SRI MEDHA DAKSHINAMOORTHI SAHASRANAMA STHOTHRAM

 

 ശ്രീമേധാദക്ഷിണാമൂർതിസഹസ്രനാമസ്തോത്രം  
         ..  ശ്രീ ഗുരുഭ്യോ നമഃ ..

                   ശ്രീഃ
അസ്യ ശ്രീ മേധാദക്ഷിണാമൂർതിസഹസ്രനാമസ്തോത്രസ്യ
ബ്രഹ്മാ ഋഷിഃ . ഗായത്രീ ഛന്ദഃ . ദക്ഷിണാമൂർതിർദേവതാ .
ഓം ബീജം . സ്വാഹാ ശക്തിഃ . നമഃ കീലകം .
മേധാദക്ഷിണാമൂർതിപ്രസാദസിദ്ധ്യർഥേ ജപേ വിനിയോഗഃ .
ഹ്രാം ഇത്യാദിനാ അംഗ ന്യാസഃ .
              ധ്യാനം .
സിദ്ധിതോയനിധേർമധ്യേ രത്നഗ്രീവേ മനോരമേ .
കദംബവനികാമധ്യേ ശ്രീമദ്വടതരോരധഃ  .. 1..

ആസീനമാദ്യം പുരുഷമാദിമധ്യാന്തവർജിതം .
ശുദ്ധസ്ഫടികഗോക്ഷീരശരത്പൂർണേന്ദുശേഖരം .. 2..

ദക്ഷിണേ ചാക്ഷമാലാം ച വഹ്നിം വൈ വാമഹസ്തകേ .
ജടാമണ്ഡലസംലഗ്നശീതാമ്ശുകരമണ്ഡിതം .. 3..

നാഗഹാരധരം ചാരുകങ്കണൈഃ കടിസൂത്രകൈഃ .
വിരാജമാനവൃഷഭം വ്യാഘ്രചർമാംബരാവൃതം .. 4..

ചിന്താമണിമഹാവൃന്ദൈഃ കല്പകൈഃ കാമധേനുഭിഃ .
ചതുഷ്ഷഷ്ടികലാവിദ്യാമൂർതിഭിഃ ശ്രുതിമസ്തകൈഃ .. 5..

രത്നസിംഹാസനേ സാധുദ്വീപിചർമസമായുതം .
തത്രാഷ്ടദലപദ്മസ്യ കർണികായാം സുശോഭനേ .. 6..

വീരാസനേ സമാസീനം ലംബദക്ഷപദാംബുജം .
ജ്ഞാനമുദ്രാം പുസ്തകം ച വരാഭീതിധരം ഹരം .. 7..

പാദമൂലസമാക്രാന്തമഹാപസ്മാരവൈഭവം .
രുദ്രാക്ഷമാലാഭരണഭൂഷിതം ഭൂതിഭാസുരം .. 8..

ഗജചർമോത്തരീയം ച മന്ദസ്മിതമുഖാംബുജം .
സിദ്ധവൃന്ദൈര്യോഗിവൃന്ദൈർമുനിവൃന്ദൈർനിഷേവിതം .. 9..

ആരാധ്യമാനവൃഷഭം അഗ്നീന്ദുരവിലോചനം .
പൂരയന്തം കൃപാദൃഷ്ട്യാ പുമർഥാനാശ്രിതേ ജനേ .. 10..

ഏവം വിഭാവയേദീശം സർവവിദ്യാകലാനിധിം ..  11..

ലം ഇത്യാദിനാ  പഞ്ചോപചാരാഃ ..

ദേവദേവോ മഹാദേവോ ദേവാനാമപി ദേശികഃ .
ദക്ഷിണാമൂർതിരീശാനോ ദയാപൂരിതദിങ്മുഖഃ .. 1..

കൈലാസശിഖരോത്തുംഗ-കമനീയനിജാകൃതിഃ .
വടദ്രുമതടീദിവ്യകനകാസനസംസ്ഥിതഃ .. 2..

കടീതടപടീഭൂതകരിചർമോജ്ജ്വലാകൃതിഃ .
പാടീരാപാണ്ഡുരാകാരപരിപൂർണസുധാധിപഃ .3..

ജപാകോടീരഘടിതസുധാകരസുധാപ്ലുതഃ .
പശ്യല്ലലാടസുഭഗസുന്ദരഭ്രൂവിലാസവാൻ .. 4..

കടാക്ഷസരണീനിര്യത്കരുണാപൂർണലോചനഃ .
കർണാലോലതടിദ്വർണകുണ്ഡലോജ്ജ്വലഗണ്ഡഭൂഃ .. 5..

തിലപ്രസൂനസങ്കാശനാസികാപുടഭാസുരഃ .
മന്ദസ്മിതസ്പുരന്മുഗ്ധമഹനീയമുഖാംബുജഃ .. 6..

കുന്ദകുഡ്മലസംസ്പർധിദന്തപങ്ക്തിവിരാജിതഃ .
സിന്ദൂരാരുണസുസ്നിഗ്ധകോമലാധരപല്ലവഃ .. 7..

ശംഖാടോപഗലദ്ദിവ്യഗളവൈഭവമഞ്ജുലഃ .
കരകന്ദലിതജ്ഞാനമുദ്രാരുദ്രാക്ഷമാലികഃ .. 8..

അന്യഹസ്തതലന്യസ്തവീണാപുസ്തോല്ലസദ്വപുഃ .
വിശാലരുചിരോരസ്കവലിമത്പല്ലവോദരഃ .. 9..

ബൄഹത്കടിനിതംബാഢ്യഃ പീവരോരുദ്വയാന്വിതഃ .
ജംഘാവിജിതതൂണീരസ്തുംഗഗുൽഫയുഗോജ്ജ്വലഃ .. 10..

മൃദുപാടലപാദാബ്ജശ്ചന്ദ്രാഭനഖദീധിതിഃ .
അപസവ്യോരുവിന്യസ്തസവ്യപാദസരോരുഹഃ .. 11..

