SRI RADHA SAHASRANAMA STHOTHRAM (RUDRAYAMALA TANTRA)

 

 രാധാസഹസ്രനാമസ്തോത്രം 2 
ശ്രീശിവ ഉവാച -
അഥാതഃ സമ്പ്രവക്ഷ്യാമി രാധാനാമസഹസ്രകം .
ശൃണുനാരദ ഭദ്രം തേ ഗോപനീയം പ്രയത്നതഃ .. 1..

പ്രാതഃ സായം നിശീഥേവാ പഠിതവ്യം മുമുക്ഷുഭിഃ .
ത്രിരാചമ്യ ശുചിർഭൂത്വാ യോ ജപേത്സുസമാഹിതഃ .. 2..

സവൈഷ്ണവോ വിശുദ്ധാത്മാ ജായതേ നാത്ര സംശയഃ .
ബഹു കിം പഠനാദസ്യ ഭവേദ്വിഷ്ണുസമഃ പുമാൻ .. 3..

മാസൈകപഠനാദസ്യ ഭവേത്സർവാർഥസിദ്ധിദഃ .
മാസദ്വയേന ദേവർഷേ ഭവേദ്വൈ വൈഷ്ണവോത്തമഃ .. 4..

സോഽമ്ബരീഷഃ സ പ്രഹ്ലാദ ഉദ്ധവഃ സ യുധിഷ്ഠിരഃ .
സഭീഷ്മ അർജുനശ്ചൈവ സ്തവരാജം പഠേത്തു യഃ .. 5..

അഥ കിം ബഹുനോക്തേന വർണനേന പുനഃ പുനഃ .
യദ്യദിഷ്ടതമം ലോകേ തത്തദാപ്നോതി സാധകഃ .. 6..

രഹസ്യം കഥയാമ്യദ്യ യദ്വൈ നാമസഹസ്രകം .
ഇദമേവ പുരാ പൃഷ്ടഃ കൃഷ്ണ ഉദ്ധവമൂചിവാൻ .. 7..

അഥ സ്തോത്രം .
ഓം ശ്രീരാധാരാധികാഽഽരാധ്യാ രാധാകൃഷ്ണശിവാദിഭിഃ .
ഗോപികാ ഗോപരാജ്ഞീ ച ഗോപാനന്ദവിധായിനീ .. 8..

ഗോപപൂജ്യാ ഗോപഹൃഷ്ടാ ഗോപഗോപീഭിരാവൃതാ .
ഗോപാഹ്ലാദകരീ ഗോപീ ഗോപാഗോപശിവങ്കരീ .. 9..

സുന്ദരീ സുന്ദരാകാരാ സുന്ദരോത്തമവന്ദിതാ .
സുന്ദരാനന്ദസംഹൃഷ്ടാ സുന്ദരീ ബഹുഭാവിനീ .. 10..

സൗന്ദര്യനിലയാരാമാഭിരാമാ ബഹുമാനിതാ .
ശ്യാമാ ശ്യാമപ്രിയാഽശ്യാമാ ശ്യാമാഭിവന്ദിതാ നവാ .. 11..

ലലിതാ ലലിതാചാരാ ലലിതാചാരശാലിനീ .
കൃഷ്ണാ കൃഷ്ണകൃപാകർത്രീ കൃഷ്ണാനന്ദപരായണാ .. 12..

കൃഷ്ണപ്രിയാ കൃഷ്ണപൂജ്യാ കൃഷ്ണാകർഷണകാരിണീ .
കൃഷ്ണാരാധ്യാ കൃഷ്ണവന്ദ്യാ കൃത്സ്നവർത്മനിബുദ്ധിദാ .. 13..

കൃഷ്ണപൂജനസർവസ്വാ കൃഷ്ണദർശനതത്പരാ .
ശ്രീകൃഷ്ണപദസർവസ്വാ കൃഷ്ണകൃഷ്ണേതിവാദിനീ .. 14..

ശ്രീകൃഷ്ണകാന്തസക്താ ച കൃഷ്ണപ്രേമവിവർദ്ധിനീ .. 15..

വിശേഷാ ച വിശേഷജ്ഞാ ബല്ലവീ വല്ലഭാർചിതാ .
ബല്ലവീനാഞ്ചഹാർദജ്ഞാ ബല്ലവീനാംസുഖാവഹാ .. 16..

രാസമണ്ഡലമധ്യസ്ഥാ രാസകേലികലോത്സുകാ .
ശ്രീകൃഷ്ണാലിംഗിതഭുജാ രാസക്രീഡാഭിനന്ദിനീ .. 17..

വൃഷഭാനുസുതാരാധാ വൃഷഭാനുസുഖപ്രദാ .
വൃഷഭാനുസുതാദേവീ കീർത്യാനന്ദപ്രദായിനീ .. 18..

വൃഷഭാനുസുതാ തന്വീ വൃഷഭാനോഃ കുലധ്വജാ .
സർവാഗമപ്രിയാ സർവാചാരതത്പരമാനസാ .. 19..

പ്രജാസഞ്ജീവനീ ജീവനൗഷധീം പരമാമൃതാ .
പ്രജാസേവ്യാ പ്രജാവന്ദ്യാ വ്രജമാനുഷമുക്തിദാ .. 20..

സൗദാമിനീ ദാമപ്രിയാ തപോയുക്താ തപോനിധിഃ .
താപസീഗീതഗുണകാ താപസാനാം ഗതിപ്രിയാ .. 21..

തപഃ കർത്രീ തപോയുക്താ തപോമൂർതിസ്തപോമയീ .
തപസാം സിദ്ധിദാ സിദ്ധാ സിദ്ധാചാരവിചാരിണീ .. 22..

സിദ്ധാഗമാ ച സിദ്ധാഖ്യാ സിദ്ധിദാത്രീ സുഖാവഹാ .
സുഖദാസുഖസംഹൃഷ്ടാ സുഖാകാരാസുഖാലയാ .. 23..

സഖിഭിഃ സേവിതാസേവ്യാ സേവകാനാം ശിവങ്കരീ .
സേവികാസേവിതപദാ സേവകാർപിതമാനസാ .. 24..

മനോവേഗാ മനോരൂപാ മനോഗതിവിഡംബിനീ .
മനസഃപ്രേരികാ മായാ മായാമയവിനാശിനീ .. 25..

മോക്ഷദാ മോക്ഷമാർഗജ്ഞാ മോക്ഷമാർഗപ്രകാശിനീ .
മോക്ഷരൂപാ മോക്ഷഗൃഹാ കർത്രീ മോക്ഷസ്യ ജാഹ്നവീ .. 26..

