SREE GOPALA SAHASRANAMA STHOTHRAM

 

 ശ്രീഗോപാലസഹസ്രനാമസ്തോത്രം 


പാർവത്യുവാച-
കൈലാസശിഖരേ രമ്യേ ഗൗരീ പൃച്ഛതി ശങ്കരം .
ബ്രഹ്മാണ്ഡാഖിലനാഥസ്ത്വം സൃഷ്ടിസംഹാരകാരകഃ .. 1..

ത്വമേവ പൂജ്യസേ ലോകൈർബ്രഹ്മവിഷ്ണുസുരാദിഭിഃ .
നിത്യം പഠസി ദേവേശ കസ്യ സ്തോത്രം മഹേശ്വര .. 2..

ആശ്ചര്യമിദമാഖ്യാനം ജായതേ മയി ശങ്കര .
തത്പ്രാണേശ മഹാപ്രാജ്ഞ സംശയം ഛിന്ധി മേ പ്രഭോ .. 3..

ശ്രീമഹാദേവ ഉവാച-
ധന്യാസി കൃതപുണ്യാസി പാർവതി പ്രാണവല്ലഭേ .
രഹസ്യാതിരഹസ്യം ച യത്പൃച്ഛസി വരാനനേ .. 4..

സ്ത്രീസ്വഭാവാന്മഹാദേവി പുനസ്ത്വം പരിപൃച്ഛസി .
ഗോപനീയം ഗോപനീയം ഗോപനീയം പ്രയത്നതഃ .. 5..

ദത്തേ ച സിദ്ധിഹാനിഃ സ്യാത്തസ്മാദ്യത്നേന ഗോപയേത് .
ഇദം രഹസ്യം പരമം പുരുഷാർഥപ്രദായകം .. 6..

ധനരത്നൗഘമാണിക്യം തുരംഗം ച ഗജാദികം .
ദദാതി സ്മരണാദേവ മഹാമോക്ഷപ്രദായകം .. 7..

തത്തേഽഹം സമ്പ്രവക്ഷ്യാമി ശൃണുഷ്വാവഹിതാ പ്രിയേ .
യോഽസൗ നിരഞ്ജനോ ദേവഃ ചിത്സ്വരൂപീ ജനാർദനഃ .. 8..

സംസാരസാഗരോത്താരകാരണായ നൃണാം സദാ .
ശ്രീരംഗാദികരൂപേണ ത്രൈലോക്യം വ്യാപ്യ തിഷ്ഠതി .. 9..

തതോ ലോകാ മഹാമൂഢാ വിഷ്ണുഭക്തിവിവർജിതാഃ .
നിശ്ചയം നാധിഗച്ഛന്തി പുനർനാരായണോ ഹരിഃ .. 10..

നിരഞ്ജനോ നിരാകാരോ ഭക്താനാം പ്രീതികാമദഃ .
വൃന്ദാവനവിഹാരായ ഗോപാലം രൂപമുദ്വഹൻ .. 11..

മുരലീവാദനാധാരീ രാധായൈ പ്രീതിമാവഹൻ .
അംശാംശേഭ്യഃ സമുന്മീല്യ പൂർണരൂപകലായുതഃ .. 12..

ശ്രീകൃഷ്ണചന്ദ്രോ ഭഗവാൻ നന്ദഗോപവരോദ്യതഃ .
ധരണീരൂപിണീമാതൃയശോദാനന്ദദായകഃ .. 13..

ദ്വാഭ്യാം പ്രയാചിതോ നാഥോ ദേവക്യാം വസുദേവതഃ .
ബ്രഹ്മണാഽഭ്യർഥിതോ ദേവോ ദേവൈരപി സുരേശ്വരി .. 14..

ജാതോഽവന്യാം മുകുന്ദോഽപി മുരലോവേദരേചികാ .
തയാ സാർദ്ധം വചഃ കൃത്വാ തതോ ജാതോ മഹീതലേ .. 15..

സംസാരസാരസർവസ്വം ശ്യാമലം മഹദുജ്ജ്വലം .
ഏതജ്ജ്യോതിരഹം വേദ്യം ചിന്തയാമി സനാതനം .. 16..

ഗൗരതേജോ വിനാ യസ്തു ശ്യാമതേജസ്സമർചയേത് .
ജപേദ്വാ ധ്യായതേ വാപി സ ഭവേത് പാതകീ ശിവേ .. 17..

സ ബ്രഹ്മഹാ സുരാപീ ച സ്വർണസ്തേയീ ച പഞ്ചമഃ .
ഏതൈർദോഷൈർവിലിപ്യേത തേജോഭേദാന്മഹീശ്വരി .. 18..

തസ്മാജ്ജ്യോതിരഭൂദ് ദ്വേധാ രാധാമാധവരൂപകം .
തസ്മാദിദം മഹാദേവി ഗോപാലേനൈവ ഭാഷിതം .. 19..

ദുർവാസസോ മുനേർമോഹേ കാർതിക്യാം രാസമണ്ഡലേ .
തതഃ പൃഷ്ടവതീ രാധാ സന്ദേഹഭേദമാത്മനഃ .. 20..

നിരഞ്ജനാത്സമുത്പന്നം മയാഽധീതം ജഗന്മയി .
ശ്രീകൃഷ്ണേന തതഃ പ്രോക്തം രാധായൈ നാരദായ ച .. 21..

തതോ നാരദതസ്സർവേ വിരലാ വൈഷ്ണവാ ജനാഃ .
കലൗ ജാനന്തി ദേവേശി ഗോപനീയം പ്രയത്നതഃ .. 22..

ശഠായ കൃപണായാഥ ദാംഭികായ സുരേശ്വരി .
ബ്രഹ്മഹത്യാമവാപ്നോതി തസ്മാദ്യത്നേന ഗോപയേത് .. 23..
---------------------------------------------------------------------------
പാഠ കരനേ കീ വിധി

ഓം അസ്യ ശ്രീഗോപാലസഹസ്രനാമസ്തോത്രമഹാമന്ത്രസ്യ ശ്രീനാരദ ഋഷിഃ .
അനുഷ്ടുപ് ഛന്ദഃ . ശ്രീഗോപാലോ ദേവതാ . കാമോ ബീജം . മായാ ശക്തിഃ .
ചന്ദ്രഃ കീലകം ശ്രീകൃഷ്ണചന്ദ്ര ഭക്തിരൂപഫലപ്രാപ്തയേ
ശ്രീഗോപാലസഹസ്രനാമസ്തോത്രജപേ വിനിയോഗഃ .
---------------------------------------------------------------------------
യാ ഇസതരഹ കരേം പാഠ
ഓം ഐം ക്ലീം ബീജം . ശ്രീം ഹ്രീം ശക്തിഃ .
ശ്രീവൃന്ദാവനനിവാസഃ കീലകം .
ശ്രീരാധാപ്രിയപരബ്രഹ്മേതി മന്ത്രഃ .
ധർമാദിചതുർവിധപുരുഷാർഥസിദ്ധ്യർഥേ ജപേ വിനിയോഗഃ ..

