SRI THRIPURA BHAIRAVI SAHASRANAMA STHOTHRAM

 

 ശ്രീത്രിപുരഭൈരവീസഹസ്രനാമസ്തോത്രം 

അഥ ശ്രീത്രിപുരഭൈരവീസഹസ്രനാമസ്തോത്രം
മഹാകാലഭൈരവ ഉവാച
അഥ വക്ഷ്യേ മഹേശാനി ദേവ്യാ നാമസഹസ്രകം .
യത്പ്രസാദാന്മഹാദേവി ചതുർവർഗഫലല്ലഭേത് .. 1 ..

സർവരോഗപ്രശമനം സർവമൃത്യുവിനാശനം .
സർവസിദ്ധികരം സ്തോത്രന്നാതഃ പരതഃ സ്തവഃ .. 2 ..

നാതഃ പരതരാ വിദ്യാ തീർത്ഥന്നാതഃ പരം സ്മൃതം .
യസ്യാം സർവം സമുത്പന്നയ്യസ്യാമദ്യാപി തിഷ്ഠതി .. 3 ..

ക്ഷയമേഷ്യതി തത്സർവം ലയകാലേ മഹേശ്വരി .
നമാമി ത്രിപുരാന്ദേവീംഭൈരവീം ഭയമോചിനീം .
സർവസിദ്ധികരീം സാക്ഷാന്മഹാപാതകനാശിനീം .. 4 ..

അസ്യ ശ്രീത്രിപുരഭൈരവീസഹസ്രനാമസ്തോത്രസ്യ ഭഗവാൻ ഋഷിഃ.
പങ്ക്തിശ്ഛന്ദഃ. ആദ്യാ ശക്തിഃ. ഭഗവതീ ത്രിപുരഭൈരവീ ദേവതാ .
സർവകാമാർത്ഥസിദ്ധ്യർത്ഥേ ജപേ വിനിയോഗഃ ..

ഓം ത്രിപുരാ പരമേശാനീ യോഗസിദ്ധിനിവാസിനീ .
സർവമന്ത്രമയീ ദേവീ സർവസിദ്ധിപ്രവർത്തിനീ ..

സർവാധാരമയീ ദേവീ സർവസമ്പത്പ്രദാ ശുഭാ .
യോഗിനീ യോഗമാതാ ച യോഗസിദ്ധിപ്രവർത്തിനീ ..

യോഗിധ്യേയാ യോഗമയീ യോഗയോഗനിവാസിനീ .
ഹേലാ ലീലാ തഥാ ക്രീഡാ കാലരൂപപ്രവർത്തിനീ ..

കാലമാതാ കാലരാത്രിഃ കാലീ കാമലവാസിനീ .
കമലാ കാന്തിരൂപാ ച കാമരാജേശ്വരീ ക്രിയാ ..

കടുഃ കപടകേശാ ച കപടാ കുലടാകൃതിഃ .
കുമുദാ ചർച്ചികാ കാന്തിഃ കാലരാത്രിപ്രിയാ സദാ ..

ഘോരാകാരാ ഘോരതരാ ധർമാധർമപ്രദാ മതിഃ .
ഘണ്ടാ ഘർഗ്ഘരദാ ഘണ്ടാ ഘണ്ടാനാദപ്രിയാ സദാ ..

സൂക്ഷ്മാ സൂക്ഷ്മതരാ സ്ഥൂലാ അതിസ്ഥൂലാ സദാ മതിഃ .
അതിസത്യാ സത്യവതീ സത്യസങ്കേതവാസിനീ ..

ക്ഷമാ ഭീമാ തഥാഽഭീമാ ഭീമനാദപ്രവർത്തിനീ .
ഭ്രമരൂപാ ഭയഹരാ ഭയദാ ഭയനാശിനീ ..

ശ്മശാനവാസിനീ ദേവീ ശ്മശാനാലയവാസിനീ .
ശവാസനാ ശവാഹാരാ ശവദേഹാ ശിവാശിവാ ..

കണ്ഠദേശശവാഹാരാ ശവകങ്കണധാരിണീ .
ദന്തുരാ സുദതീ സത്യാ സത്യസങ്കേതവാസിനീ ..

സത്യദേഹാ സത്യഹാരാ സത്യവാദിനിവാസിനീ .
സത്യാലയാ സത്യസംഗാ സത്യസംഗരകാരിണീ ..

അസംഗാ സാംഗരഹിതാ സുസംഗാ സംഗമോഹിനീ .
മായാമതിർമഹാമായാ മഹാമഖവിലാസിനീ ..

ഗലദ്രുധിരധാരാ ച മുഖദ്വയനിവാസിനീ .
സത്യായാസാ സത്യസംഗാ സത്യസംഗതികാരിണീ ..