ജഹ്നുകന്യാ ജലാവാസാ ജലാധീശാ ജലപ്രിയാ .
സമുദ്രഗാ വിഹംഗാച ഗംഗാ ശിവശിരഃ സ്ഥിതാ .. 27..

ശിവരൂപാ ശിവകരീ ശിവഹൃദ്യാ ശിവംവദാ .
ശിവപ്രിയാ ശിവഗതിഃ ശിവമാർഗരതിപ്രദാ .. 28..

ശിവാചാരപ്രിയാ ഗുർവീ ഗുപ്തിർഗുപ്തഗതിർനൃണാം .
ഗുപ്താ ഗുപ്തതരാ ഗോപ്യാ ഗോപ്യവിദ്ഭിഃ സമർചിതാ .. 29..

ഗുപ്താലയാ ഗുപ്തരൂപാ ഗുപ്തമാർഗപ്രവർതികാ .
ലക്ഷ്മീഹ്രീശ്രീദയാമൂർതിസ്തുഷ്ടിഃ പുഷ്ടിഃ സ്തുതിഃ പ്രഭാ .. 30..

ക്ഷമാ മേധാ സുധാ വിദ്യാ ശുദ്ധിർബുദ്ധിധൃതിർഗതിഃ .
പ്രചണ്ഡചണ്ഡമുണ്ഡഘ്നീ രക്തബീജവിനാശിനീ .. 31..

മഥുരാ ദ്വാരകാ കാഞ്ചീ മാഹിഷ്മത്യഥ കൗശികീ .
അയോധ്യാ കർണികാ കാശീവാസിനീ കർമവർദ്ധിനീ .. 32..

ശാന്താ ശാന്തികരീ പുഷ്ടാ ശാന്തവിജ്ഞാനദായികാ .
ശാന്തിരൂപാസദാ സാംഗാ സാംഗോപാംഗഗതിപ്രിയാ .. 33..

മനോഹരാ മനോജ്ഞാച മനോവൃത്തിപ്രകാശിനീ .
മനഃകാന്തിഭ്രമകരീ ഭ്രാമരീ ഭ്രമകാരികാ .. 34..

ജഗദ്ഭ്രമണധാരാച ജഗതോ മുക്തികാരിണീ .
ജഗന്മാതാ ജഗദ്ധാത്രീ ജഗജ്ജീവനജീവികാ .. 35..

ജഗന്മൂർതിർജഗദ്ദേഹാ ജഗതാം ജീവനൗഷധീ .
ജഗതാം ബുദ്ധിസന്ദാത്രീ ജഗതാം ബുദ്ധിഹാരിണീ .. 36..

മായാ മുദ്രാ മഹാവിദ്യാ മഹായോഗീശ്വരീ മഹീ .
യോഗയുക്താ യോഗവിദ്യാ യോഗാംഗായോഗവല്ലഭാ .. 37..

യോഗവിദ്യേശ്വരീ യോഗ്യായുക്താഹാരാസുഖാന്വിതാ .
യോഗൈകസാധ്യാ യോഗാദ്യാ യോഗക്ഷേമപ്രവാഹികാ .. 38..

വൃന്ദാവനപ്രിയാ വൃന്ദാവൃന്ദാവനവിഹാരിണീ .
വൃന്ദാവനകൃതാലാസ്യാ വൃന്ദാവനവരാർചിതാ .. 39..

വൃന്ദാവനസ്ഥജന്തൂനാം സർവതോഭദ്രകാരിണീ .
വൃന്ദാവനരസോത്കണ്ഠാ വൃന്ദാവനകൃതാലയാ .. 40..

വൃന്ദാവനപ്രഭാവജ്ഞാ വൃന്ദാവനസുപൂജിതാ .
വേണുവാദരതാ വേണുനാദിനീ കലഭാഷിണീ .. 41..

വേഷ്ണവീ വിഷ്ണുനിരതാ വിഷ്ണുമായാവസുന്ധരാ .
വസുദാ വസുകൃദ്രാമാ വിഷ്ണുവാമാംഗവാസിനീ .. 42..

വിഷ്ണുഭക്തൈഃ സദാ സേവ്യാ വിഷ്ണുഭക്തഹിതൈഷിണീ .
വിഷ്ണുവിദ്യാ വിഷ്ണുരൂപാ വിശ്വജ്ഞാ ച വിവേകിനീ .. 43..

വിവേകദായികാ സാധ്വീ സമ്യക്സാധുജനാർചിതാ .
സമ്യഗ്ജ്ഞാനപരാ സമ്യക് സമ്യഗ്വിദ്യാവിശാരദാ .. 44..

സാരദാ ശാരദാ സാധ്യാ ശരത്പൂർണനിഭാനനാ .
ശരാഹ്വയാ സദാഹ്ലാദകാരിണീ ജയദാ മതാ .. 45..

മാതാ മാതാമഹീ മന്ത്രാ മൂർതിർവന്ദ്യാ പിതാമഹീ .
അർഥൈശ്വര്യകരീ പ്രജ്ഞാ ബ്രാഹ്മീനാരായണീ ദയാ .. 46..

പുണ്യാപുണ്യവിധാനജ്ഞാ പുണ്യദേവദ്വിജാർചിതാ .
പുണ്യമൂർതിഃ പുണ്യദേഹാ പുണ്യഗ്രാമനിവാസിനീ .. 47..

ഗോകുലസ്യ പ്രിയാ ദേവീ ഗോകുലേ സർവനർമദാ .
ഗോകുലാചാരസർവജ്ഞാ ഗോകുലസ്യ സുഖാർഥിനീ .. 48..

ഗോകുലീയൈഃ സദാ ധ്യേയാ ഗോകുലായ ഗതിപ്രദാ .
ഗോകുലാചാരവിദുഷീ ഗോകുലാചാരവർണിനീ .. 49..

സുരാരിദമനീ ദിവ്യാ സുരവൃന്ദവിനാശിനീ .
ദുഷ്ടദാനവസംഹത്രീം കംസചാണൂരമർദിനീ .. 50..

കുമാരീ കുലജാ കുന്തീ കുലസ്ത്രീ കുലപാലികാ .
പാഞ്ചാലീ ദ്രൗപദീ സീതാ താരാ ശൈബ്യാഽഥ രുക്മിണീ .. 51..

സത്യഭാമാ തഥാ സത്യാ സത്യധർമപരായണാ .
ബൃഹതീച തഥാ സ്ഥൂലാ സൂക്ഷ്മാ ഹ്രസ്വാച ദീർഘികാ .. 52..

യശോദാദേവകീ ചിത്തിരന്തഃസംലഗ്നമാനസാ .
രോഹിണീ കുബ്ജികാ ഗുർവീ കിശോരീ ഷോഡശാബ്ദികാ .. 53..