അഥ കരാദിന്യാസഃ
ഓം ക്ലാം അംഗുഷ്ഠാഭ്യാം നമഃ .
ഓം ക്ലീം തർജനീഭ്യാം നമഃ ..

ഓം ക്ലൂം മധ്യമാഭ്യാം നമഃ ..

ഓം ക്ലൈം അനാമികാഭ്യാം നമഃ ..

ഓം ക്ലൗം കനിഷ്ടികാഭ്യാം നമഃ ..

ഓം ക്ലഃ കരതലകരപൃഷ്ഠാഭ്യാം നമഃ ..

അഥ ഹൃദയാദിന്യാസഃ

ഓം ക്ലാം ഹൃദയായ നമഃ .
ഓം ക്ലീം ശിരസേ സ്വാഹാ ..

ഓം ക്ലൂം ശിഖായൈ വഷട് ..

ഓം ക്ലൈം കവചായ ഹും ..

ഓം ക്ലൗം നേത്രത്രയായ വൗഷട് ..

ഓം ക്ലഃ അസ്ത്രായ ഫട് ..
---------------------------------------------------------------------------
അഥ ധ്യാനം

കസ്തൂരീതിലകം ലലാടപടലേ വക്ഷഃസ്ഥലേ കൗസ്തുഭം
നാസാഗ്രേവരമൗക്തികം കരതലേ വേണും കരേ കങ്കണം ..

സർവാംഗേ ഹരിചന്ദനം സുലലിതം കണ്ഠേ ച മുക്താവലിം
ഗോപസ്ത്രീപരിവേഷ്ടിതോ വിജയതേ ഗോപാലചൂഡാമണിഃ .. 1..

ഫുല്ലേന്ദീവരകാന്തിമിന്ദുവദനം ബർഹാവതംസപ്രിയം
ശ്രീവത്സാങ്കമുദാരകൗസ്തുഭധരം പീതാംബരം സുന്ദരം ..

ഗോപീനാം നയനോത്പലാർചിതതനും ഗോഗോപസംഘാവൃതം
ഗോവിന്ദം കലവേണുവാദനപരം ദിവ്യാംഗഭൂഷം ഭജേ .. 2..
--------------------------------------------------------------------------
സഹസ്രനാമ സ്തോത്ര ആരംഭ-

ഓം ക്ലീം ദേവഃ കാമദേവഃ കാമബീജശിരോമണിഃ .
ശ്രീഗോപാലോ മഹീപാലോ സർവവേദാന്തപാരഗഃ .. 1..  var  സർവവേദാംഗപാരഗഃ
കൃഷ്ണഃ കമലപത്രാക്ഷഃ പുണ്ഡരീകഃ സനാതനഃ .  var  ധരണീപാലകോധന്യഃ
ഗോപതിർഭൂപതിഃ ശാസ്താ പ്രഹർതാ വിശ്വതോമുഖഃ .. 2..

ആദികർതാ മഹാകർതാ മഹാകാലഃ പ്രതാപവാൻ .
ജഗജ്ജീവോ ജഗദ്ധാതാ ജഗദ്ഭർതാ ജഗദ്വസുഃ .. 3..

മത്സ്യോ ഭീമഃ കുഹൂഭർതാ ഹർതാ വാരാഹമൂർതിമാൻ .
നാരായണോ ഹൃഷീകേശോ ഗോവിന്ദോ ഗരുഡധ്വജഃ .. 4..

ഗോകുലേന്ദ്രോ മഹീചന്ദ്രഃ ശർവരീപ്രിയകാരകഃ .
കമലാമുഖലോലാക്ഷഃ പുണ്ഡരീകഃ ശുഭാവഹഃ .. 5..

ദുർവാസാഃ കപിലോ ഭൗമഃ സിന്ധുസാഗരസംഗമഃ .
ഗോവിന്ദോ ഗോപതിർഗോപഃ കാലിന്ദീപ്രേമപൂരകഃ .. 6..

ഗോപസ്വാമീ ഗോകുലേന്ദ്രോ ഗോവർധനവരപ്രദഃ .
നന്ദാദിഗോകുലത്രാതാ ദാതാ ദാരിദ്ര്യഭഞ്ജനഃ .. 7..

സർവമംഗലദാതാ ച സർവകാമപ്രദായകഃ .
ആദികർതാ മഹീഭർതാ സർവസാഗരസിന്ധുജഃ .. 8..

ഗജഗാമീ ഗജോദ്ധാരീ കാമീ കാമകലാനിധിഃ .
കലങ്കരഹിതശ്ചന്ദ്രോ ബിംബാസ്യോ ബിംബസത്തമഃ .. 9..

മാലാകാരഃ കൃപാകാരഃ കോകിലസ്വരഭൂഷണഃ .
രാമോ നീലാംബരോ ദേവോ ഹലീ ദുർദമമർദനഃ .. 10..

സഹസ്രാക്ഷപുരീഭേത്താ മഹാമാരീവിനാശനഃ .
ശിവഃ ശിവതമോ ഭേത്താ ബലാരാതിപ്രപൂജകഃ .. 11..

കുമാരീവരദായീ ച വരേണ്യോ മീനകേതനഃ .
നരോ നാരായണോ ധീരോ രാധാപതിരുദാരധീഃ .. 12..

ശ്രീപതിഃ ശ്രീനിധിഃ ശ്രീമാൻ മാപതിഃ പ്രതിരാജഹാ .
വൃന്ദാപതിഃ കുലഗ്രാമീ ധാമീ ബ്രഹ്മ സനാതനഃ .. 13..

രേവതീരമണോ രാമഃ പ്രിയശ്ചഞ്ചലലോചനഃ .
രാമായണശരീരോഽയം രാമോ രാമഃ ശ്രിയഃപതിഃ .. 14..

