SRI MATHANGI SAHASRANAMA STHOTHRAM

 

 ശ്രീമാതംഗീസഹസ്രനാമസ്തോത്രം 

അഥ മാതംഗീസഹസ്രനാമസ്തോത്രം

ഈശ്വര ഉവാച

ശൃണു ദേവി പ്രവക്ഷ്യാമി സാമ്പ്രതന്തത്ത്വതഃ പരം .
നാമ്നാം സഹസ്രമ്പരമം സുമുഖ്യാഃ സിദ്ധയേ ഹിതം ..

സഹസ്രനാമപാഠീ യഃ സർവത്ര വിജയീ ഭവേത് .
പരാഭവോ ന തസ്യാസ്തി സഭായാവ്വാ മഹാരണേ ..

യഥാ തുഷ്ടാ ഭവേദ്ദേവീ സുമുഖീ ചാസ്യ പാഠതഃ .
തഥാ ഭവതി ദേവേശി സാധകഃ ശിവ ഏവ സഃ ..

അശ്വമേധസഹസ്രാണി വാജപേയസ്യ കോടയഃ .
സകൃത്പാഠേന ജായന്തേ പ്രസന്നാ സുമുഖീ ഭവേത് ..

മതംഗോഽസ്യ ഋഷിശ്ഛന്ദോഽനുഷ്ടുബ്ദേവീ സമീരിതാ .
സുമുഖീ വിനിയോഗഃ സ്യാത്സർവസമ്പത്തിഹേതവേ ..

ഏവന്ധ്യാത്വാ പഠേദേതദ്യദീച്ഛേത്സിദ്ധിമാത്മനഃ .

ദേവീം ഷോഡശവാർഷികീം ശവഗതാമ്മാധ്വീരസാഘൂർണിതാം
ശ്യാമാംഗീമരുണാംബരാമ്പൃഥുകുചാംഗുഞ്ജാവലീശോഭിതാം .

ഹസ്താഭ്യാന്ദധതീങ്കപാലമമലന്തീക്ഷ്ണാന്തഥാ
കർത്ത്രികാന്ധ്യായേന്മാനസപങ്കജേ ഭഗവതീമുച്ഛിഷ്ടചാണ്ഡാലിനീം ..

ഓം സുമുഖീ ശേമുഷീസേവ്യാ സുരസാ ശശിശേഖരാ .
സമാനാസ്യാ സാധനീ ച സമസ്തസുരസന്മുഖീ ..

സർവസമ്പത്തിജനനീ സമ്മദാ സിന്ധുസേവിനീ .
ശംഭുസീമന്തിനീ സൗമ്യാ സമാരാധ്യാ സുധാരസാ ..

സാരംഗാ സവലീ വേലാലാവണ്യവനമാലിനീ .
വനജാക്ഷീ വനചരീ വനീ വനവിനോദിനീ ..

വേഗിനീ വേഗദാ വേഗാ ബഗലസ്ഥാ ബലാധികാ .
കാലീ കാലപ്രിയാ കേലീ കമലാ കാലകാമിനീ ..

കമലാ കമലസ്ഥാ ച കമലസ്ഥാകലാവതീ .
കുലീനാ കുടിലാ കാന്താ കോകിലാ കലഭാഷിണീ ..

കീരാകേലികരാ കാലീ കപാലിന്യപി കാലികാ .
കേശിനീ ച കുശാവർത്താ കൗശാംഭീ കേശവപ്രിയാ ..

കാലീ കാശീ മഹാകാലസങ്കാശാ കേശദായിനീ .
കുണ്ഡലാ ച കുലസ്ഥാ ച കുണ്ഡലാംഗദമണ്ഡിതാ ..

കുണ്ഡപദ്മാ കുമുദിനീ കുമുദപ്രീതിവർദ്ധിനീ .
കുണ്ഡപ്രിയാ കുണ്ഡരുചിഃ കുരംഗനയനാ കുലാ ..

കുന്ദബിംബാലിനദനീ കുസുംഭകുസുമാകരാ .
കാഞ്ചീ കനകശോഭാഢ്യാ ക്വണത്കിങ്കിണികാകടിഃ ..

കഠോരകരണാ കാഷ്ഠാ കൗമുദീ കണ്ഡവത്യപി .
കപർദ്ദിനീ കപടിനീ കഠിനീ കലകണ്ഡിനീ ..

കീരഹസ്താ കുമാരീ ച കുരൂഢകുസുമപ്രിയാ .
കുഞ്ജരസ്ഥാ കുജരതാ കുംഭീ കുംഭസ്തനീ കലാ ..

കുംഭീകാംഗാ കരഭോരൂഃ കദലീ കുശശായിനീ .
കുപിതാ കോടരസ്ഥാ ച കങ്കാലീ കന്ദലാലയാ ..

കപാലവാസിനീ കേശീ കമ്പമാനശിരോരുഹാ .
കദംബരീ കദംബസ്ഥാ കുങ്കുമപ്രേമധാരിണീ ..

