SHODASHI SAHASRANAMA STHOTHRAM

 

 ശ്രീഷോഡശീസഹസ്രനാമസ്തോത്രം 


.. ശ്രീമഹാത്രിപുരസുന്ദര്യൈ നമഃ..

.. പൂർവ പീഠികാ ..

കൈലാസശിഖരേ രമ്യേ നാനാരത്നോപശോഭിതേ.
    കല്പപാദപമധ്യസ്ഥേ നാനാപുഷ്പോപശോഭിതേ .. 1..

മണിമണ്ഡപമധ്യസ്ഥേ മുനിഗന്ധർവസേവിതേ .
    കദാചിത്സുഖമാസീനം ഭഗവന്തം ജഗദ്ഗുരും .. 2..

കപാലഖട്വാംഗധരം ചന്ദ്രാർധകൃതശേഖരം .
    ഹസ്തത്രിശൂലഡമരും മഹാവൃഷഭവഹനം .. 3..

ജടാജൂടധരന്ദേവം കണ്ഠഭൂഷണവാസുകിം .
    വിഭൂതിഭൂഷണന്ദേവം നീലകണ്ഠന്ത്രിലോചനം .. 4..

ദ്വീപിചർമപരീധാനം ശുദ്ധസ്ഫടികസന്നിഭം .
    സഹസ്രാദിത്യസങ്കാശം ഗിരിജാർദ്ധാംഗഭൂഷണം .. 5..

പ്രണമ്യ ശിരസാ നാഥം കാരണം വിശ്വരൂപിണം .
    കൃതാഞ്ജലി പുടോ ഭൂത്വാ പ്രാഹൈനം ശിഖവാഹനഃ .. 6..

.. കാർതികേയ ഉവാച ..

ദേവദേവ ജഗന്നാഥ!  സൃഷ്ടിസ്ഥിതിലയാത്മക .
    ത്വമേവ പരമാത്മാ ച ത്വം ഗതിഃ സർവദേഹിനാം .. 7..

ത്വംഗതിഃ സർവലോകാനാം ദീനാനാം ച ത്വമേവ ഹി .
    ത്വമേവ ജഗദാധാരസ്ത്വമേവ വിശ്വകാരണം .. 8..

ത്വമേവ പൂജ്യഃ സർവേഷാം ത്വദന്യോ നാസ്തി മേ ഗതിഃ .
    കിം ഗുഹ്യമ്പരമം ലോകേ കിമേകം സർവസിദ്ധിദം .. 9..

കിമേകം പരമം ശ്രേഷ്ഠം കോ യോഗ: സ്വർഗമോക്ഷദ: .
    വിനാ തീർഥേന തപസാ വിനാ ദാനൈർവിനാ മഖൈ: .. 10..

വിനാ ലയേന ധ്യാനേന നരഃ സിദ്ധിമവാപ്നുയാത് .
    കസ്മാദുത്പദ്യതേ സൃഷ്ടി: കസ്മിംശ്ച പ്രലയോ ഭവേത് .. 11..

കസ്മാദുത്തീര്യതേ ദേവ ! സംസാരാർണവസങ്കടാത് .
    തദഹം ശ്രോതുമിച്ഛാമി കഥയസ്വ മഹേശ്വര ! .. 12..

.. ഈശ്വര ഉവാച ..

സാധു സാധു ത്വയാ പൃഷ്ടം പാർവതീപ്രിയനന്ദന .
    അസ്തി ഗുഹ്യതമമ്പുത്ര! കഥയിഷ്യാമ്യസംശയം .. 13..

സത്വം രജസ്തമശ്ചൈവ യേ ചാന്യേ മഹദാദയഃ .
  യേ ചാന്യേ ബഹവോ ഭൂതാഃ സർവേ പ്രകൃതിസംഭവാഃ .. 14..

സൈവ ദേവീ പരാശക്തിഃ മഹാത്രിപുരസുന്ദരീ .
  സൈവ പ്രസൂയതേ വിശ്വം വിശ്വം സൈവ പ്രപാസ്യതി .. 15..

സൈവ സംഹരതേ വിശ്വം ജഗദേതച്ചരാചരം .
    ആധാരഃ സർവഭൂതാനാം സൈവ രോഗാർതിഹാരിണീ .. 16..

ഇച്ഛാജ്ഞാനക്രിയാശക്തിരബ്രഹ്മവിഷ്ണുശിവാത്മികാ .
    ത്രിധാ ശക്തിസ്വരൂപേണ സൃഷ്ടിസ്ഥിതിവിനാശിനീ .. 17..

സൃജ്യതേ ബ്രഹ്മരൂപേണ വിഷ്ണുരൂപേണ പാല്യതേ .
      ഹ്രിയതേ രുദ്രരൂപേണ ജഗദേതച്ചരാചരം .. 18..

യസ്യാ യോനൗ ജഗത്സർവമദ്യാപി പരിവർതതേ .
    യസ്യാം പ്രലീയതേ ചാന്തേ യസ്യാം ച ജായതേ പുനഃ .. 19..

യാം സമാരാധ്യ ത്രൈലോക്യേ സമ്പ്രാപ്യം പദമുത്തമം .
    തസ്യാ നാമസഹസ്രം തു കഥയാമി ശൃണുഷ്വ തത് .. 20..

.. വിനിയോഗഃ ..

ഓം അസ്യ ശ്രീമഹാത്രിപുരസുന്ദരീസഹസ്രനാമസ്തോത്രമന്ത്രസ്യ
ശ്രീഭഗവാൻ ദക്ഷിണാമൂർതിഃ ഋഷിഃ . 
ജഗതീഛന്ദഃ .
സമസ്തപ്രകടഗുപ്തസമ്പ്രദായ 
കുലകൗലോത്തീർണനിർ ഗർഭരഹസ്യാചിന്ത്യപ്രഭാവതീ
ദേവതാ . 
ഓം ബീജം . 
ഹ്രീം ശക്തിഃ . 
ക്ലീം കീലകം .
ധർമാർഥകാമമോക്ഷാർഥേ ജപേ വിനിയോഗഃ .


.. ഋഷ്യാദി ന്യാസഃ ..

