SRI ADIVARAHI SAHASRANAMA STHOTHRAM

 

 ശ്രീആദിവാരാഹീസഹസ്രനാമസ്തോത്രം (ഉഡ്ഡാമരതന്ത്രാന്തർഗതം)
          

.. ശ്രീവാരാഹീധ്യാനം ..

നമോഽസ്തു ദേവി വാരാഹി ജയൈങ്കാരസ്വരൂപിണി .
ജയ വാരാഹി വിശ്വേശി മുഖ്യവാരാഹി തേ നമഃ .. 1..

വാരാഹമുഖി വന്ദേ ത്വാം അന്ധേ അന്ധിനി തേ നമഃ .
സർവദുർഷ്ടപ്രദുഷ്ടാനാം വാക്സ്തംഭനകരേ നമഃ .. 2..

നമഃ സ്തംഭിനി സ്തംഭേ ത്വാം ജൃംഭേ ജൃംഭിണി തേ നമഃ .
രുന്ധേ രുന്ധിനി വന്ദേ ത്വാം നമോ ദേവേശി മോഹിനി .. 3..

സ്വഭക്താനാം ഹി സർവേഷാം സർവകാമപ്രദേ നമഃ .
ബാഹ്വോഃ സ്തംഭകരീം വന്ദേ ജിഹ്വാസ്തംഭനകാരിണീം .. 4..

സ്തംഭനം കുരു ശത്രൂണാം കുരു മേ ശത്രുനാശനം .
ശീഘ്രം വശ്യം ച കുരു മേ യാഽഗ്നൗ വാഗാത്മികാ സ്ഥിതാ .. 5..

ഠചതുഷ്ടയരൂപേ ത്വാം ശരണം സർവദാ ഭജേ .
ഹുമാത്മികേ ഫഡ്രൂപേണ ജയ ആദ്യാനനേ ശിവേ .. 6..

ദേഹി മേ സകലാൻ കാമാൻ വാരാഹി ജഗദീശ്വരി .
നമസ്തുഭ്യം നമസ്തുഭ്യം നമസ്തുഭ്യം നമോ നമഃ .. 7..

            .. വാരാഹീ ഗായത്രീ ..

വരാഹമുഖ്യൈ വിദ്മഹേ . ദണ്ഡനാഥായൈ ധീമഹീ .
തന്നോ അർഘ്രി പ്രചോദയാത്  ..

      

    .. അഥ ശ്രീആദിവാരാഹീസഹസ്രനാമസ്തോത്രം ..


അഥ ധ്യാനം .

വന്ദേ വാരാഹവക്ത്രാം വരമണിമകുടാം വിദ്രുമശ്രോത്രഭൂഷാം
ഹാരാഗ്രൈവേയതുംഗസ്തനഭരനമിതാം പീതകൗശേയവസ്ത്രാം .
ദേവീം ദക്ഷോർധ്വഹസ്തേ മുസലമഥപരം ലാംഗലം വാ കപാലം
വാമാഭ്യാം ധാരയന്തീം കുവലയകലികാം ശ്യാമലാം സുപ്രസന്നാം  ..

ഐം ഗ്ലൗം ഐം നമോ ഭഗവതി 
വാർതാലി വാർതാലി വാരാഹി വാരാഹി 
വരാഹമുഖി വരാഹമുഖി അന്ധേ അന്ധിനി നമഃ 
രുന്ധേ രുന്ധിനി നമഃ 
ജംഭേ ജംഭിനി നമഃ
മോഹേ മോഹിനി നമഃ 
സ്തംഭേ സ്തംഭിനി നമഃ 
സർവദുഷ്ടപ്രദുഷ്ടാനാം സർവേഷാം
സർവവാക്ചിത്തചക്ഷുർമുഖഗതിജിഹ്വാസ്തംഭനം 
കുരു കുരു ശീഘ്രം വശ്യം
കുരു കുരു.  
ഐം ഗ്ലൗം  ഠഃ ഠഃ ഠഃ ഠഃ ഹും ഫട് സ്വാഹാ .
മഹാവാരാഹ്യം വാ ശ്രീപാദുകാം പൂജയാമി നമഃ  ..


ദേവ്യുവാച .

ശ്രീകണ്ഠ കരുണാസിന്ധോ ദീനബന്ധോ ജഗത്പതേ .
ഭൂതിഭൂഷിതസർവാംഗ പരാത്പരതര പ്രഭോ  .. 1..

കൃതാഞ്ജലിപുടാ ഭൂത്വാ പൃച്ഛാമ്യേകം ദയാനിധേ .
ആദ്യാ യാ ചിത്സ്വരൂപാ യാ നിർവികാരാ നിരഞ്ജനാ  .. 2..

