SRI SHIVAKAMASUNDARI SAHASRANAMA STHOTHRAM

 

 ശ്രീശിവകാമസുന്ദരീസഹസ്രനാമസ്തോത്രം 


 .. പൂർവപീഠികാ ..

യസ്യാസ്സർവം സമുത്പന്നം ചരാചരമിദം ജഗത് .
ഇദം നമോ നടേശാന്യൈ തസ്യൈ കാരുണ്യമൂർതയേ ..

കൈലാസാദ്രൗ സുഖാസീനം ശിവം വേദാന്തഗോചരം .
സർവവിദ്യേശ്വരം ഭൂതിരുദ്രാക്ഷാലങ്കൃതം പരം .. 1..

സർവലക്ഷണസമ്പന്നം സനകാദിമുനീഡിതം .
സംസാരാരണ്യദാവാഗ്നിം യോഗിരാജം യതേന്ദ്രിയം .. 2..

മുകുടേന്ദുസുധാപൂരലബ്ധജീവകശീർഷകം .
വ്യാഘ്രചർമാംബരധരം നീലകണ്ഠം കപർദിനം .. 3..

സവ്യഹസ്തേ വഹ്നിധരം മന്ദസ്മിതമുഖാംബുജം .
ഢക്കാം ച ദക്ഷിണേ ഹസ്തേ വഹന്തം ച ത്രിലോചനം .. 4..

അഭയം ദക്ഷഹസ്തേന ദർശയന്തം മനോഹരം .
ഡോലഹസ്തേന വാമേന ദർശയന്തം പദാംബുജം .. 5..

കുചിതം ദക്ഷപാദേന തിഷ്ഠന്തം മുസലോപരി .
ബ്രഹ്മവിഷ്ണ്വാദിവിനുതം വേദവേദ്യം നടേശ്വരം .. 6..

പ്രണമ്യ പാർവതീ ഗൗരീ പപ്രച്ഛ മുദിതാനനാ .
സർവലക്ഷണസമ്പന്നാ സർവദാ സർവദാ നൃണാം .. 7..

പാർവത്യുവാച -

ശിവ! ശങ്കര! വിശ്വേശ! മഹാദേവ! ദയാനിധേ!
സർവാസാം ചൈവ ദേവീനാം നാമസാഹസ്രമുത്തമം .. 8..

പുരാ പ്രോക്തം സദാനന്ദ ! മഹ്യം ശ്രീപതിപൂജിത ! .
ശിവകാമസുന്ദരീനാമ്നാം സഹസ്രം വദ സുന്ദര! .. 9..

സദ്യസ്സമ്പത്കരം പുണ്യം സർവപാപപ്രണാശനം .
ഇത്യുക്ത്വാ പാർവതീ ദേവീ തുഷ്ടാവ നടനേശ്വരം .. 10..

സത്യപ്രബോധസുഖസന്തതിരൂപ വിശ്വ -
മായേന്ദ്രജാലികവരേണ്യ സമസ്തസാക്ഷിൻ .
സൃഷ്ടിസ്ഥിതിപ്രലയഹേതുകവിഷ്ണുരുദ്ര
ശ്രീമന്നടേശ മമ ദേഹി കരാവലംബം .. 11..

ഭൂവാരിവഹ്നിപവനാംബരചന്ദ്രസൂര്യ -
യജ്വാഷ്ടമൂർതിവിമലീകൃതവിഗ്രഹേദശ .
സ്വാംഘ്ര്യംബുജദ്വയനിഷസ്തഹൃദാം പ്രസന്ന !
ശ്രീമന്നടേശ മമ ദേഹി കരാവലംബം .. 12..

ലിംഗാകൃതേ പശുപതേ ഗിരിജാപതേ ത്വം
നാരായണേശ ഗിരിവാസ വിധീശ ശംഭോ
ഭാലാക്ഷ ശങ്കര! മഹേശ്വര മന്മഥാരേ
ശ്രീമന്നടേശ മമ ദേഹി കരാവലംബം .. 13..

ശ്രീനീലകണ്ഠ ശമനാന്തക പഞ്ചവക്ത്ര
പഞ്ചാക്ഷരപ്രിയ പരാത്പര! വിശ്വവന്ദ്യ .
ശ്രീചന്ദ്രചൂഡ ഗജവക്ത്രപിതഃ പരേശ
ശ്രീമന്നടേശ മമ ദേഹി കരാവലംബം .. 14..

ഗംഗാധര പ്രമഥനാഥ സദാശിവാര്യാ -
ജാനേ! ജലന്ധരരിപോ ജഗതാമധീശ .
ശർവോഗ്ര ഭർഗ മൃഡ ശാശ്വത! ശൂലപാണേ
ശ്രീമന്നടേശ മമ ദേഹി കരാവലംബം .. 15..

സ്ഥാണോ ത്രിണേത്ര ശിപിവിഷ്ട! മഹേശ! താത
നാരായണപ്രിയ കുമാരഗുരോ കപർദിൻ .
ശംഭോ! ഗിരീശ! ശിവ ലോകപതേ! പിനാകിൻ
ശ്രീമന്നടേശ മമ ദേഹി കരാവലംബം .. 16..

ഖഡ്ഗാംഗിൻ അന്ധകരിപോ ഭവ ഭീമ രുദ്ര
ദേവേശ! ഖണ്ഡപരശോ! കരുണാംബുരാശേ .
ഭസ്മാംഗരാഗ പരമേശ്വര! വിശ്വമൂർതേ
ശ്രീമന്നടേശ ദേഹി കരാവലംബം .. 17..

വിശ്വേശ്വരാത്മക വിവേകസുഖാഭിരാമ
ശ്രീവീരഭദ്ര! മഖഹന്തരുമാസഹായ .
വീരേശ്വരൈണകര ശുഭ്രവൃഷാധിരൂഢ
ശ്രീമന്നടേശ മമ ദേഹി കരാവലംബം .. 18..

ഏവം സ്തുത്വാ മഹാദേവീ പഞ്ചാംഗം പ്രണനാമ ഹ .
തതസ്തുഷ്ടോ നടേശശ്ച പ്രോവാച വചനം ശുഭം .. 19..

ഏവമേവ പുരാ ദേവീ മഹാലക്ഷ്മീഃ പതിവ്രതാ .
ശംഖചക്രഗദാപാണിഃ സർവലോകഹിതാവഹഃ .. 20..

ധർമസംസ്ഥാപനാർഥായാവതാരാന്യുഗേ യുഗേ .
കരിഷ്യതി മഹാ വിഷ്ണുഃ മമ ഭർതാ ദശ ശൃണു .. 21..

മത്സ്യഃ കൂർമോ വരാഹശ്ച നാരസിംഹോഽഥ വാമനഃ .
രാമോ ദാശരഥിശ്ചൈവ രാമഃ പരശുധാരകഃ .. 22..

ഹലഭൃത് ബലരാമശ്ച കൃഷ്ണഃ കൽകിഃ ദശ സ്മൃതാഃ .
അവതാരേഷു ദശസു മദ്ഭർതുർനാശശങ്കയാ .. 23..

പ്രാപ്താ ഭവന്ത ശരണം ഭവാനേവ പരാ ഗതിഃ .
ഇത്യുക്ത്വാ ച മഹാലക്ഷ്മീർഭസ്താനാമിഷ്ടദായകം .. 24..

വേദപാദസ്തവം ചാരു മധുരം മധുരാക്ഷരം .
ഉക്ത്വാ തുഷ്ടാവ മുദിതാ നടേശാനം മഹേശ്വരം .. 25..

വിഘ്നേശ്വരം വീതവിരാഗസേവിതം
വിധീന്ദ്രവിഷ്ണ്വാദിനതാംഘ്രിപങ്കജം .
സഭാസദാമാശു സുഖാർഥസിദ്ധിദം
ഗണാനാം ത്വാം ഗണപതിം ഹവാമഹേ .. 26..

നഗേന്ദ്രതനയാരമ്യസ്തന്യപാനരതാനനം .
മാണിക്യകുണ്ഡലധരം കുമാരം പുഷ്കരസ്രജം .. 27..

നമഃ ശിവായ സാംബായ സഗണായ സസൂനവേ .
നമോ ജ്ഞാനസഭേശായ ദിശാം ച പതയേനമഃ .. 28..

നമോ ബ്രഹ്മാദിദേവായ വിഷ്ണുകാന്തായ ശംഭവേ .
പീതാംബരായ ച നമഃ പശുനാം പതയേ നമഃ .. 29..

സന്മാർഗദായ ശിഷ്ടാനാമാശ്രിതാനാം ദ്വിജന്മനാം .
അഭക്താനാം മോഹദാത്രേ പഥീനാം പതയേ നമഃ .. 30..

അപസ്മാരമധഃ കൃത്യ നൃത്യന്തം തസ്യ പൃഷ്ഠകേ .
സർവാഭരണരമ്യം തം പശ്യേമ ശരദശ്ശതം .. 31..

സുന്ദരം സ്മേരവദനം നടരാജമുമാപതിം .
സമ്പൂജ്യ നൃത്യപാദം തേ ജീവേമ ശരദശ്ശതം .. 32..

കുഭീന്ദ്രദൈത്യം ഹതവാനിതി ശംഭുർജഗത്പതിഃ .
ശ്രുത്വാ തേ കീർതിമമലാം നന്ദാമ ശരദശ്ശതം .. 33..

മന്മഥാന്ധകസംഹാരകഥാശ്രുതിമനോഹരം .
ശ്രുത്വാ തേ വിക്രമയുതം മോദാമ ശരദശ്ശതം .. 34..

സർവദുഃഖാന്വിഹായാശു ശിവ തേഽങ്ഘ്രിയുഗാംബുജം .
അർചയന്തഃ സദാ ധന്യാ ഭവാമ ശരദശ്ശതം .. 35..

ത്വത്കീർതനം സദാ ഭക്ത്യാ സർവകല്മഷനാശനം .
ശങ്കരാഘഹര സ്വാമിൻ ശൃണവാമ ശരദശ്ശതം .. 36..

ത്വച്ചരിത്രം പവിത്രം ച സർവദാരിദ്ര്യനാശനം .
അസ്മത്പുത്രപ്രണപ്തൄണാം പ്രബ്രവാമ ശരദശ്ശതം .. 37..

ത്വദ്ഭക്തകല്പകതരുമാശ്രയന്തസ്സദാ വയം .
ഇന്ദ്രിയാഘൗഘനിചയൈരജീതാസ്സ്യാമ ശരദശ്ശതം .. 38..

ഏവം സ്തുത്വാ മഹാദേവീ മഹാലക്ഷ്മീർമനോഹരാ .
പ്രണമ്യ ചിത്സഭാനാഥം തിഷ്ഠന്തീ മുദിതാനനാ .. 39..

മന്മാംഗല്യസ്യ രക്ഷായൈ മന്ത്രമേകം മമാദിശ .
താം ദൃഷ്ട്വാ ച മഹാദേവഃ പ്രഹസന്നിദമബ്രവീത് .. 40..

