NAGA SHANTHI STHOTHRAM

 

 നാഗശാന്തിസ്തോത്രം 

ശ്രീ ഗണേശായ നമഃ .
ശ്രീ ഹാടകേശ്വരായ നമഃ .
ആരക്തേന ശരീരേണ രക്താന്തായതലോചനഃ .
മഹാഭോഗകൃതാടോപഃ ശംഖാബ്ജകൃതലാഞ്ഛനഃ .. 1..

അനന്തോ നാഗരാജേന്ദ്രഃ ശിവപാദാർചനേ രതഃ .
മഹാപാപവിഷം ഹത്വാ ശാന്തിമാശു കരോതു മേ .. 2..

സുശ്വേതേന തു ദേഹേന സുശ്വേതോത്പലശേഖരഃ .
ചാരുഭോഗകൃതാടോപോ ഹാരചാരുവിഭൂഷണഃ .. 3..

വാസുകിർനാമ നാഗേന്ദ്രോ രുദ്രപൂജാപരോ മഹാൻ .
മഹാപാപം വിഷം ഹത്വാ ശാന്തിമാശു (ശാന്തിം ആശു) കരോതു മേ .. 4..

അതിപീതേന ദേഹേന വിസ്ഫുരദ്ഭോഗസമ്പദാ .
തേജസാചാഽതിദീപ്തേന കൃതഃ സ്വസ്തികലാഞ്ഛനഃ .. 5..

നാഗരാട് തക്ഷകഃ ശ്രീമാന്നാഗകോട്യാസമന്വിതഃ .
കരോതു മേ മഹാശാന്തിം സർവദോഷവിഷാവഹഃ .. 6..

അതികൃഷ്ണേന വർണേന സ്ഫുടോ വികടമസ്തകഃ .
കണ്ഠേ രേഖാത്രയോപേതോ ഘോരദംഷ്ട്രായുധോദ്യതഃ .. 7..

കർകോടകോ മഹാനാഗോ വിഷദർപബലാഽന്വിതഃ .
വിഷശസ്ത്രാഗ്നിസന്താപം ഹത്വാ ശാന്തിം കരോതു മേ .. 8..

പദ്മവർണേന ദേഹേന ചാരുപദ്മായതേക്ഷണഃ .
പഞ്ചബിന്ദുകൃതാഭാസോ ഗ്രീവായാം ശുഭലക്ഷണഃ .. 9..

ഖ്യാതഃ പദ്മോ മഹാനാഗോ ഹരപാദാർചനേ രതഃ .
കരോതു മേ മഹാശാന്തിം മഹാപാപം വിഷക്ഷയം .. 10..

പുണ്ഡരീകനിഭേനാഽപി ദേഹേനാഽമിതതേജസാ .
ശംഖശൂലാബ്ജരുചിരൈർഭൂഷിതോ മൂർധ്നി സർവദാ .. 11..

മഹാപദ്മോ മഹാനാഗോ നിത്യം പശുപതൗ രതഃ .
വിനിർധൂത(വിനിഹത്യ) വിഷം ഘോരം ശാന്തിമാശു കരോതു മേ .. 12..

ശ്യാമേന ദേഹഭാരേണ ശ്രീമത്കമലലോചനഃ .
വിഷദർപബലോന്മത്തോ ഗ്രീവായാമേകരേഖയാ .. 13..

ശംഖപാലഃ ശ്രിയാ ദീപ്തഃ ശിവപാദാബ്ജപൂജകഃ .
മഹാവിഷം മഹാപാപം ഹത്വാ ശാന്തിം കരോതു മേ .. 14..

അതിഗൗരേണ ദേഹേന ചന്ദ്രാർധകൃതമസ്തകഃ .
ദീപ്തഭോഗകൃതാടോപഃ ശുഭലക്ഷണലക്ഷിതഃ .. 15..

കുലികോ നാഗരാജേശോ നിത്യം ഹരപരായണഃ .
അപഹൃത്യ വിഷം ഘോരം കരോതു മമ ശാന്തികം .. 16..

