SRI BALA TRIPURASUNDARI SAHASRANAMA STHOTHRAM

 

 ശ്രീബാലാത്രിപുരസുന്ദരീ സഹസ്രനാമസ്തോത്രം

സമാധ്യുപരതം കാലേ കദാചിദ്വിജനേ മുദാ .
പരമാനന്ദസന്ദോഹമുദിതം പ്രാഹ പാർവതീ .. 1..

ശ്രീദേവ്യുവാച -
ശ്രീമന്നാഥ തവാനന്ദകാരണം ബ്രൂഹി ശങ്കര .
യോഗീന്ദ്രോപാസ്യ ദേവേശ പ്രേമപൂർണ സുധാനിധേ .
കൃപാസ്തി യദി മേ ശംഭോ സുഗോപ്യമപി കഥ്യതാം .. 2..

ശ്രീഭൈരവഃ
നിർഭരാനന്ദസന്ദോഹഃ ശക്തിഭാവേന ജായതേ .
ലാവണ്യസിന്ധുസ്തത്രാസ്തി ബാലായാ രസകന്ദരഃ .. 3..

താമേവാനുക്ഷണം ദേവീം ചിന്തയാമി തതഃ ശിവാം .
തസ്യാ നാമസഹസ്രാണി കഥയാമി തവ പ്രിയേ .. 4..

സുഗോപ്യാന്യപി രംഭോരു ഗംഭീരസ്നേഹവിഭ്രമാത് .
താമേവ സ്തുവതോ ദേവി ധ്യായതോഽനുക്ഷണം മമ .
സുഖസന്ദോഹസംഭാവോ ജ്ഞാനാനന്ദസ്യ കാരണം .. 5..

അസ്യ ശ്രീബാലാത്രിപുരസുന്ദരീ സഹസ്രനാമസ്തോത്രസ്യ ശങ്കര ഋഷിഃ,
അനുഷ്ടുപ് ഛന്ദഃ . ശ്രീബാലാത്രിപുരാ ദേവതാ . ഐം ബീജം . സൗഃ ശക്തിഃ .
ക്ലീം കീലകം . ശ്രീബാലാപ്രീത്യർഥേ സമസ്തപുരുഷാർഥസിദ്ധ്യർഥേ
പാരായണേ വിനിയോഗഃ .


ഐം അംഗുഷ്ഠാഭ്യാം നമഃ . ക്ലീം തർജനീഭ്യാം നമഃ .
സൗഃ മധ്യമാഭ്യാം നമഃ . ഐം അനാമികാഭ്യാം നമഃ .
ക്ലീം കനിഷ്ഠികാഭ്യാം നമഃ . സൗഃ കരതലകരപൃഷ്ഠാഭ്യാം നമഃ .
ഏവം ഹൃദയാദിന്യാസഃ .



ധ്യാനം .

അരുണകിരണജാലൈ രഞ്ജിതാശാ-വകാശാ
വിധൃതജപവടീകാ പുസ്തകാഭീതിഹസ്താ .
ഇതരവരകരാഢ്യാ ഫുല്ലകൽഹാര സംസ്ഥാ
നിവസതു ഹൃദി ബാലാ നിത്യകല്യാണശീലാ ..

രക്താംബരാം ചന്ദ്രകലാവതംസാം 
സമുദ്യ-ദാദിത്യനിഭാം ത്രിനേത്രാം .
വിദ്യാക്ഷമാലാഭയ-ദാനഹസ്താം 
ധ്യായാമി ബാലാമരുണാംബുജസ്ഥാം ..





ആനന്ദസിന്ധുരാനന്ദാഽഽനന്ദമൂർതിർവിനോദിനീ .
ത്രിപുരാ സുന്ദരീ പ്രേമപാഥോനിധിരനുത്തമാ .. 1..

വാമാർധഗഹ്വരാ ഭൂതിർവിഭൂതിഃ ശങ്കരീ ശിവാ .
ശൃംഗാരമൂർതിർവരദാ രസാ ച ശുഭഗോചരാ .. 2..

പരമാനന്ദലഹരീ രതീ രംഗവതീ ഗതിഃ .
രംഗമാലാനംഗകലാ കേലീ കൈവല്യദാ കലാ .. 3..

രസകല്പാ കല്പലതാ കുതൂഹലവതീ ഗതിഃ .
വിനോദദിഗ്ധാ സുസ്നിഗ്ധാ മുഗ്ധമൂർതിർമനോരമാ .. 4..

ബാലാർകകോടികിരണാ ചന്ദ്രകോടിസുശീതലാ .
സ്രവത്പീയൂഷദിഗ്ധാംഗീ സ്വർഗാർഥപരികല്പിതാ .. 5..

കുരംഗനയനാ കാന്താ സുഗതിഃ സുഖസന്തതിഃ .
രാജരാജേശ്വരീ രാജ്ഞീ മഹേന്ദ്രപരിവന്ദിതാ .. 6..

പ്രപഞ്ചഗതിരീശാനീ പ്രപഞ്ചഗതിരുത്തമാ .
ദുർവാസാ ദുഃസഹാ ശക്തിഃ ശിഞ്ജത്കനകനൂപുരാ .. 7..

മേരുമന്ദരവക്ഷോജാ സൃണിപാശവരായുധാ .
ശരകോദണ്ഡസംസക്തപാണിദ്വയവിരാജിതാ .. 8..

ചന്ദ്രബിംബാനനാ ചാരുമുകുടോത്തംസചന്ദ്രികാ .
സിന്ദൂരതിലകാ ചാരുധമ്മില്ലാമലമാലികാ .. 9..

മന്ദാരദാമമുദിതാ രത്നമാലാവിഭൂഷിതാ .
സുവർണാഭരണപ്രീതാ മുക്താദാമമനോരമാ .. 10..

താംബൂലപൂർണവദനാ മദനാനന്ദമാനസാ .
സുഖാരാധ്യാ തപഃ സാരാ കൃപാപാരാ വിധീശ്വരീ .. 11..

വക്ഷഃസ്ഥലലസദ്രത്നപ്രഭാ മധുരസോന്മദാ .
ബിന്ദുനാദാത്മകോച്ചാരരഹിതാ തുര്യരൂപിണീ .. 12..

കമനീയാകൃതിർധന്യാ ശാങ്കരീ പ്രീതിമഞ്ജരീ .
പ്രപഞ്ചാ പഞ്ചമീ പൂർണാ പൂർണപീഠനിവാസിനീ .. 13..