അസംഗാ സംഗനിരതാ സുസംഗാ സംഗവാസിനീ .
സദാസത്യാ മഹാസത്യാ മാംസപാശാ സുമാംസകാ ..

മാംസാഹാരാ മാംസധരാ മാംസാശീ മാംസഭക്ഷകാ .
രക്തപാനാ രക്തരുചിരാ രക്താ രക്തവല്ലഭാ ..

രക്താഹാരാ രക്തപ്രിയാ രക്തനിന്ദകനാശിനീ .
രക്തപാനപ്രിയാ ബാലാ രക്തദേശാ സുരക്തികാ ..

സ്വയംഭൂകുസുമസ്ഥാ ച സ്വയംഭൂകുസുമോത്സുകാ .
സ്വയംഭൂകുസുമാഹാരാ സ്വയംഭൂനിന്ദകാസനാ ..

സ്വയംഭൂപുഷ്പകപ്രീതാ സ്വയംഭൂപുഷ്പസംഭവാ .
സ്വയംഭൂപുഷ്പഹാരാഢ്യാ സ്വയംഭൂനിന്ദകാന്തകാ ..

കുണ്ഡഗോലവിലാസീ ച കുണ്ഡഗോലസദാമതിഃ .
കുണ്ഡഗോലപ്രിയകരീ കുണ്ഡഗോലസമുദ്ഭവാ ..

ശുക്രാത്മികാ ശുക്രകരാ സുശുക്രാ ച സുശുക്തികാ .
ശുക്രപൂജകപൂജ്യാ ച ശുക്രനിന്ദകനിന്ദകാ ..

രക്തമാല്യാ രക്തപുഷ്പാ രക്തപുഷ്പകപുഷ്പകാ .
രക്തചന്ദനസിക്താംഗീ രക്തചന്ദനനിന്ദകാ ..

മത്സ്യാ മത്സ്യപ്രിയാ മാന്യാ മത്സ്യഭക്ഷാ മഹോദയാ .
മത്സ്യാഹാരാ മത്സ്യകാമാ മത്സ്യനിന്ദകനാശിനീ ..

കേകരാക്ഷീ തഥാ ക്രൂരാ ക്രൂരസൈന്യവിനാശിനീ .
ക്രൂരാംഗീ കുലിശാംഗീ ച ചക്രാംഗീ ചക്രസംഭവാ ..

ചക്രദേഹാ ചക്രഹാരാ ചക്രകങ്കാലവാസിനീ .
നിമ്നനാഭീ ഭീതിഹരാ ഭയദാ ഭയഹാരികാ ..

ഭയപ്രദാ ഭയഭീതാ അഭീമാ ഭീമനാദിനീ .
സുന്ദരീ ശോഭനാ സത്യാ ക്ഷേമ്യാ ക്ഷേമകരീ തഥാ ..

സിന്ദൂരാഞ്ചിതസിന്ദൂരാ സിന്ദൂരസദൃശാകൃതിഃ .
രക്താരഞ്ജിതനാസാ ച സുനാസാ നിമ്നനാസികാ ..

ഖർവാ ലംബോദരീ ദീർഗ്ഘാ ദീർഗ്ഘഘോണാ മഹാകുചാ .
കുടിലാ ചഞ്ചലാ ചണ്ഡീ ചണ്ഡനാദപ്രചണ്ഡികാ ..

അതിചണ്ഡാ മഹാചണ്ഡാ ശ്രീചണ്ഡാചണ്ഡവേഗിനീ .
ചാണ്ഡാലീ ചണ്ഡികാ ചണ്ഡശബ്ദരൂപാ ച ചഞ്ചലാ ..

ചമ്പാ ചമ്പാവതീ ചോസ്താ തീക്ഷ്ണാ തീക്ഷ്ണപ്രിയാ ക്ഷതിഃ .
ജലദാ ജയദാ യോഗാ ജഗദാനന്ദകാരിണീ ..

ജഗദ്വന്ദ്യാ ജഗന്മാതാ ജഗതീ ജഗതക്ഷമാ .
ജന്യാ ജയജനേത്രീ ച ജയിനീ ജയദാ തഥാ ..

ജനനീ ച ജഗദ്ധാത്രീ ജയാഖ്യാ ജയരൂപിണീ .
ജഗന്മാതാ ജഗന്മാന്യാ ജയശ്രീർജ്ജയകാരിണീ ..

ജയിനീ ജയമാതാ ച ജയാ ച വിജയാ തഥാ .
ഖഡ്ഗിനീ ഖഡ്ഗരൂപാ ച സുഖഡ്ഗാ ഖഡ്ഗധാരിണീ ..

ഖഡ്ഗരൂപാ ഖഡ്ഗകരാ ഖഡ്ഗിനീ ഖഡ്ഗവല്ലഭാ .
ഖഡ്ഗദാ ഖഡ്ഗഭാവാ ച ഖഡ്ഗദേഹസമുദ്ഭവാ ..

