Hanuman Sahasranama Sthothram (From Rudrayamala Tantra)

 

ഹനുമത്സഹസ്രനാമസ്തോത്രം  (രുദ്രയാമള തന്ത്രത്തിൽ നിന്നുള്ള)


കൈലാസശിഖരേ രമ്യേ ദേവദേവം മഹേശ്വരം .
ധ്യാനോപരതമാസീനം നന്ദിഭൃംഗിഗണൈർവൃതം .. 1..

ധ്യാനാന്തേ ച പ്രസന്നാസ്യമേകാന്തേ സമുപസ്ഥിതം .
ദൃഷ്ട്വാ ശംഭും തദാ ദേവീ പപ്രച്ഛ കമലാനനാ .. 2..

ദേവ്യുവാച

ശൃണു ദേവ പ്രവക്ഷ്യാമി സംശയോഽസ്തി മഹാന്മമ .
രുദ്രൈകാദശമാഖ്യാതം പുരാഹം ന ച വേദ്മി തം .. 3..

കഥയസ്വ മഹാപ്രാജ്ഞ സർവതോ നിർണയം ശുഭം .
സമാരാധയതോ ലോകേ ഭുക്തിമുക്തിഫലം ഭവേത് .. 4..

മന്ത്രം യന്ത്രം തഥാ തന്നിർണയം ച വിധിപൂജനം .
തത്സർവം ബ്രൂഹി മേ നാഥ കൃതാർഥാ ച ഭവാമ്യഹം .. 5..

ഈശ്വര ഉവാച

ശൃണു ദേവി പ്രവക്ഷ്യാമി ഗോപ്യം സർവാഗമേ സദാ .
സർവസ്വം മമ ലോകാനാം നൃണാം സ്വർഗാപവർഗദം .. 6..

ദശ വിഷ്ണുർദ്വാദശാർകാസ്തേ ചൈകാദശ സംസ്മൃതാഃ .
രുദ്രഃ പരമചണ്ഡശ്ച ലോകേഽസ്മിൻഭുക്തിമുക്തിദഃ .. 7..

ഹനുമാൻസ മഹാദേവഃ കാലകാലഃ സദാശിവഃ .
ഇഹൈവ ഭുക്തികൈവല്യമുക്തിദഃ സർവകാമദഃ .. 8..

ചിദ്രൂപീ ച ജഗദ്രൂപസ്തഥാരൂപവിരാഡഭൂത് .
രാവണസ്യ വധാർഥായ രാമസ്യ ച ഹിതായ ച .. 9..

അഞ്ജനീഗർഭസംഭൂതോ വായുരൂപീ സനാതനഃ .
യസ്യ സ്മരണമാത്രേണ സർവവിഘ്നം വിനശ്യതി .. 10..

മന്ത്രം തസ്യ പ്രവക്ഷ്യാമി കാമദം സുരദുർലഭം .
നിത്യം പരതരം ലോകേ ദേവദൈത്യേഷു ദുർലഭം .. 11..

പ്രണവം പൂർവമുദ്ധൃത്യ കാമരാജം തതോ വദേത് .
ഓം നമോ ഭഗവതേ ഹനുമതേഽപി തതോ വദേത് .. 12..

തതോ വൈശ്വാനരോ മായാമന്ത്രരാജമിമം പ്രിയേ .
ഏവം ബഹുതരാ മന്ത്രാഃ സർവശാസ്ത്രേഷു ഗോപിതാഃ .. 13..

ഓം ക്ലീം നമോ ഭഗവതേ ഹനുമതേ സ്വാഹാ
യേന വിജ്ഞാതമാത്രേണ ത്രൈലോക്യം വശമാനയേത് .
വഹ്നിം ശീതങ്കരോത്യേവ വാതം ച സ്ഥിരതാം നയേത് .. 14..

വിഘ്നം ച നാശയത്യാശു ദാസവത്സ്യാജ്ജഗത്ത്രയം .
ധ്യാനം തസ്യ പ്രവക്ഷ്യാമി ഹനുര്യേന പ്രസീദതി .. 15..


ഭഗവാൻ ശിവൻ പാർവതി ദേവിക്ക് ഹനുമാന്റെ മാഹാത്മ്യത്തെയും 
മന്ത്രത്തെയും കുറിച്ച് ഉപദേശിച്ചു കൊടുക്കുന്ന രീതിയിലാണ് ഈ ഭാഗം
ക്രമീകരിച്ചിരിക്കുന്നത്.
കൈലാസശിഖരത്തിൽ ധ്യാനനിരതനായിരിക്കുന്ന മഹാദേവനെ 
ദർശിച്ച പാർവതി ദേവി, അദ്ദേഹം ധ്യാനത്തിൽ നിന്ന് ഉണർന്ന 
സമയത്ത് ഒരു സംശയം ചോദിക്കുന്നു.
പതിനൊന്ന് രുദ്രന്മാരെക്കുറിച്ച് പുരാണങ്ങളിൽ കേട്ടിട്ടുണ്ടെങ്കിലും
 അവരെക്കുറിച്ച് പൂർണ്ണമായി അറിയില്ലെന്നും, ലോകർക്ക് ഭുക്തിയും 
(ഭൗതിക സുഖം) മുക്തിയും നൽകുന്ന ആ പരമമായ തത്വത്തെയും 
അതിന്റെ മന്ത്രം, യന്ത്രം, പൂജാവിധി എന്നിവയെയും കുറിച്ച് 
പറഞ്ഞുതരണമെന്നും ദേവി അപേക്ഷിക്കുന്നു.
ശിവൻ മറുപടി നൽകുന്നു: "ദേവി, എല്ലാ ആഗമങ്ങളിലും 
അതീവ രഹസ്യമായി വെച്ചിരിക്കുന്നതും മനുഷ്യർക്ക് സ്വർഗ്ഗവും 
മോക്ഷവും നൽകുന്നതുമായ ആ തത്വം ഞാൻ പറയാം. 
വിഷ്ണുവിന്റെ ദശാവതാരങ്ങളും പന്ത്രണ്ട് ആദിത്യന്മാരും ഉള്ളതുപോലെ 
പതിനൊന്ന് രുദ്രന്മാരുണ്ട്. അതിൽ ഏറ്റവും പ്രധാനപ്പെട്ടവനും 
കാലകാലനും സദാശിവനുമായ രൂപമാണ് ഹനുമാൻ."

