ശ്രീകാമകലാകാളി സഹസ്രനാമസ്തോത്രം
ദേവ്യുവാച
ത്വത്തഃ ശ്രുതം മയാ നാഥ ദേവദേവ ജഗത്പതേ ।
ദേവ്യാഃ കാമകലാകാല്യാ വിധാനം സിദ്ധിദായകം ॥ 1 ॥
ത്രൈലോക്യവിജയസ്യാപി വിശേഷേണ ശ്രുതോ മയാ ।
തത്പ്രസംഗേന ചാന്യാസാം മന്ത്രധ്യാനേ തഥാ ശ്രുതേ ॥ 2 ॥
ഇദാനീം ജായതേ നാഥ ശുശ്രൂഷാ മമ ഭൂയസീ ।
നാമ്നാം സഹസ്രേ ത്രിവിധമഹാപാപൗഘഹാരിണി ॥ 3 ॥
ശ്രീമഹാകാല ഉവാച
ഭാഗ്യവത്യസി ധന്യാസി സന്ദേഹോ നാത്ര ഭാവിനി ।
സഹസ്രനാമശ്രവണേ യസ്മാത്തേ നിശ്ചിതം മനഃ ॥ 4 ॥
തസ്യാ നാമ്നാന്തു ലക്ഷാണി വിദ്യന്തേ ചാഥ കോടയഃ ।
താന്യല്പായുർമതിത്വേന നൃഭിർദ്ധാരയിതും സദാ ॥ 5 ॥
അശക്യാനി വരാരോഹേ പഠിതും ച ദിനേ ദിനേ ।
തേഭ്യോ നാമസഹസ്രാണി സാരാണ്യുദ്ധൃത്യ ശംഭുനാ ॥ 6 ॥
അമൃതാനീവ ദുഗ്ധാബ്ധേർഭൂദേവേഭ്യഃ സമർപിതം ।
കാനിചിത്തത്ര ഗൗണാനി ഗദിതാനി ശുചിസ്മിതേ ॥ 7 ॥
രൂഢാണ്യാകാരഹീനത്വാദ് ഗൗണാനി ഗുണയോഗതഃ ।
രാഹിത്യാദ്രൂഢിഗുണയോസ്താനി സാങ്കേതകാന്യപി ॥ 8 ॥
ത്രിവിധാന്യപി നാമാനി പഠിതാനി ദിനേ ദിനേ ।
രാധയന്നീക്ഷിതാനർഥാൻ ദദത്യമൃതമത്യയം ॥ 9 ॥
ക്ഷപയത്യപമൃത്യും ച മാരയന്തി ദ്വിപോഽഖിലാൻ ।
ഘ്നന്തി രോഗാനഥോത്പാതാൻ മംഗളം കുർവതേന്വഹം ॥ 10 ॥
കിമുതാന്യത് സദാ സന്നിധാപയത്യർഥികാമപി ।
ത്രിപുരഘ്നോഽപ്യദോ നാമസഹസ്രം പഠതി പ്രിയേ ॥ 11 ॥
തദാജ്ഞയാപ്യഹമപി കീർതയാമി ദിനേദിനേ ।
ഭവത്യപീദമസ്മത്തഃ ശിക്ഷിത്വാ തു പഠിഷ്യതി ॥ 12 ॥
ഭവിഷ്യതി ച നിർണീതം ചതുർവർഗസ്യ ഭാജനം ।
മനോന്യതോ നിരാകൃത്യ സാവധാനാ നിശാമയ ॥ 13 ॥
നാമ്നാം കാമകലാകാല്യാഃ സഹസ്രം മുക്തിദായകം ॥ 14 ॥
വിനിയോഗം
ഓം അസ്യ കാമകലാകാളീസഹസ്രനാമസ്തോത്രസ്യ
ശ്രീ ത്രിപുരഘ്ന ഋഷിഃ ।
അനുഷ്ടുപ് ഛന്ദഃ ।
ത്രിജഗന്മയരൂപിണീ ഭഗവതീ ശ്രീകാമകലാകാളീ ദേവതാ ।
ക്ലീം ബീജം ।
സ്ഫ്രോം ശക്തിഃ ।
ഹും കീലം ।
ക്ഷ്രൗം തത്ത്വം ।
ശ്രീകാമകലാകാളീസഹസ്രനാമസ്തോത്രപാഠേ ജപേ വിനിയോഗഃ ।
ഓം തത്സത് ॥
സഹസ്രനാമം
ഓം ക്ലീം കാമകലാകാളീ കാലരാത്രിഃ കപാലിനീ ।
കാത്യായനീ ച കല്യാണീ കാലാകാരാ കരാളിനീ ॥ 15 ॥
ഉഗ്രമൂർത്തിർമഹാഭീമാ ഘോരരാവാ ഭയങ്കരാ ।
ഭൂതിദാമയഹന്ത്രീ ച ഭവബന്ധവിമോചനീ ॥ 16 ॥
ഭവ്യാ ഭവാനീ ഭോഗാഢ്യാ ഭുജംഗപതിഭൂഷണാ ।
മഹാമായാ ജഗദ്ധാത്രീ പാവനീ പരമേശ്വരീ ॥ 17 ॥
യോഗമാതാ യോഗഗമ്യാ യോഗിനീ യോഗിപൂജിതാ ।
