ശ്രീരുദ്രസഹസ്രനാമസ്തോത്രം (ഭൃംഗിരിതിസംഹിത)
പൂർവ്വപീഠികാ – പ്രാർത്ഥന
കൈലാസാചലശൃംഗാഗ്രേ രത്നസിംഹാസനേ സ്ഥിതം ।
പാർവ്വത്യാ സഹിതം ദേവം ശിവം വേദാന്തവർണ്ണിതം ॥ 1 ॥
കദാചിദ്ഭഗവാൻ വിഷ്ണുരാഗത്യ പരയാ മുദാ ।
തുഷ്ടാവ വിവിധൈസ്തോത്രൈർ ഭഗവന്തമുമാപതിം ॥ 2 ॥
മഹാദേവ! മഹാദേവ! മഹാദേവ! ദയാനിധേ! ।
ഭവാനേവ ഭവാനേവ ഗതിർമേ ഹ്യർപ്പിതാ തവ ॥ 3 ॥
സ്രഷ്ടാരോ യപി പ്രജാനാം പ്രബലഭവഭയാദ്യന്നമസ്യന്തി ദേവാഃ ।
യശ്ചിത്തേ സംപ്രവിഷ്ടോ യപ്യവഹിതമനസാം ധ്യാനയുക്താത്മനാം ച ।
ലോകാനാമാദിദേവഃ സ ജയതു ഭഗവാൻ ശ്രീഭവാനിസമേതഃ ।
ബിഭ്രാണഃ സോമലേഖാം മഹിവലയവരം ഗംഗാചന്ദ്രം കപാലം ॥ 4 ॥
നമശ്ശിവായ സാംബായ സഗണായ സസൂനവേ ।
സനന്ദിനേ സഗംഗായ സവൃഷായ നമോ നമഃ ॥ 5 ॥
സ്വർണ്ണാസനായ സൗമ്യായ ശക്തിശൂലധരായ ച ।
നമോ ദിക്ചർമ്മവസനായ ഈശാനായ നമോ നമഃ ॥ 6 ॥
ബ്രാഹ്മണേ ബ്രഹ്മദേഹായ നമസ്തത്പുരുഷായ തേ ।
നമോന്ധകവിനാശായ അഘോരായ നമോ നമഃ ॥ 7 ॥
രുദ്രായ പഞ്ചവക്ത്രായ വാമദേവായ തേ നമഃ ।
സർവ്വയോഗവിനാശായ സദ്യോജാതായ തേ നമഃ ॥ 8 ॥
ഗിരിശായ സുദേഹായ സുന്ദരായ നമോ നമഃ ।
ഭീമായോഗ്രസ്വരൂപായ വിജയായ നമോ നമഃ ॥ 9 ॥
സുരാസുരാധിപതയേ അനന്തായ നമോ നമഃ ।
സൂക്ഷ്മായ വഹ്നിഹസ്തായ വരഖട്വാംഗധാരിണേ ॥ 10 ॥
ശിവോത്തമായ ഭർഗ്ഗായ വിരൂപാക്ഷായ തേ നമഃ ।
ശാന്തായ ച തമോഘ്നായ ഏകനേത്രായ തേ നമഃ ॥ 11 ॥
വേധസേ വിശ്വരൂപായ ഏകരുദ്രായ തേ നമഃ ।
ഭക്താനുകമ്പിനേത്യത്യർത്ഥം നമസ്തേസ്തു ത്രിമൂർത്തയേ ।
ശ്രീകണ്ഠായ നമസ്തേസ്തു രുദ്രാണാം ശതധാരിണേ ॥ 12 ॥
പഞ്ചാസ്യായ ശുഭാസ്യായ നമസ്തേസ്തു ശിഖണ്ഡിനേ ।
ഏവം സ്തുതോ മഹാദേവഃ പ്രാഹ ഗംഭീരയാ ഗിരാ ॥ 13 ॥
സംവാദഭാഗം
കിം തവേഷ്ടം മമ പുരോ വദ വിഷ്ണോ പ്രിയങ്കര! ।
ഇത്യുക്തഃ കമലാക്ഷസ്തു ശിവം പ്രാഹ രമാപതിഃ ॥ 14 ॥
ലോകാനാം രക്ഷണേ താവന്നിയുക്തോ ഭവതാ ഹ്യഹം ।
തദ്രക്ഷണേ യഥാശക്തോ ഭവേയം ച തഥാ കുരു ॥ 15 ॥
അസുരാണാം വധാർത്ഥായ ബലം ദേഹി വപുഷി മേ ।
രുദ്രനാമസഹസ്രം ച തദർത്ഥം വദ മേ പ്രഭോ ॥ 16 ॥
ഇതി സംപ്രാർത്ഥിതസ്തേന മാധവേന മഹേശ്വരഃ ।
പ്രോവാച രുദ്രനാമാനി തന്മാഹാത്മ്യസ്യ സംഗ്രഹം ॥ 17 ॥
ഏകാദശരുദ്രനാമങ്ങൾ
അജൈകപാദഹിർബുധ്ന്യഃ ത്വഷ്ടാ പ്രോക്തസ്തൃതീയഗഃ ।
വിശ്വരൂപഹരശ്ചൈവ ബഹുരൂപസ്ത്രീയംബകഃ ॥ 18 ॥
അപരാജിതസ്സപ്തമശ്ച അഷ്ടമശ്ച വൃഷാകപിഃ ।
ശംഭുഃ കപർദ്ദീ ദശമഃ രൈവത ഏകാദശഃ സ്മൃതഃ ॥ 19 ॥
ഇത്യേകാദശരുദ്രാണാം നാമാനി കഥിതാനി തേ ॥ 20 ॥
വിനിയോഗം – ന്യാസം
അസ്യ ശ്രീരുദ്രസഹസ്രനാമസ്തോത്രമഹാമന്ത്രസ്യ –
ഭഗവാൻ മഹാദേവ ഋഷിഃ ।
അനുഷ്ടുപ് ഛന്ദഃ ।
ശ്രീരുദ്രോ ദേവതാ ।
ശ്രീം ബീജം । രും ശക്തിഃ । ദ്രം കീലകം ।
ശ്രീരുദ്രപ്രസാദസിദ്ധ്യർത്ഥേ ജപേ വിനിയോഗഃ ॥
കരന്യാസം
ഓം അം അംഗുഷ്ഠാഭ്യാം നമഃ
നം തർജ്ജനീഭ്യാം നമഃ
മം മധ്യമാഭ്യാം നമഃ
ഭം അനാമികാഭ്യാം നമഃ
ഗം കനിഷ്ഠികാഭ്യാം നമഃ
വം കരതലകരപൃഷ്ഠാഭ്യാം നമഃ
അംഗന്യാസം
തേം ഹൃദയായ നമഃ
രും ശിരസേ സ്വാഹാ
ദ്രാം ശിഖായൈ വഷട്
യം കവചായ ഹും
ഓം നേത്രത്രയായ വൗഷട്
ശ്രീം അസ്ത്രായ ഫട്
ഭൂർഭുവസ്സുവരോം ഇതി ദിഗ്ബന്ധഃ ॥
ധ്യാനം
നേത്രാണാം ദ്വിസഹസ്രകൈഃ പരിവൃത്തമത്യുഗ്രചർമ്മാംബരം ഹേമാഭം ഗിരീശം ।