ശർവരഃ ശർവരീ ശർവഃ സർവത്ര ശുഭദായകഃ .
രാധാരാധയിതാരാധീ രാധാചിത്തപ്രമോദകഃ .. 15..

രാധാരതിസുഖോപേതഃ രാധാമോഹനതത്പരഃ .
രാധാവശീകരോ രാധാഹൃദയാംഭോജഷട്പദഃ .. 16..

രാധാലിംഗനസമ്മോഹഃ രാധാനർതനകൗതുകഃ .
രാധാസഞ്ജാതസമ്പ്രീതോ രാധാകാമ്യഫലപ്രദഃ .. 17..

വൃന്ദാപതിഃ കോശനിധിഃ കോകശോകവിനാശനഃ .
ചന്ദ്രാപതിഃ ചന്ദ്രപതിഃ ചണ്ഡകോദണ്ഡഭഞ്ജനഃ .. 18..

രാമോ ദാശരഥീ രാമഃ ഭൃഗുവംശസമുദ്ഭവഃ .
ആത്മാരാമോ ജിതക്രോധോ മോഹോ മോഹാന്ധഭഞ്ജനഃ .. 19..

വൃഷഭാനുഭവോ ഭാവഃ കാശ്യപിഃ കരുണാനിധിഃ .
കോലാഹലോ ഹലീ ഹാലീ ഹേലീ ഹലധരപ്രിയഃ .. 20..

രാധാമുഖാബ്ജമാർതാണ്ഡഃ ഭാസ്കരോ രവിജാ വിധുഃ .
വിധിർവിധാതാ വരുണോ വാരുണോ വാരുണീപ്രിയഃ .. 21..

രോഹിണീഹൃദയാനന്ദോ വസുദേവാത്മജോ ബലീ .
നീലാംബരോ രൗഹിണേയോ ജരാസന്ധവധോഽമലഃ .. 22..

നാഗോ നവാംഭോ വിരുദോ വീരഹാ വരദോ ബലീ .
ഗോപഥോ വിജയീ വിദ്വാൻ ശിപിവിഷ്ടഃ സനാതനഃ .. 23..

പരശുരാമവചോഗ്രാഹീ വരഗ്രാഹീ ശൃഗാലഹാ .
ദമഘോഷോപദേഷ്ടാ ച രഥഗ്രാഹീ സുദർശനഃ .. 24..

വീരപത്നീയശസ്ത്രാതാ ജരാവ്യാധിവിഘാതകഃ .
ദ്വാരകാവാസതത്ത്വജ്ഞഃ ഹുതാശനവരപ്രദഃ .. 25..

യമുനാവേഗസംഹാരീ നീലാംബരധരഃ പ്രഭുഃ .
വിഭുഃ ശരാസനോ ധന്വീ ഗണേശോ ഗണനായകഃ .. 26..

ലക്ഷ്മണോ ലക്ഷണോ ലക്ഷ്യോ രക്ഷോവംശവിനാശനഃ .
വാമനോ വാമനീഭൂതോഽവാമനോ വാമനാരുഹഃ .. 27..

യശോദാനന്ദനഃ കർത്താ യമലാർജുനമുക്തിദഃ .
ഉലൂഖലീ മഹാമാനീ ദാമബദ്ധാഹ്വയീ ശമീ .. 28..

ഭക്താനുകാരീ ഭഗവാൻ കേശവോ ബലധാരകഃ .
കേശിഹാ മധുഹാ മോഹീ വൃഷാസുരവിഘാതകഃ .. 29..

അഘാസുരവിനാശീ ച പൂതനാമോക്ഷദായകഃ .
കുബ്ജാവിനോദീ ഭഗവാൻ കംസമൃത്യുർമഹാമഖീ .. 30..

അശ്വമേധോ വാജപേയോ ഗോമേധോ നരമേധവാൻ .
കന്ദർപകോടിലാവണ്യശ്ചന്ദ്രകോടിസുശീതലഃ .. 31..

രവികോടിപ്രതീകാശോ വായുകോടിമഹാബലഃ .
ബ്രഹ്മാ ബ്രഹ്മാണ്ഡകർതാ ച കമലാവാഞ്ഛിതപ്രദഃ .. 32..

കമലാ കമലാക്ഷശ്ച കമലാമുഖലോലുപഃ .
കമലാവ്രതധാരീ ച കമലാഭഃ പുരന്ദരഃ .. 33..

സൗഭാഗ്യാധികചിത്തോഽയം മഹാമായീ മദോത്കടഃ .
താരകാരിഃ സുരത്രാതാ മാരീചക്ഷോഭകാരകഃ .. 34..

വിശ്വാമിത്രപ്രിയോ ദാന്തോ രാമോ രാജീവലോചനഃ .
ലങ്കാധിപകുലധ്വംസീ വിഭീഷണവരപ്രദഃ .. 35..

സീതാനന്ദകരോ രാമോ വീരോ വാരിധിബന്ധനഃ .
ഖരദൂഷണസംഹാരീ സാകേതപുരവാസവാൻ .. 36..

ചന്ദ്രാവലീപതിഃ കൂലഃ കേശികംസവധോഽമലഃ .
മാധവോ മധുഹാ മാധ്വീ മാധ്വീകോ മാധവോ വിധുഃ .. 37..

മുഞ്ജാടവീഗാഹമാനഃ ധേനുകാരിർധരാത്മജഃ .
വംശീവടവിഹാരീ ച ഗോവർധനവനാശ്രയഃ .. 38..

തഥാ താലവനോദ്ദേശീ ഭാണ്ഡീരവനശംഖഹാ .
തൃണാവർതകൃപാകാരീ വൃഷഭാനുസുതാപതിഃ .. 39..

രാധാപ്രാണസമോ രാധാവദനാബ്ജമധുവ്രതഃ .
ഗോപീരഞ്ജനദൈവജ്ഞഃ ലീലാകമലപൂജിതഃ .. 40..

ക്രീഡാകമലസന്ദോഹഃ ഗോപികാപ്രീതിരഞ്ജനഃ .
രഞ്ജകോ രഞ്ജനോ രംഗോ രംഗീ രംഗമഹീരുഹഃ .. 41..

കാമഃ കാമാരിഭക്തോഽയം പുരാണപുരുഷഃ കവിഃ .
നാരദോ ദേവലോ ഭീമോ ബാലോ ബാലമുഖാംബുജഃ .. 42..

