SREE BHADRAKALI SAHASRANAMA STHOTHRAM

 ശ്രീഗണേശായ നമഃ . ഓം ശ്രീഗുരുഭ്യോ നമഃ .

ഓം ഖഡ്ഗം ചക്രഗദേഷുചാപപരിധാൻ ശൂലം ഭുശുണ്ഡീം ശിരഃ
       ശംഖം സന്ദധതീം കുരൈസ്ത്രിനയനാം സർവാംഗഭൂഷാവൃതാം .
യാ മസ്തൗ സ്വപിതൗ ഹരൗ കമലജൗ ഹന്തും മധും കൈടഭം
       നീലാശ്മദ്യുതിമാസ്യപാദദശകം സേവേ മഹാകാലികാം ..

ഓം സദ്യശ്ഛിന്ന ശിരഃ കൃപാണമഭയം ഹസ്തൈർവരം ബിഭ്രതീം
       ഘോരാസ്യാം ശിരസി സ്രജാ സുരുചിരാന്മുന്യുക്ത കേശാവലിം .
സൃക്കാസൃക്പ്രവഹാം ശ്മശാന നിലയാം ശ്രുത്യോഃ ശവാലങ്കൃതിം
       ശ്യാമാംഗീം കൃതമേഖലാം ശവകരൈർദേവീം ഭജേ കാലികാം ..

രക്താംഗീം രക്തവസ്ത്രാം കരിവരവിലസത് കുണ്ഡലാം ചണ്ഡദംഷ്ട്രാം
       കണ്ഠോദ്യ മുണ്ഡമാലാം പരിസരവിലസദ്ഭൂതപൈശാചവൃന്ദാം .
ഘോരാം ഘോരാട്ടഹാസാം കരകലിത കപാലാസിരൗദ്രാം ത്രിനേത്രാം
       ശത്രൂണാം പ്രാണഹന്ത്രീം ശിശുശശിമകുടാം ഭാവയേത് ഭദ്രകാലീം ..

കാലിം മേഘസമപ്രഭാം ത്രിനയനാം വേതാലകണ്ഠസ്ഥിതാം
       ഖഡ്ഗം ഖേടകപാലദാരികശിരഃ കൃത്വാ കരാഗ്രേഷു ച .
ഭൂതപ്രേതപിശാചമാതൃസഹിതാം മുണ്ഡസ്രജാലങ്കൃതാം
        വന്ദേ ദുഷ്ടമസൂരികാദി വിപദാം സംഹാരിണീം ഈശ്വരീം ..

ഓം ഹ്രീം ഭം ഭദ്രകാല്യൈ നമഃ .
ഓം ഐം ക്ലീം സൗ ഫ്രീം ഭദ്രകാല്യൈ നമഃ .
------------------------------------------------------------------------

കഥിതോഽയം മഹാമന്ത്രഃ സർവമന്ത്രോത്തമോത്തമഃ .
യമാസാദ്യ മയാ പ്രാപ്തമൈശ്വര്യപദമുത്തമം .. 1..

സംയുക്തഃ പരയാ ഭക്ത്യാ യഥോക്തവിധിനാ ഭവാൻ .
കുരുതാമർചനം ദേവ്യാഃ ത്രൈലോക്യവിജിഗീഷയാ .. 2..

ശ്രീപരശുരാമ ഉവാച .
പ്രസന്നോ യദി മേ ദേവഃ പരമേശഃ പുരാതനഃ .
രഹസ്യം പരയാ ദേവ്യാഃ കൃപയാ കഥയ പ്രഭോ .. 3..

യഥാർചനം വിനാ ഹോമം വിനാ ന്യാസം വിനാബലിം .
വിനാ ഗന്ധം വിനാ പുഷ്പം വിനാ നിത്യോദിതക്രിയാ .. 4..

പ്രാണായാമം വിനാ ധ്യാനം വിനാ ഭൂതവിശോധനം .
വിനാ ജാപ്യം വിനാ ദാനം വിനാ കാലീ പ്രസീദതി .. 5..

ശ്രീശങ്കര ഉവാച .
പൃഷ്ടം ത്വയോത്തമം പ്രാജ്ഞ ഭൃഗുവംശവിവർധനം .
ഭക്താനാമപി ഭക്തോഽസി ത്വമേവം സാധയിഷ്യസി .. 6..

ദേവീം ദാനവകോടിഘ്നീം ലീലയാ രുധിരപ്രിയാം .
സദാ സ്തോത്രപ്രിയാമുഗ്രാം കാമകൗതുകലാലസാം .. 7..

സർവദാഽഽനന്ദഹൃദയാം വാസവ്യാസക്തമാനസാം .
മാധ്വീകമത്സ്യമാംസാദിരാഗിണീം രുധിരപ്രിയാം .. 8..

ശ്മശാനവാസിനീം പ്രേതഗണനൃത്യമഹോത്സവാം .
യോഗപ്രഭാം യോഗിനീശാം യോഗീന്ദ്രഹൃദയേ സ്ഥിതാം .. 9..

താമുഗ്രകാലികാം രാമ പ്രസാദയിതുമർഹസി .
തസ്യാഃ സ്തോത്രം മഹാപുണ്യം സ്വയം കാല്യാ പ്രകാശിതം .. 10..

തവ തത്കഥയിഷ്യാമി ശ്രുത്വാ വത്സാവധാരയ .
ഗോപനീയം പ്രയത്നേന പഠനീയം പരാത്പരം .. 11..

യസ്യൈകകാലപഠനാത്സർവേ വിഘ്നാഃ സമാകുലാഃ .
നശ്യന്തി ദഹനേ ദീപ്തേ പതംഗാ ഇവ സർവതഃ .. 12..

ഗദ്യപദ്യമയീ വാണീ തസ്യ ഗംഗാപ്രവാഹവത് .
തസ്യ ദർശനമാത്രേണ വാദിനോ നിഷ്പ്രഭാ മതാഃ .. 13..

രാജാനോഽപി ച ദാസത്വം ഭജന്തി ച പരേ ജനാഃ .
തസ്യ ഹസ്തേ സദൈവാസ്തി സർവസിദ്ധിർന സംശയഃ .. 14..

നിശീഥേ മുക്തയേ ശംഭുർനഗ്നഃ ശക്തിസമന്വിതഃ .
മനസാ ചിന്തയേത്കാലീം മഹാകാലീതി ലാലിതാം .. 15..

പഠേത്സഹസ്രനാമാഖ്യം സ്തോത്രം മോക്ഷസ്യ സാധനം .
പ്രസന്നാ കാലികാ തസ്യ പുത്രത്വേനാനുകമ്പതേ .. 16..