രാജ്യലക്ഷ്മീശ്ച ശ്രീലക്ഷ്മീർമഹാലക്ഷ്മീഃ സുരാജികാ .
സന്തോഷസീമാ സമ്പത്തിഃ ശാതകൗംഭീ തഥാ ദ്യുതിഃ .. 14..


പരിപൂർണാ ജഗദ്ധാത്രീ വിധാത്രീ ബലവർധിനീ .
സാർവഭൗമനൃപശ്രീശ്ച സാമ്രാജ്യഗതിരംബികാ .. 15..

സരോജാക്ഷീ ദീർഘദൃഷ്ടിഃ സാചീക്ഷണവിചക്ഷണാ .
രംഗസ്രവന്തീ രസികാ (100) പ്രധാനാ രസരൂപിണീ .. 16..

രസസിന്ധുഃ സുഗാത്രീ ച ധൂസരീ മൈഥുനോന്മുഖാ .
നിരന്തരഗുണാസക്താ ശക്തിർനിധുവനാത്മികാ .. 17..

കാമാക്ഷീ കമനീയാ ച കാമേശീ ഭഗമംഗലാ .
സുഭഗാ ഭോഗിനീ ഭോഗ്യാ ഭഗ്യദാ സുഭഗാ ഭഗാ .. 18..

ഭഗലിംഗാനന്ദകലാ ഭഗമധ്യനിവാസിനീ .
ഭഗരൂപാ ഭഗമയീ ഭഗയന്ത്രാ ഭഗോത്തമാ .. 19..

യോനിമുദ്രാ കാമകലാ കുലാമൃതപരായണാ .
കുലകുണ്ഡാലയാ സൂക്ഷ്മാ ജീവാത്മാ ലിംഗരൂപിണീ .. 20..

മൂലക്രിയാ മൂലരൂപാ മൂലാകൃതിസ്വരൂപിണീ .
സോത്സുകാ കമലാനന്ദാ ചിദ്ഭാവാഽഽത്മഗതിഃ ശിവാ .. 21..

ശ്വേതാരുണാ ബിന്ദുരൂപാ വേദയോനിർധ്വനിക്ഷണാ .
ഘണ്ടാകോടി രവാരാവാ രവിബിംബോത്ഥിതാഽദ്ഭുതാ .. 22..

നാദാന്തലീനാ സമ്പൂർണാ പൂർണസ്ഥാ ബഹുരൂപികാ .
ഭൃംഗാരാവാ വംശഗതിർവാദിത്രാ മുരജധ്വനിഃ .. 23..

വർണമാലാ സിദ്ധികലാ ഷട് ചക്രക്രമവാസിനീ .
മൂലകേലീരതാ സ്വാധിഷ്ഠാനാ തുര്യനിവാസിനീ .. 24..

മണിപൂരസ്ഥിതിഃ സ്നിഗ്ധാ കൂർമചക്രപരായണാ .
അനാഹതഗതിർദീപശിഖാ മണിമയാകൃതിഃ .. 25..

വിശുദ്ധാ ശബ്ദസംശുദ്ധാ ജീവബോധസ്ഥലീ രവാ .
ആജ്ഞാചക്രാബ്ജസംസ്ഥാ ച സ്ഫുരന്തീ നിപുണാവൃതാ .. 26..

ചന്ദ്രികാ ചന്ദ്രകോടി ശ്രീഃ സൂര്യകോടിപ്രഭാമയീ .
പദ്മരാഗാരുണച്ഛായാ നിത്യഽഹ്ലാദമയീ പ്രഭാ ..27...

പാനശ്രീശ്ച പ്രിയാമത്യാ നിശ്ചലാഽമൃതനന്ദിനീ 
കാന്താംഗസംഗമുദിതാ സുധാമാധുര്യസംഭൃതാ .. 28..

മഹാമഞ്ചസ്ഥിതാഽലിപ്താ തൃപ്താ ദൃപ്താ സുസംഭൃതിഃ .
സ്രവത്പീയൂഷസംസിക്താ രക്താർണവവിവർധിനീ .. 29..

സുരക്താ പ്രിയസംസിക്താ ശശ്വത്കുണ്ഡാലയാഽഭയാ . (200) .
ശ്രേയഃ ശ്രുതിശ്ച പ്രത്യേകാനവകേശിഫലാവലീ .. 30..

പ്രീതാ ശിവാ ശിവപ്രിയാ ശാങ്കരീ ശാംഭവീ വിഭാ .
സ്വയംഭൂഃ സ്വപ്രിയാ സ്വീയാ സ്വകീയാ ജനമാതൃകാ .. 31..

സ്വാരാമാ സ്വാശ്രയാ സാധ്വീ സുധാധാരാഽധികാധികാ .
മംഗലോജ്ജയിനീ മാന്യാ സർവമംഗലസംഗിനീ .. 32..

ഭദ്രാ ഭദ്രാവലീ കന്യാ കലിതാർധേന്ദുബിംബഭാക് .
കല്യാണലതികാ കാമ്യാ കുകർമാ കുമതിർ മനുഃ .. 33..

കുരംഗാക്ഷീ ക്ഷീബനേത്രാ ക്ഷാരാ രസമദോന്മദാ .
വാരുണീ പാനമുദിതാ മദിരാരചിതാശ്രയാ .. 34..

കാദംബരീപാനരുചിർവിപാശാ പാശഭീതിനുത് .
മുദിതാ മുദിതാപാംഗാ ദരദോലിതദീർഘദൃക് .. 35..

ദൈത്യകുലാനലശിഖാ മനോരഥസുധാദ്യുതിഃ .
സുവാസിനീ പീനഗാത്രീ പീനശ്രോണിപയോധരാ .. 36..

സുചാരുകബരീ ദന്തദീധിതിദീപ്രമൗക്തികാ .
ബിംബാധരാ ദ്യുതിമുഖാ പ്രവാലോത്തമദീധിതിഃ .. 37..

തിലപ്രസൂനനാസാഗ്രാ ഹേമകക്കോലഭാലകാ .
നിഷ്കലങ്കേന്ദുവദനാ ബാലേന്ദുമുകുടോജ്ജ്വലാ .. 38..

നൃത്യത്ഖഞ്ജനനേത്രശ്രീർവിസ്ഫുരത്കർണശഷ്കുലീ .
ബാലചന്ദ്രാതപത്രാർധാ മണിസൂര്യകിരീടിനീ  .. 39..


