SRI DURGA SAHASRANAMA STHOTHRAM (RUDRAYAMALA TANTRA)

 ശ്രീദുർഗാസഹസ്രനാമസ്തോത്രം 

ശ്രീ ഭൈരവ ഉവാച -
അധുനാ ശൃണുവക്ഷ്യാമി ദുർഗാസർവസ്വമീശ്വരീ .
രഹസ്യം സർവ ദേവാനാം ദുർലഭം ജന്മിനാമപി .. 1..

ശ്രീദുർഗാതത്ത്വമുദ്ദിഷ്ടസാരം ത്രൈലോക്യകാരണം .
മന്ത്രനാമസഹസ്രം ച ദുർഗായാഃ പുണ്യദം പരം .. 2..

യം പഠിത്വാ ശിവേ ധൃത്വാ ദേവീനാമസഹസ്രകം .
ഇഹ ഭോഗീ പരത്രാപി ജീവന്മുക്തോ ഭവേന്നരഃ .. 3..

ഇദം നാമസഹസ്രം തേ മന്ത്രഗർഭം രഹസ്യകം .
അശ്വമേധായുതാത്പുണ്യം ലോകേ സൗഭാഗ്യവർധനം .. 4..

ശ്രേയസ്കരം വിശ്വവന്ദ്യം സർവദേവനമസ്കൃതം .
ഗുഹ്യം ഗോപ്യതമം ദേവി പഠനാത് സിദ്ധിദായകം .. 5..

അസ്യ ശ്രീദുർഗാസഹസ്രനാമസ്തോത്രമഹാമന്ത്രസ്യ ശ്രീമഹേശ്വര ഋഷിഃ,
അനുഷ്ടുപ് ഛന്ദഃ, ശ്രീദുർഗാ ദേവതാ, ദും ബീജം, ഹ്രീം ശക്തിഃ,
ഓം കീലകം, ധർമാർഥകാമമോക്ഷാർഥേ സഹസ്രനാമപാഠേ വിനിയോഗഃ ..

ധ്യാനം-
ദൂർവാനിഭാം ത്രിനയനാം വിലസത്കിരീടാം
      ശംഖാബ്ജഖഡ്ഗശരഖേടകശൂലചാപാൻ .
സന്തർജനീം ച ദധതീം മഹിഷാസനസ്ഥാം
      ദുർഗാം നവാരകുലപീഠഗതാം  ഭജേഽഹം ..

ഓം ഹ്രീം ദും ജഗദംബാ ഭാഭദ്രികാ ഭദ്രകാലികാ .
പ്രചണ്ഡാ ചണ്ഡികാ ചണ്ഡീ ചണ്ഡമുണ്ഡനിഷൂദിനീ .. 6..

അനസൂയാ ത്രുടിസ്താരാ കൃത്തികാ കുബ്ജികാ ലയാ .
പ്രലയാ സ്ഥിതിഃ സംഭൂതിർവിഭൂതിർഭയനാശിനീ .. 7..

മഹാമായാ മഹാവിദ്യാ മൂലവിദ്യാ ചിദീശ്വരീ .
മദാലസാ മദോത്തുംഗാമദിരാ മദനപ്രിയാ .. 8..

ആലിർവ്യാലപ്രസൂഃ പുണ്യാ പവിത്രാ പരമേശ്വരീ .
ആദിദേവീ കലാ കാന്താ ത്രിപുരാ ജഗദീശ്വരീ .. 9..

മനോന്മനാ മഹാലക്ഷ്മീഃ സിദ്ധലക്ഷ്മീഃ സരസ്വതീ .
സരിത്കാദംബരീ ഗോധാ ഗുഹ്യകാലീ ഗണേശ്വരീ .. 10..

ഗണാംബികാ ജയാ താപീ തപനാ താപഹാരിണീ .
തപോമയീ ദുരാലംബാ ദുഷ്ടഗ്രഹനിവാരിണീ .. 11..

ദുഃഖഹാ സുഖദാ സാധ്വീ പരമാമൃതസൂഃ സുരാ .
സുധാ സുധാംശുനിലയാപ്രലയാനലസന്നിഭാ .. 12..

സമസ്താസമ്പദംഭോജനിലയാ കർണികാലയാ .
വിദ്യേശ്വരീ വിശ്വമയീ വിരാട് ഛന്ദോ ഗതിർമതിഃ .. 13..

ധൃതിദാ(ധൃതിശ്ച) ദാംഭികീ ദോലാ ലോപാമുദ്രാ പടീയസീ .
ഗരിഷ്ഠാഽരിഷ്ടഹാഽദുഷ്ടാ കൃപാ കാശീ കുലാഽകുലാ .. 14..

അകുലസ്ഥാ പദന്യാസാ ന്യാസരൂപാ വിരൂപിണീ .
വിരൂപാക്ഷീ കോടരാക്ഷീ കുലകാന്താഽപരാജിതാ .. 15..