ഖഡ്ഗാ ഖഡ്ഗധരാ ഖേലാ ഖഡ്ഗിനീ ഖഡ്ഗമണ്ഡിനീ .
ശംഖിനീ ചാപിനീ ദേവീ വജ്രിണീ ശുലിനീ മതിഃ ..

ബലിനീ ഭിന്ദിപാലീ ച പാശീ ച അങ്കുശീ ശരീ .
ധനുഷീ ചടകീ ചർമാ ദന്തീ ച കർണനാലികീ ..

മുസലീ ഹലരൂപാ ച തൂണീരഗണവാസിനീ .
തൂണാലയാ തൂണഹരാ തൂണസംഭവരൂപിണീ ..

സുതൂണീ തൂണഖേദാ ച തൂണാംഗീ തൂണവല്ലഭാ .
നാനാസ്ത്രധാരിണീ ദേവീ നാനാശസ്ത്രസമുദ്ഭവാ ..

ലാക്ഷാ ലക്ഷഹരാ ലാഭാ സുലാഭാ ലാഭനാശിനീ .
ലാഭഹാരാ ലാഭകരാ ലാഭിനീ ലാഭരൂപിണീ ..

ധരിത്രീ ധനദാ ധാന്യാ ധന്യരൂപാ ധരാ ധനുഃ .
ധുരശബ്ദാ ധുരാമാന്യാ ധരാംഗീ ധനനാശിനീ ..

ധനഹാ ധനലാഭാ ച ധനലഭ്യാ മഹാധനുഃ .
അശാന്താ ശാന്തിരൂപാ ച ശ്വാസമാർഗനിവാസിനീ ..

ഗഗണാ ഗണസേവ്യാ ച ഗണാംഗാവാഗവല്ലഭാ .
ഗണദാ ഗണഹാ ഗമ്യാ ഗമനാഗമസുന്ദരീ ..

ഗമ്യദാ ഗണനാശീ ച ഗദഹാ ഗദവർദ്ധിനീ .
സ്ഥൈര്യാ ച സ്ഥൈര്യനാശാ ച സ്ഥൈര്യാന്തകരണീ കുലാ ..

ദാത്രീ കർത്രീ പ്രിയാ പ്രേമാ പ്രിയദാ പ്രിയവർദ്ധിനീ .
പ്രിയഹാ പ്രിയഭവ്യാ ച പ്രിയപ്രേമാംഘ്രിപാതനുഃ ..

പ്രിയജാ പ്രിയഭവ്യാ ച പ്രിയസ്ഥാ ഭവനസ്ഥിതാ .
സുസ്ഥിരാ  സ്ഥിരരൂപാ ച സ്ഥിരദാ സ്ഥൈര്യബർഹിണീ ..

ചഞ്ചലാ ചപലാ ചോലാ ചപലാംഗനിവാസിനീ .
ഗൗരീ കാലീ തഥാ ഛിന്നാ മായാ മാന്യാ ഹരപ്രിയാ ..

സുന്ദരീ ത്രിപുരാ ഭവ്യാ ത്രിപുരേശ്വരവാസിനീ .
ത്രിപുരനാശിനീ ദേവീ ത്രിപുരപ്രാണഹാരിണീ ..

ഭൈരവീ ഭൈരവസ്ഥാ ച ഭൈരവസ്യ പ്രിയാ തനുഃ .
ഭവാംഗീ ഭൈരവാകാരാ ഭൈരവപ്രിയവല്ലഭാ ..

കാലദാ കാലരാത്രിശ്ച കാമാ കാത്യായനീ ക്രിയാ .
ക്രിയദാ ക്രിയഹാ ക്ലൈബ്യാ പ്രിയപ്രാണക്രിയാ തഥാ ..

ക്രീങ്കാരീ കമലാ ലക്ഷ്മീഃ ശക്തിഃ സ്വാഹാ വിഭുഃ പ്രഭുഃ .
പ്രകൃതിഃ പുരുഷശ്ചൈവ പുരുഷാപുരുഷാകൃതിഃ ..

പരമഃ പുരുഷശ്ചൈവ മായാ നാരായണീ മതിഃ .
ബ്രാഹ്മീ മാഹേശ്വരീ ചൈവ കൗമാരീ വൈഷ്ണവീ തഥാ ..

വാരാഹീ ചൈവ ചാമുണ്ഡാ ഇന്ദ്രാണീ ഹരവല്ലഭാ .
ഭർഗ്ഗീ മാഹേശ്വരീ കൃഷ്ണാ കാത്യായന്യപി പൂതനാ ..