ഹേമമാണിക്യതാടങ്കാ മണികാഞ്ചനകുണ്ഡലാ .
സുചാരുചിബുകാ കംബുകണ്ഠീ മണിമനോരമാ .. 40..

ഗംഗാതരംഗഹാരോർമിർമത്തകോകിലനിഃസ്വനാ .
മൃണാലവിലസദ്ബാഹുഃ പാശാങ്കുശധനുർധരാ .. 41..

കേയൂരകടകാച്ഛന്നാ നാനാരത്നമനോരമാ .
താമ്രപങ്കജപാണിശ്രീർനഖരത്നപ്രഭാവതീ .. 42..

അംഗുലീയമണിശ്രേണിചഞ്ചദംഗുലിസന്തതിഃ .
മന്ദരദ്വന്ദ്വസുകുചാ രോമരാജീഭുജംഗകാ .. 43..

ഗംഭീരനാഭിസ്ത്രിവലീവലയാ ച സുമധ്യമാ .
രണത്കാഞ്ചീഗുണോന്നദ്ധാ പട്ടാംശുകസുനീവികാ .. 44..

മേരുഗുണ്ഡീനിതംബാഢ്യാ ഗജഗണ്ഡോരുയുഗ്മയുക് .
സുജാനുമന്ദരാസക്തലസജ്ജംഘാദ്വയാന്വിതാ .. 45..

ഗൂഢഗുൽഫാ മഞ്ജുശിഞ്ജന്മണിനൂപുരമണ്ഡിതാ  .
യോഗിധ്യേയപദദ്വന്ദ്വാ സുധാമാഽമൃതസാരിണീ .. 46..

ലാവണ്യസിന്ധുഃ സിന്ദൂരതിലകാ കുടിലാലകാ .
സാധുസിദ്ധാ സുബുദ്ധാ ച ബുധാ വൃന്ദാരകോദയാ .. 47..

ബാലാർകകിരണശ്രേണീശോണാ ശ്രീപ്രേമകാമധുക് .
രസഗംഭീരസരസീ പദ്മിനീ (300) രസസാരസാ .. 48..

പ്രസന്നാഽഽസന്നവരദാ ശാരദാ ച സുഭാഗ്യദാ .
നടരാജപ്രിയാ വിശ്വനാട്യാ നർതകനർതകീ .. 49..

വിചിത്രയന്ത്രാ ചിത്തന്ത്രാ വിദ്യാവല്ലീ ഗതിഃ ശുഭാ .
കൂടാരകൂടാ കൂടസ്ഥാ പഞ്ചകൂടാ ച പഞ്ചമീ .. 50..

ചതുഷ്കൂടാ ത്രികൂടാദ്യാ ഷട്കൂടാ വേദപൂജിതാ .
കൂടഷോഡശസമ്പന്നാ തുരീയാ പരമാ കലാ .. 51..

ഷോഡശീ മന്ത്രയന്ത്രാണാമീശ്വരീ മേരുമണ്ഡലാ .
ഷോഡശാർണാ ത്രിവർണാ ച ബിന്ദുനാദസ്വരൂപിണീ .. 52..

വർണാതീതാ വർണമാതാ ശബ്ദബ്രഹ്മമഹാസുഖാ .
ചൈതന്യവല്ലീ കൂടാത്മാ കാമേശീ സ്വപ്രദൃശ്യഗാ .. 53..

സ്വപ്നാവതീ ബോധകരീ ജാഗൃതിർജാഗരാശ്രയാ .
സ്വപ്നാശ്രയാ സുഷുപ്തിശ്ച തന്ദ്രാമുക്താ ച മാധവീ .. 54..

ലോപാമുദ്രാ കാമരാജ്ഞീ മാനവീ വിത്തപാർചിതാ .
ശാകംഭരീ നന്ദിവിദ്യാ ഭാസ്വദ്വിദ്യോതമാലിനീ .. 55..

മാഹേന്ദ്രീ സ്വർഗസമ്പത്തിർദുർവാസഃസേവിതാ ശ്രുതിഃ .
സാധകേന്ദ്രഗതിഃ സാധ്വീ സുലഭാ സിദ്ധികന്ദരാ .. 56..

പുരത്രയേശീ പുരജിദർചിതാ പുരദേവതാ .
പുഷ്ടിർവിഘ്നഹരീ ഭൂതിർവിഗുണാ പൂജ്യകാമധുക് .. 57..

ഹിരണ്യമാതാ ഗണപാ ഗുഹമാതാ നിതംബിനീ .
സർവസീമന്തിനീ മോക്ഷാ ദീക്ഷാ ദീക്ഷിതമാതൃകാ .. 58..

സാധകാംബാ സിദ്ധമാതാ സാധകേന്ദ്രാ മനോരമാ .
യൗവനോന്മാദിനീ തുംഗാ സുശ്രോണിർമദമന്ഥരാ .. 59..

പദ്മരക്തോത്പലവതീ രക്തമാല്യാനുലേപനാ .
രക്തമാലാരുചിഃ ശിഖാശിഖണ്ഡിന്യതിസുന്ദരീ .. 60..

ശിഖണ്ഡിനൃത്തസന്തുഷ്ടാ സൗരഭേയീ വസുന്ധരാ .
സുരഭിഃ കാമദാ കാമ്യാ കമനീയാർഥകാമദാ .. 61..

നന്ദിനീ ലക്ഷണവതീ വസിഷ്ഠാലയദേവതാ .
ഗോലോകദേവീ (400) ലോകശ്രീർഗോലോകപരിപാലികാ .. 62..

ഹവിർധാനീ ദേവമാതാ വൃന്ദാരകവരാനുയുക് .
രുദ്രപത്നീ ഭദ്രമാതാ സുധാധാരാഽമ്ബുവിക്ഷതിഃ .. 63..

ദക്ഷിണാ യജ്ഞസമ്മൂർതിഃ സുബാലാ ധീരനന്ദിനീ .
ക്ഷീരപൂർണാർണവഗതിഃ സുധായോനിഃ സുലോചനാ .. 64..

രാമാനുഗാ സുസേവ്യാ ച സുഗന്ധാലയവാസഗാ .
സുചാരിത്രാ സുത്രിപുരാ സുസ്തനീ സ്തനവത്സലാ .. 65..

രജസ്വലാ രജോയുക്താ രഞ്ജികാ രംഗമാലികാ .
രക്തപ്രിയാ സുരക്താ ച രതിരംഗസ്വരൂപിണീ .. 66..