ഘോരാപസ്മാരനിക്ഷിപ്തധീരദക്ഷപദാംബുജഃ .
സനകാദിമുനിധ്യേയഃ സർവാഭരണഭൂഷിതഃ .. 12..

ദിവ്യചന്ദനലിപ്താംഗശ്ചാരുഹാസപരിഷ്കൃതഃ .
കർപൂരധവലാകാരഃ കന്ദർപശതസുന്ദരഃ .. 13..

കാത്യായനീപ്രേമനിധിഃ കരുണാരസവാരിധിഃ .
കാമിതാർഥപ്രദഃശ്രീമത്കമലാവല്ലഭപ്രിയഃ ..  14..

കടാക്ഷിതാത്മവിജ്ഞാനഃ കൈവല്യാനന്ദകന്ദലഃ .
മന്ദഹാസസമാനേന്ദുഃ ഛിന്നാജ്ഞാനതമസ്തതിഃ .. 15..

സംസാരാനലസന്തപ്തജനതാമൃതസാഗരഃ .
ഗംഭീരഹൃദയാംഭോജനഭോമണിനിഭാകൃതിഃ .. 16..

നിശാകരകരാകാരവശീകൃതജഗത്ത്രയഃ .
താപസാരാധ്യപാദാബ്ജസ്തരുണാനന്ദവിഗ്രഹഃ .. 17..

ഭൂതിഭൂഷിതസർവാംഗോ ഭൂതാധിപതിരീശ്വരഃ .
വദനേന്ദുസ്മിതജ്യോത്സ്നാനിലീനത്രിപുരാകൃതിഃ .. 18..

താപത്രയതമോഭാനുഃ പാപാരണ്യദവാനലഃ .
സംസാരസാഗരോദ്ധർതാ ഹംസാഗ്ര്യോപാസ്യവിഗ്രഹഃ .. 19..

ലലാടഹുതഭുഗ്ദഗ്ധമനോഭവശുഭാകൃതിഃ .
തുച്ഛീകൃതജഗജ്ജാലസ്തുഷാരകരശീതലഃ .. 20..

അസ്തംഗതസമസ്തേച്ഛോ നിസ്തുലാനന്ദമന്ഥരഃ .
ധീരോദാത്തഗുണാധാര ഉദാരവരവൈഭവഃ .. 21..

അപാരകരുണാമൂർതിരജ്ഞാനധ്വാന്തഭാസ്കരഃ .
ഭക്തമാനസഹംസാഗ്ര്യഭവാമയഭിഷക്തമഃ .. 22..

യോഗീന്ദ്രപൂജ്യപാദാബ്ജോ യോഗപട്ടോല്ലസത്കടിഃ .
ശുദ്ധസ്ഫടികസങ്കാശോ ബദ്ധപന്നഗഭൂഷണഃ .. 23..

നാനാമുനിസമാകീർണോ നാസാഗ്രന്യസ്തലോചനഃ .
വേദമൂർധൈകസംവേദ്യോ നാദധ്യാനപരായണഃ .. 24..

ധരാധരേന്ദുരാനന്ദസന്ദോഹരസസാഗരഃ .
ദ്വൈതവൃന്ദവിമോഹാന്ധ്യപരാകൃതദൃഗദ്ഭുതഃ .. 25..

പ്രത്യഗാത്മാ പരഞ്ജ്യോതിഃ പുരാണഃ പരമേശ്വരഃ .
പ്രപഞ്ചോപശമഃ പ്രാജ്ഞഃ പുണ്യകീർതിഃ പുരാതനഃ .. 26..

സർവാധിഷ്ഠാനസന്മാത്രസ്സ്വാത്മബന്ധഹരോ ഹരഃ .
സർവപ്രേമനിജാഹാസഃ സർവാനുഗ്രഹകൃത് ശിവഃ .. 27..

സർവേന്ദ്രിയഗുണാഭാസഃ സർവഭൂതഗുണാശ്രയഃ .
സച്ചിദാനന്ദപൂർണാത്മാ സ്വേ മഹിമ്നി പ്രതിഷ്ഠിതഃ ..  28..

സർവഭൂതാന്തരസ്സാക്ഷീ സർവജ്ഞസ്സർവകാമദഃ .
സനകാദിമഹായോഗിസമാരാധിതപാദുകഃ .. 29..

ആദിദേവോ ദയാസിന്ധുഃ ശിക്ഷിതാസുരവിഗ്രഹഃ .
യക്ഷകിന്നരഗന്ധർവസ്തൂയമാനാത്മവൈഭവഃ .. 30..

ബ്രഹ്മാദിദേവവിനുതോ യോഗമായാനിയോജകഃ .
ശിവയോഗീ ശിവാനന്ദഃ ശിവഭക്തസമുദ്ധരഃ .. 31..

വേദാന്തസാരസന്ദോഹഃ സർവസത്ത്വാവലംബനഃ .
വടമൂലാശ്രയോ വാഗ്മീ മാന്യോ മലയജപ്രിയഃ .. 32..

സുശീലോ വാഞ്ഛിതാർഥജ്ഞഃ പ്രസന്നവദനേക്ഷണഃ ..

നൃത്തഗീതകലാഭിജ്ഞഃ കർമവിത് കർമമോചകഃ ..  33..

കർമസാക്ഷീ കർമമയഃ കർമണാം ച ഫലപ്രദഃ .
ജ്ഞാനദാതാ സദാചാരഃ സർവോപദ്രവമോചകഃ .. 34..

അനാഥനാഥോ ഭഗവാനാശ്രിതാമരപാദപഃ .
വരപ്രദഃ പ്രകാശാത്മാ സർവഭൂതഹിതേ രതഃ .. 35..

വ്യാഘ്രചർമാസനാസീന ആദികർതാ മഹേശ്വരഃ .
സുവിക്രമഃ സർവഗതോ വിശിഷ്ടജനവത്സലഃ ..  36..

ചിന്താശോകപ്രശമനോ ജഗദാനന്ദകാരകഃ .
രശ്മിമാൻ ഭുവനേശശ്ച ദേവാസുരസുപൂജിതഃ .. 37..