ത്വം ശീഘ്രം ഗച്ഛ ദേവേശീം ശിവകാമാം ച സുന്ദരീം .
തത്ര ഗത്വാ മഹേശാനീം പൂജയ ത്വം വിശേഷതഃ .. 41..

സഹസ്രകുസുമൈഃ പദ്മൈഃ നൈവേദ്യൈശ്ച മനോഹരൈഃ .
ഇത്യുക്ത്വാ പരമപ്രീതോ ഭഗവാൻഭക്തവത്സലഃ .. 42..

ശിവകാമസുന്ദരീനാമ്നാം സഹസ്രം പ്രജഗാദ ഹ .
ഉപദിശ്യ ച താം ദേവീം പ്രേഷയാമാസ ശങ്കരഃ .. 43..

ലക്ഷ്മീർഗത്വാ മഹേശാനീം ശിവകാമീം മുദാന്വിതാ .
ശിവോക്തേന പ്രകാരേണ സഹസ്രൈഃ പങ്കജൈഃ ക്രമാത് .. 44..

നാമഭിശ്ച ത്രിതാരൈശ്ച യുക്ത്വൈശ്ച സുമഹത്തരൈഃ .
പൂജയാമാസ വിധിവത് ശിവാചിന്തനതത്പരാ .. 45..

തദാ ശിവഃ ശോധനായ തസ്യാഃ ചിത്തം ജഗത്പ്രഭുഃ .
ആനീതേഷു ച പദ്മേഷു ന്യൂനമേകം ചകാര ഹി .. 46..

അതീവ ദുഃഖിതാലക്ഷ്മീഃ പൂർതികാമേച്ഛയാ സ്വയം .
അഭാവപുഷ്പസമ്പൂർത്യൈ നേത്രമുത്പാട്യ വാമകം .. 47..

അർചയാമാസ ലക്ഷ്മീശ്ച ഭക്ത്യാ പരമയാ യുതാ .
ദൃഷ്ടേവദം സുന്ദരീദേവീ ശിവകാമമനോഹരീ .. 48..

പൂർവസ്മാദപി സൗന്ദര്യം നേത്രം ദത്വാഽതിഹർഷതഃ .
തുഷ്ടാഽഹമിഷ്ടം വ്രിയതാം വരമിത്യാഹ ശങ്കരീ .. 49..

തദാ വവ്രേ മഹാലക്ഷ്മീഃ സർവലോകപ്രിയങ്കരം .
സൗമംഗല്യം കുരു മമ ദീർഘം ച ഭവതു ധുവം .
തഥാ ഭവതു ഭദ്രം തേ വിഷ്ണും ഗച്ഛ യഥാസുഖം .. 50..

ഇത്യുക്ത്വാഽന്തർദധേ ദേവീ ശിവകാമീ മഹേശ്വരീ .
ലക്ഷ്മീശ്ച വിഷ്ണും ഗത്വാഽഥ യഥാപൂർവം സ്ഥിതോരസി .. 51..

താദൃശം നാമസാഹസ്രം ശിവകാമ്യാഃ മനോഹരം .
വദാമി ശൃണു ഹേ ദേവീനാമസാഹസ്രമുത്തമം .. 52..

ഋഷിഃ ഛന്ദോ ദേവതാ ച ബീജം ശക്തിശ്ച കീലകം .
കരാംഗന്യാസകൗ പൂർവം സുരഹസ്യം മഹേശ്വരി .. 53..

നാമ്നാം ത്രിപുരസുന്ദര്യാഃ യത്പ്രോസ്തം തദ്വദേവ ഹി .
ശിവകാമസുന്ദരീപ്രീത്യൈ വിനിയോഗോ ജപേ സ്മൃതഃ .. 54..

ദിഗ്ബന്ധം തതോ ധ്യായേത് ശിവകാമീം മഹേശ്വരീം .
തതശ്ച പഞ്ചപൂജാ ച കർതവ്യാ മനുജാപിനാ .. 55..

തതഃ പരം സ്തോത്രമേതജ്ജപ്തവ്യം ഭദ്രകാമിനാ .
സ്തോത്രാന്തേ ച പ്രകർതവ്യമംഗന്യാസം ച പൂർവവത്ത് .. 56..

കൃത്വാ ച ദിഗ്വിമോകം ച തതോധ്യായേച്ച സുന്ദരീം .
ലമിത്യാദിമമന്ത്രൈശ്ച പഞ്ചപൂജാം ച സംവദേത് .. 57..

=====================================================================
ഓം അസ്യ ശ്രീ ശിവകാമസുന്ദരീസഹസ്രനാമസ്തോത്രമഹാ
മന്ത്രസ്യ . 
ആനന്ദഭൈരവദക്ഷിണാമൂർതിഃ ഋഷിഃ . 
ദേവീ ഗായത്രീ ഛന്ദഃ . 
ശ്രീശിവകാമസുന്ദരീ ദേവതാ . 

ബീജം ശക്തിഃ കീലകം
കരാംഗന്യാസൗ ച ശ്രീമഹാത്രിപുരസുന്ദരീമഹാമന്ത്രവത് .

.. ധ്യാനം ..

പദ്മസ്ഥാം കനകപ്രഭാം പരിലസത്പദ്മാക്ഷിയുഗ്മോത്പലാം
അക്ഷസ്രക്ഷുകശാരികാകടിലസത് കൽഹാര ഹസ്താബ്ജിനീം .
രക്തസ്രക്സുവിലേപനാംബരധരാം രാജീവനേത്രാർചിതാം
ധ്യായേത് ശ്രീശിവകാമകോഷ്ഠനിലയാം നൃത്തേശ്വരസ്യ പ്രിയാം ..

മുക്താകുന്ദേന്ദുഗൗരാം മണിമയമകുടാം രത്നതാണ്ടങ്കയുക്താം
അക്ഷസ്രക്പുഷ്പഹസ്താ സശുകകടികരാം ചന്ദ്രചൂഡാം ത്രിനേത്രീം .
നാനാലങ്കാരയുക്താം സുരമകുടമണിദ്യോതിത സ്വർണപീഠാം
യാസാപദ്മാസനസ്ഥാം ശിവപദസഹിതാം സുന്ദരീം ചിന്തയാമി ..

രത്നതാടങ്കസംയുക്താം സുവർണകവചാന്വിതാം .
ദക്ഷിണോർധ്വകരാഗ്രേണ സ്വർണമാലാധരാം ശുഭാം ..

ദക്ഷാധഃ കരപദ്മേന പുല്ലകൽഹാര ധാരിണീം .
വാമേനോഏധ്വകരാബ്ജേന ശുകാർഭകധരാം വരാം .
കടിദേശേ വാമഹസ്തം ന്യസ്യന്തീം ച സുദർശനാം ..

ശിവകാമസുന്ദരീം നൗമി പ്രസന്നവദനാം ശിവാം .


ലമിത്പാദിപഞ്ചപൂജാ ..


=======================================================================

.. ശ്രീ ശിവകാമസുന്ദരീസഹസ്രനാമസ്തോത്രം ..

ഓം ഐം ഹ്രീം ശ്രീം അം - 1..

അഗണ്യാഽഗണ്യമഹിമാഽസുരപ്രേതാസനസ്ഥിതാ .
അജരാഽമൃത്യുജനനാഽപ്യകാലാന്തക ഭീകരാ .. 1..

അജാഽജാംശസമുദ്ഭൂതാഽമരാലീവൃതഗോപുരാ .
അത്യുഗ്രാജിനടച്ഛത്രുകബന്ധാനേകകോടികാ .. 2..

അദ്രിദുർഗാഽണിമാസിദ്ധിദാപിതേഷ്ടാമരാവലിഃ .
അനന്താഽനന്യസുലഭപ്രിയാഽദ്ഭുതവിഭൂഷണാ .. 3..

അനൂരുകരസങ്കാശാഽഖണ്ഡാനന്ദസ്വരൂപിണീ .
അന്ധീകൃതദ്വിജാരാതിനേത്രാഽത്യുഗ്രാട്ടഹാസിനീ .. 4..

അന്നപൂർണാഽപരാഽലക്ഷ്യാഽമ്ബികാഽഘവിനാശിനീ .
അപാരകരുണാപൂരനിഭരേഖാം ജനാക്ഷിണീ .. 5..

അമൃതാംഭോധിമധ്യസ്ഥാഽണിമാസിദ്ധിമുഖാശ്രിതാ .
അരവിന്ദാക്ഷമാലാലിപാത്രശൂലധരാഽനഘാ .. 6..

അശ്വമേധമഖാവാപ്തഹവിഃപുജകൃതാദരാ .
അശ്വസേനാവൃതാഽനേകപാരൂഢാഽപ്യഗജന്മഭൂഃ .. 7..

ഓം ഐം ഹ്രീം ശ്രീം ആം - 2..

ആകാശവിഗ്രഹാഽഽനന്ദദാത്രീ ചാജ്ഞാബ്ജഭാസുരാ .
ആചാരതത്പരസ്വാന്തപദ്മസംസ്ഥാഽഽഢ്യപൂജിതാ .. 8..

ആത്മായത്തജഗച്ചക്രാ ചാത്മാരാമപരായണാ .
ആദിത്യമണ്ഡലാന്തസ്ഥാ ചാദിമധ്യാന്തവർജിതാ .. 9..

ആദ്യന്തരഹിതാഽചാര്യാ ചാദിക്ഷാന്താർണരൂപിണീ .
ആദ്യാഽമാത്യുനുതാ ചാജ്യഹോമപ്രീതാഽഽവൃതാംഗനാ .. 10..

ആധാരകമലാരൂഢാ ചാധാരാധേയവിവർജിതാ .
ആധിഹീനാഽഽസുരീദുർഗാഽഽജിസങ്ക്ഷോഭിതാസുരാ .. 11..

ആധോരണാജ്ഞാശുണ്ഡാഗ്രാകൃഷ്ടാസുരഗജാവൃതാ .
ആശ്ചര്യവിയഹാഽഽചാര്യസേവിതാഽഽഗമസംസ്തുതാ .. 12..

ആശ്രിതാഖിലദേവാദിവൃന്ദരക്ഷണതത്പരാ .
ഓം ഐം ഹ്രീം ശ്രീം ഇം - 3..

ഇച്ഛാജ്ഞാനക്രിയാശക്തിരൂപേരാവതിസംസ്തുതാ .. 13..

ഇന്ദ്രാണീരചിതശ്വേതച്ഛത്രേഡാഭക്ഷണപ്രിയാ .
ഇന്ദ്രാക്ഷീന്ദ്രാർചിതേന്ദ്രാണീ ചേന്ദിരാപതിസോദരീ .. 14..

ഇന്ദിരേന്ദീവരശ്യാമാ ചേരമ്മദസമപ്രഭാ .
ഇഭകുംഭാഭവക്ഷോജദ്വയാ ചേക്ഷുധനുർധരാ .. 15..

ഇഭദന്തോരുനയനാ ചേന്ദ്രഗോപസമാകൃതിഃ .
ഇഭശുണ്ഡോരുയുഗലാചേന്ദുമണ്ഡലമധ്യഗാ .. 16..

ഇഷ്ടാർതിഘ്നീഷ്ടവരദാ ചേഭവക്ത്രപ്രിയങ്കരീ .
ഓം ഐം ഹ്രീം ശ്രീം ഈം - 4..

