ശ്രീ ശിവസഹസ്രനാമസ്തോത്രം (ലിംഗപുരാണാന്തർഗതം)
ഋഷയ ഉവാച -
കഥം ദേവേന വൈ സൂത ദേവദേവേന മ്ഹേശ്വരാത് ।
സുദർശനാഖ്യം വൈ ലബ്ധം വക്തുമർഹസി വിഷ്ണുനാ ॥ 1 ॥
സൂത ഉവാച -
ദേവാനാമസുരേന്ദ്രാണാമഭവച്ച സുദാരുണഃ ।
സർവേഷാമേവ ഭൂതാനാം വിനാശകരണോ മഹാൻ ॥ 2 ॥
തേ ദേവാഃ ശക്തിമുശലൈഃ സായകൈർനതപർവഭിഃ ।
പ്രഭിദ്യമാനഃ കുന്തൈശ്ച ദുദ്രുവുർഭയവിഹ്വലാഃ ॥ 3 ॥
പരാജിതാസ്തദാ ദേവാ ദേവദേവേശ്വരം ഹരിം ।
പ്രണേമുസ്തം സുരേശാനം ശോകസംവിഗ്നമാനസാഃ ॥ 4 ॥
താൻ സമീക്ഷ്യാഥ ഭഗവാൻ ദേവദേവേശ്വരോ ഹരിഃ ।
പ്രാണിപത്യ സ്ഥിതാൻ ദേവാനിദം വചനമബ്രവീത് ॥ 5 ॥
വത്സാഃ കിമിതി വൈ ദേവാശ്ച്യുതാലങ്കാരവിക്രമാഃ ।
സമാഗതാഃ സസന്താപാ വക്തുമർഹഥ സുവ്രതാഃ ॥ 6 ॥
തസ്യ തദ്വചനം ശ്രുത്വാ തഥാഭൂതാഃ സുരോത്തമാഃ ।
പ്രണമ്യാഹുര്യഥാവൃത്തം ദേവദേവായ വിഷ്ണവേ ॥ 7 ॥
ഭഗവാൻ ദേവദേവേശ വിഷ്ണോ ജിഷ്ണോ ജനാർദന ।
ദാനവൈഃ പീഡിതാഃ സർവേ വയം ശരണമാഗതാഃ ॥ 8 ॥
ത്വമേവ ദേവദേവേശ ഗതിർനഃ പുരുഷോത്തമ ।
ത്വമേവ പരമാത്മാ ഹി ത്വം പിതാ ജഗതാമപി ॥ 9 ॥
ത്വമേവ ഭർതാ ഹർതാ ച ഭോക്താ ദാതാ ജനാർദന ।
ഹന്തുമർഹസി തസ്മാത്ത്വം ദാനവാൻ ദാനവർദന ॥ 10 ॥
ദൈത്യാശ്ച വൈഷ്ണവൈർബ്രാഹ്മൈ രൗദ്രൈര്യാമ്യൈഃ സുദാരുണൈഃ ।
കൗബേരൈശ്ചൈവ സൗമ്യൈശ്ച നൈരൃത്യൈർവാരുണൈർദൃഢൈഃ ॥ 11 ॥
വായവ്യൈശ്ച തഥാഗ്നേയൈരൈശാനൈർവാർഷികൈഃ ശുഭൈഃ ।
സൗരൈ രൗദ്രൈസ്തഥാ ഭീമൈഃ കമ്പനൈർജൃംഭണൈർദൃഢൈഃ ॥ 12 ॥
അവധ്യാ വരലാഭാത്തേ സർവേ വാരിജലോചന ।
സൂര്യമണ്ഡലസംഭൂതം ത്വദീയം ചക്രമുദ്യതം ॥ 13 ॥
കുണ്ഠിതം ഹി ദധീചേന ച്യവനേന ജഗദ്ഗുരോ ।
ദണ്ഡം ശാർങ്ഗം തവാസ്ത്രം ച ലബ്ധം ദൈത്യൈഃ പ്രസാദതഃ ॥ 14 ॥
പുരാ ജലന്ധരം ഹന്തും നിർമിതം ത്രിപുരാരിണാ ।
രഥാംഗം സുഷിതം ഘോരം തേന താൻ ഹന്തുമർഹസി ॥ 15 ॥
തസ്മാത്തേന നിഹന്തവ്യാ നാന്യൈഃ ശസ്ത്രശതൈരപി ।
തതോ നിശമ്യ തേഷാം വൈ വചനം വാരിജേക്ഷണഃ ॥ 16 ॥
വാചസ്പതിമുഖാന്താഃ സ ഹരിശ്ചക്രഭൃത് സ്വയം ।
ശ്രീവിഷ്ണു ഉവാച -
ഭോ ഭോ ദേവാ മഹാദേവം സർവൈർദേവൈഃ സനാതനൈഃ ॥ 17 ॥
സമ്പ്രാപ്യ സാംപ്രതം സർവം കരിഷ്യാമി ദൈവകസാം ।
ദേവാ ജലന്ധരം ഹന്തും നിർമിതം ഹി പുരാരിണാ ॥ 18 ॥
ലബ്ധ്വാ രഥാംഗം തേനൈവ നിഹത്യ ച മഹാസുരാൻ ।
സർവാൻ ധുന്ധുമുഖാൻ ദൈത്യാനഷ്ടഷഷ്ടിശതാൻ സുരാൻ ॥ 19 ॥
സബാന്ധവാൻ ക്ഷണാദേവ യുഷ്മാൻ സന്താരയാമ്യഹം ।
സൂത ഉവാച -
ഏവമുക്ത്വാ സുരശ്രേഷ്ഠാൻ സുരശ്രേഷ്ഠമനുസ്മരൻ ॥ 20 ॥
സുരശ്രേഷ്ഠാഃ ശ്രേഷ്ഠം പൂജയാമാസ ശങ്കരം ।
ലിംഗം സ്ഥാപ്യ യഥാന്യായം ഹിമവച്ഛിഖരേ ശുഭേ ॥ 21 ॥
മേരുപർവ്വതസങ്കാശം നിർമിതം വിശ്വകർമണാ ।
ത്വരിതാഖ്യേന രുദ്രേണ രൗദ്രേണ ച ജനാർദനഃ ॥ 22 ॥
സ്നാപ്യ സമ്പൂജ്യ ഗന്ധാദ്യൈർജ്വാലാകാരം മനോരമം ।
തുഷ്ടാവ ച തദാ രുദ്രം സമ്പൂജ്യാഗ്നൗ പ്രണമ്യ ച ॥ 23 ॥
ദേവം നാംനാം സഹസ്രേണ ഭവദ്യേന യഥാക്രമം ।
പൂജയാമാസ ച ശിവം പ്രണവാദ്യം നമോന്തകം ॥ 24 ॥
ദേവം നാംനാം സഹസ്രേണ ഭവദ്യേന മഹേശ്വരം ।
പ്രതിനാമ സപദ്മേന പൂജയാമാസ ശങ്കരം ॥ 25 ॥
അഗ്നൗ ച നാമഭിർദേവം ഭവദ്യൈഃ സമിദാദിഭിഃ ।
സ്വാഹാന്തൈർവിധിവദ്ധുത്വാ പ്രത്യേകമയുതം പ്രഭും ॥ 26 ॥