മൃത്യുഞ്ജയോ വ്യോമകേശഃ ഷട്ത്രിംശത്തത്ത്വസംഗ്രഹഃ .
അജ്ഞാതസംഭവോ ഭിക്ഷുരദ്വിതീയോ ദിഗംബരഃ .. 38..

സമസ്തദേവതാമൂർതിഃ സോമസൂര്യാഗ്നിലോചനഃ .
സർവസാമ്രാജ്യനിപുണോ ധർമമാർഗപ്രവർതകഃ ..  39..

വിശ്വാധികഃ പശുപതിഃ പശുപാശവിമോചകഃ .
അഷ്ടമൂർതിർദീപ്തമൂർതിഃ നാമോച്ചാരണമുക്തിദഃ .. 40..

സഹസ്രാദിത്യസങ്കാശഃ സദാഷോഡശവാർഷികഃ .
ദിവ്യകേലീസമായുക്തോ ദിവ്യമാല്യാംബരാവൃതഃ .. 41..

അനർഘരത്നസമ്പൂർണോ മല്ലികാകുസുമപ്രിയഃ .
തപ്തചാമീകരാകാരോ ജിതദാവാനലാകൃതിഃ .. 42..

നിരഞ്ജനോ നിർവികാരോ നിജാവാസോ നിരാകൃതിഃ .
ജഗദ്ഗുരുർജഗത്കർതാ ജഗദീശോ ജഗത്പതിഃ .. 43..

കാമഹന്താ കാമമൂർതിഃ കല്യാണവൃഷവാഹനഃ .
ഗംഗാധരോ മഹാദേവോ ദീനബന്ധവിമോചകഃ .. 44..

ധൂർജടിഃ ഖണ്ഡപരശുഃ സദ്ഗുണോ ഗിരിജാസഖഃ .
അവ്യയോ ഭൂതസേനേശഃ പാപഘ്നഃ പുണ്യദായകഃ .. 45..

ഉപദേഷ്ടാ ദൃഢപ്രജ്ഞോ രുദ്രോ രോഗവിനാശനഃ .
നിത്യാനന്ദോ നിരാധാരോ ഹരോ ദേവശിഖാമണിഃ .. 46..

പ്രണതാർതിഹരഃ സോമഃ സാന്ദ്രാനന്ദോ മഹാമതിഃ .
ആശ്ചര്യവൈഭവോ ദേവഃ സംസാരാർണവതാരകഃ .. 47..

യജ്ഞേശോ രാജരാജേശോ ഭസ്മരുദ്രാക്ഷലാഞ്ഛനഃ .
അനന്തസ്താരകഃ സ്ഥാണുഃ സർവവിദ്യേശ്വരോ ഹരിഃ .. 48..

വിശ്വരൂപോ വിരൂപാക്ഷഃ പ്രഭുഃ പരിബൃഡോ ദൃഢഃ .
ഭവ്യോ ജിതാരിഷദ്വർഗോ മഹോദാരോ വിഷാശനഃ .. 49..

സുകീർതിരാദിപുരുഷോ ജരാമരണവർജിതഃ .
പ്രമാണഭൂതോ ദുർജ്ഞേയഃ പുണ്യഃ പരപുരഞ്ജയഃ .. 50..

ഗുണാകാരോ ഗുണശ്രേഷ്ഠഃ സച്ചിദാനന്ദവിഗ്രഹഃ .
സുഖദഃ കാരണം കർതാ ഭവബന്ധവിമോചകഃ .. 51..

അനിർവിണ്ണോ ഗുണഗ്രാഹീ നിഷ്കലങ്കഃ കലങ്കഹാ .
പുരുഷഃ ശാശ്വതോ യോഗീ വ്യക്താവ്യക്തഃ സനാതനഃ .. 52..

ചരാചരാത്മാ സൂക്ഷ്മാത്മാ വിശ്വകർമാ തമോഽപഹൃത് .
ഭുജംഗഭൂഷണോ ഭർഗസ്തരുണഃ കരുണാലയഃ .. 53..

അണിമാദിഗുണോപേതോ ലോകവശ്യവിധായകഃ .
യോഗപട്ടധരോ മുക്തോ മുക്താനാം പരമാ ഗതിഃ .. 54..

ഗുരുരൂപധരഃ ശ്രീമത്പരമാനന്ദസാഗരഃ .
സഹസ്രബാഹുഃ സർവേശഃ സഹസ്രാവയവാന്വിതഃ .. 55..

സഹസ്രമൂർധാ സർവാത്മാ  സഹസ്രാക്ഷഃ സഹസ്രപാത് .
നിരാഭാസഃ സൂക്ഷ്മതനുർഹൃദി ജ്ഞാതഃ പരാത്പരഃ ..  56..

സർവാത്മഗഃ സർവസാക്ഷീ നിഃസംഗോ നിരുപദ്രവഃ .
നിഷ്കലഃ സകലാധ്യക്ഷശ്ചിന്മയസ്തമസഃ പരഃ .. 57..

ജ്ഞാനവൈരാഗ്യസമ്പന്നോ യോഗാനന്ദമയഃ ശിവഃ .
ശാശ്വതൈശ്വര്യസമ്പൂർണോ മഹായോഗീശ്വരേശ്വരഃ .. 58..

സഹസ്രശക്തിസംയുക്തഃ പുണ്യകായോ ദുരാസദഃ .
താരകബ്രഹ്മസമ്പൂർണസ്തപസ്വിജനസംവൃതഃ .. 59..

വിധീന്ദ്രാമരസമ്പൂജ്യോ ജ്യോതിഷാം ജ്യോതിരുത്തമഃ .
നിരക്ഷരോ നിരാലംബഃ സ്വാത്മാരാമോ വികർതനഃ .. 60..

നിരവദ്യോ നിരാതങ്കോ ഭീമോ ഭീമപരാക്രമഃ .
വീരഭദ്രഃ പുരാരാതിർജലന്ധരശിരോഹരഃ .. 61..

അന്ധകാസുരസംഹർതാ ഭഗനേത്രഭിദദ്ഭുതഃ .
വിശ്വഗ്രാസോഽധർമശത്രുർബ്രഹ്മജ്ഞാനൈകമന്ഥരഃ .. 62..