രജഃ ശുക്രാംബികാ നിഷ്ഠാ രതനിഷ്ഠാ രതിസ്പൃഹാ .
ഹാവഭാവാ കാമകേലിസർവസ്വാ സുരജീവികാ .. 67..

സ്വയംഭൂകുസുമാനന്ദാ സ്വയംഭൂകുസുമപ്രിയാ .
സ്വയംഭൂപ്രീതിസന്തുഷ്ടാ സ്വയംഭൂനിന്ദകാന്തകൃത് .. 68..

സ്വയംഭൂസ്ഥാ ശക്തിപുടീ രതിസർവസ്വപീഠികാ .
അത്യന്തസഭികാ ദൂതീ വിദഗ്ധാ പ്രീതിപൂജിതാ .. 69..

കുല്ലികാ യന്ത്രനിലയാ യോഗപീഠാധിവാസിനീ .
സുലക്ഷണാ രസരൂപാ സർവലക്ഷണലക്ഷിതാ .. 70..

നാനാലങ്കാരസുഭഗാ പഞ്ചബാണസമർചിതാ .
ഊർധ്വത്രികോണനിലയാ ബാലാ കാമേശ്വരീ തഥാ .. 71..

ഗണാധ്യക്ഷാ കുലാധ്യക്ഷാ ലക്ഷ്മീശ്ചൈവ സരസ്വതീ .
വസന്തസമയപ്രീതാ പ്രീതിഃ കുചഭരാനതാ .. 72..

കലാധരമുഖാഽമൂർധാ പാദവൃദ്ധിഃ കലാവതീ .
പുഷ്പപ്രിയാ ധൃതിശ്ചൈവ രതികണ്ഠീ മനോരമാ .. 73..

മദനോന്മാദിനീ ചൈവ മോഹിനീ പാർവണീകലാ .
ശോഷിണീ വശിനീ രാജിന്യത്യന്തസുഭഗാ ഭഗാ .. 74..

പൂഷാ വശാ ച സുമനാ രതിഃ പ്രീതിർധൃതിസ്തഥാ .
ഋദ്ധിഃ സൗമ്യാ മരീച്യംശുമാലാ പ്രത്യംഗിരാ തഥാ .. 75..

ശശിനീ ചൈവ സുച്ഛായാ സമ്പൂർണമണ്ഡലോദയാ .
തുഷ്ടാ ചാമൃതപൂർണാ ച ഭഗയന്ത്രനിവാസിനീ .. 76..

ലിംഗയന്ത്രാലയാ (500) ശംഭുരൂപാ സംയോഗയോഗിനീ .
ദ്രാവിണീ ബീജരൂപാ ച അക്ഷുബ്ധാ സാധകപ്രിയാ .. 77..

രാജബീജമയീ രാജ്യസുഖദാ വാഞ്ഛിതപ്രദാ .
രജഃ സംവീര്യശക്തിശ്ച ശുക്രവിച്ഛിവരൂപിണീ .. 78..

സർവസാരാ സാരമയാ ശിവശക്തിമയീ പ്രഭാ .
സംയോഗാനന്ദനിലയാ സംയോഗപ്രീതിമാതൃകാ .. 79..

സംയോഗകുസുമാനന്ദാ സംയോഗാ യോഗവർധിനീ .
സംയോഗസുഖദാരസ്ഥാ ചിദാനന്ദൈകസേവിതാ .. 80..

അർധ്യപൂജകസമ്പത്തിരർഘ്യദ്രവ്യസ്വരൂപിണീ .
സാമരസ്യാ പരാ പ്രീതാ പ്രിയസംഗമരൂപിണീ .. 81..

ജ്ഞാനദൂതീ ജ്ഞാനഗമ്യാ ജ്ഞാനയോനിഃ ശിവാലയാ .
ചിത്കലാ ജ്ഞാനസകലാ സകുലാ സകുലാത്മികാ .. 82..

കലാചതുഷ്ടയീ പദ്മിന്യതിസൂക്ഷ്മാ പരാത്മികാ .
ഹംസകേലിസ്ഥലീ ച്ഛായാ ഹംസദ്വയവികാസിനീ .. 83..

വിരാഗതാ മോക്ഷകലാ പരമാത്മകലാവതീ .
വിദ്യാകലാന്തരാത്മസ്ഥാ ചതുഷ്ടയകലാവതീ .. 84..

വിദ്യാസന്തോഷിണീ തൃപ്തിഃ പരബ്രഹ്മപ്രകാശികാ .
പരമാത്മപരാ വസ്തുലീനശക്തിചതുഷ്ടയീ .. 85..

ശാന്തിർബോധകലാവാപ്തിഃ പരജ്ഞാനാത്മികാ കലാ .
പശ്യന്തീ പരമാത്മസ്ഥാ ചാന്തരാത്മകലാകുലാ .. 86..

മധ്യമാ വൈഖരീ ചാത്മകലാനന്ദാ കലാവതീ .
താരിണീ തരണീ താരാ ശിവലിംഗാലയാഽഽത്മവിത് .. 87..

പരസ്പരശുഭാചാരാ ബ്രഹ്മാനന്ദവിനോദിനീ .
രസാലസാ ദൂതരാസാ സാർഥാ സാർഥപ്രിയാ ഹ്യുമാ .. 88..

ജാത്യാദിരഹിതാ യോഗിയോഗിന്യാനന്ദവർധിനീ .
വീരഭാവപ്രദാ ദിവ്യാ വീരസൂർവീരഭാവദാ .. 89..

പശുത്വാഭിവീരഗതിർവീരസംഗമഹോദയാ .
മൂർധാഭിഷിക്ത രാജശ്രീഃ ക്ഷത്രിയോത്തമമാതൃകാ .. 90..

ശസ്ത്രാസ്ത്രകുശലാ ശോഭാ രസസ്ഥാ യുദ്ധജീവികാ .
വിജയാ യോഗിനീ യാത്രാ പരസൈന്യവിമർദിനീ .. 91..

പൂർണാ (600) വിത്തൈഷിണീ വിത്താ വിത്തസഞ്ചയശാലിനീ .
ഭാണ്ഡാഗാരസ്ഥിതാ രത്നാ രത്നശ്രേണ്യധിവാസിനീ .. 92..

മഹിഷീ രാജഭോഗ്യാ ച ഗണികാ ഗണഭോഗഭൃത് .
കരിണീ വഡവാ യോഗ്യാ മല്ലസേനാ പദാതികാ .. 93..

