാ .. 29..

മഹാസ്ത്രീ വിമലാ കീർതിർജയാ ലക്ഷ്മീർനിരഞ്ജനാ .
പ്രകൃതിർഭഗവന്മായാ ശക്തിർനിദ്രാ യശസ്കരീ .. 30..

ചിന്താ ബുദ്ധിര്യശഃ പ്രജ്ഞാ ശാന്തിഃ സുപ്രീതിവർദ്ധിനീ .
പ്രദ്യുമ്നമാതാ സാധ്വീ ച സുഖസൗഭാഗ്യസിദ്ധിദാ .. 31..

കാഷ്ഠാ നിഷ്ഠാ പ്രതിഷ്ഠാ ച ജ്യേഷ്ഠാ ശ്രേഷ്ഠാ ജയാവഹാ .
സർവാതിശായിനീ പ്രീതിർവിശ്വശക്തിർമഹാബലാ .. 32..

വരിഷ്ഠാ വിജയാ വീരാ ജയന്തീ വിജയപ്രദാ .
ഹൃദ്ഗൃഹാ ഗോപിനീ ഗുഹ്യാ ഗണഗന്ധർവസേവിതാ .. 33..

യോഗീശ്വരീ യോഗമായാ യോഗിനീ യോഗസിദ്ധിദാ .
മഹായോഗേശ്വരവൃതാ യോഗാ യോഗേശ്വരപ്രിയാ .. 34..

ബ്രഹ്മേന്ദ്രരുദ്രനമിതാ സുരാസുരവരപ്രദാ .
ത്രിവർത്മഗാ ത്രിലോകസ്ഥാ ത്രിവിക്രമപദോദ്ഭവാ .. 35..

സുതാരാ താരിണീ താരാ ദുർഗാ സന്താരിണീ പരാ .
സുതാരിണീ താരയന്തീ ഭൂരിതാരേശ്വരപ്രഭാ .. 36..

ഗുഹ്യവിദ്യാ യജ്ഞവിദ്യാ മഹാവിദ്യാ സുശോഭിതാ .
അധ്യാത്മവിദ്യാ വിഘ്നേശീ പദ്മസ്ഥാ പരമേഷ്ഠിനീ .. 37..

ആന്വീക്ഷികീ ത്രയീ വാർതാ ദണ്ഡനീതിർനയാത്മികാ .
ഗൗരീ വാഗീശ്വരീ ഗോപ്ത്രീ ഗായത്രീ കമലോദ്ഭവാ .. 38..

വിശ്വംഭരാ വിശ്വരൂപാ വിശ്വമാതാ വസുപ്രദാ .
സിദ്ധിഃ സ്വാഹാ സ്വധാ സ്വസ്തിഃ സുധാ സർവാർഥസാധിനീ .. 39..

ഇച്ഛാ സൃഷ്ടിർദ്യുതിർഭൂതിഃ കീർതിഃ ശ്രദ്ധാ ദയാമതിഃ .
ശ്രുതിർമേധാ ധൃതിർഹ്രീഃ ശ്രീർവിദ്യാ വിബുധവന്ദിതാ .. 40..

അനസൂയാ ഘൃണാ നീതിർനിർവൃതിഃ കാമധുക്കരാ .
പ്രതിജ്ഞാ സന്തതിർഭൂതിർദ്യൗഃ പ്രജ്ഞാ വിശ്വമാനിനീ .. 41..

സ്മൃതിർവാഗ്വിശ്വജനനീ പശ്യന്തീ മധ്യമാ സമാ .
സന്ധ്യാ മേധാ പ്രഭാ ഭീമാ സർവാകാരാ സരസ്വതീ .. 42..

കാങ്ക്ഷാ മായാ മഹാമായാ മോഹിനീ മാധവപ്രിയാ .
സൗമ്യാഭോഗാ മഹാഭോഗാ ഭോഗിനീ ഭോഗദായിനീ .. 43..

സുധൗതകനകപ്രഖ്യാ സുവർണകമലാസനാ .
ഹിരണ്യഗർഭാ സുശ്രോണീ ഹാരിണീ രമണീ രമാ .. 44..

ചന്ദ്രാ ഹിരണ്മയീ ജ്യോത്സ്നാ രമ്യാ ശോഭാ ശുഭാവഹാ .
ത്രൈലോക്യമണ്ഡനാ നാരീ നരേശ്വരവരാർചിതാ .. 45..

ത്രൈലോക്യസുന്ദരീ രാമാ മഹാവിഭവവാഹിനീ .
പദ്മസ്ഥാ പദ്മനിലയാ പദ്മമാലാവിഭൂഷിതാ .. 46..

പദ്മയുഗ്മധരാ കാന്താ ദിവ്യാഭരണഭൂഷിതാ .
വിചിത്രരത്നമുകുടാ വിചിത്രാംബരഭൂഷണാ .. 47..

വിചിത്രമാല്യഗന്ധാഢ്യാ വിചിത്രായുധവാഹനാ .
മഹാനാരായണീ ദേവീ വൈഷ്ണവീ വീരവന്ദിതാ .. 48..

കാലസങ്കർഷിണീ ഘോരാ തത്ത്വസങ്കർഷിണീകലാ .
ജഗത്സമ്പൂരണീ വിശ്വാ മഹാവിഭവഭൂഷണാ .. 49..

വാരുണീ വരദാ വ്യാഖ്യാ ഘണ്ടാകർണവിരാജിതാ .
നൃസിംഹീ ഭൈരവീ ബ്രാഹ്മീ ഭാസ്കരീ വ്യോമചാരിണീ .. 50..

ഐന്ദ്രീ കാമധേനുഃ സൃഷ്ടിഃ കാമയോനിർമഹാപ്രഭാ .
ദൃഷ്ടാ കാമ്യാ വിശ്വശക്തിർ-ബീജഗത്യാത്മദർശനാ .. 51..

ഗരുഡാരൂഢഹൃദയാ ചാന്ദ്രീ ശ്രീർ-മധുരാനനാ .
മഹോഗ്രരൂപാ വാരാഹീ നാരസിംഹീ ഹതാസുരാ .. 52..

യുഗാന്ത-ഹുതഭുഗ്ജ്വാലാ കരാലാ പിംഗലാകലാ .
ത്രൈലോക്യഭൂഷണാ ഭീമാ ശ്യാമാ ത്രൈലോക്യമോഹിനീ .. 53..

മഹോത്കടാ മഹാരക്താ മഹാചണ്ഡാ മഹാസനാ .
ശംഖിനീ ലേഖിനീ സ്വസ്ഥാ ലിഖിതാ ഖേചരേശ്വരീ .. 54..

ഭദ്രകാളീ ചൈകവീരാ കൗമാരീ ഭവമാലിനീ .
കല്യാണീ കാമധു-ഗ്ജ്വാലാമുഖീ ചോത്പലമാലികാ .. 55..

ബാലികാ ധനദാ സൂര്യാ ഹൃദയോത്പലമാലികാ .
അജിതാ വർഷിണീ രീതിർ-ഭരുണ്ഡാ ഗരുഡാസനാ .. 56..

വൈശ്വാനരീ മഹാമായാ മഹാകാളീ വിഭീഷണാ .
മഹാമന്ദാരവിഭവാ ശിവാനന്ദാ രതിപ്രിയാ .. 57..

ഉദ്രീതിഃ പദ്മമാലാ ച ധർമവേഗാ വിഭാവനീ .
സത്ക്രിയാ ദേവസേനാ ച ഹിരണ്യരജതാശ്രയാ .. 58..

സഹസാവർതമാനാ ച ഹസ്തിനാദപ്രബോധിനീ .
ഹിരണ്യപദ്മവർണാ ച ഹരിഭദ്രാ സുദുർദ്ധരാ .. 59..

സൂര്യാ ഹിരണ്യപ്രകടസദൃശീ ഹേമമാലിനീ .
പദ്മാനനാ നിത്യപുഷ്ടാ ദേവമാതാ മൃതോദ്ഭവാ .. 60..

മഹാധനാ ച യാ ശൃംഗീ കർദ്ദമീ കംബുകന്ധരാ .
ആദിത്യവർണാ ചന്ദ്രാഭാ ഗന്ധദ്വാരാ ദുരാസദാ .. 61..

വരാചിതാ വരാരോഹാ വരേണ്യാ വിഷ്ണുവല്ലഭാ .
കല്യാണീ വരദാ വാമാ വാമേശീ വിന്ധ്യവാസിനീ .. 62..

യോഗനിദ്രാ യോഗരതാ ദേവകീ കാമരൂപിണീ .
കംസവിദ്രാവിണീ ദുർഗാ കൗമാരീ കൗശികീ ക്ഷമാ .. 63..

കാത്യായനീ കാലരാത്രിർ-നിശിതൃപ്താ സുദുർജയാ .
വിരൂപാക്ഷീ വിശാലാക്ഷീ ഭക്താനാ-മ്പരിരക്ഷിണീ .. 64..

ബഹുരൂപാ സ്വരൂപാ ച വിരൂപാ രൂപവർജിതാ .
ഘണ്ടാ-നിനാദബഹുലാ ജീമൂതധ്വനി-നിഃസ്വനാ .. 65..

മഹാദേവേന്ദ്രമഥിനീ ഭ്രുകുടീകുടിലാനനാ .
സത്യോപയാചിതാ ചൈകാ കൗബേരീ ബ്രഹ്മചാരിണീ .. 66..

ആര്യാ യശോദാ സുതദാ ധർമകാമാർഥമോക്ഷദാ .
ദാരിദ്ര്യദുഃഖശമനീ ഘോരദുർഗാർതിനാശിനീ .. 67..

ഭക്താർതിശമനീ ഭവ്യാ ഭവഭർഗാപഹാരിണീ .
ക്ഷീരാബ്ധിതനയാ പദ്മാ കമലാ ധരണീധരാ .. 68..

രുക്മിണീ രോഹിണീ സീതാ സത്യഭാമാ യശസ്വിനീ .
പ്രജ്ഞാധാരാമിതപ്രജ്ഞാ വേദമാതാ യശോവതീ .. 69..

സമാധിർ-ഭാവനാ മൈത്രീ കരുണാ ഭക്തവത്സലാ .
അന്തർവേദീ ദക്ഷിണാ ച ബ്രഹ്മചര്യപരാഗതിഃ .. 70..

ദീക്ഷാ വീക്ഷാ പരീക്ഷാ ച സമീക്ഷാ വീരവത്സലാ .
അംബികാ സുരഭിഃ സിദ്ധാ സിദ്ധവിദ്യാധരാർചിതാ .. 71..

സുദീക്ഷാ ലേലിഹാനാ ച കരാലാ വിശ്വപൂരകാ .
വിശ്വസന്ധാരിണീ ദീപ്തി-സ്താപനീ താണ്ഡവപ്രിയാ .. 72..

ഉദ്ഭവാ വിരജാ രാജ്ഞീ താപനീ ബിന്ദുമാലിനീ .
ക്ഷീരധാരാസുപ്രഭാവാ ലോകമാതാ സുവർചസാ .. 73..

ഹവ്യഗർഭാ ചാജ്യഗർഭാ ജുഹ്വതോ-യജ്ഞസംഭവാ .
ആപ്യായനീ പാവനീ ച ദഹനീ ദഹനാശ്രയാ .. 74..

മാതൃകാ മാധവീ മുഖ്യാ മോക്ഷലക്ഷ്മീർ-മഹർദ്ധിദാ .
സർവകാമപ്രദാ ഭദ്രാ സുഭദ്രാ സർവമംഗലാ .. 75..

ശ്വേതാ സുശുക്ലവസനാ ശുക്ലമാല്യാനുലേപനാ .
ഹംസാ ഹീനകരീ ഹംസീ ഹൃദ്യാ ഹൃത്കമലാലയാ .. 76..

സിതാതപത്രാ സുശ്രോണീ പദ്മപത്രായതേക്ഷണാ .
സാവിത്രീ സത്യസങ്കല്പാ കാമദാ കാമകാമിനീ .. 77..

ദർശനീയാ ദൃശാ ദൃശ്യാ സ്പൃശ്യാ സേവ്യാ വരാംഗനാ .
ഭോഗപ്രിയാ ഭോഗവതീ ഭോഗീന്ദ്രശയനാസനാ .. 78..

ആർദ്രാ പുഷ്കരിണീ പുണ്യാ പാവനീ പാപസൂദനീ .
ശ്രീമതീ ച ശുഭാകാരാ പരമൈശ്വര്യഭൂതിദാ .. 79..

അചിന്ത്യാനന്തവിഭവാ ഭവഭാവവിഭാവനീ .
നിശ്രേണിഃ സർവദേഹസ്ഥാ സർവഭൂതനമസ്കൃതാ .. 80..

ബലാ ബലാധികാ ദേവീ ഗൗതമീ ഗോകുലാലയാ .
തോഷിണീ പൂർണചന്ദ്രാഭാ ഏകാനന്ദാ ശതാനനാ .. 81..

ഉദ്യാനനഗരദ്വാര-ഹർമ്യോപ-വനവാസിനീ .
കൂഷ്മാണ്ഡാ ദാരുണാ ചണ്ഡാ കിരാതീ നന്ദനാലയാ .. 82..

കാലായനാ കാലഗമ്യാ ഭയദാ ഭയനാശിനീ .
സൗദാമനീ മേഘരവാ ദൈത്യദാനവമർദിനീ .. 83..

ജഗന്മാതാ ഭയകരീ ഭൂതധാത്രീ സുദുർലഭാ .
കാശ്യപീ ശുഭദാതാ ച വനമാലാ ശുഭാവരാ .. 84..

ധന്യാ ധന്യേശ്വരീ ധന്യാ രത്നദാ വസുവർദ്ധിനീ .
ഗാന്ധർവീ രേവതീ ഗംഗാ ശകുനീ വിമലാനനാ .. 85..

ഇഡാ ശാന്തികരീ ചൈവ താമസീ കമലാലയാ .
ആജ്യപാ വജ്രകൗമാരീ സോമപാ കുസുമാശ്രയാ .. 86..

ജഗത്പ്രിയാ ച സരഥാ ദുർജയാ ഖഗവാഹനാ .
മനോഭവാ കാമചാരാ സിദ്ധചാരണസേവിതാ .. 87..

വ്യോമലക്ഷ്മീർ-മഹാലക്ഷ്മീ-സ്തേജോലക്ഷ്മീഃ സുജാജ്വലാ .
രസലക്ഷ്മീർ-ജഗദ്യോനിർ-ഗന്ധലക്ഷ്മീർ-വനാശ്രയാ .. 88..

ശ്രവണാ ശ്രാവണീ നേത്രീ രസനാപ്രാണചാരിണീ .
വിരിഞ്ചിമാതാ വിഭവാ വരവാരിജവാഹനാ .. 89..

വീര്യാ വീരേശ്വരീ വന്ദ്യാ വിശോകാ വസുവർദ്ധിനീ .
അനാഹതാ കുണ്ഡലിനീ നലിനീ വനവാസിനീ .. 90..

ഗാന്ധാരിണീന്ദ്രനമിതാ സുരേന്ദ്രനമിതാ സതീ .
സർവമംഗല്യമാംഗല്യാ സർവകാമസമൃദ്ധിദാ .. 91..

സർവാനന്ദാ മഹാനന്ദാ സത്കീർതിഃ സിദ്ധസേവിതാ .
സിനീവാലീ കുഹൂ രാകാ അമാ ചാനുമതിർദ്യുതിഃ .. 92..

അരുന്ധതീ വസുമതീ ഭാർഗവീ വാസ്തുദേവതാ .
മായൂരീ വജ്രവേതാലീ വജ്രഹസ്താ വരാനനാ .. 93..

അനഘാ ധരണിർധീരാ ധമനീ മണിഭൂഷണാ .
രാജശ്രീ രൂപസഹിതാ ബ്രഹ്മശ്രീർബ്രഹ്മവന്ദിതാ .. 94..