ഈശിത്വസിദ്ധിസമ്പ്രാർഥിതാപസേഷത്സ്മിതാനനാ .. 17..

ഈശ്വരീശപ്രിയാ ചേശതാണ്ഡവാലോകനോന്തുകാ .
ഈക്ഷണോത്പന്നഭുവനകദംബാ ചേഡ്യവൈഭവാ .. 18..

ഓം ഐം ഹ്രീം ശ്രീം ഉം - 5..

ഉച്ചനീചാദിരഹിതാഽപ്യുരുകാന്താരവാസിനീ .
ഉത്സാഹരഹിതേന്ദ്രാരിശ്ചോരുസന്തോഷിതാമരാ .. 19..

ഉദാസീനോഡുരാവക്ത്രാഽപ്യുഗ്രകൃത്യവിദൂഷണീ .
ഉപാധിരഹിതോപാദാനകാരണോന്മത്തനൃത്തകീ .. 20..

ഉരുസ്യന്ദനസംബദ്ധകോട്യശ്വോരുപരാക്രമാ .
ഉൽകാമുഖീ ഹ്യുമാദേവീ ചോന്മത്തക്രോധഭൈരവീ .. 21..

ഓം ഐം ഹ്രീം ശ്രീം ഊം - 6..

ഊർജിതജ്ഞോഢഭുവനകദംബോർധ്വമുഖാവലിഃ .
ഊർധ്വപ്രസാരിതാംഘ്രീശദർശനോദ്വിഗ്രമാനസാ .. 22..

ഊഹാപോഹവിഹീനോരുജിതരംഭാമനോഹരാ .
ഓം ഐം ഹ്രീം ശ്രീം ഋം - 7..

ഋഗ്വേദസംസ്തുതാ ഋദ്ധിദായിനീ ഋണമോചിനീ .. 23..

ഋജുമാർഗപരപ്രീതാ ഋഷഭധ്വജഭാസുരാ .
ഋദ്ധികാമമുനിവ്രാതസത്രയാഗസമർചിതാ .. 24..

ഓം ഐം ഹ്രീം ശ്രീം ൠം - 8..

ൠകാരവാച്യാ ൠക്ഷാദിവൃതാ ൠകാരനാസികാ .
ഓം ഐം ഹ്രീം ശ്രീം ലൃം - 9..

ലൃകരിണീ ലൃകാരോഷ്ഠാ
ഓം ഐം ഹ്രീം ശ്രീം ലൄം - 10..

ലൄവർണാധരപല്ലവാ .. 25..

ഓം ഐം ഹ്രീം ശ്രീം ഏം - 11..

ഏകാകിന്യേകമന്ത്രാക്ഷരൈധിതോത്സാഹവല്ലഭാ .
ഓം ഐം ഹ്രീം ശ്രീം ഐം - 12..

ഐശ്വര്യദാത്രീ
ഓം ഐം ഹ്രീം ശ്രീം ഓം - 13..

ചോങ്കാരവാദിവാഗീശസിദ്ധിദാ .. 26..

ഓജഃപുഞ്ജഘനീസാന്ദ്രരൂപിണ്യോങ്കാരമധ്യഗാ .
ഓഷധീശമനുപ്രീതാ
ഓം ഐം ഹ്രീം ശ്രീം ഔം - 14..

ചൗദാര്യഗുപാവാരിധിഃ .. 27..

ഔപമ്യരഹിതാചൈവ
ഓം ഐം ഹ്രീം ശ്രീം അം - 15..

അംബുജാസനസുന്ദരീ .
അംബരാധീശനടനസാക്ഷിണീ
ഓം ഐം ഹ്രീം ശ്രീം അഃ - 16..

അഃ പദദായിനീ .. 28..

ഓം ഐം ഹ്രീം ശ്രീം കം - 17..

കബരീബന്ധമുഖരീഭമരഭ്രമരാലകാ .
കരവാലലതാധാരാഭീഷണാ കൗമുദീനിഭാ .. 29..

കർപൂരാംബാ കാലരാത്രിഃ കാലീ കലിവിനാശിനീ .
കാദിവിദ്യാമയീ കാമ്യാ കാഞ്ചനാഭാ കലാവതീ .. 30..

കാമേശ്വരീ കാമരാജമനുപ്രീതാ കൃപാവതീ .
കാർതവീര്യദ്വിസാഹസ്രദോർദണ്ഡപടഹധ്വനിഃ .. 31..

കിടിവക്ത്രാധികാരോദ്യദ്ഗണപ്രോത്സാഹിതാംഗനാ .
കീർതിപ്രദാ കീർതിമതീ കുമാരീ കുലസുന്ദരീ .. 32..

കുന്തായുധധരാ കുബ്ജികാംബാ കുധ്രവിഹാരിണീ .
കുലാഗമരഹസ്യജ്ഞവാഞ്ഛാദാനപരായണാ .. 33..

കൂടസ്ഥിതിജുഷീ കൂർമപൃഷ്ഠജിത്പ്രപദാന്വിതാ .
കേകാശബ്ദതിരസ്കാരിബാണാസനമണീരവാ .. 34..

കേശാകേശിചണാ കേശിരാക്ഷസാധിപമർദിനീ .
കൈതകച്ഛദസന്ധ്യാഭപിശംഗിതകചാംബുദാ .. 35..

കൈലാസോത്തുംഗശൃംഗാദ്രവിലാസേശപരാജിതാ .
കൈശിക്യാരഭടീരീതിസ്തുതരക്തേശ്വരീപ്രിയാ .. 36..

കോകാഹിതകരസ്പർധിനഖാ കോകിലവാദിനീ .
കോപഹുങ്കാരസന്ത്രസ്തസസേനാസുരനായകാ .. 37..

കോലാഹലരവോദ്രേകരിംഖജ്ജംബുകമണ്ഡലാ .
കൗണിഡന്യാന്വയസംഭൂതാ കരിചർമാംബരപ്രിയാ .. 38..

കൗപീനശിഷ്ടവിപ്രർഷിസ്തുതാ കൗലികദേശികാ .
കൗസുംഭാസ്തരണാ കൗലമാർഗനിഷ്ഠാന്തരാസ്ഥിതാ .. 39..

കങ്കണാഹിഗണക്ഷേമവചനോദ്വിഗ്നതാർക്ഷ്യകാ .
കഞ്ജാക്ഷീ കഞ്ജവിനുതാ കഞ്ജജാതിപ്രിയങ്കരീ .. 40..

ഓം ഐം ഹ്രീം ശ്രീം ഖം - 18..

ഖഡ്ഗഖേടകദോർദണ്ഡാ ഖട്വാംഗീ ഖഡ്ഗസിദ്ധിദാ .
ഖണ്ഡിതാസുരഗർവാദ്രിഃ ഖലാദൃഷ്ടസ്വരൂപിണീ .. 41..

ഖണ്ഡേന്ദുമൗലിഹൃദയാ ഖണ്ഡിതാർകേന്ദുമണ്ഡലാ .
ഖരാംശുതാപശമനീ ഖസ്ഥാ ഖേചരസംസ്തുതാ .. 42..

ഖേചരീ ഖേചരീമുദ്രാ ഖേചരാധീശവാഹനാ .
ഖേലാപാരാവതരതിപ്രീതാ ഖാദ്യായിതാന്തകാ .. 43..

ഓം ഐം ഹ്രീം ശ്രീം ഗം - 19..

ഗഗനാ ഗഗനാന്തസ്ഥാ ഗഗനാകാരമധ്യമാ .
ഗജാരൂഢാ ഗജമുഖീ ഗാഥാഗീതാമരാംഗനാ .. 44..

ഗദാധരീ ഗദാഽഽധാതമൂർഛിതാനേകപാസുരാ .
ഗരിമാലഘിമാസിദ്ധിവൃതാ ഗ്രാമാദിപാലിനീ .. 45..

ഗർവിതാ ഗന്ധവസനാ ഗന്ധവാഹസമർചിതാ .
ഗർവിതാസുരദാരാശ്രുപങ്കിതാജിവസുന്ധരാ .. 46..

ഗായത്രീ ഗാനസന്തുഷ്ടാ ഗന്ധർവാധിപതീഡിതാ .
ഗിരിദുർഗാ ഗിരീശാനസുതാ ഗിരിവരാശ്രയാ .. 47..

ഗിരീന്ദ്രക്രൂരകഠിനകർഷദ്ധലവരായുധാ .
ഗീതചാരിത്രഹരിതശുകൈകഗതമാനസാ .. 48..

ഗീതിശാസ്ത്രഗുരുഃ ഗീതിഹൃദയാ ഗീർഗിരീശ്വരീ .
ഗീർവാണദനുജാചാര്യപൂജിതാ ഗൃധ്രവാഹനാ .. 49..

ഗുഡപായസസന്തുഷ്ടഹൃദ്യപ്തതരയോഗിനീ .
ഗുണാതീതാ ഗുരുർഗൗരീ ഗോപ്ത്രീ ഗോവിന്ദസോദരീ .. 50..

ഗുരുമൂതിർഗുണാംഭോധിർഗുണാഗുണവിവർജിതാ .
ഗുഹേഷ്ടദാ ഗുഹാവാസിയോഗിചിന്തിതരൂപിണീ .. 51..

ഗുഹ്യാഗമരഹസ്യജ്ഞാ ഗുഹ്യകാനന്ദദായിനീ .
ഗുഹ്യാ ഗുഹ്യാർചിതാ ഗുഹ്യസ്ഥാനബിന്ദുസ്വരൂപിണീ .. 52..

ഗോദാവരീനദീതീരവാസിനീ ഗുണവർജിതാ .
ഗോമേദകമണീകർണകുണ്ഡലാ ഗോപപാലിനീ .. 53..

ഗോസവാസക്തഹൃദയാ ഗോശൃംഗധ്യാനമോദിനീ .
ഗംഗാഗർവങ്കഷോദ്യുക്തരുദ്രപ്രോത്സാഹവാദിനീ .. 54..

ഗന്ധർവവനിതാമാലാമോദിനീ ഗർവനാശിനീ .
ഗുഞ്ജാമണിഗണപ്രോതമാലാഭാസുരകന്ധരാ .. 55..

ഓം ഐം ഹ്രീം ശ്രീം ഘം - 20..

ഘടവാദ്യപ്രിയാ ഘോരകോണപഘ്നീ ഘടാർഗലാ .
ഘടികാ ഘടികാമുഖ്യഷട്പാരായണമോദിനീ .. 56..

ഘണ്ടാകർണാദിവിനുതാ ഘനജ്യോതിർലതാനിഭാ .
ഘനശ്യാമാ ഘടോത്ഭൂതതാപസാത്മാർഥദേവതാ .. 57..

ഘനസാരാനുലിപ്താംഗീ ഘോണോദ്ധൃതവസുന്ധരാ .
ഘനസ്ഫടികസങ്ക്ലൃപ്തസാലാന്തരകദംബകാ .. 58..