അവതാര ലക്ഷ്യം: രാവണ വധത്തിനും ശ്രീരാമന്റെ 
ഹിതത്തിനുമായി അഞ്ജനാപുത്രനായി വായുരൂപത്തിൽ 
അവതരിച്ച സനാതനമൂർത്തിയാണ് ഹനുമാൻ. അദ്ദേഹത്തെ 
സ്മരിക്കുന്ന മാത്രയിൽ തന്നെ എല്ലാ വിഘ്നങ്ങളും നശിക്കുന്നു.
മന്ത്ര ഉപദേശം (ശ്ലോകം 11 - 15)
ദേവന്മാർക്കും ദൈത്യന്മാർക്കും പോലും ലഭിക്കാൻ പ്രയാസമുള്ള 
ഹനുമദ് മന്ത്രത്തെക്കുറിച്ച് ശിവൻ വിവരിക്കുന്നു.
മന്ത്രം: "ഓം ക്ലീം നമോ ഭഗവതേ ഹനുമതേ സ്വാഹാ" 
(ഓം - പ്രണവം, ക്ലീം - കാമരാജ ബീജം).
ഫലം: ഈ മന്ത്രം അറിയുന്നവന് മൂന്നുലോകങ്ങളെയും 
വശത്താക്കാൻ സാധിക്കും. അഗ്നിയെ തണുപ്പിക്കാനും വായുവിനെ
സ്തംഭിപ്പിക്കാനും ഈ മന്ത്രശക്തിക്ക് കഴിയും. വിഘ്നങ്ങളെ 
നശിപ്പിക്കുകയും ജഗത്തിനെ ദാസനെപ്പോലെ അനുകൂലമാക്കുകയും 
ചെയ്യുന്നു.

-----------------------------------------------------------------------
ധ്യാനം -

പ്രദീപ്തം സ്വർണവർണാഭം ബാലാർകാരുണലോചനം .
സ്വർണമേരുവിശാലാംഗം ശതസൂര്യസമപ്രഭം .. 16..

രക്താംബരം ധരാസീനം സുഗ്രീവാദിയുതം തഥാ .
ഗോഷ്പദീകൃതവാരീശം മശകീകൃതരാക്ഷസം .. 17..

പുച്ഛവന്തം കപീശം തം മഹാരുദ്രം ഭയങ്കരം .
ജ്ഞാനമുദ്രാലസദ്ബാഹും സർവാലങ്കാരഭൂഷിതം .. 18..




ധ്യാനസ്യ ധാരണാദേവ വിഘ്നാന്മുക്തഃ സദാ നരഃ .
ത്രിഷു ലോകേഷു വിഖ്യാതഃ സർവത്ര വിജയീ ഭവേത് .. 19..

നാമ്നാം തസ്യ സഹസ്രം തു കഥയിഷ്യാമി തേ ശൃണു .
യസ്യ സ്മരണമാത്രേണ വാദീ മൂകോ ഭവേദ്ധ്രുവം .. 20..

സ്തംഭനം പരസൈന്യാനാം മാരണായ ച വൈരിണാം .
ദാരയേച്ഛാകിനീഃ ശീഘ്രം ഡാകിനീഭൂതപ്രേതകാൻ .. 21..

ഹരണം രോഗശത്രൂണാം കാരണം സർവകർമണാം .
താരണം സർവവിഘ്നാനാം മോഹനം സർവയോഷിതാം .. 22..

ധാരണം സർവയോഗാനാം വാരണം ശീഘ്രമാപദാം .. 23..

-----------------------------------------------------------------

ഓം അസ്യ ശ്രീഹനുമതഃ സഹസ്രനാമസ്തോത്രമന്ത്രസ്യ 
സദാശിവ ഋഷിഃ .
അനുഷ്ടുപ് ഛന്ദഃ . 
ശ്രീഹനുമാൻ ദേവതാ . 
ഓം ക്ലീം ഇതി ബീജം .
നമ ഇതി കീലകം . 
സ്വാഹേതി ശക്തിഃ .
സമസ്തപുരുഷാർഥസിദ്ധ്യർഥേ ജപേ വിനിയോഗഃ .

-----------------------------------------------------------------

ഓംഓങ്കാരനമോരൂപമോംനമോരൂപപാലകഃ .
ഓങ്കാരമയോങ്കാരകൃദോങ്കാരാത്മാ സനാതനഃ .. 24..

ബ്രഹ്മബ്രഹ്മമയോ ബ്രഹ്മജ്ഞാനീ ബ്രഹ്മസ്വരൂപവിത് .
കപീശഃ കപിനാഥശ്ച കപിനാഥസുപാലകഃ .. 25..

കപിനാഥപ്രിയഃ കാലഃ കപിനാഥസ്യ ഘാതകഃ .
കപിനാഥശോകഹർതാ കപിഭർതാ കപീശ്വരഃ .. 26..

കപിജീവനദാതാ ച കപിമൂർതിഃ കപിർഭൃതഃ .
കാലാത്മാ കാലരൂപീ ച കാലകാലസ്തു കാലഭുക് .. 27..

കാലജ്ഞാനീ കാലകർതാ കാലഹാനിഃ കലാനിധിഃ .
കലാനിധിപ്രിയഃ കർതാ കലാനിധിസമപ്രഭഃ .. 28..

കലാപീ ച കലാപാതാ കീശത്രാതാ കിശാം പതിഃ .
കമലാപതിപ്രിയഃ കാകസ്വരഘ്നഃ കുലപാലകഃ .. 29..

കുലഭർതാ കുലത്രാതാ കുലാചാരപരായണഃ .
കാശ്യപാഹ്ലാദകഃ കാകധ്വംസീ കർമകൃതാം പതിഃ .. 30..

കൃഷ്ണഃ കൃഷ്ണസ്തുതിഃ കൃഷ്ണകൃഷ്ണരൂപോ മഹാത്മവാൻ .
കൃഷ്ണവേത്താ കൃഷ്ണഭർതാ കപീശഃ ക്രോധവാൻ കപിഃ .. 31..

കാലരാത്രിഃ കുബേരശ്ച കുബേരവനപാലകഃ .
കുബേരധനദാതാ ച കൗസല്യാനന്ദജീവനഃ .. 32..

