SRI BHUVANESWARI SAHASRANAMA STHOTHRAM

 ശ്രീഗണേശായ നമഃ .

ശ്രീദേവ്യുവാച - ശ്രീപാർവത്യുവാച -

ദേവ ദേവ മഹാദേവ സർവശാസ്ത്രവിശാരദ ! .
കപാലഖട്വാംഗധര ! ചിതാഭസ്മാനുലേപന ! .. 1..

യാ ആദ്യാ പ്രകൃതിർനിത്യാ സർവശാസ്ത്രേഷു ഗോപിതാ .
തസ്യാഃ ശ്രീഭുവനേശ്വര്യാ നാമ്നാം പുണ്യം സഹസ്രകം .. 2..

കഥയസ്വ മഹാദേവ ! യഥാ ദേവീ പ്രസീദതി .



ഈശ്വര ഉവാച - ശ്രീമഹേശ്വര ഉവാച -

സാധു പൃഷ്ടം മഹാദേവി ! സാധകാനാം ഹിതായ വൈ .. 3.. 

യാ ആദ്യാ പ്രകൃതിർനിത്യാ സർവശാസ്ത്രേഷു ഗോപിതാ .
യസ്യാഃ സ്മരണമാത്രേണ സർവപാപൈഃ പ്രമുച്യതേ .. 4..

ആരാധനാദ്ഭവേദ്യസ്യാ ജീവന്മുക്തോ ന സംശയഃ .
തസ്യാ നാമസഹസ്രം വൈ കഥയാമി സമാസതഃ .. 5.. 


വിനിയോഗഃ -

അസ്യ ശ്രീഭുവനേശ്വര്യാ സഹസ്രനാമസ്തോത്രസ്യ 
ദക്ഷിണാമൂർതിഋഷിഃ,
പങ്ക്തിശ്ഛന്ദഃ, 
ആദ്യാ ശ്രീഭുവനേശ്വരീദേവതാ, 
ഹ്രീം ബീജം,
ശ്രീം ശക്തിഃ, 
ക്ലീം കീലകം, 
മമ ശ്രീധർമാർഥകാമമോക്ഷാർഥേ
ജപേ വിനിയോഗഃ .


ഋഷ്യാദിന്യാസഃ -

ശ്രീദക്ഷിണാമൂർതിഋഷയേ നമഃ ശിരസി .
പങ്ക്തിശ്ഛന്ദസേ നമഃ മുഖേ .
ആദ്യാ ശ്രീഭുവനേശ്വരീദേവതായൈ നമഃ ഹൃദി .
ഹ്രീം ബീജായ നമഃ ഗുഹ്യേ .
ശ്രീം ശക്തയേ നമഃ നാഭൗ .
ക്ലീം കീലകായ നമഃ പാദയോഃ .
ധർമാർഥകാമമോക്ഷാർഥേ വിനിയോഗായ നമഃ സർവാംഗേ .



അഥ സഹസ്രനാമസ്തോത്രം .

ആദ്യാ മായാ പരാ ശക്തിഃ ശ്രീം ഹ്രീം ക്ലീം ഭുവനേശ്വരീ .
ഭുവനാ ഭാവനാ ഭവ്യാ ഭവാനീ ഭവമോചനീ .. 6.. 

രുദ്രാണീ രുദ്രഭക്താ ച തഥാ രുദ്രപ്രിയാ സതീ .
ഉമാ കാമേശ്വരീ ദുർഗാ മംഗലാ സർവമംഗലാ .. 7.. 

ത്രിപുരാ പരമേശാനീ ത്രിപുരാ സുന്ദരീ പ്രിയാ .
രമണാ രമണീ രാമാ രാമകാര്യകരീ ശുഭാ .. 8..

ബ്രാഹ്മീ നാരായണീ ചണ്ഡീ ചാമുണ്ഡാ മുണ്ഡനായികാ .
മാഹേശ്വരീ ച കൗമാരീ വാരാഹീ ചാപരാജിതാ .. 9..

മഹാമായാ മുക്തകേശീ മഹാത്രിപുരസുന്ദരീ .
സുന്ദരീ ശോഭനാ രക്താ രക്തവസ്ത്രാപിധായിനീ .. 10..