അന്തരിക്ഷേ ച യേ നാഗാ യേ നാഗാഃ സ്വർഗസംസ്ഥിതാഃ .
ഗിരികന്ദരദുർഗേഷു യേ നാഗാ ഭൂമിസംസ്ഥിതാഃ .. 17..

പാതാലേ യേ സ്ഥിതാ നാഗാഃ സർവേപ്യന്യേ സമാഹിതാഃ .
രുദ്രപാദാർചനേ ശാന്താഃ കുർവന്തു മമ ശാന്തികം .. 18..

നാഗിന്യോ നാഗപത്ന്യശ്ച തഥാ കന്യാഃ കുമാരികാഃ .
ശിവഭക്താഃ സുമനസഃ ശാന്തിം കുർവന്തു മേ സദാ .. 19..

യദിദം നാഗസംസ്ഥാനം കീർതനാച്ഛ്രവണാദപി .
ന തം സർപാ വിഹിംസന്തി ന വിഷം ക്രമതേ സദാ .. 20..

ചിന്തിതം സിധ്യതേ(ലഭ്യതേ) നിത്യം തഥാ പാപപരിക്ഷയഃ .
സിദ്ധിമാശു പ്രയച്ഛന്തി സർവവിഘ്ന വിവർജിതാഃ .. 21..

