SREE MOOKAMBIKA SAHASRANAMA STHOTHRAM

സൂത ഉവാച .

പുരാ കൈലാസശിഖരേ മാർകണ്ഡേയോ മഹാമുനിഃ .
പപ്രച്ഛ ഗിരിജാനാഥം സിദ്ധഗന്ധർവസേവിതം .. 1..

സഹസ്രാർകപ്രതീകാശം ത്രിനേത്രം ചന്ദ്രശേഖരം .
ഭഗവത്യാ കൃതം കർമ ദാനവാനാം രണേ കഥം .. 2..

ശ്രീ ശിവ ഉവാച.

ശൃണു വത്സ പ്രവക്ഷ്യാമി യന്മാം ത്വം പരിപൃച്ഛസി .
ത്രിഗുണാ ശ്രീർമഹാലക്ഷ്മീഃ യോഽസൗഭാഗ്യവതീ പരാ .. 3..

യോഗനിദ്രാനിമഗ്നസ്യ വിഷ്ണോരമിതതേജസഃ .
പിൻഽജൂഷതത്സമുദ്ഭൂതൗ വിഖ്യാതൗ മധുകൈടഭൗ .. 4..

തയോഃ വിഷ്ണോരഭൂദ്ഭൂയോ യുദ്ധം സാർവഭയങ്കരം .
ചക്രിണാ നിഹതാവേതൗ മഹാമായാവിമോഹിതൗ .. 5..

അഥ ദേവശരീരേഭ്യഃ പ്രാദുർഭൂതാ മഹേശ്വരീ .
മഹിഷം സാ മഹാവീര്യം അവധീന്നാമരൂപകം .. 6..

തതോ ദൈത്യാർദിതൈഃ ദേവൈഃ പുരുഹൂതാദിഭിഃ സ്തുതാ .
സൈഷാ ഭഗവതീ ദൈത്യം ധൂമ്രലോചനസഞ്ജ്ഞിതം .. 7..

ചണ്ഡമുണ്ഡൗ മഹാവീര്യൗ രക്തബീജം ഭയങ്കരം .
നിഹത്യ ദേവീ ദൈത്യേന്ദ്രം നിശുംഭമുരുവിക്രമം .. 8..

ശുംഭാസുരം മഹാവീര്യം ദേവതാമൃത്യുരൂപിണം .
യുധ്യമാനം സസൈന്യം തം അവധീദംബികാ പുനഃ .. 9..

ദേവാശ്ച ഋഷയഃ സിദ്ധാഃ ഗന്ധർവാശ്ച മുദാ തദാ .
തുഷ്ടുവുഃ ഭക്തിനമ്രാത്മമൂർതയഃ പരമേശ്വരീം .. 10..

സൂത ഉവാച .


ഏതത്ച്ഛ്രുത്വാ ശിവോക്തം തത് മാർകണ്ഡേയോ മഹാമുനിഃ .
പദ്മൈർനാമ്നാം സഹസ്രേണ പൂജയാമാസ താം ശിവാം .. 11..



-------------------------------------------------------------------------

ഓം അസ്യശ്രീ മൂകാംബികായാഃ
വരദിവ്യസഹസ്രനാമസ്തോത്രമാലാമഹാമന്ത്രസ്യ
മാർകണ്ഡേയ ഭഗവാൻ ഋഷിഃ - ഗായത്രീ ഛന്ദഃ -
ത്രിമൂർത്യൈക്യസ്വരൂപിണീ മഹാകാലീ-മഹാലക്ഷ്മീ-മഹാസരസ്വതീ
ത്രിഗുണാത്മികാ ശ്രീ മൂകാംബികാ ദേവതാ -
ഹ്രാം ബീജം - ഹ്രീം ശക്തിഃ - ഹ്രൂം കീലകം -
ശ്രീ മൂകാംബികാ വരപ്രസാദസിദ്ധ്യർഥേ ജപേ വിനിയോഗഃ ..


(ഹ്രാം ഇത്യാദി വാ മൂകാംബികായാഃ ഗൗരീ പഞ്ചദശാക്ഷര്യാഖ്യാ
ബാലകുമാരികാ വിദ്യയാ വാ ന്യാസമാചരേത്)


ധ്യാനം -


ശൈലാധിരാജതനയാം ശരദിന്ദുകോടി-
      ഭാസ്വൻ മുഖാംബുജകിരീടയുതാം ത്രിനേത്രാം .
ശംഖാര്യഭീതിവരവര്യകരാം മനോജ്ഞാം
      മൂകാംബികാം മുനിസുരാഽഭയദാം സ്മരാമി .. 1..

പ്രമത്ത മധുകൈടഭൗ മഹിഷദാനവം യാഽവധീത്
      സധൂമ്രനയനാഹ്വയൗ സബലചണ്ഡമുണ്ഡാവപി .
സരക്തദനുജൗ ഭയങ്കരനിശുഭശുംഭാസുരൗ അസൗ .
      ഭഗവതീ സദാ ഹൃദി വിഭാതു മൂകാംബികാ .. 2..

പ്രപന്നജനകാമദാം പ്രബലമൂകദർപാപഹാം
      അനുഷ്ണസുകലാധരാം അരിദരാഭയേഷ്ടാന്വിതാം .
തടിദ്വിസരഭാസുരാം കുടജശൈലമൂലാശ്രിതാം .
      അശേഷവിഭുധാത്മികാം അനുഭജാമി മൂകാംബികാം .. 3..

