SRI PRATHYANGIRA SAHASRANAMA STHOTHRAM

 

 ശ്രീപ്രത്യംഗിരാസഹസ്രനാമസ്തോത്രം 

ശ്രീരുദ്രയാമലതന്ത്രേ ദശവിദ്യാരഹസ്യേ

ഈശ്വര ഉവാച .
ശൃണു ദേവി പ്രവക്ഷ്യാമി സാമ്പ്രതം ത്വത്പുരഃസരം .
സഹസ്രനാമ പരമം പ്രത്യംഗിരായാഃ സിദ്ധയേ ..

സഹസ്രനാമപാഠേ യഃ സർവത്ര വിജയീ ഭവേത് .
പരാഭവോ ന ചാസ്യാസ്തി സഭായാം വാസനേ രണേ ..

തഥാ തുഷ്ടാ ഭവേദ്ദേവീ പ്രത്യംഗിരാസ്യ പാഠതഃ .
യഥാ ഭവതി ദേവേശി സാധകഃ ശിവ ഏവ ഹി ..

അശ്വമേധസഹസ്രാണി വാജപേയസ്യ കോടയഃ .
സകൃത്പാഠേന ജായന്തേ പ്രസന്നാ യത്പരാ ഭവേത് ..

ഭൈരവോഽസ്യ ഋഷിശ്ഛന്ദോഽനുഷ്ടുപ് ദേവി സമീരിതാ .
പ്രത്യംഗിരാ വിനിയോഗഃ സ്യാത്സർവസമ്പത്തി ഹേതവേ ..

സർവകാര്യേഷു സംസിദ്ധിഃ സർവസമ്പത്തിദാ ഭവേത് .
ഏവം ധ്യാത്വാ പഠേദ്ദേവീം യദീഛേദാത്മനോ ഹിതം ..



അഥ ധ്യാനം .

ആശാംബരാ മുക്തകചാ ഘനച്ഛവിർധ്യേയാ 
സചർമാസികരാ വിഭൂഷണാ .
ദംഷ്ട്രോഗ്രവക്ത്രാ ഗ്രസിതാഹിതാ ത്വയാ 
പ്രത്യംഗിരാ ശങ്കരതേജസേരിതാ ..


ഓം അസ്യ ശ്രീപ്രത്യംഗിരാസഹസ്രനാമമഹാമന്ത്രസ്യ,
ഭൈരവ ഋഷിഃ, അനുഷ്ടുപ് ഛന്ദഃ, ശ്രീപ്രത്യംഗിരാ ദേവതാ,
ഹ്രീം ബീജം, ശ്രീം ശക്തിഃ, സ്വാഹാ കീലകം
മമ സർവകാര്യസിദ്ധയർഥേ വിദ്യാസിദ്ധ്യർഥേ 
നാമപാരായണേ വിനിയോഗഃ .


ഓം ദേവീ പ്രത്യംഗിരാ സേവ്യാ ശിരസാ ശശിശേഖരാ .
സമാഽസമാ ധർമിണീ ച സമസ്തസുരശേമുഷീ .. 1..

സർവസമ്പത്തിജനനീ സമദാ സിന്ധുസേവിനീ .
ശംഭുസീമന്തിനീ സോമാരാധ്യാ ച വസുധാ രസാ .. 2..

രസാ രസവതീ വേലാ വന്യാ ച വനമാലിനീ .
വനജാക്ഷീ വനചരീ വനീ വനവിനോദിനീ .. 3..

വേഗിനീ വേഗദാ വേഗബലാ സ്ഥാനബലാധികാ .
കലാ കലാപ്രിയാ കൗലി കോമലാ കാലകാമിനീ .. 4..

കമലാ കമലാസ്യാ ച കമലസ്ഥാ കലാവതീ .
കുലീനാ കുടിലാ കാന്താ കോകിലാ കുലഭാഷിണീ .. 5..

കീരകേലിഃ കലാ കാലീ കപാലിന്യപി കാലികാ .
കേശിനീ ച കുശാവർതാ കൗശാംബീ കേശവപ്രിയാ .. 6..

കാശീ കാശാപഹാ കാംശീസങ്കാശാ കേശദായിനീ .
കുണ്ഡലീ കുണ്ഡലീസ്ഥാ ച കുണ്ഡലാംഗദമണ്ഡിതാ .. 7..

കുശാപാശീ കുമുദിനീ കുമുദപ്രീതിവർധിനീ .
കുന്ദപ്രിയാ കുന്ദരുചിഃ കുരംഗമദമോദിനീ .. 8..