ഇതി നാഗശാന്തിസ്തോത്രം സമ്പൂർണം 


MALAYALAM MEANING OF VERSES
അഷ്ടനാഗങ്ങളെയും സർപ്പഗണങ്ങളെയും സ്തുതിച്ച് സർപ്പദോഷങ്ങളിൽ
 നിന്നും വിഷഭയങ്ങളിൽ നിന്നും മോചനം നേടാൻ ജപിക്കുന്ന 
നാഗശാന്തി സ്തോത്രത്തിന്റെ ശ്ലോകം തിരിച്ചുള്ള 
മലയാളം അർത്ഥം താഴെ നൽകുന്നു:
ശ്ലോകം 1 - 2: അനന്തൻ
ആരക്തേന ശരീരേണ രക്താന്തായതലോചനഃ .
മഹാഭോഗകൃതാടോപഃ ശംഖാബ്ജകൃതലാഞ്ഛനഃ .. 1..
അനന്തോ നാഗരാജേന്ദ്രഃ ശിവപാദാർചനേ രതഃ .
മഹാപാപവിഷം ഹത്വാ ശാന്തിമാശു കരോതു മേ .. 2..
അർത്ഥം:
ചുവപ്പുരാശിയുള്ള തിരുമേനിയോടുകൂടിയവനും, 
അഗ്രഭാഗം ചുവന്ന നീണ്ട കണ്ണുകളുള്ളവനും, വലിയ പത്തി 
വിടർത്തി ഗംഭീരമായി നിലകൊള്ളുന്നവനും, ശംഖിന്റെയും 
താമരയുടെയും അടയാളങ്ങൾ അണിഞ്ഞവനും, സദാ ശിവപാദങ്ങളെ 
അർച്ചിക്കുന്നതിൽ മുഴുകിയിരിക്കുന്നവനുമായ നാഗരാജേന്ദ്രനായ 
അനന്തൻ എന്റെ മഹാപാപങ്ങളാകുന്ന വിഷത്തെ നശിപ്പിച്ച് എനിക്ക് 
വേഗത്തിൽ ശാന്തി പ്രദാനം ചെയ്യട്ടെ.
ശ്ലോകം 3 - 4: വാസുകി
സുശ്വേതേന തു ദേഹേന സുശ്വേതോത്പലശേഖരഃ .
ചാരുഭോഗകൃതാടോപോ ഹാരചാരുവിഭൂഷണഃ .. 3..
വാസുകിർനാമ നാഗേന്ദ്രോ രുദ്രപൂജാപരോ മഹാൻ .
മഹാപാപം വിഷം ഹത്വാ ശാന്തിമാശു കരോതു മേ .. 4..
അർത്ഥം:
അതിവെളുത്ത ശരീരമുള്ളവനും, വെളുത്ത ആമ്പൽപ്പൂക്കൾ 
ശിരസ്സിലണിഞ്ഞവനും, മനോഹരമായ പത്തിവിരിവോടെ ശോഭിക്കുന്നവനും, 
ഭംഗിയുള്ള മാലകളാൽ അലംകൃതനും, രുദ്രഭഗവാന്റെ പൂജയിൽ തത്പരനുമായ
 വാസുകിയെന്ന മഹാനായ നാഗേന്ദ്രൻ എന്റെ കഠിനപാപങ്ങളെയും 
വിഷത്തെയും നശിപ്പിച്ച് പെട്ടെന്ന് ശാന്തി നൽകട്ടെ.
ശ്ലോകം 5 - 6: തക്ഷകൻ
അതിപീതേന ദേഹേന വിസ്ഫുരദ്ഭോഗസമ്പദാ .
തേജസാചാഽതിദീപ്തേന കൃതഃ സ്വസ്തികലാഞ്ഛനഃ .. 5..
നാഗരാട് തക്ഷകഃ ശ്രീമാന്നാഗകോട്യാസമന്വിതഃ .
കരോതു മേ മഹാശാന്തിം സർവദോഷവിഷാവഹഃ .. 6..
അർത്ഥം:
കടുംമഞ്ഞനിറമുള്ള ശരീരത്തോടുകൂടിയവനും, വിടർന്നു തിളങ്ങുന്ന വലിയ
 പത്തികളുള്ളവനും, അതിദീപ്തമായ തേജസ്സുള്ളവനും, സ്വസ്തികചിഹ്നത്താൽ 
അലംകൃതനും, കോടിക്കണക്കിന് സർപ്പഗണങ്ങളോടുകൂടി വിളങ്ങുന്നവനുമായ 
തക്ഷകനാഗരാജൻ സകല ദോഷങ്ങളെയും വിഷബാധകളെയും അകറ്റി എനിക്ക് 
പരമശാന്തി അരുളട്ടെ.
ശ്ലോകം 7 - 8: കർക്കോടകൻ
അതികൃഷ്ണേന വർണേന സ്ഫുടോ വികടമസ്തകഃ .
കണ്ഠേ രേഖാത്രയോപേതോ ഘോരദംഷ്ട്രായുധോദ്യതഃ .. 7..