ബോധാതീതാ ജ്ഞാനഗമ്യാ കൂടസ്ഥാഽഽനന്ദവിഗ്രഹാ .
അഗ്രാഹ്യാഽതീന്ദ്രിയാ ശുദ്ധാ നിരീഹാ സ്വാവഭാസികാ  .. 3..

ഗുണാതീതാ നിഷ്പ്രപഞ്ചാ ഹ്യവാങ്മനസഗോചരാ .
പ്രകൃതിർജഗദുത്പത്തിസ്ഥിതിസംഹാരകാരിണീ  .. 4..

രക്ഷാർഥേ ജഗതാം ദേവകാര്യാർഥം വാ സുരദ്വിഷാം .
നാശായ ധത്തേ സാ ദേഹം തത്തത്കാര്യൈകസാധനം  .. 5..

തത്ര ഭൂധരണാർഥായ യജ്ഞവിസ്താരഹേതവേ .
വിദ്യുത്കേശഹിരണ്യാക്ഷബലാകാദിവധായ ച  .. 6..

ആവിർബഭൂവ യാ ശക്തിർഘോരാ ഭൂദാരരൂപിണീ .
വാരാഹീ വികടാകാരാ ദാനവാസുരനാശിനീ  .. 7..

സദ്യഃസിദ്ധികരീ ദേവീ ധോരാ ഘോരതരാ ശിവാ .
തസ്യാഃ സഹസ്രനാമാഖ്യം സ്തോത്രം മേ സമുദീരയ .. 8..

കൃപാലേശോഽസ്തി മയി ചേദ്ഭാഗ്യം മേ യദി വാ ഭവേത് .
അനുഗ്രാഹ്യാ യദ്യഹം സ്യാം തദാ വദ ദയാനിധേ  .. 9..

ഈശ്വര ഉവാച .

സാധു സാധു വരാരോഹേ ധന്യാ ബഹുമതാസി മേ .
ശുശ്രൂഷാദിസമുത്പന്നാ ഭക്തിശ്രദ്ധാസമന്വിതാ തവ  .. 10..

സഹസ്രനാമ വാരാഹ്യാഃ സർവസിദ്ധിവിധായി ച .
തവ ചേന്ന പ്രവക്ഷ്യാമി പ്രിയേ കസ്യ വദാമ്യഹം  .. 11..

കിന്തു ഗോപ്യം പ്രയത്നേന സംരക്ഷ്യം പ്രാണതോഽപി ച .
വിശേഷതഃ കലിയുഗേ ന ദേയം യസ്യ കസ്യചിത്  ..

സർവേഽന്യഥാ സിദ്ധിഭാജോ ഭവിഷ്യന്തി വരാനനേ  .. 12..


-----------------------------------------------------------------------
ഓം അസ്യ ശ്രീവാരാഹീസഹസ്രനാമസ്തോത്രസ്യ 
മഹാദേവ ഋഷിഃ . 
അനുഷ്ടുപ്ഛന്ദഃ .
വാരാഹീ ദേവതാ. 
ഐം ബീജം . 
ക്രോം ശക്തിഃ . 
ഹും കീലകം .
മമ സർവാർഥസിദ്ധ്യർഥേ ജപേ വിനിയോഗഃ .
-----------------------------------------------------------------------

ഓം വാരാഹീ വാമനീ വാമാ ബഗലാ വാസവീ വസുഃ .
വൈദേഹീ വിരസൂർബാലാ വരദാ വിഷ്ണുവല്ലഭാ  .. 13..

വന്ദിതാ വസുദാ വശ്യാ വ്യാത്താസ്യാ വഞ്ചിനീ ബലാ .
വസുന്ധരാ വീതിഹോത്രാ വീതരാഗാ വിഹായസീ  .. 14..

സർവാ ഖനിപ്രിയാ കാമ്യാ കമലാ കാഞ്ചനീ രമാ .
ധൂമ്രാ കപാലിനീ വാമാ കുരുകുല്ലാ കലാവതീ .. 15..

യാമ്യാഽഗ്നേയീ ധരാ ധന്യാ ധർമിണീ ധ്യാനിനീ ധ്രുവാ .
ധൃതിർലക്ഷ്മീർജയാ തുഷ്ടിഃ ശക്തിർമേധാ തപസ്വിനീ .. 16..

