SRI SHIVAKAMASUNDARI SAHASRANAMA STHOTHRAM - RUDRAYAMALA TANTRA

 

 ശ്രീശിവകാമസുന്ദരീസഹസ്രനാമസ്തോത്രം രുദ്രയാമലാന്തർഗതം 


.. പൂർവപീഠികാ ..

സമാഹൂയ പരം കാന്തം ഏകദാ വിജനേ മുദാ .
പരമാനന്ദസന്ദോഹമുദിതം പ്രാഹ പാർവതീ .. 1..

പാർവതീ ഉവാച
ശ്രീമന്നാഥ മഹാനന്ദകാരണം ബ്രൂഹി ശങ്കര .
യോഗീന്ദ്രോപാസ്യ ദേവേശ പ്രേമപൂർണ സുധാനിധേ .. 2..

കൃപാസ്തി മയി ചേത് ശംഭോ സുഗോപ്യമപി കഥ്യതാം .
ശിവകാമേശ്വരീനാമസാഹസ്രം വദ മേ പ്രഭോ .. 3..

ശ്രീശങ്കര ഉവാച
നിർഭരാനന്ദസന്ദോഹഃ ശക്തിഭാവേന ജായതേ .
ലാവണ്യസിന്ധുസ്തന്നാപി സുന്ദരീ രസകന്ധരാ .. 4..

താമേവാനുക്ഷണം ദേവി ചിന്തയാമി തതഃ ശിവേ .
തസ്യാ നാമസഹസ്രാണി കഥയാമി തവ പ്രിയേ .. 5..

സുഗോപ്യാന്യപി രംഭോരു ഗംഭീരസ്നേഹവിഭ്രമാത് .
താമേവ സ്തുവതാ ദേവീം ധ്യായതോഽനുക്ഷണം മമ .
സുഖസന്ദോഹസംഭാരഭാവനാനന്ദകാരണം .. 6..
-------------------------------------------------------------------------
അസ്യ ശ്രീശിവകാമസുന്ദരീസഹസ്രനാമ സ്തോത്രമഹാമന്ത്രസ്യ .
സദാശിവ ഋഷിഃ അനുഷ്ടുപ് ഛന്ദഃ 
ശ്രീമച്ഛിവകാമസുന്ദരീ ദേവതാ .
വാഗ്ഭവസ്വരൂപം ഐം ബീജം . 
ചിദാനന്ദാത്മകം ഹ്രീം ശക്തിഃ .
കാമരാജാത്മകം ക്ലീം കീലകം .
ശ്രീമച്ഛിവകാമസുന്ദരീപ്രസാദസിദ്ധ്യർഥേ ജപേ വിനിയോഗഃ ..

ഷോഡശാർണമൂലേന ന്യാസഃ ..

ഷോഡശാർണധ്യാനമേവ അത്രാപി ധ്യാനം .



സിദ്ധസിദ്ധനവരത്നഭൂമികേ കല്പവൃക്ഷനവവാടിസംവൃതേ .
രത്നസാലവനസംഭൃതേഽനിശം തത്ര വാപിശതകേന സംവൃതേ .. 7..

രത്നവാടിമണിമണ്ഡപേഽരുണേ ചപഡഭാനുശതകോടിഭാസുരേ .
ആദിശൈവമണിമഞ്ചകേ പരേ ശങ്കരാങ്കമണിപീഠകോപരി ..

കാദിഹാന്തമനുരൂപിണീം ശിവാം സംസ്മരേച്ച ശിവകാമസുന്ദരീം .. 8..



ലമിത്യാദി പഞ്ചപൂജാ ..

ശിവകാമേശ്വരീനാമസാഹസ്രസ്തോത്രമുത്തമം .
പ്രോച്യതേ ശ്രദ്ധയാ ദേവി ശൃണുഷ്വാവഹിതാ പ്രിയേ .. 9..

കാമേശീനാമസാഹസ്രേ സദാശിവ ഋഷിഃ സ്മൃതഃ .
ഛന്ദോഽനുഷ്ടുപ് ദേവതാ ച ശിവകാമേശ്വരീ സ്മൃതാ .. 10..

ഐം ബീജം കീലകം ക്ലീം ച ഹ്രീം ശക്തിഃ കഥിതാ പ്രിയേ .
ന്യാസധ്യാനാദികം സർവം ഷോഡശാർണവദീരിതം .. 11..

അനേന സ്തോത്രരാജേന സർവാഭീഷ്ടം ലഭേത നാ .

 


.. അഥ സഹസ്രനാമസ്തോത്രം ..

ശ്രീശിവാ ശിവകാമീ ച സുന്ദരീ ഭുവനേശ്വരീ .
ആനന്ദസിന്ധുരാനന്ദാനന്ദമൂർതിർവിനോദിനീ .. 1..

ത്രൈപുരീ സുന്ദരീ പ്രേമപാഥോനിധിരനുത്തമാ .
രാമോല്ലാസാ പരാ ഭൂതിഃ വിഭൂതിശ്ശങ്കരപ്രിയാ .. 2..

ശൃംഗാരമൂർതിർവിരതാ രസാനുഭവരോചനാ .
പരമാനന്ദലഹരീ രതിരംഗവതീ സതീ .. 3..

രംഗമാലാനംഗകലാകേലിഃ കൈവല്യദാ കലാ .
രസകല്പാ കല്പലതാ കുതൂഹലവതീ ഗതിഃ .. 4..

വിനോദദുഗ്ധാ സുസ്നിഗ്ധാ മുഗ്ധമൂർതിനോഹരാ .
ബാലാർകകോടികിരണാ ചന്ദ്രകോടിസുശീതലാ .. 5..

സ്രവത്പീയൂഷദിഗ്ധാംഗീ സംഗീത നടികാ ശിവാ .
കുരംഗനയനാ കാന്താ സുഖസന്തതിരിന്ദിരാ .. 6..

മംഗലാ മധുരാപാംഗാ രഞ്ജനീ രമണീ രതിഃ .
രാജരാജേശ്വരീ രാജ്ഞീ മഹേന്ദ്രപരിവന്ദിതാ .. 7..

പ്രപഞ്ചഗതിരീശാനീ സാമരസ്യപരായണാ .
ഹംസോല്ലാസാ ഹംസഗതിഃ ശിഞ്ജത്കനകനൂപുരാ .. 8..

മേരുമന്ദരവക്ഷോജാ സൃണിപാശവരായുധാ .
ശംഖകോദണ്ഡസസ്താബ്ജപാണിദ്വയവിരാജിതാ .. 9..

ചന്ദ്രബിംബാനനാ ചാരുമകുടോത്തംസചന്ദ്രികാ .
സിന്ദൂരതിലകാ ചാരുധമ്മില്ലാമലമാലികാ .. 10..

മന്ദാരദാമമുദിതാ രക്തപുഷ്പവിഭൂഷിതാ .
സുവർണാഭരണപ്രീതാ മുക്താദാമമനോഹരാ .. 11..

