SREE ANNAPOORNA SAHASRANAMA STHOTHRAM

 

 ശ്രീഅന്നപൂർണാസഹസ്രനാമസ്തോത്രം 

ശ്രീരുദ്രയാമലേ

കൈലാസശിഖരാസീനം ദേവദേവം മഹേശ്വരം .
പ്രണമ്യ ദണ്ഡവദ്ഭൂമൗ പാർവതീ പരിപൃച്ഛതി .. 1..

ശ്രീപാർവത്യുവാച .

അന്നപൂർണാ മഹാദേവീ ത്രൈലോക്യേ ജീവധാരിണീ .
നാമ്നാം സഹസ്രം തസ്യാസ്തു കഥയസ്വ മഹാപ്രഭോ .. 2..


ശ്രീശിവ ഉവാച .

ശൃണു ദേവി വരാരോഹേ ജഗത്കാരണി കൗലിനി .
ആരാധനീയാ സർവേഷാം സർവേഷാം പരിപൃച്ഛസി .. 3..

സഹസ്രൈർനാമഭിർദിവ്യൈസ്ത്രൈലോക്യപ്രാണിപൂജിതൈഃ .
അന്നദായാസ്സ്തവം  ദിവ്യം യത്സുരൈരപി വാഞ്ഛിതം .. 4..

കഥയാമി തവ സ്നേഹാത്സാവധാനാഽവധാരയ .
ഗോപനീയം പ്രയത്നേന സ്തവരാജമിദം ശുഭം .. 5..

ന പ്രകാശ്യം ത്വയാ ഭദ്രേ ദുർജനേഭ്യോ നിഃശേഷതഃ .
ന ദേയം പരശിഷ്യേഭ്യോ ഭക്തിഹീനായ പാർവതി .. 6..

ദേയം ശിഷ്യായ ശാന്തായ ഗുരുദേവരതായ ച .
അന്നപൂർണാസ്തവം ദേയം കൗലികായ കുലേശ്വരീ .. 7..





ഓം അസ്യ ശ്രീമദന്നപൂർണാസഹസ്രനാമസ്തോത്രമാലാമന്ത്രസ്യ,
ശ്രീഭഗവാൻ ഋഷിഃ, 
അനുഷ്ടുപ്ഛന്ദഃ,
പ്രകടഗുപ്തഗുപ്തതര സമ്പദായ കുലോത്തീർണ നിഗർഭരഹസ്യാതി
രഹസ്യപരാപരാതിരഹസ്യാതിപൂർവാചിന്ത്യപ്രഭാവാ ഭഗവതീ
ശ്രീമദന്നപൂർണാ ദേവതാ, 
ഹലോ ബീജം, 
സ്വരാശ്ശക്തിഃ, 
ജീവോ ബീജം,
ബുദ്ധിശ്ശക്തിഃ, 
ഉദാനോ ബീജം, 
സുഷുമ്നാ നാഡീ, 
സരസ്വതീ ശക്തിഃ,
ധർമാർഥകാമമോക്ഷാർഥേ പാഠേ വിനിയോഗഃ ..

ധ്യാനം .

അർകോന്മുക്തശശാങ്കകോടിവദനാമാപീനതുംഗസ്തനീം
ചന്ദ്രാർധാങ്കിതമസ്തകാം മധുമദാമാലോലനേത്രത്രയീം .
ബിഭ്രാണാമനിശം വരം ജപപടീം ശൂലം കപാലം കരൈഃ
ആദ്യാം യൗവനഗർവിതാം ലിപിതനും വാഗീശ്വരീമാശ്രയേ ..





അഥ അന്നപൂർണാസഹസ്രനാമസ്തോത്രം .

.. ഓം അന്നപൂർണായൈ നമഃ ..




അന്നപൂർണാ അന്നദാത്രീ അന്നരാശികൃതാലയാ .
അന്നദാ അന്നരൂപാ ച അന്നദാനരതോത്സവാ .. 1..

അനന്താ ച അനന്താക്ഷീ അനന്തഗുണശാലിനീ .
അച്യുതാ അച്യുതപ്രാണാ അച്യുതാനന്ദകാരിണീ .. 2..

അവ്യക്താഽനന്തമഹിമാ അനന്തസ്യ കുലേശ്വരീ .
അബ്ധിസ്ഥാ അബ്ധിശയനാ അബ്ധിജാ അബ്ധിനന്ദിനീ .. 3..

അബ്ജസ്ഥാ അബ്ജനിലയാ അബ്ജജാ അബ്ജഭൂഷണാ .
അബ്ജാഭാ അബ്ജഹസ്താ ച അബ്ജപത്രശുഭേക്ഷണാ .. 4..

അബ്ജാനനാ അനന്താത്മാ അഗ്രിസ്ഥാ അഗ്നിരൂപിണീ .
അഗ്നിജായാ അഗ്നിമുഖീ അഗ്നികുണ്ഡകൃതാലയാ .. 5..

അകാരാ അഗ്നിമാതാ ച അജയാഽദിതിനന്ദിനീ .
ആദ്യാ ആദിത്യസങ്കാശാ ആത്മജ്ഞാ ആത്മഗോചരാ .. 6..

ആത്മസൂരാത്മദയിതാ ആധാരാ ആത്മരൂപിണീ .
ആശാ ആകാശപദ്മസ്ഥാ അവകാശസ്വരൂപിണീ .. 7..

ആശാപൂരീ അഗാധാ ച അണിമാദിസുസേവിതാ .
അംബികാ അബലാ അംബാ അനാദ്യാ ച അയോനിജാ .. 8..

അനീശാ ഈശികാ ഈശാ ഈശാനീ ഈശ്വരപ്രീയാ .
ഈശ്വരീ ഈശ്വരപ്രാണാ ഈശ്വരാനന്ദദായിനീ .. 9..