അഗ്രേസരസ്തീർഥഭൂതഃ സിതഭസ്മാവകുണ്ഠനഃ .
അകുണ്ഠമേധാഃ ശ്രീകണ്ഠോ വൈകുണ്ഠപരമപ്രിയഃ .. 63..

ലലാടോജ്ജ്വലനേത്രാബ്ജസ്തുഷാരകരശേഖരഃ .
ഗജാസുരശിരശ്ഛേത്താ ഗംഗോദ്ഭാസിതമൂർധജഃ .. 64..

കല്യാണാചലകോദണ്ഡഃ കമലാപതിസായകഃ .
വാരാംശേവധിതൂണീരഃസരോജാസനസാരഥിഃ .. 65..

ത്രയീതുരംഗസങ്ക്രാന്തോ വാസുകിജ്യാവിരാജിതഃ .
രവീന്ദുചരണാചാരിധരാരഥവിരാജിതഃ .. 66..

ത്രയ്യന്തപ്രഗ്രഹോദാരചാരുഘണ്ടാരവോജ്ജ്വലഃ .
ഉത്താനപർവലോമാഢ്യോ ലീലാവിജിതമന്മഥഃ .. 67..

ജാതുപ്രപന്നജനതാജീവനോപായനോത്സുകഃ .
സംസാരാർണവനിർമഗ്നസമുദ്ധരണപണ്ഡിതഃ .. 68..

മദദ്വിരദധിക്കാരിഗതിമഞ്ജുലവൈഭവഃ .
മത്തകോകിലമാധുര്യരസനിർഭരഗീർഗണഃ .. 69..

കൈവല്യോദധികല്ലോലലീലാതാണ്ഡവപണ്ഡിതഃ .
വിഷ്ണുർജിഷ്ണുർവാസുദേവഃ പ്രഭവിഷ്ണുഃ പുരാതനഃ .. 70..

വർധിഷ്ണുർവരദോ വൈദ്യോ ഹരിർനാരായണോഽച്യുതഃ .
അജ്ഞാനവനദാവാഗ്നിഃ പ്രജ്ഞാപ്രാസാദഭൂപതിഃ .. 71..

സർപഭൂഷിതസർവാംഗഃ കർപൂരോജ്ജ്വലിതാകൃതിഃ .
അനാദിമധ്യനിധനോ ഗിരീശോ ഗിരിജാപതിഃ .. 72..

വീതരാഗോ വിനീതാത്മാ തപസ്വീ ഭൂതഭാവനഃ .
ദേവാസുരഗുരുധ്യേയോ ദേവാസുരനമസ്കൃതഃ .. 73..

ദേവാദിദേവോ ദേവർഷിർദേവാസുരവരപ്രദഃ .
സർവദേവമയോഽചിന്ത്യോ ദേവാത്മാ ചാത്മസംഭവഃ .. 74..

നിർലേപോ നിഷ്പ്രപഞ്ചാത്മാ നിർവിഘ്നോ വിഘ്നനാശകഃ .
ഏകജ്യോതിർനിരാതങ്കോ വ്യാപ്തമൂർതിരനാകുലഃ .. 75..

നിരവദ്യപദോപാധിർവിദ്യാരാശിരനുത്തമഃ .
നിത്യാനന്ദഃ സുരാധ്യക്ഷോ നിഃസങ്കല്പോ നിരഞ്ജനഃ .. 76..

നിഷ്കലങ്കോ നിരാകാരോ നിഷ്പ്രപഞ്ചോ നിരാമയഃ .
വിദ്യാധരോ വിയത്കേശോ മാർകണ്ഡേയവരപ്രദഃ .. 77..

ഭൈരവോ ഭൈരവീനാഥഃ കാമദഃ കമലാസനഃ .
വേദവേദ്യഃ സുരാനന്ദോ ലസജ്ജ്യോതിഃ പ്രഭാകരഃ .. 78..

ചൂഡാമണിഃ സുരാധീശോ യജ്ഞഗേയോ ഹരിപ്രിയഃ .
നിർലേപോ നീതിമാൻ സൂത്രീ ശ്രീഹാലാഹലസുന്ദരഃ ..  79..

ധർമദക്ഷോ മഹാരാജഃകിരീടീ വന്ദിതോ ഗുഹഃ .
മാധവോ യാമിനീനാഥഃ ശംബരഃ ശബരീപ്രിയഃ .. 80..

സംഗീതവേത്താ ലോകജ്ഞഃ ശാന്തഃ കലശസംഭവഃ .
ബ്രഹ്മണ്യോ വരദോ നിത്യഃ ശൂലീ ഗുരുവരോ ഹരഃ .. 81..

മാർതാണ്ഡഃ പുണ്ഡരീകാക്ഷോ ലോകനായകവിക്രമഃ .
മുകുന്ദാർച്യോ വൈദ്യനാഥഃ പുരന്ദരവരപ്രദഃ .. 82..

ഭാഷാവിഹീനോ ഭാഷാജ്ഞോ വിഘ്നേശോ വിഘ്നനാശനഃ .
കിന്നരേശോ ബൃഹദ്ഭാനുഃ ശ്രീനിവാസഃ കപാലഭൃത് .. 83..

വിജയോ ഭൂതഭാവജ്ഞോ ഭീമസേനോ ദിവാകരഃ .
ബില്വപ്രിയോ വസിഷ്ഠേശഃ സർവമാർഗപ്രവർതകഃ .. 84..

ഓഷധീശോ വാമദേവോ ഗോവിന്ദോ നീലലോഹിതഃ .
ഷഡർധനയനഃ ശ്രീമന്മഹാദേവോ വൃഷധ്വജഃ .. 85..

കർപൂരദീപികാലോലഃ കർപൂരരസചർചിതഃ .
അവ്യാജകരുണാമൂർതിസ്ത്യാഗരാജഃ ക്ഷപാകരഃ .. 86..