തുഷ്ടാവ ച പുനഃ ശംഭും ഭവദ്യൈർഭവമീശ്വരം ।
അസ്യ ശ്രീശിവസഹസ്രനാമസ്തോത്രമന്ത്രസ്യ -
ഋഷിഃ: നാരായണ ഋഷിഃ
ഛന്ദഃ: അനുഷ്ടുപ് ഛന്ദഃ
ദേവതാ: ശ്രീ സാംബസദാശിവോ ദേവതാ
ബീജം: ഭവഃ ഇതി ബീജം
ശക്തിഃ: ശിവഃ ഇതി ശക്തിഃ
കീലകം: ഹരഃ ഇതി കീലകം
വിനിയോഗഃ: ശ്രീ സാംബസദാശിവ പ്രസാദസിദ്ധ്യർത്ഥേ ജപേ വിനിയോഗഃ
കരന്യാസഃ
ഓം ഭവായ നമഃ - അംഗുഷ്ഠാഭ്യാം നമഃ (തള്ളവിരലുകൾ സ്പർശിക്കുക)
ഓം ശിവായ നമഃ - തർജനീഭ്യാം നമഃ (ചൂണ്ടുവിരലുകൾ സ്പർശിക്കുക)
ഓം ഹരായ നമഃ - മധ്യമാഭ്യാം നമഃ (നടുവിരലുകൾ സ്പർശിക്കുക)
ഓം രുദ്രായ നമഃ - അനാമികാഭ്യാം നമഃ (മോതിരവിരലുകൾ സ്പർശിക്കുക)
ഓം പുരുഷായ നമഃ - കനിഷ്ഠികാഭ്യാം നമഃ (ചെറുവിരലുകൾ സ്പർശിക്കുക)
ഓം പദ്മലോചനായ നമഃ - കരതലകരപൃഷ്ഠാഭ്യാം നമഃ (കൈവെള്ളയും പുറവും സ്പർശിക്കുക)
അംഗന്യാസഃ
ഓം ഭവായ നമഃ - ഹൃദയായ നമഃ (ഹൃദയത്തിൽ സ്പർശിക്കുക)
ഓം ശിവായ നമഃ - ശിരസേ സ്വാഹാ (ശിരസ്സിൽ സ്പർശിക്കുക)
ഓം ഹരായ നമഃ - ശിഖായൈ വഷട് (ശിഖയിൽ സ്പർശിക്കുക)
ഓം രുദ്രായ നമഃ - കവചായ ഹും (കൈകൾ ക്രോസ്സ് ചെയ്ത് തോളുകളിൽ സ്പർശിക്കുക)
ഓം പുരുഷായ നമഃ - നേത്രത്രയായ വൗഷട് (മൂന്ന് കണ്ണുകളിലും സ്പർശിക്കുക)
ഓം പദ്മലോചനായ നമഃ - അസ്ത്രായ ഫട് (കൈകൾ കൊട്ടി ദിഗ്ബന്ധനം ചെയ്യുക)
ധ്യാനം
ലിംഗപുരാണ പ്രകാരം വിഷ്ണുഭഗവാൻ പൂജിച്ച ആ തേജോരൂപത്തെ ഇപ്രകാരം ധ്യാനിക്കാം:
ശാന്തം പത്മാസനസ്ഥം ശശിധരമുകുടം പഞ്ചവക്ത്രം ത്രിലോകം
ശൂലം വജ്രം ച ഖഡ്ഗം പരശുമഭയദം ദക്ഷിണാംഗേ വഹന്തം ।
നാഗം പാശം ച ഘണ്ടാം പ്രളയഹുതവഹം സാങ്കുശം വാമഭാഗേ
നാനാഅലങ്കാരദീപ്തം സ്ഫടികമണിനിഭം പാർവ്വതീശം നമാമി ॥
അർത്ഥം: ശാന്തസ്വരൂപനും, പദ്മാസനത്തിൽ ഇരിക്കുന്നവനും, ശിരസ്സിൽ ചന്ദ്രനെ ചൂടിയവനും, അഞ്ചു മുഖങ്ങളോടു കൂടിയവനും, മുക്കണ്ണനുമായ ഭഗവാനെ ഞാൻ വന്ദിക്കുന്നു. തന്റെ വലതു കൈകളിൽ ശൂലം, വജ്രം, ഖഡ്ഗം, മഴു എന്നിവയും അഭയമുദ്രയും ധരിച്ചവനും; ഇടതു കൈകളിൽ പാമ്പ്, പാശം, ഘണ്ട (മണി), അഗ്നി, അങ്കുശം എന്നിവ ധരിച്ചവനും; നാനാവിധ ആഭരണങ്ങളാൽ പ്രകാശിക്കുന്നവനും, സ്ഫടികതുല്യമായ വെളുത്ത നിറമുള്ളവനുമായ പാർവ്വതീപതിയെ ഞാൻ നമസ്കരിക്കുന്നു.
-----------------------------------------------------------------------------------------------------------------------------
(അഥ സഹസ്രനാമസ്തോത്രം)
ശ്രീ വിഷ്ണു ഉവാച -
ഓം ഭവഃ ശിവോ ഹരോ രുദ്രഃ പുരുഷഃ പത്മലോചനഃ ।
അർത്ഥിതവ്യഃ സദാചാരഃ സർവശംഭുർമഹേശ്വരഃ ॥ 27 ॥
ഈശ്വരഃ സ്ഥാണുരീശാനഃ സഹസ്രാക്ഷഃ സഹസ്രപാത് ।
വരീയൻ വരദോ വന്ദ്യഃ ശങ്കരഃ പരമേശ്വരഃ ॥ 28 ॥
ഗംഗാധരഃ ശൂലധരഃ പരാർത്ഥൈകപ്രയോജനഃ ।
സർവജ്ഞഃ സർവദേവാദിഗിരിധന്വാ ജടാധരഃ ॥ 29 ॥
ചന്ദ്രാപീഡശ്ചന്ദ്രമൗലിർവിദ്വാൻ വിശ്വാമരേശ്വരഃ ।
വേദാന്തസാരസന്ദോഹഃ കപാലീ നീലലോഹിതഃ ॥ 30 ॥
ധ്യാനാധാരോ പരിച്ഛേദ്യോ ഗൗരീഭർതാ ഗണേശ്വരഃ ।
അഷ്ടമൂർത്തിർവിശ്വമൂർത്തിസ്ത്രിവർഗഃ സ്വർഗസാധനഃ ॥ 31 ॥
ജ്ഞാനഗമ്യോ ദൃഢപ്രജ്ഞോ ദേവദേവസ്ത്രിലോചനഃ ।
വാമദേവോ മഹാദേവഃ പാണ്ഡുഃ പരിദൃഢോ ദൃഢഃ ॥ 32 ॥