കർകോടകോ മഹാനാഗോ വിഷദർപബലാഽന്വിതഃ .
വിഷശസ്ത്രാഗ്നിസന്താപം ഹത്വാ ശാന്തിം കരോതു മേ .. 8..
അർത്ഥം:
കറുത്തുരുണ്ട വർണ്ണമുള്ളവനും, ഭയങ്കരമായ ശിരസ്സോടുകൂടിയവനും, 
കഴുത്തിൽ മൂന്ന് രേഖകളുള്ളവനും, ഭയാനകമായ വിഷപ്പല്ലുകളാകുന്ന 
ആയുധങ്ങൾ ഏന്തിയവനും, അതിയായ വിഷബലത്തോടും ഗർവ്വത്തോടും 
കൂടിയവനുമായ കർക്കോടകനെന്ന മഹാനാഗം വിഷം, ആയുധങ്ങൾ, അഗ്നി 
എന്നിവയാലുണ്ടാകുന്ന സകല സന്താപങ്ങളെയും ശമിപ്പിച്ച് എനിക്ക് ശാന്തി നൽകട്ടെ.
ശ്ലോകം 9 - 10: പദ്മൻ
പദ്മവർണേന ദേഹേന ചാരുപദ്മായതേക്ഷണഃ .
പഞ്ചബിന്ദുകൃതാഭാസോ ഗ്രീവായാം ശുഭലക്ഷണഃ .. 9..
ഖ്യാതഃ പദ്മോ മഹാനാഗോ ഹരപാദാർചനേ രതഃ .
കരോതു മേ മഹാശാന്തിം മഹാപാപം വിഷക്ഷയം .. 10..
അർത്ഥം:
താമരപ്പൂവിന്റെ നിറമുള്ള ശരീരത്തോടുകൂടിയവനും, മനോഹരമായ 
താമരയിതൾ പോലെയുള്ള നേത്രങ്ങളുള്ളവനും, കഴുത്തിൽ ശുഭലക്ഷണങ്ങളായി
 അഞ്ച് ബിന്ദുക്കൾ വിളങ്ങുന്നവനും, പരമശിവന്റെ 
പാദപൂജയിൽ മുഴുകിയിരിക്കുന്നവനുമായി പ്രസിദ്ധനായ പദ്മനാഗം
 എന്റെ മഹാപാപങ്ങളെയും വിഷബാധകളെയും നശിപ്പിച്ച് മഹാശാന്തി പ്രദാനം ചെയ്യട്ടെ.
ശ്ലോകം 11 - 12: മഹാപദ്മൻ
പുണ്ഡരീകനിഭേനാഽപി ദേഹേനാഽമിതതേജസാ .
ശംഖശൂലാബ്ജരുചിരൈർഭൂഷിതോ മൂർധ്നി സർവദാ .. 11..
മഹാപദ്മോ മഹാനാഗോ നിത്യം പശുപതൗ രതഃ .
വിനിർധൂതവിഷം ഘോരം ശാന്തിമാശു കരോതു മേ .. 12..
അർത്ഥം:
വെൺതാമരയ്ക്ക് സമാനമായ ശോഭയുള്ള ശരീരത്തോടുകൂടിയവനും, 
അപരിമേയമായ തേജസ്സുള്ളവനും, ശിരസ്സിൽ ശംഖ്, ശൂലം, താമര 
എന്നിവയുടെ അടയാളങ്ങളാൽ സദാ അലംകൃതനും, 
പശുപതിയായ പരമേശ്വരനിൽ ഭക്തിപൂർവ്വം രമിക്കുന്നവനുമായ
 മഹാപദ്മനാഗം ഘോരമായ വിഷത്തെ നിശ്ശേഷം ഇല്ലാതാക്കി 
എനിക്ക് ശാന്തി തരുമാറാകട്ടെ.
ശ്ലോകം 13 - 14: ശംഖപാലൻ
ശ്യാമേന ദേഹഭാരേണ ശ്രീമത്കമലലോചനഃ .
വിഷദർപബലോന്മത്തോ ഗ്രീവായാമേകരേഖയാ .. 13..
ശംഖപാലഃ ശ്രിയാ ദീപ്തഃ ശിവപാദാബ്ജപൂജകഃ .
മഹാവിഷം മഹാപാപം ഹത്വാ ശാന്തിം കരോതു മേ .. 14..
അർത്ഥം:
ശ്യാമവർണ്ണമുള്ള ശരീരത്തോട് കൂടിയവനും, താമരക്കണ്ണനും,
വിഷത്തിന്റെ കരുത്താൽ ഉന്മത്തനും, കഴുത്തിൽ ഒരു രേഖയുള്ളവനും, 
കാന്തിയോടെ വിളങ്ങുന്നവനും, പരമശിവന്റെ പാദപത്മങ്ങളെ 
പൂജിക്കുന്നവനുമായ ശംഖപാലൻ എന്റെ മഹാവിഷത്തെയും 