രക്താക്ഷീ രക്തവസ്ത്രാ ച രക്തബീജാതിസുന്ദരീ .
രക്തചന്ദനസിക്താംഗീ രക്തപുഷ്പസദാപ്രിയാ .. 11..

കമലാ കാമിനീ കാന്താ കാമദേവസദാപ്രിയാ .
ലക്ഷ്മീ ലോലാ ചഞ്ചലാക്ഷീ ചഞ്ചലാ ചപലാ പ്രിയാ .. 12..

ഭൈരവീ ഭയഹർത്രീ ച മഹാഭയവിനാശിനീ .
ഭയങ്കരീ മഹാഭീമാ ഭയഹാ ഭയനാശിനീ .. 13..

ശ്മശാനേ പ്രാന്തരേ ദുർഗേ സംസ്മൃതാ ഭയനാശിനീ .
ജയാ ച വിജയാ ചൈവ ജയപൂർണാ ജയപ്രദാ .. 14..

യമുനാ യാമുനാ യാമ്യാ യാമുനജാ യമപ്രിയാ .
സർവേഷാം ജനികാ ജന്യാ ജനഹാ ജനവർധിനീ .. 15..

കാലീ കപാലിനീ കുല്ലാ കാലികാ കാലരാത്രികാ .
മഹാകാലഹൃദിസ്ഥാ ച കാലഭൈരവരൂപിണീ .. 16..

കപാലഖട്വാംഗധരാ പാശാങ്കുശവിധാരിണീ .
അഭയാ ച ഭയാ ചൈവ തഥാ ച ഭയനാശിനീ .. 17..

മഹാഭയപ്രദാത്രീ ച തഥാ ച വരഹസ്തിനീ .
ഗൗരീ ഗൗരാംഗിനീ ഗൗരാ ഗൗരവർണാ ജയപ്രദാ .. 18..

ഉഗ്രാ ഉഗ്രപ്രഭാ ശാന്തിഃ ശാന്തിദാഽശാന്തിനാശിനീ .
ഉഗ്രതാരാ തഥാ ചോഗ്രാ നീലാ ചൈകജടാ തഥാ .. 19..

ഹാം ഹാം ഹൂം ഹൂം തഥാ താരാ തഥാ ച സിദ്ധികാലികാ .
താരാ നീലാ ച വാഗീശീ തഥാ നീലസരസ്വതീ .. 20..

ഗംഗാ കാശീ സതീ സത്യാ സർവതീർഥമയീ തഥാ .
തീർഥരൂപാ തീർഥപുണ്യാ തീർഥദാ തീർഥസേവികാ .. 21..

പുണ്യദാ പുണ്യരൂപാ ച പുണ്യകീർതിപ്രകാശിനീ .
പുണ്യകാലാ പുണ്യസംസ്ഥാ തഥാ പുണ്യജനപ്രിയാ .. 22..

തുലസീ തോതുലാസ്തോത്രാ രാധികാ രാധനപ്രിയാ .
സത്യാസത്യാ സത്യഭാമാ രുക്മിണീ കൃഷ്ണവല്ലഭാ .. 23..

ദേവകീ കൃഷ്ണമാതാ ച സുഭദ്രാ ഭദ്രരൂപിണീ .
മനോഹരാ തഥാ സൗമ്യാ ശ്യാമാംഗീ സമദർശനാ .. 24..

ഘോരരൂപാ ഘോരതേജാ ഘോരവത്പ്രിയദർശനാ .
കുമാരീ ബാലികാ ക്ഷുദ്രാ കുമാരീരൂപധാരിണീ .. 25..

യുവതീ യുവതീരൂപാ യുവതീരസരഞ്ജകാ .
പീനസ്തനീ ക്ഷൂദ്രമധ്യാ പ്രൗഢാ മധ്യാ ജരാതുരാ .. 26..

അതിവൃദ്ധാ സ്ഥാണുരൂപാ ചലാംഗീ ചഞ്ചലാ ചലാ .
ദേവമാതാ ദേവരൂപാ ദേവകാര്യകരീ ശുഭാ .. 27..

ദേവമാതാ ദിതിർദക്ഷാ സർവമാതാ സനാതനീ .
പാനപ്രിയാ പായനീ ച പാലനാ പാലനപ്രിയാ .. 28..