സഹസ്രശിരസം ആമുക്തകേശാന്വിതം ।
ഘണ്ടാമണ്ഡിതപാദപത്മയുഗലം നാഗേന്ദ്രകുംഭോപരി തിഷ്ഠന്തം ।
ദ്വിസഹസ്രഹസ്തമനിശം ധ്യായാമി രുദ്രം പരം ॥
പഞ്ചപൂജ
ലം പൃഥിവ്യാത്മനേ ഗന്ധം സമർപ്പയാമി ।
ഹം ആകാശാത്മനേ പുഷ്പാണി സമർപ്പയാമി ।
യം വായ്വാത്മനേ ധൂപമാഘ്രാപയാമി ।
രം വഹ്ന്യാത്മനേ ദീപം ദർശയാമി ।
വം അമൃതാത്മനേ അമൃതം നിവേദയാമി ।
സം സർവ്വാത്മനേ സർവ്വോപചാരാൻ സമർപ്പയാമി ॥
(സഹസ്രനാമസ്തോത്ര പാരായണസമാപ്തൗ അഗ്ന്യാസമാത്രം കൃത്വാ ധ്യാത്വാ ദിഗ്വിമോചനം, ലമിത്യാദി പഞ്ചപൂജാം ച കുര്യാത്)
1
ഓം നമോ ഭഗവതേ രുദ്രായ ।
ഓം അം ഹ്രീം ജപസ്തുത്യഃ ഓം നമഃ പദവാചകഃ ।
ഓംകാരകർത്താ ച ഓംകാരവേത്താ ച ഓംകാരബോധകഃ ॥ 1 ॥
2
ഓംകാരകന്ദരസിംഹഃ ഓംകാരജ്ഞാനവാരിധിഃ ।
ഓംകാരകന്ദാങ്കുരികഃ ഓംകാരവദനോജ്ജ്വലഃ ॥ 2 ॥
3
ഓംകാരാകൂടശ്ചായം ഓംകാരപദവാചകഃ ।
ഓംകാരകുണ്ടസപ്താർചിഃ ഓംകാരാവാലകല്പകഃ ॥ 3 ॥
4
ഓംകാരകോകമിഹിരഃ ഓംകാരശ്രീനികേതനഃ ।
ഓംകാരകണ്ഠശ്ച ഓംകാരസ്കന്ധശ്ച ഓംകാരദോര്യുഗഃ ॥ 4 ॥
5
ഓംകാരചരണദ്വന്ദ്വഃ ഓംകാരമണിപാദുകഃ ।
ഓംകാരചക്ഷുശ്ച ഓംകാരശ്രുതിശ്ച ഓംകാരഭ്രൂയുഗഃ ॥ 5 ॥
6
ഓംകാരജപസുപ്രീതഃ ഓംകാരൈകപരായണഃ ।
ഓംകാരദീർഘികാഹംസശ്ച ഓംകാരജപതാരകഃ ॥ 6 ॥
7
ഓംകാരപദതത്ത്വാർത്ഥഃ ഓംകാരാംഭോധിചന്ദ്രമാഃ ।
ഓംകാരപീഠമധ്യസ്ഥഃ ഓംകാരാർത്ഥപ്രകാശകഃ ॥ 7 ॥
8
ഓംകാരപൂജ്യശ്ച ഓംകാരസ്ഥിതശ്ച ഓംകാരസുപ്രഭുഃ ।
ഓംകാരപൃഷ്ഠശ്ച ഓംകാരകടിശ്ച ഓംകാരമധ്യമഃ ॥ 8 ॥
9
ഓംകാരപേടകമണിഃ ഓംകാരാഭരണോജ്ജ്വലഃ ।
ഓംകാരപഞ്ചരശുകഃ ഓംകാരാർണവമൗക്തികഃ ॥ 9 ॥
10
ഓംകാരഭദ്രപീഠസ്ഥഃ ഓംകാരസ്തുതവിഗ്രഹഃ ।
ഓംകാരഭാനുകിരണഃ ഓംകാരകമലാകരഃ ॥ 10 ॥
11
ഓംകാരമണിദീപാർചിഃ ഓംകാരവൃഷവാഹനഃ ।
ഓംകാരമയസർവാംഗഃ ഓംകാരഗിരിജാപതിഃ ॥ 11 ॥
12
ഓംകാരാകന്ദവാടകഃ ഓംകാരാദർശബിംബിതഃ ।
ഓംകാരമൂർത്തിശ്ച ഓംകാരനിധിശ്ച ഓംകാരസന്നിഭഃ ॥ 12 ॥
13
ഓംകാരമൂർദ്ധാ ച ഓംകാരഭാലശ്ച ഓംകാരനാസികഃ ।
ഓംകാരമണ്ഡപാവാസഃ ഓംകാരാങ്ങണദീപകഃ ॥ 13 ॥
14
ഓംകാരമൗലിശ്ച ഓംകാരകേലിശ്ച ഓംകാരവാരിധിഃ ।
ഓംകാരാരണ്യഹരിണഃ ഓംകാരശശിശേഖരഃ ॥ 14 ॥
15
ഓംകാരാരാമമന്ദാരഃ ഓംകാരബ്രഹ്മവിത്തമഃ ।
ഓംകാരരൂപശ്ച ഓംകാരവാച്യഃ ള്കാരചിന്തകഃ ॥ 15 ॥
16
ഓംകാരോദ്യാനബർഹീ ച ഓംകാരശരദംബുദഃ ।
ഓംകാരവക്ഷാശ്ച ഓംകാരകുക്ഷിശ്ച ഓംകാരപാർശ്വകഃ ॥ 16 ॥
17
ഓംകാരവേദോപനിഷത് ഓംകാരാധ്വരദീക്ഷിതഃ ।
ഓംകാരശേഖരശ്ചൈവ തഥാ ച ഓംകാരവിശ്വകഃ ॥ 17 ॥
18
ഓംകാരശക്തിശ്ച ഓംകാരജാനുശ്ച ഓംകാരഗുൽഫകഃ ।
ഓംകാരസാരസർവസ്വഃ ഓംകാരസുമഷട്പദഃ ॥ 18 ॥
19
ഓംകാരസൗധനിലയഃ ഓംകാരസ്ഥാനനർത്തകഃ ।
ഓംകാരഹനുരേവായം ഓംകാരവതുരീരിതഃ ॥ 19 ॥
20
ഓംകാരജ്ഞേയ ഏവായം തഥാ ച ഓംകാരപേശലഃ ।
ഓം നം ബീജജപപ്രീതഃ ഓം യോം ഭംമാൻസ്വരൂപകഃ ॥ 20 ॥
21
ഓംപദാതീതവസ്ത്വംശഃ ഓമിത്യേകാക്ഷരാത്പരഃ ।
ഓംപദേന ച സംസ്തവ്യഃ ഓംകാരധ്യേയ ഏവ ച ॥ 21 ॥
22
ഓം യം ബീജജപാരാധ്യഃ ഓംകാരനഗരാധിപഃ ।
ഓം വം തേം ബീജസുലഭഃ ഓം രും ദ്രാം ബീജതത്പരഃ ॥ 22 ॥
23
ഓം ശിവായേതി സഞ്ജപ്യഃ ഓം ഹ്രീം ശ്രീം ബീജസാധകഃ ।
നകാരരൂപോ നാദാന്തോ നാരായണസമാശ്രിതഃ ॥ 23 ॥
24
നാഗപ്രവരമധ്യസ്ഥോ നമസ്കാരപ്രിയോ നടഃ ।
