BALAKRISHNA SAHASRANAMA STHOTHRAM

 നാരദപഞ്ചരാത്രേ ജ്ഞാനാമൃതസാരേ ചതുർഥരാത്രേ അഷ്ടമോഽധ്യായഃ

ശ്രീപാർവത്യുവാച .
ഭഗവൻ സർവദേവേശ ! ദേവദേവ ! ജഗദ്ഗുരോ .
കഥിതം കവചം ദിവ്യം ബാലഗോപാലരൂപിണം .. 1..

ശ്രുതം മയാ തവ മുഖാത് പരം കൗതൂഹലം മമ .
ഇദാനീം ശ്രോതുമിച്ഛാമി ഗോപാലസ്യ പരമാത്മനഃ .. 2..

സഹസ്രം നാമ്നാം ദിവ്യാനാമശേഷേണാനുകീർത്തയ .
തമേവ ശരണം നാഥ ത്രാഹി മാം ഭക്തവത്സല .. 3..

യദി സ്നേഹോഽസ്തി ദേവേശ മാം പ്രതി പ്രാണവല്ലഭ .
കേന പ്രകാശിതം പൂർവ കുത്ര കിം വാ കദാ ക്വ നു .. 3..

പിബതോഽച്യുതപീയൂഷം ന മേഽത്രാസ്തി നിരാമതാ .. 4..

ശ്രീമഹാദേവ ഉവാച .
ശ്രീബാലകൃഷ്ണസ്യ സഹസ്രനാമ്നഃ
സ്തോത്രസ്യ കല്പാഖ്യസുരദ്രുമസ്യ .
വ്യാസോ വദത്യഖിലശാസ്ത്രനിദേശകർതാ
ശൃണ്വൻ ശുകം മുനിഗണേഷു സുരർഷിവര്യഃ .. 5..

പുരാ മഹർഷയഃ സർവേ നാരദം ദണ്ഡകേ വനേ
ജിജ്ഞാസാന്തി സ്മ ഭക്ത്യാ ച ഗോപാലസ്യ പരാത്മനഃ .. 6..

നാമ്നഃ സഹസ്രം പരമം ശൃണു ദേവി ! സമാസതഃ .
ശ്രുത്വാ ശ്രീബാലകൃഷ്ണസ്യ നാമ്നഃ സാഹസ്രകം പ്രിയേ .. 7..

വ്യപൈതി സർവപാപാനി ബ്രഹ്മഹത്യാദികാനി ച .
കലൗ ബാലേശ്വരോ ദേവഃ കലൗ വൃന്ദാവനം വനം .. 8..

കലൗ ഗംഗൗ മുക്തിദാത്രീ കലൗ ഗീതാ പരാഗതിഃ .
നാസ്തി യജ്ഞാദികാര്യാണി ഹരേർനാമൈവ കേവലം .
കലൗ വിമുക്തയേ നൄണാം നാസ്ത്യേവ ഗതിരന്യഥാ .. 9..
---------------------------------------------------------------------------
വിനിയോഗഃ -
അസ്യ ശ്രീബാലകൃഷ്ണസ്യ സഹസ്രനാമസ്തോത്രസ്യ നാരദ ഋഷിഃ
ശ്രീബാലകൃഷ്ണോ ദേവതാ പുരുഷാർഥസിദ്ധയേ ജപേ വിനിയോഗഃ .
-----------------------------------------------------------------------------

ധ്യാനം (Dhyana)
ശ്ലോകം:

വിക്രീഡന്തം മണീനാം കനകവിരചിതേ പ്രാംഗണേ ചിക്കണാഭൈഃ
പാദാംഭോജൈഃ കരാഭ്യാം ദധിഘൃതനവനീതാദിപാത്രാണി ഹൃത്വവാ
സംഭുഞ്ജാനം സഹായൈഃ സഹചരനികരൈഃ സാകം ഏകൈകമുഷ്ടിം
ധ്യായേത് ഗോപാലബാലം വിഗതഭയമഭീഷ്ടാർത്ഥസിദ്ധിപ്രദം നഃ

അർത്ഥം:

രത്നങ്ങൾ പതിച്ച സ്വർണ്ണമുറ്റത്ത് കളിച്ചുനടക്കുന്നവനും, തന്റെ 
സുന്ദരമായ കൈകാലുകൾ കൊണ്ട് തൈരും നെയ്യും വെണ്ണയും അടങ്ങിയ 
പാത്രങ്ങൾ മോഷ്ടിച്ചു കൊണ്ടുപോകുന്നവനും, തന്റെ സുഹൃത്തുക്കളായ 
ഇടയബാലന്മാരോടൊപ്പം ഓരോ പിടി വെണ്ണ പങ്കിട്ടു 
കഴിക്കുന്നവനും, ഭയരഹിതനും, ആഗ്രഹിക്കുന്ന കാര്യങ്ങൾ സാധിച്ചു 
തരുന്നവനുമായ ആ ബാലഗോപാലനെ ഞാൻ ധ്യാനിക്കുന്നു.







ബാലകൃഷ്ണഃ സുരാധീശോ ഭൂതാവാസോ വ്രജേശ്വരഃ .
വ്രജേന്ദ്രനന്ദനോ നന്ദീ വ്രജാംഗനവിഹാരണഃ .. 10..

ഗോഗോപഗോപികാനന്ദകാരകോ ഭക്തിവർധനഃ .
ഗോവത്സപുച്ഛസങ്കർഷജാതാനന്ദഭരോഽജയഃ .. 11..

രിംഗമാണഗതിഃ ശ്രീമാനതിഭക്തിപ്രകാശനഃ .
ധൂലിധൂസര സർവാംഗോ ഘടീപീതപരിച്ഛദഃ .. 12..