രാക്ഷസീ ഡാകിനീ ചിത്രാ വിചിത്രാ വിഭ്രമാ തഥാ .
ഹാകിനീ രാകിനീ ഭീതാ ഗന്ധർവാ ഗന്ധവാഹിനീ ..

കേകരീ കോടരാക്ഷീ ച നിർമാംസാലൂകമാംസികാ .
ലലജ്ജിഹ്വാ സുജിഹ്വാ ച ബാലദാ ബാലദായിനീ ..

ചന്ദ്രാ ചന്ദ്രപ്രഭാ ചാന്ദ്രീ ചന്ദ്രകാന്തിഷു തത്പരാ .
അമൃതാ മാനദാ പൂഷാ തുഷ്ടിഃ പുഷ്ടീ രതിർധൃതിഃ ..

ശശിനീ ചന്ദ്രികാ കാന്തിർജ്ജ്യോത്സ്നാ ശ്രീഃ പ്രീതിരംഗദാ .
പൂർണാ പൂർണാമൃതാ കല്പലതികാ കല്പദാനദാ ..

സുകല്പാ കല്പഹസ്താ ച കല്പവൃക്ഷകരീ ഹനുഃ .
കല്പാഖ്യാ കല്പഭവ്യാ ച കല്പാനന്ദകവന്ദിതാ ..

സൂചീമുഖീ പ്രേതമുഖീ ഉൽകാമുഖീ മഹാസുഖീ .
ഉഗ്രമുഖീ ച സുമുഖീ കാകാസ്യാ വികടാനനാ ..

കൃകലാസ്യാ ച സന്ധ്യാസ്യാ മുകുലീശാ രമാകൃതിഃ .
നാനാമുഖീ ച നാനാസ്യാ നാനാരൂപപ്രധാരിണീ ..

വിശ്വാർച്യാ വിശ്വമാതാ ച വിശ്വാഖ്യാ വിശ്വഭാവിനീ .
സൂര്യാ സൂര്യപ്രഭാ ശോഭാ സൂര്യമണ്ഡലസംസ്ഥിതാ ..

സൂര്യകാന്തിഃ സൂര്യകരാ സൂര്യാഖ്യാ സൂര്യഭാവനാ .
തപിനീ താപിനീ ധൂമ്രാ മരീചിർജ്ജ്വാലിനീ രുചിഃ ..

സുരദാ ഭോഗദാ വിശ്വാ ബോധിനീ ധാരിണീ ക്ഷമാ .
യുഗദാ യോഗഹാ യോഗ്യാ യോഗ്യഹാ യോഗവർദ്ധിനീ ..

വഹ്നിമണ്ഡലസംസ്ഥാ ച വഹ്നിമണ്ഡലമധ്യഗാ .
വഹ്നിമണ്ഡലരൂപാ ച വഹ്നിമണ്ഡലസഞ്ജ്ഞകാ ..

വഹ്നിതേജാ വഹ്നിരാഗാ വഹ്നിദാ വഹ്നിനാശിനീ .
വഹ്നിക്രിയാ വഹ്നിഭുജാ കലാ വഹ്നൗ സ്ഥിതാ സദാ ..

ധൂമ്രാർചിതാ ചോജ്ജ്വലിനീ തഥാ ച വിസ്ഫുലിംഗിനീ .
ശൂലിനീ ച സുരൂപാ ച കപിലാ ഹവ്യവാഹിനീ ..

നാനാതേജസ്വിനീ ദേവീ പരബ്രഹ്മകുടുംബിനീ .
ജ്യോതിർബ്രഹ്മമയീ ദേവീ പ്രബ്രഹ്മസ്വരൂപിണീ ..

പരമാത്മാ പരാ പുണ്യാ പുണ്യദാ പുണ്യവർദ്ധിനീ .
പുണ്യദാ പുണ്യനാമ്നീ ച പുണ്യഗന്ധാ പ്രിയാതനുഃ ..

പുണ്യദേഹാ പുണ്യകരാ പുണ്യനിന്ദകനിന്ദകാ .
പുണ്യകാലകരാ പുണ്യാ സുപുണ്യാ പുണ്യമാലികാ ..

പുണ്യഖേലാ പുണ്യകേലീ പുണ്യനാമസമാ പുരാ .
പുണ്യസേവ്യാ പുണ്യഖേല്യാ പുരാണപുണ്യവല്ലഭാ ..

പുരുഷാ പുരുഷപ്രാണാ പുരുഷാത്മസ്വരൂപിണീ .
പുരുഷാംഗീ ച പുരുഷീ പുരുഷസ്യ കലാ സദാ ..

സുപുഷ്പാ പുഷ്പകപ്രാണാ പുഷ്പഹാ പുഷ്പവല്ലഭാ .
പുഷ്പപ്രിയാ പുഷ്പഹാരാ പുഷ്പവന്ദകവന്ദകാ ..