ഗൗരീ ദുർഗാ കാലികാ ച മഹാകല്പാന്തനർത്തകീ ॥ 18 ॥
അവ്യയാ ജഗദാദിശ്ച വിധാത്രീ കാലമർദ്ദിനീ ।
നിത്യാ വരേണ്യാ വിമലാ ദേവാരാധ്യാമിതപ്രഭാ ॥ 19 ॥
ഭാരുണ്ഡാ കോടരീ ശുദ്ധാ ചഞ്ചലാ ചാരുഹാസിനീ ।
അഗ്രാഹ്യാതീന്ദ്രിയാഗോത്രാ ചർചരോർദ്ധ്വശിരോരുഹാ ॥ 20 ॥
കാമുകീ കമനീയാ ച ശ്രീകണ്ഠമഹിഷീ ശിവാ ।
മനോഹരാ മാനനീയാ മതിദാ മണിഭൂഷണാ ॥ 21 ॥
ശ്മശാനനിലയാ രൗദ്രാ മുക്തകേശ്യട്ടഹാസിനീ ।
ചാമുണ്ഡാ ചണ്ഡികാ ചണ്ഡീ ചാർവംഗീ ചരിതോജ്ജ്വലാ ॥ 22 ॥
ഘോരാനനാ ധൂമ്രശിഖാ കമ്പനാ കമ്പിതാനനാ ।
വേപമാനതനുർഭീദാ നിർഭയാ ബാഹുശാലിനീ ॥ 23 ॥
ഉല്മുകാക്ഷീ സർപകർണീ വിശോകാ ഗിരിനന്ദിനീ ।
ജ്യോത്സ്നാമുഖീ ഹാസ്യപരാ ലിംഗാലിംഗധരാ സതീ ॥ 24 ॥
അവികാരാ മഹാചിത്രാ ചന്ദ്രവക്ത്രാ മനോജവാ ।
അദർശനാ പാപഹരാ ശ്യാമലാ മുണ്ഡമേഖലാ ॥ 25 ॥
മുണ്ഡാവതംസിനീ നീലാ പ്രപന്നാനന്ദദായിനീ ।
ലഘുസ്തനീ ലംബകുചാ ധൂർണമാനാ ഹരാംഗനാ ॥ 26 ॥
വിശ്വാവാസാ ശാന്തികരീ ദീർഘകേശ്യരിഖണ്ഡിനീ ।
രുചിരാ സുന്ദരീ കമ്രാ മദോന്മത്താ മദോത്കടാ ॥ 27 ॥
അയോമുഖീ വഹ്നിമുഖീ ക്രോധനാഭയദേശ്വരീ ।
കുടംബികാ സാഹസിനീ ഖഡ്ഗകീ രക്തലേഹിനീ ॥ 28 ॥
വിദാരിണീ പാനരതാ രുദ്രാണീ മുണ്ഡമാലിനീ ।
അനാദിനിധനാ ദേവീ ദുർന്നിരീക്ഷ്യാ ദിഗംബരാ ॥ 29 ॥
വിദ്യുജ്ജിഹ്വാ മഹാദംഷ്ട്രാ വജ്രതീക്ഷ്ണാ മഹാസ്വനാ ।
ഉദയാർകസമാനാക്ഷീ വിന്ധ്യശൈലസമാകൃതിഃ ॥ 30 ॥
നീലോത്പലദലശ്യാമാ നാഗേന്ദ്രാഷ്ടകഭൂഷിതാ ।
അഗ്നിജ്വാലകൃതാവാസാ ഫേത്കാരിണ്യഹികുണ്ഡലാ ॥ 31 ॥
പാപഘ്നീ പാലിനീ പദ്മാ പൂണ്യാ പുണ്യപ്രദാ പരാ ।
കല്പാന്താംഭോദനിർഘോഷാ സഹസ്രാർകസമപ്രഭാ ॥ 32 ॥
സഹസ്രപ്രേതരാട് ക്രോധാ സഹസ്രേശപരാക്രമാ ।
സഹസ്രധനദൈശ്വര്യാ സഹസ്രാംഘ്രികരാംബികാ ॥ 33 ॥
സഹസ്രകാലദുഷ്പ്രേക്ഷ്യാ സഹസ്രേന്ദ്രിയസഞ്ചയാ ।
സഹസ്രഭൂമിസദനാ സഹസ്രാകാശവിഗ്രഹാ ॥ 34 ॥
സഹസ്രചന്ദ്രപ്രതിമാ സഹസ്രഗ്രഹചാരിണീ ।
സഹസ്രരുദ്രതേജസ്കാ സഹസ്രബ്രഹ്മസൃഷ്ടികൃത് ॥ 35 ॥
സഹസ്രവായുവേഗാ ച സഹസ്രഫണകുണ്ഡലാ ।
സഹസ്രയത്രമഥിനീ സഹസ്രോദധിസുസ്ഥിരാ ॥ 36 ॥
സഹസ്രബുദ്ധകരുണാ മഹാഭാഗാ തപസ്വിനീ ।
ത്രൈലോക്യമോഹിനീ സർവഭൂതദേവവശങ്കരീ ॥ 37 ॥
സുസ്നിഗ്ധഹൃദയാ ഘണ്ടാകർണാ ച വ്യോമചാരിണീ ।
ശംഖിനീ ചിത്രിണീശാനീ കാലസങ്കർപിണീ ജയാ ॥ 38 ॥