ഓം ശ്രീമഹാത്രിപുരസുന്ദരീസഹസ്രനാമസ്തോത്രമന്ത്രസ്യ
        ശ്രീഭഗവാൻ ദക്ഷിണാമൂർതി ഋഷയേ നമഃ ശിരസി .
ഓം ജഗതീച്ഛന്ദസേ നമഃ മുഖേ.
ഓം സമസ്തപ്രകടഗുപ്തസമ്പ്രദായ
കുലകൗലോത്തീർണനിർഗർഭരഹസ്യാചിന്ത്യ
പ്രഭാവതീദേവതായൈ നമഃ ഹൃദയേ .
ഓം ഓം ബീജായ നമഃ നാഭൗ .
ഓം ഹ്രീം ശക്ത്യേ നമഃ ഗുഹ്യേ .
ഓം ക്ലീം കീലകായ നമഃ പാദയോഃ .
ഓം ധർമാർഥകാമമോക്ഷാർഥേ ജപേ വിനിയോഗായ നമഃ 
സർവാംഗേ .

.. ധ്യാനം ..

ഓം ആധാരേ തരുണാർകബിംബരുചിരം ഹേമപ്രഭം വാഗ്ഭവം .
    ബീജം മന്മഥമിന്ദ്രഗോപസദൃശം ഹൃത്പങ്കജേ സംസ്ഥിതം ..

വിഷ്ണുബ്രഹ്മപദസ്ഥശക്തികലിതം സോമപ്രഭാഭാസുരം .
    യേ ധ്യായന്തി പദത്രയം തവ ശിവേ ! തേ യാന്തി സൗഖ്യം പദം ..

.. മാനസ പൂജനം ..

ഓം ലം പൃഥിവ്യാത്മകം ഗന്ധം
       പരബ്രഹ്മസ്വരൂപിണീ ശ്രീഷോഡശീദേവീ 
പ്രീതയേ സമർപയാമി നമഃ .

ഓം ഹം ആകാശതത്ത്വാത്മകം പുഷ്പം
       പരബ്രഹ്മസ്വരൂപിണീ ശ്രീഷോഡശീദേവീ 
പ്രീതയേ സമർപയാമി നമഃ .

ഓം യം വായുതത്ത്വാത്മകം ധൂപം
       പരബ്രഹ്മസ്വരൂപിണീ ശ്രീഷോഡശീദേവീ 
പ്രീതയേ ഘ്രാപയാമി നമഃ .

ഓം രം അഗ്നിതത്ത്വാത്മകം ദീപം
       പരബ്രഹ്മസ്വരൂപിണീ ശ്രീഷോഡശീദേവീ 
പ്രീതയേ ദർശയാമി നമഃ .

ഓം വം ജലതത്ത്വാത്മകം നൈവേദ്യം
       പരബ്രഹ്മസ്വരൂപിണീ ശ്രീഷോഡശീദേവീ 
പ്രീതയേ നിവേദയാമി നമഃ .

ഓം സം സർവതത്ത്വാത്മകം താംബൂലം
       പരബ്രഹ്മസ്വരൂപിണീ ശ്രീഷോഡശീദേവീ 
പ്രീതയേ സമർപയാമി നമഃ .

.. മൂലപാഠഃ ..

കല്യാണീ കമലാ കാലീ കരാലീ കാമരൂപിണി .
കാമാഖ്യാ കാമദാ കാമ്യാ കാമനാ കാമചാരിണീ .. 1..

കാലരാത്രിർമഹാരാത്രി  കപാലീ കാമരൂപിണീ .
കൗമാരീ കരുണാ മുക്തിഃ കലികല്മഷനാശിനീ .. 2..

കാത്യായനീ കരാധാരാ കൗമുദീ കമലപ്രിയാ .
കിർതിദാ ബുദ്ധിദാ മേധാ നീതിജ്ഞാ നീതിവത്സലാ .. 3..

മാഹേശ്വരീ മഹാമായാ മഹാതേജാ മഹേശ്വരീ .
മഹാജിഹ്വാ മഹാഘോരാ മഹാദംഷ്ട്രാ മഹാഭുജാ .. 4..

മഹാമോഹാന്ധകാരഘ്നീ മഹാമോക്ഷപ്രദായിനീ .
മഹാദാരിദ്ര്യനാശാ ച മഹാശത്രുവിമർദിനീ .. 5..

മഹാമായാ മഹാവീര്യാ മഹാപാതകനാശിനീ .
മഹാമഖാ മന്ത്രമയീ മണിപൂരകവാസിനീ .. 6..

മാനസീ മാനദാ മാന്യാ മനശ്ചക്ഷൂരണേചരാ .
ഗണമാതാ ച ഗായത്രീ ഗണഗന്ധർവസേവിതാ .. 7..

ഗിരിജാ ഗിരിശാ സാധ്വീ ഗിരിസ്ഥാ ഗിരിവല്ലഭാ .
ചണ്ഡേശ്വരീ ചണ്ഡരൂപാ പ്രചണ്ഡാ ചണ്ഡമാലിനീ .. 8..

ചർവികാ ചർചികാകാരാ ചണ്ഡികാ ചാരുരൂപിണീ .
യജ്ഞേശ്വരീ യജ്ഞരൂപാ ജപയജ്ഞപരായണാ .. 9..

യജ്ഞമാതാ യജ്ഞഭോക്ത്രീ യജ്ഞേശീ യജ്ഞസംഭവാ .
സിദ്ധയജ്ഞാ ക്രിയാസിദ്ധിര്യജ്ഞാംഗീ യജ്ഞരക്ഷികാ .. 10..

യജ്ഞക്രിയാ ച യജ്ഞാ ച യജ്ഞായജ്ഞക്രിയാലയാ .
ജാലന്ധരീ ജഗന്മാതാ ജാതവേദാ ജഗത്പ്രിയാ .. 11..

ജിതേന്ദ്രിയാ ജിതക്രോധാ ജനനീ ജന്മദായിനീ .
ഗംഗാ ഗോദാവരീ ചൈവ ഗോമതീ ച ശതദ്രുകാ .. 12..

ഘർഘരാ വേദഗർഭാ ച രേചികാ സമവാസിനീ .
സിന്ധുർമന്ദാകിനീ ക്ഷിപ്രാ യമുനാ ച സരസ്വതീ .. 13..

ഭദ്രാ രാഗാ വിപാശാ ച ഗണ്ഡകീ വിന്ധയവാസിനീ .  100
നർമദാ താപ്തീ കാവേരീ വേത്രവതീ സുകൗശികീ .. 14..
മഹേന്ദ്രതനയാ ചൈവ അഹല്യാ ചർമകാവതീ .
അയോധ്യാ മഥുരാ മായാ കാശീ കാഞ്ചീ അവന്തികാ .. 15..

