SRI JWALAMUKHI SAHASRANAMA STHOTHRAM

 

 ശ്രീജ്വാലാമുഖീസഹസ്രനാമസ്തോത്രം 


ശ്രീഭൈരവ്യുവാച .
ഭഗവൻ സർവധർമജ്ഞ ദേവാനാമഭയങ്കര .
പുരാ മേ യത് ത്വയാ പ്രോക്തം വരം കൈലാസസാനുതഃ .. 1..

കൃപയാ പരയാ നാഥ തം മേ ദാതും ക്ഷമോ ഭവ .

ശ്രീഭൈരവ ഉവാച .
സത്യമേതത് ത്വയാ പ്രോക്തം വരം വരയ പാർവതി .. 2..

തം പ്രയച്ഛാമി സംസിദ്ധ്യൈ മനസാ യദഭീപ്സിതം .

ശ്രീഭൈരവ്യുവാച .
ജ്വാലാമുഖ്യാസ്ത്വയാ ദേവ സഹസ്രാണി ച തത്ത്വതഃ .. 3..

പ്രോക്താനി ബ്രൂഹി മേ ഭക്ത്യാ യദി മേ ത്വത്കൃപാ ഭവേത് .

ശ്രീഭൈരവ ഉവാച .
പ്രവക്ഷ്യാമി മഹാദേവി ജ്വാലാനാമാനി തത്ത്വതഃ .. 4..

സഹസ്രാണി കലൗ നൄണാം വരദാനി യഥേപ്സിതം .
അഭക്തായ ന ദാതവ്യം ദുഷ്ടായാസാധകായ ച  .. 5..

യാ സാ ജ്വാലാമുഖീ ദേവീ ത്രൈലോക്യജനനീ സ്മൃതാ .
തസ്യാ നാമാനി വക്ഷ്യാമി ദുർലഭാനി ജഗത്ത്രയേ .. 6..

വിനാ നിത്യബലിം സ്തോത്രം ന രക്ഷ്യം സാധകോത്തമൈഃ .
ദുർഭിക്ഷേ ശത്രുഭീതൗ ച മാരണേ സ്തംഭനേ പഠേത് .. 7..

സഹസ്രാഖ്യം സ്തവം ദേവ്യാഃ സദ്യഃ സിദ്ധിർഭവിഷ്യതി .
വിനാ ഗന്ധാക്ഷതൈഃ പുഷ്പൈർധൂപൈർദീപൈർവിനാ ബലിം .. 8..

ന രക്ഷ്യം സാധകേനൈവ ദേവീനാമസഹസ്രകം .
ദത്ത്വാ ബലിം പഠേദ്ദേവ്യാ മന്ത്രീ നാമസഹസ്രകം .
ദേവി സത്യം മയാ പ്രോക്തം സിദ്ധിഹാനിസ്തതോഽന്യഥാ .. 9..

അസ്യ ശ്രീജ്വാലാമുഖീസഹസ്രനാമസ്തവസ്യ ഭൈരവ ഋഷിഃ,
അനുഷ്ടുപ് ഛന്ദഃ, ശ്രീജ്വാലാമുഖീ ദേവതാ, ഹ്രീം ബീജം, ശ്രീം ശക്തിഃ,
ഓം കീലകം പാഠേ വിനിയോഗഃ .

.. അംഗന്യാസഃ ..

ഭൈരവഋഷയേ നമഃ ശിരസി . അനുഷ്ടുപ്ഛന്ദസേ നമോ മുഖേ .
ശ്രീജ്വാലാമുഖീദേവതായൈ നമോ ഹൃദി .
ഹ്രീം ബീജായ നമോ നാഭൗ . ശ്രീം ശക്തയേ  നമോ ഗുഹ്യേ .
ഓം കീലകായ നമഃ പാദയോഃ . വിനിയോഗായ നമഃ സർവാംഗേഷു .
ഓം ഹ്യാമിതി ഷഡ് ദീർഘയുക്തമായയാ കരഷഡംഗാനി വിധായ ധ്യായേത് ..

.. ധ്യാനം ..

ഉദ്യച്ചന്ദ്രമരീചിസന്നിഭമുഖീമേകാദശാരാബ്ജഗാം
പാശാംഭോജവരാഭയാൻ കരതലൈഃ സംബിഭ്രതീം സാദരാത് .
അഗ്നീന്ദ്വർകവിലോചനാം ശശികലാചൂഡാം ത്രിവർഗോജ്ജ്വലാം
പ്രേതസ്ഥാം ജ്വലദഗ്നിമണ്ഡലശിഖാം ജ്വാലാമുഖീം നൗമ്യഹം ..

ഓം ഹ്രീം ജ്വാലാമുഖീ ജൈത്രീ ശ്രീഞ്ജ്യോത്സ്നാ ജയദാ ജയാ .
ഔദുംബരാ മഹാനീലാ ശുക്രലുപ്താ ശചീ ശ്രുതിഃ .. 1..