വിശ്വരൂപോ വിരൂപാക്ഷോ വാഗീശഃ ശുചിരന്തരഃ ।
സർവപ്രണയസംവാദി വൃഷാങ്കോ വൃഷവാഹനഃ ॥ 33 ॥
ഈശഃ പിനാകീ ഖട്വാംഗീ ചിത്രവേഷശ്ചിരന്തനഃ ।
തമോഹരോ മഹായോഗീ ഗോപ്താ ബ്രഹ്മാംഗഹൃജ്ജതി ॥ 34 ॥
കാലകാലഃ കൃത്തിവാസഃ സുഭഗഃ പ്രണവാത്മകഃ ।
ഉന്മത്തവേഷശ്ചക്ഷുഷ്യോ ദുർവാസാഃ സ്മരശാസനഃ ॥ 35 ॥
ദൃഢായുധഃ സ്കന്ദഗുരുഃ പരമേഷ്ഠീ പരായണഃ ।
അനാദിമധ്യനിധനോ ഗിരിശോ ഗിരിബാന്ധവഃ ॥ 36 ॥
കുബേരബന്ധുഃ ശ്രീകണ്ഠോ ലോകവർണോത്തമോത്തമഃ ।
സാമാന്യദേവഃ കോദണ്ഡീ നീലകണ്ഠഃ പരശ്വധി ॥ 37 ॥
വിശാലാക്ഷോ മൃഗവ്യാധഃ സുരേശഃ സൂര്യതാപനഃ ।
ധർമ്മകർമ്മാക്ഷമഃ ക്ഷേത്രം ഭഗവാൻ ഭഗനേത്രഭിത് ॥ 38 ॥
ഉഗ്രഃ പശുപതിസ്താർക്ഷ്യപ്രിയഭക്തഃ പ്രിയംവദഃ ।
ദാതാ ദയാകരോ ദക്ഷഃ കപർദീ കാമശാസനഃ ॥ 39 ॥
ശ്മശാനനിലയഃ സൂക്ഷ്മഃ ശ്മശാനസ്ഥോ മഹേശ്വരഃ ।
ലോകകർതാ ഭൂതപതിർമഹാകർതാ മഹൗഷധി ॥ 40 ॥
ഉത്തരോ ഗോപതിർഗോപ്താ ജ്ഞാനഗമ്യഃ പുരാതനഃ ।
നീതിഃ സുനീതിഃ ശുദ്ധാത്മാ സോമസ്സോമരതഃ സുഖീ ॥ 41 ॥
സോമപോമൃതപഃ സോമോ മഹാനീതിർമ്മഹാമതിഃ ।
അജാതശത്രുരാലോകഃ സംഭാവ്യോ ഹവ്യവാഹനഃ ॥ 42 ॥
ലോകകാരോ വേദകാരഃ സൂത്രകാരഃ സനാതനഃ ।
മഹർഷിഃ കപിലാചാര്യോ വിശ്വദീപ്തിസ്ത്രീലോചനഃ ॥ 43 ॥
പിനാകപാണിർഭൂദേവഃ സ്വസ്തിദഃ സ്വസ്തികൃത്സദാ ।
ത്രിധാമ സൗഭഗഃ ശർവഃ സർവജ്ഞഃ സർവഗോചരഃ ॥ 44 ॥
ബ്രഹ്മധൃഗ്വിശ്വസൃക്സ്വർഗഃ കർണികാരപ്രിയഃ കവിഃ ।
ശാഖോ വിശാഖോ ഘോഷാഖഃ ശിവോ നായകഃ ക്രതുഃ സമഃ ॥ 45 ॥
ഗംഗാപ്ലവോദകോ ഭാവഃ സകലസ്തപതിസ്ഥിരഃ ।
വിജിതാത്മാ വിധേയാത്മാ ഭൂതവാഹനസാരഥിഃ ॥ 46 ॥
സഗണോ ഗണകാര്യശ്ച സുഖീർത്തിശ്ചിന്നസംശയഃ ।
കാമദേവഃ കാമപാലോ ഭസ്മോദ്ധൂലിതവിഗ്രഹഃ ॥ 47 ॥
ഭസ്മപ്രിയോ ഭസ്മശായീ കാമീ കാന്തഃ കൃതാഗമഃ ।
സമായുക്തോ നിവൃത്താത്മാ ധർമ്മയുക്തഃ സദാശിവഃ ॥ 48 ॥
ചതുർമുഖശ്ചതുർബാഹുർദുരാവാസോ ദുരാസദഃ ।
ദുർഗമോ ദുർലഭോ ദുർഗഃ സർവായുധവിശാരദഃ ॥ 49 ॥
അധ്യാത്മയോഗനിലയഃ സുതന്തുസ്തന്തുവർദ്ധനഃ ।
ശുഭാംഗോ ലോകസാരംഗോ ജഗദീശോധ്യമൃതാശനഃ ॥ 50 ॥
ഭസ്മശുദ്ധികരോ മേരുരോജസ്വീ ശുദ്ധവിഗ്രഹഃ ।
ഹിരണ്യരേതാസ്തരണിർമരീചിർമ്മഹിമാലയഃ ॥ 51 ॥
മഹാഹ്രദോ മഹാഗർഭഃ സിദ്ധവൃന്ദാരവന്ദിതഃ ।
വ്യാഘ്രചർമ്മധരോ വ്യാലീ മഹാഭൂതോ മഹാനിധിഃ ॥ 52 ॥
അമൃതാംഗോധ്യമൃതവപുഃ പഞ്ചയജ്ഞഃ പ്രഭഞ്ജനഃ ।
പഞ്ചവിംശതിതത്ത്വജ്ഞഃ പാരിജാതഃ പരാവരഃ ॥ 53 ॥
സുലഭഃ സുവ്രതഃ ശൂരോ വാങ്മയൈകനിധിർനിധിഃ ।
വർണാശ്രമഗുരുർവർണീ ശത്രുജിച്ഛത്രുതാപനഃ ॥ 54 ॥
ആശ്രമഃ ക്ഷപണഃ ക്ഷാമോ ജ്ഞാനവാനചലാചലഃ ।
പ്രമാണഭൂതോ ദുർജ്ഞേയഃ സുപർണോ വായുവാഹനഃ ॥ 55 ॥
ധനുർധരോ ധനുർവേദോ ഗുണരാശിർഗുണാകരഃ ।
അനന്തദൃഷ്ടിരാനന്ദോ ദണ്ഡോ ദമയിതാ ദമഃ ॥ 56 ॥
അഭിവാദ്യോ മഹാചാര്യോ വിശ്വകർമാ വിശാരദഃ ।
വീതരാഗോ വിനീതാത്മാ തപസ്വീ ഭൂതഭാവനഃ ॥ 57 ॥
ഉന്മത്തവേഷഃ പ്രച്ഛന്നോ ജിതകാമോ ജിതപ്രിയഃ ।
കല്യാണപ്രകൃതിഃ കൽപ്പഃ സർവലോകപ്രജാപതിഃ ॥ 58 ॥
തപസ്വീ താരോ ധീമാൻ പ്രധാനഃ പ്രഭുരവ്യയഃ ।
ലോകപാലോത്യന്തർഹിതാത്മാ കൽപ്പാനിഃ കമലേഖനഃ ॥ 59 ॥
വേദശാസ്ത്രാർത്ഥതത്ത്വജ്ഞോ നിയമോ നിയമാശ്രയഃ ।
ചന്ദ്രഃ സൂര്യഃ ശനിഃ കേതുർവിരാമോ വിദ്രുമച്ഛവിഃ ॥ 60 ॥