കോസലേശപ്രിയഃ കേതുഃ കപാലീ കാമപാലകഃ .
കാരുണ്യഃ കരുണാരൂപഃ കരുണാനിധിവിഗ്രഹഃ .. 33..

കാരുണ്യകർതാ ദാതാ ച കപിഃ സാധ്യഃ കൃതാന്തകഃ .
കൂർമഃ കൂർമപതിഃ കൂർമഭർതാ കൂർമസ്യ പ്രേമവാൻ .. 34..

കുക്കുടഃ കുക്കുടാഹ്വാനഃ കുഞ്ജരഃ കമലാനനഃ .
കുഞ്ജരഃ കലഭഃ കേകിനാദജിത്കല്പജീവനഃ .. 35..

കല്പാന്തവാസീ കല്പാന്തദാതാ കല്പവിബോധകഃ .
കലഭഃ കലഹസ്തശ്ച കമ്പഃ കമ്പപതിസ്തഥാ .. 36..

കർമഫലപ്രദഃ കർമാ കമനീയഃ കലാപവാൻ .
കമലാസനബന്ധശ്ച-കമ്പഃ-കമലാസനപൂജകഃ .. 37..

കമലാസനസേവീ ച കമലാസനമാനിതഃ .
കമലാസനപ്രിയഃ കംബുഃ കംബുകണ്ഠോഽപി കാമധുക് .. 38..

കിഞ്ജൽകരൂപീ കിഞ്ജൽകഃ കിഞ്ജൽകാവനിവാസകഃ .
ഖഗനാഥപ്രിയഃ ഖഡ്ഗീ ഖഗനാഥപ്രഹാരകഃ .. 39..

ഖഗനാഥസുപൂജ്യശ്ച ഖഗനാഥപ്രബോധകഃ .
ഖഗനാഥവരേണ്യശ്ച ഖരധ്വംസീ ഖരാന്തകഃ .. 40..

ഖരാരിപ്രിയബന്ധുശ്ച ഖരാരിജീവനഃ സദാ .
ഖഡ്ഗഹസ്തഃ ഖഡ്ഗധനഃ ഖഡ്ഗഹാനീ ച ഖഡ്ഗപഃ .. 41..

ഖഞ്ജരീടപ്രിയഃ ഖഞ്ജഃ ഖേചരാത്മാ ഖരാരിജിത് .. 42..

ഖഞ്ജരീടപതിഃ പൂജ്യഃ ഖഞ്ജരീടപചഞ്ചലഃ .
ഖദ്യോതബന്ധുഃ ഖദ്യോതഃ ഖദ്യോതനപ്രിയഃ സദാ .. 43..

ഗരുത്മാൻ ഗരുഡോ ഗോപ്യോ ഗരുത്മദ്ദർപഹാരകഃ .
ഗർവിഷ്ഠോ ഗർവഹർതാ ച ഗർവഹാ ഗർവനാശകഃ .. 44..

ഗർവോ ഗുണപ്രിയോ ഗാണോ ഗുണസേവീ ഗുണാന്വിതഃ .
ഗുണത്രാതാ ഗുണരതോ ഗുണവന്തപ്രിയോ ഗുണീ .. 45..

ഗണേശോ ഗണപാതീ ച ഗണരൂപോ ഗണപ്രിയഃ .
ഗംഭീരോഽഥ ഗുണാകാരോ ഗരിമാ ഗരിമപ്രദഃ .. 46..

ഗണരക്ഷോ ഗണഹരോ ഗണദോ ഗണസേവിതഃ .
ഗവാംശോ ഗവയത്രാതാ ഗർജിതശ്ച ഗണാധിപഃ .. 47..

ഗന്ധമാദനഹർതാ ച ഗന്ധമാദനപൂജകഃ .
ഗന്ധമാദനസേവീ ച ഗന്ധമാദനരൂപധൃക് .. 48..

ഗുരുർഗുരുപ്രിയോ ഗൗരോ ഗുരുസേവ്യോ ഗുരൂന്നതഃ .
ഗുരുഗീതാപരോ ഗീതോ ഗീതവിദ്യാഗുരുർഗുരുഃ .. 49..

ഗീതാപ്രിയോ ഗീതരാതോ ഗീതജ്ഞോ ഗീതവാനപി .
ഗായത്ര്യാ ജാപകോ ഗോഷ്ഠോ ഗോഷ്ഠദേവോഽഥ ഗോഷ്ഠപഃ .. 50..

ഗോഷ്പദീകൃതവാരീശോ ഗോവിന്ദോ ഗോപബന്ധകഃ .
ഗോവർധനധരോ ഗർവോ ഗോവർധനപ്രപൂജകഃ .. 51..

ഗന്ധർവോ ഗന്ധർവരതോ ഗന്ധർവാനന്ദനന്ദിതഃ .
ഗന്ധോ ഗദാധരോ ഗുപ്തോ ഗദാഢ്യോ ഗുഹ്യകേശ്വരഃ ..

ഗിരിജാപൂജകോ ഗീശ്ച ഗീർവാണോ ഗോഷ്പതിസ്തഥാ .
ഗിരിർഗിരിപ്രിയോ ഗർഭോ ഗർഭപോ ഗർഭവാസകഃ .. 53..

ഗഭസ്തിഗ്രാസകോ ഗ്രാസോ ഗ്രാസദാതാ ഗ്രഹേശ്വരഃ .
ഗ്രഹോ ഗ്രഹേശാനോ ഗ്രാഹോ ഗ്രഹദോഷവിനാശനഃ .. 54..

ഗ്രഹാരൂഢോ ഗ്രഹപതിർഗർഹണോ ഗ്രഹണാധിപഃ .
ഗോലീ ഗവ്യോ ഗവേശശ്ച ഗവാക്ഷമോക്ഷദായകഃ .. 55..

ഗണോ ഗമ്യോ ഗണദാതാ ഗരുഡധ്വജവല്ലഭഃ .
ഗേഹോ ഗേഹപ്രദോ ഗമ്യോ ഗീതാഗാനപരായണഃ .. 56..

ഗഹ്വരോ ഗഹ്വരത്രാണോ ഗർഗോ ഗർഗേശ്വരപ്രദഃ .
ഗർഗപ്രിയോ ഗർഗരതോ ഗൗതമോ ഗൗതമപ്രദഃ .. 57..