ഇന്ദ്രാണീ ഇന്ദ്രദയിതാ ഇന്ദ്രസൂരിന്ദ്രപാലിനീ .
ഇന്ദിരാ ഇന്ദ്രഭഗിനീ ഇന്ദ്രിയാ ഇന്ദുഭൂഷണാ .. 10..

ഇന്ദുമാതാ ഇന്ദുമുഖീ ഇന്ദ്രിയാണാം വശങ്കരീ .
ഉമാ ഉമാപതേഃ പ്രാണാ ഓഡ്യാണപീഠവാസിനീ .. 11..

ഉത്തരജ്ഞാ ഉത്തരാഖ്യാ ഉകാരാ ഉത്തരാത്മികാ .
ഋമാതാ ഋഭവാ ഋസ്ഥാ ൠലൄകാരസ്വരൂപിണീ .. 12..

ഋകാരാ ച ലൃകാരാ ച ലൄതകപ്രീതിദായിനീ .
ഏകാ ച ഏകവീരാ ച ഏകാരൈകാരരൂപിണീ .. 13..

ഓകാരീ ഓഘരൂപാ ച ഓഘത്രയസുപൂജിതാ .
ഓഘസ്ഥാ ഓഘസംഭൂതാ ഓഘധാത്രീ ച ഓഘസൂഃ .. 14..

ഷോഡശസ്വരസംഭൂതാ ഷോഡശസ്വരരൂപിണീ .
വർണാത്മാ വർണനിലയാ ശൂലിനീ വർണമാലിനീ .. 15..

കാലരാത്രിർമഹാരാത്രിർമോഹരാത്രിഃ സുലോചനാ .
കാലീ കപാലിനീ കൃത്യാ കാലികാ സിംഹഗാമിനീ .. 16..

കാത്യായനീ കലാധാരാ കാലദൈത്യനികൃന്തനീ .
കാമിനീ കാമവന്ദ്യാ ച കമനീയാ വിനോദിനീ .. 17..

കാമസൂഃ കാമവനിതാ കാമധുക് കമലാവതീ .
കാമദാത്രീ കരാലീ ച കാമകേലിവിനോദിനീ .. 18..

കാമനാ കാമദാ കാമ്യാ കമലാ കമലാർചിതാ .
കാശ്മീരലിപ്തവക്ഷോജാ കാശ്മീരദ്രവചർചിതാ .. 19..

കനകാ കനകപ്രാണാ കനകാചലവാസിനീ .
കനകാഭാ കാനനസ്ഥാ കാമാഖ്യാ കനകപ്രദാ .. 20..

കാമപീഠസ്ഥിതാ നിത്യാ കാമധാമനിവാസിനീ .
കംബുകണ്ഠീ കരാലാക്ഷീ കിശോരീ ച കലാപിനീ .. 21..

കലാ കാഷ്ഠാ നിമേഷാ ച കാലസ്ഥാ കാലരൂപിണീ .
കാലജ്ഞാ കാലമാതാ ച കാലധാത്രീ കലാവതീ .. 22..

കാലദാ കാലഹാ കുല്യാ കുരുകുല്ലാ കുലാംഗനാ .
കീർതിദാ കീർതിഹാ കീർതിഃ കീർതിസ്ഥാ കീർതിവർധനീ .. 23..

കീർതിജ്ഞാ കീർതിതപദാ കൃത്തികാ കേശവപ്രിയാ .
കേശിഹാ കേലീകാരീ ച കേശവാനന്ദകാരിണീ .. 24..

കുമുദാഭാ കുമാരീ ച കർമദാ കമലേക്ഷണാ .
കൗമുദീ കുമുദാനന്ദാ കൗലിനീ ച കുമുദ്വതീ .. 25..

കോദണ്ഡധാരിണീ ക്രോധാ കൂടസ്ഥാ കോടരാശ്രയാ .
കാലകണ്ഠീ കരാലാംഗീ കാലാംഗീ കാലഭൂഷണാ .. 26..

കങ്കാലീ കാമദാമാ ച കങ്കാലകൃതഭൂഷണാ .
കപാലകർത്രികകരാ കരവീരസ്വരൂപിണീ .. 27..

കപർദിനീ കോമലാംഗീ കൃപാസിന്ധുഃ കൃപാമയീ .
കുശാവതീ കുണ്ഡസംസ്ഥാ കൗബേരീ കൗശികീ തഥാ .. 28..

കാശ്യപീ കദ്രുതനയാ കലികല്മഷനാശിനീ .
കഞ്ജസ്ഥാ കഞ്ജവദനാ കഞ്ജകിഞ്ജൽകചർചിതാ .. 29..

കഞ്ജാഭാ കഞ്ജമധ്യസ്ഥാ കഞ്ജനേത്രാ കചോദ്ഭവാ .
കാമരൂപാ ച ഹ്രീങ്കാരീ കശ്യപാന്വയവർധിനീ .. 30..

ഖർവാ ച ഖഞ്ജനദ്വന്ദ്വലോചനാ ഖർവവാഹിനീ .
ഖഡ്ഗിനീ ഖഡ്ഗഹസ്താ ച ഖേചരീ ഖഡ്ഗരൂപിണീ .. 31..

ഖഗസ്ഥാ ഖഗരൂപാ ച ഖഗഗാ ഖഗസംഭവാ .
ഖഗധാത്രീ ഖഗാനന്ദാ ഖഗയോനിസ്വരൂപിണീ .. 32..

ഖഗേശീ ഖേടകകരാ ഖഗാനന്ദവിവർധിനീ .
ഖഗമാന്യാ ഖഗാധാരാ ഖഗഗർവവിമോചിനീ .. 33..

ഗംഗാ ഗോദാവരീ ഗീതിർഗായത്രീ ഗഗനാലയാ .
ഗീർവാണസുന്ദരീ ഗൗശ്ച ഗാധാ ഗീർവാണപൂജിതാ .. 34..

ഗീർവാണചർചിതപദാ ഗാന്ധാരീ ഗോമതീ തഥാ .
ഗർവിണീ ഗർവഹന്ത്രീ ച ഗർഭസ്ഥാ ഗർഭധാരിണീ .. 35..