വേധാ ജയാ കൃതിഃ കാന്തിഃ സ്വാഹാ ശാന്തിർദമാ രതിഃ .
ലജ്ജാ മതിഃ സ്മൃതിർനിദ്രാ തന്ദ്രാ ഗൗരീ ശിവാ സ്വധാ .. 17..

ചണ്ഡീ ദുർഗാഽഭയാ ഭീമാ ഭാഷാ ഭാമാ ഭയാനകാ .
ഭൂദാരാ ഭയാപഹാ ഭീരുർഭൈരവീ ഭംഗരാ ഭടീ .. 18..

ഘുർഘുരാ ഘോഷണാ ഘോരാ ഘോഷിണീ ഘോണസംയുതാ .
ഘനാധനാ ഘർഘരാ ച ഘോണയുക്താഽഘനാശിനീ .. 19..

പൂർവാഗ്നേയീ പാതു യാമ്യാ വായവ്യുത്തരവാരുണീ .
ഐശാന്യൂർധ്വാധഃസ്ഥിതാ ച പൃഷ്ടാ ദക്ഷാഗ്രവാമഗാ .. 20..

ഹൃന്നാഭിബ്രഹ്മരന്ധ്രാർകസ്വർഗപാതാലഭൂമിഗാ .
ഐം ശ്രീഃ ഹ്രീഃ ക്ലീം തീർഥഗതിഃ പ്രീതിർധീർഗീഃ കലാഽവ്യയാ .. 21..

ഋഗ്യജുഃ സാമരൂപാ ച പരാ യാത്രിണ്യുദുംബരാ .
ഗദാസിശക്തിചാപേഷുശൂലചക്രക്രഷ്ടിധാരിണീ .. 22..

ജരതീ യുവതീ ബാലാ ചതുരംഗബലോത്കടാ .
സത്യാക്ഷരാ ചാധിഭേത്രീ ധാത്രീ പാത്രീ പരാ പടുഃ  .. 23..

ക്ഷേത്രജ്ഞാ കമ്പിനീ ജ്യേഷ്ഠാ ദൂരധർശാ ധുരന്ധരാ .
മാലിനീ മാനിനീ മാതാ മാനനീയാ മനസ്വിനീ .. 24..

മഹോത്കടാ മന്യുകരീ മനുരൂപാ മനോജവാ .
മേദസ്വിനീ മദ്യരതാ മധുപാ മംഗലാഽമരാ  .. 25..

മായാ മാതാഽഽമയഹരീ മൃഡാനീ മഹിലാ മൃതിഃ .
മഹാദേവീ മോഹഹരീ മഞ്ജുർമൃത്യുഞ്ജയാഽമലാ  .. 26..

മാംസലാ മാനവാ മൂലാ മഹാരാത്രിമഹാലസാ .
മൃഗാങ്കാ മീനകാരീ  സ്യാന്മഹിഷഘ്നീ മദന്തികാ  .. 27..

മൂർച്ഛാമോഹമൃഷാമോഘാമദമൃത്യുമലാപഹാ .
സിംഹർക്ഷമഹിഷവ്യാഘ്രമൃഗക്രോഡാനനാ ധുനീ .. 28..

ധരിണീ ധാരിണീ ധേനുർധരിത്രീ ധാവനീ ധവാ .
ധർമധ്വനാ ധ്യാനപരാ ധനധാന്യധരാപ്രദാ  .. 29..

പാപദോഷരിപുവ്യാധിനാശിനീ സിദ്ധിദായിനീ .
കലാകാഷ്ഠാത്രപാപക്ഷാഽഹസ്ത്രുടിശ്വാസരൂപിണീ  .. 30..

സമൃദ്ധാ സുഭുജാ രൗദ്രീ രാധാ രാകാ രമാഽരണിഃ .
രാമാ രതിഃ പ്രിയാ രുഷ്ടാ രക്ഷിണീ രവിമധ്യഗാ  .. 31..

രജനീ രമണീ രേവാ രങ്കിനീ രഞ്ജിനീ രമാ .
രോഷാ രോഷവതീ രൂക്ഷാ കരിരാജ്യപ്രദാ രതാ  .. 32..

രൂക്ഷാ രൂപവതീ രാസ്യാ രുദ്രാണീ രണപണ്ഡിതാ .
ഗംഗാ ച യമുനാ ചൈവ സരസ്വതിസ്വസൂർമധുഃ  .. 33..

ഗണ്ഡകീ തുംഗഭദ്രാ ച കാവേരീ കൗശികീ പടുഃ .
ഖട്വോരഗവതീ ചാരാ സഹസ്രാക്ഷാ പ്രതർദനാ  .. 34..