കുടുംബിനീ കൃപായുക്താ ക്രതുഃ ക്രതുകരപ്രിയാ .
കാത്യായനീ കൃത്തികാ ച കാർത്തികീ കുശവർത്തിനീ ..

കാമപത്നീ കാമദാത്രീ കാമേശീ കാമവന്ദിതാ .
കാമരൂപാ കാമരതിഃ കാമാഖ്യാ ജ്ഞാനമോഹിനീ ..

ഖഡ്ഗിനീ ഖേചരീ ഖഞ്ജാ ഖഞ്ജരീടേക്ഷണാ ഖഗാ .
ഖരഗാ ഖരനാദാ ച ഖരസ്ഥാ ഖേലനപ്രിയാ ..

ഖരാംശുഃ ഖേലനീ ഖട്വാഖരാഖട്വാംഗധാരിണീ.
ഖരഖണ്ഡിന്യപി ഖ്യാതിഃ ഖണ്ഡിതാ ഖണ്ഡനപ്രിയാ ..

ഖണ്ഡപ്രിയാ ഖണ്ഡഖാദ്യാ ഖണ്ഢസിന്ധുശ്ച ഖണ്ഡിനീ .
ഗംഗാ ഗോദാവരീ ഗൗരീ ഗോതമ്യപി ച ഗൗതമീ ..

ഗംഗാ ഗയാ ഗഗനഗാ ഗാരുഡീ ഗരുഡധ്വജാ .
ഗീതാ ഗീതപ്രിയാ ഗേയാ ഗുണപ്രീതിർഗ്ഗുരുർഗിരീ .

ഗൗർഗൗരീ ഗണ്ഡസദനാ ഗോകുലാ ഗോഃപ്രതാരിണീ .
ഗോപ്താ ഗോവിന്ദിനീ ഗൂഢാ ഗൂഢവിഗ്രസ്തഗുഞ്ജിനീ ..

ഗജഗാ ഗോപിനീ ഗോപീ ഗോക്ഷാജയപ്രിയാ ഗണാ .
ഗിരിഭൂപാലദുഹിതാ ഗോഗാ ഗോകുലവാസിനീ ..

ഘനസ്തനീ ഘനരുചിർഗ്ഘനോരുഗ്ഘനനിസ്സ്വനാ .
ഘുങ്കാരിണീ ഘുക്ഷകരീ ഘൂഘൂകപരിവാരിതാ ..

ഘണ്ടാനാദപ്രിയാ ഘണ്ടാ ഘോടാ ഘോടകവാഹിനീ .
ഘോരരൂപാ ച ഘോരാ ച ഘൃതപ്രീതിർഗ്ഘൃതാഞ്ജനീ ..

ഘൃതാചീ ഘൃതവൃഷ്ടിശ്ച ഘണ്ടാ ഘടഘടാവൃതാ .
ഘടസ്ഥാ ഘടനാ ഘാതകരീ ഘാതനിവാരിണീ ..

ചഞ്ചരീകീ ചകോരീ ച ച ചാമുണ്ഡാ ചീരധാരിണീ .
ചാതുരീ ചപലാ ചഞ്ചുശ്ചിതാ ചിന്താമണിസ്ഥിതാ ..

ചാതുർവർണ്യമയീ ചഞ്ചുശ്ചോരാചാര്യാ ചമത്കൃതിഃ .
ചക്രവർതിവധൂശ്ചിത്രാ ചക്രാംഗീ ചക്രമോദിനീ ..

ചേതശ്ചരീ ചിത്തവൃത്തിശ്ചേതനാ ചേതനപ്രിയാ .
ചാപിനീ ചമ്പകപ്രീതിശ്ചണ്ഡാ ചണ്ഡാലവാസിനീ ..

ചിരഞ്ജീവിനീ തച്ചിന്താ ചിഞ്ചാമൂലനിവാസിനീ .
ഛൂരികാ ഛത്രമധ്യസ്ഥാ ഛിന്ദാ ഛിന്ദകരീ ഛിദാ ..

ഛുച്ഛുന്ദരീ ഛലപ്രീതിശ്ഛുച്ഛുന്ദരനിഭസ്വനാ .
ഛലിനീ ഛത്രദാ ഛിന്നാ ഛിണ്ടിച്ഛേദകരീ ഛടാ ..

ഛദ്മിനീ ഛാന്ദസീ ഛായാ ഛരൂ ഛന്ദാകരീത്യപി .
ജയദാ ജയദാ ജാതീ ജായിനീ ജാമലാ ജതുഃ ..

ജംബൂപ്രിയാ ജീവനസ്ഥാ ജംഗമാ ജംഗമപ്രിയാ .
ജവാപുഷ്പപ്രിയാ ജപ്യാ ജഗജ്ജീവാ ജഗജ്ജനിഃ ..