ഗർഭദാ ഗർഭഹന്ത്രീ ച ഗന്ധർവകുലപൂജിതാ .
ഗയാ ഗൗരീ ച ഗിരിജാ ഗിരിസ്ഥാ ഗിരിസംഭവാ .. 36..

ഗിരിഗഹ്വരമധ്യസ്ഥാ കുഞ്ജരേശ്വരഗാമിനീ .
കിരീടിനീ ച ഗദിനീ ഗുഞ്ജാഹാരവിഭൂഷണാ .. 37..

ഗണപാ ഗണകാ ഗണ്യാ ഗണകാനന്ദകാരിണീ .
ഗണപൂജ്യാ ച ഗീർവാണീ ഗണപാനനന്ദകാരിണീ .. 38..

ഗുരുമാതാ ഗുരുരതാ ഗുരുഭക്തിപരായണാ .
ഗോത്രാ ഗൗഃ കൃഷ്ണഭഗിനീ കൃഷ്ണസൂഃ കൃഷ്ണനന്ദിനീ .. 39..

ഗോവർധനീ ഗോത്രധരാ ഗോവർധനകൃതാലയാ .
ഗോവർധനധരാ ഗോദാ ഗൗരാംഗീ ഗൗതമാത്മജാ .. 40..

ഘർഘരാ ഘോരരൂപാ ച ഘോരാ ഘർഘരനാദിനീ .
ശ്യാമാ ഘനരവാഽഘോരാ ഘനാ ഘോരാർതിനാശിനീ .. 41..

ഘനസ്ഥാ ച ഘനാനന്ദാ ദാരിദ്ര്യഘനനാശിനീ .
ചിത്തജ്ഞാ ചിന്തിതപദാ ചിത്തസ്ഥാ ചിത്തരൂപിണീ .. 42..

ചക്രിണീ ചാരുചമ്പാഭാ ചാരുചമ്പകമാലിനീ .
ചന്ദ്രികാ ചന്ദ്രകാന്തിശ്ച ചാപിനീ ചന്ദ്രശേഖരാ .. 43..

ചണ്ഡികാ ചണ്ഡദൈത്യഘ്നീ ചന്ദ്രശേഖരവല്ലഭാ .
ചാണ്ഡാലിനീ ച ചാമുണ്ഡാ ചണ്ഡമുണ്ഡവധോദ്യതാ .. 44..

ചൈതന്യഭൈരവീ ചണ്ഡാ ചൈതന്യഘനഗേഹിനീ .
ചിത്സ്വരൂപാ ചിദാധാരാ ചണ്ഡവേഗാ ചിദാലയാ .. 45..

ചന്ദ്രമണ്ഡലമധ്യസ്ഥാ ചന്ദ്രകോടിസുശീതലാ .
ചപലാ ചന്ദ്രഭഗിനീ ചന്ദ്രകോടിനിഭാനനാ .. 46..

ചിന്താമണിഗുണാധാരാ ചിന്താമണിവിഭൂഷണാ .
ഭക്തചിന്താമണിലതാ ചിന്താമണികൃതാലയാ .. 47..

ചാരുചന്ദനലിപ്താംഗീ ചതുരാ ച ചതുർമുഖീ .
ചൈതന്യദാ ചിദാനന്ദാ ചാരുചാമരവീജിതാ .. 48..

ഛത്രദാ ഛത്രധാരീ ച ഛലച്ഛദ്മവിനാശിനീ .
ഛത്രഹാ ഛത്രരൂപാ ച ഛത്രച്ഛായാകൃതാലയാ .. 49..

ജഗജ്ജീവാ ജഗദ്ധാത്രീ ജഗദാനന്ദകാരിണീ .
യജ്ഞപ്രിയാ യജ്ഞരതാ ജപയജ്ഞപരായണാ .. 50..

ജനനീ ജാനകീ യജ്വാ യജ്ഞഹാ യജ്ഞനന്ദിനീ .
യജ്ഞദാ യജ്ഞഫലദാ യജ്ഞസ്ഥാനകൃതാലയാ .. 51..

യജ്ഞഭോക്ത്രീ യജ്ഞരൂപാ യജ്ഞവിഘ്നവിനാശിനീ .
ജപാകുസുമസങ്കാശാ ജപാകുസുമശോഭിതാ .. 52..

ജാലന്ധരീ ജയാ ജൈത്രീ ജീമൂതചയഭാഷിണീ .
ജയദാ ജയരൂപാ ച ജയസ്ഥാ ജയകാരിണീ .. 53..

ജഗദീശപ്രിയാ ജീവാ ജലസ്ഥാ ജലജേക്ഷണാ .
ജലരൂപാ ജഹ്നുകന്യാ യമുനാ ജലജോദരീ .. 54..

ജലജാസ്യാ ജാഹ്നവീ ച ജലജാഭാ ജലോദരീ .
യദുവംശോദ്ഭവാ ജീവാ യാദവാനന്ദകാരിണീ .. 55..

യശോദാ യശസാം രാശിര്യശോദാനന്ദകാരിണീ .
ജ്വലിനീ ജ്വാലിനീ ജ്വാലാ ജ്വലത്പാവകസന്നിഭാ .. 56..

ജ്വാലാമുഖീ ജഗന്മാതാ യമലാർജുനഭഞ്ജനീ .
ജന്മദാ ജന്മഹാ ജന്യാ ജന്മഭൂർജനകാത്മജാ .. 57..

ജനാനന്ദാ ജാംബവതീ ജംബൂദ്വീപകൃതാലയാ .
ജാംബൂനദസമാനാഭാ ജാംബൂനദവിഭൂഷണാ .. 58..

ജംഭഹാ ജാതിദാ ജാതിർജ്ഞാനദാ ജ്ഞാനഗോചരാ .
ജ്ഞാനരൂപാഽജ്ഞാനഹാ ച ജ്ഞാനവിജ്ഞാനശാലിനീ .. 59..

