ശ്രീ ദക്ഷിണകാളികാ കവചം
(ത്രൈലോക്യമോഹനം)
ശ്രീഗണേശായ നമഃ
ശ്രീദേവ്യുവാച:
ദേവദേവ! മഹാദേവ! സംസാരപ്രീതികാരക | സർവവിദ്യേശ്വരീ-വിദ്യാകവചം കഥയ ധ്രുവം || 1 ||
ശ്രീശിവ ഉവാച:
ശൃണു ദേവി മഹാവിദ്യാം സർവവിദ്യോത്തമോത്തമാം | സർവേശ്വരീം മഹാവിദ്യാം സർവദേവപ്രപൂജിതാം || 2 ||
യസ്യാഃ കടാക്ഷമാത്രേണ ത്രൈലോക്യവിജയീ ഹരഃ | ബഭൂവ കമലാനാഥോ വിഷ്ണുർബ്രഹ്മാ പ്രജാപതിഃ || 3 ||
ശചീസ്വാമീ ദേവനാഥോ യമോഽപി ധർമനായകഃ | ത്രൈലോക്യപാവനീ ഗംഗാ കമലാ ശ്രീർഹരിപ്രിയാ || 4 ||
ദിനസ്വാമീ രവിശ്ചന്ദ്രോ നിശാപതിർഗ്രഹേശ്വരഃ | ജലാധിപശ്ച വരുണഃ കുബേരോഽപി ധനേശ്വരഃ || 5 ||
അവ്യാഹതഗതിർവായുർഗജാസ്യോ വിഘ്നനാശകഃ | വാഗീശ്വരഃ സുരാചാര്യോ ദൈത്യാചാര്യോ ഗുരുഃ കവിഃ || 6 ||
ഏവം ഹി സർവദേവാശ്ച സർവസിദ്ധിശ്വരാഃ പ്രിയേ | തസ്യാസ്തു കവചം ദിവ്യം മന്ത്രരൂപം വിഭാവയ || 7 ||
അഥ വിനിയോഗഃ
ഓം അസ്യ ശ്രീദക്ഷിണകാലീകവചമന്ത്രസ്യ ഭൈരവ ഋഷിഃ, അനുഷ്ടുപ് ഛന്ദഃ, ശ്മശാനകാലീ ദേവതാ, ധർമാർഥകാമമോക്ഷാർഥേ ജപേ വിനിയോഗഃ |
അഥ കവചം
ലലാടം പാതു മേ ക്രീം മേ ഹരേണാരാധിതാ സദാ |
നേത്രേ മേ രക്ഷതു ക്രീം ക്രീം വിഷ്ണുനാ സേവിതാ പുരാ || 8 ||
ക്രീം ഹൂം ഹ്രീം നാസികാം പാതു ബ്രഹ്മണാ സേവിതാ പുരാ |
ക്രീം ക്രീം ക്രീം വദനം പാതു ശക്രേണാരാധിതാ സദാ || 9 ||
ക്രീം സ്വാഹാ ശ്രവണം പാതു യമേനൈവ പ്രപൂജിതാ |
ക്രീം ഹൂം ഹ്രീം സ്വാഹാ രസനാം ഗംഗയാ സേവിതാഽവതു || 10 ||
ദന്തപങ്ക്തിം സദാ പാതു ഓം ക്രീം ഹൂം ഹ്രീം സ്വാഹാ മമ |
ഭുക്തിമുക്തിപ്രദാ കാലീ ശ്രിയാ നിത്യം സുസേവിതാ || 11 ||
ഓഷ്ഠാധരം സദാ പാതു ക്രീം ക്രീം ഹൂം ഹൂം ഹ്രീം ഹ്രീം മമ |
സൂര്യേണാരാധിതാ വിദ്യാ സർവസിദ്ധിപ്രദായികാ || 12 ||
കണ്ഠം പാതു മഹാകാലീ ഓം ക്രീം ഹ്രീം മേം സ്വാഹാ മമ |
ചന്ദ്രേണാരാധിതാ വിദ്യാ ചതുർവർഗഫലപ്രദാ || 13 ||
ഹസ്തയുഗ്മം സദാ പാതു ക്രീം ക്രീം ഹൂം ഹൂം ഹ്രീം ഹ്രീം സ്വാഹാ |
സൗഖ്യദാ മോക്ഷദാ കാലീ വരുണേനൈവ സേവിതാ || 14 ||