മത്സ്യാശീ മാംസഭക്ഷ്യാ ച സുധാശീ ജനവല്ലഭാ .
തപസ്വിനീ തപീ തപ്യാ തപഃസിദ്ധിപ്രദായിനീ .. 29..

ഹവിഷ്യാ ച ഹവിർഭോക്ത്രീ ഹവ്യകവ്യനിവാസിനീ .
യജുർവേദാ വശ്യകരീ യജ്ഞാംഗീ യജ്ഞവല്ലഭാ .. 30..

ദക്ഷാ ദാക്ഷായിണീ ദുർഗാ ദക്ഷയജ്ഞവിനാശിനീ .
പാർവതീ പർവതപ്രീതാ തഥാ പർവതവാസിനീ .. 31..

ഹൈമീ ഹർമ്യാ ഹേമരൂപാ മേനാ മാന്യാ മനോരമാ .
കൈലാസവാസിനീ മുക്താ ശർവക്രീഡാവിലാസിനീ .. 32..

ചാർവംഗീ ചാരുരൂപാ ച സുവക്ത്രാ ച ശുഭാനനാ .
ചലത്കുണ്ഡലഗണ്ഡശ്രീർലസത്കുണ്ഡലധാരിണീ .. 33..

മഹാസിംഹാസനസ്ഥാ ച ഹേമഭൂഷണഭൂഷിതാ .
ഹേമാംഗദാ ഹേമഭൂഷാ ച സൂര്യകോടിസമപ്രഭാ .. 34..

ബാലാദിത്യസമാകാന്തിഃ സിന്ദൂരാർചിതവിഗ്രഹാ .
യവാ യാവകരൂപാ ച രക്തചന്ദനരൂപധൃക് .. 35..

കോടരീ കോടരാക്ഷീ ച നിർലജ്ജാ ച ദിഗംബരാ .
പൂതനാ ബാലമാതാ ച ശൂന്യാലയനിവാസിനീ .. 36..

ശ്മശാനവാസിനീ ശൂന്യാ ഹൃദ്യാ ചതുരവാസിനീ .
മധുകൈടഭഹന്ത്രീ ച മഹിഷാസുരഘാതിനീ .. 37..

നിശുംഭശുംഭമഥനീ ചണ്ഡമുണ്ഡവിനാശിനീ .
ശിവാഖ്യാ ശിവരൂപാ ച ശിവദൂതീ ശിവപ്രിയാ .. 38..

ശിവദാ ശിവവക്ഷഃസ്ഥാ ശർവാണീ ശിവകാരിണീ .
ഇന്ദ്രാണീ ചേന്ദ്രകന്യാ ച രാജകന്യാ സുരപ്രിയാ .. 39..

ലജ്ജാശീലാ സാധുശീലാ കുലസ്ത്രീ കുലഭൂഷികാ .
മഹാകുലീനാ നിഷ്കാമാ നിർലജ്ജാ കുലഭൂഷണാ .. 40..

കുലീനാ കുലകന്യാ ച തഥാ ച കുലഭൂഷിതാ .
അനന്താനന്തരൂപാ ച അനന്താസുരനാശിനീ .. 41..

ഹസന്തീ ശിവസംഗേന വാഞ്ഛിതാനന്ദദായിനീ .
നാഗാംഗീ നാഗഭൂഷാ ച നാഗഹാരവിധാരിണീ .. 42..

ധരിണീ ധാരിണീ ധന്യാ മഹാസിദ്ധിപ്രദായിനീ .
ഡാകിനീ ശാകിനീ ചൈവ രാകിനീ ഹാകിനീ തഥാ .. 43..

ഭൂതാ പ്രേതാ പിശാചീ ച യക്ഷിണീ ധനദാർചിതാ .
ധൃതിഃ കീർതിഃ സ്മൃതിർമേധാ തുഷ്ടിഃപുഷ്ടിരുമാ രുഷാ .. 44..

ശാങ്കരീ ശാംഭവീ മീനാ രതിഃ പ്രീതിഃ സ്മരാതുരാ .
അനംഗമദനാ ദേവീ അനംഗമദനാതുരാ .. 45..