ജിനജൈത്രീ ജിനാധാരാ ജിനമാതാ ജിനേശ്വരീ .
ജിതേന്ദ്രിയാ ജനാധാരാ അജിനാംബരധാരിണീ .. 60..

ശംഭുകോടിദുരാധർഷാ വിഷ്ണുകോടിവിമർദിനീ .
സമുദ്രകോടിഗംഭീരാ വായുകോടിമഹാബലാ .. 61..

സൂര്യകോടിപ്രതീകാശാ യമകോടിദുരാപഹാ .
കാമധുക്കോടിഫലദാ ശക്രകോടിസുരാജ്യദാ .. 62..

കന്ദർപകോടിലാവണ്യാ പദ്മകോടിനിഭാനനാ .
പൃഥ്വീകോടിജനാധാരാ അഗ്നികോടിഭയങ്കരീ .. 63..

അണിമാ മഹിമാ പ്രാപ്തിർഗരിമാ ലഘിമാ തഥാ .
പ്രാകാമ്യദാ വശകരീ ഈശികാ സിദ്ധിദാ തഥാ .. 64..

മഹിമാദിഗുണോപേതാ അണിമാദ്യഷ്ടസിദ്ധിദാ .
ജവനധ്നീ ജനാധീനാ ജാമിനീ ച ജരാപഹാ .. 65..

താരിണീ താരികാ താരാ തോതലാ തുലസീപ്രിയാ .
തന്ത്രിണീ തന്ത്രരൂപാ ച തന്ത്രജ്ഞാ തന്ത്രധാരിണീ .. 66..

താരഹാരാ ച തുലജാ ഡാകിനീതന്ത്രഗോചരാ .
ത്രിപുരാ ത്രിദശാ ത്രിസ്ഥാ ത്രിപുരാസുരഘാതിനീ .. 67..

ത്രിഗുണാ ച ത്രികോണസ്ഥാ ത്രിമാത്രാ ത്രിതനുസ്ഥിതാ .
ത്രൈവിദ്യാ ച ത്രയീ ത്രിഘ്നീ തുരീയാ ത്രിപുരേശ്വരീ .. 68..

ത്രികോദരസ്ഥാ ത്രിവിധാ ത്രൈലോക്യാ ത്രിപുരാത്മികാ .
ത്രിധാമ്നീ ത്രിദശാരാധ്യാ ത്ര്യക്ഷാ ത്രിപുരവാസിനീ .. 69..

ത്രിവർണീ ത്രിപദീ താരാ ത്രിമൂർതിജനനീ ത്വരാ .
ത്രിദിവാ ത്രിദിവേശാഽഽദിർദേവീ ത്രൈലോക്യധാരിണീ .. 70..

ത്രിമൂർതിശ്ച ത്രിജനനീ ത്രീഭൂസ്ത്രീപുരസുന്ദരീ .
തപസ്വിനീ തപോനിഷ്ഠാ തരുണീ താരരൂപിണീ .. 71..

താമസീ താപസീ ചൈവ താപഘ്നീ ച തമോപഹാ .
തരുണാർകപ്രതീകാശാ തപ്തകാഞ്ചനസന്നിഭാ .. 72..

ഉന്മാദിനീ തന്തുരൂപാ ത്രൈലോക്യവ്യാപിനീശ്വരീ .
താർകികീ തർകികീ വിദ്യാ താപത്രയവിനാശിനീ .. 73..

ത്രിപുഷ്കരാ ത്രികാലജ്ഞാ ത്രിസന്ധ്യാ ച ത്രിലോചനാ .
ത്രിവർഗാ ച ത്രിവർഗസ്ഥാ തപസസ്സിദ്ധിദായിനീ .. 74..

അധോക്ഷജാ അയോധ്യാ ച അപർണാ ച അവന്തികാ .
കാരികാ തീർഥരൂപാ ച തീരാ തീർഥകരീ തഥാ .. 75..

ദാരിദ്ര്യദുഃഖദലിനീ അദീനാ ദീനവത്സലാ .
ദീനാനാഥപ്രിയാ ദീർഘാ ദയാപൂർണാ ദയാത്മികാ .. 76..

ദേവദാനവസമ്പൂജ്യാ ദേവാനാം പ്രിയകാരിണീ .
ദക്ഷപുത്രീ ദക്ഷമാതാ ദക്ഷയജ്ഞവിനാശിനീ .. 77..

ദേവസൂർദക്ഷീണാ ദക്ഷാ ദുർഗാ ദുർഗതിനാശിനീ .
ദേവകീഗർഭസംഭൂതാ ദുർഗദൈത്യവിനാശിനീ .. 78..

അട്ടാഽട്ടഹാസിനീ ദോലാ ദോലാകർമാഭിനന്ദിനീ .
ദേവകീ ദേവികാ ദേവീ ദുരിതഘ്നീ തടിത്തഥാ .. 79..

ഗണ്ഡകീ ഗല്ലകീ ക്ഷിപ്രാ ദ്വാരാ ദ്വാരവതീ തഥാ .
ആനന്ദോദധിമധ്യസ്ഥാ കടിസൂത്രൈരലങ്കൃതാ .. 80..

ഘോരാഗ്നിദാഹദമനീ ദുഃഖദുസ്സ്വപ്നനാശിനീ .
ശ്രീമയീ ശ്രീമതീ ശ്രേഷ്ഠാ ശ്രീകരീ ശ്രീവിഭാവിനീ .. 81..

ശ്രീദാ ശ്രീശാ ശ്രീനിവാസാ ശ്രീമതീ ശ്രീർമതിർഗതിഃ .
ധനദാ ദാമിനീ ദാന്താ ധമദോ ധനശാലിനീ .. 82..

ദാഡിമീപുഷ്പസങ്കാശാ ധനാഗാരാ ധനഞ്ജയാ .
ധൂമ്രാഭാ ധൂമ്രദൈത്ത്രഘ്നീ ധവലാ ധവലപ്രിയാ .. 83..