ജയശ്രീർജയദാ ജ്ഞേയാ സർഗശ്രീഃ സ്വർഗതിഃ സതാം .
സുപുഷ്പാ പുഷ്പനിലയാ ഫലശ്രീർനിഷ്കലപ്രിയാ .. 95..

ധനുർലക്ഷ്മീസ്ത്വമിലിതാ പരക്രോധനിവാരിണീ .
കദ്രൂർദ്ധനായുഃ കപിലാ സുരസാ സുരമോഹിനീ .. 96..

മഹാശ്വേതാ മഹാനീലാ മഹാമൂർതിർവിഷാപഹാ .
സുപ്രഭാ ജ്വാലിനീ ദീപ്തിസ്തൃപ്തിർവ്യാപ്തിഃ പ്രഭാകരീ .. 97..

തേജോവതീ പദ്മബോധാ മദലേഖാരുണാവതീ .
രത്നാ രത്നാവലീ ഭൂതാ ശതധാമാ ശതാപഹാ .. 98..

ത്രിഗുണാ ഘോഷിണീ രക്ഷ്യാ നർദ്ദിനീ ഘോഷവർജിതാ .
സാധ്യാ ദിതിർദിതിദേവീ മൃഗവാഹാ മൃഗാങ്കഗാ .. 99..

ചിത്രനീലോത്പലഗതാ വൃഷരത്നകരാശ്രയാ .
ഹിരണ്യരജതദ്വന്ദ്വാ ശംഖഭദ്രാസനാസ്ഥിതാ .. 100..

ഗോമൂത്രഗോമയക്ഷീരദധിസർപിർജലാശ്രയാ .
മരീചിശ്ചീരവസനാ പൂർണാ ചന്ദ്രാർകവിഷ്ടരാ .. 101..

സുസൂക്ഷ്മാ നിർവൃതിഃ സ്ഥൂലാ നിവൃത്താരാതിരേവ ച .
മരീചിജ്വാലിനീ ധൂമ്രാ ഹവ്യവാഹാ ഹിരണ്യദാ .. 102..

ദായിനീ കാലിനീ സിദ്ധിഃ ശോഷിണീ സമ്പ്രബോധിനീ .
ഭാസ്വരാ സംഹതിസ്തീക്ഷ്ണാ പ്രചണ്ഡജ്വലനോജ്ജ്വലാ .. 103..

സാംഗാ പ്രചണ്ഡാ ദീപ്താ ച വൈദ്യുതിഃ സുമഹാദ്യുതിഃ .
കപിലാ നീലരക്താ ച സുഷുമ്ണാ വിസ്ഫുലിംഗിനീ .. 104..

അർചിഷ്മതീ രിപുഹരാ ദീർഘാ ധൂമാവലീ ജരാ .
സമ്പൂർണമണ്ഡലാ പൂഷാ സ്രംസിനീ സുമനോഹരാ .. 105..

ജയാ പുഷ്ടികരീച്ഛായാ മാനസാ ഹൃദയോജ്ജ്വലാ .
സുവർണകരണീ ശ്രേഷ്ഠാ മൃതസഞ്ജീവിനീരണേ .. 106..

വിശല്യകരണീ ശുഭ്രാ സന്ധിനീ പരമൗഷധിഃ .
ബ്രഹ്മിഷ്ഠാ ബ്രഹ്മസഹിതാ ഐന്ദവീ രത്നസംഭവാ .. 107..

വിദ്യുത്പ്രഭാ ബിന്ദുമതീ ത്രിസ്വഭാവഗുണാംബികാ .
നിത്യോദിതാ നിത്യഹൃഷ്ടാ നിത്യകാമകരീഷിണീ .. 108..

പദ്മാങ്കാ വജ്രചിഹ്നാ ച വക്രദണ്ഡവിഭാസിനീ .
വിദേഹപൂജിതാ കന്യാ മായാ വിജയവാഹിനീ .. 109..

മാനിനീ മംഗലാ മാന്യാ മാലിനീ മാനദായിനീ .
വിശ്വേശ്വരീ ഗണവതീ മണ്ഡലാ മണ്ഡലേശ്വരീ .. 110..

ഹരിപ്രിയാ ഭൗമസുതാ മനോജ്ഞാ മതിദായിനീ .
പ്രത്യംഗിരാ സോമഗുപ്താ മനോഽഭിജ്ഞാ വദന്മതിഃ .. 111..

യശോധരാ രത്നമാലാ കൃഷ്ണാ ത്രൈലോക്യബന്ധനീ .
അമൃതാ ധാരിണീ ഹർഷാ വിനതാ വല്ലകീ ശചീ .. 112..

സങ്കല്പാ ഭാമിനീ മിശ്രാ കാദംബര്യമൃതപ്രഭാ .
അഗതാ നിർഗതാ വജ്രാ സുഹിതാ സംഹിതാക്ഷതാ .. 113..

സർവാർഥസാധനകരീ ധാതുർധാരണികാമലാ .
കരുണാധാരസംഭൂതാ കമലാക്ഷീ ശശിപ്രിയാ .. 114..

സൗമ്യരൂപാ മഹാദീപ്താ മഹാജ്വാലാ വികാശിനീ .
മാലാ കാഞ്ചനമാലാ ച സദ്വജ്രാ കനകപ്രഭാ .. 115..

പ്രക്രിയാ പരമാ യോക്ത്രീ ക്ഷോഭികാ ച സുഖോദയാ .
വിജൃംഭണാ ച വജ്രാഖ്യാ ശൃംഖലാ കമലേക്ഷണാ .. 116..

ജയങ്കരീ മധുമതീ ഹരിതാ ശശിനീ ശിവാ .
മൂലപ്രകൃതിരീശാനീ യോഗമാതാ മനോജവാ .. 117..

ധർമോദയാ ഭാനുമതീ സർവാഭാസാ സുഖാവഹാ .
ധുരന്ധരാ ച ബാലാ ച ധർമസേവ്യാ തഥാഗതാ .. 118..

സുകുമാരാ സൗമ്യമുഖീ സൗമ്യസംബോധനോത്തമാ .
സുമുഖീ സർവതോഭദ്രാ ഗുഹ്യശക്തിർഗുഹാലയാ .. 119..

ഹലായുധാ ചൈകവീരാ സർവശസ്ത്രസുധാരിണീ .
വ്യോമശക്തിർമഹാദേഹാ വ്യോമഗാ മധുമന്മയീ .. 120..

ഗംഗാ വിതസ്താ യമുനാ ചന്ദ്രഭാഗാ സരസ്വതീ .
തിലോത്തമോർവശീ രംഭാ സ്വാമിനീ സുരസുന്ദരീ .. 121..

ബാണപ്രഹരണാവാലാ ബിംബോഷ്ഠീ ചാരുഹാസിനീ .
കകുദ്മിനീ ചാരുപൃഷ്ഠാ ദൃഷ്ടാദൃഷ്ടഫലപ്രദാ .. 122..

കാമ്യാചരീ ച കാമ്യാ ച കാമാചാരവിഹാരിണീ .
ഹിമശൈലേന്ദ്രസങ്കാശാ ഗജേന്ദ്രവരവാഹനാ .. 123..

അശേഷസുഖസൗഭാഗ്യസമ്പദാ യോനിരുത്തമാ .
സർവോത്കൃഷ്ടാ സർവമയീ സർവാ സർവേശ്വരപ്രിയാ .. 124..

സർവാംഗയോനിഃ സാവ്യക്താ സമ്പ്രധാനേശ്വരേശ്വരീ .
വിഷ്ണുവക്ഷഃസ്ഥലഗതാ കിമതഃ പരമുച്യതേ .. 125..

പരാ നിർമഹിമാ ദേവീ ഹരിവക്ഷഃസ്ഥലാശ്രയാ .
സാ ദേവീ പാപഹന്ത്രീ ച സാന്നിധ്യം കുരുതാന്മമ .. 126..

ഇതി നാമ്നാം സഹസ്രം തു ലക്ഷ്മ്യാഃ പ്രോക്തം ശുഭാവഹം .
പരാവരേണ ഭേദേന മുഖ്യഗൗണേന ഭാഗതഃ .. 127..

യശ്ചൈതത് കീർതയേന്നിത്യം ശൃണുയാദ് വാപി പദ്മജ .
ശുചിഃ സമാഹിതോ ഭൂത്വാ ഭക്തിശ്രദ്ധാസമന്വിതഃ .. 128..

ശ്രീനിവാസം സമഭ്യർച്യ പുഷ്പധൂപാനുലേപനൈഃ .
ഭോഗൈശ്ച മധുപർകാദ്യൈര്യഥാശക്തി ജഗദ്ഗുരും .. 129..

തത്പാർശ്വസ്ഥാം ശ്രിയം ദേവീം സമ്പൂജ്യ ശ്രീധരപ്രിയാം .
തതോ നാമസഹസ്രോണ തോഷയേത് പരമേശ്വരീം .. 130..

നാമരത്നാവലീസ്തോത്രമിദം യഃ സതതം പഠേത് .
പ്രസാദാഭിമുഖീലക്ഷ്മീഃ സർവം തസ്മൈ പ്രയച്ഛതി .. 131..

യസ്യാ ലക്ഷ്മ്യാശ്ച സംഭൂതാഃ ശക്തയോ വിശ്വഗാഃ സദാ .
കാരണത്വേ ന തിഷ്ഠന്തി ജഗത്യസ്മിംശ്ചരാചരേ .. 132..

തസ്മാത് പ്രീതാ ജഗന്മാതാ ശ്രീര്യസ്യാച്യുതവല്ലഭാ .
സുപ്രീതാഃ ശക്തയസ്തസ്യ സിദ്ധിമിഷ്ടാം ദിശന്തി ഹി .. 133..

ഏക ഏവ ജഗത്സ്വാമീ ശക്തിമാനച്യുതഃ പ്രഭുഃ .
തദംശശക്തിമന്തോഽന്യേ ബ്രഹ്മേശാനാദയോ യഥാ .. 134..

തഥൈവൈകാ പരാ ശക്തിഃ ശ്രീസ്തസ്യ കരുണാശ്രയാ .
ജ്ഞാനാദിഷാംഗുണ്യമയീ യാ പ്രോക്താ പ്രകൃതിഃ പരാ .. 135..

ഏകൈവ ശക്തിഃ ശ്രീസ്തസ്യാ ദ്വിതീയാത്മനി വർതതേ .
പരാ പരേശീ സർവേശീ സർവാകാരാ സനാതനീ .. 136..

അനന്തനാമധേയാ ച ശക്തിചക്രസ്യ നായികാ .
ജഗച്ചരാചരമിദം സർവം വ്യാപ്യ വ്യവസ്ഥിതാ .. 137..

തസ്മാദേകൈവ പരമാ ശ്രീർജ്ഞേയാ വിശ്വരൂപിണീ .
സൗമ്യാ സൗമ്യേന രൂപേണ സംസ്ഥിതാ നടജീവവത് .. 138..

യോ യോ ജഗതി പുംഭാവഃ സ വിഷ്ണുരിതി നിശ്ചയഃ .
യാ യാ തു നാരീഭാവസ്ഥാ തത്ര ലക്ഷ്മീർവ്യവസ്ഥിതാ .. 139..

പ്രകൃതേഃ പുരുഷാച്ചാന്യസ്തൃതീയോ നൈവ വിദ്യതേ .
അഥ കിം ബഹുനോക്തേന നരനാരീമയോ ഹരിഃ .. 140..

അനേകഭേദഭിന്നസ്തു ക്രിയതേ പരമേശ്വരഃ .
മഹാവിഭൂതിം ദയിതാം യേ സ്തുവന്ത്യച്യുതപ്രിയാം .. 141..

തേ പ്രാപ്നുവന്തി പരമാം ലക്ഷ്മീം സംശുദ്ധചേതസഃ .
പദ്മയോനിരിദം പ്രാപ്യ പഠൻ സ്തോത്രമിദം ക്രമാത് .. 142..

ദിവ്യമഷ്ടഗുണൈശ്വര്യം തത്പ്രസാദാച്ച ലബ്ധവാൻ .
സകാമാനാം ച ഫലദാമകാമാനാം ച മോക്ഷദാം .. 143..

പുസ്തകാഖ്യാം ഭയത്രാത്രീം സിതവസ്ത്രാം ത്രിലോചനാം .
മഹാപദ്മനിഷണ്ണാം താം ലക്ഷ്മീമജരതാം നമഃ .. 144..

കരയുഗലഗൃഹീതം പൂർണകുംഭം ദധാനാ
ക്വചിദമലഗതസ്ഥാ ശംഖപദ്മാക്ഷപാണിഃ .
ക്വചിദപി ദയിതാംഗേ ചാമരവ്യഗ്രഹസ്താ
ക്വചിദപി സൃണിപാശം ബിഭ്രതീ ഹേമകാന്തിഃ .. 145..

.. ഇത്യാദിപദ്മപുരാണേ കാശ്മീരവർണനേ ഹിരണ്യഗർഭഹൃദയേ
സർവകാമപ്രദായകം പുരുഷോത്തമപ്രോക്തം
ശ്രീലക്ഷ്മീസഹസ്രനാമസ്തോത്രം സമാപ്തം ..

Sri Shiva Sahasranama Sthothram (Rudrayamala Tantra)

 

ശ്രീശിവസഹസ്രനാമസ്തോത്രം

(RUDRAYAMALA TANTRA)

---

🔶 പൂർവപീഠികാ

ഓം ശ്രീഗണേശായ നമഃ ।

ഓം ഓങ്കാരനിലയം ദേവം ഗജവക്ത്രം ചതുർഭുജം ।
പിചണ്ഡിലമഹം വന്ദേ സർവവിഘ്നോപശാന്തയേ ॥ 1 ॥

ശ്രുതിസ്മൃതിപുരാണാനാ-മാലയം കരുണാലയം ।
നമാമി ഭഗവത്പാദശങ്കരം ലോകശങ്കരം ॥ 2 ॥

ശങ്കരം ശങ്കരാചാര്യം കേശവം ബാദരായണം ।
സൂത്രഭാഷ്യകൃതൗ വന്ദേ ഭഗവന്തൗ പുനഃപുനഃ ॥ 3 ॥

വന്ദേ ശംഭുമുമാപതിം സുരഗുരും വന്ദേ ജഗത്കാരണം ।
വന്ദേ പന്നഗഭൂഷണം മൃഗധരം വന്ദേ പശൂനാംപതിം ॥
വന്ദേ സൂര്യശശാങ്കവഹ്നിനയനം വന്ദേ മുകുന്ദപ്രിയം ।
വന്ദേ ഭക്തജനാശ്രയം ച വരദം വന്ദേ ശിവം ശങ്കരം ॥ 4 ॥

തവ തത്ത്വം ന ജാനാമി കീദൃശോ f സി മഹേശ്വര ।
യാദൃശോ f സി മഹാദേവ താദൃശായ നമോ നമഃ ॥ 5 ॥

ഋഷയ ഊചുഃ-
സൂത വേദാർഥതത്ത്വജ്ഞ ശിവധ്യാനപരായണ .
മുക്ത്യുപായം വദാസ്മഭ്യം കൃപാലോ മുനിസത്തമ .. 1..

കഃ സേവ്യഃ സർവദേവേഷു കോ വാ ജപ്യോ മനുഃ സദാ .
സ്ഥാതവ്യം കുത്ര വാ നിത്യം കിം വാ സർവാർഥസാധകം .. 2..

ശ്രീസൂത ഉവാച-
ധന്യാന്മന്യാമഹേ നൂനമനന്യശരണാന്മുനീൻ .
വന്യാശിനോ വനേവാസാൻ ന്യസ്തമാനുഷ്യകല്മഷാൻ .. 3..