ജഗജ്ജന്തുപ്രധാനാ ച ജഗജ്ജീവപരാജവാ .
ജാതിപ്രിയാ ജീവനസ്ഥാ ജീമൂതസദൃശീരുചിഃ ..

ജന്യാ ജനഹിതാ ജായാ ജന്മഭൂർജ്ജംഭസീ ജഭൂഃ .
ജയദാ ജഗദാവാസാ ജായിനീ ജ്വരകൃച്ഛ്രജിത് ..

ജപാ ച ജപതീ ജപ്യാ ജപാഹാ ജായിനീ ജനാ .
ജാലന്ധരമയീജാനുർജ്ജാലൗകാ ജാപ്യഭൂഷണാ ..

ജഗജ്ജീവമയീജീവാ ജരത്കാരുർജ്ജനപ്രിയാ .
ജഗതീ ജനനിരതാ ജഗച്ഛോഭാകരീ ജവാ ..

ജഗതീത്രാണകൃജ്ജംഘാ ജാതീഫലവിനോദിനീ .
ജാതീപുഷ്പപ്രിയാ ജ്വാലാ ജാതിഹാ ജാതിരൂപിണീ ..

ജീമൂതവാഹനരുചിർജ്ജീമൂതാ ജീർണവസ്ത്രകൃത് .
ജീർണവസ്ത്രധരാ ജീർണാ ജ്വലതീ ജാലനാശിനീ ..

ജഗത്ക്ഷോഭകരീ ജാതിർജ്ജഗത്ക്ഷോഭവിനാശിനീ .
ജനാപവാദാ ജീവാ ച ജനനീഗൃഹവാസിനീ ..

ജനാനുരാഗാ ജാനുസ്ഥാ ജലവാസാ ജലാർത്തികൃത് .
ജലജാ ജലവേലാ ച ജലചക്രനിവാസിനീ ..

ജലമുക്താ ജലാരോഹാ ജലജാ ജലജേക്ഷണാ .
ജലപ്രിയാ ജലൗകാ ച ജലാംശോഭവതീ തഥാ ..

ജലവിസ്ഫൂർജ്ജിതവപുർജ്ജ്വലത്പാവകശോഭിനീ .
ഝിഞ്ഝാ ഝില്ലമയീ ഝിഞ്ഝാഝണത്കാരകരീ ജയാ ..

ഝഞ്ഝീ ഝമ്പകരീ ഝമ്പാ ഝമ്പത്രാസനിവാരിണീ .
ടങ്കാരസ്ഥാ ടങ്കകരീ ടങ്കാരകരണാംഹസാ ..

ടങ്കാരോട്ടകൃതഷ്ഠീവാ ഡിണ്ഡീരവസനാവൃതാ .
ഡാകിനീ ഡാമിരീ ചൈവ ഡിണ്ഡിമധ്വനിനാദിനീ ..

ഡകാരനിസ്സ്വനരുചിസ്തപിനീ താപിനീ തഥാ .
തരുണീ തുന്ദിലാ തുന്ദാ താമസീ ച തമഃ പ്രിയാ ..

താമ്രാ താമ്രവതീ തന്തുസ്തുന്ദിലാ തുലസംഭവാ .
തുലാകോടിസുവേഗാ ച തുല്യകാമാ തുലാശ്രയാ ..

തുദിനീ തുനിനീ തുംബാ തുല്യകാലാ തുലാശ്രയാ .
തുമുലാ തുലജാ തുല്യാ തുലാദാനകരീ തഥാ ..

തുല്യവേഗാ തുല്യഗതിസ്തുലാകോടിനിനാദിനീ .
താമ്രോഷ്ഠാ താമ്രപർണീ ച തമഃസങ്ക്ഷോഭകാരിണീ ..

ത്വരിതാ ജ്വരഹാ തീരാ താരകേശീ തമാലിനീ .
തമോദാനവതീ താമതാലസ്ഥാനവതീ തമീ .

താമസീ ച തമിസ്രാ ച തീവ്രാ തീവ്രപരാക്രമാ .
തടസ്ഥാ തിലതൈലാക്താ തരുണീ തപനദ്യുതിഃ ..

തിലോത്തമാ ച തിലകൃത്താരകാധീശശേഖരാ .
തിലപുഷ്പപ്രിയാ താരാ താരകേശീ കുടുംബിനീ ..

സ്ഥാണുപത്നീ സ്ഥിരകരീ സ്ഥൂലസമ്പദ്വിവർദ്ധിനീ .
സ്ഥിതിഃ സ്ഥൈര്യസ്ഥവിഷ്ഠാ ച സ്ഥപതിഃ സ്ഥൂലവിഗ്രഹാ ..

സ്ഥൂലസ്ഥലവതീ സ്ഥാലീ സ്ഥലസംഗവിവർദ്ധിനീ .
ദണ്ഡിനീ ദന്തിനീ ദാമാ ദരിദ്രാ ദീനവത്സലാ ..