പുഷ്പഹാ പുഷ്പമാലാ ച പുഷ്പനിന്ദകനാശിനീ .
നക്ഷത്രപ്രാണഹന്ത്രീ ച നക്ഷത്രാലക്ഷവന്ദകാ ..

ലക്ഷ്യമാല്യാ ലക്ഷഹാരാ ലക്ഷാ ലക്ഷസ്വരൂപിണീ .
നക്ഷത്രാണീ സുനക്ഷത്രാ നക്ഷത്രാഹാ മഹോദയാ ..

മഹാമാല്യാ മഹാമാന്യാ മഹതീ മാതൃപൂജിതാ .
മഹാമഹാകനീയാ ച മഹാകാലേശ്വരീ മഹാ ..

മഹാസ്യാ വന്ദനീയാ ച മഹാശബ്ദനിവാസിനീ .
മഹാശംഖേശ്വരീ മീനാ മത്സ്യഗന്ധാ മഹോദരീ ..

ലംബോദരീ ച ലംബോഷ്ഠീ ലംബനിമ്നതനൂദരീ .
ലംബോഷ്ഠീ ലംബനാസാ ച ലംബഘോണാ ലലത്സുകാ ..

അതിലംബാ മഹാലംബാ സുലംബാ ലംബവാഹിനീ .
ലംബാർഹാ ലംബശക്തിശ്ച ലംബസ്ഥാ ലംബപൂർവികാ ..

ചതുർഘണ്ടാ മഹാഘണ്ടാ ഘണ്ടാനാദപ്രിയാ സദാ .
വാദ്യപ്രിയാ വാദ്യരതാ സുവാദ്യാ വാദ്യനാശിനീ ..

രമാ രാമാ സുബാലാ ച രമണീയസ്വഭാവിനീ .
സുരമ്യാ രമ്യദാ രംഭാ രംഭോരൂ രാമവല്ലഭാ ..

കാമപ്രിയാ കാമകരാ കാമാംഗീ രമണീ രതിഃ .
രതിപ്രിയാ രതി രതീ രതിസേവ്യാ രതിപ്രിയാ ..

സുരഭിഃ സുരഭീ ശോഭാ ദിക്ഷോഭാഽശുഭനാശിനീ .
സുശോഭാ ച മഹാശോഭാഽതിശോഭാ പ്രേതതാപിനീ ..

ലോഭിനീ ച മഹാലോഭാ സുലോഭാ ലോഭവർദ്ധിനീ .
ലോഭാംഗീ ലോഭവന്ദ്യാ ച ലോഭാഹീ ലോഭഭാസകാ ..

ലോഭപ്രിയാ മഹാലോഭാ ലോഭനിന്ദകനിന്ദകാ .
ലോഭാംഗവാസിനീ ഗന്ധവിഗന്ധാ ഗന്ധനാശിനീ ..

ഗന്ധാംഗീ ഗന്ധപുഷ്ടാ ച സുഗന്ധാ പ്രേമഗന്ധികാ .
ദുർഗന്ധാ പൂതിഗന്ധാ ച വിഗന്ധാ അതിഗന്ധികാ ..

പദ്മാന്തികാ പദ്മവഹാ പദ്മപ്രിയപ്രിയങ്കരീ .
പദ്മനിന്ദകനിന്ദാ ച പദ്മസന്തോഷവാഹനാ ..

രക്തോത്പലവരാ ദേവീ രക്തോത്പലപ്രിയാ സദാ .
രക്തോത്പലസുഗന്ധാ ച രക്തോത്പലനിവാസിനീ ..

രക്തോത്പലഗ്രഹാമാലാ രക്തോത്പലമനോഹരാ .
രക്തോത്പലസുനേത്രാ ച രക്തോത്പലസ്വരൂപധൃക് ..

വൈഷ്ണവീ വിഷ്ണുപൂജ്യാ ച വൈഷ്ണവാംഗനിവാസിനീ .
വിഷ്ണുപൂജകപൂജ്യാ ച വൈഷ്ണവേ സംസ്ഥിതാ തനുഃ ..

നാരായണസ്യ ദേഹസ്ഥാ നാരായണമനോഹരാ .
നാരായണസ്വരൂപാ ച നാരായണമനഃസ്ഥിതാ ..

നാരായണാംഗസംഭൂതാ നാരായണപ്രിയാതനുഃ .
നാരീ നാരായണീഗണ്യാ നാരായണഗൃഹപ്രിയാ ..

ഹരപൂജ്യാ ഹരശ്രേഷ്ഠാ ഹരസ്യ വല്ലഭാ ക്ഷമാ .
സംഹാരീ ഹരദേഹസ്ഥാ ഹരപൂജനതത്പരാ ..