പുരടാഭരണഃ ശ്രീശോ ഗതിർഗതിമതാം സദാ .
യോഗീശോ യോഗവന്ദ്യാശ്ച യോഗാധീശോ യശഃപ്രദഃ .. 13..

യശോദാനന്ദനഃ കൃഷ്ണോ ഗോവത്സപരിചാരകഃ .
ഗവേന്ദ്രശ്ച ഗവാക്ഷശ്ച ഗവാധ്യക്ഷോ ഗവാം ഗതി .. 14..

ഗവേശശ്ച ഗവീശശ്ച ഗോചാരണപരായണഃ .
ഗോധൂലിധാമപ്രിയകോ ഗോധൂലികൃതഭൂഷണഃ .. 15..

ഗോരാസ്യോ ഗോരസാശോഗോ ഗോരസാഞ്ചിതധാമകഃ .
ഗോരസാസ്വാദകോ വൈദ്യോ വേദാതീതോ വസുപ്രദഃ .. 16..

വിപുലാംശോ രിപുഹരോ വിക്ഷരോ ജയദോ ജയഃ .
ജഗദ്വന്ദ്യോ ജഗന്നാഥോ ജഗദാരാധ്യപാദകഃ .. 17..

ജഗദീശോ ജഗത്കർതാ ജഗത്പൂജ്യോ ജയാരിഹാ .
ജയതാം ജയശീലശ്ച ജയാതീതോ ജഗദ്ബലഃ .. 18..

ജഗദ്ധർതാ പാലയിതാ പാതാ ധാതാ മഹേശ്വരഃ .
രാധികാനന്ദനോ രാധാപ്രാണനാഥോ രസപ്രദഃ .. 19..

രാധാഭക്തികരഃ ശുദ്ധോ രാധാരാധ്യോ രമാപ്രിയഃ .
ഗോകുലാനന്ദദാതാ ച ഗോകുലാനന്ദരൂപധൃക് .. 20..

ഗോകുലേശ്വരകല്യാണോ ഗോകുലേശ്വരനന്ദനഃ .
ഗോലോകാഭിരിതിഃ സ്രഗ്വീ ഗോലോകേശ്വരനായകഃ .. 21..

നിത്യം ഗോലോകവസതിർനിത്യം ഗോഗോപനന്ദനഃ .
ഗണേശ്വരോ ഗണാധ്യക്ഷോ ഗണാനാം പരിപൂരകഃ .. 22..

ഗുണാ ഗുണോത്കരോ ഗണ്യോ ഗുണാതീതൗ ഗുണാകരഃ .
ഗുണപ്രിയോ ഗുണാധാരോ ഗുണാരാധ്യോ ഗണാഗ്രണീ .. 23..

ഗണനായകോ വിഘ്നഹരോ ഹേരംബഃ പാർവതീസുതഃ .
പർവതാധിനിവാസീ ച ഗോവർധനധരോ ഗുരുഃ .. 24..

ഗോവർധനപതിഃ ശാന്തോ ഗോവർധനവിഹാരകഃ .
ഗോവർധനോ ഗീതഗതിർഗവാക്ഷോ ഗോവൃക്ഷേക്ഷണഃ .. 25..

ഗഭസ്തിനേമിർഗീതാത്മാ ഗീതഗമ്യോ ഗതിപ്രദഃ .
ഗവാമയോ യജ്ഞനേമിര്യജ്ഞാംഗോ യജ്ഞരൂപധൃക് .. 26..

യജ്ഞപ്രിയോ യജ്ഞഹർതാ യജ്ഞഗമ്യോ യജുർഗതിഃ .
യജ്ഞാംഗോ യജ്ഞഗമ്യശ്ച യജ്ഞപ്രാപ്യോ വിമത്സരഃ .. 27..

യജ്ഞാന്തകൃത് യജ്ഞഗുണോ യജ്ഞാതീതോ യജുഃപ്രിയഃ .
മനുർമന്വാദിരൂപീ ച മന്വന്തരവിഹാരകഃ .. 28..

മനുപ്രിയോ മനോർവംശധാരീ മാധവമാപതിഃ .
മായാപ്രിയോ മഹാമായോ മായാതീതോ മയാന്തകഃ .. 29..

മായാഭിഗാമീ മായാഖ്യോ മഹാമായാവരപ്രദഃ .
മഹാമായാപ്രദോ മായാനന്ദോ മായേശ്വരഃ കവിഃ .. 30..

കരണം കാരണം കർതാ കാര്യം കർമ ക്രിയാ മതിഃ .
കാര്യാതീതോ ഗവാം നാഥോ ജഗന്നാഥോ ഗുണാകരഃ .. 31..

വിശ്വരൂപോ വിരൂപാഖ്യോ വിദ്യാനന്ദോ വസുപ്രദഃ .
വാസുദേവോ വിശിഷ്ടേശോ വാണീശോ വാക്യതിർമഹഃ .. 32..

വാസുദേവോ വസുശ്രേഷ്ഠോ ദേവകീനന്ദനോഽരിഹാ
വസുപാതാ വസുപതിർവസുധാപരിപാലകഃ .. 33..

കംസാരിഃ കംസഹന്താ ച കംസാരാധ്യോ ഗതിർഗവാം .
ഗോവിന്ദോ ഗോമതാം പാലോ ഗോപനാരീജനാധിപഃ .. 34..

ഗോപീരതോ രുരുനഖധാരീ ഹാരീ ജഗദ്ഗുരുഃ .
ജാനുജംഘാന്തരാലശ്ച പീതാംബരധരോ ഹരിഃ .. 35..

ഹൈയംഗവീനസംഭോക്താ പായസാശോ ഗവാം ഗുരുഃ .
ബ്രഹ്മണ്യോ ബ്രഹ്യണാഽഽരാധ്യോനിത്യം ഗോവിപ്രപാലകഃ .. 36..