ഭക്തിഗമ്യഃ പരം ബ്രഹ്മ മൃഗബാണാർപ്പണോധ്യനഘഃ ।
അദ്രിരാജാലയഃ കാന്തഃ പരമാത്മാ ജഗദ്ഗുരുഃ ॥ 61 ॥
സർവകർമാചലസ്ത്വഷ്ടാ മാംഗല്യോ മംഗലാവൃതഃ ।
മഹാത്പാ ദീർഘതപാഃ സ്ഥവിഷ്ഠഃ സ്ഥവിരോ ധ്രുവഃ ॥ 62 ॥
അഹഃ സംവത്സരോ വ്യാപ്തിഃ പ്രമാണം പരമം തപഃ ।
സംവത്സരകരോ മന്ത്രഃ പ്രത്യയഃ സർവദർശനഃ ॥ 63 ॥
അജഃ സർവേശ്വരഃ സ്നിഗ്ധോ മഹാരേതാ മഹാബലഃ ।
യോഗീ യോഗ്യോ മഹാരേതാഃ സിദ്ധഃ സർവ്വാദിരാഗ്നിദഃ ॥ 64 ॥
വസുർവസുമനാഃ സത്യഃ സർവപാപഹരോ ഹരഃ ।
അമൃതഃ ശാശ്വതഃ ശാന്തോ ബാണഹസ്തഃ പ്രതാപവാൻ ॥ 65 ॥
കമണ്ഡലുധരോ ധന്വീ വേദാംഗോ വേദവിൻമുനിഃ ।
ഭ്രാജിഷ്ണുർഭോജനം ഭോക്താ ലോകനേതാ ദുരാധരഃ ॥ 66 ॥
അതീന്ദ്രിയോ മഹാമായഃ സർവാവാസശ്ചതുഷ്പഥഃ ।
കാലയോഗീ മഹാനാദോ മഹോത്സാഹോ മഹാബലഃ ॥ 67 ॥
മഹാബുദ്ധിർമ്മഹാവീര്യോ ഭൂതചാരീ പുരന്ദരഃ ।
നിശാചരഃ പ്രേതചാരീ മഹാശക്തിർമ്മഹാദ്യുതിഃ ॥ 68 ॥
അനിർദേശ്യവപുഃ ശ്രീമാൻ സർവഹാര്യമിതോ ഗതിഃ ।
ബഹുശ്രുതോ ബഹുമയോ നിയതാത്മാ ഭവോദ്ഭവഃ ॥ 69 ॥
ഓജസ്തേജോദ്യുതികരോ നർത്തകഃ സർവകാമകഃ ।
നൃത്യപ്രിയോ നൃത്യനൃത്യഃ പ്രകാശാത്മാ പ്രതാപനഃ ॥ 70 ॥
ബുദ്ധഃ സ്പഷ്ടാക്ഷരോ മന്ത്രഃ സന്മാനാഃ സാരസംപ്ലവഃ ।
യുഗാദികൃദ്യുഗാവർത്തോ ഗംഭീരോ വൃഷവാഹനഃ ॥ 71 ॥
ഇഷ്ടോ വിശിഷ്ടഃ ശിഷ്ടേഷ്ടഃ ശരഭഃ ശരഭോ ധനുഃ ।
അപാംനിധിരധിഷ്ഠാനം വിജയോ ജയകാലവിത് ॥ 72 ॥
പ്രതിഷ്ഠിതഃ പ്രമാണജ്ഞോ ഹിരണ്യകവചോ ഹരിഃ ।
വിരോചനഃ സുരഗണോ വിദ്യേഷോ വിബുധാശ്രയഃ ॥ 73 ॥
ബാലരൂപോ ബലോന്മത്തീ വിവർത്തോ ഗഹനോ ഗുരുഃ ।
കരണം കാരണം കർത്താ സർവബന്ധവിമോചനഃ ॥ 74 ॥
വിദ്വത്തമോ വീതഭയോ വിശ്വഭർതാ നിശാകരഃ ।
വ്യവസായോ വ്യവസ്ഥാനഃ സ്ഥാനോ ജഗദാദിജഃ ॥ 75 ॥
ദുന്ദുഭോ ലലിതോ വിശ്വോ ഭവാത്മാത്മനി സംസ്ഥിതഃ ।
വീരേശ്വരോ വീരഭദ്രോ വീരഹാ വീരഭൃദ് വിരാട് ॥ 76 ॥
വീരചൂഡാമണിർവേത്താ തീവ്രനാദോ നദീധരഃ ।
ആജ്ഞാധാരസ്ത്രീശൂലീ ച ശിപിവിഷ്ടഃ ശിവാലയഃ ॥ 77 ॥
വാലഖില്യോ മഹാചാപസ്തിഗ്മാംശുർന്നിധിരവ്യയഃ ।
അഭിരാമഃ സുശരണഃ സുബ്രഹ്മണ്യഃ സുധാപതിഃ ॥ 78 ॥
മഘവാ കൗശികോ ഗോമാൻ വിശ്രാമഃ സർവശാസനഃ ।
ലലാടാക്ഷോ വിശ്വദേഹഃ സാരഃ സംസാരചക്രഭൃത് ॥ 79 ॥
അമോഘദണ്ഡീ മധ്യസ്ഥോ ഹിരണ്യോ ബ്രഹ്മവർചസീ ।
പരമാർത്ഥഃ പരമയഃ ശംബരോ വ്യാഘ്രകോയനലഃ ॥ 80 ॥
രുചിർവരരുചിർവന്ദ്യോ വാചസ്പതിരഹർപതിഃ ।
രവിർവിരോചനഃ സ്കന്ദഃ ശാസ്താ വൈവസ്വതോ ജനഃ ॥ 81 ॥
യുക്തിരുന്നതകീർത്തിശ്ച ശാന്തരാഗഃ പരാജയഃ ।
കൈലാസപതിഃ കാമാരിഃ സവിതാ രവിലോചനഃ ॥ 82 ॥
വിദ്വത്തമോ വീതഭയോ വിശ്വഹർതായനിവാരിതഃ ।
നിത്യോ നിയതകല്യാണഃ പുണ്യശ്രവണകീർത്തനഃ ॥ 83 ॥
ദൂരശ്രവാ വിശ്വസഹോ ധ്യേയോ ദുഃസ്വപ്നനാശനഃ ।
ഉത്തരകോ ദുഷ്കൃതിഹാ ദുർധർഷോ ദുഃസഹോത്യഭയഃ ॥ 84 ॥
അനാദിർഭൂർഭുവോ ലക്ഷ്മീഃ കിരീടീ ത്രിദശാധിപഃ ।
വിശ്വഗോപ്താ വിശ്വഭർതാ സുധീരോ രുചിരാംഗദഃ ॥ 85 ॥
ജനനോ ജനജന്മാദിഃ പ്രീതിമാന്നീതിമാന്നയഃ ।
വിശിഷ്ടഃ കാശ്യപോ ഭാനുർഭീമോ ഭീമപരാക്രമഃ ॥ 86 ॥
പ്രണവഃ സത്പഥാചാരോ മഹാകായോ മഹാധനുഃ ।
ജന്മാധിപോ മഹാദേവഃ സകലാഗമപാരഗഃ ॥ 87 ॥
തത്ത്വതത്ത്വവിവേകാത്മാ വിഭൂഷ്ണുർഭൂതിഭൂഷണഃ ।