ഹരദേഹസമുദ്ഭൂതാ ഹരാംഗവാസിനീകുഹൂഃ .
ഹരപൂജകപൂജ്യാ ച ഹരവന്ദകതത്പരാ ..

ഹരദേഹസമുത്പന്നാ ഹരക്രീഡാസദാഗതിഃ .
സുഗണാസംഗരഹിതാ അസംഗാസംഗനാശിനീ ..

നിർജനാ വിജനാ ദുർഗാ ദുർഗക്ലേശനിവാരിണീ .
ദുർഗദേഹാന്തകാ ദുർഗാരൂപിണീ ദുർഗതസ്ഥികാ ..

പ്രേതകരാ പ്രേതപ്രിയാ പ്രേതദേഹസമുദ്ഭവാ .
പ്രേതാംഗവാസിനീ പ്രേതാ പ്രേതദേഹവിമർദ്ദകാ ..

ഡാകിനീ യോഗിനീ കാലരാത്രിഃ കാലപ്രിയാ സദാ .
കാലരാത്രിഹരാ കാലാ കൃഷ്ണദേഹാ മഹാതനുഃ ..

കൃഷ്ണാംഗീ കുടിലാംഗീ ച വജ്രാംഗീ വജ്രരൂപധൃക് .
നാനാദേഹധരാ ധന്യാ ഷട്ചക്രക്രമവാസിനീ ..

മൂലാധാരനിവാസീ ച മൂലാധാരസ്ഥിതാ സദാ .
വായുരൂപാ മഹാരൂപാ വായുമാർഗനിവാസിനീ ..

വായുയുക്താ വായുകരാ വായുപൂരകപൂരകാ .
വായുരൂപധരാ ദേവീ സുഷുമ്നാമാർഗഗാമിനീ ..

ദേഹസ്ഥാ ദേഹരൂപാ ച ദേഹധ്യേയാ സുദേഹികാ .
നാഡീരൂപാ മഹീരൂപാ നാഡീസ്ഥാനനിവാസിനീ ..

ഇംഗലാ പിംഗലാ ചൈവ സുഷുമ്നാമധ്യവാസിനീ .
സദാശിവപ്രിയകരീ മൂലപ്രകൃതിരൂപധൃക് ..

അമൃതേശീ മഹാശാലീ ശൃംഗാരാംഗനിവാസിനീ .
ഉപത്തിസ്ഥിതിസംഹന്ത്രീ പ്രലയാപദവാസിനീ ..

മഹാപ്രലയയുക്താ ച സൃഷ്ടിസംഹാരകാരിണീ .
സ്വധാ സ്വാഹാ ഹവ്യവാഹാ ഹവ്യാ ഹവ്യപ്രിയാ സദാ ..

ഹവ്യസ്ഥാ ഹവ്യഭക്ഷാ ച ഹവ്യദേഹസമുദ്ഭവാ .
ഹവ്യക്രീഡാ കാമധേനുസ്വരൂപാ രൂപസംഭവാ ..

സുരഭീ നന്ദനീ പുണ്യാ യജ്ഞാംഗീ യജ്ഞസംഭവാ .
യജ്ഞസ്ഥാ യജ്ഞദേഹാ ച യോനിജാ യോനിവാസിനീ ..

അയോനിജാ സതീ സത്യാ അസതീ കുടിലാതനുഃ .
അഹല്യാ ഗൗതമീ ഗമ്യാ വിദേഹാ ദേഹനാശിനീ ..

ഗാന്ധാരീ ദ്രൗപദീ ദൂതീ ശിവപ്രിയാ ത്രയോദശീ .
പഞ്ചദശീ പൗർണമാസീ ചതുർദ്ദശീ ച പഞ്ചമീ ..

ഷഷ്ഠീ ച നവമീ ചൈവ അഷ്ടമീ ദശമീ തഥാ .
ഏകാദശീ ദ്വാദശീ ച ദ്വാരരൂപീഭയപ്രദാ ..

സങ്ക്രാന്ത്യാ സാമരൂപാ ച കുലീനാ കുലനാശിനീ .
കുലകാന്താ കൃശാ കുംഭാ കുംഭദേഹവിവർദ്ധിനീ ..

വിനീതാ കുലവത്യർത്ഥീ അന്തരീ ചാനുഗാപ്യുഷാ .
നദീസാഗരദാ ശാന്തിഃ ശാന്തിരൂപാ സുശാന്തികാ ..

ആശാ തൃഷ്ണാ ക്ഷുധാ ക്ഷോഭ്യാ ക്ഷോഭരൂപനിവാസിനീ .
ഗംഗാസാഗരഗാ കാന്തിഃ ശ്രുതിഃ സ്മൃതിർദ്ധൃതിർമഹീ ..

