SRI MAHAKALA SAHASRANAMA STHOTHRAM

 

 ശ്രീമഹാകാലസഹസ്രനാമസ്തോത്രം 

ശ്രീപ്രകൃഷ്ടനന്ദോക്താഗമേ

ഋഷിരുവാച -
മഹാകാലസഹസ്രം തു ശ്രോതുമിച്ഛാമി സുവ്രത! .
കഥയസ്വ പ്രസാദേന ശിഷ്യായ വക്തുമർഹസി .. 1..

സൂത ഉവാച -
സുധാമയഃ സുതഃ ശ്രീമാൻ സുദാമാ നാമ വൈ ദ്വിജഃ .
തേന ഗോപീപതിഃ കൃഷ്ണോ വിദ്യാമഭ്യസിതുംഗതഃ .. 2..

സാന്ദീപനാന്തികേഽവന്ത്യാം ഗതൗ തൗ പഠനാർഥിനൗ .
ചതുഃഷഷ്ടിഃ കലാഃ സർവാഃ കൃതാ വിദ്യാശ്ചതുർദശ .. 3..

ഏകദാ പ്രാഹ കൃഷ്ണം സ സുദാമാ ദ്വിജസത്തമഃ .
സുദാമോവാച -
മഹാകാലം പ്രതിബില്വം കേന മന്ത്രേണ വാഽർപണം .. 4..

കരോമി വദ മേ കൃഷ്ണ ! കൃപയാ സാത്ത്വതാമ്പതേ ! .
ശ്രീകൃഷ്ണ ഉവാച -
ശൃണു മിത്ര! മഹാപ്രാജ്ഞ! കഥയാമി തവാഗ്രതഃ .. 5..

സഹസ്രം കാലകാലസ്യ മഹാകാലസ്യ വൈ ദ്വിജ ! .
സുഗോപ്യം സർവദാ വിപ്ര! ഭക്തായാഭാഷിതം മയാ .. 6..

കുരു ബില്വാർപണം തേന യേന ത്വം വിന്ദസേ സുഖം .
സഹസ്രസ്യാസ്യ ഋഷ്യോഽഹം ഛന്ദോഽനുഷ്ടുപ് തഥൈവ ച .. 7..

ദേവഃ പ്രോക്തോ മഹാകാലോ വിനിയോഗശ്ച സിദ്ധയേ .
സങ്കല്പ്യൈവം തതോ ധ്യായേന്മഹാകാലവിഭും മുദാ .. 8..

വിനിയോഗഃ .
ഓം അസ്യ ശ്രീമഹാകാലസഹസ്രനാമസ്തോത്രമാലാമന്ത്രസ്യ ശ്രീകൃഷ്ണഋഷിഃ .
അനുഷ്ടുപ്ഛന്ദഃ . ശ്രീമഹാകാലോ ദേവതാ . ഓം ബീജം . നമഃ ശക്തിഃ .
മഹാകാലായേതി കീലകം . സർവാർഥസിദ്ധ്യർഥേ പാഠേ വിനിയോഗഃ .
ഋഷ്യാദിന്യാസഃ .
ഓം ശ്രീകൃഷ്ണർഷയേ നമഃ ശിരസി . അനുഷ്ടുപ്ഛന്ദസേ നമഃ മുഖേ .
മഹാകാലദേവതായൈ നമഃ ഹൃദയേ . ഓം ബീജായ നമഃ ഗുഹ്യേ .
നമഃ ശക്തയേ നമഃ പാദയോഃ .  മഹാകാലായേതി കീലകായ നമഃ നാഭൗ ..

ശ്രീമഹാകാലപ്രീത്യർഥേ സഹസ്രനാമസ്തോത്രപാഠേ വിനിയോഗായ നമഃ സർവാംഗേ ..

കരന്യാസഃ ഏവം ഹൃദയാദിന്യാസഃ ..

കരന്യാസഃ .
ഓം അംഗുഷ്ഠാഭ്യാം നമഃ . മഹാകാലായ തർജനീഭ്യാം നമഃ .
നമഃ മധ്യമാഭ്യാം നമഃ . ഓം അനാമികാഭ്യാം നമഃ .
മഹാകാലായ കനിഷ്ഠികാഭ്യാം നമഃ .
നമഃ കരതലകരപൃഷ്ഠാഭ്യാം നമഃ ..

അംഗന്യാസഃ .
ഓം ഹൃദയായ നമഃ . മഹാകാലായ ശിരസേ സ്വാഹാ .
നമഃ ശിഖായൈ വഷട് . ഓം കവചായ ഹും .
മഹാകാലായ നേത്രത്രയായ വൗഷട് . നമഃ അസ്ത്രായ ഫട് .
വ്യാപകന്യാസഃ  ഓം മഹാകാലായ നമഃ ..

അഥ ധ്യാനം
കുങ്കുമാഗരുകസ്തൂരീകേശരേണ വിചർചിതം .
നാനാപുഷ്പസ്രജാലങ്കൃദ്ബില്വമൗലിവലാന്വിതം .. 9..

പുരോ നന്ദീ സ്ഥിതോ വാമേ ഗിരിരാജകുമാരികാ .
ബ്രാഹ്മണൈരാവൃതം നിത്യം മഹാകാലമഹം ഭജേ .. 10..

.. ഇതി ധ്യാനം ..

അഥ സഹസ്രനാമസ്തോത്രം .
ഓം മഹാകാലോ മഹാരൂപോ മഹാദേവോ മഹേശ്വരഃ .
മഹാപ്രാജ്ഞോ മഹാശംഭുർമഹേശോ മോഹഭഞ്ജനഃ .. 11..