അജിതാ കുലികാ ലമ്പാ ലമ്പടാ ത്രിപുരേശ്വരീ .
ത്രിതയീ വേദവിന്യാസാ സംന്യാസാസുമതിർഭയാ .. 16..

അഭയാ സ്വർമുഖാ ദേവീ മഹൗഷധിരലംബുസാ .
ചപലാ ചന്ദ്രികാ ചണ്ഡാ ചണ്ഡമുണ്ഡനിസൂദിനീ .. 17..

ചാപലാക്ഷീ മദാവിഷ്ടാ മദിരാരുണലോചനാ .
പുരീ ത്രിപുരസൂരാസ്നാ രസാ രാമാ മനോഹരാ (രമാ) .. 18..

സന്ധ്യാ സന്ധ്യാഭ്രശീലാച ശാലാശ്യാമപയോധരാ .
ശശാങ്കമുകുടാ ശ്യാമാ സുരാസുന്ദരലോചനാ .. 19..

വിഷമാക്ഷീ വിശാലാക്ഷീ വാ(വ) ശാ വാഗീശ്വരീ ശിലാ .
മനഃശിലാ ച കസ്തൂരീ മൃഗനാഭിർമൃഗേക്ഷണാ .. 20..

മൃഗാരിവാഹനാമാ(സാ)ധ്വീ മാനദാ മത്തഭാഷിണീ .
നാരസിംഹീ വാമദേവീ വാമാ വാമശ്രുതിപ്രിയാ .. 21..

പുണ്യാപുണ്യഗതിഃ പുണ്യാ പുത്രീ പുണ്യജനപ്രിയാ .
ചാമുണ്ഡാ ചോഗ്രചണ്ഡാ ച മഹാചണ്ഡാഽതമാഽതമാഃ .. 22..

തമ(പ)സ്വിനീപ്രഭാ ജ്യോത്സ്നാ മഹജ്ജ്യോതിഃസ്വരൂപിണീ .
സുരൂപാ സദ്ഗതിഃ(സ്വർഗതിഃ)സാധ്വീ സദസദ്രൂപരാജിതാ .. 23..

സൃഷ്ടിഃ സ്ഥിതിഃ ക്ഷേമകരീ ക്ഷമാ ക്ഷാമോന്നതസ്തനീ .
ക്ഷോണീ ക്ഷയകരീ ക്ഷീണാ ശർവ(വ)സ്ഥാ ശിവവല്ലഭാ .. 24..

ദന്തുരാ ദാഡിമപ്രീതിർദയാ ദാംഭികസൂദിനീ .
രാക്ഷസീ ഡാകിനീ യോഗ്യായോഗിനീ യോഗ(ഗി)വല്ലഭാ .. 25..

കബന്ധാ കന്ധരാ കൃഷ്ണാ(വിദ്യാ) കൃത്തികാ കണ്ഠകാന്തകാ .
കലങ്കരഹിതാ കാലീ കമ്പാ കാശ്മീരവല്ലഭാ .. 26..

കാശീ കീർതിപ്രദാ കാഞ്ചി കാശ്മീരീ കോകിലസ്വനാ .
പ്രഭാവതീ മഹാരൗദ്രീ രുദ്രപത്നീ രുജാപഹാ .. 27..

രതിഃ സ്തുതിസ്തരീസ്തുര്യാ തോതുലാഽതലവാസിനീ .
തപഃപ്രിയാ ശരച്ഛ്രേഷ്ഠാ പംഗുപുത്രീ യമസ്വസാ .. 28..

യാമീ യമാന്തകാ യാമ്യാ യമുനാ സ്വർനദീ തഡിത് .
നാരായണീ വിശ്വമാതാ ഭവാനീ പാപനാശിനീ .. 29..

വിഗതാ വിഗതപ്രശ്നാ കൃഷ്ണാ കൃഷ്ടാസിധാരിണീ .
വാരീ വാരാ വരധരാ വരദാ വീരസൂദിനീ .. 30..

വീരസൂർവാമനാകാരാ ദീർഘസൂത്രാ ദയാവതീ .
ദരീ ധനപ്രദാ ധാത്രീ ധാത്രീവല്ലീ മഹോദരീ .. 31..

ഗണേശ്വരീ ഗയാ കാഞ്ചീ കാഞ്ചീകിങ്കിണിഘണ്ടികാ .
മായാ മായാവതീ മത്താ പ്രമത്താ പ്രവരേശ്വരീ .. 32..

പൗരന്ദരീ ശചീ ശീതാ ശീതാതപസ്വഭാവജാ .
സ്വാഭാവികഗുണാഗണ്യാഗാംഭീര്യഗുണഭൂഷണാ .. 33..

സൂതിഃ സൂര്യകലാസുപ്താ സപ്തസപ്തിസ്വരൂപിണീ .
തേജസ്വിനീ സദാനന്ദാ സഭാസന്തോഷവർധിനീ .. 34..

തർപണാ കർഷണാ ഹോതാ(ത്രീ) സങ്കല്പാശുഭമന്ത്രികാ .
ദർഭാ ദ്രോണികലാ ശ്രാന്താ സമിദ്ധാ സുരവേദികാ .. 35..

