SREE KRISHNA SAHASRANAMA STHOTHRAM (From Satvatantra)

 

ശ്രീകൃഷ്ണസഹസ്രനാമസ്തോത്രം

ശ്രീ നാരദ ഉവാച .

കഥിതം മേ ത്വയാ ദേവ ഹരിനാമാനുകീർതനം .
പാപാപഹം മഹാസൗഖ്യം ഭഗവദ്ഭക്തികാരണം .. 1..

തത്രാഹം യാനി നാമാനി കീർതയാമി സുരോത്തമ .
താന്യഹം ജ്ഞാതുമിച്ഛാമി സാകല്യേന കുതൂഹലാത് .. 2..

ശ്രീ ശിവ ഉവാച.

ഭൂമ്യംബുതേജസാം യേ വൈ പരമാണൂനപി ദ്വിജ .
ശക്യന്തേ ഗണിതും ഭൂയോ ജന്മഭിർന ഹരേർഗുണാൻ .. 3..

തഥാപി മുഖ്യം വക്ഷ്യാമി ശ്രീവിഷ്ണോഃ പരമാദ്ഭുതം .
നാമ്നാം സഹസ്രം പാർവത്യൈ യദിഹോക്തം കൃപാലുനാ .. 4..

സമാധിനിഷ്ഠം മാം ദൃഷ്ട്വാ പാർവതീ വരവർണിനീ .
അപൃച്ഛത്പരമം ദേവം ഭഗവന്തം ജഗദ്ഗുരും .. 5..

തദാ തസ്യൈ മയാ പ്രോക്തോ മത്പരോ ജഗദീശ്വരഃ .
നാമ്നാം സഹസ്രം ച തഥാ ഗുണകർമാനുസാരതഃ .. 6..

തദഹം തേഽഭിവക്ഷ്യാമി മഹാഭാഗവതോ ഭവാൻ .
യസ്യൈകസ്മരണേനൈവ പുമാൻ സിദ്ധിമവാപ്നുയാത് .. 7..


നാരദ മഹർഷി ശിവനോട് ചോദിക്കുന്നു: "ഹേ ദേവാ, അങ്ങ് 
എനിക്ക് ഹരിനാമ കീർത്തനങ്ങളെക്കുറിച്ച് പറഞ്ഞുതന്നു. 
പാപങ്ങൾ തീർക്കുന്നതും ഭക്തി വളർത്തുന്നതുമായ ആ ആയിരം 
നാമങ്ങൾ എനിക്ക് പൂർണ്ണമായും അറിയാൻ ആഗ്രഹമുണ്ട്."
ശിവന്റെ മറുപടി: "ഭൂമിയിലെ മണൽത്തരികളും ജലകണങ്ങളും 
വേണമെങ്കിൽ എണ്ണിയെടുക്കാം, പക്ഷേ ഭഗവാന്റെ ഗുണങ്ങൾ 
എണ്ണാൻ ആർക്കും സാധ്യമല്ല. എങ്കിലും, പാർവ്വതി ദേവി ഒരിക്കൽ 
എന്നോട് ചോദിച്ചപ്പോൾ ഞാൻ ഉപദേശിച്ച ആ ആയിരം നാമങ്ങൾ 
ഇപ്പോൾ നിനക്കും പറഞ്ഞുതരാം. ഭഗവാനെ ഒരിക്കൽ സ്മരിച്ചാൽ 
തന്നെ ഒരാൾക്ക് സിദ്ധി ലഭിക്കും."
--------------------------------------------------------------------------
അസ്യ ശ്രീകൃഷ്ണസഹസ്രനാമസ്തോത്രമന്ത്രസ്യ 
ശിവ ഋഷിഃ അനുഷ്ടുപ് ഛന്ദഃ 
ശ്രീകൃഷ്ണഃ പരമാത്മാ ദേവതാ 
ശ്രീകൃഷ്ണേതി ബീജം
ശ്രീവല്ലഭേതി ശക്തിഃ ശാർങ്ഗീതി കീലകം 
ശ്രീകൃഷ്ണപ്രീത്യർഥേ ജപേ വിനിയോഗഃ

-------------------------------------------------------------------
ഉദ്യന്നവീനജലദാഭമകുണ്ഠധിഷ്ണ്യം 
വിദ്യോതിതാനലമനോഹരപീതവാസം .
ഭാസ്വന്മയൂഖമുകുടാംഗദഹാരയുക്തം 
കാഞ്ചീകലാപവലയാംഗുലിഭിർവിഭാതം .. 8..

ബ്രഹ്മാദിദേവഗണവന്ദിതപാദപദ്യം 
ശ്രീസേവിതം സകലസുന്ദരസംനിവേശം .
ഗോഗോപവനിതാമുനിവൃന്ദജുഷ്ടം 
കൃഷ്ണം പുരാണപുരുഷം മനസാ സ്മരാമി .. 9..

-------------------------------------------------------------------
ഓം നമോ വാസുദേവായ കൃഷ്ണായ പരമാത്മനേ .
പ്രണതക്ലേശസംഹർത്രേ പരമാനന്ദദായിനേ .. 10..

ഓം ശ്രീകൃഷ്ണഃ ശ്രീപതിഃ ശ്രീമാൻ ശ്രീധരഃ ശ്രീസുഖാശ്രയഃ .
ശ്രീദാതാ ശ്രീകരഃ ശ്രീശഃ ശ്രീസേവ്യഃ ശ്രീവിഭാവനഃ .. 11..

പരമാത്മാ പരം ബ്രഹ്മ പരേശഃ പരമേശ്വരഃ .
പരാനന്ദഃ പരം ധാമ പരമാനന്ദദായകഃ .. 12..

നിരാലംബോ നിർവികാരോ നിർലേപോ നിരവഗ്രഹഃ .
നിത്യാനന്ദോ നിത്യമുക്തോ നിരീഹോ നിസ്പൃഹപ്രിയഃ .. 13..

പ്രിയംവദഃ പ്രിയകരഃ പ്രിയദഃ പ്രിയസഞ്ജനഃ .
പ്രിയാനുഗഃ പ്രിയാലംബീ പ്രിയകീർതിഃ പ്രിയാത്പ്രിയഃ .. 14..

മഹാത്യാഗീ മഹാഭോഗീ മഹായോഗീ മഹാതപാഃ .
മഹാത്മാ മഹതാം ശ്രേഷ്ഠോ മഹാലോകപതിർമഹാൻ .. 15..

സിദ്ധാർഥഃ സിദ്ധസങ്കല്പഃ സിദ്ധിദഃ സിദ്ധസാധനഃ .
സിദ്ധേശഃ സിദ്ധമാർഗാഗ്രഃ സിദ്ധലോകൈകപാലകഃ .. 16..

ഇഷ്ടോ വിശിഷ്ടഃ ശിഷ്ടേഷ്ടോ മഹിഷ്ഠോ ജിഷ്ണുരുത്തമഃ .
ജ്യേഷ്ഠഃ ശ്രേഷ്ഠശ്ച സർവേഷ്ടോ വിഷ്ണുർഭ്രാജിഷ്ണുരവ്യയഃ .. 17..