വേധാ ബ്രഹ്മാസ്മൃതേർബ്രഹ്മ കുസുമൈഃ പൂജിതാ പരാ .
പ്രസീദതി തഥാ കാലീ യഥാനേന പ്രസീദതി .. 17..
-------------------------------------------------------------------------
ഓം അസ്യ ശ്രീകാലികാസഹസ്രനാമസ്തോത്രമഹാമന്ത്രസ്യ
മഹാകാലഭൈരവ ഋഷിഃ
അനുഷ്ടുപ് ഛന്ദഃ 
ശ്മശാനകാലികാ ദേവതാ
മഹാകാലികാപ്രസാദസിദ്ധ്യർഥേ ജപേ വിനിയോഗഃ ..
-------------------------------------------------------------------------
          ധ്യാനം .
ശവാരൂഢാം മഹാഭീമാം ഘോരദംഷ്ട്രാം ഹസന്മുഖീം .
ചതുർഭുജാം ഖഡ്ഗമുണ്ഡവരാഭയകരാം ശിവാം ..

മുണ്ഡമാലാധരാം ദേവീം ലോലജ്ജിഹ്വാം ദിഗംബരാം .
ഏവം സഞ്ചിന്തയേത്കാലീം ശ്മശാനാലയവാസിനീം ..


--------------------------------------------------------------------------
അഥ സ്തോത്രം .

ഓം ക്രീം മഹാകാല്യൈ നമഃ ..

ഓം ശ്മശാനകാലികാ കാലീ ഭദ്രകാലീ കപാലിനീ .
ഗുഹ്യകാലീ മഹാകാലീ കുരുകുല്ലാ വിരോധിനീ .. 18..

കാലികാ കാലരാത്രിശ്ച മഹാകാലനിതംബിനീ .
കാലഭൈരവഭാര്യാ ച കുലവർത്മപ്രകാശിനീ .. 19..

കാമദാ കാമിനീ കാമ്യാ കാമനീയസ്വഭാവിനീ .
കസ്തൂരീരസനീലാംഗീ കുഞ്ജരേശ്വരഗാമിനീ .. 20..

കകാരവർണസർവാംഗീ കാമിനീ കാമസുന്ദരീ .
കാമാർതാ കാമരൂപാ ച കാമധേനുഃ കലാവതീ .. 21..

കാന്താ കാമസ്വരൂപാ ച കാമാഖ്യാ കുലപാലിനീ .
കുലീനാ കുലവത്യംബാ ദുർഗാ ദുർഗാർതിനാശിനീ .. 22..

കൗമാരീ കുലജാ കൃഷ്ണാ കൃഷ്ണദേഹാ കൃശോദരീ .
കൃശാംഗീ കുലിശാംഗീ ച ക്രീങ്കാരീ കമലാ കലാ .. 23..

കരാലാസ്യാ കരാലീ ച കുലകാന്താഽപരാജിതാ .
ഉഗ്രാ ചോഗ്രപ്രഭാ ദീപ്താ വിപ്രചിത്താ മഹാബലാ .. 24..

നീലാ ഘനാ ബലാകാ ച മാത്രാമുദ്രാപിതാഽസിതാ .
ബ്രാഹ്മീ നാരായണീ ഭദ്രാ സുഭദ്രാ ഭക്തവത്സലാ .. 25..

മാഹേശ്വരീ ച ചാമുണ്ഡാ വാരാഹീ നാരസിംഹികാ .
വജ്രാംഗീ വജ്രകങ്കാലീ നൃമുണ്ഡസ്രഗ്വിണീ ശിവാ .. 26..

മാലിനീ നരമുണ്ഡാലീ ഗലദ്രക്തവിഭൂഷണാ .
രക്തചന്ദനസിക്താംഗീ സിന്ദൂരാരുണമസ്തകാ .. 27..

ഘോരരൂപാ ഘോരദംഷ്ട്രാ ഘോരാഘോരതരാ ശുഭാ .
മഹാദംഷ്ട്രാ മഹാമായാ സുദതീ യുഗദന്തുരാ .. 28..

സുലോചനാ വിരൂപാക്ഷീ വിശാലാക്ഷീ ത്രിലോചനാ .
ശാരദേന്ദുപ്രസന്നാസ്യാ സ്ഫുരത്സ്മേരാംബുജേക്ഷണാ .. 29..

അട്ടഹാസപ്രസന്നാസ്യാ സ്മേരവക്ത്രാ സുഭാഷിണീ .
പ്രസന്നപദ്മവദനാ സ്മിതാസ്യാ പ്രിയഭാഷിണി .. 30..

കോടരാക്ഷീ കുലശ്രേഷ്ഠാ മഹതീ ബഹുഭാഷിണീ .
സുമതിഃ കുമതിശ്ചണ്ഡാ ചണ്ഡമുണ്ഡാതിവേഗിനീ .. 31..

പ്രചണ്ഡാ ചണ്ഡികാ ചണ്ഡീ ചർചികാ ചണ്ഡവേഗിനീ .
സുകേശീ മുക്തകേശീ ച ദീർഘകേശീ മഹത്കചാ .. 32..

പ്രേതദേഹാ കർണപൂരാ പ്രേതപാണിസുമേഖലാ .
പ്രേതാസനാ പ്രിയപ്രേതാ പ്രേതഭൂമികൃതാലയാ .. 33..

ശ്മശാനവാസിനീ പുണ്യാ പുണ്യദാ കുലപണ്ഡിതാ .
പുണ്യാലയാ പുണ്യദേഹാ പുണ്യശ്ലോകീ ച പാവനീ .. 34..

പുത്രാ പവിത്രാ പരമാ പുരാപുണ്യവിഭൂഷണാ .
പുണ്യനാമ്നീ ഭീതിഹരാ വരദാ ഖഡ്ഗപാണിനീ .. 35..

നൃമുണ്ഡഹസ്തശസ്താ ച ഛിന്നമസ്താ സുനാസികാ .
ദക്ഷിണാ ശ്യാമലാ ശ്യാമാ ശാന്താ പീനോന്നതസ്തനീ .. 36..

ദിഗംബരാ ഘോരരാവാ സൃക്കാന്താ രക്തവാഹിനീ .
ഘോരരാവാ ശിവാ ഖഡ്ഗാ വിശങ്കാ മദനാതുരാ .. 37..

മത്താ പ്രമത്താ പ്രമദാ സുധാസിന്ധുനിവാസിനീ .
അതിമത്താ മഹാമത്താ സർവാകർഷണകാരിണീ .. 38..

ഗീതപ്രിയാ വാദ്യരതാ പ്രേതനൃത്യപരായണാ .
ചതുർഭുജാ ദശഭുജാ അഷ്ടാദശഭുജാ തഥാ .. 39..