ഋഷിർബ്രാഹ്മണവിജ്ജിഷ്ണുർജന്മമൃത്യുജരാതിഗഃ ॥ 88 ॥
യജ്ഞോ യജ്ഞപതിര്യജ്വാ യജ്ഞാന്തോയമോഘവിക്രമഃ ।
മഹേന്ദ്രോ ദുർഭരഃ സേനീ യജ്ഞാംഗോ യജ്ഞവാഹനഃ ॥ 89 ॥
പഞ്ചബ്രഹ്മസമുത്പത്തിർവിശ്വേഷോ വിമലോദയഃ ।
ആത്മയോനിരനാദ്യന്തോ ഷഡ്വിംശത്സപ്തലോകധൃക് ॥ 90 ॥
ഗായത്രീവല്ലഭഃ പ്രാംശുർവിശ്വവാസഃ പ്രഭാകരഃ ।
ശിശുർഗിരിരതഃ സമ്രാട് സുഷേണഃ സുരശത്രുഹാ ॥ 91 ॥
അമോഘോയരിഷ്ടമഥനോ മുകുന്ദോ വിഗതജ്വരഃ ।
സ്വയഞ്ജ്യോതിരനുജ്യോതിരാത്മജ്യോതിരചഞ്ചലഃ ॥ 92 ॥
പിംഗലഃ കപിലശ്മശ്രുഃ ശാസ്ത്രനേത്രസ്ത്രയീതനുഃ ।
ജ്ഞാനസ്കന്ധോ മഹാജ്ഞാനി നിരുത്പത്തിരുപപ്ലവഃ ॥ 93 ॥
ഭഗോ വിശ്വാസാനാദിത്യോ യോഗാചാര്യോ ബൃഹസ്പതിഃ ।
ഉദാരകീർത്തിരുദ്യോഗീ സദ്യോഗീസദസന്മയഃ ॥ 94 ॥
നക്ഷത്രമാലീ രാകേശഃ സാധിഷ്ഠാനഃ ഷഡാശ്രയഃ ।
പവിത്രപാണിഃ പാപാരിർമ്മണിപൂരോ മനോഗതിഃ ॥ 95 ॥
ഹൃത്പുണ്ഡരീകമാസീനഃ ശുക്ലഃ ശാന്തോ വൃഷാകപിഃ ।
വിഷ്ണുർഗ്രഹപതിഃ കൃഷ്ണഃ സമർഥോയനാർത്ഥനാശനഃ ॥ 96 ॥
അധർമ്മശത്രുരക്ഷയ്യഃ പുരുഹൂതഃ പുരുഷുതഃ ।
ബ്രഹ്മഗർഭോ ബൃഹദ്ഗർഭോ ധർമ്മധേനുർധനാഗമഃ ॥ 97 ॥
ജഗദ്ധിതൈഷീ സുഗതഃ കുമാരഃ കുശലാഗമഃ ।
ഹിരണ്യവർണോ ജ്യോതിഷ്മാന്നാനാഭൂതധരോ ധ്വനിഃ ॥ 98 ॥
അരോഗോ നിയമാധ്യക്ഷോ വിശ്വാമിത്രോ ദ്വിജോത്തമഃ ।
ബൃഹജ്ജ്യോതിഃ സുധാമാ ച മഹാജ്യോതിരനുത്തമഃ ॥ 99 ॥
മാതാമഹോ മാതരിശ്വാ നഭസ്വാന്നാഗഹാരധൃക് ।
പുലസ്ത്യഃ പുലഹോത്യഗസ്ത്യോ ജാതൂകർണ്യഃ പരാശരഃ ॥ 100 ॥
നിരാവരണധർമ്മജ്ഞോ വിരിഞ്ചോ വിഷ്ടരശ്രവാഃ ।
ആത്മഭൂരനിരുദ്ധോത്രിർജ്ഞാനമൂർത്തിർമ്മഹായശാഃ ॥ 101 ॥
ലോകചൂഡാമണിർവീരശ്ചണ്ഡസത്യപരാക്രമഃ ।
വ്യാലകൽപ്പോ മഹാകൽപ്പോ മഹാവൃക്ഷഃ കലാധരഃ ॥ 102 ॥
അലങ്കരിഷ്ണുസ്ത്വചലോ രോചിഷ്ണുർവിക്രമോത്തമഃ ।
ആശുശബ്ദപതിർവേഗീ പ്ലവനഃ ശിഖിസാരഥിഃ ॥ 103 ॥
അസംസൃഷ്ടോത്യതിതിഃ ശക്രഃ പ്രമാതീ പാപനാശനഃ ।
വസുശ്രവാഃ കവ്യാവാഹഃ പ്രതപ്തോ വിശ്വഭോജനഃ ॥ 104 ॥
ജര്യോ ജരാധിശമനോ ലോഹിതശ്ച തനൂനപാത് ।
പൃഷദശ്വോ നഭോയോനിഃ സുപ്രതീകസ്തമിസ്രഹാ ॥ 105 ॥
നിദാഘസ്തപനോ മേഘഃ പക്ഷഃ പരപുരഞ്ജയഃ ।
മുഖാനിലഃ സുനിഷ്പന്നഃ സുരഭിഃ ശിശിരാത്മകഃ ॥ 106 ॥
വസന്തോ മാധവോ ഗ്രീഷ്മോ നഭസ്യോ ബീജവാഹനഃ ।
അംഗിരാ മുനിരാത്രേയോ വിമലോ വിശ്വവാഹനഃ ॥ 107 ॥
പാവനഃ പുരുജിച്ഛക്രസ്ത്രിവിദ്യോ നരവാഹനഃ ।
മനോ ബുദ്ധിരഹങ്കാരഃ ക്ഷേത്രജ്ഞഃ ക്ഷേത്രപാലകഃ ॥ 108 ॥
തേജോനിധിർജ്ഞാനനിധിർവിപാകോ വിഘ്നകാരകഃ ।
അധരോയനുത്തരോ ജ്ഞാനേയോ ജ്യേഷ്ഠോ നിഃശ്രേയശാലയഃ ॥ 109 ॥
ശൈലോ നഗസ്തനുർദോഹോ ദാനവാരിരരിന്ദമഃ ।
ചാരുധീർജനകശ്ചാരുവിശല്യോ ലോകശല്യകൃത് ॥ 110 ॥
ചതുർവേദശ്ചതുർഭാവശ്ചതുരശ്ചതുരപ്രിയഃ ।
ആമ്നായോത്ഥഃ സമ്നായസ്തീർത്ഥദേവഃ ശിവാലയഃ ॥ 111 ॥
ബഹുരൂപോ മഹാരൂപഃ സർവരൂപശ്ചരാചരഃ ।
ന്യായനിർവാഹകോ ന്യായോ ന്യായഗമ്യോ നിരഞ്ജനഃ ॥ 112 ॥
സഹസ്രമൂർധാ ദേവേന്ദ്രഃ സർവ്വശസ്ത്രപ്രഭഞ്ജനഃ ।
മുണ്ടോ വിരൂപോ വികൃതോ ദണ്ഡീ ദാന്തോ ഗുണോത്തമഃ ॥ 113 ॥
പിംഗലാക്ഷോത്ഥ ഹര്യക്ഷോ നീലഗ്രീവോ നിരാമയഃ ।
സഹസ്രബാഹുഃ സർവേഷഃ ശരണ്യഃ സർവലോകഭൃത് ॥ 114 ॥
പദ്മാസനഃ പരഞ്ജ്യോതിഃ പരാവരഫലപ്രദഃ ।