ഭക്തപ്രിയോ ഭക്തലഭ്യോ ഭക്ത്യാതീതോ ഭുവാം ഗതിഃ .
ഭൂലോകപാതാ ഹർതാ ച ഭൂഗോലപരിചിന്തകഃ .. 37..

നിത്യം ഭൂലോകവാസീ ച ജനലോകനിവാസകഃ .
തപോലോകനിവാസീ ച വൈകുണ്ഠോ വിഷ്ടസസ്രവാഃ .. 38..

വികുണ്ഠവാസീ വൈകുണ്ഠവാസീ ഹാസീ രസപ്രദഃ .
രസികാഗോപികാനന്ദദായകോ ബാലഘൃഗ്വപുഃ .. 39..

യശസ്വീ യമുനാതീരപുലിനേഽതീവമോഹനഃ .
വസ്ത്രഹർതാ ഗോപികാനാം മനോഹാരീ വരപ്രദഃ .. 40..

ദധിഭക്ഷോ ദയാധാരോ ദാതാ പാതാ ഹൃതാഹൃതഃ .
മണ്ഡപോ മണ്ഡലാധീശോ രാജരാജേശ്വരോ വിഭുഃ .. 41..

വിശ്വധൃക് വിശ്വഭുക് വിശ്വപാലകോ വിശ്വമോഹനഃ .
വിദ്വത്പ്രിയോ വീതഹവ്യോ ഹവ്യഗവ്യകൃതാശനഃ .. 42..

കവ്യഭുക് പിതൃവർതീ ച കാവ്യാത്മാ കവ്യഭോജനഃ .
രാമോ വിരാമോ രതിദോ രതിഭർതാ രതിപ്രിയഃ .. 43..

പ്രദ്യുമ്നോഽക്രൂരദമ്യശ്ച ക്രൂരാത്മാ കൂരമർദനഃ .
കൃപാലുശ്ച ദയാലുശ്ച ശയാലുഃ സരിതാം പതിഃ .. 44..

നദീനദവിധാതാ ച നദീനദാവിഹാരകഃ .
സിന്ധുഃ സിന്ധുപ്രിയോദാന്തഃ ശാന്തഃ കാന്തഃ കലാനിധിഃ .. 45..

സംന്യാസകൃത്സതാം ഭർതാ സാധൂച്ഛിഷ്ടകൃതാശനഃ .
സാധുപ്രിയഃ സാധുഗമ്യോ സാധ്വാചാരനിഷേവകഃ .. 46..

ജന്മകർമഫലത്യാഗീ യോഗീ ഭോഗീ മൃഗീപതിഃ .
മാർഗാതീതോ യോഗമാർഗോ മാർഗമാണോ മഹോരവിഃ .. 47..

രവിലോചനോ രവേരംഗഭാഗീ ദ്വാദശരൂപധൃക് .
ഗോപാലോ ബാലഗോപാലോബാലകാനന്ദദായകഃ .. 48..

ബാലകാനാം പതിഃ ശ്രീശോ വിരതിഃ സർവപാപിനാം .
ശ്രീലഃ ശ്രീമാൻ ശ്രീയുതശ്ച ശ്രീനിവാസഃ ശ്രിയഃ പതിഃ .. 49..

ശ്രീദഃ ശ്രീശഃ ശ്രിയഃകാന്തോ രമാകാന്തോ രമേശ്വരഃ .
ശ്രീകാന്തോ ധരണീകാന്ത ഉമാകാന്തപ്രിയഃ പ്രഭുഃ .. 50..

ഇഷ്ടഽഭിലാഷീ വരദോ വേദഗമ്യോ ദുരാശയഃ .
ദുഃഖഹർതാ ദുഃഖനാശോ ഭവദുഃഖനിവാരകഃ .. 51..

യഥേച്ഛാചാരനിരതോ യഥേച്ഛാചാരസുരപ്രിയഃ .
യഥേച്ഛാലാഭസന്തുഷ്ടോ യഥേച്ഛസ്യ മനോഽന്തരഃ .. 52..

നവീനനീരദാഭാസോ നീലാഞ്ജനചയപ്രഭഃ .
നവദുർദിനമേഘാഭോ നവമേഘച്ഛവിഃ ക്വചിത് .. 53..

സ്വർണവർണോ ന്യാസധാരോ ദ്വിഭുജോ ബഹുബാഹുകഃ .
കിരീടധാരീ മുകുടീ മൂർതിപഞ്ജരസുന്ദരഃ .. 54..

മനോരഥപഥാതീതകാരകോ ഭക്തവത്സലഃ .
കണ്വാന്നഭോക്താ കപിലോ കപിശോ ഗരുഡാത്മക .. 55..

സുവർണവർണോ ഹേമാമഃ പൂതനാന്തക ഇത്യാപിഃ .
പൂതനാസ്തനപാതാ ച പ്രാണാന്തകരണോ രിപുഃ .. 56..

വത്സനാശോ വത്സപാലോ വത്സേശ്വരവസൂത്തമഃ .
ഹേമാഭോ ഹേമകണ്ഠശ്ച ശ്രീവത്സഃ ശ്രീമതാം പതിഃ .. 57..

സനന്ദനപഥാരാധ്യോ പാതുർധാതുമതാം പതിഃ .
സനത്കുമാരയോഗാത്മാ സനേകശ്വരരൂപധൃക് .. 58..

സനാതനപദോ ദാതാ നിത്യം ചൈവ സനാതനഃ .
ഭാണ്ഡീരവനവാസീ ച ശ്രീവൃന്ദാവനനായകഃ .. 59..

വൃന്ദാവനേശ്വരീപൂജ്യോ വൃന്ദാരണ്യവിഹാരകഃ .
യമുനാതീരഗോധേനുപാലകോ മേഘമന്മഥഃ .. 60..