കാത്യായനീ ജഗന്മാതാ ജഗതീ പരമേശ്വരീ .
ജഗദ്ബന്ധുർജഗദ്ധാത്രീ ജഗദാനന്ദകാരിണീ .. 40..

ജന്മമയീ ഹൈമവതീ മഹാമായാ മഹാമഹാ .
നാഗയജ്ഞോപവീതാംഗീ നാഗിനീ നാഗശായിനീ .. 41..

നാഗകന്യാ ദേവകന്യാ ഗന്ധർവീ കിന്നരേശ്വരീ .
മോഹരാത്രീ മഹാരാത്രീ ദാരുണാ ഭാസുരാംബരാ .. 42..

വിദ്യാധരീ വസുമതീ യക്ഷിണീ യോഗിനീ ജരാ .
രാക്ഷസീ ഡാകിനീ വേദമയീ വേദവിഭൂഷണാ .. 43..

ശ്രുതിഃ സ്മൃതിർമഹാവിദ്യാ ഗുഹ്യവിദ്യാ പുരാതനീ .
ചിന്ത്യാഽചിന്ത്യാ സ്വധാ സ്വാഹാ നിദ്രാ തന്ദ്രാ ച പാർവതീ .. 44..

അപർണാ നിശ്ചലാ ലോലാ സർവവിദ്യാ തപസ്വിനീ .
ഗംഗാ കാശീ ശചീ സീതാ സതീ സത്യപരായണാ .. 45..

നീതിസ്സുനീതിസ്സുരുചിസ്തുഷ്ടിഃ പുഷ്ടിർധൃതിഃ ക്ഷമാ .
വാണീ ബുദ്ധിർമഹാലക്ഷ്മീർലക്ഷ്മീർനീലസരസ്വതീ .. 46..

സ്രോതസ്വതീ സരസ്വതീ മാതംഗീ വിജയാ ജയാ .
നദീ സിന്ധുഃ സർവമയീ താരാ ശൂന്യനിവാസിനീ .. 47..

ശുദ്ധാ തരംഗിണീ മേധാ ലാകിനീ ബഹുരൂപിണീ .
സ്ഥൂലാ സൂക്ഷ്മാ സൂക്ഷ്മതരാ ഭഗവത്യനുരൂപിണീ .. 48..

പരമാണുസ്വരൂപാ ച ചിദാനന്ദസ്വരൂപിണീ .
സദാനന്ദമയീ സത്യാ സർവാനന്ദസ്വരൂപിണീ .. 49..

സുനന്ദാ നന്ദിനീ സ്തുത്യാ സ്തവനീയസ്വഭാവിനീ .
രംഗിണീ ടങ്കിനീ ചിത്രാ വിചിത്രാ ചിത്രരൂപിണീ .. 50..

പദ്മാ പദ്മാലയാ പദ്മമുഖീ പദ്മവിഭൂഷണാ .
ഡാകിനീ ശാകിനീ ക്ഷാന്താ രാകിണീ രുധിരപ്രിയാ .. 51..

ഭ്രാന്തിർഭവാനീ രുദ്രാണീ മൃഡാനീ ശത്രുമർദിനീ .
ഉപേന്ദ്രാണീ മഹേന്ദ്രാണീ ജ്യോത്സ്നാ ചന്ദ്രസ്വരൂപിണീ .. 52..

സൂര്യാത്മികാ രുദ്രപത്നീ രൗദ്രീ സ്ത്രീ പ്രകൃതിഃ പുമാൻ .
ശക്തിർമുക്തിർമതിർമാതാ ഭക്തിർമുക്തിഃ പതിവ്രതാ .. 53..

സർവേശ്വരീ സർവമാതാ ശർവാണീ ഹരവല്ലഭാ .
സർവജ്ഞാ സിദ്ധിദാ സിദ്ധാ ഭവ്യാ ഭാവ്യാ ഭയാപഹാ .. 54..

കർത്രീ ഹർത്രീ പാലയിത്രീ ശർവരീ താമസീ ദയാ .
തമിസ്രാ താമസീ സ്ഥാണുഃ സ്ഥിരാ ധീരാ തപസ്വിനീ .. 55..

ചാർവംഗീ ചഞ്ചലാ ലോലജിഹ്വാ ചാരുചരിത്രിണീ .
ത്രപാ ത്രപാവതീ ലജ്ജാ വിലജ്ജാ ഹരയൗവതീ .. 56.. 

സത്യവതീ ധർമനിഷ്ഠാ ശ്രേഷ്ഠാ നിഷ്ഠുരവാദിനീ .
ഗരിഷ്ഠാ ദുഷ്ടസംഹർത്രീ വിശിഷ്ടാ ശ്രേയസീ ഘൃണാ .. 57..

ഭീമാ ഭയാനകാ ഭീമനാദിനീ ഭീഃ പ്രഭാവതീ .
വാഗീശ്വരീ ശ്രീര്യമുനാ യജ്ഞകർത്രീ യജുഃപ്രിയാ .. 58..

ഋക്സാമാഥർവനിലയാ രാഗിണീ ശോഭനാ സുരാ . 
കലകണ്ഠീ കംബുകണ്ഠീ വേണുവീണാപരായണാ .. 59..

വംശിനീ വൈഷ്ണവീ സ്വച്ഛാ ധാത്രീ ത്രിജഗദീശ്വരീ .
മധുമതീ കുണ്ഡലിനീ ഋദ്ധിഃ ശുദ്ധിഃ ശുചിസ്മിതാ .. 60..

രംഭോർവശീ രതീ രാമാ രോഹിണീ രേവതീ മഖാ .
ശംഖിനീ ചക്രിണീ കൃഷ്ണാ ഗദിനീ പദ്മിനീ തഥാ .. 61..

ശൂലിനീ പരിഘാസ്ത്രാ ച പാശിനീ ശാർങ്ഗപാണിനീ .
പിനാകധാരിണീ ധൂമ്രാ സുരഭീ വനമാലിനീ .. 62..

രഥിനീ സമരപ്രീതാ വേഗിനീ രണപണ്ഡിതാ .
ജടിനീ വജ്രിണീ നീലാ ലാവണ്യാംബുദചന്ദ്രികാ .. 63..

ബലിപ്രിയാ സദാപൂജ്യാ ദൈത്യേന്ദ്രമഥിനീ തഥാ .
മഹിഷാസുരസംഹർത്രീ കാമിനീ രക്തദന്തികാ .. 64..

രക്തപാ രുധിരാക്താംഗീ രക്തഖർപരധാരിണീ .
രക്തപ്രിയാ മാംസരുചിർവാസവാസക്തമാനസാ .. 65..