വിഭുഃ ശംഭുഃ പ്രഭുർഭൂമാ സ്വഭൂഃ സ്വാനന്ദമൂർതിമാൻ .
പ്രീതിമാൻ പ്രീതിദാതാ ച പ്രീതിദഃ പ്രീതിവർധനഃ .. 18..

യോഗേശ്വരോ യോഗഗമ്യോ യോഗീശോ യോഗപാരഗഃ .
യോഗദാതാ യോഗപതിര്യോഗസിദ്ധിവിധായകഃ .. 19..

സത്യവ്രതഃ സത്യപരഃ ത്രിസത്യഃ സത്യകാരണഃ .
സത്യാശ്രയഃ സത്യഹരഃ സത്പാലിഃ സത്യവർധനഃ .. 20..

സർവാനന്ദഃ സർവഹരഃ സർവഗഃ സർവവശ്യകൃത് .
സർവപാതാ സർവസുഖഃ സർവശ്രുതിഗണാർണവഃ .. 21..

ജനാർദനോ ജഗന്നാഥോ ജഗത്ത്രാതാ ജഗത്പിതാ .
ജഗത്കർതാ ജഗദ്ധർതാ ജഗദാനന്ദമൂർതിമാൻ .. 22..

ധരാപതിർലോകപതിഃ സ്വർപതിർജഗതാമ്പതിഃ .
വിദ്യാപതിർവിത്തപതിഃ സത്പതിഃ കമലാപതിഃ .. 23..

ചതുരാത്മാ ചതുർബാഹുശ്ചതുർവർഗഫലപ്രദഃ .
ചതുർവ്യൂഹശ്ചതുർധാമാ ചതുര്യുഗവിധായകഃ .. 24..

ആദിദേവോ ദേവദേവോ ദേവേശോ ദേവധാരണഃ .
ദേവകൃദ്ദേവഭൃദ്ദേവോ ദേവേഡിതപദാംബുജഃ .. 25..

വിശ്വേശ്വരോ വിശ്വരൂപീ വിശ്വാത്മാ വിശ്വതോമുഖഃ .
വിശ്വസൂർവിശ്വഫലദോ വിശ്വഗോ വിശ്വനായകഃ .. 26..

ഭൂതകൃദ്ഭൂതഭൃദ്ഭാവോ ഭൂതാത്മാ ഭൂതഭാവനഃ .
ഭൂതിദോ ഭൂതിവിസ്താരോ വിഭൂതിർഭൂതിപാലകഃ .. 27..

നാരായണോ നാരശായീ നാരസൂർനാരജീവനഃ .
നാരൈകഫലദോ നാരമുക്തിദോ നാരനായകഃ .. 28..

സഹസ്രരൂപഃ സാഹസ്രനാമാ സാഹസ്രവിഗ്രഹഃ .
സഹസ്രശീർഷാ സാഹസ്രപാദാക്ഷിഭുജശീർഷവാൻ .. 29..

പദ്മനാഭഃ പദ്മഗർഭഃ പദ്മീ പദ്മനിഭേക്ഷണഃ .
പദ്മശായീ പദ്മമാലീ പദ്മാങ്കിതപദദ്വയഃ .. 30..

വീര്യവാൻ സ്ഥൈര്യവാൻ വാഗ്മീ ശൗര്യവാൻ ധൈര്യവാൻ ക്ഷമീ .
ധീമാൻ ധർമപരോ ഭോഗീ ഭഗവാൻ ഭയനാശനഃ .. 31..

ജയന്തോ വിജയോ ജേതാ ജയദോ ജയവർധനഃ .
അമാനീ മാനദോ മാന്യോ മഹിമാവാന്മഹാബലഃ .. 32..

സന്തുഷ്ടസ്തോഷദോ ദാതാ ദമനോ ദീനവത്സലഃ .
ജ്ഞാനീ യശസ്വാൻ ധൃതിമാൻ സഹ ഓജോബലാശ്രയഃ .. 33..

ഹയഗ്രീവോ മഹാതേജാ മഹാർണവവിനോദകൃത് .
മധുകൈടഭവിധ്വംസീ വേദകൃദ്വേദപാലകഃ .. 34..

സനത്കുമാരഃ സനകഃ സനന്ദശ്ച സനാതനഃ .
അഖണ്ഡബ്രഹ്മവ്രതവാനാത്മാ യോഗവിവേചകഃ .. 35..

ശ്രീനാരദോ ദേവഋഷിഃ കർമാകർമപ്രവർതകഃ .
സാത്വതാഗമകൃല്ലോകഹിതാഹിതപ്രസൂചകഃ .. 36..

ആദികാലോ യജ്ഞതത്ത്വം ധാതൃനാസാപുടോദ്ഭവഃ .
ദന്താഗ്രന്യസ്തഭൂഗോലോ ഹിരണ്യാക്ഷബലാന്തകഃ .. 37..

പൃഥ്വീപതിഃ ശീഘ്രവേഗോ രോമാന്തർഗതസാഗരഃ .
ശ്വാസാവധൂതഹേമാദ്രിഃ പ്രജാപതിപതിസ്തുതഃ .. 38..

അനന്തോ ധരണീഭർതാ പാതാലതലവാസകൃത് .
കാമാഗ്നിജവനോ നാഗരാജരാജോ മഹാദ്യുതിഃ .. 39..

മഹാകൂർമോ വിശ്വകായഃ ശേഷഭുക്സർവപാലകഃ .
ലോകപിതൃഗണാധീശഃ പിതൃസ്തുതമഹാപദഃ .. 40..

കൃപാമയഃ സ്വയം വ്യക്തിർധ്രുവപ്രീതിവിവർധനഃ .
ധ്രുവസ്തുതപദോ വിഷ്ണുലോകദോ ലോകപൂജിതഃ .. 41..

ശുക്ലഃ കർദമസന്തപ്തസ്തപസ്തോഷിതമാനസഃ .
മനോഽഭീഷ്ടപ്രദോ ഹർഷബിന്ദ്വഞ്ചിതസരോവരഃ .. 42..

യജ്ഞഃ സുരഗണാധീശോ ദൈത്യദാനവഘാതകഃ .
മനുത്രാതാ ലോകപാലോ ലോകപാലകജന്മകൃത് .. 43..

കപിലാഖ്യഃ സാംഖ്യപാതാ കർദമാംഗസമുദ്ഭവഃ .
സർവസിദ്ധഗണാധീശോ ദേവഹൂതിഗതിപ്രദഃ .. 44..

ദത്തോഽത്രിതനയോ യോഗീ യോഗമാർഗപ്രദർശകഃ .
അനസൂയാനന്ദകരഃ സർവയോഗിജനസ്തുതഃ .. 45..

നാരായണോ നരഋഷിർധർമപുത്രോ മഹാമനാഃ .
മഹേശശൂലദമനോ മഹേശൈകവരപ്രദഃ .. 46..

ആകല്പാന്തതപോധീരോ മന്മഥാദിമദാപഹഃ .
ഊർവശീസൃഗ്ജിതാനംഗോ മാർകണ്ഡേയപ്രിയപ്രദഃ .. 47..