ദേവാ ദേവവധൂർദ്ദിത്യാ ദാമിനീ ദേവഭൂഷണാ .
ദയാ ദമവതീ ദീനവത്സലാ ദാഡിമസ്തനീ ..

ദേവമൂർത്തികരാ ദൈത്യാദാരിണീ ദേവതാനതാ .
ദോലാക്രീഡാ ദയാലുശ്ച ദമ്പതീ ദേവതാമയീ ..

ദശാദീപസ്ഥിതാ ദോഷാദോഷഹാ ദോഷകാരിണീ .
ദുർഗാ ദുർഗാർതിശമനീ ദുർഗമ്യാ ദുർഗവാസിനീ .

ദുർഗന്ധനാശിനീ ദുസ്സ്ഥാ ദുഃഖപ്രശമകാരിണീ .
ദുർഗ്ഗന്ധാ ദുന്ദുഭീധ്വാന്താ ദൂരസ്ഥാ ദൂരവാസിനീ ..

ദരദാമരദാത്രീ ച ദുർവ്വ്യാധദയിതാ ദമീ .
ധുരന്ധരാ ധുരീണാ ച ധൗരേയീ ധനദായിനീ ..

ധീരാരവാ ധരിത്രീ ച ധർമദാ ധീരമാനസാ .
ധനുർദ്ധരാ ച ധമനീ ധമനീധൂർത്തവിഗ്രഹാ ..

ധൂമ്രവർണാ ധൂമ്രപാനാ ധൂമലാ ധൂമമോദിനീ .
നന്ദിനീ നന്ദിനീനന്ദാ നന്ദിനീഇനന്ദബാലികാ ..

നവീനാ നർമദാ നർമനേമിർന്നിയമനിസ്സ്വനാ .
നിർമലാ നിഗമാധാരാ നിമ്നഗാ നഗ്നകാമിനീ ..

നീലാ നിരത്നാ നിർവാണാ നിർല്ലോഭാ നിർഗുണാ നതിഃ .
നീലഗ്രീവാ നിരീഹാ ച നിരഞ്ജനജമാനവാ ..

നിർഗുണ്ഡികാ ച നിർഗുണ്ഡാ നിർന്നാസാ നാസികാഭിധാ .
പതാകിനീ പതാകാ ച പത്രപ്രീതിഃ പയസ്വിനീ ..

പീനാ പീനസ്തനീ പത്നീ പവനാശീ നിശാമയീ .
പരാപരപരാകാലീ പാരകൃത്യഭുജപ്രിയാ ..

പവനസ്ഥാ ച പവനാ പവനപ്രീതിവർദ്ധിനീ .
പശുവൃദ്ധികരീ പുഷ്പീ പോഷകാ പുഷ്ടിവർദ്ധിനീ ..

പുഷ്പിണീ പുസ്തകകരാ പൂർണിമാതലവാസിനീ .
പേശീ പാശകരീ പാശാ പാംശുഹാ പാംശുലാ പശുഃ ..

പടുഃ പരാശാ പരശുധാരിണീ പാശിനീ തഥാ .
പാപഘ്നീ പതിപത്നീ ച പതിതാ പതിതാപതീ ..

പിശാചീ ച പിശാചഘ്നീ പിശിതാശനതോഷിണീ .
പാനദാ പാനപാത്രീ ച പാനദാനകരോദ്യതാ ..

പേയാപ്രസിദ്ധാ പീയൂഷാ പൂർണാ പൂർണമനോരഥാ .
പതംഗാഭാ പതംഗാ ച പൗനഃപുന്യപിബാപരാ ..

പങ്കിലാ പങ്കമഗ്നാ ച പാനീയാ പഞ്ജരസ്ഥിതാ .
പഞ്ചമീ പഞ്ചയജ്ഞാ ച പഞ്ചതാ പഞ്ചമാപ്രിയാ ..

പിചുമന്ദാ പുണ്ഡരീകാ പികീ പിംഗലലോചനാ .
പ്രിയംഗുമഞ്ജരീ പിണ്ഡീ പണ്ഡിതാ പാണ്ഡുരപ്രഭാ ..

പ്രേതാസനാ പ്രിയാലസ്ഥാ പാണ്ഡുഘ്നീ പീനസാപഹാ .
ഫലിനീ ഫലദാത്രീ ച ഫലശ്രീഃ ഫലഭൂഷണാ ..

ഫൂത്കാരകാരിണീ രഫാരീ ഫുല്ലാ ഫുല്ലാംബുജാനനാ .
സ്ഫുലിംഗഹാ സ്ഫീതമതിഃ സ്ഫീതകീർത്തികരീ തഥാ ..

ബാലമായാ ബലാരാതിർബ്ബലിനീ ബലവർദ്ധിനീ .
വേണുവാദ്യാ വനചരീ വിരഞ്ചിജനയത്യപി ..

വിദ്യാപ്രദാ മഹാവിദ്യാ ബോധിനീ ബോധദായിനീ .
ബുദ്ധമാതാ ച ബുദ്ധാ ച വനമാലാവതീ വരാ ..