മഹാപാപങ്ങളെയും ഹനിച്ച് എനിക്ക് ശാന്തി നൽകട്ടെ.
ശ്ലോകം 15 - 16: കുലികൻ
അതിഗൗരേണ ദേഹേന ചന്ദ്രാർധകൃതമസ്തകഃ .
ദീപ്തഭോഗകൃതാടോപഃ ശുഭലക്ഷണലക്ഷിതഃ .. 15..
കുലികോ നാഗരാജേശോ നിത്യം ഹരപരായണഃ .
അപഹൃത്യ വിഷം ഘോരം കരോതു മമ ശാന്തികം .. 16..
അർത്ഥം:
അതിശോഭയുള്ള വെളുത്ത ശരീരത്തോടുകൂടിയവനും, ശിരസ്സിൽ ചന്ദ്രക്കല ധരിച്ചവനും,
 ദീപ്തമായ പത്തിവിരിവോടെ തിളങ്ങുന്നവനും, ശുഭലക്ഷണങ്ങൾ നിറഞ്ഞവനും, 
എപ്പോഴും ശിവഭക്തിയിൽ മുഴുകിയിരിക്കുന്നവനുമായ കുലികനെന്ന നാഗരാജാവ് 
ഘോരവിഷത്തെ അപഹരിച്ച് എനിക്ക് സമാധാനവും ശാന്തിയും നൽകട്ടെ.
ശ്ലോകം 17 - 18: സർവ്വലോക സർപ്പങ്ങൾ
അന്തരിക്ഷേ ച യേ നാഗാ യേ നാഗാഃ സ്വർഗസംസ്ഥിതാഃ .
ഗിരികന്ദരദുർഗേഷു യേ നാഗാ ഭൂമിസംസ്ഥിതാഃ .. 17..
പാതാലേ യേ സ്ഥിതാ നാഗാഃ സർവേപ്യന്യേ സമാഹിതാഃ .
രുദ്രപാദാർചനേ ശാന്താഃ കുർവന്തു മമ ശാന്തികം .. 18..
അർത്ഥം:
അന്തരീക്ഷത്തിലും സ്വർഗ്ഗത്തിലും വസിക്കുന്ന സർപ്പങ്ങൾ, 
മലയിടുക്കുകളിലും കാടുകളിലും ഭൂമിയിലും പാർക്കുന്ന സർപ്പങ്ങൾ, 
പാതാളലോകത്തിൽ വസിക്കുന്നവരും അല്ലാത്തവരുമായി ശിവപാദപൂജയിൽ 
ഏകാഗ്രചിത്തരായി ശാന്തഭാവത്തിൽ കഴിയുന്ന സകല നാഗഗണങ്ങളും 
എനിക്ക് ശാന്തി പ്രദാനം ചെയ്യട്ടെ.
ശ്ലോകം 19: നാഗകന്യകമാർ
നാഗിന്യോ നാഗപത്ന്യശ്ച തഥാ കന്യാഃ കുമാരികാഃ .
ശിവഭക്താഃ സുമനസഃ ശാന്തിം കുർവന്തു മേ സദാ .. 19..
അർത്ഥം:
നാഗിനികളും നാഗപത്നിമാരും കന്യകമാരും കുമാരിമാരുമായ
സകല നാഗസ്ത്രീകളും ശിവഭക്തരും പ്രസന്നമനസ്സുള്ളവരുമായി
എനിക്ക് എപ്പോഴും ശാന്തി നൽകി അനുഗ്രഹിക്കട്ടെ.
ശ്ലോകം 20 - 21: ഫലശ്രുതി
യദിദം നാഗസംസ്ഥാനം കീർതനാച്ഛ്രവണാദപി .
ന തം സർപാ വിഹിംസന്തി ന വിഷം ക്രമതേ സദാ .. 20..
ചിന്തിതം സിധ്യതേ നിത്യം തഥാ പാപപരിക്ഷയഃ .
സിദ്ധിമാശു പ്രയച്ഛന്തി സർവവിഘ്ന വിവർജിതാഃ .. 21..
അർത്ഥം:
നാഗങ്ങളുടെ ഈ സ്ഥാനങ്ങളെയും മഹിമകളെയും കുറിച്ചുള്ള സ്തോത്രം 
നിത്യവും കീർത്തനം ചെയ്യുകയോ ഭക്തിയോടെ കേൾക്കുകയോ ചെയ്യുന്നവനെ
ഒരിക്കലും സർപ്പങ്ങൾ ഉപദ്രവിക്കുകയില്ല; അവനിൽ വിഷബാധ ഏൽക്കുകയുമില്ല. 
അവൻ ആഗ്രഹിക്കുന്ന കാര്യങ്ങൾ സഫലമാകുകയും പാപങ്ങൾ നശിക്കുകയും ചെയ്യും.
സർവ്വ വിഘ്നങ്ങളും നീങ്ങി നാഗദേവതമാർ അവന് 
വേഗത്തിൽ അഭീഷ്ടസിദ്ധി പ്രദാനം ചെയ്യുന്നു.