ധൂമ്രാഹുതിശ്ചരമതിശ്ചാമീകരരുചിശ്ചിതാ .
ചിന്താഽനലേശ്വരീ നേലാകരാനീലസരസ്വതീ .. 36..

അപർണാ സുഫലാ യജ്ഞാ സഭയാ നിർഭയാഽഭയാ .
ഭീമസ്വനാഭർഗശിഖാ ഭാസ്വതീഭാകരാ വിഭാ .. 37..

വിഭാവരീ നദീ നന്ദ്യാ നന്ദ്യാവർതപ്രവർതിനീ .
പൃഥ്വീധരാ വിശ്വ(ഷ)ധരാ വിശ്വഗർഭാ പ്രവർതികാ .. 38..

വിശ്വമായാ വിശ്വമാലാ വിശ്വംഭരവിലാസിനീ .
ഉരഗേശാ പദ്മനാഭാ(ഗാ)പദ്മനാഭപ്രസൂഃ പ്രജാ .. 39..

തോരണാ തുലസീ ദീക്ഷാ ദക്ഷാ ദാക്ഷായണീദ്യുതിഃ .
സമ്പുടാ ശയനാശയ്യാശാസനാശമനാന്തകാ .. 40..

ശ്യാമാകവർണാ ശാർദൂലീശമ്പാശീതാംശുവല്ലഭാ .
സ്തുത്യാ പ്രണീതാ നിയതിഃ കമ്പനാ കമ്പഹാരിണീ .. 41..

ചമ്പകാഭാ ചരാചീനാഽദീനാ ദീനജനപ്രിയാ .
വസുന്ധരാ വാസവേശീ വസുനാഥാ വടേശ്വരീ .. 42..

സമുദ്രാ സംഗമാ പൂർണാഽന്തരാലാ തരുവാസിനീ .
പാർവതീ പാമരീ മാന്യാ മാനനീയാ മധുപ്രിയാ .. 43..

മാധവീ മധുപാനസ്ഥാ മന്ദിരാ മന്ദുരാമൃഗീ .
മോമുഷാ(മുമൂഷാ) രൂരുഷാരേവാരേവതീരമണീ രമാ .. 44..

ഋദ്ധിഹസ്താ സിദ്ധിഹസ്താ അന്നപൂർണാ മഹേശ്വരീ .
അന്നരൂപാ ജഗജ്ജ്യോതിഃ സമസ്താസുരഘാതിനീ .. 45..

ഗാരുഡീഗഗനാലംബാ ലംബമാനകചപ്രിയാ .
പീതാംബരാ പീതപുഷ്പാ പൂതനാ ഗീതവല്ലഭാ .. 46..

ബലാകാ ജഗദന്താച ജരാ ജയവരപ്രദാ .
പ്രീതിഃ കഠോരവദനാ കരാലരദനാ രസാ .. 47..

ജിഹ്വാഹസ്താച ബഗലാ പ്രണയാ വിനയപ്രദാ .
കിരീ കരാലവപുഷീ ശേമുഷീ മക്ഷികാ മഷീ .. 48..

ഉത്തീർണാതർണികാ തീക്ഷ്ണാ ശ്ലക്ഷ്ണാ കാമേശ്വരീ ശിവാ .
ശിവപത്നീ സരോജാക്ഷീ പദ്മഹസ്താ സരസ്വതീ .. 49..

കമലാക്ഷീ കമലജാ കരവാലവിഹാരിണീ .
കവിപൂജ്യാ കവിഗതിഃ കവിരൂപാ കവിപ്രിയാ .. 50..

കദലീ കദലീരൂപാ കദലീവനവാസിനീ .
കലപ്രീതാ കലഹദാ കലഹാ കലഹാതുരാ .. 51..

കസ്തൂരീമൃഗസംസ്ഥാച കസ്തൂരീമൃഗരൂപിണീ .
കഠോരാ കരമാലാച കഠോരകുചധാരിണീ .. 52..

യജ്ഞമാതാ യജ്ഞഭോക്ത്രീ യജ്ഞേശീ യജ്ഞസംഭവാ .
യജ്ഞസിദ്ധിഃ ക്രിയാസിദ്ധിര്യജ്ഞാംഗീ യജ്ഞരക്ഷികാ .. 53..

വൈഷ്ണവീ വിഷ്ണുരൂപാ ച വിഷ്ണുമാതൃസ്വരൂപിണീ .
വിഷ്ണുമായാ വിശാലാക്ഷീ വിശാലനയനോജ്ജ്വലാ .. 54..

ശിവമാതാ ശിവാഖ്യാച ശിവദാ ശിവരൂപിണീ .
ഗായത്രീ ചൈവ സാവിത്രീ ബ്രഹ്മാണീ ബ്രഹ്മരൂപിണീ .. 55..

