PANCHAMUKHA HANUMATH KAVACHAM

 

 പഞ്ചമുഖഹനുമത്കവചം 

.. ശ്രീഗണേശായ നമഃ ..

.. ശ്രീഉമാമഹേശ്വരാഭ്യാം നമഃ ..

.. ശ്രീസീതാരാമചന്ദ്രാഭ്യാം നമഃ ..

.. ശ്രീപഞ്ചവദനായാഞ്ജനേയായ നമഃ ..

അഥ ശ്രീപഞ്ചമുഖഹനുമത്കവചപ്രാരംഭഃ ..

ശ്രീപാർവത്യുവാച .
സദാശിവ വരസ്വാമിഞ്ജ്ഞാനദ പ്രിയകാരകഃ .
കവചാദി മയാ സർവം ദേവാനാം സംശ്രുതം പ്രിയ .. 1..

ഇദാനീം ശ്രോതുമിച്ഛാമി കവചം കരുണാനിധേ .
വായുസൂനോർവരം യേന നാന്യദന്വേഷിതം ഭവേത് .
സാധകാനാം ച സർവസ്വം ഹനുമത്പ്രീതി വർദ്ധനം .. 2..

ശ്രീശിവ ഉവാച .
ദേവേശി ദീർഘനയനേ ദീക്ഷാദീപ്തകലേവരേ .
മാം പൃച്ഛസി വരാരോഹേ ന കസ്യാപി മയോദിതം .. 3..

കഥം വാച്യം ഹനുമതഃ കവചം കല്പപാദപം .
സ്രീരൂപാ ത്വമിദം നാനാകൂടമണ്ഡിതവിഗ്രഹം .. 4..

ഗഹ്വരം ഗുരുഗമ്യം ച യത്ര കുത്ര വദിഷ്യസി .
തേന പ്രത്യുത പാപാനി ജായന്തേ ഗജഗാമിനി .. 5..

അതഏവ മഹേശാനി നോ വാച്യം കവചം പ്രിയേ .. 6..

ശ്രീപാർവത്യുവാച .
വദാന്യസ്യ വചോനേദം നാദേയം ജഗതീതലേ .
സ്വം വദാന്യാവധിഃ പ്രാണനാഥോ മേ പ്രിയകൃത്സദാ .. 7..

മഹ്യം ച കിം ന ദത്തം തേ തദിദാനീം വദാമ്യഹമ .
ഗണപം ശാക്ത സൗരേ ച ശൈവം വൈഷ്ണവമുത്തമം .. 8..

മന്ത്രയന്ത്രാദിജാലം ഹി മഹ്യം സാമാന്യതസ്ത്വയാ .
ദത്തം വിശേഷതോ യദ്യത്തത്സർവം കഥയാമി തേ .. 9..

ശ്രീരാമ താരകോ മന്ത്രഃ കോദണ്ഡസ്യാപി മേ പ്രിയഃ .
നൃഹരേഃ സാമരാജോ ഹി കാലികാദ്യാഃ പ്രിയംവദ .. 10..

ദശാവിദ്യാവിശേഷേണ ഷോഡശീമന്ത്രനായികാഃ .
ദക്ഷിണാമൂർതിസഞ്ജ്ഞോഽന്യോ മന്ത്രരാജോ ധരാപതേ .. 11..

സഹസ്രാർജുനകസ്യാപി മന്ത്രാ യേഽന്യേ ഹനൂമതഃ .
യേ തേ ഹ്യദേയാ ദേവേശ തേഽപി മഹ്യം സമർപിതാഃ .. 12..

കിം ബഹൂക്തേന ഗിരിശ പ്രേമയാന്ത്രിതചേതസാ .
അർധാംഗമപി മഹ്യം തേ ദത്തം കിം തേ വദാമ്യഹം .
സ്ത്രീരൂപം മമ ജീവേശ പൂർവം തു ന വിചാരിതം .. 13..

ശ്രീശിവ ഉവാച .
സത്യം സത്യം വരാരോഹേ സർവം ദത്തം മയാ തവ .
പരം തു ഗിരിജേ തുഭ്യം കഥ്യതേ ശ്രുണു സാമ്പ്രതം .. 14..

കലൗ പാഖണ്ഡബഹുലാ നാനാവേഷധരാ നരാഃ .
ജ്ഞാനഹീനാ ലുബ്ധകാശ്ച വർണാശ്രമബഹിഷ്കൃതാഃ .. 15..