ഋഷഭോ നാഭിസുഖദോ മേരുദേവീപ്രിയാത്മജഃ .
യോഗിരാജദ്വിജസ്രഷ്ടാ യോഗചര്യാപ്രദർശകഃ .. 48..

അഷ്ടബാഹുർദക്ഷയജ്ഞപാവനോഽഖിലസത്കൃതഃ .
ദക്ഷേശദ്വേഷശമനോ ദക്ഷജ്ഞാനപ്രദായകഃ .. 49..

പ്രിയവ്രതകുലോത്പന്നോ ഗയനാമാ മഹായശാഃ .
ഉദാരകർമാ ബഹുവിന്മഹാഗുണഗണാർണവഃ .. 50..

ഹംസരൂപീ തത്ത്വവക്താ ഗുണാഗുണവിവേചകഃ .
ധാതൃലജ്ജാപ്രശമനോ ബ്രഹ്മചാരിജനപ്രിയഃ .. 51..

വൈശ്യഃ പൃഥുഃ പൃഥ്വിദോഗ്ധാ സർവജീവനദോഹകൃത് .
ആദിരാജോ ജനാവാസകാരകോ ഭൂസമീകരഃ .. 52..

പ്രചേതോഽഭിഷ്ടുതപദഃ ശാന്തമൂർതിഃ സുദർശനഃ .
ദിവാരാത്രിഗണാധീശഃ കേതുമാനജനാശ്രയഃ .. 53..

ശ്രീകാമദേവഃ കമലാകാമകേലിവിനോദകൃത് .
സ്വപാദരതിദോഽഭീഷ്ടസുഖദോ ദുഃഖനാശനഃ .. 54..

വിഭുർധർമഭൃതാം ശ്രേഷ്ഠോ വേദശീർഷോ ദ്വിജാത്മജഃ .
അഷ്ടാശീതിസഹസ്രാണാം മുനീനാമുപദേശദഃ .. 55..

സത്യസേനോ യക്ഷരക്ഷോദഹനോ ദീനപാലകഃ .
ഇന്ദ്രമിത്രഃ സുരാരിഘ്നഃ സൂനൃതാധർമനന്ദനഃ .. 56..

ഹരിർഗജവരത്രാതാ ഗ്രാഹപാശവിനാശകഃ .
ത്രികൂടാദ്രിവനശ്ലാഘീ സർവലോകഹിതൈഷണഃ .. 57..

വൈകുണ്ഠശുഭ്രാസുഖദോ വികുണ്ഠാസുന്ദരീസുതഃ .
രമാപ്രിയകരഃ ശ്രീമാന്നിജലോകപ്രദർശകഃ .. 58..

വിപ്രശാപപരീഖിന്നനിർജരാർതിനിവാരണഃ .
ദുഗ്ധാബ്ധിമഥനോ വിപ്രോ വിരാജതനയോഽജിതഃ .. 59..

മന്ദാരാദ്രിധരഃ കൂർമോ ദേവദാനവശർമകൃത് .
ജംബൂദ്വീപസമഃ സ്രഷ്ടാ പീയൂഷോത്പത്തികാരണം .. 60..

ധന്വന്തരീ രുക്.ഗ്ശമനോഽമൃതധുക്രുക്പ്രശാന്തകഃ .
ആയുർവേദകരോ വൈദ്യരാജോ വിദ്യാപ്രദായകഃ .. 61..

ദേവാഭയകരോ ദൈത്യമോഹിനീ കാമരൂപിണീ .
ഗീർവാണാമൃതപോ ദുഷ്ടദൈത്യദാനവവഞ്ചകഃ .. 62..

മഹാമത്സ്യോ മഹാകായഃ ശൽകാന്തർഗതസാഗരഃ .
വേദാരിദൈത്യദമനോ വ്രീഹിബീജസുരക്ഷകഃ .. 63..

പുച്ഛാഘാതഭ്രമത്സിന്ധുഃ സത്യവ്രതപ്രിയപ്രദഃ .
ഭക്തസത്യവ്രതത്രാതാ യോഗത്രയപ്രദർശകഃ .. 64..

നരസിംഹോ ലോകജിഹ്വഃ ശങ്കുകർണോ നഖായുധഃ .
സടാവധൂതജലദോ ദന്തദ്യുതിജിതപ്രഭഃ .. 65..

ഹിരണ്യകശിപുധ്വംസീ ബഹുദാനവദർപഹാ .
പ്രഹ്ലാദസ്തുതപാദാബ്ജോ ഭക്തസംസാരതാപഹാ .. 66..

ബ്രഹ്മേന്ദ്രരുദ്രഭീതിഘ്നോ ദേവകാര്യപ്രസാധകഃ .
ജ്വലജ്ജ്വലനസങ്കാശഃ സർവഭീതിവിനാശകഃ .. 67..

മഹാകലുഷവിധ്വംസീ സർവകാമവരപ്രദഃ .
കാലവിക്രമസംഹർതാ ഗ്രഹപീഡാവിനാശകഃ .. 68..

സർവവ്യാധിപ്രശമനഃ പ്രചണ്ഡരിപുദണ്ഡകൃത് .
ഉഗ്രഭൈരവസന്ത്രസ്തഹരാർതിവിനിവാരകഃ .. 69..

ബ്രഹ്മചർമാവൃതശിരാഃ ശിവശീർഷൈകനൂപുരഃ .
ദ്വാദശാദിത്യശീർഷൈകമണിർദിക്പാലഭൂഷണഃ .. 70..

വാമനോഽദിതിഭീതിഘ്നോ ദ്വിജാതിഗണമണ്ഡനഃ .
ത്രിപദവ്യാജയാഞ്ചാപ്തബലിത്രൈലോക്യസമ്പദഃ .. 71..

പന്നഖക്ഷതബ്രഹ്മാണ്ഡകടാഹോഽമിതവിക്രമഃ . pannagakShata?
സ്വർധുനീതീർഥജനനോ ബ്രഹ്മപൂജ്യോ ഭയാപഹഃ .. 72..

സ്വാംഘ്രിവാരിഹതാഘൗഘോ വിശ്വരൂപൈകദർശനഃ .
ബലിപ്രിയകരോ ഭക്തസ്വർഗദോഗ്ധാ ഗദാധരഃ .. 73..

ജാമദഗ്ന്യോ മഹാവീര്യഃ പരശുഭൃത്കാർതവീര്യജിത് .
സഹസ്രാർജുനസംഹർതാ സർവക്ഷത്രകുലാന്തകഃ .. 74..

നിഃക്ഷത്രപൃഥ്വീകരണോ വീരജിദ്വിപ്രരാജ്യദഃ .
ദ്രോണാസ്ത്രവേദപ്രവദോ മഹേശഗുരുകീർതിദഃ .. 75..

സൂര്യവംശാബ്ജതരണിഃ ശ്രീമദ്ദശരഥാത്മജഃ .
ശ്രീരാമോ രാമചന്ദ്രശ്ച രാമഭദ്രോഽമിതപ്രഭഃ .. 76..

നീലവർണപ്രതീകാശഃ കൗസല്യാപ്രാണജീവനഃ .
പദ്മനേത്രഃ പദ്മവക്ത്രഃ പദ്മാങ്കിതപദാംബുജഃ .. 77..

