SWARNAKARSHANA BHAIRAVA (KALABHAIRAVA) SAHASRANAMA STHOTHRAM

കാലഭൈരവസഹസ്രനാമസ്തോത്രം അഥവ സ്വർണാകർഷണഭൈരവ സഹസ്രനാമസ്തോത്രം

 ശ്രീ ഗണേശായ നമഃ ।

കൈലാസശിഖരേ രമ്യേ ദേവദേവം ജഗദ്ഗുരും ।                      പപ്രച്ഛ പാർവ്വതീകാന്തം ശങ്കരം ലോകനായകം ॥ 1॥

പാർവ്വത്യുവാച : ദേവദേവ മഹാദേവ സർവ്വജ്ഞ സുഖദായക । ആപദുഃഖദരിദ്രാദി പീഡിതാനാം നൃണാം വിഭോ ॥ 2॥ യദ്വിത്തം സുഖസമ്പത്തി ധനധാന്യകരം സദാ ।        വിശേഷതോ രാജകുലേ ശാന്തി പുഷ്ടി പ്രദായകം ॥ 3॥ ബാലഗ്രഹാദി ശമനം നാനാ സിദ്ധികരം നൃണാം । നോക്തപൂർവ്വഞ്ച യന്നാഥ ധ്യാനപൂജാ സമന്വിതം ॥ 4॥ വക്തുമർഹസ്യ ശേഷേണ മമാനന്ദകരം പരം ॥ 5॥

ഈശ്വര ഉവാച : സ്തവരാജം മഹാമന്ത്രം ഭൈരവസ്യ ശൃണു പ്രിയേ ।                                                                                            സർവ്വകാമാർത്ഥദം ദേവി രാജ്യഭോഗപ്രദം നൃണാം ॥ 6॥ സ്മരണാത് സ്തവരാജസ്യ ഭൂതപ്രേതപിശാചകാഃ । വിദ്രവന്ത്യഭിതോഭീതാഃ കാലരുദ്രാദിവ പ്രജാഃ ॥ 7॥                  ഏകതഃ പന്നഗാഃ സർവ്വേ ഗരുഡശ്ചൈകതസ്തഥാ ।             ഏകതോ ഘനസങ്ഘാതാശ്ചണ്ഡവാതോ യഥൈകതഃ ॥ 8॥ ഏകതഃ പർവ്വതാഃ സർവ്വേ ദംഭോലിസ്ത്വേകതസ്തഥാ ।        ഏകതോ ദൈത്യസങ്ഘാതാ ഹ്യേകതഃ സ്യാത്സുദർശനം ॥ 9॥ ഏകതഃ കാഷ്ഠസങ്ഘാതാ ഏകതോ അഗ്നികണോ യഥാ । ഘനാന്ധകാരസ്ത്വേകത്ര തപനസ്ത്വേകതസ്തഥാ ॥ 10॥ തഥൈവാസ്യ പ്രഭാവസ്തു സ്മൃതമാത്രേ ന ദൃശ്യതേ ।         സ്തവരാജം ഭൈരവസ്യ ജപാത്സിദ്ധിമവാപ്നുയാത് ॥ 11॥  ലിഖിത്വാ യദ്ഗൃഹേ ദേവീ സ്ഥാപിതം സ്തവമുത്തമം । തദ്ഗൃഹം നാഭിഭൂയേത ഭൂതപ്രേതാദിഭിർഗ്രഹൈഃ ॥ 12॥ സാമ്രാജ്യം സർവ്വസമ്പത്തിഃ സമൃദ്ധിർലഭ്യതേ സുഖം । തത്കുലം നന്ദതേ പുംസാം പുത്രപൗത്രാദിഭിർധ്രുവം ॥ 13॥

പാർവ്വത്യുവാച : യസ്ത്വയാ കഥിതോ ദേവ ഭൈരവഃ സ്തോത്രമുത്തമം ।                                                                                        അഗണ്യ മഹിമാ സിന്ധുഃ ശ്രുതോ മേ ബഹുധാ വിഭോ ॥ 14॥          തസ്യ നാമാന്യനന്താനി പ്രയുതാന്യർബുദാനി ച ।                  ശാന്തിഃ സത്യം പുരാ ജ്ഞാനം മയാ വൈ പരമേശ്വര ॥ 15॥ സാരാത്സാരം സമുദ്ധൃത്യ തേഷു നാമ സഹസ്രകം ।           ബ്രൂഹി മേ കരുണാകാന്ത മമാനന്ദവിവർദ്ധന ॥ 16॥           യന്നിത്യം കീർത്തയേൻമർത്യഃ സർവ്വദുഃഖവിവർജ്ജിതഃ । സർവ്വാൻകാമാനവാപ്നോതി സർവ്വസിദ്ധിഞ്ച വിന്ദതി ॥ 17॥ സാധകഃ ശ്രദ്ധയായുക്തഃ സർവ്വാദിക്യോർക്കസദ്യുതിഃ । അപ്രധൃഷ്യശ്ച ഭവതി സങ്ഗ്രാമാങ്ഗണ മൂർദ്ധനി ॥ 18॥ നാഗ്നിചോരഭയം തസ്യ ഗ്രഹരാജഭയം ന ച ।                                          ന ച മാരീഭയം തസ്യ വ്യാഘ്രചോരഭയം ന ച ॥ 19॥               ശത്രുണാം ശസ്ത്രസങ്ഘാതേ ഭയം ക്വാപി ന ജായതേ । ആയുരാരോഗ്യമൈശ്വര്യം പുത്രപൗത്രാദി സമ്പദഃ ॥ 20॥        ഭവതി കീർത്തനാദ്യസ്യ തദ്ബ്രൂഹി കരുണാകര ॥ 21॥

ഈശ്വര ഉവാച : നാംനാം സഹസ്രം ദിവ്യാനാം ഭൈരവസ്യ ഭവത്കൃതേ । വക്ഷ്യാമി തത്ത്വതഃ സമ്യക് സാരാത്സാരതരം ശുഭം ॥ 22॥                                                                                            സർവ്വപാപഹരം പുണ്യം സർവ്വോപദ്രവനാശനം । സർവ്വസംപത്പ്രദം ചൈവ സാധകാനാം സുഖാവഹം ॥ 23॥ സർവ്വമംഗലമാങ്ഗല്യം സർവ്വവ്യാധിനിവാരണം ।        ആയുഃകരം പുഷ്ടികരം ശ്രീകരം ച യശസ്കരം ॥ 24॥

വിനിയോഗം (ന്യാസവിധി)