കുരംഗനയനാ കുന്ദാ കുരുവൃന്ദാഭിനന്ദിനീ .
കുസുംഭകുസുമാ കിഞ്ചിത്ക്വണത്കിങ്കിണികാ കടുഃ .. 9..

കഠോരാ കരണാ കണ്ഠാ കൗമുദീ കംബുകണ്ഠിനീ .
കപർദിനീ കപടിനീ കഠിനീ കാലകണ്ഠികാ .. 10..

കിബ്രുഹസ്താ കുമാരീ ച കുരുന്ദാ കുസുമപ്രിയാ .
കുഞ്ജരസ്ഥാ കുഞ്ജരതാ കുംഭികുംഭസ്തനദ്വയാ .. 11..

കുംഭികാ കരഭോരുശ്ച കദലീദലശാലിനീ .
കുപിതാ കോടരസ്ഥാ ച കങ്കാലീ കന്ദശേഖരാ .. 12..

ഏകാന്തവാസിനീ കിഞ്ചിത്കമ്പമാനശിരോരുഹാ .
കാദംബരീ കദംബസ്ഥാ കുങ്കുമീ പ്രേമധാരിണീ .. 13..

കുടുംബിനീ പ്രിയായുക്താ ക്രതുഃ ക്രതുകരീ ക്രിയാ .
കാത്യായനീ കൃത്തികാ ച കാർതികേയപ്രവർതിനീ .. 14..

കാമപത്നീ കാമധാത്രീ കാമേശീ കാമവന്ദിതാ .
കാമരൂപാ കാമഗതിഃ കാമാക്ഷീ കാമമോഹിതാ .. 15..

ഖഡ്ഗിനീ ഖേചരീ ഖഞ്ജാ ഖഞ്ജരീടേക്ഷണാ ഖലാ .
ഖരഗാ ഖരനാസാ ച ഖരാസ്യാ ഖേലനപ്രിയാ .. 16..

ഖരാംശുഃ ഖേടിനീ ഖട്വാ ഖരഖട്വാംഗധാരിണീ .
ഖലഖണ്ഡിനി വിഖ്യാതിഃ ഖണ്ഡിതാ ഖണ്ഡവീ സ്ഥിരാ .. 17..

ഖണ്ഡപ്രിയാ ഖണ്ഡഖാദ്യാ സേന്ദുഖണ്ഡാ ച ഖഞ്ജനീ .
ഗംഗാ ഗോദാവരീ ഗൗരീ ഗോമത്യാപി ച ഗൗതമീ .. 18..

ഗയാ ഗൗർഗജീ ഗഗനാ ഗാരുഡീ ഗരുഡധ്വജാ .
ഗീതാ ഗീതപ്രിയാ ഗോത്രാ ഗോത്രക്ഷയകരീ ഗദാ .. 19..

ഗിരിഭൂപാലദുഹിതാ ഗോഗാ ഗോകുലവർധിനീ .
ഘനസ്തനീ ഘനരുചിർഘനോരുർഘനനിഃസ്വനാ .. 20..

ഘൂത്കാരിണീ ഘൂതകരീ ഘുഘൂകപരിവാരിതാ .
ഘണ്ടാനാദപ്രിയാ ഘണ്ടാ ഘനാഘോടപ്രവാഹിനീ .. 21..

ഘോരരൂപാ ച ഘോരാ ച ഘൂനീപ്രീതി ഘനാഞ്ജനീ .
ഘൃതാചീ ഘനമുഷ്ടിശ്ച ഘടാഘണ്ടാ ഘടാമൃതാ .. 22..

ഘടാസ്യാ ഘടാനാദാ ച ഘാതപാതനിവാരിണീ .
ചഞ്ചരീകാ ചകോരീ ച ചാമുണ്ഡാ ചീരധാരിണീ .. 23..

ചാതുരീ ചപലാ ചാരുശ്ചലാ ചേലാ ചലാചലാ .
ചതുശ്ചിരന്തനാ ചാകാ ചിയാ ചാമീകരച്ഛവിഃ .. 24..

ചാപിനീ ചപലാ ചമ്പൂശ്ചിത്തചിന്താമണിശ്ചിതാ .
ചാതുർവർണ്യമയീ ചഞ്ചച്ചൗരാ ചാപാ ചമത്കൃതിഃ .. 25..

ചക്രവർതി വധൂശ്ചക്രാ ചക്രാംഗാ ചക്രമോദിനീ .
ചേതശ്ചരീ ചിത്തവൃത്തിരചേതാ ചേതനാപ്രദാ .. 26..

ചാമ്പേയീ ചമ്പകപ്രീതിശ്ചണ്ഡീ ചണ്ഡാലവാസിനീ .
ചിരഞ്ജീവിതദാചിത്താ തരുമൂലനിവാസിനീ .. 27..