ഘനാല്യുദ്ഭേദശിഖരഗോപുരാനേകമന്ദിരാ .
ഘൂർണീതാക്ഷീ ഘൃണാസിന്ധുഃ ഘൃണിവിദ്യാ ഘടേശ്വരീ .. 59..

ഘൃതകാതിന്യഹൃദ്ധണ്ടാമണിമാലാപ്രസാധനാ .
ഘോരകൃത്യാ ഘോരവാദ്യാ ഘോരാഘൗഘവിനാശിനീ .. 60..

ഘോരാഘനകൃപായുക്താ ഘനനീലാംബരാന്വിതാ .
ഘോരാസ്യാ ഘോരശൂലാഗ്രപ്രോതാസുരകലേവരാ .. 61..

ഘോഷത്രസ്താന്തകഭടാ ഘോരസംഘോഷകൃദ്ബലാ .
ഓം ഐം ഹ്രീം ശ്രീം ങം - 21..

ങാന്താർണാദ്യമനുപ്രീതാ ങാകാരാഡീമ്പരായണാ .. 62..

ങീകാരിമമഞ്ജുമഞ്ജീരചരണാ ങാങ്കിത്താംഗുലിഃ .
ഓം ഐ ഹ്രീം ശ്രീം ചം - 22..

ചക്രവർതിസമാരാധ്യാ ചക്രനേമിരവോന്തുകാ .. 63..

ചണ്ഡമാർണ്ഡധിക്കാരിപ്രഭാ ചക്രാധിനായികാ .
ചണ്ഡാലാസ്യപരാമോദാ ചണ്ഡവാദപടീയസീ .. 64..

ചണ്ഡികാ ചണ്ഡകോദണ്ഡാ ചണ്ഡഘ്നീ ചണ്ഡഭൈരവീ .
ചതുരാ ചതുരാമ്നായശിരോലക്ഷിതരൂപിണീ .. 65..

ചതുരംഗബലോപേതാ ചരാചരവിനോദിനീ .
ചതുർവക്ത്രാ ചക്രഹസ്താ ചക്രപാണിസമർചിതാ .. 66..

ചതുഷ്ഷഷ്ടികലാരൂപാ ചതുഷ്ഷഷ്യചർചനോസ്തുകാ .
ചന്ദ്രമണ്ഡലന്ധ്യയസ്ഥാ ചതുർവർഗഫലപ്രദാ .. 67..

ചമരീമൃഗയോദ്യുക്താ ചിരഞ്ജീവിത്വദായിനീ .
ചമ്പകാശോകസ്രദ്ബദ്ധചികുരാ ചരുഭക്ഷിണീ .. 68..

ചരാചരജഗദ്ധാത്രീ ചന്ദ്രികാധവലസ്മിതാ .
ചർമാംബരധരാ ചണ്ഡക്രോധഹുങ്കാരഭീകരാ .. 69..

ചാടുവാദപ്രിയാ ചാമീകരപർവതവാസിനീ .
ചാപിനീ ചാപമുക്തേഷുച്ഛന്നദിഗ്ഭ്രാന്തപന്നഗാ .. 70..

ചിത്രഭാനുമുഖീ ചിത്രസേനാ ചിത്രാംഗദേഷ്ടദാ .
ചിത്രലേഖാ ചിദാകാശമധ്യഗാ ചിന്തിതാർഥദാ .. 71..

ചിന്ത്യാ ചിരന്തനീ ചിത്രാ ചിത്രാംബാ ചിത്തവാസിനീ .
ചൈതന്യരൂപാ ചിച്ഛക്തിശ്ചിദംബരവിഹാരിണീ .. 72..

ചോരഘ്നീ ചീര്യവിമുഖാ ചതുർദശമനുപ്രിയാ .
ഓം ഐം ഹ്രീം ശ്രീം ഛം - 23..

ഛത്രചാമരഭൃല്ലക്ഷ്മീവാഗിന്ദ്രാണീരതീവൃതാ .. 73..

ഛന്ദശ്ശാസ്ത്രമയീ ഛന്ദോലക്ഷ്യാച്ഛേദവിവർജിതാ .
ഛന്ദോരൂപാഛന്ദഗതിഃ ഛന്ദശ്ശിരവിഹാരിണീ .. 74..

ഛദ്മഹൃത്ഛവിസന്ദീപ്തസൂര്യചന്ദ്രാഗ്നിതാരകാ .
ഛർദിതാണ്ഡാവലിശ്ഛാദിതാകാരാ ഛിന്നസംശയാ .. 75..

ഛായാപതിസമാരാധ്യാ ഛായാംബാ ഛത്രസേവിതാ .
ഛിന്നമസ്താബികാ ഛിന്നശീർഷശത്രുശ്ഛലാന്തകീ .. 76..

ഛേദിതാസുരജിഹ്വാഗ്രാ ഛത്രീകൃതയശസ്വിനീ .
ഓം ഐം ഹ്രീം ശ്രീം ജം - 24..

ജഗന്മാതാ ജഗത്സാക്ഷീ ജഗദ്യോനിർജഗദ്ഗുരുഃ .. 77..

ജഗന്മായാ ജഗന്ത്വൃന്ദവന്ദിതാ ജയിനീജയാ .
ജനജാഡ്യപ്രതാപഘ്നീ ജിതാസുരമഹാവ്രജാ .. 78..

ജനനീ ജഗദാനന്ദദാത്രീ ജഹ്നുസമർചിതാ .
ജപമാലാവരാഭീതിമുദ്രാപുസ്തകധാരിണീ .. 79..

ജപയജ്ഞപരാധീനഹൃദയാ ജഗദീശ്വരീ .
ജപാകുസുമസങ്കാശാ ജന്മാദിധ്വംസകാരണാ .. 80..

ജാലധ്രപൂർണകാമോഡ്യാണചതുഷ്പീഠരൂപിണീ .
ജീവനാർഥിദ്വിജവ്രാതത്രാണനാബദ്ധകങ്കണാ .. 81..

ജീവബ്രഹ്മൈകതാകാങ്ക്ഷി ജനതാകീർണപാർവഭൂഃ .
ജംഭിനീ ജംഭഭിത്പൂല്യാ ജാഗ്രദാദിത്രയാതിഗാ .. 82..

ജലദഗ്രിധരാ ജ്വാലാപ്രോച്ചകേശീ ജ്വരാർതിഹൃത് .
ജ്വാലാമാലിനികാ ജ്വാലാമുഖീ ജൈമിനിസംസ്തുതാ .. 83..

ഓം ഐം ഹ്രീം ശ്രീം ഝം - 25..

ഝലഞ്ഝലകൃതസ്വർണമഞ്ജീരാ ഝഷലോചനാ .
ഝഷകുണ്ഡലിനീ ഝല്ലരീവാദ്യമുദിതാനനാ .. 84..

ഝഷകേതുസമാരാധ്യാ ഝഷമാംസാന്നഭക്ഷിണീ .
ഝഷോപദ്രവകൃദ്ധന്ത്രീ ഝ്മ്രൂമ്മന്ത്രാധിദേവതാ .. 85..

ഝഞ്ഝാനിലാതിഗമനാ ഝഷരാണ്ണീതസാഗരാ .
ഓം ഐം ഹ്രീം ശ്രീം ജ്ഞം - 26..

ജ്ഞാനമുദ്രാധരാ ജ്ഞാനിഹൃത്പദ്മകുഹരാസ്ഥിതാ .. 86..

ജ്ഞാനമൂർതിജ്ഞനിഗമ്യാ ജ്ഞാനദാ ജ്ഞാതിവർജിതാ .
ജ്ഞേയാ ജ്ഞേയാദിരഹിതാ ജ്ഞാത്രീ ജ്ഞാനസ്വരൂപിണീ .. 87..

ഓം ഐം ഹ്രീം ശ്രീം ടം - 27..

ടങ്കപുഷ്പാലിസ്രങ്മഞ്ജുകന്ധരാ ടങ്കിതാചലാ .
ടങ്കവേത്രാദികാനേകശസ്ത്രഭൃദ്ദോർലതാവലിഃ .. 88..

ഓം ഐ ഹ്രീം ശ്രീം ഠം - 28..

ഠകാരനിഭവക്ഷോജദ്വയാധോവൃത്തഭാസുരാ .
ഠകാരാങ്കിതജാന്വഗ്രജിതകോരകിതാംബുജാ .. 89..

ഓം ഐം ഹ്രീം ശ്രീം ശം - 29..

ഡാകിനീ ഡാമരീതന്ത്രരൂപാ ഡാഡിമപാടലാ .
ഡംബഘ്നീ ഡംബരാഽഽഡംബരോന്മുഖീ ഡമരുപ്രിയാ .. 90..

ഡിംബദാനചണാ ഡോലാമുദിതാ ഡുണ്ഠിപൂജിതാ .
ഓം ഐം ഹ്രീം ശ്രീം ഢം - 30..

ഢകാനിനദസന്തുഷ്ടശിഖിനൃത്തസമുത്സുകാ .. 91..

ഓം ഐം ഹ്രീം ശ്രീം ണം - 31..

ണകാരപഞ്ജരശുകീ ണകാരോദ്യാനകോകിലാ .
ഓം ഐം ഹ്രീം ശ്രീം തം - 32..

തത്ത്വാതീതാ തപോലക്ഷ്യാ തപ്തകാഞ്ചനസന്നിഭാ .. 92..

തന്ത്രീ തത്ത്വമസീവാക്യവിഷയാ തരുണീവൃതാ .
തർജന്യംഗുഷ്ഠസംയോഗജ്ഞാനബ്രഹ്മമുനീശ്വരാ .. 93..

തർജിതാനേകദനുജാ തക്ഷകീ തഡിതാലിഭാ .
താമ്രചൂഡധ്വജോത്സംഗാ താപത്രയവിനാശിനീ .. 94..

താരാംബാ താരകീ താരാപൂജ്യാ താണ്ഡവലോലുപാ .
തിലോത്തമാദിദേവസ്ത്രീശാരീരോൻസുകമാനസാ .. 95..

തില്വദ്രുസങ്കുലാഭോഗകാന്താരാന്തരവാസിനീ .
ത്രയീദ്വിഡ്രസനാരക്തപാനലോലാസിധാരിണീ .. 96..

ത്രയീമയീ ത്രയീവേദ്യാ ത്ര്യയ്യന്തോദ്ഗീതവൈഭവാ .
ത്രികോണസ്ഥാ ത്രികാലജ്ഞാ ത്രികൂടാ ത്രിപുരേശ്വരീ .. 97..

ത്രിചത്വാരിംശദശ്രാങ്കചക്രാന്തർബിന്ദുസംസ്ഥിതാ .
ത്രിതാരാ തുംബുരൂദ്ഗീതാ താർക്ഷ്യാകാരാ ത്രികാഗ്നിജാ .. 98..

ത്രിപുരാ ത്രിപുരധ്വംസിപ്രിയാ ത്രിപുരസുന്ദരീ .
ത്രിസ്ഥാ ത്രിമൂർതിസഹജശക്തിസ്ത്രിപുരഭൈരവീ .. 99..

ഓം ഐം ഹ്രീം ശ്രീം ഥം - 33..