സൈന്യശ്രേണീ ശൗര്യരതാ പതാകാധ്വജവാസിനീ .
സുച്ഛത്രാ ചാംബികാ ചാംബാ പ്രജാപാലനസദ്ഗതിഃ .. 94..

സുരഭിഃ പൂജകാചാരാ രാജകാര്യപരായണാ .
ബ്രഹ്മക്ഷത്രമയീ സോമസൂര്യാന്തര്യാമിനീ സ്ഥിതിഃ .. 95..

പൗരോഹിത്യപ്രിയാ സാധ്വീ ബ്രഹ്മാണീ യജ്ഞസന്തതിഃ .
സോമപാനപരാ പ്രീതാ ജനാഢ്യാ തപനാ ക്ഷമാ .. 96..

പ്രതിഗ്രഹപരാ ദാത്രീ സൃഷ്ടാജാതിഃ സതാംഗതിഃ .
ഗായത്രീ വേദലഭ്യാ ച ദീക്ഷാ സന്ധ്യാപരായണാ .. 97..

രത്നസദ്ദീധിതിർവിശ്വവാസനാ വിശ്വജീവികാ .
കൃഷിവാണിജ്യഭൂതിശ്ച വൃദ്ധിർധീശ്ച കുസീദികാ .. 98..

കുലാധാരാ സുപ്രസാരാ മനോന്മനീ പരായണാ .
ശൂദ്രാ വിപ്രഗതിഃ കർമകരീ കൗതുകപൂജിതാ .. 99..

നാനാവിചാരചതുരാ ബാലാ പ്രൗഢാ കലാമയീ .
സുകർണധാരാ നൗഃ പാരാ സർവാശാ ദുർഗമോചനീ .. 100..

ദുർഗാ വിന്ധ്യവനസ്ഥാ ച കന്ദർപനയപൂരണീ .
ഭൂഭാരശമനീ കൃഷ്ണാ രക്ഷാരാധ്യാ രസോല്ലസാ .. 101..

ത്രിവിധോത്പാതശമനീ സമഗ്രസുഖശേവധിഃ .
പഞ്ചാവയവവാക്യശ്രീഃ പ്രപഞ്ചോദ്യാനചന്ദ്രികാ .. 102..

സിദ്ധസന്ദോഹസുഖിതാ യോഗിനീവൃന്ദവന്ദിതാ .
നിത്യാഷോഡശാരൂപാ ച കാമേശീ ഭഗമാലിനീ .. 103..

നിത്യക്ലിന്നാ ച ഭീ(ഭേ) രുണ്ഡാ വഹ്നിമണ്ഡലവാസിനീ .
മഹാവിദ്യേശ്വരീ നിത്യാ ശിവദൂതീതി വിശ്രുതാ .. 104..

ത്വരിതാ പ്രഥിതാ ഖ്യാതാ വിഖ്യാതാ കുലസുന്ദരീ .
നിത്യാ നീലപതാകാ ച വിജയാ സർവമംഗലാ .. 105..

ജ്വാലാമാലാ(700) വിചിത്രാ ച മഹാത്രിപുരസിന്ദരീ .
ഗുരുവൃന്ദാ പരഗുരുഃ പ്രകാശാനന്ദനാഥിനീ .. 106..

ശിവാനന്ദനാഥരൂപാ ശക്ത്യാനന്ദസ്വരൂപിണീ .
ദേവ്യാനന്ദനാഥമയീ കൗലേശാനന്ദനാഥിനീ .. 107..

ദിവ്യൗഘഗുരുരൂപാ ച സമയാനന്ദനാഥിനീ .
ശുക്ലദേവ്യാനന്ദനാഥാ കുലേശാനന്ദനാഥിനീ 1 .. 108..

ക്ലിന്നാംഗാനന്ദരൂപാ ച സമയാനന്ദനാഥിനീ .
വേദാനന്ദനാഥമയീ സഹജാനന്ദനാഥിനീ .. 109..

സിദ്ധൗഘഗുരുരൂപാ ച അപരാഗുരുരൂപിണീ .
ഗഗനാനന്ദനാഥാ ച വിശ്വാനന്ദസ്വനാഥിനീ .. 110..

വിമലാനന്ദനാഥാ ച മദനാനന്ദനാഥിനീ .
ഭുവനാദ്യാ ച ലീലാദ്യാ നന്ദനാനന്ദനാഥിനീ .. 111..

സ്വാത്മാനന്ദാനന്ദരൂപാ പ്രിയാദ്യാനന്ദനാഥിനീ .
മാനവൗഘഗുരുശ്രേഷ്ഠാ പരമേഷ്ഠി ഗുരുപ്രഭാ .. 112..

പരഗുഹ്യാ ഗുരുശക്തിഃ സ്വഗുരുകീർതനപ്രിയാ .
ത്രൈലോക്യമോഹനഖ്യാതാ സർവാശാപരിപൂരകാ .. 113..

സർവസങ്ക്ഷോഭിണീ പൂർവാമ്നായപ്രഥിതവൈഭവാ .
ശിവാശക്തിഃ ശിവശക്തിഃ ശിവചക്രത്രയാലയാ .. 114..

സർവസൗഭാഗ്യദാഖ്യാ ച സർവാർഥസാധികാഹ്വയാ .
സർവരക്ഷാകരാഖ്യാ ച ദക്ഷിണാമ്നായദേവതാ .. 115..

മധ്യാർകചക്രനിലയാ പശ്ചിമാമ്നായദേവതാ .
നവചക്രകൃതാവാസാ കൗബേരാമ്നായദേവതാ .. 116..

കുബേരപൂജ്യാ കുലജാ കുലാമ്നായപ്രവർതിനീ .
ബിന്ദുചക്രകൃതാവാസാ മധ്യസിംഹാസനേശ്വരീ .. 117..

ശ്രീവിദ്യാ ച മഹാലക്ഷ്മീഃ ലക്ഷ്മീഃ ശക്തിത്രയാത്മികാ .
സർവസാമ്രാജ്യലക്ഷ്മീശ്ച പഞ്ചലക്ഷ്മീതിവിശ്രുതാ .. 118..

ശ്രീവിദ്യാ ച പരഞ്ജ്യോതിഃ പരനിഷ്കലശാംഭവീ .
മാതൃകാ പഞ്ചകോശീ ച ശ്രീവിദ്യാ ത്വരിതാ തഥാ .. 119..

പാരിജാതേശ്വരീ ചൈവ ത്രികൂടാ പഞ്ചബാണഗാ .
പഞ്ചകല്പലതാ പഞ്ചവിദ്യാ ചാമൃതപീഠികാ .. 120..