ഗലച്ഛോണിതമുണ്ഡാലീ കണ്ഠമാലാവിഭൂഷണാ .
ശവാസനാ ചിതാന്തസ്ഥാ മഹേശീ വൃഷവാഹിനീ .. 66..

വ്യാഘ്രത്വഗംബരാ ചീനചൈലിനീ സിംഹവാഹിനീ .
വാമദേവീ മഹാദേവീ ഗൗരീ സർവജ്ഞഭാമിനീ .. 67..

ബാലികാ തരുണീ വൃദ്ധാ വൃദ്ധമാതാ ജരാതുരാ .
സുഭ്രൂർവിലാസിനീ ബ്രഹ്മവാദിനീ ബ്രാഹ്മണീ സതീ .. 68..

സുപ്തവതീ ചിത്രലേഖാ ലോപാമുദ്രാ സുരേശ്വരീ .
അമോഘാഽരുന്ധതീ തീക്ഷ്ണാ ഭോഗവത്യനുരാഗിണീ .. 69..

മന്ദാകിനീ മന്ദഹാസാ ജ്വാലാമുഖ്യഽസുരാന്തകാ . 
മാനദാ മാനിനീ മാന്യാ മാനനീയാ മദാതുരാ .. 70..

മദിരാമേദുരോന്മാദാ മേധ്യാ സാധ്യാ പ്രസാദിനീ .
സുമധ്യാഽനന്തഗുണിനീ സർവലോകോത്തമോത്തമാ .. 71..

ജയദാ ജിത്വരീ ജൈത്രീ ജയശ്രീർജയശാലിനീ .
സുഖദാ ശുഭദാ സത്യാ സഭാസങ്ക്ഷോഭകാരിണീ .. 72..

ശിവദൂതീ ഭൂതിമതീ വിഭൂതിർഭൂഷണാനനാ .
കൗമാരീ കുലജാ കുന്തീ കുലസ്ത്രീ കുലപാലികാ .. 73..

കീർതിര്യശസ്വിനീ ഭൂഷാ ഭൂഷ്ഠാ ഭൂതപതിപ്രിയാ .
സുഗുണാ നിർഗുണാഽധിഷ്ഠാ നിഷ്ഠാ കാഷ്ഠാ പ്രകാശിനീ .. 74.. 

ധനിഷ്ഠാ ധനദാ ധാന്യാ വസുധാ സുപ്രകാശിനീ .
ഉർവീ ഗുർവീ ഗുരുശ്രേഷ്ഠാ ഷഡ്ഗുണാ ത്രിഗുണാത്മികാ .. 75..

രാജ്ഞാമാജ്ഞാ മഹാപ്രാജ്ഞാ സുഗുണാ നിർഗുണാത്മികാ .
മഹാകുലീനാ നിഷ്കാമാ സകാമാ കാമജീവനാ .. 76..

കാമദേവകലാ രാമാഽഭിരാമാ ശിവനർതകീ .
ചിന്താമണിഃ കല്പലതാ ജാഗ്രതീ ദീനവത്സലാ .. 77..

കാർതികീ കൃത്തികാ കൃത്യാ അയോധ്യാ വിഷമാ സമാ .
സുമന്ത്രാ മന്ത്രിണീ ഘൂർണാ ഹ്ലാദിനീ ക്ലേശനാശിനീ .. 78..

ത്രൈലോക്യജനനീ ഹൃഷ്ടാ നിർമാംസാമലരൂപിണീ .
തഡാഗനിമ്നജഠരാ ശുഷ്കമാംസാസ്ഥിമാലിനീ .. 79..

അവന്തീ മധുരാ ഹൃദ്യാ ത്രൈലോക്യാപാവനക്ഷമാ .
വ്യക്താഽവ്യക്താഽനേകമൂർതീ ശാരഭീ ഭീമനാദിനീ .. 80..

ക്ഷേമങ്കരീ ശാങ്കരീ ച സർവസമ്മോഹകാരിണീ .
ഊർദ്ധ്വതേജസ്വിനീ ക്ലിന്നാ മഹാതേജസ്വിനീ തഥാ .. 81..

അദ്വൈതാ യോഗിനീ പൂജ്യാ സുരഭീ സർവമംഗലാ .
സർവപ്രിയങ്കരീ ഭോഗ്യാ ധനിനീ പിശിതാശനാ .. 82..

ഭയങ്കരീ പാപഹരാ നിഷ്കലങ്കാ വശങ്കരീ .
ആശാ തൃഷ്ണാ ചന്ദ്രകലാ നിദ്രാണാ വായുവേഗിനീ .. 83..

സഹസ്രസൂര്യസങ്കാശാ ചന്ദ്രകോടിസമപ്രഭാ .
നിശുംഭശുംഭസംഹർത്രീ രക്തബീജവിനാശിനീ .. 84..

മധുകൈടഭസംഹർത്രീ മഹിഷാസുരഘാതിനീ .
വഹ്നിമണ്ഡലമധ്യസ്ഥാ സർവസത്ത്വപ്രതിഷ്ഠിതാ .. 85..

സർവാചാരവതീ സർവദേവകന്യാധിദേവതാ .
ദക്ഷകന്യാ ദക്ഷയജ്ഞനാശിനീ ദുർഗതാരിണീ .. 86..

ഇജ്യാ പൂജ്യാ വിഭാ ഭൂതിഃ സത്കീർതിർബ്രഹ്മചാരിണീ .
രംഭോരൂശ്ചതുരാ രാകാ ജയന്തീ വരുണാ കുഹൂഃ .. 87..

മനസ്വിനീ ദേവമാതാ യശസ്യാ ബ്രഹ്മവാദിനീ .
സിദ്ധിദാ വൃദ്ധിദാ വൃദ്ധിഃ സർവാദ്യാ സർവദായിനീ .. 88..

ആധാരരൂപിണീ ധ്യേയാ മൂലാധാരനിവാസിനീ .
ആജ്ഞാ പ്രജ്ഞാ പൂർണമനാ ചന്ദ്രമുഖ്യനുകൂലിനീ .. 89..

വാവദൂകാ നിമ്നനാഭിഃ സത്യസന്ധാ ദൃഢവ്രതാ .
ആന്വീക്ഷികീ ദണ്ഡനീതിസ്ത്രയീ ത്രിദിവസുന്ദരീ .. 90..

ജ്വാലിനീ ജ്വലിനീ ശൈലതനയാ വിന്ധ്യവാസിനീ .
പ്രത്യയാ ഖേചരീ ധൈര്യാ തുരീയാ വിമലാഽഽതുരാ .. 91..

പ്രഗൽഭാ വാരുണീ ക്ഷാമാ ദർശിനീ വിസ്ഫുലിംഗിനീ .
ഭക്തിഃ സിദ്ധിഃ സദാപ്രാപ്തിഃ പ്രകാമ്യാ മഹിമാഽണിമാ .. 92..