പ്രലംബബാഹുശ്ചാർവംഗോ രത്നാഭരണഭൂഷിതഃ .
ദിവ്യാംബരോ ദിവ്യധനുർദിഷ്ടദിവ്യാസ്ത്രപാരഗഃ .. 78..

നിസ്ത്രിംശപാണിർവീരേശോഽപരിമേയപരാക്രമഃ .
വിശ്വാമിത്രഗുരുർധന്വീ ധനുർവേദവിദുത്തമഃ .. 79..

ഋജുമാർഗനിമിത്തേഷു സംഘതാഡിതതാഡകഃ .
സുബാഹുർബാഹുവീര്യാഢ്യബഹുരാക്ഷസഘാതകഃ .. 80..

പ്രാപ്തചണ്ഡീശദോർദണ്ഡചണ്ഡകോദണ്ഡഖണ്ഡനഃ .
ജനകാനന്ദജനകോ ജാനകീപ്രിയനായകഃ .. 81..

അരാതികുലദർപഘ്നോ ധ്വസ്തഭാർഗവവിക്രമഃ .
പിതൃവാക്ത്യക്തരാജ്യശ്രീവനവാസകൃതോത്സവഃ .. 82..

വിരാധരാധദമനശ്ചിത്രകൂടാദ്രിമന്ദിരഃ .
ദ്വിജശാപസമുച്ഛന്നദണ്ഡകാരണ്യകർമകൃത് .. 83..

ചതുർദശസഹസ്രോഗ്രരാക്ഷസഘ്നഃ ഖരാന്തകഃ .
ത്രിശിരഃപ്രാണശമനോ ദുഷ്ടദൂഷണദൂഷണഃ .. 84..

ഛദ്മമാരീചമഥനോ ജാനകീവിരഹാർതിഹൃത് .
ജടായുഷഃ ക്രിയാകാരീ കബന്ധവധകോവിദഃ .. 85..

ഋഷ്യമൂകഗുഹാവാസീ കപിപഞ്ചമസഖ്യകൃത് .
വാമപാദാഗ്രനിക്ഷിപ്തദുന്ദുഭ്യസ്ഥിബൃഹദ്ഗിരിഃ .. 86..

സകണ്ടകാരദുർഭേദസപ്തതാലപ്രഭേദകഃ .
കിഷ്കിന്ധാധിപവാലിഘ്നോ മിത്രസുഗ്രീവരാജ്യദഃ .. 87..

ആഞ്ജനേയസ്വലാംഗൂലദഗ്ധലങ്കാമഹോദയഃ .
സീതാവിരഹവിസ്പഷ്ടരോഷക്ഷോഭിതസാഗരഃ .. 88..

ഗിരികൂടസമുത്ക്ഷേപസമുദ്രാദ്ഭുതസേതുകൃത് .
പാദപ്രഹാരസന്ത്രസ്തവിഭീഷണഭയാപഹഃ .. 89..

അംഗദോക്തിപരിക്ലിഷ്ടഘോരരാവണസൈന്യജിത് .
നികുംഭകുംഭധൂമ്രാക്ഷകുംഭകർണാദിവീരഹാ .. 90..

കൈലാസസഹനോന്മത്തദശാനനശിരോഹരഃ .
അഗ്നിസംസ്പർശസംശുദ്ധസീതാസംവരണോത്സുകഃ .. 91..

കപിരാക്ഷസരാജാംഗപ്രാപ്തരാജ്യനിജാശ്രയഃ .
അയോധ്യാധിപതിഃ സർവരാജന്യഗണശേഖരഃ .. 92..

അചിന്ത്യകർമാ നൃപതിഃ പ്രാപ്തസിംഹാസനോദയഃ .
ദുഷ്ടദുർബുദ്ധിദലനോ ദീനഹീനൈകപാലകഃ .. 93..

സർവസമ്പത്തിജനനസ്തിര്യങ്ന്യായവിവേചകഃ .
ശൂദ്രഘോരതപഃപ്ലുഷ്ടദ്വിജപുത്രൈകജീവനഃ .. 94..

ദുഷ്ടവാക്ക്ലിഷ്ടഹൃദയഃ സീതാനിർവാസകാരകഃ .
തുരംഗമേധക്രതുയാട്ശ്രീമത്കുശലവാത്മജഃ .. 95..

സത്യാർഥത്യക്തസൗമിത്രിഃ സൂന്നീതജനസംഗ്രഹഃ .
സത്കർണപൂരസത്കീർതിഃ കീർത്യാലോകാഘനാശനഃ .. 96..

ഭരതോ ജ്യേഷ്ഠപാദാബ്ജരതിത്യക്തനൃപാസനഃ .
സർവസദ്ഗുണസമ്പന്നഃ കോടിഗന്ധർവനാശകഃ .. 97..

ലക്ഷ്മണോ ജ്യേഷ്ഠനിരതോ ദേവവൈരിഗണാന്തകഃ .
ഇന്ദ്രജിത്പ്രാണശമനോ ഭ്രാതൃമാൻ ത്യക്തവിഗ്രഹഃ .. 98..

ശത്രുഘ്നോഽമിത്രശമനോ ലവണാന്തകകാരകഃ .
ആര്യഭ്രാതൃജനശ്ലാഘ്യഃ സതാം ശ്ലാഘ്യഗുണാകരഃ .. 99..

വടപത്ത്രപുടസ്ഥായീ ശ്രീമുകുന്ദോഽഖിലാശ്രയഃ .
തനൂദരാർപിതജഗന്മൃകണ്ഡതനയഃ ഖഗഃ .. 100..

ആദ്യോ ദേവഗണാഗ്രണ്യോ മിതസ്തുതിനതിപ്രിയഃ .
വൃത്രഘോരതനുത്രസ്തദേവസന്മന്ത്രസാധകഃ .. 101..

ബ്രഹ്മണ്യോ ബ്രാഹ്മണശ്ലാഘീ ബ്രഹ്മണ്യജനവത്സലഃ .
ഗോഷ്പദാപ്സുഗലദ്ഗാത്രവാലഖില്യജനാശ്രയഃ .. 102..

ദൗസ്വസ്തിര്യജ്വനാം ശ്രേഷ്ഠോ നൃപവിസ്മയകാരകഃ .
തുരംഗമേധബഹുകൃദ്വദാന്യഗണശേഖരഃ .. 103..

വാസവീതനയോ വ്യാസോ വേദശാഖാനിരൂപകഃ .
പുരാണഭാരതാചാര്യഃ കലിലോകഹിതൈഷണഃ .. 104..

രോഹിണീഹൃദയാനന്ദോ ബലഭദ്രോ ബലാശ്രയഃ .
സങ്കർഷണഃ സീരപാണിഃ മുസലാസ്ത്രോഽമലദ്യുതിഃ .. 105..

ശംഖകുന്ദേന്ദുശ്വേതാംഗസ്താലഭിദ്ധേനുകാന്തകഃ .
മുഷ്ടികാരിഷ്ടഹനനോ ലാംഗലാകൃഷ്ടയാമുനഃ .. 106..

