SRI SOOLINI KAVACHAM

 

 ശ്രീശൂലിനീകവചം 
ശ്രീശിവഃ ഉവാച -

അഥ വക്ഷ്യേ മഹാഗുഹ്യം കവചം സർവസിദ്ധിദം .
സമാഹിതേന മനസാ ശൃണു കല്യാണി താദൃശം .. 1..

ശൂലിന്യാഃ കവചം ദിവ്യം ജഗദ്രക്ഷണവർധനം .
സർവസിദ്ധിപ്രദം ശ്രേഷ്ഠം സർവപാപപ്രണാശനം .. 2..

സർവമംഗലമാംഗല്യം സർവൈശ്വര്യപ്രദായകം .
ബ്രഹ്മജ്ഞാനപ്രദം ഹൃദ്യം ഭീഷണം ജയവർധനം .. 3..

സർവരോഗഹരം ശാന്തം സർവരക്ഷാകരം പരം .
കവചസ്യ ഋഷിർദേവ്യാ മൃത്യുഞ്ജയ ഉദാഹൃതഃ .. 4..

ഉഷ്ണിക് ഛന്ദസ്തഥാ ദേവി ദേവതാ ജഗദംബികാ .
ദും കാരം ബീജമിത്യുക്തം സ്വാഹാ ശക്തിസ്തതഃ പരം .. 5..

സർവാഭീഷ്ടാർഥസിധ്യർഥേ വിനിയോഗോ വരാനനേ .
മായാർണൈശ്ച കരന്യാസം ഷഡംഗം പ്രണവാന്വിതം .. 6..

ഓം അസ്യ ശ്രീ ശൂലിനീകവചസ്യ മൃത്യുഞ്ജയ ഋഷിഃ .
ഉഷ്ണിക് ഛന്ദഃ . ശ്രീജഗദംബികാ ശൂലിനീ ദേവതാ . ദും ബീജം .
സ്വാഹാ ശക്തിഃ . സർവാഭീഷ്ടാർഥസിദ്ധ്യർഥേ (ജപേ) വിനിയോഗഃ ..

ഓം ഹ്രാം ഓം ഹ്രീമിത്യാദിഭിഃ കരാംഗന്യാസാഃ ..

ധ്യാനം -

താപിഞ്ഛസ്നിഗ്ധവർണാം ദശശതവദനാം ചന്ദ്രരേഖാവതംസാം
     ഹര്യക്ഷസ്കന്ധരൂഢാം ദ്വിദശശതഭുജാം ഹാടവാസോവൃതാംഗീം .
ധ്യായേഽഹം വൈരിലോകഗ്രസനപരിണതാ ക്രീഡനാലോലജിഹ്വാം
     ദേവീം ക്രുദ്ധാം സുമേധാം പ്രണതഭയഹരാം ശിക്ഷിതാശേഷലോകാം ..



ജയേശ്വര്യഗ്രതഃ പാതു പൃഷ്ഠതോ വിജയേശ്വരീ .
അജിതാ വാമതഃ പാതു ദക്ഷിണം മേഽപരാജിതാ .. 1..

ബ്രഹ്മാണീ പാതു കേശാഗ്രം ശിവാ പാതു ശിരോ മമ .
അംബികാ മേഽലകം പാതു മുഖം ഹൈമവതീ തഥാ .. 2..

ഭവാനീ പാതു നാസാഗ്രം ഘ്രാണം മാഹേശ്വരീ തഥാ .
വാരാഹീ നയനം പാതു മാനസ്തോകാ ച ദക്ഷിണം .. 3..

ജിഹ്വാം പാതു മഹാവിദ്യാ ലംബികാഗ്രം സരസ്വതീ .
സത്യംബികാ മമോർധ്വോഷ്ഠം ലക്ഷ്മീമേഽർധരപല്ലവം .. 4..

ശ്രുത്യംബാ പാതു മേ ദന്താൻ കൗമാരീ ചിബുകം തഥാ .
ജ്വാലാ (കണ്ഠം) ഭീമസ്വനാ പാതു കപോലൗ മേ (ഽ)ഭയങ്കരീ .. 5..

ഇന്ദ്രാണീ പാതു മേ കർണൗ ഇന്ദ്രനാഥാ ഹനൂ മമ .
ഗ്രീവാപാർശ്വം മഹാശക്തിഃ ഗ്രീവാം മേ പരമേശ്വരീ .. 6..

കരാലീ ദക്ഷിണസ്കന്ധം വൈഷ്ണവീ പാതു വാമകം .
ശിവേശീ ദക്ഷദോർമൂലം ശിവദൂതീ ച വാമകം .. 7..

അച്യുതാ ദക്ഷദോർദണ്ഡം അനന്താ പാതു വാമകം .
ദക്ഷകൂർപരമീശാനീ ത്രിശൂലീ പാതു വാമകം .. 8..

ജ്വാലാമുഖീ പ്രകോഷ്ഠം മേ പാതു ഭദ്രാ ച വാമകം .
ഭൈരവീ മണിബന്ധം മേ വാമം പാതു മഹേശ്വരീ .. 9..

കരപൃഷ്ഠം തു വാരാഹീ വികടാംഗീ തു വാമകം .
അഘോരാ ദക്ഷിണാംഗുഷ്ഠം ഘോരരൂപാ തു തർജനീം .. 10..