.. ലമിത്യാദി പഞ്ചപൂജാ ..


ശ്രീ മാർകണ്ഡേയ ഉവാച .
ശ്രീം ഹ്രീം ഐം ഓം .


ഓം മൂകാംബികാ മൂകമാതാ മൂകവാഗ്ഭൂതിദായിനീ .
മഹാലക്ഷ്മീഃ മഹാദേവീ മഹാരാജ്യപ്രദായിനീ .. 1..

മഹോദയാ മഹാരൂപാ മാന്യാ മഹിതവിക്രമാ .
മനുവന്ദ്യാ മഹേഷ്വാസാ മന്ത്രിവര്യാ മനസ്വിനീ .. 2..

മേനകാതനയാ മാതാ മഹിതാ മാതൃപൂജിതാ .
മഹതീ മാരജനനീ മൃതസഞ്ജീവിനീ മതിഃ .. 3..

മഹനീയാ മദോല്ലാസാ മന്ദാരകുസുമപ്രഭാ .
മാധവീ മല്ലികാപൂജ്യാ മലയാചലവാസിനീ .. 4..

മഹാങ്കഭഗിനീ മൂർതാ മഹാസാരസ്വതപ്രദാ .
മർത്യലോകാശ്രയാ മന്യുഃ മതിദാ മോക്ഷദായിനീ .. 5..

മഹാപൂജ്യാ മഖഫലപ്രദാ മഘവദാശ്രയാ .
മരീചിമാരുതപ്രാണാഃ മനുജ്യേഷ്ഠാ മഹൗഷധിഃ .. 6..

മഹാകാരുണികാ മുക്താഭരണാ മംഗലപ്രദാ .
മണിമാണിക്യശോഭാഢ്യാ മദഹീനാ മദോത്കടാ .. 7..

മഹാഭാഗ്യവതീ മന്ദസ്മിതാ മന്മഥസേവിതാ .
മായാവിദ്യാമയീ മഞ്ജുഭാഷിണീ മദലാലസാ .. 8..

മൃഡാണീ മൃത്യുമഥിനീ മൃദുഭാഷാ മൃഡപ്രിയാ .
മന്ത്രജ്ഞാ മിത്രസങ്കാശാ മുനിഃ മഹിഷമർദിനീ .. 9..

മഹോദയാ മഹോരസ്കാ മൃഗദൃഷ്ടിഃ മഹേശ്വരീ .
മൃനാലശീതലാ മൃത്യുഃ മേരുമന്ദരവാസിനീ .. 10..

മേധ്യാ മാതംഗഗമനാ മഹാമാരീസ്വരൂപിണീ .
മേഘശ്യാമാ മേഘനാദാ മീനാക്ഷീ മദനാകൃതിഃ .. 11..

മനോന്മയീ മഹാമായാ മഹിഷാസുരമോക്ഷദാ .
മേനകാവന്ദിതാ മേന്യാ മുനിവന്ദിതപാദുകാ .. 12..

മൃത്യുവന്ദ്യാ മൃത്യുദാത്രീ മോഹിനീ മിഥുനാകൃതിഃ .
മഹാരൂപാ മോഹിതാംഗീ മുനിമാനസസംസ്ഥിതാ .. 13..

മോഹനാകാരവദനാ മുസലായുധധാരിണീ .
മരീചിമാലാ മാണിക്യഭൂഷണാ മന്ദഗാമിനീ .. 14..

മഹിഷീ മാരുതഗതിഃ മഹാലാവണ്യശാലിനീ .
മൃദംഗനാദിനീ മൈത്രീ മദിരാമോദലാലസാ .. 15..

മായാമയീ മോഹനാശാ മുനിമാനസമന്ദിരാ .
മാർതാണ്ഡകോടികിരണാ മിഥ്യാജ്ഞാനനിവാരിണീ .. 16..

മൃഗാങ്കവദനാ മാർഗദായിനീ മൃഗനാഭിധൃക് .
മന്ദമാരുതസംസേവ്യാ മന്ദാരതരുമൂലഗാ .. 17..

മന്ദഹാസാ മദകരീ മധുപാനസമുദ്യതാ മധുരാ .
മാധവനുതാ മാധവീ മാധവാർചിതാ .. 18..

മാർതാണ്ഡകോടിജനനീ മാർതാണ്ഡഗതിദായിനീ .
മൃണാലമൂർതിഃ മായാവീ മഹാസാമ്രാജ്യദായിനീ .. 19..

കാന്താ കാന്തമുഖീ കാലീ കചനിർജിതഭൃംഗികാ .
കഞ്ജാക്ഷീ കഞ്ജവദനാ കസ്തൂരീതിലകോജ്ജ്വലാ .. 20..

കലികാകാരവദനാ കർപൂരാമോദസംയുതാ .
കോകിലാലാപസംഗീതാ കനകാകൃതിബിംബഭൃത് .. 21..

കംബുകണ്ഠീ കഞ്ജഹാരാ കലിദോഷവിനാശിനീ .
കഞ്ചുകാഢ്യാ കഞ്ജരൂപാ കാഞ്ചീഭൂഷണരാജിതാ .. 22..

