HANUMATH KAVACHAM

 

 ഹനുമത്കവചം 
ഗന്ധമാദനശൈലസ്യ പുണ്യസ്യോപരിസംസ്ഥിതം .
സുഖാസീനം ബ്രഹ്മപുത്രം വസിഷ്ഠമിഷ്ടുമിച്ഛതി .. 1..

വാലഖില്യാദയോ ദേവാ സദേവൗഘാ മഹർഷയഃ .
ആഭ്യാഗമ്യ വസിഷ്ഠം തം നമസ്കൃത്യ യഥാക്രമം .. 2..

പൂജിതാ ഋഷയഃ സർവേ തമൂചുഃ പ്രിയപൂർവകം .
ഹേ ബ്രഹ്മന്യാചിതോഽസ്മാകം തമേവാർഥം ശുഭപ്രദം .. 3..

അസ്മിൻപൂർവം ഹനുമതേ വിക്രമം ജഗദുത്തമം .
ത്വാമൃതേ കഃ സമർഥോഽത്ര ഹനുമത്കവചം ശുഭം .. 4..

വിഖ്യാതാനി സഹസ്രാണി നാമാനി വിവിധാനി ച .
കവചം രാമചന്ദ്രോ വൈ അജപത്പരമാദരാത് .. 5..

ഏവം ബ്രഹ്മാത്മജം ബ്രഹ്മന്നേതാവത്കഥയസ്വ നഃ .
കാനി നാമാനി കിം ഛന്ദഃ കോ ഋഷിഃ കിം ച ദേവതാ .. 6..

കോ മന്ത്രഃ കേന ദിഗ്ബന്ധഃ കോ വിധിഃ കിം ഫലം ശുഭം .
സർവം കഥയ മേ ബ്രഹ്മൻകവചേന സമന്വിതം .. 7..

ഇത്യുക്തോ മുനിവാക്യം തു സാവധാനേന സർവതഃ .
ശ്രുത്വാ വചോ വസിഷ്ഠസ്തു വിസ്മിതഃ പരമോ ഋഷിഃ .. 8..

ഭവന്ത ഏവ സർവജ്ഞാസ്ത്രികാലജ്ഞാ ജഗത്ത്രയേ .
മദനുഗ്രഹ ഏവൈഷ യാം ബ്രൂഹി പരമർഷയഃ .. 9..

ഏതത്പ്രശ്നം മഹാപുണ്യം രഹസ്യം പരമാദ്ഭുതം .
കഥയാമി മുനിശ്രേഷ്ഠ തത്പൃഷ്ടോഽഹമശേഷതഃ .. 10..

ശൃണുധ്വം ഹി യഥാ പൂർവം യഥാ പൂർവം സുവിസ്തരാത് .

വസിഷ്ഠ ഉവാച

ഹരിഃ ഓം ..


വിനിയോഗഃ .
അസ്യ ശ്രീഹനുമദ്ദിവ്യകവചസ്തോത്രമന്ത്രസ്യ അനുഷ്ടുപ്ഛന്ദഃ .
ശ്രീരാമ ഋഷിഃ . ശ്രീഹനുമാന്ദേവതാ . ആഞ്ജനേയേതിശക്തിഃ .
വാതാത്മജേതി ദൈവതം ബീജം . ശ്രീഹനുമാനിതി മന്ത്രഃ .
മർകടരാഡിതി കീലകം . വജ്രകായേതി കവചം .
ബലവാനിതി യോനിഃ . ദംഷ്ട്രായുധേതി അസ്ത്രം ..


ഹൃദയാദി ന്യാസഃ .
അഞ്ജനാസൂനവേ നമഃ ഇതി ഹൃദയേ .
രുദ്രരൂപായ നമഃ ശിരസേ സ്വാഹാ .
വായുസുതായേതി ശിഖായൈ വഷട് .
അഗ്നിഗർഭായ നമഃ കവചായ ഹും .
രാമദൂതായ നമഃ നേത്രത്രയായ വൗഷട് .
ബ്രഹ്മാസ്ത്രസ്തംഭനായേതി അസ്ത്രായ ഫട് ..


അഥ ധ്യാനം .
ധ്യായേദ്ബാലദിവാകരദ്യുതിനിഭം ദേവാരിദർപാഽപഹം
      ദേവേന്ദ്രപ്രമുഖം സമസ്തയശസം ദേദീപ്യമാനം രുചാ .
സുഗ്രീവാദി സമസ്തവാനരയുതം സുവ്യക്തതത്ത്വപ്രിയം
      സംരക്താരുണലോചനം പവനജം പീതാംബരാലങ്കൃതം .. 11..