ഛുരികാ ഛത്രമധ്യസ്ഥാ ഛിദ്രാ ഛേദകരീ ഛിദാ .
ഛുച്ഛുന്ദരീപലപ്രീതിഃ ഛുന്ദരീഭനിഭസ്വനാ .. 28..

ഛലിനീ ഛലവച്ഛിന്നാ ഛിടികാ ഛേകകൃത്തഥാ .
ഛദ്മിനീ ഛാന്ദസീ ഛായാ ഛായാകൃച്ഛാദിരിത്യപി .. 29..

ജയാ ച ജയദാ ജാതിർജൃംഭിണീ ജാമലായുതാ .
ജയാപുഷ്പപ്രിയാ ജായാ ജാപ്യാ ജാപ്യജഗജ്ജനിഃ .. 30..

ജംബൂപ്രിയാ ജയസ്ഥാ ച ജംഗമാ ജംഗമപ്രിയാ .
ജന്തുർജന്തുപ്രധാനാ ച ജരത്കർണാ ജരദ്ഗവാ .. 31..

ജാതീപ്രിയാ ജീവനസ്ഥാ ജീമൂതസദൃശച്ഛവിഃ .
ജന്യാ ജനഹിതാ ജായാ ജംഭജംഭിലശാലിനീ .. 32..

ജവദാ ജവവദ്വാഹാ ജമാനീ ജ്വരഹാ ജ്വരീ .
ഝഞ്ഝാ നീലമയീ ഝഞ്ഝാഝണത്കാരകരാചലാ .. 33..

ഝിണ്ടീശാ ഝസ്യകൃത് ഝമ്പാ യമത്രാസനിവാരിണീ .
ടങ്കാരസ്ഥാ ടങ്കധരാ ടങ്കാരകാരണാ ടസീ .. 34..   

ഠകുരാ ഠീകൃതിശ്ചൈവ ഠിണ്ഠീരവസനാവൃതാ .
ഠണ്ഠാ നീലമയീ ഠണ്ഠാ ഠണത്കാരകരാ ഠസാ .. 35..

ഡാകിനീ ഡാമരാ ചൈവ ഡിണ്ഡിമധ്വനിനാദിനീ .
ഢക്കാപ്രിയസ്വനാ ഢക്കാതപിനീ താപിനീ തഥാ .. 36..

തരുണീ തുന്ദിലാ തുന്ദാ താമസീ ച തപഃപ്രിയാ .
താമ്രാ താമ്രാംബരാ താലീ താലീദലവിഭൂഷണാ .. 37..

തുരംഗാ ത്വരിതാ തോതാ തോതലാ താദിനീ തുലാ .
താപത്രയഹരാ താരാ താലകേശീ തമാലിനീ .. 38..

തമാലദലവച്ഛായാ താലസ്വനവതീ തമീ .
താമസീ ച തമിസ്രാ ച തീവ്രാ തീവ്രപരാക്രമാ .. 39..

തടസ്ഥാതിലതൈലാക്താ താരിണീ തപനദ്യുതിഃ .
തിലോത്തമാ തിലകകൃത്താരകാധീശശേഖരാ .. 40..

തിലപുഷ്പപ്രിയാ താരാ താരകേശകുടുംബിനീ .
സ്ഥാണുപത്നീ സ്ഥിതികരീ സ്ഥലസ്ഥാ സ്ഥലവർധിനീ .. 41..

സ്ഥിതിസ്ഥൈര്യാ സ്ഥവിഷ്ഠാ ച സ്ഥാവതിഃ സ്ഥൂലവിഗ്രഹാ .
ദന്തിനീ ദണ്ഡിനീ ദീനാ ദരിദ്രാ ദീനവത്സലാ .. 42..

ദേവീ ദേവവധൂർദൈത്യദമിനീ ദന്തഭൂഷണാ .
ദയാവതീ ദമവതീ ദമദാ ദാഡിമസ്തനീ .. 43..

ദന്ദശൂകനിഭാ ദൈത്യദാരിണീ ദേവതാഽഽനനാ .
ദോലാക്രീഡാ ദയാലുശ്ച ദമ്പതീ ദേവതാമയീ .. 44..

ദശാ ദീപസ്ഥിതാ ദോഷാ ദോഷഹാ ദോഷകാരിണീ .
ദുർഗാ ദുർഗാർതിശമനീ ദുർഗമാ ദുർഗവാസിനീ .. 45..

ദുർഗന്ധനാശിനീ ദുഃസ്ഥാ ദുഃസ്വപ്നശമകാരിണീ .
ദുർവാരാ ദുന്ദുഭിധ്വാനാ ദൂരഗാ ദൂരവാസിനീ .. 46..