പുരീ ദ്വാരാവതീ തീർഥാ മഹാകില്വിഷനാശിനീ .
പദ്മിനീ പദ്മമധ്യസ്ഥാ പദ്മകിഞ്ജൽകവാസിനീ .. 16..

പദ്മവക്ത്രാ ചകോരാക്ഷീ പദ്മസ്ഥാ പദ്മസംഭവാ .
ഹ്രീങ്കാരീ കുണ്ഡലാധാരാ ഹൃത്പദ്മസ്ഥാ സുലോചനാ .. 17..

ശ്രീങ്കാരീ ഭൂഷണാ ലക്ഷ്മീഃ ക്ലീങ്കാരീ ക്ലേശനാശിനീ .
ഹരിവക്ത്രോദ്ഭവാ ശാന്താ ഹരിവക്ത്രകൃതാലയാ .. 18..

ഹരിവക്ത്രോപമാ ഹാലാ ഹരിവക്ഷ:സ്ഥലാസ്ഥിതാ .
വൈഷ്ണവീ വിഷ്ണുരൂപാ ച വിഷ്ണുമാതൃസ്വരൂപിണീ .. 19..

വിഷ്ണുമായാ വിശാലാക്ഷീ വിശാലനയനോജ്ജ്വലാ .
വിംശ്വേശ്വരീ ച വിശ്വാത്മാ വിശ്വേശീ വിശ്വരൂപിണീ .. 20..

വിശ്വനാഥാ ശിവാരാധ്യാ ശിവനാഥാ ശിവപ്രിയാ .
ശിവമാതാ ശിവാഖ്യാ ച ശിവദാ ശിവരൂപിണീ .. 21..

ഭവേശ്വരീ ഭവാരാധ്യാ ഭവേശീ ഭവനായികാ .
ഭവമാതാ ഭവഗമ്യാ ഭവകണ്ടകനാശിനീ .. 22..

ഭവപ്രിയാ ഭവാനന്ദാ ഭവാനീ ഭവമോഹിനീ .
ഗായത്രീ ചൈവ സാവിത്രീ ബ്രഹ്മാണീ ബ്രഹ്മരൂപിണീ .. 23..

ബ്രഹ്മേശീ ബ്രഹ്മദാ ബ്രഹ്മാ ബ്രഹ്മാണീ ബ്രഹ്മവാദിനീ .
ദുർഗസ്ഥാ ദുർഗരൂപാ ച ദുർഗാ ദുർഗാർതിനാശിനീ .. 24..

സുഗമാ ദുർഗമാ ദാന്താ ദയാ ദോഗ്ധ്രീ ദുരാപഹാ .
ദുരിതഘ്നീ ദുരാധ്യക്ഷാ ദുരാ ദുഷ്കൃതനാശിനീ .. 25..

പഞ്ചാസ്യാ പഞ്ചമീ പൂർണാ പൂർണപീഠനിവാസിനീ . 
സത്ത്വസ്ഥാ സത്ത്വരൂപാ ച സത്ത്വഗാ സത്ത്വസംഭവാ .. 26..

രജസ്ഥാ ച രജോരൂപാ രജോഗുണസമുദ്ഭവാ .
തമസ്ഥാ ച തമോരൂപാ താമസീ താമസപ്രിയാ .. 27..

തമോഗുണസമുദ്ഭൂതാ സാത്വികീ രാജസീ കലാ .
കാഷ്ഠാ മുഹൂർതാ നിമിഷാ അനിമേഷാ തതഃ പരം .. 28..

അർധമാസാ ച മാസാ ച സംവത്സരസ്വരൂപിണീ .
യോഗസ്ഥാ യോഗരൂപാ ച കല്പസ്ഥാ കല്പരൂപിണീ .. 29..

നാനാരത്നവിചിത്രാംഗീ നാനാഽഽഭരണമണ്ഡിതാ .
വിശ്വാത്മികാ വിശ്വമാതാ വിശ്വപാശവിനാശിനീ .. 30..

വിശ്വാസകാരിണീ വിശ്വാ വിശ്വശക്തിവിചാരണാ .
ജപാകുസുമസങ്കാശാ ദാഡിമീകുസുമോപമാ .. 31..

ചതുരംഗീ ചതുർബാഹുശ്ചതുരാചാരവാസിനീ .
സർവേശീ സർവദാ സർവാ സർവദാസർവദായിനീ .. 32..

മാഹേശ്വരീ ച സർവാദ്യാ ശർവാണീ സർവമംഗലാ .
നലിനീ നന്ദിനീ നന്ദാ ആനന്ദാനന്ദവർദ്ധിനീ .. 33..

വ്യാപിനീ സർവഭുതേഷു ഭവഭാരവിനാശിനീ .
സർവശൃംഗാരവേഷാഢ്യാ പാശാങ്കുശകരോദ്യതാ .. 34..

സൂര്യകോടിസഹസ്രാഭാ ചന്ദ്രകോടിനിഭാനനാ .
ഗണേശകോടിലാവണ്യാ വിഷ്ണുകോട്യരിമർദിനീ .. 35..

ദാവാഗ്നികോടിദലിനീ രുദ്രകോട്യുഗ്രരൂപിണീ .
സമുദ്രകോടിഗംഭീരാ വായുകോടിമഹാബലാ .. 36..

ആകാശകോടിവിസ്താരാ യമകോടിഭയങ്കരീ .
മേരുകോടിസമുഛ്രായാ ഗണകോടിസമൃദ്ധിദാ .. 37..

നിഷ്കസ്തോകാ നിരാധരാ നിർഗുണാ ഗുണവർജിതാ .
അശോകാ ശോകരഹിതാ താപത്രയവിവർജിതാ .. 38..

വസിഷ്ഠാ വിശ്വജനനീ വിശ്വാഖ്യാ വിശ്വവർദ്ധിനീ .
ചിത്രാ വിചിത്രാ ചിത്രാംഗീ  ഹേതുഗർഭാകുലേശ്വരീ .. 39..
ഇച്ഛാശക്തിഃ ജ്ഞാനശക്തിഃ ക്രിയാശക്തിഃ ശുചിസ്മിതാ .
ശുചിഃ സ്മൃതിമയീ സത്യാ ശ്രുതിരൂപാ ശ്രുതിപ്രിയാ .. 40..