മാന്യോ മന്മഥഹന്താ ച മോഹനോ മൃത്യുനാശനഃ .
മാന്യദോ മാധവോ മോക്ഷോ മോക്ഷദോ മരണാപഹാ .. 12..

മുഹൂർതോ മുനിവന്ദ്യശ്ച മനുരൂപോ മനുർമനുഃ .
മന്മഥാരിർമഹാപ്രാജ്ഞോ മനോനന്ദോ മമത്വഹാ .. 13..

മുനീശോ മുനികർതാ ച മഹത്ത്വം മഹദാധിപഃ .
മൈനാകോ മൈനകാവന്ദ്യോ മധ്വരിപ്രാണവല്ലഭഃ .. 14..

മഹാലയേശ്വരോ മോക്ഷോ മേഘനാദേശ്വരാഭിധഃ .
മുക്തീശ്വരോ മഹാമുക്തോ മന്ത്രജ്ഞോ മന്ത്രകാരകഃ .. 15..

മംഗലോ മംഗലാധീശോ മധ്യദേശപതിർമഹാൻ .
മാഗധോ മന്മഥോ മത്തോ മാതംഗോ മാലതീപതിഃ .. 16..

മാഥുരോ മഥുരാനാഥോ മാലവാധീശമന്യുപഃ .
മാരുതിർമീനപോ മൗനോ മാർകണ്ഡോ മണ്ഡലോ മൃഡഃ .. 17..

മധുപ്രിയോ മധുസ്നായീ മിഷ്ടഭോജീ മൃണാലധൃക് .
മഞ്ജുലോ മല്ലമോദജ്ഞോ മോദകൃന്മോദദായകഃ .. 18..

മുക്തിദോ മുക്തരൂപശ്ച മുക്താമാലാവിഭൂഷിതഃ .
മൃകണ്ഡോ മോദപോ മോദോ മോദകാശനകാരകഃ .. 19..

യജ്ഞോ യജ്ഞപതിര്യജ്ഞോ യജ്ഞേശോ യജ്ഞനാശനഃ .
യജ്ഞതേജാ യശോ യോഗീ യോഗീശോ യോഗദായകഃ .. 20..

യതിരൂപോ യാജ്ഞവൽക്യോ യജ്ഞകൃദ് യജ്ഞലുപ്തഹാ .
യജ്ഞമൃദ് യജ്ഞഹാ യജ്ഞോ യജ്ഞഭുഗ് യജ്ഞസാധകഃ .. 21..

യജ്ഞാംഗോ യജ്ഞഹോതാ ച യജ്വാനോ യജനോ യതിഃ .
യശഃപ്രദോ യശഃകർതാ യശോ യജ്ഞോപവീതധൃക് .. 22..

യജ്ഞസേനോ യാജ്ഞികശ്ച യശോദാവരദായകഃ .
യമേശോ യമകർതാ ച യമദൂതനിവാരണഃ .. 23..

യാചകോ യമുനാക്രീഡോ യാജ്ഞസേനീഹിതപ്രദഃ .
യവപ്രിയോ യവരൂപോ യവനാന്തോ യവീ യവഃ .. 24..

ഋഗ്വേദോ രോഗഹന്താ ച രന്തിദേവോ രണാഗ്രണീഃ .
രൈവതോ രൈവതാധീശോ രൈവതേശ്വരസഞ്ജ്ഞകഃ .. 25..

രാമേശ്വരോ രകാരശ്ച രാമപ്രിയോ രമാപ്രിയഃ .
രണീ രണഹരോ രക്ഷോ രക്ഷകോ ഋണഹാരകഃ .. 26..

രക്ഷിതാ രാജരൂപോ രാട് രവോ രൂപോ രജഃപ്രദഃ .
രാമചന്ദ്രപ്രിയോ രാജാ രക്ഷോഘ്നോ രാക്ഷസാധിപഃ .. 27..

രക്ഷസാം വരദോ രാമോ രാക്ഷസാന്തകരോ രഥീ .
രഥപ്രിയോ രഥസ്ഥായീ രഥഹാ രഥഹാരകഃ .. 28..

രാവണപ്രിയകൃദ്രാവസ്വരൂപശ്ച ഋതൂരജഃ ..

രതിവരപ്രദാതാ ച രന്തിദേവവരപ്രദഃ .. 29..

രാജധാനീപ്രദോ രേതോ രേവാഭഞ്ജോ രവീ രജീ .
ഋത്വിജോ രസകർതാ ച രസജ്ഞോ രസദായകഃ .. 30..

രുദ്രോ രുദ്രാക്ഷധൃഗ്രൗദ്രോ രത്നോ രത്നൈർവിഭൂഷിതഃ .
രൂപേശ്വരോ രമാപൂജ്യോ രുരുരാജ്യസ്ഥലേശ്വരഃ .. 31..

ലക്ഷോ ലക്ഷപതിർലിംഗോ ലഡ്ഡുകോ ലഡ്ഡുകപ്രിയഃ .
ലീലാംബരധരോ ലാഭോ ലാഭദോ ലാഭകൃത്സദാ .. 32..

ലജ്ജാരക്ഷോ ലഘുരൂപോ ലേഖകോ ലേഖകപ്രിയഃ .
ലാംഗലോ ലവണാബ്ധീശോ ലക്ഷ്മീപൂജിതലക്ഷകഃ .. 33..

ലോകപാലേശ്വരോ ലമ്പോ ലങ്കേശോ ലമ്പകേശ്വരഃ .
വഹിർനേത്രോ വരാംഗശ്ച വസുരൂപോ വസുപ്രദഃ .. 34..

വരേണ്യോ വരദോ വേദോ വേദവേദാംഗപാരഗഃ .
വൃദ്ധകാലേശ്വരോ വൃദ്ധോ വിഭവോ വിഭവപ്രദഃ .. 35..