അപരാജിതാ ച വിജയാ കമലാ കമലാപ്രദാ ।
ജനയിത്രീ ജഗദ്യോനിർഹേതുരൂപാ ചിദാത്മികാ ॥ 39 ॥
അപ്രമേയാ ദുരാധർഷാ ധ്യേയാ സ്വച്ഛന്ദചാരിണീ ।
ശാതോദരീ ശാംഭവിനീ പൂജ്യാ മാനോന്നതാമലാ ॥ 40 ॥
ഓങ്കാരരൂപിണീ താമ്രാ ബാലാർകസമതാരകാ ।
ചലജ്ജിഹ്വാ ച ഭീമാക്ഷീ മഹാഭൈരവനാദിനീ ॥ 41 ॥
സാത്വികീ രാജസീ ചൈവ താമസീ ഘർഘരാചലാ ।
മാഹേശ്വരീ തഥാ ബ്രാഹ്മീ കൗമാരീ മാനിനീശ്വരാ ॥ 42 ॥
സൗപർണീ വായവീ ചൈന്ദ്രീ സാവിത്രീ നൈരൃതീ കലാ ।
വാരുണീ ശിവദൂതീ ച സൗരീ സൗമ്യാ പ്രഭാവതീ ॥ 43 ॥
വാരാഹീ നാരസിംഹീ ച വൈഷ്ണവീ ലലിതാ സ്വരാ ।
മൈത്ര്യാര്യമ്നീ ച പൗഷ്ണീ ച ത്വാഷ്ട്രീവാസവ്യുമാരതിഃ ॥ 44 ॥
രാക്ഷസീ പാവനീ രൗദ്രീ ദാസ്രീ രോദസ്യുദുംബരീ ।
സുഭഗാ ദുർഭഗാ ദീനാ ചഞ്ചുരീകാ യശസ്വിനീ ॥ 45 ॥
മഹാനന്ദാ ഭഗാനന്ദാ പിഛിലാ ഭഗമാലിനീ ।
അരുണാ രേവതീ രക്താ ശകുനീ ശ്യേനതുണ്ഡികാ ॥ 46 ॥
സുരഭീ നന്ദിനീ ഭദ്രാ വലാ ചാതിവലാമലാ ।
ഉലുപീ ലംബികാ ഖേടാ ലേലിഹാനാന്ത്രമാലിനീ ॥ 47 ॥
വൈനായികീ ച വേതാലീ ത്രിജടാ ഭൃകുടീ മതീ ।
കുമാരീ യുവതീ പ്രൗഢാ വിദഗ്ധാ ഘസ്മരാ തഥാ ॥ 48 ॥
ജരതീ രോചനാ ഭീമാ ദോലമാലാ പിചിണ്ഡിലാ ।
അലംബാക്ഷീ കുംഭകർണീ കാലകർണീ മഹാസുരീ ॥ 49 ॥
ഘണ്ടാരവാഥ ഗോകർണാ കാകജംഘാ ച മൂഷികാ ।
മഹാഹനുർമഹാഗ്രീവാ ലോഹിതാ ലോഹിതാശനീ ॥ 50 ॥
കീർത്തിഃ സരസ്വതീ ലക്ഷ്മീഃ ശ്രദ്ധാ ബുദ്ധിഃ ക്രിയാ സ്ഥിതിഃ ।
ചേതനാ വിഷ്ണുമായാ ച ഗുണാതീതാ നിരഞ്ജനാ ॥ 51 ॥
നിദ്രാ തന്ദ്രാ സ്മിതാ ഛായാ ജൃംഭാ ക്ഷുദശനായിതാ ।
തൃഷ്ണാ ക്ഷുധാ പിപാസാ ച ലാലസാ ക്ഷാന്തിരേവ ച ॥ 52 ॥
വിദ്യാ പ്രജാ സ്മൃതി കാന്തിരിച്ഛാ മേധാ പ്രഭാ ചിതിഃ ।
ധരിത്രീ ധരണീ ധന്യാ ധോരണീ ധർമസന്തതിഃ ॥ 53 ॥
ഹാലാപ്രിയാ ഹാരരതിർഹാരിണീ ഹരിണേക്ഷണാ ।
ചണ്ഡയോഗേശ്വരീ സിദ്ധി കരാളീ പരിഡാമരീ ॥ 54 ॥
ജഗദാന്യാ ജനാനന്ദാ നിത്യാനന്ദമയീ സ്ഥിരാ ।
ഹിരണ്യഗർഭാ കുണ്ഡലിനീ ജ്ഞാനം ധൈര്യം ച ഖേചരീ ॥ 55 ॥
നഗാത്മജാ നാഗഹാരാ ജടാഭാരായതർദ്ദിനീ ।
ഖഡ്ഗിനീ ശൂലിനീ ചക്രവതീ വാണവതീ ക്ഷിതിഃ ॥ 56 ॥
ഘൃണിധർത്രീ നാലികാ ച കർത്ത്രീ മത്യക്ഷമാലിനീ ।
പാശിനീ പശുഹസ്താ ച നാഗഹസ്താ ധനുർധരാ ॥ 57 ॥
മഹാമുദ്ഗരഹസ്താ ച ശിവാപോതധരാപി ച ।
നരകപ്പരിണീ ലംബത്കചമുണ്ഡപ്രധാരിണീ ॥ 58 ॥
പദ്മാവത്യന്നപൂർണാ ച മഹാലക്ഷ്മീഃ സരസ്വതീ ।
