SREE CHINNAMASTHA SAHASRANAMA STHOTHRAM

 

 ശ്രീഛിന്നമസ്താസഹസ്രനാമസ്തോത്രം 


ശ്രീഗണേശായ നമഃ .


ശ്രീദേവ്യുവാച .


ദേവദേവ മഹാദേവ സർവശാസ്ത്രവിദാംവര .
കൃപാം കുരു ജഗന്നാഥ കഥയസ്വ മമ പ്രഭോ .. 1..

പ്രചണ്ഡചണ്ഡികാ ദേവീ സർവലോകഹിതൈഷിണീ .
തസ്യാശ്ച കഥിതം സർവം സ്തവം ച കവചാദികം .. 2..

ഇദാനീം ഛിന്നമസ്തായാ നാമ്നാം സാഹസ്രകം ശുഭം .
ത്വം പ്രകാശയ മേ ദേവ കൃപയാ ഭക്തവത്സല .. 3..




ശ്രീശിവ ഉവാച .


ശൃണു ദേവി പ്രവക്ഷ്യാമി ച്ഛിന്നായാഃ സുമനോഹരം .
ഗോപനീയം പ്രയത്നേന യദീച്ഛേദാത്മനോ ഹിതം .. 4..

ന വക്തവ്യം ച കുത്രാപി പ്രാണൈഃ കണ്ഠഗതൈരപി .
തച്ഛൃണുഷ്വ മഹേശാനി സർവം തത്കഥയാമി തേ .. 5..

വിനാ പൂജാം വിനാ ധ്യാനം വിനാ ജാപ്യേന സിദ്ധ്യതി .
വിനാ ധ്യാനം തഥാ ദേവി വിനാ ഭൂതാദിശോധനം .. 6..

പഠനാദേവ സിദ്ധിഃ സ്യാത്സത്യം സത്യം വരാനനേ .
പുരാ കൈലാസശിഖരേ സർവദേവസഭാലയേ .. 7..

പരിപപ്രച്ഛ കഥിതം തഥാ ശൃണു വരാനനേ .

-------------------------------------------------------------------------


ഓം അസ്യ ശ്രീപ്രചണ്ഡചണ്ഡികാസഹസ്രനാമസ്തോത്രസ്യ 
ഭൈരവ ഋഷിഃ ,
സമ്രാട് ഛന്ദഃ , 
പ്രചണ്ഡചണ്ഡികാ ദേവതാ ,
ധർമാർഥകാമമോക്ഷാർഥേ പാഠേ വിനിയോഗഃ .. 8..


-------------------------------------------------------------------------

ഓം പ്രചണ്ഡചണ്ഡികാ ചണ്ഡാ ചണ്ഡദൈത്യവിനാശിനീ .
ചാമുണ്ഡാ ച സചണ്ഡാ ച ചപലാ ചാരുദേഹിനീ .. 9..

ലലജിഹ്വാ ചലദ്രക്താ ചാരുചന്ദ്രനിഭാനനാ .
ചകോരാക്ഷീ ചണ്ഡനാദാ ചഞ്ചലാ ച മനോന്മദാ .. 10..

ചേതനാ ചിതിസംസ്ഥാ ച ചിത്കലാ ജ്ഞാനരൂപിണീ .
മഹാഭയങ്കരീ ദേവീ വരദാഭയധാരിണീ .. 11..

ഭവാഢ്യാ ഭവരൂപാ ച ഭവബന്ധവിമോചിനീ .
ഭവാനീ ഭുവനേശീ ച ഭവസംസാരതാരിണീ .. 12..

ഭവാബ്ധിർഭവമോക്ഷാ ച ഭവബന്ധവിഘാതിനീ .
ഭാഗീരഥീ ഭഗസ്ഥാ ച ഭാഗ്യഭോഗപ്രദായിനീ .. 13..

കമലാ കാമദാ ദുർഗാ ദുർഗബന്ധവിമോചിനീ .
ദുർദ്ദർശനാ ദുർഗരൂപാ ദുർജ്ഞേയാ ദുർഗനാശിനീ .. 14..

ദീനദുഃഖഹരാ നിത്യാ നിത്യശോകവിനാശിനീ .
നിത്യാനന്ദമയാ ദേവീ നിത്യം കല്യാണകാരിണീ .. 15..

സർവാർഥസാധനകരീ സർവസിദ്ധിസ്വരൂപിണീ .
സർവക്ഷോഭണശക്തിശ്ച സർവവിദ്രാവിണീ പരാ .. 16..

സർവരഞ്ജനശക്തിശ്ച സർവോന്മാദസ്വരൂപിണീ .
സർവദാ സിദ്ധിദാത്രീ ച സിദ്ധവിദ്യാസ്വരൂപിണീ .. 17..

സകലാ നിഷ്കലാ സിദ്ധാ കലാതീതാ കലാമയീ .
കുലജ്ഞാ കുലരൂപാ ച ചക്ഷുരാനന്ദദായിനീ .. 18..

കുലീനാ സാമരൂപാ ച കാമരൂപാ മനോഹരാ .
കമലസ്ഥാ കഞ്ജമുഖീ കുഞ്ജരേശ്വരഗാമിനീ .. 19..

കുലരൂപാ കോടരാക്ഷീ കമലൈശ്വര്യദായിനീ .
കുന്തീ കകുദ്മിനീ കുല്ലാ കുരുകുല്ലാ കരാലികാ .. 20..

കാമേശ്വരീ കാമമാതാ കാമതാപവിമോചിനീ .
കാമരൂപാ കാമസത്വാ കാമകൗതുകകാരിണീ .. 21..

കാരുണ്യഹൃദയാ ക്രീങ്ക്രീംമന്ത്രരൂപാ ച കോടരാ .
കൗമോദകീ കുമുദിനീ കൈവല്യാ കുലവാസിനീ .. 22..