വൈഷ്ണവത്വേന വിഖ്യാതാഃ ശൈവത്വേന വരാനന .
ശാക്തത്വേന ച ദേവേശി സൗരത്വേനേതരേ ജനാഃ .. 16..

ഗാണപത്വേന ഗിരിജേ ശാസ്ത്രജ്ഞാനബഹിഷ്കൃതാഃ .
ഗുരുത്വേന സമാഖ്യാതാ വിചരിഷ്യന്തി ഭൂതലേ .. 17..

തേ ശിഷ്യസംഗ്രഹം കർതുമുദ്യുക്താ യത്ര കുത്രാചിത് .
മന്ത്രാദ്യുച്ചാരണേ തേഷാം നാസ്തി സാമർഥ്യമംബികേ .. 18..

തച്ഛിഷ്യാണാം ച ഗിരിജേ തഥാപി ജഗതീതലേ .
പഠന്തി പാഠയിഷ്യതി വിപ്രദ്വേഷപരാഃ സദാ .. 19..

ദ്വിജദ്വേഷപരാണാം ഹി നരകേ പതനം ധ്രുവം .
പ്രകൃതം വച്മി ഗിരിജേ യന്മയാ പൂർവമീരിതം .. 20..

നാനാരൂപമിദം നാനാകൂടമണ്ഡിതവിഗ്രഹം .
തത്രോത്തരം മഹേശാനേ ശൃണു യത്നേന സാമ്പ്രതം .. 21..

തുഭ്യം മയാ യദാ ദേവി വക്തവ്യം കവചം ശുഭം .
നാനാകൂടമയം പശ്ചാത്ത്വയാഽപി പ്രേമതഃ പ്രിയം .. 22..

വക്തവ്യം കത്രചിത്തത്തു ഭുവനേ വിചരിഷ്യതി .
വിശ്വാന്തഃപാതിനാം ഭദ്രേ യദി പുണ്യവതാം സതാം .. 23..

സത്സമ്പ്രദായശുദ്ധാനാം ദീക്ഷാമന്ത്രവതാം പ്രിയേ .
ബ്രാഹ്മണാഃ ക്ഷത്രിയാ വൈശ്യാ വിശേഷേണ വരാനനേ .. 24..

ഉചാരണേ സമർഥാനാം ശാസ്ത്രനിഷ്ഠാവതാം സദാ .
ഹസ്താഗതം ഭവേദ്ഭദ്രേ തദാ തേ പുണ്യമുത്തമം .. 25..

അന്യഥാ ശൂദ്രജാതീനാം പൂർവോക്താനാം മഹേശ്വരി .
മുഖശുദ്ധിവിഹീനാനാം ദാംഭികാനാം സുരേശ്വരി .. 26..

യദാ ഹസ്തഗതം തത്സ്യാത്തദാ പാപം മഹത്തവ .
തസ്മാദ്വിചാര്യദേവേശി ഹ്യധികാരിണമംബികേ .. 27..

വക്തവ്യം നാത്ര സന്ദേഹോ ഹ്യന്യഥാ നിരയം വ്രജേത് .
കിം കർതവ്യം മയാ തുഭ്യമുച്യതേ പ്രേമതഃ പ്രിയേ .
ത്വയാപീദം വിശേഷേണ ഗേപനീയം സ്വയോനിവത് .. 28..

--------------------------------------------------------------------------------


ഓം ശ്രീ പഞ്ചവദനായാഞ്ജനേയായ നമഃ . 
ഓം അസ്യ ശ്രീ പഞ്ചമുഖഹനുമന്മന്ത്രസ്യ 
ബ്രഹ്മാ ഋഷിഃ .
ഗായത്രീഛന്ദഃ . 
പഞ്ചമുഖവിരാട് ഹനുമാന്ദേവതാ . 
ഹ്രീം ബീജം .
ശ്രീം ശക്തിഃ . 
ക്രൗം കീലകം . 
ക്രൂം കവചം . 
ക്രൈം അസ്ത്രായ ഫട് .
ഇതി ദിഗ്ബന്ധഃ . 


ശ്രീ ഗരുഡ ഉവാച .

അഥ ധ്യാനം പ്രവക്ഷ്യാമി ശൃണുസർവാംഗസുന്ദരി .
യത്കൃതം ദേവദേവേന ധ്യാനം ഹനുമതഃ പ്രിയം .. 1..

പഞ്ചവക്ത്രം മഹാഭീമം ത്രിപഞ്ചനയനൈര്യുതം .
ബാഹുഭിർദശഭിര്യുക്തം സർവകാമാർഥസിദ്ധിദം .. 2..

