Ganeshwarakrutham Skanda Kavacham

 

🕉️ ഗണേശ്വരകൃതം സ്കന്ദകവചം

(ശിവരഹസ്യാന്തർഗതേ ഈശാഖ്യേ)

ഗണേശ്വര ഉവാച ॥

കനകകുണ്ഡലമണ്ഡലരാജിത-
സരസിജാമലസുന്ദരലോചനम् ।
നിശിതശസ്ത്രശരാസനധാരിണം
ശരവണോദ്ഭവമീശസുതം നമഃ ॥ 156 ॥

സിന്ദൂരാരുണമിന്ദുകാന്തിവദനം
കേയൂരഹാരാദിഭിഃ ദിവ്യൈരാഭരണൈഃ ।
വിഭൂഷിതതനം സ്വർഗസൗഖ്യപ്രദം
അംഭോജാഭയശക്തി കുക്കുടധരം ।
ദിവ്യാംഗരാഗോജ്ജ്വലം
സുബ്രഹ്മണ്യമുപാസ്മഹേ
പ്രണമതാം സർവാർഥസിദ്ധിപ്രദം ॥ 157 ॥

---

🛡️ കവചം

ശിഖാം രക്ഷേത് കുമാരസ്തു
കാർത്തികേയഃ ശിരോഽവതു ।
ലലാടം പാർവതീസൂനുഃ
വിശാഖോऽവതു ഭ്രൂയുഗം ॥ 158 ॥

നേത്രേऽവ്യാത് ക്രൗഞ്ചഭേദീ ച
നാസികാം ശിഖിവാഹനഃ ।
കർണദ്വയം ശക്തിധരഃ
കർണമൂലേ ഷഡാനനഃ ॥ 159 ॥

ഗണ്ഡയുഗ്മം മഹാസേനഃ
കപോലൗ താരകാന്തകഃ ।
ഓഷ്ഠദ്വയം ച സേനാനീ
രസനാം ശിഖികേതനഃ ॥ 160 ॥

താലും കലാധരഃ പാതു
ദംഷ്ട്രാം ദേവശിഖാമണിഃ ।
ഗാംഗേയശ്ചുബുകം പാതു
മുഖം പാതു ശിഖോദ്ഭവഃ ॥ 161 ॥

ഹനൂ ഹരസുതഃ പാതു
കണ്ഠം പാതു സദാഗ്നിഭൂഃ ।
ഗ്രീവാം ഗൗരീസുതഃ പാതു
കക്ഷൗ കാരുണ്യവാരിധിഃ ॥ 162 ॥

സ്കന്ധൗ മമാവതാത് സ്കന്ദഃ
ബാഹുലേയോ ഭുജൗ മമ ।
ബാഹൂ ഭവോദ്ഭവഃ പാതു
കരൗ ഷാണ്മാതുരോഽവതു ॥ 163 ॥

അംഗുലീ പിംഗലഃ പാതു
ഹൃദയം മധുമിത്രജിത് ।
നാഭിം മമോദരം ചൈവ
സുബ്രഹ്മണ്യഃ സദാവതു ॥ 164 ॥

മധ്യം ജഗദ്വിഭുഃ പാതു
നാഭിം ദ്വാദശലോചനഃ ।
കടിം ദ്വിഷഡ്ഭുജഃ പാതു
ഗുഹ്യം പാതു ഗുഹഃ സദാ ॥ 165 ॥

ജഘനം ജാഹ്നവീസൂനുഃ
പൃഷ്ഠം പ്രമഥനായകഃ ।
ഊരൂ പായാദുമാപുത്രോ
ജാനുയുഗ്മം ജഗദ്ധിതഃ ॥ 166 ॥

ജംഘേ പാതു ജഗത്പൂജ്യഃ
ഗുൽഫൗ പാതു മഹാബലഃ ।
പാദൗ പാതു പരംജ്യോതി
സർവാംഗം കുക്കുടധ്വജഃ ॥ 167 ॥

ഊർധ്വം പാതു മഹോദാരഃ
ഽപ്യധസ്താത്പാതു ശാങ്കരിഃ ।
പാർശ്വം നഃ പാതു പാപഘ്നഃ
സർവതഃ പാതു ശക്തിധൃക് ॥ 168 ॥

പൂർവാഹ്ണേഽവ്യാത് പരം ബ്രഹ്മ
മധ്യാഹ്ണേഽവതു താരജിത് ।
അപരാഹ്ണേ ഗുഹഃ പാതു
രാത്രൗ ദൈത്യാന്തകോഽവതു ॥ 169 ॥

ത്രിസന്ധ്യം ച സുധീഃ പാതു
സർവദാ പാതു ബർഹിഗഃ ।
ബഹിഷ്ഠം ഷണ്മുഖഃ പാതു
അന്തഃസ്ഥം കൃത്തികാസുതഃ ॥ 170 ॥

വ്രജന്തം സുരസൈന്യേശഃ
അടന്തം പാശധൃഗ് വിഭുഃ ।
ശയാനം പാതു ശൂരഘ്നോ
മാർഗേ പാതു കുമാരകഃ ॥ 171 ॥

വനേ രണേ ഗിരിചരഃ
സദാ രക്ഷതു മാം വടുഃ ।
സുബ്രഹ്മണ്യസ്യ കവചം
ധർമ്മകാമാർത്ഥമോക്ഷദം ॥ 172 ॥

മന്ത്രാണാം പരമം മന്ത്രം
ഗുഹ്യാദ്ഗുഹ്യതരം സദാ ।
പഠൻ ശൃണ്വൻ സർവപാപൈഃ
രോഗൈശ്ചാപി വിമുച്യതേ ॥ 173 ॥

---

 സമാപനം

॥ ഇതി ശിവരഹസ്യാന്തർഗതേ ഈശാഖ്യേ
ഗണേശ്വരകൃതം സ്കന്ദകവചം സമ്പൂർണം ॥

॥ ശ്രീശിവരഹസ്യം — ഈശാഖ്യഃ ദ്വാദശമാംശഃ  ॥