ഭുവനേശീ മഹാമായാ തഥാ ഭുവനപാലിനീ .
ഈശ്വരീ ചേശ്വരീപ്രീതാ ചന്ദ്രശേഖരഭൂഷണാ .. 46..

ചിത്താനന്ദകരീ ദേവീ ചിത്തസംസ്ഥാ ജനസ്യ ച .
അരൂപാ ബഹുരൂപാ ച സർവരൂപാ ചിദാത്മികാ .. 47..

അനന്തരൂപിണീ നിത്യാ തഥാനന്തപ്രദായിനീ .
നന്ദാ ചാനന്ദരൂപാ ച തഥാഽനന്ദപ്രകാശിനീ .. 48..

സദാനന്ദാ സദാനിത്യാ സാധകാനന്ദദായിനീ .
വനിതാ തരുണീ ഭവ്യാ ഭവികാ ച വിഭാവിനീ .. 49..

ചന്ദ്രസൂര്യസമാ ദീപ്താ സൂര്യവത്പരിപാലിനീ .
നാരസിംഹീ ഹയഗ്രീവാ ഹിരണ്യാക്ഷവിനാശിനീ .. 50..

വൈഷ്ണവീ വിഷ്ണുഭക്താ ച ശാലഗ്രാമനിവാസിനീ .
ചതുർഭുജാ ചാഷ്ടഭുജാ സഹസ്രഭുജസഞ്ജ്ഞിതാ .. 51..

ആദ്യാ കാത്യായനീ നിത്യാ സർവാദ്യാ സർവദായിനീ .
സർവചന്ദ്രമയീ ദേവീ സർവവേദമയീ ശുഭാ .. 52..

സവദേവമയീ ദേവീ സർവലോകമയീ പുരാ .
സർവസമ്മോഹിനീ ദേവീ സർവലോകവശങ്കരീ .. 53..

രാജിനീ രഞ്ജിനീ രാഗാ ദേഹലാവണ്യരഞ്ജിതാ .
നടീ നടപ്രിയാ ധൂർതാ തഥാ ധൂർതജനാർദിനീ .. 54..

മഹാമായാ മഹാമോഹാ മഹാസത്ത്വവിമോഹിതാ .
ബലിപ്രിയാ മാംസരുചിർമധുമാംസപ്രിയാ സദാ .. 55..

മധുമത്താ മാധവികാ മധുമാധവരൂപികാ .
ദിവാമയീ രാത്രിമയീ സന്ധ്യാ സന്ധിസ്വരൂപിണീ .. 56..

കാലരൂപാ സൂക്ഷ്മരൂപാ സൂക്ഷ്മിണീ ചാതിസൂക്ഷ്മിണീ .
തിഥിരൂപാ വാരരൂപാ തഥാ നക്ഷത്രരൂപിണീ .. 57..

സർവഭൂതമയീ ദേവീ പഞ്ചഭൂതനിവാസിനീ .
ശൂന്യാകാരാ ശൂന്യരൂപാ ശൂന്യസംസ്ഥാ ച സ്തംഭിനീ .. 58..

ആകാശഗാമിനീ ദേവീ ജ്യോതിശ്ചക്രനിവാസിനീ .
ഗ്രഹാണാം സ്ഥിതിരൂപാ ച രുദ്രാണീ ചക്രസംഭവാ .. 59..

ഋഷീണാം ബ്രഹ്മപുത്രാണാം തപഃസിദ്ധിപ്രദായിനീ .
അരുന്ധതീ ച ഗായത്രീ സാവിത്രീ സത്ത്വരൂപിണീ .. 60..

ചിതാസംസ്ഥാ ചിതാരൂപാ ചിത്തസിദ്ധിപ്രദായിനീ .
ശവസ്ഥാ ശവരൂപാ ച ശവശത്രുനിവാസിനീ .. 61..

യോഗിനീ യോഗരൂപാ ച യോഗിനാം മലഹാരിണീ .
സുപ്രസന്നാ മഹാദേവീ യാമുനീ മുക്തിദായിനീ .. 62..

നിർമലാ വിമലാ ശുദ്ധാ ശുദ്ധസത്വാ ജയപ്രദാ .
മഹാവിദ്യാ മഹാമായാ മോഹിനീ വിശ്വമോഹിനീ .. 63..