ഭൈരവ സ്തവരാജസ്യ മഹാദേവഋഷിഃ സ്മൃതഃ । ഭൈരവോ ദേവതാ തത്ര അനുഷ്ടുപ്ഛന്ദഃ പ്രകീർത്തിതം ॥ 25॥ സർവ്വകാര്യപ്രസിദ്ധ്യർത്ഥം പ്രീതയേ ഭൈരവസ്യ ഹി । കരിഷ്യേഹം ജപമിതി സങ്കൽപ്യാദൗ പുമാൻ സുധീഃ ॥ 26॥

അസ്യ ശ്രീഭൈരവസഹസ്രനാമസ്തവരാജസ്യ മഹാദേവഋഷിഃ । അനുഷ്ടുപ്ഛന്ദഃ ।                                                                                  ശ്രീഭൈരവോ ദേവതാ ।                                                                                       മം സർവ്വോപദ്രവശാന്ത്യർത്ഥേ മം സർവ്വകാര്യസിദ്ധ്യർത്ഥേ ശ്രീഭൈരവ ദേവതാപ്രീത്യർത്ഥേ ജപേ വിനിയോഗഃ ।

(ഋഷിഃ ശിരസി വിന്യസ്യ ഛന്ദസ്തു മുഖതോ ന്യസേത് ।         ദേവതാം ഹൃദയേന്യസ്യ തതോ ന്യാസം സമാചരേത് ॥ 27॥)

ഋഷ്യാദിന്യാസഃ : ശ്രീമഹാദേവഋഷയേ നമഃ ശിരസി । അനുഷ്ടുപ്ഛന്ദസേ നമഃ മുഖേ । ശ്രീഭൈരവദേവതായൈ നമഃ ഹൃദി । മം സർവ്വോപദ്രവശാന്ത്യർത്ഥേ മം സർവ്വകാര്യസിദ്ധ്യർത്ഥേ ശ്രീഭൈരവദേവതാപ്രീത്യർത്ഥേ ഇതി വിനിയോഗായ നമഃ സർവ്വാങ്ഗേ ॥

ഭൈരവം ശിരസി ന്യസ്യ ലലാടേ ഭീമദർശനം । നേത്രയോർഭൂതഹനനം സാരമേയാനുഗം ഭ്രുവോഃ ॥ 28॥ കർണ്ണയോർഭൂതനാഥം ച പ്രേതവാഹം കപോളയോഃ । നാസാപുടോഷ്ഠ്യോശ്ചൈവ ഭസ്മാങ്ഗം സർപ്പഭൂഷണം ॥ 29॥ അനാദിഭൂതമസ്യേ ച ശക്തിം ഹസ്താംഗുലേ ന്യസേത് । സ്കന്ധയോർദൈത്യശമനം ബാഹ്വോരതുലതേജസം ॥ 30॥ പാണ്യോഃ കപാലിനം ന്യസ്യ ഹൃദയേ മുണ്ടമാലിനം ।         ശാന്തം വക്ഷസ്ഥലേ ന്യസ്യ സ്ഥാനയോഃ കാമചാരിണം ॥ 31॥ 

ഉദരേ ച സദാതുഷ്ടം ക്ഷേത്രേശം പാർശ്വയോസ്തഥാ । ക്ഷേത്രപാലം പൃഷ്ഠദേശേ ക്ഷേത്രജ്ഞം നാഭിദേശകേ ॥ 32॥ പാപനാശകം കട്യാം ബടുകം ലിംഗദേശകേ ।                                 ഗുദേ രക്ഷകരം ന്യസ്യ തഥോർവ്വൊ രക്തലോചനം ॥ 33॥ ജാനുനീ ഘുർഘുരാരാവം ജങ്ഘയോ രക്തപായിനം । ഗുൽഫയോഃ പാദുകാസിദ്ധിം പാദപൃഷ്ഠേ സുരേശ്വരം ॥ 34॥ ആപാദമസ്തകം ചൈവ ആപദുദ്ധാരകം ന്യസേത് ।                പൂർവ്വേ ഡമരുഹസ്തം ച ദക്ഷിണേ ദണ്ഡധാരിണം ॥ 35॥ ഖഡ്ഗഹസ്തം പശ്ചിമേ ച ഘണ്ഠാവാദിനമുത്തരേ । ആഗ്നേയാമഗ്നിവർണ്ണം ച നൈരൃത്യേ ച ദിഗംബരം ॥ 36॥ വായവ്യേ സർവ്വഭൂതസ്ഥമീശാന്യാം ചാഷ്ടസിദ്ധിദം ।     ഊർദ്ധ്വം ഖേചരണം ന്യസ്യ പാതാളേ രൗദ്രരൂപിണം ।             ഏവം ന്യസ്യ സ്വദേഹേ ച ഷഡംഗേഷു തതോ ന്യസേത് ॥ 37॥

രുദ്രമങ്ഗുഷ്ഠയോർന്യസ്യ തർജ്ജന്യോശ്ച ദിവാകരം ।          ശിവം മധ്യമയോർന്യസ്യ നാസികായാം ത്രിശൂലിനം ।                  ബ്രാഹ്മണം തു കനിഷ്ഠായാം സ്ഥാനയോസ്ത്രിപുരാന്തകം ।          മാംസാശനം കരാഗ്രേ തു കരപൃഷ്ഠേ ദിഗംബരം ॥ 38॥                        ഹൃദയേ ഭൂതനാഥായ ആദിനാഥായ മൂർദ്ധനി ।                                      ആനന്ദപദപൂർവ്വായ നാഥായഥ ശിഖാലയേ ।                                                                      

സിദ്ധിശാംബരനാഥായ കവചേ വിന്യസ്യേത്തഥാ ॥ 39॥ സഹജാനന്ദനാഥായ ന്യസേ നേത്രത്രയേ തഥാ । നിഃസീമാനന്ദനാഥായ അസ്ത്രേ ചൈവ പ്രയോജയേത് ॥ 40॥ ഏവം ന്യാസവിധിം കൃത്വാ യഥാവത്തദനന്തരം ।                 ധ്യാനം തസ്യ പ്രവക്ഷ്യാമി യഥാ ധ്യാത്വാ പഠേന്നരഃ ॥ 41॥