സർവജ്ഞാ ശാങ്കരീ ശാസ്ത്രീ ജടാധാരിണ്യയോരദാ .
യാവനീ സൗരഭീ കുബ്ജാ വക്രതുണ്ഡാ വധോദ്യതാ  .. 35..

ചന്ദ്രാപീഡാ വേദവേദ്യാ ശംഖിനീ നീല്ലഓഹിതാ .
ധ്യാനാതീതാഽപരിച്ഛേദ്യാ മൃത്യുരൂപാ ത്രിവർഗദാ  .. 36..

അരൂപാ ബഹുരൂപാ ച നാനാരൂപാ നതാനനാ .
വൃഷാകപിർവൃഷാരൂഢാ വൃഷേശീ വൃഷവാഹനാ  .. 37..

വൃഷപ്രിയാ വൃഷാവർതാ വൃഷപർവാ വൃഷാകൃതിഃ .
കോദണ്ഡിനീ നാഗചൂഡാ ചക്ഷുഷ്യാ പരമാർഥികാ  .. 38..

ദുർവാസാ ദുർഗ്രഹാ ദേവീ സുരാവാസാ ദുരാരിഹാ .
ദുർഗാ രാധാ ദുർഗഹന്ത്രീ ദുരാരാധ്യാ ദവീയസീ  .. 39..

ദുരാവാസാ ദുഃപ്രഹസ്താ ദുഃപ്രകമ്പാ ദുരുഹിണീ .
സുവേണീ ശ്രമണീ ശ്യാമാ മൃഗവ്യാധാഽർകതാപിനീ  .. 40..

ദുർഗാ താർക്ഷീ പാശുപതീ കൗണപീ കുണപാശനാ .
കപർദിനീ കാമകാമാ കമനീയാ കലോജ്വലാ  .. 41..

കാസാവഹൃത്കാരകാനീ കംബുകണ്ഠീ കൃതാഗമാ .
കർകശാ കാരണാ കാന്താ കല്പാഽകല്പാ കടങ്കടാ  .. 42..

ശ്മശാനനിലയാ ഭിന്നീ ഗജാരുഢാ ഗജാപഹാ .
തത്പ്രിയാ തത്പരാ രായാ സ്വർഭാനുഃ കാലവഞ്ചിനീ  .. 43..

ശാഖാ വിശാഖാ ഗോശാഖാ സുശാഖാ ശേഷശാഖിനീ .
വ്യംഗാ സുഭാംഗാ വാമാംഗാ നീലാംഗാഽനംഗരൂപിണീ  .. 44..

സാംഗോപാംഗാ  ച ശാരംഗാ ശുഭാംഗാ രംഗരൂപിണീ .
ഭദ്രാ സുഭദ്രാ ഭദ്രാക്ഷീ സിംഹികാ വിനതാഽദിതിഃ  .. 45..

ഹൃദ്യാ വദ്യാ സുപദ്യാ ച ഗദ്യപദ്യപ്രിയാ പ്രസൂഃ .
ചർചികാ ഭോഗവത്യംബാ സാരസീ ശബരീ നടീ  .. 46..

യോഗിനീ പുഷ്കലാഽനന്താ പരാ സാംഖ്യാ ശചീ സതീ .
നിമ്നഗാ നിമ്നനാഭിശ്ച സഹിഷ്ണുർജാഗൃതീ ലിപിഃ  .. 47..

ദമയന്തീ ദമീ ദണ്ഡോദ്ദണ്ഡിനീ ദാരദായികാ .
ദീപിനീ ധാവിനീ ധാത്രീ ദക്ഷകന്യാ ദരിദ്രതീ  .. 48..

ദാഹിനീ ദ്രവിണീ ദർവീ ദണ്ഡിനീ ദണ്ഡനായികാ .
ദാനപ്രിയാ ദോഷഹന്ത്രീ ദുഃഖദാരിദ്ര്യനാശിനീ .. 49..

ദോഷദാ ദോഷകൃദ്ദോഗ്ധ്രീ ദോഹദാ ദേവികാഽദനാ .
ദർവീകരീ ദുർവലിതാ ദുര്യുഗാഽദ്വയവാദിനീ  .. 50..

ചരാചരാഽനന്തവൃഷ്ടിരുന്മത്താ കമലാലസാ .
താരിണീ താരകാന്താരാ പരാത്മാ കുബ്ജലോചനാ  .. 51..

ഇന്ദുർഹിരണ്യകവചാ വ്യവസ്ഥാ വ്യവസായികാ .
ഈശനന്ദാ നദീ നാഗീ യക്ഷിണീ സർപിണീ വരീ  .. 52..