ദുർഗാ ച വിജയാ ഘോരാ തഥാ മഹിഷമർദ്ദിനീ ॥ 59 ॥
ധനലക്ഷ്മീ ജയപ്രദാ ചാശ്വാരൂഢാ ജയഭൈരവീ ।
ശൂലിനീ രാജമാതംഗീ രാജരാജേശ്വരീ തഥാ ॥ 60 ॥
ത്രിപുടോച്ഛിഷ്ടചാണ്ഡാലീ അഘോരാ ത്വരിതാപി ച ।
രാജ്യലക്ഷ്മീർജയമഹാചണ്ഡയോഗേശ്വരീ തഥാ ॥ 61 ॥
ഗുഹ്യാ മഹാഭൈരവീ ച വിശ്വലക്ഷ്മീരരുന്ധതീ ।
യന്ത്രപ്രമഥിനീ ചണ്ഡയോഗേശ്വര്യപ്യലംബുഷാ ॥ 62 ॥
കിരാതീ മഹാചണ്ഡഭൈരവീ കല്പവല്ലരീ ।
ത്രൈലോക്യവിജയാ സമ്പത്പ്രദാ മന്ഥാനഭൈരവീ ॥ 63 ॥
മഹാമന്ത്രേശ്വരീ വജ്രപ്രസ്താരിണ്യംഗചർപടാ ।
ജയലക്ഷ്മീശ്ചണ്ഡരൂപാ ജലേശ്വരീ കാമദായിനീ ॥ 64 ॥
സ്വർണകൂടേശ്വരീ രുണ്ഡാ മർമരീ ബുദ്ധിവർദ്ധിനീ ।
വാർത്താലീ ചണ്ഡവാർത്താലീ ജയവാർത്താലികാ തഥാ ॥ 65 ॥
ഉഗ്രചണ്ഡാ ശ്മശാനോഗ്രാ ചണ്ഡാ വൈ രുദ്രചണ്ഡികാ ।
അതിചണ്ഡാ ചണ്ഡവതീ പ്രചണ്ഡാ ചണ്ഡനായികാ ॥ 66 ॥
ചൈതന്യഭൈരവീ കൃഷ്ണാ മണ്ഡലീ തുംബുരേശ്വരീ ।
വാഗ്വാദിനീ മുണ്ഡമധ്യാ ത്യനർഘ്യാ പിശാചിനീ ॥ 67 ॥
മഞ്ജീരാ രോഹിണീ കുല്യാ തുംഗാ പൂർണേശ്വരീ വരാ ।
വിശാലാ രക്തചാമുണ്ഡാ അഘോരാ ചണ്ഡവാരുണീ ॥ 68 ॥
ധനദാ ത്രിപുരാ വാഗീശ്വരീ ജയമംഗലാ ।
ദിഗംബരീ കുഞ്ജികാ ച കുഡുക്കാ കാലഭൈരവീ ॥ 69 ॥
കുക്കുടീ സങ്കടാ വീരാ കർപടാ ഭ്രമരാംബികാ ।
മഹാർണവേശ്വരീ ഭോഗവതീ സങ്കേശ്വരീ തഥാ ॥ 70 ॥
പുലിന്ദീ ശവരീ മ്ലേച്ഛീ പിംഗലാ ശവരേശ്വരീ ।
മോഹിനീ സിദ്ധിലക്ഷ്മീശ്ച ബാലാ ത്രിപുരസുന്ദരീ ॥ 71 ॥
ഉഗ്രതാരാ ചൈകജടാ മഹാനീലസരസ്വതീ ।
ത്രികണ്ടകീ ഛിന്നമസ്താ മഹിഷഘ്നീ ജയാവഹാ ॥ 72 ॥
ഹരസിദ്ധാനംഗമാലാ ഫേത്കാരീ ലവണേശ്വരീ ।
ചണ്ഡേശ്വരീ നാകുലീ ച ഹയഗ്രീവേശ്വരീ തഥാ ॥ 73 ॥
കാലിന്ദീ വജ്രവാരാഹീ മഹാനീലപതാകികാ ।
ഹംസേശ്വരീ മോക്ഷലക്ഷ്മീർഭൂതിനീ ജാതരേതസാ ॥ 74 ॥
ശാതകർണാ മഹാനീലാ വാമാ ഗുഹ്യേശ്വരീ ഭ്രമിഃ ।
ഏകാനംശാഭയാ താർക്ഷീ വാഭ്രവീ ഡാമരീ തഥാ ॥ 75 ॥
കോരംഗീ ചർച്ചികാ വിന്നാ സംസികാ ബ്രഹ്മവാദിനീ ।
ത്രികാലവേദിനീ നീലലോഹിതാ രക്തദന്തികാ ॥ 76 ॥
ക്ഷേമങ്കരീ വിശ്വരൂപാ കാമാഖ്യാ കുലകുട്ടനീ ।
കാമാങ്കുശാ വേശിനീ ച മായൂരീ ച കുലേശ്വരീ ॥ 77 ॥
ഇഭ്രാക്ഷീ ദ്യോനകീ ശാർങ്ഗീ ഭീമാ ദേവീ വരപ്രദാ ।
ധൂമാവതീ മഹാമാരീ മംഗളാ ഹാടകേശ്വരീ ॥ 78 ॥
കിരാതീ ശക്തിസൗപർണീ ബാന്ധവീ ചണ്ഡഖേചരീ ।
നിസ്തന്ദ്രാ ഭവഭൂതിശ്ച ജ്വാലാഘണ്ടാഗ്നിമർദ്ദിനീ ॥ 79 ॥