ധ്യാനം

ഓം ശുദ്ധസ്ഫടികസങ്കാശം സഹസ്രാദിത്യവർച്ചസം । നീലജീമൂതസങ്കാശം നീലാഞ്ജനസമപ്രഭം ॥ 42॥   അഷ്ടബാഹും ത്രിനയനം ചതുർബാഹും ദ്വിബാഹുകം । ദശബാഹുമതോഗ്രം ച ദിവ്യാംബരപരിഗ്രഹം ॥ 43॥ ദംഷ്ട്രാകരാലവദനം നൂപുരാരാവസംകുലം ।    ഭുജങ്ഗമേഖലം ദേവമഗ്നിവർണ്ണം ശിരോരുഹം ॥ 44॥ ദിഗംബരമാകുലേശം ബടുകാഖ്യം മഹാബലം । ഖട്വാങ്ഗമസിപാശം ച ശൂലം ദക്ഷിണഭാഗതഃ ॥ 45॥             ഡമരും ച കപാലം ച വരദം ഭുജഗം തഥാ ।     ആത്മവർണ്ണസമോപേതം സാരമേയസമന്വിതം ॥ 46॥           ഏവം ധ്യാത്വാ സുസന്തുഷ്ടോ ജപത്കാമാനവാപ്നുയാത് । സാധകഃ സർവ്വലോകേഷു സത്യം സത്യം ന സംശയഃ ॥ 47॥ ആനന്ദസർവ്വഗീർവ്വാണ ശിരോശൃംഗാങ്ഗസങ്ഗിനഃ । ഭൈരവസ്യ പദാംഭോജം ഭൂയസ്തന്നൗമി സിദ്ധയേ ॥ 48॥

-------------------------------------------------------------------------------------------------------------------------
ഓം ഭൈരവോ ഭൂതനാഥശ്ച ഭൂതാത്മാ ഭൂതഭാവനഃ ।
ഭൂതവാസോ ഭൂതപതിർ ഭൂരിദോ ഭൂരിദക്ഷിണഃ ॥

49
ഭൂതാധ്യക്ഷോ ഭൂധരേശോ ഭൂധരോ ഭൂധരാത്മജഃ ।
ഭൂപതിർ ഭാസ്കരോ ഭീരുർ ഭീമോ ഭൂതിർ വിഭൂതിദഃ ॥

50
ഭൂതോ ഭൂകമ്പനോ ഭൂമിർ ഭൗമോ ഭൂതാഭിഭാവകഃ ।
ഭഗനേത്രോ ഭവോ ഭോക്താ ഭൂദേവോ ഭഗവാനഭിഃ ॥

51
ഭസ്മപ്രിയോ ഭസ്മശായീ ഭസ്മോദ്ധൂലിതവിഗ്രഹഃ ।
ഭർഗഃ ശുഭാംഗോ ഭവ്യശ്ച ഭൂതവാഹനസാരഥിഃ ॥

52
ഭ്രാജിഷ്ണുർ ഭോജനോ ഭോക്താ ഭിക്ഷുർ ഭക്തിജനപ്രിയഃ ।
ഭക്തിഗമ്യോ ഭൃംഗിരിതിർ ഭക്ത്യാ വേദിതവിഗ്രഹഃ ॥

53
ഭൂതചാരി നിശാചാരി പ്രേതചാരി ഭയാനകഃ ।
ഭാവാത്മാ ഭൂർഭുവോ ലക്ഷ്മീർ ഭാനുർ ഭീമപരാക്രമഃ ॥

54
പദ്മഗർഭോ മഹാഗർഭോ വിശ്വഗർഭഃ സ്വഭൂരഭൂഃ ।
ഭൂതലോ ഭുവനാധീശോ ഭൂതികൃദ് ഭ്രാന്തിനാശനഃ ॥

55
ഭൂതിഭൂഷിതസർവാങ്ഗോ ഭൂഷയോ ഭൂതവാഹനഃ ।
ക്ഷേത്രജ്ഞഃ ക്ഷേത്രപാലശ്ച ക്ഷേത്രവിഘ്നനിവാരണഃ ॥

56
ക്ഷാന്തഃ ക്ഷുദ്രഃ ക്ഷേത്രപശ്ച ക്ഷുദ്രഘ്നഃ ക്ഷവ്യഃ ക്ഷമീ ।
ക്ഷോഭണോ മാരണസ്തംഭി മോഹനോ ജൃംഭണോ വശീ ॥

57
ക്ഷണഃ ക്ഷാന്തിദഃ ക്ഷാമഃ ക്ഷമാക്ഷേത്രം ക്ഷരോക്ഷരഃ ।
കങ്കാലഃ കലാശമനഃ കലാകാഷ്ടാതനുഃ കവിഃ ॥

58
കാലഃ കരാളി കങ്കാളീ കപാലി കമനീയകഃ ।
കാലകാലഃ കൃതിവാസഃ കപർദി കാമശാസനഃ ॥

59
കുബേരബന്ധുഃ കാമാത്മാ കർണികാരപ്രിയഃ കവിഃ ।
കാമദേവഃ കാമപാലഃ കാമീകാന്തഃ കൃതാഗമഃ ॥

60
കല്യാണഃ പ്രകൃതിഃ കൽപഃ കൽപാദിഃ കമലേക്ഷണഃ ।
കമണ്ഡലുധരഃ കേതുഃ കലായോഗീ ത്വകൽമഷഃ ॥

61
കരണം കാരണങ്കർത്താ കൈലാസപതിരീശ്വരഃ ।
കാമാരിഃ കശ്യപോനാദി കിരീടി കൗശികസ്തഥാ ॥

62
കപിലഃ കുശലഃ കർത്താ കുമാരഃ കൽപവൃക്ഷകഃ ।
കലാധരഃ കലാധീശഃ കാലകണ്ഠഃ കപാലഭൃത് ॥

63
കൈലാസശിഖരാവാസഃ ക്രൂരഃ കീർത്തിവിഭൂഷണഃ ।
കാലജ്ഞാനീ കലിഘ്നശ്ച കംപിതഃ കാലവിഗ്രഹഃ ॥

64
കവചി കഞ്ചുകി കുണ്ഡി കുണ്ഡലി കാര്യകോവിദഃ ।
കാലഭക്ഷഃ കലങ്കാരിഃ കിങ്കിണീകൃതവാസുകിഃ ॥

65
ഗണേശ്വരശ്ച ഗൗരീശോ ഗിരിശോ ഗിരിബാന്ധവഃ ।
ഗിരിധന്വാ ഗുഹോ ഗോപ്താ ഗുണരാശിർ ഗുണാകരഃ ॥

66
ഗംഭീരോ ഗഹനോ ഗോസാഗോമാൻ മന്താ മനോഗതിഃ ।
ശ്രീശോ ഗൃഹപതിർ ഗോപ്താ ഗൗരോ ഗവ്യമയഃ ഖഗഃ ॥