ദരദാ ദരഹാ ദാത്രീ ദയാദാ ദുഹിതാ ദശാ .
ധുരന്ധരാ ധുരീണാ ച ധൗരേയീ ധനദായിനീ .. 47..

ധീരാ ധീരാധരിത്രീ ച ധർമദാ ധീരമാനസാ .
ധനുർധരാ ച ധമിനീ ധൂർതാ ധൂർതപരിഗ്രഹാ .. 48..

ധൂമവർണാ ധൂമപാനാ ധൂമലാ ധൂമമോദിനീ .
നലിനീ നന്ദനീ നന്ദാ നന്ദിനീ നന്ദബാലികാ .. 49..

നവീനാ നർമദാ നർമീ നേമിർനിയമനിശ്ചയാ .
നിർമലാ നിഗമാചരാ നിമ്നഗാ നഗ്നികാ നിമിഃ .. 50..

നാലാ നിരന്തരാ നിഘ്നീ നിർലേപാ നിർഗുണാ നതിഃ .
നീലഗ്രീവാ നിരീഹാ ച നിരഞ്ജനജനീ നവീ .. 51..

നവനീതപ്രിയാ നാരീ നരകാർണവതാരിണീ .
നാരായണീ നിരാകാരാ നിപുണാ നിപുണപ്രിയാ .. 52..

നിശാ നിദ്രാ നരേന്ദ്രസ്ഥാ നമിതാ നമിതാപി ച .
നിർഗുണ്ഡികാ ച നിർഗുണ്ഡാ നിർമാംസാ നാസികാഭിധാ .. 53..

പതാകിനീ പതാകാ ച പലപ്രീതിര്യശശ്വിനീ .
പീനാ പീനസ്തനാ പത്നീ പവനാശനശായിനീ .. 54..

പരാ പരാകലാ പാകാ പാകകൃത്യരതിപ്രിയാ .
പവനസ്ഥാ സുപവനാ താപസീ പ്രീതിവർധിനീ .. 55..

പശുവൃദ്ധികരീ പുഷ്ടിഃ പോഷണീ പുഷ്പവർധിനീ .
പുഷ്പിണീ പുസ്തകകരാ പുന്നാഗതലവാസിനീ .. 56..

പുരന്ദരപ്രിയാ പ്രീതിഃ പുരമാർഗനിവാസിനീ .
പേശാ പാശകരാ പാശബന്ധഹാ പാംശുലാപശുഃ .. 57..

പടഃ പടാശാ പരശുധാരിണീ പാശിനീ തഥാ .
പാപഘ്നീ പതിപത്നീ ച പതിതാഽപതിതാപി ച .. 58..

പിശാചീ ച പിശാചഘ്നീ പിശിതാശനതോഷിതാ .
പാനദാ പാനപാത്രാ ച പാനദാനകരോദ്യതാ .. 59..

പേഷാ പ്രസിദ്ധിഃ പീയൂഷാ പൂർണാ പൂർണമനോരഥാ .
പതദ്ഗർഭാ പതദ്ഗാത്രാ പൗനഃപുണ്യപിവാപുരാ .. 60..

പങ്കിലാ പങ്കമഗ്നാ ച പാമീപാ പഞ്ജരസ്ഥിതാ .
പഞ്ചമാ പഞ്ചയാമാ ച പഞ്ചതാ പഞ്ചമപ്രിയാ .. 61..

പഞ്ചമുദ്രാ പുണ്ഡരീകാ പിംഗലാ പിംഗലോചനാ .
പ്രിയംഗുമഞ്ജരീ പിണ്ഡീ പണ്ഡിതാ പാണ്ഡുരപ്രഭാ .. 62..

പ്രേതാസനാ പ്രിയാലുസ്ഥാ പാണ്ഡുഘ്നീ പീതസാപഹാ .
ഫലിനീ ഫലദാത്രീ ച ഫലശ്രീ ഫണിഭൂഷണാ .. 63..

ഫൂത്കാരകാരിണീ സ്ഫാരാ ഫുല്ലാ ഫുല്ലാംബുജാസനാ .
ഫിരംഗഹാ സ്ഫീതമതിഃ സ്ഫിതിഃ സ്ഫീതികരീ തഥാ .. 64..

വനമായാ ബലാരാതിർബലിനീ ബലവർധിനീ .
വേണുവാദ്യാ വനചരീ വീരാ ബീജമയീ അപി .. 65..

വിദ്യാ വിദ്യാപ്രദാ വിദ്യാബോധിനീ വേദദായിനീ .
ബുധമാതാ ച ബുദ്ധാ ച വനമാലാവതീ വരാ .. 66..