കേശവീ കേശവാരാധ്യാ കേശിദൈത്യനിഷൂദിനീ .
ക്ലേശഹാ ക്ലേശരഹിതാ ക്ലേശസംഘവിനാശിനീ .. 23..

കരാലീ ച കരാലാസ്യാ കരാലാസുരനാശിനീ .
കരാലചർമാസിധരാ കരാലകലനാശിനീ .. 24..

കങ്കിനീ കങ്കനിരതാ കപാലവരധാരിണീ .
ഖഡ്ഗഹസ്താ ത്രിനേത്രാ ച ഖണ്ഡമുണ്ഡാസിധാരിണീ .. 25..

ഖലഹാ ഖലഹന്ത്രീ ച ക്ഷരന്തീ ഖഗതാ സദാ .
ഗംഗാഗൗതമപൂജ്യാ ച ഗൗരീ ഗന്ധർവവാസിനീ .. 26..

ഗന്ധർവാ ഗഗണാരാധ്യാ ഗണാ ഗന്ധർവസേവിതാ .
ഗണത്കാരഗണാ ദേവീ നിർഗുണാ ച ഗുണാത്മികാ .. 27..

ഗുണതാ ഗുണദാത്രീ ച ഗുണഗൗരവദായിനീ .
ഗണേശമാതാ ഗംഭീരാ ഗഗണാ ജ്യോതികാരിണീ .. 28..

ഗൗരാംഗീ ച ഗയാ ഗമ്യാ ഗൗതമസ്ഥാനവാസിനീ .
ഗദാധരപ്രിയാ ജ്ഞേയാ ജ്ഞാനഗമ്യാ ഗുഹേശ്വരീ .. 29..

ഗായത്രീ ച ഗുണവതീ ഗുണാതീതാ ഗുണേശ്വരീ .
ഗണേശജനനീ ദേവീ ഗണേശവരദായിനീ .. 30..

ഗണാധ്യക്ഷനുതാ നിത്യാ ഗണാധ്യക്ഷപ്രപൂജിതാ .
ഗിരീശരമണീ ദേവീ ഗിരീശപരിവന്ദിതാ .. 31..

ഗതിദാ ഗതിഹാ ഗീതാ ഗൗതമീ ഗുരുസേവിതാ .
ഗുരുപൂജ്യാ ഗുരുയുതാ ഗുരുസേവനതത്പരാ .. 32..

ഗന്ധദ്വാരാ ച ഗന്ധാഢ്യാ ഗന്ധാത്മാ ഗന്ധകാരിണീ .
ഗീർവാണപതിസമ്പൂജ്യാ ഗീർവാണപതിതുഷ്ടിദാ .. 33..

ഗീർവാണാധിശരമണീ ഗീർവാണാധിശവന്ദിതാ .
ഗീർവാണാധിശസംസേവ്യാ ഗീർവാണാധിശഹർഷദാ .. 34..

ഗാനശക്തിർഗാനഗമ്യാ ഗാനശക്തിപ്രദായിനീ .
ഗാനവിദ്യാ ഗാനസിദ്ധാ ഗാനസന്തുഷ്ടമാനസാ .. 35..

ഗാനാതീതാ ഗാനഗീതാ ഗാനഹർഷപ്രപൂരിതാ .
ഗന്ധർവപതിസംഹൃഷ്ടാ ഗന്ധർവഗുണമണ്ഡിതാ .. 36..

ഗന്ധർവഗണസംസേവ്യാ ഗന്ധർവഗണമധ്യഗാ .
ഗന്ധർവഗണകുശലാ ഗന്ധർവഗണപൂജിതാ .. 37..

ഗന്ധർവഗണനിരതാ ഗന്ധർവഗണഭൂഷിതാ .
ഘർഘരാ ഘോരരൂപാ ച ഘോരഘുർഘുരനാദിനീ .. 38..

ഘർമബിന്ദുസമുദ്ഭൂതാ ഘർമബിന്ദുസ്വരൂപിണീ .
ഘണ്ടാരവാ ഘനരവാ ഘനരൂപാ ഘനോദരീ .. 39..

ഘോരസത്വാ ച ഘനദാ ഘണ്ടാനാദവിനോദനീ .
ഘോരചാണ്ഡാലിനീ ഘോരാ ഘോരചണ്ഡവിനാശിനീ .. 40..

ഘോരദാനവദമനീ ഘോരദാനവനാശിനീ .
ഘോരകർമാദിരഹിതാ ഘോരകർമനിഷേവിതാ .. 41..

ഘോരതത്വമയീ ദേവീ ഘോരതത്വവിമോചനീ .
ഘോരകർമാദിരഹിതാ ഘോരകർമാദിപൂരിതാ .. 42..

ഘോരകർമാദിനിരതാ ഘോരകർമപ്രവർദ്ധിനീ .
ഘോരഭൂതപ്രമഥിനീ ഘോരവേതാലനാശിനീ .. 43..

ഘോരദാവാഗ്നിദമനീ ഘോരശത്രുനിഷൂദിനീ .
ഘോരമന്ത്രയുതാ ചൈവ ഘോരമന്ത്രപ്രപൂജിതാ .. 44..

ഘോരമന്ത്രമനോഭിജ്ഞാ ഘോരമന്ത്രഫലപ്രദാ .
ഘോരമന്ത്രനിധിശ്ചൈവ ഘോരമന്ത്രകൃതാസ്പദാ .. 45..

ഘോരമന്ത്രേശ്വരീ ദേവീ ഘോരമന്ത്രാർഥമാനസാ .
ഘോരമന്ത്രാർഥതത്വജ്ഞാ ഘോരമന്ത്രാർഥപാരഗാ .. 46..

ഘോരമന്ത്രാർഥവിഭവാ ഘോരമന്ത്രാർഥബോധിനീ .
ഘോരമന്ത്രാർഥനിചയാ ഘോരമന്ത്രാർഥജന്മഭൂഃ .. 47..

ഘോരമന്ത്രജപരതാ ഘോരമന്ത്രജപോദ്യതാ .
ങകാരവർണാനിലയാ ങകാരാക്ഷരമണ്ഡിതാ .. 48..