സ്മയദാ സ്മയഹർത്രീ ച സ്മരശത്രുപ്രിയങ്കരീ .
മാനദാ മോഹിനീ മത്താ മായാ ബാലാ ബലന്ധരാ .. 2..

ഭഗരൂപാ ഭഗാവാസാ ഭീരുണ്ഡാ ഭയഘാതിനീ .
ഭീതിർഭയാനകാസ്യാ ച ഭ്രൂഃ സുഭ്രൂഃ സുഖിനീ സതീ .. 3..

ശൂലിനീ ശൂലഹസ്താ ച ശൂലിവാമാംഗവാസിനീ .
ശശാങ്കജനനീ ശീതാ ശീതലാ ശാരികാ ശിവാ .. 4..

സ്രുചികാ മധുമന്മാന്യാ ത്രിവർഗഫലദായിനീ .
ത്രേതാ ത്രിലോചനാ ദുർഗാ ദുർഗമാ ദുർഗതിർഗതിഃ .. 5..

പൂതാ പ്ലുതിർവിമർശാ ച സൃഷ്ടികർത്രീ സുഖാവഹാ .
സുഖദാ സർവമധ്യസ്ഥാ ലോകമാതാ മഹേശ്വരീ .. 6..

ലോകേഷ്ടാ വരദാ സ്തുത്യാ സ്തുതിർദ്രുതഗതിർനുതിഃ .
നയദാ നയനേത്രാ ച നവഗ്രഹനിഷേവിതാ .. 7..

അംബാ വരൂഥിനീ വീരജനനീ വീരസുന്ദരീ .
വീരസൂർവാരുണീ വാർതാ വരാഽഭയകരാ വധൂഃ .. 8..

വാനീരതലഗാ വാമ്യാ വാമാചാരഫലപ്രദാ .
വീരാ ശൗര്യകരീ ശാന്താ ശാർദൂലത്വക് ച ശർവരീ .. 9..

ശലഭീ ശാസ്ത്രമര്യാദാ ശിവദാ ശംബരാന്തകാ .
ശംബരാരിപ്രിയാ ശംഭുകാന്താ ശശിനിഭാനനാ .. 10..

ശസ്ത്രായുധധരാ ശാന്തിർജ്യോതിർദീപ്തിർജഗത്പ്രിയാ .
ജഗതീ ജിത്വരാ ജാരീ മാർജാരീ പശുപാലിനീ (100) .. 11..

മേരുമധ്യഗതാ മൈത്രീ മുസലായുധധാരിണീ .
മാന്യാ മന്ത്രേഷ്ടദാ മാധ്വീ മാധ്വീരസവിഘൂർണിതാ .. 12..

മോദകാഹാരമത്താ ച മത്തമാതംഗഗാമിനീ .
 മഹേശ്വരപ്രിയോന്മത്താ ദാർവീ ദൈത്യവിമർദിനീ .. 13.. 
ദേവേഷ്ടാ സാധകേഷ്ടാ ച സാധ്വീ സർവത്രഗാഽസമാ .
സന്താനകതരുശ്ഛായാസന്തുഷ്ടാഽധ്വശ്രമാപഹാ .. 14..

ശാരദാ ശരദബ്ജാക്ഷീ വരദാഽബ്ജനിഭാനനാ . 
നമ്രാംഗീ കർകശാംഗീ ച വജ്രാംഗീ വജ്രധാരിണീ .. 15..

വജ്രേഷ്ടാ വജ്രകങ്കാലാ വാനരീം വായുവേഗിനീ .
വരാകീ കുലകാ കാമ്യാ കുലേഷ്ടാ കുലകാമിനീ .. 16..

കുന്താ കാമേശ്വരീ ക്രൂരാ കുല്യാ കാമാന്തകാരിണീ .
കുന്തീ കുന്തധരാ കുബ്ജാ കഷ്ടഹാ വഗലാമുഖീ .. 17..

മൃഡാനീ മധുരാ മൂകാ പ്രമത്താ ബൈന്ദവേശ്വരീ .
കുമാരീ കുലജാഽകാമാ കൂവരീ നഡകൂബരീ .. 18.. 

നഗേശ്വരീ നഗാവാസാ നഗപുത്രീ നഗാരിഹാ .
നാഗകന്യാ കുഹൂഃ കുണ്ഠീ കരുണാ കൃപയാന്വിതാ .. 19..

കകാരവർണരൂപാഢ്യാ ഹ്രീർലഞ്ജാ ശ്രീഃ ശുഭാശുഭാ .
ഖേചരീ ഖഗപത്രീ ച ഖഗനേത്രാ ഖഗേശ്വരീ .. 20..

ഖാതാ ഖനിത്രീ ഖസ്ഥാ ച ജപ്യാ ജാപ്യാഽജരാ ധുതിഃ .
ജഗതീ ജന്മദാ ജംഭീ ജംബുവൃക്ഷതലസ്ഥിതാ .. 21..

