ശ്രീ നീലസരസ്വതീ ദേവിയുടെ അനുഗ്രഹത്തിനായി ജപിക്കുന്ന അതിശക്തമായ ഒരു സ്തോത്രമാണിത്. താന്ത്രിക വിധിപ്രകാരം ഉഗ്രതാരയായും വിദ്യാരൂപിണിയായും ദേവിയെ ഇവിടെ വന്ദിക്കുന്നു. .
ശ്രീ നീലസരസ്വതീ സ്തോത്രം
സ്തോത്രം:
ഘോരരൂപേ മഹാരാവേ സർവശത്രുവശങ്കരി |
ഭക്തേഭ്യോ വരദേ ദേവി ത്രാഹി മാം ശരണാഗതം || 1 ||
സുരാഽസുരാർചിതേ ദേവി സിദ്ധഗന്ധർവസേവിതേ |
ജാഡ്യപാപഹരേ ദേവി ത്രാഹി മാം ശരണാഗതം || 2 ||
ജടാജൂടസമായുക്തേ ലോലജിഹ്വാകാരിണി |
ദ്രുതബുദ്ധികരേ ദേവി ത്രാഹി മാം ശരണാഗതം || 3 ||
സൗമ്യരൂപേ ഘോരരൂപേ ചണ്ഡരൂപേ നമോഽസ്തു തേ |
സൃഷ്ടിരൂപേ നമസ്തുഭ്യം ത്രാഹി മാം ശരണാഗതം || 4 ||
ജഡാനാം ജഡതാം ഹന്തി ഭക്താനാം ഭക്തവത്സലേ |
മൂഢതാം ഹര മേ ദേവി ത്രാഹി മാം ശരണാഗതം || 5 ||
ഹ്രൂം ഹ്രൂംകാരമയേ ദേവി ബലിഹോമപ്രിയേ നമഃ |
ഉഗ്രതാരേ നമസ്തുഭ്യം ത്രാഹി മാം ശരണാഗതം || 6 ||
ബുദ്ധിം ദേഹി യശോ ദേഹി കവിത്വം ദേഹി ദേഹി മേ |
മൂഢത്വം ഹര മേ ദേവി ത്രാഹി മാം ശരണാഗതം || 7 ||
ഇന്ദ്രാദിദേവസദ്വൃന്ദവന്ദിതേ കരുണാമയി |
താരേ താരാധിനാഥാസ്യേ ത്രാഹി മാം ശരണാഗതം || 8 ||
ഫലശ്രുതി
അഷ്ടമ്യാം ച ചതുർദശ്യാം നവമ്യാം യഃ പഠേന്നരഃ |
ഷണ്മാസൈഃ സിദ്ധിമാപ്നോതി നാത്ര കാര്യാ വിചാരണാ || 1 ||
മോക്ഷാർഥീ ലഭതേ മോക്ഷം ധനാർഥീ ധനമാപ്നുയാത് |
വിദ്യാർഥീ ലഭതേ വിദ്യാം തർക്കവ്യാകരണാദികാം || 2 ||
ഇദം സ്തോത്രം പഠേദ്യസ്തു സതതം ശ്രദ്ധയാന്വിതഃ |
തസ്യ ശത്രുഃ ക്ഷയം യാതി മഹാപ്രജ്ഞാ ച ജായതേ || 3 ||
പീഡായാം വാപി സംഗ്രാമേ ജപ്യേ ദാനേ തഥാ ഭയേ |
യ ഇദം പഠതി സ്തോത്രം ശുഭം തസ്യ ന സംശയഃ || 4 ||
സ്തോത്രേണാനേന ദേവേശി സ്തുത്വാ ദേവീം സുരേശ്വരീം |
സർവാൻ കാമാനവാപ്നോതി സർവവിദ്യാനിധിർഭവേത് || 5 ||
ഇതി തേ കഥിതം ദിവ്യം സ്തോത്രം സാരസ്വതപ്രദം |
അസ്മാത്പരതരം നാസ്തി സ്തോത്രം തന്ത്രേ മഹേശ്വരി || 6 ||
സംഗ്രഹം:
വിദ്യ: തർക്കം, വ്യാകരണം തുടങ്ങിയ ശാസ്ത്രങ്ങളിൽ അറിവ് ലഭിക്കുന്നു.
വിജയം: ശത്രുനാശവും ആഗ്രഹസാഫല്യവും സിദ്ധിക്കുന്നു.
കാലം: അഷ്ടമി, നവമി, ചതുർദശി ദിവസങ്ങളിൽ ജപിക്കുന്നത് അതീവ ഫലദായകമാണ്. ആറുമാസം തുടർച്ചയായി ജപിച്ചാൽ സിദ്ധി കൈവരും.
ഇതി ബൃഹന്നീലതന്ത്രേ ദ്വിതീയപടലേ താരിണീനീലസരസ്വതീസ്തോത്രം സമാപ്തം.
No comments:
Post a Comment