മധ്യമാം രക്തകേശീ ചാഽനാമികാം തു മഹാബലാ .
മായാ കനിഷ്ഠികാം പാതു പർവാണി വിഷനാശിനീ .. 11..

നഖാനി മേ കരാലാസ്യാ വാമാംഗുഷ്ഠം മഹോദരീ .
തർജനീം രക്തചാമുണ്ഡീ മേഘനാദാ തു മധ്യമാം .. 12..

അനാമികാം രൗദ്രമുഖീ കാലീ പാതു കനിഷ്ഠികാം .
പർവാണി കാലരാത്രിർമേ നാരസിഹ്മീ നഖാനി മേ .. 13..

ജടിലാ ദക്ഷിണ കക്ഷം വാമകക്ഷം പയസ്വിനീ .
വക്ഷോ ജ്വാലാമുഖീ പാതു ഹൃദയം കൃഷ്ണപിംഗലാ .. 14..

നാരായണീ സ്തനദ്വന്ദ്വം രുദ്രാണീ മസ്തകാഗ്രകം .
ജഠരം ഭദ്രകാലീ മേ ചണ്ഡികാ ഉദരം തഥാ .. 15..

തദ്ദക്ഷിണമനന്താ മേ തദ്വാമഃ ബ്രഹ്മവാദിനീ .
സാവിത്രീ പാതു നാഭിം മേ ഗായത്രീ മേ കടിദ്വയം .. 16..

ത്വരിതാ പാതു മേ ഗുഹ്യം പൃഷ്ഠഭാഗം ശതാനനാ .
യോഗേശ്വരീ ഗുദം പാതു ജഘനം ലോകമോഹിനീ .. 17..

ഊരുയുഗ്മം വസുമതീം ചണ്ഡമുണ്ഡാ തു ജാനുനീ .
ജംഘേ കാത്യായനീ പാതു ഗുൽഫേ മഹിഷമർദിനീ .. 18..

ശാകംഭരീം പാദപൃഷ്ഠേ ഗൗരീ പാദാംഗുലീർമമ .
സൂക്ഷ്മാ പാദതലം പാതു പാദപാർഷ്വം ധനഞ്ജയാ .. 19..

സർവാംഗം പാതു മേ പുഷ്ടിഃ സർവസന്ദിം മദപ്രിയാ .
ജ്വാലിനീ രോമകൂപാണി വസുധാരാ ത്വചം മമ .. 20..

വസുധാ ചർമ മേ പാതു രുധിരം മദനാവതീ .
തീവ്രാ മാംസദ്വയം പാതു ഭേദോ മേ വിഘ്നനാശിനീ .. 21..

മമാസ്ഥി ഭോഗദാ പാതു മജ്ജാം പാതു പരാത്പരാ .
പഞ്ചഭൂതം രതിഃപാതു ശുക്ലം മേ കാമരൂപിണീ .. 22..

മൂലാധാരമുമാ പാതു സ്വാധിഷ്ഠാനം ചിദങ്കുരാ .
അമൃതാ മണിപൂരം മേഽനാഹതം കമലേക്ഷണാ .. 23..

വിശുദ്ധി പാതു മേ നാദാ(ഽഥാ) പാതു ചാജ്ഞാം പരാ മമ .
ജാതവേദോഗ്നിദുർഗാ മേ ബ്രഹ്മരന്ധ്രം സദാവതു .. 24..

ശൂലിനൗ സകലം പാതു അനുക്താംഗം മഹാബലാ .
ജാഗരൂകാസ്വവസ്ഥാസു മമ പദ്മാവതീ തഥാ .. 25..

ശങ്കരീ പാതു മേ പുത്രാൻ പുത്രീം ച കമലാസനാ .
സഹജാൻ ശാംഭവീ പാതു സുഭഗാ സുമുഖം മമ .. 26..

വ്യോമകേശീ കുലദ്വന്ദ്വം ഇഷ്ടാന്ദുഷ്ടാപഹാരിണീ .
ഭവനം ഭുവനാകാരാ നഗരം നഗരേശ്വരീ .. 27..

ദ്രാവിണീ പാതു രാജ്യ മേ രാജാനം ക്ഷോഭനാശിനീ .
രാഷ്ട്രം ച മഹതീ പാതു പ്രജാം സർവവശങ്കരീ .. 28..

ശ്രീദേവീ ധനധാന്യം മേ സർവദാ സർവസമ്പദഃ .
ഇതി ഗുഹ്യം മഹാവീര്യം ദേവ്യാ കവചമദ്ഭുതം .. 29..

പാവനം സർവവിജയം പരമായുഷ്യവർധനം .
അഭേദ്യമതുലം നാനാഭൂതപ്രേതനിബർഹണം .. 30..

കിമത്ര ബഹുനോക്തേന ചതുർവർഗഫലപ്രദം .
ത്രിസന്ധ്യം യോ ജപേന്നിത്യം ന്യാസഭാവയുതം ശിവേ .. 31..

തസ്യ സർവഭയം നാസ്തി വിജയ ച കരസ്ഥലേ .
കവചേനാഽഽവൃതോ വിദ്വാൻ സ പൂജ്യഃ സകലൈരപി .
അനേനൈവ ശരീരേണ ജീവന്മുക്തോ ഭവേച്ഛിവേ .. 32..

ഇതി ശ്രീശൂലിനീകവചം സമ്പൂർണം ..