ങകാരാപരരൂപാ ങകാരാക്ഷരരൂപിണീ .
ചിത്രരൂപാ ചിത്രനാഡീ ചാരുകേശീ ചയപ്രഭാ .. 49..

ചഞ്ചലാ ചഞ്ചലാകാരാ ചാരുരൂപാ ച ചണ്ഡികാ .
ചതുർവേദമയീ ചണ്ഡാ ചണ്ഡാലഗണമണ്ഡിതാ .. 50..

ചാണ്ഡാലച്ഛേദിനീ ചണ്ഡതപോനിർമൂലകാരിണീ .
ചതുർഭുജാ ചണ്ഡരൂപാ ചണ്ഡമുണ്ഡവിനാശിനീ .. 51..

ചന്ദ്രികാ ചന്ദ്രകീർതിശ്ച ചന്ദ്രകാന്തിസ്തഥൈവ ച .
ചന്ദ്രാസ്യാ ചന്ദ്രരൂപാ ച ചന്ദ്രമൗലിസ്വരൂപിണീ .. 52..

ചന്ദ്രമൗലിപ്രിയാ ചന്ദ്രമൗലിസന്തുഷ്ടമാനസാ .
ചകോരബന്ധുരമണീ ചകോരബന്ധുപൂജിതാ .. 53..

ചക്രരൂപാ ചക്രമയീ ചക്രാകാരസ്വരൂപിണീ .
ചക്രപാണിപ്രിയാ ചക്രപാണിപ്രീതിപ്രദായിനീ .. 54..

ചക്രപാണിരസാഭിജ്ഞാ ചക്രപാണിവരപ്രദാ .
ചക്രപാണിവരോന്മത്താ ചക്രപാണിസ്വരൂപിണീ .. 55..

ചക്രപാണിശ്വരീ നിത്യം ചക്രപാണിനമസ്കൃതാ .
ചക്രപാണിസമുദ്ഭൂതാ ചക്രപാണിഗുണാസ്പദാ .. 56..

ചന്ദ്രാവലീ ചന്ദ്രവതീ ചന്ദ്രകോടിസമപ്രഭാ .
ചന്ദനാർചിതപാദാബ്ജാ ചന്ദനാന്വിതമസ്തകാ .. 57..

ചാരുകീർതിശ്ചാരുനേത്രാ ചാരുചന്ദ്രവിഭൂഷണാ .
ചാരുഭൂഷാ ചാരുവേഷാ ചാരുവേഷപ്രദായിനീ .. 58..

ചാരുഭൂഷാഭൂഷിതാംഗീ ചതുർവക്ത്രവരപ്രദാ .
ചതുർവക്ത്രസമാരാധ്യാ ചതുർവക്ത്രസമാശ്രിതാ .. 59..

ചതുർവക്ത്രചതുർവാഹാ ചതുർഥീ ച ചതുർദശീ .
ചിത്രാ ചർമണ്വതീ ചൈത്രീ ചന്ദ്രഭാഗാ ച ചമ്പകാ .. 60..

ചതുർദ്ദശയമാകാരാ ചതുർദശയമാനുഗാ .
ചതുർദശയമപ്രീതാ ചതുർദശയമപ്രിയാ .. 61..

ഛലസ്ഥാ ച്ഛിദ്രരൂപാ ച ച്ഛദ്മദാ ച്ഛദ്മരാജികാ .
ഛിന്നമസ്താ തഥാ ച്ഛിന്നാ ച്ഛിന്നമുണ്ഡവിധാരിണീ .. 62..

ജയദാ ജയരൂപാ ച ജയന്തീ ജയമോഹിനീ .
ജയാ ജീവനസംസ്ഥാ ച ജാലന്ധരനിവാസിനീ .. 63..

ജ്വാലാമുഖീ ജ്വാലദാത്രീ ജാജ്വല്യദഹനോപമാ .
ജഗദ്വന്ദ്യാ ജഗത്പൂജ്യാ ജഗത്ത്രാണപരായണാ .. 64..

ജഗതീ ജഗതാധാരാ ജന്മമൃത്യുജരാപഹാ .
ജനനീ ജന്മഭൂമിശ്ചജന്മദാ ജയശാലിനീ .. 65..

ജ്വരരോഗഹരാ ജ്വാലാ ജ്വാലാമാലാപ്രപൂരിതാ .
ജംഭാരാതീശ്വരീ ജംഭാരാതിവൈഭവകാരിണീ .. 66..

ജംഭാരാതിസ്തുതാ ജംഭാരാതിശത്രുനിഷൂദിനീ .
ജയദുർഗാ ജയാരാധ്യാ ജയകാലീ ജയേശ്വരീ .. 67..

ജയതാരാ ജയാതീതാ ജയശങ്കരവല്ലഭാ .
ജയദാ ജഹ്നുതനയാ ജലധിത്രാസകാരിണീ .. 68..

ജലധിവ്യാധിദമനീ ജലധിജ്വരനാശിനീ .
ജംഗമേശീ ജാഡ്യഹരാ ജാഡ്യസംഘനിവാരിണീ .. 69..

ജാഡ്യഗ്രസ്തജനാതീതാ ജാഡ്യരോഗനിവാരിണീ .
ജന്മദാത്രീ ജന്മഹർത്രീ ജയഘോഷസമന്വിതാ .. 70..

ജപയോഗസമായുക്താ ജപയോഗവിനോദിനീ .
ജപയോഗപ്രിയാ ജാപ്യാ ജപാതീതാ ജയസ്വനാ .. 71..

ജായാഭാവസ്ഥിതാ ജായാ ജായാഭാവപ്രപൂരണീ .
ജപാകുസുമസങ്കാശാ ജപാകുസുമപൂജിതാ .. 72..

ജപാകുസുമസമ്പ്രീതാ ജപാകുസുമമണ്ഡിതാ .
ജപാകുസുമവദ്ഭാസാ ജപാകുസുമരൂപിണീ .. 73..