ചിത്രിണീ ചിത്രഭാവജ്ഞാ ചിത്രകർമകരീ സദാ .
വിചിത്രാഭരണാനന്ദവ്രജസൗഭാഗ്യവർദ്ധിനീ .. 54..

നന്ദസ്തുതാ നന്ദപ്രിയാ നന്ദാനന്ദകരീ മഹീ .
നന്ദാദിഗോപൈഃ പ്രണതാ നന്ദസ്മരപ്രഭാവതീ .. 55..

യമുനാകൃതസങ്ക്രീഡാ യമുനാരൂപധാരിണീ .
യമുനായാം സദാസ്നാതാ യമുനാരാമകാരിണീ .. 56..

ഗുണാഢ്യാ ഗുണദാ ഗുണ്യാ ത്രിഗുണാ ഗുണനിർവൃതാ .
ഗുണാന്വിതാ ഗുണമയീ ഗുണഗ്രാമനിവാസിനീ .. 57..

ഗോപസ്ത്രീഭിഃ പരിവൃതാ ഗോപകന്യാവിനോദിനീ .
ഗോപസ്ത്രീണാം പരാശക്തിഃ പരമാമൃതവർഷിണീ .. 58..

പരമാനന്ദസന്തുഷ്ടാ ബ്രഹ്മാനന്ദമയീശ്വരീ .
ബ്രഹ്മാനന്ദപ്രിയാ ബ്രഹ്മവാദിനീ ബ്രാഹ്മണപ്രിയാ .. 59..

സരസ്വതീ ത്രിവേണീ ച പുഷ്കരാ പുഷ്കരാലയാ .
ത്രയീമയീ സ്മൃതിമയീ വേദമാർഗവിഭൂഷണാ .. 60..

വേദമാർഗരതാവേദവേദ്യാ വിദ്വത്സുപൂജിതാ .
പുരാണഗീതഗുണികാ പുരാണവ്രതശോഭനാ .. 61..

പുരാണാതിപുരാണാംബാ പുരാണപരമാർഥദാ .
ഭൂതാ ഭൂതപ്രിയാ ഭൂതഗ്രാമപാലനമാനസാ .. 62..

ഭൂതവർഗധരാ ഭൂതപോഷണവ്രതപാലികാ .
ഭൂതാനന്ദകരീ ഭൂതമാതാ ധാത്രീ ധൃതിഃ ക്രിയാ .. 63..

ഭൂതപ്രാണപ്രിയാ ഭൂതരക്ഷികാ ഭൂതദർപഹാ .
ശർവാണീ സർവദാ സാർവീ സർവമോഹവിധായിനീ .. 64..

സർവസങ്കടസംഹർത്രീ സർവസിദ്ധിസമന്വിതാ .
സർവാധാരാ സർവമയീ സർവരൂപാ സദാനവാ .. 65..

സർവശക്തിഃ പരം ജ്യോതിഃ സർവശസ്ത്രപ്രണാശികാ .
രാഗിണീ രാഗജനനീ രാഗഭൂമിർദൃഢവ്രതാ .. 66..

രാഗവശ്യാ വീതരാഗാ സർവരാഗാനുരാഗിണീ .
ധർമദാ ധർമധാരാ ച ധനദാ ധാന്യദാ ശുചിഃ .. 67..

ഭോഗമുക്തിവ്രതാധാരാ ഭോഗമുക്തിസ്വരൂപിണീ .
പാനനീ പാവനഗുണാ പാമരാണാം ച പാവനീ .. 68..

പാവനശ്രാവിണീ ശശ്വത്പാവനശ്രവണാത്മികാ .
പാർവതീ പർവതസുതാ പർവതേഷു വിഹാരിണീ .. 69..

ശ്രീകൃഷ്ണാന്വേഷണപരാ കൃഷ്ണദർശനലാലസാ .
തത്ത്വാത്മികാ തത്ത്വഭാവാ തത്ത്വാനാം തത്ത്വവർധിനീ .. 70..

തത്ത്വാനുരാഗിണീ ബാലാ തത്ത്വാകർഷണകാരിണീ .
തത്ത്വോത്പത്തിവിധാനജ്ഞാ തത്ത്വാനാം നാശകാരിണീ .. 71..

തത്ത്വവിദ്ഭിഃ സദാ ധ്യാതാ തത്ത്വവിന്മോക്ഷദായികാ .
തത്ത്വവിദ്വിഘ്നശമനീ തത്ത്വവിദ്യാധികാരികാ .. 72..

തത്ത്വവിത്പ്രദസർവസ്വാ തത്ത്വവിത്പ്രാണരക്ഷികാ .
ശംഖിനീ ശംഖഹസ്താ ച ശംഖനാദകരീ പ്രിയാ .. 73..

ചക്രിണീ ചക്രവൃത്തിജ്ഞാ ദുഷ്ടചക്രക്ഷയങ്കരീ .
ശൂലിനീ ശൂലഹസ്താ ച ഭക്താശൂലകരീ സദാ .. 74..

ഗദനിഗദസംഹർത്രീ അഗദങ്കാരജീവിനീ .
സദാചാരരതാ സാധ്വീ സദാചാരപ്രകാശിനീ .. 75..

സദാചാരാഽസദാചാരദൂരകർത്രീ സദാർതിഹാ .
സദാചാരവിശേഷാ ച സദാചാരപ്രമാണികാ .. 76..

സങ്കേതനിരതാ ലോലാ സങ്കേതസുസമാഹിതാ .
സങ്കേതസ്വാമിനീ ശ്യാമാ സങ്കേതപ്രീതിദാ ശുഭാ .. 77..

സുസങ്കേതകൃതക്രീഡാ സങ്കേതകൃതനിശ്ചയാ .
രാമാരാമാഗതാ രാമപ്രിയാ ദുഃഖാദിഭഞ്ജികാ .. 78..

പദ്മാ പദ്മമുഖീ പദ്മവാസിനീ പദ്മഭൂഷണാ .
പദ്മാലയാ പദ്മഹസ്താ പദ്മാക്ഷീ പദ്മിനീ പുരീ .. 79..

പദ്മവർണാ പദ്മഗർഭാ പദ്മാനാമ്നീ മഹാനിധിഃ .
രുക്മാംഗപാരുക്മപർണാ രുക്മദാത്രീ ച നിർഭയാ .. 80..

രുക്മാധാരാരുക്മരുക്മാ രുക്മിണീ രുക്മപ്രീതിദാ .
കാമിനീ കാമഭൂഃ കാമ്യാ കമനീയാ കുടുംബിനീ .. 81..

കമനീയസ്വഭാവാഢ്യാ കരുണാകാരിണീ കുരുഃ .
കാമരൂപാ കാമ്യമാനാ കാമദേവകൃപാധരാ .. 82..