കണ്ഠീരവജിതാമധ്യാ കാഞ്ചീദാമവിഭൂഷിതാ .
കൃതകിങ്കിണികാശോഭാ കാഞ്ചനസ്രാവിനീവികാ .. 23..

കാഞ്ചനോത്തമശോഭാഢ്യാ കനകാക്ലൃപ്തപാദുകാ .
കണ്ഠീരവസമാസീനാ കണ്ഠീരവപരാക്രമാ .. 24..

കല്യാണീ കമലാ കാമ്യാ കമനീയാ കലാവതീ .
കൃതിഃ കല്പതരുഃ കീർതിഃ കുടജാചലവാസിനീ .. 25..

കവിപ്രിയാ കാവ്യലോലാ കപർദീരുചിരാകൃതിഃ .
കണ്ഠീരവധ്വജാ കാമരൂപാ കാമിതദായിനീ .. 26..

കൃഷാണുഃ കേശവനുതാ കൃതപ്രജ്ഞാ കൃശോദരീ .
കോശാധീശ്വരസംസേവ്യാ കൃശാകർഷിതപാതകാ .. 27..

കരീന്ദ്രഗാമിനീ കേളീ കുമാരീ കലഭാഷിണീ .
കലിദോഷഹരാ കാഷ്ഠാ കരവീരസുമപ്രഭാ .. 28.. 

കലാരൂപാ കൃഷ്ണനുതാ കലാധരസുപൂജിതാ .
കുബ്ജാ കഞ്ജേക്ഷണാ കന്യാ കലാധരമുഖാ കവിഃ .. 29..

കലാ കലാംഗീ കാവേരീ കൗമുദീ കാലരൂപിണീ .
കലാഢ്യാ കോലസംഹർത്രീ കുസുമാഢ്യാ കുലാംഗനാ .. 30..

കുചോന്നതാ കുങ്കുമാഢ്യാ കൗസുംഭകുസുമപ്രിയാ .
കുചശോഭാ കാലരാത്രിഃ കീചകാരണ്യസേവിതാ .. 31..

കുഷ്ഠരോഗഹരാ കൂർമപൃഷ്ഠാ കാമിതവിഗ്രഹാ .
കലാനനാ കലാലാപാ കലാഭാധീശ്വരാർചിതാ .. 32..

കേതകീകുസുമപ്രീതാ കൈലാസപദദായിനീ .
കപർദിനീ കലാമാലാ കേശവാർചിതപാദുകാ .. 33..

കുശാത്മജാ കേശപാശാ കോലാപുരനിവാസിനീ .
കോശനാഥാ ക്ലേശഹന്ത്രീ കീശസേവ്യാ കൃപാപരാ .. 34..

കൗന്തേയാർചിതപാദാബ്ജാ കാലിന്ദീ കുമുദാലയാ .
കനത്കനകതാടങ്കാ കരിണീ കുമുദേക്ഷണാ .. 35..

കോകസ്തനീ കുന്ദരദനാ കുലമാർഗപ്രവർതിനീ .
കുബേരപൂജിതാ സ്കന്ദമാതാ കീലാലശീതലാ .. 36..

കാലീ കാമകലാ കാശീ കാശപുഷ്പസമപ്രഭാ .
കിന്നരീ കുമുദാഹ്ലാദകാരിണീ കപിലാകൃതിഃ .. 37..

കാര്യകാരണനിർമുക്താ കൃമികീടാന്തമോക്ഷദാ .
കിരാതവനിതാ കാന്തിഃ കാര്യകാരണരൂപിണീ .. 38..

കപിലാ കപിലാരാധ്യാ കപീശധ്വജസേവിതാ .
കരാലീ കാർതികേയാഖ്യജനനീ കാന്തവിഗ്രഹാ .. 39..

കരഭോരുഃ കരേണുശ്രീഃ കപാലിപ്രീതിദായിനീ .
കോലർഷിവരസംസേവ്യാ കൃതജ്ഞാ കാങ്ക്ഷിതാർഥദാ .. 40..

ബാലാ ബാലനിഭാ ബാണധാരിണീ ബാണപൂജിതാ .
ബിസപ്രസൂനനയനാ ബിസതന്തുനിഭാകൃതിഃ .. 41..

ബഹുപ്രദാ ബഹുബലാ ബാലാദിത്യസമപ്രഭാ .
ബലാധരഹിതാ ബിന്ദുനിലയാ ബഗലാമുഖീ .. 42..

ബദരീഫലവക്ഷോജാ ബാഹ്യദംഭവിവർജിതാ .
ബലാ ബലപ്രിയാ ബന്ധുഃ ബുധാ ബൗദ്ധാ ബുധേശ്വരീ .. 43..

ബില്വപ്രിയാ ബാലലതാ ബാലചന്ദ്രവിഭൂഷിതാ .
ബുദ്ധിദാ ബന്ധനച്ഛേത്രീ ബന്ധൂകകുസുമപ്രിയാ .. 44..

ബ്രാഹ്മീ ബ്രഹ്മനുതാ ബ്രധ്നതനയാ ബ്രഹ്മചാരിണീ .
ബൃഹസ്പതിസമാരാധ്യാ ബുധാർചിതപദാംബുജാ .. 45..

