ശ്രീ കാമദേവ–രതി സ്തോത്രം
ശ്രീപുരുഷോത്തമ ഉവാച ।
ചൈത്രമാസേ ശുക്ലപക്ഷേ ഹ്യേകാദശ്യാം പ്രഗേ ശുഭേ ।
ഗത്വാരാമേ ഗ്രഹീതവ്യാ ദിവ്യാ ദമനമഞ്ജരീ ॥ 79 ॥
ഗുർവാജ്ഞയാ പ്രകർതവ്യം പൂജനം ദമനസ്യ വൈ ।
ദമനേ തിഷ്ഠതേ കാമദേവശ്ച രതിസംയുതഃ ॥ 80 ॥
കാമദേവ നമസ്തേഽസ്തു ത്വം സദാ പുരുഷോത്തമഃ ।
ഹരിം കാമം വിചിനോമി കൃപാം കുരു മമോപരി ॥ 81 ॥
ഗീതവാദിത്രനിർഘോഷൈരാനേതവ്യോ ഗൃഹം പ്രതി ।
അധിവാസനപൂർവം ച സർവതോഭദ്രമണ്ഡലേ ॥ 82 ॥
സ്ഥാപയിത്വാ ഹരിം കാമം രതിം ച ദമനദ്രുമം ।
ആച്ഛാദ്യ ശ്വേതവസ്ത്രേണ പൂജയേത് കന്യകാപ്രിയേ ॥ 83 ॥
ക്ലീം കാമദേവായ നമഃ । ഹ്രീം രത്യൈ ച നമോ നമഃ ।
പൂർവസ്യാം ഹ്രീം ച കന്ദർപം പൂജയാമി നിശാഗമേ ॥ 84 ॥
ഗന്ധപുഷ്പാക്ഷതധൂപദീപനൈവേദ്യകൈഃ ശുഭൈഃ ।
ആരാർത്രികാദിഭിർദൈവം പൂജയാമി പതിം പ്രഭും ॥ 85 ॥
മദനായ നമഃ പ്രാച്യാം മന്മഥായ നമോഽഗ്നികേ ।
കന്ദർപായ നമോ യാമ്യേഽനംഗായ നമോ നൈരൃതേ ॥ 86 ॥
വാരുണ്യാം മോഹനായ നമഃ സ്മരായ നമോഽനിലേ ।
കൗബേര്യാമീശ്വരായ നമഃ പുഷ്പബാണായൈശാന്യാം നമഃ ॥ 87 ॥
സർവദിക്ഷു നമസ്കൃത്യ മാം കന്യാ പൂജയേത് തതഃ ।
ഓം കന്ദർപപുരുഷായ വിദ്മഹേ
കാമദേവായ ധീമഹി ।
തന്നോഽനംഗഃ പ്രചോദയാത് ॥ 88 ॥
ഇതി ചാഷ്ടോത്തരശതജപാൻ കുര്യാദ്ധി സന്നിധൗ ।
(ABOVE GAYATHRI TO BE CHANTED 108 TIMES)
നമോഽസ്തു കാമപതയേ പുഷ്പശരായ തേ നമഃ ॥ 89 ॥
മന്മഥായാനന്ദദാത്രേ നമോ രതികരായ തേ ।
പ്രീതിദായ നമസ്തേഽസ്തു സർവബീജായ തേ നമഃ ॥ 90 ॥
കാന്തായ കാന്തരൂപായ സർവവാസായ തേ നമഃ ।
പുരുഷോത്തമരൂപായാനംഗദേവായ തേ നമഃ ॥ 91 ॥
അനാദിശ്രീകൃഷ്ണനാരായണ വാഞ്ച്ഛിതകാമദ ।
ഹൃത്സ്ഥാൻ പൂരയ കാമാൻ മേ പ്രഭോ കാമേശ്വരീപ്രിയ ॥ 92 ॥
സ്തുത്വൈവം മഞ്ജരീവാരി ദാതവ്യേ മമ പാദയോഃ ।
ഗീതവാദിത്രനൃത്യൈശ്ച കർതവ്യശ്ചോത്സവോ മഹാൻ ॥ 93 ॥
ഇതി ശ്രീലക്ഷ്മീനാരായണീയസംഹിതായാഃ ദ്വാപരയുഗസന്താനാത്മകസ്യ തൃതീയഖണ്ഡേ
ത്രിഷഷ്ടിതമാധ്യായാന്തർഗതം പുരുഷോത്തമപ്രോക്തം
കാമദേവ–രതി സ്തോത്രം സമ്പൂർണം ॥
No comments:
Post a Comment