അംബുജോ ബ്രഹ്മസാക്ഷീ ച യോഗീ ദത്തവരോ മുനിഃ .
ഋഷഭഃ പർവതോ ഗ്രാമോ നദീപവനവല്ലഭഃ .. 43..

പദ്മനാഭഃ സുരജ്യേഷ്ഠീ ബ്രഹ്മാ രുദ്രോഽഹിഭൂഷിതഃ .
ഗണാനാം ത്രാണകർതാ ച ഗണേശോ ഗ്രഹിലോ ഗ്രഹീ .. 44..

ഗണാശ്രയോ ഗണാധ്യക്ഷഃ ക്രോഡീകൃതജഗത്ത്രയഃ .
യാദവേന്ദ്രോ ദ്വാരകേന്ദ്രോ മഥുരാവല്ലഭോ ധുരീ .. 45..

ഭ്രമരഃ കുന്തലീ കുന്തീസുതരക്ഷോ മഹാമഖീ .
യമുനാവരദാതാ ച കാശ്യപസ്യ വരപ്രദഃ .. 46..

ശംഖചൂഡവധോദ്ദാമോ ഗോപീരക്ഷണതത്പരഃ .
പാഞ്ചജന്യകരോ രാമീ ത്രിരാമീ വനജോ ജയഃ .. 47..

ഫാൽഗുനഃ ഫാൽഗുനസഖോ വിരാധവധകാരകഃ .
രുക്മിണീപ്രാണനാഥശ്ച സത്യഭാമാപ്രിയങ്കരഃ .. 48..

കല്പവൃക്ഷോ മഹാവൃക്ഷഃ ദാനവൃക്ഷോ മഹാഫലഃ .
അങ്കുശോ ഭൂസുരോ ഭാവോ ഭ്രാമകോ ഭാമകോ ഹരിഃ .. 49..

സരലഃ ശാശ്വതോ വീരോ യദുവംശീ ശിവാത്മകഃ .
പ്രദ്യുമ്നോ ബലകർതാ ച പ്രഹർതാ ദൈത്യഹാ പ്രഭുഃ .. 50..

മഹാധനീ മഹാവീരോ വനമാലാവിഭൂഷണഃ .
തുലസീദാമശോഭാഢ്യോ ജാലന്ധരവിനാശനഃ .. 51..

ശൂരഃ സൂര്യോ മൃതണ്ഡശ്ച ഭാസ്കരോ വിശ്വപൂജിതഃ .
രവിസ്തമോഹാ വഹ്നിശ്ച ബാഡവോ വഡവാനലഃ .. 52..

ദൈത്യദർപവിനാശീ ച ഗരുഡോ ഗരുഡാഗ്രജഃ .
ഗോപീനാഥോ മഹാനാഥോ വൃന്ദാനാഥോഽവിരോധകഃ .. 53..

പ്രപഞ്ചീ പഞ്ചരൂപശ്ച ലതാഗുല്മശ്ച ഗോപതിഃ .
ഗംഗാ ച യമുനാരൂപോ ഗോദാ വേത്രവതീ തഥാ .. 54..

കാവേരീ നർമദാ താപ്തീ ഗണ്ഡകീ സരയൂസ്തഥാ .
രാജസസ്താമസസ്സത്ത്വീ സർവാംഗീ സർവലോചനഃ .. 55..

സുധാമയോഽമൃതമയോ യോഗിനീവല്ലഭഃ ശിവഃ .
ബുദ്ധോ ബുദ്ധിമതാം ശ്രേഷ്ഠോ വിഷ്ണുർജിഷ്ണുഃ ശചീപതിഃ .. 56..

വംശീ വംശധരോ ലോകഃ വിലോകോ മോഹനാശനഃ .
രവരാവോ രവോ രാവോ ബലോ ബാലബലാഹകഃ .. 57..

ശിവോ രുദ്രോ നലോ നീലോ ലാംഗലീ ലാംഗലാശ്രയഃ .
പാരദഃ പാവനോ ഹംസോ ഹംസാരൂഢോ ജഗത്പതിഃ .. 58..

മോഹിനീമോഹനോ മായീ മഹാമായോ മഹാമഖീ .
വൃഷോ വൃഷാകപിഃ കാലഃ കാലീദമനകാരകഃ .. 59..

കുബ്ജാഭാഗ്യപ്രദോ വീരഃ രജകക്ഷയകാരകഃ .
കോമലോ വാരുണോ രാജാ ജലജോ ജലധാരകഃ .. 60..

ഹാരകഃ സർവപാപഘ്നഃ പരമേഷ്ഠീ പിതാമഹഃ .
ഖഡ്ഗധാരീ കൃപാകാരീ രാധാരമണസുന്ദരഃ .. 61..

ദ്വാദശാരണ്യസംഭോഗീ ശേഷനാഗഫണാലയഃ .
കാമഃ ശ്യാമഃ സുഖശ്രീദഃ ശ്രീപതിഃ ശ്രീനിധിഃ കൃതീ .. 62..

ഹരിർനാരായണോ നാരോ നരോത്തമ ഇഷുപ്രിയഃ .
ഗോപാലീചിത്തഹർതാ ച കർത്താ സംസാരതാരകഃ .. 63..

ആദിദേവോ മഹാദേവോ ഗൗരീഗുരുരനാശ്രയഃ .
സാധുർമധുർവിധുർധാതാ ത്രാതാഽക്രൂരപരായണഃ .. 64..

രോലംബീ ച ഹയഗ്രീവോ വാനരാരിർവനാശ്രയഃ .
വനം വനീ വനാധ്യക്ഷഃ മഹാവന്ദ്യോ മഹാമുനിഃ .. 65..

സ്യാമന്തകമണിപ്രാജ്ഞോ വിജ്ഞോ വിഘ്നവിഘാതകഃ .
ഗോവർദ്ധനോ വർദ്ധനീയഃ വർദ്ധനോ വർദ്ധനപ്രിയഃ .. 66..

വർദ്ധന്യോ വർദ്ധനോ വർദ്ധീ വാർദ്ധിഷ്ണുഃ സുമുഖപ്രിയഃ .
വർദ്ധിതോ വൃദ്ധകോ വൃദ്ധോ വൃന്ദാരകജനപ്രിയഃ .. 67..