ജാംബൂനദപ്രിയാ സത്യാ സാത്ത്വികീ സത്ത്വവർജിതാം .
സർവമാതാ സമാലോകാ ലോകാ ഖ്യാതിർലയാത്മികാ .. 22.. 

ലൂതാ ലതാ രതിർലജ്ജാ വാജിഗാ (200) വാരുണീ വശാ . 
കുടിലാ കുത്സിതാ ബ്രാഹ്മീ ബ്രഹ്മണി . ബ്രഹ്മദായിനീ .. 23..

വ്രതേഷ്ടാ വാജിനീ വസ്തിർവാമനേത്രാ വശങ്കരീ .
ശങ്കരീ ശങ്കരേഷ്ടാ ച ശശാങ്കകൃതശേഖരാ .. 24..

കുംഭേശ്വരീ കുരുഘ്നീ ച പാണ്ഡവേഷ്ടാ പരാത്പരാ .
മഹിഷാസുരസംഹർത്രീ മാനനീയാ മനുപ്രിയാ .. 25..

ദഷിണാ ദക്ഷജാ ദക്ഷാ ദ്രാക്ഷാ ദൂതീ ദ്യുതിർധരാ .
ധർമദാ ധർമരാജേഷ്ടാ ധർമസ്ഥാ ധർമപാലിനീ .. 26..

ധനദാ ധനികാ ധർമ്യാ പതാകാ പാർവതീ പ്രജാ .
പ്രജാവതീ പുരീ പ്രജ്ഞാ പൂഃ പുത്രീ പത്രിവാഹിനീ .. 27..

പത്രിഹസ്താ ച മാതംഗീ പത്രികാ ച പതിവ്രതാ .
പുഷ്ടിഃ പ്ലക്ഷാ ശ്മശാനസ്ഥാ ദേവീ ധനദസേവിതാ .. 28..

ദയാവതീ ദയാ ദൂരാ ദൂതാ നികടവാസിനീ .
നർമദാഽനർമദാ നന്ദാ നാകിനീ നാകസേവിതാ .. 29..

നാസാ സങ്ക്രാന്തിരീഡ്യാ ച ഭൈരവീ ഛിന്നമസ്തകാ .
ശ്യാമാ ശ്യാമാംബരാ പീതാ പീതവസ്ത്രാ കലാവതീ .. 30..

കൗതുകീ കൗതുകാചാരാ കുലധർമപ്രകാശിനീ .
ശാംഭവീ ഗാരുഡീ വിദ്യാ ഗരുഡാസനസംസ്ഥിതാ .. 31.. 

വിനതാ വൈനതേയേഷ്ടാ വൈഷ്ണവീ വിഷ്ണുപൂജിതാ .
വാർതാദാ വാലുകാ വേത്രീ വേത്രഹസ്താ വരാംഗനാ .. 32..

വിവേകലോചനാ വിജ്ഞാ വിശാലാ വിമലാ ഹ്യജാ .
വിവേകാ പ്രചുരാ ലുപ്താ നൗർനാരായണപൂജിതാ .. 33..

നാരായണീ (300) ച സുമുഖീ ദുർജയാ ദുഃഖഹാരിണീ .
ദൗർഭാഗ്യഹാ ദുരാചാരാ ദുഷ്ടഹന്ത്രീ ച ദ്വേഷിണീ .. 34..

വാങ്മയീ ഭാരതീ ഭാഷാ മഷീ ലേഖകപൂജിതാ .
ലേഖപത്രീ ച ലോലാക്ഷീ  ലാസ്യാ ഹാസ്യാ പ്രിയങ്കരീ .. 35..

പ്രേമദാ പ്രണയജ്ഞാ ച പ്രമാണാ പ്രത്യയാങ്കിതാ .
വാരാഹീ കുബ്ജികാ കാരാ കാരാബന്ധനമോക്ഷദാ .. 36..

ഉഗ്രാ ചോഗ്രതരോഗ്രേഷ്ടാ നൃമാന്യാ നരസിംഹികാ .
നരനാരായണസ്തുത്യാ നരവാഹനപൂജിതാ .. 37..

നൃമുണ്ഡാ നൂപുരാഢ്യാ ച നൃമാതാ ത്രിപുരേശ്വരീ .
ദിവ്യായുധോഗ്രതാരാ ച ത്ര്യക്ഷാ ത്രിപുരമാലിനീ .. 38..

ത്രിനേത്രാ കോടരാക്ഷീ ച ഷട്ചക്രസ്ഥാ ക്രീമീശ്വരീ .
ക്രിമിഹാ ക്രിമിയോനിശ്ച കലാ ചന്ദ്രകലാ ചമൂഃ .. 39..