ഥാം ഥീകരമൃദഗാദിഭൃദ്വിഷ്ണുമുഖസേവിതാ .
ഥാം ഥീം തക്തക ഥിം തോകൃത്താലധ്വനിസഭാംഗണാ .. 100..

ഓം ഐം ഹ്രീം ശ്രീം ദം - 34..

ദക്ഷാ ദാക്ഷായണീ ദക്ഷപ്രജാപതിമഖാന്തകീ .
ദക്ഷിണാചാരരസികാ ദയാസമ്പൂർണമാനസാ .. 101..

ദാരിദ്ര്യോന്മൂലിനീ ദാനശീലാ ദോഷവിവർജിതാ .
ദാരുകാന്തകരീ ദാരുകാരണ്യമുനിമോഹിനീ .. 102..

ദീർഘദംഷ്ട്രാനനാ ദീർഘരസനാഗീർണദാനവാ .
ദീക്ഷിതാ ദീക്ഷിതാരാധ്യാ ദീനസംരക്ഷണോദ്യതാ .. 103..

ദുഃഖാബ്ധിബഡബാ ദുർഗാ ദുംബീജാ ദുരിതാപഹാ .
ദുഷ്ടദൂരാ ദുരാചാരശമനീ ദ്യൂതവേദിനീ .. 104..

ദ്വിജാവഗൂരണസ്വാന്തപിശിതാമോദിതാണ്ഡജാ .
ഓം ഐം ഹ്രീം ശ്രീം ധം - 35..

ധനദാ ധനദാരാധ്യാ ധനദാപ്തകുടുംബിനീ .. 105..

ധരാധരാത്മജാ ധർമരൂപാ ധരണിധൂർധരാ .
ധാത്രീ ധാതൃശിരച്ഛേത്രീ ധീധ്യേയാ ധുവപൂജിതാ .. 106..

ധൂമാവതീ ധൂമ്രനേത്രഗർവസംഹാരിണീ ധൃതിഃ .
ഓം ഐം ഹ്രീം ശ്രീം നം - 36..

നഖോത്പന്നദശാകാരമാധവാ നകുലീശ്വരീ .. 107..

നരനാരായണസ്തുത്യാ നലിനായതലോചനാ .
നരാസ്ഥിസ്രഗ്ധരാ നാരീ നരപ്രേതോപരിസ്ഥിതാ .. 108..

നവാക്ഷരീനാമമന്ത്രജപപ്രീതാ നടേശ്വരീ .
നാദചാമുണ്ഡികാ നാനാരൂപകൃന്നാസ്തികാന്തകീ .. 109..

നാദബ്രഹ്മമയീ നാമരൂപഹീനാ നതാനനാ .
നാരായണീ നന്ദിവിദ്യാ നാരദോദ്ഗീതവൈഭവാ .. 110..

നിഗമാഗമസംവേദ്യാ നേത്രീ നീതിവിശാരദാ .
നിർഗുണാ നിത്യസന്തുഷ്ടാ നിത്യാഷോഡശികാവൃതാ .. 111..

നൃസിംഹദർപശമനീ നരേന്ദ്രഗണവന്ദിതാ .
നൗകാരൂഢാസമുത്തീർണഭവാംഭോധി നിജാശ്രിതാ .. 112..

ഓം ഐം ഹ്രീം ശ്രീം പം - 37..

പരമാ പരമം ജ്യോതിഃ പരബ്രഹ്മമയീ പരാ .
പരാപരമയീ പാശബാണാങ്കുശധനുർധരാ .. 113..

പരാപ്രാസാദമന്ത്രാർഥാ പതഞ്ജലിസമർചിതാ .
പാപഘ്നീ പാശരഹിതാ പാർവതീ പരമേശ്വരീ .. 114..

പുണ്യാ പുലിന്ദിനീപൂജ്യാ പ്രാജ്ഞാ പ്രജ്ഞാനരൂപിണീ .
പുരാതനാ പരാശക്തിഃ പഞ്ചവർണസ്വരൂപിണീ .. 115..

പ്രത്യംഗിരാഃ പാനപാത്രധരാ പീനോന്നതസ്തനീ .
ഓം ഐം ഹ്രീം ശ്രീം ഫം - 38..

ഫഡർണധ്വസ്തപാപൗഘദാസാ ഫണിവരേഡിതാ .. 116..

ഫണിരത്നാസനാസീനകാമേശോത്സംഗവാസിനീ .
ഫലദാ ഫൽഗുനപ്രീതാ ഫുല്ലാനനസരോരുഹാ .. 117..

ഫുല്ലോത്തപ്താംഗസാഹസ്രദലപങ്കജഭാസുരാ .
ഓം ഐം ഹ്രീം ശ്രീം ബം - 39..

ബന്ധൂകസുമനോരാഗാ ബാദരായണദേശികാ .. 118..

ബാലാംബാ ബാണകുസുമാ ബഗലാമുഖിരൂപിണീ .
ബിന്ദുചക്രസ്ഥിതാ ബിന്ദുതർപണപ്രീതമാനസാ .. 119..

ബൃഹത്സാമസ്തുതാ ബ്രഹ്മമായാ ബ്രഹ്മർഷിപൂജിതാ .
ബൃഹദൈശ്വര്യദാ ബന്ധഹീനാ ബുധസമർചിതാ .. 120..

ബ്രഹ്മചാമുണ്ഡികാ ബ്രഹ്മജനനീ ബ്രാഹ്മണപ്രിയാ .
ബ്രഹ്മജ്ഞാനപ്രദാ ബ്രഹ്മവിദ്യാ ബ്രഹ്മാണ്ഡനായികാ .. 121..

ബ്രഹ്മതാലപ്രിയാ ബ്രഹ്മപഞ്ചമഞ്ചകശായിനീ . (??)
ബ്രഹ്മാദിവിനുതാ ബ്രഹ്മപത്നീ ബ്രഹ്മപുരസ്ഥിതാ .. 122..

ബ്രാഹ്മീമാഹേശ്വരീമുഖ്യശക്തിവൃന്ദസമാവൃതാ .
ഓം ഐം ഹ്രീം ശ്രീം ഭം - 40..

ഭഗാരാധ്യാ ഭഗവതീ ഭാർഗവീ ഭാർഗവാർചിതാ .. 123..

ഭണ്ഡാസുരശിരശ്ഛേത്രീ ഭാഷാസർവസ്വദർശിനീ .
ഭദ്രാ ഭദ്രാർചിതാ ഭദ്രകാലീ ഭർഗസ്വരൂപിണീ .. 124..

ഭവാനീ ഭാഗ്യദാ ഭീമാ ഭാമതീ ഭീമസൈനികാ .
ഭുജംഗനടനോദ്യുക്താ ഭുജനിർജിതദാനവാ .. 125..

ഭ്രുകുടീക്രൂരവദനാ ഭ്രൂമധ്യനിലയസ്ഥിതാ .
ഭേതാലനടനപ്രീതാ ഭോഗിരാജാംഗുലീയകാ .. 126..

ഭേരുണ്ഡാ ഭേദനിർമുക്താ ഭൈരവീ ഭൈരവാർചിതാ .
ഓം ഐം ഹ്രീം ശ്രീം മം - 41..

മണിമണ്ഡപമധ്യസ്ഥാ മാണിക്യാഭരണാന്വിതാ .. 127..

മനോന്മനീ മനോഗമ്യാ മഹാദേവപതിത്രതാ .
മന്ത്രരൂപാ മഹാരാജ്ഞീ മഹാസിദ്ധാലിസംവൃതാ .. 128..

മന്ദരാദികൃതാവാസാ മഹാദേവീ മഹേശ്വരീ .
മഹാഹിധമേഖലാ മാർഗദുർഗാ മാംഗല്യദായിനീ .. 129..

മഹാവതക്രതുപ്രീതാ മാണിഭദ്രസമർചിതാ . (??)
മഹിഷാസുരശിരശ്ഛേദനർതകീ മുണ്ഡഖമിഡനീ .. 130..

മാതാ മരകടശ്യാമാ മാതംഗീ മതിസാക്ഷിണീ . (??)
മാധവീ മാധവാരാധ്യാ മധുമാംസപ്രിയാ മഹീ .. 131..

മാരീ മാരാന്തക ക്ഷോഭകാരിണീ മീനലോചനാ .
മാലതീകുന്ദമാലാഢ്യാ മാഷൗദനസമുൻസുകാ .. 132..

മിഥുനാസക്തഹൃദയാ മോഹിതാശേഷവിഷ്ടപാ .
മുദ്രാ മുദ്രാപ്രിയാ മൂർഖനാശിനീ മേഷഭക്ഷിണീ .. 133..

മൂകാംബാ മുഖജാ മോദജനകാലോകനപ്രിയാ .
മൗനവ്യാഖ്യാപരാ മൗനസത്യചിന്മാത്രലക്ഷണാ .. 134..

മൗഞ്ജീകച്ഛധരാ മൗർവീദ്വിരേഫമുഖരോന്മുഖാ .
ഓം ഐം ഹ്രീം ശ്രീം യം - 42..

യജ്ഞവൃന്ദപ്രിയാ യഷ്ട്രീ യാന്തവർണസ്വരൂപിണീ .. 135..

യന്ത്രരൂപാ യശോദാത്മജാതസജുതവൈഭവാ .
യശസ്കരീ യമാരാധ്യാ യജമാനാകൃതിര്യതിഃ .. 136..

യാകിനീ യക്ഷരക്ഷാദിവൃതാ യജനതർപണാ .
യാഥാർഥ്യവിഗ്രഹാ യോഗ്യാ യോഗിനീ യോഗനായികാ .. 137..

യാമിനീ യജമോത്സാഹാ യാമിനീചരഭക്ഷിണീ .
യായജൂകർചിതപദാ യജ്ഞേശീ യക്ഷിണീശ്വരീ .. 138..

യാസാപദ്മധരാ യാസാപദ്മാന്തരപരിഷ്കൃതാ .
യോഷാഽഭയങ്കരീ യോഷിദ്വൃന്ദവന്ദിതപാദുകാ .. 139..

ഓം ഐം ഹ്രീം ശ്രീം രം - 43..

രക്തചാമുണ്ഡികാ രാത്രിദേവതാ രാഗലോലുപാ .
രക്തബീജപ്രശമനീ രജോഗന്ധനിവാരിണീ .. 140..

രണരഗനടീരത്ത്രമജ്ജീരചരണാംബുജാ .
രജധ്വവസ്താചലാ രാഗഹീനമാനസഹംസിനീ .. 141..

രസനാലേപിതക്രൂരരക്തബീജകലേവരാ .
രക്ഷാകരീ രമാ രമ്യാ രഞ്ജിനീ രസികാവൃതാ .. 142..

രാകിണ്യംബാ രാമനുതാ രമാവാണീനിഷേവിതാ .
രാഗാലാപപരബ്രഹ്മ ശിരോ മാലാപ്രസാധനാ .. 143..

രാജരാജേശ്വരീ രാജ്ഞീ രാജീവനയനപ്രിയാ .
രാജവ്രാതകിരീടാംശുനീരാജിതപദാംബുജാ .. 144..