കാലകർത്രീ കലാ കല്യാ കലിനീ കുലഭാമിനീ .
തുലസീ ച തുലാ തന്ദ്രാ തോതലാ താരകാ ധ്വനിഃ .. 83..

തനുകാ താലവദ്ദീർഘാ താരിണീ താമസീ നവാ .
രംഭാ തിലോത്തമാ രമ്യാ രമണീയാ വസുന്ധരാ .. 84..

കോകിലാ കലനിർഹ്രാദാ കലകണ്ഠീ കലാസുധാ .
സുധാപാനമഹാനന്ദാ ശുദ്ധാചാരപരായണാ .. 85..

സുധാസമുദ്രലഹരീ സുധാസിന്ധുനിവാസിനീ .
സുധാമയീ സുധാമൂർതിഃ സുധാകാന്തിഃ സുധാഹ്വയാ .. 86..

സുധീഭിർവന്ദിതാ ശുദ്ധാ ശുദ്ധാംഗീ ശുദ്ധകർമദാ .
ശുദ്ധമാർഗരതാ ശുദ്ധകാരികാ ഭക്തവത്സലാ .. 87..

ഭക്താഗമനസാകാഝീ ഭക്തകീർതി വിധായിനീ .
സുഷുമ്നാച സുഷാമാ ച സുഷമാ പരമാ മതാ .. 88..

ഇഡാ ചേഡ്യാ മഹദ്ഭിഃ സാ സൂര്യവാഹാ സുശർമദാ .
ചന്ദ്രാദിത്യകലാ ജ്യോതിഃ സൂര്യചന്ദ്രസുകുണ്ഡലാ .. 89..

സൂര്യമണ്ഡലമധ്യസ്ഥാ ചന്ദ്രമണ്ഡലമാനിതാ .
സൂര്യാഗ്നിധാമ്നീ സർവേഷാം ധാമ്നീ ധാത്രീ ധരിത്രിണീ .. 90..

ലജ്ജാലജ്ജാവതീ ലജ്ജാപൂരിണീ ക്ലേശനാശിനീ .
നാനാരൂപധരാ നാനാവ്യാധിനാശനതത്പരാ .. 91..

നാനാഗമരഹസ്യജ്ഞാ നാനാസാധനസാധികാ .
നാനാമന്ത്രവിധാനജ്ഞാ നാനാമന്ത്രസ്വരൂപിണീ .. 92..

നാനാഭൂഷണഭൂഷാംഗീ നാനാവസ്ത്വർഥഗാമിനീ .
നാനാനാട്യകലാഭിജ്ഞാ നാനാശ്ലാഘാർഥജ്ഞാപികാ .. 93..

നാനാകർമകരീ നാനാകർമമാർഗവിധായികാ .
തീർഥനാമ്നീ ഭീതിഹരാതീർഥശ്രവണശോധിതാ .. 94..

തീർഥസ്ഥിതാലങ്കരണാ തീർഥാശ്രിതസുഖോന്മുഖീ .
നിരഞ്ജനാ നിരാലംബാ നിരാധാരാ നിരാശ്രയാ .. 95..

നിരീഹാ നിസ്പൃഹാ നാരീ നിർദ്വന്ദ്വാ നിരഹങ്കൃതിഃ .
നിർഗുണാഗുണസംയുക്താ നിർഭ്രമാ ഭ്രമവർജിതാ .. 96..

ഗരുഡാസനഗാമീയാ ഗാരുഡീ ഗരുഡാർചിതാ .
ഗരുഡസ്കന്ധസംസ്ഥാനാ ഗരുഡാർതിവിനാശിനീ .. 97..

ഭാവപൂജകസർവസ്വാ ഭാവനിന്ദകനാശിനീ .
ഭാവാനുഗാച ഭാവ്യജ്ഞാ ഭാവാഭാവസ്വരൂപിണീ .. 98..

ഭൂതാഭൂതഭവിഷ്യാദിജ്ഞാനകർത്രീ ഭവാർതിഹാ .
ചാർവംഗീ ചതുരാ ചിത്യാ ചഞ്ചലാ ചഞ്ചരീധ്വനിഃ .. 99..

ചാമുണ്ഡാ ചാരുചരണാ ചിരചാരണമോദിതാ .
വാമനീ വർതുലമുഖീ വൃത്തിർവൃത്താന്തസേവിതാ .. 100..

പ്രകൃത്തികാരിണീ പ്രാപ്തിഃ പ്രാചീ പ്രാണാശുരക്ഷിണീ .
പ്രാണപ്രതിഷ്ഠാ പ്രാകാമ്യാ പരമാണുപ്രമാണികാ .. 101..

പരമാ പരമോത്കൃഷ്ടാ പരമാണ്വീ പരാശരാ .
പരഭാഗവതൈർധ്യാതാ പരഭാഗവതാഭിധാ .. 102..

ശ്രീഭാഗവതഹാർദിക്യാ ശ്രീഭാഗവതമാനസാ .
ശ്രീഭാഗവതനിഷ്ഠാച ശ്രീഭാഗവതഭാവിതാ .. 103..

ശ്രീഭാഗവതസംവിജ്ജ്ഞാ ശ്രീഭാഗവതഭാഷിതാ .
സാവിത്രീ ശ്രീസചിദ്രൂപാസവിതുഃ സുഗതിപ്രദാ .. 104..

സവിത്രാരാധിതപദാ സച്ചിന്മണ്ഡലമണ്ഡിതാ .
കല്പാന്തസ്ഥാപിനീ കല്പകല്പിതാ കല്പനാകുലാ .. 105..

കല്പകല്പായുഷഃ കല്പകരീ കല്പപ്രഭഞ്ജികാ .
മന്വന്തരപ്രിയാ മന്വീ മന്വന്തരമനുപ്രിയാ .. 106..

ശതരൂപാ ശതഗുണാ ശതാക്ഷീ ച ശകുന്തിനീ .
സഹസ്രാക്ഷീ ദശശതഭുജാർപിതമഹായുധാ .. 107..

സഹസ്രശിരസീ മാതാസഹസ്രചരണൈര്യുതാ .
സഹസ്രദലപദ്മാന്തർബദ്ധപദ്മാസനാർചിതാ .. 108..

ഷട്കോണയന്ത്രനിലയാ ഷട്കോണസ്ഥാപിതപ്രഭാ .
ത്രികോണഗൃഹമധ്യസ്ഥാ ത്രികോണേ പൂജിതാ ശുഭാ .. 109..