സുധാ സുരാ വിശ്വസഹാ സുവർണാംഗദധാരിണീ .
ജനനീ പ്രീതിപാകേരുഃ സാമ്രാജ്ഞീ സംവിദുത്തമാ  .. 53..

അമേയാഽരിഷ്ടദമനീ പിംഗലാ ലിംഗധാരിണീ .
ചാമുണ്ഡാ പ്ലാവിനീ ഹാലാ ബൃഹജ്ജ്യോതിരുരുക്രമാ  .. 54..

സുപ്രതീകാ ച സുഗ്രീവാ ഹവ്യവാഹാ പ്രലാപിനീ .
നഭസ്യാ മാധവീ ജ്യേഷ്ഠാ ശിശിരാ ജ്വാലിനീ രുചിഃ  .. 55..

ശുക്ലാ ശുക്രാ ശുചാ ശോകാ ശുകീ ഭേകീ പികീ ഭകീ .
പൃഷദശ്വാ നഭോയോനീ സുപ്രതീകാ വിഭാവരീ  .. 56..

ഗർവിതാ ഗുർവിണീ ഗണ്യാ ഗുരുർഗുരുതരീ ഗയാ .
ഗന്ധർവീ ഗണികാ ഗുന്ദ്രാ ഗാരുഡീ ഗോപികാഽഗ്രഗാ  .. 57..

ഗണേശീ ഗാമിനീ ഗന്ത്രീ ഗോപതിർഗന്ധിനീ ഗവീ .
ഗർജിതാ  ഗാനനീ ഗോനാ ഗോരക്ഷാ ഗോവിദാം ഗതിഃ  .. 58..

ഗ്രാഥികീ ഗ്രഥികൃദ്ഗോഷ്ഠീ ഗർഭരൂപാ ഗുണൈഷിണീ .
പാരസ്കരീ പാഞ്ചനദാ ബഹുരൂപാ വിരൂപികാ  .. 59..

ഊഹാ വ്യൂഹാ ദുരൂഹാ ച സമ്മോഹാ മോഹഹാരിണീ .
യജ്ഞവിഗ്രഹിണീ യജ്ഞാ യായജൂകാ യശസ്വിനീ  .. 60..

അഗ്നിഷ്ഠോമോഽത്യഗ്നിഷ്ടോമോ വാജപേയശ്ച ഷോഡശീ .
പുണ്ഡരീകോഽശ്വമേധശ്ച രാജസൂയശ്ച നാഭസഃ  .. 61..

സ്വിഷ്ടകൃദ്ബഹുസൗവർണോ ഗോസവശ്ച മഹാവ്രതഃ .
വിശ്വജിദ്ബ്രഹ്മയജ്ഞശ്ച പ്രാജാപത്യഃ ശിലായവഃ .. 62..

അശ്വക്രാന്തോ രഥക്രാന്തോ വിഷ്ണുക്രാന്തോ വിഭാവസുഃ .
സൂര്യക്രാന്തോ ഗജക്രാന്തോ ബലിഭിന്നാഗയജ്ഞകഃ .. 63..

സാവിത്രീ ചാർധസാവിത്രീ സർവതോഭദ്രവാരുണഃ .
ആദിത്യാമയഗോദോഹഗവാമയമൃഗാമയാഃ .. 64..

സർപമയഃ കാലപിഞ്ജഃ കൗണ്ഡിന്യോപനകാഹലഃ .
അഗ്നിവിദ്ദ്വാദശാഹഃ സ്വോപാംശുഃ സോമദോഹനഃ  .. 65..

അശ്വപ്രതിഗ്രഹോ ബർഹിരഥോഽഭ്യുദയ ഋദ്ധിരാട് .
സർവസ്വദക്ഷിണോ ദീക്ഷാ സോമാഖ്യാ സമിദാഹ്വയഃ .. 66..

കഠായനശ്ച ഗോദോഹഃ സ്വാഹാകാരസ്തനൂനപാത് .
ദണ്ഡാപുരുഷമേധശ്ച ശ്യേനോ വജ്ര ഇഷുര്യമഃ .. 67..

അംഗിരാ കംഗഭേരുണ്ഡാ ചാന്ദ്രായണപരായണാ .
ജ്യോതിഷ്ഠോമഃ കുതോ ദർശോ നന്ദ്യാഖ്യഃ പൗർണമാസികഃ .. 68..

ഗജപ്രതിഗ്രഹോ രാത്രിഃ സൗരഭഃ ശാങ്കലായനഃ .
സൗഭാഗ്യകൃച്ച കാരീഷോ വൈതലായനരാമഠീ .. 69..