ഭവദ്ഭിഃ സർവവേദാർഥതത്ത്വം ജ്ഞാതമതന്ദ്രിതൈഃ .
ഭവദ്ഭിഃ സർവവേദാർഥോ ജ്ഞാത ഏവാസ്തി യദ്യപി .. 4..

തഥാപി കിഞ്ചിദ്വക്ഷ്യാമി യഥാ ജ്ഞാതം മയാ തഥാ .
പുരാ കൈലാസശിഖരേ സുഖാസീനം ജഗത്പ്രഭും .. 5..

വേദാന്തവേദ്യമീശാനം ശങ്കരം ലോകശങ്കരം . 
വിലോക്യാതീവ സന്തുഷ്ടഃ ഷണ്മുഖഃ സാംബമീശ്വരം .. 6.. 

മത്വാ കൃതാർഥമാത്മാനം പ്രണിപത്യ സദാശിവം .
പപ്രച്ഛ സർവലോകാനാം മുക്ത്യുപായം കൃതാഞ്ജലിഃ .. 7..

ശ്രീസ്കന്ദ ഉവാച-
വിശ്വേശ്വര മഹാദേവ വിഷ്ണുബ്രഹ്മാദിവന്ദിത .
ദേവാനാം മാനവാനാം ച കിം മോക്ഷസ്യാസ്തി സാധനം .. 8..

തവ നാമാന്യനന്താനി സന്തി യദ്യപി ശങ്കര .
തഥാപി താനി ദിവ്യാനി ന ജ്ഞായന്തേ മയാധുനാ .. 9..

പ്രിയാണി ശിവനാമാനി സർവാണി ശിവ യദ്യപി .
തഥാപി കാനി രമ്യാണി തേഷു പ്രിയതമാനി തേ ..

താനി സർവാർഥദാന്യദ്യ കൃപയാ വക്തുമർഹസി .. 10..

ശ്രീസൂത ഉവാച-

കുമാരോദീരിതാം വാചം സർവലോകഹിതാവഹാം .
ശ്രുത്വാ പ്രസന്നവദനസ്തമുവാച സദാശിവഃ .. 11.. 

ശ്രീസദാശിവ ഉവാച-

സാധു സാധു മഹാപ്രാജ്ഞ സമ്യക്പൃഷ്ഠം ത്വയാധുനാ .
യദിദാനീം ത്വയാ പൃഷ്ടം തദ്വക്ഷ്യേ ശൃണു സാദരം .. 12..

ഏവമേവ പുരാ ഗൗര്യാ പൃഷ്ടഃ കാശ്യാമഹം തദാ .
സമാഖ്യാതം മയാ സമ്യക്സർവേഷാം മോക്ഷസാധനം .. 13..

ദിവ്യാന്യനന്തനാമാനി സന്തി തന്മധ്യഗം പരം .
അഷ്ടോത്തരസഹസ്രം തു നാമ്നാം പ്രിയതരം മമ .. 14..

ഏകൈകമേവ തന്മധ്യേ നാമ സർവാർഥസാധകം .
മയാപി നാമ്നാം സർവേഷാം ഫലം വക്തും ന ശക്യതേ .. 15..

തിലാക്ഷതൈർബില്വപത്രൈഃ കമലൈഃ കോമലൈർനവൈഃ .
പൂജയിഷ്യതി മാം ഭക്ത്യാ യസ്ത്വേതന്നാമസംഖ്യയാ .. 16..

സ പാപേഭ്യഃ സംസൃതേശ്ച മുച്യതേ നാത്ര സംശയഃ .
തതോ മമാന്തികം യാതി പുനരാവൃത്തിദുർലഭം .. 17..

ഏകൈകേനൈവ നാമ്നാ മാമർചയിത്വാ ദൃഢവ്രതാഃ .
സ്വേഷ്ടം ഫലം പ്രാപ്നുവന്തി സത്യമേവോച്യതേ മയാ .. 18..

ഏതന്നാമാവലീം യസ്തു പഠന്മാം പ്രണമേത്സദാ .
സ യാതി മമ സായുജ്യം സ്വേഷ്ടം ബന്ധുസമന്വിതഃ .. 19..

സ്പൃഷ്ട്വാ മല്ലിംഗമമലമേതന്നാമാനി യഃ പഠേത് . (മാം ലിംഗ)
സ പാതകേഭ്യഃ സർവേഭ്യഃ സത്യമേവ പ്രമുച്യതേ .. 20..

യസ്ത്വേതന്നാമഭിഃ സമ്യക് ത്രികാലം വത്സരാവധി .
മാമർചയതി നിർദംഭഃ സ ദേവേന്ദ്രോ ഭവിഷ്യതി .. 21..

ഏതന്നാമാനുസന്ധാനനിരതഃ സർവദാമുനാ .
മമ പ്രിയകരസ്തസ്മാന്നിവസാമ്യത്ര സാദരം .. 22..

തത്പൂജയാ പൂജിതോഽഹം സ ഏവാഹം മതോ മമ .
തസ്മാത്പ്രിയതരം സ്ഥാനമന്യന്നൈവ ഹി ദൃശ്യതേ .. 23..

ഹിരണ്യബാഹുരിത്യാദിനാമ്നാം ശംഭുരഹം ഋഷിഃ .
ദേവതാപ്യഹമേവാത്ര ശക്തിർഗൗരീ മമ പ്രിയാ .. 24..

മഹേശ ഏവ സംസേവ്യഃ സർവൈരിതി ഹി കീലകം .
ധർമാദ്യർഥാഃ ഫലം ജ്ഞേയം ഫലദായീ സദാശിവഃ .. 25.. 

---

ഓം സൗരമണ്ഡലമധ്യസ്ഥം സാംബം സംസാരഭേഷജം ।
നീലഗ്രീവം വിരൂപാക്ഷം നമാമി ശിവമവ്യയം ॥

🔶 (ന്യാസം & ധ്യാനം)

ഓം അസ്യ ശ്രീശിവസഹസ്രനാമസ്തോത്രമഹാമന്ത്രസ്യ ।
ശംഭുരൃഷിഃ । അനുഷ്ടുപ് ഛന്ദഃ ।
ശ്രീസദാശിവോ ദേവതാ । മഹേശ്വര ഇതി ബീജം । ഗൗരീ ശക്തിഃ । മഹേശ ഏവ സംസേവ്യഃ സർവൈരിതി കീലകം । ശ്രീസാംബസദാശിവ പ്രീത്യർഥേ മുഖ്യസഹസ്രനാമജപേ വിനിയോഗഃ

ധ്യാനം :

ശാന്തം പദ്മാസനസ്ഥം ശശിധരമകുടം പഞ്ചവക്ത്രം ത്രിനേത്രം ।
ശൂലം വജ്രം ച ഖഡ്ഗം പരശുമഭയദം ദക്ഷഭാഗേ വഹന്തം ॥
നാഗം പാശം ച ഘണ്ടാം ഡമരുയുതമങ്കുശം വാമഭാഗേ ।
നാനാലങ്കാരയുക്തം സ്ഫടികമണിനിഭം പാർവതീശം നമാമി ॥

ഓം നമോ ഭഗവതേ രുദ്രായ ।

ഓം ഹിരണ്യബാഹു സേനാനീ ദിക്‌പതിസ്തരുരാട് ഹരഃ .

ഹരികേശഃ പശുപതിർമഹാൻ സസ്‌പിഞ്ജരോ മൃഡഃ .. 1..

വിവ്യാധീ ബഭ്‌ലുശഃ ശ്രേഷ്ഠഃ പരമാത്മാ സനാതനഃ .

സർവാന്നരാട് ജഗത്കർതാ പുഷ്ടേശോ നന്ദികേശ്വരഃ .. 2..

ആതതാവീ മഹാരുദ്രഃ സംസാരസ്‌ത്രഃ സുരേശ്വരഃ .

ഉപവീതിരഹന്ത്യാത്മാ ക്ഷേത്രേശോ വനനായകഃ .. 3..

രോഹിതഃ സ്ഥപതിഃ സൂതോ വാണിജോ മന്ത്രിരുന്നതഃ .

വൃക്ഷേശോ ഹുതഭുഗ്ദേവോ ഭുവന്തിർവാരിവസ്‌കൃതഃ .. 4..

ഉച്ചൈർഘോഷോ ഘോരരൂപഃ പത്തീശഃ പാശമോചകഃ .

ഓഷധീശഃ പഞ്ചവക്ത്രഃ കൃത്സ്‌നവീതോ ഭയാനകഃ .. 5..

സഹമാനഃ സ്വർണരേതാഃ നിവ്യാധിർനിരുപപ്ലവഃ .

ആവ്യാധിനീശഃ കകുഭോ നിഷംഗീ സ്‌തേനരക്ഷകഃ .. 6..

മന്ത്രാത്മാ തസ്‌കരാധ്യക്ഷോ വഞ്ചകഃ പരിവഞ്ചകഃ .

അരണ്യേശഃ പരിചരോ നിചേരുഃ സ്‌തായുരക്ഷകഃ .. 7..

പ്രകൃതീശോ ഗിരിചരഃ കുലിഞ്ചേശോ ഗ്രഹേഷ്ടകഃ .

ഭവഃ ശർവോ നീലകണ്ഠഃ കപർദീ ത്രിപുരാന്തകഃ .. 8..

വ്യുപ്തകേശോ ഗിരിശയഃ സഹസ്രാക്ഷഃ സഹസ്രപാത് .

ശിപിവിഷ്ടശ്ചന്ദ്രമൗലിർഹ്രസ്വോ മീഢുഷ്‌ടമോഽനഘഃ .. 9..

വാമനോ വ്യാപകഃ ശൂലീ വർഷീയാനജഡോഽനണുഃ .

ഊർവ്യഃ സൂർമ്യോഽഗ്രിയഃ ശീഭ്യഃ പ്രഥമഃ പാവകാകൃതിഃ .. 10..

ആചാരസ്താരകസ്താരോഽവസ്വന്യോഽനന്തവിഗ്രഹഃ .

ദീപ്യഃ സ്രോതസ്യ ഈശാനോ ധുര്യോ ഗവ്യയനോ യമഃ .. 11..

പൂർവജോഽപരജോ ജ്യേഷ്ഠഃ കനിഷ്ഠോ വിശ്വലോചനഃ .

അപഗൽഭോ മധ്യമോർമ്യോ ജഘന്യോ ബുധ്നിയഃ പ്രഭുഃ .. 12..

പ്രതിസര്യോഽനന്തരൂപഃ സോഭ്യോ യാമ്യോ സുരാശ്രയഃ .

ഖല്യോർവര്യോഽഭയഃ ക്ഷേമ്യഃ ശ്ലോക്യഃ പഥ്യോ നഭോഽഗ്രണീഃ .. 13..

വന്യോഽവസാന്യഃ പൂതാത്മാ ശ്രവഃ കക്ഷ്യഃ പ്രതിശ്രവഃ .

ആശുഷേണോ മഹാസേനോ മഹാവീരോ മഹാരഥഃ .. 14..

ശൂരോഽതിഘാതകോ വർമീ വരൂഥീ ബിൽമീരുദ്യതഃ .

ശ്രുതസേനഃ ശ്രുതഃ സാക്ഷീ കവചീ വശകൃദ്വശീ .. 15..

ആഹനന്യോഽനന്യനാഥോ ദുന്ദുഭ്യോഽരിഷ്ടനാശകഃ .

ധൃഷ്ണുഃ പ്രമൃശ ഇത്യാത്മാ വദാന്യോ വേദസമ്മതഃ .. 16..

തീക്ഷ്‌ണേഷുപാണിഃ പ്രഹിതഃ സ്വായുധഃ ശസ്‌ത്രവിത്തമഃ .

സുധന്വാ സുപ്രസന്നാത്മാ വിശ്വവക്ത്രഃ സദാഗതിഃ .. 17..

സ്തുത്യഃ പഥ്യോ വിശ്വബാഹുഃ കാട്യോ നീപ്യോ ശുചിസ്‌മിതഃ .

സൂദ്യഃ സരസ്യോ വൈശന്തോ നാദ്യഃ കൂപ്യോ ഋഷിർമനുഃ .. 18..

സർവോ വർഷ്യോ വർഷരൂപഃ കുമാരഃ കുശലോഽമലഃ .

മേഘ്യോഽവർഷ്യോഽമോഘശക്തിഃ വിദ്യുത്യോഽമോഘവിക്രമഃ .. 19..

ദുരാസദോ ദുരാരാധ്യോ നിർദ്വന്ദ്വോ ദുഃസഹർഷഭഃ .

ഈധ്രിയഃ ക്രോധശമനോ ജാതുകർണഃ പുരുഷ്ടുതഃ .. 20..

ആതപ്യോ വായുരജരോ വാത്യഃ കാത്യായനീപ്രിയഃ .

വാസ്‌തവ്യോ വാസ്‌തുപോ രേണ്യോ വിശ്വമൂർധാ വസുപ്രദഃ .. 21..

സോമസ്‌താമ്രോഽരുണഃ ശംഭൂ രുദ്രഃ സുഖകരഃ സുകൃത് .

ഉഗ്രോഽനുഗ്രോ ഭീമകർമാ ഭീമോ ഭീമപരാക്രമഃ .. 22..

അഗ്രേവധോ ഹനീയാത്മാ ഹന്താ ദൂരേവധോ വധഃ .

ശംഭുർമയോഭുവോ  നിത്യഃ ശങ്കരഃ കീർതിസാഗരഃ .. 23..

മയസ്‌കരഃ ശിവതരഃ ഖണ്ഡപർശുരജഃ ശുചിഃ .

തീർഥ്യഃ കൂല്യോഽമൃതാധീശഃ പാര്യോഽവാര്യോഽമൃതാകരഃ .. 24..

ശുദ്ധഃ പ്രതരണോ മുഖ്യഃ ശൂലപാണിരലോലുപഃ .

ഉച്ച ഉത്തരണസ്താര്യസ്താരജ്ഞസ്താര്യദൂരഗഃ .. 25..

ആതാര്യഃ സാരഭൂതാത്മാ സാരഗ്രാഹീ ദുരത്യയഃ .

ആലാദ്യോ മോക്ഷദഃ പഥ്യോഽനർഥഹാ സത്യസംഗരഃ .. 26..

ശഷ്‌പ്യഃ ഫേന്യഃ പ്രവാഹ്യോഢാ സികത്യഃ സൈകതാശ്രയഃ .

ഇരിണ്യോ ഗ്രാമണിഃ പുണ്യഃ ശരണ്യഃ ശുദ്ധശാസനഃ .. 27..

വരേണ്യോ യജ്ഞപുരുഷോ യജ്ഞേശോ യജ്ഞനായകഃ .

യജ്ഞകർതാ യജ്ഞഭോക്താ യജ്ഞവിഘ്നവിനാശകഃ .. 28..

യജ്ഞകർമഫലാധ്യക്ഷോ യജ്ഞമൂർതിരനാതുരഃ .

പ്രപഥ്യഃ കിംശിലോ ഗേഹ്യോ ഗൃഹ്യസ്‌തൽപ്യോ ധനാകരഃ .. 29..

പുലസ്‌ത്യഃ ക്ഷയണോ ഗോഷ്ഠ്യോ ഗോവിന്ദോ ഗീതസത്ക്രിയഃ .

ഹൃദദ്യോ ഹൃദ്യകൃത് ഹൃദ്യോ ഗഹ്വരേഷ്ഠഃ പ്രഭാകരഃ .. 30..

നിവേഷ്ട്യോ നിയതോഽയന്താ പാംസവ്യഃ സമ്പ്രതാപനഃ .

ശുഷ്ക്യോ ഹരിത്യോഽപൂതാത്മാ രജസ്യഃ സാത്വികപ്രിയഃ .. 31..

ലോപ്യോലപ്യഃ പർണശദ്യഃ പർണ്യഃ പൂർണഃ പുരാതനഃ .