ദുർഗസ്ഥാ ദുർഗരൂപാച ദുർഗാ ദുർഗതിനാശിനീ .
മാഹേശ്വരീച സർവാധാ ശർവാണീ സർവമംഗലാ .. 56..

സൂര്യകോടിസഹസ്രാഭാ ചന്ദ്രകോടിനിഭാനനാ .
സമുദ്രകോടിഗംഭീരാ വായുകോടിമഹാബലാ .. 57..

സോമസൂര്യാഗ്നിമധ്യസ്ഥാ മണിമണ്ഡലവാസിനീ .
ദ്വാദശാരസരോജസ്ഥാസൂര്യമണ്ഡലവാസിനീ .. 58..

അകലങ്കശശാങ്കാഭാ ഷോഡശാരനിവാസിനീ .
ഹൃത്പദ്മനിലയാഽഭീമാ മഹാഭൈരവനാദിനീ .. 59..

വർണാഢ്യാ വർണരഹിതാ പഞ്ചാശദ്വർണഭേദിനീ .
ഭവാനീ ഭൂതിദാ ഭൂതിർഭൂതിദാത്രീ ച ഭൈരവീ .. 60..

ഭൈരവാചാരനിരതാ ഭൂതഭൈരവസേവിതാ .
കാമേശ്വരീ കാമരൂപാ കാമതാപവിമോചിനീ .. 61..

ഗണേശജനനീ ദേവീഗണേശവരദായിനീ .
ഗതിദാ ഗതിഹാ ഗീതാ ഗൗതമീ ഗുരുസേവിതാ .. 62..

ദീനദുഃഖഹരാ ദീനതാപനിർമൂലകാരിണീ .
ദയാശീലാ ദയാസാരാ ദയാസാഗരസംസ്ഥിതാ .. 63..

നൃത്യപ്രിയാ നൃത്യരതാ നർതകീ നർതകപ്രിയാ .
നാരായണീ നരേന്ദ്രസ്ഥാ നരമുണ്ഡാസ്ഥിമാലിനീ .. 64..

ഭൈരവീ ഭൈരവാരാധ്യാ ഭീമാ ഭീമവരപ്രദാ .
ഭുവനാ ഭുവനാരാധ്യാ ഭവാനീ ഭൂതിവർധിനീ .. 65..

മഹിഷാസുരഹന്ത്രീ ച രക്തബീജവിനാശിനീ .
ധനുർബാണധരാ നിത്യാ ധൂമ്രലോചനനാശിനീ .. 66..

കുലീനാ കുലമാർഗസ്ഥാ കുലമാർഗപ്രകാശിനീ .
പഞ്ചാശദ്വർണബീജാഢ്യാ പഞ്ചാശന്മുണ്ഡമാലികാ .. 67..

ഷഡംഗയുവതീപൂജ്യാ ഷഡംഗരൂപവർജിതാ .
കാലമാതാ കാലരാത്രിഃ കാലീ കമലവാസിനീ .. 68..

കമലാ കാന്തിരൂപാച കാമരാജേശ്വരീ ക്രിയാ .
മായാ മതിർമഹാമായാ ഭയദാ ഭയഹാരികാ .. 69..

നാരീ നാരായണീ ഗണ്യാ നാരായണഗൃഹപ്രിയാ .
മദിരാപാനസന്തുഷ്ടാ മദിരാമോദധാരിണീ .. 70..

തഥ്യാ പഥ്യാ കൃതീ രഥ്യാ രഥസ്ഥാ വിതതസ്വരാ .
മഹതീ രാഗിണീ ഭാർഗീ ശുചിഹാസാ ഹരീശ്വരീ .. 71..

ഹരിദ്രത്നാംശുലസിതാ ലക്ഷ്മീനായകസുന്ദരീ .
അംബാലികാഽമ്ബാ ദേവേശീ അനഘാഽഗ്നിശിഖാ ശ്രുതിഃ .. 72..

അലസാഽല്പഗതിശ്ചാന്ത്യാഽനന്താഽനന്തഗുണാഽശ്രയാ .
ആദ്യാ ചാദിത്യസങ്കാശാ ആദിത്യകുലസുന്ദരീ .. 73..

ആത്മരൂപാഽഽധിശമനീആദിമായാഽഽദിദേവതാ .
ഇന്ദ്രപ്രസൂരിനദ്യോതിരിനാഗ്നിശശിലോചനാ .. 74..

ഇന്ദ്രാവരജസംസ്തുത്യാ ഇലാചേക്ഷുരസപ്രിയാ .
ഈശ്വരീ ഈശവനിതാ ഈശാ കേശവവല്ലഭാ .. 75..

ഉമാ ഉർവീ ഉരുഭുജാ ഉത്തുംഗാ ചോക്ഷവാഹനാ .
ഉത്തങ്കാ ചോത്തമാ ധ്യേയാ ഉല്ലാസാചോരുഗർവിണീ .. 76..

ഉഷ്മാഊണാ ച ഗുർവംഗീ ഊർധ്വാക്ഷീ ഊർധ്വമസ്തകാ .
ഋദ്ധിരൃചാ ഋവർണേശീ ഋണഹർത്രീ ഋചാന്തകീ .. 77..