ശോചിഷ്കാരീ നാചികേതഃ ശാന്തികൃത്പുഷ്ടികൃത്തഥാ .
വൈനതേയോച്ചാടനൗ ച വശീകരണമാരണേ .. 70..

ത്രൈലോക്യമോഹനോ വീരഃ കന്ദർപബലശാതനഃ .
ശംഖചൂഡോ ഗജാച്ഛായോ രൗദ്രാഖ്യോ വിഷ്ണുവിക്രമഃ  .. 71..

ഭൈരവഃ കവഹാഖ്യശ്ചാവഭൃഥോഽഷ്ടാകപാലകഃ .
ശ്രൗഷട് വൗഷട് വഷട്കാരഃ പാകസംസ്ഥാ പരിശ്രുതീ .. 72..

ചയനോ നരമേധശ്ച കാരീരീ രത്നദാനികാ .
സൗത്രാമണീ ച ഭാരുന്ദാ ബാർഹസ്പത്യോ ബലംഗമഃ .. 73..

പ്രചേതാഃ സർവസത്രശ്ച ഗജമേധഃ കരംഭകഃ .
ഹവിഃസംസ്ഥാ സോമസംസ്ഥാ പാകസംസ്ഥാ ഗരുത്മതീ .. 74..

സത്യസൂര്യശ്ചമസഃ സ്രുക്സ്രുവോലൂഖലമേക്ഷണീ .
ചപലോ മന്ഥിനീ മേഢീ യൂപഃ പ്രാഗ്വംശകുഞ്ജികാ .. 75..

രശ്മിരശുശ്ച ദോഭ്യശ്ച വാരുണോദഃ പവിഃ കുഥാ .
ആപ്തോര്യാമോ ദ്രോണകലശോ മൈത്രാവരുണ ആശ്വിനഃ .. 76..

പാത്നീവതശ്ച മന്ഥീ ച ഹാരിയോജന ഏവ ച .
പ്രതിപ്രസ്ഥാനശുക്രൗ ച സാമിധേനീ സമിത്സമാ .. 77..

ഹോതാഽധ്വര്യുസ്തഥോദ്ഘാതാ നേതാ ത്വഷ്ടാ ച യോത്രികാ .
ആഗ്നീധ്രോഽച്ഛവഗാഷ്ടാവഗ്രാവസ്തുത്പ്രതർദകഃ .. 78..

സുബ്രഹ്മണ്യോ ബ്രാഹ്മണശ്ച മൈത്രാവരുണവാരുണൗ .
പ്രസ്തോതാ പ്രതിപ്രസ്ഥാതാ യജമാനാ ധ്രുവന്ത്രികാ .. 79..

ആമിക്ഷാമീഷദാജ്യം ച ഹവ്യം കവ്യം ചരുഃ പയഃ .
ജുഹൂദ്ധുണോഭൃത് ബ്രഹ്മാ ത്രയീ ത്രേതാ തരശ്വിനീ  .. 80..

പുരോഡാശഃ പശുകർഷഃ പ്രേക്ഷണീ ബ്രഹ്മയജ്ഞിനീ .
അഗ്നിജിഹ്വാ ദർഭരോമാ ബ്രഹ്മശീർഷാ മഹോദരീ .. 81..

അമൃതപ്രാശികാ നാരായണീ നഗ്നാ ദിഗംബരാ .
ഓങ്കാരിണീ ചതുർവേദരൂപാ ശ്രുതിരനുല്വണാ .. 82..

അഷ്ടാദശഭുജാ രംഭാ സത്യാ ഗഗനചാരിണീ .
ഭീമവക്ത്രാ മഹാവക്ത്രാ കീർതിരാകൃഷ്ണപിംഗലാ  .. 83..

കൃഷ്ണമൂർദ്ധാ മഹാമൂർദ്ധാ ഘോരമൂർദ്ധാ ഭയാനനാ .
ഘോരാനനാ ഘോരജിഹ്വാ ഘോരരാവാ മഹാവ്രതാ .. 84..

ദീപ്താസ്യാ ദീപ്തനേത്രാ ചണ്ഡപ്രഹരണാ ജടീ .
സുരഭീ സൗനഭീ വീചീ ഛായാ സന്ധ്യാ ച മാംസലാ .. 85..

കൃഷ്ണാ കൃഷ്ണാംബരാ കൃഷ്ണശാർങ്ഗിണീ കൃഷ്ണവല്ലഭാ .
ത്രാസിനീ മോഹിനീ ദ്വേഷ്യാ മൃത്യുരൂപാ ഭയാവഹാ  .. 86..