ഈക്ഷാസിദ്ധിർവശിത്വാ ച ഈശിത്വോർധ്വനിവാസിനീ .
ലഘിമാ ചൈവ സാവിത്രീ ഗായത്രീ ഭുവനേശ്വരീ .. 93..

മനോഹരാ ചിതാ ദിവ്യാ ദേവ്യുദാരാ മനോരമാ .
പിംഗലാ കപിലാ ജിഹ്വാ രസജ്ഞാ രസികാ രസാ .. 94..

സുഷുമ്നേഡാ യോഗവതീ ഗാന്ധാരീ നവകാന്തകാ .
പാഞ്ചാലീ രുക്മിണീ രാധാ രാധ്യാ ഭാമാ ച രാധികാ .. 95..

അമൃതാ തുലസീ വൃന്ദാ കൈടഭീ കപടേശ്വരീ .
ഉഗ്രചണ്ഡേശ്വരീ വീരജനനീ വീരസുന്ദരീ .. 96..

ഉഗ്രതാരാ യശോദാഖ്യാ ദേവകീ ദേവമാനിതാ .
നിരഞ്ജനാ ചിത്രദേവീ ക്രോധിനീ കുലദീപികാ .. 97..

കുലരാഗീശ്വരീ ജ്വാലാ മാത്രികാ ദ്രാവിണീ ദ്രവാ .
യോഗീശ്വരീ മഹാമാരീ ഭ്രാമരീ ബിന്ദുരൂപിണീ .. 98..

ദൂതീ പ്രാണേശ്വരീ ഗുപ്താ ബഹുലാ ഡാമരീ പ്രഭാ .
കുബ്ജികാ ജ്ഞാനിനീ ജ്യേഷ്ഠാ ഭുശുണ്ഡീ പ്രകടാകൃതിഃ .. 99..

ദ്രാവിണീ ഗോപിനീ മായാ കാമബീജേശ്വരീ പ്രിയാ .
ശാകംഭരീ കോകനദാ സുസത്യാ ച തിലോത്തമാ .. 100..

അമേയാ വിക്രമാ ക്രൂരാ സമ്യക്ഛീലാ ത്രിവിക്രമാ .
സ്വസ്തിർഹവ്യവഹാ പ്രീതിരുക്മാ ധൂമ്രാർചിരംഗദാ .. 101..

തപിനീ താപിനീ വിശ്വഭോഗദാ ധാരിണീ ധരാ .
ത്രിഖണ്ഡാ രോധിനീ വശ്യാ സകലാ ശബ്ദരൂപിണീ .. 102..

ബീജരൂപാ മഹാമുദ്രാ വശിനീ യോഗരൂപിണീ .
അനംഗകുസുമാഽനംഗമേഖലാഽനംഗരൂപിണീ .. 103..

അനംഗമദനാഽനംഗരേഖാഽനംഗകുശേശ്വരീ .
അനംഗമാലിനീ കാമേശ്വരീ സർവാർഥസാധികാ .. 104..

സർവതന്ത്രമയീ സർവമോദിന്യാനന്ദരൂപിണീ .
വജ്രേശ്വരീ ച ജയിനീ സർവദുഃഖക്ഷയങ്കരീ .. 105.. 

ഷഡംഗയുവതീ യോഗേയുക്താ ജ്വാലാംശുമാലിനീ .
ദുരാശയാ ദുരാധാരാ ദുർജയാ ദുർഗരൂപിണീ .. 106..

ദുരന്താ ദുഷ്കൃതിഹരാ ദുർധ്യേയാ ദുരതിക്രമാ .
ഹംസേശ്വരീ ത്രിലോകസ്ഥാ ശാകംഭര്യനുരാഗിണീ .. 107..

ത്രികോണനിലയാ നിത്യാ പരമാമൃതരഞ്ജിതാ .
മഹാവിദ്യേശ്വരീ ശ്വേതാ ഭേരുണ്ഡാ കുലസുന്ദരീ .. 108..

ത്വരിതാ ഭക്തിസംയുക്താ ഭക്തിവശ്യാ സനാതനീ .
ഭക്താനന്ദമയീ ഭക്തഭാവിതാ ഭക്തശങ്കരീ .. 109..

സർവസൗന്ദര്യനിലയാ സർവസൗഭാഗ്യശാലിനീ .
സർവസംഭോഗഭവനാ സർവസൗഖ്യാനുരൂപിണീ .. 110..

കുമാരീപൂജനരതാ കുമാരീവ്രതചാരിണീ .
കുമാരീഭക്തിസുഖിനീ കുമാരീരൂപധാരിണീ .. 111..

കുമാരീപൂജകപ്രീതാ കുമാരീപ്രീതിദപ്രിയാ .
കുമാരീസേവകാസംഗാ കുമാരീസേവകാലയാ .. 112..

ആനന്ദഭൈരവീ ബാലഭൈരവീ ബടുഭൈരവീ .
ശ്മശാനഭൈരവീ കാലഭൈരവീ പുരഭൈരവീ .. 113..

മഹാഭൈരവപത്നീ ച പരമാനന്ദഭൈരവീ .
സുരാനന്ദഭൈരവീ ച ഉന്മാദാനന്ദഭൈരവീ .. 114..

യജ്ഞാനന്ദഭൈരവീ ച തഥാ തരുണഭൈരവീ .
ജ്ഞാനാനന്ദഭൈരവീ ച അമൃതാനന്ദഭൈരവീ .. 115..

മഹാഭയങ്കരീ തീവ്രാ തീവ്രവേഗാ തരസ്വിനീ .
ത്രിപുരാ പരമേശാനീ സുന്ദരീ പുരസുന്ദരീ .. 116..

ത്രിപുരേശീ പഞ്ചദശീ പഞ്ചമീ പുരവാസിനീ .
മഹാസപ്തദശീ ചൈവ ഷോഡശീ ത്രിപുരേശ്വരീ .. 117..

മഹാങ്കുശസ്വരൂപാ ച മഹാചക്രേശ്വരീ തഥാ .
നവചക്രേശ്വരീ ചക്രേശ്വരീ ത്രിപുരമാലിനീ .. 118..

രാജചക്രേശ്വരീ രാജ്ഞീ മഹാത്രിപുരസുന്ദരീ .
സിന്ദൂരപൂരരുചിരാ ശ്രീമത്ത്രിപുരസുന്ദരീ .. 119..

സർവാംഗസുന്ദരീ രക്താരക്തവസ്ത്രോത്തരീയകാ .
യവായാവകസിന്ദൂരരക്തചന്ദനധാരിണീ .. 120..