ജമദഗ്നിസ്വരൂപാ ച ജാനകീ ജനകാത്മജാ .
ഝഞ്ഝാവാതപ്രമുക്താംഗീ ഝോരഝങ്കാരവാസിനീ .. 74..

ഝങ്കാരകാരിണീ ഝഞ്ഝാവാതരൂപാ ച ഝങ്കരീ .
ഞകാരാണുസ്വരൂപാ ച ടനടങ്കാരനാദിനീ .. 75..

ടങ്കാരീ ടകുവാണീ ച ഠകാരാക്ഷരരൂപിണീ .
ഡിണ്ഡിമാ ച തഥാ ഡിംഭാ ഡിണ്ഡുഡിണ്ഡിമനാദിനീ .. 76..

ഢക്കാമയീ ഢിലമയീ നൃത്യശബ്ദാ വിലാസിനീ .
ഢക്കാ ഢക്കേശ്വരീ ഢക്കാശബ്ദരൂപാ തഥൈവ ച .. 77..

ഢക്കാനാദപ്രിയാ ഢക്കാനാദസന്തുഷ്ടമാനസാ .
ണങ്കാരാ ണാക്ഷരമയീ ണാക്ഷരാദിസ്വരൂപിണീ .. 78..

ത്രിപുരാ ത്രിപുരമയീ ചൈവ ത്രിശക്തിസ്ത്രിഗുണാത്മികാ .
താമസീ ച ത്രിലോകേശീ ത്രിപുരാ ച ത്രയീശ്വരീ .. 79..

ത്രിവിദ്യാ ച ത്രിരൂപാ ച ത്രിനേത്രാ ച ത്രിരൂപിണീ .
താരിണീ തരലാ താരാ താരകാരിപ്രപൂജിതാ .. 80..

താരകാരിസമാരാധ്യാ താരകാരിവരപ്രദാ .
താരകാരിപ്രസൂസ്തന്വീ തരുണീ തരലപ്രഭാ .. 81..

ത്രിരൂപാ ച ത്രിപുരഗാ ത്രിശൂലവരധാരിണീ .
ത്രിശൂലിനീ തന്ത്രമയീ തന്ത്രശാസ്ത്രവിശാരദാ .. 82..

തന്ത്രരൂപാ തപോമൂർതിസ്തന്ത്രമന്ത്രസ്വരൂപിണീ .
തഡിത്തഡില്ലതാകാരാ തത്ത്വജ്ഞാനപ്രദായിനീ .. 83..

തത്ത്വജ്ഞാനേശ്വരീ ദേവീ തത്ത്വജ്ഞാനപ്രബോധിനീ .
ത്രയീമയീ ത്രയീസേവ്യാ ത്ര്യക്ഷരീ ത്ര്യക്ഷരേശ്വരീ .. 84..

താപവിധ്വംസിനീ താപസംഘനിർമൂലകാരിണീ .
ത്രാസകർത്രീ ത്രാസഹർത്രീ ത്രാസദാത്രീ ച ത്രാസഹാ .. 85..

തിഥീശാ തിഥിരൂപാ ച തിഥിസ്ഥാ തിഥിപൂജിതാ .
തിലോത്തമാ ച തിലദാ തിലപ്രിതാ തിലേശ്വരീ .. 86..

ത്രിഗുണാ ത്രിഗുണാകാരാ ത്രിപുരീ ത്രിപുരാത്മികാ .
ത്രികുടാ ത്രികുടാകാരാ ത്രികുടാചലമധ്യഗാ .. 87..

ത്രിജടാ ച ത്രിനേത്രാ ച ത്രിനേത്രവരസുന്ദരീ .
തൃതീയാ ച ത്രിവർഷാ ച ത്രിവിധാ ത്രിമതേശ്വരീ .. 88..

ത്രികോണസ്ഥാ ത്രികോണേശീ ത്രികോണയന്ത്രമധ്യഗാ .
ത്രിസന്ധ്യാ ച ത്രിസന്ധ്യാർച്യാ ത്രിപദാ ത്രിപദാസ്പദാ .. 89..

സ്ഥാനസ്ഥിതാ സ്ഥലസ്ഥാ ച ധന്യസ്ഥലനിവാസിനീ .
ഥകാരാക്ഷരരൂപാ ച സ്ഥലരൂപാ തഥൈവ ച .. 90..

സ്ഥൂലഹസ്താ തഥാ സ്ഥൂലാ സ്ഥൈര്യരൂപപ്രകാശിനീ .
ദുർഗാ ദുർഗാർതിഹന്ത്രീ ച ദുർഗബന്ധവിമോചിനീ .. 91..

ദേവീ ദാനവസംഹന്ത്രീ ദനുജ്യേഷ്ഠനിഷൂദിനീ .
ദാരാപത്യപ്രദാ നിത്യാ ശങ്കരാർദ്ധാംഗധാരിണീ .. 92..

ദിവ്യാംഗീ ദേവമാതാ ച ദേവദുഷ്ടവിനാശിനീ .
ദീനദുഃഖഹരാ ദീനതാപനിർമൂലകാരിണീ .. 93..

ദീനമാതാ ദീനസേവ്യാ ദീനദംഭവിനാശിനീ .
ദനുജധ്വംസിനീ ദേവീ ദേവകീ ദേവവല്ലഭാ .. 94..

ദാനവാരിപ്രിയാ ദീർഘാ ദാനവാരിപ്രപൂജിതാ .
ദീർഘസ്വരാ ദീർഘതനുർദ്ദീർഘദുർഗതിനാശിനീ .. 95..

ദീർഘനേത്രാ ദീർഘചക്ഷുർദ്ദീർഘകേശീ ദിഗംബരാ .
ദിഗംബരപ്രിയാ ദാന്താ ദിഗംബരസ്വരൂപിണീ .. 96..