ഭീഷണാ ദാനവേന്ദ്രഘ്നീ കല്പകർത്രീ ക്ഷയങ്കരീ .
അഭയാ പൃഥിവീ സാധ്വീ കേശിനീ വ്യാധിജന്മഹാ .. 87..

അക്ഷോഭ്യാ ഹ്ലാദിനീ കന്യാ പവിത്രാ രോപിണീ ശുഭാ .
കന്യാദേവീ സുരാദേവീ ഭീമാദേവീ മദന്തികാ .. 88..

ശാകംബരീ മഹാശ്വേതാ ധൂമ്രാ ധൂമ്രേശ്വരീശ്വരീ .
വീരഭദ്രാ മഹാഭദ്രാ മഹാദേവീ മഹാസുരീ .. 89..

ശ്മശാനവാസിനീ ദീപ്താ ചിതിസംസ്ഥാ ചിതിപ്രിയാ .
കപാലഹസ്താ ഖട്വാംഗീ ഖഡ്ഗിനീ ശൂലിനീ ഹലീ .. 90..

കാന്താരിണീ മഹായോഗീ യോഗമാർഗാ യുഗഗ്രഹാ .
ധൂമ്രകേതുർമഹാസ്യായുര്യുഗാനാം പരിവർതിനീ .. 91..

അംഗാരിണ്യങ്കുശകരാ ഘണ്ടാവർണാ ച ചക്രിണീ .
വേതാലീ ബ്രഹ്മവേതാലീ മഹാവേതാലികാ തഥാ .. 92..

വിദ്യാരാജ്ഞീ മോഹരാജ്ഞീ മഹാരാജ്ഞീ മഹോദരീ .
ഭൂതം ഭവ്യം ഭവിഷ്യം ച സാംഖ്യം യോഗസ്തതോ ദമഃ .. 93..

അധ്യാത്മം ചാധിദൈവം ചാധിഭൂതാംശ ഏവ ച .
ഘണ്ടാരവാ വിരൂപാക്ഷീ ശിഖിചിച്ഛ്രീചയപ്രിയാ .. 94..

ഖഡ്ഗശൂലഗദാഹസ്താ മഹിഷാസുരമർദിനീ .
മാതംഗീ മത്തമാതംഗീ കൗശികീ ബ്രഹ്മവാദിനീ .. 95..

ഉഗ്രതേജാ സിദ്ധസേനാ ജൃംഭിണീ മോഹിനീ തഥാ .
ജയാ ച വിജയാ ചൈവ വിനതാ കദ്രുരേവ ച .. 96..

ധാത്രീ വിധാത്രീ വിക്രാന്താ ധ്വസ്താ മൂർച്ഛാ ച മൂർച്ഛനീ .
ദമനീ ദാമിനീ ദമ്യാ ഛേദിനീ താപിനീ തപീ .. 97..

ബന്ധിനീ ബാധിനീ ബന്ധ്യാ ബോധാതീതാ ബുധപ്രിയാ .
ഹരിണീ ഹാരിണീ ഹന്ത്രീ ധരിണീ ധാരിണീ ധരാ .. 98..

വിസാധിനീ സാധിനീ ച സന്ധ്യാ സംഗോപനീ പ്രിയാ .
രേവതീ കാലകർണീ ച സിദ്ധിലക്ഷ്മീരരുന്ധതീ .. 99..

ധർമപ്രിയാ ധർമരതിഃ ധർമിഷ്ഠാ ധർമചാരിണീ .
വ്യുഷ്ടിഃ ഖ്യാതിഃ സിനീവാലീ കുഹൂഃ ഋതുമതീ മൃതിഃ .. 100..

തവാഷ്ട്രീ വൈരോചനീ മൈത്രീ നീരജാ കൈടഭേശ്വരീ .
ഭ്രമണീ ഭ്രാമണീ ഭ്രാമാ ഭ്രമരീ ഭ്രാമരീ ഭ്രമാ .. 101..

നിഷ്കലാ കലഹാ നീതാ കൗലാകാരാ കലേവരാ .
വിദ്യുജ്ജിഹ്വാ വർഷിണീ ച ഹിരണ്യാക്ഷനിപാതിനീ .. 102..

ജിതകാമാ കാമൃഗയാ കോലാ കല്പാംഗിനീ കലാ .
പ്രധാനാ താരകാ താരാ ഹിതാത്മാ ഹിതഭേദിനീ .. 103..