ചമാംബഗ ച ചാർവംഗീ ചഞ്ചലാക്ഷീ ച ഭദ്രദാ .
ഭദ്രകാലീ സുഭദ്രാ ച ഭദ്രാംഗീ പ്രേതവാഹിനീ .. 40..

സുഷമാ സ്ത്രീപ്രിയാ കാന്താ കാമിനീ കുടിലാലകാ .
കുശബ്ദാ കുഗതിർമേധാ മധ്യമാങ്കാ ച കാശ്യപീ .. 41..

ദക്ഷിണാകാലികാ കാലീ കാലഭൈരവപൂജിതാ .
ക്ലീങ്കാരീ കുമതിർവാണീ ബാണാസുരനിസൂദിനീ .. 42..

നിർമമാ നിർമമേഷ്ടാ ച നിരയോനിർനിരാശ്രയാ . 
നിർവികാരാ നിരീഹാ ച നിലയാ നൃപപുത്രിണീ .. 43..

നൃപസേവ്യാ വിരിഞ്ചീഷ്ടാ വിശിഷ്ടാ വിശ്വമാതൃകാ .
മാതൃകാഽർണവിലിപ്താംഗീ മധുസ്ത്രാതാ മധുദ്രവാ .. 44..

ശുക്രേഷ്ടാ ശുക്രസന്തുഷ്ടാ ശുക്രസ്നാതാ കൃശോദരീ .
വൃഷാ വൃഷ്ടിരനാവൃഷ്ടിർലഭ്യാ ലോഭവിവർജിതാ .. 45..

അബ്ധിശ്ച (400) ലലനാ ലക്ഷ്യാ ലക്ഷ്മീ രാമാ രമാ രതിഃ .
രേവാ രംഭോർവശീ വശ്യാ വാസുകിപ്രിയകാരിണീ .. 46..

ശേഷാ ശേഷരതാ ശ്രേഷ്ഠാ ശേഷശായിനമസ്കൃതാ .
ശയ്യാ ശർവപ്രിയാ ശസ്താ പ്രശസ്താ ശംഭുസേവിതാ .. 47..

ആശുശുക്ഷണിനേത്രാ ച ക്ഷണദാ ക്ഷണസേവിതാ .
ക്ഷുരികാ കർണികാ സത്യാ സചരാചരരൂപിണീ .. 48..

ചരിത്രീ ച ധരിത്രീ ച ദിതിർദൈത്യേന്ദ്രപൂജിതാ .
ഗുണിനീ ഗുണരൂപാ ച ത്രിഗുണാ നിർഗുണാ ഘൃണാ .. 49..

ഘോഷാ ഗജാനനേഷ്ടാ ച ഗജാകാരാ ഗുണിപ്രിയാ .
ഗീതാ ഗീതപ്രിയാ തഥ്യാ പഥ്യാ ത്രിപുരസുന്ദരീ .. 50..

പീനസ്തനീ ച രമണീ രമണീഷ്ടാ ച മൈഥുനീ .
പദ്മാ പദ്മധരാ വത്സാ ധേനുർമേരുധരാ മഘാ .. 51..

മാലതീ മധുരാലാപാ മാതൃജാ മാലിനീ തഥാ .
വൈശ്വാനരപ്രിയാ വൈദ്യാ ചികിത്സാ വൈദ്യപൂജിതാ .. 52..

വേദികാ വാരപുത്രീ ച വയസ്യാ വാഗ്ഭവീ പ്രസൂഃ .
ക്രീതാ പദ്മാസനാ സിദ്ധാ സിദ്ധലക്ഷ്മീഃ സരസ്വതീ .. 53..

സത്ത്വശ്രേഷ്ഠാ സത്ത്വസംസ്ഥാ സാമാന്യാ സാമവായികാ .
സാധകേഷ്ടാ ച സത്പത്നീ സത്പുത്രീ സത്കുലാശ്രയാ .. 54..

സമദാ പ്രമദാ ശ്രാന്താ പരലോകഗതിഃ ശിവാ .
ഘോരരൂപാ ഘോരരാവാ മുക്തകേശീ ച മുക്തിദാ .. 55..

മോക്ഷദാ ബലദാ പുഷ്ടിർമുക്തിർബലിപ്രിയാഽഭയാ .
തിലപ്രസൂനനാസാ ച പ്രസൂനാ കുലശീർഷിണീ .. 56..

പരദ്രോഹകരീ (500) പാന്ഥാ പാരാവാരസുതാ ഭഗാ .
ഭർഗപ്രിയാ ഭർഗശിഖാ ഹേലാ ഹൈമവതീശ്വരീ .. 57..

ഹേരുകേഷ്ടാ വടുസ്ഥാ ച വടുമാതാ വടേശ്വരീ .
നടിനീ ത്രോടിനീ ത്രാതാ സ്വസാ സാരവതീ സഭാ .. 58..