നാഗേന്ദ്രഭൂഷണോ നാഗവാഹനോ നന്ദിവാഹനഃ ॥ 24 ॥
25
നന്ദികേശസമാരാധ്യോ നന്ദനോ നന്ദിവർദ്ധനഃ ।
നരക്ലേശഹരോ നിമേഷോ നിരുപദ്രവഃ ॥ 25 ॥
26
നരസിംഹാർചിതപദോ നവനാഗനിഷേവിതഃ ।
നവഗ്രഹാർചിതപദോ നവസൂത്രവിധാനവിദ് ॥ 26 ॥
27
നവചന്ദനലിപ്താംഗോ നവചന്ദ്രകലാധരഃ ।
നവനീതപ്രിയാഹാരോ നിപുണോ നിപുണപ്രിയഃ ॥ 27 ॥
28
നവബ്രഹ്മാർചിതപദോ നഗേന്ദ്രതനയാപ്രിയഃ ।
നവഭസ്മവിദിഗ്ധാംഗോ നവബന്ധവിമോചകഃ ॥ 28 ॥
29
നവവസ്ത്രപരിധാനോ നവരത്നവിഭൂഷിതഃ ।
നവസിദ്ധസമാരാധ്യോ നാമരൂപവിവർജിതഃ ॥ 29 ॥
30
നാകേശപൂജ്യോ നാദാത്മാ നിർലേപോ നിധനാധിപഃ ।
നാദപ്രിയോ നദീഭർത്താ നരനാരായണാർചിതഃ ॥ 30 ॥
31
നാദബിന്ദുകലാതീതോ നാദബിന്ദുകലാത്മകഃ ।
നാദാകാരോ നിരാധാരോ നിഷ്പ്രഭോ നീതിവിത്തമഃ ॥ 31 ॥
32
നാനാക്രതുവിധാനജ്ഞോ നാനാഭീഷ്ടവരപ്രദഃ ।
നാമപാരായണപ്രീതോ നാനാശാസ്ത്രവിശാരദഃ ॥ 32 ॥
33
നാരദാദിസമാരാധ്യോ നവദുർഗാർച്ചനപ്രിയഃ ।
നിഖിലാഗമസംസേവ്യോ നിഗമാചാരതത്പരഃ ॥ 33 ॥
34
നിഃചേരുര് നിഷ്ക്രിയോ നാഥോ നിരീഹോ നിധിരൂപകഃ ।
നിത്യക്രുദ്ധോ നിരാനന്ദോ നിരാഭാസോ നിരാമയഃ ॥ 34 ॥
35
നിത്യാനപായമഹിമാ നിത്യബുദ്ധോ നിരങ്കുശഃ ।
നിത്യോത്സാഹോ നിത്യനിത്യോ നിത്യാനന്ദസ്വരൂപകഃ ॥ 35 ॥
36
നിരവദ്യോ നിശുംബഘ്നോ നദീരൂപോ നിരീശ്വരഃ ।
നിർമ്മലോ നിർഗുണോ നിത്യോ നിരപായോ നിധിപ്രദഃ ॥ 36 ॥
37
നിർവികൽപോ നിർഗുണസ്ഥോ നിഷംഗീ നീലലോഹിതഃ ।
നിഷ്കളങ്കോ നിഷ്പ്രപഞ്ചോ നിർദ്വന്ദ്വോ നിർമലപ്രഭഃ ॥ 37 ॥
38
നിസ്തുലോ നീലചിക്കുരോ നിസ്സംഗോ നിത്യമംഗലഃ ।
നീപപ്രിയോ നിത്യപൂർണോ നിത്യമംഗലവിഗ്രഹഃ ॥ 38 ॥
39
നീലഗ്രീവോ നിരുപമോ നിത്യശുദ്ധോ നിരഞ്ജനഃ ।
നൈമിത്തികാർച്ചനപ്രീതോ നവർഷിഗണസേവിതഃ ॥ 39 ॥
40
നൈമിശാരണ്യനിലയോ നീലജീമൂತನിസ്വനഃ ।
മകാരരൂപോ മന്ത്രാത്മാ മായാതീതോ മഹാനിധിഃ ॥ 40 ॥
41
മകുടാംഗദകേയൂരകങ്കണാദിപരിഷ്കൃതഃ ।
മണിമണ്ഡപമധ്യസ്ഥോ മൃദാനീപരിസേവിതഃ ॥ 41 ॥
42
മധുരോ മധുരനാഥോ മീനാക്ഷീപ്രാണവല്ലഭഃ ।
മനോന്മനോ മഹേഷ്വാസോ മാന്ധാതൃപതി പൂജിതഃ ॥ 42 ॥
43
മയസ്കരോ മൃഡോ മൃഗോ മൃഗഹസ്തോ മൃഗപ്രിയഃ ।
മലയസ്ഥോ മന്ദരസ്ഥോ മലയാനിലസേവിതഃ ॥ 43 ॥
44
മഹാകായോ മഹാവക്ത്രോ മഹാദംഷ്ട്രോ മഹാഹനുഃ ।
മഹാകൈലാസനിലയോ മഹാകാരുണ്യവാരിധിഃ ॥ 44 ॥
45
മഹാഗുണോ മഹോത്സാഹോ മഹാമംഗലവിഗ്രഹഃ ।
മഹാജാനുർമഹാജംഘോ മഹാപാദോ മഹാനഖഃ ॥ 45 ॥
46
മഹാധാരോ മഹാധീരോ മംഗലോ മംഗലപ്രദഃ ।
മഹാധൃതിർമഹാമേഘോ മഹാമന്ത്രോ മഹാശനഃ ॥ 46 ॥
47
മഹാപാപപ്രശമനോ മിതഭാഷീ മധുപ്രദഃ ।
മഹാബുദ്ധിർ മഹാസിദ്ധിർ മഹായോഗീ മഹേശ്വരഃ ॥ 47 ॥
48
മഹാഭിഷേകസന്തുഷ്ടോ മഹാകാലോ മഹാനടഃ ।
മഹാഭുജോ മഹാവക്ഷാഃ മഹാകുക്ഷിർ മഹാകടിഃ ॥ 48 ॥
49
മഹാഭൂതിപ്രദോ മാന്യോ മുനിവൃന്ദനിഷേവിതഃ ।
മഹാവീരേന്ദ്രവരദോ മഹാലാവണ്യശേവധിഃ ॥ 49 ॥
50
മാതൃമണ്ഡലസംസേവ്യോ മന്ത്രതന്ത്രാത്മകോ മഹാൻ ।
മധ്യന്ദിനസവസ്തുത്യോ മഖധ്വംസി മഹേശ്വരഃ ॥ 50 ॥
51
മായാബീജജപപ്രീതോ മാഷാന്നപ്രീതമാനസഃ ।
മാർത്താണ്ഡഭൈരവാരാധ്യോ മോക്ഷദോ മോഹിനീപ്രിയഃ ॥ 51 ॥
52
മാർത്താണ്ഡമണ്ഡലസ്ഥശ്ച മന്ദാരകുസുമപ്രിയഃ ।
മിഥിലാപുരനാഥശ്ച മിഥിലാപതിപൂജിതഃ ॥ 52 ॥