പ്രലംബപ്രാണഹാ രുക്മീമഥനോ ദ്വിവിദാന്തകഃ .
രേവതീപ്രീതിദോ രാമാരമണോ ബല്വലാന്തകഃ .. 107..

ഹസ്തിനാപുരസങ്കർഷീ കൗരവാർചിതസത്പദഃ .
ബ്രഹ്മാദിസ്തുതപാദാബ്ജോ ദേവയാദവപാലകഃ .. 108..

മായാപതിർമഹാമായോ മഹാമായാനിദേശകൃത് .
യദുവംശാബ്ധിപൂർണേന്ദുർബലദേവപ്രിയാനുജഃ .. 109..

നരാകൃതിഃ പരം ബ്രഹ്മ പരിപൂർണഃ പരോദയഃ .
സർവജ്ഞാനാദിസമ്പൂർണഃ പൂർണാനന്ദഃ പുരാതനഃ .. 110..

പീതാംബരഃ പീതനിദ്രഃ പീതവേശ്മമഹാതപാഃ .
മഹോരസ്കോ മഹാബാഹുർമഹാർഹമണികുണ്ഡലഃ .. 111..

ലസദ്ഗണ്ഡസ്ഥലീഹൈമമൗലിമാലാവിഭൂഷിതഃ .
സുചാരുകർണഃ സുഭ്രാജന്മകരാകൃതികുണ്ഡലഃ .. 112..

നീലകുഞ്ചിതസുസ്നിഗ്ധകുന്തലഃ കൗമുദീമുഖഃ .
സുനാസഃ കുന്ദദശനോ ലസത്കോകനദാധരഃ .. 113..

സുമന്ദഹാസോ രുചിരഭ്രൂമണ്ഡലവിലോകനഃ .
കംബുകണ്ഠോ ബൃഹദ്ബ്രഹ്മാ വലയാംഗദഭൂഷണഃ .. 114..

കൗസ്തുഭീ വനമാലീ ച ശംഖചക്രഗദാബ്ജഭൃത് .
ശ്രീവത്സലക്ഷ്മ്യാ ലക്ഷ്യാംഗഃ സർവലക്ഷണലക്ഷണഃ .. 115..

ദലോദരോ നിമ്നനാഭിർനിരവദ്യോ നിരാശ്രയഃ .
നിതംബബിംബവ്യാലംബികിങ്കിണീകാഞ്ചിമണ്ഡിതഃ .. 116..

സമജംഘാജാനുയുഗ്മഃ സുചാരുരുചിരാജിതഃ .
ധ്വജവജ്രാങ്കുശാംഭോജശരാങ്കിതപദാംബുജഃ .. 117..

ഭക്തഭ്രമരസംഘാതപീതപാദാംബുജാസവഃ .
നഖചന്ദ്രമണിജ്യോത്സ്നാപ്രകാശിതമഹാമനാഃ .. 118..

പാദാംബുജയുഗന്യസ്തലസന്മഞ്ജീരരാജിതഃ .
സ്വഭക്തഹൃദയാകാശലസത്പങ്കജവിസ്തരഃ .. 119..

സർവപ്രാണിജനാനന്ദോ വസുദേവനുതിപ്രിയഃ .
ദേവകീനന്ദനോ ലോകനന്ദികൃദ്ഭക്തഭീതിഭിത് .. 120..

ശേഷാനുഗഃ ശേഷശായീ യശോദാനതിമാനദഃ .
നന്ദാനന്ദകരോ ഗോപഗോപീഗോകുലബാന്ധവഃ .. 121..

സർവവ്രജജനാനന്ദീ ഭക്തവല്ലഭവവല്ലഭഃ .
വല്യവ്യംഗലസദ്ഗാത്രോ ബല്ലവീബാഹുമധ്യഗഃ .. 122..

പീതപൂതനികാസ്തന്യഃ പൂതനാപ്രാണശോഷണഃ .
പൂതനോരസ്ഥലസ്ഥായീ പൂതനാമോക്ഷദായകഃ .. 123..

സമാഗതജനാനന്ദീ ശകടോച്ചാടകാരകഃ .
പ്രാപ്തവിപ്രാശിഷോഽധീശോ ലഘിമാദിഗുണാശ്രയഃ .. 124..

തൃണാവർതഗലഗ്രാഹീ തൃണാവർതനിഷൂദനഃ .
ജനന്യാനന്ദജനകോ ജനന്യാ മുഖവിശ്വദൃക് .. 125..

ബാലക്രീഡാരതോ ബാലഭാഷാലീലാദിനിർവൃതഃ .
ഗോപഗോപീപ്രിയകരോ ഗീതനൃത്യാനുകാരകഃ .. 126..

നവനീതവിലിപ്താംഗോ നവനീതലവപ്രിയഃ .
നവനീതലവാഹാരീ നവനീതാനുതസ്കരഃ .. 127..

ദാമോദരോഽർജുനോന്മൂലോ ഗോപൈകമതികാരകഃ .
വൃന്ദാവനവനക്രീഡോ നാനാക്രീഡാവിശാരദഃ .. 128..

വത്സപുച്ഛസമാകർഷീ വത്സാസുരനിഷൂദനഃ .
ബകാരിരഘസംഹാരീ ബാലാദ്യന്തകനാശനഃ .. 129..

യമുനാനിലസഞ്ജുഷ്ടസുമൃഷ്ടപുലിനപ്രിയഃ .
ഗോപാലബാലപൂഗസ്ഥഃ സ്നിഗ്ധദധ്യന്നഭോജനഃ .. 130..

ഗോഗോപഗോപീപ്രിയകൃദ്ധനഭൃന്മോഹഖണ്ഡനഃ .
വിധാതുർമോഹജനകോഽത്യദ്ഭുതൈശ്വര്യദർശകഃ .. 131..

വിധിസ്തുതപദാംഭോജോ ഗോപദാരകബുദ്ധിഭിത് .
കാലീയദർപദലനോ നാഗനാരീനുതിപ്രിയഃ .. 132..

ദാവാഗ്നിശമനഃ സർവവ്രജഭൃജ്ജനജീവനഃ .
മുഞ്ജാരണ്യപ്രവേശാപ്തകൃച്ഛ്രദാവാഗ്നിദാരണഃ .. 133..

സർവകാലസുഖക്രീഡോ ബർഹിബർഹാവതംസകഃ .
ഗോധുഗ്വധൂജനപ്രാണോ വേണുവാദ്യവിശാരദഃ .. 134..

ഗോപീപിധാനാരുന്ധാനോ ഗോപീവ്രതവരപ്രദഃ .
വിപ്രദർപപ്രശമനോ വിപ്രപത്നീപ്രസാദദഃ .. 135..

ശതക്രതുവരധ്വംസീ ശക്രദർപമദാപഹഃ .
ധൃതഗോവർധനഗിരിർവ്രജലോകാഭയപ്രദഃ .. 136..

ഇന്ദ്രകീർതിലസത്കീർതിർഗോവിന്ദോ ഗോകുലോത്സവഃ .
നന്ദത്രാണകരോ ദേവജലേശേഡിതസത്കഥഃ .. 137..