മഹാസത്വമയീ സത്വാ പഞ്ചതത്ത്വോപരിസ്ഥിതാ .
പാർവതീ ഹിമവത്പുത്രീ പാരസ്ഥാ പാരരൂപിണീ .. 41..

ജയന്തീ ഭദ്രകാലീ ച അഹല്യാ കുലനായികാ . 
ഭൂതധാത്രീ ച ഭൂതേശീ ഭൂതസ്ഥാ ഭൂതഭാവിനീ .. 42..

മഹാകുണ്ഡലിനീശക്തിർമഹാവിഭവർദ്ധിനീ .
ഹംസാക്ഷീ ഹംസരൂപാ ച ഹംസസ്ഥാ ഹംസരൂപിണീ .. 43..

സോമസൂര്യാഗ്നിമധ്യസ്ഥാ മണിമണ്ഡലവാസിനീ .
ദ്വാദശാരസരോജസ്ഥാ സൂര്യമണ്ഡലവാസിനീ .. 44..

അകലങ്കാ ശശാങ്കാഭാ ഷോഡശാരനിവാസിനീ .
ഡാകിനീ രാകിനീ ചൈവ ലാകിനീ കാകിനീ തഥാ .. 45..

ശാകിനീ ഹാകിനീ ചൈവ ഷട് ചക്രേഷു നിവാസിനീ .
സൃഷ്ടി സ്ഥിതിവിനാശിനീ സൃഷ്ട്യന്താ സൃഷ്ടികാരിണീ .. 46..

ശ്രീകണ്ഠപ്രിയാ ഹൃതകണ്ഠാ നന്ദാഖ്യാ വിന്ദുമാലിനീ .
ചതുഷ്ഷഷ്ടി കലാധാരാ ദേഹദണ്ഡസമാശ്രിതാ .. 47..
മായാ കാലീ ധൃതിർമേധാ ക്ഷുധാ തുഷ്ടിർമഹാദ്യുതിഃ .
ഹിംഗുലാ മംഗലാ സീതാ സുഷുമ്നാമധ്യഗാമിനീ .. 48..

പരഘോരാ കരാലാക്ഷീ വിജയാ ജയദായിനീ .
ഹൃതപദ്മനിലയാ ഭീമാ മഹാഭൈരവനാദിനീ .. 49..

ആകാശലിംഗസംഭൂതാ ഭുവനോദ്യാനവാസിനീ .
മഹത്സൂക്ഷ്മാ ച കങ്കാലീ ഭീമരൂപാ മഹാബലാ .. 50..

മേനകാഗർഭസംഭൂതാ തപ്തകാഞ്ചനസന്നിഭാ .
അന്തരസ്ഥാ ച കൂടബീജാ ചിത്രകൂടാചലവാസിനീ .. 51..

വർണാഖ്യാ വർണരഹിതാ പഞ്ചാശദ്വർണഭേദിനീ .
വിദ്യാധരീ ലോകധാത്രീ അപ്സരാ അപ്സരഃ പ്രിയാ .. 52..

ദീക്ഷാ ദാക്ഷായണീ ദക്ഷാ ദക്ഷയജ്ഞവിനാശിനീ .
യശഃപൂർണാ യശോദാ ച യശോദാഗർഭസംഭവാ .. 53..

ദേവകീ ദേവമാതാ ച രാധികാ കൃഷ്ണവല്ലഭാ .
അരുന്ധതീ ശചീന്ദ്രാണീ ഗാന്ധാരീ ഗന്ധമാലിനീ .. 54..

ധ്യാനാതീതാ ധ്യാനഗമ്യാ ധ്യാനജ്ഞാ ധ്യാനധാരിണീ .
ലംബോദരീ ച ലംബോഷ്ഠീ ജാംബവന്തീ ജലോദരീ .. 55..

മഹോദരീ മുക്തകേശീ മുക്തകാമാർഥസിദ്ധിദാ .
തപസ്വിനീ തപോനിഷ്ഠാ സുപർണാ ധർമവാസിനീ .. 56.. 
ബാണചാപധരാ ധീരാ പാഞ്ചാലീ പഞ്ചമപ്രിയാ .
ഗുഹ്യാംഗീ ച സുഭീമാംഗീ ഗുഹ്യതത്ത്വാ നിരഞ്ജനാ .. 57..

അശരീരാ ശരീരസ്ഥാ സംസാരാർണവതാരിണീ .
അമൃതാ നിഷ്കലാ ഭദ്രാ സകലാ കൃഷ്ണപിംഗലാ .. 58..

ചക്രപ്രിയാ ച ചക്രാഹ്വാ പഞ്ചചക്രാദിദിരിണീ .
പദ്മരാഗപ്രതീകാശാ നിർമലാകാശ സന്നിഭാ .. 59..

അധഃസ്ഥാ ഊർധ്വരൂപാ ച ഊരധ്വപദ്മനിവാസിനീ .
കാര്യകാരണകർതൃത്വേ ശശ്വദ്-രൂപേഷു-സംസ്ഥിതാ .. 60..
രസജ്ഞാ രസമധ്യസ്ഥാ ഗന്ധസ്ഥാ ഗന്ധരൂപിണീ .
പരബ്രഹ്മസ്വരൂപാ ച പരബ്രഹ്മനിവാസിനീ .. 61..

ശബ്ദബ്രഹ്മസ്വരൂപാ ച ശബ്ദസ്ഥാ ശബ്ദവർജിതാ .
സിദ്ധിർബുദ്ധിർപരാബുദ്ധിഃ സന്ദീപ്തിർമധ്യസംസ്ഥിതാ .. 62..
സ്വഗുഹ്യാ ശാംഭവീശക്തിഃ തത്ത്വസ്ഥാ തത്ത്വരൂപിണീ .
ശാശ്വതീ ഭൂതമാതാ ച മഹാഭൂതാധിപപ്രിയാ .. 63..

ശുചിപ്രേതാ ധർമസിദ്ധിഃ ധർമവൃദ്ധിഃ പരാജിതാ .
കാമസന്ദീപനീ കാമാ സദാകൗതൂഹലപ്രിയാ .. 64..

ജടാജൂടധരാ മുക്താ സൂക്ഷ്മാ ശക്തിവിഭൂഷണാ .
ദ്വീപിചർമപരീധാനാ ചീരവൽകലധാരിണീ .. 65..