പൂർവം തു വാനരം വക്ത്രം കോടിസൂര്യസമപ്രഭം .
ദൻഷ്ട്രാകരാലവദനം ഭൃകുടീകുടിലേക്ഷണം .. 3..

അസ്യൈവ ദക്ഷിണം വക്ത്രം നാരസിംഹം മഹാദ്ഭുതം .
അത്യുഗ്രതേജോവപുഷം ഭീഷണം ഭയനാശനം .. 4..

പശ്ചിമം ഗാരുഡം വക്ത്രം വക്രതുണ്ഡം മഹാബലം ..

സർവനാഗപ്രശമനം വിഷഭൂതാദികൃന്തനം .. 5..

ഉത്തരം സൗകരം വക്ത്രം കൃഷ്ണം ദീപ്തം നഭോപമം .
പാതാലസിംഹവേതാലജ്വരരോഗാദികൃന്തനം .. 6..

ഊർധ്വം ഹയാനനം ഘോരം ദാനവാന്തകരം പരം .
യേന വക്ത്രേണ വിപ്രേന്ദ്ര താരകാഖ്യം മഹാസുരം .. 7..

ജഘാന ശരണം തത്സ്യാത്സർവശത്രുഹരം പരം .
ധ്യാത്വാ പഞ്ചമുഖം രുദ്രം ഹനുമന്തം ദയാനിധിം .. 8..

ഖഡ്ഗം ത്രിശൂലം ഖട്വാംഗം പാശമങ്കുശപർവതം .
മുഷ്ടിം കൗമോദകീം വൃക്ഷം ധാരയന്തം കമണ്ഡലും .. 9..

ഭിന്ദിപാലം ജ്ഞാനമുദ്രാം ദശഭിർമുനിപുംഗവം .
ഏതാന്യായുധജാലാനി ധാരയന്തം ഭജാമ്യഹം .. 10..

പ്രേതാസനോപവിഷ്ടം തം സർവാഭരണഭൂഷിതം .
ദിവ്യമാല്യാംബരധരം ദിവ്യഗന്ധാനുലേപനം .. 11..

സർവാശ്ചര്യമയം ദേവം ഹനുമദ്വിശ്വതോമുഖം .
പഞ്ചാസ്യമച്യുതമനേകവിചിത്രവർണവക്ത്രം
ശശാങ്കശിഖരം കപിരാജവര്യമ .
പീതാംബരാദിമുകുടൈരൂപശോഭിതാംഗം
പിംഗാക്ഷമാദ്യമനിശം മനസാ സ്മരാമി .. 12..

മർകടേശം മഹോത്സാഹം സർവശത്രുഹരം പരം .
ശത്രു സംഹര മാം രക്ഷ ശ്രീമന്നാപദമുദ്ധര .. 13..

ഓം ഹരിമർകട മർകട മന്ത്രമിദം
പരിലിഖ്യതി ലിഖ്യതി വാമതലേ .
യദി നശ്യതി നശ്യതി ശത്രുകുലം
യദി മുഞ്ചതി മുഞ്ചതി വാമലതാ .. 14..


ഓം ഹരിമർകടായ സ്വാഹാ .
ഓം നമോ ഭഗവതേ പഞ്ചവദനായ പൂർവകപിമുഖായ
       സകലശത്രുസംഹാരകായ സ്വാഹാ .
ഓം നമോ ഭഗവതേ പഞ്ചവദനായ ദക്ഷിണമുഖായ കരാലവദനായ
       നരസിംഹായ സകലഭൂതപ്രമഥനായ സ്വാഹാ .
ഓം നമോ ഭഗവതേ പഞ്ചവദനായ പശ്ചിമമുഖായ ഗരുഡാനനായ
       സകലവിഷഹരായ സ്വാഹാ .
ഓം നമോ ഭഗവതേ പഞ്ചവദനായോത്തരമുഖായാദിവരാഹായ
       സകലസമ്പത്കരായ സ്വാഹാ .
ഓം നമോ ഭഗവതേ പഞ്ചവദനായോർധ്വമുഖായ ഹയഗ്രീവായ
       സകലജനവശങ്കരായ സ്വാഹാ .