ഗംഗാസ്നായീ ഗയാനാഥോ ഗയാപിണ്ഡപ്രദായകഃ .
ഗൗതമീതീർഥചാരീ ച ഗൗതമീതീർഥപൂജകഃ .. 58..

ഗണേന്ദ്രോഽഥ ഗണത്രാതാ ഗ്രന്ഥദോ ഗ്രന്ഥകാരകഃ .
ഘനാംഗോ ഘാതകോ ഘോരോ ഘോരരൂപീ ഘനപ്രദഃ .. 59..

ഘോരദംഷ്ട്രോ ഘോരനഖോ ഘോരഘാതീ ഘനേതരഃ .
ഘോരരാക്ഷസഘാതീ ച ഘോരരൂപ്യഘദർപഹാ .. 60..

ഘർമോ ഘർമപ്രദശ്ചൈവ ഘർമരൂപീ ഘനാഘനഃ .
ഘനധ്വനിരതോ ഘണ്ടാവാദ്യപ്രിയഘൃണാകരഃ .. 61..

ഘോഘോ ഘനസ്വനോ ഘൂർണോ ഘൂർണിതോഽപി ഘനാലയഃ .
ങകാരോ ങപ്രദോ ങാന്തശ്ചന്ദ്രികാമോദമോദകഃ .. 62..

ചന്ദ്രരൂപശ്ചന്ദ്രവന്ദ്യശ്ചന്ദ്രാത്മാ ചന്ദ്രപൂജകഃ .
ചന്ദ്രപ്രേമശ്ചന്ദ്രബിംബശ്ചാമരപ്രിയശ്ചഞ്ചലഃ .. 63..

ചന്ദ്രവക്ത്രശ്ചകോരാക്ഷശ്ചന്ദ്രനേത്രശ്ചതുർഭുജഃ .
ചഞ്ചലാത്മാ ചരശ്ചർമീ ചലത്ഖഞ്ജനലോചനഃ .. 64..

ചിദ്രൂപശ്ചിത്രപാനശ്ച ചലച്ചിത്താചിതാർചിതഃ .
ചിദാനന്ദശ്ചിതശ്ചൈത്രശ്ചന്ദ്രവംശസ്യ പാലകഃ .. 65..

ഛത്രശ്ഛത്രപ്രദശ്ഛത്രീ ഛത്രരൂപീ ഛിദാഞ്ഛദഃ .
ഛലഹാ ഛലദശ്ഛിന്നശ്ഛിന്നഘാതീ ക്ഷപാകരഃ .. 66..

ഛദ്മരൂപീ ഛദ്മഹാരീ ഛലീ ഛലതരുസ്തഥാ .
ഛായാകരദ്യുതിശ്ഛന്ദശ്ഛന്ദവിദ്യാവിനോദകഃ .. 67..

ഛിന്നാരാതിശ്ഛിന്നപാപശ്ഛന്ദവാരണവാഹകഃ .
ഛന്ദശ്ഛ(ക്ഷ)ത്രഹനശ്ഛി(ക്ഷി)പ്രശ്ഛ(ക്ഷ)-
              വനശ്ഛന്മദശ്ഛ(ക്ഷ)മീ .. 68..

ക്ഷമാഗാരഃ ക്ഷമാബന്ധഃ ക്ഷപാപതിപ്രപൂജകഃ .
ഛലഘാതീ ഛിദ്രഹാരീ ഛിദ്രാന്വേഷണപാലകഃ .. 69..

ജനോ ജനാർദനോ ജേതാ ജിതാരിർജിതസംഗരഃ .
ജിതമൃത്യുർജരാതീതോ ജനാർദനപ്രിയോ ജയഃ .. 70..

ജയദോ ജയകർതാ ച ജയപാതോ ജയപ്രിയഃ .
ജിതേന്ദ്രിയോ ജിതാരാതിർജിതേന്ദ്രിയപ്രിയോ ജയീ .. 71..

ജഗദാനന്ദദാതാ ച ജഗദാനന്ദകാരകഃ .
ജഗദ്വന്ദ്യോ ജഗജ്ജീവോ ജഗതാമുപകാരകഃ .. 72..

ജഗദ്ധാതാ ജഗദ്ധാരീ ജഗദ്ബീജോ ജഗത്പിതാ .
ജഗത്പതിപ്രിയോ ജിഷ്ണുർജിഷ്ണുജിജ്ജിഷ്ണുരക്ഷകഃ .. 73..

ജിഷ്ണുവന്ദ്യോ ജിഷ്ണുപൂജ്യോ ജിഷ്ണുമൂർതിവിഭൂഷിതഃ .
ജിഷ്ണുപ്രിയോ ജിഷ്ണുരതോ ജിഷ്ണുലോകാഭിവാസകഃ ..

ജയോ ജയപ്രദോ ജായോ ജായകോ ജയജാഡ്യഹാ .
ജയപ്രിയോ ജനാനന്ദോ ജനദോ ജനജീവനഃ .. 75..

ജയാനന്ദോ ജപാപുഷ്പവല്ലഭോ ജയപൂജകഃ .
ജാഡ്യഹർതാ ജാഡ്യദാതാ ജാഡ്യകർതാ ജഡപ്രിയഃ .. 76..

ജഗന്നേതാ ജഗന്നാഥോ ജഗദീശോ ജനേശ്വരഃ .
ജഗന്മംഗലദോ ജീവോ ജഗത്യവനപാവനഃ .. 77..

ജഗത്ത്രാണോ ജഗത്പ്രാണോ ജാനകീപതിവത്സലഃ .
ജാനകീപതിപൂജ്യശ്ച ജാനകീപതിസേവകഃ .. 78..

ജാനകീശോകഹാരീ ച ജാനകീദുഃഖഭഞ്ജനഃ .
യജുർവേദോ യജുർവക്താ യജുഃപാഠപ്രിയോ വ്രതീ .. 79..

ജിഷ്ണുർജിഷ്ണുകൃതോ ജിഷ്ണുധാതാ ജിഷ്ണുവിനാശനഃ .
ജിഷ്ണുഹാ ജിഷ്ണുപാതീ തു ജിഷ്ണുരാക്ഷസഘാതകഃ .. 80..