സൗഭാഗ്യാ ഭാഗ്യദാ ഭാഗ്യാ ഭോഗദാ ഭൂഃ പ്രഭാവതീ .
ചന്ദ്രികാ കാലഹത്രീം ച ജ്യോത്സ്നോൽകാഽശനിരാഹ്നികാ .. 59..

ഐഹികീ ചൗഷ്മികീ ചോഷ്മാ ഗ്രീഷ്മാംശുദ്യുതിരൂപിണീ .
ഗ്രീവാ ഗ്രീഷ്മാനനാ ഗവ്യാ കൈലാസാചലവാസിനീ .. 60..

മല്ലീ മാർതണ്ഡരൂപാ ച മാനഹർത്രീ മനോരമാ .
മാനിനീ മാനകർത്രീ ച മാനസീ താപസീ ത്രുടിഃ .. 61..
പയഃസ്ഥാ തു പരബ്രഹ്മസ്തുതാ സ്തോത്രപ്രിയാ തനുഃ .
തന്വീ തനുതരാ സൂക്ഷ്മാ സ്ഥൂലാ ശൂരപ്രിയാഽധമാ .. 62..

ഉത്തമാ മണിഭൂഷാഢ്യാ മണിമണ്ഡപസംസ്ഥിതാ .
മാഷാ തീക്ഷ്ണാ ത്രപാ ചിന്താ മണ്ഡികാ ചർചികാ ചലാ .. 63..

ചണ്ഡീ ചുല്ലീ ചമത്കാരകർത്രീ ഹർത്രീ ഹരീശ്വരീ .
ഹരിസേവ്യാ കപിശ്രേഷ്ഠാ ചർചിതാ ചാരുരൂപിണീ .. 64..

ചണ്ഡീശ്വരീ ചണ്ഡരൂപാ മുണ്ഡഹസ്താ മനോഗതിഃ .
പോതാ പൂതാ പവിത്രാ ച മജ്ജാ മേധ്യാ സുഗന്ധിനീ .. 65..

സുഗന്ധാ പുഷ്പിണീ പുഷ്പാ പ്രേരിതാ പവനേശ്വരീ .
പ്രീതാ ക്രോധാകുലാ ന്യസ്താ ന്യക്കാരാ സുരവാഹിനീ .. 66..

സ്രോതസ്വതീ മധുമതീ ദേവമാതാ സുധാംബരാ (600) .
മത്സ്യാ മത്സ്യേന്ദ്രപീഠസ്ഥാ വീരപാനാ മദാതുരാ .. 67..  

പൃഥിവീ തൈജസീ തൃപ്തിർമൂലാധാരാ പ്രഭാ പൃഥുഃ .
നാഗപാശധരാഽനന്താ  പാശഹസ്താ പ്രബോധിനീ .. 68.. 

പ്രസാദനാ കലിംഗാഖ്യാ മദനാശാ മധുദ്രവാ .
മധുവീരാ മദാന്ധാ ച പാവനീ വേദനാ സ്മൃതിഃ .. 69..

ബോധികാ ബോധിനീ പൂഷാ കാശീ വാരാണസീ ഗയാ .
കൗശീ ചോജ്ജയിനീ ധാരാ കാശ്മീരീ കുങ്കുമാകുലാ .. 70..

ഭൂമിഃ സിന്ധുഃ പ്രഭാസാ ച ഗംഗാ ഗോരീ ശുഭാശ്രയാ .
നാനാവിദ്യാമയീ വേത്രവതീ ഗോദാവരീ ഗദാ .. 71..

ഗദഹർത്രീ ഗജാരൂഢാ ഇന്ദ്രാണീ കുലകൗലിനീ .
കുലാചാരാ കുരൂപാ ച സുരൂപാ രൂപവർജിതാ .. 72..

ചന്ദ്രഭാഗാ ച യമുനാ യാമീ യമക്ഷയങ്കരീ .
കാംഭോജീ സരയൂശ്ചിത്രാ വിതസ്തൈരാവതീ ഝഷാ .. 73..

ചഷികാ പഥികാ തന്ത്രീ വീണാ വേണുഃ പ്രിയംവദാ .
കുണ്ഡലിനീ നിർവികല്പാ ഗായത്രീ നരകാന്തകാ .. 74..

കൃഷ്ണാ സരസ്വതീ താപീ പയോർണാ ശതരുദ്രികാ .
കാവേരീ ശതപത്രാഭാ ശതബാഹുഃ ശതഹ്രദാ .. 75..

രേവതീ രോഹിണീ ക്ഷിപ്രാ ക്ഷീരപാ ക്ഷോണീ ക്ഷമാ ക്ഷയാ .  
ക്ഷാന്തിർഭ്രാന്തിർഗുരുർഗുവീ ഗരിഷ്ഠാ ഗോകുലാ നദീ .. 76..

നാദിനീ കൃഷിണീ കൃഷ്യാ സത്കുടീ ഭൂമികാ (700) ഭ്രമാ .
വിഭ്രാജമാനാ തീർഥ്യാ ച തീർഥാ തീർഥഫലപ്രദാ .. 77..