സുധാസൂ രമണേശാനാ ചാന്നപൂർണാ ച കാമധുക് .
ശ്രീവിദ്യാ സിദ്ധലക്ഷ്മീശ്ച മാതംഗീ ഭുവനേശ്വരീ .. 121..

വാരാഹീ പഞ്ചരത്നാനാമീശ്വരീ മാതൃവർണഗാ .
പരാഞ്ജ്യോതിഃ കോശരൂപാ ഐന്ദവീ കലയാ യുതാ .. 122..

പരിതഃ സ്വാമിനീ ശക്തിദർശനാ രവിബിന്ദുയുക് .
ബ്രഹ്മദർശനരൂപാ ച ശിവദർശനരൂപിണീ .. 123..

വിഷ്ണുദർശനരൂപാ ച സൃഷ്ടിചക്രനിവാസിനീ .
സൗരദർശനരൂപാ ച സ്ഥിതിചക്രകൃതാലയാ .. 124..

ബൗദ്ധദർശനരൂപാ ച മഹാത്രിപുരസുന്ദരീ .
തത്ത്വമുദ്രാസ്വരൂപാ ച പ്രസന്നാ(800) ജ്ഞാനമുദ്രികാ .. 125..

സർവോപചാരസന്തുഷ്ടാ ഹൃന്മയീ ശീർഷദേവതാ .
ശിഖാസ്ഥിതാ ബ്രഹ്മമയീ നേത്രത്രയവിലാസിനീ .. 126..

അസ്ത്രസ്ഥാ ചതുരസ്രാ ച ദ്വാരകാദ്വാരവാസിനീ .
അണിമാ പശ്ചിമസ്ഥാ ച ലഘിമോത്തരദേവതാ .. 127..

പൂർവസ്ഥാ മഹിമേശിത്വാ ദക്ഷിണദ്വാരദേവതാ .
വശിത്വാ വായുകോണസ്ഥാ പ്രാകാമ്യേശാനദേവതാ .. 128..

അഗ്നികോണസ്ഥിതാ ഭുക്തിരിച്ഛാ നൈരൃതവാസിനീ .
പ്രാപ്തിസിദ്ധിരവസ്ഥാ ച പ്രാകാമ്യാർധവിലാസിനീ .. 129..

ബ്രാഹ്മീ മാഹേശ്വരീ ചൈവ കൗമാരീ വൈഷ്ണവീ തഥാ .
വാരാഹ്യൗന്ദ്രീ ച ചാമുണ്ഡാ മഹാലക്ഷ്മീർദിശാംഗതിഃ .. 130..

ക്ഷോഭിണീ ദ്രാവിണീ മുദ്രാഽഽകർഷോന്മാദനകാരിണീ .
മഹാങ്കുശാ ഖേചരീ ച ബീജാഖ്യാ യോനിമുദ്രികാ .. 131..

സർവാശാപൂരചക്രസ്ഥാ കാര്യസിദ്ധികരീ തഥാ .
കാമാകർഷിണികാശക്തിർബുദ്ധ്യാകർഷണരൂപിണീ .. 132..

അഹങ്കാരാകർഷിണീ ച ശബ്ദാകർഷണരൂപിണീ .
സ്പർശാകർഷണരൂപാ ച രൂപാകർഷണരൂപിണീ .. 133..

രസാകർഷണരൂപാ ച ഗന്ധാകർഷണരൂപിണീ .
ചിത്താകർഷണരൂപാ ച ധൈര്യാകർഷണരൂപിണീ .. 134..

സ്മൃത്യാകർഷണരൂപാ ച ബീജാകർഷണരൂപിണീ .
അമൃതാകർഷിണീ ചൈവ നാമാകർഷണരൂപിണീ .. 135..

ശരീരാകർഷിണീദേവീ ആത്മാകർഷണരൂപിണീ .
ഷോഡശസ്വരരൂപാ ച സ്രവത്പീയൂഷമന്ദിരാ .. 136..

ത്രിപുരേശീ സിദ്ധരൂപാ കലാദലനിവാസിനീ .
സർവസങ്ക്ഷോഭചക്രേശീ ശക്തിർഗുപ്തതരാഭിധാ .. 137..

അനംഗകുസുമാശക്തിരനംഗകടിമേഖലാ .
അനംഗമദനാഽനംഗമദനാതുരരൂപിണീ .. 138..

അനംഗരേഖാ ചാനംഗവേഗാനംഗാങ്കുശാഭിധാ .
അനംഗമാലിനീ ശക്തിരഷ്ടവർഗദിഗന്വിതാ .. 139..

വസുപത്രകൃതാവാസാ ശ്രീമത്ത്രിപുരസുന്ദരീ .
സർവസാമ്രാജ്യസുഖദാ സർവസൗഭാഗ്യദേശ്വരീ .. 140..

സമ്പ്രദായേശ്വരീ സർവസങ്ക്ഷോഭണകരീ തഥാ .
സർവവിദ്രാവിണീ സർവാകർഷണാടോപകാരിണീ .. 141..

സർവാഹ്ലാദനശക്തിശ്ച സർവജൃംഭണകാരിണീ .
സർവസ്തംഭന ശക്തിശ്ച സർവസമ്മോഹിനീ തഥാ .. 142..

സർവവശ്യകരീശക്തിഃ സർവസർവാനുരഞ്ജിനീ .
സർവോന്മാദനശക്തിശ്ച സർവാർഥസിദ്ധികാരിണീ .. 143..

സർവസമ്പത്തിദാ ശക്തിഃ സർവമന്ത്രമയീ തഥാ .
സർവദ്വന്ദ്വക്ഷയകരീ(900) സിദ്ധിസ്ത്രിപുരവാസിനീ .. 144..

സർവാർഥസാധകേശീ ച സർവകാര്യാർഥസിദ്ധിദാ .
ചതുർദശാരചക്രേശീ കലായോഗസമന്വിതാ .. 145..

സർവസിദ്ധിപ്രദാ ദേവീ സർവസമ്പത്പ്രദാ തഥാ .
സർവപ്രിയങ്കരീ ശക്തിഃ സർവമംഗലകാരിണീ .. 146..

സർവകാമപ്രപൂർണാ ച സർവദുഃഖപ്രമോചിനീ .
സർവമൃത്യുപ്രശമനീ സർവവിഘ്നവിനാശിനീ .. 147..