ദുഃഖഹീനാ ദുഃഖഹരാ ദുഃഖസാഗരതാരിണീ .
ദുഃഖദാരിദ്ര്യശമനീ ദുഃഖദാരിദ്ര്യകാരിണീ .. 97..

ദുഃഖദാ ദുസ്സഹാ ദുഷ്ടഖണ്ഡനൈകസ്വരൂപിണീ .
ദേവവാമാ ദേവസേവ്യാ ദേവശക്തിപ്രദായിനീ .. 98..

ദാമിനീ ദാമിനീപ്രീതാ ദാമിനീശതസുന്ദരീ .
ദാമിനീശതസംസേവ്യാ ദാമിനീദാമഭൂഷിതാ .. 99..

ദേവതാഭാവസന്തുഷ്ടാ ദേവതാശതമധ്യഗാ .
ദയാർദ്ദരാ ച ദയാരൂപാ ദയാദാനപരായണാ .. 100..

ദയാശീലാ ദയാസാരാ ദയാസാഗരസംസ്ഥിതാ .
ദശവിദ്യാത്മികാ ദേവീ ദശവിദ്യാസ്വരൂപിണീ .. 101..

ധരണീ ധനദാ ധാത്രീ ധന്യാ ധന്യപരാ ശിവാ .
ധർമരൂപാ ധനിഷ്ഠാ ച ധേയാ ച ധീരഗോചരാ .. 102..

ധർമരാജേശ്വരീ ധർമകർമരൂപാ ധനേശ്വരീ .
ധനുർവിദ്യാ ധനുർഗമ്യാ ധനുർദ്ധരവരപ്രദാ .. 103..

ധർമശീലാ ധർമലീലാ ധർമകർമവിവർജിതാ .
ധർമദാ ധർമനിരതാ ധർമപാഖണ്ഡഖണ്ഡിനീ .. 104..

ധർമേശീ ധർമരൂപാ ച ധർമരാജവരപ്രദാ .
ധർമിണീ ധർമഗേഹസ്ഥാ ധർമാധർമസ്വരൂപിണീ .. 105..

ധനദാ ധനദപ്രീതാ ധനധാന്യസമൃദ്ധിദാ .
ധനധാന്യസമൃദ്ധിസ്ഥാ ധനധാന്യവിനാശിനീ .. 106..

ധർമനിഷ്ഠാ ധർമധീരാ ധർമമാർഗരതാ സദാ .
ധർമബീജകൃതസ്ഥാനാ ധർമബീജസുരക്ഷിണീ .. 107..

ധർമബീജേശ്വരീ ധർമബീജരൂപാ ച ധർമഗാ .
ധർമബീജസമുദ്ഭൂതാ ധർമബീജസമാശ്രിതാ .. 108..

ധരാധരപതിപ്രാണാ ധരാധരപതിസ്തുതാ .
ധരാധരേന്ദ്രതനുജാ ധരാധരേന്ദ്രവന്ദിതാ .. 109..

ധരാധരേന്ദ്രഗേഹസ്ഥാ ധരാധരേന്ദ്രപാലിനീ .
ധരാധരേന്ദ്രസർവാർതിനാശിനീ ധർമപാലിനീ .. 110..

നവീനാ നിർമ്മലാ നിത്യാ നാഗരാജപ്രപൂജിതാ .
നാഗേശ്വരീ നാഗമാതാ നാഗകന്യാ ച നഗ്നികാ .. 111..

നിർലേപാ നിർവികല്പാ ച നിർലോമാ നിരുപദ്രവാ .
നിരാഹാരാ നിരാകാരാ നിരഞ്ജനസ്വരൂപിണീ .. 112..

നാഗിനീ നാഗവിഭവാ നാഗരാജപരിസ്തുതാ .
നാഗരാജഗുണജ്ഞാ ച നാഗരാജസുഖപ്രദാ .. 113..

നാഗലോകഗതാ നിത്യം നാഗലോകനിവാസിനീ .
നാഗലോകേശ്വരീ നാഗഭാഗിനീ നാഗപൂജിതാ .. 114..

നാഗമധ്യസ്ഥിതാ നാഗമോഹസങ്ക്ഷോഭദായിനീ .
നൃത്യപ്രിയാ നൃത്യവതീ നൃത്യഗീതപരായണാ .. 115..

നൃത്യേശ്വരീ നർതകീ ച നൃത്യരൂപാ നിരാശ്രയാ .
നാരായണീ നരേന്ദ്രസ്ഥാ നരമുണ്ഡാസ്ഥിമാലിനീ .. 116..

നരമാംസപ്രിയാ നിത്യാ നരരക്തപ്രിയാ സദാ .
നരരാജേശ്വരീ നാരീരൂപാ നാരീസ്വരൂപിണീ .. 117..

നാരീഗണാർചിതാ നാരീമധ്യഗാ നൂതനാംബരാ .
നർമദാ ച നദീരൂപാ നദീസംഗമസംസ്ഥിതാ .. 118..

നർമദേശ്വരസമ്പ്രീതാ നർമദേശ്വരരൂപിണീ .
പദ്മാവതീ പദ്മമുഖീ പദ്മകിഞ്ജൽകവാസിനീ .. 119..

പട്ടവസ്ത്രപരീധാനാ പദ്മരാഗവിഭൂഷിതാ .
പരമാ പ്രീതിദാ നിത്യം പ്രേതാസനനിവാസിനീ .. 120..

പരിപൂർണരസോന്മത്താ പ്രേമവിഹ്വലവല്ലഭാ .
പവിത്രാസവനിഷ്പൂതാ പ്രേയസീ പരമാത്മികാ .. 121..

പ്രിയവ്രതപരാ നിത്യം പരമപ്രേമദായിനീ .
പുഷ്പപ്രിയാ പദ്മകോശാ പദ്മധർമനിവാസിനീ .. 122..

ഫേത്കാരിണീ തന്ത്രരൂപാ ഫേരുഫേരവനാദിനീ .
വംശിനീ വംശരൂപാ ച ബഗലാ വാമരൂപിണീ .. 123..