53
മിഥ്യാജഗദധിഷ്ഠാനോ മിഹിരോ മേറുകാർമുകഃ ।
മുദ്ഗോദനപ്രിയോ മിത്രോ മയോഭൂർമന്ത്രവിത്തമഃ ॥ 53 ॥
54
മൂലാധാരസ്ഥിതോ മുഗ്ധോ മണിപൂരനിവാസകഃ ।
മൃഗാക്ഷോ മഹിഷാരൂഢോ മഹിഷാസുരമർദനഃ ॥ 54 ॥
55
മൃഗാങ്കശേഖരോ മൃത്യുഞ്ജയോ മൃത്യുവിനാശകഃ ।
മേറുശൃംഗാഗ്രനിലയോ മഹാശാന്തോ മഹീസ്തുതഃ ॥ 55 ॥
56
മൗഞ്ജീബദ്ധോ മഘവാൻ മഹേശോ മംഗളപ്രദഃ ।
മഞ്ജുമഞ്ജീരചരണോ മന്ത്രിപൂജ്യോ മദാപഹഃ ॥ 56 ॥
57
മംബീജജപസന്തുഷ്ടോ മായാവീ മാരമർദനഃ ।
ഭക്തകല്പതരുര്ഭാഗ്യദാതാ ഭാവാർത്ഥഗോചരഃ ॥ 57 ॥
58
ഭക്തചൈതന്യനിലയോ ഭാഗ്യാരോഗ്യപ്രദായകഃ ।
ഭക്തപ്രിയോ ഭക്തിഗമ്യോ ഭക്തവശ്യോ ഭയാപഹഃ ॥ 58 ॥
59
ഭക്തേഷ്ടദാതാ ഭക്താർതിഭഞ്ജനോ ഭക്തപോഷകഃ ।
ഭദ്രദോ ഭംഗുരോ ഭീമോ ഭദ്രകാളിപ്രിയങ്കരഃ ॥ 59 ॥
60
ഭദ്രപീഠകൃതാവാസോ ഭൂതിഭൃദ് ഭദ്രവാഹനഃ ।
ഭവഭീതിഹരോ ഭർഗോ ഭാർഗവോ ഭാരതീപ്രിയഃ ॥ 60 ॥
61
ഭവ്യോ ഭവോ ഭവാനീശോ ഭൂതാത്മാ ഭൂതഭാവനഃ ।
ഭസ്മാസുരേഷ്ടദോ ഭൂമാ ഭർത്താ ഭൂസുരവന്ദിതഃ ॥ 61 ॥
62
ഭാഗീരഥീപ്രിയോ ഭൗമോ ഭഗീരഥസമർച്ചിതഃ ।
ഭാനുകോടിപ്രതീകാശോ ഭഗനേത്രവിദാരണഃ ॥ 62 ॥
63
ഭാലനേത്രാഗ്നിസന്ദഗ്ധമന്മഥോ ഭൂഭൃദാശ്രയഃ ।
ഭാഷാപതിസ്തുതോ ഭാസ്വാൻ ഭവഹേതിർഭയങ്കരഃ ॥ 63 ॥
64
ഭാസ്കരോ ഭാസ്കരാരാധ്യോ ഭക്തചിത്താപഹാരകഃ ।
ഭീമകർമ്മാ ഭീമവർമാ ഭൂതിഭൂഷണഭൂഷിതഃ ॥ 64 ॥
65
ഭീമഘണ്ടാകരോ ഭണ്ഡാസുരവിധ്വംസനോത്സുകഃ ।
ഭുംബാരവപ്രിയോ ബ്രഹ്മഹത്യാപാതകനാശനഃ ॥ 65 ॥
66
ഭൂതകൃദ് ഭൂതഭൃദ് ഭാവോ ഭീഷണോ ഭീതിനാശനഃ ।
ഭൂതവ്രാതപരിത്രാതാ ഭീതാഭീതഭയാപഹഃ ॥ 66 ॥
67
ഭൂതാധ്യക്ഷോ ഭരദ്വാജോ ഭരദ്വാജസമാശ്രിതഃ ।
ഭൂപതിത്വപ്രദോ ഭീമോ ഭൈരവോ ഭീമനിസ്വനഃ ॥ 67 ॥
68
ഭൂഭാരോത്തരണമൂർത്തിർ ഭൃംഗിരിടിസേവ്യപദാംബുജഃ ।
ഭൂമിദോ ഭൂതിദോ ഭൂതിർ ഭവാരണ്യകുഠാരകഃ ॥ 68 ॥
69
ഭൂർഭുവസ്സ്വഃപതിഃ ഭൂപോ ഭിണ്ഡിവാലഭുശുണ്ഡിഭൃത് ।
ഭൂലോകവാസി ഭൂലോകനിവാസിജനസേവിതഃ ॥ 69 ॥
70
ഭൂസുരാരാധനപ്രീതോ ഭൂസുരേഷ്ടഫലപ്രദഃ ।
ഭൂസുരേഡ്യോ ഭൂസുരേശോ ഭൂതഭേതാളസേവിതഃ ॥ 70 ॥
71
ഭൈരവാഷ്ടകസംസേവ്യോ ഭൈരവോ ഭൂമിജാർചിതഃ ।
ഭോഗദോ ഭോഗഭുഗ് ഭോഗ്യോ ഭോഗിഭൂഷണഭൂഷിതഃ ॥ 71 ॥
72
ഭോഗമാർഗപ്രദോ ഭോഗീ ഭോഗികുണ്ഡലമണ്ഡിതഃ ।
ഭോഗമോക്ഷപ്രദോ ഭോക്താ ഭിക്ഷാചരണതത്പരഃ ॥ 72 ॥
73
ഗകാരരൂപോ ഗണപോ ഗുണാതീതോ ഗുഹപ്രിയഃ ।
ഗജചർമ്മപരിധാനോ ഗംഭീരോ ഗാധിപൂജിതഃ ॥ 73 ॥
74
ഗജാനനപ്രിയോ ഗൗരീവല്ലഭോ ഗിരിശോ ഗുണഃ ।
ഗണോ ഗൃത്സോ ഗൃത്സപതിർ ഗരുഡാഗ്രജപൂജിതഃ ॥ 74 ॥
75
ഗദാദ്യായുധസമ്പന്നോ ഗന്ധമാല്യവിഭൂഷിതഃ ।
ഗയാപ്രയാഗനിലയോ ഗുഡാകേശപ്രപൂജിതഃ ॥ 75 ॥
76
ഗർവാതീതോ ഗണപതിര്ഗണകോ ഗണഗോചരഃ ।
ഗായത്രീമന്ത്രജനകോ ഗീയമാനഗുണോ ഗുരുഃ ॥ 76 ॥
77
ഗുണജ്ഞേയോ ഗുണധ്യേയോ ഗോപ്താ ഗോദാവരീപ്രിയഃ ।
ഗുണാകരോ ഗുണാതീതോ ഗുരുമണ്ഡലസേവിതഃ ॥ 77 ॥
78
ഗുണാധാരോ ഗുണാധ്യക്ഷോ ഗർവിതോ ഗാനലോലുപഃ ।
ഗുണത്രയാത്മാ ഗുഹ്യശ്ച ഗുണത്രയവിഭാവിതഃ ॥ 78 ॥
79
ഗുരുധ്യാതപദദ്വന്ദ്വോ ഗിരിശോ ഗുണഗോചരഃ ।
ഗുഹാവാസോ ഗുഹാധ്യക്ഷോ ഗുഡാന്നപ്രീതമാനസഃ ॥ 79 ॥
80
ഗൂഢഗുൽഫോ ഗൂഢതനുർ ഗജാരൂഢോ ഗുണോജ്ജ്വലഃ ।
ഗൂഢപാദപ്രിയോ ഗൗഡപാദനിഷേവിതഃ ॥ 80 ॥
81
ഗോത്രാണതത്പരോ ഗ്രീഷ്മോ ഗീഷ്പതിര്ഗോപതിസ്തഥാ ।