ജാതീനാമഗ്രഗണ്യശ്ച ജാതീനാം വരദായകഃ .
ഝുഁഝുരോ ഝൂഝുരോ ഝൂർഝനവരോ ഝഞ്ഝാനിഷേവിതഃ .. 81..

ഝില്ലീരവസ്വരോ ഞന്തോ ഞവണോ ഞനതോ ഞദഃ .
ടകാരാദിഷ്ടകാരാന്താഷ്ടവർണാഷ്ടപ്രപൂജകഃ .. 82..

ടിട്ടിഭഷ്ടിട്ടിഭസ്തഷ്ടിഷ്ടിട്ടിഭപ്രിയവത്സലഃ .
ഠകാരവർണനിലയഷ്ഠകാരവർണവാസിതഃ .. 83..

ഠകാരവീരഭരിതഷ്ഠകാരപ്രിയദർശകഃ .
ഡാകിനീനിരതോ ഡങ്കോ ഡങ്കിനീപ്രാണഹാരകഃ .. 84..

ഡാകിനീവരദാതാ ച ഡാകിനീഭയനാശനഃ .
ഡിണ്ഡിമധ്വനികർതാ ച ഡിംഭോ ഡിംഭാതരേതരഃ .. 85..

ഡക്കാഢക്കാനവോ ഢക്കാവാദ്യഷ്ഠക്കാമഹോത്സവഃ .
ണാന്ത്യോ ണാന്തോ ണവർണശ്ച ണസേവ്യോ ണപ്രപൂജകഃ .. 86..

തന്ത്രീ തന്ത്രപ്രിയസ്തല്പസ്തന്ത്രജിത്തന്ത്രവാഹകഃ .
തന്ത്രപൂജ്യസ്തന്ത്രരതസ്തന്ത്രവിദ്യാവിശാരദഃ .. 87..

തന്ത്രയന്ത്രജയീ തന്ത്രധാരകസ്തന്ത്രവാഹകഃ .
തന്ത്രവേത്താ തന്ത്രകർതാ തന്ത്രയന്ത്രവരപ്രദഃ .. 88..

തന്ത്രദസ്തന്ത്രദാതാ ച തന്ത്രപസ്തന്ത്രദായകഃ .
തത്ത്വദാതാ ച തത്ത്വജ്ഞസ്തത്ത്വസ്തത്ത്വപ്രകാശകഃ .. 89..

തന്ദ്രാ ച തപനസ്തല്പതലാതലനിവാസകഃ .
തപസ്തപഃപ്രിയസ്താപത്രയതാപീ തപഃപതിഃ .. 90..

തപസ്വീ ച തപോജ്ഞാതാ തപതാമുപകാരകഃ .
തപസ്തപോത്രപസ്താപീ താപദസ്താപഹാരകഃ .. 91..

തപഃസിദ്ധിസ്തപോഋദ്ധിസ്തപോനിധിസ്തപഃപ്രഭുഃ .
തീർഥസ്തീർഥരതസ്തീവ്രസ്തീർഥവാസീ തു തീർഥദഃ .. 92..

തീർഥപസ്തീർഥകൃത്തീർഥസ്വാമീ തീർഥവിരോധകഃ .
തീർഥസേവീ തീർഥപതിസ്തീർഥവ്രതപരായണഃ .. 93..

ത്രിദോഷഹാ ത്രിനേത്രശ്ച ത്രിനേത്രപ്രിയബാലകഃ .
ത്രിനേത്രപ്രിയദാസശ്ച ത്രിനേത്രപ്രിയപൂജകഃ .. 94..

ത്രിവിക്രമസ്ത്രിപാദൂർധ്വസ്തരണിസ്താരണിസ്തമഃ .
തമോരൂപീ തമോധ്വംസീ തമസ്തിമിരഘാതകഃ .. 95..

തമോധൃക്തമസസ്തപ്തതാരണിസ്തമസോഽന്തകഃ .
തമോഹൃത്തമകൃത്താമ്രസ്താമ്രൗഷധിഗുണപ്രദഃ ..

തൈജസസ്തേജസാം മൂർതിസ്തേജസഃ പ്രതിപാലകഃ .
തരുണസ്തർകവിജ്ഞാതാ തർകശാസ്ത്രവിശാരദഃ .. 97..

തിമിംഗിലസ്തത്ത്വകർതാ തത്ത്വദാതാ വ തത്ത്വവിത് .
തത്ത്വദർശീ തത്ത്വഗാമീ തത്ത്വഭുക്തത്ത്വവാഹനഃ .. 98..

ത്രിദിവസ്ത്രിദിവേശശ്ച ത്രികാലശ്ച തമിസ്രഹാ .
സ്ഥാണുഃ സ്ഥാണുപ്രിയഃ സ്ഥാണുഃ സർവതോഽപി ച വാസകഃ .. 99..

ദയാസിന്ധുർദയാരൂപോ ദയാനിധിർദയാപരഃ .
ദയാമൂർതിർദയാദാതാ ദയാദാനപരായണഃ .. 100..

ദേവേശോ ദേവദോ ദേവോ ദേവരാജാധിപാലകഃ .
ദീനബന്ധുർദീനദാതാ ദീനോദ്ധരണദിവ്യദൃക് .. 101..

ദിവ്യദേഹോ ദിവ്യരൂപോ ദിവ്യാസനനിവാസകഃ .
ദീർഘകേശോ ദീർഘപുച്ഛോ ദീർഘസൂത്രോഽപി ദീർഘഭുക് .. 102..

ദീർഘദർശീ ദൂരദർശീ ദീർഘബാഹുസ്തു ദീർഘപഃ .
ദാനവാരിർദരിദ്രാരിർദൈത്യാരിർദസ്യുഭഞ്ജനഃ .. 103..

ദംഷ്ട്രീ ദണ്ഡീ ദണ്ഡധരോ ദണ്ഡപോ ദണ്ഡദായകഃ .
ദാമോദരപ്രിയോ ദത്താത്രേയപൂജനതത്പരഃ .. 104..

ദർവീദലഹുതപ്രീതോ ദദ്രുരോഗവിനാശകഃ .
ധർമോ ധർമീ ധർമചാരീ ധർമശാസ്ത്രപരായണഃ .. 105..

ധർമാത്മാ ധർമനേതാ ച ധർമദൃഗ്ധർമധാരകഃ .
ധർമധ്വജോ ധർമമൂർതിർധർമരാജസ്യ ത്രാസകഃ .. 106..