വ്രജവാസിജനശ്ലാഘ്യോ നിജലോകപ്രദർശകഃ .
സുവേണുനാദമദനോന്മത്തഗോപീവിനോദകൃത് .. 138..

ഗോധുഗ്വധൂദർപഹരഃ സ്വയശഃകീർതനോത്സവഃ .
വ്രജാംഗനാജനാരാമോ വ്രജസുന്ദരിവല്ലഭഃ .. 139..

രാസക്രീഡാരതോ രാസമഹാമണ്ഡലമണ്ഡനഃ .
വൃന്ദാവനവനാമോദീ യമുനാകൂലകേലികൃത് .. 140..

ഗോപികാഗീതികാഗീതഃ ശംഖചൂഡശിരോഹരഃ .
മഹാസർപമുഖഗ്രസ്തത്രസ്തനന്ദവിമോചകഃ .. 141..

സുദർശനാർചിതപദോ ദുഷ്ടാരിഷ്ടവിനാശകഃ .
കേശിദ്വേഷോ വ്യോമഹന്താ ശ്രുതനാരദകീർതനഃ .. 142..

അക്രൂരപ്രിയകൃത്ക്രൂരരജകഘ്നഃ സുവേശകൃത് .
സുദാമാദത്തമാലാഢ്യഃ കുബ്ജാചന്ദനചർചിതഃ .. 143..

മഥുരാജനസംഹർഷീ ചണ്ഡകോദണ്ഡഖണ്ഡകൃത് .
കംസസൈന്യസമുച്ഛേദീ വണിഗ്വിപ്രഗണാർചിതഃ .. 144..

മഹാകുവലയാപീഡഘാതീ ചാണൂരമർദനഃ . ?
രംഗശാലാഗതാപാരനരനാരീകൃതോത്സവഃ .. 145..

കംസധ്വംസകരഃ കംസസ്വസാരൂപ്യഗതിപ്രദഃ .
കൃതോഗ്രസേനനൃപതിഃ സർവയാദവസൗഖ്യകൃത് .. 146..

താതമാതൃകൃതാനന്ദോ നന്ദഗോപപ്രസാദദഃ .
ശ്രിതസാന്ദീപനിഗുരുർവിദ്യാസാഗരപാരഗഃ .. 147..

ദൈത്യപഞ്ചജനധ്വംസീ പാഞ്ചജന്യദരപ്രിയഃ .
സാന്ദീപനിമൃതാപത്യദാതാ കാലയമാർചിതഃ .. 148..

സൈരന്ധ്രീകാമസന്താപശമനോഽക്രൂരപ്രീതിദഃ .
ശാർങ്ഗചാപധരോ നാനാശരസന്ധാനകോവിദഃ .. 149..

അഭേദ്യദിവ്യകവചഃ ശ്രീമദ്ദാരുകസാരഥിഃ .
ഖഗേന്ദ്രചിഹ്നിതധ്വജശ്ചക്രപാണിർഗദാധരഃ .. 150..

നന്ദകീയദുസേനാഢ്യോഽക്ഷയബാണനിഷംഗവാൻ .
സുരാസുരാജേയരണ്യോ ജിതമാഗധയൂഥപഃ .. 151..

മാഗധധ്വജിനീധ്വംസീ മഥുരാപുരപാലകഃ .
ദ്വാരകാപുരനിർമാതാ ലോകസ്ഥിതിനിയാമകഃ .. 152..

സർവസമ്പത്തിജനനഃ സ്വജനാനന്ദകാരകഃ .
കല്പവൃക്ഷാക്ഷിതമഹിഃ സുധർമാനീതഭൂതലഃ .. 153..

യവനാസുരസംഹർതാ മുചുകുന്ദേഷ്ടസാധകഃ .
രുക്മിണീദ്വിജസംമന്ത്രരഥൈകഗതകുണ്ഡിനഃ .. 154..

രുക്മിണീഹാരകോ രുക്മിമുണ്ഡമുണ്ഡനകാരകഃ .
രുക്മിണീപ്രിയകൃത്സാക്ഷാദ്രുക്മിണീരമണീപതിഃ .. 155..

രുക്മിണീവദനാംഭോജമധുപാനമധുവ്രതഃ .
സ്യമന്തകനിമിത്താത്മഭക്തർക്ഷാധിപജിത്ശുചിഃ .. 156..

ജാംബവാർചിതപാദാബ്ജഃ സാക്ഷാജ്ജാംബവതീപതിഃ .
സത്യഭാമാകരഗ്രാഹീ കാലിന്ദീസുന്ദരീപ്രിയഃ .. 157..

സുതീക്ഷ്ണശൃംഗവൃഷഭസപ്തജിദ്രാജയൂഥഭിദ് .
നഗ്നജിത്തനയാസത്യാനായികാനായകോത്തമഃ .. 158..

ഭദ്രേശോ ലക്ഷ്മണാകാന്തോ മിത്രവിന്ദാപ്രിയേശ്വരഃ .
മുരുജിത്പീഠസേനാനീനാശനോ നരകാന്തകഃ .. 159..

ധരാർചിതപദാംഭോജോ ഭഗദത്തഭയാപഹാ .
നരകാഹൃതദിവ്യസ്ത്രീരത്നവാഹാദിനായകഃ .. 160..

അഷ്ടോത്തരശതദ്വ്യഷ്ടസഹസ്രസ്ത്രീവിലാസവാൻ .
സത്യഭാമാബലാവാക്യപാരിജാതാപഹാരകഃ .. 161..

ദേവേന്ദ്രബലഭിജ്ജായാജാതനാനാവിലാസവാൻ .
രുക്മിണീമാനദലനഃ സ്ത്രീവിലാസാവിമോഹിതഃ .. 162..

കാമതാതഃ സാംബസുതോഽസംഖ്യപുത്രപ്രപൗത്രവാൻ .
ഉശായാനിതപൗത്രാർഥബാണബാഹുസസ്രഛിത് .. 163..

നന്ദ്യാദിപ്രമഥധ്വംസീ ലീലാജിതമഹേശ്വരഃ .
മഹാദേവസ്തുതപദോ നൃഗദുഃഖവിമോചകഃ .. 164..

ബ്രഹ്മസ്വാപഹരക്ലേശകഥാസ്വജനപാലകഃ .
പൗണ്ഡ്രകാരിഃ കാശിരാജശിരോഹർതാ സദാജിതഃ .. 165..

സുദക്ഷിണവ്രതാരാധ്യശിവകൃത്യാനലാന്തകഃ .
വാരാണസീപ്രദഹനോ നാരദേക്ഷിതവൈഭവഃ .. 166..

അദ്ഭുതൈശ്വര്യമഹിമാ സർവധർമപ്രവർതകഃ .
ജരാസന്ധനിരോധാർതഭൂഭുജേരിതസത്കഥഃ .. 167..

നാരദേരിതസന്മിത്രകാര്യഗൗരവസാധകഃ .
കലത്രപുത്രസന്മിത്രസദ്വൃത്താപ്തഗൃഹാനുഗഃ .. 168..