രുദ്രചാമുണ്ഡികാ രുക്മസദൃശാ രുധിരപ്രിയാ .
രുദ്രതാണ്ഡവസാമർഥ്യദർശനോത്സുകമാനസാ .. 145..

രുദ്രാട്ടഹാസസങ്ക്ഷുഭ്യജ്ജഗന്തുഷ്ടിവിധായിനീ .
രുദ്രാണീ രുദ്രവനിതാ രുരുരാജഹിതൈഷിണീ .. 146..

രേണുകാ രേണുകാസൂനുസ്തുത്യാ രേവാവിഹാരിണീ .
രോഗഘ്നീ രോഷനിർദഗ്ധശത്രുസേനാനിവേശിനീ .. 147..

രോഹിണീശാംശുസംഭൂതഝരീരത്നവിതാനകാ .
രൗദ്രീ രൗദ്രാസ്ത്രനിർദഗ്ധരാക്ഷസാ രാഹുപൂജിതാ .. 148..

ഓം ഐം ഹ്രീം ശ്രീം ലം - 44..

ലഘൂക്തിവൽഗുസ്തിമിതവാണീത്യക്തവിപഞ്ചികാ .
ലജ്ജാവതീ ലലത്പ്രോച്ചകേശാ ലംബിപയോധരാ .. 149..

ലയാദികർത്രീ ലോമാലിലതാനാഭീസരഃ കടീ .
ലലദോഷ്ഠദലദ്വന്ദ്വവദനാ ലക്ഷ്യദൂരഗാ .. 150..

ലലന്തികാമണീഭാസ്വന്നിടിലശ്രീമുഖാംബുജാ .
ലലാടാർധനിശാനാഥകലങ്കോദ്ഭാസിലോചനാ .. 151..

ലലിതാ ലോഭിനീ ലോഭഹീനാ ലോകേശ്വരീ ലഘുഃ .
ലക്ഷ്മീർലക്ഷ്മീശസഹജാ ലക്ഷ്മണാഗ്രജവന്ദിതാ .. 152..

ലാകിനീ ലഘിതാപൃഭോധിനിവഹാ ലലിതാഗ്ബികാ .
ലാജഹോമപ്രിയാ ലംബമുക്താഭാസുരനാസികാ .. 153..

ലാഭാലാഭാദിരഹിതാ ലാസ്യദർശനകോവിദാ .
ലാവണ്യദർശനോദ്വിഗ്നരതീശാ ലധുഭാഷിണീ .. 154..

ലാക്ഷാരസാഞ്ചിതപദാ ലധുശ്യാമാ ലതാതനുഃ .
ലാക്ഷാലക്ഷ്മീതിരസ്കാരിയുഗലാധരപല്ലവാ .. 155..

ലീലാഗതിപരാഭൂതഹംസാ ലീലാവിനോദിനീ .
ലീലാനന്ദനകല്പദ്രുമലതാഡോലാവിഹാരിണീ .. 156..

ലീലാപീതാബ്ധിവിനുതാ ലീലാസ്വീകൃതവിയഹാ .
ലീലാശുകോസ്തിമുദിതാ ലീലാമൃഗവിഹാരിണീ .. 157..

ലോകമാതാ ലോകസൃഷ്ടിസ്ഥിതിസംഹാരകാരിണീ .
ലോകാതീതപദാ ലോകവന്ദ്യാ ലോകൈകസാക്ഷിണീ .. 158..

ലോകാതീതാകൃതിർലബ്ധാ മാർഗത്യാഗപരാന്തകീ . (??)
ലോകാനുല്ലംഘിതനിജശാസനാ ലബ്ധവിയഹാ .. 159..

ലോമാവലി ലതാ ലംബിസ്തനയുഗ്മനതാനനാ .
ലോലചിത്തവിദൂരസ്ഥാ ലോമലംബ്യണ്ഡജാലകാ .. 160..

ലബിതാരിശിരോഹസ്താ ലോകരക്ഷാപരായണാ .
ഓം ഐം ഹ്രീം ശ്രീം വം - 45..

വനദുർഗാ വിന്ധ്യദലവാസിനീ വാമകേശ്വരീ .. 161..

വശിന്യാദിസ്തുതാ വഹ്നിജ്വാലോദ്ഗാരിമുഖീ വരാ .
വക്ഷോജയയുഗ്മവിരഹാസഹിഷ്ണുകരശങ്കരാ .. 162..

വാങ്മനോതീതവിഷയാ വാമാചാരസമുത്സുകാ .
വാജപേയാധ്വരാനന്ദാ വാസുദേവേഷ്ടദായിനീ .. 163..

വാദിത്രധ്വനിസംഭ്രാന്തദിഗ്ഗജാലിർവിധീഡിതാ .
വാമദേവവസിഷ്ഠാദിപൂജിതാ വാരിദപ്രഭാ .. 164..

വാമസ്തനാശ്ലിഷ്ദ്ധസ്തപദ്മശംഭുവിഹാരിണീ .
വാരാഹീ വാസ്തുമധ്യസ്ഥാ വാസവാന്തഃ പുരേഷ്ടദാ .. 165..

വാരാംഗനാനീതപൂർണകുംഭദീപാലിമണ്ടപാ .
വാരിജാസനശീർഷാലിമാലാ വാർധിസരോവരാ .. 166..

വാരിതാസുരദർപശ്രീഃ വാർധഘ്നീമന്ത്രരൂപിണീ .
വാർതാലീ വാരുണീ വിദ്യാ വരുണാരോഗ്യദായിനീ .. 167..

വിജയാ വിജയാസ്തുത്യാ വിരൂപാ വിശ്വരൂപിണീ .
വിപ്രശത്രുകദംബഘ്നീ വിപ്രപൂജ്യാ വിഷാപഹാ .. 168..

വിരിഞ്ചിശിക്ഷണോദ്യുക്തമധുകൈടഭനാശിനീ .
വിശ്വമാതാ വിശാലാക്ഷീ വിരാഗാ വീശവാഹനാ .. 169..

വീതരാഗവൃതാ വ്യാഘ്രപാദ നൃത്തപ്രദർശിനീ .
വീരഭദ്രഹതോന്മത്തദക്ഷയജ്ഞാശ്രിതാമരാ .. 170..

വേദവേദ്യാ വേദരൂപാ വേദാനനസരോരുഹാ .
വേദാന്തവിഷയാ വേണുനാദജ്ഞാ വേദപൂജിതാ .. 171..

വൗഷട്മന്ത്രമയാകാരാ വ്യോമകേശീ വിഭാവരീ . ??
വന്ദ്യാ വാഗ്വാദിനീ വന്യമാംസാഹാരാ വനേശ്വരീ .. 172..

വാഞ്ഛാകല്പലതാ വാണീ വാക്പ്രദാ വാഗധീശ്വരീ .
ഓം ഐം ഹ്രീം ശ്രീം ശം - 46..

ശക്തിവൃന്ദാവൃതാ ശബ്ദമയീ ശ്രീചക്രരൂപിണീ .. 173..

ശബരീ ശബരീദുർഗാ ശരഭേശച്ഛദാകൃതിഃ .
ശബ്ദജാലോദ്ഭവഢ്ഢക്കാരവാസന്ദിഗ്ധതാപസാ .. 174..

ശരണാഗതസന്ത്രാണപരായണപടീയസീ .
ശശാങ്കശേഖരാ ശസ്ത്രധരാ ശതമുഖാംബുജാ .. 175..

ശാതോദരീ ശാന്തിമതീ ശരച്ചന്ദ്രനിഭാനനാ .
ശാപാപനോദനചണാ ശങ്കാദോഷാദിനാശിനീ .. 176..

ശിവകാമസുന്ദരീ ശ്രീദാ ശിവവാമാംഗവാസിനീ .
ശിവാ ശ്രീദാനനിപുണലോചനാ ശ്രീപതിപ്രിയാ .. 177..

ശുകാദിദ്വിജവൃന്ദോക്തിസ്തബ്ധമാനസഗീഷ്പതിഃ .
ശുക്രമണ്ഡലസങ്കാശമുക്താമാലാ ശുചിസ്മിതാ .. 178..

ശുക്ലദംഷ്ട്രാഗ്രസന്ദീപ്തപാതാലഭ്രാന്തപന്നഗാ .
ശുഭ്രാസനാ ശൂരസേനാവൃതാ ശൂലാദിനാശിനീ .. 179..

ശൂകവൃശ്ചികനാഗാഖുർവൃകഹ്രിംസ്രാലിസംവൃതാ .
ശൂലിനീ ശൂലഡ്ഗാഹിശംഖചക്രഗദാധരാ .. 180..

ശോകാബ്ധിശോഷണോദ്യുക്തബഡവാ ശ്രോത്രിയാവൃതാ .
ശങ്കരാലിംഗനാനന്ദമേദുരാ ശീതലാംബികാ .. 181..

ശങ്കരീ ശങ്കരാർധാംഗഹരാ ശാക്കരവാഹനാ .
ശംഭുകോപാഗ്നിനിർദഗ്ധമദനോത്പാദകേക്ഷണാ .. 182..

ശാംഭവീ ശംഭുഹസ്താബ്ജലീലാരുണകരാവലിഃ .
ശ്രീവിദ്യാ ശുഭദാ ശുഭവസ്ത്രാ ശുംഭാസുരാന്തകീ .. 183..

ഓം ഐം ഹ്രീം ശ്രീം ഷം - 47..

ഷഡാധാരാബ്ജനിലയാ ഷാഡ്ഗുണ്യശ്രീപ്രദായിനീ .
ഷഡൂർമിഘ്നി ഷഡധ്വാന്തപദാരൂഢസ്വരൂപിണീ .. 184..

ഷട്കോണമധ്യനിലയാ ഷഡർണാ ഷാന്തരൂപിണീ .
ഷഡ്ജാദിസ്വരനിർമാത്രീ ഷഡംഗയുവതീശ്വരീ .. 185..

ഷഡ്ഭാവരഹിതാ ഷണ്ഡകണ്ടകീ ഷണ്മുഖപ്രിയാ .
ഷഡ്സാസ്വാദമുദിതാ ഷഷ്ഠീശാദിമദേവതാ .. 186..

ഷോഢാന്യാസമയാകാരാ ഷോഡശാക്ഷരദേവതാ .
ഓം ഐം ഹ്രീം ശ്രീം സം - 48..

സകലാ സച്ചിദാനന്ദലക്ഷണാ സൗഖ്യദായിനീ .. 187..

സനകാദിമുനിധ്യേയാ സന്ധ്യാനാട്യവിശാരദാ .
സമസ്തലോകജനനീ സഭാനടനരഞ്ജിനീ .. 188..

സരഃ പുലിനലീലാർഥിയുവതീനിവഹോത്സുകാ .
സരസ്വതീ സുരാരാധ്യാ സുരാപാനപ്രിയാസുരാ .. 189..

സരോജലവിഹാരോദ്യത്പ്രിയാകൃഷ്ടോത്തരാംശുകാ .
സാധ്യാ സാധ്യാദിരീഹതാ സ്വതന്ത്രാ സ്വസ്തിരൂപിണീ .. 190..