ആശ്ചര്യവിഗ്രഹഃ സൂക്ഷ്മഃ സിദ്ധേശഃ സ്വർണഭൈരവഃ .
ദേവരാജഃ കൃപാസിന്ധുരദ്വയോഽമിതവിക്രമഃ .. 87..

നിർഭേദോ നിത്യസത്വസ്ഥോ നിര്യോഗക്ഷേമ ആത്മവാൻ .
നിരപായോ നിരാസംഗോ നിഃശബ്ദോ നിരുപാധികഃ .. 88..

ഭവഃ സർവേശ്വരഃ സ്വാമീ ഭവഭീതിവിഭഞ്ജനഃ .
ദാരിദ്ര്യതൃണകൂടാഗ്നിർദാരിതാസുരസന്തതിഃ .. 89..

മുക്തിദോ മുദിതോഽകുബ്ജോ ധാർമികോ ഭക്തവത്സലഃ .
അഭ്യാസാതിശയജ്ഞേയസ്ചന്ദ്രമൗലിഃ കലാധരഃ .. 90..

മഹാബലോ മഹാവീര്യോ വിഭുഃ ശ്രീശഃ ശുഭപ്രദഃ .
സിദ്ധഃ പുരാണപുരുഷോ രണമണ്ഡലഭൈരവഃ .. 91..

സദ്യോജാതോ വടാരണ്യവാസീ പുരുഷവല്ലഭഃ .
ഹരികേശോ മഹാത്രാതാ നീലഗ്രീവസ്സുമംഗലഃ .. 92..

ഹിരണ്യബാഹുസ്തീക്ഷ്ണാംശുഃ കാമേശഃ സോമവിഗ്രഹഃ .
സർവാത്മാ സർവകർതാ ച താണ്ഡവോ മുണ്ഡമാലികഃ .. 93..

അഗ്രഗണ്യഃ സുഗംഭീരോ ദേശികോ വൈദികോത്തമഃ .
പ്രസന്നദേവോ വാഗീശശ്ചിന്താതിമിരഭാസ്കരഃ .. 94..

ഗൗരീപതിസ്തുംഗമൗലിർമഖരാജോ മഹാകവിഃ .
ശ്രീധരസ്സർവസിദ്ധേശോ വിശ്വനാഥോ ദയാനിധിഃ .. 95..

അന്തർമുഖോ ബഹിർദൃഷ്ടിഃ സിദ്ധവേഷമനോഹരഃ .
കൃത്തിവാസാഃ കൃപാസിന്ധുർമന്ത്രസിദ്ധോ മതിപ്രദഃ .. 96..

മഹോത്കൃഷ്ടഃ പുണ്യകരോ ജഗത്സാക്ഷീ സദാശിവഃ .
മഹാക്രതുർമഹായജ്വാ വിശ്വകർമാ തപോനിധിഃ .. 97..

ഛന്ദോമയോ മഹാജ്ഞാനീ സർവജ്ഞോ ദേവവന്ദിതഃ .
സാർവഭൗമസ്സദാനന്ദഃ കരുണാമൃതവാരിധിഃ .. 98..

കാലകാലഃ കലിധ്വംസീ ജരാമരണനാശകഃ .
ശിതികണ്ഠശ്ചിദാനന്ദോ യോഗിനീഗണസേവിതഃ .. 99..

ചണ്ഡീഈശഃ ശുകസംവേദ്യഃ പുണ്യശ്ലോകോ ദിവസ്പതിഃ .
സ്ഥായീ സകലതത്ത്വാത്മാ സദാസേവകവർധനഃ .. 100..

രോഹിതാശ്വഃ ക്ഷമാരൂപീ തപ്തചാമീകരപ്രഭഃ .
ത്രിയംബകോ വരരുചിർദേവദേവശ്ചതുർഭുജഃ .. 101..

വിശ്വംഭരോ വിചിത്രാംഗോ വിധാതാ പുരശാസനഃ .
സുബ്രഹ്മണ്യോ ജഗത്സ്വാമീ രോഹിതാക്ഷഃ ശിവോത്തമഃ .. 102..

നക്ഷത്രമാലാഭരണോ മഘവാൻ അഘനാസനഃ .
വിധികർതാ വിധാനജ്ഞഃ പ്രധാനപുരുഷേശ്വരഃ .. 103..

ചിന്താമണിഃ സുരഗുരുർധ്യേയോ നീരാജനപ്രിയഃ .
ഗോവിന്ദോ രാജരാജേശോ ബഹുപുഷ്പാർചനപ്രിയഃ .. 104..

സർവാനന്ദോ ദയാരൂപീ ശൈലജാസുമനോഹരഃ .
സുവിക്രമഃ സർവഗതോ ഹേതുസാധനവർജിതഃ .. 105..

വൃഷാങ്കോ രമണീയാംഗഃ സദംഘ്രിഃ സാമപാരഗഃ .
മന്ത്രാത്മാ കോടികന്ദർപസൗന്ദര്യരസവാരിധിഃ .. 106 ..

യജ്ഞേശോ യജ്ഞപുരുഷഃ സൃഷ്ടിസ്ഥിത്യന്തകാരണം .
പരഹംസൈകജിജ്ഞാസ്യഃ സ്വപ്രകാശസ്വരൂപവാൻ .. 107..

മുനിമൃഗ്യോ ദേവമൃഗ്യോ മൃഗഹസ്തോ മൃഗേശ്വരഃ .
മൃഗേന്ദ്രചർമവസനോ നരസിംഹനിപാതനഃ .. 108..

മുനിവന്ദ്യോ മുനിശ്രേഷ്ഠോ മുനിവൃന്ദനിഷേവിതഃ .
ദുഷ്ടമൃത്യുരദുഷ്ടേഹോ മൃത്യുഹാ മൃത്യുപൂജിതഃ .. 109..

അവ്യക്തോഽമ്ബുജജന്മാദികോടികോടിസുപൂജിതഃ .
ലിംഗമൂർതിരലിംഗാത്മാ ലിംഗാത്മാ ലിംഗവിഗ്രഹഃ .. 110..