ത്രിശൂലഡമരൂധരാ നരമാലാവിഭൂഷണാ .
അത്യുഗ്രരൂപിണീ ചോഗ്രാ കല്പാന്തദഹനോപമാ .. 66..

ത്രൈലോക്യസാധിനീ സാധ്യാ സിദ്ധിസാധകവത്സലാ .
സർവവിദ്യാമയീ സാരാ ചാസുരാണാം വിനാശിനീ .. 67..

ദമനീ ദാമിനീ ദാന്താ ദയാ ദോഗ്ഘ്രീ ദുരാപഹാ .
അഗ്നിജിഹ്വോപമാ ഘോരാഘോര ഘോര തരാനനാ.. 68.
നാരായണീ നാരസിംഹീ നൃസിംഹഹൃദയേസ്ഥിതാ .
യോഗേശ്വരീ യോഗരൂപാ യോഗമാതാ ച യോഗിനീ .. 69..

ഖേചരീ ഖചരീ ഖേലാ നിർവാണപദസംശ്രയാ .
നാഗിനീ നാഗകന്യാ ച സുവേശാ നാഗനായികാ .. 70..

വിഷജ്വാലാവതീ ദീപ്താ കലാശതവിഭൂഷണാ .
തീവ്രവക്ത്രാ മഹാവക്ത്രാ നാഗകോടിത്വധാരിണീ .. 71..
മഹാസത്വാ ച ധർമജ്ഞാ ധർമാതിസുഖദായിനീ .
കൃഷ്ണമൂർദ്ധാ മഹാമൂർദ്ധാ ഘോരമൂർദ്ധാ വരാനനാ .. 72..

സർവേന്ദ്രിയമനോന്മത്താ സർവേന്ദ്രിയമനോമയീ .
സർവസംഗ്രാമജയദാ സർവപ്രഹരണോദ്യതാ .. 73..

സർവപീഡോപശമനീ സർവാരിഷ്ടനിവാരിണീ .
സർവൈശ്വര്യസമുത്പന്നാ സർവഗ്രഹവിനാശിനീ .. 74..

മാതംഗീ മത്തമാതംഗീ മാതംഗീപ്രിയമണ്ഡലാ .
അമൃതോദധിമധ്യസ്ഥാ കടിസൂത്രൈരലങ്കൃതാ .. 75..

അമൃതോദധിമധ്യസ്ഥാ പ്രവാലവസനാംബുജാ .
മണിമണ്ഡലമധ്യസ്ഥാ ഈഷത്പ്രഹസിതാനനാ .. 76..

കുമുദാ ലലിതാ ലോലാ ലാക്ഷാലോഹിതലോചനാ .
ദിഗ്വാസാ ദേവദൂതീ ച ദേവദേവാധിദേവതാ .. 77..

സിംഹോപരിസമാരൂഢാ ഹിമാചലനിവാസിനീ .
അട്ടാട്ടഹാസിനീ ഘോരാ ഘോരദൈത്യവിനാശിനീ .. 78..

അത്യഗ്രരക്തവസ്ത്രാഭാ നാഗകേയൂരമണ്ഡിതാ .
മുക്താഹാരലതോപേതാ തുംഗപീനപയോധരാ .. 79..

രക്തോത്പലദലാകാരാ മദാഘൂർണിതലോചനാ .
സമസ്തദേവതാമൂർതിഃ സുരാരിക്ഷയകാരിണീ .. 80..

ഖഡ്ഗിനീ ശൂലഹസ്താ ച ചക്രിണീ ചക്രമാലിനീ .  
ശംഖിനീ ചാപിനീ  ബാണാ വജ്രണീ വജ്രദണ്ഡിനീ .. 81..
ആന്നദോദധതിമധ്യസ്ഥാ കടിസൂത്രധാരാപരാ . 
നാനാഭരണദീപ്താംഗാ നാനമണിവിഭൂഷിതാ .. 82..

ജഗദാനന്ദസംഭൂതാ ചിന്താമണിഗുണാന്വിതാ .
ത്രൈലോക്യനമിതാ തുര്യാ ചിന്മയാനന്ദരൂപിണീ .. 83..

ത്രൈലോക്യനന്ദിനീദേവീ ദുഃഖ ദുഃസ്വപ്നനാശിനീ  . 
ഘോരാഗ്നിദാഹശമനീ രാജ്യദേവാർഥസാധിനീ .. 84..

മഹാഽപരാധരാശിഘ്നീ മഹാചൗരഭയാപഹാ .
രാഗാദി ദോഷരഹിതാ ജരാമരണവർജിതാ .. 85..

ചന്ദ്രമണ്ഡലമധ്യസ്ഥാ പീയൂഷാർണവസംഭവാ .
സർവദേവൈഃസ്തുതാദേവീ സർവസിദ്ധൈർനമസ്കൃതാ .. 86..

അചിന്ത്യശക്തിരൂപാ ച മണിമന്ത്രമഹൗഷധി .
അസ്തിസ്വസ്തിമയീബാലാ മലയാചലവാസിനീ .. 87..

ധാത്രീ വിധാത്രീ സംഹാരീ രതിജ്ഞാ രതിദായിനീ .
രുദ്രാണീ രുദ്രരൂപാ ച രുദ്രരൗദ്രാർതിനാശിനീ .. 88..

സർവജ്ഞാചൈവധർമജ്ഞാ രസജ്ഞാ ദീനവത്സലാ .
അനാഹതാ ത്രിനയനാ നിർഭാരാ നിർവൃതിഃപരാ .. 89..

പരാഽഘോരാ കരാലാക്ഷീ സുമതീ ശ്രേഷ്ഠദായിനീ .
മന്ത്രാലികാ മന്ത്രഗമ്യാ മന്ത്രമാലാ സുമന്ത്രിണീ .. 90.. 
ശ്രദ്ധാനന്ദാ മഹാഭദ്രാ നിർദ്വന്ദ്വാ നിർഗുണാത്മികാ .
ധരിണീ ധാരിണീ പൃഥ്വീ ധരാ ധാത്രീ വസുന്ധരാ .. 91..

മേരൂമന്ദരമധ്യസ്ഥാ സ്ഥിതിഃ ശങ്കരവല്ലഭാ .
ശ്രീമതീ ശ്രീമയീ ശ്രേഷ്ഠാ ശ്രീകരീ ഭാവഭാവിനീ .. 92..

ശ്രീദാ ശ്രീമാ ശ്രീനിവാസാ ശ്രീവതീ ശ്രീമതാംഗതിഃ . 
ഉമാ സാരംഗിണീ കൃഷ്ണാ കുടിലാ കുടിലാലികാ .. 93..