സാധ്വീ സംഗീതരസികാ സർവദാ സർവമംഗലാ .
സാമോദ്ഗീതനിജാനന്ദമഹിമാലിസ്സനാതനാ .. 191..

സാരസ്വതപ്രദാ സാമാ സംസാരാർണവതാരിണീം .
സാവിത്രീ സംഗനിർമുക്താ സതീശീ സർവതോമുഖീ .. 192..

സാഖ്യതത്വജ്ഞനിവഹവ്യാപിസാലാ സുഖേശ്വരീ .
സിദ്ധസംഘാവൃതാ സാന്ധ്യവന്ദിതാ സാധുസത്കൃതാ .. 193..

സിംഹാസനഗതാ സർവശൃംഗാരരസവാരിധിഃ .
സുധാബ്ധിമധ്യനിലയാ സ്വർണദ്വീപാന്തരസ്ഥിതാ .. 194..

സുധാസിക്താലവാലോദ്യത്കായമാനലതാഗൃഹാ .
സുഭഗാ സുന്ദരീ സുഭ്രൂഃ സമുപാസ്യത്വലക്ഷണാ .. 195..

സുരദുസങ്കുലാഭോഗതടാ സൗദാമിനീനിഭാ .
സുരഭീകേശസംഭ്രാന്തദ്വിരേഫമുഖരാന്വിതാ .. 196..

സൂര്യചന്ദ്രാംശുധിക്കാരിപ്രഭാരത്നാലിമണ്ഡപാ .
സോമപാനോദ്ഭവാമോദവിപ്രഗീതാപദാനകാ .. 197..

സോമയാഗപ്രിയാ സോമസൂര്യവഹ്നിവിലോചനാ .
സൗഗന്ധികമരുദ്വേഗമോദിതാ സദ്വിലാസിനീ .. 198..

സൗന്ദര്യമോഹിതാധീനവല്ലഭാ സന്തതിപ്രദാ .
സൗഭാഗ്യമന്ത്രിണീ സത്യവാദാ സാഗരമേഖലാ .. 199..

സ്വശ്വാസോച്ഛവാസഭുവനമോചനോന്മോചനാ സ്വധാ .
ഓം ഐം ഹ്രീം ശ്രീം ഹം - 49..

ഹയാരൂഢാ ഹയഗ്രീവവിനുതാ ഹതകിൽബിഷാ .. 200..

ഹരാലിംഗനശീതാംശൂന്മിഷന്നേത്രമുദ്വതീ .
ഹരിനാഭിസമുദ്ഭൂതവിരിഞ്ചിവിനുതാ ഹരാ .. 201..

ഹാദിവിദ്യാ ഹാനിഹീനാ ഹാകിനീ ഹരിചണ്ഡികാ .
ഹാരാവലിപ്രഭാദീപ്ത ഹരിദന്തദിഗംബരാ .. 202..

ഹാലാഹലവിഷോദ്വിഗ്രവിഷ്ടാപാനേകരക്ഷകീ .
ഹാഹാകാരരവോദ്ഗീതദനുജാ ഹാരമഞ്ജുലാ .. 203..

ഹിമാദ്രിതനയാ ഹീരമകുടാ ഹാരപന്നഗാ .
ഹുതാശനധരാ ഹോമപ്രിയാ ഹോത്രീ ഹയേശ്വരീ .. 204..

ഹേമപദ്മധരാ ഹേമവർമരാജസമർചിതാ .
ഹംസിനീ ഹംസമന്ത്രാർഥാ ഹംസവാഹാ ഹരാംഗഭൃത് .. 205..

ഹൃദ്യാ ഹൃദ്യമനോനിത്യവാസാ ഹരകുടുംബിനീ . (??)
ഹ്രീമതിഃ ഹൃദയാകാശതരണിഃ ഹ്രിമ്പരായണാ .. 206..

ഓം ഐം ഹ്രീം ശ്രീം ക്ഷം - 50..

ക്ഷണദാചരസംഹാരചതുരാ ക്ഷുദ്രദുർമുഖാ .
ക്ഷണദാർച്യാ ക്ഷപാനാഥസുധാർദ്രകബരീ ക്ഷിതിഃ .. 207..

ക്ഷമാ ക്ഷമാധരസുതാ ക്ഷാമക്ഷോഭവിനാശിനീ .
ക്ഷിപ്രസിദ്ധിമ്പ്രദാ ക്ഷിപ്രഗമനാ ക്ഷുണ്ണിവാരിണീ .. 208..

ക്ഷീണപുണ്യാസുഹൃത് ക്ഷീരവർണാ ക്ഷയവിവർജിതാ .
ക്ഷീരാന്നാഹാരമുദിതാ ക്ഷ്മ്ര്യൂമ്മന്ത്രാപ്തേഷ്ടയോഗിരാട് .. 209..

ക്ഷീരാബ്ധിതനയാ ക്ഷീരഘൃതമധ്വാസവാർചിതാ .
ക്ഷുധാർതിദീനസന്ത്രാണാ ക്ഷിതിസംരക്ഷണക്ഷമാ .. 210..

ക്ഷേമങ്കരീ ക്ഷേത്രപാലവന്ദിതാ ക്ഷേത്രരൂപിണീ .
ക്ഷൗമാംബരധരാ ക്ഷത്രസമ്പ്രാർഥിതജയോത്സവാ .. 211..

ക്ഷ്വേലഭുഗ്രസനാസ്വാദ ജാത വാഗ്രസവൈഭവാ .

ഇതി ശ്രീഭൃംഗിരിടിസംഹിതായാം ശക്ത്യുത്കർഷപ്രകരണേ
ശിവഗൗരീസംവാദേ ശ്രീശിവകാമസുന്ദരീസഹസ്രനാമസ്തോത്രം 
സമ്പൂർണം

=============================================================================


.. ഉത്തരപീതികാ ..

ഇത്യേതത്തേ മയാഽഽഖ്യാതം നാമ സാഹസ്രമുത്തമം .
ശിവകാമസുന്ദരീദേവ്യാഃ ശിവായാഃ പരമേശ്വരി .. 1..

ചതുർവേദസ്യ താത്പര്യസാരഭൂതം സുഖപ്രദം .
സഹസ്രനാമക സ്തോത്രരത്നാഭിധമിദം പ്രിയേ .
ശ്രുത്യന്തവാക്യനിചയബദ്ധം ശീഘ്രപ്രസിദ്ധിദം .. 2..

ആയുരാരോഗ്യദം പുണ്യവർധനം ഭുക്തിമുക്തിദം .
വിഘ്നവാരണവിഘ്നേശം സംസാരധ്വാന്തഭാസ്കരം .. 3..

ശോകകാന്താരദാവാഗ്നിമജ്ഞാനാബ്ധിഘടോദ്ഭവം .
രോഗപർവതദഭ്ഭോലിം ശത്രുവർഗാഹിതാർക്ഷ്യകം .. 4..

സർവവിദ്യാപ്രദം നൄണാം തുഷ്ടിദം പുഷ്ടിദം പ്രിയേ .
ഭൂതാഃ പ്രേതാഃ പിശാചാശ്ച ബ്രഹ്മരക്ഷോഗണോരഗാഃ .. 5..

ജടാമുനിഗണാഃ ക്ഷുദ്രജ്വരകൃദ്ഗ്രഹമണ്ഡലാഃ .
കോടരാരേവതീജ്യേഷ്ഠാപൂതനാമാതൃകാദയഃ .. 6..

മഹാജ്വരകരാശ്ചാന്യേ ഭേതാലാഗ്നിധരാശ്ശിവേ .
അപസ്മാരാദിമാശ്ചാന്യേ ദൃഷ്ടാ ഹിംസാരാരാശ്ശിവേ .. 7..

രാക്ഷസാ മനുജാ യജ്ഞവിഘ്നഭൂതാശ്ച പന്നഗാഃ .
സാലുവാഃ ശരഭാഃ സിംഹാഃ വ്യാഘ്രാ ഋക്ഷാ ഗജാ വൃഷാഃ .
ശാക്കരാ മഹിഷാച്ഛഗാഃ ഗവയാവൃകജംബുകാഃ .
അന്യേ വന്യാ മൃഗാ ദേവി ഹിംസകാശ്ശൂകവൃശ്ചികാഃ .. 9..

അണ്ഡജാസ്സ്വേദജാ ദേവി ചോദ്ഭിദാശ്ച ജരായുജാഃ .
യേ യേ ഹിംസാകരാസ്സർവേ നാമസാഹസ്രജാപിനം .. 10..

ദൃഷ്ട്വാ ഭീത്യാ പരിഭ്രാന്താഃ സ്ഖലന്തശ്ച വിദൂരതഃ .
പതന്തശ്ച പലായന്തേ പ്രാണത്രാണപരായണാഃ .. 11..

അംബികാനാമസാഹസ്രജപശീലസ്യ യോഗിനഃ .
ദ്രവ്യാണി യോഽപഹരതേ തം ഭക്ഷയതി യോഗിനീ .. 12..

ശിവകാമസുന്ദരീഭസ്തിശാലിനം ദ്വേഷ്ടി യോ നരഃ .
തം നാശയതി സാ ദേവീ സപുത്രഗണബാന്ധവം .. 13..

ശിവകാമസുന്ദരീഭക്തേ ചാഭിചാരാദിദുഷ്കൃതിം .
യഃ പ്രേരയതി മൂഢാത്മാ തം ദേവീ ശിവസുന്ദരീ .. 14..

മുഖാഗ്നിജ്വാലയാ ദേവീ ദാഹയത്യഞ്ജസാ ധുവം .
അനേന സദൃശം സ്തോത്രം നാസ്തി നാസ്ത്യദ്രികന്യകേ .. 15..

ഏതത്സ്തോത്രജപേനൈവ വിഷ്ണുർലക്ഷ്മീശ്വരോഽഭവത് .
ജഗദ്രക്ഷകകർതൃത്വം ബ്രഹ്മണോ വേധസഃ പ്രിയേ .. 16..

സൃഷ്ടികർതൃത്വമപ്യംബേ വേദാനാം ച വിധായകഃ .
അഭൂദന്യേഽമരാശ്ചൈവ വഹ്നീന്ദ്രയമരാക്ഷസാഃ .. 17..

ജലവായ്വീശധനദാഃ യോഗിനശ്ച മഹർഷയഃ .
ജപാദസ്യ സ്വയം സിദ്ധിം ലേഭിരേ സതതം ശിവേ .. 18..

മമ ശക്തിമയീ ത്വം ഹി ദേവീ സാ കാമസുന്ദരീ .
തസ്യാഃ പ്രഭാവം നാന്യേന വസ്തും ശക്യം ഹി സുന്ദരി! .. 19..

ത്വയൈവ ചിന്തനീയം തത് ത്വത്തോ നാന്യാസ്തി ഹി പ്രിയാ .
ഏതന്നാമസഹസ്രസ്യ ജപേ ത്രൈവർണികഃ പ്രിയേ .. 20..

മയാധിക്രിയതേഽന്യേഷാം ച ഭവേദധികാരതാ .
അന്യേ തു പാഠയേദ്വിപ്രൈഃ ലഭേരന്ദവേഷ്ടകാമനാം .. 21..