വരദാ വാരുണീ വീണാ വീണാവാദനതത്പരാ .
വിനോദിനീ വിനോദസ്ഥാ വൈഷ്ണവീ വിഷ്ണുവല്ലഭാ ..

വൈദ്യാ വൈദ്യചികിത്സാ ച വിവശാ വിശ്വവിശ്രുതാ .
വിദ്യൗഘവിഹ്വലാ വേലാ വിത്തദാ വിഗതജ്വരാ ..

വിരാവാ വിവരീകാരാ ബിംബോഷ്ഠീ ബിംബവത്സലാ .
വിന്ധ്യസ്ഥാ പരവന്ദ്യാ ച വീരസ്ഥാനവരാ ച വിത് ..

വേദാന്തവേദ്യാ വിജയാ വിജയാവിജയപ്രദാ .
വിരോഗീ വന്ദിനീ വന്ധ്യാ വന്ദ്യബന്ധനിവാരിണീ ..

ഭഗിനീ ഭഗമാലാ ച ഭവാനീ ഭവനാശിനീ .
ഭീമാ ഭീമാനനാ ഭീമാഭംഗുരാ ഭീമദർശനാ ..

ഭില്ലീ ഭില്ലധരാ ഭീരുർബ്ഭരുണ്ഡാഭീ ഭയാവഹാ .
ഭഗസർപിണ്യപി ഭഗാ ഭഗരൂപാ ഭഗാലയാ ..

ഭഗാസനാ ഭവാഭോഗാ ഭേരീഝങ്കാരരഞ്ജിതാ .
ഭീഷണാ ഭീഷണാരാവാ വഭഗത്യഹിഭൂഷണാ ..

ഭാരദ്വാജാ ഭോഗദാത്രീ ഭൂതിഘ്നീ ഭൂതിഭൂഷണാ .
ഭൂമിദാഭൂമിദാത്രീ ച ഭൂപതിർബ്ഭരദായിനീ ..

ഭ്രമരീ ഭ്രാമരീ ഭാലാ ഭൂപാലകുലസംസ്ഥിതാ .
മാതാ മനോഹരാ മായാ മാനിനീ മോഹിനീ മഹീ ..

മഹാലക്ഷ്മീർമദക്ഷീബാ മദിരാ മദിരാലയാ .
മദോദ്ധതാ മതംഗസ്ഥാ മാധവീ മധുമർദ്ദിനീ ..

മോദാ മോദകരീ മേധാ മേധ്യാമധ്യാധിപസ്ഥിതാ .
മദ്യപാ മാംസലോഭസ്ഥാ മോദിനീ മൈഥുനോദ്യതാ ..

മൂർദ്ധാവതീ മഹാമായാ മായാ മഹിമമന്ദിരാ .
മഹാമാലാ മഹാവിദ്യാ മഹാമാരീ മഹേശ്വരീ ..

മഹാദേവവധൂമാന്യാ മഥുരാ മേരുമണ്ഡിതാ .
മേദസ്വിനീ മിലിന്ദാക്ഷീ മഹിഷാസുരമർദ്ദിനീ ..

മണ്ഡലസ്ഥാ ഭഗസ്ഥാ ച മദിരാരാഗഗർവിതാ .
മോക്ഷദാ മുണ്ഡമാലാ ച മാലാ മാലാവിലാസിനീ ..

മാതംഗിനീ ച മാതംഗീ മാതംഗതനയാപി ച .
മധുസ്രവാ മധുരസാ ബന്ധൂകകുസുമപ്രിയാ ..

യാമിനീ യാമിനീനാഥഭൂഷാ യാവകരഞ്ജിതാ .
യവാങ്കുരപ്രിയാ യാമാ യവനീ യവനാർദിനീ ..

യമഘ്നീ യമകല്പാ ച യജമാനസ്വരൂപിണീ .
യജ്ഞാ യജ്ഞയജുര്യക്ഷീ യശോനിഃ കമ്പകാകാരിണീ ..

യക്ഷിണീ യക്ഷജനനീ യശോദായാസധാരിണീ .
യശസ്സൂത്രപ്രദാ യാമാ യജ്ഞകർമകരീത്യപി ..

യശസ്വിനീ യകാരസ്ഥാ ഭൂയസ്തംഭനിവാസിനീ .
രഞ്ജിതാ രാജപത്നീ ച രമാ രേഖാ രവീ രണാ ..

രജോവതീ രജശ്ചിത്രാ രഞ്ജനീ രജനീപതിഃ .
രോഗിണീ രജനീ രാജ്ഞാ രാജ്യദാ രാജ്യവർദ്ധിനീ ..

രാജന്വതീ രാജനീതിസ്തഥാ രജതവാസിനീ .
രമണീരമണീയാ ച രാമാ രാമാവതീ രതിഃ .