താംബൂലപൂരവദനാ മദനാനന്ദമാനസാ .
സുഖാരാധ്യാ തപസ്സാരാ കൃപാവാരിധിരീശ്വരീ .. 12..

വക്ഷഃസ്ഥലലസന്മഗ്നാ പ്രഭാ മധുരസോന്മുഖാ .
ബിന്ദുനാദാത്മികാ ചാരുരസിതാ തുര്യരൂപിണീ .. 13..

കമനീയാകൃതിഃ ധന്യാ ശങ്കരപ്രീതിമഞ്ജരീ .
കന്യാ കലാവതീ മാതാ ഗജേന്ദ്രഗമനാ ശുഭാ .. 14..

കുമാരീ കരഭോരു ശ്രീഃ രൂപലക്ഷ്മീഃ സുരാജിതാ .
സന്തോഷസീമാ സമ്പത്തിഃ ശാതകുംഭപ്രിയാ ദ്യുതിഃ .. 15..

പരിപൂർണാ ജഗദ്ധാത്രീ വിധാത്രീ ബലവർധിനീ .
സാർവഭൗമനൃപശ്രീശ്ച സാമ്രാജ്യഗതിരാസികാ .. 16..

സരോജാക്ഷീ ദീർഘദൃഷ്ടിഃ സൗചക്ഷണവിചക്ഷണാ .
രംഗസ്രവന്തീ രസികാ പ്രധാനരസരൂപിണീ .. 17..

രസസിന്ധുഃ സുഗാത്രീ ച യുവതിഃ മൈഥുനോന്മുഖീ .
നിരന്തരാ രസാസക്താ ശക്തിസ്ത്രിഭുവനാത്മികാ ..

കാമാക്ഷീ കാമനിഷ്ഠാ ച കാമേശീ ഭഗമംഗലാ .
സുഭഗാ ഭഗിനീ ഭോഗ്യാ ഭാഗ്യദാ ഭയദാ ഭഗാ .
ഭഗലിംഗാനന്ദകലാ ഭഗമധ്യനിവാസിനീ .. 19..

ഭഗരൂപാ ഭഗമയീ ഭഗയന്ത്രാ ഭഗോത്തമാ .
യോനിർജയാ കാമകലാ കുലാമൃതപരായണാ .. 20..

കുലകുണ്ഡാലയാ സൂക്ഷ്മജീവസ്ഫുലിംഗരൂപിണീ .
മൂലസ്ഥിതാ കേലിരതാ വലയാകൃതിരീഡിതാ .. 21..

സുഷുമ്നാ കമലാനന്ദാ ചിത്രാ കൂർമഗതിർഗിരിഃ .
സിതാരുണാ സിന്ധുരൂപാ പ്രവേഗാ നിർധനീ ക്ഷമാ .. 22..

ധണ്ടാകോടിരസാരാവാ രവിബിംബോത്ഥിതാദ്ഭൂതാ .
നാദാന്തലീനാ സമ്പൂർണാ പ്രണവാ ബഹുരൂപിണീ .. 23..

ഭൃംഗാരാവാ വശഗതിഃ വാഗീശീ മധുരധ്വനിഃ .
വർണമാലാ സിദ്ധികലാ ഷട്ചക്രക്രമവാസിനീ .. 24..

മണിപൂരസ്ഥിതാ സ്നിഗ്ധാ കൂർമചക്രപരായണാ .
മൂലകേലിരതാ സാധ്വീ സ്വാധിഷ്ഠാനനിവാസിനീ .. 25..

അനാഹതഗതിർദീപാ ശിവാനന്ദമയദ്യുതിഃ .
വിരുദ്ധരുധാ സംബുദ്ധാ ജീവഭോക്ത്രീ സ്ഥലീരതാ .. 26..

ആജ്ഞാചക്രോജ്ജ്വലസ്ഫാരസ്ഫുരന്തീ നിർഗതദ്വിഷാ .
ചന്ദ്രികാ ചന്ദ്രകോടീശീ സൂര്യകോടിപ്രഭാമയീ .. 27..

പദ്മരാഗാരുണച്ഛായാ നിത്യാഹ്ലാദമയീപ്രഭാ .
മഹാശൂന്യാലയാ ചന്ദ്രമണ്ഡലാമൃതനന്ദിതാ .. 28..

കാന്താംഗസംഗമുദിതാ സുധാമാധുര്യസംഭൃതാ .
മഹാചന്ദ്രസ്മിതാലിസാ മൃത്പാത്രസ്ഥാ സുധാദ്യുതിഃ .. 29..

സ്രവത്പീമൂഷസംസക്താ ശശ്വത്കുണ്ഡാലയാ ഭവാ .
ശ്രേയോ ദ്യുതിഃ പ്രത്യഗർഥാ സേവാ ഫലവതീ മഹീ .. 30..

ശിവാ ശിവപ്രിയാ ശൈവാ ശങ്കരീ ശാംഭവീ വിഭുഃ .
സ്വയംഭൂ സ്വപ്രിയാ സ്വീയാ സ്വകീയാ ജനമാതൃകാ ..

സുരാമാ സ്വപ്രിയാ ശ്രേയഃ സ്വാധികാരാധിനായികാ .
മണ്ഡലാ ജനനീ മാന്യാ സർവമംഗലസന്തതിഃ .. 32..

ഭദ്രാ ഭഗവതീ ഭാവ്യാ കലിതാർധേന്ദുഭാസുരാ .
കല്യാണലലിതാ കാമ്യാ കുകർമകുമതിപ്രദാ .. 33..

കുരംഗാക്ഷീ ക്ഷീരനേത്രാ ക്ഷീരാ മധുരസോന്മദാ .
വാരുണീപാനമുദിതാ മദിരാമുദിതാ സ്ഥിരാ .. 34..

കാദംബരീപാനരുചിഃ വിപാശാ പശുഭാവനാ .
മുദിതാ ലലിതാപാംഗാ ദരാന്ദോലിതദീർഘദൃക് .. 35..

ദൈത്യാകുലാനലശിഖാ മനോരഥസുധാദ്യുതിഃ .
സുവാസിനീ പീതഗാത്രീ പീനശ്രോണിപയോധരാ .. 36..

സുചാരുകബരീ ദധ്യുദധ്യുത്ഥിമൗക്തികാ .
ബിംബാധരദ്യുതിഃ മുഗ്ധാ പ്രവാലോത്തമദീധിതിഃ .. 37..

തിലപ്രസൂനനാസാഗ്രാ ഹേമമൗക്തികകോരകാ .
നിഷ്കലങ്കേന്ദുവദനാ ബാലേന്ദുവദനോജ്വലാ .. 38..

നൃത്യന്ത്യഞ്ജനനേത്രാന്താ പ്രസ്ഫുരത്കർണശഷ്കുലീ .
ഭാലചന്ദ്രാതപോന്നദ്ധാ മണിസൂര്യകിരീടിനീ .. 39..