വേണുഗീതപ്രിയോ വൈദ്യോ വാരാണസീസ്ഥിതഃ സദാ .
വിശ്വേശോ വിശ്വകർതാ ച വിശ്വനാഥോ വിനായകഃ .. 36..

വേദജ്ഞോ വർണകൃദ്വർണോ വർണാശ്രമഫലപ്രദഃ .
വിശ്വവന്ദ്യോ വിശ്വവേത്താ വിശ്വാവസുർവിഭാവസുഃ .. 37..

വിത്തരൂപോ വിത്തകർതാ വിത്തദോ വിശ്വഭാവനഃ .
വിശ്വാത്മാ വൈശ്വദേവശ്ച വനേശോ വനപാലകഃ .. 38..

വനവാസീ വൃഷസ്ഥായീ വൃഷഭോ വൃഷഭപ്രിയഃ .
വില്വീദലപ്രിയോ വില്വോ വിശാലനേത്രസംസ്ഥിതഃ .. 39..

വൃഷധ്വജോ വൃഷാധീശോ വൃഷഭേശോ വൃഷപ്രിയഃ .
വില്വേശ്വരോ വരോ വീരോ വീരേശശ്ച വനേശ്വരഃ .. 40..

വിഭൂതിഭൂഷിതോ വേണ്യോ വ്യാലയജ്ഞോപവീതകഃ .
വിശ്വേശ്വരോ വരാനന്ദോ വടരൂപോ വടേശ്വരഃ .. 41..

സർവേശഃ സത്ത്വഃ സാരംഗോ സത്ത്വരൂപഃ സനാതനഃ .
സദ്വന്ദ്യഃ സച്ചിദാനന്ദഃ സദാനന്ദഃ ശിവപ്രിയഃ .. 42..

ശിവദഃ ശിവകൃത്സാംബഃ ശശിശേഖരശോഭനഃ .
ശരണ്യഃ സുഖദഃ സേവ്യഃ ശതാനന്ദവരപ്രദഃ .. 43..

സാത്ത്വികഃ സാത്ത്വതഃ ശംഭുഃ ശങ്കരഃ സർവഗഃ ശിവഃ .
സേവാഫലപ്രദാതാ ച സേവകപ്രതിപാലകഃ .. 44..

ശത്രുഘ്നഃ സാമഗഃ ശൗരിഃ സേനാനീഃ ശർവരീപ്രിയഃ .
ശ്മശാനീ സ്കന്ദസദ്വേദഃ സദാ സുരസരിത്പ്രിയഃ .. 45..

സുദർശനധരഃ ശുദ്ധഃ സർവസൗഭാഗ്യദായകഃ .
സൗഭാഗ്യഃ സുഭഗഃ സൂരഃ സൂര്യഃ സാരംഗമുക്തിദഃ .. 46..

സപ്തസ്വരശ്ച സപ്താശ്വഃ സപ്തഃ സപ്തർഷിപൂജിതഃ .
ശിതികണ്ഠഃ ശിവാധീശഃ സംഗമഃ സംഗമേശ്വരഃ .. 47..

സോമേശഃ സോമതീർഥേശഃ സർപധൃക്സ്വർണകാരകഃ .
സ്വർണജാലേശ്വരഃ സിദ്ധഃ സിദ്ധേശഃ സിദ്ധിദായകഃ .. 48..

സർവസാക്ഷീ സർവരൂപഃ സർവജ്ഞഃ ശാസ്ത്രസംസ്കൃതഃ .
സൗഭാഗ്യേശ്വരഃ സിംഹസ്ഥഃ ശിവേശഃ സിംഹകേശ്വരഃ .. 49..

ശൂലേശ്വരഃ ശുകാനന്ദഃ സഹസ്രധേനുകേശ്വരഃ .
സ്യന്ദനസ്ഥഃ സുരാധീശഃ സനകാദ്യർചിതഃ സുധീഃ .. 50..

ഷഡൂർമിഃ ഷട്.സുചക്രജ്ഞഃ ഷട്ചക്രകവിഭേദകഃ .
ഷഡാനനഃ ഷഡംഗജ്ഞഃ ഷഡ്രസജ്ഞഃ ഷഡാനനഃ .. 51..

ഹരോ ഹംസോ ഹതാരാതിർഹിരണ്യോ ഹാടകേശ്വരഃ .
ഹേരംബോ ഹവനോ ഹോതാ ഹയരൂപോ ഹയപ്രദഃ .. 52..

ഹസ്തിദോ ഹസ്തിത്വഗ്ധാരീ ഹാഹാഹൂഹൂവരപ്രദഃ .
ഹവ്യഹേമഹവിഷ്യാന്നോ ഹാടകേശോ ഹവിഃപ്രിയഃ .. 53..

ഹിരണ്യരേതാ ഹംസജ്ഞോ ഹിരണ്യോ ഹാടകേശ്വരഃ .
ഹനുമദീശോ ഹരോ ഹർഷോ ഹരസിദ്ധിപീഠഗഃ .. 54..

ഹൈമോ ഹൈമാലയോ ഹൂഹൂഹാഹാഹേതുർഹഠോ ഹഠീ .
ക്ഷത്രഃ ക്ഷത്രപ്രദഃ ക്ഷത്രീ ക്ഷേത്രജ്ഞഃ ക്ഷേത്രനായകഃ .. 55..

ക്ഷേമഃ ക്ഷേമപ്രദാതാ ച ക്ഷാന്തികൃത് ക്ഷാന്തിവർധനഃ .
ക്ഷീരാർണവഃ ക്ഷീരഭോക്താ ക്ഷിപ്രാകൂലക്ഷിതേഃ പതിഃ .. 56..