സുരംഗാ കൗലിനീ രമ്യാ നടീ ചാരായണീ ധൃതിഃ ।
അനന്താ പുഞ്ജികാ ജിഹ്വാ ധർമാധർമപ്രവർതികാ ॥ 80 ॥
വന്ദിനീ വന്ദനീയാ ച വേലാഹസ്കരിണീ സുധാ ।
അരണീ മാധവീ ഗോത്രാ പതാകാ വാഗ്മയീ ശ്രുതിഃ ॥ 81 ॥
ഗൂഢാ ത്രിഗൂഢാ വിസ്പഷ്ടാ മൃഗാങ്കാ ച നിരിന്ദ്രിയാ ।
മേനാനന്ദകരീ വോധ്രീ ത്രിനേത്രാ വേദവാഹനാ ॥ 82 ॥
കലസ്വനാ താരിണീ ച സത്യാമത്യപ്രിയാജഡാ ।
ഏകവക്ത്രാ മഹാവക്ത്രാ ബഹുവക്ത്രാ ഘനാനനാ ॥ 83 ॥
ഇന്ദിരാ കാശ്യപീ ജ്യോത്സ്നാ ശവാരൂഢാ തനൂദരീ ।
മഹാശംഖധരാ നാഗോപവീതിന്യക്ഷതാശയാ ॥ 84 ॥
നിരിന്ധനാ ധരാധാരാ വ്യാധിഘ്നീ കല്പകാരിണീ ।
വിശ്വേശ്വരീ വിശ്വധാത്രീ വിശ്വേശീ വിശ്വവന്ദിതാ ॥ 85 ॥
വിശ്വാ വിശ്വാത്മികാ വിശ്വവ്യാപികാ വിശ്വതാരിണീ ।
വിശ്വസംഹാരിണീ വിശ്വഹസ്താ വിശ്വോപകാരികാ ॥ 86 ॥
വിശ്വമാതാ വിശ്വഗതാ വിശ്വാതീതാ വിരോധിതാ ।
ത്രൈലോക്യത്രാണകർത്രീ ച കൂടാകാരാ കടങ്കടാ ॥ 87 ॥
ക്ഷാമോദരീ ച ക്ഷേത്രജ്ഞാ ക്ഷയഹീനാ ക്ഷരവർജിതാ ।
ക്ഷപാ ക്ഷോഭകരീ ക്ഷേമ്യാ ക്ഷോഭ്യാ ക്ഷേമദുഘാ ക്ഷിയാ ॥ 88 ॥
സുഖദാ സുമുഖീ സൗമ്യാ സ്വംഗാ സുരപരാ സുധീഃ ।
സർവാന്തര്യാമിനീ സർവാ സർവാരാധ്യാ സമാഹിതാ ॥ 89 ॥
തപിനീ താപിനീ തീവ്രാ തപനീയാ തു നാഭിഗാ ।
ഹൈമീ ഹൈമവതീ ഋദ്ധിർവൃദ്ധിർജ്ഞാനപ്രദാ നരാ ॥ 90 ॥
മഹാജടാ മഹാപാദാ മഹാഹസ്താ മഹാഹനുഃ ।
മഹാബലാ മഹാരൂപാ മഹാധൈര്യാ മഹാഘൃണാ ॥ 91 ॥
മഹാക്ഷമാ പുണ്യപാപധ്വജിനീ ഘുർഘുരാരവാ ।
ഡാകിനീ ശാകിനീ രമ്യാ ശക്തിഃ ശക്തിസ്വരൂപിണീ ॥ 92 ॥
തമിസ്രാ ഗന്ധരാശാന്താ ദാന്താ ക്ഷാന്താ ജിതേന്ദ്രിയാ ।
മഹോദയാ ജ്ഞാനിനീച്ഛാ വിരാഗാ സുഖിതാകൃതിഃ ॥ 93 ॥
വാസനാ വാസനാഹീനാ നിവൃത്തിർന്നിർവൃതിഃ കൃതിഃ ।
അചലാ ഹേതുരുന്മുക്താ ജയിനീ സംസ്മൃതിശ്ച്യുതാ ॥ 94 ॥
കപർദ്ദിനീ മുകുടിനീ മത്താ പ്രകൃതിരൂർജിതാ ।
സദസത്സാക്ഷിണീ സ്ഫീതാ മുദിതാ കരുണാമയീ ॥ 95 ॥
പൂർവോത്തരാ പശ്ചിമാ ച ദക്ഷിണാവിദിഗൂഹതാ ।
ആത്മാരാമാ ശിവാരാമാ രമണീ ശങ്കരപ്രിയാ ॥ 96 ॥
വരേണ്യാ വരദാ വേണീ സ്തംഭിണ്യാകർഷിണീ തഥാ ।
ഉച്ചാടനീ മാരണീ ച ദ്വേഷിണീ വശിനീ മഹീ ॥ 97 ॥
ഭ്രമണീ ഭാരതീ ഭാമാ വിശോകാ ശോകഹാരിണീ ।
സിനീവാലീ കുഹൂ രാകാനുമതി പദ്മിനീതിഹൃത് ॥ 98 ॥
സാവിത്രീ വേദജനനീ ഗായത്ര്യാഹുതിസാധികാ ।
ചണ്ഡാട്ടഹാസാ തരുണീ ഭൂർഭുവഃസ്വഃകലേവരാ ॥ 99 ॥