കാര്യസിദ്ധികരീ ദേവീ സർവകാര്യനിവാസിനീ .
കാര്യകാര്യകരീ രൗദ്രീ മഹാപ്രലയകാരിണീ .. 64..

സ്ത്രീപുംഭേദാഹ്യഭേദ്യാ ച ഭേദിനീ ഭേദനാശിനീ .
സർവരൂപാ സർവമയീ അദ്വൈതാനന്ദരൂപിണീ .. 65..

പ്രചണ്ഡാ ചണ്ഡികാ ചണ്ഡാ ചണ്ഡാസുരവിനാശിനീ .
സുമസ്താ ബഹുമസ്താ ച ഛിന്നമസ്താഽസുനാശിനീ .. 66..

അരൂപാ ച വിരൂപാ ച ചിത്രരൂപാ ചിദാത്മികാ .
ബഹുശസ്ത്രാ അശസ്ത്രാ ച സർവശസ്ത്രപ്രഹാരിണീ .. 67..

ശാസ്ത്രാർഥാ ശാസ്ത്രവാദാ ച നാനാ ശാസ്ത്രാർഥവാദിനീ .
കാവ്യശാസ്ത്രപ്രമോദാ ച കാവ്യാലങ്കാരവാസിനീ .. 68..

രസജ്ഞാ രസനാ ജിഹ്വാ രസാമോദാ രസപ്രിയാ .
നാനാകൗതുകസംയുക്താ നാനാരസവിലാസിനീ .. 69..

അരൂപാ ച സ്വരൂപാ ച വിരൂപാ ച സുരൂപിണീ .
രൂപാവസ്യാ തഥാ ജീവാ വേശ്യാദ്യാ വേശധാരിണീ .. 70..

നാനാവേശധരാ ദേവീ നാനാവേശേഷു സംസ്ഥിതാ .
കുരൂപാ കുടിലാ കൃഷ്ണാ കൃഷ്ണാരൂപാ ച കാലികാ .. 71..

ലക്ഷ്മീപ്രദാ മഹാലക്ഷ്മീഃ സർവലക്ഷണസംയുതാ .
കുബേരഗൃഹസംസ്ഥാ ച ധനരൂപാ ധനപ്രദാ .. 72..

നാനാരത്നപ്രദാ ദേവീ രത്നഖണ്ഡേഷു സംസ്ഥിതാ .
വർണസംസ്ഥാ വർണരൂപാ സർവവർണമയീ സദാ .. 73..

ഓങ്കാരരൂപിണീ വാച്യാ ആദിത്യജ്യോതീരൂപിണീ .
സംസാരമോചിനീ ദേവീ സംഗ്രാമേ ജയദായിനീ .. 74..

ജയരൂപാ ജയാഖ്യാ ച ജയിനീ ജയദായിനീ .
മാനിനീ മാനരൂപാ ച മാനഭംഗപ്രണാശിനീ .. 75..

മാന്യാ മാനപ്രിയാ മേധാ മാനിനീ മാനദായിനീ .
സാധകാസാധകാസാധ്യാ സാധികാ സാധനപ്രിയാ .. 76..

സ്ഥാവരാ ജംഗമാ പ്രോക്താ ചപലാ ചപലപ്രിയാ .
ഋദ്ധിദാ ഋദ്ധിരൂപാ ച സിദ്ധിദാ സിദ്ധിദായിനീ .. 77..

ക്ഷേമങ്കരീ ശങ്കരീ ച സർവസമ്മോഹകാരിണീ .
രഞ്ജിതാ രഞ്ജിനീ യാ ച സർവവാഞ്ഛാപ്രദായിനീ .. 78..

ഭഗലിംഗപ്രമോദാ ച ഭഗലിംഗനിവാസിനീ .
ഭഗരൂപാ ഭഗാഭാഗ്യാ ലിംഗരൂപാ ച ലിംഗിനീ .. 79..

ഭഗഗീതിർമഹാപ്രീതിർലിംഗഗീതിർമഹാസുഖാ .
സ്വയംഭൂഃ കുസുമാരാധ്യാ സ്വയംഭൂഃ കുസുമാകുലാ .. 80..