ക്ഷൗദ്രരസപ്രിയഃ ക്ഷീരഃ ക്ഷിപ്രസിദ്ധിപ്രദഃ സദാ .
ജ്ഞാനോ ജ്ഞാനപ്രദോ ജ്ഞേയോ ജ്ഞാനാതീതോ ജ്ഞപോ ജ്ഞയഃ .. 57..

ജ്ഞാനരൂപോ ജ്ഞാനഗമ്യോ ജ്ഞാനീ ജ്ഞാനവതാംവരഃ .
അജോ ഹ്യനന്തശ്ചാവ്യക്ത ആദ്യ ആനന്ദദായകഃ .. 58..

അകഥ ആത്മാ ഹ്യാനന്ദശ്ചാജേയോ ഹ്യജ ആത്മഭൂഃ .
ആദ്യരൂപോ ഹ്യരിച്ഛേത്താഽനാമയശ്ചാപ്യലൗകികഃ ..

അതിരൂപോ ഹ്യഖണ്ഡാത്മാ ചാത്മജ്ഞാനരതഃ സദാ .
ആത്മവേത്താ ഹ്യാത്മസാക്ഷീ അനാദിശ്ചാന്തരാത്മഗഃ .. 60..

ആനന്ദേശോഽവിമുക്തേശശ്ചാലർകേശോഽപ്സരേശ്വരഃ .
ആദികല്പേശ്വരോഽഗസ്ത്യശ്ചാക്രൂരേശോഽരുണേശ്വരഃ .. 61..

ഇഡാരൂപ ഇഭച്ഛേത്താ ഈശ്വരശ്ചേന്ദിരാർചിതഃ .
ഇന്ദുരിന്ദീവരശ്ചേശ ഈശാനേശ്വര ഈർഷഹാ .. 62..

ഇജ്യ ഇന്ദീവരശ്ചേഭ ഇക്ഷുരിക്ഷുരസപ്രിയഃ .
ഉമാകാന്ത ഉമാസ്വാമീ തഥോമായാഃ പ്രമോദകൃത് .. 63..

ഉർവശീവരദശ്ചൈവ ഉച്ചൈരുത്തുംഗധാരകഃ .
ഏകരൂപ ഏകസ്വാമീ ഹ്യേകാത്മാ ചൈകരൂപവാൻ .. 64..

ഐരാവത ഐസ്ഥിരാത്മാ ചൈകാരൈശ്വര്യദായകഃ .
ഓകാര ഓജസ്വാംശ്ചൈവ ഹ്യൗഖരശ്ചൗഖരാധിപഃ .. 65..

ഔഷധ്യ ഔഷധിജ്ഞാതാ ഹ്യോജോദ ഔഷധീശ്വരഃ .
അനന്തോ ഹ്യന്തകശ്ചാന്തോ ഹ്യന്ധകാസുരസൂദനഃ .. 66..

അച്യുതശ്ചാപ്രമേയാത്മാ അക്ഷരശ്ചാശ്വദായകഃ .
അരിഹന്താ ഹ്യവന്തീശശ്ചാഹിഭൂഷണഭൃത്സദാ .. 67..

അവന്തീപുരവാസീ ചാപ്യവന്തീപുരപാലകഃ .
അമരശ്ചാമരാധീശോ ഹ്യമരാരിവിഹിംസകഃ .. 68..

കാമഹാ കാമകാമശ്ച കാമദഃ കരുണാകരഃ .
കാരുണ്യഃ കമലാപൂജ്യഃ കപാലീ കലിനാശനഃ .. 69..

കാമാരികൃത്കല്ലോലഃ കാലികേശശ്ച കാലജിത് .
കപിലഃ കോടിതീർഥേശഃ കല്പാന്തഃ കാലഹാ കവിഃ .. 70..

കാലേശ്വരഃ കാലകർതാ കല്പാബ്ധിഃ കല്പവൃക്ഷകഃ .
കോടീശഃ കാമധേന്വീശഃ കുശലഃ കുശലപ്രദഃ .. 71..

കിരീടീ കുണ്ഡലീ കുന്തീ കവചീ കർപരപ്രിയഃ .
കർപൂരാഭഃ കലാദക്ഷഃ കലാജ്ഞഃ കിൽബിഷാപഹാ .. 72..

കുക്കുടേശഃ കർകടേശഃ കുലദഃ കുലപാലകഃ .
കഞ്ജാഭിലാഷീ കേദാരഃ കുങ്കുമാർചിതവിഗ്രഹഃ .. 73..

കുന്ദപുഷ്പപ്രിയഃ കഞ്ജഃ കാമാരിഃ കാമദാഹകഃ .
കൃഷ്ണരൂപഃ കൃപാരൂപശ്ചാഥ കൃഷ്ണാർചിതാംഘ്രികഃ .. 74..

കുണ്ഡഃ കുണ്ഡേശ്വരഃ കാണ്വഃ കേശവൈഃ പരിപൂജിതഃ .
കാമേശ്വരഃ കലാനാഥഃ കണ്ഠേശഃ കുങ്കുമേശ്വരഃ .. 75..

കന്ഥഡേശഃ കപാലേശഃ കായാവരോഹണേശ്വരഃ .
കരഭേശഃ കുടുംബേശഃ കർകേശഃ കൗശലേശ്വരഃ .. 76..

കോശദഃ കോശഭൃത് കോശഃ കൗശേയഃ കൗശികപ്രിയഃ .
ഖചരഃ ഖചരാധീശഃ ഖചരേശഃ ഖരാന്തകഃ .. 77..

ഖേചരൈഃ പൂജിതപദഃ ഖേചരീസേവകപ്രിയഃ .
ഖണ്ഡേശ്വരഃ ഖഡ്ഗരൂപഃ ഖഡ്ഗഗ്രാഹീ ഖഗേശ്വരഃ .. 78..