ൠഢിജാ ചാരുവസ്ത്രാച ൠണിവാസാ മഹാലയാ .
ലൃകാരാ ലൃക്കുരാ ലീനാ ലൃകാരാ വരധാരിണീ .. 78..

ഏണാങ്കമുകുടാ ചേഹാ ചാരുചന്ദ്രകലാ കലാ .
ഐകാരഗതിരൈശ്വര്യദായിനീ ചൈശ്വരീഗതിഃ .. 79..

ഓങ്കാരാ ബീജരൂപാ ച ഔത്രികീ വേത്രധാരിണീ .
അംബികാ ലമ്പികാ പമ്പാ അഃ സ്വരോദ്ഗാരരൂപിണീ .. 80..

കാലീച ഭദ്രകാലീ ച കാലികാ കാലവല്ലഭാ .
കദംബനിലയാ കന്ഥാ(ന്യാ) കാഞ്ചീമണ്ഡനമണ്ഡിതാ .. 81..

കലങ്കരഹിതാ കൂർമാ കാഞ്ചനാഭാ കരീരഗാ .
കനകാചലവാസാച കാരുണ്യാകുലമാനസാ .. 82..

കുലസ്ഥാ കൗലിനീ കുല്യാ കുരുകുല്ലാ കപാലിനീ .
കപാലകുലനിർവിണ്ണാ ക്ലീങ്കാരാ കഞ്ജലോചനാ .. 83..

ഖഞ്ജനാക്ഷീ ഖഡ്ഗധരാ ഖേടകായുധഭൂഷണാ .
ഖർപരാഢ്യാ ച ഖലഹാ ഖേടിനീ ഖേചരീ ഖഗാ .. 84..

ഖഗായുധാ ഖഗഗതിഃ ഖകാരാക്ഷരഭൂഷണാ .
ഗണാധ്യക്ഷാഗജഗതിർഗണേശജനനീഗദാ .. 85..

ഗോധാ ഗദാധര പ്രാജ്യാഗഗനേശീ മഹീമലാ .
ഘുർഘരാ ഘടഭൂർഘൂകാ ഘുസൃണാഭാ ഗണേശ്വരീ .. 86..

ഘനസാരപ്രിയാ സാമ്യാ ഘവർണകൃതഭൂഷണാ .
ങാന്താങവർണമുകുടാ കവർഗകൃതഭൂഷണാ .. 87..

ചാന്ദ്രീ ചാന്ദ്രിസ്തുതാ ചാർവീ ചന്ദ്രികാ ചണ്ഡനിഃസ്വനാ .
ചഞ്ചരീകസ്വനാ ദേവീ ചഞ്ചച്ചാമീകരാംഗദാ .. 88..

ഛത്രികാ ഛുരികാ ഛഞ്ഛാ ഛത്രചാമരഭൂഷണാ .
ജങ്കാരീജലജിഹ്വാചജൃംഭികാജലയോഗിനീ .. 89..

ജടാജൂടധരാജാതിർജാതീപുഷ്പസമാനനാ .
ജലേശ്വരീജഗദ്ധ്യേയാ ജാനകീ ജനനീ ജടാ .. 90..

ഝഞ്ഝാ ഝരീ ഝരത്കാരീ ഝണത്കാഞ്ചീരകിങ്കണീ .
ഝിണ്ഠികാ ഝമ്പകൃദ് ഝമ്പാ ഝമ്പത്രാസനിവാരിണീ .. 91..

ഞാണുരൂപാഞങ്കഹസ്താ ഞവർണാക്ഷരസമ്മതാ .
ടങ്കായുധാ മഹാതഥ്യാ ടങ്കാരകരുണാ ടസീ .. 92..

ഠകുരാ ഠത്കരാ ഠാനീ ഡിണ്ഡീരവസനാ ഢലാ .
ഢണ്ഢാനിലമയീ ഢണ്ഡാ ഢണത്കാരകരാ ഢസാ .. 93..

ണാന്താണീലായുധാണമ്രാണവർണാക്ഷരഭൂഷണാ .
തരുണീ തുന്ദിലാ തോന്ദാ താമസീ താമസപ്രിയാ .. 94..

താമ്രാനനാ താമ്രകരാതാമ്രാംബരധരാ തുലാ .
താപത്രയഹരാ താപീ തൈലാസക്താ തിലോത്തമാ .. 95..

സ്ഥാണുപത്നീസ്ഥലീ സ്ഥൂലാ സ്ഥിതിഃ സ്ഥൈര്യധരാ സ്ഥുലാ .
ദന്തിനീ ദന്തുരാ ദാർവീ ദേവകീ ദേവനായികാ .. 96..

ദമിനീ ശമിനീ ദണ്ഡയാ ദണ്ഡഹസ്താ ദുരാനതിഃ .
ദുർവാരാ ദുർഗതിർദാക്ഷീ ദ്രാക്ഷാ ദ്രാവിഡവാസിനീ .. 97..