തരുണീ താമസീ പാശാ വിപാശാ പ്രാശധാരിണീ .
പശൂപഹാരസന്തുഷ്ടാ കുക്കുടീ ഹംസവാഹനാ .. 78..

മധുരാ വിപുലാഽകാങ്ക്ഷാ വേദകാണ്ഡീ വിചിത്രിണീ .
സ്വപ്നാവതീ സരിത് സീതാധാരിണീ മത്സരീ ച മുത് .. 79..

ശതദ്രൂർഭാരതീ കദ്രൂരനന്താഽനന്തശാഖിനീ . 
വേദനാ വാസവീ വേശ്യാ പൂതനാ പുഷ്പഹാസിനീ .. 80..

ത്രിശക്തിഃ ശക്തിരൂപാ ചാക്ഷരമാതാ ക്ഷുരീ ക്ഷുധാ .
മന്ദാ മന്ദാകിനീ മുദ്രാ ഭൂതാ ഭൂതപതിപ്രിയാ .. 81..

ഭൂതേഷ്ടാ പഞ്ചഭൂതഘ്നീ സ്വക്ഷാ കോമലഹാസിനീ .
വാസിനീ കുഹികാ ലംഭാ ലംബകേശീ സുകേശിനീ .. 82..

ഊർധ്വകേശീ വിശാലാക്ഷീ ഘോരാ പുണ്യപതിപ്രിയാ .
പാംസുലാ പാത്രഹസ്താ ച ഖർപരീ ഖർപരായുധാ .. 83..

കേകരീ കാകിനീ കുംഭീ സുഫലാ കേകരാകൃതിഃ .
വിഫലാ വിജയാ ശ്രീദാ ശ്രീദസേവ്യാ ശുഭങ്കരീ .. 84..

ശൈത്യാ ശീതാലയാ ശീധുപാത്രഹസ്താ കൃപാവതീ .
കാരുണ്യാ വിശ്വസാരാ ച കരുണാ കൃപണാ കൃപാ .. 84..

പ്രജ്ഞാ ജ്ഞാനാ ച ഷഡ്വർഗാ ഷഡാസ്യാ ഷണ്മുഖപ്രിയാ .
ക്രൗഞ്ചീ ക്രൗഞ്ചാദ്രിനിലയാ ദാന്താ ദാരിദ്ര്യനാശിനീ .. 86..

ശാലാ ചാഭാസുരാ സാധ്യാ സാധനീയാ ച സാമഗാ .
സപ്തസ്വരാ സപ്തധരാ സപ്തസപ്തിവിലോചനാ .. 87..

സ്ഥിതിഃ ക്ഷേമങ്കരീ സ്വാഹാ വാചാലീ (800) വിവിഷാംബരാ .
കലകണ്ഠീ ഘോഷധരാ സുഗ്രീവാ കന്ധരാ രുചിഃ .. 88..

ശുചിസ്മിതാ സമുദ്രേഷ്ടാ ശശിനീ വശിനീ സുദൃക് .
സർവജ്ഞാ സർവദാ ശാരീ സുനാസാ സുരകന്യകാ .. 89..

സേനാ സേനാസുതാ ശൃംഗീ ശൃംഗിണീ ഹാടകേശ്വരീ .
ഹോടികാ ഹാരിണീ ലിംഗാ ഭഗലിംഗസ്വരൂപിണീ .. 90..

ഭഗമാതാ ച ലിംഗാഖ്യാ ലിംഗപ്രീതിഃ കലിംഗജാ .
കുമാരീ യുവതീ പ്രൗഢാ നവോഢാ പ്രൗഢരൂപിർണാ .. 91..

രമ്യാ രജോവതീ രജ്ജു രജോലീ രാജസീ ഘടീ .
കൈവർതീ രാക്ഷസീ രാത്രീ രാത്രിഞ്ചരക്ഷയങ്കരീ .. 92..

മഹോഗ്രാ മുദിതാ ഭില്ലീ ഭല്ലഹസ്താ ഭയങ്കരീ .
തിലാഭാ ദാരികാ ദ്വാഃസ്ഥാ ദ്വാരികാ മധ്യദേശഗാ .. 93..

ചിത്രലേഖാ വസുമതീ സുന്ദരാംഗീ വസുന്ധരാ .
ദേവതാ പർവതസ്ഥാ ച പരഭൂഃ പരമാകൃതിഃ .. 94..

പരമൂതിർമുണ്ഡമാലാ നാഗയജ്ഞോപവീതിനീ .
ശ്മശാനകാലികാ ശ്മശ്രുഃ പ്രലയാത്മാ പ്രലോപിനീ .. 95..