67
ഗണഗ്രാഹി ഗുണഗ്രാഹി ഗഗനോ ഗഹ്വരാശ്രയഃ ।
അഗ്രഗണ്യേശ്വരോ യോഗീ ഖട്വാങ്ഗീ ഗഗനാലയഃ ॥

68
അമോഘോ മോഘഫലദോ ഘണ്ടാരാവോ ഘടപ്രിയഃ ।
ചന്ദ്രപീഡശ്ചന്ദ്രമൗലി ചിത്രവേഷശ്ചിരന്തനഃ ॥

69
ചതുഃശയശ്ചിത്രബാഹുരചലശ്ഛിന്നസംശയഃ ।
ചതുർവേദശ്ചതുർബാഹുശ്ചതുരശ്ചതുരപ്രിയഃ ॥

70
ചാമുണ്ഡാജനകശ്ചക്ഷുശ്ചലചക്ഷുരചഞ്ചലഃ ।
അചിന്ത്യ മഹിമാചിന്ത്യശ്ചരാചരചരിത്രഗുഃ ॥

71
ചന്ദ്രസഞ്ജീവനശ്ചിത്ര ആചാര്യശ്ച ചതുർമുഖഃ ।
ഓജസ്തേജോദ്യുതിധരോ ജിതകാമോ ജനപ്രിയഃ ॥

72
അജാതശത്രുരോജസ്വീ ജിതകാലോ ജഗത്പതിഃ ।
ജഗദാദിരജോജാതോ ജഗദീശോ ജനാർദനഃ ॥

73
ജനനോ ജന്മാദിരർജുനോ ജന്മവിജ്ജയീ ।
ജന്മാധിപോ ജ്യോതിർജന്മമൃത്യുജരാപഹഃ ॥

74
ജയോ ജയാരി ജ്യോതിഷ്മാൻ ജനകർണോ ജഗദ്ധിതഃ ।
ജമദഗ്നിർ ജലനിധിർ ജടിലോ ജീവിതേശ്വരഃ ॥

75
ജീവിതാന്തകരോ ജ്യേഷ്ഠോ ജഗന്നാഥോ ജനേശ്വരഃ ।
ത്രിവർഗസാധനസ്താർക്ഷ്യസ്തരണിസ്തന്തുവർദ്ധനഃ ॥

76
തപസ്വീ താരകസ്തീവ്രശ്ചാത്മനിസംസ്ഥിതഃ ।
തപനസ്താപസന്തുഷ്ടശ്ചാത്മയോനിരതീന്ദ്രിയഃ ॥

77
തിമിരഹാ തീവ്രാനന്ദസ്തനൂനപാത് ।
അന്തർഹിതസ്തമിശ്രശ്ച തേജസ്തേജോമയസ്തുതിഃ ॥

78
തരുസ്തീർത്ഥങ്കരസ്ത്വഷ്ടാ തത്വവിദുത്തമഃ ।
തേജോരാശിസ്തുംബവീനസ്ത്വതിതിഥിപ്രിയഃ ॥

79
ആത്മയോഗസമാത്മാ തീർത്ഥദേവഃ ശിലാമയഃ ।
സ്ഥാനദഃ സ്ഥാപിതഃ സ്ഥാനുഃ സ്ഥവിഷ്ഠഃ സ്ഥവിരഃ സ്ഥിതഃ ॥

80
ത്രിലോകേശഃ ത്രിലോകാത്മാ ത്രിശൂലഃ ത്രിദശാധിപഃ ।
ത്രിലോചനഃ ത്രയീവേദ്യഃ ത്രിവർഗസ്ഥഃ ത്രിവർഗദഃ ॥

81
ദൂരശ്രവാ ദുഷ്കൃതഘ്നോ ദുര്ധർഷോ ദുഃസഹോദയഃ ।
ദൃഢപാരി ദൃഢോദേവോ ദേവദേവോ ദുന്ദുഭഃ ॥

82
ദീർഘായുധോ ദീർഘതപോ ദക്ഷോ ദുഃസ്വപ്നനാശനഃ ।
ദുർലഭോ ദുർഗമോ ദുർഗോ ദുരാവാസോ ദുരാസദഃ ॥

83
ദമോ ദമയിതാ ദാന്തോ ദാതാ ദാനന്ദയാകരഃ ।
ദുർവാസാദ്രിർ ദേവകാര്യോ ദുർജ്ഞേയോ ദുർഭഗോദയഃ ॥

84
ദണ്ഡിദാഹോ ദാനവാരിർ ദേവേന്ദ്രസ്ത്വരിമർദനഃ ।
ദേവാസുരഗുരുർദേവോ ദേവാസുരനമസ്കൃതഃ ॥

85
ദേവാസുരമഹാമന്ത്രോ ദേവാസുരമഹാശ്രയഃ ।
ദേവാധിദേവോ ദേവർഷി ദേവാസുരവരപ്രദഃ ॥

86
ദേവാസുരേശ്വരോ ദേവോ ദേവാസുരമഹേശ്വരഃ ।
സർവദേവമയോ ദണ്ഡോ ദേവസിംഹോ ദിവാകരഃ ॥

87
ദംഭോ ദംഭോമഹാദംഭോ ദംഭകൃദ് ദംഭമർദനഃ ।
ദർപഘ്നോ ദർപദോ ദർപ്തോ ദുർജയോ ദുരതിക്രമഃ ॥

88
ദേവനാഥോ ദുരാധർഷോ ദൈവജ്ഞോ ദേവചിന്തകഃ ।
ദക്ഷാരിർ ദേവപാലശ്ച ദുഃഖദാരിദ്ര്യഹാരകഃ ॥

89
അധ്യാത്മയോഗനിരതോ ധർമ്മശത്രു ധനുർധരഃ ।
ധനാധിപോ ധർമ്മചാരീ ധർമ്മധന്വാ ധനാഗമഃ ॥

90
ധ്യേയോ ഗ്രധുര്യോ ധാത്രീശോ ധർമ്മകൃദ് ധർമ്മവർദ്ധനഃ ।
ധ്യാനധാരോ ധനന്ധ്യേയോ ധർമ്മപൂജ്യോ ധൂർജടിഃ ॥