ധാതാ ധ്യേയോ ധനോ ധന്യോ ധനദോ ധനപോ ധനീ .
ധനദത്രാണകർതാ ച ധനപപ്രതിപാലകഃ .. 107..

ധരണീധരപ്രിയോ ധന്വീ ധനവദ്ധനധാരകഃ .
ധന്വീശവത്സലോ ധീരോ ധാതൃമോദപ്രദായകഃ .. 108..

ധാത്രൈശ്വര്യപ്രദാതാ ച ധാത്രീശപ്രതിപൂജകഃ .
ധാത്രാത്മാ ച ധരാനാഥോ ധരാനാഥപ്രബോധകഃ .. 109..

ധർമിഷ്ഠോ ധർമകേതുശ്ച ധവലോ ധവലപ്രിയഃ .
ധവലാചലവാസീ ച ധേനുദോ ധേനുപോ ധനീ .. 110..

ധ്വനിരൂപോ ധ്വനിപ്രാണോ ധ്വനിധർമപ്രബോധകഃ .
ധർമാധ്യക്ഷോ ധ്വജോ ധൂമ്രോ ധാതുരോധിവിരോധകഃ .. 111..

നാരായണോ നരോ നേതാ നദീശോ നരവാനരഃ .
നന്ദീസങ്ക്രമണോ നാട്യോ നാട്യവേത്താ നടപ്രിയഃ .. 112..

നാരായണാത്മകോ നന്ദീ നന്ദിശൃംഗിഗണാധിപഃ .
നന്ദികേശ്വരവർമാ ച നന്ദികേശ്വരപൂജകഃ .. 113..

നരസിംഹോ നടോ നീപോ നഖയുദ്ധവിശാരദഃ .
നഖായുധോ നലോ നീലോ നലനീലപ്രമോദകഃ .. 114..

നവദ്വാരപുരാധാരോ നവദ്വാരപുരാതനഃ .
നരനാരയണസ്തുത്യോ നഖനാഥോ നഗേശ്വരഃ .. 115..

നഖദംഷ്ട്രായുധോ നിത്യോ നിരാകാരോ നിരഞ്ജനഃ .
നിഷ്കലങ്കോ നിരവദ്യോ നിർമലോ നിർമമോ നഗഃ .. 116..

നഗരഗ്രാമപാലശ്ച നിരന്തോ നഗരാധിപഃ .
നാഗകന്യാഭയധ്വംസീ നാഗാരിപ്രിയനാഗരഃ .. 117..

പീതാംബരഃ പദ്മനാഭഃ പുണ്ഡരീകാക്ഷപാവനഃ .
പദ്മാക്ഷഃ പദ്മവക്ത്രശ്ച പദ്മാസനപ്രപൂജകഃ .. 118..

പദ്മമാലീ പദ്മപരഃ പദ്മപൂജനതത്പരഃ .
പദ്മപാണിഃ പദ്മപാദഃ പുണ്ഡരീകാക്ഷസേവനഃ .. 119..

പാവനഃ പവനാത്മാ ച പവനാത്മജഃ പാപഹാ .
പരഃ പരതരഃ പദ്മഃ പരമഃ പരമാത്മകഃ .. 120..

പീതാംബരഃ പ്രിയഃ പ്രേമ പ്രേമദഃ പ്രേമപാലകഃ .
പ്രൗഢഃ പ്രൗഢപരഃ പ്രേതദോഷഹാ പ്രേതനാശകഃ .. 121..

പ്രഭഞ്ജനാന്വയഃ പഞ്ച പഞ്ചാക്ഷരമനുപ്രിയഃ .
പന്നഗാരിഃ പ്രതാപീ ച പ്രപന്നഃ പരദോഷഹാ .. 122..

പരാഭിചാരശമനഃ പരസൈന്യവിനാശകഃ .
പ്രതിവാദിമുഖസ്തംഭഃ പുരാധാരഃ പുരാരിനുത് .. 123..

പരാജിതഃ പരംബ്രഹ്മ പരാത്പരപരാത്പരഃ .
പാതാലഗഃ പുരാണശ്ച പുരാതനഃ പ്ലവംഗമഃ .. 124..

പുരാണപുരുഷഃ പൂജ്യഃ പുരുഷാർഥപ്രപൂരകഃ .
പ്ലവഗേശഃ പലാശാരിഃ പൃഥുകഃ പൃഥിവീപതിഃ .. 125..

പുണ്യശീലഃ പുണ്യരാശിഃ പുണ്യാത്മാ പുണ്യപാലകഃ .
പുണ്യകീർതിഃ പുണ്യഗീതിഃ പ്രാണദഃ പ്രാണപോഷകഃ .. 126..

പ്രവീണശ്ച പ്രസന്നശ്ച പാർഥധ്വജനിവാസകഃ .
പിംഗകേശഃ പിംഗരോമാ പ്രണവഃ പിംഗലപ്രണഃ .. 127..

പരാശരഃ പാപഹർതാ പിപ്പലാശ്രയസിദ്ധിദഃ .
പുണ്യശ്ലോകഃ പുരാതീതഃ പ്രഥമഃ പുരുഷഃ പുമാൻ .. 128..

പുരാധാരശ്ച പ്രത്യക്ഷഃ പരമേഷ്ഠീ പിതാമഹഃ .
ഫുല്ലാരവിന്ദവദനഃ ഫുല്ലോത്കമലലോചനഃ .. 129..

ഫൂത്കാരഃ ഫൂത്കരഃ ഫൂശ്ച ഫൂദമന്ത്രപരായണഃ .
സ്ഫടികാദ്രിനിവാസീ ച ഫുല്ലേന്ദീവരലോചനഃ .. 130..

വായുരൂപീ വായുസുതോ വായ്വാത്മാ വാമനാശകഃ .
വനോ വനചരോ ബാലോ ബാലത്രാതാ തു ബാലകഃ .. 131..

വിശ്വനാഥശ്ച വിശ്വം ച വിശ്വാത്മാ വിശ്വപാലകഃ .
വിശ്വധാതാ വിശ്വകർതാ വിശ്വവേത്താ വിശാമ്പതിഃ .. 132..

വിമലോ വിമലജ്ഞാനോ വിമലാനന്ദദായകഃ .
വിമലോത്പലവക്ത്രശ്ച വിമലാത്മാ വിലാസകൃത് .. 133..