ഭൂതോ ഭൂതപതിർഭൂപോ ഭൂധരോ ഭൂധരായുധഃ .. 32..

ഭൂതസംഘോ ഭൂതമൂർതിർഭൂതഹാ ഭൂതിഭൂഷണഃ .

മദനോ മാദകോ മാദ്യോ മദഹാ മധുരപ്രിയഃ .. 33..

മധുർമധുകരഃ ക്രൂരോ മദനോ മദനാന്തകഃ .

നിരഞ്ജനോ നിരാധാരോ നിർലുപ്തോ നിരുപാധികഃ .. 34..

നിഷ്‌പ്രപഞ്ചോ നിരാകാരോ നിരീഹോ നിരുപദ്രവഃ .

സത്ത്വഃ സത്ത്വഗുണോപേതഃ സത്ത്വവിത് സത്ത്വവിത്പ്രിയഃ .. 35..

സത്ത്വനിഷ്ഠഃ സത്ത്വമൂർതിഃ സത്ത്വേശഃ സത്ത്വവിത്തമഃ .

സമസ്‌തജഗദാധാരഃ സമസ്‌തഗുണസാഗരഃ .. 36..

സമസ്‌തദുഃഖവിധ്വംസീ സമസ്‌താനന്ദകാരണഃ .

രുദ്രാക്ഷമാലാഭരണോ രുദ്രാക്ഷപ്രിയവത്സലഃ .. 37..

രുദ്രാക്ഷവക്ഷാ രുദ്രാക്ഷരൂപോ രുദ്രാക്ഷഭക്ഷകഃ .

വിശ്വേശ്വരോ വീരഭദ്രഃ സമ്രാട് ദക്ഷമഖാന്തകഃ .. 38..

വിഘ്നേശ്വരോ വിഘ്നകർതാ ഗുരുർദേവശിഖാമണിഃ .

ഭുജഗേന്ദ്രലസത്കണ്ഠോ ഭുജംഗാഭരണപ്രിയഃ .. 39..

ഭുജംഗവിലസത്കർണോ ഭുജംഗവലയാവൃതഃ .

മുനിവന്ദ്യോ മുനിശ്രേഷ്ഠോ മുനിവൃന്ദനിഷേവിതഃ .. 40..

മുനിഹൃത്പുണ്ഡരീകസ്ഥോ മുനിസംഘൈകജീവനഃ .

മുനിമൃഗ്യോ വേദമൃഗ്യോ മൃഗഹസ്തോ മുനീശ്വരഃ .. 41..

മൃഗേന്ദ്രചർമവസനോ നരസിംഹനിപാതനഃ .

മൃത്യുഞ്ജയോ മൃത്യുമൃത്യുരപമൃത്യുവിനാശകഃ .. 42..

ദുഷ്ടമൃത്യുരദുഷ്ടേഷ്ടഃ മൃത്യുഹാ മൃത്യുപൂജിതഃ .

ഊർധ്വോ ഹിരണ്യഃ പരമോ നിധനേശോ ധനാധിപഃ .. 43..

യജുർമൂർതിഃ സാമമൂർതിഃ ഋങ്മൂർതിർമൂർതിവർജിതഃ .

വ്യക്തോ വ്യക്തതമോഽവ്യക്തോ വ്യക്താവ്യക്താസ്‌തമോ ജവീ .. 44..

ലിംഗമൂർതിരലിംഗാത്മാ ലിംഗാലിംഗാത്മവിഗ്രഹഃ .

ഗ്രഹോഽഗ്രഹോ ഗ്രഹാധാരോ ഗ്രഹാകാരോ ഗ്രഹേശ്വരഃ .. 45..

ഗ്രഹകൃദ് ഗ്രഹഭിദ് ഗ്രാഹീ ഗ്രഹോ ഗ്രഹവിലക്ഷണഃ .

കല്പാകാരഃ കല്പകർതാ കല്പലക്ഷണതത്പരഃ .. 46..

കല്പോ കല്പാകൃതിഃ കല്പനാശകഃ കല്പകല്പകഃ .

പരമാത്മാ പ്രധാനാത്മാ പ്രധാനപുരുഷഃ ശിവഃ .. 47..

വേദ്യോ വൈദ്യോ വേദവേദ്യോ വേദവേദാന്തസംസ്‌തുതഃ .

വേദവക്ത്രോ വേദജിഹ്വോ വിജിഹ്വോ ജിഹ്മനാശകഃ .. 48..

കല്യാണരൂപഃ കല്യാണഃ കല്യാണഗുണസംശ്രയഃ .

ഭക്തകല്യാണദോ ഭക്തകാമധേനുഃ സുരാധിപഃ .. 49..

പാവനഃ പാവകോ വാമോ മഹാകാലോ മദാപഹഃ .

ഘോരപാതകദാവാഗ്നിർദവഭസ്‌മകണപ്രിയഃ .. 50..

അനന്തസോമസൂര്യാഗ്നിമണ്ഡലപ്രതിമപ്രഭഃ .

ജഗദേകപ്രഭുഃ സ്വാമീ ജഗദ്വന്ദ്യോ ജഗന്മയഃ .. 51..

ജഗദാനന്ദദോ ജന്മജരാമരണവർജിതഃ .

ഖട്വാംഗീ നീതിമാൻ സദ്യോ ദേവതാത്മാഽഽത്മസംഭവഃ .. 52..

കപാലമാലാഭരണഃ കപാലീ വിഷ്‌ണുവല്ലഭഃ .

കമലാസനകാലാഗ്നിഃ കമലാസനപൂജിതഃ .. 53..

കാലാധീശസ്‌ത്രികാലജ്ഞോ ദുഷ്ടവിഗ്രഹവാരകഃ .

നാട്യകർതാ നടപരോ മഹാനാട്യവിശാരദഃ .. 54..

വിരാഡ്രൂപധരോ ധീരോ വീരോ വൃഷഭവാഹനഃ .

വൃഷാങ്കോ വൃഷഭാധീശോ വൃഷാത്മാ വൃഷഭധ്വജഃ .. 55..

മഹോന്നതോ മഹാകായോ മഹാവക്ഷാ മഹാഭുജഃ .

മഹാസ്‌കന്ധോ മഹാഗ്രീവോ മഹാവക്ത്രോ മഹാശിരാഃ .. 56..

മഹാഹനുർമഹാദംഷ്ട്രോ മഹദോഷ്ഠോ മഹോദരഃ .

സുന്ദരഭ്രൂഃ സുനയനഃ സുലലാടഃ സുകന്ദരഃ .. 57..

സത്യവാക്യോ ധർമവേത്താ സത്യജ്ഞഃ സത്യവിത്തമഃ .

ധർമവാൻ ധർമനിപുണോ ധർമോ ധർമപ്രവർതകഃ .. 58..

കൃതജ്ഞഃ കൃതകൃത്യാത്മാ കൃതകൃത്യഃ കൃതാഗമഃ .

കൃത്യവിത് കൃത്യവിച്ഛ്രേഷ്ഠഃ കൃതജ്ഞപ്രിയകൃത്തമഃ .. 59..

വ്രതകൃദ് വ്രതവിച്ഛ്രേഷ്ഠോ വ്രതവിദ്വാൻ മഹാവ്രതീ .

വ്രതപ്രിയോ വ്രതാധാരോ വ്രതാകാരോ വ്രതേശ്വരഃ .. 60..

അതിരാഗീ വീതരാഗീ രാഗഹേതുർവിരാഗവിത് .

രാഗഘ്നോ രാഗശമനോ രാഗദോ രാഗിരാഗവിത് .. 61..

വിദ്വാൻ വിദ്വത്തമോ വിദ്വജ്ജനമാനസസംശ്രയഃ .

വിദ്വജ്ജനാശ്രയോ വിദ്വജ്ജനസ്‌തവ്യപരാക്രമഃ .. 62..

നീതികൃന്നീതിവിന്നീതിപ്രദാതാ നീതിവിത്പ്രിയഃ .

വിനീതവത്സലോ നീതിസ്വരൂപോ നീതിസംശ്രയഃ .. 63..

ക്രോധവിത് ക്രോധകൃത് ക്രോധിജനകൃത് ക്രോധരൂപധൃക് .

സക്രോധഃ ക്രോധഹാ ക്രോധിജനഹാ ക്രോധകാരണഃ .. 64..

ഗുണവാൻ ഗുണവിച്ഛ്രേഷ്ഠോ നിർഗുണോ ഗുണവത്പ്രിയഃ  .

ഗുണാധാരോ ഗുണാകാരോ ഗുണകൃദ്ഗുണനാശകഃ .. 65..

വീര്യവാൻ വീര്യവിച്ഛ്രേഷ്ഠോ വീര്യവിദ്വീര്യസംശ്രയഃ .

വീര്യാകാരോ വീര്യകരോ വീര്യഹാ വീര്യവർധകഃ .. 66..

കാലവിത്കാലകൃത്കാലോ ബലകൃദ് ബലവിദ്ബലീ .

മനോന്മനോ മനോരൂപോ ബലപ്രമഥനോ ബലഃ .. 67..

വിശ്വപ്രദാതാ വിശ്വേശോ വിശ്വമാത്രൈകസംശ്രയഃ .

വിശ്വകാരോ മഹാവിശ്വോ വിശ്വവിശ്വോ വിശാരദഃ .. 68..

വസന്തകൃദ്വസന്താത്മാ വസന്തേശോ വസന്തദഃ .

ഗ്രീഷ്മാത്മാ ഗ്രീഷ്മകൃദ് ഗ്രീഷ്മവർധകോ ഗ്രീഷ്മനാശകഃ .. 69..

പ്രാവൃട്കൃത് പ്രാവൃഡാകാരഃ പ്രാവൃട്കാലപ്രവർതകഃ .

പ്രാവൃട്പ്രവർധകഃ പ്രാവൃണ്ണാഥഃ പ്രാവൃഡ്വിനാശകഃ .. 70..

ശരദാത്മാ ശരദ്ധേതുഃ ശരത്കാലപ്രവർതകഃ .

ശരന്നാഥഃ ശരത്കാലനാശകഃ ശരദാശ്രയഃ .. 71..

ഹിമസ്വരൂപോ ഹിമദോ ഹിമഹാ ഹിമനായകഃ .

ശൈശിരാത്മാ ശൈശിരേശഃ ശൈശിരർതുപ്രവർതകഃ .. 72..

പ്രാച്യാത്മാ ദക്ഷിണാകാരഃ പ്രതീച്യാത്മോത്തരാകൃതിഃ .

ആഗ്നേയാത്മാ നിരൃതീശോ വായവ്യാത്മേശനായകഃ .. 73..

ഊർധ്വാധഃസുദിഗാകാരോ നാനാദേശൈകനായകഃ .

സർവപക്ഷിമൃഗാകാരഃ സർവപക്ഷിമൃഗാധിപഃ .. 74..

സർവപക്ഷിമൃഗാധാരോ മൃഗാദ്യുത്പത്തികാരണഃ .

ജീവാധ്യക്ഷോ ജീവവന്ദ്യോ ജീവവിജ്ജീവരക്ഷകഃ .. 75..

ജീവകൃജ്ജീവഹാ ജീവജീവനോ ജീവസംശ്രയഃ .

ജ്യോതിഃസ്വരൂപോ വിശ്വാത്മാ വിശ്വനാഥോ വിയത്പതിഃ .. 76..

വജ്രാത്മാ വജ്രഹസ്‌താത്മാ വജ്രേശോ വജ്രഭൂഷിതഃ .

കുമാരഗുരുരീശാനോ ഗണാധ്യക്ഷോ ഗണാധിപഃ .. 77..

പിനാകപാണിഃ സൂര്യാത്മാ സോമസൂര്യാഗ്നിലോചനഃ .

അപായരഹിതഃ ശാന്തോ ദാന്തോ ദമയിതാ ദമഃ .. 78..

ഋഷിഃ പുരാണപുരുഷഃ പുരുഷേശഃ പുരന്ദരഃ .

കാലാഗ്നിരുദ്രഃ സർവേശഃ ശമരൂപഃ ശമേശ്വരഃ .. 79..

പ്രലയാനലകൃദ് ദിവ്യഃ പ്രലയാനലനാശകഃ .

ത്രിയംബകോഽരിഷഡ്‌വർഗനാശകോ ധനദപ്രിയഃ .. 80..

അക്ഷോഭ്യഃ ക്ഷോഭരഹിതഃ ക്ഷോഭദഃ ക്ഷോഭനാശകഃ .

സദംഭോ ദംഭരഹിതോ ദംഭദോ ദംഭനാശകഃ .. 81..

കുന്ദേന്ദുശംഖധവലോ ഭസ്‌മോദ്ധൂലിതവിഗ്രഹഃ .

ഭസ്‌മധാരണഹൃഷ്ടാത്മാ തുഷ്ടിഃ പുഷ്ടോഽരിസൂദനഃ .. 82..

സ്ഥാണുർദിഗംബരോ ഭർഗോ ഭഗനേത്രഭിദുദ്യമഃ .

ത്രികാഗ്നിഃ കാലകാലാഗ്നിരദ്വിതീയോ മഹായശാഃ .. 83..

സാമപ്രിയഃ സാമവേത്താ സാമഗഃ സാമഗപ്രിയഃ .

ധീരോദാത്തോ മഹാധീരോ ധൈര്യദോ ധൈര്യവർധകഃ .. 84..

ലാവണ്യരാശിഃ സർവജ്ഞഃ സുബുദ്ധിർബുദ്ധിമാന്വരഃ .

തുംബവീണഃ കംബുകണ്ഠഃ ശംബരാരിനികൃന്തനഃ .. 85..

ശാർദൂലചർമവസനഃ പൂർണാനന്ദോ ജഗത്പ്രിയഃ .

ജയപ്രദോ ജയാധ്യക്ഷോ ജയാത്മാ ജയകാരണഃ .. 86..

ജംഗമാജംഗമാകാരോ ജഗദുത്പത്തികാരണഃ .

ജഗദ്രക്ഷാകരോ വശ്യോ ജഗത്പ്രലയകാരണഃ .. 87..

പൂഷദന്തഭിദുത്കൃഷ്ടഃ പഞ്ചയജ്ഞപ്രഭഞ്ജകഃ .

അഷ്‌ടമൂർതിർവിശ്വമൂർതിരതിമൂർതിരമൂർതിമാൻ .. 88..

കൈലാസശിഖരാവാസഃ കൈലാസശിഖരപ്രിയഃ .

ഭക്തകൈലാസദഃ സൂക്ഷ്മോ മർമജ്ഞഃ സർവശിക്ഷകഃ .. 89..

സോമഃ സോമകലാകാരോ മഹാതേജാ മഹാതപാഃ .

ഹിരണ്യശ്മശ്രുരാനന്ദഃ സ്‌വർണകേശഃ സുവർണദൃക് .. 90..

ബ്രഹ്മാ വിശ്വസൃഗുർവീശോ മോചകോ ബന്ധവർജിതഃ .

സ്വതന്ത്രഃ സർവമന്ത്രാത്മാ ദ്യുതിമാനമിതപ്രഭഃ .. 91..

പുഷ്കരാക്ഷഃ പുണ്യകീർതിഃ പുണ്യശ്രവണകീർതനഃ .

പുണ്യമൂർതിഃ പുണ്യദാതാ പുണ്യാപുണ്യഫലപ്രദഃ .. 92..

സാരഭൂതഃ സ്വരമയോ രസഭൂതോ രസാശ്രയഃ .

ഓങ്കാരഃ പ്രണവോ നാദോ പ്രണതാർതിപ്രഭഞ്ജനഃ .. 93..

നികടസ്ഥോഽതിദൂരസ്ഥോ വശീ ബ്രഹ്മാണ്ഡനായകഃ .