രേതോ രതീ രതോത്സാഹാ രോഗഘ്നീ രോഗകാരിണീ .
രംഗാ രംഗവതീ രാഗാ രാഗാ രാഗജ്ഞാ രാഗകൃദ്ദയാ ..

രാമികാ രജകീ രേവാ രജനീ രംഗലോചനാ .
രക്തചർമധരാ രംഗീ രംഗസ്ഥാ രംഗവാഹിനീ ..

രമാ രംഭാഫലപ്രീതീ രംഭോരൂ രാഘവപ്രിയാ .
രംഗാ രംഗാംഗമധുരാ രോദസീ ച മഹാരവാ ..

രോധകൃദ്രോഗഹന്ത്രീ ച രൂപഭൃദ്രോഗസ്രാവിണീ .
ബന്ദീ വന്ദിസ്തുതാ ബന്ധുർബന്ധൂകകുസുമാധരാ ..

വന്ദിതാ വന്ദ്യമാനാ ച വൈദ്രാവീ വേദവിദ്വിധാ .
വികോപാ വികപാലാ ച വിങ്കസ്ഥാ വിങ്കവത്സലാ ..

വേദൈർവിലഗ്നലഗ്നാ ച വിധിവിങ്കകരീ വിധാ .
ശംഖിനീ ശംഖവലയാ ശംഖമാലാവതീ ശമീ ..

ശംഖപാത്രാ ശിനീ ശംഖസ്വനശംഖഗലാ ശശീ .
ശബരീ ശംബരീ ശംഭുഃ ശംഭുകേശാ ശരാസിനീ ..

ശവാ ശ്യേനവതീ ശ്യാമാ ശ്യാമാംഗീ ശ്യാമലോചനാ .
ശ്മശാനസ്ഥാ ശ്മശാനാ ച ശ്മശാനസ്ഥാനഭൂഷണാ ..

ശമദാ ശമഹന്ത്രീ ച ശംഖിനീ ശംഖരോഷരാ .
ശാന്തിശ്ശാന്തിപ്രദാ ശേഷാ ശേഷാഖ്യാ ശേഷശായിനീ ..

ശേമുഷീ ശോഷിണീ ശേഷാ ശൗര്യാ ശൗര്യശരാ ശരീ .
ശാപദാ ശാപഹാ ശാപാശാപപന്ഥാ സദാശിവാ ..

ശൃംഗിണീ ശൃംഗിപലഭുക് ശങ്കരീ ശാങ്കരീ ശിവാ .
ശവസ്ഥാ ശവഭുക് ശാന്താ ശവകർണാ ശവോദരീ ..

ശാവിനീ ശവശിംശാശ്രീഃ ശവാ ച ശമശായിനീ .
ശവകുണ്ഡലിനീ ശൈവാശീകരാ ശിശിരാശിനാ ..

ശവകാഞ്ചീ ശവശ്രീകാ ശബമാലാ ശവാകൃതിഃ .
സവന്തീ സങ്കുചാ ശക്തിശ്ശന്തനുശ്ശവദായിനീ ..

സിന്ധുസ്സരസ്വതീ സിന്ധുസ്സുന്ദരീ സുന്ദരാനനാ .
സാധുഃ സിദ്ധിപ്രദാത്രീ ച സിദ്ധാ സിദ്ധസരസ്വതീ ..

സന്തതിസ്സമ്പദാ സംവച്ഛങ്കിസമ്പത്തിദായിനീ .
സപത്നീ സരസാ സാരാ സാരസ്വതകരീ സുധാ ..

സുരാസമാംസാശനാ ച സമാരാധ്യാ സമസ്തദാ .
സമധീസ്സാമദാ സീമാ സമ്മോഹാ സമദർശനാ ..

സാമതിസ്സാമധാ സീമാ സാവിത്രീ സവിധാ സതീ .
സവനാ സവനാസാരാ സവരാ സാവരാ സമീ ..

സിമരാ സതതാ സാധ്വീ സധ്രീചീ സസഹായിനീ .
ഹംസീ ഹംസഗതിഹംസീ ഹംസോജ്ജ്വലനിചോലയുക് ..

ഹലിനീ ഹാലിനീ ഹാലാ ഹലശ്രീർഹരവല്ലഭാ .
ഹലാ ഹലവതീ ഹ്യേഷാ ഹേലാ ഹർഷവിവർദ്ധിനീ ..

ഹന്തിർഹന്താ ഹയാഹാഹാഹതാഹന്താതികാരിണീ .
ഹങ്കാരീ ഹങ്കൃതിർഹങ്കാ ഹീഹീഹാഹാഹിതാഹിതാ ..

ഹീതിർഹേമപ്രദാ ഹാരാരാവിണീ ഹരിരസമ്മതാ .
ഹോരാ ഹോത്രീ ഹോലികാ ച ഹോമാ ഹോമഹവിർഹവിഃ ..