ബിന്ദുമാധവപൂജ്യശ്ച ബിന്ദുമാധവസേവകഃ .
ബീജോഽഥ വീര്യദോ ബീജഹാരീ ബീജപ്രദോ വിഭുഃ .. 134..

വിജയോ ബീജകർതാ ച വിഭൂതിർഭൂതിദായകഃ .
വിശ്വവന്ദ്യോ വിശ്വഗമ്യോ വിശ്വഹർതാ വിരാട്തനുഃ .. 135..

ബുലകാരഹതാരാതിർവസുദേവോ വനപ്രദഃ .
ബ്രഹ്മപുച്ഛോ ബ്രഹ്മപരോ വാനരോ വാനരേശ്വരഃ .. 136..

ബലിബന്ധനകൃദ്വിശ്വതേജാ വിശ്വപ്രതിഷ്ഠിതഃ .
വിഭോക്താ ച വായുദേവോ വീരവീരോ വസുന്ധരഃ .. 137..

വനമാലീ വനധ്വംസീ വാരുണോ വൈഷ്ണവോ ബലീ .
വിഭീഷണപ്രിയോ വിഷ്ണുസേവീ വായുഗവിർവിദുഃ .. 138..

വിപദ്മോ വായുവംശ്യശ്ച വേദവേദാംഗപാരഗഃ .
ബൃഹത്തനുർബൃഹത്പാദോ ബൃഹത്കായോ ബൃഹദ്യശാഃ .. 139..

ബൃഹന്നാസോ ബൃഹദ്ബാഹുർബൃഹന്മൂർതിർബൃഹത്സ്തുതിഃ .
ബൃഹദ്ധനുർബൃഹജ്ജംഘോ ബൃഹത്കായോ ബൃഹത്കരഃ .. 140..

ബൃഹദ്രതിർബൃഹത്പുച്ഛോ ബൃഹല്ലോകഫലപ്രദഃ .
ബൃഹത്സേവ്യോ ബൃഹച്ഛക്തിർബൃഹദ്വിദ്യാവിശാരദഃ .. 141..

ബൃഹല്ലോകരതോ വിദ്യാ വിദ്യാദാതാ വിദിക്പതിഃ .
വിഗ്രഹോ വിഗ്രഹരതോ വ്യാധിനാശീ ച വ്യാധിദഃ .. 142..

വിശിഷ്ടോ ബലദാതാ ച വിഘ്നനാശോ വിനായകഃ .
വരാഹോ വസുധാനാഥോ ഭഗവാൻ ഭവഭഞ്ജനഃ .. 143..

ഭാഗ്യദോ ഭയകർതാ ച ഭാഗോ ഭൃഗുപതിപ്രിയഃ .
ഭവ്യോ ഭക്തോ ഭരദ്വാജോ ഭയാംഘ്രിർഭയനാശനഃ .. 144..

മാധവോ മധുരാനാഥോ മേഘനാദോ മഹാമുനിഃ .
മായാപതിർമനസ്വീ ച മായാതീതോ മനോത്സുകഃ .. 145..

മൈനാകവന്ദിതാമോദോ മനോവേഗീ മഹേശ്വരഃ .
മായാനിർജിതരക്ഷാശ്ച മായാനിർജിതവിഷ്ടപഃ .. 146..

മായാശ്രയശ്ച നിലയോ മായാവിധ്വംസകോ മയഃ .
മനോയമപരോ യാമ്യോ യമദുഃഖനിവാരണഃ .. 147..

യമുനാതീരവാസീ ച യമുനാതീർഥചാരണഃ .
രാമോ രാമപ്രിയോ രമ്യോ രാഘവോ രഘുനന്ദനഃ .. 148..

രാമപ്രപൂജകോ രുദ്രോ രുദ്രസേവീ രമാപതിഃ .
രാവണാരീ രമാനാഥവത്സലോ രഘുപുംഗവഃ .. 149..

രക്ഷോഘ്നോ രാമദൂതശ്ച രാമേഷ്ടോ രാക്ഷസാന്തകഃ .
രാമഭക്തോ രാമരൂപോ രാജരാജോ രണോത്സുകഃ .. 150..

ലങ്കാവിധ്വംസകോ ലങ്കാപതിഘാതീ ലതാപ്രിയഃ .
ലക്ഷ്മീനാഥപ്രിയോ ലക്ഷ്മീനാരായണാത്മപാലകഃ .. 151..

പ്ലവഗാബ്ധിഹേലകശ്ച ലങ്കേശഗൃഹഭഞ്ജനഃ .
ബ്രഹ്മസ്വരൂപീ ബ്രഹ്മാത്മാ ബ്രഹ്മജ്ഞോ ബ്രഹ്മപാലകഃ .. 152..

ബ്രഹ്മവാദീ ച വിക്ഷേത്രം വിശ്വബീജം ച വിശ്വദൃക് .
വിശ്വംഭരോ വിശ്വമൂർതിർവിശ്വാകാരോഽഥ വിശ്വധൃക് .. 153..

വിശ്വാത്മാ വിശ്വസേവ്യോഽഥ വിശ്വോ വിശ്വേശ്വരോ വിഭുഃ .
ശുക്ലഃ ശുക്രപ്രദഃ ശുക്രഃ ശുക്രാത്മാ ച ശുഭപ്രദഃ .. 154..

ശർവരീപതിശൂരശ്ച ശൂരശ്ചാഥ ശ്രുതിശ്രവാഃ .
ശാകംഭരീശക്തിധരഃ ശത്രുഘ്നഃ ശരണപ്രദഃ .. 155..

ശങ്കരഃ ശാന്തിദഃ ശാന്തഃ ശിവഃ ശൂലീ ശിവാർചിതഃ .
ശ്രീരാമരൂപഃ ശ്രീവാസഃ ശ്രീപദഃ ശ്രീകരഃ ശുചിഃ .. 156..

ശ്രീശഃ ശ്രീദഃ ശ്രീകരശ്ച ശ്രീകാന്തപ്രിയഃ ശ്രീനിധിഃ .
ഷോഡശസ്വരസംയുക്തഃ ഷോഡശാത്മാ പ്രിയങ്കരഃ .. 157..