മന്ദാരമൂലനിലയോ മന്ദാരകുസുമാവൃതഃ .. 94..

വൃന്ദാരകപ്രിയതമോ വൃന്ദാരകവരാർചിതഃ .

ശ്രീമാനനന്തകല്യാണപരിപൂർണോ മഹോദയഃ .. 95..

മഹോത്സാഹോ വിശ്വഭോക്താ വിശ്വാശാപരിപൂരകഃ .

സുലഭോഽസുലഭോ ലഭ്യോഽലഭ്യോ ലാഭപ്രവർധകഃ .. 96..

ലാഭാത്മാ ലാഭദോ വക്താ ദ്യുതിമാനനസൂയകഃ .

ബ്രഹ്മചാരീ ദൃഢാചാരീ ദേവസിംഹോ ധനപ്രിയഃ .. 97..

വേദപോ ദേവദേവേശോ ദേവദേവോത്തമോത്തമഃ .

ബീജരാജോ ബീജഹേതുർബീജദോ ബീജവൃദ്ധിദഃ .. 98..

ബീജാധാരോ ബീജരൂപോ നിർബീജോ ബീജനാശകഃ .

പരാപരേശോ വരദഃ പിംഗലോഽയുഗ്മലോചനഃ .. 99..

പിംഗലാക്ഷഃ സുരഗുരുഃ ഗുരുഃ സുരഗുരുപ്രിയഃ .

യുഗാവഹോ യുഗാധീശോ യുഗകൃദ്യുഗനാശകഃ .. 100..

കർപൂരഗൗരോ ഗൗരീശോ ഗൗരീഗുരുഗുഹാശ്രയഃ .

ധൂർജടിഃ പിംഗലജടോ ജടാമണ്ഡലമണ്ഡിതഃ .. 101..

മനോജവോ ജീവഹേതുരന്ധകാസുരസൂദനഃ .

ലോകബന്ധുഃ കലാധാരഃ പാണ്ഡുരഃ പ്രമഥാധിപഃ .. 102..

അവ്യക്തലക്ഷണോ യോഗീ യോഗീശോ യോഗപുംഗവഃ .

ശ്രിതാവാസോ ജനാവാസഃ സുരവാസഃ സുമണ്ഡലഃ .. 103..

ഭവവൈദ്യോ യോഗിവൈദ്യോ യോഗിസിംഹഹൃദാസനഃ .

ഉത്തമോഽനുത്തമോഽശക്തഃ കാലകണ്ഠോ വിഷാദനഃ .. 104..

ആശാസ്യഃ കമനീയാത്മാ ശുഭഃ സുന്ദരവിഗ്രഹഃ .

ഭക്തകല്പതരുഃ സ്‌തോതാ സ്‌തവ്യഃ സ്‌തോത്രവരപ്രിയഃ .. 105..

അപ്രമേയഗുണാധാരോ വേദകൃദ്വേദവിഗ്രഹഃ .

കീർത്യാധാരഃ കീർതികരഃ കീർതിഹേതുരഹേതുകഃ .. 106..

അപ്രധൃഷ്യഃ ശാന്തഭദ്രഃ കീർതിസ്‌തംഭോ മനോമയഃ .

ഭൂശയോഽന്നമയോ ഭോക്താ മഹേഷ്വാസോ മഹീതനുഃ  .. 107..

വിജ്ഞാനമയ ആനന്ദമയഃ പ്രാണമയോഽന്നദഃ .

സർവലോകമയോ യഷ്ടാ ധർമാധർമപ്രവർതകഃ .. 108..

അനിർവിണ്ണോ ഗുണഗ്രാഹീ സർവധർമഫലപ്രദഃ .

ദയാസുധാർദ്രനയനോ നിരാശീരപരിഗ്രഹഃ .. 109..

പരാർഥവൃത്തിർമധുരോ മധുരപ്രിയദർശനഃ .

മുക്താദാമപരീതാംഗോ നിഃസംഗോ മംഗലാകരഃ .. 110..

സുഖപ്രദഃ സുഖാകാരഃ സുഖദുഃഖവിവർജിതഃ .

വിശൃംഖലോ ജഗത്കർതാ ജിതസർവഃ പിതാമഹഃ .. 111..

അനപായോഽക്ഷയോ മുണ്ഡീ സുരൂപോ രൂപവർജിതഃ .

അതീന്ദ്രിയോ മഹാമായോ മായാവീ വിഗതജ്വരഃ .. 112..

അമൃതഃ ശാശ്വതഃ ശാന്തോ മൃത്യുഹാ മൂകനാശനഃ .

മഹാപ്രേതാസനാസീനഃ പിശാചാനുചരാവൃതഃ .. 113..

ഗൗരീവിലാസസദനോ നാനാഗാനവിശാരദഃ .

വിചിത്രമാല്യവസനോ ദിവ്യചന്ദനചർചിതഃ .. 114..

വിഷ്‌ണുബ്രഹ്മാദിവന്ദ്യാംഘ്രിഃ സുരാസുരനമസ്‌കൃതഃ .

കിരീടലേഢിഭാലേന്ദുർമണികങ്കണഭൂഷിതഃ .. 115..

രത്നാംഗദാംഗോ രത്നേശോ രത്നരഞ്ജിതപാദുകഃ .

നവരത്നഗണോപേതകിരീടോ രത്നകഞ്ചുകഃ .. 116..

നാനാവിധാനേകരത്നലസത്കുണ്ഡലമണ്ഡിതഃ .

ദിവ്യരത്നഗണാകീർണകണ്ഠാഭരണഭൂഷിതഃ .. 117..

ഗലവ്യാലമണിർനാസാപുടഭ്രാജിതമൗക്തികഃ .

രത്നാംഗുലീയവിലസത്കരശാഖാനഖപ്രഭഃ .. 118..

രത്നഭ്രാജദ്ധേമസൂത്രലസത്കടിതടഃ പടുഃ .

വാമാങ്കഭാഗവിലസത്പാർവതീവീക്ഷണപ്രിയഃ .. 119..

ലീലാവലംബിതവപുർഭക്തമാനസമന്ദിരഃ .

മന്ദമന്ദാരപുഷ്‌പൗഘലസദ്വായുനിഷേവിതഃ .. 120..

കസ്‌തൂരീവിലസത്ഫാലോ ദിവ്യവേഷവിരാജിതഃ .

ദിവ്യദേഹപ്രഭാകൂടസന്ദീപിതദിഗന്തരഃ .. 121..

ദേവാസുരഗുരുസ്‌തവ്യോ ദേവാസുരനമസ്‌കൃതഃ .

ഹസ്‌തരാജത്പുണ്ഡരീകഃ പുണ്ഡരീകനിഭേക്ഷണഃ .. 122..

സർവാശാസ്യഗുണോഽമേയഃ സർവലോകേഷ്ടഭൂഷണഃ .

സർവേഷ്ടദാതാ സർവേഷ്ടഃ സ്‌ഫുരന്മംഗലവിഗ്രഹഃ .. 123..

അവിദ്യാലേശരഹിതോ നാനാവിദ്യൈകസംശ്രയഃ .

മൂർതിഭവഃ കൃപാപൂരോ ഭക്തേഷ്ടഫലപൂരകഃ .. 124..

സമ്പൂർണകാമഃ സൗഭാഗ്യനിധിഃ സൗഭാഗ്യദായകഃ .

ഹിതൈഷീ ഹിതകൃത്സൗമ്യഃ പരാർഥൈകപ്രയോജനഃ .. 125..

ശരണാഗതദീനാർതപരിത്രാണപരായണഃ .

ജിഷ്‌ണുർനേതാ വഷട്കാരോ ഭ്രാജിഷ്‌ണുർഭോജനം ഹവിഃ .. 126..

ഭോക്താ ഭോജയിതാ ജേതാ ജിതാരിർജിതമാനസഃ .

അക്ഷരഃ കാരണം ക്രുദ്ധസമരഃ ശാരദപ്ലവഃ .. 127..

ആജ്ഞാപരേപ്സോ ഗംഭീരഃ കവിർദുഃസ്വപ്നനാശകഃ .

പഞ്ചബ്രഹ്മസമുത്പത്തിഃ ക്ഷേത്രജ്ഞഃ ക്ഷേത്രപാലകഃ .. 128..

വ്യോമകേശോ ഭീമവേഷോ ഗൗരീപതിരനാമയഃ .

ഭവാബ്ധിതരണോപായോ ഭഗവാൻ ഭക്തവത്സലഃ .. 129..

വരോ വരിഷ്ഠോ നേദിഷ്‌ഠഃ പ്രിയഃ പ്രിയദവഃ സുധീഃ .

യന്താ യവിഷ്ഠഃ ക്ഷോദിഷ്ഠോ സ്ഥവിഷ്ഠോ യമശാസകഃ .. 130..

ഹിരണ്യഗർഭോ ഹേമാംഗോ ഹേമരൂപോ ഹിരണ്യദഃ .

ബ്രഹ്മജ്യോതിരനാവേക്ഷ്യശ്ചാമുണ്ഡാജനകോ രവിഃ .. 131..

മോക്ഷാർഥിജനസംസേവ്യോ മോക്ഷദോ മോക്ഷനായകഃ .

മഹാശ്മശാനനിലയോ വേദാശ്വോ ഭൂരഥഃ സ്‌ഥിരഃ .. 132..

മൃഗവ്യാധോ ചർമധാമാ പ്രച്ഛന്നഃ സ്‌ഫടികപ്രഭഃ .

സർവജ്ഞഃ പരമാർഥാത്മാ ബ്രഹ്മാനന്ദാശ്രയോ വിഭുഃ .. 133..

മഹേശ്വരോ മഹാദേവഃ പരബ്രഹ്മ സദാശിവഃ .. 134..

ശ്രീപരബ്രഹ്മ സദാശിവ ഓം നമ ഇതി.

----------------------------------------------------------------------------------------------

ഉത്തര പീഠികാ 

ഏവമേതാനി നാമാനി മുഖ്യാനി മമ ഷണ്മുഖ . (ശങ്കരീ ശാങ്കരേ)
ശുഭദാനി വിചിത്രാണി ഗൗര്യൈ പ്രോക്താനി സാദരം .. 1..

ഏതന്നാമജപേ യോഗ്യാഃ വിപ്രാ ദേവാ മുനീശ്വരാഃ . 
ശുചിഭൂതാഃ ശിവപരാ നാന്യേ രാഗാദിമോഹിതാഃ .. 2.. 

വിഭൂതിഭൂഷിതവപുഃ ശുദ്ധോ രുദ്രാക്ഷഭൂഷണഃ .
ശിവലിംഗസമീപസ്ഥോ നിസ്സംഗോ നിർജിതാസനഃ .. 3..

ഏകാഗ്രചിത്തോ നിയതോ വശീ ഭൂതഹിതേ രതഃ .
ശിവലിംഗാർചകോ നിത്യം ശിവൈകശരണഃ സദാ .. 4..

മമ നാമാനി ദിവ്യാനി യോ ജപേദ്ഭക്തിപൂർവകം .
ഏവമുക്തഗുണോപേതഃ സ ദേവൈഃ പൂജിതോ ഭവേത് .. 5..

സംസാരപാശസംബദ്ധജനമോക്ഷൈകസാധനം .
മന്നാമസ്മരണം നൂനം തദേവ സകലാർഥദം .. 6..

മന്നാമൈവ പരം ജപ്യമഹമേവാക്ഷയാർഥദഃ .
അഹമേവ സദാ സേവ്യോ ധ്യേയോ മുക്ത്യർഥമാദരാത് .. 7..

വിഭൂതിവജ്രകവചൈർമന്നാമശരപാണിഭിഃ . 
വിജയഃ സർവതോ ലഭ്യോ ന തേഷാം ദൃശ്യതേ ഭയം .. 8.. 

ന തേഷാം ദൃശ്യതേ ഭയം ഓം നമ ഇതി .
ശ്രീസൂത ഉവാച-
ഇത്യുദീരിതമാകർണ്യ മഹാദേവേന തദ്വചഃ .
സന്തുഷ്ടഃ ഷണ്മുഖഃ ശംഭും തുഷ്ടാവ ഗിരിജാസുതഃ .. 9..

ശ്രീസ്കന്ദ ഉവാച-
നമസ്തേ നമസ്തേ മഹാദേവ ശംഭോ
നമസ്തേ നമസ്തേ പ്രപന്നൈകബന്ധോ .
നമസ്തേ നമസ്തേ ദയാസാരസിന്ധോ
നമസ്തേ നമസ്തേ നമസ്തേ മഹേശ .. 10.. 

നമസ്തേ നമസ്തേ മഹാമൃത്യുഹാരിൻ
നമസ്തേ നമസ്തേ മഹാദുഃഖഹാരിൻ .
നമസ്തേ നമസ്തേ മഹാപാപഹാരിൻ
നമസ്തേ നമസ്തേ നമസ്തേ മഹേശ .. 11..

നമസ്തേ നമസ്തേ സദാ ചന്ദ്രമൗലേ
നമസ്തേ നമസ്തേ സദാ ശൂലപാണേ .
നമസ്തേ നമസ്തേ സദോമൈകജാനേ
നമസ്തേ നമസ്തേ നമസ്തേ മഹേശ .. 12..

വേദാന്തവേദ്യായ മഹാദയായ
കൈലാസവാസായ ശിവാധവായ .
ശിവസ്വരൂപായ സദാശിവായ
ശിവാസമേതായ നമഃശിവായ .. 13..

ഓം നമഃശിവായ ഇതി
ശ്രീസൂത ഉവാച-
ഇതി സ്തുത്വാ മഹാദേവം സർവവ്യാപിനമീശ്വരം .
പുനഃപ്രണമ്യാഥ തതഃ സ്കന്ദസ്തസ്ഥൗ കൃതാഞ്ജലിഃ .. 14.. 

ഭവന്തോഽപി മുനിശ്രേഷ്ഠാഃ സാംബധ്യാനപരായണാഃ .
ശിവനാമജപം കൃത്വാ തിഷ്ഠന്തു സുഖിനഃ സദാ .. 15.. 

ശിവ ഏവ സദാ ധ്യേയഃ സർവദേവോത്തമഃ പ്രഭുഃ .
ശിവ ഏവ സദാ പൂജ്യോ മുക്തികാമൈർന സംശയഃ .. 16..

മഹേശാന്നാധികോ ദേവഃ സ ഏവ സുരസത്തമഃ .
സ ഏവ സർവവേദാന്തവേദ്യോ നാത്രാസ്തി സംശയഃ .. 17..

ജന്മാന്തരസഹസ്രേഷു യദി തപ്തം തപസ്തദാ .
തസ്യ ശ്രദ്ധാ മഹാദേവേ ഭക്തിശ്ച ഭവതി ധ്രുവം .. 18.. 

സുഭഗാ ജനനീ തസ്യ തസ്യൈവ കുലമുന്നതം .
തസ്യൈവ ജന്മ സഫലം യസ്യ ഭക്തിഃ സദാശിവേ .. 19..

യേ ശംഭും സുരസത്തമം സുരഗണൈരാരാധ്യമീശം ശിവം
ശൈലാധീശസുതാസമേതമമലം സമ്പൂജയന്ത്യാദരാത് .
തേ ധന്യാഃ ശിവപാദപൂജനപരാഃ ഹ്യന്യോ ന ധന്യോ ജനഃ
സത്യം സത്യമിഹോച്യതേ മുനിവരാഃ സത്യം പുനഃ സർവഥാ .. 20.. 

സത്യം പുനഃ സർവഥാ ഓം നമ ഇതി .

നമഃ ശിവായ സാംബായ സഗണായ സസൂനവേ .
പ്രധാനപുരുഷേശായ സർഗസ്ഥിത്യന്തഹേതവേ .. 21..