യജുർമൂർതിഃ സാമമൂർതിരൃങ്മൂർതിർമൂർതിവർജിതഃ .
വിശ്വേശോ ഗജചർമൈകചേലാഞ്ചിതകടീതടഃ .. 111..

പാവനാന്തേവസദ്യോഗിജനസാർഥസുധാകരഃ .
അനന്തസോമസൂര്യാഗ്നിമണ്ഡലപ്രതിമപ്രഭഃ .. 112..

ചിന്താശോകപ്രശമനഃ സർവവിദ്യാവിശാരദഃ .
ഭക്തവിജ്ഞാപ്തിസന്ധാതാ കർതാ ഗിരിവരാകൃതിഃ .. 113..

ജ്ഞാനപ്രദോ മനോവാസഃ ക്ഷേമ്യോ മോഹവിനാശനഃ .
സുരോത്തമശ്ചിത്രഭാനുഃ സദാവൈഭവതത്പരഃ .. 114..

സുഹൃദഗ്രേസരഃ സിദ്ധജ്ഞാനമുദ്രോ ഗണാധിപഃ .
ആഗമശ്ചർമവസനോ വാഞ്ഛിതാർഥഫലപ്രദഃ .. 115..

അന്തർഹിതോഽസമാനശ്ച ദേവസിംഹാസനാധിപഃ .
വിവാദഹന്താ സർവാത്മാ കാലഃ കാലവിവർജിതഃ .. 116..

വിശ്വാതീതോ വിശ്വകർതാ വിശ്വേശോ വിശ്വകാരണം .
യോഗിധ്യേയോ യോഗനിഷ്ഠോ യോഗാത്മാ യോഗവിത്തമഃ .. 117..

ഓങ്കാരരൂപോ ഭഗവാൻ ബിന്ദുനാദമയഃ ശിവഃ .
ചതുർമുഖാദിസംസ്തുത്യശ്ചതുർവർഗഫലപ്രദഃ .. 118..

സഹ്യാചലഗുഹാവാസീ സാക്ഷാന്മോക്ഷരസാമൃതഃ .
ദക്ഷാധ്വരസമുച്ഛേത്താ പക്ഷപാതവിവർജിതഃ .. 119..

ഓങ്കാരവാചകഃ ശംഭുഃ ശങ്കരഃ ശശിശീതലഃ .
പങ്കജാസനസംസേവ്യഃ കിങ്കരാമരവത്സലഃ .. 120..

നതദൗർഭാഗ്യതൂലാഗ്നിഃ കൃതകൗതുകമംഗലഃ .
ത്രിലോകമോഹനഃ ശ്രീമത്ത്രിപുണ്ഡ്രാങ്കിതമസ്തകഃ .. 121..

ക്രൗഞ്ചാരിജനകഃ ശ്രീമദ്ഗണനാഥസുതാന്വിതഃ .
അദ്ഭുതാനന്തവരദോഽപരിച്ഛിനാത്മവൈഭവഃ .. 122..

ഇഷ്ടാപൂർതപ്രിയഃ ശർവ ഏകവീരഃ പ്രിയംവദഃ .
ഊഹാപോഹവിനിർമുക്ത ഓങ്കാരേശ്വരപൂജിതഃ .. 123..

രുദ്രാക്ഷവക്ഷാ രുദ്രാക്ഷരൂപോ രുദ്രാക്ഷപക്ഷകഃ .
ഭുജഗേന്ദ്രലസത്കണ്ഠോ ഭുജംഗാഭരണപ്രിയഃ .. 124..

കല്യാണരൂപഃ കല്യാണഃ കല്യാണഗുണസംശ്രയഃ .
സുന്ദരഭ്രൂഃ സുനയനഃ സുലലാടഃ സുകന്ധരഃ .. 125..

വിദ്വജ്ജനാശ്രയോ വിദ്വജ്ജനസ്തവ്യപരാക്രമഃ .
വിനീതവത്സലോ നീതിസ്വരൂപോ നീതിസംശ്രയഃ .. 126..

അതിരാഗീ വീതരാഗീ രാഗഹേതുർവിരാഗവിത് .
രാഗഹാ രാഗശമനോ രാഗദോ രാഗിരാഗവിത് .. 127..

മനോന്മനോ മനോരൂപോ ബലപ്രമഥനോ ബലഃ .
വിദ്യാകരോ മഹാവിദ്യോ വിദ്യാവിദ്യാവിശാരദഃ .. 128..

വസന്തകൃദ്വസന്താത്മാ വസന്തേശോ വസന്തദഃ .
പ്രാവൃട്കൃത്  പ്രാവൃഡാകാരഃ പ്രാവൃട്കാലപ്രവർതകഃ .. 129..

ശരന്നാഥോ ശരത്കാലനാശകഃ ശരദാശ്രയഃ .
കുന്ദമന്ദാരപുഷ്പൗഘലസദ്വായുനിഷേവിതഃ .. 130..

ദിവ്യദേഹപ്രഭാകൂടസന്ദീപിതദിഗന്തരഃ .
ദേവാസുരഗുരുസ്തവ്യോ ദേവാസുരനമസ്കൃതഃ .. 131..

വാമാംഗഭാഗവിലസച്ഛ്യാമലാവീക്ഷണപ്രിയഃ .
കീർത്യാധാരഃ കീർതികരഃ കീർതിഹേതുരഹേതുകഃ .. 132..

ശരണാഗതദീനാർതപരിത്രാണപരായണഃ .
മഹാപ്രേതാസനാസീനോ ജിതസർവപിതാമഹഃ .. 133..

മുക്താദാമപരീതാംഗോ നാനാഗാനവിശാരദഃ .
വിഷ്ണുബ്രഹ്മാദിവന്ദ്യാംഘ്രിർനാനാദേശൈകനായകഃ .. 134..

ധീരോദാത്തോ മഹാധീരോ ധൈര്യദോ ധൈര്യവർധകഃ .
വിജ്ഞാനമയ ആനന്ദമയഃ പ്രാണമയോഽന്നദഃ .. 135..

ഭവാബ്ധിതരണോപായഃ കവിർദുഃസ്വപ്നനാശനഃ .
ഗൗരീവിലാസസദനഃ പിശചാനുചരാവൃതഃ .. 136..