തുരീയാ ചത്വരാതന്ത്രീ തന്ത്രീസ്വരവിഡംബിനീ .
തന്ത്രഗീതാ തന്ത്രസേവ്യാ തന്ത്രോക്താ താന്ത്രികീ സ്മൃതിഃ .. 110..

തന്ത്രവിദ്യാ സ്വതന്ത്രാച പരതന്ത്രപ്രിയാ നദീ .
സ്മൃതിസംസ്കാരജനനീ സംസ്കൃതിഃ സംസ്കൃതാ പുരാ .. 111..

സന്ധ്യാധ്യാനരതിഃ ശങ്കാ ശക്തിഃ സർവേഷു ജന്തുഷു .
സൗമ്യാ സോമാനനാ സൗമ്യമാർഗബുദ്ധിപ്രദാ നൃണാം .. 112..

സൗമ്യാഗമകരീ ശുദ്ധാ സൗമ്യവാർതാവിധായിനീ .
സൗമ്യമൂർതിഃ സൗമ്യദേഹാ സൗമ്യാചാരവിശേഷികാ .. 113..

സൗമ്യാരാധ്യാ സൗമ്യയുക്താ സൗമ്യപൂജകപുത്രിണീ .
ഗുർവീ ഗുരുവിധാ ഗൗരീ ഗോരോചനവിഭൂഷണാ .. 114..

ഗുരുഭക്താ ഗുരുകുലാ ഗുരുജ്ഞാനാ ഗുരുസ്പൃഹാ .
ഗുരുതാലവിശേഷജ്ഞാ ഗുരുപൂജ്യാ ഗുഹാലയാ .. 115..

സാമജ്ഞാ സാമഗാസാമവിദിതസ്വാർഥസാധനാ .
ശചീ സരസ്വതീ ദിവ്യാരുന്ധതീ പ്രമദോത്തമാ .. 116..

ജയദാ ജിത്വരാ യാമ്യാ ജയജാപ്യാ ജപാന്തികാ .
ഹവിഷ്യാഹുതിഭോക്ത്രീ ച ഹവിർധാനീ മുനിപ്രിയാ .. 117..

ഹോത്രീ ഹോമക്രിയാ ഹോമസന്തുഷ്ടാ ഹോമവത്സലാ .
യജുഃ പ്രിയാ യജുർമാതാ യജുർവേദപ്രണാലികാ .. 118..

യജുർവേദാഭിലാഷാ ച യജുർവേദകൃപാകരീ .
ഋചാം സാരാർഥവിദുഷീ ഋഗ്യജുഃ സാമഗായനീ .. 119..

സാമദാനമിതാനന്ദാ സാമഗേയാ ച സാമഗാ .
സാമസാമപ്രിയാ സിദ്ധിഃ സമാധിനിരതപ്രിയാ .. 120..

സമാധിശാസ്ത്രശ്രവണാ സമാധിർവ്യാധിനാശിനീ .
വിജയാ വിശ്വമാതാ ച ജയന്തീ വീരബാഹുകാ .. 121..

ശത്രുഘ്നീ ശാംബരീ സേനാക്ഷൗഹിണീ ദലഹാരിണീ .
മഞ്ജീരപദകാ കണ്ഠേഹാരമാലാ കരാങ്കുശാ .. 122..

ഭുജാംഗദാ ഗദഹരാ ഗദപീഡാക്ഷയങ്കരീ .
ശംഖചക്രഗദാഖഡ്ഗനികുരുംബാനി ബിഭ്രതീ .. 125..

ഗോപിനീ ദ്രാവണകരീ ദ്രവണാഖ്യാ സുസംസ്കൃതിഃ .
വീരഭൂമിർവീരജനീ വീരപാലനമാനസാ .. 124..

വീരാകൃതിർവീരമുഖീ വീരവിദ്യാവിശാരദാ .
വീരാവീരവതീ വീരവർണിനീ വീരസുന്ദരീ .. 125..

ക്രോധിനീ ക്രോധസംവിഗ്നാ ക്രോധവശ്യകരീ പ്രഭാ .
ഗോമതീ ഗോധനാ ഗംഗാ ഗോവർധനഗിരിപ്രിയാ .. 126..

ഗോവർധനധരാ ശക്തിഃ ഗോപാലനപരവ്രതാ .
ഹൈയംഗവീനരസികാ രസോത്കൃഷ്ടാരസായനാ .. 127..

വിരാഗിണീ വിരാഗാച പൂർണവൈരാഗ്യദായിനീ .
സരാഗാ വീതരാഗാച വിരാഗാ രാഗസംയുതാ .. 128..

വൈരാഗ്യജനനീ സാക്ഷാത് കൃഷ്ണഭക്തിശരീരഭൃത് .
വൈരാഗ്യാംഗവിധേഃ കർത്രീ വൈരാഗ്യസുഖസാഗരാ .. 129..

മൃത്യുദാ പാപിവൃന്ദാനാമായുർദാ ധർമധാരിണാം .
സുഭംഗദാ ഹി ദുഷ്ടാനാം ശിഷ്ടാനാം ജ്ഞാനഭക്തിദാ .. 130..

ഭയദാ പ്രേതഭൂതാനാം സാധൂനാമഭയപ്രദാ .
ശിവദാ ശിവകർതൄണാം പാമരാണാം ക്ഷയങ്കരീ .. 131..

യോഗിനാംയോഗദാരൂപധാരണാധ്യാനതത്പരാ .
ബഹിർമുഖാനാമശുഭങ്കരികാ വാഗ്വിലാസിനീ .. 132..

യശോദാ ച യശോരൂപാ യശസാംവൃദ്ധിദാ മുഖീ .
ലോകവേദവിധിപ്രൗഢാ ലോകവേദപ്രലോഭിനീ .. 133..

ലോകവേദരതാ ലോകവേദാചാരപ്രവാഹികാ .
ലോകവേദമയാ ഭർത്രീ ലോകവേദശുഭപ്രിയാ .. 134..

ലോകവേദൈഃ പൂജ്യതമാ ലോകവേദവ്രതസ്തുതാ .
ഛായാ സഞ്ജ്ഞാനുസൂര്യാചബ്രഹ്മാണീച മദാലസാ .. 135..

മഹാഹ്രദാ മഹാവാപീ പരിഖാച മഹാഖനിഃ .
പ്രാകാരവലയാ ചൈവ യോഗപദ്മധരാ ഗയാ .. 136..

കാശാഭാ കാശികാ കാശീ കാശ്മീരചന്ദനാർചിതാ .
വംശീകരപ്രിയാവംശീ വംശീവാദനഹർഷിതാ .. 137..

വംശീകരാ കൃഷ്ണവംശീ വംശീനാദവിമോഹിതാ .
വംശീരൂപരവാകാരീ വംശീരാഗമനോഹരാ .. 138..