നമസ്തേ ഗിരിജാനാഥ ഭക്താനാമിഷ്ടദായക .
ദേഹി ഭക്തിം ത്വയീശാന സർവാഭീഷ്ടം ച ദേഹി മേ .. 22..

സാംബ ശംഭോ മഹാദേവ ദയാസാഗര ശങ്കര .
മച്ചിത്തഭ്രമരോ നിത്യം തവാസ്തു പദപങ്കജേ .. 23..

സർവാർഥ ശർവ സർവേശ സർവോത്തമ മഹേശ്വര .
തവ നാമാമൃതം ദിവ്യം ജിഹ്വാഗ്രേ മമ തിഷ്ഠതു .. 24..

യദക്ഷരം പദം ഭ്രഷ്ടം മാത്രാഹീനം ച യദ് ഭവേത് .
തത്സർവം ക്ഷമ്യതാം ദേവ പ്രസീദ പരമേശ്വര .. 25..

കരചരണകൃതം വാക്കായജം കർമജം വാ
ശ്രവണനയനജം വാ മാനസം വാപരാധം .
വിഹിതമവിഹിതം വാ സർവമേതത് ക്ഷമസ്വ
ജയജയ കരുണാബ്ധേ ശ്രീമഹാദേവ ശംഭോ .. 26..

കായേന വാചാ മനസേന്ദ്രിയൈർവാ
ബുദ്ധ്യാഽഽത്മനാ വാ പ്രകൃതേഃ സ്വഭാവാത് .
കരോമി യദ്യത് സകലം പരസ്മൈ
സദാശിവായേതി സമർപയാമി .. 27..

.. ഓം തത്സത് ഇതി ശ്രീമുഖ്യശിവസഹസ്രനാമസ്തോത്രം സമ്പൂർണം ..

SRI MAHAKALA SAHASRANAMA STHOTHRAM

 മഹാകാലസഹസ്രനാമസ്തോത്രം

ശ്രീപ്രകൃഷ്ടാനന്ദോക്താഗമേ ("പ്രകൃഷ്ടാനന്ദൻ എന്ന മഹർഷി അരുളിച്ചെയ്ത ആഗമഗ്രന്ഥത്തിൽ ഉൾപ്പെട്ടതാണ് ഈ സ്തോത്രം")

ഋഷിരുവാച –
മഹാകാലസഹസ്രം തു ശ്രോതുമിച്ഛാമി സുവ്രത! ।
കഥയസ്വ പ്രസാദേന ശിഷ്യായ വക്തുമർഹസി ॥ 1॥

---

🔶 സൂതസംവാദം

സൂത ഉവാച –
സുധാമയഃ സുതഃ ശ്രീമാൻ സുദാമാ നാമ വൈ ദ്വിജഃ ।
തേന ഗോപീപതിഃ കൃഷ്ണോ വിദ്യാമഭ്യസിതും ഗതഃ ॥ 2॥

സാന്ദീപനാന്തികേ അന്ത്യാം ഗതൗ തൗ പഠനാർത്ഥിനൗ ।
ചതുഃഷഷ്ടിഃ കലാഃ സർവാഃ കൃതാ വിദ്യാശ്ചതുർദശ ॥ 3॥

ഏകദാ പ്രാഹ കൃഷ്ണം സ സുദാമാ ദ്വിജസത്തമഃ ॥

---

🔶 സുദാമാ ഉവാച

മഹാകാലം പ്രതി ബിൽവം കേന മന്ത്രേണ വാർപ്പണം ।
കരോമി വദ മേ കൃഷ്ണ! കൃപയാ സത്ത്വസമ്പതേ ॥ 4॥

---

🔶 ശ്രീകൃഷ്ണ ഉവാച

ശൃണു മിത്ര! മഹാപ്രജ്ഞ! കഥയാമി തവാഗ്രതഃ ॥ 5॥

സഹസ്രം കാലകാലസ്യ മഹാകാലസ്യ വൈ ദ്വിജ! ।
സുഗോപ്യം സർവദാ വിപ്ര! ഭക്തായാഭാഷിതം മയാ ॥ 6॥

കുരു ബിൽവാർപ്പണം തേന യേന ത്വം വിന്ദസേ സുഖം ।

അസ്യ ശ്രീമഹാകാലസഹസ്രനാമസ്തോത്രമന്ത്രസ്യ
ശ്രീകൃഷ്ണഋഷിഃ । അനുഷ്ടുപ്ഛന്ദഃ ।
ശ്രീമഹാകാലോ ദേവതാ ।
ഓം ബീജം । നമഃ ശക്തിഃ ।
“മഹാകാലായ” ഇതി കീലകം ।
സർവാർത്ഥസിദ്ധ്യർത്ഥേ പാഠേ വിനിയോഗഃ ॥ 7॥

---

🔶 ഋഷ്യാദിന്യാസഃ

ഓം ശ്രീകൃഷ്ണഋഷയേ നമഃ — ശിരസി ।
അനുഷ്ടുപ്ഛന്ദസേ നമഃ — മുഖേ ।
ശ്രീമഹാകാലദേവതായൈ നമഃ — ഹൃദയേ ।
ഓം ബീജായ നമഃ — ഗുഹ്യേ ।
നമഃ ശക്തയേ നമഃ — പാദയോഃ ।
“മഹാകാലായ” ഇതി കീലകായ നമഃ — നാഭൗ ।

ശ്രീമഹാകാലപ്രീത്യർത്ഥേ സഹസ്രനാമസ്തോത്രപാഠേ
വിനിയോഗായ നമഃ — സർവാങ്ഗേ ॥

---

🔶 കരന്യാസഃ

ഓം അങ്ഗുഷ്ഠാഭ്യാം നമഃ ।
മഹാകാലായ തർജനീഭ്യാം നമഃ ।
നമഃ മധ്യമാഭ്യാം നമഃ ।
ഓം അനാമികാഭ്യാം നമഃ ।
മഹാകാലായ കനിഷ്ഠികാഭ്യാം നമഃ ।
നമഃ കരതലകരപൃഷ്ഠാഭ്യാം നമഃ ॥

---

🔶 അങ്കന്യാസഃ

ഓം ഹൃദയായ നമഃ ।
മഹാകാലായ ശിരസേ സ്വാഹാ ।
നമഃ ശിഖായൈ വഷട് ।
ഓം കവചായ ഹും ।
മഹാകാലായ നേത്രത്രയായ വൗഷട് ।
നമഃ അസ്ത്രായ ഫട് ।

വ്യാപകന്യാസഃ
ഓം മഹാകാലായ നമഃ ॥

---

🔶 ധ്യാനം

കുങ്കുമാഗരു കസ്തൂരി കേശരേണ വിചിത്രിതം ।
നാനാപുഷ്പസ്രജാലങ്കൃതം ബിൽവമൗലി മലാന്വിതം ॥ 9॥

പുരോ നന്ദി സ്ഥിതോ വാമേ ഗിരിരാജകുമാരികാ ।
ബ്രാഹ്മണൈരാവൃതം നിത്യം മഹാകാലമഹം ഭജേ ॥ 10॥

-----------------------------------------------------------------------------------------------------------------------------

ഓം മഹാകാലോ മഹാരൂപോ മഹാദേവോ മഹേശ്വരഃ ।
മഹാപ്രജ്ഞോ മഹാശംഭുർമഹേശോ മോഹഭഞ്ജനഃ ॥ 11॥

മാന്യോ മന്മഥഹന്താ ച മോഹനോ മൃത്യുനാശനഃ ।
മാന്യദോ മാധവോ മോക്ഷോ മോക്ഷദോ മരണാപഹാ ॥ 12॥

മുഹൂർത്തോ മുനിവന്ദ്യശ്ച മനുരൂപോ മനുർമനുഃ ।
മന്മഥാരിർമഹാപ്രജ്ഞോ മനോനന്തോ മമത്വഹാ ॥ 13॥

മുനീശോ മുനികർത്താ ച മഹത്വം മഹദാധിപഃ ।
മൈനാകോ മൈനകാവന്ദ്യോ മധ്വരിപ്രാണവല്ലഭഃ ॥ 14॥

മഹാലയേശ്വരോ മോക്ഷോ മേഘനാദേശ്വരാഭിധഃ ।
മുക്തീശ്വരോ മഹാമുക്തോ മന്ത്രജ്ഞോ മന്ത്രകാരകഃ ॥ 15॥

മംഗലോ മംഗലാധീശോ മധ്യദേശപതിർമഹാൻ ।
മാഗധോ മന്മഥോ മത്തോ മാതംഗോ മാലതീപതിഃ ॥ 16॥

മാഥുരോ മധുരാനാഥോ മാളവാധീശമന്യുപഃ ।
മാരുതിർമീനപോ മൗനോ മാർകണ്ഡോ മണ്ഡലോ മൃഡഃ ॥ 17॥

മധുപ്രിയോ മധുസ്നായി മിഷ്ടഭോജീ മൃണാലധൃക് ।
മഞ്ജുലോ മല്ലമോദജ്ഞോ മോദകൃന്മോദദായകഃ ॥ 18॥

മുക്തിദോ മുക്തരൂപശ്ച മുക്താമാലാവിഭൂഷിതഃ ।
മൃകണ്ഡോ മോദപോ മോദോ മോദകാശനകാരകഃ ॥ 19॥

യജ്ഞോ യജ്ഞപതിര്യജ്ഞോ യജ്ഞേശോ യജ്ഞനാശനഃ ।
യജ്ഞതേജാ യശോ യോഗീ യോഗീശോ യോഗദായകഃ ॥ 20॥

യതിരൂപോ യാജ്ഞവൽക്ക്യോ യജ്ഞകൃദ്യജ്ഞലുപ്തഹാ ।
യജ്ഞമൃദ്യജ്ഞയജ്ഞോ യജ്ഞഭുഗ്യജ്ഞസാധകഃ ॥ 21॥

യജ്ഞാംഗോ യജ്ഞഹോതാ ച യജ്വാനോ യജനോ യതിഃ ।
യശപ്രദോ യശകർത്താ യശോ യജ്ഞോപവീതധൃക് ॥ 22॥

യജ്ഞസേനോ യജ്ഞികശ്ച യശോദാവരദായകഃ ।
യമേശോ യമകർത്താ ച യമദൂതനിവാരണഃ ॥ 23॥

യാചകോ യമുനാക്രീഡോ യജ്ഞസേനിഹിതപ്രദഃ ।
യവപ്രിയോ യവരൂപോ യവനാന്തോ യവിർയവഃ ॥ 24॥

ഗോഗ്വേദോ രോഗഹന്താ ച രന്തിദേവോ രണാഗ്രണീഃ ।
രൈവതോ ദൈവതാധീശോ ദൈവേശ്വരസംജ്ഞകഃ ॥ 25॥

രാമേശ്വരോ രകാരശ്ച രാമപ്രിയോ രാമപ്രിയഃ ।
രണീ രണഹരോ രക്ഷോ രക്ഷകോ ധനഹാരകഃ ॥ 26॥

രക്ഷിതാ രാജരൂപോ രാത്രിരൂപോ രാജപ്രദഃ ।
രാമചന്ദ്രപ്രിയോ രാജാ രക്ഷോഘ്നോ രക്ഷസാധിപഃ ॥ 27॥

രക്ഷസാം വരദോ രാമോ രക്ഷസാന്തകരോ രതിഃ ।
രഥപ്രിയോ രഥസ്ഥായി രഥഹാ രഥഹാരകഃ ॥ 28॥

രാവണപ്രിയകൃദ്രാവസ്വരൂപശ്ച തുതൂരജഃ ।
രതിവരപ്രദാതാ ച രന്തിദേവവരപ്രദഃ ॥ 29॥

രാജധാനീപ്രദോ രേതോ രേവാഭഞ്ജോ രവിരാജീ ।
ഋത്വിജോ രസകർത്താ ച രസജ്ഞോ രസദായകഃ ॥ 30॥

രുദ്രോ രുദ്രാക്ഷധൃഗ്രൗദ്രോ രത്നോ രത്നൈർവിഭൂഷിതഃ ।
രൂപേശ്വരോ രാമപൂജ്യോ രുരുരാജ്യസ്ഥലേശ്വരഃ ॥ 31॥

ലക്ഷോ ലക്ഷപതിർലിംഗോ ലഡ്ഡുകോ ലഡ്ഡുകപ്രിയഃ ।
ലീലാംബരധരോ ലാഭോ ലാഭദോ ലാഭകൃത്സദാ ॥ 32॥

ലജ്ജാരക്ഷോ ലഘുരൂപോ ലേഖനോ ലേഖപ്രിയഃ ।
ലാങ്ഗലോ ലവണാബ്ധീശോ ലക്ഷ്മീപൂജിതലക്ഷകഃ ॥ 33॥

ലോകപാലേശ്വരോ ലമ്പോ ലങ്കേശോ ലമ്പകേശ്വരഃ ।
ബഹിർനേത്രോ വരാംഗശ്ച വസുരൂപോ വസുപ്രദഃ ॥ 34॥

വരേണ്യോ വരദോ വേദോ വേദവേദാംഗപാരഗഃ ।
വൃദ്ധകാലേശ്വരോ വൃദ്ധോ വിഭവപ്രദഃ ॥ 35॥

വേണുഗീതപ്രിയോ വൈദ്യോ വാരാണസിസ്ഥിതഃ സദാ ।
വിശ്വേഷോ വിശ്വകർത്താ ച വിശ്വനാഥോ വിനായകഃ ॥ 36॥

വേദജ്ഞോ വർണ്ണകൃത്വർണ്ണോ വർണ്ണാശ്രമഫലപ്രദഃ ।
വിശ്വവന്ദ്യോ വിശ്വവേത്താ വിശ്വാവസുർവിഭാവസുഃ ॥ 37॥

വിത്തരൂപോ വിത്തകർത്താ വിത്തദോ വിശ്വഭാവനഃ ।
വിശ്വാത്മാ വൈശ്വദേവശ്ച വനേശോ വനപാലകഃ ॥ 38॥

വനവാസി വൃഷസ്ഥായി വൃഷഭോ വൃഷഭപ്രിയഃ ।
ബിൽവദലപ്രിയോ ബിൽവോ വിശാലനേത്രസംസ്ഥിതഃ ॥ 39॥

വൃഷധ്വജോ വൃഷാധീശോ വൃഷഭേശോ വൃഷപ്രിയഃ ।
ബിൽവേശ്വരോ വരോ വീരോ വീരേശശ്ച വനേശ്വരഃ ॥ 40॥

വിഭൂതിഭൂഷിതോ വേണ്യോ വ്യാലയജ്ഞോപവീതകഃ ।
വിശ്വേശ്വരോ വരാനന്ദോ വടരൂപോ വടേശ്വരഃ ॥ 41॥

സർവേശഃ സത്ത്വഃ സാരംഗോ സത്ത്വരൂപഃ സനാതനഃ ।
സദ്വന്ദ്യഃ സച്ചിദാനന്ദഃ സദാനന്ദഃ ശിവപ്രിയഃ ॥ 42॥

ശിവദഃ ശിവകൃത്സാംബഃ ശശിശേഖരശോഭനഃ ।
ശരണ്യഃ സുഖദഃ സേവ്യഃ ശതാനന്ദവരപ്രദഃ ॥ 43॥

സാത്വികഃ സാത്ത്വതഃ ശംഭുഃ ശങ്കരഃ സർവഗഃ ശിവഃ ।
സേവാഫലപ്രദാതാ ച സേവകപ്രതിപാലകഃ ॥ 44॥

ശത്രുഘ്നഃ സാമഗഃ ശൗരിഃ സേനാനിഃ ശർവരീപ്രിയഃ ।
ശ്മശാനീ സ്കന്ദസദ്വേദഃ സദാ സുരസരിത്പ്രിയഃ ॥ 45॥