അതനുരതനുപ്രാണദാത്രീ മാതംഗഗാമിനീ ।
നിഗമാദ്ധിമണിഃ പൃഥ്വീ ജന്മമൃത്യുജരൗഷധീ ॥ 100 ॥
പ്രതാരിണീ കലാലാപാ വേദ്യാഛേദ്യാ വസുന്ധരാ ।
പ്രക്ഷുന്നാ വാസിതാ കാമധേനുർവാഞ്ഛിതദായിനീ ॥ 101 ॥
സൗദാമിനീ മേഘമാലാ ശർവരീ സർവഗോചരാ ।
ഡമരുർഡമരുകാ ച നിഃസ്വരാ പരിനാദിനീ ॥ 102 ॥
ആഹതാത്മാ ഹതാ ചാപി നാദാതീതാ വിലേശയാ ।
പരാപാരാ ച പശ്യന്തീ മധ്യമാ വൈഖരീ തഥാ ॥ 103 ॥
പ്രഥമാ ച ജഘന്യാ ച മധ്യസ്ഥാന്തവികാശിനീ ।
പൃഷ്ഠസ്ഥാ ച പുരഃസ്ഥാ ച പാർശ്വസ്ഥോർദ്ധ്വതലസ്ഥിതാ ॥ 104 ॥
നേദിഷ്ഠാ ച ദവിഷ്ഠാ ച വരിഷ്ഠാ ച ഗുഹാശയാ ।
അപ്രാപ്യാ വൃംഹിതാ പൂർണാ പുണ്യൈർവേദ്യാഹ്യനാമയാ ॥ 105 ॥
സുദർശനാ ച ത്രിശിഖാ വൃഹതീ സന്തതിർവിനാ ।
ഫേത്കാരിണീ ദീർഘസ്രുക്കാ ഭാവനാ ഭവവല്ലഭാ ॥ 106 ॥
ഭാഗീരഥീ ജാഹ്നവീ ച കാവേരീ യമുനാ സ്മയാ ।
സിപ്രാ ഗോദാവരീ വേണ്യാ വിപാശാ നർമദാ ധുനീ ॥ 107 ॥
ത്രേതാ സ്വാഹാ സാമിധേനീ സ്രുക്സ്രുവാ ച ക്രവാവസുഃ ।
ഗർവിതാ മാനിനീ മേനാ നന്ദിതാ നന്ദനന്ദിനീ ॥ 108 ॥
നാരായണീ നാരകഘ്നീ രുചിരാ രണശാലിനീ ।
ആധാരണാധാരതമാ ധർമാ ധ്വന്യാ ധനപ്രദാ ॥ 109 ॥
അഭിജ്ഞാ പണ്ഡിതാ മൂകാ വാലിശാ വാഗവാദിനീ ।
ബ്രഹ്മവല്ലീ മുക്തിവല്ലീ സിദ്ധിവല്ലീ വിപഹ്നവീ ॥ 110 ॥
ആഹ്ലാദിനീ ജിതാമിത്രാ സാക്ഷിണീ പുനരാകൃതി ।
കിർമരീ സർവതോഭദ്രാ സ്വർവേദീ മുക്തിപദ്ധതിഃ ॥ 111 ॥
സുഷമാ ചന്ദ്രികാ വന്യാ കൗമുദീ കുമുദാകരാ ।
ത്രിസന്ധ്യാമ്നായസേതുശ്ച ചർച്ചാഛായാരി നൈഷ്ഠികീ ॥ 112 ॥
കലാ കാഷ്ഠാ തിഥിസ്താരാ സങ്ക്രാന്തിർവിഷുവത്തഥാ ।
മഞ്ജുനാദാ മഹാവൽഗു ഭഗ്നഭേരീസ്വനാരടാ ॥ 113 ॥
ചിത്രാ സുപ്തിഃ സുഷുപ്തിശ്ച തുരീയാ തത്ത്വധാരണാ ।
മൃത്യുഞ്ജയാ മൃത്യുഹരീ മൃത്യുമൃത്യുവിധായിനീ ॥ 114 ॥
ഹംസീ പരമഹംസീ ച ബിന്ദുനാദാന്തവാസിനീ ।
വൈഹായസീ ത്രൈദശീ ച ഭൈമീവാസാതനീ തഥാ ॥ 115 ॥
ദീക്ഷാ ശിക്ഷാ അനൂഢാ ച കങ്കാലീ തൈജസീ തഥാ ।
സുരീ ദൈത്യാ ദാനവീ ച നരോ നാഥാ സുരീ ത്വരീ ॥ 116 ॥
മാധ്വീ ഖനാ ഖരാ രേഖാ നിഷ്കലാ നിർമമാ മൃതിഃ ।
മഹതീ വിപുലാ സ്വല്പാ ക്രൂരാ ക്രൂരാശയാപി ച ॥ 117 ॥
ഉന്മാഥിനീ ധൃതിമതീ വാമനീ കല്പചാരിണീ ।
വാഡവീ വഡവാ ഖോഢാ കോലാ പിതൃവലായനാ ॥ 118 ॥
പ്രസാരിണീ വിശാരാ ച ദർപിതാ ദർപണപ്രിയാ ।
ഉത്താനാധോമുഖീ സുപ്താ വഞ്ചന്യാകുഞ്ചനീ ത്രുടിഃ ॥ 119 ॥