ഷഡംഗസ്തോത്രനിരതഃ ഷഡാനനപ്രപൂജകഃ .
ഷട്ശാസ്ത്രവേത്താ ഷഡ്ബാഹുഃ ഷട്സ്വരൂപഃ ഷഡൂർമിപഃ .. 158..

സനാതനഃ സത്യരൂപഃ സത്യലോകപ്രബോധകഃ .
സത്യാത്മാ സത്യദാതാ ച സത്യവ്രതപരായണഃ .. 159..

സൗമ്യഃ സൗമ്യപ്രദഃ സൗമ്യദൃക്സൗമ്യഃ സൗമ്യപാലകഃ .
സുഗ്രീവാദിയുതഃ സർവസംസാരഭയനാശനഃ .. 160..

സൂത്രാത്മാ സൂക്ഷ്മസന്ധ്യശ്ച സ്ഥൂലഃ സർവഗതിഃ പുമാൻ .
സുരഭിഃ സാഗരഃ സേതുഃ സത്യഃ സത്യപരാക്രമഃ .. 161..

സത്യഗർഭഃ സത്യസേതുഃ സിദ്ധിസ്തു സത്യഗോചരഃ .
സത്യവാദീ സുകർമാ ച സദാനന്ദൈക ഈശ്വരഃ .. 162..

സിദ്ധിഃ സാധ്യഃ സുസിദ്ധശ്ച സങ്കല്പഃ സിദ്ധിഹേതുകഃ .
സപ്തപാതാലചരണഃ സപ്തർഷിഗണവന്ദിതഃ .. 163..

സപ്താബ്ധിലംഘനോ വീരഃ സപ്തദ്വീപോരുമണ്ഡലഃ .
സപ്താംഗരാജ്യസുഖദഃ സപ്തമാതൃനിഷേവിതഃ .. 164..

സപ്തച്ഛന്ദോനിധിഃ സപ്ത സപ്തപാതാലസംശ്രയഃ .
സങ്കർഷണഃ സഹസ്രാസ്യഃ സഹസ്രാക്ഷഃ സഹസ്രപാത് .. 165..

ഹനുമാൻ ഹർഷദാതാ ച ഹരോ ഹരിഹരീശ്വരഃ .
ക്ഷുദ്രരാക്ഷസഘാതീ ച ക്ഷുദ്ധതക്ഷാന്തിദായകഃ .. 166..

അനാദീശോ ഹ്യനന്തശ്ച ആനന്ദോഽധ്യാത്മബോധകഃ .
ഇന്ദ്ര ഈശോത്തമശ്ചൈവ ഉന്മത്തജന ഋദ്ധിദഃ .. 167..

ഋവർണോ ഌലുപദോപേത ഐശ്വര്യം ഔഷധീപ്രിയഃ .
ഔഷധശ്ചാംശുമാംശ്ചൈവ അകാരഃ സർവകാരണഃ .. 168..




ഇത്യേതദ്രാമദൂതസ്യ നാമ്നാം ചൈവ സഹസ്രകം .
ഏകകാലം ദ്വികാലം വാ ത്രികാലം ശ്രദ്ധയാന്വിതഃ .. 169..

പഠനാത്പാഠനാദ്വാപി സർവാ സിദ്ധിർഭവേത്പ്രിയേ .
മോക്ഷാർഥീ ലഭതേ മോക്ഷം കാമാർഥീ കാമമാപ്നുയാത് .. 170..

വിദ്യാർഥീ ലഭതേ വിദ്യാം വേദവ്യാകരണാദികം .
ഇച്ഛാകാമാംസ്തു കാമാർഥീ ധർമാർഥീ ധർമമക്ഷയം .. 171..

പുത്രാർഥീ ലഭതേ പുത്രം വരായുസ്സഹിതം പുമാൻ .
ക്ഷേത്രം ച ബഹുസസ്യം സ്യാദ്ഗാവശ്ച ബഹുദുഗ്ധദാഃ .. 172..

ദുഃസ്വപ്നം ച നൃഭിർദൃഷ്ടം സുസ്വപ്നമുപജായതേ .
ദുഃഖൗഘോ നശ്യതേ തസ്യ സമ്പത്തിർവർദ്ധതേ ചിരം .. 173..

ചതുർവിധം വസ്തു തസ്യ ഭവത്യേവ ന സംശയഃ .
അശ്വത്ഥമൂലേ ജപതാം നാസ്തി വൈരികൃതം ഭയം .. 174..

ത്രികാലം പഠനാത്തസ്യ സിദ്ധിഃ സ്യാത്കരസംസ്ഥിതാ .
അർധരാത്രേ രവൗ ധൃത്വാ കണ്ഠദേശേ നരഃ ശുചിഃ .. 175..

ദശാവർതം പഠേന്മർത്യഃ സർവാൻകാമാനവാപ്നുയാത് .
ഭൗമേ നിശാന്തേ ന്യഗ്രോധമൂലേ സ്ഥിത്വാ വിചക്ഷണഃ .. 176..

ദശാവർതം പഠേന്മർത്യഃ സാർവഭൗമഃ പ്രജായതേ .
അർകമൂലേഽർകവാരേ തു യോ മധ്യാഹ്നേ ശുചിർജപേത് .. 177..

ചിരായുഃ സ സുഖീ പുത്രീ വിജയീ ജായതേ ക്ഷണാത് .
ബ്രാഹ്മേ മുഹൂർതേ ചോത്ഥായ പ്രത്യഹം ച പഠേന്നരഃ .. 178..

യം യം കാമയതേ കാമം ലഭതേ തം ന സംശയഃ .
സംഗ്രാമേ സന്നിവിഷ്ടാനാം വൈരിവിദ്രാവണം പരം .. 179..

ഡാകിനീഭൂതപ്രേതേഷു ഗ്രഹപീഡാഹരം തഥാ .
ജ്വരാപസ്മാരശമനം യക്ഷ്മപ്ലീഹാദിവാരണം .. 180..

സർവസൗഖ്യപ്രദം സ്തോത്രം സർവസിദ്ധിപ്രദം തഥാ .
സർവാൻകാമാനവാപ്നോതി വായുപുത്രപ്രസാദതഃ .. 181..

ഇതി ശ്രീരുദ്രയാമലതഃ ശ്രീഹനുമത്സഹസ്രനാമസ്തോത്രം സമ്പൂർണം .