സുദർശനധരഃ ശുദ്ധഃ സർവസൗഭാഗ്യദായകഃ ।
സൗഭാഗ്യഃ സുഭഗഃ സൂര്യഃ സാരംഗമുക്തിദഃ ॥ 46॥

സപ്തസ്വരശ്ച സപ്താശ്വഃ സപ്തഃ സപ്തർഷിപൂജിതഃ ।
ശിതികണ്ഠഃ ശിവാധീശഃ സംഗമഃ സംഗമേശ്വരഃ ॥ 47॥

സോമേശഃ സോമതീർത്ഥേശഃ സർപ്പധൃക്സ്വർണകാരകഃ ।
സ്വർണജാലേശ്വരഃ സിദ്ധഃ സിദ്ധേശഃ സിദ്ധിദായകഃ ॥ 48॥

സർവസാക്ഷീ സർവരൂപഃ സർവജ്ഞഃ ശാസ്ത്രസംസ്കൃതഃ ।
സൗഭാഗ്യേശ്വരഃ സിംഹസ്ഥഃ ശിവേശഃ സിംഹകേശ്വരഃ ॥ 49॥

ശൂലേശ്വരഃ ശുകാനന്ദഃ സഹസ്രധേനുകേശ്വരഃ ।
സ്യന്ദനസ്ഥഃ സുരധീശഃ സനകാദ്യർച്ചിതഃ സുധീഃ ॥ 50॥

ഷഡൂർമിഃ ഷട്സുചക്രജ്ഞഃ ഷട്ചക്രകവിഭേദകഃ ।
ഷഡാനനഃ ഷഡംഗജ്ഞഃ ഷഡ്രസജ്ഞഃ ഷഡാനനഃ ॥ 51॥

ഹരോ ഹംസോ ഹതാരാതിർഹിരണ്യോ ഹാടകേശ്വരഃ ।
ഹേരംബോ ഹവനോ ഹോതാ ഹയരൂപോ ഹയപ്രദഃ ॥ 52॥

ഹസ്തിദോ ഹസ്തിത്വഗ്ധാരീ ഹാഹാഹൂഹൂവരപ്രദഃ ।
ഹവ്യഹേമഹവിഷ്യാന്നോ ഹാടകേശോ ഹവിഃപ്രിയഃ ॥ 53॥

ഹിരണ്യരേതാ ഹംസജ്ഞോ ഹിരണ്യോ ഹാടകേശ്വരഃ ।
ഹനുമദീശോ ഹരോ ഹർഷോ ഹരസിദ്ധിപീഠഗഃ ॥ 54॥

ഹൈമോ ഹിമാലയോ ഹൂഹൂഹാഹാഹേതുർഹോ ഹഠീ ।
ക്ഷത്രഃ ക്ഷത്രപ്രദഃ ക്ഷത്രീ ക്ഷേത്രജ്ഞഃ ക്ഷേത്രനായകഃ ॥ 55॥

ക്ഷേമഃ ക്ഷേമപ്രദാതാ ച ക്ഷാന്തികൃത് ക്ഷാന്തിവർദ്ധനഃ ।
ക്ഷീരാർണവഃ ക്ഷീരഭോക്താ ക്ഷിപ്രാകൂലക്ഷിതേഃ പതിഃ ॥ 56॥

ക്ഷൗദ്രരസപ്രിയഃ ക്ഷീരഃ ക്ഷിപ്രസിദ്ധിപ്രദഃ സദാ ।
ജ്ഞാനോ ജ്ഞാനപ്രദോ ജ്ഞാനേയോ ജ്ഞാനതീതോ ജ്ഞാനോ ജ്ഞാനഃ ॥ 57॥

ജ്ഞാനരൂപോ ജ്ഞാനഗമ്യോ ജ്ഞാനി ജ്ഞാനവതാം വരഃ ।
അജോ ഹ്യനന്തശ്ചാവ്യക്തോ ആദ്യ ആനന്ദദായകഃ ॥ 58॥

അകഥ ആത്മാ ഹ്യാനന്ദശ്ച അജേയോ ഹ്യജ ആത്മഭൂഃ ।
ആദ്യരൂപോ ഹൃദിച്ഛേത്താ അനാമയശ്ചാപ്യലൗകികഃ ॥ 59॥

അതിരൂപോ ഹ്യഖണ്ഡാത്മാ ചാത്മജ്ഞാനരതഃ സദാ ।
ആത്മവേത്താ ഹ്യാത്മസാക്ഷീ അനാദിശ്ചാന്തരാത്മഗഃ ॥ 60॥

ആനന്ദേശോ ഹ്യവിമുക്തേശശ്ച ആലർക്കേശോപ്സരേശ്വരഃ ।
ആദികൽപേശ്വരോ യാഗസ്ത്യശ്ച ക്രൂരേശോ രുണേശ്വരഃ ॥ 61॥

ഇഡാരൂപ ഇഭച്ഛേത്താ ഈശ്വരശ്ച ഇന്ദിരാർചിതഃ ।
ഇന്ദുരിന്ദീവരശ്ചേശ ഈശാനേശ്വര ഈർഷഹാ ॥ 62॥

ഇജ്യ ഇന്ദീവരശ്ചേഭ ഇക്ഷുരിക്ഷുരസപ്രിയഃ ।
ഉമാകാന്ത ഉമാസ്വാമി തമോമയഃ പ്രമോദകൃത് ॥ 63॥

ഉർവശീവരദശ്ചൈവ ഉച്ചൈരുത്തുങ്ഗധാരകഃ ।
ഏകരൂപ ഏകസ്വാമി ഹ്യേകാത്മാ ചൈകരൂപവാൻ ॥ 64॥

ഐരാവതസ്ഥിരാത്മാ ച ഐകാരൈശ്വര്യദായകഃ ।
ഓകാര ഓജസ്വാംശ്ചൈവ ഔഖരശ്ചൗഖരാധിപഃ ॥ 65॥

ഔഷധ്യ ഔഷധിജ്ഞാതാ ഹ്യോജോദ ഔഷധീശ്വരഃ ।
അനന്തോ ഹ്യന്തകശ്ചാന്തോ ഹ്യന്ധകാസുരസൂദനഃ ॥ 66॥

അച്യുതശ്ചാപ്രമേയാത്മാ അക്ഷരശ്ചാശ്വദായകഃ ।
അരിഹന്താ ഹ്യവന്തീശശ്ച ആഹിഭൂഷണഭൃത്സദാ ॥ 67॥

അവന്തീപുരവാസി ചാപ്യവന്തീപുരപാലകഃ ।
അമരശ്ചാമരാധീശോ ഹ്യമരാരിവിഹിംസകഃ ॥ 68॥

കാമഹാ കാമകാമശ്ച കാമദഃ കരുണാകരഃ ।
കാരുണ്യഃ കമലാപൂജ്യഃ കപാലീ കലിനാശനഃ ॥ 69॥

കാമാരികൃത് കല്ലോലഃ കാലികേശശ്ച കലാജിത് ।
കപിലഃ കോടിതീർഥേശഃ കൽപാന്തഃ കാലഹാ കവിഃ ॥ 70॥

കാലേശ്വരഃ കാലകർതാ കൽപാബ്ധിഃ കൽപവൃക്ഷകഃ ।
കോടീശഃ കാമധേന്വീശഃ കുശലഃ കുശലപ്രദഃ ॥ 71॥

കിരീടി കുണ്ഡലി കുന്തീ കവചീ കർപ്പരപ്രിയഃ ।
കർപൂരാഭഃ കലാദക്ഷഃ കലാജ്ഞഃ കിൽബിഷാപഹഃ ॥ 72॥

കുക്കുടേശഃ കർക്കടേശഃ കുലദഃ കുലപാലകഃ ।
കഞ്ജാഭിലാഷി കേദാരഃ കുങ്കുമാർചിതവിഗ്രഹഃ ॥ 73॥

കുന്ദപുഷ്പപ്രിയഃ കഞ്ജഃ കാമാരിഃ കാമദാഹകഃ ।
കൃഷ്ണരൂപഃ കൃപാരൂപശ്ച കൃഷ്ണാർചിതാങ്ഘ്രികഃ ॥ 74॥

കുണ്ഡഃ കുണ്ഡേശ്വരഃ കാണ്വഃ കേശവൈഃ പരിപൂജിതഃ ।
കാമേശ്വരഃ കലാനാഥഃ കണ്ഠേശഃ കുങ്കുമേശ്വരഃ ॥ 75॥

കന്ഥദേശഃ കപാലേശഃ കായാവരോഹണേശ്വരഃ ।
കരഭേശഃ കുടുംബേശഃ കർക്കേശഃ കൗശലേശ്വരഃ ॥ 76॥

കോശദഃ കോശഭൃത് കോശഃ കൗശേയഃ കൗശികപ്രിയഃ ।
ഖചരഃ ഖചരാധീശഃ ഖചരേശഃ ഖരാന്തകഃ ॥ 77॥

ഖേചരൈഃ പൂജിതപദഃ ഖേചരിസേവകപ്രിയഃ ।
ഖണ്ഡേശ്വരഃ ഖഡ്ഗരൂപഃ ഖഡ്ഗഗ്രാഹീ ഖഗേശ്വരഃ ॥ 78॥

ഖേടഃ ഖേടപ്രിയഃ ഖണ്ഡഃ ഖണ്ഡപാലഃ ഖലാന്തകഃ ।
ഖാണ്ഡവഃ ഖണ്ഡവാദീശഃ ഖഡ്ഗതാസംഗമസ്ഥിതഃ ॥ 79॥

ഗിരിശോ ഗിരിജാധീശോ ഗജാരിത്വഗ്വിഭൂഷിതഃ ।
ഗൗതമോ ഗിരിരാജശ്ച ഗംഗാധരോ ഗുണാകരഃ ॥ 80॥

ഗൗതമീതടവാസി ച ഗാലവോ ഗോപതിശ്വരഃ ।
ഗോകർണ്ണോ ഗോപതിർഗർവോ മജാരിർഗരുഡപ്രിയഃ ॥ 81॥

ഗംഗാമൗലിർഗുണഗ്രാഹീ ഗാരുഡീവിദ്യയാ യുതഃ ।
ഗുരോർഗുരുർഗജാരാതിർഗോപാലോ ഗോമതിപ്രിയഃ ॥ 82॥

ഗുണദോ ഗുണകർതാ ച ഗണേശോ ഗണപൂജിതഃ ।
ഗണകോ ഗൗരവോ ഗർഗോ ഗന്ധർവേണ പ്രപൂജിതഃ ॥ 83॥

ഗോരക്ഷോ ഗുർവിണീത്രാതാ ഗൃഹോ ഗേഹപ്രദായകഃ ।
ഗീതാധ്യായി ഗയാധീശോ ഗോപതിർഗീതമോഹിതഃ ॥ 84॥

ഗിരാതീതോ ഗുണതീതോ ഗദഗേശോ ഗുഹ്യകേശ്വരഃ ।
ഗ്രഹോ ഗ്രഹപതിർഗമ്യോ ഗ്രഹപീഡാനിവാരണഃ ॥ 85॥

ഘടനാദിർഘനാധാരോ ഘനേശ്വരോ ഘനാകരഃ ।
ഘുഷ്മേശ്വരോ ഘനാകാരോ ഘനരൂപോ ഘനാഗ്രണീഃ ॥ 86॥

ഘണ്ടേശ്വരോ ഘടാധീശോ ഘർഘരോ ഘസ്മരാപഹഃ ।
ഘുഷ്മേഷോ ഘോഷകൃദ് ഘോഷീ ഘോഷാഘോഷോ ഘനധ്വനിഃ ॥ 87॥

ഘൃതപ്രിയോ ഘൃതാബ്ധീശോ ഘണ്ഡോ ഘണ്ടഘടോത്കചഃ ।
ഘടോത്കചായ വരദോ ഘടജന്മാ ഘടേശ്വരഃ ॥ 88॥

ഘകാരോ കൃതോ ഝശ്ച ഝകാരോ നകൃതാങ്ഗജഃ ।
ചരാചരശ്ചിദാനന്ദശ്ചിന്മയശ്ചന്ദ്രശേഖരഃ ॥ 89॥

ചന്ദ്രേശ്വരശ്ചാമരേശശ്ചാമരേണ വിഭൂഷിതഃ ।
ചാമരശ്ചാമരാധീശശ്ചരാചരപതിശ്ചിരഃ ॥ 90॥

ചമത്കൃതശ്ചന്ദ്രവർണശ്ചർമ്മഭൃച്ചർമ്മധാരകഃ ।
ചാണക്യശ്ചർമ്മധാരീ ച ചിരചാമരദായകഃ ॥ 91॥

ച്യവനേശശ്ചരുശ്ചാരുശ്ചന്ദ്രാദിത്യേശ്വരാഭിധഃ ।
ചന്ദ്രഭാഗാപ്രിയശ്ചണ്ഡശ്ചാമരൈഃ പരിവീജിതഃ ॥ 92॥

ഛത്രേശ്വരശ്ചത്രധാരീ ഛത്രദഃ ഛലഹാ ഛലീ ।
ഛത്രേശശ്ഛത്രകൃച്ഛത്രി ഛന്ദവിച്ഛന്ദദായകഃ ॥ 93॥

ജഗന്നാഥോ ജനധാരോ ജഗദീശോ ജനാർദനഃ ।
ജാഹ്നവീധൃക് ജഗത്കർത്താ ജഗന്മയോ ജനാധിപഃ ॥ 94॥

ജീവോ ജീവപ്രദാതാ ച ജേതാ ചൈവ ജീവിതപ്രദഃ ।
ജംഗമശ്ച ജഗദ്ധാതാ ജഗത്കേന പ്രപൂജിതഃ ॥ 95॥

ജടാധരോ ജടാജൂട്ടി ജാതിലോ ജലരൂപധൃക് ।
ജലന്ധരശിരശ്ഛേത്താ ജലജാംഘ്രിർജഗത്പതിഃ ॥ 96॥

ജനത്രാതാ ജഗന്നിധിർജടേശ്വരോ ജലേശ്വരഃ ।
ഝർഝരോ ഝരണാകാരി ഝൂഝകൃത് ഝരഃ ॥ 97॥

ഞകാരശ്ച ഞമുവാസി ഞജനപ്രിയകാരകഃ ।
ടകാരശ്ച തകാരശ്ച ഡാമരോ ഡമരുപ്രിയഃ ॥ 98॥

ദണ്ഡധൃക് ഡമരുഹസ്തോ ഡാകിഹൃദ് ഡമകേശ്വരഃ ।
ഢുണ്ഡോ ഢുണ്ടേശ്വരോ ഢക്കോ ഡക്കനാദപ്രിയഃ സദാ ॥ 99॥

ണാകാരോ നസ്വരൂപശ്ച ണുണോണിണോണകാരണഃ ।
തന്ത്രജ്ഞസ്ത്ര്യംബകസ്തന്ത്രി തുംബുരുസ്തുലസീപ്രിയഃ ॥ 100॥

തൂണീരധൃക് തദാകാരസ്താണ്ഡവി താണ്ഡവേശ്വരഃ ।
തത്ത്വജ്ഞാനസ്തത്ത്വരൂപശ്ച തത്ത്വികസ്തരവിപ്രഭഃ ॥ 101॥

ത്രിനേത്രസ്തരുണസ്തത്ത്വസ്തകാരസ്തലവാസകൃത് ।
തേജസ്വീ തേജോരൂപീ ച തേജഃപുഞ്ജപ്രകാശകഃ ॥ 102॥

താന്ത്രികസ്തന്ത്രകർതാ ച തന്ത്രവിദ്യാപ്രകാശകഃ ।
താമ്രരൂപസ്തദാകാരസ്തത്ത്വദസ്തരണിപ്രിയഃ ॥ 103॥

താന്ത്രേയസ്തമോഹാ തന്വി താമസസ്താമസാപഹഃ ।
താമ്രസ്താമ്രപ്രദാതാ ച താമ്രവർണസ്തരുപ്രിയഃ ॥ 104॥