ഗോരോചനപ്രിയോ ഗുപ്തോ ഗോമാതൃപരിസേവിതഃ ॥ 81 ॥
82
ഗോവിന്ദവല്ലഭോ ഗംഗാജൂട്ടോ ഗോവിന്ദപൂജിതഃ ।
ഗോഷ്ഠ്യോ ഗൃഹ്യോ ഗുഹാന്തസ്ഥോ ഗഹ്വരേഷ്ഠോ ഗദാന്തകൃത് ॥ 82 ॥
83
ഗോസവാസക്തഹൃദയോ ഗോപ്രിയോ ഗോധനപ്രദഃ ।
ഗോഹത്യാദിപ്രശമനോ ഗോത്രീ ഗൗരീമനോഹരഃ ॥ 83 ॥
84
ഗംഗാസ്നാനപ്രിയോ ഗർഗോ ഗംഗാസ്നാനഫലപ്രദഃ ।
ഗന്ധപ്രിയോ ഗീതപാദോ ഗ്രാമണീർ ഗഹനോ ഗിരിഃ ॥ 84 ॥
85
ഗന്ധർവഗാനസുപ്രീതോ ഗന്ധർവാപ്സരസാം പ്രിയഃ ।
ഗന്ധർവസേവ്യോ ഗന്ധർവോ ഗന്ധർവകുലഭൂഷണഃ ॥ 85 ॥
86
ഗംബീജജപസുപ്രീതോ ഗായത്രീജപതത്പരഃ ।
ഗംഭീരവാക്യോ ഗഗനസമരൂപോ ഗിരിപ്രിയഃ ॥ 86 ॥
87
ഗംഭീരഹൃദയോ ഗേയോ ഗംഭീരോ ഗർവനാശനഃ ।
ഗാംഗേയാഭരണപ്രീതോ ഗുണജ്ഞോ ഗുണവാൻ ഗുഹഃ ॥ 87 ॥
88
വകാരരൂപോ വരദോ വാഗീശോ വസുദോ വസുഃ ।
വജ്രീ വജ്രപ്രിയോ വിഷ്ണുർവീതരാഗോ വിരോചനഃ ॥ 88 ॥
89
വന്ദ്യോ വരേണ്യോ വിശ്വാത്മാ വരുണോ വാമനോ വപുഃ ।
വശ്യോ വശങ്കരോ വാത്യോ വാസ്തവ്യോ വാസ്തുപോ വിധിഃ ॥ 89 ॥
90
വാചാമഗോചരോ വാഗ്മീ വാചസ്പത്യപ്രദായകഃ ।
വാമദേവോ വരാരോഹോ വിഘ്നേശോ വിഘ്നനാശകഃ ॥ 90 ॥
91
വാരിരൂപോ വായുരൂപോ വൈരിവീര്യവിദാരണഃ ।
വിക്ലബോ വിഹ്വലോ വ്യാസോ വ്യാസസൂത്രാർത്ഥഗോചരഃ ॥ 91 ॥
92
വിപ്രപ്രിയോ വിപ്രരൂപോ വിപ്രക്ഷിപ്രപ്രസാദകഃ ।
വിപ്രാരാധനസന്തുഷ്ടോ വിപ്രേഷ്ടഫലദായകഃ ॥ 92 ॥
93
വിഭാകരസ്തുതോ വീരോ വിനായകനമസ്കൃതഃ ।
വിഭുർവിഭ്രാജിതതനുർ വിരൂപാക്ഷോ വിനായകഃ ॥ 93 ॥
94
വിരാഗിജനസംസ്തുത്യോ വിരാഗീ വിഗതസ്പൃഹഃ ।
വിരിഞ്ചപൂജ്യോ വിക്രാന്തോ വദനത്രയസംയുതഃ ॥ 94 ॥
95
വിശൃംഖലോ വിവിക്തസ്ഥോ വിദ്വാൻ വക്ത്രചതുഷ്ടയഃ ।
വിശ്വപ്രിയോ വിശ്വകർതാ വഷട്കാരപ്രിയോ വരഃ ॥ 95 ॥
96
വിശ്വമൂർത്തിർവിശ്വകീർത്തിർവിശ്വവ്യാപീ വിയത്പ്രഭുഃ ।
വിശ്വസ്രഷ്ടാ വിശ്വഗോപ്താ വിശ്വഭോക്താ വിശേഷവിദ് ॥ 96 ॥
97
വിഷ്ണുപ്രിയോ വിയദ്രൂപോ വിരാഡ്രൂപോ വിഭാവസുഃ ।
വീരഗോഷ്ഠിപ്രിയോ വൈദ്യോ വദനൈകസമന്വിതഃ ॥ 97 ॥
98
വീരഭദ്രോ വീരകർതാ വീര്യവാൻ വാരണാർതിഹൃത് ।
വൃഷാങ്കോ വൃഷഭാരൂഢോ വൃക്ഷോ വിംധ്യവിഭേദനഃ ॥ 98 ॥
99
വേദാന്തവേദ്യോ വേദാത്മാ വദനദ്വയശോഭിതഃ ।
വജ്രദംഷ്ട്രോ വജ്രനഖോ വന്ദാരുജനവത്സലഃ ॥ 99 ॥
100
വന്ദ്യമാനപദദ്വന്ദ്വോ വാക്യജ്ഞോ വക്ത്രപഞ്ചകഃ ।
വംബീജജപസന്തുഷ്ടോ വാക്പ്രിയോ വാമലോചനഃ ॥ 100 ॥
101
വ്യോമകേശോ വിധാനജ്ഞോ വിഷഭക്ഷണതത്പരഃ ।
തകാരരൂപസ്തദ്രൂപസ്തത്പദാർത്ഥസ്വരൂപകഃ ॥ 101 ॥
102
തടില്ലതാസമരുചിസ്തത്ത്വജ്ഞാനപ്രബോധകഃ ।
തത്ത്വമസ്യാദിവാക്യാർത്ഥസ്തപോദാനഫലപ്രദഃ ॥ 102 ॥
103
തത്ത്വജ്ഞസ്തത്ത്വനിലയസ്തത്ത്വവാച്യസ്തപോനിധിഃ ।
തത്ത്വാസനസ്തത്സവിതുര്ജപസന്തുഷ്ടമാനസഃ ॥ 103 ॥
104
തന്ത്രയന്ത്രാത്മകസ്തന്ത്രീ തന്ത്രജ്ഞസ്താണ്ഡവപ്രിയഃ ।
തന്ത്രീലായവിധാനജ്ഞസ്തന്ത്രമാർഗപ്രദർശകഃ ॥ 104 ॥
105
തപസ്യാധ്യാനനിരതസ്തപസ്വീ തപസപ്രിയഃ ।
തപോലോകജനസ്തുത്യസ്തപസ്വിജനസേവിതഃ ॥ 105 ॥
106
തരുണസ്താരസ്താരസ്താരാധിപനിഭാനനഃ ।
തരുണാദിത്യസങ്കാശസ്തപ്തകാഞ്ചനഭൂഷണഃ ॥ 106 ॥
107
തലാദിഭുവനാന്തസ്ഥസ്തത്ത്വമാർത്ഥസ്വരൂപകഃ ।
താമ്രവക്ത്രസ്താമ്രചക്ഷുസ്താമ്രജിഹ്വസ്തനൂദരഃ ॥ 107 ॥
108
താരകാസുരവിധ്വംസീ താരകസ്താരലോചനഃ ।