ത്രിലോചനാ ത്രിലോകാത്മാ പുണ്യാപുണ്യപ്രകീർതിതാ 
അമൃതാ സത്യസങ്കല്പാ സാ സത്യാ ഗ്രന്ഥിഭേദിനീ .. 94..

പരേശീ പരമാസാധ്യാ പരാവിദ്യാ പരാത്പരാ .
സുന്ദരാംഗീ സുവർണാഭാ സുരാസുരനമസ്കൃതാ .. 95..

പ്രജാ പ്രജാവതീ ധാന്യാ ധനധാന്യസമൃദ്ധിദാ .
ഈശാനീ ഭുവനേശാനീ ഭവാനീ ഭുവനേശ്വരീ .. 96..

അനന്താനന്തമഹിതാ ജഗത്സാരാ ജഗദ്ഭവാ .
അചിന്ത്യാത്മാചിന്ത്യശക്തിഃ ചിന്ത്യാചിന്ത്യസ്വരൂപിണീ .. 97..

ജ്ഞാനഗമ്യാ ജ്ഞാനമൂർതിഃ ജ്ഞാനിനീ ജ്ഞാനശാലിനീ .
അസിതാ ഘോരരൂപാ ച സുധാധാരാ സുധാവഹാ .. 98..

ഭാസ്കരീ ഭാസ്വരീ ഭീതിർഭാസ്വദക്ഷാനുശായിനീ .
അനസൂയാ ക്ഷമാ ലജ്ജാ ദുർലഭാഭരണാത്മികാ .. 99..

വിശ്വധ്നീ വിശ്വവീരാ വ വിശ്വാശാ വിശ്വസംസ്ഥിതാ .
ശീലസ്ഥാ ശീലരൂപാ ച ശീലാ ശീലപ്രദായിനീ .. 100..

ബോധിനീ ബോധകുശലാ രോധിനീബോധിനീ തഥാ .
വിദ്യോതിനീ വിചിത്രാത്മാ വിദ്യുത്പടലസന്നിഭാ .. 101..

വിശ്വയോനിർമഹായോനിഃ കർമയോനിഃ പ്രിയാത്മികാ .
var?വിശ്വയോനിഃ മഹായോനിഃ കർമയോനിഃ പ്രിയാത്മികാ
രോഹിണീ രോഗശമനീ മഹാരോഗജ്വരാപഹാ .. 102..

രസദാ പുഷ്ടിദാ പുഷ്ടിർമാനദാ മാനവപ്രിയാ . 
കൃഷ്ണാംഗവാഹിനീ കൃഷ്ണാഽകലാ കൃഷ്ണസഹോദരാ .. 103.. 
ശാംഭവീ ശംഭുരൂപാ ച ശംഭുസ്ഥാ ശംഭുസംഭവാ .
വിശ്വോദരീ യോഗമാതാ യോഗമുദ്രാ സുയോഗിനീ .. 104..

വാഗീശ്വരീ യോഗനിദ്രാ യോഗിനീകോടിസേവിതാ .
കൗലികാ നന്ദകന്യാ ച ശൃംഗാരപീഠവാസിനീ .. 105..

ക്ഷേമങ്കരീ സർവരൂപാ ദിവ്യരൂപാ ദിഗംബരീ .
ധൂമ്രവക്ത്രാ ധൂമ്രനേത്രാ ധൂമ്രകേശീ ച ധൂസരാ .. 106..

പിനാകീ രുദ്രവേതാലീ മഹാവേതാലരൂപിണീ .
തപിനീ താപിനീ ദീക്ഷാ വിഷ്ണുവിദ്യാത്മനാശ്രിതാ .. 107..

മന്ഥരാ ജഠരാ തീവ്രാഽഗ്നിജിഹ്വാ ച ഭയാപഹാ .
പശുഘ്നീ പശുപാലാ ച പശുഹാ പശുവാഹിനീ .. 108..

പിതാമാതാ ച ധീരാ ച പശുപാശവിനാശിനീ .
ചന്ദ്രപ്രഭാ ചന്ദ്രരേഖാ ചന്ദ്രകാന്തിവിഭൂഷിണീ .. 109..

കുങ്കമാങ്കിതസർവാംഗീ സുധാസദ്ഗുരുലോചനാ .
ശുക്ലാംബരധരാദേവീ വീണാപുസ്തകധാരിണീ .. 110..

ഐരാവതപദ്മധരാ ശ്വേതപദ്മാസനസ്ഥിതാ .
രക്താംബരധരാദേവീ രക്തപദ്മവിലോചനാ .. 111..

ദുസ്തരാ താരിണീ താരാ തരുണീ താരരൂപിണീ .
സുധാധാരാ ച ധർമജ്ഞാ ധർമസംഘോപദേശിനീ .. 112..

ഭഗേശ്വരീ ഭഗാരാധ്യാ ഭഗിനീ ഭഗനായികാ .
ഭഗബിംബാ ഭഗക്ലിന്നാ ഭഗയോനിർഭഗപ്രദാ .. 113..
ഭഗേശീ ഭഗരൂപാ ച ഭഗഗുഹ്യാ ഭഗാവഹാ .
ഭഗോദരീ ഭഗാനന്ദാ ഭഗസ്ഥാ ഭഗശാലിനീ .. 114..

സർവസങ്ക്ഷോഭിണീശക്തിഃ സർവവിദ്രാവിണീ തഥാ .
മാലിനീ മാധവീ മാധ്വീ മധുരൂപാ മഹോത്കടാ .. 115..

ഭേരുണ്ഡാ ചന്ദ്രികാ ജ്യോത്സ്നാ വിശ്വചക്ഷുസ്തമോഽപഹാ .
സുപ്രസന്നാ മഹാദൂതീ യമദൂതീ ഭയങ്കരീ .. 116..

ഉന്മാദിനീ മഹാരൂപാ ദിവ്യരൂപാ സുരാർചിതാ .
ചൈതന്യരൂപിണീ നിത്യാ ക്ലിന്നാ കാമമദോദ്ധതാ .. 117..

മദിരാനന്ദകൈവല്യാ മദിരാക്ഷീ മദാലസാ . 
സിദ്ധേശ്വരീ സിദ്ധവിദ്യാ സിദ്ധാദ്യാ സിദ്ധസംഭവാ .. 118..