സർവാംഗസുന്ദരീ ദേവീ സർവസൗഭാഗ്യദായിനീ .
ത്രിപുരേശീ സർവസിദ്ധിപ്രദാ ച ദശകോണഗാ .. 148..

സർവരക്ഷാകരേശീ ച നിഗർഭാ യോഗിനീ തഥാ .
സർവജ്ഞാ സർവശക്തിശ്ച സർവൈശ്വര്യപ്രദാ തഥാ .. 149..

സർവജ്ഞാനമയീദേവീ സർവവ്യാധിവിനാശിനീ .
സർവാധാരസ്വരൂപാ ച സർവപാപഹരാ തഥാ .. 150..

സർവാനന്ദമയീദേവീ സർവരക്ഷാസ്വരൂപിണീ .
മഹിമാശക്തിദേവീ ച ദേവീ സർവസമൃദ്ധിദാ .. 151..

അന്തർദശാരചക്രേശീ ദേവീ ത്രിപുരമാലിനീ .
സർവരോഗഹരേശീ ച രഹസ്യാ യോഗിനീ തഥാ .. 152..

വാഗ്ദേവീ വശിനീ ചൈവ ദേവീകാമേശ്വരീ തഥാ .
മോദിനീ വിമലാ ചൈവ അരുണാ ജയിനീ തഥാ .. 153..

സർവേശ്വരീ കൗലിനീ ച ഹ്യഷ്ടാരസർവസിദ്ധിദാ .
സർവകാമപ്രദേശീ ച പരാപരരഹസ്യവിത് .. 154..

ത്രികോണചതുരശ്രസ്ഥാ സർവൈശ്വര്യാഽഽയുധാത്മികാ .
കാമേശ്വരീബാണരൂപാ കാമേശീചാപരൂപിണീ .. 155..

കാമേശീപാശരൂപാ ച കാമേശ്യങ്കുശരൂപിണീ .
കാമേശ്വരീന്ദ്രശക്തിശ്ച അഗ്നിചക്രകൃതാലയാ .. 156..

കാമഗിര്യധിദേവീ ച ത്രികോണസ്ഥാഽഗ്രകോണഗാ .
ദക്ഷകോണേശ്വരീ വിഷ്ണുശക്തിർജാലന്ധരാശ്രയാ .. 157..

സൂര്യചക്രാലയാ രുദ്രശക്തിർവാമാംഗകോണഗാ .
സോമചക്രാ ബ്രഹ്മശക്തിഃ പൂർണഗിര്യനുരാഗിണീ .. 158..

ശ്രീമത്ത്രികോണഭുവനാ ത്രിപുരാത്മാ മഹേശ്വരീ .
സർവാനന്ദമയേശീ ച ബിന്ദുഗാതിരഹസ്യഭൃത് .. 159..

പരബ്രഹ്മസ്വരൂപാ ച മഹാത്രിപുരസുന്ദരീ .
സർവചക്രാന്തരസ്ഥാ ച സമസ്തചക്രനായികാ .. 160..

സർവചക്രേശ്വരീ സർവമന്ത്രാണാമീശ്വരീ തഥാ .
സർവവിദ്യേശ്വരീ ചൈവ സർവവാഗീശ്വരീ തഥാ .. 161..

സർവയോഗീശ്വരീ ചൈവ പീഠേശ്വര്യഖിലേശ്വരീ .
സർവകാമേശ്വരീ സർവതത്ത്വേശ്വര്യാഗമേശ്വരീ .. 162..

ശക്തിഃ ശക്തിധൃഗുല്ലാസാ നിർദ്വന്ദ്വാ ദ്വൈതഗർഭിണീ .
നിഷ്പ്രപഞ്ചാ മഹാമായാ സപ്രപഞ്ചാ സുവാസിനീ .. 163..

സർവവിശ്വോത്പത്തിധാത്രീ പരമാനന്ദസുന്ദരീ (1000) .





ഇത്യേതത്കഥിതം ദിവ്യം പരമാനന്ദകാരണം .. 164..

ലാവണ്യസിന്ധുലഹരീബാലായാസ്തോഷമന്ദിരം .
സഹസ്രനാമ തന്ത്രാണാം സാരമാകൃഷ്യ പാർവതി .. 165..

അനേന സ്തുവതോ നിത്യമർധരാത്രേ നിശാമുഖേ .
പ്രാതഃ കാലേ ച പൂജായാം സർവകാലമതഃ പ്രിയേ .. 166..

സർവസാമ്രാജ്യസുഖദാ ബാലാ ച പരിതുഷ്യതി .
രത്നാനി വിവിധാന്യസ്യ വിത്താനി പ്രചുരാണി ച .. 167..

മനോരഥപഥസ്ഥാനി ദദാതി പരമേശ്വരീ .
പുത്രാഃ പൗത്രാശ്ച വർധന്തേ സന്തതിഃ സാർവകാലികീ .. 168..

ശത്രവസ്തസ്യ നശ്യന്തി വർധന്തേഽസ്യ ബലാനി ച .
വ്യാധയസ്തസ്യ ദൂരസ്ഥാഃ സകലാന്യൗഷധാനി ച .. 169..

മന്ദിരാണി വിചിത്രാണി രാജന്തേ തസ്യ സർവദാ .
കൃഷിഃ ഫലവതീ തസ്യ ഭൂമിഃ കാമദുഘാഽവ്യയാ .. 170..

സ്ഫീതോ ജനപദസ്തസ്യ രാജ്യം തസ്യ നിരീതികം .
മാതംഗാഃ പക്ഷിണസ്തുംഗാഃ സിഞ്ചന്തോ മദവാരിഭിഃ .. 171..

ദ്വാരേ തസ്യ വിരാജന്തേ ഹൃഷ്ടാ നാഗതുരംഗമാഃ .
പ്രജാസ്തസ്യ വിരാജന്തേ നിർവിവാദാശ്ച മന്ത്രിണഃ .. 172..

ജ്ഞാതയസ്തസ്യ തുഷ്യന്തി ശീലം തസ്യാതിസുന്ദരം .
ലക്ഷ്മീസ്തസ്യ വശേ നിത്യം സ്വാസനാ ച മനോരമാ .. 173..

ഗദ്യപദ്യമയീ വാണീ തസ്യ ഗംഗാതരംഗവത് .
നാനാപദപദാർഥാനാം വാദചാതുര്യസംഭൃതാ .. 174..