ഹരിണീ ഹരിണീനേത്രാ ഹിമാചലനിവാസിനീ .
ലംബോദരീ ലംബകർണാ ലംബികാ ലംബവിഗ്രഹാ ..

ലീലാ ലീലാവതീ ലോലാ ലലനാ ലലിതാ ലതാ .
ലലാമലോചനാ ലോഭ്യാ ലോലാക്ഷീ സത്കുലാലയാ ..

ലപത്നീ ലപതീ ലമ്പാ ലോപാമുദ്രാ ലലന്തികാ .
ലതികാ ലംഘിനീ ലംഘാ ലാലിമാ ലഘുമധ്യമാ ..

ലഘീയസീ ലഘൂദര്യാ ലൂതാ ലൂതാവിനാശിനീ .
ലോമശാ ലോമലംബീ ച ലുലന്തീ ച ലുലുമ്പതീ ..

ലുലായസ്ഥാ ബലഹരീ ലങ്കാപുരപുരന്ദരാ .
ലക്ഷ്മീർല്ലക്ഷ്മീപ്രദാ ലഭ്യാ ലാക്ഷാക്ഷീ ലുലിതപ്രഭാ ..

ക്ഷണാ ക്ഷണക്ഷുക്ഷുക്ഷിണീ ക്ഷമാക്ഷാന്തിഃ ക്ഷമാവതീ .
ക്ഷാമാ ക്ഷാമോദരീ ക്ഷേമ്യാ ക്ഷൗമഭൃത്ക്ഷത്രിയാംഗണാ ..

ക്ഷയാ ക്ഷായാകരീ ക്ഷീരാ ക്ഷീരദാ ക്ഷീരസാഗരാ .
ക്ഷേമങ്കരീ ക്ഷയകരീ ക്ഷയകൃത്ക്ഷണദാ ക്ഷതിഃ ..

ക്ഷുദ്രികാ ക്ഷുദ്രികാക്ഷുദ്രാ ക്ഷുത്ക്ഷമാ ക്ഷീണപാതകാ .
മാതുഃ സഹസ്രനാമേദം സുമുഖ്യാസ്സിദ്ധിദായകം ..

യഃ പഠേത്പ്രയതോ നിത്യം സ ഏവ സ്യാന്മഹേശ്വരഃ .
അനാചാരാത്പഠേന്നിത്യന്ദരിദ്രോ ധനവാൻഭവേത് ..

മൂകസ്സ്യാദ്വാക്പതിർദേവി രോഗീ നീരോഗതാവ്വ്രജേത് .
പുത്രാർത്ഥീ പുത്രമാപ്നോതി ത്രിഷു ലോകേഷു വിശ്രുതം ..

വന്ധ്യാപി സൂയതേ പുത്രവ്വിദുഷസ്സദൃശംഗുരോഃ .
സത്യഞ്ച ബഹുധാ ഭൂയാദ്ഗാവശ്ച ബഹുദുഗ്ധദാഃ ..

രാജാനഃ പാദനമ്രാസ്സ്യുസ്തസ്യ ഹാസാ ഇവ സ്ഫുടാഃ .
അരയസ്സങ്ക്ഷയയ്യാന്തി മാനസാ സംസ്മൃതാ അപി ..

ദർശനാദേവ ജായന്തേ നരാ നാര്യോഽപി തദ്വശാഃ .
കർത്താ ഹർത്താ സ്വയവീരോ ജായതേ നാത്ര സംശയഃ ..

യയ്യങ്കാമയതേ കാമന്തന്തമാപ്നോതി നിശ്ചിതം .
ദുരിതന്ന ച തസ്യാസ്തി നാസ്തി ശോകഃ കഥഞ്ചന ..

ചതുഷ്പഥേഽർദ്ധരാത്രേ ച യഃ പഠേത്സാധകോത്തമഃ .
ഏകാകീ നിർബ്ഭയോ വീരോ ദശാവർത്തസ്തവോത്തമം ..

മനസാ ചിന്തിതങ്കാര്യം തസ്യ സിദ്ധിർന്ന സംശയഃ .
വിനാ സഹസ്രനാമ്നായ്യോ ജപേന്മന്ത്രങ്കദാചന ..

ന സിദ്ധിർജ്ജായതേ തസ്യ മന്ത്രങ്കല്പശതൈരപി .
കുജവാരേ ശ്മശാനേ വാ മധ്യാഹ്നേ യോ ജപേത്സദാ ..

കൃതകൃത്യസ്സ ജായേത കർത്താ ഹർത്താ നൃണാമിഹ .
രോഗാർത്തോഽർദ്ധനിശായായ്യഃ പഠേദാസനസംസ്ഥിതഃ ..

സദ്യോ നീരോഗതാമേതി യദി സ്യാന്നിർബ്ഭയസ്തദാ .
അർദ്ധരാത്രേ ശ്മശാനേ വാ ശനിവാരേ ജപേന്മനും .
അഷ്ടോത്തരസഹസ്രന്തു ദശവാരഞ്ജപേത്തതഃ .
സഹസ്രനാമ ചൈതദ്ധി തദാ യാതി സ്വയം ശിവാ ..