ഗോപാലരമണീഭർതാ സാംബകുഷ്ഠവിനാശകഃ .
രുക്മിണീഹരണഃ പ്രേമപ്രേമീ ചന്ദ്രാവലീപതിഃ .. 68..

ശ്രീകർതാ വിശ്വഭർതാ ച നരോ നാരായണോ ബലീ .
ഗണോ ഗണപതിശ്ചൈവ ദത്താത്രേയോ മഹാമുനിഃ .. 69..

വ്യാസോ നാരായണോ ദിവ്യോ ഭവ്യോ ഭാവുകധാരകഃ .
ശ്വഃശ്രേയസം ശിവം ഭദ്രം ഭാവുകം ഭാവികം ശുഭം .. 70..

ശുഭാത്മകഃ ശുഭഃ ശാസ്താ പ്രശാസ്താ മേഘാനാദഹാ .
ബ്രഹ്മണ്യദേവോ ദീനാനാമുദ്ധാരകരണക്ഷമഃ .. 71..

കൃഷ്ണഃ കമലപത്രാക്ഷഃ കൃഷ്ണഃ കമലലോചനഃ .
കൃഷ്ണഃ കാമീ സദാ കൃഷ്ണഃ സമസ്തപ്രിയകാരകഃ .. 72..

നന്ദോ നന്ദീ മഹാനന്ദീ മാദീ മാദനകഃ കിലീ .
മിലീ ഹിലീ ഗിലീ ഗോലീ ഗോലോ ഗോലാലയോ ഗുലീ .. 73..

ഗുഗ്ഗുലീ മാരകീ ശാഖീ വടഃ പിപ്പലകഃ കൃതീ .
മ്ലേച്ഛഹാ കാലഹർത്താ ച യശോദായശ ഏവ ച .. 74..

അച്യുതഃ കേശവോ വിഷ്ണുഃ ഹരിഃ സത്യോ ജനാർദനഃ .
ഹംസോ നാരായണോ ലീലോ നീലോ ഭക്തിപരായണഃ .. 75..

ജാനകീവല്ലഭോ രാമഃ വിരാമോ വിഘ്നനാശനഃ .
സഹഭാനുർമഹാഭാനുഃ വീരബാഹുർമഹോദധിഃ .. 76..

സമുദ്രോഽബ്ധിരകൂപാരഃ പാരാവാരഃ സരിത്പതിഃ .
ഗോകുലാനന്ദകാരീ ച പ്രതിജ്ഞാപരിപാലകഃ .. 77..

സദാരാമഃ കൃപാരാമഃ മഹാരാമോ ധനുർധരഃ .
പർവതഃ പർവതാകാരോ ഗയോ ഗേയോ ദ്വിജപ്രിയഃ .. 78..

കംബലാശ്വതരോ രാമോ രാമായണപ്രവർതകഃ .
ദ്യൗർദിവോ ദിവസോ ദിവ്യോ ഭവ്യോ ഭാവി ഭയാപഹഃ .. 79..

പാർവതീഭാഗ്യസഹിതോ ഭർതാ ലക്ഷ്മീവിലാസവാൻ .
വിലാസീ സാഹസീ സർവീ ഗർവീ ഗർവിതലോചനഃ .. 80..

മുരാരിർലോകധർമജ്ഞഃ ജീവനോ ജീവനാന്തകഃ .
യമോ യമാദിയമനോ യാമീ യാമവിധായകഃ .. 81..

വസുലീ പാംസുലീ പാംസുഃ പാണ്ഡുരർജുനവല്ലഭഃ .
ലലിതാ ചന്ദ്രികാമാലീ മാലീ മാലാംബുജാശ്രയഃ .. 82..

അംബുജാക്ഷോ മഹായജ്ഞഃ ദക്ഷഃ ചിന്താമണിഃ പ്രഭുഃ .
മണിർദിനമണിശ്ചൈവ കേദാരോ ബദരീശ്രയഃ .. 83..

ബദരീവനസമ്പ്രീതഃ വ്യാസഃ സത്യവതീസുതഃ .
അമരാരിനിഹന്താ ച സുധാസിന്ധുവിധൂദയഃ .. 84..

ചന്ദ്രോ രവിഃ ശിവഃ ശൂലീ ചക്രീ ചൈവ ഗദാധരഃ .
ശ്രീകർതാ ശ്രീപതിഃ ശ്രീദഃ ശ്രീദേവോ ദേവകീസുതഃ .. 85..

ശ്രീപതിഃ പുണ്ഡരീകാക്ഷഃ പദ്മനാഭോ ജഗത്പതിഃ .
വാസുദേവോഽപ്രമേയാത്മാ കേശവോ ഗരുഡധ്വജഃ .. 86..

നാരായണഃ പരം ധാമ ദേവദേവോ മഹേശ്വരഃ .
ചക്രപാണിഃ കലാപൂർണോ വേദവേദ്യോ ദയാനിധിഃ .. 87..

ഭഗവാൻ സർവഭൂതേശോ ഗോപാലഃ സർവപാലകഃ .
അനന്തോ നിർഗുണോ നിത്യോ നിർവികല്പോ നിരഞ്ജനഃ .. 88..

നിരാധാരോ നിരാകാരഃ നിരാഭാസോ നിരാശ്രയഃ .
പുരുഷഃ പ്രണവാതീതോ മുകുന്ദഃ പരമേശ്വരഃ .. 89..

ക്ഷണാവനിഃ സാർവഭൗമോ വൈകുണ്ഠോ ഭക്തവത്സലഃ .
വിഷ്ണുർദാമോദരഃ കൃഷ്ണോ മാധവോ മഥുരാപതിഃ .. 90..

ദേവകീഗർഭസംഭൂതോ യശോദാവത്സലോ ഹരിഃ .
ശിവഃ സങ്കർഷണഃ ശംഭുർഭൂതനാഥോ ദിവസ്പതിഃ .. 91..

അവ്യയഃ സർവധർമജ്ഞഃ നിർമലോ നിരുപദ്രവഃ .
നിർവാണനായകോ നിത്യോ നീലജീമൂതസന്നിഭഃ .. 92..

കലാക്ഷയശ്ച സർവജ്ഞഃ കമലാരൂപതത്പരഃ .
ഹൃഷീകേശഃ പീതവാസാ വസുദേവപ്രിയാത്മജഃ .. 93..

