SREE MADANAGOPALASHTAKAM

 

 ശ്രീമദനഗോപാലാഷ്ടകം 


മൃദുതലാരുണ്യജിതരുചിരദരദപ്രഭം
     കുലിശകഞ്ജാരിദരകലസഝഷചിഹ്നിതം .
ഹൃദി മമാധായ നിജചരണസരസീരുഹം
     മദനഗോപാല ! നിജസദനമനു രക്ഷ മാം .. 1..

മുഖരമഞ്ജീരനഖശിശിരകിഋണാവലീ
     വിമലമാലാഭിരനുപദമുദിതകാന്തിഭിഃ .
ശ്രവണനേത്രശ്വസനപഥസുഖദ നാഥ ഹേ
     മദനഗോപാല ! നിജസദനമനു രക്ഷ മാം .. 2..

മണിമയോഷ്ണീഷദരകുടിലിമണിലോചനോ-
     ച്ചലനചാതുര്യചിതലവണിമണിഗണ്ഡയോഃ .
കനകതാടങ്കരുചിമധുരിമണി മജ്ജയൻ
     മദനഗോപാല ! നിജസദനമനു രക്ഷ മാം .. 3..

അധരശോണിമ്നി ദരഹസിതസിതിമാർചിതേ
     വിജിതമാണിക്യരദകിരണഗണമണ്ഡിതേ .
നിഹിതവംശീക ജനദുരവഗമലീല ഹേ
     മദനഗോപാല ! നിജസദനമനു രക്ഷ മാം .. 4..

പദകഹാരാലിപദകടകനടകിങ്കിണീ
     വലയ താടങ്കമുഖനിഖിലമണിഭൂഷണൈഃ .
കലിതനവ്യാഭ നിജതനുരുചിഭൂഷിതൈ-
     ര്മദനഗോപാല ! നിജസദനമനു രക്ഷ മാം .. 5..

ഉഡുപകോടീകദനവദനരുചിപല്ലവൈ-
     ര്മദനകോടീമഥനനഖരകരകന്ദലൈഃ .
ദ്യുതരുകോടീസദനസദയനയനേക്ഷണൈ-
     ര്മദനഗോപാല ! നിജസദനമനു രക്ഷ മാം .. 6..

കൃതനരാകാരഭവമുഖവിബുധസേവിത !
     ദ്യുതിസുധാസാര ! പുരുകരുണ ! കമപി ക്ഷിതൗ .
പ്രകടയൻ പ്രേമഭരമധികൃതസനാതനം
     മദനഗോപാല ! നിജസദനമനു രക്ഷ മാം .. 7..

തരണിജാതീരഭുവി തരണികരവാരക
പ്രിയകഷണ്ഡാസ്ഥമണിസദനമഹിതസ്ഥിതേ !
ലലിതയാ സാർധമനുപദരമിത ! രാധയാ
മദനഗോപാല ! നിജസദനമനു രക്ഷ മാം .. 8..

മദനഗോപാല ! തവ സരസമിദമഷ്ടകം
     പഠതി യഃ സായമതിസരലമതിരാശു തം .
സ്വചരണാംഭോജരതിരസസരസി മജ്ജയൻ
     മദനഗോപാല ! നിജസദനമനു രക്ഷ മാം .. 9..

ഇതി ശ്രീവിശ്വനാഥചക്രവർതിഠക്കുരവിരചിതസ്തവാമൃതലഹര്യാം
           ശ്രീമദനഗോപാലാഷ്ടകം സമ്പൂർണം .