ഖേടഃ ഖേടപ്രിയഃ ഖണ്ഡഃ ഖണ്ഡപാലഃ ഖലാന്തകഃ .
ഖാണ്ഡവഃ ഖാണ്ഡവാധീശഃ ഖഡ്ഗതാസംഗമസ്ഥിതഃ .. 79..

ഗിരിശോ ഗിരിജാധീശോ ഗജാരിത്വഗ്വിഭൂഷിതഃ .
ഗൗതമോ ഗിരിരാജശ്ച ഗംഗാധരോ ഗുണാകരഃ .. 80..

ഗൗതമീതടവാസീ ച ഗാലവോ ഗോപതീശ്വരഃ .
ഗോകർണോ ഗോപതിർഗർവോ മജാരിർഗരുഡപ്രിയഃ .. 81..

ഗംഗാമൗലിർഗുണഗ്രാഹീ ഗാരുഡീവിദ്യയാ യുതഃ .
ഗുരോർഗുരുർഗജാരാതിർഗോപാലോ ഗോമതീപ്രിയഃ .. 82..

ഗുണദോ ഗുണകർതാ ച ഗണേശോ ഗണപൂജിതഃ .
ഗണകോ ഗൗരവോ ഗർഗോ ഗന്ധർവേണ പ്രപൂജിതഃ .. 83..

ഗോരക്ഷോ ഗുർവിണീത്രാതാ ഗേഹോ ഗേഹപ്രദായകഃ .
ഗീതാധ്യായീ ഗയാധീശോ ഗോപതിർഗീതമോഹിതഃ .. 84..

ഗിരാതീതോ ഗുണാതീതോ ഗഡഃഗേശോ ഗുഹ്യകേശ്വരഃ .
ഗ്രഹോ ഗ്രഹപതിർഗമ്യോ ഗ്രഹപീഡാനിവാരണഃ .. 85..

ഘടനാദിർഘനാധാരോ ഘനേശ്വരോ ഘനാകരഃ .
ഘുശ്മേശ്വരോ ഘനാകാരോ ഘനരൂപോ ഘനാഗ്രണീഃ .. 86..

ഘണ്ടേവരോ ഘടാധീശോ ഘർഘരോ ഘസ്മരാപഹാ .
ഘുഷ്മേശോ ഘോഷകൃദ്ഘോഷീ ഘോഷാഘോഷോ ഘനധ്വനിഃ .. 87..

ഘൃതപ്രിയോ ഘൃതാബ്ധീശോ ഘണ്ടോ ഘണ്ടഘടോത്കചഃ .
ഘടോത്കചായ വരദോ ഘടജന്മാ ഘടേശ്വരഃ .. 88..

ഘകാരോ ങകൃതോ ങശ്ച ങകാരോ ങകൃതാംഗജഃ .
ചരാചരശ്ചിദാനന്ദശ്ചിന്മയശ്ചന്ദ്രശേഖരഃ .. 89..

ചന്ദ്രേശ്വരശ്ചാമരേശശ്ചാമരേണ വിഭൂഷിതഃ .
ചാമരശ്ചാമരാധീശശ്ചരാചരപതിശ്ചിരഃ .. 90..

ചമത്കൃതശ്ചന്ദ്രവർണശ്ചർമഭൃച്ചർമ ചാമരീ .
ചാണക്യശ്ചർമധാരീ ച ചിരചാമരദായകഃ .. 91..

ച്യവനേശശ്ചരുശ്ചാരുശ്ചന്ദ്രാദിത്യേശ്വരാഭിധഃ .
ചന്ദ്രഭാഗാപ്രിയശ്ചണ്ഡശ്ചാമരൈഃ പരിവീജിതഃ .. 92..

ഛത്രേശ്വരശ്ഛത്രധാരീ ഛത്രദശ്ഛലഹാ ഛലീ .
ഛത്രേശശ്ഛത്രകൃച്ഛത്രീ ഛന്ദവിച്ഛന്ദദായകഃ .. 93..

ജഗന്നാഥോ ജനാധാരോ ജഗദീശോ ജനാർദനഃ .
ജാഹ്നവീധൃഗ്ജഗത്കർതാ ജഗന്മയോ ജനാധിപഃ .. 94..

ജീവോ ജീവപ്രദാതാ ച ജേതാഽഥോ ജീവനപ്രദഃ .
ജംഗമശ്ച ജഗദ്ധാതാ ജഗത്കേനപ്രപൂജിതഃ .. 95..

ജടാധരോ ജടാജൂടീ ജടിലോ ജലരൂപധൃക് .
ജാലന്ധരശിരശ്ഛേത്താ ജലജാംഘ്രിർജഗത്പതിഃ .. 96..

ജനത്രാതാ ജഗന്നിധിർജടേശ്വരോ ജലേശ്വരഃ .
ഝർഝരോ ഝരണാകാരീ ഝൂഞ്ഝകൃത് ഝൂഝഹാ ഝരഃ .. 97..

ഞകാരശ്ച ഞമുവാസീ ഞജനപ്രിയകാരകഃ .
ടകാരശ്ച ഠകാരശ്ച ഡാമരോ ഡമരുപ്രിയഃ .. 98..

ഡണ്ഡധൃഗ്ഡമരുഹസ്തോ ഡാകിഹൃഡ്ഡമകേശ്വരഃ .
ഢുണ്ഢോ ഢുണ്ഢേശ്വരോ ഢക്കോ ഢക്കാനാദപ്രിയഃ സദാ .. 99..