പദ്മഗർഭോ മഹാഗർഭോ വിശ്വഗർഭോ വിചക്ഷണഃ ॥ 115 ॥
പരാവരജ്ഞോ ബീജേശഃ സുമുഖഃ സുമഹാസ്വനഃ ।
ദേവാസുരഗുരുദേവോ ദേവാസുരനമസ്കൃതഃ ॥ 116 ॥
ദേവാസുരമഹാമാത്രോ ദേവാസുരമഹാശ്രയഃ ।
ദേവാദിദേവോ ദേവർഷിർദേവാസുരവരപ്രദഃ ॥ 117 ॥
ദേവാസുരേശ്വരോ ദിവ്യോ ദേവാസുരമഹേശ്വരഃ ।
സർവദേവമയോധ്യചിന്ത്യോ ദേവതാത്മാത്യാത്മസംഭവഃ ॥ 118 ॥
ഈദ്യോയനീശഃ സുരവ്യാഘ്രോ ദേവസിംഹോ ദിവാകരഃ ।
വിബുധാഗ്രവരശ്രേഷ്ഠഃ സർവദേവോത്തമോത്തമഃ ॥ 119 ॥
ശിവജ്ഞാനരതഃ ശ്രീമാൻ ശിഖിശ്രീപർവതപ്രിയഃ ।
ജയസ്തംഭോ വിശിഷ്ടംഭോ നരസിംഹനിപാതനഃ ॥ 120 ॥
ബ്രഹ്മചാരീ ലോകചാരീ ധർമ്മചാരീ ധനാധിപഃ ।
നന്ദീ നന്ദീശ്വരോ നഗ്നോ നഗ്നവ്രതധരഃ ശുചിഃ ॥ 121 ॥
ലിംഗാധ്യക്ഷഃ സുരധ്യക്ഷോ യുഗാധ്യക്ഷോ യുഗാവഹഃ ।
സ്വവശഃ സവശഃ സ്വർഗഃ സ്വരഃ സ്വരമയഃ സ്വനഃ ॥ 122 ॥
ബീജാധ്യക്ഷോ ബീജകർതാ ധനകൃദ്ധർമ്മവർദ്ധനഃ ।
ദംഭോധ്യദംഭോ മഹാദംഭഃ സർവഭൂതമഹേശ്വരഃ ॥ 123 ॥
ശ്മശാനനിലയസ്തിഷ്യഃ സേതുരപ്രതിമാകൃതിഃ ।
ലോകോത്തരസ്ഫുടലോകസ്ത്ര്യംബകോ നാഗഭൂഷണഃ ॥ 124 ॥
അന്ധകാരിർമഖദ്വേഷീ വിഷ്ണുകന്ധരപാതനഃ ।
വീതദോഷോക്ഷയഗുണോ ദക്ഷാരിഃ പൂഷദന്തഹൃത് ॥ 125 ॥
ധൂർജടിഃ ഖണ്ഡപരശുഃ സകലോ നിഷ്കലോത്യനഘഃ ।
ആധാരഃ സകലാധാരഃ പാണ്ഡുരാഭോ മൃഡോ നടഃ ॥ 126 ॥
പൂർണ്ണഃ പൂരയിതാ പുണ്യഃ സുകുമാരഃ സുലോചനഃ ।
സാമഗേയഃ പ്രിയകരഃ പുണ്യകീർത്തിരനാമയഃ ॥ 127 ॥
മനോജവസ്തീർത്ഥകരോ ജാടിലോ ജീവിതേശ്വരഃ ।
ജീവിതാന്തകരോ നിത്യോ വസുരേതാ വസുപ്രിയഃ ॥ 128 ॥
സദ്ഗതിഃ സത്കൃതിഃ ശക്തഃ കാലകണ്ഠഃ കലാധരഃ ।
മാനീ മാന്യോ മഹാകാലഃ സദ്ഭൂതിഃ സത്പരായണഃ ॥ 129 ॥
ചന്ദ്രസഞ്ജീവനഃ ശാസ്താ ലോകഗൂഢോമരാധിപഃ ।
ലോകബന്ധുർലോകനാഥഃ കൃതജ്ഞഃ കൃതിഭൂഷണഃ ॥ 130 ॥
അനപയ്യക്ഷരഃ കാന്തഃ സർവ്വശസ്ത്രഭൃതാം വരഃ ।
തേജോമയോ ദ്യുതിധരോ ലോകമായോയഗ്രണീരണുഃ ॥ 131 ॥
ശുചിസ്മിതഃ പ്രസന്നാത്മാ ദുർജയോ ദുരതിക്രമഃ ।
ജ്യോതിർമയോ നിരാകാരോ ജഗന്നാഥോ ജലേശ്വരഃ ॥ 132 ॥
തുംബവീണീ മഹാകായോ വിശോകഃ ശോകനാശനഃ ।
ത്രിലോകാത്മാ ത്രിലോകേശഃ ശുദ്ധഃ ശുദ്ധിരഥാക്ഷജഃ ॥ 133 ॥
അവ്യക്തലക്ഷണോ വ്യക്തിർവ്യക്താവ്യക്തോ വിഷാംപതിഃ ।
വരശീലോ വരതുലോ മാനോ മാനധനോ മയഃ ॥ 134 ॥
ബ്രഹ്മാ വിഷ്ണുഃ പ്രജാപാലോ ഹംസോ ഹംസഗതിര്യമഃ ।
വേധാ ധാതാ വിധാതാ ച അത്താ ഹർതാ ചതുർമുഖഃ ॥ 135 ॥
കൈലാസശിഖരാവാസീ സർവാസീ സതാം ഗതിഃ ।
ഹിരണ്യഗർഭോ ഹരിണഃ പുരുഷഃ പൂർവജഃ പിതാ ॥ 136 ॥
ഭൂതാലയോ ഭൂതപതിർഭൂതിദോ ഭുവനേശ്വരഃ ।
സംയോഗീ യോഗവിദ് ബ്രഹ്മ ബ്രാഹ്മണ്യോ ബ്രാഹ്മണപ്രിയഃ ॥ 137 ॥
ദേവപ്രിയോ ദേവനാഥോ ദേവജ്ഞോ ദേവചിന്തകഃ ।
വിഷമാക്ഷഃ കലാധ്യക്ഷോ വൃഷാങ്കോ വൃഷവർദ്ധനഃ ॥ 138 ॥
നിർമ്മദോ നിരഹങ്കാരോ നിർമോഹോ നിരുപദ്രവഃ ।
ദർപ്പഹാ ദർപ്പിതോ ദൃപ്തഃ സർവർത്തുപരിവർത്തകഃ ॥ 139 ॥
സപ്തജിഹ്വഃ സഹസ്രാർചിഃ സ്നിഗ്ധഃ പ്രകൃതിദക്ഷിണഃ ।
ഭൂതഭവ്യഭവന്നാഥഃ പ്രഭവോ ഭ്രാന്തിനാശനഃ ॥ 140 ॥
അർത്ഥോനർത്ഥോ മഹാകോശഃ പരകാര്യൈകപണ്ഡിതഃ ।
നിഷ്കണ്ഠകഃ കൃതാനന്ദോ നിർവ്യാജോ വ്യാജമർദനഃ ॥ 141 ॥
സത്ത്വാൻ സാത്വികഃ സത്യകീർത്തിസ്തംഭകൃതാഗമഃ ।
അകമ്പിതോ ഗുണഗ്രാഹീ നൈകാത്മാ നായകർമ്മകൃത് ॥ 142 ॥