ധൂമ്രവക്ത്രാ ധൂമ്രനേത്രാ ധൂമ്രകേശീ ച ധൂസരാ .
ധരണീ ധരിണീ ധൈര്യാ ധരാ ധാത്രീ ച ധൈര്യദാ .. 84..

ദമിനീ ധർമിണീ ധൂശ്ച ദയാ ദോഗ്ധ്രീ ദുരാസദാ .
നാരായണീ നാരസിംഹീ നൃസിംഹഹൃദയാലയാ .. 85..

നാഗിനീ നാഗകന്യാ ച നാഗസൂർനാഗനായികാ .
നാനാരത്നവിചിത്രാംഗീ നാനാഭരണമണ്ഡിതാ .. 86..

ദുർഗസ്ഥാ ദുർഗരൂപാ ച ദുഃഖദുഷ്കൃതനാശിനീ .
ഹീങ്കാരീ ചൈവ ശ്രീങ്കാരീ ഹുങ്കാരീ ക്ലേശനാശിനീ .. 87..

നഗാത്മജാ നാഗരീ ച നവീനാ നൂതനപ്രിയാ .
നീരജാസ്യാ നീരദാഭാ നവലാവണ്യസുന്ദരീ .. 88..

നീതിജ്ഞാ നീതിദാ നീതിർനിമനാഭിർനഗേശ്വരീ .
നിഷ്ഠാ നിത്യാ നിരാതങ്കാ നാഗയജ്ഞോപവീതിനീ .. 89..

നിധിദാ നിധിരൂപാച നിർഗുണാ നരവാഹിനീ .
നരമാംസരതാ നാരീ നരമുണ്ഡവിഭൂഷണാ .. 90..

നിരാധാരാ നിർവികാരാ നുതിർനിർവാണസുന്ദരീ .
നരാസൃക്പാനമത്താ ച നിർവൈരാ നാഗഗാമിനീ .. 91..

പരമാ പ്രമിതാ പ്രാജ്ഞാ പാർവതീ പർവതാത്മജാ .
പർവപ്രിയാ പർവരതാ പർവപാവനപാവനീ .. 92..

പരാത്പരതരാ പൂർവാ പശ്ചിമാ പാപനാശിനീ .
പശൂനാം പതിപത്നീ ച പതിഭക്തിപരായണാ .. 93..

പരേശീ പാരഗാ പാരാ പരഞ്ജ്യോതിസ്വരൂപിണീ .
നിഷ്ഠുരാ ക്രൂരഹൃദയാ പരാസിദ്ധിഃ പരാഗതിഃ .. 94..

പശുഘ്നീ പശുരൂപാ ച പശുഹാ പശുവാഹിനീ .
പിതാ മാതാ ച യന്ത്രീ ച പശുപാശവിനാശിനീ .. 95..

പദ്മിനീ പദ്മഹസ്താ ച പദ്മകിഞ്ജൽകവാസിനീ .
പദ്മവക്ത്രാ ച പദ്മാക്ഷീ പദ്മസ്ഥാ പദ്മസംഭവാ .. 96..

പദ്മാസ്യാ പഞ്ചമീ പൂർണാ  പൂർണപീഠനിവാസിനീ .
പദ്മരാഗപ്രതീകാശാ പാഞ്ചാലീ പഞ്ചമപ്രിയാ .. 97..

പരബ്രഹ്മസ്വരൂപാ ച പരബ്രഹ്മനിവാസിനീ .
പരമാനന്ദമുദിതാ പരചക്രനിവാസിനീ .. 98..

പരേശീ പരമാ പൃഥ്വീ പീനതുംഗപയോധരാ .
പരാപരാ പരാവിദ്യാ പരമാനന്ദദായിനീ .. 99..

പൂജ്യാ പ്രജ്ഞാവതീ പുഷ്ടിഃ പിനാകിപരികീർതിതാ .
പ്രാണഘ്നീ പ്രാണരൂപാ ച പ്രാണദാ ച പ്രിയംവദാ .. 100..

ഫണിഭൂഷാ ഫണാവേശീ ഫകാരകണ്ഠമാലിനീ .
ഫണിരാഡ്വൃതസർവാംഗീ ഫലഭാഗനിവാസിനീ .. 101..

ബലഭദ്രസ്യ ഭഗിനീ ബാലാ ബാലപ്രദായിനീ .
ഫൽഗുരുപാ പ്രലംബധ്നീ ഫൽഗൂത്സവ വിനോദിനീ .. 102..

ഭവാനീ ഭവപത്നീ ച ഭവഭീതിഹരാ ഭവാ .
ഭവേശ്വരീ ഭവാരാധ്യാ ഭവേശീ ഭവനായികാ .. 103..

ഭവമാതാ ഭവാഗമ്യാ ഭവകണ്ടകനാശിനീ .
ഭവപ്രിയാ ഭവാനന്ദാ ഭവ്യാ ച ഭവമോചനീ .. 104..

ഭാവനീയാ ഭഗവതീ ഭവഭാരവിനാശിനീ .
ഭൂതധാത്രീ ച ഭൂതേശീ ഭൂതസ്ഥാ ഭൂതരൂപിണീ .. 105..

ഭൂതമാതാ ച ഭൂതഘ്നീ ഭൂതപഞ്ചകവാസിനീ .
ഭോഗോപചാരകുശലാ ഭിസ്സാധാത്രീ ച ഭൂചരീ .. 106..

ഭീതിഘ്നീ ഭക്തിഗമ്യാ ച ഭക്താനാമാർതിനാശിനീ .
ഭക്താനുകമ്പിനീ ഭീമാ ഭഗിനീ ഭഗനായികാ .. 107..

ഭഗവിദ്യാ ഭഗക്ലിന്നാ ഭഗയോനിർഭഗപ്രദാ .
ഭഗേശീ ഭഗരൂപാ ച ഭഗഗുഹ്യാ ഭഗാപഹാ .. 108..