91
ധർമ്മധാമാ ധനുർധന്യോ ധനുർവേദോ ധരാതിപഃ ।
അനന്തദൃഷ്ടിരാനന്ദോ നിയമോ നിയമാശ്രയഃ ॥

92
നീലലോഹിതോ നാഗഭുജോ നിത്യാസ്തിത്വം പ്രദർശകഃ ।
അനാദിമധ്യനിധനോ നീലകണ്ഠോ നിശാചരഃ ॥

93
അനഘോ നർത്തകോ നേതാ നിയതാത്മാ നിജോദ്ഭടഃ ।
ജ്ഞാനപ്രകാശാത്മാ നിവൃത്താത്മാ നദീധരഃ ॥

94
നീതിഃ സുനീതിരുന്മത്തോ ന്യനുത്തമോ നിവാരിതഃ ।
അനാദിനിധനോ നിത്യം നിരാകാരോ നഭോഗതിഃ ॥

95
നിത്യോ നിയതകല്യാണോ നാഗോ നിഃശ്രേയശാലയഃ ।
നക്ഷത്രമാലിനകേശോ നാഗഹാരഃ പിനാകധൃക് ॥

96
ന്യായനിർവാഹകോ ന്യായോ ന്യായഗമ്യോ നിരഞ്ജനഃ ।
നിരാവരണവിജ്ഞാനോ നരസിംഹോ നിപാതനഃ ॥

97
നന്ദീ നന്ദീശ്വരോ നഗ്നോ നഗ്നബ്രഹ്മധരോ നരഃ ।
ധർമ്മദോ നിരഹങ്കാരോ നിർമോഹോ നിരുപദ്രവഃ ॥

98
നിഷ്കണ്ഠകഃ കൃതാനന്ദോ നിർവ്യാജോ വ്യാജമർദ്ദനഃ ।
അനഘോ നിഷ്കലോ നിഷ്കളോ നീലഗ്രീവോ നിരാമയഃ ॥

99
അനിരുദ്ധസ്ത്വനാദ്യന്തോ നൈകാത്മാ നായകർമ്മകൃത് ।
നഗരേതാ നഗീനന്ദീ നിത്യാനന്ദധനവർദ്ധനഃ ॥

100
യോഗീ വ്യോഗീ ഖട്വാങ്ങീ ഖഡ്ഗീ ഷാങ്ഗീ ഖരീഗരീ ।
രാഗീ വിരാഗീ സംരാഗീ ത്യാഗീ ഗൗരീവരാംഗദീ ॥

101
ഡമരുമൃദംഗനാദശ്ച വ്യാഘ്രഹസ്താഗ്രചന്ദ്രഖണ്ഡഭൃത് ।
താണ്ഡവാദംബരരുചിരുണ്ഡമുണ്ഡനപണ്ഡിതഃ ॥

102
പരമേശ്വരഃ പശുപതിഃ പിനാകീ പുരശാസനഃ ।
പുരാതനോ ദേവകാര്യഃ പരമേഷ്ഠീ പരായണഃ ॥

103
പഞ്ചവിംശതിതത്ത്വജ്ഞഃ പഞ്ചയജ്ഞപ്രഭഞ്ജനഃ ।
പുഷ്കരോ പരംബ്രഹ്മ പാരിജാതഃ പരാത്പരഃ ॥

104
പ്രതിഷ്ഠിതഃ പ്രമാണജ്ഞഃ പ്രമാണം പരമന്തപഃ ।
പഞ്ചബ്രഹ്മസമുത്പത്തിഃ പരമാത്മാ പരാവരഃ ॥

105
പിനാകപാണിഃ പ്രാംശുശ്ച പ്രത്യയഃ പരമേശ്വരഃ ।
പ്രഭാകരഃ പ്രത്യയശ്ച പ്രണവശ്ച പുരഞ്ജയഃ ॥

106
പവിത്രപാണിഃ പാപാരിഃ പ്രതാപാർചിരപാന്നിധിഃ ।
പുലസ്ത്യഃ പുലഹോऽഗസ്ത്യോ പുരുഷോത്തമഃ പുരുഷുതഃ ॥

107
പദ്മാകരഃ പരംജ്യോതിഃ പരാപരഫലപ്രദഃ ।
പരാജ്ഞഃ പരദഃ പരശത്രുഃ പരംപദഃ ॥

108
പൂർണ്ണഃ പൂരയിതാ പുണ്യഃ പുണ്യശ്രവണകീർത്തനഃ ।
പുരന്ദരഃ പുണ്യകീർത്തിഃ പ്രമാദി പാപനാശനഃ ॥

109
പരശീലഃ പരഗുണഃ പാണ്ഡുരാഗപുരന്ദരഃ ।
പരാർത്ഥവൃത്തിഃ പ്രഭവഃ പുരുഷഃ പൂർവജഃ പിതാ ॥

110
പിംഗലഃ പവനഃ പ്രേക്ഷഃ പ്രതപ്തഃ പൂഷദന്തഹാ ।
പരമാർത്ഥഗുരുഃ പ്രീതഃ പ്രീതിമാംശ്ച പ്രതാപനഃ ॥

111
പരാശരഃ പദ്മഗർഭഃ പരഃ പരപുരഞ്ജയഃ ।
ഉപദ്രവഃ പദ്മകരഃ പരമാർത്ഥൈകപണ്ഡിതഃ ॥

112
മഹേശ്വരോ മഹാദേവോ മുദ്ഗലോ മധുരോമൃദുഃ ।
മനഃശായി മഹായോഗീ മഹാകർമ്മ മഹൗഷധഃ ॥

113
മഹർഷിഃ കപിലാചാര്യോ മൃഗവ്യാധോ മഹാബലഃ ।
മഹാനിധിർ മഹാഭൂതിർ മഹാനീതിർ മഹാമതിഃ ॥

114
മഹാഹൃദോ മഹാഗർത്തോ മഹാഭൂതോ മൃതോപമഃ ।
അമൃതാംശോऽമൃതവപുർ മാരീചിർ മഹിമാലയഃ ॥

115
മഹാതമോ മഹാകായോ മൃഗബാണാർപ്പണോ മലഃ ।
മഹാബലോ മഹാതേജോ മഹായോഗീ മഹാമനഃ ॥

116
മഹാമായോ മഹാസത്ത്വോ മഹാനാദോ മഹോത്സവഃ ।
മഹാബുദ്ധിർ മഹാവീര്യോ മഹാശക്തിർ മഹാദ്യുതിഃ ॥

117
ഉന്മത്തകീർത്തിരുന്മത്തോ മാധവീനമിതോമതിഃ ।
മഹാശൃംഗോ ധ്യാനഗമ്യോ മാംഗല്യോ മംഗലപ്രിയഃ ॥