ഓം ക്രീം ക്രീം ഹൂം ഹ്രീം ഫട് സ്വാഹാ ഹൃദയം പാതു സർവദാ |
സർവസമ്പത്പ്രദാ കാലീ കുബേരേണോപസേവിതാ || 15 ||
ഐം ഹ്രീം ഓം ഐം ഹൂം ഫട് സ്വാഹാ സ്തനദ്വന്ദ്വം സദാവതു |
വായുനോപാസിതാ കാലീ യശോബലസുഖപ്രദാ || 16 ||
ക്രീം ക്രീം ഹൂം ഹൂം ഹ്രീം ഹ്രീം ഫട് ച സാ പാതു ജഠരം മമ |
സർവസിദ്ധിപ്രദാ കാലീ ഗണനാഥേന സേവിതാ || 17 ||
ക്രീം ദക്ഷിണേ കാലികേ ഹ്രീം സ്വാഹാ നാഭിം മമാഽവതു |
സിദ്ധിബുദ്ധികരീ കാലീ ഗുരുണാ സേവിതാ പുരാ || 18 ||
ലിംഗം പാതു സദാ ഹൂം ഹൂം ദക്ഷിണേ കാലികേ ഹ്രീം ഹ്രീം |
ശുക്രേണാരാധിതാ കാലീ ത്രൈലോക്യജയദായിനീ || 19 ||
പാത്വണ്ഡകോശം ഫട് ക്രീം ക്രീം ദക്ഷിണേ കാലികേ സ്വാഹാ | ധരയാ
സേവിതാ വിദ്യാ സർവരത്നപ്രദായിനീ || 20 ||
പാതു ഗുദം ക്രീം ക്രീം ദക്ഷിണേ കാലികേ ഹ്രീം ഹ്രീം സ്വാഹാ |
ദ്വാദശീ ച മഹാവിദ്യാ രാഘവേണാർചിതാ സദാ || 21 ||
ജാനുനീ പാതു ഓം ക്രീം ക്രീം ദക്ഷിണേ കാലികേ സ്വാഹാ |
ഏകാദശീ മഹാവിദ്യാ മേഘനാദേന സേവിതാ || 22 ||
ക്രീം ക്രീം ദക്ഷിണേ കാലികേ ഹ്രീം ഹ്രീം സ്വാഹാ ജംഘേഽവതു |
ദ്വാദശീ ച മഹാവിദ്യാ പ്രഹ്ലാദേന ച സേവിതാ || 23 ||
ക്രീം ഹൂം ഹ്രീം ദക്ഷിണേ കാലികേ ക്രീം ഹൂം ഹ്രീം സ്വാഹാഽവതു |
ചതുർദശീ പാദയുഗ്മം ഗുരുദേവേന സേവിതാ || 24 ||
ക്രീം ഹൂം ഹ്രീം ദക്ഷിണേ കാലികേ ക്രീം ഹൂം ഹ്രീം തഥാഽങ്ഗുലീഃ |
പാതു മേ ദ്വാദശീ കാലീ ക്ഷേത്രപാലേന സേവിതാ || 25 ||
ഓം ക്രീം ഹൂം ഹ്രീം ദക്ഷിണേ കാലികേ ക്രീം ഹൂം ഹ്രീം സ്വാഹാ ച |
നഖാൻ സർവാൻ സദാ പാതു പഞ്ചദശീ ഗ്രഹേശ്വരീ || 26 ||
ക്രീം ക്രീം ക്രീം ഹൂം ഹൂം ഹ്രീം ഹ്രീം ദക്ഷിണേ
കാലികേ ക്രീം ക്രീം ക്രീം |
മമ പൃഷ്ഠേ സദാ പാതു ഷോഡശീ പരമേശ്വരീ || 27 ||
ക്രീം ക്രീം ക്രീം പാതു രോമാണി ഹൂം ഹൂം രക്ഷതു വർമണി |
മാംസം പാതു സദാ ഹ്രീം ഹ്രീം രക്തം ദക്ഷിണകാലികാ || 28 ||
ക്രീം ക്രീം ക്രീം പാതു മേ ചാസ്ഥി മജ്ജാം ഹൂം ഹൂം സദാഽവതു |
ഹ്രീം ഹ്രീം ശുക്രം സദാ പാതു രന്ധ്രം സ്വാഹാ മമാഽവതു || 29 ||
ഫലശ്രുതി