ബൃഹത്കുക്ഷിഃ ബൃഹദ്വാണീ ബൃഹത്പൃഷ്ഠാ ബിലേശയാ .
ബർഹിധ്വജസുതാ ബർഹികചാ ബീജാശ്രയാ ബലാ .. 46..

ബിന്ദുരൂപാ ബീജാപൂരപ്രിയാ ബാലേന്ദുശേഖരാ .
ബിജാങ്കുരോദ്ഭവാ ബീജരൂപിണീ ബ്രഹ്മരൂപിണീ .. 47..

ബോധരൂപാ ബൃഹദ്രൂപാ ബന്ധിനീ ബന്ധമോചിനീ .
ബിംബസംസ്ഥാ ബാലരൂപാ ബാലരാത്രീശധാരിണീ .. 48..

വനദുർഗാ വഹ്നിനൗകാ ശ്രീവന്ദ്യാ വനസംസ്ഥിതാ .
വഹ്നിതേജാ വഹ്നിശക്തിഃ വനിതാരത്നരൂപിണീ .. 49..

വസുന്ധരാ വസുമതീ വസുധാ വസുദായിനീ .
വാസവാദിസുരാരാധ്യാ വന്ധ്യതാവിനിവർതിനീ .. 50..

വിവേകിനീ വിശേഷജ്ഞാ വിഷ്ണുഃ വൈഷ്ണവപൂജിതാ .
പണ്ഡിതാഖിലദൈത്യാരിഃ വിജയാ വിജയപ്രദാ .. 51..

വിലാസിനീ വേദവേദ്യാ വിയത്പൂജ്യാ വിശാലിനീ .
വിശ്വേശ്വരീ വിശ്വരൂപാ വിശ്വസൃഷ്ടിവിധായിനീ .. 52..

വീരപത്നീ വീരമാതാ വീരലോകപ്രദായിനീ .
വീര്യപ്രദാ വര്യപദാ വൈഷ്ണവശ്രീഃ വധൂവരാ .. 53.. 

വധൂഃ വാരിധിസഞ്ജാതാ വാരണാദിസുസംസ്ഥിതാ .
വാമഭാഗാധികാ വാമാ വാമമാർഗവിശാരദാ .. 54..

വാമിനീ വജ്രിസംസേവ്യാ വജ്രാദ്യായുധധാരിണീ .
വശ്യാ വേദ്യാ വിശ്വരൂപാ വിശ്വവന്ദ്യാ വിമോഹിനീ .. 55..

വിദ്വദ്രൂപാ വജ്രനഖാ വയോവസ്ഥാവിവർജിതാ .
വിരോധശമനീ വിദ്യാ വാരിതൗഘാ വിഭൂതിദാ .. 56..

വിശ്വാത്മികാ വിശ്വപാശമോചിനീ വാരണസ്ഥിതാ .
വിബുധാർച്യാ വിശ്വവന്ദ്യാ വിശ്വഭ്രമണകാരിണീ .. 57..

വിലക്ഷണാ വിശാലാക്ഷീ വിശ്വാമിത്രവരപ്രദാ .
വിരൂപാക്ഷപ്രിയാ വാരിജാക്ഷീ വാരിജസംഭവാ .. 58..

വാംഗ്മയീ വാക്പതിഃ വായുരൂപാ വാരണഗാമിനീ .
വാർധിഗംഭീരഗമനാ വാരിജാക്ഷസതീ വരാ .. 59..

വിഷയാ വിഷയാസക്താ വിദ്യാഽവിദ്യാസ്വരൂപിണീ .
വീണാധാരീ വിപ്രപൂജ്യാ വിജയാ വിജയാന്വിതാ .. 60..

വിവേകജ്ഞാ വിധിസ്തുതാ വിശുദ്ധാ വിജയാർചിതാ .
വൈധവ്യനാശിനീ വൈവാഹിതാ വിശ്വവിലാസിനീ .. 61..

വിശേഷമാനദാ വൈദ്യാ വിബുധാർതിവിനാശിനീ .
വിപുലശ്രോണിജഘനാ വലിത്രയവിരാജിതാ .. 62..

വിജയശ്രീഃ വിധുമുഖീ വിചിത്രാഭരണാന്വിതാ .
വിപക്ഷവ്രാതസംഹർത്രീ വിപത്സംഹാരകാരിണീ .. 63..

വിദ്യാധരാ വിശ്വമയീ വിരജാ വീരസംസ്തുതാ .
വേദമൂർതിഃ വേദസാരാ വേദഭാഷാവിചക്ഷണാ .. 64..

വിചിത്രവസ്ത്രാഭരണാ വിഭൂഷിതശരീരിണീ .
വീണാഗായനസംയുക്താ വീതരാഗാ വസുപ്രദാ .. 65.. 

വിരാഗിണീ വിശ്വസാരാ വിശ്വാവസ്ഥാവിവർജിതാ .
വിഭാവസുഃ വയോവൃദ്ധാ വാച്യവാചകരൂപിണീ .. 66..

വൃത്രഹന്ത്രീ വൃത്തിദാത്രീ വാക്സ്വരൂപാ വിരാജിതാ .
വ്രതകാര്യാ വജ്രഹസ്താ വ്രതശീലാ വ്രതാന്വിതാ .. 67..