നന്ദഗോപകുമാരാര്യഃ നവനീതാശനോ വിഭുഃ .
പുരാണപുരുഷഃ ശ്രേഷ്ഠഃ ശംഖപാണിഃ സുവിക്രമഃ .. 94..

അനിരുദ്ധശ്ചക്രരഥഃ ശാർങ്ഗപാണിശ്ചതുർഭുജഃ .
ഗദാധരഃ സുരാർതിഘ്നോ ഗോവിന്ദോ നന്ദകായുധഃ .. 95..

വൃന്ദാവനചരഃ ശൗരിർവേണുവാദ്യവിശാരദഃ .
തൃണാവർതാന്തകോ ഭീമസാഹസീ ബഹുവിക്രമഃ .. 96..

ശകടാസുരസംഹാരീ ബകാസുരവിനാശനഃ .
ധേനുകാസുരസംഹാരീ പൂതനാരിർനൃകേസരീ .. 97..

പിതാമഹോ ഗുരുസ്സാക്ഷാത് പ്രത്യഗാത്മാ സദാശിവഃ .
അപ്രമേയഃ പ്രഭുഃ പ്രാജ്ഞോഽപ്രതർക്യഃ സ്വപ്നവർദ്ധനഃ .. 98..

ധന്യോ മാന്യോ ഭവോ ഭാവോ ധീരഃ ശാന്തോ ജഗദ്ഗുരുഃ .
അന്തര്യാമീശ്വരോ ദിവ്യോ ദൈവജ്ഞോ ദേവസംസ്തുതഃ .. 99..

ക്ഷീരാബ്ധിശയനോ ധാതാ ലക്ഷ്മീവാംല്ലക്ഷ്മണാഗ്രജഃ .
ധാത്രീപതിരമേയാത്മാ ചന്ദ്രശേഖരപൂജിതഃ .. 100..

ലോകസാക്ഷീ ജഗച്ചക്ഷുഃ പുണ്യചാരിത്രകീർതനഃ .
കോടിമന്മഥസൗന്ദര്യഃ ജഗന്മോഹനവിഗ്രഹഃ .. 101..

മന്ദസ്മിതാനനോ ഗോപോ ഗോപികാപരിവേഷ്ടിതഃ .
ഫുല്ലാരവിന്ദനയനഃ ചാണൂരാന്ധ്രനിഷൂദനഃ .. 102..

ഇന്ദീവരദലശ്യാമോ ബർഹിബർഹാവതംസകഃ .
മുരലീനിനദാഹ്ലാദഃ ദിവ്യമാല്യാംബരാവൃതഃ .. 103..

സുകപോലയുഗഃ സുഭ്രൂയുഗലഃ സുലലാടകഃ .
കംബുഗ്രീവോ വിശാലാക്ഷോ ലക്ഷ്മീവാഞ്ഛുഭലക്ഷണഃ .. 104..

പീനവക്ഷാശ്ചതുർബാഹുശ്ചതുർമൂർതിസ്ത്രിവിക്രമഃ .
കലങ്കരഹിതഃ ശുദ്ധഃ ദുഷ്ടശത്രുനിബർഹണഃ .. 105..

കിരീടകുണ്ഡലധരഃ കടകാംഗദമണ്ഡിതഃ .
മുദ്രികാഭരണോപേതഃ കടിസൂത്രവിരാജിതഃ .. 106..

മഞ്ജീരരഞ്ജിതപദഃ സർവാഭരണഭൂഷിതഃ .
വിന്യസ്തപാദയുഗലോ ദിവ്യമംഗലവിഗ്രഹഃ .. 107..

ഗോപികാനയനാനന്ദഃ പൂർണചന്ദ്രനിഭാനനഃ .
സമസ്തജഗദാനന്ദഃ സുന്ദരോ ലോകനന്ദനഃ .. 108..

യമുനാതീരസഞ്ചാരീ രാധാമന്മഥവൈഭവഃ .
ഗോപനാരീപ്രിയോ ദാന്തോ ഗോപീവസ്ത്രാപഹാരകഃ .. 109..

ശൃംഗാരമൂർതിഃ ശ്രീധാമാ താരകോ മൂലകാരണം .
സൃഷ്ടിസംരക്ഷണോപായഃ ക്രൂരാസുരവിഭഞ്ജനഃ .. 110..

നരകാസുരസംഹാരീ മുരാരിരരിമർദനഃ .
ആദിതേയപ്രിയോ ദൈത്യഭീകരോ യദുശേഖരഃ .. 111..

ജരാസന്ധകുലധ്വംസീ കംസാരാതിഃ സുവിക്രമഃ .
പുണ്യശ്ലോകഃ കീർതനീയഃ യാദവേന്ദ്രോ ജഗന്നുതഃ .. 112..

രുക്മിണീരമണഃ സത്യഭാമാജാംബവതീപ്രിയഃ .
മിത്രവിന്ദാനാഗ്നജിതീലക്ഷ്മണാസമുപാസിതഃ .. 113..

സുധാകരകുലേ ജാതോഽനന്തപ്രബലവിക്രമഃ .
സർവസൗഭാഗ്യസമ്പന്നോ ദ്വാരകാപത്തനേ സ്ഥിതഃ .. 114..

ഭദ്രാസൂര്യസുതാനാഥോ ലീലാമാനുഷവിഗ്രഹഃ .
സഹസ്രഷോഡശസ്ത്രീശോ ഭോഗമോക്ഷൈകദായകഃ .. 115..

വേദാന്തവേദ്യഃ സംവേദ്യോ വൈദ്യോ ബ്രഹ്മാണ്ഡനായകഃ .
ഗോവർദ്ധനധരോ നാഥഃ സർവജീവദയാപരഃ .. 116..

മൂർതിമാൻ സർവഭൂതാത്മാ ആർതത്രാണപരായണഃ .
സർവജ്ഞഃ സർവസുലഭഃ സർവശാസ്ത്രവിശാരദഃ .. 117..

ഷഡ്ഗുണൈശ്വര്യസമ്പന്നഃ പൂർണകാമോ ധുരന്ധരഃ .
മഹാനുഭാവഃ കൈവല്യദായകോ ലോകനായകഃ .. 118..

ആദിമധ്യാന്തരഹിതഃ ശുദ്ധസാത്ത്വികവിഗ്രഹഃ .
അസമാനഃ സമസ്താത്മാ ശരണാഗതവത്സലഃ .. 119..