118
അമോഘദണ്ഡോ മധ്യസ്ഥോ മഹേന്ദ്രോ അമോഘവിക്രമഃ ।
അമേയോ അരിഷ്ടമഥനോ മുകുന്ദസ്ത്വമയാചലഃ ॥

119
മാതാമഹോ മാതരിശ്വാ മണിപൂരോ മഹാശയഃ ।
മഹാശ്രയോ മഹാഗർഭോ മഹാകൽപോ മഹാധനുഃ ॥

120
മനോ മനോജവോ മാണീ മേരു‍മേധ്യോ മൃദോ മനുഃ ।
മഹാകോശോ മഹാജ്ഞാനീ മഹാകാലഃ കലിപ്രിയഃ ॥

121
മഹാബടുർ മഹാത്യാഗീ മഹാകോശോ മഹാഗതിഃ ।
ശിഖണ്ഡീ കവചീ ശൂലീ ജടീ മുണ്ടീ ച കുണ്ഡലീ ॥

122
മേഖലീ കഞ്ചുകീ ഖഡ്ഗീ മാലീ മായീ മഹാമണിഃ ।
മഹേഷ്വാസോ മഹീഭർത്താ മഹാവീരോ മഹീഭുജഃ ॥

123
മഖകർതാ മഖധ്വംസീ മധുരോ മധുരപ്രിയഃ ।
ബ്രഹ്മസൃഷ്ടിർ ബ്രഹ്മവീര്യോ ബാണഹസ്തോ മഹാബലീ ॥

124
കാലരൂപോ ബലോന്മാദീ ബ്രാഹ്മണ്യോ ബ്രഹ്മവർചസീ ।
ബഹുരൂപോ ബഹുമായോ ബ്രഹ്മവിഷ്ണുശിവാത്മകഃ ॥

125
ബ്രഹ്മഗർഭോ ബൃഹദ്ഗർഭോ ബൃഹജ്ജ്യോതിര്ബൃഹത്തരഃ ।
ബീജാധ്യക്ഷോ ബീജകർതാ ബീജാങ്ഗോ ബീജവാഹനഃ ॥

126
ബ്രഹ്മ ബ്രഹ്മവിദോ ബ്രഹ്മ ബ്രഹ്മജ്യോതിര്ബൃഹസ്പതിഃ ।
ബീജബുദ്ധി ബ്രഹ്മചാരീ ബ്രാഹ്മണ്യോ ബ്രാഹ്മണപ്രിയഃ ॥

127
യുഗാദികൃദ് യുഗാവർത്തോ യുഗാധ്യക്ഷോ യുഗാപഹാ ।
യജ്ഞോ യജ്ഞപതിര്യജ്വാ യജ്ഞാങ്ഗോ യജ്ഞവാഹനഃ ॥

128
യോഗാചാര്യോ യോഗഗമ്യോ യോഗീ യോഗശ്ച യോഗവിത് ।
യോഗാങ്ഗോ യോഗസാരംഗോ യക്ഷോ യുക്തിർ യമോ യമി ॥

129
രൌദ്രോ രുദ്രോ രോഷി രാഹുർ രുചിർ രണപ്രിയഃ ।
അരോഗോ രോഗഹാരി ച രുധിരോ രുചിരാംഗദീ ॥

130
ലോഹിതാക്ഷോ ലലാടാക്ഷോ ലോകദോ ലോകകാരകഃ ।
ലോകബന്ധുർ ലോകനാഥോ ലക്ഷണജ്ഞോത്തലക്ഷണഃ ॥

131
ലോകമായോ ലോകകർതാ ലൗല്യോ ലളിത ഏവ ച ।
വരിയാൻ വരദോ വന്ദ്യോ വിദ്വാൻ വിശ്വാമരേശ്വരഃ ॥

132
വേദാന്തസാരസന്ദേഹോ വീതരാഗോ വിശാരദഃ ।
വിശ്വമൂർത്തിർ വിശ്വവേദ്യോ വാമദേവോ വിമോചകഃ ॥

133
വിശ്വരൂപോ വിശ്വപക്ഷോ വാഗീശോ വൃഷവാഹനഃ ।
വൃഷാങ്കോ വിശാലാക്ഷോ വിശ്വദീപ്തിർ വിലോചനഃ ॥

134
വിലോകോ വിശ്വദൃക് വിശ്വോ വിജിതാത്മാലയഃ പുമാൻ ।
വ്യാഘ്രചർമ്മധരോ വാഗീ വാങ്മയൈകവിധിർ വിഭുഃ ॥

135
വർണാശ്രമഗുരുർ വര്ണീ വരദോ വായുവാഹനഃ ।
വിശ്വകർമാ വിനീതാത്മാ വേദശാസ്ത്രാർത്ഥതത്ത്വവിത് ॥

136
വസുർ വസുമനാവ്യാലോ വിരാമോ വിമദഃ കവിഃ ।
വിമോചകശ്ച വിജയം വിശിഷ്ടോ വൃഷവാഹനഃ ॥

137
വിദ്യേശോ വിബുധോ വാദീ വേദാംഗോ വേദവിദ് മുധീ ।
വിശ്വേശ്വരോ വീരഭദ്രോ വീരാസനവിദിർ വിരാട് ॥

138
വ്യവസായോ വ്യവസ്ഥാനഃ വീരചൂഡാമണിർ വരഃ ।
വാലഖില്യോ വിശ്വദേഹോ വിരാമോ വസുദോ വസുഃ ॥

139
വിരോചനോ വരരുചിർ വേദ്യോ വാചസ്പതിർ ഗതിഃ ।
വിദ്വത്തമോ വീതഭയോ വിശ്രുതിർ വിമലോദയഃ ॥

140
വൈവസ്വതോ വസിഷ്ഠശ്ച വിഭൂതിർ വിഗതജ്വരഃ ।
വിശ്വഹർതാ വിശ്വഗോപ്താ വിശ്വാമിത്രോ ദ്വിജേശ്വരഃ ॥

141
വിശ്വോത്പത്തിർ വിശ്വസഹോ വിശ്വവാസോ വസുശ്രവാഃ ।
വിശ്വരൂപോ വജ്രഹസ്തോ വിപാകോ വിശ്വകാരകഃ ॥

142
വൃഷദർശ്വോ വ്യാസകല്പോ വിശൽപോ ലോകശല്യഹൃത് ।
വിരൂപോ വികൃതോ വേഗീ വിരിഞ്ചിർ വിശ്തരശ്രവാഃ ॥