കന്ദർപദർപഹരണോ മനോനയനനന്ദനഃ .
ബാലകേലിപ്രിയഃ കാന്തോ ബാലക്രീഡാപരിച്ഛദഃ .. 61..

ബാലാനാം രക്ഷകോ ബാലഃ ക്രീഡാകൗതുകകാരകഃ .
ബാല്യരൂപധരോ ധന്വീ ധാനുഷ്കീ ശൂലധൃക് വിഭുഃ .. 62..

അമൃതാംശോഽമൃതവപുഃ പീയൂഷപരിപാലകഃ .
പീയൂഷപായീ പൗരവ്യാനന്ദനോ നന്ദിവർധനഃ .. 63..

ശ്രീദാമാംശുകപാതാ ച ശ്രീദാമപരിഭൂഷണഃ .
വൃന്ദാരണ്യപ്രിയഃ കൃഷ്ണഃ കിശോര കാന്തരൂപധൃക് .. 64..

കാമരാജഃ കലാതീതോ യോഗിനാം പരിചിന്തകഃ .
വൃഷേശ്വരഃ കൃപാപാലോ ഗായത്രീഗതിവല്ലഭഃ .. 65..

നിർവാണദായകോ മോക്ഷദായീ വേദവിഭാഗകഃ .
വേദവ്യാസപ്രിയോ വൈദ്യോ വൈദ്യാനന്ദപ്രിയഃ ശുഭഃ .. 66..

ശുകദേവോ ഗയാനാഥോ ഗയാസുരഗതിപ്രദഃ .
വിഷ്ണുർജിഷ്ണുർഗരിഷ്ഠശ്ച സ്ഥവിഷ്ടാശ്ച സ്ഥവീയസാം .. 67..

വരിഷ്ഠശ്ച യവിഷ്ഠശ്ച ഭൂയിഷ്ഠശ്ച ഭുവഃ പതിഃ .
ദുർഗതേർനാശകോ ദുർഗപാലകോ ദുഷ്ടനാശകഃ .. 68..

കാലീയസർപദമനോ യമുനാനിർമലോദകഃ .
യമുനാപുലിനേ രമ്യേ നിർമലേ പാവനോദകേ .. 69..

വസന്തുബാലഗോപാലരൂപധാരീ ഗിരാം പതിഃ .
വാഗ്ദാതാ വാക്പ്രദോ വാണീനാഥോ ബ്രാഹ്മണരക്ഷകഃ .. 70..

ബ്രഹ്മണ്യേ ബ്രഹ്മകൃദ്ബ്രഹ്മ ബ്രഹ്മകർമപ്രദായകഃ .
വ്രഹ്മണ്യദേവോ ബ്രഹ്മണ്യദായകോ ബ്രാഹ്മണപ്രിയഃ .. 71..

സ്വസ്തിപ്രിയോഽസ്വസ്ഥധരോഽസ്വസ്ഥനാശോ ധിയാം പതിഃ .
ക്വണന്നൂപുരധൃഗ്വിശ്വരൂപീ വിശ്വേശ്വരഃ ശിവഃ .. 72..

ശിവാത്മകോ ബാല്യവപുഃ ശിവാത്മാ ശിവരൂപധൃക് .
സദാശിവപ്രിയോ ദേവഃ ശിവവന്ദ്യോ ജഗത്ശിവഃ .. 73..

ഗോമധ്യവാസീ ഗോവാസീ ഗോപഗോപീമനോഽന്തരഃ .
ധർമോ ധർമധുരീണശ്ച ധർമരൂപോ ധരാധരഃ ..  74..

സ്വോപാർജിതയശാഃ കീർതിവർധനോ നന്ദിരൂപകഃ .
ദേവഹൂതിജ്ഞാനദാതാ യോഗസാംഖ്യനിവർതകഃ .. 75..

തൃണാവർതപ്രാണഹാരീ ശകടാസുരഭഞ്ജനഃ .
പ്രലംബഹാരീ രിപുഹാ തഥാ ധേനുകമർദനഃ .. 76..

അരിഷ്ടാനാശനോഽചിന്ത്യഃ കേശിഹാ കേശിനാശനഃ .
കങ്കഹാ കംസഹാ കംസനാശനോ രിപുനാശനഃ .. 77..

യമുനാജലകല്ലോലദർശീ ഹർഷീ പ്രിയംവദഃ .
സ്വച്ഛന്ദഹാരീ യമുനാജലഹാരീ സുരപ്രിയഃ .. 78..

ലീലാധൃതവപുഃ കേലികാരകോ ധരണീധരഃ .
ഗോപ്താ ഗരിഷ്ഠോ ഗദിദോ ഗതികാരീ ഗയേശ്വരഃ .. 79..

ശോഭാപ്രിയഃ ശുഭകരോ വിപുലശ്രീപ്രതാപനഃ .
കേശിദൈത്യഹരോ ദാത്രീ ദാതാ ധർമാർഥസാധന .. 80..

ത്രിസാമാ ത്രിക്കൃത്സാമഃ സർവാത്മാ സർവദീപനഃ .
സർവജ്ഞഃ സുഗതോ ബുദ്ധോ ബൗദ്ധരൂപീ ജനാർദനഃ .. 81..

ദൈത്യാരിഃ പുണ്ഡരീകാക്ഷഃ പദ്മനാഭോഽച്യുതോഽസിതഃ .
പദ്മാക്ഷഃ പദ്മജാകാന്തോ ഗരുഡാസനവിഗ്രഹഃ .. 82..

ഗാരുത്മതധരോ ധേനുപാലകഃ സുപ്തവിഗ്രഹഃ .
ആർതിഹാ പാപഹാനേഹാ ഭൂതിഹാ ഭൂതിവർധനഃ .. 83..