ണകാരോ ണസ്വരൂപശ്ച ണുണോണിണോണകാരണഃ .
തന്ത്രജ്ഞസ്ത്ര്യംബകസ്തന്ത്രീതുംബുരുസ്തുലസീപ്രിയഃ .. 100..

തൂണീരധൃക് തദാകാരസ്താണ്ഡവീ താണ്ഡവേശ്വരഃ .
തത്ത്വജ്ഞസ്തത്ത്വരൂപശ്ച താത്ത്വികസ്തരവിപ്രഭഃ .. 101..

ത്രിനേത്രസ്തരുണസ്തത്ത്വസ്തകാരസ്തലവാസകൃത് .
തേജസ്വീ തേജോരൂപീ ച തേജഃപുഞ്ജപ്രകാശകഃ .. 102..

താന്ത്രികസ്തന്ത്രകർതാ ച തന്ത്രവിദ്യാപ്രകാശകഃ .
താമ്രരൂപസ്തദാകാരസ്തത്ത്വദസ്തരണിപ്രിയഃ .. 103..

താന്ത്രേയസ്തമോഹാ തന്വീ താമസസ്താമസാപഹാ .
താമ്രസ്താമ്രപ്രദാതാ ച താമ്രവർണസ്തരുപ്രിയഃ .. 104..

തപസ്വീ താപസീ തേജസ്തേജോരൂപസ്തലപ്രിയഃ .
തിലസ്തിലപ്രദാതാ ച തൂലസ്തൂലപ്രദായകഃ .. 105..

താപീശസ്താമ്രപർണീശസ്തിലകസ്ത്രാണകാരകഃ .
ത്രിപുരഘ്നസ്ത്രയാതീതസ്ത്രിലോചനസ്ത്രിലോകപഃ .. 106..

ത്രിവിഷ്ടപേശ്വരസ്തേജസ്ത്രിപുരസ്ത്രിപുരദാഹകഃ .
തീർഥസ്താരാപതിസ്ത്രാതാ താഡികേശസ്തഡിജ്ജവഃ .. 107..

ഥകാരശ്ച സ്ഥുലാകാരഃ സ്ഥൂലഃ സ്ഥവിരഃ സ്ഥാനദഃ .
സ്ഥാണുഃ സ്ഥായീ സ്ഥാവരേശഃ സ്ഥംഭഃ സ്ഥാവരപീഡഹാ .. 108..

സ്ഥൂലരൂപസ്ഥിതേഃ കർതാ സ്ഥൂലദുഃഖവിനാശനഃ .
ഥന്ദിലസ്ഥദലഃ സ്ഥാല്യഃ സ്ഥലകൃത് സ്ഥലഭൃത് സ്ഥലീ .. 109..

സ്ഥലേശ്വരഃ സ്ഥലാകാരഃ സ്ഥലാഗ്രജഃ സ്ഥലേശ്വരഃ .
ദക്ഷോ ദക്ഷഹരോ ദ്രവ്യോ ദുന്ദുഭിർവരദായകഃ .. 110..

ദേവോ ദേവാഗ്രജോ ദാനോ ദാനവാരിർദിനേശ്വരഃ .
ദേവകൃദ്ദേവഭൃദ്ദാതാ ദയാരൂപീ ദിവസ്പതിഃ .. 111..

ദാമോദരോ ദലാധാരോ ദുഗ്ധസ്നായീ ദധിപ്രിയഃ .
ദേവരാജോ ദിവാനാഥോ ദേവജ്ഞോ ദേവതാപ്രിയഃ .. 112..

ദേവദേവോ ദാനരൂപോ ദൂർവാദലപ്രിയഃ സദാ .
ദിഗ്വാസാ ദരഭോ ദന്തോ ദരിദ്രഘ്നോ ദിഗംബരഃ .. 113..

ദീനബന്ധുർദുരാരാധ്യോ ദുരന്തോ ദുഷ്ടദർപഹാ .
ദക്ഷഘ്നോ ദക്ഷഹന്താ ച ദക്ഷജാമാത ദേവജിത് .. 114..

ദ്വന്ദ്വഹാ ദുഃഖഹാ ദോഗ്ധാ ദുർധരോ ദുർധരേശ്വരഃ .
ദാനാപ്തോ ദാനഭൃദ്ദീപ്തദീപ്തിർദിവ്യോ ദിവാകരഃ .. 115..

ദംഭഹാ ദംഭകൃദ്ദംഭീ ദക്ഷജാപതിർദീപ്തിമാൻ .
ധന്വീ ധനുർധരോ ധീരോ ധാന്യകൃദ്ധാന്യദായകഃ .. 116..

ധർമാധർമഭൃതോ ധന്യോ ധർമമൂർതിർധനേശ്വരഃ .
ധനദോ ധൂർജടിർധാന്യോ ധാമദോ ധാർമികോ ധനീ .. 117..

ധർമരാജോ ധനാധാരോ ധരാധരോ ധരാപതിഃ .
ധനുർവിദ്യാധരോ ധൂർതോ ധൂലിധൂസരവിഗ്രഹഃ .. 118..

ധനുഷോ ധനുഷാകാരോ ധനുർധരഭൃതാംവരഃ .
ധരാനാഥോ ധരാധീശോ ധനേശോ ധനദാഗ്രജഃ .. 119..

ധർമഭൃദ്ധർമസന്ത്രാതാ ധർമരക്ഷോ ധനാകരഃ .
നർമദോ നർമദാജാതോ നർമദേശോ നൃപേശ്വരഃ .. 120..

നാഗഭൃന്നാഗലോകേശോ നാഗഭൂഷണഭൂഷിതഃ .
നാഗയജ്ഞോപവീതേയോ നഗോ നാഗാരിപൂജിതഃ .. 121..