സിദ്ധർദ്ധിഃ സിദ്ധമാതാ ച സിദ്ധഃസർവാർഥസിദ്ധിദാ .
മനോമയീ ഗുണാതീതാ പരഞ്ജ്യോതിഃസ്വരൂപിണീ .. 119..

പരേശീ പരഗാപാരാ പരാസിദ്ധിഃ പരാഗതിഃ .
വിമലാ മോഹിനീ ആദ്യാ മധുപാനപരായണാ .. 120..

വേദവേദാംഗജനനീ സർവശാസ്ത്രവിശാരദാ .
സർവദേവമയീവിദ്യാ സർവശാസ്ത്രമയീ തഥാ .. 121..

സർവജ്ഞാനമയീദേവീ സർവധർമമയീശ്വരീ .
സർവയജ്ഞമയീ യജ്ഞാ സർവമന്ത്രാധികാരിണീ .. 122..

സർവസമ്പതപ്രതിഷ്ഠാത്രീ സർവവിദ്രാവിണീ പരാ .
സർവസങ്ക്ഷോഭിണീദേവീ സർവമംഗലകാരിണീ .. 123..

ത്രൈലോക്യാകർഷിണീ ദേവീ സർവാഹ്ലാദനകാരിണീ .
സർവസമ്മോഹിനീദേവീ സർവസ്തംഭനകാരിണീ.. 124..

ത്രൈലോക്യജൃംഭിണീ ദേവീ തഥാ സർവവശങ്കരീ .
ത്രൈലോക്യരഞ്ജനീദേവീ സർവസമ്പത്തിദായിനീ .. 125..

സർവമന്ത്രമയിദേവീ സർവദ്വന്ദ്വക്ഷയങ്കരീ .
സർവസിദ്ധിപ്രദാദേവീ സർവസമ്പത്പ്രദായിനീ .. 126..

സർവപ്രിയങ്കരീദേവീ സർവമംഗലകാരിണീ .
സർവകാമപ്രദാദേവീ സർവദുഃഖവിമോചിനീ .. 127..

സർവമൃത്യുപ്രശമനീ സർവവിഘ്നവിനാശിനീ .
സർവാംഗസുന്ദരീമാതാ സർവസൗഭാഗ്യദായിനീ .. 128..

സർവജ്ഞാ സർവശക്തിശ്ച സർവൈശ്വര്യഫലപ്രദാ .
സർവജ്ഞാനമയീദേവീ സർവവ്യാധിവിനാശിനീ .. 129..

സർവാധാരസ്വരൂപാ ച സർവപാപഹരാ തഥാ .
സർവാനന്ദമയീദേവീ സർവേച്ഛായാ:സ്വരൂപിണീ .. 130..

സർവലക്ഷ്മീമയീവിദ്യാ സർവേപ്സിതഫലപ്രദാ .
സർവാരിഷ്ടപ്രശമനീ പരമാനന്ദദായിനീ .. 131..

ത്രികോണനിലയാ ത്രിസ്ഥാ ത്രിമാതാ ത്രിതനുസ്ഥിതാ.
ത്രിവേണീ ത്രിപഥാ ഗുണ്യാ ത്രിമൂർതിഃ ത്രിപുരേശ്വരീ .. 132..

ത്രിധാമ്നീ ത്രിദശാധ്യക്ഷാ ത്രിവിത്ത്രിപുരവാസിനീ .
ത്രയീവിദ്യാ ച ത്രിശിരാ ത്രൈലോക്യാ ച ത്രിപുഷ്കരാ .. 133..

ത്രികോടരസ്ഥാ ത്രിവിധാ ത്രിപുരാ ത്രിപുരാത്മികാ .
ത്രിപുരാശ്രീ ത്രിജനനീ ത്രിപുരാത്രിപുരസുന്ദരീ .. 134..

മഹാമായാ മഹാമേധാ മഹാചക്ഷുഃ മഹോക്ഷജാ .
മഹാവേധാ പരാശക്തിഃ പരാപ്രജ്ഞാ പരമ്പരാ .. 135..

മഹാലക്ഷ്യാ മഹാഭക്ഷ്യാ മഹാകക്ഷ്യാഽകലേശ്വരീ . 
കലേശ്വരീ കലാനന്ദാ കലേശീ കലസുന്ദരീ .. 136..

കലശാ കലശേശീ ച കുംഭമുദ്രാ കൃശോദരീ .
കുംഭപാ കുംഭമധ്യേശീ കുംഭാനന്ദപ്രദായിനീ.. 137..

കുംഭജാനന്ദനാഥാ വ കുംഭജാനന്ദവർദ്ധിനീ .
കുംഭജാനന്ദസന്തോഷാ കുംഭജതർപിണീമുദാ .. 138..

വൃത്തിഃ വൃത്തീശ്വരീഽമോഘാ വിശ്വവൃത്ത്യന്തതർപിണീ.
വിശ്വശാന്തി വിശാലാക്ഷീ മീനാക്ഷീ മീനവർണദാ .. 139..

വിശ്വാക്ഷീ ദുർധരാ ധൂമാ ഇന്ദ്രാക്ഷീ വിഷ്ണുസേവിതാ .
വിരഞ്ചിസേവിതാ വിശ്വാ ഈശാനാ ഈശവന്ദിതാ .. 140..

മഹാശോഭാ മഹാലോഭാ മഹാമോഹാ മഹേശ്വരീ .
മഹാഭീമാ മഹാക്രോധാ മന്മഥാ മദനേശ്വരീ .. 141..

മഹാനലാ മഹാക്രോധാ വിശ്വസംഹാരതാണ്ഡവാ . 
സർവസംഹാരവർണേശീ സർവപാലനതത്പരാ .. 142..

സർവാദിഃ സൃഷ്ടികർത്രീ ച ശിവാദ്യാ ശംഭുസ്വാമിനീ .
മഹാനന്ദേശ്വരീ മൃത്യുർമഹാസ്പന്ദേശ്വരീ സുധാ .. 143..
പർണാപർണ പരാവർണാഽപർണേശീ പർണമാനസാ .
വരാഹീ തുണ്ഡദാ തുണ്ഡാ ഗണേശീ ഗണനായികാ .. 144..

വടുകാ വടുകേശീ ച ക്രൗചദാരണജന്മദാ .
ക ഏ ഇ ല മഹാമായാ ഹ സ ക ഹ ല മായയാ .. 145..