വാഞ്ഛാകല്പദ്രുമഃ സാക്ഷാന്മേധാവീ ഗരുഡധ്വജഃ .
നീലശ്വേതഃ സിതഃ കൃഷ്ണോ ഗൗരഃ പീതാംബരച്ഛദഃ .. 84..

ഭക്താർതിനാശനോ ഗീർണഃ ശീർണോ ജീർണതനുച്ഛദഃ .
ബലിപ്രിയോ ബലിഹരോ ബലിബന്ധനതത്പരഃ .. 85..

വാമനോ വാമദേവശ്ച ദൈത്യാരിഃ കഞ്ജലോചനഃ .
ഉദീർണഃ സർവതോ ഗോപ്താ യോഗഗമ്യഃ പുരാതനഃ .. 86 ..

നാരായണോ നരവപുഃ കൃഷ്ണാർജുനവപുർധരഃ .
ത്രിനാഭിസ്ത്രിവൃതാം സേവ്യോ യുഗാതീതോ യുഗാത്മകഃ .. 87..

ഹംസോ ഹംസീ ഹംസവപുർഹംസരൂപീ കൃപാമയഃ .
ഹരാത്മകോ ഹരവപുർഹരഭാവനതത്പരഃ .. 88..

ധർമരാഗോ യമവപുസ്ത്രിപുരാന്തകവിഗ്രഹഃ .
യുധിഷ്ഠിരപ്രിയോ രാജ്യദാതാ രാജേന്ദ്രവിഗ്രഹഃ .. 89..

ഇന്ദ്രയജ്ഞഹരോ ഗോവർധനധാരീ ഗിരാം പതിഃ .
യജ്ഞഭുഗ്യജ്ഞകാരീ ച ഹിതകാരീ ഹിതാന്തകഃ .. 90..

അക്രൂരവന്ദ്യോ വിശ്വധ്രുഗശ്വഹാരീ ഹയാസ്യകഃ .
ഹയഗ്രീവഃ സ്മിതമുഖോ ഗോപീകാന്തോഽരുണധ്വധഃ .. 91..

നിരസ്തസാമ്യാതിശയഃ സർവാത്മാ സർവമണ്ഡനഃ .
ഗോപീപ്രീതികരോ ഗോപീമനോഹാരീ ഹരിർഹരിഃ .. 92..

ലക്ഷ്മണോ ഭരതോ രാമഃ ശത്രുഘ്നോ നീലരൂപകഃ .
ഹനൂമജ്ജ്ഞാനദാതാ ച ജാനകീവല്ലഭോ ഗിരിഃ .. 93..

ഗിരിരൂപോ ഗിരിമഖോ ഗിരിയജ്ഞപ്രവർത്തകഃ .. 94..

ഭവാബ്ധിപോതഃ ശുഭകൃച്ഛ്രുഭഭുക് ശുഭവർധനഃ .
വാരാരോഹീ ഹരിമുഖോ മണ്ഡൂകഗതിലാലസഃ .. 95..

നേത്രവദ്ധക്രിയോ ഗോപബാലകോ ബാലകോ ഗുണഃ .
ഗുണാർണവപ്രിയോ ഭൂതനാഥോ ഭൂതാത്മകശ്ച സഃ .. 96..

ഇന്ദ്രജിദ്ഭയദാതാ ച യജുഷാം പരിരപ്പതിഃ .
ഗീർവാണവന്ദ്യോ ഗീർവാണഗതിരിഷ്ടോഗുരുർഗതിഃ .. 97..

ചതുർമുഖസ്തുതിമുഖോ ബ്രഹ്മനാരദസേവിതഃ .
ഉമാകാന്തധിയാഽഽരാധ്യോ ഗണനാഗുണസീമകഃ .. 98..

സീമാന്തമാർഗോ ഗണികാഗണമണ്ഡലസേവിതഃ .
ഗോപീദൃക്പദ്മമധുപോ ഗോപീദൃങ്മണ്ഡലേശ്വരഃ .. 99..

ഗോപ്യാലിംഗനകൃദ്ഗോപീഹൃദയാനന്ദകാരകഃ .
മയൂരപിച്ഛശിഖരഃ കങ്കണാങ്കദഭൂഷണഃ .. 100..

സ്വർണചമ്പകസന്ദോലഃ സ്വർണനൂപുരഭൂഷണഃ .
സ്വർണതാടങ്കകർണശ്ച സ്വർണചമ്പകഭൂഷിതഃ .. 101..

ചൂഡാഗ്രാർപിതരത്നേന്ദ്രസാരഃ സ്വർണാംബരച്ഛദഃ .
ആജാനുബാഹുഃ സുമുഖോ ജഗജ്ജനനതത്പരഃ .. 102..

ബാലക്രീഡാഽതിചപലോ ഭാണ്ഡീരവനനന്ദനഃ .
മഹാശാലഃ ശ്രുതിമുഖോ ഗംഗാചരണസേവനഃ .. 103..

ഗംഗാംബുപാദഃ കരജാകരതോയാജലേശ്വരഃ .
ഗണ്ഡകീതീരസംഭൂതോ ഗണ്ഡകീജലമർദനഃ .. 104..

ശാലഗ്രാമഃ ശാലരൂപീ ശശിഭൂഷണഭൂഷണഃ .
ശശിപാദഃ ശശിനഖോ വരാർഹോ യുവതീപ്രിയഃ .. 105..

പ്രേമപദഃ പ്രേമലഭ്യോ ഭക്ത്യാതീതോ ഭവപ്രദഃ .
അനന്തശായീ ശവകൃച്ഛയനോ യോഗിനീശ്വരഃ .. 106..

പൂതനാശകുനിപ്രാണഹാരകോ ഭവപാലകഃ .
സർവലക്ഷണലക്ഷണ്യോ ലക്ഷ്മീമാൻ ലക്ഷ്മണാഗ്രജഃ .. 107..