കചൗഘചമ്പകശ്രേണീ മാലിനീദാമമണ്ഡിതാ .
ഹേമമാണിക്യ താടങ്കാ മണികാഞ്ചന കുണ്ഡലാ .. 40..

സുചാരുചുബുകാ കംബുകണ്ഠീ കുണ്ഡാവലീ രമാ .
ഗംഗാതരംഗഹാരോർമിഃ മത്തകോകിലനിസ്വനാ .. 41..

മൃണാലവിലസദ്ബാഹുപാശാകുശധനുർധരാ .
കേയൂരകങ്കണശ്രേണീ നാനാമണിമനോരമാ .. 42..

താമ്രപങ്കജപാണിശ്രീഃ നവരത്നപ്രഭാവതീ .
അംഗുലീയമണിശ്രേണീ കാന്തിമംഗലസന്തതിഃ .. 43..

മന്ദരദ്വന്ദ്വസുകുചാ രോമരാജിഭുജംഗികാ .
ഗംഭീരനാഭിസ്ത്രിവലീഭംഗുരാ ക്ഷണിമധ്യമാ .. 44..

രണത്കാഞ്ചീഗുണാനദ്ധാ പട്ടാംശുകനിതംബികാ .
മേരുസന്ധിനിതംബാഢ്യാ ഗജശുണ്ഡോരുയുഗ്മയുക് .. 45..

സുജാനുർമദനാനന്ദമയജംഘാദ്വയാന്വിതാ .
ഗൂഢഗുൽഫാ മഞ്ജുശിഞ്ജന്മണിനൂപുരമണ്ഡിതാ .. 46..

പദദ്വന്ദ്വജിതാംഭോജാ നഖചന്ദ്രാവലീപ്രഭാ .
സുസീമപ്രപദാ രാജംഹസമത്തേഭമന്ദഗാ .. 47..

യോഗിധ്യേയപദദ്വദ്വാ സൗന്ദര്യാമൃതസാരിണീ .
ലാവപയസിന്ധുഃ സിന്ദൂരതിലകാ കുടിലാലകാ .. 48..

സാധുസീമന്തിനീ സിദ്ധബുദ്ധവൃന്ദാരകോദയാ .
ബാലാർകകിരണശ്രേണിശോണശ്രീഃ പ്രേമകാമധുക് .. 49..

രസഗംഭീരസരസീ പദ്മിനീ രസസാരസാ .
പ്രസന്നാസന്നവരദാ ശാരദാ ഭുവി ഭാഗ്യദാ .. 50..

നടരാജപ്രിയാ വിശ്വാനാദ്യാ നർതകനർതകീ .
ചിത്രയന്ത്രാ ചിത്രതന്ത്രാ ചിത്രവിദ്യാവലീയതിഃ .. 51..

ചിത്രകൂടാ ത്രികൂടാ ച പന്ധകൂടാ ച പഞ്ചമീ .
ചതുഷ്ട്കൂടാ ശംഭുവിദ്യാ ഷട്കൂടാ വിഷ്ണുപൂജിതാ .. 52..

കൂടഷോഡശസമ്പന്നാ തുരീയാ പരമാ കലാ .
ഷോഡശീ മന്ത്രയന്ത്രാണാം ഈശ്വരീ മേരുമണ്ഡലാ .. 53..

ഷോഡശാർണാ ത്രിവർണാ ച ബിന്ദുനാദസ്വരൂപിണീ .
വർണാതീതാ വർണമതാ ശബ്ദബ്രഹ്മമയീ സുഖാ .. 54..

സുഖജ്യോത്സ്നാനന്ദവിദ്യുദന്തരാകാശദേവതാ .
ചൈതന്യാ വിധികൂടാത്മാ കാമേശീ സ്വപ്നദർശനാ .. 55..

സ്വപ്നരൂപാ ബോധകരീ ജാഗ്രതീ ജാഗരാശ്രയാ .
സ്വപ്നാശ്രയാ സുഷുപ്തിസ്ഥാ തന്ത്രമൂർതിശ്ച മാധവീ .. 56..

ലോപാമുദ്രാ കാമരാജ്ഞീ മാധവീ മിത്രരൂപിണീ .
ശാങ്കരീ നന്ദിവിദ്യാ ച ഭാസ്വന്മണ്ഡലമധ്യഗാ .. 57..

മാഹേന്ദ്രസ്വർഗസമ്പത്തിഃ ദൂർവാസസ്സേവിതാ ശ്രുതിഃ .
സാധകേന്ദ്രഗതിസ്സാധ്വീ സുലിപ്താ സിദ്ധികന്ധരാ .. 58..

പുരത്രയേശീ പുരകൃത് ഷഷ്ഠീ ച പരദേവതാ .
വിഘ്നദൂരീ ഭൂരിഗുണാ പുഷ്ടിഃ പൂജിതകാമധുക് .. 59..

ഹേരംബമാതാ ഗണപാ ഗുഹാംബാഽഽര്യാ നിതംബിനീ .
ഏഷാ സീമന്തിനീ മോക്ഷദക്ഷാ ദീക്ഷിതമാതൃകാ .. 60..

സാധകാംബാ സിദ്ധമാതാ സാധകേന്ദ്രമനോരമാ .
യൗവനോന്മാദിനീ തുംഗസ്തനീ സുശ്രോണിമണ്ഡിതാ .. 61..

പദ്മരക്തോത്പലവതീ രക്തമാല്യാനുലേപനാ .
രക്തമാല്യരുചിർദക്ഷാ ശിഖണ്ഡിന്യതിസുന്ദരീ .. 62..

ശിഖണ്ഡിനൃത്യസന്തുഷ്ടാ ശിഖണ്ഡികുലപാലിനീ .
വസുന്ധരാ ച സുരഭിഃ കമനീയതനുശ്ശുഭാ .. 63..

നന്ദിനീ ത്രീക്ഷണവതീ വസിഷ്ഠാലയദേവതാ .
ഗോലകേശീ ച ലോകേന്ദ്രാ നൃലോകപരിപാലികാ .. 64..

ഹവിർധാത്രീ ദേവമാതാ വൃന്ദാരകപരാത്മയുക് .
രുദ്രമാതാ രുദ്രപത്നീ മദോദ്ഗാരഭരാ ക്ഷിതിഃ .. 65..

ദക്ഷിണാ യജ്ഞസമ്പത്തിഃ സ്വബലാ ധീരനന്ദിതാ .
ക്ഷീരപൂർണാർണവഗതിഃ സുധായോനിഃ സുലോചനാ .. 66..

രമാ തുംഗാ സദാസേവ്യാ സുരസംഘദയാ ഉമാ .
സുചരിത്രാ ചിത്രവരാ സുസ്തനീ വത്സവത്സലാ .. 67..

രജസ്വലാ രജോയുക്താ രഞ്ജിതാ രംഗമാലികാ .
രക്തപ്രിയാ സുരക്താ ച രതിരംഗസ്വരൂപിണീ .. 68..