ജരാസന്ധവധോദ്യോഗകർതാ ഭൂപതിശർമകൃത് .
സന്മിത്രകൃത്യാചരിതോ രാജസൂയപ്രവർതകഃ .. 169..

സർവർഷിഗണസംസ്തുത്യശ്ചൈദ്യപ്രാണനികൃന്തകഃ .
ഇന്ദ്രപ്രസ്ഥജനൈഃ പൂജ്യോ ദുര്യോധനവിമോഹനഃ .. 170..

മഹേശദത്തസൗഭാഗ്യപുരഭിച്ഛത്രുഘാതകഃ .
ദന്തവക്ത്രരിപുച്ഛേത്താ ദന്തവക്ത്രഗതിപ്രദഃ .. 171..

വിദൂരഥപ്രമഥനോ ഭൂരിഭാരാവതാരകഃ .
പാർഥദൂതഃ പാർഥഹിതഃ പാർഥാർഥഃ പാർഥസാരഥിഃ .. 172..

പാർഥമോഹസമുച്ഛേദീ ഗീതാശാസ്ത്രപ്രദർശകഃ .
പാർഥബാണഗതപ്രാണവീരകൈവല്യരൂപദഃ .. 173..

ദുര്യോധനാദിദുർവൃത്തദഹനോ ഭീഷ്മമുക്തിദഃ .
പാർഥാശ്വമേധാഹരകഃ പാർഥരാജ്യപ്രസാധകഃ .. 174..

പൃഥാഭീഷ്ടപ്രദോ ഭീമജയദോ വിജയപ്രദഃ .
യുധിഷ്ഠിരേഷ്ടസന്ദാതാ ദ്രൗപദീപ്രീതിസാധകഃ .. 175..

സഹദേവേരിതപദോ നകുലാർചിതവിഗ്രഹഃ .
ബ്രഹ്മാസ്ത്രദഗ്ധഗർഭസ്ഥപൂരുവംശപ്രസാധകഃ .. 176..

പൗരവേന്ദ്രപുരസ്ത്രീഭ്യോ ദ്വാരകാഗമനോത്സവഃ .
ആനർതദേശനിവസത്പ്രജേരിതമഹത്കഥഃ .. 177..

പ്രിയപ്രീതികരോ മിത്രവിപ്രദാരിദ്ര്യഭഞ്ജനഃ .
തീർഥാപദേശസന്മിത്രപ്രിയകൃന്നന്ദനന്ദനഃ .. 178..

ഗോപീജനജ്ഞാനദാതാ താതക്രതുകൃതോത്സവഃ .
സദ്വൃത്തവക്താ സദ്വൃത്തകർതാ സദ്വൃത്തപാലകഃ .. 179..

താതാത്മജ്ഞാനസന്ദാതാ ദേവകീമൃതപുത്രദഃ .
ശ്രുതദേവപ്രിയകരോ മൈഥിലാനന്ദവർധനഃ .. 180..

പാർഥദർപപ്രശമനോ മൃതവിപ്രസുതപ്രദഃ .
സ്ത്രീരത്നവൃന്ദസന്തോഷീ ജനകേലികലോത്സവഃ .. 181..

ചന്ദ്രകോടിജനാനന്ദീ ഭാനുകോടിസമപ്രഭഃ .
കൃതാന്തകോടിദുർലംഘ്യഃ കാമകോടിമനോഹരഃ .. 182..

യക്ഷരാട്കോടിധനവാന്മരുത്കോടിസ്വവീര്യവാൻ .
സമുദ്രകോടിഗംഭീരോ ഹിമവത്കോട്യകമ്പനഃ .. 183..

കോട്യശ്വമേധാഢ്യഹരഃ തീർഥകോട്യധികാഹ്വയഃ .
പീയൂഷകോടിമൃത്യുഘ്നഃ കാമധുക്കോട്യഭീഷ്ടദഃ .. 184..

ശക്രകോടിവിലാസാഢ്യഃ കോടിബ്രഹ്മാണ്ഡനായകഃ .
സർവാമോഘോദ്യമോഽനന്തകീർതിനിഃസീമപൗരുഷഃ .. 185..

സർവാഭീഷ്ടപ്രദയശാഃ പുണ്യശ്രവണകീർതനഃ .
ബ്രഹ്മാദിസുരസംഗീതവീതമാനുഷചേഷ്ടിതഃ .. 186..

അനാദിമധ്യനിധനോ വൃദ്ധിക്ഷയവിവർജിതഃ .
സ്വഭക്തോദ്ധവമുഖ്യൈകജ്ഞാനദോ ജ്ഞാനവിഗ്രഹഃ .. 187..

വിപ്രശാപച്ഛലധ്വസ്തയദുവംശോഗ്രവിക്രമഃ .
സശരീരജരാവ്യാധസ്വർഗദഃ സ്വർഗിസംസ്തുതഃ .. 188..

മുമുക്ഷുമുക്തവിഷയീജനാനന്ദകരോ യശഃ .
കലികാലമലധ്വംസിയശാഃ ശ്രവണമംഗലഃ .. 189..

ഭക്തപ്രിയോ ഭക്തഹിതോ ഭക്തഭ്രമരപങ്കജഃ .
സ്മൃതമാത്രാഖിലത്രാതാ യന്ത്രമന്ത്രപ്രഭഞ്ജകഃ .. 190..

സർവസമ്പത്സ്രാവിനാമാ തുലസീദാമവല്ലഭഃ .
അപ്രമേയവപുർഭാസ്വദനർഘ്യാംഗവിഭൂഷണഃ .. 191..

വിശ്വൈകസുഖദോ വിശ്വസജ്ജനാനന്ദപാലകഃ .
സർവദേവശിരോരത്നമദ്ഭുതാനന്തഭോഗവാൻ .. 192..

അധോക്ഷജോ ജനാജീവ്യഃ സർവസാധുജനാശ്രയഃ .
സമസ്തഭയഭിന്നാമാ സ്മൃതമാത്രാർതിനാശകഃ .. 193..

സ്വയശഃശ്രവണാനന്ദജനരാഗീ ഗുണാർണവഃ .
അനിർദേശ്യവപുസ്തപ്തശരണോ ജീവജീവനഃ .. 194..

പരമാർഥഃ പരംവേദ്യഃ പരജ്യോതിഃ പരാഗതിഃ .
വേദാന്തവേദ്യോ ഭഗവാനനന്തസുഖസാഗരഃ .. 195..

ജഗദ്ബന്ധധ്വംസയശാ ജഗജ്ജീവജനാശ്രയഃ .
വൈകുണ്ഠലോകൈകപതിർവൈകുണ്ഠജനവല്ലഭഃ .. 196..

പ്രദ്യുമ്നോ രുക്മിണീപുത്രഃ ശംബരഘ്നോ രതിപ്രിയഃ .
പുഷ്പധന്വാ വിശ്വജയീ ദ്യുമത്പ്രാണനിഷൂദകഃ .. 197..

അനിരുദ്ധഃ കാമസുതഃ ശബ്ദയോനിർമഹാക്രമഃ .
ഉഷാപതിർവൃഷ്ണിപതിർഹൃഷീകേശോ മനഃപതിഃ .. 198..