ഭഗോദരീ ഭഗാനന്ദാ ഭഗാദ്യാ ഭഗമാലിനീ .
ഭോഗപ്രദാ ഭോഗവാസാ ഭോഗമൂലാ ച ഭോഗിനീ .. 109..

ഭേരുണ്ഡാ ഭേദിനീ ഭീമാ ഭദ്രകാലീ ഭിദോജ്ഝിതാ .
ഭൈരവീ ഭുവനേശാനീ ഭുവനാ ഭുവനേശ്വരീ .. 110..

ഭീമാക്ഷീ ഭാരതീ ചൈവ ഭൈരവാഷ്ടകസേവിതാ .
ഭാസ്വരാ ഭാസ്വതീ ഭീതിർഭാസ്വദുത്താനശായിനീ .. 111..

ഭാഗീരഥീ ഭോഗവതീ ഭവഘ്നീ ഭുവനാത്മികാ .
ഭൂതിദാ ഭൂതിരൂപാ ച ഭൂതസ്ഥാ ഭൂതവർധിനീ .. 112..

മാഹേശ്വരീ മഹാമായാ മഹാതേജാ മഹാസുരീ .
മഹാജിഹ്വാ മഹാലോലാ മഹാദംഷ്ട്രാ മഹാഭുജാ .. 113..

മഹാമോഹാന്ധകാരഘ്നീ മഹാമോക്ഷപ്രദായിനീ .
മഹാദാരിദ്ര്യശമനീ മഹാശത്രുവിമർദിനീ .. 114..

മഹാശക്തിർമഹാജ്യോതിർമഹാസുരവിമർദിനീ .
മഹാകായാ മഹാവീര്യാ മഹാപാതകനാശിനീ .. 115..

മഹാരവാ മന്ത്രമയീ മണിപൂരനിവാസിനീ .
മാനസീ മാനദാ മാന്യാ മനശ്ചക്ഷുരഗോചരാ .. 116..

മാഹേന്ദ്രീ മധുരാ മായാ മഹിഷാസുരമർദിനീ .
മഹാകുണ്ഡലിനീ ശക്തിർമഹാവിഭവവർധിനീ .. 117..

മാനസീ മാധവീ മേധാ മതിദാ മതിധാരിണീ .
മേനകാഗർഭസംഭൂതാ മേനകാഭഗിനീ മതിഃ .. 118..

മഹോദരീ മുക്തകേശീ മുക്തികാമ്യാർഥസിദ്ധിദാ .
മാഹേശീ മഹിഷാരൂഢാ മധുദൈത്യവിമർദിനീ .. 119..

മഹാവ്രതാ മഹാമൂർധാ മഹാഭയവിനാശിനീ .
മാതംഗീ മത്തമാതംഗീ മാതംഗകുലമണ്ഡിതാ .. 120..

മഹാഘോരാ മാനനീയാ മത്തമാതംഗഗാമിനീ .
മുക്താഹാരലതോപേതാ മദധൂർണിതലോചനാ .. 121..

മഹാപരാധരാശിഘ്രീ മഹാചോരഭയാപഹാ .
മഹാചിന്ത്യസ്വരൂപാ ച മണീമന്ത്രമഹൗഷധീ .. 122..

മണിമണ്ഡപമധ്യസ്ഥാ മണിമാലാവിരാജിതാ .
മന്ത്രാത്മികാ മന്ത്രഗമ്യാ മന്ത്രമാതാ സുമന്ത്രിണീ .. 123..

മേരുമന്ദിരമധ്യസ്ഥാ മകരാകൃതികുണ്ഡലാ .
മന്ഥരാ ച മഹാസൂക്ഷ്മാ മഹാദൂതീ മഹേശ്വരീ .. 124..

മാലിനീ മാനവീ മാധ്വീ മദരൂപാ മദോത്കടാ .
മദിരാ മധുരാ ചൈവ മോദിനീ ച മഹോദ്ധതാ .. 125..

മംഗലാംഗീ മധുമയീ മധുപാനപരായണാ .
മനോരമാ രമാമാതാ രാജരാജേശ്വരീ രമാ .. 126..

രാജമാന്യാ രാജപൂജ്യാ രക്തോത്പലവിഭൂഷണാ .
രാജീവലോചനാ രാമാ രാധികാ രാമവല്ലഭാ .. 127..

ശാകിനീ ഡാകിനീ ചൈവ ലാവണ്യാംബുധിവീചികാ .
രുദ്രാണീ രുദ്രരൂപാ ച രൗദ്രാ രുദ്രാർതിനാശിനീ .. 128..

രക്തപ്രിയാ രക്തവസ്ത്രാ രക്താക്ഷീ രക്തലോചനാ .
രക്തകേശീ രക്തദംഷ്ട്രാ രക്തചന്ദനചർചിതാ .. 129..

രക്താംഗീ രക്തഭൂഷാ ച രക്തബീജനിപാതിനീ .
രാഗാദിദോഷരഹിതാ രതിജാ രതിദായിനീ .. 130..

വിശ്വേശ്വരീ വിശാലാക്ഷീ വിന്ധ്യപീഠനിവാസിനീ .
വിശ്വഭൂർവീരവിദ്യാ ച വീരസൂർവീരനന്ദിനീ .. 131..

വീരേശ്വരീ വിശാലാക്ഷീ വിഷ്ണുമായാ വിമോഹിനീ .
വിദ്യാവതീ വിഷ്ണുരൂപാ വിശാലനയനോജ്ജ്വലാ .. 132..

വിഷ്ണുമാതാ ച വിശ്വാത്മാ വിഷ്ണുജായാസ്വരൂപിണീ .
വാരാഹീ വരദാ വന്ദ്യാ വിഖ്യാതാ വിലസൽകചാ .. 133..