രജശ്ശുക്ലാക്ഷികാ നിഷ്ഠാ ഋതുസ്നാതാ രതിപ്രിയാ .
ഭാവ്യഭാവ്യാ കാമകേലിഃ സ്മരഭൂഃ സ്മരജീവികാ .. 69..

സമാധികുസുമാനന്ദാ സ്വയംഭുകുസുമപ്രിയാ .
സ്വയംഭുപ്രേമസന്തുഷ്ടാ സ്വയംഭൂനിന്ദകാന്തകാ .. 70..

സ്വയംഭുസ്ഥാ ശക്തിപുടാ രവിഃ സർവസ്വപേടികാ .
അത്യന്തരസികാ ദൂതിഃ വിദഗ്ധാ പ്രീതിപൂജിതാ .. 71..

തൂലികായന്ത്രനിലയാ യോഗപീഠനിവാസിനീ .
സുലക്ഷണാ ദൃശ്യരൂപാ സർവ ലക്ഷണലക്ഷിതാ .. 72..

നാനാലങ്കാരസുഭഗാ പഞ്ചകാമശരാർചിതാ .
ഊർധ്വത്രികോണയന്ത്രസ്ഥാ ബാലാ കാമേശ്വരീ തഥാ .. 73..

ഗുണാധ്യക്ഷാ കുലാധ്യക്ഷാ ലക്ഷ്മീശ്ചൈവ സരസ്വതീ .
വസന്തമദനോത്തുംഗ സ്തനീ കുചഭരോന്നതാ .. 74..

കലാധരമുഖീ മൂർധപാഥോധിശ്ച കലാവതീ .
ദക്ഷപാദാദിശീർഷാന്തഷോഡശസ്വരസംയുതാ .. 75..

ശ്രദ്ധാ പൂർതിഃ രതിശ്ചൈവ ഭൂതിഃ കാന്തിർമനോരമാ .
വിമലാ യോഗിനീ ഘോരാ മദനോന്മാദിനീ മദാ .. 76..

മോദിനീ ദീപിനീ ചൈവ ശോഷിണീ ച വശങ്കരീ .
രജന്യന്താ കാമകലാ ലസത്കമലധാരിണീ .. 77..

വാമമൂർധാദിപാദാന്തഷോഡശസ്വരസംയുതാ .
പൂഷരൂപാ സുമനസാം സേവ്യാ പ്രീതിഃ ദ്യുതിസ്തഥാ .. 78..

ഋദ്ധിഃ സൗദാമിനീ ചിച്ച ഹംസമാലാവൃതാ തഥാ .
ശശിനീ ചൈവ ച സ്വസ്ഥാ സമ്പൂർണമണ്ഡലോദയാ .. 79..

പുഷ്ടിശ്ചാമൃതപൂർണാ ച ഭഗമാലാസ്വരൂപിണീ .
ഭഗയന്ത്രാശ്രയാ ശംഭുരൂപാ സംയോഗയോഗിനീ .. 80..

ദ്രാവിണീ ബീജരൂപാ ച ഹ്യക്ഷുബ്ധാ സാധകപ്രിയാ .
രജഃ പീഠമയീ നാദ്യാ സുഖദാ വാഞ്ഛിതപ്രദാ .. 81..

രജസ്സവിത് രജശ്ശക്തിഃ ശുക്ലബിന്ദുസ്വരൂപിണീ .
സർവസാക്ഷീ സാമരസ്യാ ശിവശക്തിമയീ പ്രഭാ .. 82..

സംയോഗാനന്ദനിലയാ സംയോഗപ്രീതിമാതൃകാ .
സംയോഗകുസുമാനന്ദാ സംയോഗയോഗപദ്ധതിഃ .. 83..

സംയോഗസുഖദാവസ്ഥാ ചിദാനന്ദാർധ്യസേവിതാ .
അർഘ്യപൂജ്യാ ച സമ്പത്തിഃ അർധ്യദാഭിന്നരൂപിണീ .. 84..

സാമരസ്യപരാ പ്രീതാ പ്രിയസംഗമരംഗിണീ .
ജ്ഞാനദൂതീ ജ്ഞാനഗമ്യാ ജ്ഞാനയോനിശ്ശിവാലയാ .. 85..

ചിത്കലാ സത്കലാ ജ്ഞാനകലാ സംവിത്കലാത്മികാ .
കലാചതുഷ്ടയീ പദ്മവാസിനീ സൂക്ഷ്മരൂപിണീ .. 86..

ഹംസകേലിസ്ഥലസ്വസ്ഥാ ഹംസദ്വയവികാസിനീ .
വിരാഗിതാ മോക്ഷകലാ പരമാത്മകലാവതീ .. 87..

വിദ്യാകലാന്തരാത്മസ്ഥാ ചതുഷ്ടയകലാവതീ .
വിദ്യാസന്തോഷണാ തൃപ്തി പരബ്രഹ്മപ്രകാശിനീ .. 88..

പരമാത്മപരാ വസ്തുലീനാ ശക്തിചതുഷ്ടയീ .
ശാന്തിർബോധകലാ വ്യാപ്തിഃ പരജ്ഞാനാത്മികാ കലാ .. 89..

പശ്യന്തീ പരമാത്മസ്ഥാ ചാന്തരാത്മകലാ ശിവാ .
മധ്യമാ വൈഖരീ ചാത്മ കലാഽഽനന്ദകലാവതീ .. 90..

തരുണീ താരകാ താരാ ശിവലിംഗാലയാത്മവിത് .
പരസ്പരസ്വഭാവാ ച ബ്രഹ്മജ്ഞാനവിനോദിനീ .. 91..

രാമോല്ലാസാ ച ദുർധർഷാ പരമാർഘ്യപ്രിയാ രമാ .
ജാത്യാദിരഹിതാ യോഗിന്യാനന്ദമാത്രപദ്ധതിഃ .. 92..

കാന്താ ശാന്താ ദാന്തയാതിഃ കലിതാ ഹോമപദ്ധതിഃ .
ദിവ്യഭാവപ്രദാ ദിവ്യാ വീരസൂർവീരഭാവദാ .. 93..

പശുദേഹാ വീരഗതിഃ വീരഹംസമനോദയാ .
മൂർധാഭിഷിക്താ രാജശ്രീഃ ക്ഷത്രിയോത്തമമാതൃകാ .. 94..

ശസ്ത്രാസ്ത്രകുശലാ ശോഭാ രഥസ്ഥാ യുദ്ധജീവികാ .
അശ്വാരൂഢാ ഗജാരൂഢാ ഭൂതോക്തിഃ സുരസുശ്രയാ .. 95..

രാജനീതിശ്ശാന്തികർത്രീ ചതുരംഗബലാശ്രയാ .
പോഷിണീ ശരണാ പദ്മപാലികാ ജയപാലികാ .. 96..

വിജയാ യോഗിനീ യാത്രാ പരസൈന്യവിമർദിനീ .
പൂർണവിത്താ വിത്തഗമ്യാ വിത്തസഞ്ചയ ശാലിനീ .. 97..