വരദാ വാരുണീ വീണാ വീണാവാദനതത്പരാ .
വിനോദിനീ വിനോദസ്ഥാ വൈഷ്ണവീ വിഷ്ണുവല്ലഭാ .. 67..

വിദ്യാ വൈദ്യചികിത്സാ ച വിവശാ വിശ്വവിശ്രുതാ .
വിതന്ദ്രാ വിഹ്വലാ വേലാ വിരാവാ വിരതിർവരാ .. 68..

വിവിധാർകകരാ വീരാ ബിംബോഷ്ഠീ ബിംബവത്സലാ .
വിന്ധ്യസ്ഥാ വീരവന്ദ്യാ ച വരീയാനപരാചവിത് .. 69..

വേദാന്തവേദ്യാ വൈദ്യാ ച വേദസ്യ വിജയപ്രദാ .
വിരോധവർധിനീ വന്ധ്യാ വന്ധ്യാബന്ധനിവാരിണീ .. 70..

ഭഗിനീ ഭഗമാലാ ച ഭവാനീ ഭയഭാവിനീ .
ഭീമാ ഭീമാനനാ ഭൈമീ ഭംഗുരാ ഭീമദർശനാ .. 71..

ഭില്ലീ ഭല്ലധരാ ഭീരുർഭേരുണ്ഡീ ഭീർഭയാപഹാ .
ഭഗസർപിണ്യപി ഭഗാ ഭഗരൂപാ ഭഗാലയാ .. 72..

ഭഗാസനാ ഭഗാമോദാ ഭേരീ ഭങ്കാരരഞ്ജിതാ .
ഭീഷണാ ഭീഷണാരാവാ ഭഗവത്യപി ഭൂഷണാ .. 73..

ഭാരദ്വാജീ ഭോഗദാത്രീ ഭവഘ്നീ ഭൂതിഭൂഷണാ .
ഭൂതിദാ ഭൂമിദാത്രീ ച ഭൂപതിത്വപ്രദായിനീ .. 74..

ഭ്രമരീ ഭ്രാമരീ നീലാ ഭൂപാലമുകുടസ്ഥിതാ .
മത്താ മനോഹരമനാ മാനിനീ മോഹനീ മഹീ .. 75..  

മഹാലക്ഷ്മീർമദക്ഷീബാ മദീയ മദിരാലയാ .
മദോദ്ധതാ മതംഗസ്ഥാ മാധവീ മധുമാദിനീ .. 76..

മേധാ മേധാകരീ മേധ്യാ മധ്യാ മധ്യവയസ്ഥിതാ .
മദ്യപാ മാംസലാ മത്സ്യമോദിനീ മൈഥുനോദ്ധതാ .. 77..

മുദ്രാ മുദ്രാവതീ മാതാ മായാ മഹിമ മന്ദിരാ .
മഹാമായാ മഹാവിദ്യാ മഹാമാരീ മഹേശ്വരീ .. 78..

മഹാദേവവധൂർമാന്യാ മധുരാ വീരമണ്ഡലാ .
മേദസ്വിനീ മീലദശ്രീർമഹിഷാസുരമർദിനീ .. 79..

മണ്ഡപസ്ഥാ മഠസ്ഥാ ച മദിരാഗമഗർവിതാ .
മോക്ഷദാ മുണ്ഡമാലാ ച മാലാ മാലാവിലാസിനീ .. 80..

മാതംഗിനീ ച മാതംഗീ മതംഗതനയാപി ച .
മധുസ്രവാ മധുരസാ മധൂകകുസുമപ്രിയാ .. 81..

യാമിനീ യാമിനീനാഥഭൂഷാ യാവകരഞ്ജിതാ .
യവാങ്കുരപ്രിയാ മായാ യവനീ യവനാധിപാ .. 82..

യമഘ്നീ യമകന്യാ ച യജമാനസ്വരൂപിണീ .
യജ്ഞാ യജ്വാ യജുര്യജ്വാ യശോനികരകാരിണീ .. 83..

യജ്ഞസൂത്രപ്രദാ ജ്യേഷ്ഠാ യജ്ഞകർമകരീ തഥാ .
യശസ്വിനീ യകാരസ്ഥാ യൂപസ്തംഭനിവാസിനീ .. 84..

രഞ്ജിതാ രാജപത്നീ ച രമാ രേഖാ രവേരണീ .
രജോവതീ രജശ്ചിത്രാ രജനീ രജനീപതിഃ .. 85..

രാഗിണീ രാജ്യനീരാജ്യാ രാജ്യദാ രാജ്യവർധിനീ .
രാജന്വതീ രാജനീതിസ്തഥാ രജതവാസിനീ .. 86..