ബ്രഹ്മേശീ ബ്രഹ്മദാ ബ്രാഹ്മീ ബ്രഹ്മാണീ ബ്രഹ്മരൂപിണീ .
ദ്വാരകാ വിശ്വവന്ദ്യാ ച വിശ്വപാശവിമോചനീ .
വിശ്വാസകാരിണീ വിശ്വാ വിശ്വശക്തിർവിചക്ഷണാ .. 134..

ബാണചാപധരാ വീരാ ബിന്ദുസ്ഥാ ബിന്ദുമാലിനീ .
ഷട്ചക്രഭേദിനീ ഷോഢാ ഷോഡശാരനിവാസിനീ .. 135..

ശിതികണ്ഠപ്രിയാ ശാന്താ ശാകിനീ വാതരൂപിണീ .
ശാശ്വതീ ശംഭുവനിതാ ശാംഭവീ ശിവരൂപിണീ .. 136..

ശിവമാതാ ച ശിവദാ ശിവാ ശിവഹൃദാസനാ .
ശുക്ലാംബരാ ശീതലാ ച ശീലാ ശീലപ്രദായിനീ .. 137..

ശിശുപ്രിയാ വൈദ്യവിദ്യാ സാലഗ്രാമശിലാ ശുചിഃ .
ഹരിപ്രിയാ ഹരമൂർതിർഹരിനേത്രകൃതാലയാ .. 138..

ഹരിവക്ത്രോദ്ഭവാ ഹാലാ ഹരിവക്ഷഃസ്ഥലസ്ഥിതാ .
ക്ഷേമങ്കരീ ക്ഷിതിഃ ക്ഷേത്രാ ക്ഷുധിതസ്യ പ്രപൂരണീ .. 139..

വൈശ്യാ ച ക്ഷത്രിയാ ശൂദ്രീ ക്ഷത്രിയാണാം കുലേശ്വരീ .
ഹരപത്നീ ഹരാരാധ്യാ ഹരസൂർഹരരൂപിണീ .. 140..

സർവാനന്ദമയീ സിദ്ധിസ്സർവരക്ഷാസ്വരൂപിണീ .
സർവദുഷ്ടപ്രശമനീ സർവേപ്സിതഫലപ്രദാ .. 141..

സർവസിദ്ധേശ്വരാരാധ്യാ സർവമംഗലമംഗലാ .


===========================================================================

ഫലശ്രുതിഃ .
പുണ്യം സഹസ്രനാമേദം തവ പ്രീത്യാ പ്രകാശിതം .. 142..

ഗോപനീയം പ്രയത്നേന പഠനീയം പ്രയത്നതഃ .
നാതഃ പരതരം പുണ്യം നാതഃ പരതരം തപഃ .. 143..

നാതഃ പരതരം സ്തോത്രം നാതഃ പരതരാ ഗതിഃ .
സ്തോത്രം നാമസഹസ്രാഖ്യം മമ വക്ത്രാദ്വിനിർഗതം .. 144..

യഃ പഠേത്പരയാ ഭക്ത്യാ ശൃണുയാദ്വാ സമാഹിതഃ .
മോക്ഷാർഥീ ലഭതേ മോക്ഷം സ്വർഗാർഥീ സ്വർഗമാപ്നുയാത് .. 145..

കാമാർഥീ ലഭതേ കാമം ധനാർഥീ ലഭതേ ധനം .
വിദ്യാർഥീ ലഭതേ വിദ്യാം യശോഽർഥീ ലഭതേ യശഃ .. 146..

കന്യാർഥീ ലഭതേ കന്യാം സുതാർഥീ ലഭതേ സുതാൻ .
മൂർഖോഽപി ലഭതേ ശാസ്ത്രം ചോരോഽപി ലഭതേ ഗതിം .. 147..

ഗുർവിണീ ജനയേത്പുത്രം കന്യാം വിന്ദതി സത്പതിം .
സങ്ക്രാന്ത്യാം ച ചതുർദശ്യാമഷ്ടമ്യാം ച വിശേഷതഃ .. 148..

പൗർണമാസ്യാമമാവാസ്യാം നവമ്യാം ഭൗമവാസരേ .
പഠേദ്വാ പാഠയേദ്വാപി പൂജയേദ്വാപി പുസ്തകം .. 149..

സ മുക്തസ്സർവപാപേഭ്യഃ കാമേശ്വരസമോ ഭവേത് .
ലക്ഷ്മീവാൻ സുതവാംശ്ചൈവ വല്ലഭസ്സർവയോഷിതാം .. 150..

തസ്യ വശ്യം ഭവേദാശു ത്രൈലോക്യം സചരാചരം .
വിദ്യാനാം പാരഗോ വിപ്രഃ ക്ഷത്രിയോ വിജയീ രണേ .. 151..

വൈശ്യോ ധനസമൃദ്ധസ്സ്യാച്ഛൂദ്രസ്സുഖമവാപ്നുയാത് .
ക്ഷേത്രേ ച ബഹുസസ്യം സ്യാദ്ഗാവശ്ച ബഹുദുഗ്ധദാഃ .. 152..

നാശുഭം നാപദസ്തസ്യ ന ഭയം നൃപശത്രുതഃ .
ജായതേ നാശുഭാ ബുദ്ധിർലഭതേ കുലപൂജ്യതാം .. 153..

ന ബാധന്തേ ഗ്രഹാസ്തസ്യ ന രക്ഷാംസി ന പന്നഗാഃ .
ന പിശാചാ ന ഡാകിന്യോ ഭൂതഭേതാലഡംഭകാഃ .. 154..

ബാലഗ്രഹാഭിഭൂതാനാം ബാലാനാം ശാന്തികാരകം .
ദ്വന്ദ്വാനാം പ്രതിഭേദേ ച മൈത്രീകരണമുത്തമം .. 155..

ലോഹപാശൈദൃഢൈർബദ്ധോ ബന്ദീ വേശ്മനി ദുർഗമേ .
തിഷ്ഠഞ്ഛൃണ്വൻപതന്മർത്യോ മുച്യതേ നാത്ര സംശയഃ .. 156..