യവായാവകസിന്ദൂരരക്തചന്ദനരൂപധൃക് .
ചമരീ ബാലകുടിലാ നിർമലാ ശ്യാമകേശിനീ .. 121..

വജ്രമൗക്തികരത്നാഢ്യാ കിരീടകുണ്ഡലോജ്ജ്വലാ .
രത്നകുണ്ഡലസംയുക്താ സ്ഫുരദ്ഗണ്ഡമനോരമാ .. 122..

കുഞ്ജരേശ്വരകുംഭോത്ഥമുക്താരഞ്ജിതനാസികാ .
മുക്താവിദ്രുമമാണിക്യഹാരാദ്യസ്തനമണ്ഡലാ .. 123..

സൂര്യകാന്തേന്ദുകാന്താഢ്യാ സ്പർശാശ്മഗലഭൂഷണാ .
ബീജപൂരസ്ഫുരദ്ബീജദന്തപങ്ക്തിരനുത്തമാ .. 124..

കാമകോദണ്ഡകാഭുഗ്നഭ്രൂകടാക്ഷപ്രവർഷിണീ . 
മാതംഗകുംഭവക്ഷോജാ ലസത്കനകദക്ഷിണാ .. 125..

മനോജ്ഞശഷ്കുലീകർണാ ഹംസീഗതിവിഡംബിനീ .
പദ്മരാഗാംഗദദ്യോതദ്ദോശ്ചതുഷ്കപ്രകാശിനീ .. 126..

കർപൂരാഗരുകസ്തൂരീകുങ്കുമദ്രവലേപിതാ .
വിചിത്രരത്നപൃഥിവീകല്പശാഖിതലസ്ഥിതാ .. 127..

രത്നദീപസ്ഫുരദ്രത്നസിംഹാസനനിവാസിനീ .
ഷട്ചക്രഭേദനകരീ പരമാനന്ദരൂപിണീ .. 128..

സഹസ്രദലപദ്മാന്താ ചന്ദ്രമണ്ഡലവർതിനീ .
ബ്രഹ്മരൂപാ ശിവക്രോഡാ നാനാസുഖവിലാസിനീ .. 129..

ഹരവിഷ്ണുവിരിഞ്ചേന്ദ്രഗ്രഹനായകസേവിതാ .
ശിവാ ശൈവാ ച രുദ്രാണീ തഥൈവ ശിവനാദിനീ .. 130..

മഹാദേവപ്രിയാ ദേവീ തഥൈവാനംഗമേഖലാ .
ഡാകിനീ യോഗിനീ ചൈവ തഥോപയോഗിനീ മതാ .. 131..

മാഹേശ്വരീ വൈഷ്ണവീ ച ഭ്രാമരീ ശിവരൂപിണീ .
അലംബുസാ ഭോഗവതീ ക്രോധരൂപാ സുമേഖലാ .. 132..

ഗാന്ധാരീ ഹസ്തിജിഹ്വാ ച ഇഡാ ചൈവ ശുഭങ്കരീ .
പിംഗലാ ദക്ഷസൂത്രീ ച സുഷുമ്നാ ചൈവ ഗാന്ധിനീ .. 133..

ഭഗാത്മികാ ഭഗാധാരാ ഭഗേശീ ഭഗരൂപിണീ .
ലിംഗാഖ്യാ ചൈവ കാമേശീ ത്രിപുരാ ഭൈരവീ തഥാ .. 134..

ലിംഗഗീതിസ്സുഗീതിശ്ച ലിംഗസ്ഥാ ലിംഗരൂപധൃക് .
ലിംഗമാലാ ലിംഗഭവാ ലിംഗാലിംഗാ ച പാവകീ .. 135..

ഭഗവതീ കൗശികീ ച പ്രേമരൂപാ പ്രിയംവദാ .
ഗൃധ്രരൂപീ ശിവാരൂപാ ചക്രേശീ ചക്രരൂപധൃക് .. 136.. 

ആത്മയോനിർബ്രഹ്മയോനിർജഗദ്യോനിരയോനിജാ .
ഭഗരൂപാ ഭഗസ്ഥാത്രീ ഭഗിനീ ഭഗമാലിനീ .. 137..

ഭഗാത്മികാ ഭഗാധാരാ രൂപിണീ ഭഗശാലിനീ .
ലിംഗാഭിധായിനീ ലിംഗപ്രിയാ ലിംഗനിവാസിനീ .. 138..

ലിംഗസ്ഥാ ലിംഗിനീ ലിംഗരൂപിണീ ലിംഗസുന്ദരീ .
ലിംഗഗീതിർമഹാപ്രീതിർഭഗഗീതിർമഹാസുഖാ .. 139..

ലിംഗനാമസദാനന്ദാ ഭഗനാമസദാരതിഃ .
ഭഗനാമസദാനന്ദാ ലിംഗനാമസദാരതിഃ .. 140..

ലിംഗമാലകരാഭൂഷാ ഭഗമാലാവിഭൂഷണാ .
ഭഗലിംഗാമൃതവൃതാ ഭഗലിംഗാമൃതാത്മികാ .. 141..

ഭഗലിംഗാർചനപ്രീതാ ഭഗലിംഗസ്വരൂപിണീ .
ഭഗലിംഗസ്വരൂപാ ച ഭഗലിംഗസുഖാവഹാ .. 142..

സ്വയംഭൂകുസുമപ്രീതാ സ്വയംഭൂകുസുമാർചിതാ .
സ്വയംഭൂകുസുമപ്രാണാ സ്വയംഭൂകുസുമോത്ഥിതാ .. 143..

സ്വയംഭൂകുസുമസ്നാതാ സ്വയംഭൂപുഷ്പതർപിതാ .
സ്വയംഭൂപുഷ്പഘടിതാ സ്വയംഭൂപുഷ്പധാരിണീ .. 144..

സ്വയംഭൂപുഷ്പതിലകാ സ്വയംഭൂപുഷ്പചർചിതാ .
സ്വയംഭൂപുഷ്പനിരതാ സ്വയംഭൂകുസുമാഗ്രഹാ .. 145..

സ്വയംഭൂപുഷ്പയജ്ഞേശാ സ്വയംഭൂകുസുമാലികാ . 
സ്വയംഭൂപുഷ്പനിചിതാ സ്വയംഭൂകുസുമാർചിതാ .. 146.. 

സ്വയംഭൂകുസുമാദാനലാലസോന്മത്തമാനസാ .
സ്വയംഭൂകുസുമാനന്ദലഹരീ സ്നിഗ്ധദേഹിനീ .. 147..

സ്വയംഭൂകുസുമാധാരാ സ്വയംഭൂകുസുമാകുലാ .
സ്വയംഭൂപുഷ്പനിലയാ സ്വയംഭൂപുഷ്പവാസിനീ .. 148..