മഹാപവനരൂപേണ ഘോരഗോമായുനാദിനീ .
തതോ യദി ന ഭീതിഃ സ്യാത്തദാ ദേഹീതിവാഗ്ഭവേത് ..

തദാ പശുബലിന്ദദ്യാത്സ്വയം ഗൃഹ്ണാതി ചണ്ഡികാ .
യഥേഷ്ടഞ്ച വരന്ദത്ത്വാ പ്രയാതി സുമുഖീ ശിവാ ..

രോചനാഗുരുകസ്തൂരീകർപ്പൂരൈശ്ച സചന്ദനൈഃ .
കുങ്കുമേന ദിനേ ശ്രേഷ്ഠേ ലിഖിത്വാ ഭൂർജ്ജപത്രകേ ..

ശുഭനക്ഷത്രയോഗേ ച കൃതമാരുതസക്രിയഃ .
കൃത്വാ സമ്പാതനവിധിന്ധാരയേദ്ദക്ഷിണേ കരേ ..

സഹസ്രനാമ സ്വർണസ്ഥങ്കണ്ഠേ വാ വിജിതേന്ദ്രിയഃ .
തദായമ്പ്രണമേന്മന്ത്രീ ക്രുദ്ധസ്സ മ്രിയതേ നരഃ ..

ദുഷ്ടശ്വാപദജന്തൂനാന്ന ഭീഃ കുത്രാപി ജായതേ .
ബാലകാനാമിയം രക്ഷാ ഗർബ്ഭിണീനാമപി പ്രിയേ ..

മോഹനസ്തംഭനാകർഷ-മാരണോച്ചാടനാനി ച .
യന്ത്രധാരണതോ നൂനഞ്ജായന്തേ സാധകസ്യ തു ..

നീലവസ്ത്രേ വിലിഖിതേ ധ്വജായായ്യദി തിഷ്ഠതി .
തദാ നഷ്ടാ ഭവത്യേവ പ്രചണ്ഡാപ്യരിവാഹിനീ ..

ഏതജ്ജപ്തമ്മഹാഭസ്മ ലലാടേ യദി ധാരയേത് .
തദ്വിലോകന ഏവ സ്യുഃ പ്രാണിനസ്തസ്യ കിങ്കരാഃ ..

രാജപത്ന്യോഽപി വിവശാഃ കിമന്യാഃ പുരയോഷിതഃ .
ഏതജ്ജപ്തമ്പിബേത്തോയമ്മാസേന സ്യാന്മഹാകവിഃ ..

പണ്ഡിതശ്ച മഹാവാദീ ജായതേ നാത്ര സംശയഃ .
അയുതഞ്ച പഠേത്സ്തോത്രമ്പുരശ്ചരണസിദ്ധയേ ..

ദശാംശങ്കമലൈർഹുത്വാ ത്രിമധ്വാക്തൈർവിധാനതഃ .
സ്വയമായാതി കമലാ വാണ്യാ സഹ തദാലയേ ..

മന്ത്രോ നിഃകീലതാമേതി സുമുഖീ സുമുഖീ ഭവേത് .
അനന്തഞ്ച ഭവേത്പുണ്യമപുണ്യഞ്ച ക്ഷയവ്വ്രജേത് ..

പുഷ്കരാദിഷു തീർത്ഥേഷു സ്നാനതോ യത്ഫലംഭവേത് .
തത്ഫലല്ലഭതേ ജന്തുഃ സുമുഖ്യാഃ സ്തോത്രപാഠതഃ ..

ഏതദുക്തം രഹസ്യന്തേ സ്വസർവസ്വവ്വരാനനേ .
ന പ്രകാശ്യന്ത്വയാ ദേവി യദി സിദ്ധിഞ്ച വിന്ദസി ..

പ്രകാശനാദസിദ്ധിസ്സ്യാത്കുപിതാ സുമുഖീ ഭവേത് .
നാതഃ പരതരോ ലോകേ സിദ്ധിദഃ പ്രാണിനാമിഹ ..

വന്ദേ ശ്രീസുമുഖീമ്പ്രസന്നവദനാമ്പൂർണേന്ദുബിംബാനനാം
സിന്ദൂരാങ്കിതമസ്തകാമ്മധുമദോല്ലോലാഞ്ച മുക്താവലീം .
ശ്യാമാങ്കഞ്ജലികാകരാങ്കരഗതഞ്ചാധ്യാപയന്തീം
ശുകംഗുഞ്ജാപുഞ്ജവിഭൂഷണാം സകരുണാമാമുക്തവേണീലതാം ..

ഇതി ശ്രീനന്ദ്യാവർത്തതന്ത്രേ ഉത്തരഖണ്ഡേ മാതംഗീസഹസ്രനാമസ്തോത്രം
സമ്പൂർണം ..