ദുരക്ഷരാ പരംബ്രഹ്മ മഹാതാനാ മഹാഹവാ .
വാരുണീ വ്യരുണീ വാണീ വീണാ വേണീ വിഹംഗമാ .. 104..

മോദപ്രിയാ മോദകിനീ പ്ലവനീ പ്ലാവിനീ പ്ലുതിഃ .
അജരാ ലോഹിതാ ലാക്ഷാ പ്രതപ്താ വിശ്വഭോജിനീ .. 105..

മനോ ബുദ്ധിരഹങ്കാരഃ ക്ഷേത്രജ്ഞാ ക്ഷേത്രപാലികാ .
ചതുർവേദാ ചതുർഭാരാ ചതുരന്താ ചരുപ്രിയാ .. 106..

ചർവിണീ ചോരിണീ ചാരീ ചാങ്കരീ ചർമഭേഭൈരവീ .
നിർലേപാ നിഷ്പ്രപഞ്ചാ ച പ്രശാന്താ നിത്യവിഗ്രഹാ .. 107..

സ്തവ്യാ സ്തവപ്രിയാ വ്യാലാ ഗുരുരാശ്രിതവത്സലാ .
നിഷ്കലങ്കാ നിരാലംബാ നിർദ്വന്ദ്വാ നിഷ്പരിഗ്രഹാ .. 108..

നിർഗുണാ നിർമലാ നിത്യാ നിരീഹാ നിരഘാ നവാ .
നിരിന്ദ്രിയാ നിരാഭാസാ നിർമോഹാ നീതിനായികാ .. 109..

നിരിന്ധനാ നിഷ്കലാ ച ലീലാകാരാ നിരാമയാ .
മുണ്ഡാ വിരൂപാ വികൃതാ പിംഗലാക്ഷീ ഗുണോത്തരാ .. 110..

പദ്മഗർഭാ മഹാഗർഭാ വിശ്വഗർഭാ വിലക്ഷണാ .
പരമാത്മാ പരേശാനീ പരാ പാരാ പരന്തപാ .. 111..

സംസാരസേതുഃ ക്രൂരാക്ഷീ മൂർച്ഛാ മത്താ മനുപ്രിയാ .
വിസ്മയാ ദുർജയാ ദക്ഷാ തനുഹന്ത്രീ ദയാലയാ .. 112..

പരബ്രഹ്മാഽഽനന്ദരൂപാ സർവസിദ്ധിവിധായിനീ . 

ഓം. 
------------------------------------------------------------------

ഏവമുഡ്ഡാമരതന്ത്രാന്മയോദ്ധൃത്യ പ്രകാശിതം .. 113..

ഗോപനീയം പ്രയത്നേന നാഖ്യേയം യസ്യ കസ്യചിത് .
യദീച്ഛസി ദ്രുതം സിദ്ധിം ഐശ്വര്യം ചിരജീവിതാം .. 114..

ആരോഗ്യം നൃപസമ്മാനം തദാ നാമാനി കീർതയേത് .
നാമ്നാം സഹസ്രം വാരാഹ്യാഃ മയാ തേ സമുദീരിതം .. 115..

യഃ പഠേച്ഛൃണുയാദ്വാപി സർവപാപൈഃ പ്രമുച്യതേ .
അശ്വമേധസഹസ്രസ്യ വാജപേയശതസ്യ ച .. 116..

പുണ്ഡരീകായുതസ്യാപി ഫലം പാഠാത് പ്രജായതേ .
പഠതഃ സർവഭാവേന സർവാഃ സ്യുഃ സിദ്ധയഃ കരേ .. 117..

ജായതേ മഹദൈശ്വര്യം സർവേഷാം ദയിതോ ഭവേത് .
ധനസാരായതേ വഹ്നിരഗാധോഽബ്ധിഃ കണായതേ .. 118..

സിദ്ധയശ്ച തൃണായന്തേ വിഷമപ്യമൃതായതേ .
ഹാരായന്തേ മഹാസർപാഃ സിംഹഃ ക്രീഡാമൃഗായതേ .. 119..

ദാസായന്തേ മഹീപാലാ ജഗന്മിത്രായതേഽഖിലം .
തസ്മാന്നാമ്നാം സഹസ്രേണ സ്തുതാ സാ ജഗദംബികാ .
പ്രയച്ഛത്യഖിലാൻ കാമാൻ ദേഹാന്തേ പരമാം ഗതിം .. 120..

.. ഇതി ഉഡ്ഡാമരതന്ത്രാന്തർഗതം 
ശ്രീആദിവാരാഹീസഹസ്രനാമസ്തോത്രം സമ്പൂർണം