ദക്ഷിണാപ്രേമസന്തുഷ്ടോ ദാരിദ്ര്യവഡവാനലഃ .
അദ്ഭുതാനന്തസംഗ്രാമോ ഡക്കാവാദനതത്പരഃ .. 137..

പ്രാച്യാത്മാ ദക്ഷിണാകാരഃ പ്രതീച്യാത്മോത്തരാകൃതിഃ .
ഊർധ്വാദ്യന്യദിഗാകാരോ മർമജ്ഞഃ സർവശിക്ഷകഃ .. 138..

യുഗാവഹോ യുഗാധീശോ യുഗാത്മാ യുഗനായകഃ .
ജംഗമഃ സ്ഥാവരാകാരഃ കൈലാസശിഖരപ്രിയഃ .. 139..

ഹസ്തരാജത്പുണ്ഡരീകഃ പുണ്ഡരീകനിഭേക്ഷണഃ .
ലീലാവിഡംബിതവപുർഭക്തമാനസമണ്ഡിതഃ .. 140..

വൃന്ദാരകപ്രിയതമോ വൃന്ദാരകവരാർചിതഃ .
നാനാവിധാനേകരത്നലസത്കുണ്ഡലമണ്ഡിതഃ .. 141..

നിഃസീമമഹിമാ നിത്യലീലാവിഗ്രഹരൂപധൃത് .
ചന്ദനദ്രവദിഗ്ധാംഗശ്ചാമ്പേയകുസുമാർചിതഃ .. 142..

സമസ്തഭക്തസുഖദഃ പരമാണുർമഹാഹ്രദഃ .
അലൗകികോ ദുഷ്പ്രധർഷഃ കപിലഃ കാലകന്ധരഃ .. 143..

കർപൂരഗൗരഃ കുശലഃ സത്യസന്ധോ ജിതേന്ദ്രിയഃ .
ശാശ്വതൈശ്വര്യവിഭവഃ പോഷകഃ സുസമാഹിതഃ .. 144..

മഹർഷിനാഥിതോ ബ്രഹ്മയോനിഃ സർവോത്തമോത്തമഃ .
ഭൂതിഭാരാർതിസംഹർതാ ഷഡൂർമിരഹിതോ മൃഡഃ .. 145..

ത്രിവിഷ്ടപേശ്വരഃ സർവഹൃദയാംബുജമധ്യഗഃ .
സഹസ്രദലപദ്മസ്ഥഃ സർവവർണോപശോഭിതഃ .. 146..

പുണ്യമൂർതിഃ പുണ്യലഭ്യഃ പുണ്യശ്രവണകീർതനഃ .
സൂര്യമണ്ഡലമധ്യസ്ഥശ്ചന്ദ്രമണ്ഡലമധ്യഗഃ .. 147..

സദ്ഭക്തധ്യാനനിഗലഃ ശരണാഗതപാലകഃ .
ശ്വേതാതപത്രരുചിരഃ ശ്വേതചാമരവീജിതഃ .. 148..

സർവാവയവസമ്പൂർണഃ സർവലക്ഷണലക്ഷിതഃ .
സർവമംഗലമാംഗല്യഃ സർവകാരണകാരണഃ .. 149..

അമോദോ മോദജനകഃ സർപരാജോത്തരീയകഃ .
കപാലീ കോവിദഃ സിദ്ധകാന്തിസംവലിതാനനഃ .. 150..

സർവസദ്ഗുരുസംസേവ്യോ ദിവ്യചന്ദനചർചിതഃ .
വിലാസിനീകൃതോല്ലാസ ഇച്ഛാശക്തിനിഷേവിതഃ .. 151..

അനന്താനന്ദസുഖദോ നന്ദനഃ ശ്രീനികേതനഃ .
അമൃതാബ്ധികൃതാവാസോ നിത്യക്ലീബോ നിരാമയഃ .. 152..

അനപായോഽനന്തദൃഷ്ടിരപ്രമേയോഽജരോഽമരഃ .
തമോമോഹപ്രതിഹതിരപ്രതർക്യോഽമൃതോഽക്ഷരഃ .. 153..

അമോഘബുദ്ധിരാധാര ആധാരാധേയവർജിതഃ .
ഈഷണാത്രയനിർമുക്ത ഇഹാമുത്രവിവർജിതഃ .. 154..

ഋഗ്യജുഃസാമനയനോ ബുദ്ധിസിദ്ധിസമൃദ്ധിദഃ .
ഔദാര്യനിധിരാപൂർണ ഐഹികാമുഷ്മികപ്രദഃ .. 155..

ശുദ്ധസന്മാത്രസംവിദ്ധീ-സ്വരൂപസുഖവിഗ്രഹഃ .
ദർശനപ്രഥമാഭാസോ ദൃഷ്ടിദൃശ്യവിവർജിതഃ .. 156..

അഗ്രഗണ്യോഽചിന്ത്യരൂപഃ കലികല്മഷനാശനഃ .
വിമർശരൂപോ വിമലോ നിത്യരൂപോ നിരാശ്രയഃ .. 157..

നിത്യശുദ്ധോ നിത്യബുദ്ധഃ നിത്യമുക്തോഽപരാകൃതഃ .
മൈത്ര്യാദിവാസനാലഭ്യോ മഹാപ്രലയസ<ംസ്ഥിതഃ .. 158..

മഹാകൈലാസനിലയഃ പ്രജ്ഞാനഘനവിഗ്രഹഃ .
ശ്രീമാൻ വ്യാഘ്രപുരാവാസോ ഭുക്തിമുക്തിപ്രദായകഃ .. 159..

ജഗദ്യോനിർജഗത്സാക്ഷീ ജഗദീശോ ജഗന്മയഃ .
ജപോ ജപപരോ ജപ്യോ വിദ്യാസിംഹാസനപ്രഭുഃ .. 160..

തത്ത്വാനാം പ്രകൃതിസ്തത്ത്വം തത്ത്വമ്പദനിരൂപിതഃ .
ദിക്കാലാദ്യനവച്ഛിന്നഃ സഹജാനന്ദസാഗരഃ .. 161..