ഓം അസ്യ ശ്രീ പഞ്ചമുഖഹനുമന്മന്ത്രസ്യ 
ശ്രീരാമചന്ദ്ര ഋഷിഃ . 
അനുഷ്ടുപ്ഛന്ദഃ . 
പഞ്ചമുഖവീരഹനുമാൻ ദേവതാ .
ഹനുമാനിതി ബീജം . 
വായുപുത്ര ഇതി ശക്തിഃ . 
അഞ്ജനാസുത ഇതി കീലകം .
ശ്രീരാമദൂതഹനുമത്പ്രസാദസിദ്ധ്യർഥേ ജപേ വിനിയോഗഃ .
ഇതി ഋഷ്യാദികം വിന്യസേത് ..


ഓം അഞ്ജനാസുതായ അംഗുഷ്ഠാഭ്യാം നമഃ .
ഓം രുദ്രമൂർതയേ തർജനീഭ്യാം നമഃ .
ഓം വായുപുത്രായ മധ്യമാഭ്യാം നമഃ .
ഓം അഗ്നിഗർഭായ അനാമികാഭ്യാം നമഃ .
ഓം രാമദൂതായ കനിഷ്ഠികാഭ്യാം നമഃ .
ഓം പഞ്ചമുഖഹനുമതേ കരതലകരപൃഷ്ഠാഭ്യാം നമഃ .
ഇതി കരന്യാസഃ ..

ഓം അഞ്ജനാസുതായ ഹൃദയായ നമഃ .
ഓം രുദ്രമൂർതയേ ശിരസേ സ്വാഹാ .
ഓം വായുപുത്രായ ശിഖായൈ വഷട് .
ഓം അഗ്നിഗർഭായ കവചായ ഹും .
ഓം രാമദൂതായ നേത്രത്രയായ വൗഷട് .
ഓം പഞ്ചമുഖഹനുമതേ അസ്ത്രായ ഫട് .
പഞ്ചമുഖഹനുമതേ സ്വാഹാ .
ഇതി ദിഗ്ബന്ധഃ ..

അഥ ധ്യാനം .

വന്ദേ വാനരനാരസിംഹഖഗരാട്ക്രോഡാശ്വവക്ത്രാന്വിതം
ദിവ്യാലങ്കരണം ത്രിപഞ്ചനയനം ദേദീപ്യമാനം രുചാ .
ഹസ്താബ്ജൈരസിഖേടപുസ്തകസുധാകുംഭാങ്കുശാദ്രിം ഹലം
ഖട്വാംഗം ഫണിഭൂരുഹം ദശഭുജം സർവാരിവീരാപഹം .

അഥ മന്ത്രഃ .

ഓം ശ്രീരാമദൂതായാഞ്ജനേയായ വായുപുത്രായ മഹാബലപരാക്രമായ
സീതാദുഃഖനിവാരണായ ലങ്കാദഹനകാരണായ മഹാബലപ്രചണ്ഡായ
ഫാൽഗുനസഖായ കോലാഹലസകലബ്രഹ്മാണ്ഡവിശ്വരൂപായ
സപ്തസമുദ്രനിർലംഘനായ പിംഗലനയനായാമിതവിക്രമായ
സൂര്യബിംബഫലസേവനായ ദുഷ്ടനിവാരണായ ദൃഷ്ടിനിരാലങ്കൃതായ
സഞ്ജീവിനീസഞ്ജീവിതാംഗദലക്ഷ്മണമഹാകപിസൈന്യപ്രാണദായ
ദശകണ്ഠവിധ്വംസനായ രാമേഷ്ടായ മഹാഫാൽഗുനസഖായ സീതാസഹിത-
രാമവരപ്രദായ ഷട്പ്രയോഗാഗമപഞ്ചമുഖവീരഹനുമന്മന്ത്രജപേ വിനിയോഗഃ .

ഓം ഹരിമർകടമർകടായ ബം ബം ബം ബം ബം വൗഷട് സ്വാഹാ .
ഓം ഹരിമർകടമർകടായ ഫം ഫം ഫം ഫം ഫം ഫട് സ്വാഹാ .
ഓം ഹരിമർകടമർകടായ ഖേം ഖേം ഖേം ഖേം ഖേം മാരണായ സ്വാഹാ .
ഓം ഹരിമർകടമർകടായ ലും ലും ലും ലും ലും ആകർഷിതസകലസമ്പത്കരായ സ്വാഹാ .
ഓം ഹരിമർകടമർകടായ ധം ധം ധം ധം ധം ശത്രുസ്തംഭനായ സ്വാഹാ .
ഓം ടം ടം ടം ടം ടം കൂർമമൂർതയേ പഞ്ചമുഖവീരഹനുമതേ
പരയന്ത്രപരതന്ത്രോച്ചാടനായ സ്വാഹാ .
ഓം കം ഖം ഗം ഘം ങം ചം ഛം ജം ഝം ഞം ടം ഠം ഡം ഢം ണം
തം ഥം ദം ധം നം പം ഫം ബം ഭം മം യം രം ലം വം ശം ഷം സം ഹം
ളം ക്ഷം സ്വാഹാ .
ഇതി ദിഗ്ബന്ധഃ .