സർവാന്തകൃത്സർവഗുഹ്യ സർവാതീതോഽഽസുരാന്തകഃ .
പ്രാതരാശനസമ്പൂർണോ ധരണീരേണുഗുണ്ഠിതഃ .. 108..

ഇജ്യോ മഹേജ്യ സർവേജ്യ ഇജ്യരൂപീജ്യഭോജനഃ .
ബ്രഹ്മാർപണപരോ നിത്യം ബ്രഹ്മാഗ്നിപ്രീതിലാലസഃ .. 109..

മദനോ മദനാരാധ്യോ മനോമഥനരൂപകഃ .
നീലാഞ്ചിതാകുഞ്ചിതകോ ബാലവൃന്ദവിഭൂഷിതഃ .. 110..

സ്തോകക്രീഡാപരോ നിത്യം സ്തോകഭോജനതത്പരഃ .
ലലിതാവിശഖാശ്യാമലതാവന്ദിപാദകഃ .. 111..

ശ്രീമതീപ്രിയകാരീ ച ശ്രീമത്യാ പാദപൂജിതഃ .
ശ്രീസംസേവിതപാദാബ്ജോ വേണുവാദ്യവിശാരദഃ .. 112..

ശൃംഗവേത്രകരോ നിത്യം ശൃംഗവാദ്യപ്രിയഃ സദാ .
ബലരാമാനുജഃ ശ്രീമാൻ ഗജേന്ദ്രസ്തുതപാദകഃ .. 113..

ഹലായധുഃ പീതവാസാ നീലാംബരപരിച്ഛദഃ .
ഗജേന്ദ്രവക്ത്രോ ഹേരംബോ ലലനാകുലപാലകഃ .. 114..

രാസക്രീഡാവിനോദശ്ച ഗോപീനയനഹാരകഃ .
ബലപ്രദോ വീതഭയോ ഭക്താർതിപരിനാശനഃ .. 115..

ഭക്തിപ്രിയോ ഭക്തിദാതാ ദാമോദര ഇഭസ്പതിഃ .
ഇന്ദ്രദർപഹരോഽനന്തോ നിത്യാനന്ദശ്ചിദാത്മകഃ .. 116..

ചൈതന്യരൂപശ്ചൈതന്യശ്ചേതനാഗുണവർജിതഃ .
അദ്വൈതാചാരനിപുണോഽദ്വൈതഃ പരമനായകഃ .. 117..

ശിവഭക്തിപ്രദോ ഭക്തോ ഭക്താനാമന്തരാശയഃ .
വിദ്വത്തമോ ദുർഗതിഹാ പുണ്യാത്മാ പുണ്യപാലകഃ .. 118..

ജ്യേഷ്ഠഃ ശ്രേഷ്ഠഃ കനിഷ്ഠശ്ച നിഷ്ഠോഽതിഷ്ഠ ഉമാപതിഃ .
സുരേന്ദ്രവന്ദ്യചരണോ ഗോത്രഹാ ഗോത്രവർജിതഃ .. 119..

നാരായണപ്രിയോ നാരശായീ നാരദസേവിതഃ .
ഗോപാലബാലസംസേവ്യഃ സദാനിർമലമാനസഃ .. 120..

മനുമന്ത്രോ മന്ത്രപതിർധാതാ ധാമവിവർജിതഃ .
ധരാപ്രദോ ധൃതിഗുണോ യോഗീന്ദ്ര കല്പപാദപഃ .. 121..

അചിന്ത്യാതിശയാനന്ദരൂപീ പാണ്ഡവപൂജിതഃ .
ശിശുപാലപ്രാണഹാരീ ദന്തവക്രനിസൂദനഃ .. 122..

അനാദിശാദിപുരുഷോ ഗോത്രീ ഗാത്രവിവർജിതഃ .
സർവാപത്താരകോദുർഗോ ദൃഷ്ടദൈത്യകുലാന്തകഃ .. 123..

നിരന്തരഃ ശുചിമുഖോ നികുംഭകുലദീപനഃ .
ഭാനുർഹനൂർദ്ധനുഃ സ്ഥാണുഃ കൃശാനുഃ കൃതനുർധനുഃ .. 124..

അനുർജന്മാദിരഹിതോ ജാതിഗോത്രവിവർജിതഃ .
ദാവാനലനിഹന്താ ച ദനുജാരിർബകാപഹാ .. 125..

പ്രഹ്ലാദഭക്തോ ഭക്തേഷ്ടദാതാ ദാനവഗോത്രഹാ .
സുരഭിർദുഗ്ധയോ ദുഗ്ധഹാരീ ശൗരിഃ ശുചാം ഹരിഃ .. 126..

യഥേഷ്ടദോഽതിസുലഭഃ സർവജ്ഞഃ സർവതോമുഖഃ .
ദൈത്യാരിഃ കൈടഭാരിശ്ച കംസാരിഃ സർവതാപനഃ .. 127..

ദ്വിഭുജഃ ഷഡ്ഭുജോ ഹ്യന്തർഭുജോ മാതലിസാരഥിഃ .
ശേഷഃ ശേഷാധിനാഥശ്ച ശേഷീ ശേശാന്തവിഗ്രഹഃ .. 128..

കേതുർധരിത്രീചാരിത്രശ്ചതുർമൂർതിശ്ചതുർഗതിഃ .
ചതുർധാ ചതുരാത്മാ ച ചതുർവർഗപ്രദായകഃ .. 129..

കന്ദർപദർപഹാരീ ച നിത്യഃ സർവാംഗസുന്ദരഃ .
ശചീപതിപതിർനേതാ ദാതാ മോക്ഷഗുരുർദ്വിജഃ .. 130..