143
അവ്യക്തലക്ഷണോ വ്യക്തി വ്യക്താവ്യക്തോ വിഷാംപതിഃ ।
വിബുദ്ധോ യജ്ഞകരോ വേദോ വിശ്വഗർഭോ വിചക്ഷണഃ ॥

144
വിഷമാക്ഷോ വിലോമാക്ഷോ വൃഷഭോ വൃഷവർദ്ധനഃ ।
വിത്തപ്രദോ വസന്തശ്ച വിശ്വാന വിക്രമോത്തമഃ ॥

145
വേദ്യോ വൈദ്യോ വിശ്വരൂപോ വിവിക്തോ വിശ്വഭാജനം ।
വിഷയക്ഷോ വിവിക്തശ്ച വിദ്യാരാശിർ വിയത്പ്രിയഃ ॥

146
ശിവഃ സർവ്വഃ സദാചാരഃ ശംഭുരീശാന ഈശ്വരഃ ।
ശ്രുതിധർമ്മാനസംവാദി സഹസ്രാക്ഷഃ സഹസ്രപാത് ॥

147
സർവജ്ഞഃ സർവദേവശ്ച ശങ്കരഃ ശൂലധാരകഃ ।
സുശരീരഃ സ്കന്ദഗുരുഃ ശ്രീകണ്ഠഃ സൂര്യതാപനഃ ॥

148
ഈശാനോ നിലയഃ സ്വസ്തി സാമവേദോऽഥർവവിദ് ।
നീതിഃ സുനീതിഃ ശ്രദ്ധാത്മാ സോമഃ സോമതരഃ സുഖീ ॥

149
സോമപോऽമൃതപഃ സൗമ്യഃ സൂത്രകാരഃ സനാതനഃ ।
ശാഖോ വിശാഖഃ സംഭാവ്യഃ സർവദഃ സർവഗോചരഃ ॥

150
സദാശിവഃ സമാവൃത്തിഃ സുകീർത്തിഃ ഛിന്നസംശയഃ ।
സർവാവാസഃ സദാവാസഃ സർവായുധവിശാരദഃ ॥

151
സുലഭഃ സുവ്രതഃ ശൂരഃ ശുഭാങ്ഗഃ ശുഭവിഗ്രഹഃ ।
സുവർണാങ്ഗഃ സ്വാത്മശത്രുഃ ശത്രുജിത് ശത്രുതാപനഃ ॥

152
ശനിഃ സൂര്യഃ സർവകർമ്മാ സർവലോകപ്രജാപതിഃ ।
സിദ്ധഃ സർവേശ്വരഃ സ്വസ്തി സ്വസ്തികൃത് സ്വസ്തിഭൂസ്വധാ ॥

153
വസുർ വസുമനാഃ സത്യഃ സർവപാപഹരോ ഹരഃ ।
സർവാദിഃ സിദ്ധിദഃ സിദ്ധിഃ സത്ത്വാവാസഃ ചതുഷ്പതഃ ॥

154
സംവത്സരകരഃ ശ്രീമാൻ ശാന്തഃ സംവത്സരഃ ശിശുഃ ।
സ്പഷ്ടാക്ഷരഃ സർവഹാരി സംഘ്രാമഃ സമരാധികഃ ॥

155
ഇഷ്ടോ വിശിഷ്ടഃ ശിഷ്ടേഷ്ടഃ ശുഭദഃ സുലഭായനഃ ।
സുബ്രഹ്മണ്യഃ സുരഗണഃ സുശരണ്യഃ സുധാപതിഃ ॥

156
ശരണ്യഃ ശാശ്വതഃ സ്കന്ദഃ ശിപിവിഷ്ടഃ ശിവാശ്രയഃ ।
സംസാരചക്രഭൃത് സാരഃ ശങ്കരഃ സർവസാധകഃ ॥

157
ശാസ്താ ശാസ്ത്രം ശാന്തരാഗഃ സവിതാ സകലാഗമഃ ।
സുവീരഃ സത്പഥാചാരഃ ഷഡ്വിംശഃ സപ്തലോകധൃക് ॥

158
സമ്രാട് സുവേഷഃ ശത്രുഘ്നോऽസുരശത്രുഃ ശുഭോദയഃ ।
സമർത്ഥഃ സുഗതഃ ശക്രഃ സദ്യോഗീ സദസന്മയഃ ॥

159
ശാസ്ത്രനേത്രം മുഖം ശ്മശ്രു സ്വാധിഷ്ഠാനം ഷഡാശ്രയഃ ।
അഭൂഃ സത്യപതിർ വൃദ്ധഃ ശമനഃ ശിഖിസാരഥിഃ ॥

160
സുപ്രതീകഃ സുവൃദ്ധാത്മാ വാമനഃ സുഖവാരിധിഃ ।
സുഖനീഡഃ സുനിഷ്പന്നഃ സുരഭിഃ സൃഷ്ടിരാത്മകഃ ॥

161
സർവദേവമയഃ ശൈലഃ സർവശസ്ത്രപ്രഭഞ്ജനഃ ।
ശിവാലയഃ സർവരൂപഃ സഹസ്രമുഖനാസികഃ ॥

162
സഹസ്രബാഹുഃ സർവേഷാം ശരണ്യഃ സർവലോകധൃക് ।
ഇന്ദ്രേശഃ സുരസവ്യാസഃ സർവദേവോത്തമോത്തമഃ ॥

163
ശിവധ്യാനരതഃ ശ്രീമാൻ ശിഖിശ്രീ ചണ്ഡികാപ്രിയഃ ।
ശ്മശാനനിലയഃ സേതുഃ സർവഭൂതമഹേശ്വരഃ ॥

164
സുവിശിഷ്ടഃ സുരാധ്യക്ഷഃ സുകുമാരഃ സുലോചനഃ ।
സകലഃ സ്വർഗതഃ സ്വർഗഃ സർഗഃ സ്വരമയഃ സ്വനഃ ॥

165
സാമഗഃ സകലാധാരഃ സാമഗാനപ്രിയഃ ശുചിഃ ।
സദ്ഗതിഃ സത്കൃതിഃ ശാന്തഃ സദ്ഭൂതിഃ സത്പരായണഃ ॥

166
ശുചിസ്മിതഃ പ്രസന്നാത്മാ സർവശസ്ത്രമൃതാംവരഃ ।
സർവ്വവാസഃ സ്തുതസ്ത്വഷ്ടാ സത്യവ്രതപരായണഃ ॥