സ്വയംഭൂകുസുമാസ്നിഗ്ധാ സ്വയംഭൂകുസുമാത്മികാ .
സ്വയംഭൂപുഷ്പകരിണീ സ്വയംഭൂപുഷ്പമാലികാ .. 149..

സ്വയംഭൂകുസുമന്യാസാ സ്വയംഭൂകുസുമപ്രഭാ .
സ്വയംഭൂകുസുമജ്ഞാനാ സ്വയംഭൂപുഷ്പഭോഗിനീ .. 150..

സ്വയംഭൂകുസുമോല്ലാസാ സ്വയംഭൂപുഷ്പവർഷിണീ .
സ്വയംഭൂകുസുമാനന്ദാ സ്വയംഭൂപുഷ്പപുഷ്പിണീ .. 151..

സ്വയംഭൂകുസുമോത്സാഹാ സ്വയംഭൂപുഷ്പരൂപിണീ .
സ്വയംഭൂകുസുമോന്മാദാ സ്വയംഭൂപുഷ്പസുന്ദരീ .. 152..

സ്വയംഭൂകുസുമാരാധ്യാ സ്വയംഭൂകുസുമോദ്ഭവാ .
സ്വയംഭൂകുസുമാവ്യഗ്രാ സ്വയംഭൂപുഷ്പപൂർണിതാ .. 153..

സ്വയംഭൂപൂജകപ്രാജ്ഞാ സ്വയംഭൂഹോതൃമാത്രികാ .
സ്വയംഭൂദാതൃരക്ഷിത്രീ സ്വയംഭൂഭക്തഭാവികാ .. 154..

സ്വയംഭൂകുസുമപ്രീതാ സ്വയംഭൂപൂജകപ്രിയാ .
സ്വയംഭൂവന്ദകാധാരാ സ്വയംഭൂനിന്ദകാന്തകാ .. 155..

സ്വയംഭൂപ്രദസർവസ്വാ സ്വയംഭൂപ്രദപുത്രിണീ .
സ്വയംഭൂപ്രദസസ്മേരാ സ്വയംഭൂതശരീരിണീ .. 156..

സർവലോകോദ്ഭവപ്രീതാ സർവകാലോദ്ഭവാത്മികാ .
സർവകാലോദ്ഭവോദ്ഭാവാ സർവകാലോദ്ഭവോദ്ഭവാ .. 157..

കുന്ദപുഷ്പസമാപ്രീതിഃ കുന്ദപുഷ്പസമാരതിഃ .
കുന്ദഗോലോദ്ഭവപ്രീതാ കുന്ദഗോലോദ്ഭവാത്മികാ .. 158..

സ്വയംഭൂർവാ ശിവാ ശക്താ പാവിനീ ലോകപാവിനീ .
കീർതിര്യശസ്വിനീ മേധാ വിമേധാ സുരസുന്ദരീ .. 159..

അശ്വിനീ കൃത്തികാ പുഷ്യാ തേജസ്വീ ചന്ദ്രമണ്ഡലാ .
സൂക്ഷ്മാ സൂക്ഷ്മപ്രദാ സൂക്ഷ്മാസൂക്ഷ്മഭയവിനാശിനീ .. 160..

വരദാഽഭയദാ ചൈവ മുക്തിബന്ധവിനാശിനീ .
കാമുകീ കാമദാ ക്ഷാന്താ കാമാഖ്യാ കുലസുന്ദരീ .. 161..

സുഖദാ ദുഃഖദാ മോക്ഷാ മോക്ഷദാർഥപ്രകാശിനീ .
ദുഷ്ടാദുഷ്ടമതീ ചൈവ സർവകാര്യവിനാശിനീ .. 162..

ശുക്രധാരാ ശുക്രരൂപാ ശുക്രസിന്ധുനിവാസിനീ .
ശുക്രാലയാ ശുക്രഭോഗാ ശുക്രപൂജാ സദാരതിഃ .. 163..

ശുക്രപൂജ്യാ ശുക്രഹോമസന്തുഷ്ടാ ശുക്രവത്സലാ .
ശുക്രമൂർതിഃ ശുക്രദേഹാ ശുക്രപൂജകപുത്രിണീ .. 164..

ശുക്രസ്ഥാ ശുക്രിണീ ശുക്രസംസ്പൃഹാ ശുക്രസുന്ദരീ .
ശുക്രസ്നാതാ ശുക്രകരീ ശുക്രസേവ്യാതിശുക്രിണീ .. 165..

മഹാശുക്രാ ശുക്രഭവാ ശുക്രവൃഷ്ടിവിധായിനീ .
ശുക്രാഭിധേയാ ശുക്രാർഹാ ശുക്രവന്ദകവന്ദിതാ .. 166..

ശുക്രാനന്ദകരീ ശുക്രസദാനന്ദവിധായിനീ .
ശുക്രോത്സാഹാ സദാശുക്രപൂർണാ ശുക്രമനോരമാ .. 167..

ശുക്രപൂജകസർവസ്ഥാ ശുക്രനിന്ദകനാശിനീ .
ശുക്രാത്മികാ ശുക്രസമ്പച്ഛുക്രാകർഷണകാരിണീ .. 168..

രക്താശയാ രക്തഭോഗാ രക്തപൂജാസദാരതിഃ .
രക്തപൂജ്യാ രക്തഹോമാ രക്തസ്ഥാ രക്തവത്സലാ .. 169..

രക്തപൂർണാ രക്തദേഹാ രക്തപൂജകപുത്രിണീ .
രക്താഖ്യാ രക്തിനീ രക്തസംസ്പൃഹാ രക്തസുന്ദരീ .. 170..

രക്താഭിദേഹാ രക്താർഹാ രക്തവന്ദകവന്ദിതാ .
മഹാരക്താ രക്തഭവാ രക്തവൃഷ്ടിവിധായിനീ .. 171..

രക്തസ്നാതാ രക്തപ്രീതാ രക്തസേവ്യാതിരക്തിനീ .
രക്താനന്ദകരീ രക്തസദാനന്ദവിധായിനീ .. 172..

രക്താരക്താ രക്തപൂർണാ രക്തസേവ്യക്ഷിണീരമാ . 
രക്തസേവകസർവസ്വാ രക്തനിന്ദകനാശിനീ .. 173..

രക്താത്മികാ രക്തരൂപാ രക്താകർഷണകാരിണീ .
രക്തോത്സാഹാ രക്തവ്യഗ്രാ രക്തപാനപരായണാ .. 174.. 
ശോണിതാനന്ദജനനീ കല്ലോലസ്നിഗ്ധരൂപിണീ .
സാധകാന്തർഗതാ ദേവീ പാർവതീ പാപനാശിനീ .. 175..