സുപ്രീതഃ സുമുഖഃ സൂക്ഷ്മഃ സുകരോ ദക്ഷിണോയനലഃ ।
സ്കന്ധഃ സ്കന്ധധരോ ധുര്യഃ പ്രകടഃ പ്രീതിവർധനഃ ॥ 143 ॥
അപരാജിതഃ സർവസഹോ വിദഗ്ധഃ സർവവാഹനഃ ।
അധൃതഃ സ്വധൃതഃ സാധ്യഃ പൂർത്തമൂർത്തിര്യശോധരഃ ॥ 144 ॥
വരാഹശൃംഗധൃഗ്വായുർബലവാനേകനായകഃ ।
ശ്രുതിപ്രകാശഃ ശ്രുതിമാനേകബന്ധുരനേകധൃക് ॥ 145 ॥
ശ്രീവല്ലഭശിവാരംഭഃ ശാന്തഭദ്രഃ സമഞ്ജസഃ ।
ഭൂശയോ ഭൂതികൃദ്ഭൂതിർഭൂഷണോ ഭൂതവാഹനഃ ॥ 146 ॥
അകായോ ഭക്തകായസ്ഥഃ കാലജ്ഞാനീ കലാവപുഃ ।
സത്യവ്രതമഹാത്യാഗീ നിഷ്ഠാശാന്തിപരായണഃ ॥ 147 ॥
പരാർത്ഥവൃത്തിർവരദോ വിവിക്തഃ ശ്രുതിസാഗരഃ ।
അനിർവിണ്ണോ ഗുണഗ്രാഹീ കലങ്കാങ്കഃ കലങ്കഹാ ॥ 148 ॥
സ്വഭാവാവരുദ്രോ മധ്യസ്ഥഃ ശത്രുഘ്നോ മധ്യനാശകഃ ।
ശിഖണ്ഡീ കവചീ ശൂലീ ചണ്ഡീ മുണ്ഡീ ച കുണ്ഡലീ ॥ 149 ॥
മേഖലീ കവചീ ഖഡ്ഗീ മായീ സംസാരസാരഥിഃ ।
അമൃത്യുഃ സർവദൃക് സിംഹസ്തേജോരാശിർമ്മഹാമണിഃ ॥ 150 ॥
അസംഖ്യേയോപ്രമേയാത്മാ വീര്യവാൻ കാര്യകോവിദഃ ।
വേദ്യോ വേദാർത്ഥവിദ് ഗോപ്താ സർവാചാരോ മുനീശ്വരഃ ॥ 151 ॥
അനുത്തമോ ദുരാധർഷോ മധുരഃ പ്രിയദർശനഃ ।
സുരേശഃ ശരണം സർവഃ ശബ്ദബ്രഹ്മ സതാം ഗതിഃ ॥ 152 ॥
കാലഭക്ഷഃ കലങ്കാരിഃ കങ്കണീകൃതവാസുകിഃ ।
മഹേഷ്വാസോ മഹീഭർതാ നിഷ്കളങ്കോ വിശൃംഖലഃ ॥ 153 ॥
ദ്യുമണിസ്തരണിർധന്യഃ സിദ്ധിദഃ സിദ്ധിസാധനഃ ।
നിവൃത്തഃ സംവൃതഃ ശിൽപോ വ്യൂഢോരസ്കോ മഹാഭുജഃ ॥ 154 ॥
ഏകജ്യോതിർനിരതങ്കോ നരോ നാരായണപ്രിയഃ ।
നിർലേപോ നിഷ്പ്രപഞ്ചാത്മാ നിർവ്യാഗ്രോ വ്യാഗ്രനാശനഃ ॥ 155 ॥
സ്തവ്യസ്തവപ്രിയഃ സ്തോതാ വ്യാസമൂർത്തിരനാകുലഃ ।
നിരവദ്യപദോപായോ വിദ്യാരാശിരവിക്രമഃ ॥ 156 ॥
പ്രശാന്തബുദ്ധിരക്ഷുദ്രഃ ക്ഷുദ്രഹാ നിത്യസുന്ദരഃ ।
ധൈര്യാഗ്ര്യാധുര്യോ ധാത്രീശഃ ശാകല്യഃ ശർവരീപതിഃ ॥ 157 ॥
പരമാർത്ഥഗുരുദൃഷ്ടിർഗുരുരാശ്രിതവത്സലഃ ।
രസോ രസജ്ഞഃ സർവജ്ഞഃ സർവസത്ത്വാവലംബനഃ ॥ 158 ॥
സൂത ഉവാച -
ഏവം നാംനാം സഹസ്രേണ തുഷ്ടാവ വൃഷഭധ്വജം ॥ 159 ॥
സ്നാപയാമാസ ച വിഭുഃ പൂജയാമാസ പങ്കജൈഃ ।
പരീക്ഷാർത്ഥം ഹരേഃ പൂജാം കമലേഷു മഹേശ്വരഃ ॥ 160 ॥
ഗോപയാമാസ കമലം തദൈകം ഭുവനേശ്വരഃ ।
ഹൃതപുഷ്പോ ഹരിസ്തത്ര കിമിദം ത്വഭ്യചിന്തയൻ ॥ 161 ॥
ജ്ഞാത്വാ സ്വനേത്രമുദ്ധൃത്യ സർവസത്ത്വാവലംബനം ।
പൂജയാമാസ ഭാവേന നാംനാ തേന ജഗദ്ഗുരും ॥ 162 ॥
തതസ്തത്ര വിഭുർദൃഷ്ട്വാ തഥാഭൂതം ഹരോ ഹരിം ।
തസ്മാദവതതാരാശു മണ്ഡലാത് പാവകസ്യ ച ॥ 163 ॥
കോടിഭാസ്കരസങ്കാശം ജടാമുകുടമണ്ഡിതം ।
ജ്വാലാമാലാവൃത്തം ദിവ്യം തീക്ഷ്ണദംഷ്ട്രം ഭയങ്കരം ॥ 164 ॥
ശൂലടങ്കഗദാചക്രകുന്തപാശധരം ഹരം ।
വരദാഭയഹസ്തം ച ദ്വീപിചർമ്മോത്തരീയകം ॥ 165 ॥
ഇത്ഥംഭൂതം തദാ ദൃഷ്ട്വാ ഭവം ഭസ്മവിഭൂഷിതം ।
ഹൃഷ്ടോ നമശ്ചകാരാശു ദേവദേവം ജനാർദനഃ ॥ 166 ॥
ദുദ്രുവുസ്തം പരിക്രമ്യ ദേവാസ്ത്രിലോചനം ।
ചചാല ബ്രഹ്മഭുവനം ചകമ്പേ ച വസുന്ധരാ ॥ 167 ॥
ദദാഹ തേജസ്തച്ഛംഭോഃ പ്രാന്തം വൈ ശതയോജനം ।
അധസ്താച്ചോർധ്വതശ്ചൈവ ഹാഹേത്യകൃത ഭൂതലേ ॥ 168 ॥
തദാ പ്രാഹ മഹാദേവഃ പ്രഹസന്നിവ ശങ്കരഃ ।
സമ്പ്രേക്ഷ്യ പ്രണയാദ് വിഷ്ണും കൃതാഞ്ജലിപുടം സ്ഥിതം ॥ 169 ॥
ജ്ഞാതം മായേദമധുനാ ദേവകാര്യം ജനാർദന ।