167
ശ്രീവല്ലഭഃ ശിവാരംഭഃ ശാന്തഭദ്രഃ സുമാനസഃ ।
സത്യവാൻ സാത്വികഃ സത്യഃ സർവജിത് ശ്രുതിസാഗരഃ ॥

168
സഹസ്രാർചിഃ സപ്തജിഹ്വഃ സപ്താവർത്ത മുനീശ്വരഃ ।
സംസാരസാരഥിഃ ശുദ്ധഃ ശത്രുഘ്നഃ ശത്രുതാപനഃ ॥

169
സുരേശഃ ശരണം ശർമ്മ സർവദേവഃ സതാംഗതിഃ ।
സിദ്ധവ്രതഃ സിദ്ധിശ്ച സിദ്ധിദഃ സിദ്ധിസാധനഃ ॥

170
ശാന്തബുദ്ധിഃ ശുദ്ധബുദ്ധിഃ സ്രഷ്ടാ സ്തോയതാസ്തവപ്രിയഃ ।
രസജ്ഞഃ സർവസാരജ്ഞഃ സർവസത്ത്വവലംബനഃ ॥

171
സ്ഥൂലഃ സൂക്ഷ്മഃ സുസൂക്ഷ്മശ്ച സഹസ്രാക്ഷഃ പ്രകാശകഃ ।
സാരമേയാനുഗഃ ശുഭ്രഃ പ്രൗഢബാഹുഃ സഹസ്രദൃക് ॥

172
ഗൃഹാത്മകോ രുദ്രരൂപീ വഷട് സ്വരമയഃ ശശീ ।
ആദിത്യഃ സർവകർതാ ച സർവായുഃ സർവബുദ്ധിദഃ ॥

173
സംഹൃഷ്ടഃ സദാപുഷ്ടോ ഘുർഘുരോ രക്തലോചനഃ ।
പാദുകാസിദ്ധിദഃ പാതാ പാരുഷ്യവിനിഷൂദനഃ ॥

174
അഷ്ടസിദ്ധിർ മഹാസിദ്ധിഃ പരഃ സർവാഭിചാരകഃ ।
ഭൂതവേതാലഘാതീ ച വേതാലാനുചരോ രവിഃ ॥

175
കാലാഗ്നിഃ കാലരുദ്രശ്ച കാലാദിത്യഃ കലാമയഃ ।
കാലമാലീ കാലകണ്ഠസ്ത്ര്യംബകസ്ത്രിപുരാന്തകഃ ॥

176
സർവാഭിചാരിഹന്താ ച തഥാ കൃത്യാനിഷൂദനഃ ।
ആന്ത്രമാലീ ഘണ്ടമാലീ സ്വർണാകർഷണഭൈരവഃ ॥

ഫലശ്രുതിഃ

നാംനാം സഹസ്രം ദിവ്യാനാം ഭൈരവസ്യ മഹാത്മനഃ ।                              മയാ തേ കഥിതം ദേവി രഹസ്യം സർവ്വകാമദം ॥ 177॥                       ഭൈരവസ്യ വരാരോഹേ വരം നാമസഹസ്രകം ।                                       പഠേത് പാഠയതേ യസ്തു ശ്രുണുയാത്സു സമാഹിതഃ ॥ 178॥                                ന തസ്യ ദുരിതം കിഞ്ചിന്ന മാരീഭയമേവ ച ।                                                            ന ച ഭൂതഭയം കിഞ്ചിന്ന രോഗാണാം ഭയം തഥാ ॥ 179॥                                      ന പാതകാദ്ഭയം ചൈവ ശത്രുതോ ന ഭയം ഭവേത് ।                          മാരീഭയം ചോരഭയം നാഗ്നിവ്യാഘ്രാദിജം ഭയം ॥ 180॥                ഔത്പാതികം മഹാഘോരം പഠതേ യോ വിലീയതേ ।                  ദുഃസ്വപ്നജേ രാജഭയേ വിപത്തൗ ഘോരദർശനേ ॥ 181॥             സ്തോത്രമേതത് പഠേദ്വിദ്വാൻ സർവ്വദുഃഖൗഘനാശനം । സർവ്വപ്രശമമായാതി സഹസ്രപരികീർത്തനാത് ॥ 182॥                     ഏകകാലം ദ്വികാലം വാ ത്രികാലമഥവാ നിശി ।                                 പഠേദ്യോ നിയതാഹാരഃ സർവ്വസിദ്ധിഞ്ച വിന്ദതി ॥ 183॥            ഭൂമികാമോ ഭൂതികാമഃ ഷണ്മാസം ച ജപേത്സുധീഃ ।                       പ്രതികൃതാ വിനാശാർത്ഥം ജപേത്രിശതമുത്തമം ॥ 184॥       മാസത്രയേണ സർവ്വേഷാം രിപൂണാമന്തകോ ഭവേത് ।               മാസത്രയം ജപേദ്ദേവീ നിശി നിശ്ചലമാനസഃ ॥ 185॥                                      ധനം പുത്രം തഥാ ദാരാൻ പ്രാപ്നുയാന്നാത്ര സംശയഃ ।            മഹാകാരാഗൃഹേ ബദ്ധഃ പിശാചൈഃ പരിവാരിതഃ ॥ 186॥           നിഗഡൈഃ ശൃംഖലാഭിശ്ച ബന്ധനം പരമം ഗതഃ ।                             പഠേദ്ദേവീ ദിവാരാത്രൗ സർവ്വാൻകാമാനവാപ്നുയാത് ॥ 187॥       ശതമാവർത്തനാദ്ദേവീ പുരശ്ചരണമുച്യതേ ।                                                    യം യം കാമയതേ കാമം തം തം പ്രാപ്നോതി നിശ്ചിതം ॥ 188॥            സത്യം സത്യം പുനഃ സത്യം സത്യം പുനഃ പുനഃ ।                       സർവ്വകാമപ്രദോ ദേവീ ഭൈരവഃ സർവ്വസിദ്ധിദഃ ॥ 189॥     സത്കുലീനായ ശാന്തായ ഋഷയേ സത്യവാദിനേ ।              സ്തോത്രദാനാത് സുപ്രഹൃഷ്ടോ ഭൈരവോ ഭൂന്മഹേശ്വരഃ ॥ 190॥

---

സമാപനം

॥ ഇതി ശ്രീഉദ്ദാമരേ തന്ത്രേ ഉമാമഹേശ്വരസംവാദേ കാലഭൈരവസഹസ്രനാമസ്തോത്രം സമ്പൂർണ്ണം ॥