മഹേശീ രാജ്യഭോഗാ ച ഗണികാഗണഭോഗഭൃത് .
ഉകാരിണീ രമാ യോഗ്യാ മന്ദസേവ്യാ പദാത്മികാ ..

സൈന്യശ്രേണീ ശൗര്യരതാ പതാകാധ്വജമാലിനീ .
സുച്ഛത്ര ചാമരശ്രേണിഃ യുവരാജവിവർധിനീ .. 99..

പൂജാ സർവസ്വസംഭാരാ പൂജാപാലനലാലസാ .
പൂജാഭിപൂജനീയാ ച രാജകാര്യപരായണാ .. 100..

ബ്രഹ്മക്ഷത്രമയീ സോമസൂര്യവഹ്നിസ്വരൂപിണീ .
പൗരോഹിത്യപ്രിയാ സാധ്വീ ബ്രഹ്മാണീ യന്ത്രസന്തതിഃ ..

സോമപാനജനാപ്രീതാ യോജനാധ്വഗതിക്ഷമാ .
പ്രീതിഗ്രഹാ പരാ ദാത്രീ ശ്രേഷ്ഠജാതിഃ സതാംഗതിഃ .. 102..

ഗായത്രീ വേദവിദ്ധ്യേയാ ദീക്ഷാ സന്തോഷതർപണാ .
രത്നദീധിതിവിദ്യുത്സഹസനാ വൈശ്യജീവികാ .. 103..

കൃഷിർവാണിജ്യഭൂതിശ്ച വൃദ്ധിദാ വൃദ്ധസേവിതാ .
തുലാധാരാ സ്വപ്നകാമാ മാനോന്മാനപരായണാ .. 104..

ശ്രദ്ധാ വിപ്രഗതിഃ കർമകരീ കൗതുകപൂജിതാ .
നാനാഭിചാരചതുരാ വാരസ്ത്രീശ്രീഃ കലാമയീ ..

സുകർണധാരാ നൗപാരാ സർവാശാ രതിമോഹിനീ .
ദുർഗാ വിന്ധ്യവനസ്ഥാ ച കാലദർപനിഷൂദിനീ ..

ഭൂമാരശമനീ കൃഷ്ണാ രക്ഷോരാക്ഷസസാഹസാ .
വിവിധോത്പാതശമനീ സമയാ സുരസേവിതാ .. 107..

പഞ്ചാവയവവാക്യശ്രീഃ പ്രപഞ്ചോദ്യാനചന്ദ്രികാ .
സിദ്ധിസന്ദോഹസംസിദ്ധയോഗിനീവൃന്ദസേവിതാ .. 108..

നിത്യാ ഷോഡശികാരൂപാ കാമേശീ ഭഗമാലിനീ .
നിത്യക്ലിന്നാ നിരാധാരാ വഹ്നിമണ്ഡലവാസിനീ .. 109..

മഹാവജ്രേശ്വരീ നിത്യശിവദൂതീതി വിശ്രുതാ .
ത്വരിതാ പ്രഥിതാ ഖ്യാതാ വിഖ്യാതാ കുലസുന്ദരീ .. 110..

നിത്യാ നീലപതാകാ ച വിജയാ സർവമംഗലാ .
ജ്വാലാമാലാ വിചിത്രാ ച മഹാത്രിപുരസുന്ദരീ .. 111..

ഗുരുവൃന്ദാ പരഗുരുഃ പ്രകാശാനന്ദദായിനീ .
ശിവാനന്ദാ നാദരൂപാ ശക്രാനന്ദസ്വരൂപിണീ .. 112..

ദേവ്യാനന്ദാ നാദമയീ കൗലേശാനന്ദനാഥിനീ .
ശുക്ലദേവ്യാനന്ദനാഥാ കുലേശാനന്ദദായിനീ .. 113..

ദിവ്യൗഘസേവിതാ ദിവ്യഭോഗദാനപരായണാ .
ക്രീഡാനന്ദാ ക്രീഡമാനാ സമയാനന്ദദായിനീ .. 114..

വേദാനന്ദാ പാർവതീ ച സഹജാനന്ദദായിനീ .
സിദ്ധൗഘഗുരുരൂപാ ചാപ്യപരാ ഗുരുരൂപിണീ .. 115..

ഗഗനാനന്ദനാഥാ ച വിശ്വാദ്യാനന്ദദായിനീ .
വിമലാനന്ദനാഥാ ച മദനാനന്ദദായിനീ .. 116..

ഭുവനാനന്ദനാഥാ ച ലീലോദ്യാനപ്രിയാ ഗതിഃ .
സ്വാത്മാന്ദവിനോദാ ച പ്രിയാദ്യാനന്ദനാഥിനീ .. 117..

മാനവാദ്യാ ഗുരുശ്രേഷ്ഠാ പരമേഷ്ഠി ഗുരുപ്രഭാ .
പരമാദ്യാ ഗുരുശ്ശക്തിഃ കിർതനപ്രിയാ .. 118..

ത്രൈലോക്യമോഹനാഖ്യാ ച സർവാശാപരിപൂരകാ .
സർവസങ്ക്ഷോഭിണീ പൂർവാമ്നായാ ചക്രത്രയാലയാ .. 119..

സർവസൗഭാഗ്യദാത്രീ ച സർവാർഥസാധകപ്രിയാ .
സർവരക്ഷാകരീ സാധുർദക്ഷിണാമ്നായദേവതാ .. 120..

മധ്യചക്രൈകനിലയാ പശ്ചിമാമ്നായദേവതാ .
നവചക്രകൃതാവാസാ കൗബേരാമ്നായദേവതാ .. 121..

ബിന്ദുചക്രകൃതായാസാ മധ്യസിംഹാസനേശ്വരീ .
ശ്രീവിദ്യാ നവദുർഗാ ച മഹിഷാസുരമർദിനീ .. 122..

സർവസാമ്രാജ്യലക്ഷ്മീശ്ച അഷ്ടലക്ഷ്മീശ്ച സംശ്രുതാ .
ശൈലേന്ദ്രതനയാ ജ്യോതിഃ നിഷ്കലാ ശാംഭവീ ഉമാ .. 123..

അജപാ മാതൃകാ ചേതി ശുക്ലവർണാ ഷഡാനനാ .
പാരിജാതേശ്വരീ ചൈവ ത്രികൂടാ പഞ്ചബാണദാ .. 114..

പഞ്ചകല്പലതാ ചൈവ ത്ര്യക്ഷരീ മൂലപീഠികാ .
സുധാശ്രീരമൃതേശാനീ ഹ്യന്നപൂർണാ ച കാമധുക് .. 125..

പാശഹസ്താ സിദ്ധലക്ഷ്മീഃ മാതംഗീ ഭുവനേശ്വരീ .
വാരാഹീ നവരത്നാനാമീശ്വരീ ച പ്രകീർതിദാ .. 126..