ദിവയാനാമാ സദാകാമാ ശ്യാമാ രാമാ രമാ രസാ .
സ ക ല ഹ്രീം തത്സ്വരൂപാ ച. ശ്രീം ഹ്രീം നാമാദി രൂപിണീ .. 146..

കാലജ്ഞാ കാലഹാമൂർതിഃ സർവസൗഭാഗ്യദാ മുദാ .
ഉർവാ ഉർവേശ്വരീ ഖർവാ ഖർവപർവാ ഖഗേശ്വരീ .. 147..

ഗരുഡാ ഗാരുഡീമാതാ ഗരുഡേശ്വരപൂജിതാ .
അന്തരിക്ഷാന്തരപദാ പ്രജ്ഞാ പ്രജ്ഞാനദാ പരാ .. 148..

വിജ്ഞാനാ വിശ്വവിജ്ഞാനാ അന്തരാക്ഷാ വിശാരദാ .
അന്തർജ്ഞാനമയീ സൗമ്യാ മോക്ഷാനന്ദവിവർദ്ധിനീ .. 149..

ശിവശക്തിമയീശക്തിഃ ഏകാനന്ദപ്രവർതിനീ .
ശ്രീമാതാ ശ്രീപരാവിദ്യാ സിദ്ധാശ്രീ സിദ്ധസാഗരാ .
സിദ്ധലക്ഷ്മീ സിദ്ധവിദ്യാ സിദ്ധാ സിദ്ധേശ്വരീ സുധാ .. 150.. 




.. ഫലശ്രുതിഃ ..

ഇദം ത്രിപുരാസുന്ദര്യാഃ സ്തോത്രനാമസഹസ്രകം .
ഗുഹ്യാദ്ഗുഹ്യതരം പുത്ര! തവ പ്രീത്യൈ പ്രകീർതിതം .. 1..

ഗോപനീയം പ്രയത്നേന പഠനീയം പ്രയത്നതഃ .
നാതഃ പരതരം പുണ്യം നാതഃപരതരം തപഃ .. 2..

നാതഃ പരതരം സ്തോത്രം നാതഃ പരതരം ഗതിഃ .
സ്തോത്രം സഹസ്രനാമാഖ്യം മമ വക്ത്രാദ്വിനിർഗതം .. 3..

യഃ പഠേത്പ്രയതോ ഭക്ത്യാ ശൃണുയാദ്വാ സമാഹിതഃ .
മോക്ഷാർഥീം ലഭതേ മോക്ഷം സ്വർഗാർഥീ സ്വർഗമാപ്നുയാത് .. 4..

കാമാംശ്ച പ്രാപ്നുയാതകാമീ ധനാർഥീ ച ലഭേദ്ധനം .
വിദ്യാർഥീ ലഭതേ വിദ്യാം യശോഽർഥീ ലഭതേ യശഃ .. 5..

കന്യാർഥീ ലഭതേ കന്യാം സുതാർഥീ ലഭതേ സുതം .
ഗുർവിണീ ജനയേത്പുത്രം കന്യാ വിന്ദതി സത്പതിം .. 6..

മൂർഖോഽപി ലഭതേ ശാസ്ത്രം ഹീനോഽപി ലഭതേ ഗതിം .
സങ്ക്രാന്ത്യാം വാർകാമാവസ്യാം അഷ്ടമ്യാം ച വിശേഷതഃ .. 7..

പൗർണമാസ്യാം ചതുർദശ്യാം നവമ്യാം ഭൗമവാസരേ .
പഠേദ്വാ പാഠയേദ്വാപി ശൃണുയാദ്വാ സമാഹിതഃ .. 8..
സ മുക്തോ സർവപാപേഭ്യഃ കാമേശ്വരസമോ ഭവേത് .
ലക്ഷ്മീവാൻ ധർമവാംശ്ചൈവ വല്ലഭസ്സർവയോഷിതാം .. 9..

തസ്യ വശ്യം ഭവേദാശു ത്രൈലോക്യം സചരാചരം .
രുദ്രം ദൃഷ്ടവാ യഥാ ദേവാ വിഷ്ണും ദൃഷ്ട്വാ ച ദാനവാഃ .. 10..
യഥാഹിർഗരുഡം ദൃഷ്ട്വാ സിംഹ ദൃഷ്ട്വാ യഥാ ഗജാഃ .
കീടവത്പ്രപലായന്തേ തസ്യ വക്ത്രാവലോകനാത് .. 11..

അഗ്നിചൗരഭയം തസ്യ കദാചിന്നൈവ സംഭവേത് .
പാതകാ വിവിധാഃ ശന്തിർമേരുപർവതസന്നിഭാഃ .. 12..

യസ്മാത്തച്ഛൃണുയാദ്വിഘ്നാംസ്തൃണം വഹ്നിഹുതം യഥാ .
ഏകദാ പഠനാദേവ സർവപാപക്ഷയോ ഭവേത് .. 13..

ദശധാ പഠനാദേവ വാചാ സിദ്ധഃ പ്രജായതേ .
ശതധാ പഠനാദ്വാപി ഖേചരോ ജായതേ നരഃ .. 14..

സഹസ്രദശസംഖ്യാതം യഃ പഠേദ്ഭക്തിമാനസഃ .
മാതാഽസ്യ ജഗതാം ധാത്രീ പ്രത്യക്ഷാ ഭവതി ധ്രുവം .. 15..

ലക്ഷപൂർണേ യഥാ പുത്ര! സ്തോത്രരാജം പഠേത്സുധീഃ .
ഭവപാശവിനിർമുക്തോ മമ തുല്യോ ന സംശയഃ .. 16..

സർവതീർഥേഷു യത്പുണ്യം സകൃജ്ജപ്ത്വാ ലഭേന്നരഃ .
സർവവേദേഷു യത്പ്രോക്തം തത്ഫലം പരികീർതിതം .. 17.. 
ഭൂത്വാ ച ബലവാൻ പുത്ര ധനവാൻസർവസമ്പദഃ .
ദേഹാന്തേ പരമം സ്ഥാനം യത്സുരൈരപി ദുർലഭം .. 18..

സ യാസ്യതി ന സന്ദേഹഃ സ്തവരാജസ്യ കിർത്തനാത് .. 19..

.. ഇതി ശ്രീവാമകേശ്വരതന്ത്രേ ഷോഡശ്യാഃ സഹസ്രനാമസ്തോത്രം സമ്പൂർണം ..