ഹൃതസ്വനാഥോഽനാഥസ്യ നാഥഃ ശ്രീഗരുഡാസനഃ .
ശ്രീധരഃ ശ്രീകരഃ ശ്രേയഃ പതിർഗതിരപാം പതിഃ .. 131..

അശേഷവന്ദ്യോ ഗീതാത്മാ ഗീതാഗാനപരായണഃ .
ഗായത്രീധാമശുഭദോ വേലാമോദപരായണഃ .. 132..

ധനാധിപഃ കുലപതിർവസുദേവാത്മജോഽരിഹാ .
അജൈകപാത് സഹസ്രാക്ഷോ നിത്യാത്മാ നിത്യവിഗ്രഹഃ .. 133..

നിത്യഃ സർവഗതഃ സ്ഥാണുരജോഽഗ്നിർഗിരിനായകഃ .
ഗോനായകഃ ശോകഹന്താഃ കാമാരിഃ കാമദീപനഃ .. 134..

വിജിതാത്മാ വിധേയാത്മാ സോമാത്മാ സോമവിഗ്രഹഃ .
ഗ്രഹരൂപീ ഗ്രഹാധ്യക്ഷോ ഗ്രഹമർദനകാരകഃ .. 135..

വൈഖാനസഃ പുണ്യജനോ ജഗദാദിർജഗത്പതിഃ .
നീലേന്ദീവരഭോ നീലവപുഃ കാമാംഗനാശനഃ .. 136..

കാമവീജാന്വിതഃ സ്ഥൂലഃ കൃശഃ കൃശതനുർനിജഃ .
നൈഗമേയോഽഗ്നിപുത്രശ്ച ഷാണ്മാതുരഃ ഉമാപതിഃ .. 137..

മണ്ഡൂകവേശാധ്യക്ഷശ്ച തഥാ നകുലനാശനഃ .
സിംഹോ ഹരീന്ദ്രഃ കേശീന്ദ്രഹന്താ താപനിവാരണഃ .. 138..

ഗിരീന്ദ്രജാപാദസേവ്യഃ സദാ നിർമലമാനസഃ .
സദാശിവപ്രിയോ ദേവഃ ശിവഃ സർവ ഉമാപതിഃ .. 139..

ശിവഭക്തോ ഗിരാമാദിഃ ശിവാരാധ്യോ ജഗദ്ഗുരൂഃ .
ശിവപ്രിയോ നീലകണ്ഠഃ ശിതികണ്ഠഃ ഉഷാപതിഃ .. 140..

പ്രദ്യുമ്നപുത്രോ നിശഠഃ ശഠഃ ശഠധനാപഹാ .
ധൂപാപ്രിയോ ധൂപദാതാ ഗുഗ്ഗുല്വഗുരുധൂപിതഃ .. 141..

നീലാംബരഃ പീതവാസാ രക്തശ്വേതപരിച്ഛദഃ .
നിശാപതിർദിവാനാഥോ ദേവബ്രാഹ്മണപാലകഃ .. 142..

ഉമാപ്രിയോ യോഗിമനോഹാരീ ഹാരവിഭൂഷിതഃ .
ഖഗേന്ദ്രവന്ദ്യപാദാബ്ജഃ സേവാതപപരാങ്മുഖഃ .. 143..

പരാർഥദോഽപരപതിഃ പരാത്പരതരോ ഗുരുഃ .
സേവാപ്രിയോ നിർഗുണശ്ച സഗുണഃ ശ്രുതിസുന്ദരഃ .. 144..

ദേവാധിദേവോ ദേവേശോ ദേവപൂജ്യോ ദിവാപതിഃ .
ദിവഃ പതിർവൃഹദ്ഭാനുഃ സേവിതേപ്സിതദായകഃ .. 145..

ഗോതമാശ്രമവാസീ ച ഗോതമശ്രീനിഷേവിതഃ .
രക്താംബരധരോ ദിവ്യോ ദേവീപാദാബ്ജപൂജിതഃ .. 146..

സേവിതാർഥപ്രദാതാ ച സേവാസേവ്യഗിരീന്ദ്രജഃ .
ധാതുർമനോവിഹാരീ ച വിധീതാ ധാതുരുത്തമഃ .. 147..

അജ്ഞാനഹന്താ ജ്ഞാനേന്ദ്രവന്ദ്യോ വന്ദ്യധനാധിപഃ .
അപാം പതിർജലനിധിർധരാപതിരശേഷകഃ .. 148..

ദേവേന്ദ്രവന്ദ്യോ ലോകാത്മാ ത്രിലോകാത്മാ ത്രിലോകപാത് .
ഗോപാലദായകോ ഗന്ധദ്രദോ ഗുഹ്യകസേവിതഃ .. 149..

നിർഗുണഃ പുരുഷാതീതഃ പ്രകൃതേഃ പര ഉജ്ജ്വലഃ .
കാർതികേയോഽമൃതാഹർതാ നാഗാരിർനാഗഹാരകഃ .. 150..

നാഗേന്ദ്രശായീ ധരണീപതിരാദിത്യരൂപകഃ .
യശസ്വീ വിഗതാശീ ച കുരുക്ഷേത്രാധിപഃ ശശീ .. 151..

ശശകാരി ശുഭചാരോ ഗീർവാണഗണസേവിതഃ .
ഗതിപ്രദോ നരസഖഃ ശീതലാത്മാ യശഃ പതിഃ .. 152..

വിജിതാരിർഗണാധ്യക്ഷോ യോഗാത്മാ യോഗപാലകഃ .
ദേവേന്ദ്രസേവ്യോ ദേവന്ദ്രപാപഹാരീ യശോധനഃ .. 153..

അകിഞ്ചനധനഃ ശ്രീമാനമേയാത്മാ മഹാദ്രിധൃക് .
മഹാപ്രലയകാരീ ച ശചീസുതജയപ്രദഃ .. 154..