പ്രസ്ഥസ്ഥാ പ്രസ്ഥിനീ പ്രസ്ഥാ ധൂമ്രാർചിർധൂമ്രരൂപിണീ .
ധൂമ്രാംഗീ ധൂമ്രകേശാ ച കപിലാ കാലനാശിനീ .. 96..

കങ്കാലീ കാലരൂപാ ച കാലമാതാ മലിമ്ലുചീ .
ശർവാണീ രുദ്രപത്നീ ച രൗദ്രീ രുദ്രസ്വരൂപിണീ .. 97..

സന്ധ്യാ ത്രിസന്ധ്യാ സമ്പൂജ്യാ സർവൈശ്വര്യപ്രദായിനീ .
കുലജാ സത്യലോകേശാ സത്യവാക് സത്യവാദിനീ .. 38..

സത്യസ്വരാ സത്യമയീ ഹരിദ്വാരാ ഹരിന്മയീ .
ഹരിദ്രതന്മയീ രാശി (900) ര്ഗ്രഹതാരാതിഥിതനുഃ .. 99..

തുംബുരുസ്ത്രുടികാ ത്രോടീ ഭുവനേശീ ഭയാപഹാ .
രാജ്ഞീ രാജ്യപ്രദാ യോഗ്യാ യോഗിനീ ഭുവനേശ്വരീ .. 100..

തുരീ താരാ മഹാലക്ഷ്മീർഭീഡാ ഭാർഗീ ഭയാനകാ .
കാലരാത്രിർമഹാരാത്രിർമഹാവിദ്യാ ശിവാലയാ .. 101..

ശിവാസംഗാ ശിവസ്ഥാ ച സമാധിരഗ്നിവാഹനാ .
അഗ്നീശ്വരീ മഹാവ്യാപ്തിർബലാകാ ബാലരൂപിണീ .. 102.. 

ബടുകേശീ വിലാസാ ച സദസത്പുരഭൈരവീ .
വിഘ്നഹാ ഖലഹാ ഗാഥാ കഥാ കന്ഥാ ശുഭാംബരാ .. 103..

ക്രതുഹാ ൠതുജാ ക്രാന്താ മാധവീ ചാമരാവതീ .
അരുണാക്ഷീ വിശാലാക്ഷീ പുണ്യശീലാ വിലാസിനീ .. 104..

സുമാതാ സ്കന്ദമാതാ ച കൃത്തികാ ഭരണീ ബലിഃ .
ജിനേശ്വരീ സുകുശലാ ഗോപീ ഗോപതിപൂജിതാ .. 105..

ഗുപ്താ ഗോപ്യതരാ ഖ്യാതാ പ്രകടാ ഗോപിതാത്മികാ .
കുലാമ്നായവതീ കീലാ പൂർണാ സ്വർണാംഗദോത്സുകാ .. 106..

ഉത്കണ്ഠാ കലകണ്ഠീ ച രക്തപാ പാനപാഽമലാ .
സമ്പൂർണചന്ദ്രവദനാ യശോദാ ച യശസ്വിനീ .. 107..

ആനന്ദാ സുന്ദരീ സർവാനന്ദാ നന്ദാത്മജാ ലയാ .
വിദ്യുത് ഖദ്യോതരൂപാ ച സാദരാ ജീവകാ ജവിഃ .. 108.. 
ജനനീ ജനഹർത്രീ ച ഖർപരാ ഖഞ്ജനേക്ഷണാ .
ജീർണാ ജീമൂതലക്ഷ്യാ ച ജടിനീ ജയവർധിനീ .. 109..

ജലസ്ഥാ ച ജയന്തീ ച ജംഭാരിവരദാ തഥാ .
സഹസ്രനാമസമ്പൂർണാ ദേവീ ജ്വാലാമുഖീ സ്മൃതാ (1000) .. 110..





ഇതി നാമ്നാം സഹസ്രം തു ജ്വാലാമുഖ്യാഃ ശിവോദിതം .
ചതുർവർഗപ്രദം നിത്യം ബീജത്രയപ്രകാശിതം .. 111..

മോക്ഷൈകഹേതുമതുലം ഭുക്തിമുക്തിപ്രദം നൃണാം .
സ്തുത്യം ച സാധനീയം ച സർവസ്വം സാരമുത്തമം .. 112..

മഹാമന്ത്രമയം വിദ്യാമയം വിദ്യാപ്രദം പരം .
പരബ്രഹ്മസ്വരൂപം ച സാക്ഷാദമൃതരൂപണം .. 113..

അദ്വൈതരൂപണം നാമ്നാം സഹസ്രം ഭൈരവോദിതം .
യഃ പഠേത് പാഠയേദ്വാപി ശൃണോതി ശ്രാവയേദപി .. 114..

ഭക്ത്യാ യുതോ മഹാദേവി സ ഭവേദ്ഭൈരവോപമഃ .
ശിവരാത്ര്യാം ച സങ്ക്രാന്തൗ ഗ്രഹണേ ജന്മവാസരേ .. 115..