തപസ്വീ തപസി തേജസ്തേജരൂപസ്തലപ്രിയഃ ।
തിലസ്തിലപ്രദാതാ ച തൂലസ്തൂലപ്രദായകഃ ॥ 105॥

താപീശസ്താമ്രപർണീശസ്തിലകസ്ത്രാണകാരകഃ ।
ത്രിപുരഘ്നസ്ത്രയാതീതസ്ത്രിലോചനസ്ത്രിലോകപഃ ॥ 106॥

ത്രിവിഷ്ടപേശ്വരസ്തേജസ്ത്രിപുരസ്ത്രിപുരദാഹകഃ ।
തീർഥസ്താരാപതിസ്ത്രാതാ താഡികേശസ്തഡിജ്ജവഃ ॥ 107॥

തകാരശ്ച സ്ഥൂലാകാരഃ സ്ഥൂലഃ സ്ഥവിരഃ സ്ഥാനഃ ।
സ്ഥാനുഃ സ്ഥായി സ്ഥവരേശഃ സ്ഥംഭഃ സ്ഥാവരപീഡഹഃ ॥ 108॥

സ്ഥൂലരൂപസ്ഥിതേഃ കർത്താ സ്ഥൂലദുഃഖവിനാശനഃ ।
തണ്ഡിലസ്ഥലവാസശ്ച സ്ഥലകൃത് സ്ഥലഭൃത് സ്ഥലം ॥ 109॥

സ്ഥലേശ്വരഃ സ്ഥലാകാരഃ സ്ഥലാഗ്രജഃ സ്ഥലേശ്വരഃ ।
ദക്ഷോ ദക്ഷഹരോ ദ്രവ്യോ ദുന്ദുഭിർവരദായകഃ ॥ 110॥

ദേവോ ദേവാഗ്രജോ ദാനോ ദാനവാരിർദിനേശ്വരഃ ।
ദേവകൃദ് ദേവവൃദ്ധാതാ ദയാരൂപീ ദിവസ്പതിഃ ॥ 111॥

ദാമോദരോ ദലാധാരോ ദുഗ്ധസ്നായി ദധിപ്രിയഃ ।
ദേവരാജോ ദിവനാഥോ ദേവജ്ഞോ ദേവതാപ്രിയഃ ॥ 112॥

ദേവദേവോ ദാനരൂപോ ദൂർവാദലപ്രിയഃ സദാ ।
ദിഗ്വാസോ ദരഭോ ദന്തോ ദരിദ്രഘ്നോ ദിഗംബരഃ ॥ 113॥

ദീനബന്ധുർദുരാരാധ്യോ ദുരന്തോ ദുഷ്ടദർപഹഃ ।
ദക്ഷഘ്നോ ദക്ഷഹന്താ ച ദക്ഷജാമാതാ ദേവജിത് ॥ 114॥

ദ്വന്ദ്വഹാ ദുഃഖഹാ ദോഗ്ധാ ദുർധരോ ദുർധരേശ്വരഃ ।
ദാനാപ്തോ ദാനഭൃദ് ദീപ്തദീപ്തിർദിവ്യോ ദിവാകരഃ ॥ 115॥

ദംഭഹാ ദംഭകൃദ് ദംഭി ദക്ഷജാപതിർദീപ്തിമാൻ ।
ധന്വീ ധനുർധരോ ധീരോ ധാന്യകൃദ് ധാന്യദായകഃ ॥ 116॥

ധർമ്മധർമ്മഭൃതോ ധന്യോ ധർമ്മമൂർത്തിർധനേശ്വരഃ ।
ധനദോ ധൂർജതിർധാന്യോ ധാമദോ ധാർമികോ ധനീ ॥ 117॥

ധർമ്മരാജോ ധനാധാരോ ധരാധരോ ധരാപതിഃ ।
ധനുർവിദ്യാധരോ ധൂർതോ ധൂലിധൂസരവിഗ്രഹഃ ॥ 118॥

ധനുഷോ ധനുഷാകാരോ ധനുർധരഭൃതാം വരഃ ।
ധരനാഥോ ധരാധീശോ ധനേശോ ധനദാഗ്രജഃ ॥ 119॥

ധർമ്മഭൃദ് ധർമ്മസന്ത്രാതാ ധർമ്മരക്ഷോ ധനാകരഃ ।
നർമ്മദോ നർമ്മദാജാതോ നർമ്മദേശോ നൃപേശ്വരഃ ॥ 120॥

നാഗഭൃന്നാഗലോകേശോ നാഗഭൂഷണഭൂഷിതഃ ।
നാഗയജ്ഞോപവീതീയോ നാഗോ നാഗാരിപൂജിതഃ ॥ 121॥

നാന്യോ നരവരോ നേമോ നൂപുരോ നൂപുരേശ്വരഃ ।
നാഗചണ്ഡേശ്വരോ നാഗോ നാഗനാഥോ നാഗേശ്വരഃ ॥ 122॥

നീലഗംഗാപ്രിയോ നാദോ നവനാഥോ നാഗാധിപഃ ।
പൃഥുകേശഃ പ്രയാഗേശഃ പത്തനേശഃ പരാശരഃ ॥ 123॥

പുഷ്പദന്തേശ്വരഃ പുഷ്പഃ പിംഗലേശ്വരപൂർവജഃ ।
പിശാചേശഃ പന്നഗേശഃ പശുപതിശ്വരഃ പ്രിയഃ ॥ 124॥

പാർവതീപൂജിതഃ പ്രാണഃ പ്രാണേശഃ പാപനാശനഃ ।
പാർവതീപ്രാണനാഥശ്ച പ്രാണഭൃത് പ്രാണജീവനഃ ॥ 125॥

പുരാണപുരുഷഃ പ്രാജ്ഞഃ പ്രേമജ്ഞഃ പാർവതീപതിഃ ।
പുഷ്കരഃ പുഷ്കരാധീശഃ പാത്രഃ പാത്രൈഃ പ്രപൂജിതഃ ॥ 126॥

പുത്രദഃ പുണ്യദഃ പൂർണഃ പീതാംബരവിഭൂഷിതഃ ।
പദ്മാക്ഷഃ പദ്മസ്രഗ്ധാരീ പദ്മേന പരിശോഭിതഃ ॥ 127॥

ഫണിഭൃത് ഫണിനാഥശ്ച ഫേനികാഭക്ഷകാരകഃ ।
സ്ഫടികഃ പരശുധാരീ ച സ്ഫടികാഭോ ഫലപ്രദഃ ॥ 128॥

ബദ്രീശോ ബലരൂപശ്ച ബഹുഭോജി ബടുർബടുഃ ।
ബാലഖില്യാർചിതോ ബാലോ ബ്രഹ്മേശോ ബ്രാഹ്മണാർചിതഃ ॥ 129॥

ബ്രാഹ്മണോ ബ്രഹ്മഹാ ബ്രഹ്മ ബ്രഹ്മജ്ഞാനോ ബ്രാഹ്മണപ്രിയഃ ।
ബ്രാഹ്മണസ്ഥോ ബ്രാഹ്മരൂപോ ബ്രാഹ്മണപരിപാലകഃ ॥ 130॥

ബ്രഹ്മമൂർത്തിർബ്രഹ്മസ്വാമി ബ്രാഹ്മണൈഃ പരിശോഭിതഃ ।
ബ്രാഹ്മണാരിഹരോ ബ്രഹ്മ ബ്രാഹ്മണാസ്യഃ പ്രതർപിതഃ ॥ 131॥

ഭൂതേഷോ ഭൂതനാഥശ്ച ഭസ്മാംഗോ ഭീമവിക്രമഃ ।
ഭീമോ ഭവഹരോ ഭവ്യോ ഭൈരവോ ഭയഭഞ്ജനഃ ॥ 132॥

ഭൂതിദോ ഭുവനധാരോ ഭുവനേശോ ഭൃഗുർഭവഃ ।
ഭാരതീശോ ഭുജംഗേശോ ഭാസ്കരോ ഭിന്ദിപാലധൃക് ॥ 133॥

ഭൂതോ ഭയഹരോ ഭാനുർഭവനോ ഭവനാശനഃ ।
സഹസ്രനാമഭിശ്ചൈതൈർമഹാകാലഃ പ്രസീദതു ॥ 134॥

------------------------------------------------------------------------------------------------------------------------

സൂത ഉവാച –
ഇദം കീർത്തിതം തേഭ്യോ മഹാകാലസഹസ്രകം ।
പഠനാത് ശ്രവണാത് സദ്യോ ധൂതപാപോ ഭവേന്നരഃ ॥ 135॥

ഏകവാരം പഠേന്നിത്യം സർവസൗഭാഗ്യം പ്രജായതേ ।
ദ്വിവാരം യഃ പഠേത്സത്യം തസ്യ വശ്യം ഭവേജ്ജഗത് ॥ 136॥

ത്രിവാരം പഠനൻ മർത്യോ ധനധാന്യയുതോ ഭവേത് ।
അതഃ സ്ഥാനവിശേഷസ്യ ഇദാനീം പാഠഫലം ശൃണു ॥ 137॥

വടമൂലേ –
വടമൂലേ പഠേന്നിത്യം ഏകാകീ മനുജോ യദി ।
ത്രിവാരം ച ദിനത്രിംശത് സിദ്ധിർഭവതി സർവഥാ ॥ 138॥

മനോരഥസിദ്ധൗ –
അശ്വത്ഥേ തുളസീമൂലേ തീർത്ഥേ വാ ഹരിഹരാലയേ ।
ശുചിർഭൂത്വാ പഠേദ്യോ ഹി മനസാ ചിന്തിതം ലഭേത് ॥ 139॥

സിദ്ധിദതീർത്ഥേ –
യത്ര തീർത്ഥമസ്തി ച അശ്വത്തോ വടോ വാ ദ്വിജസത്തമ! ।
സ തീർത്ഥഃ സിദ്ധിദഃ സർവപാഠകസ്യ ന സംശയഃ ॥ 140॥

തത്രൈകാഗ്രമനാ ഭൂത്വാ യഃ പഠേച്ഛുഭമാനസഃ ।
യം യം കാമമഭിധ്യായേത്തം തം പ്രാപ്നോതി നിശ്ചിതം ॥ 141॥

മനസാ ചിന്തിതം സർവം മഹാകാലപ്രസാദതഃ ।
ലഭതേ സകലാൻ കാമാൻ പഠനാച്ച ശ്രവണാന്നരഃ ॥ 142॥

ശതാവർത്തപാഠഫലം –
ശതാവർത്തം പഠേദ്യത്ര ചിന്തിതം ലഭതേ ധ്രുവം ।
ദുഃസാധ്യഃ സോപി സാധ്യഃ സ്യാദ് ദിനാന്യേക്ക്ോനവിംശതേഃ ॥ 143॥

മഹാശിവരാത്രൗ പാഠഫലം –
ശിവരാത്രിദിനേ മർത്യോ ഉപവാസീ ജിതേന്ദ്രിയഃ ।
നിശാമധ്യേ ശതാവർത്തപഠനാച്ചിന്തിതം ലഭേത് ॥ 144॥

സഹസ്രാവർത്തനം തത്ര തീർത്ഥേ ഹ്യശ്വത്തസന്നിധൗ ।
പഠനാദ് ഭുക്തിർമുക്തിശ്ച ഭവതീഹ കലൗ യുഗേ ॥ 145॥

തദ്ദശാംശം ക്രിയാദ് ഹോമം തദ്ദശാംശം ച തർപ്പണം ।
ദശാംശം മാർജയേന്മർത്യഃ സർവസിദ്ധിഃ പ്രജായതേ ॥ 146॥

രാജ്യം വാപ്നോതി വന്ധ്യാ ച പുത്രവതീ ഭവേത് ।
കുഷ്ഠരോഗാഃ പ്രണശ്യന്തി ദിവ്യദേഹോ ഭവേന്നരഃ ॥ 147॥

സഹസ്രാവർത്തപാഠേന മഹാകാലപ്രിയോ നരഃ ।
മഹാകാലപ്രസാദേന സർവസിദ്ധിഃ പ്രജായതേ ॥ 148॥

ശാപാനുഗ്രഹസാമർഥ്യം ഭവതീഹ കലൗ യുഗേ ।
സത്യം സത്യം ന സംശയഃ സത്യം ച ഗദിതം മമ ॥ 149॥

അവന്തികാസ്ഥിതതീർത്ഥേഷു പാഠഫലം –

കോടിതീർഥേ പഠേദ്വിപ്ര! മഹാകാലഃ പ്രസീദതി ।

രുദ്രസരോവരേ പാഠാത് കുഷ്ഠപീഡാ നിവർത്തതേ ॥ 150॥

സിദ്ധപീഠേ പഠേദ്യോ ഹി തസ്യ വശ്യം ഭവേജ്ജഗത് ।

ശിപ്രാക്കൂലേ പഠേത്പ്രജ്ഞോ ധനധാന്യയുതോ ഭവേത് ॥ 151॥

കാലത്രയം പഠേദ്യശ്ച ശത്രുനിർമൂലനം ഭവേത് ।

ഭൈരവാലയേ പഠനാത് അപമൃത്യും അപാകുര്യാത് ॥ 152॥

സിദ്ധവടസ്യ ഛായായാം പതതേ മനുജോ യദി ।

വന്ധ്യായാം ജായതേ പുത്രശ്ചിരഞ്ജീവീ ന സംശയഃ ॥ 153॥

ഔഖരേ പഠനാത് സദ്യോ ഭൂതപീഡാ നിവർത്തതേ ।

ഗയാകൂപേ പഠേദ്യോ ഹി തുഷ്ടാഃ സ്യുഃ പിതരസ്തതഃ ॥ 154॥

ഗോമത്യാം ച പഠേന്നിത്യം വിഷ്ണുലോകമവാപ്നുയാത് ।

അങ്കപാതേ പഠേദ്യോ ഹി ധൂതപാപഃ പ്രമുച്യതേ ॥ 155॥

ഖഡ്ഗതാസംഗമേ സദ്യഃ ഖഡ്ഗസിദ്ധിമവാപ്നുയാത് ।

യമതടാഗേ പഠേദ്യോ യോ യമദുഃഖം ന പശ്യതി ॥ 156॥

നവദ്യാം പഠേദ്യോ ഹി ദിഗ്വിജയപതിർഭവേത് ।

യോഗിനീപുരതഃ പാഠേ മഹാമാരീഭയം ന ഹി ॥ 157॥

വൃദ്ധകാലേശ്വരാന്തികേ പുത്രപൗത്രയുതോ നരഃ ।
പാഠസ്ഥാനേ ഘൃതദീപം നിത്യം ബ്രാഹ്മണഭോജനം ॥ 158॥

ഏകാദശാഥവാ പഞ്ച ത്രയോ വാപ്യേകബ്രാഹ്മണാൻ ।
ഭോജനം ച യഥാശക്തി ദദ്യാത് സിദ്ധിസമുത്സുകഃ ॥ 159॥

വിധിവദ് ഭക്തിമാൻ ശ്രദ്ധയുക്തോ ഭക്തഃ സദൈവ ഹി ।
പഠൻ യജൻ സ്മരൻ ജപൻ വാപി യഥാമതി ।
മഹാകാലസ്യ കൃപയാ സകലം ഭദ്രമാപ്നുയാത് ॥ 160॥

---

🔶 സമാപ്തി

ഇതി ശ്രീപ്രകൃഷ്ടാനന്ദോക്താഗമേ
ശ്രീകൃഷ്ണ–സുദാമ്നഃ സംവാദേ
മഹാകാലസഹസ്രനാമസ്തോത്രം സമ്പൂർണ്ണം ॥

॥ ഓം നമോ നമഃ ॥
॥ ശിവാർപ്പണമസ്തു ॥