ദ്വാവിംശത്യക്ഷരീ വിദ്യാ സർവലോകേഷു ദുർലഭാ | മഹാവിദ്യേശ്വരീ വിദ്യാ സർവതന്ത്രേഷു ഗോപിതാ || 30 ||
സൂര്യവംശേന സോമേന രാമേണ ജമദഗ്നിനാ | ജയന്തേന സുനന്ദേന ബലിനാ നാരദേന ച || 31 ||
വിഭീഷണേന ബാണേന ഭൃഗുണാ കശ്യപേന ച | കപിലേന വസിഷ്ഠേന ധൗമ്യേന ത്രിപുരേണ ച || 32 ||
മാർകണ്ഡയേന ധ്രുവേണൈവ ദ്രോണേന സത്യഭാമയാ | ഋഷ്യശൃംഗേന കർണേന ഭാരദ്വാജേന സംയുതാ || 33 ||
സർവൈരാരാധിതാ വിദ്യാ ജരാമൃത്യുവിനാശിനീ | പൂർണവിദ്യാ മഹാകാലീ വിദ്യാരാജ്ഞീ പ്രകീർതിതാ || 34 ||
കാലീ കപാലിനീ കുല്ലാ കുരുകുല്ലാ വിരോധിനീ | വിപ്രചിത്താ തഥോഗ്രോഗ്രപ്രഭാ ദീപ്താ ഘനത്വിഷാ || 35 ||
നീലാ ഘനാ ബലാകാ ച മാത്രാ മുദ്രാ മിതാഽപി ച | ഏതാഃ സർവാ ഖഡ്ഗധരാ മുണ്ഡമാലാവിഭൂഷണാ || 36 ||
ഹൂം ഹൂംകാരാട്ടഹാസേന സർവത്ര പാതു മാം സദാ | ബ്രഹ്മാണീ പാതു മാം പൂർവേ ചാഗ്നേയ്യാം വൈഷ്ണവീ തഥാ || 37 ||
മാഹേശ്വരീ പാതു യാമ്യേ ചാമുണ്ഡാ നൈരൃതേ സദാ | കൗമാരീ വാരുണേ പാതു വായവ്യേ ചാപരാജിതാ || 38 ||
വാരാഹീ ചോത്തരേ പാതു ചേശാന്യാം നാരസിംഹികാ | അധ ഊർധ്വേ പാതു കാലീ പാർശ്വേ പൃഷ്ഠേ ച കാലികാ || 39 ||
ജലേ സ്ഥലേ ച പാതാലേ ശയനേ ഭോജനേ ഗൃഹേ | രാജസ്ഥാനേ കാനന ച വിവാദേ മരണേ രണേ || 40 ||
പർവതേ പ്രാന്തരേ ശൂന്യേ പാതു മാം കാലികാ സദാ | ശവാസനേ ശ്മശാനേ വാ ശൂന്യാഗാരേ ചതുഷ്പഥേ || 41 ||
യത്ര യത്ര ഭയപ്രാപ്തിഃ സർവത്ര പാതു കാലികാ | നക്ഷത്രതിഥിവാരേഷു യോഗകരണയോരപി || 42 ||
മാസേ പക്ഷേ വത്സരേ ച ദണ്ഡേ യാമേ നിമേഷകേ | ദിവാരാത്രൗ സദാ പാതു സന്ധ്യയോഃ പാതു കാലികാ || 43 ||
സർവത്ര കാലികാ പാതു കാലികാ പാതു സർവദാ | സകൃദ്യഃ ശൃണുയാന്നിത്യം കവചം ശിവനിർമിതം || 44 ||
സർവപാപം പരിത്യജ്യ ഗച്ഛേച്ഛിവസ്യ ചാലയം | ത്രൈലോക്യമോഹനം ദിവ്യം ദേവതാനാം സുദുർലഭം || 45 ||
യഃ പഠേത്സാധകാധീശഃ സർവകർമജയാന്വിതഃ | സർവധർമേ ഭവേദ്ധർമീ സർവവിദ്യേശ്വരേശ്വരഃ || 46 ||
കുബേര ഇവ വിത്താഢ്യഃ സുവാണീ കോകിലസ്വരഃ | കവിത്വേ വ്യാസസദൃശോ ഗണേശവച്ഛ്രുതിധരഃ || 47 ||