ഭൈരവസ്യ ബലിം ദത്ത്വാ മൂലമന്ത്രേണ മാന്ത്രികഃ .
പഠേന്നാമസഹസ്രം ച ജ്വാലാമുഖ്യാഃ സുദുർലഭം .. 116..

അനന്തഫലദം ഗോപ്യം ത്രിസന്ധ്യം യഃ പഠേത് സുധീഃ .
അണിമാദിവിഭൂതീനാമീയരോ ധാർമികോ ഭവേത് .. 117..

അർധരാത്രേ സമുത്ഥായ ശൂന്യഗേഹേ പഠേദിദം .
നാമ്നാം സഹസ്രകം ദിവ്യം ത്രിവാരം സാധകോത്തമഃ .. 118..

കർമണാ മനസാ വാചാ ജ്വാലാമുഖ്യാഃ സുതോ ഭവേത് .
മധ്യാഹ്നേ പ്രത്യഹം ഗത്വാ പ്രേതഭൂമി വിധാനവിത് .. 119..

നരമാംസവലിം ദത്ത്വാ പഠേത് സഹസ്രനാമകം .
ദിവ്യദേഹധരോ ഭൂത്വാ വിചരേദ്ഭുവനത്രയം .. 120..

ശനിവാരേ കുജേഽഷ്ടമ്യാം പഠേന്നാമസഹസ്രകം .
ദത്ത്വാ ക്ഷീരബലിം തസ്യൈ കരസ്ഥാഃ സർവസിദ്ധയഃ .. 121..

വിനാ നൈവേദ്യമാത്രേണ ന രക്ഷ്യം സാധകോത്തമൈഃ .
കുജവാരേ സദാ ദേവി ദത്ത്വാഽഽസവബലിം നരഃ .. 122.. 

പഠേത് സാധക ഏവാശു ലഭേദ് ദർശനമുത്തമം .
ശനിവാരേ സദാ വിദ്യാം ജപ്ത്വാ ദത്ത്വാ ബലിം പ്രിയേ .. 123..

കപോതസ്യ മഹേശാനി പഠേന്നാമസഹസ്രകം .
തദ്ഗൃഹേ വർധതേ ലക്ഷ്മീർഗോകർണമിവ നിത്യശഃ .. 124..

ശതാവർതം ചരേദ്രാത്രൗ സാധകോ ദർശനം ലഭേത് .
വന്ധ്യാ വാ കാകവന്ധ്യാ വാ കുങ്കുമേന ലിഖേദിദം .. 125..

സ്വസ്തന്യേന ച ശുക്രേണ ഭൂർജേ നാമസഹസ്രകം .
ഗലേ വാ വാമബാഹൗ വാ ധാരയേത് പ്രത്യഹം പ്രിയേ .. 126..

വന്ധ്യാഽപി ലഭതേ പുത്രാത്ര്ശൂരാൻ വിദ്യാധരോപമാൻ . 
ഇദം ധൃത്വാ സവ്യബാഹൗ ഗത്വാ രണധരാം പ്രതി .. 127..

നിർജിത്യ ശത്രുസംഘാതാൻ സുഖീ യാതി സ്വകം ഗൃഹം .
വാരത്രയം പഠേന്നിത്യം ശത്രുനാശായ പാർവതി .. 128..

ബാരദ്വയം പഠേല്ലക്ഷ്മ്യൈ മുക്ത്യൈ തു ശതധാ പഠേത് .
വശ്യാർഥേ ദശധാ നിത്യം മാരണാർഥേ ച വിംശതിം .. 129..

സ്തംഭനാർഥേ പഠേന്നിത്യം സപ്തധാ മാന്ത്രികോത്തമഃ .
ഭൂമ്യർഥേ ത്രിംശതിം ദേവി പഠേന്നാമസഹസ്രകം .. 130..

പ്രത്യഹമേകവാരം തു മൃതോ മോക്ഷമവാപ്നുയാത് .
അപ്രകാശ്യമദാതവ്യമവക്തവ്യമഭക്തിഷു .. 131..

അശാക്തായാകുലീനായ കുപുത്രായ ദുരാത്മനേ .
ഗുരുഭക്തിവിഹീനായ ദീക്ഷാഹീനായ പാർവതി .. 132..

ദത്ത്വാ കുഷ്ഠീ ഭവേല്ലോകേ പരത്ര നരകം വ്രജേത് .
ശ്രദ്ധായുക്തായ ഭക്തായ സാധകായ മഹാത്മനേ .
സാചാരായ സുശീലായ ദത്ത്വാ മോക്ഷമവാപ്നുയാത് .. 133..

.. ഇതി ശ്രീരുദ്രയാമലേ തന്ത്രേ ദശവിദ്യാരഹസ്യേ
ശ്രീജ്വാലാമുഖീസഹസ്രനാമസ്തോത്രം സമാപ്തം ..