ഓം പൂർവകപിമുഖായ പഞ്ചമുഖഹനുമതേ ടം ടം ടം ടം ടം
സകലശത്രുസംഹരണായ സ്വാഹാ .
ഓം ദക്ഷിണമുഖായ പഞ്ചമുഖഹനുമതേ കരാലവദനായ നരസിംഹായ
ഓം ഹ്രാം ഹ്രീം ഹ്രൂം ഹ്രൈം ഹ്രൗം ഹ്രഃ സകലഭൂതപ്രേതദമനായ സ്വാഹാ .
ഓം പശ്ചിമമുഖായ ഗരുഡാനനായ പഞ്ചമുഖഹനുമതേ മം മം മം മം മം
സകലവിഷഹരായ സ്വാഹാ .
ഓം ഉത്തരമുഖായാദിവരാഹായ ലം ലം ലം ലം ലം നൃസിംഹായ നീലകണ്ഠമൂർതയേ
പഞ്ചമുഖഹനുമതേ സ്വാഹാ .
ഓം ഊർധ്വമുഖായ ഹയഗ്രീവായ രും രും രും രും രും രുദ്രമൂർതയേ
സകലപ്രയോജനനിർവാഹകായ സ്വാഹാ .
ഓം അഞ്ജനാസുതായ വായുപുത്രായ മഹാബലായ സീതാശോകനിവാരണായ
ശ്രീരാമചന്ദ്രകൃപാപാദുകായ മഹാവീര്യപ്രമഥനായ ബ്രഹ്മാണ്ഡനാഥായ
കാമദായ പഞ്ചമുഖവീരഹനുമതേ സ്വാഹാ .
ഭൂതപ്രേതപിശാചബ്രഹ്മരാക്ഷസശാകിനീഡാകിന്യന്തരിക്ഷഗ്രഹ-
പരയന്ത്രപരതന്ത്രോച്ചടനായ സ്വാഹാ .
സകലപ്രയോജനനിർവാഹകായ പഞ്ചമുഖവീരഹനുമതേ
ശ്രീരാമചന്ദ്രവരപ്രസാദായ ജം ജം ജം ജം ജം സ്വാഹാ .

ഇദം കവചം പഠിത്വാ തു മഹാകവചം പഠേന്നരഃ .
ഏകവാരം ജപേത്സ്തോത്രം സർവശത്രുനിവാരണം .. 15..

ദ്വിവാരം തു പഠേന്നിത്യം പുത്രപൗത്രപ്രവർധനം .
ത്രിവാരം ച പഠേന്നിത്യം സർവസമ്പത്കരം ശുഭം .. 16..

ചതുർവാരം പഠേന്നിത്യം സർവരോഗനിവാരണം .
പഞ്ചവാരം പഠേന്നിത്യം സർവലോകവശങ്കരം .. 17..

ഷഡ്വാരം ച പഠേന്നിത്യം സർവദേവവശങ്കരം .
സപ്തവാരം പഠേന്നിത്യം സർവസൗഭാഗ്യദായകം .. 18..

അഷ്ടവാരം പഠേന്നിത്യമിഷ്ടകാമാർഥസിദ്ധിദം .
നവവാരം പഠേന്നിത്യം രാജഭോഗമവാപ്നുയാത് .. 19..

ദശവാരം പഠേന്നിത്യം ത്രൈലോക്യജ്ഞാനദർശനം .
രുദ്രാവൃത്തിം പഠേന്നിത്യം സർവസിദ്ധിർഭവേദ്ധ്രുവം .. 20..

നിർബലോ രോഗയുക്തശ്ച മഹാവ്യാധ്യാദിപീഡിതഃ .
കവചസ്മരണേനൈവ മഹാബലമവാപ്നുയാത് .. 21..

.. ഇതി ശ്രീസുദർശനസംഹിതായാം ശ്രീരാമചന്ദ്രസീതാപ്രോക്തം
ശ്രീപഞ്ചമുഖഹനുമത്കവചം സമ്പൂർണം ..