താരാനാഥകലാമൗലിസ്താരാനാഥസമുദ്യുതിഃ ॥ 108 ॥
109
താർക്ക്യകസ്താർക്ഷ്യവിനുതസ്ത്രൈലോക്യസുന്ദരഃ ।
താംബൂലപൂരിതമുഖസ്തക്ഷ തമ്രാധരസ്തനുഃ ॥ 109 ॥
110
തിലക്ഷതപ്രിയസ്ത്രിസ്തസ്തത്ത്വസാക്ഷീ തമോഗുണഃ ।
തുരംഗവാഹനാരൂഢസ്തുലാദാനഫലപ്രദഃ ॥ 110 ॥
111
തുളസീബിൽവനിർഗുണ്ടീ ജംബീരാമലകപ്രിയഃ ।
തുലാമാഘസ്നാനതുഷ്ടസ്തുഷ്ടാതുഷ്ടപ്രസാദനഃ ॥ 111 ॥
112
തുഹിനാചലസങ്കാശസ്തമാലകുസുമാകൃതിഃ ।
തുങ്ഗഭദ്രാതീരവാസി തുഷ്ടഭക്തേഷ്ടദായകഃ ॥ 112 ॥
113
തോമരാദ്യായുധധരസ്തുഷാരാദ്രിസുതാപ്രിയഃ ।
തോഷിതാഖിലദൈത്യൌഘസ്ത്രികാലജ്ഞാനമുനിപ്രിയഃ ॥ 113 ॥
114
ത്രയീമയസ്ത്രയീവേദ്യസ്ത്രയീവന്ദ്യസ്ത്രയീതനുഃ ।
ത്രയ്യന്തനിലയസ്തത്ത്വനിധിസ്താമ്രസ്തമോപഹഃ ॥ 114 ॥
115
ത്രികാലപൂജനപ്രീതസ്തിലാന്നപ്രീതമാനസഃ ।
ത്രിധാമാ തീക്ഷണപരശുസ്തീക്ഷണേഷുസ്തേജസാം നിധിഃ ॥ 115 ॥
116
ത്രിലോകരക്ഷകസ്ത്രേതായജനപ്രീതമാനസഃ ।
ത്രിലോകവാസി ത്രിഗുണോ ദ്വിനേത്രസ്ത്രിദശാധിപഃ ॥ 116 ॥
117
ത്രിവർഗദസ്ത്രികാലജ്ഞസ്തൃപ്തിദസ്തുംബുരുസ്തുതഃ ।
ത്രിവിക്രമസ്ത്രീലോകാത്മാ ത്രിമൂർത്തിസ്ത്രിപുരാന്തകഃ ॥ 117 ॥
118
ത്രിശൂലഭീഷണസ്തീവ്രസ്തീർത്ഥ്യസ്തീക്ഷണവരപ്രദഃ ।
രഘുസ്തുതപദദ്വന്ദ്വോ രവ്യാദിഗ്രഹസംസ്തുതഃ ॥ 118 ॥
119
രജതാചലശൃംഗാഗ്രനിലയോ രജതപ്രഭഃ ।
രതപ്രിയോ രഹഃപൂജ്യോ രമണീയഗുണാകരഃ ॥ 119 ॥
120
രഥകാരോ രഥപതിഃ രഥോ രത്നാകരപ്രിയഃ ।
രഥോത്സവപ്രിയോ രസ്യോ രാജോഗുണവിനാശകൃത് ॥ 120 ॥
121
രത്നഡോലോത്സവപ്രീതോ രണത്കിങ്കിണിമേഖലഃ ।
രത്നദോ രാജകോ രാഗീ രാഗവിദ്യാവിശാരദഃ ॥ 121 ॥
122
രത്നപൂജനസന്തുഷ്ടോ രത്നസാനുഷരാസനഃ ।
രത്നമണ്ഡപമധ്യസ്ഥോ രത്നഗ്രൈവേയകുണ്ഡലഃ ॥ 122 ॥
123
രത്നാകരസ്തുതോ രത്നപീഠസ്ഥോ രണപണ്ഡിതഃ ।
രത്നാഭിഷേകസന്തുഷ്ടോ രത്നകാഞ്ചനഭൂഷണഃ ॥ 123 ॥
124
രത്നാംഗുലീയവലയോ രത്നകരസരോരുഹഃ ।
രമാപതിസ്തുതോ രമ്യോ രാജമണ്ഡലമധ്യഗഃ ॥ 124 ॥
125
രാമവാണീസമാരാധ്യോ രാജ്യദോ രത്നഭൂഷണഃ ।
രമ്പാദിസുന്ദരീസേവ്യോ രക്ഷോഹാ രാകിണീപ്രിയഃ ॥ 125 ॥
126
രവിചന്ദ്രാഗ്നിനയനോ രത്നമാല്യാംബരപ്രിയഃ ।
രവിമണ്ഡലമധ്യസ്ഥോ രവികോടിസമപ്രഭഃ ॥ 126 ॥
127
രാകേന്ദുവദനോ രാത്രിഞ്ചരപ്രാണാപഹാരകഃ ।
രാജരാജപ്രിയോ രൌദ്രോ രുരുഹസ്തോ രുരുപ്രിയഃ ॥ 127 ॥
128
രാജരാജേശ്വരോ രാജപൂജിതോ രാജ്യവർധനഃ ।
രാമാർചിതപദദ്വന്ദ്വോ രാവണാർചിതവിഗ്രഹഃ ॥ 128 ॥
129
രാജവശ്യകരോ രാജാ രാശികൃതജഗത്രയഃ ।
രാജീവചരണോ രാജശേഖരോ രവിലോചനഃ ॥ 129 ॥
130
രാജീവപുഷ്പസങ്കാശോ രാജീവാക്ഷോ രണോത്സുകഃ ।
രാത്രിഞ്ചരജനാധ്യക്ഷോ രാത്രിഞ്ചരനിഷേവിതഃ ॥ 130 ॥
131
രാധാമാധവസംസേവ്യോ രാധാമാധവവല്ലഭഃ ।
രുക്മാംഗദസ്തുതോ രുദ്രോ രജസ്സത്ത്വതമോമയഃ ॥ 131 ॥
132
രുദ്രമന്ത്രജപപ്രീതോ രുദ്രമണ്ഡലസേവിതഃ ।
രുദ്രാക്ഷജപസുപ്രീതോ രുദ്രലോകപ്രദായകഃ ॥ 132 ॥
133
രുദ്രാക്ഷമാലാഭരണോ രുദ്രാണീപ്രാണനായകഃ ।
രുദ്രാണിപൂജനപ്രീതോ രുദ്രാക്ഷമകുടോജ്ജ്വലഃ ॥ 133 ॥
134
രുരുചർമ്മപരിധാനോ രുക്മാംഗദപരിഷ്കൃതഃ ।
രേഫസ്വരൂപോ രുദ്രാത്മാ രുദ്രാധ്യായജപപ്രിയഃ ॥ 134 ॥
135
രേണുകാവരദോ രാമോ രൂപഹീനോ രവിസ്തുതഃ ।
രേവാനദീതീരവാസി രോഹിണിപതിവല്ലഭഃ ॥ 135 ॥