പരം ജ്യോതിഃ കോശരൂപാ സൈന്ധവീ ശിവദർശനാ .
പരാപരാ സ്വാമിനീ ച ശാക്തദർശനവിശ്രുതാ .. 127..

ബ്രഹ്മദർശനരൂപാ ച ശിവദർശനരൂപിണീ .
വിഷ്ണുദർശനരൂപാ ച സ്രഷ്ടൄദർശനരൂപിണീ .. 128..

സൗരദർശനരൂപാ ച സ്ഥിതിചക്രകൃതാശ്രയാ .
ബൗദ്ധദർശനരൂപാ ച തുരീയാ ബഹുരൂപിണീ .. 129..

തത്ത്വമുദ്രാസ്വരൂപാ ച പ്രസന്നാ ജ്ഞാനമാതൃകാ .
സർവോപചാരസന്തുഷ്ടാ ഹൃന്മയീ ശീർഷദേവതാ .. 130..

ശിഖാസ്ഥിതാ വർമമയീ നേത്രത്രയവിലാസിനീ .
അസ്ത്രസ്ഥാ ചതുരസ്രസ്ഥാ ദ്വാരസ്ഥാ ദ്വാരദേവതാ .. 131..

അണിമാ പശ്ചിമസ്ഥാ ച ദക്ഷിണദ്വാരദേവതാ .
വശിത്വാ വായുകോണസ്ഥാ പ്രാകാമ്യേശാനദേവതാ .. 132..

മഹിമാപൂർവനാഥാ ച ലഘിമോത്തരദേവതാ .
അഗ്നികോണസ്ഥഗരിമാ പ്രാപ്തിർനൈരൃതിവാസിനീ .. 133..

ഈശിത്വസിദ്ധിസുരഥാ സർവകാമോർധ്വവാസിനീ .
ബ്രാഹ്മീ മാഹേശ്വരീ ചൈവ കൗമാരീ വൈഷ്ണവീ തഥാ .. 134..

വാരാഹ്യൈന്ദ്രീ ച ചാമുണ്ഡാ വാമാ ജ്യേഷ്ഠാ സരസ്വതീ .
ക്ഷോഭിണീ ദ്രാവിണീ രൗദ്രീ കാല്യുന്മാദനകാരിണീ .. 135..

ഖേചരാ കാലകരണീ ച ബലാനാം വികരണീ തഥാ .
മനോന്മനീ സർവഭൂതദമനീ സർവസിദ്ധിദാ .. 136..

ബലപ്രമഥിനീ ശക്തിഃ ബുദ്ധ്യാകർഷണരൂപിണീ .
അഹങ്കാരാകർഷിണീ ച ശബ്ദാകർഷണരൂപിണീ .. 137..

സ്പർശാകർഷണരൂപാ ച രൂപാകർഷണരൂപിണീ .
രസാകർഷണരൂപാ ച പ്ലധാകർഷണരൂപിണീ .. 138..

ചിത്രാകർഷണരൂപാ ച ധൈര്യാകർഷണരൂപിണീ .
സ്മൃത്യാകർഷണരൂപാ ച നാമാകർഷണസ്ത്വപിണീ .. 139..

ബീജാകർഷണരൂപാ ച ഹ്യാത്മാകർഷണരൂപിണീ .
അമൃതാകർഷിണീ ചൈവ ശരീരാകർഷണീ തഥാ .. 140..

ഷോഡശസ്വരസമ്പന്നാ സ്രവത്പീയൂഷമണ്ഡിതാ .
ത്രിപുരേശീ സിദ്ധിദാത്രീ കലാദർശനവാസിനീ .. 141..

സർവസങ്ക്ഷോഭചക്രേശീ ശക്തിർഗുഹ്യതരാഭിധാ .
അനംഗകുസുമാശക്തിഃ തഥൈവാനംഗമേഖലാ .. 142..

അനംഗമദനാഽനംഗമദനാതുരരൂപിണീ .
അനംഗരേഖാ ചാനംഗവേഗാനംഗാകുശാഭിധാ .. 143..

അനംഗമാലിനീ ചൈവ ഹ്യഷ്ടവർഗാധിഗാമിനീ .
വസ്വഷ്ടകകൃതാവാസാ ശ്രീമത്ത്രിപുരസുന്ദരീ .. 144..

സർവസാമ്രാജ്യസുഭഗാ സർവഭാഗ്യപ്രദേശ്വരീ .
സമ്പ്രദായേശ്വരീ സർവസങ്ക്ഷോഭണകരീ തഥാ .. 145..

സർവവിദ്രാവണീ സർവാകർഷിണീരൂപകാരിണീ .
സർവാഹ്ലാദനശക്തിശ്ച സർവസമ്മോഹിനീ തഥാ .. 146..

സർവസ്തംഭനശക്തിശ്ച സർവജൃംഭണകാരിണീ .
സർവവശ്യകശക്തിശ്ച തഥാ സർവാനുരഞ്ജനീ .. 147..

സർവോന്മാദനശക്തിശ്ച തഥാ സർവാർഥസാധികാ .
സർവസമ്പത്തിദാ ചൈവ സർവമാതൃമയീ തഥാ .. 148..

സർവദ്വന്ദ്വക്ഷയകരീ സിദ്ധിസ്ത്രിപുരവസിനീ .
ചതുർദശാരചക്രേശീ കുലയോഗസമന്വയാ .. 149..

സർവസിദ്ധിപ്രദാ ചൈവ സർവസമ്പത്പ്രദാ തഥാ .
സർവപ്രിയകരീ ചൈവ സർവമംഗലകാരിണീ .. 150..

സർവകാമപ്രപൂർണാ ച സർവദുഃഖവിമോചിനീ .
സർവമൃത്യുപ്രശമനീ സർവ വിഘ്നവിനാശിനീ .. 151..

സർവാംഗസുന്ദരീ ചൈവ സർവസൗഭാഗ്യദായിനീ .
ത്രിപുരാ ശ്രീശ്ച സർവാർഥസാധികാ ദശകോണഗാ .. 15..

സർവരക്ഷാകരീ ചൈവ ഈശ്വരീ യോഗിനീ തഥാ .
സർവജ്ഞാ സർവശക്തിശ്ച സർവൈശ്വര്യപ്രദാ തഥാ .. 153..

സർവജ്ഞാനമയീ ചൈവ സർവവ്യാധിവിനാശിനീ .
സർവാധാരസ്വരൂപാ ച സർവപാപഹരാ തഥാ .. 154..

സർവാനന്ദമയീ ചൈവ സർവരക്ഷാസ്വരൂപിണീ .
തഥൈവ ച മഹാശക്തിഃ സർവേപ്സിതഫലപ്രദാ .. 155..

അന്തർദശാരചക്രസ്ഥാ തഥാ ത്രിപുരമാലിനീ .
സർവരോഗഹരാ ചൈവ രഹസ്യയോഗിനീ തഥാ .. 156..

വാഗ്ദേവീ വശിനീ ചൈവ തഥാ കാമേശ്വരീ തഥാ .
മോദിനീ വിമലാ ചൈവ ഹ്യരുണാ ജയിനീ തഥാ .. 15..