അഥ കവചം .
പ്രാച്യാം വജ്രതനുഃ പാതു ആഗ്നേയ്യാമഗ്നിനാജിതഃ .
യാമ്യാം പാത്വഞ്ജനീപുത്രോ ശോകഘ്നഃ പിംഗലേക്ഷണഃ .. 12..

നൈരൃത്യാം പാതു ദൈത്യഘ്നോ വാരുണ്യാമബ്ധിലംഘനഃ .
വായവ്യാം വായുജഃ പാതു പ്രയത്നേനോത്തരാദിശഃ .. 13..

പാതു ലക്ഷ്മണശോകഘ്നോ ഗമനഃ സർവദാ മഹാൻ.
ഐശാന്യാമീശസം പാതു പാതു യത്നേന നാന്യഥാ .. 14..

ഊർധ്വമൂർധാഽഽത്മനഃ പാതു അധഃ പാതാലസാധകഃ .. 15..


മന്ത്രഃ .
ഓം ശ്രീഹനുമതേ മഹാപരാക്രമായ സർവകാര്യാണി ഇമാനി മമ
സാധയ ഹ്രൂം ഹ്രൂം ഫട് സ്വഹാ ..

ത്രിശിരോഘ്നഃ ശിരഃ പാതു ഭാലം ഭാലേക്ഷണഃ പ്രഭുഃ .
കർണൗ പാത്വിപ്രകർണസ്യാസ്തഥാക്ഷിണ്യക്ഷസംഹരഃ .. 16..

ഹനുമാന്മേ ഹനൂ പാതു നാസികാംഘ്രമനാസിജിത് .
ചതുർവക്ത്രഹരോ വക്ത്രം പാതു ദന്താനി സർവദാ .. 17..

ശൂലദംഷ്ട്രാജിതഃ പാതു ജിഹ്വായാം ദൈത്യജിഹ്വഹാ .
ഭുജൗ ഭുജായുധഃ പാതു സ്കന്ധൗ മേ സന്ധികാരകഃ .. 18..

അംഗുലീഃ പാതു രാമസ്യ വർണാംഗുലിയധാരകഃ .
നഖാന്നഖായുധഃ പാതു കങ്കിനീഭഞ്ജതസ്തനൗ .. 19..

വക്ഷഃ പാത്വശ്മവക്ഷഃഘ്നോ മഹോദരഹരോദരം .
കേസരീനന്ദനോ മധ്യം പാതു പൂർവം പ്രയത്നതഃ .. 20..

നാഭിം പാതു സദാ പദ്മനാഭശ്ച നിജശക്തിമാൻ.
പൃഷ്ഠം പാതു രണേ പൃഷ്ഠം നാദേയഃ സർവദാ ഹിതഃ .. 21..

ഗുദം രക്തഗുദഃ പാതു ഗുഹ്യം ഗുഹ്യസ്ത്വലിംഗകഃ .
ഊരൂ പാത്വഹിതസ്യോരുഭഞ്ജനോ ഗ്രാമസത്വരഃ .. 22..

സ്ഥൂലം ജംഘാഖ്യസംഹാരഃ പാതു മേ ജംഘയോർദ്വയോഃ .
ദൈത്യാനാം ശീർഷവിന്യസ്തപാദഃ പാത്വനിശം പദൗ .. 23..

യത്നേന സർവകർമാണി മർമജ്ഞഃ പാതു സർവദാ .
രക്തരോമാഹ്വയധ്വംസീ രോമകൂപാനി പാതു മേ .. 24..

അൻഹി പാത്വഹിതാവധ്യഃ രാത്രൗ രാത്രിജയാധികഃ .
സ ന്ധ്യാം സന്ധാനകാരണ്യാം രാമായാനീയ ദത്തവാൻ.
സംഗ്രാമേ തു മഹാമോഹാൻസർവദാ സർവതോ ജയ .. 25..

ജലേ ഗ്രഹഹരഃ പാതു വനേ ലങ്കാവനാന്തകൃത് .
സ്ഥലേ ഭീമാഗ്രജഃ പാതു ഗിരൗ ഗിരിവനേശ്വരഃ .. 26..

സംഗ്രാമേ ബലവാൻപാതു അഗ്നൗ ലങ്കാവിദാഹകഃ .
ഗൃഹേ മാം പാതു സർവത്ര കദലീവനമന്ദിരഃ .. 27..

ഹനുമത്കവചം യസ്തു പഠേദ്വിദ്വാന്വിചക്ഷണഃ .
തത്ഫലം പുരതഃ സർവം വക്ഷ്യാമീഹ മുനീശ്വര .. 28..

ഇതി ശ്രീസുദർശനസംഹിതായാം ഹനുമൻകവചം സമ്പൂർണം ..