136
രോഗേശോ രോഗശമനോ രൗദ്രോ രക്തബലിപ്രിയഃ ।
രംബീജജപസന്തുഷ്ടോ രാജീവകുസുമപ്രിയഃ ॥ 136 ॥
137
രംഭാഫലപ്രിയോ രൗദ്രദൃക് രക്ഷാകർ രൂപവാൻ ।
ദകാരരൂപോ ദേവേശോ ദരസ്മേരമുഖാംബുജഃ ॥ 137 ॥
138
ദരാന്ദോലിതദീർഘാക്ഷോ ദ്രോണപുഷ്പാർച്ചനപ്രിയഃ ।
ദക്ഷാരാധ്യോ ദക്ഷകന്യാപതിർ ദക്ഷവരപ്രദഃ ॥ 138 ॥
139
ദക്ഷിണാദക്ഷിണാരാധ്യോ ദക്ഷിണാമൂർത്തിരൂപഭൃത് ।
ദാഡിമീബീജരദനോ ദാഡിമീകുസുമപ്രിയഃ ॥ 139 ॥
140
ദാന്തോ ദക്ഷമഖധ്വംസി ദണ്ഡോ ദമയിതാ ദമഃ ।
ദാരിദ്ര്യധ്വംസകോ ദാതാ ദയാലുർദാനവാന്തകഃ ॥ 140 ॥
141
ദാരുകാരണ്യനിലയോ ദശദിക്പാലപൂജിതഃ ।
ദാക്ഷായണീസമാരാധ്യോ ദനുജാരിർദയാനിധിഃ ॥ 141 ॥
142
ദിവ്യായുധധരോ ദിവ്യമാല്യാംബരവിഭൂഷണഃ ।
ദിഗംബരോ ദാനരൂപോ ദുർവാസമുനിപൂജിതഃ ॥ 142 ॥
143
ദിവ്യാന്തരിക്ഷഗമനോ ദുരാദർശോ ദയാത്മകഃ ।
ദുഗ്ധാഭിഷേചനപ്രീതോ ദുഃഖദോഷവിവർജിതഃ ॥ 143 ॥
144
ദുരാചാരപ്രശമനോ ദുഗ്ധാന്നപ്രീതമാനസഃ ।
ദുർലഭോ ദുർഗമോ ദുർഗോ ദുഃഖഹാ ദുരാർത്തിഹാ ॥ 144 ॥
145
ദുർവാസാ ദുഷ്ടഭയദോ ദുർജയോ ദുരതിക്രമഃ ।
ദുഷ്ടഹന്താ ദേവസൈന്യപതിർ ദംഭവിവർജിതഃ ॥ 145 ॥
146
ദുഃസ്വപ്നനാശനോ ദുഷ്ടദുരോ ദുർവാരവിത്തമഃ ।
ദൂർവായുഗ്മസമാരാധ്യോ ദുത്തൂരകുസുമപ്രിയഃ ॥ 146 ॥
147
ദേവഗംഗാജടാജൂട്ടോ ദേവതാപ്രാണവല്ലഭഃ ।
ദേവതാർതിപ്രശമനോ ദീനദൈന്യവിമോചനഃ ॥ 147 ॥
148
ദേവദേവോ ദൈത്യഗുരുർ ദണ്ഡനാഥപ്രപൂജിതഃ ।
ദേവഭോഗ്യോ ദേവയോഗ്യോ ദീപ്തമൂർത്തിർദിവസ്പതിഃ ॥ 148 ॥
149
ദേവർഷിവർയോ ദേവർഷിവന്ദിതോ ദേവഭോഗദഃ ।
ദേവാദിദേവോ ദേവജ്യോ ദൈത്യദർപ്പനിഷൂദനഃ ॥ 149 ॥
150
ദേവാസുരഗണാധ്യക്ഷോ ദേവാസുരഗണാഗ്രണീഃ ।
ദേവാസുരതപസ്തുഷ്ടോ ദേവാസുരവരപ്രദഃ ॥ 150 ॥
151
ദേവാസുരേശ്വരാരാധ്യോ ദേവാന്തകവരപ്രദഃ ।
ദേവാസുരേശ്വരോ ദേവോ ദേവാസുരമഹേശ്വരഃ ॥ 151 ॥
152
ദേവേന്ദ്രരക്ഷകോ ദീർഘോ ദേവവൃന്ദനിഷേവിതഃ ।
ദേശകാലപരിജ്ഞാതാ ദേശോപദ്രവനാശകഃ ॥ 152 ॥
153
ദോഷകരകലാമൗലിർ ദുർവാരഭുജവിക്രമഃ ।
ദണ്ഡകാരണ്യനിലയോ ദണ്ഡീ ദണ്ഡപ്രസാദകഃ ॥ 153 ॥
154
ദണ്ഡനീതിർ ദുരാവാസോ ദ്യോതോ ദുർമതിനാശനഃ ।
ദ്വന്ദ്വാതീതോ ദീർഘദർശീ ദാനധ്യക്ഷോ ദയാപരഃ ॥ 154 ॥
155
യകാരരൂപോ യന്ത്രാത്മാ യന്ത്രാരാധനതത്പരഃ ।
യജമാനാദ്യഷ്ടമൂർത്തിർ യാമിനീചരദർപഹാ ॥ 155 ॥
156
യജുർവേദപ്രിയോ യുദ്ധമർമജ്ഞോ യുദ്ധകൗശലഃ ।
യത്നസാധ്യോ യഷ്ടിധരോ യജമാനപ്രിയോ യജുഃ ॥ 156 ॥
157
യഥാർത്ഥരൂപോ യുഗകൃദ് യുഗരൂപോ യുഗാന്തകൃത് ।
യഥോക്തഫലദോ യോഷാപൂജനപ്രീതമാനസഃ ॥ 157 ॥
158
യദൃച്ഛാലാഭസന്തുഷ്ടോ യാചകാർത്തിനിഷൂദനഃ ।
യന്ത്രാസനോ യന്ത്രമയോ യന്ത്രമന്ത്രസ്വരൂപകഃ ॥ 158 ॥
159
യമരൂപോ യാമരൂപോ യമബാധാനിവർത്തകഃ ।
യമാദിയോഗനിരതോ യോഗമാർഗപ്രദർശകഃ ॥ 159 ॥
160
യാവക്ഷതാർച്ചനരതോ യാവചിഹ്നിതപാദുകഃ ।
യക്ഷരാജസഖോ യജ്ഞോ യക്ഷോ യക്ഷപൂജിതഃ ॥ 160 ॥
161
യക്ഷരാക്ഷസസംസേവ്യോ യാതുധാനവരപ്രദഃ ।
യജ്ഞഗുഹ്യോ യജ്ഞകർതാ യജമാനസ്വരൂപകഃ ॥ 161 ॥
162
യജ്ഞാന്തകൃദ് യജ്ഞപൂജ്യോ യജ്ഞഭുക് യജ്ഞവാഹനഃ ।
യാഗപ്രിയോ യാനസേവ്യോ യുവാ യൗവനഗർവിതഃ ॥ 162 ॥
163
യാതായാതാദിരഹിതോ യതിധർമ്മപരായണഃ ।
യാത്രാപ്രിയോ യമീയാം യദണ്ഡപാശനികൃന്തനഃ ॥ 163 ॥