വാങ്മയീ വസുധാ ധൃഷ്യാ വാഗ്ഭവാഖ്യാ വരാ നരാ .
ബുദ്ധിദാ ബുദ്ധിരൂപാ ച വിദ്യാ വാദസ്വരൂപിണീ .. 124..

ബാലാ വൃദ്ധമയീരൂപാ വാണീ വാക്യനിവാസിനീ .
വരുണാ വാഗ്വതീ വീരാ വീരഭൂഷണഭൂഷിതാ .. 125..

വീരഭദ്രാർചിതപദാ വീരഭദ്രപ്രസൂരപി .
വേദമാർഗരതാ വേദമന്ത്രരൂപാ വഷട് പ്രിയാ .. 126..

വീണാവാദ്യസമായുക്താ വീണാവാദ്യപരായണാ .
വീണാരവാ തഥാ വീണാശബ്ദരൂപാ ച വൈഷ്ണവീ .. 127..

വൈഷ്ണവാചാരനിരതാ വൈഷ്ണവാചാരതത്പരാ .
വിഷ്ണുസേവ്യാ വിഷ്ണുപത്നീ വിഷ്ണുരൂപാ വരാനനാ .. 128..

വിശ്വേശ്വരീ വിശ്വമാതാ വിശ്വനിർമാണകാരിണീ .
വിശ്വരൂപാ ച വിശ്വേശീ വിശ്വസംഹാരകാരിണീ .. 129..

ഭൈരവീ ഭൈരവാരാധ്യാ ഭൂതഭൈരവസേവിതാ .
ഭൈരവേശീ തഥാ ഭീമാ ഭൈരവേശ്വരതുഷ്ടിദാ .. 130..

ഭൈരവാധിശരമണീ ഭൈരവാധിശപാലിനീ .
ഭീമേശ്വരീ ഭീമമാതാ ഭീമശബ്ദപരായണാ .. 131..

ഭീമരൂപാ ച ഭീമേശീ ഭീമാ ഭീമവരപ്രദാ .
ഭീമപൂജിതപാദാബ്ജാ ഭീമഭൈരവപാലിനീ .. 132..

ഭീമാസുരധ്വംസകരീ ഭീമദുഷ്ടവിനാശിനീ .
ഭുവനാ ഭുവനാരാധ്യാ ഭവാനീ ഭൂതിദാ സദാ .. 133..

ഭയദാ ഭയഹന്ത്രീ ച അഭയാ ഭയരൂപിണീ .
ഭീമനാദാ വിഹ്വലാ ച ഭയഭീതിവിനാശിനീ .. 134..

മത്താ പ്രമത്തരൂപാ ച മദോന്മത്തസ്വരൂപിണീ .
മാന്യാ മനോജ്ഞാ മാനാ ച മംഗലാ ച മനോഹരാ .. 135..

മാനനീയാ മഹാപൂജ്യാ മഹാമഹിഷമർദ്ദിനീ .
മഹിഷാസുരഹന്ത്രീ ച മാതംഗീ മയവാസിനീ .. 136..

മാധ്വീ മധുമയീ മുദ്രാ മുദ്രികാ മന്ത്രരൂപിണീ .
മഹാവിശ്വേശ്വരീ ദൂതീ മൗലിചന്ദ്രപ്രകാശിനീ .. 137..

യശഃസ്വരൂപിണീ ദേവീ യോഗമാർഗപ്രദായിനീ .
യോഗിനീ യോഗഗമ്യാ ച യാമ്യേശീ യോഗരൂപിണീ .. 138..

യജ്ഞാംഗീ ച യോഗമയീ ജപരൂപാ ജപാത്മികാ .
യുഗാഖ്യാ ച യുഗാന്താ ച യോനിമണ്ഡലവാസിനീ .. 139..

അയോനിജാ യോഗനിദ്രാ യോഗാനന്ദപ്രദായിനീ .
രമാ രതിപ്രിയാ നിത്യം രതിരാഗവിവർദ്ധിനീ .. 140..

രമണീ രാസസംഭൂതാ രമ്യാ രാസപ്രിയാ രസാ .
രണോത്കണ്ഠാ രണസ്ഥാ ച വരാ രംഗപ്രദായിനീ .. 141..

രേവതീ രണജൈത്രീ ച രസോദ്ഭൂതാ രണോത്സവാ .
ലതാ ലാവണ്യരൂപാ ച ലവണാബ്ധിസ്വരൂപിണീ .. 142..

ലവംഗകുസുമാരാധ്യാ ലോലജിഹ്വാ ച ലേലിഹാ .
വശിനീ വനസംസ്ഥാ ച വനപുഷ്പപ്രിയാ വരാ .. 143..

പ്രാണേശ്വരീ ബുദ്ധിരൂപാ ബുദ്ധിദാത്രീ ബുധാത്മികാ .
ശമനീ ശ്വേതവർണാ ച ശാങ്കരീ ശിവഭാഷിണീ .. 144..

ശ്യാമ്യരൂപാ ശക്തിരൂപാ ശക്തിബിന്ദുനിവാസിനീ .
സർവേശ്വരീ സർവദാത്രീ സർവമാതാ ച ശർവരീ .. 145..

ശാംഭവീ സിദ്ധിദാ സിദ്ധാ സുഷുമ്നാ സുരഭാസിനീ .
സഹസ്രദലമധ്യസ്ഥാ സഹസ്രദലവർത്തിനീ .. 146..

ഹരപ്രിയാ ഹരധ്യേയാ ഹൂഁകാരബീജരൂപിണീ .
ലങ്കേശ്വരീ ച തരലാ ലോമമാംസപ്രപൂജിതാ .. 147..

ക്ഷേമ്യാ ക്ഷേമകരീ ക്ഷാമാ ക്ഷീരബിന്ദുസ്വരൂപിണീ .
ക്ഷിപ്തചിത്തപ്രദാ നിത്യം ക്ഷൗമവസ്ത്രവിലാസിനീ .. 148..