പ്രകൃതിഃ പ്രാകൃതാതീതോ വിജ്ഞാനൈകരസാകൃതിഃ .
നിഃശങ്കമതിദൂരസ്ഥശ്ചൈത്യചേതനചിന്തനഃ .. 162..

താരകാനാം ഹൃദന്തസ്ഥസ്താരകസ്താരകാന്തകഃ .
ധ്യാനൈകപ്രകടോ ധ്യേയോ ധ്യാനീ ധ്യാനവിഭൂഷണഃ .. 163..

പരം വ്യോമ പരം ധാമ പരമാത്മാ പരം പദം .
പൂർണാനന്ദഃ സദാനന്ദോ നാദമധ്യപ്രതിഷ്ഠിതഃ .. 164..

പ്രമാവിപര്യയാതീതഃ പ്രണതാജ്ഞാനനാശകഃ .
ബാണാർചിതാംഘ്രിർബഹുദോ ബാലകേലികുതൂഹലീ .. 165..

ബ്രഹ്മരൂപീ ബ്രഹ്മപദം ബ്രഹ്മവിദ് ബ്രാഹ്മണപ്രിയഃ .
ഭൂക്ഷേപദത്തലക്ഷ്മീകോ ഭൂമധ്യധ്യാനലക്ഷിതഃ .. 166..

യശസ്കരോ രത്നഗർഭോ മഹാരാജ്യസുഖപ്രദഃ .
ശബ്ദബ്രഹ്മ ശമപ്രാപ്യോ ലാഭകൃല്ലോകവിശ്രുതഃ .. 167..

ശാസ്താ ശിവാദ്രിനിലയഃ ശരണ്യോ യാജകപ്രിയഃ .
സംസാരവൈദ്യഃ സർവജ്ഞഃ സഭേഷജവിഭേഷജഃ .. 168..

മനോവചോഭിരഗ്രാഹ്യഃ പഞ്ചകോശവിലക്ഷണഃ .
അവസ്ഥാത്രയനിർമുക്തസ്ത്വവസ്ഥാസാക്ഷിതുര്യകഃ ..  169..

പഞ്ചഭൂതാദിദൂരസ്ഥഃ പ്രത്യഗേകരസോഽവ്യയഃ .
ഷട്ചക്രാന്തർഗതോല്ലാസീ ഷഡ്വികാരവിവർജിതഃ .. 170..

വിജ്ഞാനഘനസമ്പൂർണോ വീണാവാദനതത്പരഃ .
നീഹാരാകാരഗൗരാംഗോ മഹാലാവണ്യവാരിധിഃ .. 171..

പരാഭിചാരശമനഃ ഷഡധ്വോപരിസംസ്ഥിതഃ .
സുഷുമ്നാമാർഗസഞ്ചാരീ ബിസതന്തുനിഭാകൃതിഃ .. 172..

പിനാകീ ലിംഗരൂപശ്രീഃ മംഗലാവയവോജ്ജ്വലഃ .
ക്ഷേത്രാധിപഃ സുസംവേദ്യഃ ശ്രീപ്രദോ വിഭവപ്രദഃ .. 173..

സർവവശ്യകരഃ സർവദോഷഹാ പുത്രപൗത്രദഃ .
തൈലദീപപ്രിയസ്തൈലപക്വാന്നപ്രീതമാനസഃ .. 174..

തൈലാഭിഷേകസന്തുഷ്ടസ്തിലഭക്ഷണതത്പരഃ .
ആപാദകനികാമുക്താഭൂഷാശതമനോഹരഃ .. 175..

ശാണോല്ലീഢമണിശ്രേണീരമ്യാംഘ്രിനഖമണ്ഡലഃ .
മണിമഞ്ജീരകിരണകിഞ്ജൽകിതപദാംബുജഃ .. 176..

അപസ്മാരോപരിന്യസ്തസവ്യപാദസരോരുഹഃ .
കന്ദർപതൂണാഭജംഘോ ഗുൽഫോദഞ്ചിതനൂപുരഃ .. 177..

കരിഹസ്തോപമേയോരുരാദർശോജ്ജ്വലജാനുഭൃത് .
വിശങ്കടകടിന്യസ്തവാചാലമണിമേഖലഃ .. 178..

ആവർതനാഭിരോമാലിവലിമത്പല്ലവോദരഃ .
മുക്താഹാരലസത്തുംഗവിപുലോരസ്കരഞ്ജിതഃ .. 179..

വീരാസനസമാസീനോ വീണാപുസ്തോല്ലസത്കരഃ .
അക്ഷമാലാലസത്പാണിശ്ചിന്മുദ്രിതകരാംബുജഃ .. 180..

മാണിക്യകങ്കണോല്ലാസികരാംബുജവിരാജിതഃ .
അനർഘരത്നഗ്രൈവേയവിലസത്കംബുകന്ധരഃ .. 181..

അനാകലിതസാദൃശ്യചിബുകശ്രീവിരാജിതഃ .
മുഗ്ധസ്മിതപരീപാകപ്രകാശിതരദാങ്കുരഃ .. 182..

ചാരുചാമ്പേയപുഷ്പാഭനാസികാപുടരഞ്ജിതഃ .
വരവജ്രശിലാദർശപരിഭാവികപോലഭൂഃ .. 183..

കർണദ്വയോല്ലസദ്ദിവ്യമണികുണ്ഡലമണ്ഡിത്തഃ .
കരുണാലഹരീപൂർണകർണാന്തായതലോചനഃ .. 184..

അർധചന്ദ്രാഭനിടിലപാടീരതിലകോജ്ജ്വലഃ .
ചാരുചാമീകരാകാരജടാചർചിതചന്ദനഃ .
കൈലാസശിഖരസ്ഫർധികമനീയനിജാകൃതിഃ .. 185..

ഇതി ശ്രീദക്ഷിണാമൂർതിസഹസ്രനാമസ്തോത്രം സമ്പൂർണം ..

                   .. ഓം തത് സത് ..