ദിവാരാത്രിഃ പഞ്ചഭൂതദേഹാ ചൈവ സുദേഹകാ .
തണ്ഡുലാ ഛിന്നമസ്താ ച നാഗയജ്ഞോപവീതിനീ ..

വർണിനീ ഡാകിനീ ശക്തിഃ കുരുകുല്ലാ സുകുല്ലകാ .
പ്രത്യംഗിരാഽപരാ ദേവീ അജിതാ ജയദായിനീ ..

ജയാ ച വിജയാ ചൈവ മഹിഷാസുരഘാതിനീ .
മധുകൈടഭഹന്ത്രീ ച ചണ്ഡമുണ്ഡവിനാശിനീ ..

നിശുംഭശുംഭഹനനീ രക്തബീജക്ഷയങ്കരീ .
കാശീ കാശീനിവാസീ ച മധുരാ പാർവതീ പരാ ..

അപർണാ ചണ്ഡികാ ദേവീ മൃഡാനീ ചാംബികാ കലാ .
ശുക്ലാ കൃഷ്ണാ വർണവർണാ ശരദിന്ദുകലാകൃതിഃ ..

രുക്മിണീ രാധികാ ചൈവ ഭൈരവ്യാഃ പരികീർത്തിതം .
അഷ്ടാധികസഹസ്രന്തു ദേവ്യാ നാമാനുകീർത്തനാത് ..

മഹാപാതകയുക്തോഽപി മുച്യതേ നാത്ര സംശയഃ .
ബ്രഹ്മഹത്യാ സുരാപാനം സ്തേയംഗുർവംഗനാഗമഃ ..

മഹാപാതകകോട്യസ്തു തഥാ ചൈവോപപാതകാഃ .
സ്തോത്രേണ ഭൈരവോക്തേന സർവന്നശ്യതി തത്ക്ഷണാത് ..

സർവവ്വാ ശ്ലോകമേകവ്വാ പഠനാത്സ്മരണാദപി .
പഠേദ്വാ പാഠയേദ്വാപി സദ്യോ മുച്യേത ബന്ധനാത് ..

രാജദ്വാരേ രണേ ദുർഗേ സങ്കടേ ഗിരിദുർഗ്ഗമേ .
പ്രാന്തരേ പർവതേ വാപി നൗകായാവ്വാ മഹേശ്വരി ..

വഹ്നിദുർഗഭയേ പ്രാപ്തേ സിംഹവ്യാഘ്രഭ്യാകുലേ .
പഠനാത്സ്മരണാന്മർത്ത്യോ മുച്യതേ സർവസങ്കടാത് ..

അപുത്രോ ലഭതേ പുത്രന്ദരിദ്രോ ധനവാൻഭവേത് .
സർവശാസ്ത്രപരോ വിപ്രഃ സർവയജ്ഞഫലല്ലഭേത് ..

അഗ്നിവായുജലസ്തംഭംഗതിസ്തംഭവിവസ്വതഃ .
മാരണേ ദ്വേഷണേ ചൈവ തഥോച്ചാടേ മഹേശ്വരി ..

ഗോരോചനാകുങ്കുമേന ലിഖേത്സ്തോത്രമനന്യധീഃ .
ഗുരുണാ വൈഷ്ണവൈർവാപി സർവയജ്ഞഫലല്ലഭേത് ..

വശീകരണമത്രൈവ ജായന്തേ സർവസിദ്ധയഃ .
പ്രാതഃകാലേ ശുചിർബ്ഭൂത്വാ മധ്യാഹ്നേ ച നിശാമുഖേ ..

പഠേദ്വാ പാഠയേദ്വാപി സർവയജ്ഞഫലല്ലഭേത് .
വാദീ മൂകോ ഭവേദ്ദുഷ്ടോ രാജാ ച സേവകോ യഥാ ..

ആദിത്യമംഗലദിനേ ഗുരൗ വാപി മഹേശ്വരി .
ഗോരോചനാകുങ്കുമേന ലിഖേത്സ്തോത്രമനന്യധീഃ ..

ഗുരുണാ വൈഷ്ണവൈർവാപി സർവയജ്ഞഫലല്ലഭേത് .
ധൃത്വാ സുവർണമധ്യസ്ഥം സർവാൻകാമാനവാപ്നുയാത് ..

സ്ത്രീണാവ്വാമകരേ ധാര്യമ്പുമാന്ദക്ഷകരേ തഥാ .
ആദിത്യമംഗലദിനേ ഗുരൗ വാപി മഹേശ്വരി ..

ശനൈശ്ചരേ ലിഖേദ്വാപി സർവസിദ്ധിം ലഭേദ്ധ്രുവം .
പ്രാന്തരേ വാ ശ്മശാനേ വാ നിശായാമർദ്ധരാത്രകേ ..