വ്രതാത്മികാ വ്രതഫലാ വ്രതഷാഡ്ഗുണ്യകാരിണീ .
വൃത്തിഃ വാദാത്മികാ വൃത്തിപ്രദാ വര്യാ വഷട്കൃതാ .. 68..

വിജ്ഞാത്രീ വിഭവാ വേദ്യാ വിഭാവസുസമദ്യുതിഃ . 
വിശ്വവേദ്യാ വിരോധഘ്നീ വിബുധസ്തോമജീവനാ .. 69..

വീരസ്തുത്യാ വിയദ്യാനാ വിജ്ഞാനഘനരൂപിണീ .
വരവാണീ വിശുദ്ധാന്തഃകരണാ വിശ്വമോഹിനീ .. 70..

വാഗീശ്വരീ വാഗ്വിഭൂതിദായിനീ വാരിജാനനാ .
വാരുണീമദരക്താക്ഷീ വാമമാർഗപ്രവർതിനീ .. 71..

വാമനേത്രാ വിരാഡ്രൂപാ വേത്രാസുരനിഷൂദിനീ .
വാക്യാർഥജ്ഞാനസന്ധാത്രീ വാഗധിഷ്ഠാനദേവതാ .. 72..

വൈഷ്ണവീ വിശ്വജനനീ വിഷ്ണുമായാ വരാനനാ .
വിശ്വംഭരീ വീതിഹോത്രാ വിശ്വേശ്വരവിമോഹിനീ .. 73..

വിശ്വപ്രിയാ വിശ്വകർത്രീ വിശ്വപാലനതത്പരാ .
വിശ്വഹന്ത്രീ വിനോദാഢ്യാ വീരമാതാ വനപ്രിയാ .. 74..

വരദാത്രീ വീതപാനരതാ വീരനിബർഹിണീ .
വിദ്യുന്നിഭാ വീതരോഗാ വന്ദ്യാ വിഗതകല്മഷാ .. 75.. 

വിജിതാഖിലപാഷണ്ഡാ വീരചൈതന്യവിഗ്രഹാ .
രമാ രക്ഷാകരീ രമ്യാ രമണീയാ രണപ്രിയാ .. 76..

രക്ഷാപരാ രാക്ഷസഘ്നീ രാജ്ഞീ രമണരാജിതാ .
രാകേന്ദുവദനാ രുദ്രാ രുദ്രാണീ രൗദ്രവർജിതാ .. 77..

രുദ്രാക്ഷധാരിണീ രോഗഹാരിണീ രംഗനായികാ .
രാജ്യശ്രീരഞ്ജിതപദാ രാജരാജനിഷേവിതാ .. 78..

രുചിരാ രോചനാ രോചീ ഋണമോചനകാരിണീ .
രജനീശകലായുക്താ രജതാദ്രിനികേതനാ .. 79..

രാഗോഷ്ഠീ രാഗഹൃദയാ രാമാ രാവണസേവിതാ .
രക്തബീജാർദിനീ രക്തലോചനാ രാജ്യദായിനീ .. 80..

രവിപ്രഭാ രതികരാ രത്നാഢ്യാ രാജ്യവല്ലഭാ .
രാജത്കുസുമധമ്മില്ലാ രാജരാജേശ്വരീ രതിഃ .. 81..

രാധാ രാധാർചിതാ രൗദ്രീ രണന്മഞ്ജീരനൂപുരാ .
രാകാരാത്രിഃ ഋജൂരാശിഃ രുദ്രദൂതീ ഋഗാത്മികാ .. 82..

രാജച്ചന്ദ്രജടാജൂടാ രാകേന്ദുമുഖപങ്കജാ .
രാവണാരിഹൃദാവാസാ രാവണേശവിമോഹിനീ .. 83..

രാജത്കനകകേയൂരാ രാജത്കരജിതാംബുജാ .
രാഗഹാരയുതാ രാമസേവിതാ രണപണ്ഡിതാ .. 84..

രംഭോരൂ രത്നകടകാ രാജഹംസഗതാഗതിഃ .
രാജിവരഞ്ജിതപദാ രാജസിമ്ഹാസനസ്ഥിതാ .. 85..

രക്ഷാകരീ രാജവന്ദ്യാ രക്ഷോമണ്ഡലഭേദിനീ .
ദാക്ഷായണീ ദാന്തരൂപാ ദാനകൃത് ദാനവാർദിനീ .. 86..

ദാരിദ്ര്യനാശിനീ ദാത്രീ ദയായുക്താ ദുരാസദാ .
ദുർജയാ ദുഃഖശമനീ ദുർഗദാത്രീ ദുരത്യയാ .. 87..

ദാസീകൃതാമരാ ദേവമാതാ ദാക്ഷിണ്യശാലിനീ .
ദൗർഭാഗ്യഹാരിണീ ദേവീ ദക്ഷയജ്ഞവിനാശിനീ .. 88..

ദയാകരീ ദീർഘബാഹുഃ ദൂതഹന്ത്രീ ദിവിസ്ഥിതാ .
ദയാരൂപാ ദേവരാജസംസ്തുതാ ദഗ്ധമന്മഥാ .. 89..