സാധൂനാം ഹൃദിസംസ്ഥാത്രീ സാധകാനന്ദകാരിണീ .
സാധകാനാം ച ജനനീ സാധകപ്രിയകാരിണീ .. 176..

സാധകപ്രചുരാനന്ദസമ്പത്തിസുഖദായിനീ .
സാധകാ സാധകപ്രാണാ സാധകാസക്തമാനസാ .. 177.. 

സാധകോത്തമസർവസ്വാസാധകാ ഭക്തരക്തപാ . 
സാധകാനന്ദസന്തോഷാ സാധകാരിവിനാശിനീ .. 178..

ആത്മവിദ്യാ ബ്രഹ്മവിദ്യാ പരബ്രഹ്മകുടുംബിനീ .
ത്രികൂടസ്ഥാ പഞ്ചകൂടാ സർവകൂടശരീരിണീ .. 179..

സർവവർണമയീ വർണജപമാലാവിധായിനീ .
ഇതി ശ്രീകാലികാനാമ്നാം സഹസ്രം ശിവഭാഷിതം .. 180..

             
  ഫലശ്രുതിഃ .


ഗുഹ്യാത് ഗുഹ്യതരം സാക്ഷാന്മഹാപാതകനാശനം .
പൂജാകാലേ നിശീഥേ ച സന്ധ്യയോരുഭയോരപി .. 1..

ലഭതേ ഗാണപത്യം സ യഃ പഠേത്സാധകോത്തമഃ .
യഃ പഠേത്പാഠയേദ്വാപി ശൃണോതി ശ്രാവയേദപി .. 2..

സർവപാപവിനിർമുക്തഃ സ യാതി കാലികാപദം .
ശ്രദ്ധയാഽശ്രദ്ധയാ വാപി യഃ കശ്ചിന്മാനവഃ പഠേത് .. 3..

ദുർഗാദ്ദുർഗതരം തീർത്വാ സ യാതി കാലികാപദം .
വന്ധ്യാ വാ കാകവന്ധ്യാ വാ മൃതപുത്രാ ച യാംഗനാ .. 4..

ശ്രുത്വാ സ്തോത്രമിദം പുത്രാൻ ലഭതേ ചിരജീവിനഃ .
യം യം കാമയതേ കാമം പഠൻ സ്തോത്രമനുത്തമം .. 5..

ദേവീവരപ്രദാനേന തം തം പ്രാപ്നോതി നിത്യശഃ .
സ്വയംഭൂകുസുമൈഃ ശുക്ലൈഃ സുഗന്ധികുസുമാന്വിതൈഃ .. 6..
 
ഗുരുവിഷ്ണുമഹേശാനാമഭേദേന മഹേശ്വരീ .
സമന്താദ്ഭാവയേന്മന്ത്രീ മഹേശോ നാത്ര സംശയഃ .. 7..

സ ശാക്തഃ ശിവഭക്തശ്ച സ ഏവ വൈഷ്ണവോത്തമഃ .
സമ്പൂജ്യ സ്തൗതി യഃ കാലീമദ്വൈതഭാവമാവഹൻ .. 8..

ദേവ്യാനന്ദേന സാനന്ദോ ദേവീഭക്ത്യൈകഭക്തിമാൻ .
സ ഏവ ധന്യോ യസ്യാർഥേ മഹേശോ വ്യഗ്രമാനസഃ .. 9..

കാമയിത്വാ യഥാകാമം സ്തവമേനമുദീരയേത് .
സർവരോഗൈഃ പരിത്യക്തോ ജായതേ മദനോപമഃ .. 10..

ചക്രം വാ സ്തവമേനം വാ ധാരയേദംഗസംഗതം .
വിലിഖ്യ വിധിവത്സാധുഃ സ ഏവ കാലികാതനുഃ .. 11..

ദേവ്യൈ നിവേദിതം യദ്യത്തസ്യാംശം ഭക്ഷയേന്നരഃ .
ദിവ്യദേഹധരോ ഭൂത്വാ ദേവ്യാഃ പാർശ്വധരോ ഭവേത് .. 12..

നൈവേദ്യനിന്ദകം ദൃഷ്ട്വാ നൃത്യന്തി യോഗിനീഗണാഃ .
രക്തപാനോദ്യതാസ്സർവാ മാംസാസ്ഥിചർവണോദ്യതാഃ .. 13..

തസ്മാന്നിവേദിതം ദേവ്യൈ ദൃഷ്ട്വാ ശ്രുത്വാ ച മാനവഃ .
ന നിന്ദേന്മനസാ വാചാ കുഷ്ഠവ്യാധിപരാങ്മുഖഃ .. 14..

ആത്മാനം കാലികാത്മാനം ഭാവയൻ സ്തൗതി യഃ ശിവാം .
ശിവോപമം ഗുരും ധ്യാത്വാ സ ഏവ ശ്രീസദാശിവഃ .. 15..

യസ്യാലയേ തിഷ്ഠതി നൂനമേതത്സ്തോത്രം ഭവാന്യാ ലിഖിതം വിധിജ്ഞൈഃ .
ഗോരോചനാലക്തകകുങ്കുമാക്തകർപൂരസിന്ദൂരമധുദ്രവേണ .. 16..

ന തത്ര ചോരസ്യ ഭയം ന ഹാസ്യോ ന വൈരിഭിർനാഽശനിവഹ്നിഭീതിഃ .
ഉത്പാതവായോരപി നാഽത്രശങ്കാ ലക്ഷ്മീഃ സ്വയം തത്ര വസേദലോലാ .. 17..

സ്തോത്രം പഠേത്തദനന്തപുണ്യം ദേവീപദാംഭോജപരോ മനുഷ്യഃ .
വിധാനപൂജാഫലമേവ സമ്യക് പ്രാപ്നോതി സമ്പൂർണമനോരഥോഽസൗ .. 18..

മുക്താഃ ശ്രീചരണാരവിന്ദനിരതാഃ സ്വർഗാമിനോ ഭോഗിനോ
ബ്രഹ്മോപേന്ദ്രശിവാത്മകാർചനരതാ ലോകേഽപി സംലേഭിരേ .

ശ്രീമച്ഛങ്കരഭക്തിപൂർവകമഹാദേവീപദധ്യായിനോ
മുക്തിർഭുക്തിമതിഃ സ്വയം സ്തുതിപരാഭക്തിഃ കരസ്ഥായിനീ .. 19..

ഇതി ശ്രീകാലികാകുലസർവസ്വേ ഹരപരശുരാമസംവാദേ
ശ്രീകാലികാസഹസ്രനാമസ്തോത്രം സമ്പൂർണം ..