രമണീ രമണീയാ ച രാമാ രാമാവതീ രതിഃ .
രേതോവതീ രതോത്സാഹാ രോഗഹൃദ്രോഗകാരിണീ .. 87..

രംഗാ രംഗവതീ രാഗാ രാഗജ്ഞാ രാഗകൃദ്രണാ .
രഞ്ജികാ രഞ്ജികാരഞ്ജാ രഞ്ജിനീ രക്തലോചനാ .. 88..

രക്തചർമധരാ രഞ്ജാ രക്തസ്ഥാ രക്തവാദിനീ .
രംഭാ രംഭാഫലപ്രീതി രംഭോരു രാഘവപ്രിയാ .. 89..

രംഗഭൃദ്രംഗമധുരാ രോദസീ രോദസീഗ്രഹാ .
രോധകൃദ്രോധഹന്ത്രീ ച രോഗഭൃദ്രോഗശായിനീ .. 90..

വന്ദീ വദിസ്തുതാ ബന്ധാ ബന്ധൂകകുസുമാധരാ .
വന്ദീത്രാ വന്ദിതാമാതാ വിന്ദുരാ വൈന്ദവീവിധാ .. 91..

വിങ്കി വിങ്കപലാ വിങ്കാ വിങ്കസ്ഥാ വിങ്കവത്സലാ .
വദിർവിലഗ്നാ വിപ്രാ ച വിധിർവിധികരീ വിധാ .. 92..

ശംഖിനീ ശംഖവലയാ ശംഖമാലാവതീ ശമീ .
ശംഖപാത്രാശിനീ ശംഖാശംഖാ ശംഖഗലാ ശശീ .. 93..

ശംവീ ശരാവതീ ശ്യാമാ ശ്യാമാംഗീ ശ്യാമലോചനാ .
ശ്മശാനസ്ഥാ ശ്മശാനാ ച ശ്മശാനസ്ഥലഭൂഷണാ .. 94..

ശമദാ ശമഹന്ത്രീ ച ശാകിനീ ശങ്കുശേഖരാ .
ശാന്തിഃ ശാന്തിപ്രദാ ശേഷാ ശേഷസ്ഥാ ശേഷദായിനീ .. 95..

ശേമുഷീ ശോഷിണീ ശീരീ ശൗരിഃ ശൗര്യാ ശരാ ശിരിഃ .
ശാപഹാ ശാപഹാനീശാ ശമ്പാ ശപഥദായിനീ .. 96..

ശൃംഗിണീ ശൃംഗപലഭുക് ശങ്കരീ ശങ്കരീ ച യാ .
ശങ്കാ ശങ്കാപഹാ സംസ്ഥാ ശാശ്വതീ ശീതലാ ശിവാ .. 97..

ശിവസ്ഥാ ശവഭുക്താ ച ശവവർണാ ശിവോദരീ .
ശായിനീ ശാവശയനാ ശിംശപാ ശിശുപാലിനീ .. 98..

ശവകുണ്ഡലിനീ ശൈവാ ശങ്കരാ ശിശിരാ ശിരാ .
ശവകാഞ്ചീ ശവശ്രീകാ ശവമാലാ ശവാകൃതിഃ .. 99..

ശയനീ ശങ്കുവാ ശക്തിഃ ശന്തനുഃ ശീലദായിനീ .
സിന്ധുഃ സരസ്വതീ സിന്ധുസുന്ദരീ സുന്ദരാനനാ .. 100..

സാധുഃ സിദ്ധിഃ സിദ്ധിദാത്രീ സിദ്ധാ സിദ്ധസരസ്വതീ .
സന്തതിഃ സമ്പദാ സമ്പത്സംവിത്സരതിദായിനീ .. 101..

സപത്നീ സരസാ സാരാ സരസ്വതികരീ സ്വധാ .
സരഃസമാ സമാനാ ച സമാരാധ്യാ സമസ്തദാ .. 102..

സമിദ്ധാ സമദാ സമ്മാ സമ്മോഹാ സമദർശനാ .
സമിതിഃ സമിധാ സീമാ സവിത്രീ സവിധാ സതീ .. 103..

സവതാ സവനാദാരാ സാവനാ സമരാ സമീ .
സിമിരാ സതതാ സാധ്വീ സഘ്രീചീ ച സഹായിനീ .. 104..

ഹംസീ ഹംസഗതിർഹംസാ ഹംസോജ്ജ്വലനിചോലുയുക് .
ഹലിനീ ഹലദാ ഹാലാ ഹരശ്രീർഹരവല്ലഭാ .. 105..