നാന്യോ നരവരോ നേമോ നൂപുരോ നൂപുരേശ്വരഃ .
നാഗചണ്ഡേശ്വരോ നാഗോ നഗനാഥോ നഗേശ്വരഃ .. 122..

നീലഗംഗാപ്രിയോ നാദോ നവനാഥോ നഗാധിപഃ .
പൃഥുകേശഃ പ്രയാഗേശഃ പത്തനേശഃ പരാശരഃ .. 123..

പുഷ്പദന്തേശ്വരഃ പുഷ്പഃ പിംഗലേശ്വരപൂർവജഃ .
പിശാചേശഃ പന്നഗേശഃ പശുപതീശ്വരഃ പ്രിയഃ .. 124..

പാർവതീപൂജിതഃ പ്രാണഃ പ്രാണേശഃ പാപനാശനഃ .
പാർവതീപ്രാണനാഥശ്ച പ്രാണഭൃത് പ്രാണജീവനഃ .. 125..

പുരാണപുരുഷഃ പ്രാജ്ഞഃ പ്രേമജ്ഞഃ പാർവതീപതിഃ .
പുഷ്കരഃ പുഷ്കരാധീശഃ പാത്രഃ പാത്രൈഃ പ്രപൂജിതഃ .. 126..

പുത്രദഃ പുണ്യദഃ പൂർണഃ പാടാംബരവിഭൂഷിതഃ .
പദ്മാക്ഷഃ പദ്മസ്രഗ്ധാരീ പദ്മേന പരിശോഭിതഃ .. 127..

ഫണിഭൃത് ഫണിനാഥശ്ച ഫേനികാഭക്ഷകാരകഃ .
സ്ഫടികഃ ഫർശുധാരീ ച സ്ഫടികാഭോ ഫലപ്രദഃ .. 128..

ബദ്രീശോ ബലരൂപശ്ച ബഹുഭോജീ ബടുർബടുഃ .
ബാലഖില്യാർചിതോ ബാലോ ബ്രഹ്മേശോ ബ്രാഹ്മണാർചിതഃ .. 129..

ബ്രാഹ്മണോ ബ്രഹ്മഹാ ബ്രഹ്മാ ബ്രഹ്മജ്ഞോ ബ്രാഹ്മണപ്രിയഃ .
ബ്രാഹ്മണസ്ഥോ ബ്രഹ്മരൂപോ ബ്രാഹ്മണപരിപാലകഃ .. 130..

ബ്രഹ്മമൂർതിർബ്രഹ്മസ്വാമീ ബ്രാഹ്മണൈഃ പരിശോഭിതഃ .
ബ്രാഹ്മണാരിഹരോ ബ്രഹ്മ ബ്രാഹ്മണാസ്യൈഃ പ്രതർപിതഃ .. 131..

ഭൂതേശോ ഭൂതനാഥശ്ച ഭസ്മാംഗോ ഭീമവിക്രമഃ .
ഭീമോ ഭവഹരോ ഭവ്യോ ഭൈരവോ ഭയഭഞ്ജനഃ .. 132..

ഭൂതിദോ ഭുവനാധാരോ ഭുവനേശോ ഭൃഗുർഭവഃ .
ഭാരതീശോ ഭുജംഗേശോ ഭാസ്കരോ ഭിന്ദിപാലധൃക് .. 133..

ഭൂതോ ഭയഹരോ ഭാനുർഭാവനോ ഭവനാശനഃ .
സഹസ്രനാമഭിശ്ചൈതൈർമഹാകാലഃ പ്രസീദതു .. 134..

അഥ മഹാകാലസഹസ്രനാമമാഹാത്മ്യം .
സൂത ഉവാച -
ഇതീദം കീർതിതം തേഭ്യോ മഹാകാലസഹസ്രകം .
പഠനാത് ശ്രവണാത് സദ്യോ ധൂതപാപോ ഭവേന്നരഃ .. 135..

ഏകവാരം പഠേന്നിത്യം സർവസത്യം പ്രജായതേ .
ദ്വിവാരം യഃ പഠേത് സത്യം തസ്യ വശ്യം ഭവേജ്ജഗത് .. 136..

ത്രിവാരം പഠനാന്മർത്യോ ധനധാന്യയുതോ ഭവേത് .
അതഃ സ്ഥാനവിശേഷസ്യേദാനീം പാഠഫലം ശൃണു .. 137..

  വടമൂലേ -
വടമൂലേ പഠേന്നിത്യമേകാകീ മനുജോ യദി .
ത്രിവാരഞ്ച ദിനത്രിംശത്സിദ്ധിർഭവതി സർവഥാ .. 138..

  മനോരഥസിദ്ധൗ -
അശ്വത്ഥേ തുലസീമൂലേ തീർഥേ വാ ഹരിഹരാലയേ .
ശുചിർഭൂത്വാ പഠേദ്യോ ഹി മനസാ ചിന്തിതം ലഭേത് .. 139..

  സിദ്ധിദതീർഥേ -
യത്ര തീർഥോഽസ്തി ചാശ്വത്ഥോ വടോ വാ ദ്വിജസത്തമ!
സ തീർഥഃ സിദ്ധിദഃ സർവപാഠകസ്യ ന സംശയഃ .. 140..

തത്രൈകാഗ്രമനാ ഭൂത്വാ യഃ പഠേച്ഛുഭമാനസഃ .
യം യം കാമമഭിധ്യായേത്തം തം പ്രാപ്നോതി നിശ്ചിതം .. 141..

മനസാ ചിന്തിതം സർവം മഹാകാലപ്രസാദതഃ .
ലഭതേ സകലാൻ കാമാൻ പഠനാച്ഛ്രവണാന്നരഃ .. 142..