കാമദേവസമോ രൂപേ വായുതുല്യഃ പരാക്രമേ | മഹേശ ഇവ യോഗീന്ദ്ര ഐശ്വര്യേ സുരനായകഃ || 48 ||
ബൃഹസ്പതിസമോ ധീമാൻ ജരാമൃത്യുവിവർജിതഃ | സർവജ്ഞഃ സർവദർശീ ച നിഷ്പാപഃ സകലപ്രിയഃ || 49 ||
അവ്യാഹതഗതിഃ ശാന്തോ ഭാര്യാപുത്രസമന്വിതഃ | യോ ദേഹേ കുരുതേ നിത്യം കവചം ദേവദുർലഭം || 50 ||
ന ശോകോ ന ഭയം ക്ലേശോ ന രോഗോ ന പരാജയഃ | ധനഹാനിർവിഷാദോഽപി പരവ്യാധിർഭവേന്നഹി || 51 ||
സംഗ്രാമേഷു ജയേച്ഛത്രൂൻ യഥാ വഹ്നിർദഹേദ്വനം | ബ്രഹ്മാസ്ത്രാസ്ത്രാന്യശസ്ത്രാണി പശവഃ കണ്ടകാദയഃ || 52 ||
തസ്യ ദേഹം ന ഭിനത്തി വജ്രാധികം ഭവേദ്വപുഃ | ഗ്രഹഭൂതപിശാശ്ച യക്ഷരാക്ഷസകിന്നരാഃ || 53 ||
സർവേ ദൂരാത്പലായന്തേ ഹിംസകോ നശ്യതി ധ്രുവം | തദ്ദേഹം ന ദഹേദഗ്നിർന താപയതി ഭാസ്കരഃ || 54 ||
ന ശോഷയതി വാതോഽപി ന ക്ലേദം കുരുതേ പയഃ | പുത്രവത്പാല്യതേ കാല്യാ ന ഹിമം കുരുതേ ശശീ || 55 ||
ജലസൂര്യേന്ദുവാതാനാം സ്തംഭകേ നാത്ര സംശയഃ | ബഹു കിം കഥയിഷ്യാമി സർവസിദ്ധിമുപാലഭേത് || 56 ||
രാജ്യം ഭോഗം സുഖം ലബ്ധ്വാ സ്വേച്ഛയാപി ശിവോ ഭവേത് | മോഹനസ്തംഭനാകർഷമാരണോച്ചാടനം ഭവേത് || 57 ||
കാകവന്ധ്യാ ച യാ നാരീ വന്ധ്യാ വാ മൃതപുത്രികാ | കണ്ഠേ വാ ദക്ഷിണേ ബാഹൗ ലിഖിത്വാ ധാരയേദ്യദി || 58 ||
തദാ പുത്രോ ഭവേത്സത്യം ചിരായുഃ പണ്ഡിതഃ ശുചിഃ | സ്വാമിനോ വല്ലഭാ സാപി ധനധാന്യസുതാന്വിതാ || 59 ||
ഇദം കവചമജ്ഞാത്വാ യോ ജപേത്കാലികാമനും | ധ്യാനേന കോടിജപ്തേന തസ്യ വിദ്യാ ന സിദ്ധ്യതി || 60 ||
പദേ പദേ ഭവേദ്ദുഃഖം ലോകാനാം നിന്ദിതോ ധ്രുവം | ഇഹലോകേ ഭവേദ്ദുഃഖീ പരേ ച നരകം വ്രജേത് || 61 ||
ഗുരും മനും സമം ജ്ഞാത്വാ യഃ പഠേത്കവചോത്തമം | തസ്യ വിദ്യാ ഭവേത്സിദ്ധാ സത്യം സത്യം വരാനനേ || 62 ||
യ ഇദം കവചം ദിവ്യം പ്രകാശ്യ സിദ്ധിഹാ ഭവേത് | ഭക്തായ ശ്രേഷ്ഠപുത്രായ സാധകായ പ്രകാശയേത് || 63 ||
ഇതി ശ്രീരുദ്രയാമലേ ദേവീശങ്കരസംവാദേ ത്രൈലോക്യമോഹനം നാമ ദക്ഷിണാകാലികാ കവചം സമ്പൂർണം.
No comments:
Post a Comment