ജനേശ്വരഃ സർവവിധിരൂപീ ബ്രാഹ്മണപാലകഃ .
സിംഹാസനനിവാസീ ച ചേതനാരഹിതഃ ശിവഃ .. 155..

ശിവപ്രദോ ദക്ഷയജ്ഞഹന്താ ഭൃഗുനിവാരകഃ .
വീരഭദ്രഭയാവർതഃ കാലഃ പരമനിർവ്രണഃ .. 156..

ഉദൂഖലനിബദ്ധശ്ച ശോകാത്മാ ശോകനാശനഃ .
ആത്മയോനിഷ സ്വയഞ്ജാതോ വൈഖാനഃ പാപഹാരകഃ .. 157..

കീർതിപ്രദഃ കീർതിദാതാ ഗജേന്ദ്രഭുജപൂജിതഃ .
സർവാന്തരാത്മാ സർവാത്മാ മോക്ഷരൂപീ നിരായുധഃ .. 158..

ഉദ്ധവജ്ഞാനദാതാ ച യമലാർജുനഭഞ്ജനഃ .
----------------------------------------------------------------------------


ഫലശ്രുതിഃ .
ഇത്യേതത്കഥിതം ദേവീ സഹസ്രം നാമ ചോത്തമം .. 159..

ആദിദേവസ്യ വൈ വിഷ്ണോർബാലകത്വമുപേയുഷഃ .
യഃ പഠേത് പാഠയേദ്വാപി ശ്രുണയാത് ശ്രാവയീത വാ .. 160..

കിം ഫലം ലഭതേ ദേവി വക്തും നാസ്തി മമ പ്രിയേ .
ശക്തിർഗോപാലനാമ്ജശ്ച സഹസ്രസ്യ മഹേശ്വരി .. 161..

ബ്രഹ്മഹത്യാദികാനീഹ പാപാനി ച മഹാന്തി ച .
വിലയം യാന്തി ദേവേശി ! ഗോപാലസ്യ പ്രസാദതഃ .. 162..

ദ്വാദശ്യാം പൗർണമാസ്യാം വാ സപ്തമ്യാം രവിവാസരേ .
പക്ഷദ്വയേ ച സമ്പ്രാപ്യ ഹരിവാസനമേവ വാ .. 163..

യഃ പഠേച്ഛൃണുയാദ്വാപി ന ജനുസ്തസ്യ വിദ്യതേ .
സത്യം സത്യം മഹേശാനി സത്യം സത്യം ന സംശയഃ .. 164..

ഏകാദശ്യാം ശുചിർഭൂത്വാ സേവ്യാ ഭക്തിർഹരേഃ ശുഭാഃ .
ശ്രുത്വാ നാമ സഹസ്രാണി നരോ മുച്യേത പാതകാത് .. 165..

ന ശഠായ പ്രദാതവ്യം ന ധർമധ്വജിനേ പുനഃ .
നിന്ദകായ ച വിപ്രാണാം ദേവാനാം വൈഷ്ണവസ്യ ച  .. 166..

ഗുരുഭക്തിവിഹീനായ ശിവദ്വേഷരതായ ച .
രാധാദുർഗാഭേദമതൗ സത്യം സത്യം ന സംശയഃ .. 167..

യദി നിന്ദേന്മഹേശാനി ഗുരുഹാ ഭവേദ്ധ്രുവം .
വൈഷ്ണവേഷു ച ശാന്തേഷു നിത്യം വൈരാഗ്യരാഗിഷു .. 168..

ബ്രാഹ്മണായ വിശുദ്ധായ സന്ധ്യാർചനരതായ ച .
അദ്വൈതാചാരനിരതേ ശിവഭക്തിരതായ ച .. 169..

ഗുരുവാക്യരതായൈവ നിത്യം ദേയം മഹേശ്വരി .
ഗോപിതം സർവതന്ത്രേഷു തവ സ്നേഹാത്പ്രകീർതിതം .. 170..

നാതഃ പരതരം സ്തോത്രം നാതഃ പരതരോ മനുഃ .
നാതഃ പരതരോ ദേവോ യുഗേഷ്വപി ചതുർഷ്വപി .. 171..

ഹരിഭക്തേഃ പരാ നാസ്തി മോക്ഷശ്രേണീ നഗേന്ദ്രജേ .
വൈഷ്ണവേഭ്യഃ പരം നാസ്തി പ്രാണേഭ്യോഽപി പ്രിയാ മമ .. 172..

വൈഷ്ണവേഷു ച സംഗോ മേ സദാ ഭവതു സുന്ദരി ! .
യസ്യ വംശേ ക്വചിദ്ദേവാത്വൈഷ്ണവോ രാഗവർജിതഃ .. 173..

ഭവേത്തദ്വംശകേ യേ യേ പൂർവേ സ്യഃ പിതരസ്തഥാ .
ഭവന്തി നിർമലാസ്തേ ഹി യാന്തി നിർവാണതാം ഹരേഃ .. 174..

ബഹുനാ കിമിഹോക്തേന വൈഷ്ണവാനാന്തു ദർശനാത് .
നിർമലാഃ പാപരഹിതാഃ പാപിനഃ സ്യുർന സംശയഃ .. 175..

കലൗ ബാലേശ്വരോ ദേവഃ കലൗ ഗംഗേവ കേവലാ .
കലൗ നാസ്ത്യേവ നാസ്ത്യേവ നാസ്ത്യേവ ഗതിരന്യഥാ  .. 176..

.. ഇതി ശ്രീനാരദപഞ്ചരാത്രേ ജ്ഞാനാമൃതസാരേ ചതുർഥരാത്രേ
ഗോപാലസഹസ്രനാമസ്തോത്രമഷ്ടമോഽധ്യായഃ ..