ദൂരസ്ഥാ ദുന്ദുഭിധ്വാനാ ദരദാ ദരനാശിനീ .
ദുഃഖഘ്നീ ദ്രുതഗാഽദുഷ്ടാ ദയാ ദാംഭിക്യനാശിനീ .. 98..

ധർമ്യാ ധർമപ്രസൂർധന്യാ ധനദാ ധാതൃവല്ലഭാ .
ധനുർധരാ ധനുർവല്ലീ ധാനുഷ്കവരദായിനീ .. 99..

ധൂമാലീ ധൂമ്രവദനാധൂമശ്രീർധൂമ്രലോചനാ .
നലിനീ നർതകീ നാന്താ നംഗാ നലിനലോചനാ .. 100..

നിർമലാ നിഗമാചാരാ നിമ്നഗാനഗജാ നിമിഃ .
നീലഗ്രീവാ നിരീഹാച നീപോപവനവാസിനീ .. 101..

നിരഞ്ജനാ നിജാജന്യാ നിദ്രാലുർനീരവാസിനീ .
നടിനീ നാട്യനിരതാ നവനീതപ്രിയാഽനിലാ .. 102..

നാരായണീ നിരാകാരാ നിർലേപാ നിത്യവല്ലഭാ .
പദ്മാവതീ പദ്ധകരാ പുത്രദാ പുത്രവത്സലാ .. 103..

പരോത്തരാ പുരീ പാഠാ പീനശ്രോത്രാപുലോമജാ .
പുഷ്പിണീ പുസ്തകകരാ പടുഃ പാഠീനവാഹനാ .. 104..

പാപഘ്നീ ശമ്പിനീ (പുഷ്പിണീ) പാലീ പല്ലീ പരമസുന്ദരീ .
പിശാചീച പിശാചഘ്നീ പാനപാത്രധരാപുടാ .. 105..

പൂർണിമാ പഞ്ചമീ പൗത്രീ പുരൂരവവരപ്രദാ .
പഞ്ചയജ്ഞാ പശ്ചശരീ പഞ്ചാശതിമനുപ്രിയാ .. 106..

പാഞ്ചാലീ പഞ്ചമുദ്രാച പൂജാ പൂർണമനോരഥാ .
ഫലിനീ ഫലദാത്രീച ഫൽഗുഹസ്താ ഫണിപ്രിയാ .. 107..

ഫിരംഗഹാ സ്ഫീതമതിഃ സ്ഫീതിഃ സ്ഫീതിമതീ സ്ഫുരാ .
ബലമായാ ബലസ്തുത്യാ ബില്വസേനാ ബലാഽബലാ .. 108..

ബഗലേശ്വരപൂജ്യാ ച ബലിനീ ബലവർധിനീ .
ബുദ്ധമാതാ ബൗദ്ധമതിർബദ്ധാ ബന്ധനമോചിനീ .. 109..

ഭഗിനീ ഭഗമാലാച ഭഗലിംഗാമൃതദ്രവാ .
ഭീമേശ്വരീച ഭേരുണ്ഡാ ഭഗേശീ ഭഗസർപിണീ .. 110..

ഭഗലിംഗസ്ഥിതാഭഗ്യാ ഭാഗ്യദാഭഗമാലിനീ .
മത്താ മനോഹരാ മീനാ മൈനാകജനനീ മുരീ .. 111..

മുരലീ മാനവീ ഹോത്രീ മഹസ്വിജനമോദിതാ .
മത്തമാതംഗഗാമാദ്രീ മരാലഗതിരഞ്ചലാ .. 112..

യക്ഷേശ്വരേശ്വരീ യജ്ഞാ യജുർവേദപ്രിയാശ്രിതാ .
യശോവതീ യതിസ്ഥാ ച യതാത്മാ യതിവല്ലഭാ .. 113..

യവനീ യൗവനസ്ഥാച യവാ യക്ഷജനാശ്രയാ .
യജ്ഞസൂത്രപ്രദാ ജ്യേഷ്ഠാ യജ്ഞഭൂര്യൂപമൂലിനീ .. 114..

രഞ്ജിതാരാജ്പത്നീ ച രാജസൂയഫലപ്രദാ .
രജോവതീ രജശ്ചിത്രാരാജ്യദാ രാജ്യവർധിനീ .. 115..

രാജ്ഞീ രാത്രിഞ്ചരേശാനീ രോഗഘ്നീ ത്രിപുരേശ്വരീ .
ലുലിതാ ലതികാ ലാപ്യാ ലോപാലലനലാലസാ .. 116..

ലാടീരദ്രുമവാസാച ലാടീരദ്രുമവർതിനീ .
ലങ്കാലലജ്ജടാജൂടാ ലംഘിതാ ലോകസുന്ദരീ .. 117..

ലോകേശവരദാലേയാ ലയകർത്രീ മഹാലയാ .
വേദിർവിലഗ്നാവാരീ ച വീണാ വേണുർവനേശ്വരീ .. 118..