ഛിന്നാ ച ച്ഛിന്നരൂപാ ച ക്ഷുധാ ക്ഷൗത്കാരരൂപിണീ .
സർവവർണമയീ ദേവീ സർവസമ്പത്പ്രദായിനീ .. 149..

സർവസമ്പത്പ്രദാത്രീ ച സമ്പദാപദ്വിഭൂഷിതാ .
സത്ത്വരൂപാ ച സർവാർഥാ സർവദേവപ്രപൂജിതാ .. 150..

സർവേശ്വരീ സർവമാതാ സർവജ്ഞാ സുരസൃത്മികാ .
സിന്ധുർമന്ദാകിനീ ഗംഗാ നദീസാഗരരൂപിണീ .. 151..

സുകേശീ മുക്തകേശീ ച ഡാകിനീ വരവർണിനീ .
ജ്ഞാനദാ ജ്ഞാനഗഗനാ സോമമണ്ഡലവാസിനീ .. 152..

ആകാശനിലയാ നിത്യാ പരമാകാശരൂപിണീ .
അന്നപൂർണാ മഹാനിത്യാ മഹാദേവരസോദ്ഭവാ .. 153..

മംഗലാ കാലികാ ചണ്ഡാ ചണ്ഡനാദാതിഭീഷണാ .
ചണ്ഡാസുരസ്യ മഥിനീ ചാമുണ്ഡാ ചപലാത്മികാ .. 154..

ചണ്ഡീ ചാമരകേശീ ച ചലത്കുണ്ഡലധാരിണീ .
മുണ്ഡമാലാധരാ നിത്യാ ഖണ്ഡമുണ്ഡവിലാസിനീ .. 155..

ഖഡ്ഗഹസ്താ മുണ്ഡഹസ്താ വരഹസ്താ വരപ്രദാ .
അസിചർമധരാ നിത്യാ പാശാങ്കുശധരാ പരാ .. 156..

ശൂലഹസ്താ ശിവഹസ്താ ഘണ്ടാനാദവിലാസിനീ .
ധനുർബാണധരാഽഽദിത്യാ നാഗഹസ്താ നഗാത്മജാ .. 157..

മഹിഷാസുരഹന്ത്രീ ച രക്തബീജവിനാശിനീ .
രക്തരൂപാ രക്തഗാ ച രക്തഹസ്താ ഭയപ്രദാ .. 158..

അസിതാ ച ധർമധരാ പാശാങ്കുശധരാ പരാ .
ധനുർബാണധരാ നിത്യാ ധൂമ്രലോചനനാശിനീ .. 159..

പരസ്ഥാ ദേവതാമൂർതിഃ ശർവാണീ ശാരദാ പരാ .
നാനാവർണവിഭൂഷാംഗീ നാനാരാഗസമാപിനീ .. 160..

പശുവസ്ത്രപരീധാനാ പുഷ്പായുധധരാ പരാ .
മുക്തരഞ്ജിതമാലാഢ്യാ മുക്താഹാരവിലാസിനീ .. 161..

സ്വർണകുണ്ഡലഭൂഷാ ച സ്വർണസിംഹാസനസ്ഥിതാ .
സുന്ദരാംഗീ സുവർണാഭാ ശാംഭവീ ശകടാത്മികാ .. 162..

സർവലോകേശവിദ്യാ ച മോഹസമ്മോഹകാരിണീ .
ശ്രേയസീ സൃഷ്ടിരൂപാ ച ച്ഛിന്നച്ഛദ്മമയീ ച്ഛലാ .. 163..

ഛിന്നമുണ്ഡധരാ നിത്യാ നിത്യാനന്ദവിധായിനീ .
നന്ദാ പൂർണാ ച രിക്താ ച തിഥയഃ പൂർണഷോഡശീ .. 164..

കുഹൂഃ സങ്ക്രാന്തിരൂപാ ച പഞ്ചപർവവിലാസിനീ .
പഞ്ചബാണധരാ നിത്യാ പഞ്ചമപ്രീതിദാ പരാ .. 165..

പഞ്ചപത്രാഭിലാഷാ ച പഞ്ചാമൃതവിലാസിനീ .
പഞ്ചാലീ പഞ്ചമീ ദേവീ പഞ്ചരക്തപ്രസാരിണീ .. 166..

പഞ്ചബാണധരാ നിത്യാ നിത്യദാത്രീ ദയാപരാ .
പലലാദിപ്രിയാ നിത്യാഽപശുഗമ്യാ പരേശിതാ .. 167..

പരാ പരരഹസ്യാ ച പരമപ്രേമവിഹ്വലാ .
കുലിനാ കേശിമാർഗസ്ഥാ കുലമാർഗപ്രകാശിനീ .. 168..

കുലാകുലസ്വരൂപാ ച കുലാർണവമയീ കുലാ .
രുക്മാ ച കാലരൂപാ ച കാലകമ്പനകാരിണീ .. 169..

വിലാസരൂപിണീ ഭദ്രാ കുലാകുലനമസ്കൃതാ .
കുബേരവിത്തധാത്രീ ച കുമാരജനനീ പരാ .. 170..

കുമാരീരൂപസംസ്ഥാ ച കുമാരീപൂജനാംബികാ .
കുരംഗനയനാ ദേവീ ദിനേശാസ്യാഽപരാജിതാ .. 171..

കുണ്ഡലീകദലീ സേനാ കുമാർഗരഹിതാ വരാ .
അനതരൂപാഽനന്തസ്ഥാ ആനന്ദസിന്ധുവാസിനീ .. 172..

ഇലാസ്വരൂപിണീ ദേവീ ഇഈഭേദഭയങ്കരീ .
ഇഡാ ച പിംഗലാ നാഡീ ഇകാരാക്ഷരരൂപിണീ .. 173..