ഹേലാ ഹേലാവതീ ഹേഷാ ഹ്രേഷസ്ഥാ ഹ്രേഷവർധിനീ .
ഹന്താ ഹന്തിർഹതാ ഹത്യാ ഹാ ഹന്ത താപഹാരിണീ .. 106..

ഹങ്കാരീ ഹന്തകൃദ്ധങ്കാ ഹീഹാ ഹാതാ ഹതാഹതാ .
ഹേമപ്രദാ ഹംസവതീ ഹാരീ ഹാതരിസമ്മതാ .. 107..

ഹോരീ ഹോത്രീ ഹോലികാ ച ഹോമാ ഹോമോ ഹവിർഹരിഃ .
ഹാരിണീ ഹരിണീനേത്രാ ഹിമാചലനിവാസിനീ .. 108..

ലംബോദരീ ലംബകർണാ ലംബികാ ലംബവിഗ്രഹാ .
ലീലാ ലോലാവതീ ലോകാ ലലനീ ലാലിതാ ലതാ .. 109..  

ലലാമലോചനാ ലോച്യാ ലോലാക്ഷീ ലക്ഷണാ ലലാ .
ലമ്പതീ ലുമ്പതീ ലമ്പാ ലോപാമുദ്രാ ലലന്തിനീ .. 110..

ലന്തികാ ലംബികാ ലംബാ ലഘിമാ ലഘുമധ്യമാ .
ലഘീയസീ ലഘുദയീ ലൂതാ ലൂതാനിവാരിണീ .. 111..

ലോമഭൃല്ലോമലോപ്താ ച ലുലുതീ ലുലുസംയതീ .
ലുലായസ്ഥാ ച ലഹരീ ലങ്കാപുരപുരന്ദരീ .. 112..

ലക്ഷ്മീർലക്ഷ്മീപ്രദാ ലക്ഷ്മ്യാ ലക്ഷാബലമതിപ്രദാ .
ക്ഷുണ്ണാ ക്ഷുപാ ക്ഷണാ ക്ഷീണാ ക്ഷമാ ക്ഷാന്തിഃ ക്ഷണാവതീ .. 113..

ക്ഷാമാ ക്ഷാമോദരീ ക്ഷീമാ ക്ഷൗമഭൃത്ക്ഷത്രിയാംഗനാ .
ക്ഷയാ ക്ഷയകരീ ക്ഷീരാ ക്ഷീരദാ ക്ഷീരസാഗരാ .. 114..

ക്ഷേമങ്കരീ ക്ഷയകരീ ക്ഷയദാ ക്ഷണദാ ക്ഷതിഃ .
ക്ഷുരന്തീ ക്ഷുദ്രികാ ക്ഷുദ്രാ ക്ഷുത്ക്ഷാമാ ക്ഷരപാതകാ .. 115..


.. ഫലശ്രുതിഃ ..

മാതുഃ സഹസ്രനാമേദം പ്രത്യംഗിര്യാ വരപ്രദം .. 1..

യഃ പഠേത്പ്രയതോ നിത്യം സ ഏവ സ്യാന്മഹേശ്വരഃ .
അനാചാന്തഃ പഠേന്നിത്യം ദരിദ്രോ ധനദോ ഭവേത് .. 2..

( var  യഃ പഠേത്പ്രയതോ നിത്യം  ദരിദ്രോ ധനദോ ഭവേത്)
മൂകഃ സ്യാദ്വാക്പതിർദേവി രോഗീ നിരോഗതാം വ്രജേത് .
അപുത്രഃ പുത്രമാപ്നോതി ത്രിഷു ലോകേഷു വിശ്രുതം .. 3..

വന്ധ്യാപി സൂതേ തനയാൻ ഗാവശ്ച ബഹുദുഗ്ധദാഃ .
രാജാനഃ പാദനമ്രാഃ സ്യുസ്തസ്യദാസാ ഇവ സ്ഫുടാഃ .. 4..

അരയഃ സങ്ക്ഷയം യാന്തി മനസാ സംസ്മൃതാ അപി .
ദർശനാദേവ ജായന്തേ നരാ നാര്യോഽപി തദ്വശാഃ .. 5..

കർതാ ഹർതാ സ്വയംവീരോ ജായതേ നാത്രസംശയഃ .
യം യം കാമയതേ കാമം തം തം പ്രാപ്നോതി നിശ്ചിതം .. 6..

ദുരിതം ന ച തസ്യാസ്തേ നാസ്തി ശോകാഃ കദാചന .
ചതുഷ്പഥേഽർധരാത്രേ ച യഃ പഠേത്സാധകോത്തമഃ .. 7..