വന്ദമാനാ വവർണാഢ്യാ വാരാഹീ വീരമാതൃകാ .
ശംഖിനീ ശംഖവലയാ ശംഖായുധധരാശമാ .. 119..

ശശിമണ്ഡലമധ്യസ്ഥാ ശീതലാംബുനിവാസിനീ .
ശ്മശാനസ്ഥാ മഹാഘോരാ ശ്മശാനനിലയേശ്വരീ .. 120..

സിന്ധുഃ സൂത്രധരാ സത്രാ സമസ്തകുലചാരിണീ .
സപ്തമീ സാത്ത്വികീ സത്ത്വാ സത്രസ്ഥാഽസുരസൂദിനീ .. 121..

സുരേശ്വരീസമ്പദാഢ്യാ സമസ്താചലചാരിണീ .
സമദാ സമ്മിതിഃ സമ്മാ സവനാ സവനേശ്വരീ .. 122..

ഹംസീ ഹരപ്രിയാ ഹാസ്യാ ഹരിനേത്രാ ഹരാംബികാ .
ഹേഷാ ഹടേശ്വരീ ഹേരാ ഹലിനീ ഹലദായിനീ .. 123..

ഹേഹാ ഹാഹാരവാ ഹാലാ ഹാലാഹലഹതാശയാ .
ക്ഷമാ ക്ഷേമപ്രദാ ക്ഷാമാ ക്ഷൗമാംബരധരാ ക്ഷയാ .. 124..

ക്ഷിതിഃ ക്ഷീരപ്രിയാ ലക്ഷ്മീഃ ക്ഷിതിഭൃത്തനയാ ക്ഷുധാ .
ക്ഷത്രിയീ ബ്രാഹ്മണീ ക്ഷേത്രാ ക്ഷപാ ക്ഷഃ ബീജമണ്ഡിതാ .. 125..

ളങ്ക്ഷഃ ബീജസ്വരൂപാച ക്ഷകാരാക്ഷരമാതൃകാ .
ദുർഗന്ധനാശിനീ ദൂർവാ ദുർഗമാ ദുർഗവാസിനീ .. 126..

ദുർഗാ ദുർഗാർതിശമനീ ഓം ഹ്രീം ദുംബീജമണ്ഡിതാ .

ഇതി നാമസഹസ്രം തു മന്ത്രഗർഭ മഹാഫലം .. 127..

ദുർഗായാ ദുർഗതിഹരം സർവദേവനമസ്കൃതം .
സർവമന്ത്രമയം ദിവ്യം ദേവദാനവപൂജിതം .. 128..

ശ്രേയസ്കരം മഹാപുണ്യം മഹാപാതകനാശനം .
യഃ പഠേത് പാഠയേദ്വാപി ശൃണോതി ശ്രാവയേദപി .. 129..

സമഹാപാതകൈർമുക്തോ ദേവദാനവസേവിതഃ .
ഇഹ ലോകേ ശ്രിയം ഭുക്ത്വാ പരത്ര ത്രിദിവം വ്രജേത് .. 130..

ദുർഗാനാമസഹസ്രം തു മൂലമന്ത്രൈകസാധനം .
അർധരാത്രേ പഠേദ്വീരോ മധുരസ്മയസേവിതഃ .. 131..

ത്രിവാരം വർമപൂർവം തു ഭവേദ്വാഗീശസന്നിഭഃ .
യഃ പഠേദ് ദേവി മധ്യാഹ്നേ സ്രീയുതോ മുക്തകുന്തലഃ .. 132..

തസ്യ വൈരികുലം ത്രസ്യേദ് ദർശനാദ് ദൈത്യസൂദിനി .
ദഹനാദിവ ദേവേശി പതംഗകുലമദ്രിജേ .. 133..

യഃ പഠേദ്വേതസീമൂലേ സായം പൂജിതഭൈരവഃ .
തസ്യാസ്യകുഹരാദ് വാണീ നിഃസരേദ്ഗദ്യപദ്യഭാക് .. 134..

യഃ പഠേത് സതതം ദേവി ശയനേ സ്ത്രീരതാകുലഃ .
സ ഭവേദ്വൈരിവിധ്വംസീ ധനേന ധനദോപമഃ .. 135..

വാഗ്ഭിർവാഗീശസദൃശഃ കവിത്വേന സിതോപമഃ .
തേജസാ സൂര്യസങ്കാശോയശസാ ശശിസന്നിഭഃ .. 136..

ബലേന വായുതുല്യോഽപിലക്ഷ്മ്യാ ഗീർവാണനായകഃ .
ദേവി കിം ബഹുനോക്തേന സ ഭവേദ്ഭൈരവോപമഃ .. 137..

സ്തംഭനാകർഷണോച്ചാട-വശീകരണകക്ഷമഃ .
രവൗ ഭൂർജേ ലിഖേദ് ദേവി നിശീഥേ വാഷ്ടഗന്ധകൈഃ .. 138..