ശ്രീമദ്ഭാഗവതാചാര്യഃ സർവവേദാന്തസാഗരഃ .
ശുകഃ സകലധർമജ്ഞഃ പരീക്ഷിന്നൃപസത്കൃതഃ .. 199..

ശ്രീബുദ്ധോ ദുഷ്ടബുദ്ധിഘ്നോ ദൈത്യവേദബഹിഷ്കരഃ .
പാഖണ്ഡമാർഗപ്രവദോ നിരായുധജഗജ്ജയഃ .. 200..

കൽകീ കലിയുഗാച്ഛാദീ പുനഃ സത്യപ്രവർതകഃ .
വിപ്രവിഷ്ണുയശോഽപത്യോ നഷ്ടധർമപ്രവർതകഃ .. 201..

സാരസ്വതഃ സാർവഭൗമോ ബലിത്രൈലോക്യസാധകഃ .
അഷ്ടമ്യന്തരസദ്ധർമവക്താ വൈരോചനിപ്രിയഃ .. 202..

ആപഃ കരോ രമാനാഥോഽമരാരികുലകൃന്തനഃ .
സുരേന്ദ്രഹിതകൃദ്ധീരവീരമുക്തിബലപ്രദഃ .. 203..

വിഷ്വക്സേനഃ ശംഭുസഖോ ദശമാന്തരപാലകഃ .
ബ്രഹ്മസാവർണിവംശാബ്ധിഹിതകൃദ്വിശ്വവർധനഃ .. 204..

ധർമസേതുരധർമഘ്നോ വൈദ്യതന്ത്രപദപ്രദഃ .
അസുരാന്തകരോ ദേവാർഥകസൂനുഃ സുഭാഷണഃ .. 205..

സ്വധാമാ സൂനൃതാസൂനുഃ സത്യതേജോ ദ്വിജാത്മജഃ .
ദ്വിഷന്മനുയുഗത്രാതാ പാതാലപുരദാരണഃ .. 206..

ദൈവഹോത്രിർവാർഹതോയോ ദിവസ്പതിരതിപ്രിയഃ .
ത്രയോദശാന്തരത്രാതാ യോഗയോഗിജനേശ്വരഃ .. 207..

സത്ത്രായണോ ബൃഹദ്ബാഹുർവൈനതേയോ വിദുത്തമഃ .
കർമകാണ്ഡൈകപ്രവദോ വേദതന്ത്രപ്രവർതകഃ .. 208..

പരമേഷ്ഠീ സുരജ്യേഷ്ഠോ ബ്രഹ്മാ വിശ്വസൃജാമ്പതിഃ .
അബ്ജയോനിർഹംസവാഹഃ സർവലോകപിതാമഹഃ .. 209..

വിഷ്ണുഃ സർവജഗത്പാതാ ശാന്തഃ ശുദ്ധഃ സനാതനഃ .
ദ്വിജപൂജ്യോ ദയാസിന്ധുഃ ശരണ്യോ ഭക്തവത്സലഃ .. 210..

രുദ്രോ മൃഡഃ ശിവഃ ശാസ്താ ശംഭുഃ സർവഹരോ ഹരഃ .
കപർദീ ശങ്കരഃ ശൂലീ ത്ര്യക്ഷോഽഭേദ്യോ മഹേശ്വരഃ .. 211..

സർവാധ്യക്ഷഃ സർവശക്തിഃ സർവാർഥഃ സർവതോമുഖഃ .
സർവാവാസഃ സർവരൂപഃ സർവകാരണകാരണം .. 212..

ഇത്യേതത്കഥിതം വിപ്ര വിഷ്ണോർനാമസഹസ്രകം .
സർവപാപപ്രശമനം സർവാഭീഷ്ടഫലപ്രദം .. 213..

മനഃശുദ്ധികരം ചാശു ഭഗവദ്ഭക്തിവർധനം .
സർവവിഘ്നഹരം സർവാശ്ചര്യൈശ്വര്യപ്രദായകം .. 214..

സർവദുഃഖപ്രശമനം ചാതുർവർഗ്യഫലപ്രദം .
ശ്രദ്ധയാ പരയാ ഭക്ത്യാ ശ്രവണാത്പഠനാജ്ജപാത് .. 215..

പ്രത്യഹം സർവവർണാനാം വിഷ്ണുപാദാശ്രിതാത്മനാം .
ഏതത്പഠൻ ദ്വിജോ വിദ്യാം ക്ഷത്രിയഃ പൃഥിവീമിമാം .. 216..

വൈശ്യോ മഹാനിധിം ശൂദ്രോ വാഞ്ഛിതാം സിദ്ധിമാപ്നുയാത് .
ദ്വാത്രിംശദപരാധാന്യോ ജ്ഞാനാജ്ഞാനാച്ചരേദ്ധരേഃ .. 217..

നാമ്നാ ദശാപരാധാംശ്ച പ്രമാദാദാചരേദ്യദി .
സമാഹിതമനാ ഹ്യേതത്പഠേദ്വാ ശ്രാവയേജ്ജപേത് .. 218..

സ്മരേദ്വാ ശൃണുയാദ്വാപി തേഭ്യഃ സദ്യഃ പ്രമുച്യതേ .
നാതഃ പരതരം പുണ്യം ത്രിഷു ലോകേഷു വിദ്യതേ .. 219..

യസ്യൈകകീർതനേനാപി ഭവബന്ധാദ്വിമുച്യതേ .
അതസ്ത്വം സതതം ഭക്ത്യാ ശ്രദ്ധയാ കീർതനം കുരു .. 220..

വിഷ്ണോർനാമസഹസ്രം തേ ഭഗവത്പ്രീതികാരണം .

ശ്രീനാരദ ഉവാച .

ധന്യോഽസ്മ്യനുഗൃഹീതോഽസ്മി ത്വയാതികരുണാത്മനാ .
യതഃ കൃഷ്ണസ്യ പരമം സഹസ്രം നാമകീർതിതം .. 221..

യദ്യാലസ്യാത്പ്രമാദാദ്വാ സർവം പഠിതുമന്വഹം .
ന ശക്നോമി തദാ ദേവ കിം കരോമി വദ പ്രഭോ .. 222..

ശ്രീശിവ ഉവാച .

യദി സർവം ന ശക്നോഷി പ്രത്യഹം പഠിതും ദ്വിജ .
തദാ കൃഷ്ണേതി കൃഷ്ണേതി കൃഷ്ണേതി പ്രത്യഹം വദ .. 223..

ഏതേന തവ വിപ്രർഷേ സർവം സമ്പദ്യതേ സകൃത് .
കിം പുനർഭഗവന്നാമ്നാം സഹസ്രസ്യ പ്രകീർതനാത് .. 224..

യന്നാമകീർതനേനൈവ പുമാൻ സംസാരസാഗരം .
തരത്യദ്ധാ പ്രപദ്യേ തം കൃഷ്ണം ഗോപാലരൂപിണം .. 225..

ഇതി സാത്വതതന്ത്രേ ശ്രീകൃഷ്ണസഹസ്രനാമഷഷ്ഠഃ പടലഃ ..6..