വംശീനാദേന സംഹൃഷ്ടാ വംശീധ്വന്യനുകാരിണീ .
വംശീവശ്യോർവശീഭ്രാതാ വംശീവംശനിപാലികാ .. 139..

ശ്രുതിസ്മൃതിപ്രിയാ പ്രഹ്വാ ശ്രുതിസ്മൃത്യർഥരൂപിണീ .
ശ്രുതിസ്മൃതിസദാചാരാ ശ്രുതിസ്മൃത്യർഥവാചികാ .. 140..

ശ്രുതിസ്മൃതിരതാ കാന്താ ശ്രുതിസ്മൃത്യർഥപൂരണാ .
ശ്രുതിഃ സ്മൃതിസ്തഥാ തുഷ്ടിഃ പുഷ്ടിഃ കർതുർമഹാബലാ .. 141..

പ്രഹ്ലാദിനീ ജഗന്മാതാ പ്രഹ്ലാദഭക്തിവർദ്ധിനീ .
ഹിരണ്യകശിപുച്ഛേത്ത്രീ പ്രഹ്ലാദാനന്ദകാരിണീ .. 142..

ഹിരണ്യാക്ഷവധോദ്യുക്താ വാരാഹീ പ്രീതിമാനസാ .
രാക്ഷസാനാം ക്ഷയകരീ ദേവതാനാം ജയാവഹാ .. 143..

ബലിപ്രിയാ സദാ സ്വേക്ഷ്യാ ബലിനാം ബലദാ ബലാ .
ബലാസുരഹരാവല്ലീ ബലിഭുഗ്ബലഘാതിനീ .. 144..

രാജനീതിഃ ക്രിയാരൂപാരാജ്യഹാ രാജ്യഭക്ഷണാ .
രാജരാജൈഃ സ്തുതാ സ്തുത്യാ സ്തവനീയഗുണാ സതീ .. 145..

ഷഡൂർമിഹരിണീ ഷഡ്ഭാ ഷഡ്ഗുണാ ത്രിഗുണാലയാ .
നിഷ്കാമധർമനിരതാ സകാമാ കാമനിർമലാ .. 146..

ആര്യാ ദാക്ഷിണ്യരൂപാ ച ദക്ഷിണാ യജ്ഞപാവനീ .
ദക്ഷിണാഗമവിദ്യാ ച ദക്ഷിണാനാം വശംവദാ .. 147..

മുദ്രാ മുദ്രാപ്രിയാ മുദ്രാവിധാനജ്ഞാ മുദാന്വിതാ .
നിഷ്കലങ്കാ കലാധാരാ സൂര്യചന്ദ്രാഗ്നിലോചനാ .. 148..

ദുർഗാ ദുർഗഗതിർദുർഗാസുരമാരണപണ്ഡിതാ .
ത്വഗസ്ഥിമാംസരുധിരസ്നായുമജ്ജാദിശക്തിദാ .. 149..

ഗ്രഹരൂപാ ഗ്രഹമയീ വിഗ്രഹാ ഗ്രഹികാ നിശാ .
ഗ്രഹണാ ഗ്രാഹിണീ ഗ്രാമഗ്രാഹിണീ ഗ്രാമവല്ലഭാ .. 150..

ഗ്രാമാചാരപരാപൂജ്യാ ഗ്രാമശർമാധിദായിനീ .
സുഭദ്രാ ഭദ്രകാലീ ച ഭദ്രമാർഗപ്രവർതികാ .. 151..

ഭദ്രാസനാ ഭദ്രമതിർഭദ്രാംഗാ ഭദ്രകാരിണീ .
പൃഥിവ്യപ്തേജസാം രൂപാ ചാദ്യാകാശസ്വരൂപിണീ .. 152..

കാവ്യശക്തിഃ കവിത്വജ്ഞാ കവിരൂപാ കവിപ്രിയാ .
ശിവാ ശിവങ്കരീ കംബുകണ്ഠീ സർവാംഗസുന്ദരീ .. 153..

ഭക്തോദ്ഗീതാ ഭക്തകാമ്യാ ഭക്തസർവസ്വദാ സതീ .
രജോ രജോയുതാ രക്താ രജസഃശുദ്ധിസാധികാ .. 154..

സത്ത്വാ ച സത്ത്വസമ്പന്നാ സത്ത്വഗുണ്യാ ഗുണാലയാ .
സാത്വികീസത്ത്വസമ്പൂർണാ സത്ത്വവൃത്താന്തവൃത്തിദാ .
സത്ത്വാഹാരാ സത്ത്വയോനിഃ സത്ത്വവർണാധിനന്ദിനീ .. 155..

സർവശാസ്ത്രമയീ വിദ്യാ സർവദേവമയീ പ്രഭാ .
സർവവർണമയീ ശയ്യാ സർവാഭരണഭൂഷിതാ .. 156..

സർവസാമർഥ്യദാത്രീച സർവമംഗലമാലിനീ .
സർവാശ്രയാസാർവഭൗമാ സർവരൂപാഗമപ്രഭാ .. 157..

ഗാന്ധർവീ കിന്നരീ ദേവീ മോഹകർത്രീ സുബുദ്ധിദാ .
ലജ്ജാശീലാ ത്രപാശീലാ ശീലസന്തോഷസംയുതാ .. 158..

കാമാക്ഷീ കാമിനീ കാമ്യാ കമനീയവപുർധരാ .
കാമരൂപാ സിദ്ധിരൂപാ സിദ്ധൈർവന്ദ്യാ സുസിദ്ധിദാ .. 159..

ശ്രീവിദ്യാ ത്രിജടാ ദേവീ ലക്ഷ്മീർനീലസരസ്വതീ .
പീതാംബരാ തഥാദ്യാ ച സർവവിദ്യാമയീശ്വരീ .. 160..

വ്യക്താഽവ്യക്താഽനേകമൂർതിഃ സർവതീർഥഫലാധികാ .
ശ്രീരൂപാ ശ്രീസ്തുതാ ശ്രാവ്യാ ശ്രവണാത്പാപനാശിനീ .. 161..

സർവധർമവദാന്യാച നിന്ദാനിന്ദകനാശിനീ .
ശ്രീപ്രസാദകരീ ശ്രദ്ധാമേധാരൂപാസുശർമദാ .. 162..

ഗോപീ ഗിരിസുതാ ഗുർവീ ഗൗരീ ഗൗഃ സർവതോമുഖീ .
ചതുർഭുജാ ദശഭുജാ ചതുർവർഗഫലപ്രദാ .. 163..

ചർമണ്വതീ വേദവതീ ചതുരാചാതുരീ കലാ .
ഷോഡശാധിസഹസ്രാണാം സ്ത്രീണാം മധ്യേ തുവന്ദിതാ .. 164..