ശിവകാമപ്രദാ ദേവീ ശിവകാമസ്യ സുന്ദരീ .
ലലിതാ ലലിതാധ്യാനഫലദാ ശുഭകാരിണീ .. 15..

സർവേശ്വരീ കൗലിനീ ച വസുവംശാഭിവർദ്ധിനീ .
സർവകാമപ്രദാ ചൈവ പരാപരരഹസ്യവിത് .. 159..

ത്രികോണചതുരശ്രസ്ഥ കാമേശ്വര്യായുധാത്മികാ .
കാമേശ്വരീബാണരൂപാ കാമേശീ ചാപരൂപിണീ .. 160..

കാമേശീ പാശഹസ്താ ച കാമേശ്യങ്കുശരൂപിണീ .
കാമേശ്വരീ രുദ്രശക്തിഃ അഗ്നിചക്രകൃതാലയാ .. 161..

കാമാഭിന്ത്രാ കാമദോഗ്ധ്രീ കാമദാ ച ത്രികോണഗാ .
ദക്ഷകോണേശ്വരീ വിഷ്ണുശക്തിർജാലന്ധരാലയാ .. 162..

സൂര്യചക്രാലയാ വാമകോണഗാ സോമചക്രഗാ .
ഭഗമാലാ ബൃഹച്ഛക്തി പൂർണാ പൂർവാസ്രരാഗിണീ .. 163..

ശ്രീമത്ത്രികോണഭുവനാ ത്രിപുരാഖ്യാ മഹേശ്വരീ .
സർവാനന്ദമയീശാനീ ബിന്ദുഗാതിരഹസ്യഗാ .. 164..

പരബ്രഹ്മസ്വരൂപാ ച മഹാത്രിപുരസുന്ദരീ .
സർവചക്രാന്തരസ്ഥാ ച സർവചക്രാധിദേവതാ .. 165..

സർവചക്രേശ്വരീ സർവമന്ത്രാണാമീശ്വരീ തഥാ .
സർവവിദ്യേശ്വരീ ചൈവ സർവവാഗീശ്വരീ തഥാ .. 166..

സർവയോഗേശ്വരീ സർവപീഠേശ്വര്യഖിലേശ്വരീ .
സർവകാമേശ്വരീ സർവതത്വേശ്വര്യാഗമേശ്വരീ .. 167..

ശക്തിഃ ശക്തിഭൃദുല്ലാസാ നിർദ്വന്ദ്വാദ്വൈതഗർഭിണീ .
നിഷ്പ്രപഞ്ചാ പ്രപഞ്ചാഭാ മഹാമായാ പ്രപഞ്ചസൂഃ .. 168..

സർവവിശ്വോത്പത്തിധാത്രീ പരമാനന്ദകാരണാ .
ലാവണ്യസിന്ധുലഹരീ സുന്ദരീതോഷമന്ദിരാ .. 169..

ശിവകാമസുന്ദരീ ദേവീ സർവമംഗലദായിനീ .
ഇതിനാമ്നാം സഹസ്രം ച ഗദിതം ഇഷ്ടദായകം .. 170..

 .. ഉത്തരപീതികാ ..

സഹസ്രനാമ മന്ത്രാണാം സാരമാകൃഷ്യ പാർവതി .
രചിതം ഹി മയാ ചൈതത് സിദ്ധിദം പരമോക്ഷദം .. 1..

അനേന സ്തുവതോ നിത്യം അർധരാത്രേ നിശാമുഖേ .
പ്രാതഃ കാലേ ച പൂജായാം പഠനം സർവകാമദം .. 2..

സർവസാമ്രാജ്യസുഖദാ സുന്ദരീ പരിതുഷ്യതി .
രത്നാനി വിവിധാന്യസ്യ വിത്താനി പ്രചുരാണി ച .. 3..

മനോരഥരഥസ്ഥാനി ദദാതി പരമേശ്വരീ .
പുത്രപൗത്രാശ്ച വർധന്തേ സന്തതിസ്സാർവകാലികാ .. 4..

ശത്രവസ്തസ്യ നശ്യന്തി വർധന്തേ ച ബലാനി ച .
വ്യാധയസ്തസ്യ നശ്യന്തി ലഭതേ ചൗഷധാനി ച .. 5..

മന്ദിരാണി വിചിത്രാണി രാജന്തേ തസ്യ സർവദാ .
കൃഷിഃ ഫലവതീ തസ്യ ഭൂമിഃ കാമാഖിലപ്രദാ .. 6..

സ്ഥിരം ജനപദം തസ്യ രാജ്യം തസ്യ നിരംഗുശം .
മാതംഗാസ്തുരഗാസ്തുംഗാഃ സിഞ്ചിന്തോ മദവാരിഭിഃ .. 7..

സൈനികാശ്ച വിരാജന്തേ തുഷ്ടാഃ പുഷ്ടാസ്തുരംഗമാഃ .
പൂജാഃ ശശ്വത് വിവർധന്തേ നിർവിവാദാശ്ച മന്ത്രിണഃ .. 8..

ജ്ഞാതയസ്തസ്യ തുഷ്യന്തി ബാന്ധവാഃ വിഗതജ്വരാഃ .
ഭൃത്യാസ്തസ്യ വശേ നിത്യം വർതന്തേഽസ്യ മനോനുഗാഃ .. 9..

ഗദ്യപദ്യമയീ വാണീ വാക്ത്വാതുര്യസുസംഭൃതാ .
സമഗ്ര സുഖസമ്പത്തി ശാലിനീ ലാസ്യമാലിനീ .. 10..

നാനാപദമയീ വാണീ തസ്യ ഗംഗാപ്രവാഹവത് .
അദൃഷ്ടാന്യപി ച ശാസ്ത്രാണി പ്രകാശന്തേ നിരന്തരം .. 11..

നിഗ്രഹഃ പരവാക്യാനാം സഭായാം തസ്യ ജായതേ .
സ്തുവന്തി കൃതിനസ്തം വൈ രാജാനോ ദാസവത്തഥാ .. 12..

ശസ്ത്രാണ്യസ്ത്രാണി തദ്ഗാത്രേ ജനയന്തി രുജോ നഹി .
മാതംഗാഃ തസ്യ വശഗാഃ സർപവര്യാ ഭവന്തി ച .. 13..

വിഷം നിർവിഷതാം യാതി പാനീയമമൃതം ഭവേത് .
പരസേനാസ്തംഭനം ച പ്രതിവാദിവിജൃംഭണം .. 14..

നവരാത്രേണ ജായന്തേ സതതന്യാസയോഗതഃ .
അഹോരാത്രം പഠേദ്യസ്തു സ്തോത്രം സംയതമാനസഃ .. 15..

വശാഃ തസ്യോപജായന്തേ സർവേ ലോകാഃ സുനിശ്ചിതം .
ഷണ്മാസാഭ്യാസയോഗേന ദേവാ യക്ഷാശ്ച കിന്നരാഃ .. 16..