സുദർശനാഖ്യം ചക്രം ച ദദാമി തവ ശോഭനം ॥ 170 ॥
യദ്രൂപം ഭവതാ ദൃഷ്ടം സർവലോകഭയങ്കരം ।
ഹിതായ തവ യത്നേന തവ ഭാവായ സുവ്രത ॥ 171 ॥
ശാന്തം രണാജിരേ വിഷ്ണോ ദേവാനാം ദുഃഖസാധനം ।
ശാന്തസ്യ ചാസ്ത്രം ശാന്തം സ്യാച്ഛാന്തേനാസ്ത്രേണ കിം ഫലം ॥ 172 ॥
ശാന്തസ്യ സമരേ ചാസ്ത്രം ശാന്തിരേവ തപസ്വിനാം ।
യോദ്ധുഃ ശാന്ത്യാ ബലച്ഛേദഃ പരസ്യ ബലവൃദ്ധിദഃ ॥ 173 ॥
ദേവരക്ഷാർത്ഥമൃദ്രൂപം മദീയം ഭാവവ്യയം ।
കിമായുധേന കാര്യം വൈ യോദ്ധും ദേവാരിസൂദന ॥ 174 ॥
ക്ഷമാ യുദ്ധി ന കാര്യം വൈ യോദ്ധും ദേവാരിസൂദന ।
അനാഗതേ വ്യതീതേ ച ദൗർബല്യേ സ്വജനോത്കരേ ॥ 175 ॥
അകാലികേ ത്വധർമ്മേ ച അനർത്ഥേ വാരരിസൂദന ।
ഏവമുക്ത്വാ ദദൗ ചക്രം സൂര്യായുതസമപ്രഭം ॥ 176 ॥
നേത്രം ച നേതാ ജഗതാം പ്രഭുർവൈ പത്മസന്നിഭം ।
തദാപ്രഭൃതി തം പ്രാഹുഃ പദ്മാക്ഷമിതി സുവ്രതം ॥ 177 ॥
ദത്ത്വൈവം നയനം ചക്രം വിഷ്ണവേ നീലലോഹിതഃ ।
സ്പർശ ച കരാഭ്യാം വൈ സുശുഭാഭ്യാമുവാച ഹ ॥ 178 ॥
വരദോഹം വരശ്രേഷ്ഠ വരാൻ വരയ ചേപ്സിതാൻ ।
ഭക്ത്യാ വശീകൃതോ നൂനം ത്വയാഹം പുരുഷോത്തമ ॥ 179 ॥
ഇത്യുക്തോ ദേവദേവേന ദേവദേവം പ്രണമ്യ തം ।
ത്വയി ഭക്തിർമഹാദേവ പ്രസീദ വരമുത്തമം ॥ 180 ॥
നാന്യമിച്ഛാമി ഭക്താനാമാർത്തിർനാസ്തി യത്പ്രഭോ ।
തച്ഛ്രുത്വാ വചനം തസ്യ ദയാവാൻ സുതരാം ഭവഃ ॥ 181 ॥
പസ്പർശ ച ദദൗ തസ്മൈ ശ്രദ്ധാം ശീതാംശുഭൂഷണഃ ।
പ്രാഹ ചൈവം മഹാദേവഃ പരമാത്മാനമച്യുതം ॥ 182 ॥
മയി ഭക്തശ്ച വന്ദ്യശ്ച പൂജ്യശ്ചൈവ സുരാസുരൈഃ ।
ഭവിഷ്യതി ന സന്ദേഹോ മത്പ്രസാദാത്സുരോത്തമ ॥ 183 ॥
യദാ സതീ ദക്ഷപുത്രീ വിനിന്ദ്യൈവ സുലോചനാ ।
മാതരം പിതരം ദക്ഷം ഭവിഷ്യതി സുരേശ്വരീ ॥ 184 ॥
ദിവ്യാ ഹൈമവതീ വിഷ്ണോ തദാ ത്വമപി സുവ്രതഃ ।
ഭഗിനീം തവ കല്യാണീം ദേവീം ഹൈമവതീമുമാം ॥ 185 ॥
നിയോഗാദ് ബ്രഹ്മണഃ സാധ്വീം പ്രദാസ്യസി മമൈവ താം ।
മത്സമ്പന്ധീ ച ലോകാനാം മധ്യേ പൂജ്യോ ഭവിഷ്യസി ॥ 186 ॥
മാം ദിവ്യേന ച ഭാവേന തദാ പ്രഭൃതി ശങ്കരം ।
ദ്രക്ഷ്യസേ ച പ്രസന്നേന മിത്രഭൂതമിവാത്മനഃ ॥ 187 ॥
ഇത്യുക്ത്വാന്തർദധേ രുദ്രോ ഭഗവാൻ നീലലോഹിതഃ ।
ജനാർദനോപി ഭഗവാൻ ദേവാനാമപി സന്നിധൗ ॥ 188 ॥
അയാചത മഹാദേവം ബ്രഹ്മണം മുനിഭിഃ സമം ।
മയാ പ്രോക്തം സ്തവം ദിവ്യം പദ്മയോനേ സുശോഭനം ॥ 189 ॥
യഃ പഠേച്ഛൃണുയാദ്വാപി ശ്രാവയേദ്വാ ദ്വിജോത്തമാൻ ।
പ്രതിനാമ ഹിരണ്യസ്യ ദത്തസ്യ ഫലമാപ്നുയാത് ॥ 190 ॥
അശ്വമേധസഹസ്രേണ ഫലം ഭവതി തസ്യ വൈ ।
ഘൃതാദ്യൈഃ സ്നാപയേദ്രുദ്രം സ്ഥാല്യൈ വൈ കലശൈഃ ശുഭൈഃ ॥ 191 ॥
നാംനാം സഹസ്രേണ ശ്രദ്ധയാ ശിവമീശ്വരം ।
സോപി യജ്ഞസഹസ്രസ്യ ഫലം ലബ്ധ്വാ സുരേശ്വരൈഃ ॥ 192 ॥
പൂജ്യോ ഭവതി രുദ്രസ്യ പ്രീതിർഭവതി തസ്യ വൈ ।
തഥാസ്ത്വിതി തഥാ പ്രാഹ പദ്മയോനിർജനാർദനം ॥ 193 ॥
ജഗ്മതുഃ പ്രണിപത്യാനം ദേവദേവം ജഗദ്ഗുരും ।
തസ്മാന്നാംനാം സഹസ്രേണ പൂജയേദനഘോ ദ്വിജാഃ ॥ 194 ॥
ജപന്നാംനാം സഹസ്രം ച സ യാതി പരമാം ഗതിം ॥ 195 ॥
॥ ഇതി ശ്രീലിംഗമഹാപുരാണേ പൂർവഭാഗേ സഹസ്രനാമഭിഃ പൂജനാദ് വിഷ്ണുചക്രലാഭോ നാമാഷ്ടനവതിതമോധ്യായഃ ॥
No comments:
Post a Comment