നവമീ പഞ്ചമീഭൂതാ ഷഷ്ഠീ ഷഷ്ഠീ ച സപ്തമീ .
അമാച പൂർണിമാ പൂർണാ ശിവരാത്രിഃ പ്രഭാവതീ .. 165..

ചതുഃഷഷ്ടികലായുക്താ ഷോഡശീ ത്രിപുരേശ്വരീ .
സർവപ്രാണമയീ വന്ദ്യാ ദൃഢബന്ധവിമുക്തിദാ .. 166..

സർവാധാരാ സർവദേവീ സർവാരാധ്യാ സമാലികാ .
മന്ത്രബീജരഹസ്യാദിസർവവിദ്യാപ്രകാശിനീ .. 167..

സർവവർണമയീന്ദ്രാണീ ജപജാപ്യപരാ ച സാ .
ശ്രീധരീ ശ്രീധരാവന്ദ്യാ ശ്രീധരപ്രാണവല്ലഭാ .. 168..

ശ്രീരാധാ (ശ്രീ) കൃഷ്ണഹൃദയാ ശ്രീധരപ്രാണജീവനീ .
ശ്രീധരസ്യ പ്രതാപാദിശാ(ജ്ഞാ) പികാഖിലകാരണം .. 169..

സർവാനുസ്യൂതശക്തിശ്ച ബൃഹദ്വൃന്ദവനാലയാ .

ഇതീദം രാധികാദേവ്യാ ദിവ്യം നാമസഹസ്രകം .
മയാ സമ്യക്തയാ പ്രോക്തമൃഷേ ത്വദ്ധിതകാമ്യയാ .. 170..

യഃ പഠേത് പ്രാതരുത്ഥായ ശുചിസ്തദ്ഗതമാനസഃ .
സ ഭവേത്സർവസമ്പൂർണഃ ശുഭാചാരഃ പരാത്പരഃ .. 171..

പ്രജ്ഞാചക്ഷുർലഭേദൃഷ്ടിം നേത്രരോഗൈർന പീഡ്യതേ .
മൂകോവാചം ലഭേത്സർവലക്ഷണൈഃ സംയുതാം ശുഭാം .. 172..

പ്രാതഃകാലേഽഥ സായാഹ്നേ നിശീഥേ യഃ പഠേത്സ്തവം .
ശ്രീരാധാകൃഷ്ണസാക്ഷാത്കാരോജായതേ സുനിശ്ചിതം .. 173..

വൈഷ്ണവേഷു ഭവേദ്ധന്യസ്ത്രിഷു ലോകേഷു വിശ്രുതഃ .
ധർമകർതൃഷുധർമീശഃ പഠേദ്യഃ സ്തോത്രമുത്തമം .. 174..

സ യോഗീ പരമോത്കൃഷ്ടഃ സ ഋഷിഃ സർവവേദവിത് .
സ ജ്ഞാനീ സ ച ഭക്തസ്തു സ കർമസകലാർഥവിത് .. 175..

സ ഇന്ദ്രഃ സ ഹരിർബ്രഹ്മാ സ രുദ്രോ ബ്രഹ്മരൂപവിത് .
സശേഷഃ സ മുനിർവ്യാസോ ദത്താത്രേയഃ സദാശിവഃ .. 176..

പ്രാതരുത്ഥായ യോഽധീതേ നാമ്നാം ദശശതീമിമാം .
സർവതീർഥേഷു യത്സ്നാനം സർവലോകേഷു യദ്ധിതം .. 177..

സർവവേദേഷു യത്സർവം സർവസ്മൃതിഷു യത്ഫലം .
പുരാണേഷു ച ശാസ്ത്രേഷു തഥാ ഗീതപ്രഹേലിഷു .. 178..

യത്സാരം യച്ച ഹാർദം തു യാ ശക്തിഃ സർപദസ്യുഹൃത് .
തത്സർവമിദമാഖ്യാതം നാതഃ കിഞ്ചിത്പരം മുനേ .. 179..

ധന്യം യശസ്യമായുഷ്യം ശ്രീകൃഷ്ണപ്രേമവർദ്ധനം .
ഇദമേകം മയാ ദൃഷ്ടം രാധാനാമസഹസ്രകം .. 180..

സർവപാപപ്രശമനമകാലമൃത്യുനാശനം .
സർവമാംഗല്യദമിദം പഠിതവ്യം മുമുക്ഷുഭിഃ .. 181..

സർവാഗമപ്രിയം ഹ്യേതത് സർവപാപപ്രണാശനം .
സർവവേദശിരോഭാഗേ സർവാധിവ്യാധിശാന്തികൃത് .. 182..

ഭാവുകം ഭവ്യസാധൂനാം താരക തത്ത്വമീക്ഷതാം .
മാരകം സർവദുഷ്ടാനാമിദമേവ ഹി നിർമിതം .. 183..

ഏതസ്യ പഠനാത്സദ്യോമുക്തിഃ സ്യാദനപായിനീ .
ഭക്തിരപ്യസ്യ ശ്രീകൃഷ്ണേ രാധയാ സഹിതേ ഭവേത് .. 184..

കൃഷ്ണവശ്യകരം സമ്യക് ജ്ഞാനവിജ്ഞാനവർദ്ധനം .
ബഹു കിം പഠനാദസ്യ മാസൈകേന മഹാമുനേ .. 185..

ഭക്തിയുക്തോലഭേജ്ജ്ഞാനം ശ്രദ്ധാവാംശ്ചേന്മുനിഃ പഠേത് .
ആയുരാരോഗ്യമൈശ്വര്യം ജ്ഞാനം വൈരാഗ്യസംയുതം .. 186..

യദ്യദിഷ്ടതമംലോകേ തത്തദാപ്നോത്യസംശയം .
മഹതാം സംഗതികരം മഹദ്ഭാഗ്യോദയപ്രദം .. 187..

മഹതാം ഹി സദാ സേവ്യമിദമേവ ഹ്യുദാഹൃതം .
വേദശാസ്ത്രപുരാണേഭ്യ ഇദമേവ സമുദ്ധൃതം .. 188..

തസ്മാത്സർവപ്രയത്നേന രാധാനാമസഹസ്രകം .
ഭൂതാഷ്ടമ്യാമമായാം ച സങ്ക്രാന്തൗ വ്യതിപാതകേ .. 189..

സൂര്യചന്ദ്രോപരാഗേച പഠിതവ്യം ശുഭേപ്സുഭിഃ .
പഠ്യമാനമിദം സ്തോത്രം ശ്രദ്ധയാ യഃ ശൃണോതിച .. 190..