ദിനകൃത്കോടിസങ്കാശാ ദിവിഷദ്ദിവ്യവിഗ്രഹാ .
ദീനചിന്താമണിഃ ദിവ്യസ്വരൂപാ ദീക്ഷിതായിനീ .. 90..

ദീധിതിഃ ദീപമാലാഢ്യാ ദിക്പതിഃ ദിവ്യലോചനാ .
ദുർഗാ ദുഃഖൗഘശമനീ ദുരിതഘ്നീ ദുരാസദാ .. 91..

ദുർജ്ഞേയാ ദുഷ്ടശമനീ ദുർഗാമൂർതിഃ ദിഗീശ്വരീ .
ദുരന്താഖ്യാ ദുഷ്ടദാഹ്യാ ദുർധർഷാ ദുന്ദുഭിസ്വനാ .. 92..

ദുഷ്പ്രധർഷാ ദുരാരാധ്യാ ദുർനീതിജനനിഗ്രഹാ .
ദൂർവാദലശ്യാമലാംഗീ ദ്രുതദൃഗ്ധൂഷണോജ്ഝിതാ .. 93..

ദേവതാ ദേവദേവേശീ ദേവീ ദേശികവല്ലഭാ .
ദേവികാ ദേവസർവസ്വാ ദേശപ്രാദേശകാരിണീ .. 94..

ദോഷാപഹാ ദോഷദൂരാ ദോഷാകരസമാനനാ .
ദോഗ്ധ്രീ ദൗർജന്യശമനീ ദൗഹിത്രപ്രതിപാദിനീ .. 95..

ദൂത്യാദിക്രീഡനപരാ ദ്യുമണിഃ ദ്യൂതശാലിനീ .
ദ്യോതിതാശാ ദ്യുതവരാ ദ്യാവാഭൂമിവിഹാരിണീ .. 96.. 

ദന്തിനീ ദണ്ഡിനീ ദംഷ്ട്രീ ദന്തശൂകവിഷാപഹാ .
ദംഭദൂരാ ദന്തിസുതാ ദണ്ഡമാത്രജയപ്രദാ .. 97..

ദർവീകരാ ദശഗ്രീവാ ദഹനാർചിഃ ദധിപ്രിയാ .
ദധീചിവരദാ ദക്ഷാ ദക്ഷിണാമൂർതിരൂപിണീ .. 98..

ദാനശീലാ ദീർഘവൃഷ്ഠാ ദക്ഷിണാർധേശ്വരാ . 
ദൃതാ ദാഡിമീകുസുമപ്രീതാ ദുർഗദുഷ്കൃതഹാരിണീ .. 99..

ജയന്തീ ജനനീ ജ്യോത്സ്നാ ജലജാക്ഷീ ജയപ്രദാ .
ജരാ ജരായുജപ്രീതാ ജരാമരണവർജിതാ .. 100..

ജീവനാ ജീവനകരീ ജീവേശ്വരവിരാജിതാ .
ജഗദ്യോനിഃ ജനിഹരാ ജാതവേദാ ജലാശ്രയാ .. 101..

ജിതാംബരാ ജിതാഹാരാ ജിതാകാരാ ജഗത്പ്രിയാ .
ജ്ഞാനപ്രിയാ ജ്ഞാനഘനാ ജ്ഞാനവിജ്ഞാനകാരിണീ .. 102..

ജ്ഞാനേശ്വരീ ജ്ഞാനഗമ്യാ ജ്ഞാതാജ്ഞാതൗഘനാശിനീ .
ജിജ്ഞാസാ ജീർണരഹിതാ ജ്ഞാനിനീ ജ്ഞാനഗോചരാ .. 103..

അജ്ഞാനധ്വംസിനീ ജ്ഞാനരൂപിണീ ജ്ഞാനകാരിണീ .
ജാതാർതിശമനീ ജന്മഹാരിണീ ജ്ഞാനപഞ്ജരാ .. 104..

ജാതിഹീനാ ജഗന്മാതാ ജാബാലമുനിവന്ദിതാ .
ജാഗരൂകാ ജഗത്പാത്രീ ജഗദ്വന്ദ്യാ ജഗദ്ഗുരുഃ .. 105..

ജലജാക്ഷസതീ ജേത്രീ ജഗത്സംഹാരകാരിണീ .
ജിതക്രോധാ ജിതരതാ ജിതചന്ദ്രമുഖാംബുജാ .. 106..

യജ്ഞേശ്വരീ യജ്ഞഫലാ യജനാ യമപൂജിതാ .
യതിഃ യോനിഃ യവനികാ യായജൂകാ യുഗാത്മികാ .. 107..

യുഗാകൃതിഃ യോഗദാത്രീ യജ്ഞാ യുദ്ധവിശാരദാ .
യുഗ്മപ്രിയാ യുക്തചിത്താ യത്നസാധ്യാ യശസ്കരീ .. 108..

യാമിനീ യാതനഹരാ യോഗനിദ്രാ യതിപ്രിയാ .
യാതഹൃതകമലാ യജ്യാ യജമാനസ്വരൂപിണീ .. 109..

യക്ഷേശീ യക്ഷഹരണാ യക്ഷിണീ യക്ഷസേവിതാ .
യാദവസ്ത്രീ യദുപതിഃ യമലാർജുനഭഞ്ജനാ .. 110..