164
യാത്രാഫലപ്രദോ യുക്തോ യശസ്വീ യമുനാപ്രിയഃ ।
യാദഃപതിര് യജ്ഞപതിര് യതിര് യജ്ഞപരായണഃ ॥ 164 ॥
165
യാദവാനാം പ്രിയോ യോദ്ധാ യോധാരാണാം തത്പരഃ ।
യാമപൂജനസന്തുഷ്ടോ യോഷിത്സംഗവിവർജിതഃ ॥ 165 ॥
166
യാമിനീപതിസംസേവ്യോ യോഗിനീഗണസേവിതഃ ।
യാജൂകോ യുഗാവർത്തോ യാച്ഛാരൂപോ യഥേഷ്ടദഃ ॥ 166 ॥
167
യാവോദനപ്രീതചിത്തോ യോനിസ്ഥോ യാമിനീപ്രിയഃ ।
യജ്ഞവൽക്ക്യപ്രിയോ യജ്വാ യജ്ഞേശോ യജ്ഞസാധനഃ ॥ 167 ॥
168
യോഗമായാമയോ യോഗമായാസംവൃതവിഗ്രഹഃ ।
യോഗസിദ്ധോ യോഗിസേവ്യോ യോഗാനന്ദസ്വരൂപകഃ ॥ 168 ॥
169
യോഗക്ഷേമകരോ യോഗക്ഷേമദാതാ യശസ്കരഃ ।
യോഗീ യോഗാസനാരാധ്യോ യോഗാംഗോ യോഗസംഗ്രഹഃ ॥ 169 ॥
170
യോഗീശ്വരേശ്വരോ യോഗ്യോ യോഗദാതാ യുഗന്ധരഃ ।
യോഷിത്പ്രിയോ യദുപതിര് യോഷാർദ്ധീകൃതവിഗ്രഹഃ ॥ 170 ॥
171
യംബീജജപസന്തുഷ്ടോ യന്ത്രേശോ യന്ത്രസാധനഃ ।
യന്ത്രമധ്യസ്ഥിതോ യന്ത്രീ യോഗീശ്വരസമാശ്രിതഃ ॥ 171 ॥
ഫലശ്രുതി
ഏതത്തേ കഥിതം വിഷ്ണോ രുദ്രനാമസഹസ്രകം ।
ശ്രവണാത് പഠനാച്ചൈവ മനനാച്ച ഫലപ്രദം ॥ 1 ॥
ധർമ്മാർത്ഥകാമമോക്ഷാഖ്യ ചതുർവർഗ്ഗഫലപ്രദം ।
വിദ്യാകാമീ സുവിദ്യാം ച ലഭതേ നാത്ര സംശയഃ ॥ 2 ॥
പുത്രാർത്ഥീ ലഭതേ പുത്രം കന്യാർത്ഥീ ഫലമശ്നുതേ ।
വിജയാർത്ഥീ വിജയം ചാപി ഗൃഹാർത്ഥീ ഗൃഹമാപ്നുയാത് ॥ 3 ॥
പുഷ്ടിം ബലം യശോ വർചോ ദീർഘമായുശ്ച വിന്ദതേ ।
സർവ്വജ്വരവിനാശായ ഏതന്നാമസഹസ്രകം ॥ 4 ॥
പഠിത്വാ പാഠയിത്വാ വാ മുച്യതേ ജ്വരപീഡനാത് ।
പരമന്ത്രകൃതാദ്ദോഷാത് രക്ഷതീദം ന സംശയഃ ॥ 5 ॥
സർവ്വഗ്രന്ഥിവിനാശായ പഠേന്നാമസഹസ്രകം ।
സർവ്വഗ്രഹവിനാശാർത്ഥം ജപേദേതത്സഹസ്രകം ॥ 6 ॥
അപമൃത്യുഭയം നാസ്തി അനേകവിഷനാശനം ।
ന ഹി ചോരഭയം തസ്യ നാമസഹസ്രപാഠിനഃ ॥ 7 ॥
സർവ്വപുഷ്പൈഃ സമഭ്യർച്ച്യ സർവ്വസിദ്ധിമവാപ്നുയാത് ।
ത്രിദലൈർബിൽവപത്രൈശ്ച അച്ഛിദ്രൈഃ കോമലൈർ നവൈഃ ॥ 8 ॥
രുദ്രാർപ്പണം യഃ കരോതി സർവ്വദോഷാത് പ്രമുച്യതേ ।
അഷ്ടമ്യാം പൂർണ്ണിമായാം ച അമാവാസ്യാം ച വിശേഷതഃ ॥ 9 ॥
ആർദ്രായാം ച പ്രദോഷേ ച സോമവാരേ ഗുരോർദിനേ ।
യഃ പഠിത്വാ ചാർച്ചനാം ച കുരുതേ സ ച മാനവഃ ॥ 10 ॥
സ സർവ്വകാമാൻ ലഭതേ വാഗ്യതോ നിയമീ ശുചിഃ ।
സർവ്വസൗഭാഗ്യമാപ്നോതി ക്ഷേമാരോഗ്യം സുഖം പരം ॥ 11 ॥
ചൈത്രേ ദമനകൈഃ പൂജാ വൈശാഖേ ഗന്ധവാരിഭിഃ ।
ജ്യേഷ്ഠേ തു ത്രിഫലൈഃ പക്വൈഃ ആഷാഢേ ക്ഷീരപൂജനം ॥ 12 ॥
ശ്രാവണേ ശർക്കരാഭിഃ സ്യാത് ഗുഡപൂപൈശ്ച ഭദ്രകേ ।
അന്നൈരാശ്വയുജേ മാസി കാർത്തിക്യേ ദീപമാലയാ ॥ 13 ॥
മാർഗശീർഷേ ഘൃതൈഃ പൂജാ പൗഷേ ചേഷുരസൈരപി ।
ആർദ്രകംബലൈർമാഘേ ഫാൽഗുനേ ദധിഭിർ ഭവേത് ॥ 14 ॥
ഇത്ഥം ദ്വാദശമാസേഷു പൂർണ്ണിമായാം വിശേഷതഃ ।
മഹേശ്വരസ്യ പൂജാം യഃ കുരുതേ ഭക്തിസംയുതഃ ॥ 15 ॥
സർവ്വാൻ കാമാനവാപ്നോതി ശിവസായുജ്യമാപ്നുയാത് ।
മംഗളാനാം മംഗലം ച ഏതന്നാമസഹസ്രകം ॥ 16 ॥
സുരൂപം ഗുണസമ്പന്നം കന്യാ ച ലഭതേ പതിം ।
ദീർഘസൗമംഗല്യമാപ്നോതി മംഗളാനാം പരമ്പരം ॥ 17 ॥
॥ ഇതി ശ്രീഭൃംഗിരിടിസംഹിതായാം ശിവവിഷ്ണുസംവാദേ ശിവോത്കർഷപ്രകരണേ ശ്രീരുദ്രസഹസ്രനാമസ്തോത്രം സമ്പൂർണ്ണം ॥
From the collection (Samhita) of the Sage (Rishi) Bhringi
No comments:
Post a Comment