ക്രാദിനീ യാതനാദാത്രീ ദുർഗാ ദുർഗർതിനാശിനീ ।
ധരാധരസുതാ ധീരാ ധരാധരകൃതാലയാ ॥ 120 ॥
സുചരിത്രീ തഥാത്രീ ച പൂതനാ പ്രേതമാലിനീ ।
രംഭോർവശീ മേനകാ ച കലിഹൃത്കാലകൃദ്ദശാ ॥ 121 ॥
ഹരീഷ്ടദേവീ ഹേരംബമാതാ ഹര്യക്ഷവാഹനാ ।
ശിഖണ്ഡിനീ കോണ്ഡയിനീ വേതുണ്ഡീ മന്ത്രമയ്യാപി ॥ 122 ॥
വജ്രേശ്വരീ ലോഹദണ്ഡാ ദുർവിജ്ഞേയാ ദുരാസദാ ।
ജാലിനീ ജാലപാ യാജ്യാ ഭഗിനീ ഭഗവത്യപി ॥ 123 ॥
ഭൗജംഗീ തുർവരാ വഭ്രു മഹനീയാ ച മാനവീ ।
ശ്രീമതീ ശ്രീകരീ ഗാദ്ധീ സദാനന്ദാ ഗണേശ്വരീ ॥ 124 ॥
അസന്ദിഗ്ധാ ശാശ്വതാ ച സിദ്ധാ സിദ്ധേശ്വരീഡിതാ ।
ജ്യേഷ്ഠാ ശ്രേഷ്ഠാ വരിഷ്ഠാ ച കൗശാംബീ ഭക്തവത്സലാ ॥ 125 ॥
ഇന്ദ്രനീലനിഭാ നേത്രീ നായികാ ച ത്രിലോചനാ ।
വാർഹസ്പത്യാ ഭാർഗവീ ച ആത്രേയാംഗിരസീ തഥാ ॥ 126 ॥
ധുര്യാധിഹർത്രീ ധാരിത്രീ വികടാ ജന്മമോചിനീ ।
ആപദുത്താരിണീ ദൃപ്താ പ്രമിതാ മിതിവർജിതാ ॥ 127 ॥
ചിത്രരേഖാ ചിദാകാരാ ചഞ്ചലാക്ഷീ ചലത്പദാ ।
വലാഹകീ പിംഗസടാ മൂലഭൂതാ വനേചരീ ॥ 128 ॥
ഖഗീ കരന്ധമാ ധ്മാക്ഷീ സംഹിതാ കേരരീന്ധനാ ।
അപുനർഭവിനീ വാന്തരിണീ ച യമഗഞ്ജിനീ ॥ 129 ॥
വർണാതീതാശ്രമാതീതാ മൃഡാനീ മൃഡവല്ലഭാ ।
ദയാകരീ ദമപരാ ദംഭഹീനാ ദൃതിപ്രിയാ ॥ 130 ॥
നിർവാണദാ ച നിർബന്ധാ ഭാവാഭാവവിധായിനീ ।
നൈഃശ്രേയസീ നിർവികല്പാ നിർവീജാ സർവവീജികാ ॥ 131 ॥
അനാദ്യന്താ ഭേദഹീനാ ബന്ധോന്മൂലിന്യവാധിതാ ।
നിരാഭാസാ മനോഗമ്യാ സായുജ്യാമൃതദായിനീ ॥ 132 ॥
ഇതീദം നാമസാഹസ്രം നാമകോടിശതാധികം ।
ദേവ്യാഃ കാമകലാകാല്യാ മയാ തേ പ്രതിപാദിതം ॥ 133 ॥
നാനേന സദൃശം സ്തോത്രം ത്രിഷു ലോകേഷു വിദ്യതേ ।
യദ്യപ്യമുഷ്യ മഹിമാ വർണിതും നൈവ ശക്യതേ ॥ 134 ॥
പ്രരോചനാതയാ കശ്ചിത്തഥാപി വിനിഗദ്യതേ ।
പ്രത്യഹം യ ഇദം ദേവി കീർത്തയേദ്വാ ശൃണോതി വാ ॥ 135 ॥
ഗുണാധിക്യമൃതേ കോഽപി ദോഷോ നൈവോപജായതേ ।
അശുഭാനി ക്ഷയം യാന്തി ജായന്തേ മംഗലാന്യഥാ ॥ 136 ॥
പാരത്രികാമുഷ്മികൗ ദ്വൗ ലോകൗ തേന പ്രസാധിതൗ ।
ബ്രാഹ്മണോ ജായതേ വാഗ്മീ വേദവേദാംഗപാരഗഃ ॥ 137 ॥
ഖ്യാതഃ സർവാസു വിദ്യാസു ധനവാൻ കവിപണ്ഡിതഃ ।
യുദ്ധേ ജയീ ക്ഷത്രിയഃ സ്യാദ്ദാതാ ഭോക്താ രിപുഞ്ജയഃ ॥ 138 ॥
ആഹർതാ ചാശ്വമേധസ്യ ഭാജനം പരമായുഷാം ।
സമൃദ്ധോ ധനധാന്യേന വൈശ്യോ ഭവതി തത്ക്ഷണാത് ॥ 139 ॥