ഏകാകീ നിർഭയോ ധീരോ ദശാവർതം സ്തവോത്തമം .
മനസാ ചിന്തിതം കാര്യം തസ്യ സിധിർന സംശയഃ .. 8..

വിനാ സഹസ്രനാമ്നാ യോ ജപേന്മന്ത്രം കദാചന .
ന സിദ്ധോ ജായതേ തസ്യ മന്ത്രഃ കല്പശതൈരപി .. 9..

കുജവാരേ ശ്മശാനേ ച മധ്യാഹ്നേ യോ ജപേദഥ .
ശതാവർത്യാ സർജയേത കർതാ ഹർതാ നൃണാമിഹ .. 10..

രോഗാന്തർധോ നിശായാന്തേ പഠിതാമസി സംസ്ഥിതഃ .
സദ്യോ നീരോഗതാമേതി യദി സ്യാന്നിർഭയസ്തദാ .. 11..

അർധരാത്രേ ശ്മശാനേ വാ ശനിവാരേ ജപേന്മനും .
അഷ്ടോത്തരസഹസ്രം തദ്ദശവാരം ജപേത്തതഃ .. 12..

സഹസ്രനാമ ചേത്തദ്ധി തദാ യാതി സ്വയം ശിവാ .
മഹാപവനരൂപേണ ഘോരഗോമായുനാദിനീ .. 13..

തദാ യദി ന ഭീതിഃ സ്യാത്തതോ ദ്രോഹീതി വാ ഭവേത് .
തദാ പശുബലിം ദദ്യാത്സ്വയം ഗൃൺഹാതി ചണ്ഡികാ .. 14..

യഥേഷ്ടം ച വരം ദത്ത്വാ യാതി പ്രത്യംഗിരാ ശിവാ .
രോചനാഗുരുകസ്തൂരീ കർപൂരമദചന്ദനഃ .. 15..

കുങ്കുമപ്രഥമാഭ്യാം തു ലിഖിതം ഭൂർജപത്രകേ .
ശുഭനക്ഷത്രയോഗേ തു കൃത്രിമാകൃതസത്ക്രിയഃ .. 16..

കൃതസമ്പാതനാസിദ്ധിർധാരയേദ്ദക്ഷിണേ കരേ .
സഹസ്രാനാമ സ്വർണസ്ഥം കണ്ഠേ വാപീ ജിതേന്ദ്രിയഃ .. 17..

തദാ യന്ത്രേ നമേന്മന്ത്രീ ക്രുദ്ധാ സമ്മ്രിയതേ നരഃ .
യസ്മൈ ദദാതി യഃ സ്വസ്തി സ ഭവേദ്ധനദോപമഃ .. 18..

ദുഷ്ടശ്വാപദജന്തൂനാം ന ഭീഃ കുത്രാപി ജായതേ .
ബാലകാനാമിമാം രക്ഷാം ഗർഭിണീനാമപി ധ്രുവം .. 19..

മോഹനം സ്തംഭനാകർഷമാരണോച്ചാടനാനി ച .
യന്ത്രധാരണതോ നൂനം ജായന്തേ സാധകസ്യ തു .. 20..

നീലവസ്ത്രേ വിലിഖതം ധ്വജായാം യദി തിഷ്ഠതി .
തദാ നഷ്ടാ ഭവത്യേവ പ്രചണ്ഡാ പരിവാഹിനീ .. 21..

ഏതജ്ജപ്തം മഹാഭസ്മ ലലാടേ യദി ധാരയേത് .
തദ്ദർശനത ഏവ സ്യുഃ പ്രാണിനസ്തസ്യ കിങ്കരാഃ .. 22..

രാജപത്ന്യോഽപി വശഗാഃ കിമന്യാഃ പരയോഷിതഃ .
ഏതജ്ജപ്തം പിബേത്തോയം മാസൈകേന മഹാകവിഃ .. 23..

പണ്ഡിതശ്ച മഹാദീക്ഷോ ജായതേ നാത്രസംശയഃ .
ശക്തിം സമ്പൂജ്യ ദേവേശി പഠേത്സ്തോത്രം വരം ശുഭം .. 24..

ഇഹ ലോകേ സുഖംഭുക്ത്വാ പരത്ര ത്രിദിവം വ്രജേത് .
ഇതി നാമസഹസ്രം തു പ്രത്യംഗിരാ മനോഹരം .. 25..

ഗോപ്യം ഗുപ്തതമം ലോകേ ഗോപനീയം സ്വയോനിവത് .. 26..

.. ഇതി ശ്രീരുദ്രയാമലേ തന്ത്രേ ദശവിദ്യാരഹസ്യേ
ശ്രീപ്രത്യംഗിരാസഹസ്രനാമസ്തോത്രം സമ്പൂർണം ..