സർവാഭീഷ്ടേന സംയുക്തോ ജായതേ രാധികാജ്ഞയാ .
ഏകാദശ്യാം മഹാരാത്രൗ ദ്വാദശ്യാം ഗ്രഹപർവണി .. 191..

പഠതാം ശൃണ്വതാം പുംസാം തേഷാം മുക്തിർന ദുർലഭാ .
ഹിക്കാരോഗസ്തഥാ ഛർദിർമൂത്രകൃച്ഛൂം തഥാ ജ്വരഃ .. 192..

അതീസാരസ്തധാ ശൂലം ആമവാതാദയോഽപി ച .
അന്യേ ച ബഹവോ രോഗാഃ സന്നിപാതമുഖാ ഋഷേ .. 193..

ശാന്തിം പ്രയാന്തി തേ സർവേ സ്തോത്രസ്യാസ്യ പ്രഭാവതഃ .
സ്തോത്രസ്യ പഠനാദസ്യ പ്രഹ്ലാദഃ സിദ്ധതാം ഗതഃ .. 194..

യുധിഷ്ഠിരോഽധ ഭീഷ്മശ്ച ജാമദഗ്ന്യോദ്ധവൗ തഥാ .
ഹരിശ്ചന്ദ്രാംബരീഷൗ ച ബ്രഹ്മപുത്രാസ്തഥാഽനഘാഃ .. 195..

ഏതേ സിദ്ധിം ഗതാഃ സർവേ സത്യം സത്യം വദാമ്യഹം .
ശ്രീരാധായാഃ പ്രസാദേന സർവാനുഗ്രഹണേ ക്ഷമാഃ .. 196..

തസ്മാത്സദേയമേവാത്ര പൂജനീയാ മുഹുർമുഹുഃ .
അഥാസ്യസാധനം വക്ഷ്യേ ഉഭയോഃ പ്രീതിവർദ്ധനം .. 197..

പ്രാതരുത്ഥായ കർത്തവ്യം സാധകേന ശുഭേച്ഛുനാ .
പ്രക്ഷാല്യ ഹസ്തൗ പാദൗ ച ത്രിരാചമ്യ ശുചിഃ പുമാൻ .. 198..

ജലാശയേ തഥാ നദ്യാം ദേവഖാതേ ഹ്രദേ തഥാ .
കൂപേ ഗൃഹേ സ്വകീയേ വാ സ്നായാദ്വൈ വിധിപൂർവകം .. 199..

സദാചാരം തതഃ കൃത്വാ പുഷ്പധൂപാദിചന്ദനൈഃ .
പുസ്തകം തു പ്രപൂജ്യാഥ മന്ത്രരാജമുദീരയേത് .. 200..

അഥ മന്ത്രം പ്രവക്ഷ്യാമി വിഷ്ണുഭക്തികരം നൃണാം .
താരം രമാനാഥസൈവതഗഃ യദി മുദീര്യ ച .. 201..

പപഞ്ചമോ ഭഗാദ്യാശ്ച ഭക്തിം ദേഹി തതഃ പരം .
ദേഹി ദേഹി തതഃ പശ്ചാത്താരം തത്ര പുനർവദേത് .. 202..

സമ്പ്രോക്തോ മന്ത്രരാജോഽയം ശ്രീരാധായാ ഋഷേ തവ .
ദശവാരമസൗ മന്ത്രോ ജപ്യശ്ച പ്രഥമം മുദാ .. 203..

തതഃ സഹസ്രനാമേദം പഠിതവ്യം മുനേ ത്വയാ .
ഏകകാലസ്യ പഠനാദ്വിഷ്ണുഭക്തോ ഭവേദ്യദി .. 204..

ദ്വിത്രികാലസ്യ പഠനാദ്ഭക്തിഃ സ്യാദനപായിനീ .
ഏകോഽദ്വയാത്മകോ മന്ത്രസ്ത്രിഷു ലോകേഷു ദുർലഭഃ .. 205..

ഗോപനീയഃ പ്രയത്നേന കൃഷ്ണസ്യ പദമിച്ഛതാ .
ഏകോഽദ്വയാത്മകോ മന്ത്രസ്തുഭ്യമുക്തോ മയാ മനേ .
തസ്മാത്ത്വയാഽപി ധൂർതേഭ്യഃ സന ദേയഃ കദാചന .. 206..

ഇദം ഖലായ പശവേ വേദാനാം നിന്ദകായ ച .
അശ്രദ്ധായാതിമൂർഖായ പരസ്ത്രീലമ്പടായച .. 207..

ദുരാചാരായ മൂഢായ ഗീലായാവ്രതരൂപിണേ .
നിർദയായാതിഹ്രസ്വായ നാസ്തികായാത്മഘാതിനേ .. 208..

നൈവ ദേയം സ്തോത്രമിദന്ന പ്രകാശ്യം സുദുർലഭം .
ദദാതീദം യ ഏതേഭ്യഃ ശിവഹാസ നിഗദ്യതേ .. 209..

ഭക്തായ ഭക്തിയുക്തായ സർവഭൂതദയാലവേ .
ശമദമാദിയുക്തായ സ്വച്ഛാന്തഃകരണായ ച .. 210..

ഗുരുപൂജാപരായാഥ ശ്രദ്ധാചാരയുതായ ച .
ചിദ്വിലഗ്നായ യോഗ്യായ മുദ്രാമാലാധരായ ച .. 211..

ജിതക്രോധായ ശാന്തായ വിഷ്ണുവ്രതപരായ ച .
അന്യൈരപി ഗുണൈഃ ശശ്വത് തിതിക്ഷാക്ഷാന്തിരാർജവൈഃ .. 212..

യുക്തായ സാധകായാഥ ദേയം സ്തോത്രമിദം മുദാ .
നന്വീദൃശായ ഭക്തായ യോ ദദാതി ശുഭം ത്വിദം .. 213..

സ വൈ പുണ്യതമോ ലോകേ തത്പരോ നൈവ കശ്ചന .
തസ്മാന്മുനേഽത്ര വിഖ്യാതം മയാ ത്വദ്ധിതകാമ്യയാ .. 214..

ഇദം പഠസ്വച ശൃണു യദീച്ഛസി ഹരിം പ്രഭും .
ഏതസ്യ പഠനാദ്ദേവഃ കൃഷ്ണസ്തേ സമ്പ്രസീദതി .. 215..

അഥ കിം ബഹുനോക്തേന വർണനേന പുനഃ പുനഃ .
വശയേദ്രാധികാകൃഷ്ണൗ നിത്യം പാഠകരഃ പുമാൻ .. 216..

ഇതി രുദ്രയാമലതഃ കൃതം ശ്രീരാധാസഹസ്രനാമസ്തോത്രം സമ്പൂർണം .