സസ്തന്യരേതോരാജസ്കൈഃ സാധകോ മന്ത്രസാധകഃ .
ലിഖിത്വാ വേഷ്ടയേന്നാമസഹസ്രമണിമീശ്വരി .. 139..

ശ്വേതസൂത്രേണ സംവേഷ്ടയ ലാക്ഷയാ പരിവേഷ്ടയേത് .
സുവർണരജതാദ്യൈശ്ച വേഷ്ടയേത് പീതസൂത്രകൈഃ .. 140..

സമ്പൂജ്യ ഗുടികാം ദേവി ശുഭേഽഹ്നിസാധകോത്തമഃ .
ധാരയേന്മൂർധ്നി വാ ബാഹൗ ഗുടികാം കാമദായിനീം .. 141..

രണേ രിപൂൻ വിജിത്യാശു കല്യാണീഗൃഹമാവിശേത് .
വന്ധ്യാ വാമഭുജേ ധൃത്വാ കൃത്വാ സാധകപൂജനം .. 142..

പുത്രാൻ ലഭേന്മഹാദേവി സാക്ഷാദ്വൈശ്രവണോപമാൻ .
ഗുടികൈഷാ മഹാദിവ്യാ ഗോപ്യാ കാമഫലപ്രദാ .. 143..

സാധകൈഃ സതതം പൂജ്യാ സാക്ഷാദ്ദുർഗാസ്വരൂപിണീ .
യോഽർചയേത് സാധകോ ദുർഗാം ഗുടികാം ധാരയേത് പ്രിയേ .. 144..

പഠേദ്വർമ ശിവേ മന്ത്രനാമസാഹസ്രികീം പരാം .
അംഗസ്തോത്രം ഫലം തസ്യ ദേവി വക്ഷ്യേഽധുനാ ശൃണു .. 145..

വനേ രാജകുലേ വാപി ദുർഭിക്ഷേശത്രുസങ്കടേ .
അരണ്യേ പ്രാന്തരേ ദുർഗേ ശ്മശാനേ സിന്ധുസങ്കടേ .. 146..

വാത്യേ യക്ഷപിശാചാദിഭൂതപ്രേതഭയേ തഥാ .
വീരോ വിഗതഭീർദേവി സർവത്ര വിജയീ ഭവേത് .. 147..

സ്തംഭയേദ്വാതസൂര്യാംബുചന്ദ്രാദീൻ സാധകോത്തമഃ .
മോഹയേത് ത്രിജഗത് സദ്യഃ കാന്താശ്ചാകർഷയേദ് ധ്രുവം .. 148..

മാരയേദഖിലാഞ്ഛത്രൂ നുച്ചാടയതി വൈരിണഃ .
വശയേദ് ദേവതാഃ സദ്യഃ കിം പുനർമാനവാംശ്ഛിവേ .. 149..

ശമയേദഖിലാൻ രോഗാൻ മഹോത്പാതാനുപദ്രവാൻ .
കിം കിം ന ലഭതേ വീരോ ദുർഗാഞ്ചാംഗപൂജനാത് .. 150..

ഇദം രഹസ്യം ദുർഗായാ അഷ്ടാക്ഷര്യാ മഹേശ്വരി .
സർവസ്വംസാരതത്ത്വഞ്ച മൂലവിദ്യാമയം പരം .. 151..

മഹാചീനക്രമസ്ഥാനാം സാധകാനാം യശസ്കരം .
പഠേത് സമ്പൂജയേദ്ദേവ്യാ മന്ത്രനാമസഹസ്രകം .. 152..

ഇദം സാരം ഹി തന്ത്രാണാം തത്ത്വാനാം തത്ത്വമുത്തമം .
ദുർഗാനാമസഹസ്രം തു തവ ഭക്ത്യാ പ്രകാശിതം .. 153..

അഭക്തായ ന ദാതവ്യം ഗോപ്തവ്യം പശുസങ്കടേ .
അഭക്തേഭ്യോഽപി പുത്രേഭ്യോ ദത്ത്വാ നരകമാപ്നുയാത് .. 154..

ദീക്ഷിതായ കുലീനായ ഗുരുഭക്തിരതായ ച .
ശാന്തായ ഭക്തിയുക്തായ ദേയം നാമസഹസ്രകം .. 155..

വിന ദാനം ന ഗൃഹ്ണീയാന്ന ദദ്യാദ് ദക്ഷിണാം വിനാ .
ദത്ത്വാ ഗൃഹീത്വാപ്യുഭയോഃ സിദ്ധിഹാനിർഭവേദ് ധ്രുവം .. 156..

ഇദം നാമസഹസ്രം തേ ഗുപ്തം ഗോപ്യതമം ശിവേ .
തത്ത്വം ഭക്ത്യാ മയാഖ്യാതം ഗോപനീയം സ്വയോനിവത് .. 157..

ഇതി ശ്രീരുദ്രയാമലാന്തർഗതം ശ്രീദുർഗാസഹസ്രനാമസ്തോത്രം സമ്പൂർണം .