പശ്യന്തി നഹി തേ ശോകം വിയോഗം ചിരജീവിനഃ .
ശൃണ്വതീ ബദ്ധഗർഭാ ച സുഖം ചൈവ പ്രസൂയതേ .. 157..

ഏകദാ പഠനാദേവ സർവപാപക്ഷയോ ഭവേത് .
നശ്യന്തി ച മഹാരോഗാ ദശധാവർതനേന ച .. 158..

ശതധാവർതനേ ചൈവ വാചാം സിദ്ധിഃ പ്രജായതേ .
നവരാത്രേ ജിതാഹാരോ ദൃഢബുദ്ധിർജിതേന്ദ്രിയഃ .. 159..

അംബികായതനേ വിദ്വാൻ ശുചിഷ്മാൻ മൂർതിസന്നിധൗ  .
ഏകാകീ ച ദശാവർതം പഠന്ധീരശ്ച നിർഭയഃ .. 160..

സാക്ഷാത്ത്വഗവതീ തസ്മൈ പ്രയച്ഛേദീപ്സിതം ഫലം .
സിദ്ധപീഠേ ഗിരൗ രമ്യേ സിദ്ധക്ഷേത്രേ സുരാലയേ .. 161..

പഠനാത്സാധകസ്യാശു സിദ്ധിർഭവതി വാഞ്ഛിതാ .
ദശാവർതം പഠേന്നിത്യം ഭൂമീശായീ നരശ്ശുചിഃ .. 162..

സ്വപ്നേ മൂർതിമയാം ദേവീം വരദാം സോഽപി പശ്യതി .
ആവർതനസഹസ്രൈര്യേ ജപന്തി പുരുഷോത്തമാഃ .. 163..

തേ സിദ്ധാ സിദ്ധിദാ ലോകേ ശാപാനുഗ്രഹണക്ഷമാഃ .
പ്രയച്ഛന്തശ്ച സർവസ്വം സേവന്തേ താന്മഹീശ്വരാഃ .. 164..

ഭൂർജപത്രേഽഷ്ടഗന്ധേന ലിഖിത്വാ തു ശുഭേ ദിനേ .
ധാരയേദ്യന്ത്രിതം ശീർഷേ പൂജയിത്വാ കുമാരികാം .. 165..

ബ്രാഹ്മണാൻ വരനാരീശ്ച ധൂപൈഃ കുസുമചന്ദനൈഃ .
ക്ഷീരഖണ്ഡാദിഭോജ്യാംശ്ച ഭോജയിത്വാ സുഭക്തിതഃ .. 166..

ബധ്നന്തി യേ മഹാരക്ഷാം ബാലാനാം ച വിശേഷതഃ .
രുദ്രം ദൃഷ്ട്വാ യഥാ ദേവം വിഷ്ണും ദൃഷ്ട്വാ ച ദാനവാഃ .. 167..

പന്നഗാ ഗരുഡം ദൃഷ്ട്വാ സിംഹം ദൃഷ്ട്വാ യഥാ ഗജാഃ .
മണ്ഡൂകാ ഭോഗിനം ദൃഷ്ട്വാ മാർജാരം മൂഷികാസ്തഥാ .. 168..

വിഘ്നഭൂതാഃ പലായന്തേ തസ്യ വക്ത്രവിലോകനാത് .
അഗ്നിചോരഭയം തസ്യ കദാചിന്നൈവ സംഭവേത് .. 169..

പാതകാന്വിവിധാൻസോഽപി മേരുമന്ദരസന്നിഭാൻ .
ഭസ്മിതാൻകുരുതേ ക്ഷിപ്രം തൃണം വഹ്നിഹുതം യഥാ .. 170..

നൃപാശ്ച വശ്യതാം യാന്തി നൃപപൂജ്യാശ്ച തേ നരാഃ .
മഹാർണവേ മഹാനദ്യാം പോതസ്ഥേ ച ന ഭീഃ കചിത് .. 171..

രണേ ദ്യൂതേ വിവാദേ ച വിജയം പ്രാപ്നുവന്തി തേ .
സർവത്ര പൂജിതോ ലോകൈർബഹുമാനപുരസ്സരൈഃ .. 172..

രതിരാഗവിവൃദ്ധാശ്ച വിഹ്വലാഃ കാമപീഡിതാഃ .
യൗവനാക്രാന്തദേഹാസ്താൻ ശ്രയന്തേ വാമലോചനാഃ .. 173..

സഹസ്രം ജപതേ യസ്തു ഖേചരീ ജായതേ നരഃ .
സഹസ്രദശകം ദേവി യഃ പഠേദ്ഭക്തിമാന്നരഃ .. 174..

സാ തസ്യ ജഗതാം ധാത്രീ പ്രത്യക്ഷാ ഭവതി ധ്രുവം .
ലക്ഷം പൂർണം യദാ ദേവി സ്തോത്രരാജം ജപേത്സുധീഃ .. 175..

ഭവപാശവിനിർമുക്തോ മമ തുല്യോ ന സംശയഃ .
സർവതീർഥേഷു യത്പുണ്യം സർവതീർഥേഷു യത്ഫലം .. 176..

സർവധർമേഷു യജ്ഞേഷു സർവദാനേഷു യത്ഫലം .
സർവവേദേഷു പ്രോക്തേഷു യത്ഫലം പരികീർതിതം .. 177..

തത്പുണ്യം കോടിഗുണിതം സകൃജ്ജപ്ത്വാ ലഭേന്നരഃ .
ദേഹാന്തേ പരമം സ്ഥാനം യത്സുരൈരപി ദുർലഭം .
സ യാസ്യതി ന സന്ദേഹസ്സ്തവരാജസ്യ കീർതനാത് .. 178..

.. ഇതി രുദ്രയാമലേ ശ്രീഅന്നപൂർണാസഹസ്രനാമസ്തോത്രം സമ്പൂർണം ..