ശൂന്യാഗാരേ ച ദേവേശി ലിഖേദ്യത്നേന സാധകഃ .
സിംഹരാശൗ ഗുരുഗതേ കർക്കടസ്ഥേ ദിവാകരേ ..

മീനരാശൗ ഗുരുഗതേ ലിഖേദ്യത്നേന സാധകഃ .
രജസ്വലാഭഗന്ദൃഷ്ട്വാ തത്രസ്ഥോ വിലിഖേത്സദാ ..

സുഗന്ധികുസുമൈഃ ശുക്രൈഃ സുഗന്ധിഗന്ധചന്ദനൈഃ .
മൃഗനാഭിമൃഗമദൈർവിലിഖേദ്യത്നപൂർവകം ..

ലിഖിത്വാ ച പഠിത്വാ ച ധാരയേച്ചാപ്യനന്യധീഃ .
കുമാരീമ്പൂജയിത്വാ ച നാരീശ്ചാപി പ്രപൂജയേത് ..

പൂജയിത്വാ ച കുസുമൈർഗ്ഗന്ധചന്ദനവസ്ത്രകൈഃ .
സിന്ദൂരരക്തകുസുമൈഃ പൂജയേദ്ഭക്തിയോഗതഃ ..

അഥവാ പൂജയേദ്ദേവി കുമാരീർദ്ദശമാവധീഃ .
സർവാഭീഷ്ടഫലന്തത്ര ലഭതേ തത്ക്ഷണാദപി ..

നാത്ര സിദ്ധാദ്യപേക്ഷാസ്തി ന വാ മിത്രാരിദൂഷണം .
ന വിചാര്യഞ്ച ദേവേശി ജപമാത്രേണ സിദ്ധിദം ..

സർവദാ സർവകാര്യേഷു ഷട്സാഹസ്രപ്രമാണതഃ .
ബലിന്ദത്ത്വാ വിധാനേന പ്രത്യഹമ്പൂജയേച്ഛിവാം ..

സ്വയംഭൂകുസുമൈഃ പുഷ്പൈർബ്ബലിദാനന്ദിവാനിശം .
പൂജയേത്പാർവതീന്ദേവീംഭൈരവീന്ത്രിപുരാത്മികാം ..

ബ്രാഹ്മണാൻഭോജയേന്നിത്യന്ദശകന്ദ്വാദശന്തഥാ .
അനേന വിധിനാ ദേവി ബാലാന്നിത്യമ്പ്രപൂജയേത് ..

മാസമേകമ്പഠേദ്യസ്തു ത്രിസന്ധ്യവ്വിധിനാമുനാ .
അപുത്രോ ലഭതേ പുത്രന്നിർദ്ധനോ ധനവാൻഭവേത് ..

സദാ ചാനേന വിധിനാ തഥാ മാസത്രയേണ ച .
കൃതകാര്യം ഭവേദ്ദേവി തഥാ മാസചതുഷ്ടയേ ..

ദീർഗ്ഘരോഗാത്പ്രമുച്യേത പഞ്ചമേ കവിരാഡ്ഭവേത് .
സർവൈശ്വര്യം ലഭേദ്ദേവി മാസഷട്കേ തഥൈവ ച ..

സപ്തമേ ഖേചരത്വഞ്ച അഷ്ടമേ ച വൃഹദ്ദ്യുതിഃ .
നവമേ സർവസിദ്ധിഃ സ്യാദ്ദശമേ ലോകപൂജിതഃ ..

ഏകാദശേ രാജവശ്യോ ദ്വാദശേ തു പുരന്ദരഃ .
വാരമേകമ്പഠേദ്യസ്തു പ്രാപ്നോതി പൂജനേ ഫലം ..

സമഗ്രം ശ്ലോകമേകവ്വാ യഃ പഠേത്പ്രയതഃ ശുചിഃ .
സ പൂജാഫലമാപ്നോതി ഭൈരവേണ ച ഭാഷിതം ..

ആയുഷ്മത്പ്രീതിയോഗേ ച ബ്രാഹ്മൈന്ദ്രേ ച വിശേഷതഃ .
പഞ്ചമ്യാഞ്ച തഥാ ഷഷ്ഠ്യായ്യത്ര കുത്രാപി തിഷ്ഠതി ..

ശങ്കാ ന വിദ്യതേ തത്ര ന ച മായാദിദൂഷണം .
വാരമേകം പഠേന്മർത്ത്യോ മുച്യതേ സർവസങ്കടാത് .
കിമന്യദ്ബഹുനാ ദേവി സർവാഭീഷ്ടഫലല്ലഭേത് ..

.. ഇതി ശ്രീവിശ്വസാരേ മഹാഭൈരവവിരചിതം
ശ്രീമത്ത്രിപുരഭൈരവീസഹസ്രനാമസ്തോത്രം സമാപ്തം ..