വ്യാലാലങ്കാരിണീ വ്യാധിഹാരിണീ വ്യയനാശിനീ .
തിരസ്കൃതമഹാവിദ്യാ തിര്യക്പൃഷ്ഠാ തിരോഹിതാ .. 111..

തിലപുഷ്പസമാകാരനാസികാ തീർഥരൂപിണീ .
തിര്യഗ്രൂപാ തീർഥപാദാ ത്രിവർഗാ ത്രിപുരേശ്വരീ .. 112..

ത്രിസന്ധ്യാ ത്രിഗുണാധ്യക്ഷാ ത്രിമൂർതിഃ ത്രിപുരാന്തകീ .
ത്രിനേത്രവല്ലഭാ ത്ര്യക്ഷാ ത്രയീ ത്രാണപരായണാ .. 113..

താരണാ താരിണീ താരാ താരാപരികലാവൃതാ .
താരാത്മികാ താരജപാ തുരിതാഢ്യാ തരൂത്തമാ .. 114..

തൂർണപ്രസാദാ തൂണീരധാരിണീ തൂർണസംസ്കൃതാ .
തോഷിണീ തൂർണഗമനാ തുലാഹീനാഽതുലപ്രഭാ .. 115..

തരംഗിണീ തരംഗാഢ്യാ തുലാ തുന്ദിലപുത്രിണീ .
തനൂനപാത് തന്തുരൂപാ താരാംഗീ തന്ത്രരൂപിണീ .. 116..

താരകാരിഃ തുംഗകുചാ തിലകാലിഃ തിലാർചിതാ .
തമോപഹാ താർക്ഷ്യഗതിഃ താമസീ ത്രിദിവേശ്വരീ .. 117..

തപസ്വിനീ തപോരൂപാ താപസേഡ്യാ ത്രയീതനുഃ .
തപഃഫലാ തപസ്സാധ്യാ തലാതലനിവാസിനീ .. 118..

താണ്ഡവേശ്വരസമ്പ്രീതാ തടിദീക്ഷണസംഭ്രമാ .
തനുമധ്യാ തനൂരൂപാ തളിഭാനുഃ തടിത്പ്രഭാ .. 119..

സദസ്യാ സദയാ സർവവന്ദിതാ സദസത്പരാ .
സദ്യഃപ്രസാദിനീ സുധീഃ സച്ചിദാനന്ദരൂപിണീ .. 120..

സരിദ്വേഗാ സദാകാരാ സരിത്പതിവസുന്ധരാ .
സരീസൃപാംഗാഭരണാ സർവസൗഭാഗ്യദായിനീ .. 121..

സാമസാധ്യാ സാമഗീതാ സോമശേഖരവല്ലഭാ .
സോമവക്ത്രാ സൗമ്യരൂപാ സോമയാഗഫലപ്രദാ .. 122..

സഗുണാ സത്ക്രിയാ സത്യാ സാധകാഭീഷ്ടദായിനീ .
സുധാവാണീ സൗധവാസാ സുജ്ഞാ സുശ്രീഃ സുരേശ്വരീ .. 123.. 

കേതകീകുസുമപ്രഖ്യാ കചനിർജിതനീരദാ .
കുന്തലായിതഭൃംഗാലിഃ കുണ്ഡലീകൃതകൈശികീ .. 124..

സിന്ദൂരാങ്കിതകേശാന്താ കഞ്ജാക്ഷീ സുകപോലികാ .
കനത്കനകതാടങ്കാ ചമ്പകാകൃതിനാസികാ .. 125.. 

നാസാലങ്കൃതസന്മുക്താ ബിംബോഷ്ഠീ ബാലചന്ദ്രധൃത് .
കുന്ദദന്താ ത്രിനയനാ പുണ്യശ്രവണകീർതനാ .. 126..

കാലവേണീ കുചജിതചകോരാ ഹാരരഞ്ജിതാ .
കരസ്ഥാംഗുലികാ രത്നകാഞ്ചീദാമവിരാജിതാ .. 127..

രത്നകിങ്കിണികാ രമ്യനീവികാ രത്നകഞ്ചുകാ .
ഹരിമധ്യാഽഗാധപൃഷ്ഠാ കരഭോരുഃ നിതംബിനീ .. 128..

പദനിർജിതപദ്മാഭാ ഊർമികാരഞ്ജിതാംഗുലിഃ .
ഗാംഗേയകിങ്കിണീയുക്താ രമണീയാംഗുലീയുതാ .. 129..

മാണിക്യരത്നാഭരണാ മധുപാനവിശാരദാ .
മധുമധ്യാ മന്ദഗതാ മത്തേഭസ്ഥാഽമരാർചിതാ .. 130..

മയൂരകേതുജനനീ മലയാചലപുത്രികാ .
പരാർധഭാഗാ ഹര്യക്ഷവാഹനാ ഹരിസോദരീ .. 131..

ഹാടകാഭാ ഹരിനുതാ ഹംസഗാ ഹംസരൂപിണീ .
ഹർഷപ്രദാ ഹരിപതിഃ ഹയാരൂഢാ ഹരിത്പതിഃ .. 132.. 

സർവഗാ സർവദേവേശീ സാമഗാനപ്രിയാ സതീ .
സർവോപദ്രവസംഹർത്രീ സർവമംഗലദായിനീ .. 133..