നാനാവിധപശൂനാം ഹി സമൃദ്ധ്യാ സ സമൃദ്ധതേ ।
ശൂദ്രഃ സമസ്തകല്യാണമാപ്നോതി ശ്രുതികീർതനാത് ॥ 140 ॥
ഭുങ്ക്തേ സുഖാനി സുചിരം രോഗശോകൗ പരിത്യജൻ ।
ഏവം നാര്യപി സൗഭാഗ്യം ഭർതൃഹാർദ്ദം സുതാനപി ॥ 141 ॥
പ്രാപ്നോതി ശ്രവണാദസ്യ കീർതനാദപി പാർവതി ।
സ്വസ്വാഭീഷ്ടമഥാന്യേഽപി ലഭന്തേഽസ്യ പ്രസാദതഃ ॥ 142 ॥
ആപ്നോതി ധാർമികോ ധർമാനർഥാനാപ്നോതി ദുര്ഗതഃ ।
മോക്ഷാർഥിനസ്തഥാ മോക്ഷം കാമുകാ കാമിനീം വരാം ॥ 143 ॥
യുദ്ധേ ജയം നൃപാഃ ക്ഷീണാഃ കുമാര്യഃ സത്പതിം തഥാ ।
ആരോഗ്യം രോഗിണശ്ചാപി തഥാ വംശാർഥിനഃ സുതാൻ ॥ 144 ॥
ജയം വിവാദേ കലികൃത്സിദ്ധീഃ സിദ്ധീഛുരുത്തമാഃ ।
നിയുക്താ ബന്ധുഭിഃ സംഗം ഗതായുശ്ചായുഷാം ചയം ॥ 145 ॥
സദാ യ ഏതത്പഠതി നിശീഥേ ഭക്തിഭാവിതഃ ।
തസ്യാ സാധ്യമഥാപ്രാപ്യം ത്രൈലോക്യേ നൈവ വിദ്യതേ ॥ 146 ॥
കീർത്തിം ഭോഗാൻ സ്ത്രിയഃ പുത്രാൻ ധനം ധാന്യം ഹയാൻഗജാൻ ।
ജ്ഞാതിശ്രൈഷ്ഠ്യം പശൂൻ ഭൂമിം രാജവശ്യം ച മാന്യതാം ॥ 147 ॥
ലഭതേ പ്രേയസി ക്ഷുദ്രജാതിരപ്യസ്യ കീർതനാത് ।
നാസ്യ ഭീതിർന്ന ദൗർഭാഗ്യം നാല്പായുഷ്യം ന രോഗിതാ ॥ 148 ॥
ന പ്രേതഭൂതാഭിഭവോ ന ദോഷോ ഗ്രഹജസ്തഥാ ।
ജായതേ പതിതോ നൈവ ക്വചിദപ്യേഷ സങ്കടേ ॥ 149 ॥
യദീച്ഛസി പരം ശ്രേയസ്തർത്തും സങ്കടമേവ ച ।
പഠാന്വഹമിദം സ്തോത്രം സത്യം സത്യം സുരേശ്വരി ॥ 150 ॥
ന സാസ്തി ഭൂതലേ സിദ്ധിഃ കീർത്തനാദ്യാ ന ജായതേ ।
ശൃണു ചാന്യദ് വരാരോഹേ കീർത്ത്യമാനം വചോ മമ ॥ 151 ॥
മഹാഭൂതാനി പഞ്ചാപി ഖാന്യേകാദശ യാനി ച ।
തന്മാത്രാണി ച ജീവാത്മാ പരമാത്മാ തഥൈവ ച ॥ 152 ॥
സപ്താർണവാഃ സപ്തലോകാ ഭുവനാനി ചതുർദശ ।
നക്ഷത്രാണി ദിശഃ സർവാഃ ഗ്രഹാഃ പാതാളസപ്തകം ॥ 153 ॥
സപ്തദ്വീപവതീ പൃഥ്വീ ജംഗമാജംഗമം ജഗത് ।
ചരാചരം ത്രിഭുവനം വിദ്യാശ്ചാപി ചതുർദശ ॥ 154 ॥
സാംഖ്യയോഗസ്തഥാ ജ്ഞാനം ചേതനാ കർമവാസനാ ।
ഭഗവത്യാം സ്ഥിതം സർവം സൂക്ഷ്മരൂപേണ ബീജവത് ॥ 155 ॥
സാ ചാസ്മിൻ സ്തോത്രസാഹസ്രേ സ്തോത്രേ തിഷ്ഠതി വദ്ധവത് ।
പഠനീയം വിദിത്വൈവം സ്തോത്രമേതത്സുദുർലഭം ॥ 156 ॥
ദേവീം കാമകലാകാളീം ഭജന്തഃ സിദ്ധിദായിനീം ।
സ്തോത്രം ചാദഃ പഠന്തോ ഹി സാധയന്തീപ്സിതാൻ സ്വകാൻ ॥ 157 ॥
॥ ഇതി മഹാകാലസംഹിതായാം കാമകലാഖണ്ഡേ ദ്വാദശപടലേ
ശ്രീകാമകലാകാളീസഹസ്രനാമസ്തോത്രം സമ്പൂർണം ॥
No comments:
Post a Comment