ഉത്പത്തിസ്ഥിതിസംഹാരകാരണം സർവകാരണം .
ഗംഭീരഃ സർവഭാവജ്ഞഃ സച്ചിദാനന്ദവിഗ്രഹഃ .. 120..

വിഷ്വക്സേനഃ സത്യസന്ധഃ സത്യവാക് സത്യവിക്രമഃ .
സത്യവ്രതഃ സത്യരതഃ സർവധർമപരായണഃ .. 121..

ആപന്നാർതിപ്രശമനഃ ദ്രൗപദീമാനരക്ഷകഃ .
കന്ദർപജനകഃ പ്രാജ്ഞോ ജഗന്നാടകവൈഭവഃ .. 122..

ഭക്തിവശ്യോ ഗുണാതീതഃ സർവൈശ്വര്യപ്രദായകഃ .
ദമഘോഷസുതദ്വേഷീ ബാണബാഹുവിഖണ്ഡനഃ .. 123..

ഭീഷ്മഭക്തിപ്രദോ ദിവ്യഃ കൗരവാന്വയനാശനഃ .
കൗന്തേയപ്രിയബന്ധുശ്ച പാർഥസ്യന്ദനസാരഥിഃ .. 124..

നാരസിംഹോ മഹാവീരഃ സ്തംഭജാതോ മഹാബലഃ .
പ്രഹ്ലാദവരദഃ സത്യോ ദേവപൂജ്യോഽഭയങ്കരഃ .. 125..

ഉപേന്ദ്ര ഇന്ദ്രാവരജോ വാമനോ ബലിബന്ധനഃ .
ഗജേന്ദ്രവരദഃ സ്വാമീ സർവദേവനമസ്കൃതഃ .. 126..

ശേഷപര്യങ്കശയനഃ വൈനതേയരഥോ ജയീ .
അവ്യാഹതബലൈശ്വര്യസമ്പന്നഃ പൂർണമാനസഃ .. 127..

യോഗേശ്വരേശ്വരഃ സാക്ഷീ ക്ഷേത്രജ്ഞോ ജ്ഞാനദായകഃ .
യോഗിഹൃത്പങ്കജാവാസോ യോഗമായാസമന്വിതഃ .. 128..

നാദബിന്ദുകലാതീതശ്ചതുർവർഗഫലപ്രദഃ .
സുഷുമ്നാമാർഗസഞ്ചാരീ ദേഹസ്യാന്തരസംസ്ഥിതഃ .. 129..

ദേഹേന്ദ്രിയമനഃപ്രാണസാക്ഷീ ചേതഃപ്രസാദകഃ .
സൂക്ഷ്മഃ സർവഗതോ ദേഹീ ജ്ഞാനദർപണഗോചരഃ .. 130..

തത്ത്വത്രയാത്മകോഽവ്യക്തഃ കുണ്ഡലീ സമുപാശ്രിതഃ .
ബ്രഹ്മണ്യഃ സർവധർമജ്ഞഃ ശാന്തോ ദാന്തോ ഗതക്ലമഃ .. 131..

ശ്രീനിവാസഃ സദാനന്ദഃ വിശ്വമൂർതിർമഹാപ്രഭുഃ .
സഹസ്രശീർഷാ പുരുഷഃ സഹസ്രാക്ഷഃ സഹസ്രപാത് .. 132..

സമസ്തഭുവനാധാരഃ സമസ്തപ്രാണരക്ഷകഃ .
സമസ്തസർവഭാവജ്ഞോ ഗോപികാപ്രാണവല്ലഭഃ .. 133..

നിത്യോത്സവോ നിത്യസൗഖ്യോ നിത്യശ്രീർനിത്യമംഗലഃ .
വ്യൂഹാർചിതോ ജഗന്നാഥഃ ശ്രീവൈകുണ്ഠപുരാധിപഃ .. 134..

പൂർണാനന്ദഘനീഭൂതഃ ഗോപവേഷധരോ ഹരിഃ .
കലാപകുസുമശ്യാമഃ കോമലഃ ശാന്തവിഗ്രഹഃ .. 135..

ഗോപാംഗനാവൃതോഽനന്തോ വൃന്ദാവനസമാശ്രയഃ .
വേണുവാദരതഃ ശ്രേഷ്ഠോ ദേവാനാം ഹിതകാരകഃ .. 136..

ബാലക്രീഡാസമാസക്തോ നവനീതസ്യ തസ്കരഃ .
ഗോപാലകാമിനീജാരശ്ചൗരജാരശിഖാമണിഃ .. 137..

പരഞ്ജ്യോതിഃ പരാകാശഃ പരാവാസഃ പരിസ്ഫുടഃ .
അഷ്ടാദശാക്ഷരോ മന്ത്രോ വ്യാപകോ ലോകപാവനഃ .. 138..

സപ്തകോടിമഹാമന്ത്രശേഖരോ ദേവശേഖരഃ .
വിജ്ഞാനജ്ഞാനസന്ധാനസ്തേജോരാശിർജഗത്പതിഃ .. 139..

ഭക്തലോകപ്രസന്നാത്മാ ഭക്തമന്ദാരവിഗ്രഹഃ .
ഭക്തദാരിദ്ര്യദമനോ ഭക്താനാം പ്രീതിദായകഃ .. 140..

ഭക്താധീനമനാഃ പൂജ്യഃ ഭക്തലോകശിവങ്കരഃ .
ഭക്താഭീഷ്ടപ്രദഃ സർവഭക്താഘൗഘനികൃന്തനഃ .. 141..

അപാരകരുണാസിന്ധുർഭഗവാൻ ഭക്തതത്പരഃ .. 142..

.. ഇതി ഗോപാല സഹസ്രനാമസ്തോത്രം സമ്പൂർണം ..

---------------------------------------------------------------------------

ഫലശ്രുതിഃ

(.. ഗോപാലസഹസ്രനാമ മാഹാത്മ്യം ..)
സ്മരണാത് പാപരാശീനാം ഖണ്ഡനം മൃത്യുനാശനം .. 1 ..

വൈഷ്ണവാനാം പ്രിയകരം മഹാരോഗനിവാരണം .
ബ്രഹ്മഹത്യാസുരാപാനം പരസ്ത്രീഗമനം തഥാ .. 2 ..

പരദ്രവ്യാപഹരണം പരദ്വേഷസമന്വിതം .
മാനസം വാചികം കായം യത്പാപം പാപസംഭവം .. 3 ..