സിദ്ധാ മഹോരഗാസ്സർവേ വശമായാന്തി നിശ്ചയം .
നിത്യം കാമകലാം ന്യസ്യൻ യഃ പതേത് സ്തോത്രമുത്തമം .. 17..

മദനോന്മാദിനീ ലീലാപുരസ്ത്രീ തദ്വശാനുഗാ .
ലാവണ്യമദനാ സാക്ഷാത് വിദഗ്ധമുഖചന്ദ്രികാ .. 18..

പ്രേമപൂർണാശ്രുനയനാ സുന്ദരീ വശഗാ ഭവേത് .
ഭൂർജപത്രേ രോചനേന കുങ്കുമേന വരാനനേ .. 19..

ധാതുരാഗേണ വാ ദേവീ മൂലമന്ത്രം വിലിഖ്യ ച .
രക്ഷാർഥം ഭസ്മ വിന്യസ്യ പുടീകൃത്യ സമന്ത്രകം .. 20..

സുവർണരൗപ്യഖചിതേ സുഷിരേ സ്ഥാപ്യ യത്നതഃ .
സമ്പൂജ്യ തത്ര ദേവേശീം പുനരാദായ ഭക്തിതഃ .. 21..

ധാരയേന്മസ്തകേ കണ്ഠേ ബാഹുമൂലേ തഥാ ഹൃദി .
നാഭൗ ച വിദ്യുതം ധന്യം ജയദം സർവകാമദം .. 22..

രക്ഷാകരം നാന്യദസ്മാത് വിദ്യതേ ഭുവനത്രയേ .
ജ്വരരോഗനൃപാവിഷ്ടഭയഹൃത് ഭൂതിവർധനം .. 23..

ബലവീര്യകരം ചാഥ ഭൂതശത്രുവിനാശനം .
പുത്രപൗത്രഗുണശ്രേയോവർധകം ധനധാന്യകൃത് .. 24..

യ ഇദം പഠതി സ്തോത്രം സ സർവം ലഭതേ നരഃ .
യദ്ഗൃഹേ ലിഖിതം സ്തോത്രം തിഷ്ഠേദേതദ് വരാനനേ .. 25..

തത്ര തിഷ്ഠാമ്യഹം നിത്യം ഹരിശ്ച കമലാസനഃ .
വസന്തി സർവതീർഥാനി ഗൗരീ ലക്ഷ്മീസ്സരസ്വതീ .. 26..

ശിവകാമേശ്വരീം ധ്യാത്വാ പഠേന്നാമസഹസ്രകം .
അസകൃത് ധ്യാനപാഠേന സാധകഃ സിദ്ധിമാപ്നുയാത് .. 27..

ശുക്രവാരേ പൗർണമാസ്യാം പഠന്നാമസഹസ്രകം .
പൂജാം യഃ കുരുതേ ഭക്ത്യാ വാഞ്ഛിതം ലഭതേ ധ്രുവം .. 28..

ശിവകാമേശ്വരീമന്ത്രഃ മന്ത്രരാജഃ പ്രകീർതിതഃ .
തദഭ്യാസാത്സാധകശ്ച സിദ്ധിമാപ്നോത്യനുത്തമാം .. 29..

നാസാധകായ ദാതവ്യമശ്രദ്ധായ ശഠായ ച .
ഭക്തിഹീനായ മലിനേ ഗുരുനിന്ദാപരായ ച .. 30..

അലസായായത്നവതേഽശിവഭക്തായ സുന്ദരി .
വിഷ്ണുഭക്തിവിഹീനായ ന ദാതവ്യം കദാചന .. 31..

ദേയം ഭക്തവരായൈതത്ഭുക്തിമുക്യികരം ശുഭം .
സിദ്ധിദം ഭവരോഗഘ്നം സ്തോത്രമേതദ്വരാനനേ .. 32..

ലതായോഗേ പഠേദ്യസ്തു തസ്യ ക്ഷിപ്രം ഫലം ഭവേത് .
സൈവ കല്പലതാ തസ്യ വാഞ്ഛാഫലകരീ സ്മൃതാ .. 33..

പുഷ്പിതാം യാം ലതാം സമ്യക് ദൃഷ്ട്വാ ശ്രീലലിതാം സ്മരൻ .
അക്ഷുബ്ധഃ പ്രപഠേദ്യസ്തു സ യജ്ഞക്രതുപുണ്യഭാക് .. 34..

വികല്പരഹിതോ യോ ഹി നിർവികല്പഃ സ്വയം ശിവഃ .
നൈതത്പ്രകാശയേദ്ഭക്തഃ കുശിഷ്യായാല്പമേധസേ .. 35..

അനേകജന്മപുണ്യേന ദീക്ഷിതോ ജായതേ നരഃ .
തത്രാപ്യനേകഭാഗ്യേന ശൈവോ വിഷ്ണു പരായണഃ .. 36..

തത്രാപ്യനേകപുണ്യേന ശക്തിഭാവഃ പ്രജായതേ .
മഹോദയേന തത്രാപി സുന്ദരീഭാവഭാഗ്ഭവേത് .. 37..

സഹസ്രനാമ്നാം തത്രാപി കീർതനം ച സുദുർലഭം .
യത്ര ജന്മനി സാ നിത്യം പൂർവപുണ്യവശാദ്ഭവേത് .. 38..

ജീവന്മുക്തോ ഭവേത്തസ്യ കർതവ്യം നാവശിഷ്യതേ .
അവധൂതത്വമേവ സ്യാത് ന വർണാശ്രമകല്പനാ .. 39..

ബ്രഹ്മാദയോഽപി ദേവേശീം പ്രാർഥയന്തേ തദവ്യയാം .
ഹംസത്വം ഭക്തിഭാവേന പരമാനന്ദകാരണം .. 40..

ദേവോഽസൗ സർവദാ ശക്തി ഭാവയന്നേവ സംസ്ഥിതഃ .
സ്വയം ശിവസ്തു വിജ്ഞേയഃ സുന്ദരീഭാവലമ്പടഃ .. 41..

ബ്രഹ്മാനന്ദമയീം ജ്യോത്സ്നാം സദാശിവപരായണാം .
ശിവകാമേശ്വരീം ദേവീം ഭാവയൻ സിദ്ധിമാപ്നുയാത് .. 42..

ആഹ്ലാദഃ സുന്ദരീധ്യാനാത് സുന്ദരീനാമകീർതനാത് .
സുന്ദരീദർശനാച്ചൈവ സദാനന്ദഃ പ്രജായതേ .. 43..

.. ഇതി ശ്രീരുദ്രയാമലേ ഉമാമഹേശസംവാദേ 
ശ്രീശിവകാമസുന്ദര്യാഃ
ശ്രീമത്ത്രിപുരസുന്ദര്യാഃ 
ഷോഡശാർണായാഃ 
തുരീയസഹസ്രനാമസ്തോത്രം
സമ്പൂർണം ..