സ്വയംഭൂഃ പുഷ്പരൂപാ ച സ്വയംഭൂഃ കുസുമപ്രിയാ .
ശുക്രകൂപാ മഹാകൂപാ ശുക്രാസവനിവാസിനീ .. 81..

ശുക്രസ്ഥാ ശുക്രിണീ ശുക്രാ ശുക്രപൂജകപൂജിതാ .
കാമാക്ഷാ കാമരൂപാ ച യോഗിനീ പീഠവാസിനീ .. 82..

സർവപീഠമയീ ദേവീ പീഠപൂജാനിവാസിനീ .
അക്ഷമാലാധരാ ദേവീ പാനപാത്രവിധാരിണീ .. 83..

ശൂലിനീ ശൂലഹസ്താ ച പാശിനീ പാശരൂപിണീ .
ഖഡ്ഗിനീ ഗദിനീ ചൈവ തഥാ സർവാസ്ത്രധാരിണീ .. 84..

ഭാവ്യാ ഭവ്യാ ഭവാനീ സാ ഭവമുക്തിപ്രദായിനീ .
ചതുരാ ചതുരപ്രീതാ ചതുരാനനപൂജിതാ .. 85..

ദേവസ്തവ്യാ ദേവപൂജ്യാ സർവപൂജ്യാ സുരേശ്വരീ .
ജനനീ ജനരൂപാ ച ജനാനാം ചിത്തഹാരിണീ .. 86..

ജടിലാ കേശബദ്ധാ ച സുകേശീ കേശബദ്ധികാ .
അഹിംസാ ദ്വേഷികാ ദ്വേഷ്യാ സർവദ്വേഷവിനാശിനീ .. 87..

ഉച്ചാടിനീ ദ്വേഷിനീ ച മോഹിനീ മധുരാക്ഷരാ .
ക്രീഡാ ക്രീഡകലേഖാങ്കകാരണാകാരകാരികാ .. 88..

സർവജ്ഞാ സർവകാര്യാ ച സർവഭക്ഷാ സുരാരിഹാ .
സർവരൂപാ സർവശാന്താ സർവേഷാം പ്രാണരൂപിണീ .. 89..

സൃഷ്ടിസ്ഥിതികരീ ദേവീ തഥാ പ്രലയകാരിണീ .
മുഗ്ധാ സാധ്വീ തഥാ രൗദ്രീ നാനാമൂർതിവിധാരിണീ .. 90..

ഉക്താനി യാനി ദേവേശി അനുക്താനി മഹേശ്വരി .
യത് കിഞ്ചിദ് ദൃശ്യതേ ദേവി തത് സർവം ഭുവനേശ്വരീ .. 91..

ഇതി ശ്രീഭുവനേശ്വര്യാ നാമാനി കഥിതാനി തേ .
സഹസ്രാണി മഹാദേവി ഫലം തേഷാം നിഗദ്യതേ .. 92..

യഃ പഠേത് പ്രാതരുത്ഥായ ചാർദ്ധരാത്രേ തഥാ പ്രിയേ .
പ്രാതഃകാലേ തഥാ മധ്യേ സായാഹ്നേ ഹരവല്ലഭേ .. 93..

യത്ര തത്ര പഠിത്വാ ച ഭക്ത്യാ സിദ്ധിർന സംശയഃ .
പഠേദ് വാ പാഠയേദ് വാപി ശൃണുയാച്ഛ്രാവയേത്തഥാ .. 94..

തസ്യ സർവം ഭവേത് സത്യം മനസാ യച്ച വാഞ്ഛിതം .
അഷ്ടമ്യാം ച ചതുർദശ്യാം നവമ്യാം വാ വിശേഷതഃ .. 95..

സർവമംഗലസംയുക്തേ സങ്ക്രാതൗ ശനിഭൗമയോഃ .
യഃ പഠേത് പരയാ ഭക്ത്യാ ദേവ്യാ നാമസഹസ്രകം .. 96..

തസ്യ ദേഹേ ച സംസ്ഥാനം കുരുതേ ഭുവനേശ്വരീ .
തസ്യ കാര്യം ഭവേദ് ദേവി അന്യഥാ ന കഥഞ്ചന .. 97..