  ശതാവർതപാഠഫലം -
ശതാവർതം പഠേദ്യത്ര ചിന്തിതം ലഭതേ ധ്രുവം .
ദുഃസാധ്യഃ സോഽപി സാധ്യഃ സ്യാദ്ദിനാന്യേകോനവീംശതേഃ .. 143..

  മഹാശിവരാത്രൗ പാഠഫലം .
ശിവരാത്രിദിനേ മർത്യ ഉപവാസീ ജിതേന്ദ്രിയഃ .
നിശാമധ്യേ ശതാവർതപഠനാച്ചിന്തിതം ലഭേത് .. 144..

സഹസ്രാവർതനം തത്ര തീർഥേ ഹ്യശ്വത്ഥസന്നിധൗ .
പഠനാദ്ഭുക്തിർമുക്തിശ്ച ഭവതീഹ കലൗ യുഗേ .. 145..

തദ്ദശാംശഃ ക്രിയാദ്ധോമം തദ്ദശാംശം ച തർപണം .
ദശാംശം മാർജയേന്മർത്യഃ സർവസിദ്ധിഃ പ്രജായതേ .. 146..

ഗതം രാജ്യമവാപ്നോതി വന്ധ്യാ പുത്രവതീ ഭവേത് .
കുഷ്ഠരോഗാഃ പ്രണശ്യന്തി ദിവ്യദേഹോ ഭവേന്നരഃ .. 147..

സഹസ്രാവർതപാഠേന മഹാകാലപ്രിയോ നരഃ .
മഹാകാലപ്രസാദേന സർവസിദ്ധിഃ പ്രജായതേ .. 148..

ശാപാനുഗ്രഹസാമർഥ്യം ഭവതീഹ കലൗ യുഗേ .
സത്യം സത്യം ന സന്ദേഹഃ സത്യഞ്ച ഗദിതം മമ .. 149..

അവന്തികാസ്ഥിതതീർഥേഷു പാഠഫലം .
  കോടിതീർഥേ -
കോടിതീർഥേ പഠേദ്വിപ്ര! മഹാകാലഃ പ്രസീദതി .
  രുദ്രസരോവരേ -
പാഠാച്ച രുദ്രസരസി കുഷ്ഠപീഡാ നിവർതതേ .. 150..

  സിദ്ധപീഠേ -
സിദ്ധപീഠേ പഠേദ്യോ ഹി തസ്യ വശ്യം ഭവേജ്ജഗത് .
  ശിപ്രാകൂലേ -
ശിപ്രാകൂലേ പഠേത്പ്രാജ്ഞോ ധനധാന്യയുതോ ഭവേത് .. 151..

കാലത്രയം പഠേദ്യശ്ച ശത്രുനിർമൂലനം ഭവേത് .
  ഭൈരവാലയേ -
അപമൃത്യുമപാകുര്യാത് പഠനാദ്ഭൈരവാലയേ .. 152..

  സിദ്ധവടസ്യാധഃ -
സിദ്ധവടസ്യ ച്ഛായായാം പഠതേ മനുജോ യദി .
വന്ധ്യായാം ജായതേ പുത്രശ്ചിരഞ്ജീവീ ന സംശയഃ .. 153..

  ഔഖരേ -
ഔഖരേ പഠനാത് സദ്യോ ഭൂതപീഡാ നിവർതതേ .
  ഗയാകൂപേ -
ഗയാകൂപേ പഠേദ്യോ ഹി തുഷ്ടാഃ സ്യുഃ പിതരസ്തതഃ .. 154..

  ഗോമത്യാം -
ഗോമത്യാഞ്ച പഠേന്നിത്യം വിഷ്ണുലോകമവാപ്നുയാത് .
  അങ്കപാതേ -
അങ്കപാതേ പഠേദ്യോ ഹി ധൂതപാപഃ പ്രമുച്യതേ .. 155..

ഖഡ്ഗതാസംഗമേ -
ഖഡ്ഗതാസംഗമേ സദ്യഃ ഖഡ്ഗസിദ്ധിമവാപ്നുയാത് .
  യമതഡാഗേ -
പഠേദ്യമതഡാഗേ യോ യമദുഃഖം ന പശ്യതി .. 156..

നവനദ്യാം -
നവനദ്യാം പഠേദ്യോ ഹി ഋദ്ധിസിദ്ധിപതിർഭവേത് .
  യോഗിനീപുരതഃ -
യോഗിനീപുരതഃ പാഠം മഹാമാരീഭയം ന ഹി .. 157..

  വൃദ്ധകാലേശ്വരാന്തികേ -
പുത്രപൗത്രയുതോ മർത്യോ വൃദ്ധകാലേശ്വരാന്തികേ .
പാഠസ്ഥാനേ ഘൃതം ദീപം നിത്യം ബ്രാഹ്മണഭോജനം .. 158..

ഏകാദശാഥവാ പഞ്ച ത്രയോ വാഽപ്യേകബ്രാഹ്മണഃ .
ഭോജനം ച യഥാസാധ്യം ദദ്യാത് സിദ്ധിസമുത്സുകഃ .. 159..

വിധിവദ്ഭക്തിമാൻ ശ്രദ്ധായുക്തോ ഭക്തഃ സദൈവ ഹി .
പഠൻ യജൻ സ്മരഁശ്ചൈവ ജപൻ വാപി യഥാമതി .
മഹാകാലസ്യ കൃപയാ സകലം ഭദ്രമാപ്നുയാത് .. 160..

ഇതി ശ്രീപ്രകൃഷ്ടനന്ദോക്താഗമേ ശ്രീകൃഷ്ണസുദാമ്നഃ സംവാദേ
മഹാകാലസഹസ്രനാമസ്തോത്രം സമ്പൂർണം .

.. ഓം നമോ നമഃ .. ശിവാർപണമസ്തു .