സമഗ്രരസസമ്പത്തിശാലിനീ ലാസ്യമാലിനീ .
അദൃഷ്ടാന്യപി ശാസ്ത്രാണീ പ്രകാശ്യന്തേ നിരന്തരം .. 175..

നിഗ്രഹഃ പരവാക്യാനാം സഭായാം തസ്യ ജായതേ .
സ്തുവന്തി വന്ദിനസ്തം വൈ രാജാനോ ദാസവത്തഥാ .. 176..

ശസ്ത്രാണ്യസ്ത്രാണി തദംഗേ ജനയന്തി രുജാം ന ഹി .
മഹിലാസ്തസ്യ വശഗാഃ സർവാവസ്ഥാ ഭവന്തി വൈ .. 177..

വിഷം നിർവിഷതാം യാതി പാനീയമമൃതം ഭവേത് .
പരപക്ഷസ്തംഭനം ച പ്രതിപക്ഷസ്യ ജൃംഭണം .. 178..

നവരാത്രേണ ജായേത സ തദഭ്യാസയോഗവിത് .
അഹോരാത്രം പഠേദ്യസ്തു നിസ്തന്ദ്രഃ ശാന്തമാനസഃ .. 179..

വശേ തസ്യ പ്രജാ യാതി സർവേ ലോകാഃ സുനിശ്ചിതം .
ഷണ്മാസാഭ്യാസയോഗേന യോഗമായാതി നിശ്ചിതം .. 180..

നിത്യം കാമകലാം ധ്യായൻ യഃ പഠേത് സ്തോത്രമുത്തമം .
മദനോന്മാദകലിതാഃ പുരൻഘ്ര്യാസ്തദ്വശാനുഗാഃ .. 181..

ലാവണ്യമദനാഃ സാക്ഷാദ്വൈദഗ്ധ്യമുദിതേക്ഷണാഃ .
പ്രേമപൂർണാമപി വശേ ഹ്യുർവശീം സ ഹി വിന്ദതി .. 182..

ഭൂർജപത്രേ രോചനയാ കുങ്കുമേന ശുഭേ ദിനേ .
ലാക്ഷാരസദ്രവേണാപി യാവകൈർവാ വിശേഷതഃ .. 183..

ധാതുരാഗേണ വാ ദേവി ലിഖിതം യന്ത്രമഞ്ചിതം .
സുവർണരൗപ്യഗർഭസ്ഥം സുസമ്പൂതം സുസാധിതം .. 184..

ബാലാബുദ്ധ്യാ പൂജിതം ച പ്രതിഷ്ഠിതസമീരണം .
ധാരയേന്മസ്തകേ കണ്ഠേ ബാഹുമൂലേ തഥാ ഹൃദി .. 185..

നാഭൗ വാപി ധൃതം ധന്യം ജയദം സർവകാമദം .
രക്ഷണം നാപരം കിഞ്ചിദ്വിദ്യതേ ഭുവനത്രയേ .. 186..

ഗ്രഹരോഗാദിഭയഹൃത് സുഖകൃത്യവിവർധനം .
ബലവീര്യകരം ക്രൂരഭൂതശത്രുവിനാശനം .. 187..

പുത്രപൗത്രാൻ ഗുണഗണൈർവർധനം ധനധാന്യകൃത് .
ധരണ്യാം സാ പുരീ ധന്യാ യത്രായം സാധകോത്തമഃ .. 188..

യദ്ഗൃഹേ ലിഖിതം തിഷ്ഠേത് സ്തോത്രമേതദ്വരാനനേ .
തത്ര ചാഹം ശിവേ നിത്യം ഹരിശ്ച കമലാ തഥാ .. 189..

വസാമഃ സർവതീർഥാനാമുത്പത്തിസ്തത്ര ജായതേ .
യോ വാപി പാഠയേദ്ഭക്ത്യാ പഠേദ്വൈ സാധകോത്തമഃ .. 190..

ജ്ഞാനാനന്ദകലായോഗാദൈക്യവൃത്തിം സ വിന്ദതി .
സ്തോത്രേണാനേന ദേവേശി തവ പൂജാഫലം ലഭേത് .. 191..

ഷോഢാന്യാസതനുർഭൂത്വാ പഠിതവ്യം പ്രയത്നതഃ .
ഉത്തമാ സർവതന്ത്രാണാം ബാലായാഃ പൂജനസ്രുതിഃ .. 192..

തത്രോത്തമാ ഷോഡശാർണാ തത്രേദം സ്തോത്രമുത്തമം .
നാശിഷ്യായ പ്രദാതവ്യമശുദ്ധായ ശഠായ ച .. 193..

അലസായാപ്രയത്നായാശിവാഭക്തായ സുന്ദരി .
ഭക്തിഹീനായ മലിനേ ഗുരുനിന്ദാപരായ ച .. 194..

വിഷ്ണുഭക്തിവിഹീനായ വികല്പാവൃതബുദ്ധയേ .
ദേയം ഭക്തവരേ മുക്തേഃ കാരണം ഭക്തിവർധനം .. 195..

ലതായോഗേ പഠേദ്യസ്തു സ്തോത്രമേതദ്വരാനനേ .
സൈവ കല്പലതാ തസ്യ വാഞ്ഛാഫലകരീ തഥാ .. 196..

പുഷ്പിതായാ ലതായോഗേ കുരംഗമുഖി സാധകഃ .
അക്ഷുബ്ധഃ സൻ പഠേദ്യസ്തു ശതയജ്ഞസ്യ പുണ്യഭാക് .. 197..

ബ്രഹ്മാദയോഽപി ദേവേശി പ്രാർഥയന്തി പദദ്വയം .
സ്വയം ശിവഃ സ വിജ്ഞേയോ യോ ബാലാഭാവലമ്പടഃ .. 198..

ബ്രഹ്മാനന്ദമയീ ജ്യോത്സ്നാ സദാശിവവിധൂദിതാ .
ആനന്ദോ യോഽപി യം വേദാ വദന്ത്യസ്യാ വശേ സ്ഥിതാഃ .. 199..

ആഹ്ലാദനം ബാലാധ്യാനാദ്ബാലായാ നാമകീർതനാത് .
സദാനന്ദാഭ്യാസയോഗാത് സദാനന്ദഃ പ്രജായതേ .. 200..

ഇതി ശ്രീരുദ്രയാമലേ തന്ത്രേ ഭൈരവഭൈരവീസംവാദേ
ശ്രീബാലാത്രിപുരസുന്ദരീസഹസ്രനാമസ്തോത്രം സമ്പൂർണം ..