ഉമാ ചോത്പത്തിരൂപാ ച ഉച്ചഭാവവിനാശിനീ .
ഋഗ്വേദാ ച നിരാരാധ്യാ യജുർവേദപ്രപൂജിതാ .. 174..

സാമവേദേന സംഗീതാ അഥർവവേദഭാഷിണീ .
ഋകാരരൂപിണീ ഋക്ഷാ നിരക്ഷരസ്വരൂപിണീ .. 175..

അഹിദുർഗാസമാചാരാ ഇകാരാർണസ്വരൂപിണീ .
ഓങ്കാരാ പ്രണവസ്ഥാ ച ഓങ്കാരാദിസ്വരൂപിണീ .. 176..

അനുലോമവിലോമസ്ഥാ ഥകാരവർണസംഭവാ .
പഞ്ചാശദ്വർണബീജാഢ്യാ പഞ്ചാശന്മുണ്ഡമാലികാ .. 177..

പ്രത്യേകാ ദശസംഖ്യാ ച ഷോഡശീ ച്ഛിന്നമസ്തകാ .
ഷഡംഗയുവതീപൂജ്യാ ഷഡംഗരൂപവർജിതാ .. 178..

ഷഡ്വക്ത്രസംശ്രിതാ നിത്യാ വിശ്വേശീ ഖഡ്ഗദാലയാ .
മാലാമന്ത്രമയീ മന്ത്രജപമാതാ മദാലസാ .. 179..

സർവവിശ്വേശ്വരീ ശക്തിഃ സർവാനന്ദപ്രദായിനീ .

ഇതി ശ്രീച്ഛിന്നമസ്തായാ നാമസഹസ്രമുത്തമം .. 180..
---------------------------------------------------------------------------

പൂജാക്രമേണ കഥിതം സാധകാനാം സുഖാവഹം .
ഗോപനീയം ഗോപനീയം ഗോപനീയം ന സംശയഃ .. 181..

അർദ്ധരാത്രേ മുക്തകേശോ ഭക്തിയുക്തോ ഭവേന്നരഃ .
ജപിത്വാ പൂജയിത്വാ ച പഠേന്നാമസഹസ്രകം .. 182..

വിദ്യാസിദ്ധിർഭവേത്തസ്യ ഷണ്മാസാഭ്യാസയോഗതഃ .
യേന കേന പ്രകാരേണ ദേവീഭക്തിപരോ ഭവേത് .. 183..

അഖിലാൻസ്തംഭയേല്ലോകാംരാജ്ഞോഽപി മോഹയേത്സദാ .
ആകർഷയേദ്ദേവശക്തിം മാരയേദ്ദേവി വിദ്വിഷം .. 184..

ശത്രവോ ദാസതാം യാന്തി യാന്തി പാപാനി സങ്ക്ഷയം .
മൃത്യുശ്ച ക്ഷയതാം യാതി പഠനാദ്ഭാഷണാത്പ്രിയേ .. 185..

പ്രശസ്തായാഃ പ്രസാദേന കിം ന സിദ്ധ്യതി ഭൂതലേ .
ഇദം രഹസ്യം പരമം പരം സ്വസ്ത്യയനം മഹത് .. 186..

ധൃത്വാ ബാഹൗ മഹാസിദ്ധിഃ പ്രാപ്യതേ നാത്ര സംശയഃ .
അനയാ സദൃശീ വിദ്യാ വിദ്യതേ ന മഹേശ്വരി .. 187..

വാരമേകം തു യോഽധീതേ സർവസിദ്ധീശ്വരോ ഭവേത് .
കുലവാരേ കുലാഷ്ടമ്യാം കുഹൂസങ്ക്രാന്തിപർവസു .. 188..

യശ്ചേമം പഠതേ വിദ്യാം തസ്യ സമ്യക്ഫലം ശൃണു .
അഷ്ടോത്തരശതം ജപ്ത്വാ പഠേന്നാമസഹസ്രകം .. 189..

ഭക്ത്യാ സ്തുത്വാ മഹാദേവി സർവപാപാത്പ്രമുച്യതേ .
സർവപാപൈർവിനിർമുക്തഃ സർവസിദ്ധീശ്വരോ ഭവേത് .. 190..

അഷ്ടമ്യാം വാ നിശീഥേ ച ചതുഷ്പഥഗതോ നരഃ .
മാഷഭക്തബലിം ദത്വാ പഠേന്നാമസഹസ്രകം .. 191..

സുദർശവാമവേദ്യാം തു മാസത്രയവിധാനതഃ .
ദുർജയഃ കാമരൂപശ്ച മഹാബലപരാക്രമഃ .. 192..

കുമാരീപൂജനം നാമ മന്ത്രമാത്രം പഠേന്നരഃ .
ഏതന്മന്ത്രസ്യ പഠനാത്സർവസിദ്ധീശ്വരോ ഭവേത് .. 193..

ഇതി തേ കഥിതം ദേവി സർവസിദ്ധിപരം നരഃ .
ജപ്ത്വാ സ്തുത്വാ മഹാദേവീം സർവപാപൈഃ പ്രമുച്യതേ .. 194..

ന പ്രകാശ്യമിദം ദേവി സർവദേവനമസ്കൃതം .
ഇദം രഹസ്യം പരമം ഗോപ്തവ്യം പശുസങ്കടേ .. 195..

ഇതി സകലവിഭൂതേർഹേതുഭൂതം പ്രശസ്തം പഠതി
യ ഇഹ മർത്ത്യശ്ഛിന്നമസ്താസ്തവം ച .
ധനദ ഇവ ധനാഢ്യോ മാനനീയോ നൃപാണാം സ ഭവതി
ച ജനാനാമാശ്രയഃ സിദ്ധിവേത്താ .. 196..

.. ഇതി ശ്രീവിശ്വസാരതന്ത്രേ ശിവപാർവതീസംവാദേ
ശ്രീച്ഛിന്നമസ്താസഹസ്രനാമസ്തോത്രം സമ്പൂർണം ..