സാധുപ്രിയാ സാഗരജാ സർവകർത്രീ സനാതനീ .
സർവോപനിഷദുദ്ഗീതാ സർവശത്രിനിബർഹിണീ .. 134..

സനകാദിമുനിസ്തുത്യാ സദാശിവമനോഹരാ .
സർവജ്ഞാ സർവജനനീ സർവാധാരാ സദാഗതിഃ .. 135..

സർവഭൂതഹിതാ സാധ്യാ സർവശക്തിസ്വരൂപിണീ .
സർവഗാ സർവസുഖദാ സർവേശീ സർവരഞ്ജിനീ .. 136..

സർവേശ്വരീ ശിവാരാധ്യാ ശിവാനന്ദാ ശിവാത്മികാ . 
സൂര്യമണ്ഡലമധ്യസ്ഥാ ശിവാ ശങ്കരവല്ലഭാ .. 137..

സുധാപ്ലവാ സുധാധാരാ സുഖസംവിത്സ്വരൂപിണീ .
ശിവങ്കരീ സർവമുഖീ സൂക്ഷ്മജ്ഞാനസ്വരൂപിണീ .. 138..

അദ്വയാനന്ദസംശോഭാ ഭോഗസ്വർഗാപവർഗദാ .
വിഷ്ണുസ്വസാ വൈഷ്ണവാപ്താ വിവിദാർഥവിനോദിനീ .. 139..

ഗിരിജാ ഗിരീശപ്രീതാ ശർവാണീ ശമദായിനീ .
ഹൃത്പദ്മമധ്യനിലയാ സർവോജ്ഞപ്തിഃ സ്വരാത്മികാ .. 140..

തരുണീ തരുണാർകാഭാ ചിന്ത്യാചിന്ത്യസ്വരൂപിണീ .
ശ്രുതിസ്മൃതിമയീ സ്തുത്യാ സ്തുതിരൂപാ സ്തുതിപ്രിയാ .. 141..

ഓങ്കാരഗർഭാ ഹ്യോഽങ്കാരീ കങ്കാലീ കാലരൂപിണീ .
വിശ്വംഭരീ വിനീതസ്ഥാ വിധാത്രീ വിവിധപ്രഭാ .. 142..

ശ്രീകരീ ശ്രീമതീ ശ്രേയഃ ശ്രീദാ ശ്രീചക്രമധ്യഗാ .
ദ്വാദശാന്തസരോജസ്ഥാ നിർവാണസുഖദായിനീ .. 143..

സാധ്വീ സർവോദ്ഭവാ സത്ത്വാ ശ്രീകണ്ഠസ്വാന്തമോഹിനീ .
വിദ്യാതനുഃ മന്ത്രതനുഃ മദനോദ്യാനവാസിനീ .. 144..

യോഗലക്ഷ്മീഃ രാജ്യലക്ഷ്മീഃ മഹാലക്ഷ്മീഃ സരസ്വതീ .
സദാനന്ദൈകരസികാ ബ്രഹ്മവിഷ്ണ്വാദിവന്ദിതാ .. 145.. 

കുമാരീ കപിലാ കാലീ പിംഗാക്ഷീ കൃഷ്ണപിംഗലാ .
ചണ്ഡഘണ്ടാഃ മഹാസിദ്ധിഃ വാരാഹീ വരവർണിനീ .. 146..

കാത്യായനീ വായുവേഗാ കാമാക്ഷീ കർമസാക്ഷിണീ .
ദുർഗാദേവീ മഹാദേവീ ആദിദേവീ മഹാസനാ .. 147..

മഹാവിദ്യാ മഹാമായാ വിദ്യാലോലാ തമോമയീ .
ശംഖചക്രഗദാഹസ്താ മഹാമഹിഷമർദിനീ .. 148..

ഖഡ്ഗിനീ ശൂലിനീ ബുദ്ധിരൂപിണീ ഭൂതിദായിനീ .
വാരുണീ ജടിനീ ത്രസ്തദൈത്യസംഘാ ശിഖണ്ഡിനീ .. 149..

സുരേശ്വരീ ശസ്ത്രപൂജ്യാ മഹാകാലീ ദ്വിജാർചിതാ .
ഇച്ഛാജ്ഞാനക്രിയാ സർവദേവതാനന്ദരൂപിണീ .. 150..

മത്തശുംഭനിശുംഭഘ്നീ ചണ്ഡമുണ്ഡവിഘാതിനീ .
വഹ്നിരൂപാ മഹാകാന്തിഃ ഹരാ ജ്യോത്സ്നാവതീ സ്മരാ .. 151..

വാഗീശ്വരീ വ്യോമകേശീ മൂകഹന്ത്രീ വരപ്രദാ .
സ്വാഹാ സ്വധാ സുധാശ്വമേധാ ശ്രീഃ ഹ്രീഃ ഗൗരീ പരമേശ്വരീ .. 152..

                 .. ഓം ..

.. ഇതി ശ്രീ സ്കാന്ദമഹാപുരാണേ കോലാപുരമൂകാംബികാമാഹാത്മ്യാഖ്യേ
ഉപാഖ്യാനേ ശ്രീ ദേവ്യാഃ ദിവ്യവരസാഹാസ്രനാമ സ്തോത്രം ശിവമസ്തു ..