സഹസ്രനാമപഠനാത് സർവം നശ്യതി തത്ക്ഷണാത് .
മഹാദാരിദ്ര്യയുക്തോ യോ വൈഷ്ണവോ വിഷ്ണുഭക്തിമാൻ .. 4 ..

കാർതിക്യാം സമ്പഠേദ്രാത്രൗ ശതമഷ്ടോത്തരം ക്രമാത് .
പീതാംബരധരോ ധീമാൻ സുഗന്ധൈഃ പുഷ്പചന്ദനൈഃ .. 5 ..

പുസ്തകം പൂജയിത്വാ തു നൈവേദ്യാദിഭിരേവ ച .
രാധാധ്യാനാങ്കിതോ ധീരോ വനമാലാവിഭൂഷിതഃ .. 6 ..

ശതമഷ്ടോത്തരം ദേവി പഠേന്നാമസഹസ്രകം .
ചൈത്രശുക്ലേ ച കൃഷ്ണേ ച കുഹൂസങ്ക്രാന്തിവാസരേ .. 7 ..

പഠിതവ്യം പ്രയത്നേന ത്രൈലോക്യം മോഹയേത് ക്ഷണാത് .
തുലസീമാലയാ യുക്തോ വൈഷ്ണവോ ഭക്തിതത്പരഃ .. 8 ..

രവിവാരേ ച ശുക്രേ ച ദ്വാദശ്യാം ശ്രാദ്ധവാസരേ .
ബ്രാഹ്മണം പൂജയിത്വാ ച ഭോജയിത്വാ വിധാനതഃ .. 9 ..

പഠേന്നാമസഹസ്രം ച തതഃ സിദ്ധിഃ പ്രജായതേ .
മഹാനിശായാം സതതം വൈഷ്ണവോ യഃ പഠേത് സദാ .. 10 ..

ദേശാന്തരഗതാ ലക്ഷ്മീഃ സമായാതി ന സംശയഃ .
ത്രൈലോക്യേ ച മഹാദേവി സുന്ദര്യഃ കാമമോഹിതാഃ .. 11 ..

മുഗ്ധാഃ സ്വയം സമായാന്തി വൈഷ്ണവം ച ഭജന്തി താഃ .
രോഗീ രോഗാത് പ്രമുച്യേത ബദ്ധോ മുച്യേത ബന്ധനാത് .. 12..

ഗുർവിണീ ജനയേത്പുത്രം കന്യാ വിന്ദതി സത്പതിം .  var  ഗർഭിണീ
രാജാനോ വശ്യതാം യാന്തി കിം പുനഃ ക്ഷുദ്രമാനവാഃ .. 13..

സഹസ്രനാമശ്രവണാത് പഠനാത് പൂജനാത് പ്രിയേ .
ധാരണാത് സർവമാപ്നോതി വൈഷ്ണവോ നാത്ര സംശയഃ .. 14..

വംശീവടേ ചാന്യവടേ തഥാ പിപ്പലകേഽഥ വാ .
കദംബപാദപതലേ ഗോപാലമൂർതിസംനിധൗ .. 15..

യഃ പഠേദ്വൈഷ്ണവോ നിത്യം സ യാതി ഹരിമന്ദിരം .
കൃഷ്ണേനോക്തം രാധികായൈ മയാ പ്രോക്തം തഥാ ശിവേ .. 16..

നാരദായ മയാ പ്രോക്തം നാരദേന പ്രകാശിതം .
മയാ തുഭ്യം വരാരോഹേ പ്രോക്തമേതത്സുദുർലഭം .. 17..

ഗോപനീയം പ്രയത്നേന ന പ്രകാശ്യം കഥഞ്ചന .
ശഠായ പാപിനേ ചൈവ ലമ്പടായ വിശേഷതഃ .. 18..

ന ദാതവ്യം ന ദാതവ്യം ന ദാതവ്യം കദാചന .
ദേയം ശിഷ്യായ ശാന്തായ വിഷ്ണുഭക്തിരതായ ച .. 19..

ഗോദാനബ്രഹ്മയജ്ഞാദേർവാജപേയശതസ്യ ച .
അശ്വമേധസഹസ്രസ്യ ഫലം പാഠേ ഭവേത് ധ്രുവം .. 20..

മോഹനം സ്തംഭനം ചൈവ മാരണോച്ചാടനാദികം .
യദ്യദ്വാഞ്ഛതി ചിത്തേന തത്തത്പ്രാപ്നോതി വൈഷ്ണവഃ .. 21..

ഏകാദശ്യാം നരഃ സ്നാത്വാ സുഗന്ധിദ്രവ്യതൈലകൈഃ .
ആഹാരം ബ്രാഹ്മണേ ദത്ത്വാ ദക്ഷിണാം സ്വർണഭൂഷണം .. 22..

തത ആരംഭകർതാസ്യ സർവം പ്രാപ്നോതി മാനവഃ .
ശതാവൃത്തം സഹസ്രം ച യഃ പഠേദ്വൈഷ്ണവോ ജനഃ .. 23..

ശ്രീവൃന്ദാവനചന്ദ്രസ്യ പ്രസാദാത്സർവമാപ്നുയാത് .
യദ്ഗൃഹേ പുസ്തകം ദേവി പൂജിതം ചൈവ തിഷ്ഠതി .. 24..

ന മാരീ ന ച ദുർഭിക്ഷം നോപസർഗഭയം ക്വചിത് .
സർപാദ്യാ ഭൂതയക്ഷാദ്യാ നശ്യന്തേ നാത്ര സംശയഃ .. 25..

ശ്രീഗോപാലോ മഹാദേവി വസേത്തസ്യ ഗൃഹേ സദാ .
ഗൃഹേ യത്ര സഹസ്രം ച നാമ്നാം തിഷ്ഠതി പൂജിതം .. 26..

.. ഓം തത്സദിതി ശ്രീസമ്മോഹനതന്ത്രേ പാർവതീശ്വരസംവാദേ
ഗോപാലസഹസ്രനാമസ്തോത്രം സമ്പൂർണം ..

ശ്രീരാധാരമണഃ കൃഷ്ണഃ ഗുണരത്നൈസ്സുഗുംഫിതാം .
സ്വീകൃത്യേമാം മിതാം മാലാം സ നോ വിഷ്ണുഃ പ്രസീദതു ..