ശ്മശാനേ പ്രാന്തരേ വാപി ശൂന്യാഗാരേ ചതുഷ്പഥേ .
ചതുഷ്പഥേ ചൈകലിംഗേ മേരുദേശേ തഥൈവ ച .. 98..

ജലമധ്യേ വഹ്നിമധ്യേ സംഗ്രാമേ ഗ്രാമശാന്തയേ .
ജപത്വാ മന്ത്രസഹസ്രം തു പഠേന്നാമസഹസ്രകം .. 99..

ധൂപദീപാദിഭിശ്ചൈവ ബലിദാനാദികൈസ്തഥാ .
നാനാവിധൈസ്തഥാ ദേവി നൈവേദ്യൈർഭുവനേശ്വരീം .. 100..

സമ്പൂജ്യ വിധിവജ്ജപ്ത്വാ സ്തുത്വാ നാമസഹസ്രകൈഃ .
അചിരാത് സിദ്ധിമാപ്നോതി സാധകോ നാത്ര സംശയഃ .. 101..

തസ്യ തുഷ്ടാ ഭവേദ് ദേവീ സർവദാ ഭുവനേശ്വരീ .
ഭൂർജപത്രേ സമാലിഖ്യ കുങകുമാദ് രക്തചന്ദനൈഃ .. 102..

തഥാ ഗോരോചനാദ്യൈശ്ച വിലിഖ്യ സാധകോത്തമഃ .
സുതിഥൗ ശുഭനക്ഷത്രേ ലിഖിത്വാ ദക്ഷിണേ ഭുജേ .. 103..

ധാരയേത് പരയാ ഭക്ത്യാ ദേവീരൂപേണ പാർവതി ! .
തസ്യ സിദ്ധിർമഹേശാനി അചിരാച്ച ഭവിഷ്യതി .. 104..

രണേ രാജകുലേ വാഽപി സർവത്ര വിജയീ ഭവേത് .
ദേവതാ വശമായാതി കിം പുനർമാനവാദയഃ .. 105..

വിദ്യാസ്തംഭം ജലസ്തംഭം കരോത്യേവ ന സംശയഃ .
പഠേദ് വാ പാഠയേദ് വാഽപി ദേവീഭക്ത്യാ ച പാർവതി .. 106..

ഇഹ ഭുക്ത്വാ വരാൻ ഭോഗാൻ കൃത്വാ കാവ്യാർഥവിസ്തരാൻ .
അന്തേ ദേവ്യാ ഗണത്വം ച സാധകോ മുക്തിമാപ്നുയാത് .. 107..

പ്രാപ്നോതി ദേവദേവേശി സർവാർഥാന്നാത്ര സംശയഃ .
ഹീനാംഗേ ചാതിരിക്താംഗേ ശഠായ പരശിഷ്യകേ .. 108..

ന ദാതവ്യം മഹേശാനി പ്രാണാന്തേഽപി കദാചന .
ശിഷ്യായ മതിശുദ്ധായ വിനീതായ മഹേശ്വരി .. 109..

ദാതവ്യഃ സ്തവരാജശ്ച സർവസിദ്ധിപ്രദോ ഭവേത് .
ലിഖിത്വാ ധാരയേദ് ദേഹേ ദുഃഖം തസ്യ ന ജായതേ .. 110..

യ ഇദം ഭുവനേശ്വര്യാഃ സ്തവരാജം മഹേശ്വരി .
ഇതി തേ കഥിതം ദേവി ഭുവനേശ്യാഃ സഹസ്രകം .. 111..

യസ്മൈ കസ്മൈ ന ദാതവ്യം വിനാ ശിഷ്യായ പാർവതി .
സുരതരുവരകാന്തം സിദ്ധിസാധ്യൈകസേവ്യം

  യദി പഠതി മനുഷ്യോ നാന്യചേതാഃ സദൈവ .
ഇഹ ഹി സകലഭോഗാൻ പ്രാപ്യ ചാന്തേ ശിവായ
  വ്രജതി പരസമീപം സർവദാ മുക്തിമന്തേ .. 112..

.. ഇതി ശ്രീരുദ്രയാമലേ തന്ത്രേ ഭുവനേശ്വരീസഹസ്രനാമാഖ്യം
സ്തോത്രം സമ്പൂർണം .. ശ്രീരസ്തു ..