യോ വിപ്രശ്ശാന്തഹൃദയഃ നാമസാഹസ്രമുത്തമം .
ജപതി ശ്രദ്ധയാ യുക്തഃ സർവാൻകാമാനവാപ്നുയാത് .. 22..

ശുക്രവാരേ സൗമവാരേ ഭൗമവാരേ ഗുരോർദിനേ .
ദർശേ പർവണി പഞ്ചമ്യാം നവമ്യാം കുലസുന്ദരി .. 23..

കൃഷ്ണാംഗാരചതുർദശ്യാം സങ്ക്രാന്താവയനേ വിഷൗ .
വൃഷേ ശുക്ലനവമ്യാം ച ശ്രാവണ്യാം മൂലഭേ ശുഭേ .. 24..

ആഷാഢേ ച തുലായാം ച നക്ഷത്രേ പൂർവഫൽഗുനേ .
ജ്യേഷ്ഠേ ച ഫാൽഗുനേ മാസി ഉത്തരേ ഫൽഗുനേ ശുഭേ .. 25..

നക്ഷത്രേ ച ശുഭാം ദേവീം ഗൗരീനാമഭിരംബികാം .
അർചയേത്സതതം പ്രീതാ സുന്ദരീ ഭവതി പ്രിയേ .. 26..

പ്രതിപന്മുഖരാകാന്തദിനരാത്രിഷു ചാംബികാം .
അർചയേത്കുസുമൈർബില്വൈഃ ഹാരിദ്രൈഃ കുകുമൈഃ ശുഭൈഃ .. 27..

ഹരിദ്രാചൂർണസമ്പൃക്തൈരക്ഷതൈർതുലസീദലൈഃ .
കേസരൈഃ കേതകൈശ്ചൈവ മന്ദാരൈശ്ചമ്പകൈരപി .. 28..

പ്രഥമം ഗന്ധതൈലേനാഭിഷിച്യ തതഃ പരം .
പയസാ മധുനാ ദഘ്നാ ഘൃതേന ലികുചേന ച .. 29..

നാരികേലാമ്രപനസകദലീനാം ഫലത്രയം .
ശർകരാമധുസമ്പൃക്തം പഞ്ച്ജാമൃതമഥാംബികാം .. 30..

അഭിഷിച്യ തതഃ പശ്ചാത്സഗന്ധീശ്ചന്ദനൈഃ ശുഭൈഃ .
അന്നൈശ്ച കുങ്കുമൈശ്ചൈവ ഫലാനാം ച രസൈസ്തഥാ .. 31..

ഗംഗാംബുഭിസ്തതഃ കുര്യാത്വാസിതൈഃ സലിലൈശ്ശുഭൈഃ .
സമ്യഗുന്മാർജ്യ വസ്ത്രൈശ്ച പീതാംബരമുഖൈഃ ശിവൈഃ .. 32..

ആച്ഛാദ്യ കഞ്ചുകൈശ്ചൈവാലങ്കൃത്യാഭരണൈസ്സുമൈഃ .
ശുദ്ധാന്നൈഃ പായസാന്നൈശ്ച രസഖണ്ഡാന്നൈശ്ച ഭക്ഷ്യകൈഃ .. 33..

ഗുഡാന്നേഃ പായസാപൂപൈർമാഷാപൂപൈശ്ച ലേഹ്യകൈഃ .
ഖാദ്യൈശ്ച വിവിധൈരന്നൈഃ ചിത്രാന്നൈശ്ച വിശേഷതഃ .. 34..

ലഡ്ഡുകൈർമോദകൈശ്ചാപി കരംഭൈശ്ച ശരാവകൈഃ .
ഫലൈശ്ച വിവിധൈശ്ചാപി കുര്യാന്നൈവേദ്യമാദരാത് .. 35..

ഷോഡശൈരുപചാരൈശ്ച പൂജയേച്ഛിവസുന്ദരീം .
സുവാസിനീഃ കന്യകാശ്ച വസ്ത്രാന്നൈശ്ച പ്രപൂജയേത് .. 36..

ഏഭിർനാമഭിരേവൈതാം മൂർതേ യന്ത്രേ ഘടേഽപി വാ .
ആവാഹ്യാഭ്യർച്യയേദ്ദേവീം ജപേദ്വാ സന്നിധൗ സ്തുതിം .. 37..

യം യം കാമയതേ ശീഘ്രം തം തം പ്രാപ്നോത്യസംശയഃ .
വിദ്യാർഥീ ലഭതേ വിദ്യാം പുത്രാർഥീ പുത്രമാപ്നുയാത് .. 38..

കന്യാർഥീ ലഭതേ കന്യാം അപ്സരസ്സദൃശീം ശിവേ .
ധനാർഥീ ലഭതേ ശീഘ്രം ധനം ഭൂരി മഹേശ്വരി .. 39..

ശ്രീവിദ്യോപാസ്തിശീലാനാമാത്മരക്ഷാർഥമാദരാത് .
ശത്രുനിർഘാതനാർഥഞ്ച സ്വദാസാനുഗ്രഹായ ച .. 40..

ജപ്തവ്യം സതതം ഭദ്രേ ശ്രുതിവദ്വാഗ്യതശ്ശുചിഃ .
സർവമന്ത്രാധികാരത്വാത് ശ്രീവിദ്യോപാസകസ്യ തു .. 41..

ഗുരും സ്വയം ജപ്യം വിനാ സുന്ദര്യേവാസ്യ ദേശികാ .
തേഷാമേവ വിധിഃ പ്രോക്തോ നാന്യേഷാം മേനകാത്മന്തേ .. 42..

ഉപദേശാദേവ ച ഗുരോഃ ജപ്തവ്യം ശിവഭാഷിതം .
ശ്രീചക്രപുരസമാജസ്ത്രിപുരാതുഷ്ടികാരണം .. 43..

തത്ത്വമസ്യാദിവാക്യാർഥപരബ്രഹ്മപദപ്രദം .
ശിവജ്ഞാനപ്രദം ദേവി ശീഘ്രസിദ്ധികരം പരം .. 44..

ശ്രൗതസ്മാർതാദികർമാദൗ ഭക്ത്യേദം യോ ജപേത്പ്രിയേ .
അവിഘ്നേന ച തത്കർമ സാഫല്യം ചൈതി നിശ്ചയഃ .. 45..

യുദ്ധേ പ്രയാണേ ദുർദ്ധർഷേ സ്വപ്നേ വാതേ ജലേ ഭയേ .
ജപ്തവ്യം സതതം ഭദ്രേ തത്തച്ഛാന്ത്യൈ മഹേശ്വരി .. 46..

തത്തന്മാതൃകയാ പുസ്തം ത്രിതാരേണ സമന്വിതം .
സ്തോത്രമേതജ്ജപേദ്ദേവീമർചയേച്ച വിശേഷതഃ .. 47..

സദാ തസ്യ ഹൃദംഭോജേ സുന്ദരീ വസതി ധുവം .
അണിമാദിമഹാസിദ്ധീഃ ലഭതേ നാത്ര സംശയഃ .. 48..

അശ്വമേധാദിഭിര്യജ്ഞൈഃ യത്ഫലം തത് സുദുർലഭം .
അണിമാദിമമഹാസിദ്ധീഃ ലഭതേ നാത്ര സംശയഃ .. 49..

ഏഭിർനാമഭിരേവം യഃ കാലീം ദുർഗാഞ്ച ചണ്ഡികാം .
അർചയേത്സതതം ഭക്ത്യാ യേ സർവാൻകാമാംല്ലഭേന്നരഃ .. 50..

സുന്ദരീമൂർതിഭേദാശ്ച കാലീ ദുർഗാ ച ചണ്ഡികാ .. 51..

ഏകൈവ ശക്തിഃ പരമേശ്വരസ്യ
ഭിന്നാ ചതുർധാ വിനിയോഗകാലേ .
ഭോഗേ ഭവാനീ പുരുഷേഷു വിഷ്ണുഃ
കോപേഷു കാലീ സമരേഷു ദുർഗാ .. 52..

ഏകാ ശക്തിശ്ച ശംഭോർവിനിമയനവിധൗ സാ ചതുർധാ വിഭിന്നാ
ക്രോധേ കാലീ വിജാതാച സമരസമയേ സാ ച ചണ്ഡീ ച ദുർഗാ .
ഭോഗേ സൃഷ്ടൗ നിയോഗേ ച സകലജഗതാം സാ ഭവാനീ ച ജാതാ
സർവേഷാം രക്ഷണാനുഗ്രഹകരണവിധൗ തസ്യ വിഷ്ണുർഭവേത്സാ .. 52..

സമ്പ്രയച്ഛതി തസ്യേഷ്ടമചിരാദേവ സുന്ദരീ .
സ്തോത്രരത്നമിദം ഭദ്രേ സദാ നിഷ്കാമനായുതഃ .. 53..

യോ ജപേന്മാമകം ധാമ ബ്രഹ്മവിഷ്ണ്വാദിദുർലഭം .
സത്യജ്ഞാനമനന്താഖ്യം ബ്രാഹ്മം കൈവല്യസഞ്ജ്ഞകം .. 54..

ഭവാബ്ധിതാരകം സോഽപി പ്രാപ്നോതി മദനുഗ്രഹാത് .
ചിത്സഭായാം നൃത്യമാനനടരാജസ്യ സാക്ഷിണീ .. 55..

തസ്യൈവ മഹിഷീ നാമ്രാ ശിവകാമാ ച സുന്ദരീ .
സാ പരബ്രഹ്മമഹിഷീ സദാനന്ദാ ശുഭപ്രദാ .. 56..

ശിവകാമസുന്ദരീനാമ്നാം സഹസ്രം പ്രോക്തമംബികേ .
ഏതസ്യ സദൃശം സ്തോത്രം നാസ്തി നാസ്തി ജഗത്ത്രയേ .. 57..

സത്യം സത്യം പുനസ്സത്യം ത്വാം ശപേഽഹം വദാമി തേ .
നാസ്തികായ കൃതഘ്നായ വിപ്രദ്വേഷപരായ ച .. 58..

ന ദേയം വേദവിപ്രർഷിഭക്തിയുക്തായ ശാംഭവി .
ദേയം ത്രിപുരവിദ്യേശീത്യഥർവശ്രുതി ചോദിതം .. 59..

വിസ്തൃതേന കിമന്യച്ച ശ്രോതുകാമാസി സുന്ദരി .
ഇതി നിഗദിതവന്തം രാജതേ പർവതേഽസ്മിൻ
നവമണിഗണപീഠേ സംസ്ഥിതം ദേവമീശം .
മുഹുരപി കൃതനമ്രാ ഭക്തിനമ്രാ ഭവാനീ
കരയുഗസരസിജേനാലിലിംഗാതിഗാഢം .. 60..

ഇതി ശ്രീഭൃംഗിരിടിസംഹിതായാം 
ശക്ത്യുത്കർഷപ്രകരണേ ശിവഗൗരീസംവാദേ
ശ്രീശിവകാമസുന്ദരീസഹസ്രനാമസ്തോത്രോത്തരപീഠികാ 
സമ്പൂർണാ ..

 .. ശിവമസ്തു ..